​​ﺭﺍﻗﺪ ﺟﻌﺎﻥ ﻣﻦ ﻏﻴﺮ ﻓﺮﺵ
ﺭﺍﻗﺪ ﺟﻌﺎﻥ ﻣﻦ ﻏﻴﺮ ﻣﻼﻳﻪ ﻭﻻ ﺑﺮﺵ
ﺍﻟﺴﻮﻕ ﻛﺒﻴﺮ ﻭ ﺍﻟﻨﺎﺱ
ﺗﻠﻘﻂ ﻓﻲ ﺍﻟﻘﺮﺵ
ﺣﻼﻝ ﺣﺮﺍﻡ ﻣﺎ ﻣﻬﻢ
ﺃﺧﻼﻗﺎ ﻣﺎﺗﺖ ﻓﻲ ﺍﻟﻜﺮﺵ
ﻏﺶ ﻓﻲ ﻏﺶ
ﻭ ﻧﺎﺱ ﺑﺘﺸﻘﺎ
ﻋﺸﺎﻥ ﺗﻤﺶ
ﻳﻐﻠﻮ ﻓﻲ ﺯﺍﺩ ﺍﻟﺒﺸﺮ
ﺣﺘﻰ ﺍﻟﺨﻀﺎﺭ ﻣﺎ ﺑﻨﻬﺒﺶ
ﺭﺍﻗﺪ ﺟﻌﺎﻥ ﻓﻲ ﻛﻮﺷﻪ
ﺍﺭﺣﻢ ﻣﻦ ﻋﺮﺵ
ﻋﺮﺵ ﺍﻟﺤﺮﺍﻡ ﺍﻟﻜﻠﻮ ﻏﺶ
ﻋﺮﺵ ﺣﺮﺍﻡ ﻣﻦ ﻧﺎﺱ ﻏﺒﺶ
ﺍﻟﺼﺤﺔ ﻭﻳﻦ ﻭﻻ ﺍﻟﺼﺤﺔ
ﻣﺎ ﻫﻤﺎ ﺍﻟﻜﻮﺵ
ﻛﻞ ﻣﺠﺘﻤﻊ ﻓﻴﻬﻮ ﺍﻟﻔﺴﺎﺩ
ﻳﺼﺒﺢ ﺧﺠﻮﻝ ﻣﺎ ﻟﻴﻬﻮ ﻭﺵ
ﺟﺎﺕ ﺍﻟﻜﺪﺍﻳﺲ ﺗﻨﻬﺸﻮ
ﺟﺮﻫﻮ ﺫﻱ ﺟﺮ ﺍﻟﻜﺒﺶ
ﻭ ﺍﻟﻨﺎﺱ ﺗﻘﻮﻝ ﻭﺩ ﺍﻟﻨﺠﺲ
ﻭ ﺗﺘﻒ ﻋﻠﻴﻬﻮ ﺑﺎﻟﻠﻪ ﻛﺶ
ﺍﺩﺳﺎ ﻓﻲ ﻣﺠﺮﻯ ﺍﻟﺰﻟﻂ
ﺣﻠﻤﻚ ﻏﺮﻳﻖ ﻣﺎ ﻻﻗﻲ ﻗﺶ
ﻗﺎﻟﻮ ﺟﺎﻱ ﻣﻦ ﻏﻴﺮ ﻋﺮﺱ
ﻻ ﻟﻴﻬﻮ ﺍﺏ ﻻ ﻟﻴﻬﻮ ﺣﺲ
ﻻ ﻟﻴﻬﻮ ﻧﻌﺠﺔ ﻭ ﻻ ﻓﺮﺱ
ﻻ ﻟﻴﻬﻮ ﻋﻮﺩ ﻳﺴﻨﺪ ﻋﻠﻴﻮ
ﻭﻗﺖ ﻧﻮﺯﻉ ﻓﻲ ﺍﻟﻔﺮﺹ
ﺣﻘﻮﻗﻮ ﻭﻳﻦ ﻭﺩ ﺍﻟﻨﺠﺲ
ﻣﺼﻴﺮﻭ ﻳﻘﺒﻊ ﻓﻲ ﺍﻟﺤﺒﺲ
ﺇﻧﺴﺎﻧﻴﺔ ﺻﺒﺤﺖ ﻣﺎ ﺑﺘﺤﺲ
ﻓﻴﻬﺎ ﺍﻟﺤﺮﻭﺏ ﺗﻜﻨﺲ ﻛﻨﺲ
ﻓﻴﻬﺎ ﺍﻏﺘﺼﺎﺏ ﻓﻴﻬﺎ ﺍﻟﺮﺟﺲ
ﻓﻴﻬﺎ ﺍﻟﺒﺨﻮﻥ ﺑﻲ ﻛﻞ ﻧﻔﺲ
ﻓﻴﻬﺎ ﺍﻷﻣﺎﻧﺔ ﺑﻼ ﺣﺮﺱ
ﺍﻹﻧﺴﺎﻧﻴﺔ ﻣﺎﺗﺖ ﻣﻦ ﺃﻣﺲ
ﻭﻗﺖ ﺍﻟﻬﻮﻳﺔ ﺑﻘﺖ ﺟﻨﺲ
ﺃﻧﺖ ﺍﻟﻨﺠﺲ ﻭ ﺍﻧﺎ ﺍﻟﻨﺠﺲ
ﻭ ﺍﻟﻤﺠﺘﻤﻊ ﻋﺎﻭﺯ ﺩﺭﺱ
ﺿﻞ ﺍﻟﻐﻼﺑﺔ ﺑﻘﻮﻟﻮ ﻋﻴﺶ
ﻓﻘﺪﻭﺍ ﺍﻟﻜﺮﺍﻣﺔ ﻋﺸﺎﻥ ﺗﻌﻴﺶ
ﻭﻳﻨﻮ ﺍﻟﺬﻛﺎﺓ ﺃﺩﻭﻫﻮ ﻛﻴﺲ
ﻭﻳﻨﻮ ﺍﻷﻣﻢ ﻭﻳﻨﻮ ﺍﻟﺮﻳﺲ

#الشيخ_محمد_العريفي


💮 فـضـل صـــلاة الـجـمـعـة 💮

ﺷﻤﻴﺖ ﻓﻴﻚ ﺭﻳﺤﺔ ﻫﻮﺍﻱ
ﻭﻟﻘﻴﺖ ﻣﺬﺍﻗﻚ ﻣﺨﺘﻠﻒ
ﻧﻜﻬﺔ ﻟﻘﺎﻙ ﻛﺎﻧﺖ ﺭﺣﻴﻖ
ﻣﺎﻋﻨﺪﻭ ﻓﻲ ﺍﻻﺣﺴﺎﺱ ﻭﺻﻒ
ﻳﺎﺑﺖ ﻋﻠﻲ ﺍﻭﺗﺎﺭ ﺍﻟﺤﻨﻴﻦ
ﻧﻐﻤﻚ ﻋﻠﻲ ﺍﻟﺮﻭﺡ ﻳﺘﻌﺰﻑ
ﺩﺍﻳﺮ ﺍﺣﻜﻲ ﻟﻴﻚ ﻋﻦ ﺣﺎﻟﻲ
ﻛﻴﻒ ﻭﺍﻓﻀﺢ ﻣﺸﺎﻋﺮﻱ ﻭﺍﻋﺘﺮﻑ
ﺍﻧﺎ ﻛﻨﺖ ﺟﻨﺒﻚ ﻭﻣﺎ ﻣﻌﺎﻙ
ﺣﺎﺿﻦ ﻋﻴﻮﻧﻚ ﻭﻣﺘﻠﻬﻒ
ﻓﻲ ﻧﺒﺾ ﺫﺍﺗﻚ ﺍﺧﺘﻔﻴﺖ
ﻭﺍﻧﺎ ﻛﻠﻲ ﻣﻦ ﺑﻌﻀﻲ ﺍﺭﺗﺠﻒ
ﺭﻭﻳﺎﻥ ﻭﻋﻄﺸﺎﻥ ﻣﻦ ﺷﺬﺍﻙ
ﻭﺭﻳﻖ ﺍﻟﻜﻼﻡ ﺟﻨﺒﻚ ﻧﺸﻒ
ﻣﺎﻟﻘﻴﺖ ﻏﻴﺮ ﺻﻤﺖ ﺍﻟﻌﻴﻮﻥ
ﻭﺩﻣﻌﺎﺕ ﻣﺰﻳﻨﺔ ﺑﺎﻟﻮﻟﻒ
ﺟﻴﺖ ﺩﺍﻳﺮ ﺍﻗﻮﻝ ﺑﻬﻮﺍﻛﻲ ﻣﻮﺕ
ﻣﺎﻗﺪﺭﺕ ﺍﻧﻄﻖ ﻓﻴﻚ ﺣﺮﻑ
ﺣﺴﻴﺖ ﺑﻲ ﻗﻠﺒﻲ ﺍﻟﺮﻫﻴﻒ
ﻓﻲ ﺻﺪﺭﻱ ﻣﻦ ﺷﻮﻗﻚ ﻭﻗﻒ
ﻭﻣﻄﻌﻮﻧﺔ ﺭﻭﺣﻲ ﺗﺌﻦ ﺗﺼﻴﺢ
ﻭﺩﻡ ﺍﻟﻮﺭﻳﺪ ﻧﺎﺯﻑ ﻧﺰﻑ
ﻟﻤﺴﺔ ﺍﻳﺪﻳﻚ ﻛﺎﻧﺖ ﺷﻔﺎﻱ
ﻭﺍﻧﺎ ﻛﻨﺖ ﻣﻨﻚ ﻣﻨﻜﺴﻒ
ﻳﺎﺑﺖ ﻋﻴﻮﻧﻚ ﺯﻱ ﺷﻌﺎﻉ
ﻣﻦ ﻧﻮﺭﻙ ﺍﻟﻜﻮﻥ ﻳﺴﺘﻠﻒ
ﺍﻧﺎ ﻓﻴﻚ ﻟﻘﻴﺖ ﻛﻞ ﺍﻟﺠﻤﺎﻝ
ﺑﻲ ﻧﻜﻬﺔ ﻭﺍﺣﺴﺎﺱ ﻣﺨﺘﻠﻒ

ﺍﻟـــﺰﻭﺟـــﺔ .. ﻣــﺎ ﺳــﺎﻛﺖ ﻣﺮﺓ ..
ﺗﺨﺘﺎﺭﺍ ﻣﻦ ﺑﺎﻗﻲ ﺍﻟﺤﺮﻳﻢ
ﻭﺗﺠﻴﺒﺎ ﺗﺤﺮﺱ ﻏﺮﻓﺘﻚ .. ♡
ﻭﺍﻟـــﺰﻭﺟـــﺔ .. ﻣﺎﻫﺎ ﺗﻴﺎﺏ ﺣﺮﻳﺮ ..
ﻻ ﻣﻼﻳﺔ ﻻ ﻓﺮﻳﺶ ﺳﺮﻳﺮ ..
ﺍﻟﺰﻭﺟﺔ ﻟﻴﻚ ﻣﻌﺪﻥ ﺍﺻﻴﻞ ..
ﻃﺸﻴﺖ ﺑﺘﺼﺒﺢ ﻟﻴﻚ ﺩﻟﻴﻞ ..
ﻓﻲ ﺷِﺪﺗﻚ ﺷﺠﺮﺓ ﻧﺨﻴﻞ ..
ﺗﻌﻄﺶ ﻋﺸﺎﻧﻚ ﺗﺒﻘﻰ ﻧﻴﻞ ..
ﻭﺗﺠـﻮﻉ ﺑﺘِـﺼﺒِﺢ ﻟُﻘـﻤﺘﻚ .. ♡
ﺍﻟـــﺰﻭﺟـــﺔ .. ﺭﺣﻤﺔ ﻣﻦ ﺍﻟﻜﺮﻳﻢ ..
ﻧﻮﺭ ﻓﻲ ﺿﻼﻣﻚ ﻭﺩﻧﻴﺘﻚ ..
ﺗﺰﻋﻞ ﺗﺸﻴﻞ ﺯﻋﻠﻚ ﺑﻌﻴﺪ ..
ﺗﺤﺰﻥ ﺗﻔﺘِّﺶ ﻓﺮﺣﺘﻚ ..
ﺗﻨﺰﻝ ﺩﻣﻮﻋﻚ ﺑﺎﻟﻐﻠﻂ ..
ﺑﻲ ﺳﺮﻋﺔ ﺑﺘِﻘﺶ ﺩﻣﻌﺘﻚ ..
ﺗﺒﻘﺎﻟﻚ ﺍﻟﺨِﻞ ﺍﻟﻮﻓﻲ ..
ﻭﺗﺒﻘﺎﻟﻚ ﺍﻻﺧﻮ ﻭﺍﻟﺮﻓﻴﻖ ..
ﻭﺗﺤﻔﻆ ﻛﺮﺍﻣﺘﻚ ﻭﺳﻤﻌﺘﻚ .. ♡
ﺑﺘﺮﺍﻋﻲ ﻟﻲ ﺍﻣﻚ ﻭﺍﺑﻮﻙ ....
ﻣﺼﻼﻳﺔ ﻓﻲ ﺳﺎﻋﺔ ﻭﺿﻮﻙ ..
ﻭﺑﻌﺪ ﺗﺼﻠﻲ ﻫﻲ ﺳﺒﺤﺘﻚ .. ♡
ﺍﻟـــﺰﻭﺟـــﺔ .. ﺗﻘﻄﻊ ﻗﻠﻴﺒﺎ ﻋﺸﺎﻥ ﺭﺿﺎﻙ ..
ﻭﺗﻜﻮﻥ ﺳﻌﻴﺪﻩ ﻋﺸﺎﻥ ﻣﻌﺎﻙ ..
ﺗﺤﻔـﻆ ﺍﻣـﺎﻧﺘﻚ ﺑـﻲ ﻭﺭﺍﻙ ..
ﻭﺗﺪﻋـﻴـﻠﻚ ﺍﻟـﻠﻪ ﻳﻮﻓـﻘﻚ .. ♡
ﺍﻟـــﺰﻭﺟـــﺔ .. ﻣﺎ ﻣﻜﻮﺓ ﻭﻏﺴﻴﻞ ..
ﻗﻬﻮﺓ ﻭﻗﺮﻧﻔﻞ ﻭﺟﻨﺰﺑﻴﻞ ..
ﺑﺘﻌﻴﺶ ﻣﻌﺎﻙ ﻛﺎﻥ ﺑﺎﻟﻘﻠﻴﻞ ..
ﺍﻟﺰﻭﺟﺔ ﺻﻴﻨﻴﺔ ﻓﻄﻮﺭ ..
ﺷﺎﻫﻴﻚ ﻭﻓﻨﺠﺎﻥ ﻗﻬﻮﺗﻚ ..
ﺳﻜﺮ ﺇﺫﺍ ﻣﺴﺨﺖ ﻋﻠﻴﻚ ..
ﺍﻟﺪﻧﻴﺎ ﺍﻭ ﻳﻮﻡ ﺧﺎﻧﺘﻚ .. ♡
ﺍﻟـــﺰﻭﺟـــﺔ .. ﻓﻲ ﻓﻬﻤﻲ ﺍﻟﺒﺴﻴﻂ ..
ﻣﺎ ﺑﺘﺤﻜﻲ ﺣﺎﻟﻚ ﻟﻠﻐﺮﻳﺐ ..
ﻣﺎ ﺍﻇﻦ ﺗﻘﺎﺭﻧﻚ ﺑﺎﻟﻘﺮﻳﺐ ..
ﻭﺻﺮﻳﺤﺔ ﻟﻲ ﺍﺑﻌﺪ ﺣﺪﻭﺩ ..
ﻭﻟﻮ ﻏﺒﺘﻪ ﺳﺮﻙ ﺗﺤﻔﻈﻮ ..
ﻭﺗﻬﻮﻯ ﻭﺗﻘﺪﺱ ﺗﺮﺑﺘﻚ ..

​نخاصم ليه وليه نزعل
منو الفي الدنيا ضامن يعيش
​ومنو الفي الدنيا ما برحل ...​
منو العندو المحاسن كوم
​ومنو الافراحو ما بتكمل​
ومنو العايش دوام مبسوط
منو الفي حياتو ما اهمل
كل الناس جواها جراح
​وما عاد تاني تتحمل
كفايه عليها حجم الهم
​وعايشا العمر تتأمل
يلا معاي 🚶‍♂🚶‍♂نفيض بسمات
​عشان خاطر الفرح يوصل
يلا معاي 🚶‍♂🚶‍♂نزيل الفات
​عشان الجاي يكون أجمل ..​

ﺍﺟــﻤــﻞ ﺣﺎﺟــﺔ ﺍﻧــﻚ
ﻳﻮﻡ ﺗﻼﻗﻲ ﻋﻴﻮﻥ ﺗﺮﻳﺪﻙ
ﺩﻳﻤﺔ ﺷﺎﻳﻠﺔ ﺍﺍﻟﻬﻢ ﻣﻌﺎﻛﺎ
ﻭﺩﻳﻤﺔ ﺗﺴﺂﻝ ﻭﻳﻦ ﺟﺪﻳﺪﻙ
ﻧﺎﺱ ﺗﻘﺪﺭ ﺣﺘﻲ ﺣﺮﻓـﻚ
ﻭﻧﺎﺱ ﺑﺘﺘﻨﻔﺲ ﻗﺼﻴﺪﻙ
ﺩﻳﻞ ﺑﻼﻫﻢ ﻣﺎﻓﻲ ﻓﺮﺣﺔ
ﻭﻟﻤﺎ ﻳﻤﺸﻮ ﺍﻟﻬﻢ ﺑﺼﻴﺪﻙ
ﻧﺎﺱ ﺣﻼﺗﻢ ﻳﻮﻣﻲ ﺫﺍﻳﺪﺓ
ﻭﺣﺘﻲ ﺍﺻﺒﺤﻮ ﻓﻲ ﺍﻟﻮﺭﻳﺪ
ﻧﺎﺱ ﻣﺴـﺘﻔـﺔ ﺑﺎﻻﻣـــﺎﻧﻲ
ﻭﻧﺎﺱ ﻣﺘﺮﺟﻤﺔ ﻓﻲ ﺍﻟﻘﺼﻴﺪ
ﻧﺎﺱ ﺻﻔﺎﺗﺎ ﺍﻟﻄـﻴﺒﺔ ﻣﻨـﺒـﻊ
ﻭﻧﺎﺱ ﻣﺸـﺖ ﺟﻮﺍﻱ ﺑﻌﻴﺪ
ﺍﻧﺘﻮ ﻧﺎﺱ ﻟﻠـﺨـﻮﺓ ﺳﺎﺳﺎ
ﻭﺑﺮﺿﻮ ﺍﻧﺘﻮ ﻣﻌﺎﻱ ﺣﻀﻮﺭ
ﺍﻟﻤﻬﻢ ﺍﻟﺒﻴﻨﺎ ﻋﺎﻣـــــﺮﺓ
ﻭﻣﺎ ﻣﻬﻢ ﺍﺧﺮ ﻇﻬــــﻮﺭ
ﻣﺎ ﺍﻟﻌﻼﻗﺔ ﺍﻟﺒﻴﻨﺎ ﺩﺍﻳﻤﺔ
ﻭﻳﺒﻘﻲ ﺣﺪﻫﺎ ﻓﻲ ﺍﻟﻘﺒﻮﺭ

الإساءات ما حبابا
والكلام الشين جريمة
كل زول لو صان لسانو
يبقى عندو مكان وقيمة
وحقو نحسب كل كلامنا
وننتبه للفيهو ديمة
والسباب و الله بفسد
كل علاقاتنا الحميمة
وما في زول من الدنيا أصلا
قالوا مشكور بالشتيمة
تعالوا من اليوم نجرد
كل عباراتنا الأليمة
ونحذف الجملة البتجرح
وكل معانيها العميقة
ونحفظ العشرة ونصونا
وننهي اي صفات ذميمة
ومفرداتنا المرة ترحل
ونبقي عايشين دون نميمة
وتزدهر كل المجالس
ونمشي في الطرق السليمة

ﻓﻲ ﻳﻮﻡ ﺍﻟﺪﻋﺎﺀ ﺍﻟﻤﻘﺒﻮﻝ
ﺍﺭﻳﺖ ﻳﺘﺤﻘﻖ ﺍﻟﻤﺎﻣﻮﻝ
ﻭﺗﺮﻓﻊ ﺩﻋﻮﺓ ﺍﻟﻤﻨﺸﻮﻝ
ﻭ ﻣﻮﻻﻯ ﻣﺎ ﺑﻴﻈﻠﻢ ﺯﻭﻝ
ﺍﺭﻳﺖ ﻳﺎ ﺍﻟﺸﻠﺖ ﺟﻮﺍﻟﻰ
ألاقيك ﺍﻟﺼﺒﺎﺡ ﻣﺸﻠﻮﻝ
ﻭﻳﺘﻔﺴﺨﻦ ﺍﺻﺎﺑﻊ ﺍﻳﺪﻳﻚ
ﻣﺘﻞ ﻣﺎ ﺑﻨﻔﺴﺦ ﺍﻟﻘﻨﺪﻭﻝ
ﻭﻳﺘﻬﻴﺞ ﻋﻠﻴﻚ ﻣﺼﺮﺍﻥ
ﻭﻳﻄﻠﻖ ﻓﻴﻚ ﺳﺨﺎﻧﺔ ﺑﻮﻝ
ﻭﻛﻞ ﻣﺎ ﺗﺠﺮﻯ ﻟﻠﺤﻤﺎﻡ
ﻳﻜﻮﻥ ﻣﻦ ﺟﻮﻩ ﺗﺐ ﻣﻘﻔﻮﻝ
ﻭﻳﺒﻘﻰ ﺷﺮﺍﺑﻚ ﺍﻻﻣﻴﻠﻴﻦ
ﻭﻳﺒﻘﻰ ﻃﻌﺎﻣﻚ ﺍﻟﺒﻨﺪﻭﻝ
ﺿﺮﻭﺳﻚ ﺩﻳﻤﻰ ﻳﻮﺟﻌﻦ ﻓﻴﻚ
ﻭﻋﻠﻴﻚ ﻟﻴﻞ ﺍﻟﻤﺎﺳﻰ ﻳﻄﻮﻝ
ﻭﺗﻘﻮﻡ ﻟﻚ ﺣﺒﻪ ﻓﻰ ﻟﺴﺎﻧﻚ
ﻳﻐﻠﺒﻚ ﻣﺎ ﺗﺮﺩ ﺍﻟﻘﻮﻝ
ﻭﻳﺼﻴﺒﻚ ﻓﻰ ﻭﺷﻴﻚ ﻭﺭﻡ
ﻭﻣﻦ ﺷﻮﻓﺘﻚ ﻳﺨﺎﻑ ﺍﻟﻐﻮﻝ
ﻭﺗﺸﺮﺏ ﻭﺿﻤﻪ ﻣﺎﺗﺮﻭﻯ
ﻭﻟﺴﺎﻧﻚ ﺑﺎﻟﻌﻄﺶ ﻣﺴﻠﻮﻝ
ﻭﻳﻐﻠﺒﻚ ﺿﻤﻪ ﻣﺎ ﺗﺎﻛﻞ
ﻭﺗﺸﺘﻬﻰ ﺣﺘﻰ ﻣﻮﻳﺔ ﺍﻟﻔﻮﻝ
ﻭﻗﺪﺭ ﻣﺎ ﻳﻀﺮﺑﻮ ﻟﻼﺳﻌﺎﻑ
ﻳﻜﻮﻥ ﺍﻟﺨﻂ ﺩﻭﺍﻡ ﻣﺸﻐﻮﻝ
ﻭﺯﻯ ﻣﺎ ﺣﻴﺮﺗﻨﻰ ﻭﻓﺖ
ﺗﻌﻴﺶ ﺑﺎﻗﻰ ﺍﻟﻌﻤﺮ ﻣﺬﻫﻮﻝ
ـ♡♡♡♡♡♡♡♡♡♡♡ـ
ﺍﺻﺎﺑﻌﻦ ﺳﺮﻗﻮ ﺟﻮﺍﻟﻰ
ﺳﺎئل ﻣﻮﻻﻯ ﺗﺘﻜﺴﺮ
و ﻳﻌﻜﺮ ﺩﻣﻚ ﺍﻥ ﺷﺎﺀﺍﻟﻠﻪ
ﺯﻯ ﻣﺎ ﻟﻰ ﺻﻔﺎﻯ ﻋﻜﺮ
ﺍﺩﻋﻴﻚ ﻣﺎﻧﻰ ﺧﺎﺗﻰ ﻋﻠﻴﻚ
ﻋﺸﺎﻥ ﺍﻧﺖ ﺍﻟﺒﺪﻳﺖ ﺑﺎﻟﺸﺮ
ﺗﺸﻴﻞ ﺟﻮﺍﻟﻰ ﻳﺎ ﻓﺎﺟﺮ
ﺍﺭﻳﺘﻮ ﻳﺸﻴﻠﻚ ﺍﻟﺘﻤﺴﺎﺡ
ﻭﻳﻨﻄﺒﻘﻦ ﻋﻠﻴﻚ ﻇﻠﻤﺎﺕ
ﻭﻟﻴﻠﻚ ﻣﺎ ﺗﺸﻮﻓﻠﻮ ﺻﺒﺎﺡ
ﻭﻃﻮﻝ ﻋﻤﺮﻙ ﺗﻌﻴﺶ ﺷﻘﻴﺎﻥ
ﻻ ﺗﻨﺠﻢ ﻭﻻ ﺗﺮﺗﺎﺡ
ﺗﻬﻠﻮﺱ ﻭﺍﻧﺖ ﺑﻴﻦ ﺍﻟﻨﺎﺱ
ﻭﻗﺪﺭ ﻣﺎ ﺗﻨﻮﻡ ﺗﺸﻮﻑ ﺍﺷﺒﺎﺡ
ﻭﻗﺒﻞ ﻣﺎ ﺗﻔﺘﺢ ﺍﻟﺠﻮﺍﻝ
ﻳﻔﺘﺢ ﺭﺍﺳﻚ ﺍﻟﺒﻄﺎﺡ
ﺗﻌﻴﺶ ﻻﻙ ﺣﻰ ﻭﻻ ﻣﻴﺖ
ﻭﺟﺪﻙ ﻳﺒﻘﻰ ﻛﻠﻮ ﻣﺰﺍﺡ
ﺗﺨﺮﻑ ﻭﺍﻧﺖ ﻟﺴﻪ ﺷﺒﺎﺏ
ﻭﻣﺎ ﺗﻌﺮﻑ ﺍﻟﻐﻠﻂ من ﺍﻟﺼﺎﺡ
ﺗﺤﻮﻡ ﻭﺳﻂ ﺍﻟﺨﻠﻖ ﻣﻨﺒﻮﺫ
ﻭﺗﻌﻴﺶ ﻣﺘﻞ ﺍﻟﻜﻠﺐ ﻧﺒّﺎﺡ
ﻭﺗﻌﻴﺶ ﻋﻤﺮﻙ ﻣﻊ ﺍﻻﺣﺰﺍﻥ
ﻭﻣﺎ ﻳﻄﻞ ﺑﺎﺑﻚ ﺍﻻﻓﺮﺍﺡ
ﻭﻳﺮﻭﺡ ﻋﻤﺮﻙ ﺑﻼ ﺗﺪﺭﻯ
ﻣﺘﻞ ﺗﻠﻔﻮﻧﻰ ﺩﺍﺍﺍﺍﻙ ﻣﺎ ﺭﺍﺡ
ﻭﺯﻯ ﻣﺎ ﻟﻔﺤﺖ ﺟﻮﺍﻟﻰ
ﻳﺠﺮﻙ ﺣﺮ ﻟﻈﻰ ﺍﻟﻠﻔﺎﺡ
ﻭﺗﻔﺘﺶ ﻋﻨﻰ ﺑﻴﻦ ﺍﻟﻨﺎﺱ
ﺗﻜﻮﺱ ﺑﻌﺪ ﺍﻟﻌﻤﻠﺘﻮ ﺳﻤﺎﺡ
ﺍﺳﺎﻣﺤﻚ ... ﻳﺎﺧﻰ ﺑﺎﺍﺍﻟﻐﺖ
ﻭﻣﺎ ﻟﻰ ﻏﻴﺮ ﺩﻋﺎﻳﺎ ﺳﻼﺡ
ﻭﻣﺎﻧﻰ ﻓﺎﺿﻴﻠﻚ ﻫﺴﻪ
ﺩﻋﺎﻱ بكملو ﻟﻴﻚ ﺑﻜﺮﻩ ﺍﻟﺼﺒﺎﺡ

ما معنى أن نحيا ولا ندرى
بأن العشق قد يبقى سجيناً فى الخلايا
ما معنى أن نشهد موات الأغنيات
ما معنى هذا الصمت الذى لا ينتهى
وبرغم حوجتنا الصراخ
*******
هل يختفى الظل الذى لا ينتمى
إلا لمعرفتى وجهلى
وهل نودع بعضنا ونذهب فى سراب الذكريات
كيف تبدو الذكريات
كيف يبدو طعم أيام الشجن
من يعلم ذكريات كل أشكال التداعى
والرحيل المر دوماً
حين يختلط المدى بالمآسى والمخاوف
وأحتراق الأمنيات
*****
تعِبٌ هو البرق الذى لا يضيءُ أقبية الخبايا
لا ينتمى للسحبِ
والعشبُ الذى لا يرتوى
إلاّ بطعمك يا عصيراً من خليط الدهشةِ الأولى
وأحتراق الأغنيات

ـ

لو قلت أهرب منك ومن عينيك
بلقى نفسي وصلت ليك
ووصلت لي أبعد حدود
في سكتك الما بتخيب
ولقيت كل الحضور
منك وفيك ❤️

ﺍﻫﺎ " ﻧﻔﺘﺮﺽ ﺍﻧﻚ ﻣﺸﻴﺖ
ﺑﺤﺼﻞ " ﺷﻨﻮ؟؟؟؟؟
ﻭﺑﻤﻮﺕ ﻣﻨﻮ؟؟؟؟؟
ﻭﻋﺸﺎﻥ ﻓﺮﺍﻗﻚ ﺑﺪﻓﻨﻮ؟؟؟؟
ﻟﻮ ﻓﺎﻛﺮ ﺍﻧﻲ ﺑﺠﻦ " ﻭﺭﺍﻙ
ﻫﺪﻳﻬﻮ ﻗﻠﻴﺒﻚ ﻭﻃﻤﻨﻮ "
ﺍﻧﺎ ﻳﺎﺧﻲ ﺍﻛﺒﺮ ﻣﻦ ﻛﺪﻩ
ﻭﻫﺴﻊ " ﻓﺮﺍﻗﻚ ﺑﻌﻠﻨﻮ "
ﻋﺬﺭﺍ " ﺍﻗﻴﻒ؟؟؟؟؟
ﻭﺍﺳﺄﻝ ﺑﻨﻴﺎﺕ ﺍﻟﻐﺮﺍﻡ
ﻋﻦ ﺳﺮ ﻋﺸﻖ ﻗﻠﺒﻲ ﺍﻟﺮﻫﻴﻒ "
ﺍﻧﺎ ﺻﺎﺍﺍﺍﺍﺡ ﺑﺮﻳﺪ
ﺭﻏﻢ ﺍﻟﻤﻮﺍﺟﻊ ﻭﺍﻟﻨﺰﻳﻒ
ﻟﻜﻨﻲ " ﻳﻮﻡ ﺍﺧﺘﺎﺭ ﺍﺣﺐ "
ﺣﺒﻲ ﺟﺪ ﻣﺎﻓﻴﻬﻮ ﺯﻳﻒ
ﻳﻼﻛﺎ " ﻣﻦ ﻫﺬﺍ ﺍﻟﺪﺭﺏ
ﺷﺎﻥ ﺍﻣﺮﻗﻚ "
ﻭﺃﻋﻠﻦ ﻭﺭﺍﻙ ﻣﺸﻮﺍﺭ ﺟﺪﻳﺪ
ﻻ ﻟﻠﺤﺰﻥ " ﻻﺑﺪ ﻋﻴﺪ
ﻫﻲ ﺍﻟﺪﻧﻴﺎ ﺍﺻﻼ ﻓﻴﻬﺎ " ﺍﻳﻪ
ﻏﻴﺮ ﻧﺘﺒﺴﻂ " ﻧﻬﻮﻯ " ﻭﻧﺮﻳﺪ
ﻭﺍﺧﺮ ﻛﻼﻣﻲ ﺑﻘﻮﻟﻮ ﻟﻴﻚ
ﺑﺎﻟﻠﻪ ﺃﻓﻌﻞ ﻣﺎﺗﺮﻳﺪ

صغار ينتظرو في الأحلام
ينومـوا عشان يشوفوا العيـش
قبل ما يشيـلو منـو قليـل ..
يصيــح ديـــك الصبــاح معليــش
حُلمكــم ما بيشبــع ليــش!!
عشــان حلم الجعــان العيـــش
وعيـــش الحلمــة ماهـــو رغيــف
ومويـــة الحلمــة ماهــا خريــف
صحينــا على حلــم تخـريــف
طشــاش الرؤيــا لاقـى الزيــف

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ

يوم ارتفاع الاسعار
ﺑﻘﻴﺖ ﺍﻏﻨﻲ ﻋﻠﻴﻚ ...
ﻏﻨﺎﻭﻱ ﺍﻟﻜﺴﺮﺓ ..
ﻓﻲ ﺍﻟﺼﺤﻦ ﺍﻟﺘﻘﻴﻞ ..
ﻭﻋﺸﺎﻥ ﺃﺟﻴﺐ ﻟﻴﻚ ﺍﻟﻠﺤﻢ ...
ﺭﺿﻴﺎﻥ ﻣﻦ ﺍﻟﺠﺰﺍﺭ ﺃﺷﻴﻞ ..
ﻭﻣﻌﺎﻙ ﻓﻲ ﺁﺧﺮ ﺍﻟﺸﻬﺮ ...
ﻳﺎ ﻧﺎﻗﺼﺔ ﻣﺎﻫﻴﺘﻲ ﺍﻟﻘﺒﻴﻞ ..
ﺳﺒﺘﻴﻨﻲ ﻟﻲ ﺣﻀﻦ ﺍﻟﻐﻼ ..
ﻭﺑﻌﺘﻴﻨﻲ ﻟﻲ ﺟﺰﺍﺭ ﻋﺪﻳﻞ ..
ﻋﺪﻳﺘﺎ ﻓﻴﻚ ﻛﻞ ﺍﻟﻘﺮﻭﺵ ﺍﻟﻤﻤﻜﻨﺔ ..
ﻭﺑﻘﺪﺭ ﻋﻠﻴﻬﺎ ﻭﺑﺼﺮﻓﺎ ..
ﻋﺪﻳﺖ ﻭﻣﺎ ﻗﺼﺮﺕ ﻓﻲ ..
ﻫﺠﺮﻙ ﻭﻻ ﺻﺮﻓﺔ ﻏﻴﺮﻙ ﻋﺎﺭﻓﺎ ..
ﻭﻗﺪﺭ ﺟﻔﺎﻙ ﻧﺴﺎﻧﻲ ﻟﻴﻚ ...
ﻟﻤﻊ ﺟﻴﻮﺑﻨﺎ ﻭﻧﻀﻔﺎ ..
ﻭﻛﺘﻴﻦ ﺑﻘﻴﺘﻲ ﻣﻌﺎﻧﺎ ﻓﻲ ..
ﺍﻋﻤﺎﻕ ﺑﻄﻮﻧﺎ ﺍﻟﻤﺮﻫﻔﺔ ..
ﻻ ﻣﻨﻚ ﺍﺑﺘﺪﺕ ﺍﻟﺼﺤﻮﻥ ..
ﻻﺑﻴﻚ أﻧﺘﻬﺖ ﺍﻟﺼﻮﺍﻧﻲ ﺍﻟﻤﺘﺮﻓﺔ ..
ﺟﻴﻌﺎﻥ ﺃﻧﺎ ﺃﺑﺪﺍ" ﻭصابر ...
ﻋﻤﺮﻱ ﻣﺎﺿﻘﺖ ﺍﻟﻠﺤﻢ ..
ﻭﻻ ﻛﺮﺷﻲ ﻓﻲ ﻳﻮﻡ ﺍﺗﻤﻠﺖ ...
ﻋﺎﻳﺶ ﺩﻭﺍﻡ ﺃﻧﺎ ﻓﻲ جحيم ..
ﻭﺃﻧﺎ ﻋﻨﺪﻱ ﻟﻴﻚ ﻛﺎﻥ ﺍﻟﺼﺤﻦ
ﺑﺎﻟﻠﺤﻤﺔ ﻛﻢ ﻗﺎﻟﻮﺍ ﺍﺗﺮﺩﻡ ...
ﻭﺃﻧﺎ ﺧﻮﻓﻲ ﻣﻦ ﺁﺧﺮ ﺍﻟﺸﻬﺮ ..
ﻳﺼﺒﺢ ﻭﻫﻢ !!!ّ
ﺃﻫﻮ ﻧﺤﻨﺎ ﻭﺍﻟﺮﺍﺗﺐ ﺳﻮﺍ ...
ﻃﺎﻳﺮﻳﻦ ﻫﻮﺍ
ﻣﺎﺷﻴﻦ ﻋﻠﻲ ﺍﻟﺒﻮﺵ السجم...

ﺟَﺎﻳًﺔْ ﻓٍﻲْ ﺗُﻮﺏْ ﺍﻟﺰَﻓَﺎﻑْ
ﺯﺍﺩﺕ ﺩﻣﻮﻋﻚ ﺭﻭﻋﺘﻚ
ﺃﻧﺎ ﺃﺻﻠﻲ ﻋﺎﺭﻓﻚ ﻣﺮﻏﻤﺔ ﻭﺃﺻﻠﻮ
ﺍﻟﺤﺼﻞ
ﻣﺎﺭﻏﺒﺘﻚ
ﻋﺰﺭﻙ ﻣﻌﺎﻙ ﺍﺗﻔﻀﻠﻲ
ﺍﻟﻠﻪ ﻳﺒﺎﺭﻙ ﺧﻄﻮﺗﻚ
ﺍﻟﺒﻴﻨﺎ ﻣﺎﻛﺎﻥ ﻓﻲ ﺍﻟﻨﺼﻴﺐ
ﻣﺎﺗﺒﻜﻲ ﻓﻲ ﻳﻮﻡ ﻓﺮﺣﺘﻚ
ﺍﻧﺴﻲ ﺑﺲ ...
ﺧﺘﻴﻨﻲ ﻓﻲ ﻣﺎﺿﻴﻚ ﺳﺤﺎﺏ ﻋﺪﻯ
ﻭﺭﺣﻞ
ﺑﻲ ﺣﺴﺮﺗﻚ
ﺣﺘﻰ ﺍﻟﻮﺩﺍﻉ ﻓﻴﻚ ﺍﻧﺪﺛﺮ
ﺍﺗﻐﻄﻰ ﺑﻲ ﻟﻮﻥ ﺣﻨﺘﻚ
ﻓﻲ ﺳﺮﻱ ﻭﺩﻋﺘﻚ ﻣﺸﻴﺖ
ﺷﺎﻳﻞ ﻋﺰﺍﻱ ﻓﻲ ﺩﻣﻌﺘﻚ
ﺑﺎﻗﻲ ﺍﻟﻌﻤﺮ ﻣﻘﺴﻮﻡ ﻭﺿﺎﻳﻊ
ﻣﺎﺑﻴﻦ ﻋﺰﺍﺑﻲ
ﻭﻗٍﺴَﻤًﺘَﻚْ

ﻟﻮﺣﺘﻲ ﺑﻲ ﺍﻳﺪﻙ
بي ﺷﻮﻕ ﻣﻮﺍﻋﻴﺪﻙ
ﻏﻨﻴﺘﻲ ﻟﻠﻴﺎﺳﻤﻴﻦ
ﻣﺎ ﺃﺣﻠﻰ ﺗﻐﺮﻳﺪﻙ
ﻋﺪﻯ ﺍﻟﻔﺮﺡ ﺣﺰﻧﺎﻥ
ﻗﺒﺎﻝ ﻧﻬﺎﺭ ﻋﻴﺪﻙ
ﺧﻠﻴﺖ ﻣﻌﺎﻙ ﻗﻠﺒﻲ
ﺷﺎﻳﻼﻩ ﻓﻲ ﺍﻳﺪﻙ

ﻋﺪﺕ ﺳﻔﺎﻳﻦ ﺍﻟﺸﻮﻕ
ﻭ ﺑﻘﻴﺖ ﺑﺮﺍﻱ ﺭﺍﺣﻞ
ﺧﻠﻴﺖ ﻭﺭﺍﻱ ﺭﻭﺣﻲ
ﻫﻴﻤﺎﻧﺔ ﻓﻲ ﺍﻟﺴﺎﺣﻞ
ﻭ ﻫﺎﻣﺖ ﻧﺴﺎﻳﻢ ﺍﻟﻠﻴﻞ
ﻓﻲ ﺍﻟﻮﺭﺩﺓ ﺑﺘﻐﺎﺯﻝ
ﻭ ﺩﻣﻊ ﺍﻟﻔﺮﺍﻕ ﻧﺰﺍﻑ
ﻣﻦ ﻗﻠﺒﻲ ﻛﺎﻥ ﻧﺎﺯﻝ

ﺳﻔﺮﺍ ﺑﻼ ﻣﻴﻌﺎﺩ
ﻗﺪﺭ ﺍﻟﺒﺮﻳﺪو ﺣﺰﻳﻦ
ﻣﻜﺘﻮﺏ ﺗﻬﺐ ﺍﻟﺮﻳﺢ
ﺗﺠﺮﺡ ﻧﺪﻯ ﺍﻟﻴﺎﺳﻤﻴﻦ
ﻭ ﻳﺎﺳﻜﺔ ﺍﻻﻓﺮﺍﺡ
ﻟﻤﺘﻴﻦ ﻭﺭﺍﻙ ﺗﺎﻳﻬﻴﻦ
ﻭ ﺍﻟﻔﺮﻗﺔ ﺩﻣﻊ ﺍﻟﺪﻡ
ﺗﺠﺮﺡ ﻋﻴﻮﻥ ﺣﻠﻮﻳﻦ

ﻣﺘﺮﺟﻲ ﻣﻴﻌﺎﺩﻙ
ﺫﻱ ﻃﻠﺖ ﺍﻻﻋﻴﺎﺩ
ﻭ ﺯﻱ ﺭﻧﺔ ﺍﻻﺟﺮﺍﺱ
ﻓﻲ ﻟﺤﻈﺔ ﺍﻟﻤﻴﻼﺩ
ﻗﺎﺗﻠﻨﻲ ﺷﻮﻕ ﻟﻴﻚ
ﺍﺻﻠﻮ ﺍﻟﻘﻠﻴﺐ ﺭﻳﺎﺩ
ﺟﺎﻳﻴﻚ ﻣﺒﺸﺮ ﺑﻴﻚ
ﺣﺎﺿﻦ ﻧﺪﻯ ﺍﻟﻤﻴﻌﺎﺩ

أقول الشوق غلب
والفرقة زادت لهفتى
يبقى الفرح عندى الرجوع
بهجة لقاك يادنيتى
فى الساعه ديك الدنيا عيد
والكون بوصف فرحتى
صدقّنى ضعتَ مع الشجون
الهّم مسافتك وسكتى
والليل حلف مايخلى باب
يقفل مداخل خطوتى
بالله كيف آحمل أساك
الحيرة غلبت غنوتى
ورينى بس أبداهو كيف
أنا منى ضاعت كلمتى
ما أنتَ أخترت الهروب
مابين عنادك ولهفتي
ووقفتَ زى ضل السراب
واحترتى جد ياخطوتى
ورحلتَ شلتَ الروح معاك
ما قدرتَ أكتم حسرتى
ومشيت وما هماك عذاب
لاقلتَ ترحم دمعتى
خليتنى فى سكة آلم
والذكرى زادت لوعتى
وحلمتَ بيك راجع أكيد
قصدك تخفف حسرتي
ووقفت أرجاك فى الطريق
لحظة رجوعك بهجتى
أسقينى من نور بسمتك
أطفيها نيران حرقتي
ما الليلة قالوا الدنيا عيد
وأنا عيدى لحظة بس تجى ..

إنت كان ظلمتني ربي قايل دار يخليكا
لو شاكْـ يا ظلوم في عدلو الله برا بوريكا

إنت يا جارح قليبي الصادي أكد حقي راجيكا
شقيش ما تمشي صدقني يا مغرور بيلاقيكا

إنت سابح في بحور مجهولة طالق فيها صاريكا
لا صرخة ضمير جواك لا وآزع يقوليكا

أتاريني إتخدعت انا فيك يوم قدست عينيكا
إنت همك من لقاي اللحظة دون إحساس أتاريكا

كيفن هان عليك تجرحني والبي ما يبكيكا
ولا تفتحلي الجحيم بي نارة ابوابه وشبابيكا

أذكرك الأماسي الحالمة أحلامنا العراض ديكا
لكن شِن يجيب وريني ما دآم قلبك استيكة

بتذكر زمن تلهمني وأصدح بي غناويكا
والفرح اليدورو قليبي تعزف فيهو مزيكا

والليله الهموم جواي تنقر في دلاليكة
شمّت العزول في حالي حيرت الزمن فيكا

إيه ذنبي اني رغم جفاك لسه قلبي طاريكا
لا قادر يسيبو هوآك لا قادر يعاديكا
°

سلام يازوله في جوآي تحوم بين القلب والروح
تسد باب الفرح تآلآي وتفتح كل مشاعري جروح

كمل صبر الليالي معاي خريف احزآني برقو يلوح
وفتق مطر الهيام جواي جراحات الألم والنوح
تسوقك غربه من دنياي تسوقني عليكي غربه روح
ولا بقدر أدسو هوآي وده حال العاشق المجروح

حاسدننا ليه الناس ياشوق في دنيا نعيشه وداد ووئام
أنا لما ألقاك وين ألقى كلام يازينه
والشوق بيزغرد في عيني وقليبي يدق أجمل أنغام

ما نحن عمرنا الفات أحزان والدهر بلاك شايلنو صيام
ياريتو زمنا يقيف لحظات يتعطل سيره خُطى الأيام
وياريتو سماك يمتد خريف يتلملم غيم يجمعنا غرام
والسماء يتهدا علي الواطه والفرحه تكون لي عمرنا ختام

الشوق السافر في عينيك داير يرسى وشالو الهدام
والبرق الشال من قبلي يلوح ما جاني دعاشو مع النسام
الحزن المنو مشيت لاقاي والفرحه علي بتمر قوام
ببسم للناس من فوق غلبي وبي حالي البي الله علام

ياواقفه علي أنا قاعد ليه زعلان من نفسي لي يبقى حرام
لكنو عزاي انو الاحساس والشوق واقفين حيوكي قيام
وعزاي في انو القمر الغاب في وشك ضوا الكون بسام
ما اصلي سلامي هجير عينيك ظليني شويه أبقيلي غمام

الدهشة تزيد كل ماألقاكـ ماأقدر أفرز كاف من لآم
وأشعر بي اني بعيد هيمان فى دنيا جميلة من الاحلام
البسمة تفرتق شمل جيوش وعيونك أَحدَّ من الصَمصام
وانا بين اليم والنار حيران وقليبي دوام في البر عوام

يا محننة ايدي محنة وريد زودتي على قلبي الآلام
لمساتك كلها لهفة وشوق ونقوشك فى ايديا سلام
ياغالية اهواكي علي كيفي لا فرض عليا ولا الزام
وراجيكي تكوني عشاني النور لو كل الدنيا بقت لي ظلام

كنا فرشنا السكه ورود
لو كلمتنا كان بالجيه
خطوه عزيزه ويوم موعود
الخلاك تطرانا شويه
تسال فينا وتجي حارتنا
دابها الفرحه الليله طرتنا
الحظ جانا وغشى سكتنا
زارنا وجابك لينا هديه
💜