أدسك من عيون الناس
و أخلي رموشي ليك حراس
وأقول لعيونك النعسانة دايبة نعاس
جمال الدنيا لا في اللؤلؤ لا في الالماس
جمال الدنيا في الحنية و اﻹحساس
و في الناس البحبو الناس

ما بفخرلى بى نسبا قديم وقبيله
ونبدا حسابنا يا وطن الكرام الليله
انا هادى البلاد قم ود ترابها ونيلا
اعز من العزاز وطنى وهويتى اصيله
انا ما عندى فى نجد وتهامه عقاب
ولا تباصرولى فى اليمن البعيد انساب
قول للداير اعدنى من قريش كضاااب
انا حد جنسى سودانى وقفلت الباب

مشاركة

عارف الشوق البينا تحدي
نسمة تجيب اشواقك لينا
ونسمة تشيل اشواقنا تودي
روحنا مشحتفة مابية تهدي
رغم بعاد الميل بيناتنا
بس قول لي لي ايدك مدي
عارف الشوق البينا تحدي
طيف ذكراك في بالي بعدي
يسعد روحي وقلبي يندي
بعدك عني والله ما بجدي
هل يرضيك ناري وسهدي
عارف الشوق البينا تحدي

زيزا💚💚

مشاركة

 اسمك يا وسيم  رنان 
جميل احساسي لما اقولو بي تحنان
سماع صوتك بيشفي  الطاشي والعيان
معاك الهموم منسية معاك ما بعرف الاحزان
لقيتك في زمن ظالم زمن خوان
زمن فرقنا ياااااا حبان اااااه فرقنا يا حبان
كفاية  علي أكون جواك  أكون متوسط الشريان
عليك الريدة  ماتنسي  وما تنساني يا فنان
حروف منك بترويني بتروي قليبي دا  العطشان 

زيزا💚💚

مشاركة من القناص

كلِّم.. كلّ العالَم.. كلِّم
الشعب السوداني معلِّم

دا ال في ايدو
بشايِر عيدو
شايف مسرى النور قِدّامو
وتحت اقدامو..
كلِّ طغاة الدنيا تسلّم
كلَّم كل العالم كلّم

شعباََ فاتِح للموت سَدرو
سيلاََ مافي مصبّاً قِدرو
يومو ال هبّ و كمّل صبرو
'' شهيدنا اتبسّم في قبرو ''

شعباََ في النايبات يتبوبر
اسأل منّو ابريل واكتوبر

وأسأل منّو عيال ديسمبر
ودم الشهدا الفي سبتمبر

شعباََ عاش ما خاتيا مُروّة
أدِّي المِحنة، بتدِّي القوة
كلما ترمي مهالكو فِ هوّة
يمرق منّها زي ما هُوّ

يوم تاقت للافراح ذاتو
عاد أبريل الاخضر زاتو
عِشق الثورة أصِل لذّاتو
وتوب العِزة، نسيج عَازّاتو

مشاركة من عطر الجنة

ابوي سمح الصفات وصافي النيه♥️
ابوي الفي الرجال المابسوي النيه♥️
ابوي البديني فوق لي الميه بالكميه♥️
ابوي سندي وابوي توبي♥️

مشاركة من سيجو الشاعر

كنا تلاتة قاعدين في جمبة
كنا بنتدرس علوم حاسوب
مختار والفاتح لسه بيقرو
وانا فاض بيا وقلت الروب
شارب قهوة وشاي وشيريا
وبرضو لسه الراس مشطوب
ما اتكيفت ولسة مصدع
بعدما بلعت الستة حبوب
فجأة احس بالراحة الضايعه
بعدما لمحتها لابسة التوب
فيها جمال بالجد حيرني
وفيها براءة سارقة قلوب
بقيت اتأمل في نظراتة
واتخيلت معاها دروب
جد يا ناس والله جميله
داك العفاف في جبينها مكتوب
كلمت الشله هوي يا انتو
انا امشي عليها واحكي معاها
بس ايه الحاقولو وايه المطلوب
مختار قال ليا امشي وحنك
اصلو الريد مافيهو مغصوب
و لو اتشوكشت عليك الجبنة
ولو قبلانة دة بلاغ مشطوب
معقولة يا فردة انا اتشوكش
انت ما عارف اخوك موهوب؟
وانا بتكلم وشغال اتفشخر
ومن جواي بالخوف منكوب
رد الفاتح اكسب زمنك
ورينا شطارتك يلا بسرعه يا حبوب
اتحركت وماشي عليها
ومافي طريقة اسوي هروب
لما وصلتة مديت ايدي
مدت ايدا بنفس الاسلوب
انا اتحمست وبقيت اتظارف
عايز بس تقول المطلوب
فجأة قالت اول كلمة
اصحى يا عارض بصوت محجوب
استغربت وبنفس النبرة
قالت تاني الفتو الفتو يا مجذوب
فجأة احس بي لبعة ف ضهري
تقول ضاربني عمود مصبوب
انا كنت نايم جوة القاعه
وفي امتحان دكتور يعقوب
كل الشلة مفتكرة انو
سيجو شايل بخور مضروب
وطلعت بخور وزعتو عليهم
وكل تلاتة عملو قروب
دكتوري قبضني وقبض الشله
وكل الدفعه دقو رسوب

مشاركة من والي الدين

حصل جربتا تهجس مافي ايي حراك
حصل لي زول رحل كان نفسك الكوراك
حصل قنبتا تضحك وانت كنتا براك
دي حالات .. المحبين .. الله لا وراك

سِبتـيني لي حُـزني العَميق
للحـسرة لي قلبي الجَـريح
يـاريتني لو أقـدر أفيـق
لو مُـت يمكن أسـتريح
يـادنـيا طال بي الطريق
وأنـا بين مسـٱفاتك كسيح
كيفن وِصولي بـلا رفيق
والخطوة كيف بعدك تَطيع

مشاركة من أبو زهره ودالصافي

ويبقى الحب في قلبي
لا شيء عنه بديل
ولا تسألوني من احب
فأنا أحب كل جميل
فالحب في اعماقي
لا غنى عنه ولا سبيل
ومهما كانت الأقدار
سيبقى الحب بقلبي اصيل
ومهما تغير الزمان والمكان
فعمر الحب طويل
لن يموت الحب يوماََ
حتى وإن طال الرحيل
فقد خلق الله الحب
لتحيا الحياة ويصير الكون جميل

من يوم حبي فارقني
الشاعر محمد بشير عتيق


من يوم حبي فارقني
منامي و طرفي ما إتلاقوا
ملاك في ظلاله متهني
رشيق ذو قامة متثني
إذا استقبلنا محياهو
سحر أنظارنا بي ضياهو
و جذب أفكارنا بي حياهو
أنا ال بحبه شاغلني
كيف لا أعشقه و أغني
و أذوب من لطفه و أخلاقوا
أروم بي لقاهو يفرحني
أخاف من لحظه يجرحني
أفكر مرة أستنى
و أرجع برضي أتمنى
و أقول أصبر و أتأنى
حبيبي عساهو يسمع لي
و بنظرة عطفه يلمحني
و يكون بي حالتي اشفاقوا
مرضني و ما سال عني
أحبه و برضو يجهلني
فنيت أفكاري في فني
و شبت مع صغر سني
و مهما يكون صرف عني
أحبه ,, أحبه و قلبي يشتاقوا
و من يوم ما بقى فراقوا
منامي و طرفي ما إتلاقو

عندك ضحكة يا ساتر
الشاعر : د. شادول

عِنْدَك ضحكة يا ساتر
مَحَتْ وَجَعْ السنين الفات
كَسَتْ توب الفرح غُنيات
بصابح بيها يوم باكر
عِشِمْتَ وما أظِنَّكْ يوم
بِتَكْسِري للعشم خاطر
أضوق طعم الحياة وألقاك
سَمَاك سايْق الفرح ماطر
زمن مسْتَنِّي طلاتك
تعالي في الحلوة لَيْ شاطِري
رنين الضحكة والكلمات
بشايِرْ جايلة في الخاطر
أباري صدى الرنين بِشْوِيش
عساهُ يَوَدِّي لي آخر
و ينقطع الأتر مِنِّي
و شريط الذكرى بيك ذاخر
أفَتِّشْ و الأمَلْ قنديل
غَمِيْد العين مُنَى الساهِر
عوايْدَكْ و ديمة ليك تَبْرِير
و في نَسْج العُذُر ماهِر

ﻣﺼﺎﺑﻴﺢ ﺍﻟﺴﻤﺎﺀ ﺍﻟﺘﺎﻣﻦ ﻃﺸﻴﺶ ..
ﻳﺎ ﺟﺎﻱ ﻣﺎﺭﻕ ﻣﻦ ﺩﺧﻮﻝ ﺍﻟﻐﻴﺚ
ﺷﺮﺍﻳﻴﻦ ﺍﻟﺘﺮﺍﺏ ﺍﻟﺴﺎﻳﻘﺔ ﺃﻭﺭﺩﺓ ﺍﻟﻮﻃﻦ
ﻗﺸﺮﺍ ﺍﻟﻴﺒﺎﺏ ... ﻧﺸﺮﺍ ﺍﻟﻌﻄﺶ
ﻛﻞ ﻣﺎ ﺳﺮﺕ ﻗﻄﺮﺍﺕ ﺩﺭﺏ ﺍﻟﺮﺣﻤﺔ ...
ﻓﻲ ﺟﻮﻓﻮ ﺃﺭﺗﻌﺶ ﺣﺎﻝ ﺍﻟﺸﺠﺮ
ﺑﺎﻝ ﺍﻟﻌﺼﺎﻓﻴﺮ ﺍﻟﺨﻴﺎﻟﻬﺎ ﻣﻊ ﺍﻟﺪﻏﺶ
ﻣﺸﺪﻭﻩ ﻣﺘﻞ ﺧﺎﻃﺮ ﻃﻔﻞ
ﻣﻦ ﺿﻞ ﺑﺮﺵ ﺭﺍﻛﻮﺑﺔ ﻓﻮﻕ ﺣﺎﻓﺔ ﺣﺠﺮ
ﻭﺍﻗﻊ ﺳﺠﺮ ... ﻭﺍﻗﻒ ﺑﻌﺪ ﻧﻘﻂ ﺍﻟﻤﻄﺮ
ﻭﻳﺴﺘﻨﺸﻖ ﺇﺣﺴﺎﺱ ﺍﻟﺴﺤﺎﺏ
ﺑﻴﻦ ﻟﻬﻔﺔ ﺍﻟﻄﻴﻦ ﻭﺍﻟﺸﻤﺲ
ﻟﻤﺖ ﻭﺭﺍﺀ ﺿﻬﺮ ﺍﻟﺠﺒﺎﻝ
ﻓﻲ ﻋﺒﻬﺎ ﺍﻟﻤﻬﺘﻮﻙ ﺷﻔﻖ
ﺁﺧﺮ ﺭﻣﺶ ﻓﻲ ﺍﻟﺪﻧﻴﺎ ﻣﻦ ﺟﻔﻦ ﺍﻟﻨﻬﺎﺭ
ﻭﺍﻟﻠﻴﻞ ﻣﻠﻘﻴﻼ ﺍﻟﻄﺮﻑ
ﺳﻌﻒ ﺍﻟﻨﺨﻴﻞ ﻣﺎﻝ ﻣﻨﺘﻌﺶ
ﺑﺎﻝ ﺍﻟﻄﻔﻞ ﻳﺮﻗﺪ ﻋﻠﻰ ﺿﻬﺮ ﺍﻟﺮﻋﺪ
ﻳﺠﻤﻊ ﻣﺼﺎﺑﻴﺢ ﺍﻟﺴﻤﺎﺀ ﺍﻟﺘﺎﻣﻨﺔ ﻭﻳﻄﺶ
ﻟﻮ ﻳﻠﻘﻰ ﺭﺍﺱ ﺭﺳﻦ ﺍﻟﺰﻣﻦ
ﺩﻳﻚ ﻟﺤﻈﺔ ﻣﺎ ﻛﺎﻧﺖ ﺗﻤﺶ
ﺷﺎﻥ ﻳﻨﺪﻫﺶ
ﻳﺘﻤﻄﻖ ﺍﻟﺤﻠﻢ ﺍﻟﺒﻌﺪ ﻗﺮﺏ ﻳﻮﺍﻓﻴﻨﺎ ﺍﺑﺘﻌﺪ
ﻟﻮ ﻣﺪﺕ ﺇﻳﺪ ﻛﺎﻥ ﺃﻧﺠﺒﺪ
ﻳﺎ ﺍﻟﺪﻧﻴﺎ ﺑﻲ ﺭﻳﺤﺔ ﺍﻟﺪﻋﺎﺵ ﻟﻮ ﺗﻨﻌﺮﺵ
ﺃﻭ ﺗﻨﻔﺮﺵ ﺗﺤﺖ ﺍﻟﻔﺮﺍﺷﺎﺕ ﺑﺎﻟﺒﺮﺩ
ﻓﻮﻗﻬﺎ ﺍﻟﻮﻋﺪ ﺻﺎﺩﻕ ﻳﻤﺶ
ﻳﺎ ﻏﺎﺩﻱ ﻣﻨﻚ ﻓﻮﺕ ﻛﻼﻡ ﺍﻟﺸﻮﻕ
ﻣﻦ ﺍﻟﻘﻠﺐ ﺍﻟﺨﺸﻢ ﺑﺎﺑﻮ ﺍﻟﺒﻠﺪ
ﺷﻘﻴﺶ ﻣﺴﺘﻒ ﻭﺣﺪﺗﻚ
ﺳﺎﻳﺐ ﺑﻨﺎﺕ ﺍﻟﺤﻠﺔ ﻳﺎ ﻛﻤﻴﻦ ﻭﻟﺪ
ﺗﺴﺘﺮﺳﻞ ﺍﻷﻳﺎﻡ ﺑﺤﺮ
ﻗﺒﺎﻝ ﻳﻘﺎﻟﺪ ﺍﻟﻘﻴﻒ ﺷﺮﺩ
ﻣﺎﻟﻚ ﺭﺣﻴﻠﻚ ﺩﻭﻥ ﻭﺩﺍﻉ ﺯﻱ ﺍﻟﺤﺮﺩ ؟
ﺭﻭﺍﺳﻲ ﺭﺍﺡ ﻭﺍﻟﺠﻮ ﺻﻼﺡ
ﻛﺎﺭﺏ ﺷﺮﺍﻉ
ﻻ ﺃﻧﻔﺮ ﻟﻠﺮﻳﺢ ﻻ ﺃﻧﻔﺮﺩ
ﻟﻠﻴﻠﺔ ﺷﺎﻥ ﻧﺎﺭ ﺍﻟﺼﺮﺍﻉ
ﻟﻬﻠﻴﺒﺎ ﺑﻌﺪﻙ ﻣﺎ ﺑﺮﺩ
ﺑﺪﻟﺖ ﻛﻴﻒ ﺳﻌﺔ ﺍﻟﻮﺟﻮﺩ
ﺑﻲ ﺿﻴﻖ ﻟﺤﺪ ؟
ﺑﺎﻏﺘﻨﺎ ﺭﻳﺢ ﺍﻟﻔﺠﻌﺔ ﻟﻴﻞ
ﻓﺮﻧﺐ ﻓﻲ ﺟﻮﻓﻨﺎ
ﻣﺮﺍﺑﻨﺎ ﺍﻟﺼﺒﺮ ﺷﺎﻝ ﺳﻌﻦ ﺍﻟﺠﻠﺪ
ﺻﺎﺑﻨﺎ ﺍﻟﺬﻫﻮﻝ
ﺯﻱ ﺍﻟﺘﻜﻨﻮ ﻗﺒﻞ ﺩﺍ ﻣﺎ ﻓﺎﺭﻗﻨﺎ ﺯﻭﻝ
ﻗﺒﻞ ﺍﻟﺮﺳﻮﻝ
ﻭﻟﺔ ﺍﻟﺘﻘﻮﻝ
ﺃﻭﻝ ﻗﻠﻮﺏ ﻓﻲ ﺍﻟﺪﻧﻴﺎ ﻳﻐﺸﺎﻫﺎ ﺍﻟﻘﺪﺭ
ﺑﻌﺪﻥ ﺗﻀﻴﻊ ﻣﻨﻮ ﺍﻟﺪﺭﻭﺏ
ﺗﻄﻤﺒﺞ ﺍﻟﺴﺎﺣﺎﺕ ﺣﺮﻳﻖ
ﻳﻀﻮﻱ ﺍﻟﻔﺮﻳﻖ ﺍﻟﻤﺸﺘﻌﻞ
ﻛﻞ ﺍﻟﻔﺮﻳﻖ ﺷﻮﻗﺮ ﻭﺭﺍﻙ
ﻳﺎ ﺟﺮﺣﻨﺎ ﺍﻟﻤﺎﺑﻨﺪﻣﻞ
ﻻ ﺑﺎﻥ ﻭﺭﺍﻙ ﺷﻬﺪ ﺍﻟﻐﻨﺎ
ﻭﻟﺤﻦ ﺍﻟﺤﻨﺎﺟﺮ ﻣﺎ ﻫﻤﻞ
ﺻﺎﻗﺮ ﺧﻼﻳﺎ ﺃﺑﻮ ﺍﻟﺪﺑﺮ
ﻳﺪﺑﻦ ﺣﻨﺎﻳﺎ ﻧﻤﻞ ... ﻧﻤﻞ
ﻭﻳﻦ ﻣﺎﺷﻲ ﻳﺎ ﻧﺒﺾ ﺍﻟﺮﺣﻴﻖ
ﺳﺎﻳﺐ ﺍﻟﻤﺸﺎﻋﺮ ﺭﻳﻖ ﺩﻗﻴﻖ
ﺗﺤﺖ ﺍﻟﻤﻐﻨﻴﻦ ﺍﻟﺘﻔﻞ
ﻏﻨﻴﺎﺗﻦ ﺍﻟﻮﺭﻃﺎﻧﺔ ﺃﻭ ﻟﻮﻃﺎﻧﺔ
ﻓﻲ ﺍﻟﺮﻳﻖ ﺍﻟﻤﻘﻖ
ﺣﺘﺤﺖ ﻭﺭﻕ ﻓﻲ ﻃﻴﻦ ﺯﺑﻞ
ﺃﻭﺻﺎﻑ ﻋﻠﻰ ﺟﺴﺪ ﺍﻟﺤﺒﻴﺒﺔ ﺑﻬﻖ ... ﺑﻬﻖ
ﺗﺤﺖ ﺍﺣﺘﻤﺎﻟﻬﺎ ﻣﺮﺿﺮﺿﺔ
ﺯﻱ ﻟﻌﺒﺔ ﻣﺎ ﺍﺳﺘﻬﻮﺕ ﻃﻔﻞ
ﻳﺎ ﻧﻬﻨﻬﺎﺕ ﻣﺘﻜﺒﺮﺗﺔ ﻭﺩﻧﺎﻧﺎ ﻳﺘﺮﻧﺢ ﺩﻏﻞ
ﺃﻭﻃﺎﻥ ﺑﺘﺘﺸﺎﻳﺢ ﻋﺮﻕ ﻭﺇﻧﺴﺎﻧﺎ ﻣﺠﺒﻮﺭ ﻳﺸﺘﻐﻞ
ﻣﺎ ﺿﺮ ﻣﻦ ﺑﻌﺪ ﺍﻟﻐﺮﻕ
ﺟﻮﻑ ﺍﻟﻀﺤﻴﺔ ﺇﺫﺍ ﺃﻧﺸﺮﻕ
ﻳﺎ ﺳﻴﻔﻲ ﻫﻮﺑﻲ ﻋﻠﻰ ﺍﻟﻜﺘﻞ
ﻭﻳﻦ ﻣﺎﺷﻲ ﻳﺎ ﻗﻤﺮ ﺍﻟﻬﻨﺎﺀ
ﺍﻟﻜﺮﻣﻨﺎ ﻋﻦ ﺳﺎﻋﺔ ﻣﺮﻕ
ﺳﺎﻳﺐ ﻟﻴﺎﻟﻴﻚ ﻟﻲ ﻧﺠﻮﻡ
ﻭﺍﻗﻔﺎﺕ ﻭﺟﻮﻡ .. ﻋﻠﻰ ﻓﺪ ﺭﺟﻞ
ﻓﺮﻉ ﺍﻟﻐﻨﺎ ﺍﻟﻤﻴﻞ ﻫﻨﺎ
ﻋﻠﻰ ﻣﻴﻦ ﻭﺭﺍﻙ ﺣﺎ ﻳﺘﻜﻞ
ﻭﺍﻟﺸﻴﻞ ﺗﻘﻞ
ﺷﻌﺒﺎ ﻳﺸﻴﻠﻮﺍ ﺍﻟﺸﻴﻠﺔ ﻓﻲ ..
ﻟﻜﻦ ﻇﺮﻭﻓﻦ ﻫﻞ ﺗﻔﻲ ؟
ﺗﺤﺘﺎﺝ ﺟﻤﺎﻋﺔ ﻣﻦ ﺍﻟﺮﺟﺎﻝ
ﺍﻟﻜﻨﺖ ﻓﻴﻬﺎ ﺑﺮﺍﻙ ﺗﻘﻞ
ﺩﺍﺭﺕ ﻓﻠﻴﺘﺔ ﻣﻦ ﺍﻟﺤﺒﺎﻝ
ﺍﻟﻜﺎﻥ ﺑﻘﻴﻼ ﻓﺮﺩ ﺣﺒﻞ
ﺍﻟﺨﻮﻑ ﻗﻠﻮﺑﻨﺎ ﺍﻟﺘﺸﺘﻬﻴﻚ
ﺗﻨﺸﻖ ﻣﻦ ﺫﺍﺗﺎ ﻭﺗﻨﻘﻔﻞ
ﻣﻦ ﺑﻌﺪ ﻣﺎ ﺃﺗﻮﺣﺪﻧﺎ ﻓﻴﻚ..

ﺷﺎﻟﻮﻧﻲ ﻓﻲ ﺇﺳﻌﺎﻑ ﻫﻮﺍﻙ .
ﻭﺭﻗﺪﺕ ﻓﻲ ﺍﻧﻌﺎﺷﻚ ﺯﻣﻦ
ﻭﺍﺩﻭﻧﻲ ﻣﻨﻚ ﺍﻭﻛﺴﺠﻴﻦ ..
ﻭﻛﺘﻴﻦ ﺧﻼﺹ ﻋﻴﻨﻲ ﺻﺤﻦ
ﻋﺎﻳﻨﺖ ﻏﺎﺩﻱ ﻭﺟﺎﻱ ﻟﻘﻴﺖ .
ﻋﻴﻨﻴﻚ ﻗﺼﺎﺩ ﻋﻴﻨﻲ ﺑﻜﻦ
ﺑﻲ ﺑﺎﻗﻲ ﺭﻭﺣﻲ ﻭﺣﻴﻞ ﻫﻮﺍﻱ .
ﻣﺪﻳﺖ ﺍﻳﺪﻳﻨﻲ ﻋﻠﻴﻚ ﻭﺃﺑﻦ
ﺩﺍﻳﺮ ﺍﻗﺶ ﻟﻴﻚ ﺍﻟﺪﻣﻮﻉ
ﺍﻟﻤﻨﻬﻦ ﺧﺪﻳﻚ ﺭﻭﻥ ...
ﻣﺎﺗﺒﻜﻲ ﻳﺎ ﻧﻮﺭ ﺍﻟﻌﻴﻮﻥ
ﻳﺎ ﺍﻟﻜﻨﺘﻲ ﻓﻲ ﺩﻧﻴﺎﻱ ﻭﻃﻦ
ﺑﻴﻚ ﻋﺸﺖ ﺃﻓﺮﺍﺡ ﺍﻟﺴﻨﻴﻦ
ﺍﺻﺤﻰ ﻭﺍﻧﻮﻡ ﺑﻲ ﺇﻟﻔﺘﻚ ..
ﺑﻲ ﻃﻴﻒ ﻫﻮﺍﻙ ﻋﻴﻨﻲ ﻏﻔﻦ

سلام عليك يا بلدي الجريح
هامد على الفراش طريح
هزيل من الألم ما قادر تصيح
ما عارف وينه العدو من الصليح
وين هيبتك لما كنا عندك بنستريح
🍇 🍇 🍇 🍇
سحروك جيرانك في قبر دفنوك
حليلك انت حليل أمك وابوك
عايزاك تعيش تهزم الدمروك
في آخر العمر سلبوك
نهبوا ترابك وجوعوك
ادوك للبرهان وناس حمدوك
فكو الفرامل ما عرفوا يثبتوك
تبكي عليك القبائل في كل البلاد وينهم ديل البشبهوك
نصرك عند الله بكرة تلقي البيعزوك

عائشة عوض

فتحت التلفون لقيت ما في شبكة
زهجت خليتو بقيت مرتبكة
اصلو ده طبعها عاملة فبركة
متين تجي لا تأخير ولا حبكة
مساكم شبكة تخلي الناس منهمكة

عائشة عوض

سأظلُّ طولَ العُمرِ بابكَ أقْرعُ
يا خيْرَ مسْئولٍ يُجيبُ ويسْمَعُ
أنْتَ الذَّي يقْضي الحوائجَ كُلَّها
أنْت الذِّي يُعْطي العطاءَ ويمْنَعُ
فإذا وهبْتَ فذاكَ فضْلُكَ سابِقٌ
هذا الَّذي أرْنو إلَّيهِ وأطْمَعُ
وإذا منعْتَ فأنْتَ ربِّي خالِقي
حاشَا يدايَ لِغيرِ جُودِكَ تُرْفَعُ
مالي سوى ذُلِّي إلَّيْكَ وسيْلةٌ
والقلبُ يبْكي والمآقي تدْمعُ
أنْتَ المُرادُ وليْسَ غيْرُكَ بُغْيَتي
يا خيْرَ مسْئولٍ لهُ أتَضرَّعُ
فاحنُنْ عليَّ وجُدْ بِفضلِكَ سيْدي
يامنْ إلِّيْهِ المُلْتَجى والمرجِعُ

لميناهو شالو الرِيح
شااالو الرِيح
شن دايرني اقولك تاني
لو قول الحقيقه مسيخ
بستهبل عليك والله طيبين نحن
طيبين ياخ
مافي جريح

فى القلب سطرت حبك بى حروف من نور تضوى
وكست فوق أشواقى قربك والظروف كاتفانى قوى
كم كتير حاولت دربك الا عاد شن دار أسوى
لافى ايدى امسح دموعك لامرادى عليك اشابى
قبرى مالاقيتو تايب قبل اموت داير اغنى
شوقى والخوف والمصايب والامانى البعدو منى
مالفرح بعدك خرافة مابتعتب غاشى بابى
ياا شــرووق