عمري..اذا قصدج عل المهر فطبعا البنية تتصرف بي وتشتري كل اغراضها

بعد حسب اتفاقات..اكو بيهم يتفقون انو ذهب والغرفة وملابس ..من ضمن هالفلوس

واكو بيهم يتفقون انو ذهب وملابس من ضمن هالفلوس والغرفة عل الولد..

فهج حسب هم اللي كايلين والمتفقين بين الأهلين☺️🌺

#ملوكه

حبايب حاليا رح اكمل القصه..لان هاي نهاية وخلصت

وبعد القصه فد اشويه و اجاوب عل كل اسىلتكم☺️❤️

#ملوكه

#البارت التاسع عشر

#جنوبي_والنفس_بغدادي😻

                                                       **************
بنين :- بعد مكملنه غراضنه ورحنه للناصريه ثاني يوووم اخذني وتزوجنه فعلااا...
بدت مشاكلي ويه عيالي ميتقبلوني.... ضليت اسبوع ورجعنه بغداد مرتاحين وراها انتقل شغله للناصريه ورحنه للناصريه وسكنت وي عيالي...

سيف :- بنونتي حضريلي ملابسي ترة الفجر رايح للدوام... وهم جهزيلي الحمام

بنين :- ماشي حبيبي
كمت حضرت ملابسة وجهزت الحمام....

كوم سيف كملتهن....

سيف :-  ماشي حبيبة كمت طبيت غسلت وطلعت....

بنين :- اكلك حبيبي ترة والله طلعت روحي من اهلك والمصبرني انته يعني الى متى ديعادوني شمسويتلهم وكل واحد يحجي وياي من ورة خشمة الى متى ابقه هيج.... ليش جبتني للناصريه مو جنة بغداد مرتاحين....

سيف:- بنونتي ياروحي يعني شسوي تحملي الخاطري لان تدرين عوايدنه نزوج كرايب وبنات عمنه واني حبيتج واخذتج فالخاطري تحملي ونقلوني للناصريه ومااكدر ابقيج ابغداد منو يبقه يمج بين مااروح ايام لشغلي.... لو باقي نقلي ابغداد جان بقيت وثانياا هم اهلي يعني ماكدر اشوفج لو اشوفهم من شغلي عاد هسه يمهم

بنين :- اي صحيح بس مدااسوي شي غلط وهيج معاديني وبنات عمك ميكعدن راحه من يجن....

بنين :- دتعااالي شعليج ابنات عمي اعالي بحضني وانسي الدنياا كلها مالي خلك خل اشبع منج قبل لااروح باجر....

سيف :- رحت بحضنه وضلينه نسولف ويشاقيني وووو لحد مانمنه وفريت الفجر....

بنين :-حبيبي اكعد بدل تروح للدوام...

سيف :- صباح الخير حياتي اي هسه كايم....

بنين :- يله بين مااروح اسويلك ريوك....

سيف :- كعدت وبدلت وجابتلي بنونتي الريوم تريكت....
بنونتي ديري بالج عله نفسج حبيبه.... وبست راسها..

بنين :- الله وياك حبيبي....

وره مراح سيف رجعت نمت وكعدت ب10 الصبح ونزلت جوة...صباح الخير.

ام سيف :- هلا بالمسعدة كولي مساء الخير خلص الصبح وحضرت جنابج نايمه....

بنين :- مانتبهت للوقت والله عمه اسفه....
نزت لكيتهم منضفين ويريدون يسوون الغده ادري شعدهم من 7 الصبح عاد ساعدتهم بالغدة والتنضيف.....
تغدينه وكملنا.... وغسلت ماعين الغدة....

وصعدت الغرفتي....
راسلت سيف.... ماكو جواب ماعده نت....
اوووف ياسيف المبايل شحنته الك 100 وينك ليش ماعدك نت....
ادك وماكووو مغلق خرررب حضي هسه هذا وينه يدري بيه اتخبل اذا ادك ومغلق اوووف....
خل اراسل يقين احسلي.....

هلو يقووو شلونج....

يقين :- هلا بيج كلبي الحمد لله وانتي شلونج سيوفي شلونه....

بنين :- الحمد لله زينين بس دااراسل سيف وماكو طالع من الفجر للدوام وليهسه مراجع....

يقين :- ليضل بالج همه هيج الضباط جوز طلعله واجب صفح خو ماتضلين مشغوله ارتاحي لتشغلين بالج...

بنين :- والله ماعرف غير يكلي ليش مبايله مغلق وهوه متروس شحن وكايلتله قبل لتغلقه ليش هل مره مغلق ممرتاحه وداعتج كلبي ديلعب حاسه اكو شي مخنوكه حيل...

يقين :- كولي يالله شسالفه بنو شبيج ماكو شي هسه يرجع....او يفتح مبايله ويكلج...

بنين :- اوك ماااشي ان شاء الله اكلج شخبار اهلي شلونهم...

يقين :- زينين الحمد لله بس امج من رجعتي للناصريه ليهسه بس تحجي ودردم وشايله روحها وطاكتها بلكاع لان تريدج ابغداد يمها وتدرين من البداية هيه مراضيه بزواجج....

بنين :- اووووف اسكتي وخليها والله عيشتي جحيم الكل معاديني بس شسوي امري لله.... خل اروح انزل اشوف شنو السالفه....

يقين :- باااي

بنين :- نزلت جوه وشفت البيت كاعدين وساكتين
اكلك حسن شو ادك عله سيف ميجاوب مغلق وبالي عليه....

حسن :- اي اني شو هم خابرته ومجاب عود ردته بشغله... بس ليضل باالج....

بنين :- مادري خايفه عليه والله هسه موعد جيته وماااكووو.....

.صعدت فوك والقلق كاتلي.....

حسن صار دنيه ليل وسيف ماكووو

وره شويه دك فوووني....

الووو :- انته حسن اخو سيف....

حسن :-اي خويه بس منو انته هذا مو تلفون سيف....

 خويه اخوك سيف بلمستشفى هسه مصوب بطلقه.....

حسين :- شدتحجي وين هسه هوه

الولد :- بمستشفى فلان.........

حسن :- جاي جاي هسه 10 دقايق واني يمكم...

ابو سيف :- شبيك وليدي شكو شبيه سيف

حسن :- بويه شيف متصوب بلمستشفى هسه....

ام سيف :- يمه ابني شبيه فهموني ولكم ولك اسويف يمه وينك صوبوك المايخوفون الله موتوك....

حسن :- يمه شسالفه ادعيله هسه رايح للمشتفى اني وولد عمي.... لتفاولين عليه

بنين :- جنت فوك ومااسمع بس الصياح والصريخ جوة نزلت اركض....

ام سيف :- ولج بنين سيف راح راح من ايدنه صوبوه....

بنين :- ضليت مصدومه....

يتبع..

#البارت العشرون والأخير

#جنوبي_والنفس_بغدادي😻

                                                    ****************

بنين : بعد ماصار حادث سيف واتصاوب برجله وصار زين
المشاكل وي العيال ولاتخلص

فحبلت وطرحت.....  امه تريد يتزوج عليه وحده من بنات عمه.....

صارت عدت مشاكل ورجعت لبغداد انتقل.... وقبل اشهر قليله رد انتقل بلناصريه...

ورحت للناصريه ولووو ادري مرايحه حياتي ادمرت

رجعت حبلت وطرحت

وتعاركوو عيالي اله يزوجوه فرجعني سيف لبغداد ارتاح ايام..... وتزوج عليه بت عمه..... ومن رجعت كالتلي امه تزوج ولازم تتقبلين

خابرت اهلي واجوي اخذوني.... لان ماكدر اعيش وياه بعد موعدني انو ميتزوج واتزوج لان يردون يشوفون اطفاله.....

وره فترة رحت بيت اهلي وزعلت رجع يريد يراضيني مقبلوو اهلي رااادووو طلاق....

وره عدت ايام  رحت حللت وطلع بيه سرطان بالرئة.... مااكدر اسافر... مايلحكون عليه وعله حالتي.....

#بلسان الكاتبة:
تالي بالأخير بنين اتوفت بسبب هالمرض واني كنت عل تواصل مع مرة اخوها ونقلتلي بأحداث مرضها ووفاتها

فمثل ماانتو مقهورين لان قريتوها وكانت هاي النهايه اني اكثر قهر اتواصلت وياها وضحكنا وتشاقينه فمااتوقعت هج بالنهاية يصير وياها

كلشي ممعروف القدر دوم يلعب لعبته ويه البشر ومحد يدري بيا ساعه يموت.....

وياريت نتعض من هالدنيااا ونعمل اعمال صالحه تفيدنا بآخرتنا.....

بنين جانت بنيه طاهرة وطيبة قلب بس الزمن قسى وياها...

فادعولها بالرحمه..ربي يرحمها ويجعل مثواها الجنة يااارب 💔🤲🏻

النهاية....

★العبرة من القصة

صح جانت مؤلمة وتقهر😔..بس اتعلمنا منه درس...أنو اهالي الطرفين لمن ماراضين فالقسمه لو تصير موزينه..لو يخربوها

خاصه اذا من طرف العيال..رح يحاولون بكل طرق يخربون الزواج..لو بالسحر لو يقرون براس الولد ويزوجو
فديربالكم يابنات المتزوجات والمقبلين عل الزواج..عيون الناس ماترحم

ليش العراق داىما بتخلف وجهل ومابي خير💔 لانو اكو نفوس تحقد وتحسد ويسوون سحر وشعوذة
فانتو لاتشوفون الزواج سهل..اكو معوقات تصير فلازم تعرفين اشون تتصرفين ومثل ماكلت عيون الناس ماترحم..وياما جماعه وصلت للقبور وماتت من ورة العيون

★فيوميا ماعدا الخميس..سوو حرمل عصرية قبل الاذان المغرب والقرأن ابد لاتكطعي..اقري يوميا حتلو بس صفحه ..واذا انتي دتشتغلين بالتنظيف هم علكي واسمعي فهالشي يسووي بركه بالبيت..
وكل يوم طلعو صدقة حتلو بس ربع....وكل دقيقة سوي استغفار وصلوات ...هذيني كلهن يدفعن البلاء عن المؤمن فالتزموا بيهن حبايب🌹✨

#ملوكه

عمري ..ماكو سيروم بي😕 فائدة للرموش

عندج بس زيت الخروع وزيت زيتون اصلي يثخن رموش والفازلين يطول الرمش

وعفية عليج انو انتي ماهاملة خواتج وتراقبيهم

★بنات حبايب هاي الخطوة كلش مهمه..انو خواتج اللي اصغر منج تراقبيهم بدون ميحسون..لانو هم يكونون اقرب الج من الام

مرات الاخت صغيرة تسولف اسرارها لاختها الجبيرة والام متدري الموضوع..فانتبهو عل هالشي ولاتهملون مراقبة خواتكم❤️

#ملوكه

عيوني اي حبوب مسمن كلهن ابتعدي عنهن..لان مضرات وتاثيراته سلبيه بعدين تبين💔

فاعتمدي عل الاكل افضلج..يوميا اشربي حليب قبل نوم واكلي جوز..فالجسم يخزن وتسمنين اشويه اشويه☺️


#ملوكه

هههه..باعي حبي شي اكيد ماكو عرس بالقاعات..كلها بالبيوت ..فمدام بالبيت البسي نفنوف كصير احلى..لانو نفنوف طويل مو حلو بالبيت ينرادله قاعه

وهذيني صور عل نفنوف الكصير😻👇🏻

#ملوكه