- لااا انطي خبر شلون لعد وبعدين هي طالعه ويه ابوهه مو غريب واني ولي امرها قبله فماكو داعي بعد احد يعترض

كلهم سكتو والحجيه كالت ..
- اي هاذ حك والله ..ابوهه انته الامر والناهي
اخذهه يمه اخذهه

ضحك وتشكر منهه وكالي اروح احضر نفسي
واني ركضت كبل لميت ملابسي ولبست عبايتي بسرعه وطلعت جان عمتي تكلي ..
- وين متكبعه وماشيه وييين
- اروح ويه ابويه
- شننننني يمه عيدي ماسمعت وين تمشين ويه ابوج
- شنو وين لبيت اهلي غير عندي دوام وبابه كالي اخذج تداومين منا لما يرجع محمد ويرجعني
- امشششي رددي لدارج امششي مامش مره تطلع بلايه شور زلمتهه من يرد ذاك الوكت تكبعي واطلعي

جان يصيح عليهه عمي وكللهه ..
-خليهه ماعليج بيهه ..امشي بويه ابوج ينطرج بره

ابتسمت وطلعت لابويه وهو سلم عليهم وطلعنه
وصلنه مازن لبيتي وذبيت هالعلاكه واخذت الي جنت محضرتهه ورجع وصلنه لمكان السيارات
واخذنه سياره ورجعنه لبغداد ...

رجعت روحي طايره من الفرح رجعت لدوامي
واهلي ومنطقتي .. دربونتنه والشناشيل وصوت
اذان الجامع وكلمه الاغاتي الي مرحب بيهه من بعيد وضحكه نسوان البغداديه وحجايه .. انزول عليج ياداده ... الي اسمعهه بين كل بابين مفتوحه وواكفات النسوان يتحاجن كبالهه ..
وصوت الاغاني والمقامات الي يدندن بيهه كل ابو دكان وكل راديو معلك بباب كهوه لو باب المزينجي ..
هنا ماكو لا صوت ابقار ولا صوت طليان ولا صياح عمتي وراي ليل نهار ولا حشيش يبهذل ملابسي ولا حطب يصخم ايديه ويخرب ريحتي
رجعت لراحتي واماني وبيتي الاولي ..
رجعت ابدا صباحي بريحه الكهوه المهيله وقطع الكليجه المحلايه بالتمر والحلقوم وادندن ويه صوت فيروز من الراديو الي بالطرمه ويه ابويه
وابتسم لوجهه الحلو صاحب المعاني الثابته والشارب الخفيف المرتب .. من نعومه ضحكته ويه نعومه هالروب والبجامه الستن الي يتمشى بيهن الصبح اخذ نعومه وسلاسه يومي ..
واروح اتكشخ بفساتي النيلي الكصير وقبوطي الثخين الابيض وحذائي النيلي ابو كعب ٥ وارفع شعري بشكل مرتب وملموم وتبقى الكذله مكلوبه على اليسره ومنفشه والكحل ممدود فوك العين
و اورد الشفه بلون خمري واتعطر برشتين على الركبه وشويه بالمعصم واختمهه بجنطتني الورديه باليمنى وكتبي باليسره وابدأ طريقي المحبوب
بسلامي للجاره العزيزه وضحكتي ويه ابو الدكان الي حافظني من صغري اتردد عليه واتمشى بثقه وتفاؤل ليوم جديد بي ذاتي مثل مااني جنت واحب
مو مثل ما صرت ويحبون ......
.

#شقراء_بغداد

بارت_٢٢


رجعت لدوامي بلهفه وذبيت كل حيلي على الدراسه ،بعدي عن هالحياه عرفني قيمتهه وزادني اصرار حتى انجح واتفوق واحصلي وظيفه مااضل بين المطبخ والحشيش ...

جنت اول اسبوع من اطلع من كليتي اروح اتمشى بهالشوارع براحتي وحدي واشتم هوا بغدادي من ضواحي دجله وابتسم واني اسمع صوت النوارس
واشوف ابو عربانه اللبلبي والشلغم واروح اله واخذلي كاسه وابتعد من بين هالحشود الي يمه
واكلها وهي حاره واتلذذ ببخارها الدافي اكثر من طعم اللبلبي وبعد مااكملها وارجعهه اله اخذلي قطعتين شلغم ويكلي ..
- احُطلج شويه دبس عمو

واردله بابتسامه واني شايله قطعه الشلغم بايدي
- لا احبها بمرها

يضحك ويهز براسه ويكول ..
- مثل عمج يبيعها محلايه وياكلها مره

اضحك وياه شويه وانطي فلوسه وامشي اعبر لشارع الرشيد اشتري من هناك ملابس
اني احب لبس الفساتين ودائماً اخذهه كلوش ومنقشه وكم واحد عندي ساده للدوام وهالمره
عجبني اخذ تنوره نيلي شفت خصرها صغير ومايحتاجلها تضييك وبيهه كسرات وكلوش وثانيه شفتها قديفه رصاصي وعدله وطولها يطلع فوك حجل الرجل .. اخذتهن اثنينهن وكلت غير مره اشوفلي قميص لو بلوز وياهن ....

من جنت ارجع للبيت الكه ابويه يتلكاني ويكعد يسألني عن دوامي واني احجيله شدرسنا و وين طلعت وششتريت لان كل يوميه اني افتر شويه يلا ارجع للبيت وابويه متفهم هالشي يعرف اني ضايجه وهاي ايام راحتي فما يعارض بشي بس المهم احجيله وين رحت .. والصبح قبل مااطلع ينطيني فلوس ويكلي .. اريد درجات ترفع الراس .
وتضل حجايته بالي وهناك اعوف كلشي واركز بالمواد حتى اجيب الدرجه الي ترفع راس ابويه
وتخلي يفرح وما يتندم لان ساندني ودللني وخلاني حُره .... لان بهذاك الوكت هواي بنات مقيدات من اهلهن ويخافن حتى من خيالهن اذا يمشن وحدهن
بس اني افر بغداد منين مايعجبني .. اطلع مرات واخذ روعه ونروح ناكل داطلي وزنود الست
من ابو العربانه الي يوكف قريب جامعتنه ونضل ناكل احنه وواكفين ونتمضحك براحتنه ومرات
نطلع للسوك نشتري اقلام حمر وعطور وشوف شنو شغلات نازله جديد للشعر هم ناخذ واني هم
اخذ للبنات هناك تصير بالي فرحتهن لو حصلن مثل هالغراض واشتريلهن ...

ويوم الخميس من العصر اني اروح لبيت بيبي واضل يمهه ابات ومن انطيتهه الهديه الدزتهه الحجيه كيفت بيهه هي تحب هالارياح وكامت ضمتهه بخانت كنتورهه .. وبيوم الجمعه التمن عماتي على الغدا وبين حلاه السوالف والاكل
نسينا نفسنه ونضحك بعلو اصواتنا . ..

ومن لمينه السفره وعزلنه المطبخ والمواعين كعدت ويه عماتي ونشرب جاي والكل ملتمين بالهول ويسولفون جان عمتي الجبيره تسألني

- شلونهم بيت عيالج وياج زينين؟
- اي الحمدلله زينين
- بيمن علاقتج قويه ويه عمج عمتج لو حمواتج
- لااا اكثر شي ويه حمويني والحجيه
- هاا شعجب مو ويه البنات
- شويه هنه صعبات ماافهمهن يوم هيج ويوم هيج
بس الحجيه فدوه لكلبها تحبني وشايلتني شيل
واني الصبحيه والعصريه والليل تعلولتي يمهه
مافاركهه .. حتى هذاك اليوم انطتني شيشه مذهبه
بيهه زيت الورد ومشطتلي شعري بي شمي ريحته شلون طيبه
- ااااه ااه انطته الج لو بس حطتلج منه
- لا حطتلي وانطتني اياه كله

جان تندار عمتي على بيبيتي وتكللهه بصوت عالي
- يممه شوفي الحجيه منطيه لزهراء الزيت ابو شيشه المذهبه

باوعتلي بيبي بصدمه وفرحه نفس الوكت وكالت
- ولج صدك انطتج ؟
- اييي والله شبيكم ياهو الي اكوله مايصدك والله انطتني شمو شعري اذا متصدكون

جان بيبي تحفز من مكانهه واجتي عليه لزمت وجهي وباستني وعماتي اثنينهن هلهلن واني بس اتصفن بوجوههم .. كلتلهم...
- هو شكوو فهموني بيبي شسالفه هالزيت بي شي

جان تتربع وتكعد يمي ولزمت ايدي وكالتلي ..
- باوعي يمه هاي من كبل بزمن امهات امهاتنه
جانو الانكليز مستحلينه وجان ويه كباريتهم نسوانهم جايات و واحد من اجدودنا كبل جان يشتغل بالميناء بالبصره حمال ينزل بضايع من السفن وليش ما مره بطريق رجعته وكت الغروب
فايته عربانه الانكليز من يمه وتايرها الخشب جان راخي ويتمركص وهو شايفه هيج كايم يصيح عليهم حتى ينتبهون عليه خاف يفلت وتوكع بيهم العربانه وهمه ماسمعوه شسوه ضل يركض وراهم
ويصيح لحد ما صدك وفلت البرغي و وكعت العربانه وهو راح ركض حاوطه باثنين ايديه وضل لازمهه لحد ما ابو الحصان وكف حصانه
ونزل وياه ساعده وضل جدج يحجي عليهم بعصبيه ويكللهم صارلي ساعه اصيح انتبهو راح يفلت وتكع بيكم وجان تنزل من العربانه بنيه شابه
من الانكليزيات الحلوات وتشكرته وهو يكول ثاني يوم الصبح اني بالشغل واجاه واحد يدور عليه
وجاي عليه منطيه صندوك خشب وكايله هذا سلام
من الست الفلانيه عاد اخذه هو ومن فتحه لاكي بي رساله وهو مايعرف يقرا ويكتب عاد راح شافله واحد من الطلاب وقراله الرساله وجان مكتوب
هاي هديه شُكر من ابنه الانكليز لابن العراق البطل وكاتبه ..

هذا زيت الورد الاصلي من صناع العطور الغرب وهو زيت تستخدمه بس اميرات الحاشيه الملكيه .. وموصيته ينطي للمره القويه مثله مو ياهو الجان ...
وجدج احتفظ بي جانن ست شيش بالصندوك وكلهن من هذني المذهبات ومن صار وتزوج
ضل يختبرهه لمرته ويراقبهه من شافهه قويه وسباعيه انطاهه شيشه ووصاها نفس الوصيه
هم ماتنطي هالزيت بس للمره القويه والتستحق
تتعطر بزيت ملكي ... وضلت عاد هالوصيه تتناقل
من جيل لجيل وصفن اخر اثنين يم الحجيه جانت
قويه ياهو اليكدر يفك حلكه كدامهه بس زمان الخلاهه هيج متعوبه

- بيبي يعني هسه الحجيه انطتنياه لان قويه

- اي يابيبي هي بزمانها كالت انطي لجنايني لو بيهن خير ومحد براسهه خير طلعت عاد كالت اشوف نسوان ولدهن لو بنياتنه وهم محد عجبتهه
بس انتي مادري شسويتلهه وهيج شالته وانطته الج

- ههههههه شكد حلووو اكول ليش عمتي كلبت وجهه بيوم العرفت اني اخذته

- ايي يمه كسرتيهن واخذتي برهاوه طبعا يدلغمن ويضوجن

- هههههه الحمدلله صرت وريثه اخر شيشه زيت ملكي

- تستاهلينه يمه والله فرحت اني من سمعت كلت
لعد هاي انتي شكد سباعيه وقويه وشاطره وكلبج
حنين حتى هيج عجبتيهه واختارتج من بين كل هالنسوان هي حتى بناتهه مانطتهن الزيت هذا ولا شممتهن ريحته بس انتي عفيه عليج رفعتي راسنه
كدام خوالنه عفيه عليج حبيبه عفيه

حضنتهه واني اضحك فرحانه حييل فرحانه بساعتها .. ماجنت متصورته هيج غالي وارثه عريق .. وكلت بعد مااحط منه دائماً حتى لا يخلص واضل محافظه عليه ...

وبيوم السبت بيبي اخذتنه زياره للشيخ عبد القادر الكيلاني .. هو قريب علينه فرحنه العصريه وهناك صلينه المغرب وتعشينه وضلينه كاعدين نسولف وناكل بهالحلويات ونكرز حب ووياي بنات عمامي واخواني وكم وحده من جيران بيبي
ورجعنه تالي الليل كبل لفينه راسنه ونمنه ..

والاحد داومت من يم بيت بيبي ومن رجعت العصريه رحت لبيتنه وبيوم الاربعاء خابرني محمد وكالي راح ينزل باجر وكالي لا اداومين
حتى نرجع ... ضجت لان راح تفوتني عشر ايام من الدوام وكلت بلكي اقنعه من هناك ياخذني
حتى لو يومين بالاسبوع بس المهم اعرف شناخذ مناخذ من محاضرات ....

وحضرت غراضي وكلت لابويه باجر يجي محمد وهو كعد وصاني ادير بالي على بيتي وعيالي وكالي بيت اهلج مفتوح الج كل العمر من تحتاجين شي خابريني واجيج ماعوفج ...

ولثاني يوم الصبح بدلت ورجعت لبست الفوطه وحطيت العبايه وانتظر بي .. اول مااجه حطيتله الريوك تريك وشرب جاي و كال يلا نمشي
لبست عبايتي واخذت غراضي وشال هو نص واني نص ..اني جنت عايفه ملابس دوام هنا واخذت بس الصوغه لعيالي وجنت مشتريه هم غراض الي ولمحمد اخذتهن ...

بالطريق يحجيلي عن دوامه وشنو اوضاع الحرب
وجان منشول وحالته حاله .... من وصلنه لبيتنه
كبل ذب روحه ع الجربايه ونام بملابسه ..

واني كمت انظف بالبيت وشفت ماعدنا مسواك
اخذت فلوس وطلعت دزيت ابن جيرانه راح تسوكلي كم شغله اكضي بيهن كم يوم بين مايصير زين ....

ورجعت انظف واحضر الغدا ومن كملت كعدته واخذته يسبح وجنت جايبتله بجامه ثخينه جديده اله وهو فرح لان ذكرته ورحنه تغدينا وضل وره الغدا حاط راسه على جتفي وصافنمن اسأله شبيك مايحجي واخذله يومين بهالصفنه وماقبل نروح لبيت اهله من لحيت عليه جان يكلي وكت نزول علي هسه خلي يلتحق يلا نروح ..

استغربت تصرفه رغم هو مابيوم حسب حساب لعلي بشي وهسه يتجنبه !!! كلت يجوز خوفاً عليه منه ومن مشاكله ...

من صار زين وكلتله ياخذني للدوام ماقبل بحجه اني مابيه حيل طريق اريد ارتاح وهم عفته براحته شكدر اسويله ...

وره اسبوع اجاني وكال يلا نروح لبيت اهلي
عرفت بلحظتها علي التحق ورحنه .. انطيت صوغه البنات ورحت للحجيه جنت ماخذتلها
فوطه ومخيطتلهه دشداشه وكيفت بيهن وضليت احجيلهه اخبار اهلي وهي تحجيلي شصار ماصار هنا ورجع روتين الايام هنا بين المطبخ والشغل
ومحمد مايلفي بالبيت اشوفه بس وكت الليل مايحجي وياي على كد شي قليل وياخذ حقه وينام
ورجع التحق واخذني لاهلي وكملت دوامي بنفس النشاط واللهفه للنجاح ومن صارت حفله التخرج
قبل الامتحانات اني مارحت حضرتها ماالي واهس
وكل الاحبهم مو وياي .. ايوب راح وروعه ماتجي
وراح اضل وحدي فما رحت .. ضليت اقرا للامتحانات ورجعت كم يوم يم عيالي ورجعت وره فتره لبيت اهلي حتى امتحن ...
وخلصت الامتحانات بخير وسلامه وودعت اهلي وجيراني ورجعت لبيت عيالي ...

جنت بالليل اشوف عمتي ومحمد دائماً يكعدون وحدهم بالحديقه يم شجر العرموط ويتبسبسون
ولازم ثاني يوم نتعارك اني ومحمد ويضل يكبر بالموضوع ويصيح عليه كدام اهله لحد مايبزع
واني ساكته لان ماعندي فد موقف يسوه واكعد ابرر عليه واحسبهه تعب اعصاب منه الى ان بيوم
الصبح عمتي دومهه مفوره اعصابهه وهالمره رادتني اروح اخبز ورحت يمهه اني ابد ماخابزه ولا لازمه عجين بيدي وهي كلتلي كطعي العجين
كعدت شلون ماجان لزكتهن وهم حصلتلي رزاله

وسكتت جان تجي هي دتشعل تنور الطين وذبت بي السعف والعوادين وصارت نار شعلوهه وكالتلي كومي هيجي ..
كلتلهه ... عمه اخاف النار حيل عاليه
جان تعيط بيه وتجرني لكدام التنور .. اخذت منهه العوده الطويله وكمت شويه اهيج بي وهي اجتي ضربتني على ظهري واندفعت لكدام شويه ولاحت النار ايدي من يم العكس وشاغت روحي كبل ذبيت العوده من ايدي وضليت اتلوى من الحروره بيهه
وهي كامت تعيط عليه وتكلي ..
- اطركي العجين وخلصي عاد فضينه
اني جضيت بيهه وكلتلهه ..
- عوفيننني متشوفين ايدي احتركت

جان تكوم تعيط عليه وتجرني من راسي واني منا وجع ايدي وروحي طافره عاد دفعتهه مني وجان يجي محمد ويصيح ..
- تمدين ايدج على امي
وكبل جرني من زندي وهي كامت تكله ..
- الادبسزز لسان الدلاله تعد وتصف والله شني كلتله اخبزي بنت الملوك ماتمد ايدهه بعجين

باوعت لمحمد وكلتله ..
- ماحجيت شي والله بس ايدي احتركت وكلتلهه عوفيني

بس محمد ماسمع مني شي وضل يجرني للبيت ولازمني من مكان الحرك واني روحي شايغه
وابجي واتوسل بي يعوفني وهو اخذني للمطبخ وكبل ضربني راشدي وكعني على الكاونتر ورجع هم ضربني ويصيح ..
- لج انتي تطاولين على امي جلبه الا اربيج من جديد
وضل يكفخ بيه ويحط ايده على مكان الحرك ويعصر بي واني اضل اصيح من وجعهه
واخر شي اخذني للغرفه شمرني وطلع لامه
وضليت اني مكضيتهه بس بجي ..
اول مره هيج انذل ومامسويه شي يستحق هالتعامل لا حجيت بشي مو زين ولا طاولت ايدي عليهه
وحرك ايدي فركس وصار اكبر من الي جان على عرض اصابيعه طبعت الفراكيس ولليل محد وصل للغرفه ولا احد سأل عليه ..

وفجاه انفتح الباب ودخل محمد وبيده علاكه ادويه
بدون ميحجي اجه كعد يمي وجر ايدي وطلع عصاره وكالي وهو يفتح بيهه ..
- حبيبتي يارويحتي انه اسف ادري بيج تأذيتي
وكلبج فرفح من الوجع وانه كلبي ماينطيني عليج
تضلين ماذايه هالشكل
- لعد ليش هيج تضربني اني شسويتلك وشسويت لامك والله ماحجيت شي بس كلت عوفيني ايدي احتركت
- اعرف يارويحتي اعرف بيج ماتخطين بالحجي ولا تجاوزين على الجبير
- لعددد ليييش لييش تاذيني هيج وتدري ماغلطانه
- هاي امي ماكدر اكسر بيهه جدامج افهميني
- واني تذلني وتاذيني كدامهه هيج صح

ضل يتأفف وهو يدهن ايدي وينفخ عليهن واني جريتهه منه وكلتله ...
- ليش تحب تاذيني كدامهه وانته ماتريد اذيتي
ليش هنا تتغير وياي فهمني ريح كلبي بكلمه
- يا كحله امي ماكدرن عليهه ماكدرن اشوفنهه متضايكه افهميني عاد لا تضغطين علي

ضليت اباوع عليه وعرفت بلحظتهه هو يريد يكبر بعين امه وترضى عليه من تشوفني متاذيه منه
وهالموقف فسرلي هواي مواقف صارت بينه بلاسبب وتكبر لعركه وصياح فكلتله..
- ماشي امك والهه حق عليك بس اني مرتك وحقي عليك المعامله الطيبه
- وانه اجيت وتعذرتلج وداويت ايدج بعد شني التردينه مني
- اخذني لبيتي محمد اني بعد. مااضل هنا
- شهالحجييي شمااالج انتي
- محمد اني ماطالبه منك شي جبير وعجيب عندي بيت وانته كلتلي نكعد بيتنه لعد المن بنيناه حتى نعوفه ونكعد هنا ؟ اني امك متحبني اخذني بعيد عنهه اريح للكل ماكو لازم نضل هيج هي مطايقتني واني ماحصل منك غير الرزايل والضرب على شنو مجبورين يعني ! عدنه بيتنه ونكعد بي ولا تنحرج ويه اهلك ولا نغث احد

سكت وجاب شاش لف ايدي على كيف وشده وكالي...
- زين باجر نمشي لبيتنه نامي هسه ارتاحي

جريت الغطى وتمددت وضليت الوب الافكار دتاكل بعقلي اكل يعني طلع محمد كل تصرفه وياي واذيته حتى يرضي امه !!! وين شخصيته !!
دمرني هالتفكير وكعدت ثاني يوم تعبانه اكثر من بارحه .. واني حتى ماتريكت ولا طلعت يمهم
لميت غراضي وطلعت رحت سلمت على الحجيه
ورجعنه لبيتنه ...

ورجع محمد هادىء ويحاجيني ويتشاقى ويتطمن على ايدي كل ساعه وهو ينظفهه ويداويهه وحياتنا ماشيه طبيعيه ..
لحد مااجاني بيوم عصبي ويكلي ..
- عليش لهسه ماحبلتي صارلنه شجم شهر على هالحال شلون انه اضل بلايه ضنى
- محمد هو بيدي هو رزق الله بعد شسوي اني
- موش نرزكنه بالاول شني الخلل هسه !
- العلم عند الله شبيدي عليك
- من باجر تمشين للدكتوره خلي تفحصج تشوف خاف صارلج شي من ذيج وكعتج وماتحبلين بعد
-لا اسم الله شنو هالحجي شبيك
- والله انه بزعت روحي طلعت السنه على زواجنه ومامش ضنى يشيلن اسمي منا وهيج تحيرين بروحج انه اريدن جهااال سمعتتتي

ضل اليوم كله على هالمنوال واني اتفقت ويه جارتي حتى نروح باجر للمستشفى ونفحص
ورحنه ثاني يوم وفحصتني الدكتوره وسويت تحاليل وكلشي سليم وتكولي ماكو اي عوارض للحمل ... رجعت كلتله وهو تخبل ويحجي
لعد ليش ماتحملين لهسه !! وضل مايفوت يوم
اذا مو اربع او ٣ مرات ياخذ حقه ومن تجيني الدوره يتخبل ويصير اعصاب ويضل يصيح
ويكلي انتي تسوين شي حتى ماتحملين واضل احلف وااكدله مااسوي شي وهو بيد الله ومايصدك
وضلينه بهالمنوال ورجع اخذني بنفسه لغير دكتوره بغداد وهم نفس الحجي كلشي سليم
وانطتني ادويه بس اني ماجنت اشربهن لان

مااشوف الهن داعي كل فحوصاتي سليمه
واني صار عندي حمل قبل يعني مو عاقر
وهم خفت لا تاذيني بالحساسيه فعفتهن ومن يسالني اكله اي شربت واني نصهن ذبيتهن ...

وصار وكت النتائج ورحت استلمت نتيجتي وطلعت من العشره الاوائل جنت تاسع وحده بيهم
فرحتي تضاعفت بالنجاح لاني ماجنت متوقعه واح اطلع من هذول العشره كل الي توقعته نجاح بدرجه جيد اكثر شي بس ربي فرح كلبي بهالخبر
و وره شهر سمعت من روعه جايه تعيينات للاوائل والولد متعينين ... اني كلت هاي فرصتي
ورحت حاجيت محمد ماقبل بحجه الطريق بعيد والبيت يبقى فارغ ومن هالحجي ....

وحاولت اكثر من مره ومايقبل واهله هم نفس الرفض واني روحتي صارت كلش قليله عليهم
على كد مااسلم على الحجيه والحجي واضل يمهم كم ساعه وارجع لعيالي نتعشى ونرجع لبيتنه
وكل مانرجع محمد يحجي بسالفه الحمل ويكعد ينك براسي وحتى لساده راد ياخذني واني ماقبلت
اني ادري بنفسي مابيه فد عله وهو رزق على الله قابل راح يجيبه سيد ؟

ومن اروح الحجيه تحجيلي على ان عمتي شايعه بين هالنسوان تريد تزوج محمد مره ثانيه لان اني بعد مااحمل وهي تريد حفيد ..
صراحه اني ماهمتني السالفه لان من يوم يومي
اني مارايده شي من محمد ولا اطالبه بشي
مجرد حياه نفرضت عليه وقايمه بواجبهه وانطي حقهه اما لنفسي فحتى الكلمه الحلوه منه مااطلب
شيسوي شيجيب مقبول ومشكور ....

١٩٨٨ شهر الثامن توقفت الحرب والفرحه عمت كل محافظات العراق وسرحو محمد من التجنيد
وهو باول ايامه مرتاح وفرحان مايروح بعد للجبهه .. وره شهر صار يشتغل ويه اهله بالزرع
والي فاجأني بيوم اجاني وكالي ...
اني عازم علي ع الغدا باجر حضريله اكل يبيض الوجه ...

ماناقشته لان باعتبار همه ولد عم واكيد بينهم محبه ويريد يصلح الامور وياه ...
وحضرت الاكل على اتم وجه وهو اخذ الصينيه وراح واني حتى ماطلعت سلمت عليه ...

للعصر جان يجي محمد يكولي ..
- راح اطلع ويه علي ونبات بره هالليله انتي ماتخافين وحيدج مو ؟

صفنت شويه ورجع كالي..
- اذا تخافين امشي اوديج لاهلي
- وانته شنو هالشي المهم وتبات بره عليه
- شغل خاص مالج دخل بي هسه تمشين لو تضلين
- لا ابقى ماعليه شي

راح تكشخ واخذ محفظته وطلع ..وضليت وحدي بالبيت كلت اروح اقرا واكضي وكت ...
وضليت اكلب بالكتب واتصفح بيهم وتالي رحت نمت براحه ولحد ثاني يوم الظهر يلا رجع محمد
وكبل كالي اريد انام وماريد صوت ...
وراح نام ..اجيت اخذت ملابسه اغسلهم شفت بيهن بقع صفره على القميص وكعدت اجلف بيهن

وضل هالمنوال يتكرر على طول الاسبوع الي يجي بي علي لازم محمد يبات بره ومايرجع للظهر يضل نايم للمغرب يكعد يتعشى ونتعارك بسبب هالتصرف وهم يعوفني ويطلع ...

لحد مابيوم بشهر ال ١١ اجاني وكالي ...
- ما تروحين تتوظفين خلي نستفاد من شهادتج شو اصرف عليج واودي واجيب وكلشي ممحصل منج
- مو كلتلك كم مره وانته روحت التعيين عليه
- لا لا روحي هسه قدمي وتوظفي
-ها شعجب شغيرك
- العيشه تريد وخما نضل عايشين على فلوس الزرعات هم اريدن اجمع اشتريلي سياره يصير براسنه خير
- هاا
- باجر اخذج للكليه وشوفي شو وين يدزوج على التعيين
- ان شاء الله

اخذني ثاني يوم للكليه حجيت ويه رئيس القسم وكلتله دليني وين اقدم وهو ضل يشرحلي وين اروح وشكتب وكضيت الاسبوع فره من مكان لمكان وبعد ماوثقت اسمي يمهم ضليت انتظر تلفون حتى اعرف وين يطلع اسمي بيا مكان واداوم ..

وطلع اسمي بمصرف الرشيد ومن كلت لمحمد
كال راح ابيع البيت ونروح نسكن بغداد ..
اني صدماتي منه كثرن كمت ماعرف لاي وحده اصفن وافكر ....
بالبدايه عبالي بس حجي بس ماطول يومين ودك قطعه الدار للبيع .. وضل هالشهر مخليني يم اهلي
ومن هناك صرت اداوم بوظيفتي كمحاسبه بالمصرف .. وشغلي متعب ويدوخ وهوسه وكارهه حتى الوظيفه .. اني مو هيج جوي هوسه وصياح وبس مكضيتهه اسجل بالدفاتر واسوي وصولات ...
اني بالبدايه ماردت هالوظيفه وكلت انتظر بعد بلكي اكدر احصل غيرها بس محمد مستعجل وركض بيه ركض ...

وخلال شهرين باع البيت واشتره بيت بغداد
بكم ساره .. وحول الغراض والاثاث وانتقلنه بهالبيت .. الي استغربته رده فعل اهله تجاه انتقالنه ماسمعت من احد كلمه اعتراض رغم اني جنت محضره نفسي للمشاكل ويه عمتي وخالاته
بس الكل ساكته وهدوء ...

ما صار عندي اختلاط بالجيران لان يومي يخلص بالركض بين الوظيفه الي اطلعلها من السبعه الصبح واني لازم اكون كاعده من السته واحضر الاكل لمحمد واغطيله الريوك واحضر الغدا هم
اطفي واطلع وبرجعتي من الدوام ساعه ٢ اطلع
اتسوك واجيب الخبز وياي وارجع الكه محمد
عايف البيت وطالع واضل انتظر بي للعصر يلا يرجع ومن اسأله يكلي اتمشى لو بالكهوه ومتعرف على جماعه واكضي وكت .. ويرجع يعيرني بسالفه الحمل ويكلي لو عندي ابن بالبيت اضل علموده ...
واني اكول حقه واعذره .. وكل راتب لازم انطي النص خاص بس اله وماعرف وين يودي والنص الي عندي لازم اصرف منه ع البيت وكل زايده ناقصه منه ..

وره فتره اجاني وكالي ...
- شكد عندج فلوس ضامتهن
- ماعندي منين اضم هو الي يبقى يادوب نكفي بي الشهر
- وراااااتبج وين تودي
- مو نصه عندك واليضل مصرف البيت وهو قابل شكد هالراتب متكلي

ضل يفتر ويصيح وخبص الدنيا جان اروح الزمه من جتفه وكلتله اكعد وكعدته كلتله ...
- شنو سالفتك فهمني صاير وياك شي احجيلي حتى نتساعد

صفن شويه وكالي بسرعه..
- انه مديون
-لشنو مديون
- هذيج الفتره لعبت اقمار وخسرت وانطلبت عليه هواي
- عزا العزااني محمد شوداك ع القمار شعرفك بيهن من شوكت انته بهالطريق
- ايييييي لاتضلين تونين براسي عندج تنطيني لو لا
- محمد منيلي ادفع هالدين متكلي منين اجيب
- اييي يلا لاعازني الله عليج

كام عافني وطلع وضليت اني متخوفه منه وحايره شتاليه هالطريق الي مشى بي محمد ؟؟؟

رجع عليه وره يومين ويكلي بيعيلي ذهبج
وتعاركنه وماقبلت ابيع ذهبي ورحت ضميته
بكواني الحصه فوك دحستهن كلت خاف ياخذهن
من اطلع وصدك ماخابت ظنوني وره كم يوم
من رجعت لكيته متانيني ويتعارك ويايه ليش ضامه الذهب عنه وحصرني بزاويه لو اخذله قرض من المصرف لو انطي الذهب واذا مانطي
يكتلوه ... فأضطريت اخذله قرض من المصرف
وكلتله راح اسدده من الفلوس الي تاخذهن مني
كالي كلشي سوي بس خلي اسد هالدين ...

وضلو يستقطعون من راتبي كل شهر واسدد بي القرض وهو اخذله كم يوم زين ورجع اريد فلوس
من اكله ليش ماتشتغل تطلع تشوفلك شغله هم تكضي وكتك وهم تفيدنا مايقبل ويضل يصيح عليه
وانتي تمنين عليه براتبج واني السويت براسج خير
واني الوظفتج وانتي غصباً عليج تصرفين عليه وتوفرين راحتي .... وهالحجي اني كايمه كاعده
سامعته واخلص منه وكت الي اعوفله فلوس واطلع ....

كرهت البيت وكرهت العيشه وياه .. تعبانه بحياتي
من جهه اسئله العالم الي متخلص على سالفه الحمل وهو هم موت روحه على الطفل واني اراجع وكلهه تكلي سليم ومن جهه حمل البيت
ثكيل ... اني اشتغل واتسوك وانظف واطبخ ومتحمله رزايله طول اليوم على اشياء تافهه
وانتقاده الدائم لكل شي اقدمه اله .. وتعبي منه بالليل يكضي عليه مثل السم مااصدك شوكت اكوم اسبح وانام ...
كلشي جنت متحملته واتغاضى النظر عنه ومااسأل روحي وين اني رايحه ؟ شنو مصيري شنو حياتي؟ بس بيوم الي صحيت بي على خبر
كسر ظهري ودمر حياتي
وفاه ابويه ....
بسنه ١٩٨٩ بشهر الثالث اخذته المنيه .. واخذت عزتي وراحتي وياه ....
جنت مثل المخبله ابجي عليه ليل نهار وصوتي مبحوح وكل حيل مابيه مكابله بيبيتي واخواني وابجي وعشت شهر كامل بيت بيبي ماارضى ارجع لبيتي ماكدر افاركهه اخاف هم اصحى بيوم والكاها ماكو واضل وحيده بهالحياه واني محد سندني غيرهم ....

والحياه ضلت تحققلي كل مخاوفي وهم اخذت الغاليه مني بليله وضحاها صبحت عليهه ميته من قهرها عليه وهنا اني انتهيت ماحضرت حتى عزاها كضيتهه بالمستشفى ولا ادري بشي اصبع ثكيل عليه حركته ومادري منو يمي شنو الصار كله وعيت عليه بعد اسبوعين واني بيتي كمت اكدر اركز جنت شبه فاقده اباوع بالوجوه بس كأني مااسمع ولا بيه حيل اتحرك وبعد هالاسبوعين
عرفت ان بس محمد و عمتي يمي ..

انكسرت وتيتمت وعشت الوحده بكل حذافيرها
كلشي جان مروره صعب و مُر ..الروح فاركتني صرت حتى مااحس بالهوا الي يضرب بوجهي
ولا اميز بين ليل ونهار العيون مورومه من شهور وحتى وظيفتي هناك اكضيهه بس ساكته واشتغل
وامشي مثل الميته كلمه صباح الخير ماكلتها لاحد
واخواني امر عليهم كل يوميه نتحاضن ونبجي
واشوف امي لابسه الاسود ومكضيتها صفنات
ومادري بيهه حزنت على فراكه لو لا ؟؟.

لحد الاربعين واني مامخليه محمد يتقربلي
من يجيني بالليل مايلكاني غير بس دموع
ومحضنه بملابسهم من يمه يبزع ويطلع
واني حتى الحجي وياه كطعته وضليت بس
عباره عن اله مهمتها تشتغل للبيت والوظيفه
وصرت من كد ما روحي بزعانه ومحمد ينك
على اني مقصره وياه من كلشي وحارمته حقه
ومااجيبله جهال ومااعتني بي كمت اجيب الراتب
كله اطشره على الميز واعوفه اله ... وهو كام
يبقيلي ربع الراتب اصرف بي ع البيت ...

وبليله هم اجاني وصديته مالي قابليه اتحمله واني كارهه روحي مادري ليش عايشه لهسه وكل هالوجع بيه خسرت اغلى اثنين فوك ثالث اني خاسرته من زمان وعايشه بطلعان الروح ويه
رجال حرام بي هالكلمه حتى ..شنو الغايه مدافهم
ليش عايشه ؟؟؟ ليش ما متت وياهم وخلصت ؟.

جنت كل يوم افكر لو ميته وياهم وارجع اتعوذ من الشيطان بس بهالليله تمنيت صدك لو ميته وماسامعه هالحجي ...

#شقراء_بغداد

بارت_٢٣



هاي الليله اجاني محمد عصبي ومتنرفز واجه يصيح عليه مثل العاده ويحجي عليه لان باقيه عايشه بالحزن عليهم وهاملته وهامله البيت
واخذ قميص ابويه وفوطه بيبي من حضني جرهم وشمرهن بعيد ...اني جنت مجلبه بهالقطعتين بكل وكتي الي اكضي بالبيت امشي واشمشم بريحتهم
والدموع ما توكف طول مااني بالبيت ...

وهو اخذهن مني روحي فرفحت وضليت احجي عليه ...
- انته ماعندددك احساااس ماتشوفني مذبوحه على اهليييي شنوو الي تريده من وحده ميته شسويلك وتررضى شسوووويلك
- ارجعي اهتمي بيه لو تريدنه نموت ويه الماتو
شسويلهم عمرهم وكضى اضل انه متحمل نوحج ليل نهار .. يمتى احس عندي مره تداريني كل مااعاين بوجهج الكاج مصوفره والشعر كاتلج
وعيونج غاديات بير كليلي ليمتى تضلين هالشكل
كرهتيني البيت والزواج وكرهتيني روحي بزعت منج تعدلي عاااد تعدددلي
- مااااعليك بيه ماااعليييك عوفننني اموت انكبر وحددي عوووفني لاتضل تطلب مني امثل واداريك واعيش اني كلشي مات بيه تسسسسمع
كلششي مااات ماتلكه بيه بعد الي تريده كلشي رااح اخذووه بروحتهم اخذوني عافوني بس نفس
- اييييييه موووو عييييشه هاااي والحسسين طكت روحي لانعل ساعه السوده الرضيت امج بيهه وجلبت بهالزواجه لانعل قسمتي العوجه وياج

مسحت دموعي وركزت على كلمه امج وكمت
رحت يمه وكلتله ...
- شبييهه امي جااوبننني شمسويه
- وللللييييي من وجهههي خرررب بيج وخرب بامج منين ماطلعتي بهالقسسمه المصخمه ريت الله يصخم وجهها ومايعديهه اللههه
- شكوووو تحجيييي على امممممي شببيك انتته شبيييك وياي ويه اهلللي ... لتتتتحجي علييهههه
لتحجججي
- احججججي علييهه ونص لو بيهه خير ما تساوم ببزرها خليييني ساااكت رحمه لذولاك الموووتى

لزمته من ايده وضليت اباوع بوجهه واني ابجي
وكلبي يدك سريع خايفه ومتاكده اكو شي وخايفه اسمع بس حجييت وكلتله ...
- احجيلي شنو المضموم احفلك بجلال الله احجيلي شبيهه امي .. بغلاه اهلك واعزازك احجيلي

وخر ايدي منه وراح كعد ع الجربايه وكال ..
- كبل خطوبتنه جان بين امج وامي اتصال وامج موصيه امي نشوفلهه كاع بيهه بيت وبستان واتفكت وياهه ادبرلهه فلاليح يكعدون بهالبيت
وكل حصاد يتكاسموه بالنص بين الفلاح وامج
وانه دبرتلها الكاع وكالتلي البنيه تريدك وهي تبيع ثكل بالاول بس هي بداخلها تريدك وكالت انه ادبرلك الزواجه هاي وانته دبرلي هالشغله
وانه دبرتها الهه الفلاليح والبستان جبت السند الهه ونطتني فلوس الكاع وضلت اجره الفلاح اول شهرين انه دفعتهن والكراوي والبذور والصرف على الزراعه كلهه مني صارت وبالمقابل حصلتج وتزوجنه وتالي متالي بعد كل هالصرف والتعب
لا حصلت منج ولد ولا عيشه براسهه خير وضال متحمل صخام وجهج

جنت استمعله وايدي ترجف وكل شويه اكول لا
جذاب مو لهدرجه امي تكرهني وهيج تنطيني اله
ويرجع بقيه حجه وملامحه المشمئزه مني وكرهه لحياته وياي يوضحلي ان هذا حقيقه ... طلع وعافني ابجي واصيح وحدي ...
كرهتهم كرهت روحي عيشتي اهلي وهو وكل شي مر بحياتي ... بشنو اني اذيتهه مو اني بنتهه
قطعه من روحها شلون تسوي بيه هيج وتخليني سلعه بينهم وجانت تدريني اكرهه وخلت كل هذا يصير لاجل مصلحتهه ربحت من الجهتين
حصلت البيت وفلوس ابويه ومنا حصلت ربح على حساب تعاستي واتاجر بيه بالحيله كله لاجل راحتهه وجشعهه بالفلوس الي ماينتهي ...

رحت لبست عباتي واخذت جزداني وطلعت
رحت لبيت اهلي ... طبيت عليهم جفت ورحت
كبل عليهه جريتهه من هدومها وهي عتت ايدي
واني ضليت احجي عليهه ...
- انتتي ام انتتتي !! لييش سويتي بيه هييج لييش
ليش بعتيني اله ودمرتي حياااتي ليييش ليييش
بشنوو ضريتج ااااني شسووويتلج
- هاااا عرفتي يلا لاتضوجين بعد الصار صار
اهم شي عندج بيت ورجال هسه بعد على شنو هاللغوه
- لجججج اسكتتتتتتي اسكتتتتتي انتي شيطاااان
حرررام بيج كلمه الااام والله حرررااام
اليوم اني كرررهت رووحي كرهت هالدم الي يمشي بيه منج .. انتي يتمتيني من قبل ابويه
حرمتيني احساس عندي ام التجىء الهه واحضى بحنانهه عيشتيني يتيمه ام واني اكل واشرب وياج
وبعتيني اله بوصخ الدنيا بالفلووس هاي بعتي بنتج
وسعادتها كله حتى تحصلين فلووس !!
- اييييييي شهالمسلته الزايده ... لتنسييين شلون جنتي توكفين تعدين وتصفين اليه ولسانج هالطول
وترحين تتحايلين لابوج وتكربسين كل المشاكل براسي
- مااااسويتلج شييي اني ماااسويت .. وماجذبت ولا لفقت عليج شي كل الاحجي من ايدج ماجيبه من جيبي
- جبتي سويتي اني مايهمني اني حذرتج قبل وكلتلج بينه الطريق طويل وكلتلج لتندكين بيه
وانتي ضليتي اجفصين وعبالج الدنيا ادوملج
حيل بيج وابو زايد انتي جبتيهه لنفسج لو مطاوعتني ماصارلج الي صار وجان رحتي تزوجتي هالاشكراني وعشتي وياه بالعسل
- يعني تدرين بكلشي تدرررين وضليتي تذبحين بيه
-لعد شبيه يمه عميه ماشوف وادري شجان يصير مايصير ..فضل مني وسكتت ماحجيت لابوج بوكتهه وخليته يكسر راسج

- لاااااا انتي ماقصرتي كفيتي عنه ووفيتي وابشرج
انتي فزتي وانتقمتي زييين .. الااام فازت ونجحت بتدمير بنتهه .. قووويه وماكو منج والله ماكو منج
اليوم اني خسرت بالدنيا كلشي .. انتي خسرتيني
كلشششي بس بالاخره اني الي اخسرج و وحده وحده اطالبج بيهه كدام رب العالمين
خليت فوز الدنيا الج والاخره الي هناك اكله ربي
هاي حرمتني باب من الجنه وحرمتني كلشي بحياتي بدون ذنب وواجهي لو عندج قوه واجهي

تغيرت ملامحهه من مسيطره ومتباهيه الى خوف
وارتباك ..اني عفتهه وطلعت ..امشي بالشوارع
وامسح بهالدموع ورجعت لبيتي ومحمد ماكو ولا درى عني رحت واجيت ولا شصار وياي

ضليت الليل كله سهرانه كدام صوره ابويه واشكيله شسوت بيه هالام ... بجيت لحد ما حركتني عيوني
وخشمي صرت احسه تجرح .. غفيت من التعب واني موكله كسري وضعفي و وحدتي لله ماعندي غيره ..

ثاني يوم كعدت الصبح وماشفت محمد عرفته مارجع للبيت وطلعت للدوام ورجعت وهو ماكو
وضليت يومين بالبيت وحدي اتصفن بالحياطين
واجرجر ملابسهم وياي من غرفه لغرفه احضن بيهن واني احجيلهم وحدتي وخوفي من هالحياه

واتفاجىء بدخول محمد و وياه علي مالحكت حتى البس شي طويل ولا احط شي على راسي .. ضل
يباوعلي بنظره احتقار وكالي ...
- هاااا راح الجنتي بي تتباهين ضليتي وحدج
حيييل عساج بالازيد وجايج بيهن بعدني امشي وياج بخطط العسكر ماتهاونت

مسحت دموعي وكلتله ..
- يجيك يوم وتنكسر مثل كسري ويتشمت بيك عدوك الدنيا ماتدوم لاحد
- هههههههخخخخخخ ضحكتيني يا مره
ولج انتي ثوله وعكلج على كدج .. اسمعي هالحجايه وحطيهه ترجيه باذنج ...
الدنيا تدور وتطيح حظ الزين والماشيهه عدل مثلج وفقيرون بس العااار والبايع ومخلص والي هو يتملعب على الدنيا هذا ماعليه شي فهمتتتتي
فاانه اشوفنج بكبرج ومااشوفن بيه يوم

ضل يضحك ويستهزء وراح كعد ع القنفه ومحمد
اجه انطاه مي وهو سمع ودرى بالحجي الصار
وما اهتم وسوه نفسه كأنه ماسمع شي وكالي ..
- كومي طبي جوه

جان علي يكوله ..
- عوفهه خلي تمشي تسويلنه لكمه ناكلهه ورانه
سهر وليل طويل
- لاا عوفهه انه اجيب اكل مابيه حيل مناحتهه

اني اتصفن بوجوههم ومامستوعبه الجاي يصير
ومحمد اجه جرني من ايدي واخذني للغرفه
وسد الباب وراح ..
ضليت صافنه .. هذا يحجي هيج على مرته ويسكت ؟؟؟؟ وين رجولته وين فخفخته وتهديداته
وين راح هذاك الحب الخابصني بي ... وين الحرمه والشيم والاخلاق كلهه تبخرت عنده !
لو هنه اصلاً جذبه وقناع لبسه !؟؟؟؟

ضليت اتصنت عليهم من وره الباب واسمع ضحكهم وجان محمد يكول ..
- تمشي وياي نجيب عشه
ردله علي وكاله ..
- لاااا يمعود امشي نطلع بوجهنه ناكل ونتمزمز

محمد ضحك وكله يلا امشي وراحو وضليت وحدي بالبيت كاتلني الخوف من الجاي يصير
رحت لبيت جيرانه ودكيت من تلفونهم على روعه
جاوبتني ..
- شلونج روعه حبيبتي
- ولج وينننج والله ضال بالي عليج شلونج
- مو زينه روعه حياتي ادمرت كلها
- اسم الله الرحمن خير شصاير
- اكدر اجيج للبيت ونحجي سالفتي طويله
- اي اي تعالي البيت بيتج يلا هسه عوفي كلشي وتعالي انتظرج
- ماشي لعد اقفل بيتي واجيج

رحت للبيت بدلت واخذت جزداني وطلعت اخذت تكسي ورحت لبيتهم .. تلكتني هي وامهه ومن شافت شكلي ولبسي الاسود لطمت على صدرهه
واني من اول ماشفتهه بجيت وحضنتهه ضلت بس هي الي ملجىء بهالدنيا ...

اخذتني ورحنه للهول وجابتلي مي شربت وكعدت يمي وامهه هم يمنه وجان تكلي ..
- ولج وكعتي كلبي شنو الصاير ويااج دحجي
- اهلي ماتو روعه ابويه وبيبتي راحو وعافوني يم وحوش ينهشون بيه ويتشمتون
- الى رحمه الله يابعد عيني سوده عليه ياداده ضاله هيج حال الضيم حالج من الله لا ينطي الجان سبب بتعاستج
- اممممي روعه امممي هي سبب هي كل شي

كعدت حجيتلهه شسوت امي وحجيتلهه تصرفات محمد وعلي وحالي كله جنت احجي وامهه كاعده تدك على رجلهه بكل سالفه وتبجي على بجيي
وتدعي عليهم وروعه حاضنتني وتسب وتدعي عليهم ورادت تكول لايوب عليهم ماخليتهه
كلتلهه الرجال عنده حياته بعد خما ابتله بيه كل يوم والثاني ومخابرته وحلفتهه ماتحجيله شي

جابت العشه جانت محضرته وبالكوه وكلتني
اني كلشي بحلكي مر وماينبلع عايشه على المي والدعاء .... ورجعت لبيتي ودليتهه عنواني
كالت امرلج ماعوفج وحدج ....

رجعت لبيتي بنص الليل وماكو محمد ولا درى بيه رحت واجيت .. صاير بلا ضمير ولا احساس ولا اي نخوه وماعنده ذره مسؤوليه تجاهي .. كل الي يريده اني اجيبله فلوس واسكت واعوفه بكيفه
واني منطيته هالشغلتين وماعاتبه ولا اكله على شي لان هو ميت بعيني من زمان .. اعرف بي من قبل هو عقله يشتغل بس بالاخذ مايفهم شي اسمه عطاء ...

حسيت على محمد وجه الفجر دخل للغرفه يغني
كمت رحت عليه واشم ريحه جايفه بي وهو مو بوعيه كبل دفعني وراح للجربايه وهو يمسلت
بالحجي ... طلعت من الغرفه واني خايفه ولازمه كلبي ..هذا محمد سكران جاي !! وكل لياليه هيج جانت !! يعني اني هسه عايشه ويه سكير !!

ضليت ارجف من الخوف والدموع تصب بعدني ما كمت من وكعتي باهلي تجيني هاي ..
رحت توضيت وصليت ودعيت وبي يهدي ولا يسلطه عليه ...
طلعت للدوام واني حذره منه كمت ماعرف شتصرف وياه بحيث من رجعت من دوامي الظهر
اني اخاف اباوع لوجهه..
وهو لكيته كاعد بالهول واول مادخلت صاح عليه
- من تطلعين غير تسويلي اكل عايفتني على لحم بطني من الصبح لهسه اااامشي حطيلي اكل

ماجاوبته بس جنت اتفحص ملامح وجه المنفوخه
وشكله المبهذل وعفته ورحت سويتله اكل واني بعدني بملابس الدوام .. وديتله الصينيه ورحت
سبحت وبدلت ومن اجيت لكيته صاب جاي لنفسه
وكاعد يباوع تلفزيون ... من بعيد كلتله ...
- محمد ليش مشيت بطريق الحرام

اندار عليه وباوعلي ورفع حاجبه ورجع اندار
وماحجه شي .. رجعت كررت عليه ..
- ليش مشيت بالحرام ..ليش صرت تشرب
ليش هيج تغيرت
- ماعليج انتي شدخلج بيه
-شنو شدخلني بيك ..الي تسوي كله دينعكس بيه
خاف على حياتنه محمد ليش تضيعنه بهالطريق الاعوج
- وشلون حياه هيه وانه اضيعهه وللحد يطبج مرض انتي وهالعيشه الزفره.. ولا تضلين تفكين حلكج بهالسالفه نوبه الثانيه اكص لسانج لو تدخلتي ماعليج بيه فهممممتتتتتي

جان واكف كدامي ويصيح واني بس مدنكه وحابسه النفس واريده يروح ماتحمل هالصياح بعد نفسيتي تعبت ... وهو كمل حجيه وطلع
وضليت كاعده بالكاع وابجي على حظي العيشني بهالذله ... شنو السبب وليش صارت هيج عيشتي ؟؟؟؟ مادري ..

ومشت الايام ومحمد كل يوميه يرجع وكت الفجر
سكرااان ع الاخير ويضل نايم لحد عصر ثاني يوم
يكعد ويضل يصيح على كل شي ومرات انهار بالحجي والبجي كدامه وماحصل منه غير الاذيه
يااما بالحجي والمسبه على اهلي او يلوي ايدي
يجر شعري ويضربني براسي ويطلع وره يومين يلا اشوفه ومن اكوله خلي نتطلك وعيش براحتك
واخلص مني يكولي...
منو يصرف عليه بعد اذا طلكتج خليج مستفاد منج تخدمين وتصرفين ...

جنت اشكي لروعه الي جانت تمر عليه كل يومين
واحجيلهه هالحال الي ماديخلص وهي تكولي اشتكي عليه عند الشرطه واني اكللهه منو يوكف ويسندني لا عندي اخ جبير واحتمي بظهره ولا عندي ام التفتحلي بيتهه ولا عم الي براسه خير ويسأل عشنه لو متنه .. راح اضل لوحدي وترجع
بالعكس عليه ...
وهي جانت تكلي جازفي واهلي يوكفون وياج ويسندوج بس اني جنت مابيه حيل مشاكل بعد
وجرجره بالمحاكم وحتى لو تطلكت وين اعيش ؟

ضليت عايشه على امل ربي يهدي ويرحم بحالي
كل ليله اردد .. ربي انته رحيم بعبادك ارحمني ..
وانام واصحى على امل اكدراسيطر على هالوضع

مرات اجرب احجي وياه بالهداوه واكوله ايدي بايدك ونبدي حياه جديده واترك هالشرب والاقمار ويضل يضحك ويكولي ..
منو الكلج اني اريدلي حياه وياج اني عايش حياتي ومتونس ما كلبج بعد
اكوله عوفني لعد ليش ترجع عليه يكولي
مصلحتي يمج واجيج

وعرفت اني مجرد وسيله حتى يحصل جو الونسه
هذا ومستغلني بالفلوس ولو تطلكنه لازم يرجع
لاهله ويبيع البيت وتروح عليه هالحريه بعد وضال
مخليني سد بوجه العالم حتى هو يتونس ...

لحد سنه ١٩٩٠ بشهر الخامس اني جنت نازعه الاسود بسبب ملحتهم عليه من اهله ومن عماتي
وهنه نزعنه الاسود كلنه بحجه السواد يجر
والرجال مايتحمل .. واني من شهر الرابع نزعته
وبديت شويه احسن من نفسيتي واحاول ويه محمد
وهو نفس الشي يزيد ماينقص .. كام يجي هو وبطالته ويكعد يكضي الليل يمي يصب ويشرب ويدندن واني اضل حابسه روحي بالغرفه اخاف اصير كدامه ويسويلي شي ...

وكل هالوكت اني معتبره نفسي جنت مخدوعه بمحمد وشخصيته وهسه طلع على حقيقته بس
بعدين اكتشفت ان محمد ما جان الا ضحيه ...

بيوم دخل عليه محمد العصر وكالي ..
- تمشين لبيت اهلج
- لا ليش
- يطبج مرض ضلي هنايه تعفني بهالدار

سد باب الغرفه وطلع وره شويه سمعت صوت الباب تندك وراح هو فتحهه وسمعت صوت علي
كمت ليم الباب اتصنت عليهم .. اني تعودت على جيات علي هنا ودائماً جنت اضل خاتله بالغرفه
ومااتواجه وياه بس اليوم مادري بشنو محمد طلع
وفجأه انفتح باب الغرفه ودخل علي ويفر بخنجره
ويتمضحك ... كلتله ..
- شجابك لغرفتي متستحي انته ... اطلع بره
- هيييييي انجبي يلاااا انجبببي غرفتهه ههخخ
هااااذ البييييت كله باااسمممي انه وانتي هسه كاعده بغرفه ببيتي ااانه
-شنوو بيتك شنووو بيييتك بيتي هذااا بيتتي
- زماااان جان بيتج .. من شهووور هالبيت باسمي
انتي حابسه روحج شدراااج شيصير مايصير
- يعني محمد باعه الك ليييش ليييش
- ههخخخ هالبيت انه خذيته من محمد موش هو باعه رادلج تصحيح لحجيج شويه .. ااانه خذيته
- انته شتريد بالضبط فهمني وييين تريد توصل
- انه غايتي معروفه من زماان وواضحه
كلشي اريده هو انتي .. اريدن كسرج وذلج
- هاااي كسرتني الدنيا قبلك مااكتفيييت
- لااااا موش انه توني بديت عليش اكتفي
اهلج موش من ضمن خطتي انه مابديت غير بمحمد بعدني باول خطتي ماالوعتج بعد وبعد
وبععععد الوعج واخليج تجين تبوسين قندرتي وتوسلين اذبحج واخلصج من حياتج

- علييي الله فوك كل ظالم لاتنسى
- اسمعي انه الله مطيح حظي من زمان وماضالي شي اخسره فهالحجي مايهز شعره بيه
- شبييك انته مو عندك حياتك بيتك وولدك واهلك
ليش متشوف هالنعم ليش تدمر نفسك وتدمر غيرك
- اااانه هيج انه مسودن احبن الدم والثار والطلايب
انه اليرشني بماي ارشه بسهام واتلذذ بطيحه دمه
وانتي صرتي ازييد شي انه احبن اذيته هيج انه
كل ليله اجر الكاس وانه اصفن واتخيلج تنوحين
وتتلوعين جدام عيني وتتوسلين وشووووكي يزززيد ازيد وازيد كل يووم بس هالحيوان
مايمشي سريع ويريح كلبي بعده خنيج
- كله منك يعني انته الدمرت محمد ومشيته بهالطريق حتى تنتقم منننني !!! ليييش علييي لييش اني ماذيتك اني دافعت عن حق انته تدري بي هو حق ماتجاوزت علييييك ليش هالكره والحقد والثاار
- انتتتي تجاوزتي يوم الوكفتي جدامي بعلو حسج
تلعلعين انتي يوم الحطيتي راسج براسي كتبتي موتج على ايدي

جنت واكفه واحاول كد ماكدر ماابين خوفي كدامه
بس هو صار يتقرب عليه ولزم جتفي وعصره حيل بايده واني اضرب بي واصيح وهو يضحك
ويكلي ..
صيحي بعد صيحي .. كمت ادفع بي وهو يصك بسنونه ويخنزر بوجهي واني صرت اغمض شكله يخوف واني وحدي بالبيت اصيح اريد محد اجاني
وبعدين جان يدفعني للجربايه واجه تقرب عليه وهو يطك باصابيعه واني تخبلت من شفت نيته
شنو كمت وكفت على حيلي وكلتله ...

- لا تمد ايدك عليه علي هاي مو من الثاار لا توصل لهيج لااا توصل
- ههههههه وين اتلذذ بعذابج ازيد من هااااي وييين
- كلتتتتتلك لاااا تووووصل لاااا تمد ايدددك عليه
لا عبالك الي ماتو اخذو قوتي وياهم بعد عندي الي يفنيك عندي الي ياخذك لدرب التبانه وينتظرك
ويمحيييك بليلتك

صفن بوجهي واني جنت احجي بعصبيه وارجف
وهو هدأ شويه وجان يجي يهجم عليه وكام يصيح
ويكسر بكلشي يمه ورجع عليه حصرني بين ايديه ويكلي ...
- منننننين تعرفيييهم منننننين جااااوبيني منننين
- ماعليك شتسوي تعرف منين المهم موجودين
وكادرين على كص راسك

جان يشمرني حيل للكاع وراح كسر وهوس
واجاني يدفر ويكول ..
- ااااادفنج اااانه ادددفنج ومايلحكون عليييج

وكام راح اخذ قفل الباب وكال ...
- لاحبسج هناااايه واشوف منين يعرفون ويجوون منييين تطلعين وتكليلهم منييين .. انه كاعدلج هناايه
ولا اصلخج كبل مايشمون خبرج

طلع وقفل باب الغرفه وضليت اني ابجي على هالحال وادعي ربي ينقذني منهم .. وحيده وصغيره ووكعت بين اديهم مايرحمون ولا يخافون ربهم ولا ينكدر عليهم من بشر ...

جنت بهاللحظه اتمنى لو مخليه ايوب يخلصني منه من البدايه تمنيت لو ضاله اتبع خبره واعرف شبي مابي ومااضل على عمى عيني .. بس كلبي الاكشر ما كدرت عليه ومارضيت باذيه الناس

وره شويه سمعت صوت محمد اجه وعلي يكوله وين الاكل صارلك سنه .. بهاللحظه استحقرت روحي اني ويه يا رجال عايشه !!! هدرت سنين عمري كلهه اله .. عفت عرش من الدلال والعز لاجل ارضي وانطي حق العشره بين اهلنه وبالتالي اطلع مضحيه بروحي لاجل واحد مايكدر حتى يحفظ عرضه ولا يدري عنه !!

ضليت اليوم كله محبوسه بهالغرفه وادري كلش زين محمد مايدري ان علي قافل عليه الباب وتايه بعالمه .. واني كضيتهه بس بجي ومره انشد ابويه ومره انشد ايوب واكول .. لو بعده كلبك يحس بيه فااني محتاجتلك .. واتمنى لو عندي خيط وصل واحد وياه وينقذني لان ادري بيهم راح يدمروني ومايخلون بيه شي وعقلي يصورلي اشكال افعال منهم ويكول لا خاف قليل هذوله وحوش ومو بوعيهم مخمورين وضاله عايشه بالخوف ...

لثاني يوم العصر سمعت الباب اندكت وسمعت صوت محمد اجه يريد يفتح الباب وعلي صاح عليه وكاله ...
- ااااكف شعندك منهو الاجه
- صاحبتهه جايه عليهه خلهه تطلعلهه
- لااا امشي اطردهم اااامشي
- شمااالك شني سالفه
- شنننني تريد تفضحنه هسه هاي تروح تكت كلشي ليهه ماتعرف بالنساوين ولغوتهن امششي اطردهه من هنايه وكللهه المره عد اهلهه امشششي

اني من سمعت هيج كمت ادك بالباب واصيح عليهم ..
- محممممد افتحلي الباااب افتحوو حراام عليكم والله حراام شسويتلكم وهيج حابسييييني

كام محمد يفتح بيده الباب ويكول ...
- من يمتى هالباب مكفل

جاوبه علي ..
- عووووفهه وامشششي اطرد هذني من الباب
- علي خويه عليش مكفل هالباب افتحلهه شني شسالفتك
- اي اي انه افتحلهه امشي انته يلاا

راح محمد وعلي فتحلي الباب وباوعلي وهو يضحك ويخلي ايده على وجهي كأنه يريد يخنكني
واني ارجع ليوره بعدين كال ...
- انه فتحتلج هالباب لمصالحي موش خوفاً عليج
ومن اليوم انتي حبيسه بهالبيت تضلين جداام عيني لا شغل لا طلعه ولا طبه ولا جار اليزورج ولا اخ ولا عم انتي اندفنتي جوه ايدي بعد

جان يحجي وعيونه تتكلب على وجهي وجسمي ومن كمل حجيه ضحك بصوت عالي واجه محمد
شافني هيج واكفه خايفه وضل يباوع لعلي وهو عيونه عليه بحقد يباوعلي جان محمد يكول ..

- شننني الصاير
علي- شني مامش شي شمالك .. امشينه نكعد بره شويه اجتي بالي فرد سالفه ناسي احاجيك بيهه

محمد باوعلي ورجع باوع لعلي وابتسمله وطلعو
واني ضليت افرك ايدي بخوف من الجاي ومحتاره شلون اخلص نفسي منهم ...

رحت شفت الهول كله ريحه جكاير والبطاله مشمره بالكاع والفراش وصخ ومكعور ..
فتحت الشبابيك وكمت اشيل بهالزباله
وطلعت الفراش نفضته وشريته ع الحايط وضليت اباوع للسمه وكلت ...
ربي محد يعرف حالي غيرك انقذني يارب

بهاللحظه اجوي اثنينهم يتمضحكون ويتبسبسون
وصاح محمد عليه وكال ...
- امشي سوي عشه زين اليوم عدنا خطار يلا تحركي

جنت اخاف اراددهم بشي منظرهم يوحي انهم ممكن يشربون حتى دمي ومايرفلهم جفن ..

رحت للمطبخ اسوي الاكل وويه الاذان سمعت الباب تندك و وره شويه صوت رياجيل دخلو
وصار الضحك بصوت عالي ويتلفظون بابشع الالفاظ والكفران مانزل من لسانهم ويضحكون ويه اليكفر ويزيدون وياه واني جنت بالمطبخ بس استغفر واسد باذاني وتالي اجه محمد اخذ الاكل
واني اباوعله بنظره احتقار وهو يمشي والضحكه شاكه وجهه ومستمتع بالي ديصير ...

ضليت محبوسه بالمطبخ وهمه سهرتهم طولت ومن صارت ساعه ١١ طلعو واني اجيت اطلع للطرمه جان يرجع علي وكبل جرني من ايدي واخذني للغرفه .. جنت اعيط عليه واضرب بايده وهو ولا يمه بس شمرني بنص الغرفه وكال ..

- حسسج مااسمعه

طلع وقفل الباب وراها سمعت صوت باب الشارع انسد عرفت راحو يبدون سهرتهم وعافوني محبوسه ..

حطيت المصلايه وكعدت صليت المغرب والعشه لان من حضرتهم موجودين ماكدرت اتحرك من المطبخ .. وره الصلاه كعدت اقرا قرآن ضليت مطوله بي وختمت الجزء الاول ونص الثاني
واني اقرا والدموع تصب من اشوف الايات الي تنبه على عقاب الظالمين ورحمه المؤمنين
هنا كلبي يستشعر هالكلام واكول راح تشملني هالرحمه اكيد واخلص منهم ...

بس الوضع زاد من سيء الى اسوء ...
صار علي مايفارك البيت و وكت الي يكعدون من النوم من بعد رجعتهم وكت الفجر يصير يصيح ويتأمر عليه .. اسويله اكل واغسل ملابسه واني ارفض واضل اعيط عليه وعلى محمد وهو بكل برود يكول لمحمد ...
- كوم ادب مرتك وضب لسانهه

ويكوم محمد يجرني للغرفه ويضل ضاغط براسي على الحايط ويشتم ويسب ويلوي اذاني ومرات يلوي ايدي ومخليني مذلوله بينهم ...

مره من المرات جانو ياكلون وصاحني محمد ..
- انتي هيي تعاي اخذي الصينيه وجيبي الجاي

اجيت دااشيلهه جان علي يكفر ويكول ..
- خرب ... جنج مومياء تجفلين امشي عدلي خلقتج تكفرين الواحد بعيشته شلون متحملهه انته

اني هنا طكت روحي وطفح الكيل عندي عاد الصينيه الي بدي ذبيتهه بالكاع وتطشرت وصحت عليهم ...
- مااا كاااافي كفرااان مو اسلااام انتوو متخافون ربكم تكومون تكعدون ماينزل من لسانكم الكفر
اني يطبني مرض ضلو دوسو بمصاريني بس كااافي كفر كاااافي ماااتحمل اسمعكم هييييج كاافي

كام علي ولزم ايدي لواها وكال ...
- اكفررر والعن واسب لنتتتي مالج لازززم انتي كلج خلك خدامه بهالبيت صوووتج لو على اكسر راااسج
- ماااسكت ماااسكت كاافي عاد تحملتكم وسكتت باليكفي كااافي اتقو ربكم حرااام هالعيشه والله حراام مااتعرف الله انته ماتعرف ربك وهيج تسوي
- ايييييييه انه كااااافر شيطااااان اكششرر انتي شعلليييييييج مره الثانيه ادوسج برجليه واكطع نفسج ولييييي منااااا

شمرني للكاع ووكعت وجنت ارجف واجر النفس بالكوه .. باوعت لمحمد الي جان كاعد ومدنك راسه وماتدخل بشي ولا عبالك مرته الي جاي تنضرب وتنهان كدامه ...

كمت رحت ركض لغرفتي وركعت الباب وشمرت نفسي ع الجربايه ابجي واكول الصبر ياربي الصبر ...

من بعد هالموقف ضليت ماطلع من الغرفه لو شمهما يصير لا اسويلهم اكل ولا الي دخل بشي
وكت الي اسمعهم يطلعون اروح للحمام واسويلي اكله على كدي واخذ مي وارجع للغرفه اخاف على غفله يرجعون ..
وعلي من يطلعون يقفل باب المطبخ وباب الاستقبال من بره بحيث اني ضاله محبوسه
ماشفت حتى الطرمه من ٣ شهور واي واحد
من جيرانه يدك الباب على شي يكلوله ماعدنا ويطردوه واذا صديقاتي اجني من الوظيفه او روعه تجي يكلولها مو هنا وكل مره حجه شكل يطلعون وضالين حابسيني عن هالعالم ....

وعلي كل ما تصيرله فرصه من يطلع محمد يضل هو يصيح بعلو صوته بالبيت ويكول ...
- وينننهم التسبعين بيهم وينننهم صارلي شهور مطيح حظج وماشفت خيالهم كليلي صيحيهم خلي يجوج

ويضل يتشمت ويسب باهلي واني ماارد عليه ماريد اشتبك وياه لاي سبب جان ..

وبيوم اندكت الباب حيل وكت العصر وطلع علي وشويه ورجع واسمعه يكول لمحمد ..
- هذوله اخوتهه بالباب ولك
محمد - خلي نطلعهه ليهم شنكللهم ماترهم
- شمالك تسودنت هسه تروح تشرد وياهم وتفزعهم ..امشششي اطلع حاجيهم كللهم موديهه لاهلك كول اي شي واطردهم

هنا اني حسيت هذا صار خيط نجاتي الوحيد وكمت ادك بالباب واصيح يفتحولي واصيح با اسامي اخواني بعلو حسي جان ينفتح الباب ويهجم عليه ...
.

#شقراء_بغداد

بارت_٢٤



هنا اني حسيت هذا صار خيط نجاتي الوحيد وكمت ادك بالباب واصيح يفتحولي واصيح با اسامي اخواني بعلو حسي جان ينفتح الباب ويهجم عليه
علي ويسد حلكي وضليت اتلوى جوه ايده وهو خانكني وساد حلكي ومحمد راح طلعلهم وره شويه رجع ويكول ...
- هدها راحو مشيتهم

وخر مني علي واني رحت على محمد ضربته على صدره وابجي واحجي ...
- لك شنو من بشر انته ليييش هيج تعذبببني محممممد شسويتلك من ذنب وهيج تسوي بيه
متريدني عوفني طلكننني طلكننني واعوفلك كلشي البيت الفلوس الذهب كلشي انطيك بس عوووفني عوووفني

علي - انننننجبي وصمممي حلكج مالنه خلك هوسه

- معليييييك انته لتدخل اني داحاجي رجلي شجابك بالنص معلييك

علي - سكتهه عااد يلاااا ماريد اسحلهه هسه سكتهه

محمد - بسسسج عاااد انصمي

- مااسكت مااااسكت كااافي طلعت رووحي محمد خلي نتطلك وعيش براحتك سوي اليعجبك شلك على خطيتي ليييش محمد لييش شلون ترضاهه مرتك محبوسه وتنهان كدام عينننك وتسكت شلووون

- كتلج صمممممي حلكج عااااد لااا انعنع ضلوعج

- عوووفني محمد عووفني طلكني مااريدك مااريدك ليش رابطني بيك وحابسني عووووفني
متنازلتلك بكل شي بس عوفني لا تخليني معلكه وياكم هيج شذنبي اني اعيش بنص قذارتك وكفرانكم عووفني محمد طلكننني طلكننني ماريدك

كعدت منهاره بالكاع ابجي واصيح عليهم وادعي
وهمه متصنمين كدامي تالي علي جر محمد ورادو يطلعون ضليت اصيح ..
- محممممد حووبه اليتيم ماتضيع لاا تكسر ركبتي هيج طلكني واخلص وخلصني لااتسكت وتروح احججي خلصني احجججي شيييي احجججي

ماحجه شي وعلي جره وطلعه بره وقفلو الباب
عرفت علي يريد يغسل دماغه ومايخلي كلبه يحن عليه ولا ينكسر خاطره يريد يمشي خطته على ايد محمد ...

ضليت منهاره وبجيت بجي مال خبال ومتعجبه شلون محد من جيران يجي يدك بابي ويسال شعدكم شصاير وياكم !!!

رجعت بخيبتي وضعفي لغرفتي واني خسرانه اخر خيط من الامل بأن اطلع منا واحد يعرف شبيه

جنت افرغ نار كلبي بالكتابه .. اكعد اكتب كل اليصير وياي واكتب شعوري وضيمي كله
واضم هالدفتر من اكمل وجنت من يخلص الدفتر اصعد اضمه ويه الذهب ادحسه بالكواني ..

ضليت كل يوم اصيح واسويلهم هوسه بالبيت واكول لمحمد يطلكني ويخليني اطلع من حياته
وهو يكولي .. الموت اقربلج من الطلاك ...

وجنت كل يوم ادكهه مناحه وكرهتهم روحهم وضالين بس اعصاب وعلي يصيح ويرزل بمحمد ومسويه خادم جوه رجليه ...

والبيت صاير عباره عن ملهى .. كل ليله جايين
جماعه ويضلون ضحك وشرب للفجر والفشار والكفر ماينزل من لسانهم واني من اسمع اضل بس اردد يارب سامحنه انته عظيم وهالبشر مايعرف قدر عظمتك وجلالتك ... واضل استغفر
وخايفه من غضب رب العالمين لو ينزل على هالبيت بيوم شراح يسوي بي ...

ومشت الايام واني مادري شصار ما صار بالدنيا ومااعرف ليش علي مايروح لدوامه ومكابل هالبيت وكاعد كلشي مادري وماشايفه حتى ضوا الله محبوسه بهالغرفه وطلعتي كلهه تصير للحمام وبالختله اخذلي شغله اكلهه وجنت اكل مره وحده باليوم من يطلعون بالليل يلا اكدر اكل ، وبسبب صياحي ودعائي عليهم ليل نهار كامو يعوفون باب الغرفه مايقفلوه بس مقفلين البوب البره وحتى باب السطح هم مقفليهه ...
وصرت اتمنى لو بس اطلع اشوف شمس اشتم هوا
اشرف سمه ربنه شلونهه .. اتمنى لو عندي طير يمي واخلي يوصل خبري لاحد .. اتمنى لو احد يفتقدني ويجي يسأل عليه ويعرف بحالي ..
ومن بعد مااصحى على واقع ان مستحيل تتحقق هالامنيات اصير اتمنى لو مايصبح عليه صبح واروح لعند ابويه واحتمي بحضنه واخلص من ظلمهم ...

كلشي جانو يسوون من اهانه وضرب ومذله
ومحمد صار نسخه علي بكل شي .. خاف جان عندي امل بيوم يصحى على نفسه ويحركه ضميره كمت من كد الي اشوفه من برود تجاه عرضه وهو ينهان وينلزم كدام عينه اتوقعه يمكن يدخل عليه بليله ويذبحني وما يهتم ويرجع يروح ينام ببروده دم ...

وفعلاً صار الي خفت منه وبليله جانو راجعين واني هستوني طلعت من المطبخ جان اشوفهم
شلون واحد يسحل بالثاني وملابسهم مبهذله وشكلهم يلعب النفس .. سويت حركه بوجهي
لا ارادياً توحي بالقرف منهم والاشمئزاز وسديت خشمي من ريحتهم ورحت طبيت للغرفه جان يصيح عليه محمد ....

- وييييين ولييييتيي تعاااي تعاااي بنت الكللللب
تعاااي هنااااا جداامي تعااي

طلعتله ومن باب الغرفه كلتله ..
- شكو شبيك تصيح
- تعاي نزعيني الجواريب وسبحيني يلااا تعااي
- لووو تموت ماامد ايدي على واحد نكس مثلك
- شننني لججج عاااااررر جلببه شننني كلتتتي
- سمعت كلش زين روح دبر نفسك بنفسك مااخدمك اني وماتحمل قرفكم بعد لعبت روحي منكم

جان علي متمدد ويباوع علينه بنص عين جان يرفع ايده ويأشر لمحمد ويكوله ..
- كوووم خلصنه منهه كووووم

ومحمد اجاني واني ركض طبيت وداسد الباب وهو دفعهه ودفعني واجه لزمني من راسي وجر شعري ولفه بايده وضل يلطخ براسي بالكنتور واني اصيح ومجلبه بايده لان راسي موتني

وهو يضرب ويصيح ...
- سااااقطه جلببه مامش غيرررج نكسسس وادبسزز بنت الجلااااب نعلى على شرفج اليوووم اعلممج الييوم
- الله يكسسسر ايدك الله لا يوفقققك ولك عوووفني محمممممد ياااغضب عووفني شلعت راسي ولك وخررر

جان يفرك حلكي وذبني بالكاع وصار يدفر برجله على ظهري واني اصيح عليه ..
- كاااافي ولك كااافي حرااام عليييييك لك عوووفني ارحمنننني كااافي
- اله انسسسسيج حليييب امج اليوووم ياااسكط ياعار
- لك عووووفني والله محد غيرررك العااااار والله انته فلااا رجااال وعااار على كلمه رجوله

من حجيت هيج دنك عليه وجرني من ملاابسي ورفعني لمستواه وكالي ...
- تحججججين على رجووولتتتتتي بنت الجلب
- احجججي واصيح واعيد بيههه موووو رجااال اثنينكم خنااااايث بس شوااارب وبس اسسسم مابيكم خييير ولا بيكم رجوووووله عااار على الزلم انتم
عاااار
- لاااااااشوفج العااار والخنااايث شلوننههه

دفعني للكاع وكبل شك ملابسي واني تخبلت هنا
كمت ادفر بي بايدي ورجلي وهو يعض بجسمي بكل قوته ويشك بكل ملابسي واني اصيح عليه

- وخرررر مني لللك ماتحمللللك ماتحملللك وخررر مااااريدك وخررررر

عصر حلكي بايده وعيونه حمممر وتخوف وهو فوكايه ويكول ...
- جممممم نوبه كاااايلج صوتتج ماااسمعه اششش اششششششش
- ماااااريدك وخرررر انته واااحد نكس مااتحملك وخررر تلعب نفسسي منك ماااريدك عوووفني عووووفني
- هااااا تلعب نفسسسج مننني موووو اصبببري اصببببببري ياابت الجلللللب اصبببري

كام وطلع بره الغرفه واني لميت ملابسي عليه وصرت ارجع ليوره وارجف وجان يطب وشايل وياه بطاله اثنين مال الشرب واجه وهو يضحك بشر وكالي ...
- موووش انه نكسس انتي هم تصيرين نكسسسه وياااي

ضليت اصيح وخليت ايدي على راسي وهو اجه دار البطل كله عليه واني ادفع بي واريد اكوم وهو جرني نومني وملابسي كلهه مشككه وضل يدير
البطاله على جسمي نكعني تنكع بيهن وريحتهن فاحت ولعبت نفسي وتخبلت ...

ضليت اصيح وادفع بي وهو صار يكلي ..
-صيحي بعددد صيحييي

وصار يعض بجسمي بكل قوته واني اصيح وبعدين صار يغتصبني ويكلي ..
- اعلمج المو رجال اليوم شيسوووي بيج

اني انبح صوتي من الصياح وزردومي احسه يبس
بس ماكدرت اسكت وضليت اغلط وادعي عليه
وهو مستمر وبكل قوته وكل شويه ضاربني بمكان ويلزم زندي باثنين اصابعه يجر الجلد ويلوووي
واصير احسه نار عبالك مجويه بيه ..

وكل هذا وجملهه فوكه علي الي جان يصيح من الهول ..
- حيييييل بيييج حييييل عفييه عليك ريحت كلبببي
زييييد عليهه زيييد شوفهه الزلم شلوون

ومحمد ينشحن اكثر بكلامه ويصير يكرر اغتصابه واذيته مرتين واني بس ابجي واصيح ولحد ما كام مني اني ضليت بس جسم مغتصب وملوث ومشمور بادنى وارذل الطرق ...

وجان يقفل الباب محمد ويكول ..
- كل يوووم انه انكسج وياي بعد صرتي مثلنه

قفلهه واني كمت رحت للباب ادك بيهه واصيح
- فتحووولي البااااب افتحووو الباااب افتحووو
اريد اروح الحمااام افتحوووو

ضليت اصيح واصيح وهمه محد يرد منهم
واني تخبلت ماتحملت هالقذاره كلها بيه وكمت
بلا وعي ادك على راسي واخرمش بوجهي ورجلي اضرب عليهه والوب بالغرفه الوب وكل صيحه تحرك بلعومي حرك وصرت اصيح واكسر بالمزهريه الي على ميز المرايه شلتهه
وركعتهه بالباب وتطشرت بكل الغرفه وكمت اشيل شعندي غرض كدام عيني اشمره والي يجي بيدي اركعه بالمرايه وطشرتهه بالغرفه وويه
صوت التكسير صوتي ما وكف يزيد ...

وكعدت بين هالكزاز ابجي ومهدود حيلي واصيح.
افتحولي الباااب ..
سمعت صوت باب الشارع تندك ومحد منهم كام فتحها ولا يردون عليه وضليت لثاني يوم الصبح
اني كاعده وابجي وساعه انهار واصيح واضل اتحرك واني فاقده واتجرح بالكزاز وساعه اضل
كاعده بلايه حيل بس اتشاهك من البجي

ولحد الظهر سمعت صوت القفل انفتح بس ماانفتح الباب واني ضليت كاعده بمكاني وجامده من كل حركه ترقبت دخول واحد منهم ومحد اجه سمعت باب الشارع انسدت ..
كمت طلعت راسي من الباب وشفتهم ماكو ورحت ركض للحمام فتحت الدوش وضليت كاعده جواه
وابجي وموقف البارحه يرجع كدام عيني واضل ابجي واشهك جوه المي واغسل بجسمي وافرك بيه بقوه جنت اريد اشيل حتى هالجلد الي عليه ومااخلي اثر منه بيه ...

جنت اشوف جسمي كله ازرك .. من ايدي وصدري وبطني وحتى رجلي كلهه مطكعه زركه بكل مكان واني من اشوفهن اتخبل اضل اضرب بنفسي واصيح ربي اخذذني ليش عايفني للذله بينهم ....

ولليل رجعو واجاني محمد للغرفه ...
- انطيني ذهبج وين ضامته
- مااانطيك تحلم انطيك ذهبي
- والحسييييين اكسرج وافتت حت عظمج امشششي جيبببي المهجوووووم هاااذ
- انته بالاول اعرف الحسين وبعدين احلف وهدد بي ماانطيك متستاهل انطيك كل مالي وذهبي روووح محممممد لتشوفني وجههههك اني كارهتك كره ابليييس رووووح

ضل يصيح شويه وراح اني تمددت ورجع اجاني جفت عليه وجر شعري وكال ..

- هسسسه لو ماااكمتي طلعتي الذهب اسوي بيج سوووواااه ماعرفها عبد ولااا سمع بيهه كوووومي طلععععي الذهبببب امششششي
- مااانطيك ذهبي اذبحني خلصني منك ومن ظلمك خلصننننني اذبحني شتسوي سوي مااخاف منننك بعد

عيط بعلو حسه وضربني على وجهي وطك خشمي دم ورجع يكفخ بيه راشديات واني ساكته ومتحمله وبعدين جرني من الجربايه من رجلي وذبني بالكاع وهم راح جاب البطل ماله وذبه عليه وخلاني اتهستر واعييط وادفر بي ورجع شكك ملابسي وكسر البطل بالكاع وجاب الكزازه
وجرح زندي واني عطت وضليت اسب بي والعنه وهو يكلي....
- الا اشوهج الاا اكص لساااانج الزفر هذااا

واجه يريد يلزم وجهي واني ارافس جواه وبحركي مني دفعت ايده البيهه الكزازه وصار الجرح على
مثانتي وهو شاف الدم نزل منه وكام يضحك وصار مثل المخبل يلزم بالدم ويضحك بخبث
وجان يفتح رجلي واني عطت وضليت ارافس
واصرخ وهو يعلي صوته بالضحك وجرح اول شي فخذ رجلي اليمنى من جوه وضل يريد يثبت رجليه مفتوحه بايده واني بس ارافس واتحرك
وصار الجرح الثالث على طرف المنطقه الحساسه
ومن شاف الدم بيهه كام يباوعلي مثل الي مكتشفله فد لعبه ومنعجب بيهه ورجع دنك وصار يشخط بهالمنطقه على طول الجهه اليسره واني مااحس بس بالحركه بي وكمت ماعرف الدم منين ينزل
وباد كل حيلي وكلبي يرجف رجف من اشوف عيونه الحاقده والناويه بالشر واشوف الدم ترس جسمي وايديه كل شويه يرجع يلوي الجلد بين اصابعه ويضحك ويجرحه بالكزاز ..
ضليت بحاله رعب وعقلي ماكدر يتحمل كل هذا ولا جسمي غبت عن الوعي وماحسيت بعد بشنو سوى ....

حسيت ثاني يوم الظهر واني ع الجربايه ومتغطيه
واول مافتحت عيني رجعت كدامي لحظات البارحه والي صار وكمزت مرهوبه وحسيت بنغز من جوه وروحي شاغت .. تلمست وحسيت بشي خشن .. وباوعت زندي مجرح والدم يابس بي

عدلت كعدتي وفتحت رجلي شويه وشفت الشخوط بيهه من داخل الفخذ والي على مثانتي الدم متيبس بي والي جوه محطوط شاش وصاير احمر ولازك على الجلد حاولت اجره شويه ومتحملت الوجع
عفته ورجعت ابجي واباوع للغرفه منظفه والكزاز مال اليومين ملموم والكاع ممسوحه والفراش مرتب والبيت مابي صوتهم والباب مسدوده ..

ضليت كل شويه اباوع لجسمي والدموع تكت
واشوف شلون فوك كل زراك خط احمر بدم متيبس واشوف الحبوب متناثره ويه هالتشوه
وجسمي كله متشوه .. يا من اثر عض متحول لزراك غامق ..او من اثار الاضافر النابت اثرها بايدي .. وصدري المتشوه بالحبوب المنثوره عليه ويه الزراك من العض ورجلي متشوهه بالجروح والدم السايل وطابع لونه الاحمر المتيبس على طولها ...

كمت بكل مابيه من حيل ورحت فتحت الباب
وطلعت مالكيت احد .. صرت امشي واني اتوجى على الحايط ومباعده مابين رجلي وروحي تشوغ بكل خطوه من الحرك الي يصيرلي من جوه بمشيتي ....

دخلت للحمام وصرت اغسل بجسمي من الدم
واعيط بكل مايلامس المي الجرح جوه ..
وجنت اشم بيه ريحه المشروب وصرت اتقيء
بالحمام واني اتذكر كل صياحي البارحه

ضليت كاعده جوه المي وساكنه وصافنه وطلعت
من الحمام واني على هالحال ..
رحت كعدت بالهول بالكاع ومرتاجه على القنفه
وصافنه وشعري ينكط مي على جسمي ...
صرت اسمع صوت الاذان ولاول مره مااهتم اله
ولا اكول مثل مامتعوده ...
لا اله الا الله وحده لا شريك له ..له الملك وله الحمد وهو على كل شيء قدير ...
صرت احاجي نفسي واكول ....
- مايريدني حتى الرب الوحيد والقدير الي توكلت عليه واتمسكت بحبله هم تركني بالنار وحدي
وما رحمني

صار يعلى صوت الاذان ب ...
لااا اله الااا الله .. لااا اله الا الله ..

هنا اني انهاريت صرت اعيط واكول ...
- مو انته رحييييم لييييش ما رحمتني لييييش
خذلتنننني .. مو عبدتك حق عبادتك وتشاهدت باسمك ليييش تعذبني هيييج ليييش تكرهني بيااا ذنب تعاقبننننني

ضليت مدنكه وابجي وما كمت صليت تجاهلت هالصلاه والي وراها وضليت بس متمدده بفراشي
وصافنه ودخلت حاله سكون تااام ...
لا اتحرك من مكاني ولا اكل ولا اشرب.. يجي محمد يحاجيني ويسالني على الذهب ويضل يشيل بيه يكعدني بس اني مستسلمه وماانطي اي رد فعل
يعوفني ويطلع واضل اني متمدده وبس فاتحه عيوني حتى بكل شي ماافكر ولا صرت اريد شي بعد ضليت بس ساكته ونايمه بمكاني ...

الحركه الوحيده الي اسويهه هي اطلع اقضي حاجتي وكت طلعتهم من البيت وارجع امشي بهدوء وسكون لفراشي اتغطى واضل صافنه
بالفراغ ....

و مر على هالوضع ايام وماصرت اعرف ياشهر ولا يايوم هسه احنه ..صفر دماغي ناحيه كلشي
وجنت بس ساكته واتعرض للتعذيب يوميه من محمد .. كل ليله لازم يجي يضغط عليه حتى احجيله وين الذهب ويضل ينفش الغرفه والمطبخ
ويهوس البيت كله يكلبه كلاب ومن مايلكى يجي يطلع حركته بيه ...

يصير يغتصبني بوحشيه توصل لنبت اضافره بنص اللحم وهو بهالحال ويصيح عليه بخبال
ويريدني احجي واصيح واني ماانطي اي رد فعل بس مفتحه عيوني واباوع لغير جهه ومسلمته جسمي يشخط بي ويجرح ويغتصب ويروح

من يتعب واني اضل بس دموع تتجارى بدون اي صوت واضل متمدده على هالحال الي يعوفني بيهه ولثاني يوم الظهر يلا اكوم اغسل وامسح اثر الدم الي يطبع بجسمي وارجع انام ومن اكعد بالليل اشوف محمد منظف الغرفه واعرفه منظف كل البيت لان علي يأمره بهالشي علمود جماعته الي يجون كل ساعه واحد طاب واحد طالع ...

جسمي صرت اشوفه ازرك ومطكع بمكان العض اخضر ومورم من عدا الشخوط الي ملت كل رجلي وزنودي وبطني والجروح الي جوه مالحكت حتى تلتئم ويزيد بيها ويلجمها وبكل هالوجع اني ماعندي صوت وقابليه بعد اعيط واحجي خلص نفذت كل طاقتي ..

الى ان بيوم اندكت الباب الظهر و وره شويه سمعت صوت مريه بالبيت واجاني محمد وكعدني وكالي ..
- كومي عمتج اجتي تسال عليج
واياااج تحجين شي اذبحج انتي وياها

كمت لبست دشداشه طويله وردان وطلعتلهه
جان كبل ضربت على صدرها وكالت ..
-يايمه اسم الله الرحمن هاي شصايرلج شجاج هالشكل وجهج

بوستهه ببرود وكعدت بصفهه وكلتلهه ..
- مريضه هالفتره
- دكولي احجي منكطعه اخبارج صار خمس شهور ماشايفيج ولاندري بيج عشتي متي هو هيج تكطعون مايصير ياعمه والله مايصير
- حقج عمه هو اني تمرضت ومحمد بالشغل
وهيج مشت الايام
- بله هسه اني همزين كلت اجي اشوفج وعرفت بيج مريضه وصايره جلد وعظم امج واخوتج مايدرون بيج
-لا مايدرون
- سوده عليه يايمه شصاير بحاااالج ليش هيج شنو مرضج شجاج
- مادري هيج وجع بالمعده صرت احسن لاتهتمين
- ماعندج الا العافيه
-الله يعافيج عمه ..خلي اكوم اجيبلج شي تشربي
-لااا لاااا اكعدي ماريد شي
-لاا عمه شنو السالفه
- لاا والله كلشي ماريد اني هسه اروح بالبيت الجهال عايفتهم وحدهم ومريتلج من الدوام طلعت واجيت عليج كبل
-شنو عمه حتى متتغدين عندي مايصير هيج
- دسمعي هسه عوفي الغدا
-خير شنو
- اجيت اكلج باجر مسوين ثواب على روح امي وابويه وابوج ببيت عمج وكلنه راح نلتم باجر على الغدا فلازم تجين انتي ورجلج زيين

باوعت لمحمد وهو ياشرلي لا بعدين كلتلهه
- اي ان شاء الله نجي شلون لعد
- اي زين لعد باجر نتشاوف ونشبع حجي هسه خلي اروح الجهال بالبيت وحدهم ضالين

طلعت وياهه بره ومن ضربت عيني الشمس غمضت وكلت الحمدلله ربي شممني هوا
قبل مانوصل لباب الشارع كلتلهه بصوت ناصي

- عمه حبابه كولي هسه لمحمد ع اساس انتي باجر تجين عليه تاخذيني لان هو ميقبل اروح اعرف بي
-ليش يمه ميقبل
-هسه دكولي هيج وباجر اني احجيلج السالفه كلهه مال هالشهور كلهن بس ارجوج كولي هيج كدامه

شفته اجه يمنه وسكتت وضليت اباوعلهه انتظرهه تحجي وهي صفنت بوجهي شويه وباوعت لمحمد وكالت ..
- مو تنسين حضري نفسج من وكت باجر اني ب ١١ الصبح اجي عليج اخذج حتى نعاونهم بالغدا
- اي عمه ماشي انتظرج ب ١١

بوستهه وسلمت عليهه وراحت واول ماسد الباب محمد كالي ..
- ماتطلعين باجر لو يجي الحر سمعتتتي
- كيفك لا تخليني اروح وخليهم يجون كلهم وتنفضح كدامهم

عفته وطبيت للبيت رحت لغرفتي وسديت الباب وضليت افكر ..هاي فرصتي باجر حتى اطلع منا
واخلص منهم بس وين اروح ؟؟؟

اذا اروح لبيت عمي ما يعوفني هناك راح يجي ياخذني وماكدر احجي كدامهم اكيد يجذب حجيي
وهمه يثقون بي وماريد افضح نفسي واصير على كل لسان ...
واذا اروح لبيت اهلي بعد اخطر لان هي امي متصدك تخلص مني يمكن حتى البيت متخلوني ادخله ..

ضليت افكر شسوي وين اروح المن التجىء
وبهالاثناء سمعت صوت علي اجه ومحمد كعد يحجيله على جيه عمتي وهو رأساً صاح ..
- متعتب الباب ويطبهم مرض ماكو طلعه
محمد- يمعود خلي تروح وناخذ فرصتنه باجر
البيت يضل النه مانخاف بعد تفضحنه خلي نستفاد هالمره شبيك فرصتنا جاي اكلك
- منين تجيب
-انه ادبرهه ماعليك بس خلي نخلص منهه لا نوب يجون عمامهه وعماتهه وشيخلصنه نطيح بلسانهم بعد شيفضهه
- اييييييييي خليهه تصخم تولي لانعل ابوهه يابو الجابهه وانته اسمع اذا اجيت ومالكيت الي بالي امشيك وراهه ومالفيك هنايه بعدددد فهمممت
- لاااا تخاف انه ادبرهه كتلك مضمونه عندي

جنت اتسنط على حجيهم وضلت بالي شيريد يسون باجر وشنو هالشي الجبير الي كدر يخلي علي يوافق اطلع من البيت بس حتى يحصله ؟؟؟

ضليت افتر بالغرفه اروح واجي وافكر شسوي واخلص منهم وين اروح ؟؟
وكل مكان افكر بي اكول لا يلحكوني مااخلص منهم ...

وصبح الصبح واني مالكيت حل ولا قررت وين اروح .. سمعت علي طلع من الساعه سته وضل محمد نايم واني رحت سبحت ومشطت وصعدت فوك فتحت الكواني على كيف وطلعت الذهب وضميته جوه ملابسي
واخذت الدفاترونزلت بهدوووء ورحت للغرفه ..

جان الجو بارد بس ماعرف ياشهر ماجنت اركز بشي ومن زمان ناسيه اخر تاريخ جنت واعيه بي
وملابس الشته اني مامطلعتهن لكيت بكنتوري بس الصيفي وماهتميت ردت بس البس واطلع

بين مااني اكلب بالكنتور سمعت صوت محمد يكح وعرفته كعد وراح للحمام ..باوعت الساعه بالتسعه
وعلي يرجع ب ١٢ لازم اطلع قبل جيته ...

ضليت الوب وافكر شسوي شسوي ..

جان توكع عيني على كتاب القرآن وراساً دمعت ..
من زمان اني هجرته بعد ماجنت اكضي الليل بختم اجزائه .. رحت رفعته وبسته وخليته على وجهي
وكلت ...

سامحني ياربي جزعت وتجاهلت ذكرك وقربك
عمداً سامحني حجيت الي ما يجوز بحقك وحق صفاتك الجليله ، لا اله الا انت سبحانك اني كنت من الظالمين ..

ضليت اردد بهاي الايه واني مخليه القرآن على وجهي وابجي وبعدين دخل محمد وكالي ..
- ايييي متبطلين مناحه انتي دومه وجهج مبوم
امشي حطيلي اكل يلاااا

مسحت دموعي وحطيت القرآن ع الميز ورحت
سويتله ريوك وخليت الصينيه ع القنفه ورحت للغرفه ...

دحست الذهب بالجنطه وطلعت عندي كم فلس جنت ضامتهن بالشلته مال الدوشك هم حطيتهن
وخليت فوكاهن فوطه الحبيبه مانطاني كلبي اعوفهه .. وخلييت كتاب القرآن وكلت ..
ياربي احميني ويسرلي امري هالمره اسألك يارب بحق اسمك العظيم الاعظم ياربي تيسرهه الي هالطلعه يارب

سديت الجنطه وبدلت ملابسي و ردت اخذ عبايتي وكلت اخاف يشك بيه خلي ابقى اتصرف على طبيعتي .. ورحت خليت شويه كحل بعيني واني ايدي ترجف وكل شويه موكعه شي ومخبوصه
افتح بالكنتور واسد و اعدل بملابسي واهفي على وجهي ومادري شسوي بس ادعي تعدي بسلامه هالروحه ...

صارت ساعه ١٠ جان يكول محمد ...
- وينهه عمتج لساعهه ماجت
- مادري يجوز هسه على جيه

شفته مبدل ومتعطر ويباوع كل شويه للساعه ويتأفف ويمشي ويكول ..
- رااح يجي ماضله شي وانه بعدني مارحت
وينهه متكليلي وين صااارت

ضليت ساكته وكلبي يرجف رجف اخاف يضل ينتظر ومايروح وشسوي النوب راح يحبسني اكيد
جان تصير ساعه ١١ وهو كال ...

- انه راح امشي ما ضلي وكت وهاي عمتج
اكيد على جيه انتي حسبي حسابج بالليل انه اجي اردج هنايه وحجايه وحده لو فكيتي حلكج جدامهم اهجم الدنيا على راسج وراس الخلفج ومايكف بعيني احد سمعتتتتتي تجفي الشر عنج وعن اهلج واخوتج تره اصخم عيشتج وعيشتهم

هزيت راسي باي وضليت مدنكه ومسويه روحي خايفه كدامه ومطيعه اله .. ومارفعت راسي لحد ماطلع .. اخذت نفس وركضت اخذت جنطتي وعبايتي وردت اطلع وتراجعت كلت خاف بعده بالباب لو قريب بالمنطقه ويشوفني ....

وضليت الوب بالبيت افتر وعيني على الساعه
وخايفه اطلع من البيت احس بس راح افتح الباب الكاه واكف لو يجي علي بوجهي وضليت متردده اوصل لباب الشارع وارجع اختل بالبيت لحد ما شفتهه صارت ساعه ١٢ الا ربع وضليت اكمز
هسه راح يجون واني بعدني ماطلعت ..

كلبي يرجف وايدي وركبتي ترجف بالكوه واكفه
عاد رحت بره كلت لازم اطلع وبعدني اريد امشي للباب سمعت صوت سياره طبكت اني كبل ركضت لوره البيت بصف الكيزر ختلت وحاضنه العبايه والجنطه ومخليه ايدي على وجهي وكاتمه نفسي اخاف ينسمع ويحسون بيه ...

سمعت صوت محمد ووياه بنات يتمضحكن
وطبو جوه واني ضليت اتراجف بمكاني
اخاف اطلع واخاف اضل ويكشفوني
وضليت اردد ...
يارب يارحيم ساعدني قويني يااارب دخيلك يارب

وره شويه انفتحت الباب وسمعت صوت واحد يمشي عرفته من صاح على محمد هذا علي
وهنا اني كمت ابلعم وابجي شسوي هسه شلون راح اطلع !!!!

ضليت امسح بدموعي واقوي بنفسي لازم اشرد
هاي فرصتي ..
وضليت انتظرت اصواتهم خفتت ومشيت واني مدنكه على كيف وصلت لشباك الهول ومااسمع صوتهم فباوعت من طرف الجامه وشفتهم بوضع
مخززري .. همه والبنات مصاليخ
محمد يمه وحده والثانيه واكف تصب بالعرك
وعلي متمدد ويمه اثنين كل وحده على جهه
ورايحين بغير عالم ...

اني كبل حطيت ايدي على حلكي والدموع تجري وكاتمه النفس ومشيت ويه حايط البيت بهدوء
وفتحت الباب واني اتلفت وطلعت وعفتهه مفتوحه
وبره لبست حذائي وركضت للشارع العام ..

اركض واتلفت والناس تباوع عليه بس خوفي جان اكبر من اهتم للناس بس اريد اشرد اخاف يلحكوني
ووكفت تكسي وهو من شافني هيج الهث وحلكي يابس كبل كالي اصعدي اصعدي ...

صعدت وهو رأساً حرك ومشى وحتى مسألني وين
تروحين .. ضليت اكول الحمد والشكر الك يارب الحمد والشكر الك يارب ..
ولازمه كلبي وبديت شويه شويه اجر نفس وهو كالي ..
- اختي اساعدج بشي كولي لا تخافين
- لا تسلم
- وين اوصلج كولي حتى لو ماعندج فلوس لا تستحين مني والله مايردج غير السانج كولي شتأمرين برسم الخدمه
- الله يخليك اخي تسلم اخذني

وسكتت مادري وين وين !!! بعدين طلعت من الساني ..
- اخذني للكاظم و وو بسرعه
- صار ان شاءالله نوصل بسرعه

حمدت ربي جابلي هالسايق خلوق وابن اوادم
ووصلني لبدايه السوك الي منه ادخل للامام
نطيته كروته ونزلت ورحت مشيت خلصت السوك ومن هناك رحت كبل للحمامات توضيت ورحت
للحضره دخلت واني ابجي ..

الخوف والوحده الي جنت عايشتهم تعبرو بهالدموع والشهكات الي خلت هالنسوان تتلفت عليه وضليت مجلبه بالشباك وبس ابجي واتذكر
بيبي من تجيبني هنا وشلون تزورني وتدعيلي
وابجي محتاجتهه اريدهه بهاي شدتي اريدهه ترجع تحاميلي مثل قبل اريد ارجع انام بحضنهه بامان وانسى كل همي

جنت من كد الخنكه الي بصدري والشهكه الي تشك بلعومي مااكدر احجي شي ولا ادعي بشي
بس لازكه نفسي بالشباك لحد ما جرتي مريه وياهه واخذتني كعدتني مسحت وجهي وانطتني مي ..شربت شويه وتشكرتهه جان تكولي ..

- بنتي خيرج كسرتي كلبي بحالج شصاير وياج
- هواي شغلات
- انتي وحدج احد وياج
-وحدي
- اهلج وين لعد
- ميتين
-اووف الله يصبرج يايمه الله يصبرج وينطيج مرادج باب الحوائج مايرد احد اندعي واطلبيه
مايرد احد هذا كريم ابن كريم اندعيه وهمه اهل البيت كادرين على كل الجروح

هزيتلهه براسي وهي كامت راحت واني كمت اخذت تربه واجيت صليت وضليت اقرا بالزياره واقرا قرآن وبعدين تمددت وصافنه بحالي وين وصل ..

اذكر ايامي قبل جانت الدنيا كلها احسها ملك يميني
وحاسديني العالم على عيشتي مدللـه وبنت خير
وناجحه بحياتي وعندي اهل حاسديني على محبتهم
وتعاملهم وثقتهم بيه وهسه صفيت لا اهل ولا بيت
ولا اي نجاح بحياتي كدر يفيدني حتى وظيفتي انحرمت منها ومادري شنو حالي هسه بيهه
ولا حبيب ولا اهل ولا صديق وحيده وضايعه ومتشرده من اهلي والناس وحايره وين اكضي ليلي وشلون اعيش ووين اروح !؟؟؟؟.

رحت طلعت تمشيت وشفت تلفون بالشارع رحت
صرفت دينار واخذت واحد من الدراهم ذبيته بالتلفون وخابرت روعه طولت يلا جاوبتني
كبل من سمعت صوتهه كلتلهه ...
- رووعه خيه محتاجتج
- زهرااء ولج وينج موتيني كل مااجيج ماكو وين انتي شبيج احجيلي
- لج داده موتوني ماخلو عليه عيشه
- بس لاتبجين وفهميني على كيفج
- بعدين روعه بعدين .. اريدج تخابرين ايوب
وكليله .. كليله خلي يخلصني منهم اثنينهم روعه ارجووج كليله يخلصني منهم والله بس يعرفون بيه مايرحموني والله
- انتتتي ويييين احجيي وين
- كليله نخيته نخيت ابن شمر لا يخليهم يوصلوني ارجوووج وصليله هالحجي
- اوصله والله احجيله بس هو هسه مو بيتهم
قبل شهر رجع لاربيل يم ولد عمه يشتغل ماعرف شوكت يرجع والله هو ودعني وسالني عليج قبل لايروح ومن هذاك اليوم لليوم ماعرف شي عليه
-لااااااا ياااربي لااا دخيييلك لااا
- لتخافين اليوم احرك تلفون اهله واخليهم ينطوني رقم اوصل اله بي احاجي والله مانسى بس كليلي وين انتي شصاروياااااج احجيلي الووو الوو وينج

من سمعت منهه ايوب مسافر تحطمت نفسيتي والخوف رجع سيطر عليه وذبيت السماعه وضليت ابجي وبعدين عفتهه ورحت امشي
وامسح بدموعي ورجعت للحرم تمددت واني
اباوع للضريح وابجي واكول ...

ياربي شنو حكمتك من عذابي هذا كله ..شسويت ذنب بحياتي وهيج تعاقبني بي بالدنيا قبل الاخره
ذنبي الوحيد العشت بي معذبه ضميري واستغفر عليه هو اهون الف مره من الحلال الي عشته

وين انطي وجهي المن التجىء !!! منو اليكدر يحميني منهم ! اني اجيت لهالحرم احتمي باهل بيت نبيك ياربي مالي غيرهم مكان بهالدنيا
لا تخليهم يلكوني وياخذوني ومايرحمون بيه

جنت ابجي واحاجي ربي وبعدين غطيت راسي بالعبايه ونمت من التعب .. ومااحسيت الا على صوت اذان الفجر ..

كعدت وعدلت شالي الي جنت لافته على ركبتي
رحت للمغاسل ..غسلت وتوضيت ورجعت
صليت الفجر وكعدت اسبح واني صافنه على الضريح وافكر شسوي هسه ؟؟؟

وين اروح ؟

.