ﺷﺎﻟﻮﻧﻲ ﻓﻲ ﺇﺳﻌﺎﻑ ﻫﻮﺍﻙ .
ﻭﺭﻗﺪﺕ ﻓﻲ ﺍﻧﻌﺎﺷﻚ ﺯﻣﻦ
ﻭﺍﺩﻭﻧﻲ ﻣﻨﻚ ﺍﻭﻛﺴﺠﻴﻦ ..
ﻭﻛﺘﻴﻦ ﺧﻼﺹ ﻋﻴﻨﻲ ﺻﺤﻦ
ﻋﺎﻳﻨﺖ ﻏﺎﺩﻱ ﻭﺟﺎﻱ ﻟﻘﻴﺖ .
ﻋﻴﻨﻴﻚ ﻗﺼﺎﺩ ﻋﻴﻨﻲ ﺑﻜﻦ
ﺑﻲ ﺑﺎﻗﻲ ﺭﻭﺣﻲ ﻭﺣﻴﻞ ﻫﻮﺍﻱ .
ﻣﺪﻳﺖ ﺍﻳﺪﻳﻨﻲ ﻋﻠﻴﻚ ﻭﺃﺑﻦ
ﺩﺍﻳﺮ ﺍﻗﺶ ﻟﻴﻚ ﺍﻟﺪﻣﻮﻉ
ﺍﻟﻤﻨﻬﻦ ﺧﺪﻳﻚ ﺭﻭﻥ ...
ﻣﺎﺗﺒﻜﻲ ﻳﺎ ﻧﻮﺭ ﺍﻟﻌﻴﻮﻥ
ﻳﺎ ﺍﻟﻜﻨﺘﻲ ﻓﻲ ﺩﻧﻴﺎﻱ ﻭﻃﻦ
ﺑﻴﻚ ﻋﺸﺖ ﺃﻓﺮﺍﺡ ﺍﻟﺴﻨﻴﻦ
ﺍﺻﺤﻰ ﻭﺍﻧﻮﻡ ﺑﻲ ﺇﻟﻔﺘﻚ ..
ﺑﻲ ﻃﻴﻒ ﻫﻮﺍﻙ ﻋﻴﻨﻲ ﻏﻔﻦ

سلام عليك يا بلدي الجريح
هامد على الفراش طريح
هزيل من الألم ما قادر تصيح
ما عارف وينه العدو من الصليح
وين هيبتك لما كنا عندك بنستريح
🍇 🍇 🍇 🍇
سحروك جيرانك في قبر دفنوك
حليلك انت حليل أمك وابوك
عايزاك تعيش تهزم الدمروك
في آخر العمر سلبوك
نهبوا ترابك وجوعوك
ادوك للبرهان وناس حمدوك
فكو الفرامل ما عرفوا يثبتوك
تبكي عليك القبائل في كل البلاد وينهم ديل البشبهوك
نصرك عند الله بكرة تلقي البيعزوك

عائشة عوض

فتحت التلفون لقيت ما في شبكة
زهجت خليتو بقيت مرتبكة
اصلو ده طبعها عاملة فبركة
متين تجي لا تأخير ولا حبكة
مساكم شبكة تخلي الناس منهمكة

عائشة عوض

سأظلُّ طولَ العُمرِ بابكَ أقْرعُ
يا خيْرَ مسْئولٍ يُجيبُ ويسْمَعُ
أنْتَ الذَّي يقْضي الحوائجَ كُلَّها
أنْت الذِّي يُعْطي العطاءَ ويمْنَعُ
فإذا وهبْتَ فذاكَ فضْلُكَ سابِقٌ
هذا الَّذي أرْنو إلَّيهِ وأطْمَعُ
وإذا منعْتَ فأنْتَ ربِّي خالِقي
حاشَا يدايَ لِغيرِ جُودِكَ تُرْفَعُ
مالي سوى ذُلِّي إلَّيْكَ وسيْلةٌ
والقلبُ يبْكي والمآقي تدْمعُ
أنْتَ المُرادُ وليْسَ غيْرُكَ بُغْيَتي
يا خيْرَ مسْئولٍ لهُ أتَضرَّعُ
فاحنُنْ عليَّ وجُدْ بِفضلِكَ سيْدي
يامنْ إلِّيْهِ المُلْتَجى والمرجِعُ

لميناهو شالو الرِيح
شااالو الرِيح
شن دايرني اقولك تاني
لو قول الحقيقه مسيخ
بستهبل عليك والله طيبين نحن
طيبين ياخ
مافي جريح

فى القلب سطرت حبك بى حروف من نور تضوى
وكست فوق أشواقى قربك والظروف كاتفانى قوى
كم كتير حاولت دربك الا عاد شن دار أسوى
لافى ايدى امسح دموعك لامرادى عليك اشابى
قبرى مالاقيتو تايب قبل اموت داير اغنى
شوقى والخوف والمصايب والامانى البعدو منى
مالفرح بعدك خرافة مابتعتب غاشى بابى
ياا شــرووق

وان رمت النقاب فايته العفاف والعفه
النجفه المتل سرب القطا الفي الضفه
راسيه اقداما كان مشت النسيم بزفـه
ان قدلت تعجبك في المــشي البروقه
وان بسمت بتشلع في الضــلمه بروقه
غـــير العفـه والادب آلـرزيـن الفـوقــه
امها نحله شان كدي جات مكمل زوقه

ونمشِي دروبنا لا بتقيف
ولا بتتحمل الرجعـة
وبسندك إحتمالين قوة
مافي نُصهن وقعـة
ولو صادف قليبـك هم
أنا البتحمل الوجعة💚🌸

احبك ..
في الصباح يا غالية لما النور عليك ينهال
احبك ..
والشمس يا بهجة بيك طربانة مابية زوال
احبك ..
في الأماسي الشايلة من خديك ورود وظلال
احبك ..
في المغارب الحاضنة لون شفتيك ليالي طوال
احبك ..
في الليالي الشاربة من شعرك سواد شلال
احبك ..
كل ما زول غني لو دوبيت ولو موال
احبك ..
كل ما صاح قمري أو طاؤوس في يوم إختال
احبك ..
في كل خفقة قلب تقول لي حبيبها ياخي تعال
احبك ..
كل ما زول صلي وكل ما يلعبو الاطفال
احبك ..
يا أناقة الدنيا ويا فرح الغمام الشال
احبك ..
وبرضو يا روحي حبي ليك تب ما إتقال

يا حروف جواك ينبض
تابي تطلع للقراية
يا رسم محبوس حداك
داير يمرق للمعايا
انت بسمل وابدا اكتب
تلقي كل الشوق رواية
ولما تحكي تهدا نفسك
وتمرق اسرار الحكاية

اراهو اتاك ونسم بي رحيقو عبقلك
ريدا كان مخيم في عضاك طرقلك
بعد مابدرو من لجة ضلانو فرقلك
محيو الضاوي اشلع من جديد وفرقلك

اراهو الكاس يدور بخمور عتقلك
صبب مالديه ومن بحورو نبعلك
بعد ما كت مكدب صي غشاك وربعلك
جابلو كساء جديد قام فرشو اتربعلك

ﻗﻠﺒﻲ ﻓﻲ ﺭﻳﺪﻙ ﻟﺴﺎﻭ ﻟﻢ ﻳﺰﻝ
ﻣﺎﺳﻚ ﺳﻴﺮﺗﻮ ﻋﻨﺪﻙ ﻭﻟﻴﻚ ﻃﻮﻉ ﺍﻣﺘﺜﻞ
ﻳﺎ ﺍﻟﻀﺎﺭﺏ ﻓﺆﺍﺩﻧﺎ ﺑﻲ ﺍﻟﺨﺪ ﺍﻻﺳﻞ
ﻟﻴﻚ ﻏﻨﻮﺍﺕ ﺣﻨﻴﻨﻪ ﻭﻟﻲ ﺳﻬﻢ ﺍﺭﺗﺴﻞ

ﻳﻮﻣﺎ ﺷﻔﺘﻮ ﻏﺎﻓﻞ ﺗﺎﻳﻬﺎﺕ ﺍﻟﺨﺼﻞ
ﻟﻢ ﻳﺪﺭﻙ ﻭﺟﻮﺩﻧﺎ ﻭﻟﻴﻮ ﺣﺖ ﻟﻢ ﻧﺴﻞ
ﺍﻟﻔﻲ ﺍﻟﺠﻨﻪ ﺭﺑﻌﻮ ﻭﻟﻲ ﺍﻟﺤﻮﺭ ﺍﻧﺘﺴﻞ
ﻋﻨﺪﻭ ﺍﻟﺪﻳﺲ ﻣﺴﺎﻳﺮ ﻭﺍﻟﻠﻬﺞ ﺍﻟﻌﺴﻞ

ﺍﺭﺟﻮﻙ ﻳﺎﺣﻤﺎﻳﻢ ﺑﻠﻎ ﻟﻮ ﺗﺼﻞ
ﻗﻮﻝ ﻭﺍﺭﻭﻳﻠﻮ ﺣﺎﻟﻲ ﻭﺍﺣﻜﻴﻠﻮ ﺍﻟﺤﺼﻞ
ﻗﻮﻝ ﻟﻴﻮ ﻋﺸﻮﻗﺎ ﻟﻲ ﺣﺎﻟﺘﺎ ﻭﺻﻞ
ﻓﺎﺭﻕ ﻟﻲ ﺩﻳﺎﺭﻭ ﻭﺑﻲ ﺭﻭﺣﻮ ﺍﻧﻌﺰﻝ

أنا عندي ليك كم مقترح
أنا وأنت نبقى دوا
وعلاج لي أي محبوب إنجرح
أو نبقى في رحم الحزن
تومين بوزعو في فرح
أو نبقي خير وسط الدروب
العايمه في الشر والترح

يلاك ...ورح 🚶‍♂️🚶‍♂️🚶‍♂️

انا لو فقدتك لحظه بس
بعلن حداد الريد وراك
واقفل دريبات العشق
شان ما اشوف زولا سواك
يا غيمه ما بتحمل بشر
في يوم يعكر ليك صفاك
وات قلبي اختارك رفيق
ومشاعري دابت في هواك
ياغيمه ما تنسي القلب
اختار اعيش الريد معاك
أختار ظلال حبك سكن
شال السعاده وبيها جاك
خليكي لي مصدر حنان
انا ماقصدت في يوم اذاك
سامحيني بي لهفة محب
انا حبي ليك حب امتلاك
عاوز اعيش في الدنيا ليك
وكمان احقق ليك مناك

وأنا ما بتخيل إيه ح أبقى
لما أعيش في الدنيا بدونك
ولو خليتك وين راح ألقى الكُت
بلقاهو يَشِع في عيونك
أبقي معاي مَودة ورحمة
يالفي قلبي هواك وسكونك
وكوني في عوني أنا بي تِحنانك
شان بي شوقي أكون في عونك

يا سِت الجمال يالملكة ليها مقام
كآسيكي العفاف متوشِحك هِندام
لي يحفظك المؤمن ولي وِداعتك ضَام
يسترني وينجيك يوم عَرقنا لِجام 💙

السودان حبه في القنوط وفي التمنّي
وفوق ما وسعت ضلوعي وفوق ظني
بلاد المجد أرض الأحرار أنت يا وطني
لك العشق أبدًا من كل سوداني ومني

ما قالوا ليـكَ طـريـح فـراش وشـفاهـو مِـنـُّو تكون قريب
والبينا خطــوات تتحسب عـارفَــك بقيتْ ليْ مـاك حسيب
مـع إني صُـنـتَ هَــواكْ زمـن .. ليـه ليـك أنـادي أنا ياحبيب
ليه ليـك أنـادي ولا مُجيب
"أسـرفـتَ في الأحـــــلام وكِــتْ ظـنـيـتَــكْ الـفـرح القريب "😔💔

لازِلت يافَجري النِشف ريقك معاي خايفك تخاف
ترحالنا والسفر الطويل والعتمة في آخر المطاف
تنزح غيومك عَني يوم تتركني لي مَحل الجفاف
صابر علي العَطش البِحت أوراقي قبال الأوان