جاء المسجد ليصلي يرتدي بيجامة نوم وبعد فراغنا من الصلاة، وخروجنا من المسجد
عزمته،فقلت له:
هيا بنا لنذهب إلى البيت لنتناول القهوة، فقال لي وعليه علامات الخجل:
معذرة أخي المبارك، فهيئتي ليست مؤهلة لأن أدخل بها بيتك فأصابني الذهول والدهشة
فقلت له:
ليس مقامي بأعظم من مقام رب العالمين، فطأطأ رأسه خجلا، وقال:
لقد وصلت رسالتك
الخلاصة:
ما تخشاه من الناس، فالأولى أن تخشاه
من رب الناس
اللهم اكتب لنا الخير في هذا اليوم
#صباح الخير

رسم سراء الحسين

#مثل_اليوم

الماتاكله ما يخنقك.

#مثل_سوداني

المنقذين المحترفين على الشواطئ بيعملوا حركة ما مفهومة فى المفهوم الانسانى ، لكنها صحيحة جدا فى المفهوم المهنى . لما يجي ينقذ شخص بيغرق بخلي مسافه مترين على الاقل بينة و بين الشخص الغريق لحدي ما يتوقف تماما عن الحركة و المقاومة و يبدأ يغرق فعلا ، و بعدها يبدأ يتدخل و يسحبة للبر .. ده بسبب الخطورة الشديدة في إنقاذ الشخص الغرقان و جنونة فى التشبث بالحياة بأي طريقة حتى لو سحبك معاه لتحت او سحب اقرب الناس ليه لانه ما بيكون فى وعيه و بتهاجمة افكار صعبة و حياتة بتبقى لحظات سريعةو مرعبة قدام عينية ، نفس الفكرة بتبقى صاح في المفهوم الإنساني .
الناس بتستهلك بعض نفسياً وذهنياً وهم ما حاسين ، خلي مسافة بينك وبين الحوليك ، المسافة دي بتسمح للجميع بوجود فرص نجاة وإنقاذ الشخص نفسه بنفسه ، خلي مساعداتك جزئية ومدروسة ، ما تعود الناس الحوليك علي الاعتمادية في كل حاجة ، خلي المسافة بينك وبين الناس كلها مدروسة ، ما بعيدة لدرجة انقطاع الود ، ولا قريبة لدرجة الاستنزاف والإتكاليه و شكراً

ﺯﻭﻟﻚ ﻛﺎﻥ ﻃِﺮﺍﻙ ﺑﻲ ﺣﻮﺟﺔ ﺧِﻒ ﺍﻟـﻔﺎﻫـﻮ
ﺍﻣﺴــﺢ ﻛـُﺮﺑﺘــﻮ ﻭﻗــﻠِّﻞ ﺗﻤــﻠّﻲ ﺷــﻘﺎﻫــﻮ
ﺳﻤِــﺢ ﺍﻟﺰﻭﻝ ﻭﻗِﺖ ﺑﺎﻟﺨﻴﺮ ﺩﻭﺍﻡ ﺗﻄﺮﺍﻫﻮ
ﻛﻌـﺐ ﺍﻟﺰﻭﻝ ﻭﻗِﺖ ﺗﺤـﺘﺎﺝ ﻟـﻲ ﻣﺎ ﺗﻠﻘﺎﻫﻮ

،

ﺍﻟﺰﻭﻝ ﺍﻟﻜــﺒﻴﺮ ﻓــﻲ ﺍﻟﺤِـﻠﻪ ﻳﺎﻫـﻮ ﺍﺑـﻮﻧـﺎ
ﻭﺍﻟــﺰﻭﻝ ﺍﻟﺒـِـﻜﻮﺱ ﻟﻠـﺨـﻮﺓ ﺑﺒﻘﻰ ﺯﺑﻮﻧـﺎ
ﻗــﻮﻝ ﻟﻠــﻈﺎﻟِﻢ ﺍﻟـ ﻣِـﻨﻮ ﺍﻟﺨـﻠﻮﻕ ﻣـﻐﺒﻮﻧﺎ
ﻗﻠﺒﻚ ﺍﻛﺎﻥ ﻭﺳِــﺦ ﻣﺎ ﺑﺘـﻤﺮﻗـﻮ ﺍﻟﺼﺎﺑﻮﻧﺎ

،
ﺍﻟﺒﻴﺖ ﻣﺎﻫـﻮ ﺑُﻨﻴـﺎﻥ ﻻ ﻋـﻤﺎﺭ ﻭﻣـﺨـﺪّﻩ ..
ﻭﺍﻟﺒﻴﺖ ﻣﺎﻫـﻮ ﻣﺎﻝ ﻓﻮﻕ ﺍﻟﺒﻨﻮﻙ ﺍﺗـﻮﺩّﻩ ..
ﻛــﻢ ﻣـﻦ ﺑـﻴﺖ ﻣﺸﻴّﺪ ﺑﺎﻟﺤـﺪﻳﺪ ﺍﻧـﻬﺪّﻩ ..
ﻭﺍﻟﺒﻴـﺖ ﺭﺣﻤﻪ ﻣﻦ ﺭﺏ ﺍﻟﻌــﺒﺎﺩ ﻭﻣﻮﺩّﻩ .
.
.
ﻛـﻌـﺐ ﺍﻟﺘﺮﺑــﺲ ﺍﻟـﺒـﻴﺒﺎﻥ ﻋﻠـﻴﻬـﻮ ﻭﺳﺪّﺓ
ﻭﻛﻌﺐ ﺍﻟﺨﺎﻑ ﻣﻦ ﺍﻟﻔﺎﻗﺔ ﻭﺑـﺨﺎﻑ ﺍﻟـﻤﺪّﺓ
ﻫٍـﺪﻡ ﺍﻟﻌﺎﻓﻴـﺔ ،، ﻣــﻬﻤﺎ ﺩﺍﻡ ﺍﻛـﻴﺪ ﺑـِﻨـﻘﺪّﺓ
ﻭﺍﻟﻤـﻜﺘﻮﺑـــﺔ ﺑﺘﺠﻴﻚ ﺍﺻـﻠﻮ ﻣﺎ ﺑﺘـﻨﺼﺪّﺓ
.
.
ﻛﻌﺐ ﺍﻟﺨـﺎﻟﻒ ﺍﻟﺴـُﻨﺔ ﻭﻋـﻠﻴﻬﺎ ﺍﺗـﺤﺪﻯ ..
ﺳﻤـِﺢ ﺍﻟﻘﻮﻟﻮ ﻭﺍﺣﺪ ﻭﻣﻨﻮ ﻣﺎﻓﻲ ﻣﺮﺩﺓ ..
ﻗﻮﻟﻚ ﻛﺎﻥ ﺳﻤِـﺢ ﺍﻃﻠِـﻖ ﻟﺴﺎﻧﻚ ﻭﺍﺑﺪﺃ ..
ﻛــﻌﺐ ﺍﻟﻤﺎﺷـﻲ ﻻ ﺭﺍﻱ ﻻ ﻓـﻬﻢ ﻻ ﻣﺒﺪﺃ ..
.
.
ﺳﻤِـﺢ ﺍﻟﺒِﺪِّﻱ ﺑﺴﻤﺘﻮ ﻟﻠﺨﻠِـﻖ ﺩﻭﻥ ﻋِـﺮﻓـﻪ
ﺳﻤِـﺢ ﺍﻟـ ﻛُﻞ ﻣﺎ ﺗﺤﺘﺎﺟﻠﻮ ﻋﻨﺪﻭ ﺍﻟﺼِﺮِﻓـﻪ
ﻭﻳﻦ ﻣﺎ ﻳﻠﻘﻰ ﺣﻮﺟﻪ ﻳﻨُﻂ ﻳﻘﻮﻡ ﺑﻲ ﺧِﻔﻪ
ﺗﺪﻱ ﻳﻤﻴﻨﻮ ﻭﺍﻟـ ﺇﻳﺪ ﺍﻟﺸِـﻤﺎﻝ ﺩﻭﻥ ﻋِـﺮﻓﻪ
.
.
ﺍﻭﻋﻰ ﺗﻌــﺠـﺒﻚ ﺍﻟﺪُﻧﻴــﺎ ﻭﺗﺠِـﺮ ﺑـﻮﺭﺍﻫﺎ ..
ﺑﺘـﻮﺩﻳـــﻚ ﺷــــﻮﺍﺭﻉ ﺗﻐِﻠِـﺐ ﺍﻟــﺴـﻮﺍﻫﺎ ..
ﺍﻟــﻮﺍﻃــﺔ ﺍﻟـ ‏( ﺑﺘﺒﻨـﻴﻬﺎ ‏) ﻭﺗﻌــﺪﻟﻮ ﺑُﻨــﺎﻫـﺎ ..
ﻣـﺎ ﺩﺍﻳـﻤﺎﻟﻚ ﺇﻣــﻜِﻦ ﻳــﺪﻓــﻨﻮﻙ ﺟــﻮﺍﻫﺎ .

.
.
ﻏﺎﻳــﺘﻮ ﺍﻟﺪﻧــﻴﺎ ﻣﺎ ﺗﻀـﻤـﻦ ﺟـﻤﺎﻻ ﻭﺗـﻴﻬﺎ ..
ﺑــﺘـﻮﺭﻳـﻚ ﻣـﺤِـﻦ ﻭﺗـﻀـﻮِّﻗـﻚ ﻣــﻐـﻠﻴـﻬـﺎ ..
ﻗــﺪﺭ ﻣﺎ ﺗـﻠﻢ ﻗﺮﻭﺷﻚ ﻭﺑﺎﻟﺴــﻤﺎﺡ ﺗﺒﻨﻴﻬﺎ ..
ﺭﺍﺱ ﻣـﺎﻟﻚ ” ﻛـﻔﻦ “ ﺣـﺴِّـﻦ ﻋﻤﺎﻳﻠﻚ ﻓﻴﻬﺎ
.
..
ﻗﺪﺭ ﻣﺎ ﺗﻌﻴﺶ ﻛﺘﻴﺮ ﺑﺘﺸﻮﻑ ﻣﺤﻦ ﺧﻠﻖ ﺍﻟﻠﻪ
ﻧﺎﺱ ﻓﻲ ﻳﻮﻡ ﺑﺘﻄﻠﻊ " ﻓـﻮﻕ " ﻭﻧﺎﺱ " ﺗـﺪﻟـﻰ "
ﺍﻟـــﺪﻧﻴــﺎ ﺑﻨــﻌﻴﺶ ﺑــﻲ ﺍﻟﻔــﻴﻬﺎ ﻣــﺎ ﺑﻨﻨــﺬﻟــﻪ
ﻭ " ﺍﻟﺒِﻨـﻔــﺰﺭﻭ " ﺭﺍﻗـﺪﻳﻴﻴﻦ ﻭ " ﺍﻟﺒـِﺴﻨِﺪﻭ " ﺍﻗِـﻠﻪ
.
.
ﻓـﻴﻚ ﻳﺎ ﺩُﻧـﻴﺎ ﺑِـﻨﺸـﻮﻑ ﻛــﺎﻥ ﺍﺑﻴـﻨﺎ ﻭﺩُﺭﻧـﺎ ..
ﺷﻴﻠـﻲ ﻭﺧﺘـﻲ ﻟـﻴﻨﺎ ﺍﻟﻤــﺎ ﺑـﺸـﻴﻠﻮ ﻋُﻤــﺮﻧـﺎ ..
ﻧﻌـﻴـﺶ ﺍﻳﺎﻣﻨﺎ ﻟﻲ ﺍﻟﻤــﻮﻟﻰ ﺑﻨـﻔﻮِّﺽ ﺍﻣـُﺮﻧﺎ ..
ﻛﻞ ﻣﺎ ﺗﺰﻳﺪﻱ ﻓـﻲ ﺍﻟﻮﺟﻌﺔ ﺑﺘـﻘﻮﻱ
ﺻُﺒﺮﻧـﺎ
..
ﺍﺟﺒﺪ ﻃـﺎﻗﺔ ﻣﻦ ، ﺣـﺒﻞ ،ﺍﻟﺴﻤﺎﺣﺔ ﻭﻣـﺘِّﺮ
ﻣﻌﺮﻭﻑ ، ﺍﻟﺨِــﻠﻮﻕ ﻓﻲ ﺍﻟﺪﻧﻴـﺎ ﻳﺎﻣﺎ ﺗﻌﺘِّﺮ
ﺍﻫﻠﻨﺎ ﺑﻘـﻮﻟﻮ ﻟﻴﻚ ،، ﻓﻮﻕ ،ﺍﻟﺴﻤِـﺢ ﻣﺎﺗﻜﺘِّﺮ
ﺇﻥ ﺑﻴﺘـﻚ ﻗﺰﺍﺯ ﺍﻭ ﻣِـﻦ ﺣـﺪﻳﺪ ﻣـﺎ ﺗـﺸﺘِّـﺮ
.
.
ﺍﻟﺤـﻖ ﻗﻮﻟـﻮ ﻛﺎﻥ ﺍﻟـﺴﻴﻒ ﻇـﻬﺮﻟﻚ ﺳﻠﻮ
ﻭﺍﻟﻘـﺮِﺵ ﺇﻥ ﻛِﺘـﺮ ﺑُﻜـﺮﺓ ﺑﺘﻔـﻮﺕ ﻭﺗﺨﻠﻮ
ﺍﺻﺤـﺎﺑﻚ ﺑـﻔﻮﺗﻮﻙ ﻛـﺎﻥ ﻛﺘﺎﺭ ﻛﺎﻥ ﻗﻠـــﻮ
ﻭﺍﻟﻀُـﺮُﺱ ﺍﻟﺒِﻀُـﺮ ﺃﺣـﺴﻦ ﺗﻌﺠِّـﻞ ﻗﻠـــﻮ
.
.
ﻋﻴﺸــﻮ ﺍﻟﺪﻧﻴﺎ ،، ﺑﻲ ﺍﻟﺨﻴﺮ ﺍﻟﻘﻠﻴﻞ ﺇِﺗﻬﻨــﻮ
ﺃﺣﻤِـﺪﻭ ﺭﺑﻜﻢ ،، ﻋﻠﻲ ﻛﻞ ،، ﻫﺪِﻡ ﻻﺑــﺴِﻨﻮ
ﺗﺬﻛﻴــﺮ ﻏﺎﻳـﺘﻮ ،، ﻟﻲ ﺷﻴـﺘﺎً ﻭﻻﻥ ﺫﺍﻛﺮﻧﻮ
ﺍﻟﻤـﻮﺕ ﺣﻖ ﻋﻠﻴﻨﺎ ،ﻭﻣﺎﻓﻲ ﻣﻬﺮﺏ ﻣﻨــــﻮ .

يوميات علوب .....150.....الحب وطن...


فيصل جارنا رسل أولادو وأسرتو من السعودية نهائي للسودان بعد أن تعثرت الحلول وتبعثرت الخطي وتضاءلت الامال في العثور علي ( تأمين )
....حسبا كدااا لقاها ما ( بتقسم ) ...فكان لابد من إتخاذ القرار .....!!!
فأرسل أسرته كوفد مقدمة ليبقي وحيدا في مواجهة ( غول اغتراب ) طال .....!!
واستعدت أسرته للإ قلاع .....!!
فيصل متزوج من سمية .... وعندو تلاتة بنات وولدين ....!! البت الكبيرة ( تسابيح ) أصغر من ( مشاعر ) بشويه بتدرس في الجامعة ....!! والتانية ( علا ) في الثانوي ممتحنة شهادة ....و ( رؤي ) في تامنة..... وولدين ( منتصر وأبوبكر ) ديل مولودين هناك ....!!!!!!
ناس ( تسابيح ) و( علا ) يشيلن يبكن ويعزن ...القصة دي مامستوعبنها نهائي وقد كن يبدين تململا حتي في الإجازات السنوية ....فبعد مضي أسبوعين منها يستبد بهن الشوق الي الوطن البديل ...( التقول ماشات عمره ) .....
وهو إحساس ينتاب بقية أفراد الاسرة حيث يتولد لديهم الشعور بأنهم اقتلعوا من جذورهم بعد كل هذه السنوات التي قضوها هناك ...رغم رؤيتي ان هذه هي رحلة العودة للجذور ....ماعرفتا المعادلة دي بحلوها كيف....!! دي غايتو إلا (بالجذر ) التربيعي )
اها البنات ديل القصة دي ما واقعا ليهن .....
دايرات يحضرو البرامج البحبوها في وقتها.....!! والكهربا أصلو ماتقطع ....!! ومايجي ضيف فجاة ....!! ( وماكدونالدز ) ( والبيتزا ) تحت الطلب ....!! والشوارع المضاءة ....والتكيييف الذي لايتوقف ....
والاهما من دا كلو (الواي فاي ) .....!! الكابي دون رصيد ليتواصلن مع الدنيا ...!! ورفيقات هناك ....
و هنا في هذا الجزء من العالم فالصورة مغايرة .......!! نحنا هنا عندنا الواي ( واي) ....!!! والشوارع الهناي (والبيتزا ) بالجنيه الحار البكاي ....!! والضيف من غير سبب بجي ساي ...( هو في أحلي من يجي ساي ....)
حبابو حبابو الضواي ...!!
أها كيف الراي....!! معاهم ولا بي جاي .....!!!!؟؟؟

بعدين شنو يعني ( الواي فاي ) ما الناس دي كلها هنا دااخلا نت وقااااعدة في الفيس والواتس محكرين وخالفين رجلم ....!! يتبادلو الأنس ...ويتشاركو
( تربيعة ابواللمين في مسرح الضباط ) .....!!
شوفوهم بدخلو كيف ...وادخلو معاهم ....!!!!
هي الحياة دي ذاتا بدون مجازفات وأزقة ....!! ما لذيذة ....!! ولا عندها طعم .....!!
المهم ناس (تسابيح ) ديل صحي قاعدات هنا في الخرطوم لكن شغالات بي شريحة السعودية
مشاعر قالت لي ( تسابيح ) دي تجيب سيرة أي حاجه تقول ليك ياحليل السعودية .....هي طبعا بت خالة ناس (أمنيات) ... وأمنيات هي البتجيب لينا قصصا دي...
قالت (شاماها ) ......عشان حركاتا دي ...
بتقول ليهم ( السودان ) دي لذيذة لكن حاره ....!!! هيااااا السودان اللذيذة ...!!
أجري الحق يا ( ود الدكيم ) تمت اضافة تاء التأنيث للشين ودشن حار سيافي وشين ...!!!ياربي تكون قاصدا ( مديدة الحلبة ).......!!!!
قالت ( هناك ) في حر بس ما بنشعر بيهو مع المركزي
وبعدين نحنا مع ( هناك ) دي البحلنا منها شنو ....!!!
ماهو ياتغنو إنتو يا أغني أنا ... 😜
فحددو لينا إنتو هنا ولا هناك ......!!!!؟؟؟؟
المهم شغالين معانا بالطريقة دي و أي حاجه يحولوها للريال ...!! تحلف تقول ( البنك الفرنسي) تقول ليك هسا الايسكريم دا بعادل كم ريال يعني ....!! ....
اها ونحنا بس في الحالة دي منتظرين البنج دا يفك ...
المهم يازول( تسابيح )دخلوها الجامعة هنا (وعلا )مدرسة خاصة ممتحنة الشهادة ...!! ورؤي ( القبس ) ....!!!
منتصر أخوهن دا كمان طالق ليهو دقن كدا وبفتي مرات ...!! هو شافع ( فنطوط ) لسا ماقام من قعر الواطا ....عندو قريبتو بت عم ابوهو مرا كبيرة اسمها ( الروضة )لاقتو بعد سنين قالت واحلاتي ( منتصر ) كبر كان مادقنو دي كان جضمتو .....!!!
قرب يجاهد فيها ......!!!
انتا هسا عمتك دي عرفتا اسما دا معناهو شنو ....!!
كدي شوفو ..!!
اسما ( الروضة ) .....
( الروضة ) دي لو طايبتها ...عادي ممكن تدخل بيها (الروضة )
أصلو ماقالو ليك صلة الرحم بتدخل ( الروضة ) ...!!! مصيرك بكرة تتعلم ...لانك كل ماتتعلم بتشعر إنو في ( الروضة ) ......!!

أما أبوبكر فهو الأجمل ...!! ألطف واحد فيهم هادي كدا ومسكييين ....!!! النوع الممكن تختو في أي محل بشتغل ...!! الرياض ....!! الخرطوم .....!! أو حتي العاصمة النيبالية ( كاتماندو ) بعيش في أي مكان ( برمائي ) .....
المهم جماعتك ديل بعد فترة أظنهم اكتشفو انو البعملو فيهو دا مضيعة زمن ساكت وأنهم جوا ( الجك ) وفي نص ( الكتمة ) شاء من شاء و أبي من أبي .....!!
( والصقر ان وقع كتر ( البتابت ) عيب .....!!!
هسا لو قلتا لي ( منتصر ) لو عرفتا لي ( البتابت ) يعني شنو بديك مليون ريال ...!!!
كن واثقا بأنك ستحتفظ بالمليون .....!!
ورويدا رويدا بدأت

سلة غذاء العالم وسلة غذا الوطن العربي
لا لمينا في ( خدار ) السلة ولا ( زيت ) العربي 😜
....من عين الحسود يبرا ......
ورغم كل ذلك يظل كل الجمال
ونحنا في السودان نهوي أوطانا وان رحلنا بعيد نطري خلانا .... ....!!!
شوف ( نطري ) دي ذاتا ( طرية ) كيف
مدفقا حنان ......
اها ( نطري ) دي ....( كرت عدم ) .....♣️
فقط في السودان ......
في أحلي من كدا
ويجو عايدين ان شاءالله عايدين يا الله

ما الحب وطن .....!!! ❤️
والريده بين الناس صلة ....!!! 🌹
ولا شنو ياسمية .....!!!!

الطيب عبدالماجد

الأسرة في الهبوط التدريجي نحو
( نهار ) الخرطوم .....!!! وبدا السودان بسرة الباتع يؤثر عليهم وينتزعهم مما هم فيه ....!!!
والسودان دا عشان ما نظلمو طواااالي كدا ...ما كمان عندو حاجاتو البعرفا هو .....دي ماعندها علاقة بالحكومة والريال والدولار ...هي ذات صلة بالناس والذكر والأسحار ....!! دي بلد محروسة ...!! ولو بدت عَلِي غير ذلك في كثير من الأحايين ....!!
هو لو ما صحي محروس ...!!
هسا مثلث ( الماهية والجنيه والأسعار ...) دا في زول ممكن يتخيل إنو يسوقك تلاته يوم ....!! خلي شهر ...
( بالله دي مش نظرية تدرس ) ....!!
الزول يكون ذاتو ماعارف بعمل شنو ولا يتصرف كيف ....!! و فجاة تأتي فزعة السماء ...ويتنزل الدعم الالهي ( ونعم الكريم ) ....!!!
المهم يازول ( تسابيح ) دورت ليك في المواصلات والحافلات و ( سبحت ) في شوارع الخرطوم ....
ولسعتها ( حراية ) نص النهار ديك البتجيب( العجاج ) البلف ذي المروحة دا ...فووووووو وماشي لي فوق ....
كان نصورو ونقول تم إطلاق المكوك الفضائي السوداني بنجاح ....
انتو هو ( بلف ) كدا مالو ( مسطول......!!!
الليلة كمان جا ( المغربل ) داك ...الفئة A ....( عجاج مستورد ) ....
المهم أخذت ( تسابيح ) جرعتها الأولي من التطعيم ضد ( عسل الامال ) ......دا ود عمو طوالي لي
( شلل الأطفال ...) النسخة المعنوية ....!! بقلل الشطحات ....
وًبدأت ( تسابيح ) تتأقلم مع الواقع ...وتستجيب للظروف ...وتنسجم مع المعطيات ....فتبدلت الرؤي وتغير المزاج ...
وتسلل اليها السودان بجماله الخفي ودخل عليها من الباب الخلفي كما النعاس في علاقات جامعية
فيها كثير من الدفء والحميمية والقرب ما افتقدته لسنوات طوال بعيدا عن الغرف ( الباردة ) والونسة ( المعلبة ) في الرياض العاصمة .....!!!
لترتاد احيانا الرياض ( المشتل ) ... بكل ضجيجه وكامل حيويته ...!! وحتي الغبار ....فكان إحساسها به أكثر صدقا ....وتأثيره عليها أكثر عمقا من شارع ( الملز ) في تلكم المدينة فطبعت عليها الشمس قبلة من السمار جعلتهاأحلي وأنضر ....!! حتي انو صاحباتا في
( الرياض العاصمة ) علقن علي ذلك ...!!! و إن كان ( ترمومتر ) العلاقات بات يميل أكثر الي دولة المقر ...!!
أضحت ( السبوحة ) تشرب من موية السبيل ...!! وتغالط الكمساري في الباقي .....!!! وجنها نبق ....!!!
( لقد عبرت الشقية )
أما صنوتها ( علا ) فلازالت تحلق في تلكم العوالم التي اعتادت...!! ولو بالريموت ....
لمت ليها في شلة من العائدات امثالها بمدرستها الجديدة وحدث الإلتحام الفضائي بكل سهولة يسر ودون تعقيدات...!!
نفس المكنة ) ......!!
( مواصفات خليجية )
لذاك فهي تعيش في قلب ( الخرطوم ) وتفكر بعقل (الرياض ) ...يدعمنها صويحباتها ...!! ولا زلن يفضلن العباية ونوال الكويتية ......!!
شقيقهن (منتصر ) تمرد علي لحيته التي تبدو أطول من سنوات عمره الغض فخفف منها كثيرا حد ( الموضة ) وخفف علي نفسه عسر التفكير وضبابية التوجه ....
مرتين قبضتو في نادي الضباط ...متلبس في حفلة
خميسين تاني .....!! ( بزنق )......
وأبوبكر الحنين ....!! منسجم مع السودان أكثر من أي مكان فجيناته قد تركها هنا وذهب الي هناك فعاد من جديد الي مكانه الطبيعي ...تشعر به وكأنه أراد ان يعوض سنوات قضاها خارج الصندوق ....القي ليك في الدافوري لما بكيفني .....!! وانا ماري العصرية سامعو ليك بكورك لي واحد ...كان تباصي لي هنا كنتا وريتو الطفا النور منو ...!!!
( ضحكتا براي ومشيت ).....
طالما عرفت أين هو مفتاح النور ...!!! فانا علي يقين بأنك قد وصلت يافتي ...ولعو طوالي ولا تبالي ..... أنت في قلب الوطن ...
العزيزة سمية وتسابيح أصبحن جزءا من النسيج الإجتماعي في الحلة وبكل تفاصيله ....وأحيانا تفاصيل التفاصيل .......!!
سمية عادي بتقول ليك ماشه ناس فوزية القهوة رامياني ..... بتلقاهم في الصف الاول في المناسبات والاعراس عايزين يعوضو مافاتهم من عروض ....وبعد أن كن يكتفين باختلاس النظر وصمت خجول .....
(الصفقة فوق حاليا ) 👏👏
صرن يلتقطن ( شمارات )الحلة بوضوح تام وعلي أكثر من ( قناة ) وتردد ..!! بعد ان جددو الإشتراك
جيت ماري لقيتن نازلات من الرقشة ....وبتفاوضو مع سيدا علي القروش ....سلمتا عليهم ...!! فعلاقتي بهم بجانب الحلة إنو ( فيصل ) برسل ليهم القروش عن طريقي و أنا بوديها ليهم ....وبحاول دايما وبقدر الإمكان أساعد في عملية إعادة الدمج دي ....!!
( التقول مساجين )
قالت لي غايتو ياعلوب سعد قشرة بقي نااار حمرا ولع عديييل كدا ....!! أسعار خيالية ...الحكاية شنو ...
ورغم هذا التصريح المعادي فالرقشة (مردومة )حد الإرتواء
( ديل خلاص دخلو السستم)
ايقنت لحظتها ان أسرة السيد فيصل لم تصل فحسب لكنها توهطت ومدت رجلينا ....!!!
واتفرجخت ....!!

مش قلتا ليكم سرو باتع
بلد حنين ياخ بس ظروفو صعبة .. ....
شبكونا

أشهد أن هذا الشعب معلم و مبدع .. لكن في شنو ؟ في تجريم الصادقين، في إطفاء كل شعلة أمل، في قتل كل بذرة صالحة ( أعمم و أعلم بخلل التعميم )، و لكن عندما تكون النسبة الغالبة هي التي تنشر الطاقة السلبية في حياتنا .. ما فارق تعميم من تخصيص ..
شعبي العزيز، مجتمعي الذي أحبه برغم كل الشوك في السكة، و الحنظل في الحلق، أنت شعب و مجتمع معظمه فاسد، ظالم، قاس، يوجه السهام لمن يستحق الوسام، ربما بسبب عمى البصائر، و الغباء الوجداني، و فقدان المعايير السليمة في كل مساق.
الحكومة فاسدة ؟ .. أمر لا يحتاج فطنة .. الشعب مظلوم ؟؟ ... لا و ألف لا .. نسبة قليلة للغاية من مجمل هذا الشعب هي التي ينطبق عليها وصف : ( ضحية )، أما الكثيرون فهم الذين كانوا ينتظرون فرصة مناسبة للفساد و الانحراف، لديهم موهبة كامنة في أعماق النفس، موهبة الظلمة، موهبة الحقد على كل ما هو نظيف، هذه الموهبة وجدت نظاماً عرف كيف يحتضنها ؟ و يسقيها .. و يمنحها الهواء المسموم لتعيش و تتقدم و تصبح ( غالبية شعب ) ينكر فساده العظيم، و يستتر خلف فساد النظام .

من هؤلاء الذين يعطلون مصالح الناس في شبابيك المؤسسات الخدمية، و يقسون على كبار السن ؟ كلهم كيزان ؟ من صاحب الدكان الضلالي في حيّكم ؟ من هم الذين يبصقون على بعضهم يوميا في المحطات و المركبات العامة ؟ من العنصري ؟ من الذي يغلق الشارع بسيارته و يسب الدّين كشرب الماء؟ كلهم كيزان ؟ أهلك المتجهمون و عائلتك الممتدة التي تنهش لحمك و لحم الآخرين على صينية الغداء ( إذا جمعتهم ) ؟ جارك الذي يبتسم في وجهك، و بعد عبورك يهمهم بعبارة جارحة ؟ الذين يأكلون أموالنا بالباطل ؟ الذين يبخسون جهدنا و عرقنا ؟ الباكيات زوراً في المياتم ؟ الضاحكون على عاهات بعضهم و صنعة الخالق ؟ الذين يتفحصون مؤخرات الفتيات ليلاً و نهاراً، ثم يتحسرون على غياب الأخلاق ؟ كلللهم كيزان ؟ طيّب ... أين هو الشعب العظيم الكريم الحليم المستقيم ؟؟؟؟

منذ أن نشأت على هذه الأرض، و أنا أعرف غايتي جيداً، لكنني لم أجد في كل طريق مشيته رفيقا أوفى و ( أعبط ) من السلبية، و الجهل، و الغباء الصادق من أهل و جيران، و مجتمع كااااامل يُميت أكثر مما يُحيي، و يدمّر أكثر مما يعمر.

أحبتي .. لا يخدعنكم هذا الفيض من المبادرات، و العمل الخيري، و المساجد الممتلئة بالمصلين، و الاجتماعيات التي يشع ظاهرها بالحب و النبل، فمعظمها قائم على زيف، و خوف من الآخر، و رغبة في ( المخارجة )، و اهتمام بالقشور، ( و من أنا حتى أحكم على أغلب النوايا في بلد يصفه أهله، و بعض الغرباء بالطيبة و السماح و اللطف ) ؟؟؟ نعم .. هو سؤال جارح و مالح : من أنا لأحكم ؟ لا بأس .. حسابي عند الله .. هذه قناعتي و ربي هو الحكم العدل الذي انتظر إنصافه وحده، فليس هنا على هذه الأرض ما يمكن أن نسميه عدالة مثالية.

ما كتبه لي هذا الأخ - ربنا يسامحه - قد يراه الكثيرون حالة فردية لم تكن تتطلب كل هذا الانفعال، و الرصاص الموجّه بشكل عشوائي، و لكن .... كلا ... لن أهرب بعد اليوم من قول الحقيقة الموجعة .. و برغم كل ما كتبته متفائلاً و محباً، و حتى الذي احتوى بعضه على وصف أهلي و بلدي بالخير ( فهو الأمل و الحلم العبيط الذي يسكن كل حالم ساذج )، الخير فينا موجود و سيبقى .. فقط لا بد من الاعتراف بأنه قطرة ماء في صحراء موحشة .

شكراً لكل من يحب و لا يُعادي بحجة الغيرة على الحق، شكراً لمن يتفكّرون، شكراً لمن يتحرى الصدق و لا يدين الشرفاء بجهله الآثم، شكراً لمن يحتفظ بنقائه ( لايوقاً ) في بلاد تحترف اغتيال الصدق و الصادقين، بلاد تلعن ( المفسدين ) جهراً، و في السر يهمس معظم أهلها : ( يا ليتني كنت معهم فأفوز فوزاً عظيماً ) ..

الشاعر محمد حسن السيد

#ﻧورا
.
ﻫﻲ .. ﺃﻗﻴﻔﻦ .. ﻧﻮﺭﺓ ﻓﻴﻜﻦ
ﻧﻮﺭﺓ ﻧﻘﺎﺣﺔ ﺍﻟﺠﺮﻭﻑ ..
ﻧﻮﺭﺓ ﺣﻼﺑﺔ ﺍﻟﻠﺒﻴﻨﻲ .. ﻟﻠﺼﻐﻴﺮﻳﻦ ﻭﺍﻟﻀﻴﻮﻑ
ﻧﻮﺭﺓ ﺳﺎﻋﺔ ﺍﻟﺤﺮ ﻳﻮﻟﻊ .. ﺗﻨﻘﻠﺐ ﻧﺴﻤﺔ ﻭﺗﻄﻮﻑ
ﺗﺪﻱ ﻟﻠﺠﻴﻌﺎﻥ ﻟﻘﻴﻤﺔ
ﻭﺗﺪﻱ ﻟﻠﻌﻄﺸﺎﻥ جقيمة
ﻭﺍﻟﻤﺨﻠﻲ ﺍﻟﺤﺎﻝ ﻣﺼﻨﻘﺮ ..
ﻓﻲ ﺗﻘﺎﺓ ﺍﻟﻠﻴﻞ ﺗﻨﺪﻗﺮ .. ﺗﺪﻱ ﻟﻲ ﺑﺎﻛﺮ ﺑﺴﻴﻤﺔ
ﺗﻜﺴﻲ ﻟﻠﻤﺎﺷﻴﻦ ﻋﺮﺍﻳﺎ ﻭﻓﻮﻗﺎ ﺇﻧﻘﻄﻊ ﻫﺪﻳﻤﺎ
ﻣﺎ ﻋﺮﻓﺘﻦ ﻧﻮﺭﺓ ﺇﻧﺘﻦ .. ﻗﻮﻟﻦ ﺇﻧﺘﻦ ﺷﻦ ﻋﺮﻓﺘﻦ
ﻧﻮﺭﺓ ﺑﺖ ﺍﻟﻮﺍﻃﺔ ﺃﺧﻴﺘﻲ .. ﻧﻮﺭﺓ ﺍﺧﺖ ﻛﻞ ﺍﻟﻐﻼﺑﺔ
ﻧﻮﺭﺓ ﺣﺎﺣﺎﻳﺔ ﺍﻟﺸﻘﺎﻭﺓ .. ﻧﻮﺭﺓ ﻫﺪﺍﻳﺔ ﺍﻟﻀﻬﺎﺑﺔ
ﺍﻻﺭﺍﺿﻲ ﺍﻟﻴﺎﻣﺎ ﺃﺩﺕ .. ﻧﻮﺭﺓ ﺑﻘﺖ ﻣﻦ ﺗﺮﺍﺑﺎ
ﻭﻣﺎﺷﻲ ﻓﻲ ﺍﻷﻋﻤﺎﻕ ﺳﺤﺎﺑﺎ
ﻣﺸﺘﻬﻨﻬﺎ .. ﻭﺍﻟﻠﻪ ﺟﺎﺑﺎ
ﻟﻠﺠﻨﻮﺏ ﻃﺒﻼً ﻳﻬﺪﻫﺪ .. ﻟﻲ ﻣﺸﺎﻋﺮ ﻧﺎﺱ ﺗﻌﺎﺑﺔ
ﻭﻟﻠﺸﻤﺎﻝ ﻃﻨﺒﻮﺭ ﻳﺴﻜﺖ .. ﺩﻣﻌﺔ ﺍﻟﻤﻴﺘﻴﻦ ﻛﺂﺑﺔ
ﻣﺎ ﻋﺮﻓﺘﻦ ﻧﻮﺭﺓ ﺇﻧﺘﻦ .. ﻗﻮﻟﻦ ﺇﻧﺘﻦ ﺷﻦ ﻋﺮﻓﺘﻦ
ﻧﻮﺭﺓ ﻋﺎﻳﺰ ﺗﻘﺮﺃ ﻗﺎﻟﺖ
ﻓﻮﻗﺎ ﺣﻴﻄﺔ ﺍﻟﺪﻧﻴﺎ ﻣﺎﻟﺖ
ﺧﺘﺖ ﺍﻟﻜﺮﺍﺱ ﻭﺷﺎﻟﺖ
ﻣﻨﺠﻼً ﺻﺎﻟﺖ ﺑﻪ ﺟﺎﻟﺖ
ﻻﻣﻦ ﺇﻧﺠﺮﺣﺖ ﺑﻪ ﺷﺎﻟﺖ
ﻟﻠﺘﺮﺍﺏ ﻓﻮﻕ ﺇﻳﺪﺍ ﻛﺎﻟﺖ
ﻭﻣﺮﺓ ﻳﻮﻡ ﻓﻲ ﺍﻟﺪﻭﻧﻜﻲ ﻟﺪﻏﺖ
ﺟﺎﺀ ﺍﻟﻔﻘﻴﺮ ﺑﺎﻟﻠﻴﻞ ﺣﻮﺍﻫﺎ
ﻭﻳﻮﻡ ﻣﻼﻫﺎ ﺍﻟﻬﻢ ﻗﻄﺎﻳﻊ .. ﺟﺎﺀ ﺍﻟﺒﺼﻴﺮ ﺑﺎﻟﻨﺎﺭ ﻛﻮﺍﻫﺎ
ﻭﻧﻮﺭﺓ ﻣﺎ ﻗﺪﺭﺕ ﺗﻤﺎﻧﻊ .. ﺗﻘﻨﻊ ﺍﻟﻨﺎﺱ ﺍﻟﻤﻌﺎﻫﺎ
ﻭﻣﺮﺓ ﺷﺎﻓﺖ ﻓﻲ ﺭﺅﺍﻫﺎ ﻃﻴﺮﺓ ﺗﺎﻛﻞ ﻓﻲ ﺟﻨﺎﻫﺎ
ﺣﻴﻄﺔ ﺗﻨﻤﻐﻰ ﻭﺗﻔﻠﻊ .. ﻓﻲ ﻗﻔﺎ ﺍﻟﺰﻭﻝ ﺍﻟﺒﻨﺎﻫﺎ
ﻓﻲ ﺟﻨﻴﻨﺔ ﺳﻴﺪﻱ ﺳﻤﻌﺖ .. ﺗﻤﺮﺓ ﺗﺼﻘﻊ ﻟﻠﻮﺭﺍﻫﺎ
ﺍﻷﺭﺽ ﻻﺑﺪ ﺗﺮﺟﻊ ﻟﻠﺘﻌﺐ ﻓﻮﻗﺎ ﻭﺭﻋﺎﻫﺎ
ﺷﺎﻓﺖ ﺍﻟﻨﻴﻞ ﻣﻮﺟﻮ ﻻﻫﺎ
ﺍﻟﺨﻠﻴﻘﺔ ﺑﻘﺖ ﺇﻻﻫﺎ
ﺍﻟﺸﻤﺲ ﻃﺒﻘﺖ ﺿﺤﺎﻫﺎ
ﻭﺿﻮ ﻣﻦ ﺍﻟﻠﻪ .. ﺭﻫﺎﺏ ﻣﻜﺘﻒ ﻓﻲ ﻭﺗﻴﺪ ﺍﻟﻠﻴﻞ ﻣﻌﺎﻫﺎ
ﺑﻴﻦ ﺣﻀﺮ ﺑﻠﺪﺍ ﻭﺧﻼﻫﺎ
ﻓﺴﺮﺕ ﻟﻠﻨﺎﺱ ﺭﺅﺍﻫﺎ
ﻭﻗﺎﻟﻮﺍ ﺟﻨﺖ ﻭﻣﻮ ﺑﺮﺍﻫﺎ
ﻭﻧﻮﺭﺓ ﺯﺍﺩﺕ ﻓﻮﻕ ﺷﻘﺎﻫﺎ
ﻭﺻﺪﺕ ﺍﻷﻳﺎﻡ ﺗﺨﺶ
ﺗﺒﻨﻲ ﻟﻲ ﻋﺼﻔﻮﺭﺓ ﻋﺶ
ﻓﻲ ﺍﻟﺴﻮﺍﻗﻲ ﺗﺸﻮﻑ ﻋﺰﺍﻫﺎ
ﻟﻤﺎ ﺷﻮﻗﺎ ﻳﺴﻮﻱ .. ﻭﺵ
ﺗﺴﻘﻲ ﺗﺰﺭﻉ
ﺗﺴﻌﻰ ﺗﺼﻨﻊ
ﻟﻠﻨﻬﺎﺭ ﻓﻲ ﺍﻟﻠﻴﻞ ﺗﺨﺶ
ﻋﺮﻓﺖ ﺍﻟﺸﻘﺎ ﻭﺍﻟﺸﻘﺎﻭﺓ ﺇﻻ ﻣﺎ ﻋﺮﻓﺖ ﺗﻐﺶ
ﺷﺎﻳﻠﺔ ﻃﻮﻟﺔ ﺍﻟﺒﺎﻝ ﻣﻦ ﺍﻟﻠﻪ .. ﻭﻣﻦ ﺃﺭﺍﺿﻴﻨﺎ ﺍﻹﺛﺎﺭﺓ
ﻭﻣﺎﺷﻲ ﺗﻜﺪﺡ ﻃﻮﻝ ﻧﻬﺎﺭﺍ
ﻭﺗﺮﺟﻰ ﻟﻤﺎ ﺍﻟﻠﻴﻞ ﻳﻔﻠﻞ .. ﺗﺴﺮﻕ ﺃﻟﻤﻲ ﻋﺸﺎﻥ ﺧﺪﺍﺭﺍ
ﻋﺸﺎﻥ ﺻﻐﺎﺭﺍ
ﻭﻟﻤﺎ ﺗﺮﺟﻊ ﻟﻲ ﺩﻳﺎﺭﺍ
ﺗﻨﺰﻑ ﺃﺣﻼﻡ ﺍﻟﻔﻘﺎﺭﻯ
ﻣﻦ ﻋﻮﻳﻨﺎﺗﺎ ﺍﻟﺤﻴﺎﺭﻯ
ﻟﻲ ﻏﺒﺎﺭ ﺍﻟﺤﺎﻝ ﺗﻘﺶ
ﻓﻮﻗﻮ ﻟﻶﻣﺎﻝ ﺗﺮﺵ
ﻧﻮﺭﺓ ﺗﻘﻌﺪ ﺻﺎﺣﻲ ﺗﺤﻠﻢ .. ﺑﻲ ﺑﻴﻮﺕ ﺑﻲ ﻧﻮﺭ ﻭﺩﺵ
ﻭﺑﺎﻟﻤﺤﺒﺔ ﺗﺸﻖ ﺩﺭﻭﺑﺎ .. ﻭﻟﻲ ﻗﻠﻮﺏ ﺍﻟﻜﻞ ﺗﺨﺶ
ﻧﻮﺭﺓ ﺗﺤﻠﻢ ﺑﻲ ﻭﺟﻮﺩ
ﻣﺎ ﻣﺸﺖ ﺑﻴﻨﻮ ﺍﻟﻘﻴﻮﺩ
ﺃﻓﻀﻞ ﺃﻓﻀﻞ ﺑﻲ ﻛﺘﻴﺮ .. ﺑﻲ ﻭﻃﻦ ﻣﻦ ﻏﻴﺮ ﺣﺪﻭﺩ
ﻧﻮﺭﺓ ﺗﺤﻠﻢ ﺑﻲ ﻋﻮﺍﻟﻢ
ﺯﻱ ﺭﺅﻯ ﺍﻷﻃﻔﺎﻝ ﺣﻮﺍﻟﻢ
ﻻ ﺩﺭﺍﺩﺭ .. ﻻ ﻋﺴﺎﻛﺮ .. ﻻ ﻣﻈﺎﻟﻴﻢ ﻻ ﻣﻈﺎﻟﻢ
ﻧﻮﺭﺓ ﺗﺤﻠﻢ .. ﻭﻟﻤﺎ ﺗﺤﻠﻢ ﻧﻮﺭﺓ ﺗﺮﺟﻒ
ﻭﻟﻤﺎ ﺗﺮﺟﻒ ﻧﻮﺭﺓ ﺗﺤﻠﻢ ..
ﻭﻟﻤﺎ ﺭﻳﺢ ﺍﻟﻮﺍﻗﻊ ﺍﻟﻤﺮ .. ﻟﻲ ﻋﺸﻴﺶ ﺃﺣﻼﻣﺎ ﻳﻨﺴﻒ
ﻧﻮﺭﺓ ﺗﻨﺰﻑ
ﻭﻟﻤﺎ ﺗﻨﺰﻑ ﺑﺎﻻ ﻳﻬﺘﻒ .. ﻳﻮﻡ ﺣﺎ ﺗﻨﺼﻒ ﻳﻮﻡ ﺣﺎﺗﻨﺼﻒ
ﻭﺗﺒﺪﺃ ﺗﺤﻠﻢ .. ﻭﻟﻤﺎ ﺗﺤﻠﻢ ﻧﻮﺭﺓ ﺗﺮﺟﻒ
ﻭﻟﻤﺎ ﺗﺮﺟﻒ ﻧﻮﺭﺓ ﺗﺤﻠﻢ
ﺻﺎﺣﻲ ﺗﺤﻠﻢ .. ﻭﺻﺎﺡ ﺑﺘﺤﻠﻢ
ﺻﺎﺡ ﺑﺘﺤﻠﻢ

شكلة مسائية! !!!!
امبارح ختمته يومي ب شكلة انا ماعملتها بس كنت سببه! آخر اليوم كده وانا ماشه ع البيت قلته كدي اشيل لي قريشات من الصراف بتاع بنك ام درمان الوطني لقيت لي صفيف كدي ماكبير فيهو ذي عشرة رجال وانا المره الوحيدة وقفته كده ب الجمب وبقيت ماشه مع الناس الصراحة ماف زول قال لي اتفضلي اصرفي وانا مازعلته لاني مقدرة اوضاع الناس واي حد داير يسحب ويمشي يقضي حوايجو. بعديني كم نفر وانا مااااشة مع الصف والامور ماكعبه الناس تنبز في الحكومة وتشتم فيها وانا امووووت في الجو ده واسمع في قصص ومآسي الناس مع الصفوف الفي البلد والحالة الكربه العايشنها ..وعماله اتخيل في نفسي رئيس السودان ياربي ح ابدأ ب شنو والعلاج السريع ح يتم بأي شكل والدولار والسكر والامتحانات وفي عز السرحان يجي واحد ناطي من الشباب الجو بعدي ولم ليك في الفجة لو سمحتو دخلو البت دي خلوها تصرف علشان تمشي علي اهله وشب ليهو واحد قرب للباب انت قايل نفسك ارجل مننا يعني والشغلة وسعت وارجل وما ارجل وانا شابكاهم ياجماعة عادي ومافيها حاجة وانا قربته ☺واستهدو بالله ولااااااا حياة لمن تنادي والدنيا فارت علي ⌘↯ ف قررته الانسحاب ومشيت وانا اشاكل في نفسي و اشتم في الولد ولسان حالي بقول مالك ومالي ماكان تخليني في حالي بعد قربته للقون تطلعني تسلل ..

ليمياء سليمان

ما مهم شكل المساكن..
المهم الجوة ساكن..
طبعو كيف ؟! ❤
طبعو رايق ديما باسم وفي الكرم دايما مزاحم

#لاااااااااابسة في عرس اختها لبس عاري
#ولامن سالوهاااااااا ؟؟#قالت ليهم انا كان ما لبست في عرس اختي البس في عرس منو؟؟😏😏
#سجمك يعني انتي كدة لاااااااااااااابسة ؟؟ولا دا نوع من المجاملة الحا تعزي بيها اختك ؟؟
#تاني سااااااالوها ؟؟#قالت ليهم حتي ولو لبست عاري ماهو البرقصو معاي ديل كلهم اولادي اهلي ماف زول غريب 😏😏
#ود عمك ماغريب ؟؟❌❌
#ودخالتك ماغريب ؟؟❌❌
#ود خالك ماغريب ؟؟❌❌
#ودعمتك ما غريب ؟؟❌❌
#يلا ديل كككككلهم في الشرع حكمهم نفس حكم الغريب #طالما هم بحلو ليك للزواج فبتالي ما بحق ليهم اشوفوك عريانة ❌❌
#الناس بقت شغالة بالعادات اكتر من الشرع
#اقولوليك ود عمها ودخالتها ودخالها ودعمتها ديل اخوانها
#ديل ما اخوانك ❌❌ اقسم بالله شعرة من راسك لوشافوها بي جميرة ❌❌
#هو زاتو نحن عشان نكون صريحين مرات سبب فساد بعض البنات بكون من داخل الاسر بكون من منو من.........
#ود عمها ‘ودخالها ودخالتها ود عمتها يلا بقت في دياثة حاصلة...... وللاسف دا الواقع والحاصل الاااااان عشان مانقعد نخبي في المواضيع.....
#وطبعن الزمن دا الاب البكون حاسم في بيتو بقولو عليهو ما متحضر ❌❌او ما مثقف❌❌ او متخلف ❌❌اومتعقد ❌❌.....يا جماعة دا الدين الاسلامي نحن مش الدين الاسلامي وضع لينا قواعد واسس مفروض نمشي عليها.......
#رسالتي لي كل اسرة تحافظ علي بناتا كلكم راع وكلكم مسؤل عن رعيته .......
❌❌
..
..#كلامي عااااااارفو مررررر. بس.......
#الدين #النصيحة
.راقت لي منقول من جروب بجمبنا

تحذير مؤلم

انا: ازيك يا محمد، هى يا حنن يا حليلك يا الحبيِّب كيفك و كيف ناس البيت، ما شاء الله كبرت والله.
محمد مدنقر و عيونه عاملات كيف كيف، ما قدرت افهم شى. يا ربى خجلان؟ يا ربى زعلان عشان قلت ليه كبرت؟ لكن العيون دى غريبة شوية. و بت اختى تشيل و تقرص فينى.
لمن مشى محمد سألتها، مالك فى شنو؟ قطعتى لحمى.
قالت لى " يا خالتو ما تقولى لولد حبيبى."
انا: و ليه يابتى!!!!
هى: عشان . و قعدت تلعب ياصبعها و تلولح فى راسا الغليد دا!
و انا منتظرة. انا: عشان شنو؟ ما قلتى لى.
هى: عشان هو ممكن يفتكرك بتشاغليه!!!!!
انا: اشاغل منو!!! محمد الوليد الصغير دا؟؟؟؟
هى: آي يا خالتو
انا: هى لكن كيفن عاد، انا زى امه، حضرت ولادته و يوم سمايته بتذكرها زى الكأنها كانت امبارح. " هيييي دا غبا منك انت انا ما يانى خالتو".
نطت من هناك و قالت. بس دى ياها يا خالتو.
انا: ياتا دى البتقصديها.
هى: شفتى خالته دى هى المشكلة زااااتها.
نططت عيونى و حسيت بنفسى بتكلم مع زولة صينية و ما فاهماها بتقول فى شنو. يا بتى اشرحى لى الرابط شنو بين انا اكون خالة محمد و بين المشاغله.
هى: شفتى يا خالتو الاولاد بقو يخافو من النسوان الكبار.
نطيت ليها فى حلقها و قلت ليها "ماشاء الله دى احسن حاجة احترام و تقدير بخوف".
صفقت بإيديها و اتعجبت، يا خالتو اشرح ليك كيف؟؟؟ كدا تعالى نقعد جوه و انا اشرح ليك
دخلنا و قعدنا و جن اخواتها التانيات و اختى زاتها و قعدت تشرح ليهم الحصل بينى و بين محمد و كيف محمد كان بعاين لى و مرة يدنقر و مرة يبحلق لى.
اخواتها زاتهم القامت جارية و القعدت تضحك و البدت تصفق بيديها. قلت ليهم فى شنو يا بنات محمد دا جن و لا فى شنو؟

الكبيرة اصلها شغالة فى البوليس و انسانة دغرية. قالت لى: شوفى يا خالتو، البلد دى ما زى ما خليتيها قبل ٢٧ سنة، لا ٢٧ دى زااااتا كتيرة شفتى امبارح القريب دا ما زى اليوم، كويس. فى نسوان كبار بقوا يتحرشوا بالاولاد الصغار فعشان كده لا تقولى دا ولد جارتى و لا دا ولد صحبتى، يعنى مياعتك دى و دليعك للبنات و الاولاد و الرجال و النسوان دا هنا ما بنفع. فهمتى و لا افهمك.

بقيت اعاين ليها زي المتهم البرئ اللبسوه تهمة و ما قادر يمرق منها، خاصة و هى بوليسة و كدا يعنى. بعد مساااافة بلعت ريقى و قلت ليها" عليك الله دى ما طرطشة، هو الفاضى ليهم منو، و بعدين النسوان ديل رجالم وينم؟ و اولادم وينم؟؟ لا لا دا بكون تأويل من الشباب ساي. ما اظن فى مرة بت رجال تتحرش ليها بولد قدر اولادها!!!
نطت الوسطانية اصلها دلوعة و رقيقة كدى" اها يا خالتو كلموك و حذروك".
حتى انت يا الرقيقونة بتحذرينى 😱😱😱 سمح
اها انتو دحين الكلام دا صاح و لا البنات ديل بغشن فينى؟

آمال مكى
ديسمبر ٢٠١٧

الضو حرامي معرووووووف ...لكن مااا بسرق ناس حلتو
ولا بخلي حرامي تاني يجي يسرق منهم ....

والأهم من ذلك كريييييييم- وال في إيدو ماااحقتو

جوهو نسابتو نص الليل-والبيت كان عدمان الشيء البضبحو ليهم
وشينه منو يعشيهم بي شعيريه !!

اتوكل وقال:يااااااااربي تغفر لي
ودخل زريبة الطيب جارو -جر منها اكبر واشحم عمبلوق
وجاء ضبحو لي ضيوفو ومشى صحى الطيب عزموا
وقال ليهو:تجي تتعشى معانا وتشوف اهل المراه

والطيب جاء ضررب زييين في لحم عمبلوقو واخد ونستو معاهم وفات ...

والصباح دخل زريبتو لقى عمبلوقو مافي-فتش جاي وجاي وسأل الشفع ولاحس لاخبر
ومتأكد تمامآ انو الضو مستحييييل يعملها
ومشى السوق قال يمكن يلقاه مبيوع هناك ...

الضو بي جاي شاعر بالذنب ويستغفر سااااااااي
وحلف الا يعوض الطيب جارو بشيء احسن من العمبلوق شد كارتو ومشى ملاها شوالات عيش فللل.. وجابهم للطيب في بيتو
وقال ليهو: عاااارفك بتكون زعلان مني
انا امس اتعوج وما لقيت غيرك ...

دحين حسي دخل ديل لااا اجوه وحرررررررم ولااااا كلمه!!

هالة محمد

قاعده براااها في البيت ...

وفجأة
جاتها رسالة من أختها على الواتساب بتقول:(ابو مات وكلمي امي) ...

جدعت التلفون وصرخت :جاااااااااااااااااك
الليله ياااا حيلك يا ابوووووووي
الجيران جو يجرو - في شنو؟
في شنو؟
ابوي مااااااات -والنسوان طقن الكوراك معاها وووووووب حي -ووووب حي
وبعد شويه جات امها داخله مهجووووومه
لاقنها الحريم وايديهن في السماء- الليله سجججمك
الليله قبلك وحححححدك وبراك
الليله الجاتك تختاك
سغيييره وجاهله يختي، ومابقيتي علي القعاد
الليله ياااا حليل ابو وليداتك ...

وهي جدعت توبها وبقت تشبك في يدينها وتفكهن وتقول : مابصدق
مابصدق يا ابو محماااااااد - القال اتا متتتتا منوووووو
ووووووووب علي الليله انا ...
الحريم قعدن يقابضن فيها -اتصبري يختي
الدنيا مافيهاخير كدي عايني لي وليداتك ديل..
نهرتن حاجه التومه :هوووي اسكتن يا حروووم وخلنها التبكي والزول اكان مابكى في اللحظات دي يبكي متين يعني ؟
خلنها التبكي وتقوم تتوضأ وتصلي ليها ركعتين عشان تستعد للجاييها واتي يا بتول اجري علي البيت جيبي توبي اللبيض بتلقيهو في طرف الدولاب وقومن يابنوت شوفلها سبحتها وين....

جات داخله البت الرسلت الرساله- شافت اللمه ختت يدينها علي خدودها وقالت :في شنووووو؟
قلدتها اختها وقالت ليها: بقينا ايتاااااااام -خلااااص ابوي مات
صرخت جااااااك وبردلب وقعت - وكف كف شالوها البنات دخلوها جوه...

الشارع بره اتملأ بالناس والعربات
وشباب الحله ماشاء الله عليهم-سريعين النهمه
جزء شال حفارتو وجرى مع الرجال الكبار علي المقابر والجزء التاني مشى جاب الصيوانات دقدقوها سريع سريع وجابو التلج وحفاظات المويه والبجي ماشي بالشارع كلوووو يكشح الفاتحه لاولاد المرحوم ...والجو حزييين ومكهرب

وفجأة

وقفت ركشه نزل منها المرحوووم ذاااتو- نزل بطيختو وخضارو وقلع عيونو حمممممر بعد شاف لمة الناس والجوطه
بتاع الركشه قال ليهو:الظاهر عندكم عزاء يا حاج
الفااااتحه .....
جوهو اولادو مندهشييييين : ابوووي يعني انت عايش؟؟؟

الحصل انو الرساله كان فيها كلمة ناقصه وبتقول:(ابو ايمان مات كلمي امي)
وايمان دي واحده صاحبتهم!!!

هالة محمد

أشهر ثلاث ديوك يضرب بها المثل عندنا في السودان هي : -

1- ديك المسلمية قالوا الديك هذا قبضوهو وربطوهو عايزين يضبحوهو خلاص والمرة ست البيت بيتكشن في البصل جمب الديك وهو يعوعي لانو عارف البصل والنيران ليو هو عشان كدة ضربو بيو المثل بقول فلان عامل زي ديك المسلمية بصلتو في النار ويعوعي

2- ديك البطانة قالو قبضوهو وساقو السوق عشان يبيعوهو اها في السوق ما جاب السعر المعقول قامو جابوهو البيت وفكوهو قالو اخوانو سالوهو عن المدينة قال والله ساقوني وراسي مدلدل في اللوري اها المثل فلان زي ديك البطانة ما شاف شي

3- ديك العدة يجري وينطط في العدة كان نزلزهو بيكسرها