📌Заместитель председателя КС МОД «Высший Совет Осетин» Вячеслав Дзагоев вручил цветы маме Геннадия Дзгоева.

📌Дзур иронау, дзур, мæ къона!📌

📎Дзæуджыхъæуы 240 азы юбилейы фæлгæты, ÆÆЗ «Иры Стыр Ныхас»-ы разамындæй, Алайнаг гимназы арæзт æрцыди хъазт - викторинæ скъоладзауты æхсæн.

📎Викторинæйы сæ зонындзинæдтæ æвдыстой дыууæ командæйы: 13-æм скъолайы командæ «Иры ныфс» æмæ Алайнаг гимназы командæ «Иры сомбон».
📎Скъоладзауты размæ хаст цыдысты фарстытæ Дзæуджыхъæуы историимæ баст. Сæ хæс уыди, чи рæвдздæрæй, ахъуыды кæнын æмæ раттын раст дзуапп. Командæты архайдтой фæйнæ 7 адæймаджы.
📎Хъазты цыд куыд сбæрæг кодта, афтæмæй фæуæлахиз сты Алайнаг гимназы ахуырдзаутæ.
📎ÆÆЗ «Иры Стыр Ныхас»-ы КС сæргълæууæг Уататы Зелимы номæй, йæ хæдивæг Дзæгъойты Вячеславы къухæй скъоладзаутæ айстой зæрдылдарæн лæвæрттæ æмæ Кады гæххæттæ, сæ ахуыргæнджытæ, стæй ахуыргæнæн уагдæтты директортæ та хорзæхгонд æрцыдысты Арфæйы фыстæджытæй æмæ аив дидинджыты бæстытæй.

Хъæбæлоты Билары номыл республикæйы сывæллæтты сфæлдыстады галуаны, кадджын уавæрты сбæрæг кодтой ИРОН ÆВЗАГ ÆМÆ ЛИТЕРАТУРÆЙЫ БОН. Бæрæгбонмæ хуынд æрцыдысты Муниципалон скъолаты ирон æвзаг æмæ литературæйы хуыздæр ахуыргæнджытæ сæ ахуырдзаутимæ, активон æхсæнадон - социалон организациты архайджытæ æмæ фæзминаг ныййарджытæ.
Галуаны алыхуызон сфæлдыстадон къордтæ, сæ бæрзонд æмвæзадыл æвæрд аивадæй, тынг срæсугъд кодтой бæрæгбоны фембæлд.
Хуынд кадджын уазджытимæ сæмбæлдысты Æппæтдунеон æхсæнадон змæлд "Иры Стыр Ныхас"- ы сылгоймæгты комитеты уæнгтæ: Елуаты- Мысыкаты Бэлæ, Коцойты Заремæ æмæ Комитеты сæргълæууæг Махъоты Иринæ.
Бæрæгбоны мадзалæн сæйраг дзуапдæттæг уыдис Республикæйы Сгуыхт ахуыргæнæг, Галуаны ахуыргæнæг- методист - Хабæты Риммæ.
Махъоты Иринæ Риммæйы номыл æрбахаста æмæ саккаг кодта: Республикæйы ахуырад æмæ наукæйы профцæдисты Кады грамотæ.
Бæрæгбонмæ хуынд адæм æмæ йæ архайджытæ мадзалæй баззадысты тынг разыйæ.