#شقراء_بغداد

بارت_١٤


-عمي انه اريدن اقدم العرس
- ها ؟
- والله موش غريب انته ياعمي واضمهه عليك
انه صبرت جثير واكولن هلبت تخلص الحرب واتزوج بسلام وامان وهالسنين وحده تجر الاخرى وانه ضال لا انه العايشلي يومين براحه ومنسعد ولا انه الضامن حياتي واكولن اصبر ليهه اشو كل يوم ازفن بيدي شهيد من ربعي والدنيا ماتامن وانه اريدن اعيشلي جم يوم مرتاح كضيتهه بنص الموت اصبح وامسي وطلعت روحي من الانتظار

- والله ياابني ماالومك وهذا حقك بس البنيه بعدهه دتدرس وضلتلهه بس هالسنه ماريد تضيعهه واني تعبت عليهه

- لا وحك عينك عمي انه ماارضى تضيع دراستهه
وانه يمتى ماالتحق اجيبنهه يمكم وخلهه تداوم بكيفهه ماامنعهه ويوم الي انه نازل بي انه بيدي اوديهه واجيبهه وهي ساعه زمان الدرب

- والله مادري شوكت يعني تريد

- كيفكم تردون بالعطله الصغيره لو الجبيره بس مااضلن اتاني سنه اللخ يلا

- يصير خير ابني يصير خير

- انطيني جلمه عمي وانه امشي عليهه حتى ارتب اموري

- للعطله الجبيره اخذ هسه ماضل وكت للامتحانات مال نص السنه وانتو بعدكم مامحضرين شي ماريد تنخبصون على راحتكم ومو بعيده هي .. وهسه احنه بالواحد كلهن اربع شهور

- اي هذا الحجي الزين .. ماشين عمي على الخامس لو السادس العرس

- بأذن الله

باوعلي محمد وتبعه ابويه بضحكه واني بس اباوع بالوجوه ماحجيت شي بس مصدومه وكلبي يعصرني من الخوف كلهه اربع شهور واصير وياه للابد واني لحد هسه بالف يالله مصبره نفسي

عفتهم وكمت لغرفتي اريد اهدء روحي كل جسمي يرجف .. بعدني مانسيته ولا كدرت امشي يوم بدون مااذكره واشم ريحته بالشماغ واتلمس هداياه
بعدني كل ليله اكتبله وكأنه يقرا .. بعدني اقرا مراسيله كل ماتضيق روحي من الشوق عليه
شلون اكدر انساه وانسى كل تعبي بيه وكل سهري ودموعي وكلبي الي يطير من يلمحه شلون اسكنه !!!

وره شويه نزلت غسلت وجهي ورحت كعدت وياهم وشويه وابويه طلع بالباب وضلينه كاعدين اني وياه وحدنا جان يكلي ..
- ها ياكَحله عاجبج موعد العرس لو بالج غير شي
- محمد خلي نأخره شويه اخاف يخربط وضع دراستي يعني طريق طويل من يمكم للكليه
- لا لا شني طويل هسه مو انه اروح واجي كلهه شغله ساعه تطلعين بالسته توصلين كبل الكل ماعليج لا تخافين
- خلي بس هالسنه عفيه
- ياعوينتي هواي والله انه بالكوه مصبر روحي عنج هالشهور ماكدرن بعد سنه النوب يعني ماترديني ارتاح واعيشلي جم يوم براحه كبل مااموت
- لا اسم الله عمر الطويل ان شاء الله
- بويه انه شبابي كله كضيته عله الساتر عيشتي وموتي عليه خليني افرحلي جم يوم كلبي خلص من الموت والرعب الهناك
- ماشي مثل ماتريد
- من هسه وكت فراغج حضري روحج بي وانه كل ماانزل اجيبلج جم فلس اشتري بيهن غراض للبيت
- ماشي ان شاء الله
- زين انه اروحن هم اريد ارتاح مشبعان نوم هالايام
- زين بس لحظه

كمت جبتله علاليك الكبه وانطيتهن اله .. كلش فرح بيهه وتشكرني وسلم عليه وطلع بره سلم على ابويه وراح ..

وصارت امتحانات نص السنه وامتحنه وكل هالفتره اني ومحمد على اتصال بنفس موعدنه بالسبعه بالليل نحجي دقيقتين بس اسلم عليه ويسالني على امتحاني ويروح وباخر يوم امتحانات اجتني روعه وشايله بيدهه علاكه
واخذتني على صفحه وكالت ...
- شوفي داده اني راح احجيلج الصراحه وماريد ترعلين مني انتي اخيتي واني كلبي ملجوم عليج
- شصاير ولج
- شوفي اني كل هالفتره ايوب مخليني جاسوس عليج
- شنوووو
- يعني مو جاسوس بالموزين بس اوصله اخبارج
- واني شحجيلج تروحين تحجين مووو
- اي مو كلهن بس المهمات
- لا ادري بيج متضمين سالفه عنه
- شسوي ماكدر اضم هو مدري شلون يسحب مني الحجي ماحس الا فالت لساني كدامه
- استغفر الله
- دشوفي هسه هو دزلج سلام وكلي هاي الهديه اوصلهه الج
- شنو هاي
- مادري بس كلي هديه جايبهه من البصره
- انطيني خلي اشوف
- مو هناا بالبيت افتحيهه
- واني شلون حفوت هالهديه للبيت !!!
- شدراني اني دبريهه
- زين اكلج عود تشكريلي منه
- ماشي
- وهو زينه احواله مو ؟
- اي زينه
- وديجاوب بامتحاناته ؟
- ههه اي ديجاوب
- الله يوفقه
- مشتاقتله مو
- اووف انطي نص عمري وارجع اسمع سوالفه وضحكته
- هههههه والله كلتله تشتاقلك بس تكابر
- عزاا بعينج ولج لتفضحيني
- شعليه اني لازم اصير مخلصه بشغلي

ضحكت وياهه شويه ورحت للبيت وجنت افكر شلون افوتهه بعدين كلت شيصير خلي يصير
وطبيت البيت بزودي جان تلاكيني اختي سألتني شنو هاي كلتلهه غراض للبيت جبتهن وسكتتهه
وصعدت كبل لغرفتي قفلت الباب وكعدت فتحتهه
واني كلبي يرفرف بس اريد اعرف شنو بيهه ..

طلعت من العلاكه علاكه ثانيه فتحتهه وطلع بيهه
صندوك خشب مستطيل وجبير ضليت اتلمسه وابتسم واتخيل ايده عليه وبعدين فتحته وشفت بنصه اسطوانه وبصفهه البكره ام الابره شكلهه يشبه البشتخته بس هاي بدون الاسطوانه لذهبيه مالتهه حبيتهه وكلش فرحت بيهه ..

يعرفني شنو احب ويعرف شلون يسعدني حتى لو مابينه كلام يعرف يواصلني باحترام ..

ضليت حاضنتهه واضحك وضلت بالي شنو الاغنيه الي مختارهه بهالاسطوانه ؟؟؟

ماكدرت اشغلهه واسمعهه لان اهلي كلهم موجودين اخاف يسالوني منين هاي واحير شكول
رجعت ضميتهه بعلاكتهه ودحستهه جوه جربايتي
ونزلت تغديت وضليت جوه اشوف منو يطلع ومنو ينام واريد بس يصير شويه مجال واشغلهه بس اعرف يااغنيه مختار ؟

ولحد العصر اخواني طلعو للشارع يلعبون وابويه هم يفتر بالدربونه شويه وضلت بس امي
ضليت افكر شلون وشلون واخر شي ماتحملت
كلت لازم افتحهه وشيصير خلي يصير
وركضت لغرفتي طلعتهه وشغلتهه شويه افترت الاسطوانه وجان تطلع اغنيه ناظم الغزالي

يام العيون السود ما جوزن انا
وخدك الكيمر انا اتريك منى

لابسه الفستان وقالت لي انا
حلوه مشيتهه دتمشي برهدنه

لو تحب خادم خادمها انا
ولعوف الدوله واعوف السلطنه

واقفه بالباب وتصرخ يالطيف
لاني مجنونه ولا عقلي خفيف

من ورو التنور تناوشني الرغيف
يارغيف الحلوه يكفيني سنه

لون خمري لا سمار ولا بياض
مثل بدر التام واشرف ع الرياض

باللما تحيي وتقتل باللحاظ
بغنج تحكي وترد بعنونه

طالعه بفستانهه الوردي الجميل
وانزوت حين اسفرت شمس الاصيل

غصن قدها من تهب نسمه يميل
حلوه مشيتها بتأني ورهدنه

اقحوانه ابتلت بقطر الندى
تبسمت بسمه طروبه وفاتنه

ضحكت بعلو صوتي على الاغنيه .. ضحكه فرح
وكأني احسه كدامي وديوصف ويغني بهالكلام
والي فرحني اكثر انه اختار اغنيه تفرحني وتخليني اضحك وانسعد مااختار اغنيه تلجم كلبي

وقاطع هالفرح كله دخول امي للغرفه وضلت واكفه وتباوع للجهاز وكالت ..
- منينلج هذا ! وشنو هالاغاني بله منين جايبتهن
- اشتريته
- منينلج فلوس واشتريتي يامعزايه
- عندي فلوس واليوم عجبني بالطريق واشتريته بي شي ؟
- مامرتاحتلج ابد
- تره هي اغنيه قابل شمسويه هسه
- عود شغليهه مره اللخ دنسمعهه عدل

كالتهه وراحت اني هم عجبتني وضليت كل شويه اشغل بيهه وكلت من اطلع بعد اشتري اسطرانات ثانيه واضل اشغله ..

جان بنفسي اكتبله رساله اتشكره بيهه واسأله على هالجهاز وشلون خطر باله يجيبلي اياه واسأل عن احواله واكله حيل مشتاقتله وبنفسي نرجع مثل قبل
بس محرم عليه هالشي وصعب يصير ..

وبدينا بالعطله كضيتهه اكثرهه بيت جدي ويه بنات عمي وعماتي ونطلع للسوك بيبي تجيب وتشتري وتجهز لعرسي واني هم جان عندي كم فلس منطيني اياهن محمد انطيتهن الهه وكلتلهه انتي تصرفي بيهن اني ماعرف ..
جان تروح تجيبلي بيهن محبس ذهب وكالتلي

- الغراض تجي نجمعهن بينه من ابوج ومني ومن محمد بس الذهب يفيدج ذخر الج كل ماتجمعيلج كم فلس صوغي بيهن حاجه وضميهه فخر كدام عيالج كل يوم تلبسين شكل وتتكشخين وهم يفيدنج وكت العوز

تأكدت ان خطوتي صحيحه من سلمتهه فلوسي عرفت بيهه تدبيرهه وتصرفهه مايجي مثله ابد
اني اصلا جنت لاهيه عن هالشي وناسيه سالفه العيال بس هي دائماً تنبهني على كل شي ..

وكت الي تطبخ تصيحني يمهه اوكف وتكلي تعبمي هيج وهيج باجر عكبه منو يوكف يطبخلج انتي تعلمي وتفنني بطبخج ... واذا صار فد موقف تنبهني عليه وتكلي ديربالج هيج وهيج تسوين
وعمتج هيج تحايليلهه ورجلج هيج دللي وكضيتهه بس نصائح يمهه واني اسمع وماكول الا
اي بيبي ماشي. وان شاء الله ..

وقبل الدوام باربع ايام رجعت لبيتنه ومحمد جان ملتحق مااجه علينه .. وصار وكت الدوام جنت
متلهفه حتى اشوفه واشبع عيني منه ..ماكدرت ابطل تفكير بي شكد مااحاول انساه واكول حرام وميصير بس مكدرت ...

ورحت داومت وشفت طوله البهي وابتسمت واني اباوعله من بعيد وبالختله واجتي روعه كشفتني اباوعله وضلت تشاقه وتضحك وبعدين اني كلتلهه

- روحي سلميلي عليه وكليله مشكور على هالهديه الراقيه وكلش عجبتني الاغنيه

وراحت عليه سوتلهه مجال وحجت وياه وبعدين اجتني كالتلي ..
- يسلم عليج ويكول الراقي ميلوك غير للراقي
- هههههه
- يكول شايفج مره لابسه فستان اسود وضال باله يكول لا تلبسه بعد هنا خلي تضمه
- يا هوه هذا ماوصفه الج
- بس كلي اسود وبي دكه بيضه
- هااا وهاي عاف الالوان الي البسهه كلهه عجبه الاسود
- شدراني بذوق محبوبج اني
- اوف روعه اوف لج كلبي يوجعني عليه والله مداتحمل هالفراك
- انتي غبيه جابره نفسج كوه ولج جم دوب اضل اكلج عيشي حياتج لتضلين لهذا وذاك
- روعه ابويه هذا مو اي احد وماديرله بال
- دخلي يفيدج بعدين .. هاي دمرتي حياتج وحياه هالرجال وياج متشوفي شلون يذكرج بكل شي وصاينج بعيونه من الكل ولج ماصبحت بوجهه فد يوم اذا ماسألني وينهه شلونهه شصاير وياهه
والله لو اكلتي خبزه وجاي يدري بيج شكلتي ويجي يكلي ليش هيج تاكل
-هههه
- لج عجبني والله مدري شلون يعرف كلشي عليج هيج من بعيد لبعيد
- الكلب يداده الكلب
- الله يرزقني بهيج كلب
- ان شاء الله
- تذكرت شغله ،، تره احنه شدينه تلفون بيتنه
انطيني رقمكم حتى اضل اكلج كلشي اول باول

- ههههه والله بس انتي الي تريحين الكلب

كتبتلهه رقمنه بظهر الدفتر وضلينه كل يوم نتخابر ونحجي وهي تحجيليي شيسوي ووين يروح لان هو من عرف توصلي الحجي عنه كام يكللهه عن الاشياء الي يريدهه توصلني مثل مكان سفره
وكم يوم يضل وصحته وامور دراسته واني بس اسمع من روعه واطمن كلبي واسكت واذا اريد ادزله بس سلام لان ادري بيهه تحجي عليه كل شي بدون مااوصيهه وهو اصلا يعرف عني كل شي حسيته كام يطبق شغله عليه ويطقس اخباري
بنفسه وبسريه تامه بحيث اني محسيت بي لو ماعرفت من روعه ...

وبيوم بشهر الثالث راجعه من الكليه ولكيت بالبيت محمد واهله موجودين .. استغربت وجودهم وتفاجئت بنزول محمد هم ماكايلي عليه ..

سلمت وكعدت وياهم وبعدين جان تطلع امه فلوس وخلتهن بايد امي وكلتلهه ..
هاي فلوس جهاز عرسهه حبيبه شما بيدكم تعجلو
وليدي ماضل صبر عنده يريدهه يمه وابيته

باوعت لمحمد يضحك ومرتاح واهلنه هم مثله
بس اني كلبي نغزني من هالحجايه يعني الايام دتركض بيه ركض اني وين وجهاز العرس وين

ضليت اليوم كله اني كالبه خلقتي وعازله نفسي من وره هالخبر وثاني يوم بالدوام مثل كل مره اصبح على روعه اول شي يلا يبدا يومي بالدراسه
وهالمره بس شفتهه حضنتهه وبجيت كلش ماتحملت اكابر اكثر بعد ..

اخذتني وكعدنه وحدنه يم الشجر وصرت احجيلهه شصار البارحه وكلتلهه ..
- روعه الايام دتمشي شلون بيه ياخيه فهميني
- اووف ياعيوني متكليلي شبيدي عليج .. لو تحاجين محمد وتكليله الصراحه مو احسن
- ياصراحه ولج تريدي يذبحني
- اي لعد هو ماكو غير حل اذا مايعرف بيج ماتريدينه مايعوفج وانتي صوجج لو من البدايه مموافقه مجان هذا حالج وحال هاليكسر الكلب هذاك الواكف من بعيد يتصفن عليج
- مو بيدي والله .. ابويه كسر ظهري بكلمته ماكدرت اعارضه لتضلين تلومين بيه اني بلايه شي كلبي خلصان
- سكتت سكتت

ضلت هي تمسد على ظهري واني بس امسح بخشمي ووجهي واتشاهك واباوعلهه وجان يجي ايوب فوك راسنه وكبل كال ..
- سلام عليكم

باوعتله وكل جسمي رجف وبالكوه رديتله السلام
وهو يباوعلي كالي ..
- يولو بجيج هاذ عليش من هالصباحيه شصاير وياج

ماكدرت احجي شي ودنكت وروعه كلتله ..
- اجوي اهل محمد وانطوهم فلوس الجهاز والعرس ماضل عليه غير شهرين
- ول لانعل ساس الخلفهم دحكي علي يولي لاتضلين تكتين بهالدموع دحكي احاجيج

رفعت راسي اله وباوعت بعيونه للحظه هو تبسم ورجع ركز وكال ..
- بعدج تريديني ؟ لاتصفنين كوليلي ايه ولا لا
- اي
- عجل خليني اتدخل واهجم بيت الخلفوهم واريد اشوف ابوج هم بعد يصيح خوالي
-شتسوي ؟
- انا اعرف بشغلي
- ايووب
- يابعد هالروح كولي
- ماريد اذي احد
- ول انتي جاي تبهذلين حالنه على شنو تخافين عليهم
- اعرف بيك اذا وافقتك راح تاذيهم وماريد يتاذون
- ماذيهم كتلج انا اعرف بشغلي ياامي لاتجادليني بي
- شتسوي يعني فهمني
- اخيسو بالظلام والحبوس كم يوم واردو لاهلو
واشوه سمعتو ويضل سالم ماعليه شي مااذبحو انا
- وتريد تتبلى عليه جذب وتسجنه بتهمه جذب !
- ايه اجذب انا اجذب وانعل اهلو ولا اشوفج تزفين جدام عيني وانا مصفن عليج يول انتي ماتشوفين ناري ولا تتجوين بيها لا تظنيني اسكتلو بعد
- وشلون تريد تغمضلي عين واني تاهمه انسان جذب وادمر حياته
- ماعليج شي انتي انا الله غاضب علي من يومي انا المسؤول
- وتريدني اخليك تغلط بسببي ! اخليلك ذنب وتتعذب عليه ! ابد لو اعرف يجنزوني ولا يصير هالشي
- وانا مااسكتلو بعد واخلي ياخذك مني تفهمي هالشي ..انا من زمان ناوي لهاليوم واأجلو لخاطر عينك لكن كلبي تعب تفهمي شنو تعب
- ايووب هذا غلط مايصير نهجم بيته لنعمر بيتنه
هذا ذنبه يضل ويانه كل العمر مانتهنى
- وانا بالحالتين مامتهني مايهمني انا مكدر بدونك
يولي انا متشوي على نار هالشهور واناظر من بعيد ضحكتك واتمناهه الي شلون لو تزوجتي واشوفك سنه الجايه كدام عيني وياه تجين وتروحين شيحمل كلبي انا شيصبرني ليمتى تفكرين بحالي وتكولين هالزفت هذا حالتو بالويل
خلي ارفك بحالو واطيب خاطرو

جان يحجي ويصك بسنونه وعينه بعيني ويحاول ينصي بصوته وتاخذه العصبيه .. وروعه بس كاعده وصافنه علينه ماتدخلت بشي .. كلتله ..

- والله ماتفارك بالي دقيقه وخوفي ودمعي كله من وره حبك وتفكيري بيك .. اني خايفه عليك اكثر من نفسي اخاف عليك من هالدنيا ومن ناسها ماكو ام تكدر تأمن بابنهه بيد الغير وتنساه يضل شاغل فكرها وانته بروحي عايش ماكدر ابعدك ولا اذيك ولا انساك .. بس القدر مانطاني قرار اني لو اريد اواصلك لازم اكسر باهلي وناسي وكسرتهم صعبه
واني وحدي ماعندي الي يوكف وياي ..سلمت امري وامرك لله هو العالم بالحال وهو مثل ماعرفني عليك وزرع حبك بكلبي هو القادر على مداراته
- يعني بعدج تتخلين عني حتى ترضيهم !
- ماتخليت عنك افهمني ارجوك
- ول اكللها انا مذبوووح بهجرك يمتى تفهمي يمتتتى
- شكدر اسوي اني مثلك مذبوحه بهالهجر

- خليني اخذو واكسر صيتو كدام اهلك وهمه يتخلو عنو وانا اخطبج ونخلص وهو يروح بحال سبيلو ماتعرضلو بعد
- لاا حرام هالشي مايصير
-يولي ماذي ولا اكسر عظمه من عظامو بس كلمتين ينحجو عنو ويرجع لاهلو
- ايوب هذا زوور انته تشهد عليه وتبلغ عليه بالباطل تستغل نفوذك للحرام مو هيج عرفتك ابني مو هيج
- ماريد اخسرك انا ينكطع نفسي بمشيتك معو
- نلكى غير حل بس هذا لاااا ابد مايصير واذا حاولت تسوي بدون علمي ماارضى عليك دنيا واخره ولا تشوف وجهي بعد ولا تسمع مني كلمه وحده
- يالله يالله شسوي انا شسووي
- نفكر بشي الله كريم ،، خلي نمشي هسه لمحاضراتنا ونلتقي بعدين

رحنه كلمن لقاعته واني فكري متشتت ابد مو يم الماده .. صح اني نبهت عليه مايسويهه بس اخاف يغره الشيطان وبلحظه ضعف ويروح يبلغ عليه وهو معارفه هواي واصلا هذا شغله اكيد يصدكوه

طلعت للبيت والف فكره وفكره بالي وثاني يوم ماشفته بالدوام وضل لنهايه الاسبوع هو ماكو
اسأل روعه عليه متعرف خبر عنه ولحد يوم
الجمعه بالليل خابرتني روعه وكالت ..

- عيني داداه ماكدر اطول بالحجي وياج بس خلي اكلج هالكلمتين الوصلني
- شنو احجي
- ايوب يسلم عليج ويكول خلي تحاول تأخر العرس وتسوي اي مشكله وتنتظرني هو هسه
بالبصره يكول عنده شغل ويطول هالشهر يكول
خلي تسوي مشاكل وتخربط الوضع وتاخر العرس
بين ماارجع واني اتصرف ويه ابوهه واخذهه
- شلون شيتصرف والله راح يخبلني
- والله ماعرف ياداده هذا الوصلني
- زين الله عليج مره الثانيه من تخابري افتهمي منه بالتفصيل بروح العزاز لاتنسين فدوه والله كلبي خلص من الهم خلي افتهم شنو الي باله
- صار والله باجر اخابره وارجعلج خبر

وسديته منهه وزاد تفكيري وقلقي جنت حايره بمحمد وخاف يسويله شي والنوب هسه ابويه !
وشلون اذا هو طول اكثر من شهر شسوي اني ياربي وماضل على عرسي غير شهرين هذني ؟؟

وثاني يوم العصر رجعت خابرتهه وكلتلي ماحصلته وضليت الاسبوع كله انتظر خبر منه
وهو ماكو تخابر عليه وماتحصله لو يطلعلهه رجال يكللهه ماموجود وعشت بخوق وقلق اسبوعين يلا حصلت تلفون من روعه وكلتلي ...

- خابرني هسه ويكول جان طالع بشغل ويسأل عليج كلتله حالتهه حاله بس طمن كلبهه وكللهه شنو بالك شتسوي .. جان يكلي .. ناوي ارجع احاجي ابوهه وهذا محمد راح ينشتل بالجبهه وماينزل

- عزا العزاني ان شاء الله ولج شمسوي بي
شجابه شوداه عليه

- عيني شدراني محبوبج هذا يخوف والله ايده واصله طلعت واحنه نكول عليه فقير طلع كل البله منه .. يكول وصيت جماعه عليه واسمه ماينزل منا ل٣ شهور زين يكول والله احاربه محارب لو اخذهه وهذا الحجي كله بجفه ويكول ابوهه اجيه اجيه لو اعرف اطلع منه مذبوح وماخلي ينطيهه يكول اني غلط مني وسكتت هالشهور كلهه

- ولج روعه شسوي اني بهالبلوه ولج غير ابويه يصخمني ويعزيني لو اجاه شيكول عليه هسه
لج هسه يكلي عندج شي وياه وهو اصلا شاك بالسالفه ولج لا داده فدوه حاجي لا يجي خلي اروح اتصخم هناك ولا هالفضيحه والنوب الولد يتبذهل حاله هناك بنص الموت هو ولج عيني شلي على خطيته اني متكليلي هسه شحجاني كدامه

- عيني والله السالفه تخوف صارت لج النوب خاف الولد تصير منيته هناك وتوكع براسكم

- اوووف يربي اووف لج فدوه ارجعي خابري هسه خابري وكليله بروح اخوته خلي يعوف الولد لايأذي ماريد نحمل ذنبه دنيا واخره وكليله لايفضحني هيج كدام ابويه عفيه خلي يعوف كلشي والله ماضل بيه حيل كل يوم هبطه

- زين زين اهدي هسه انتي واني حخابره وارجعلج خبر

سديته منهه وكعدت الطم على حظي شلون بيه وياه
هالرجال تخبل واعرفه مايسكت ويعوفني هيج
كلتلي جدته ينخاف من تاليه ومايسكت على حقه
بس اني ماصدكتهه ثوله وامنت بي مايسوي شي

وره شويه رجع دك التلفون كبل رفعت السماعه
وكلتلهه ..
- ها بشري
- لج عيني توسلت بي يعوف السالفه كال ماخليهه تمشي وتروح مني وضل معند بعدين ضليت احجيله شلون موقفج يصير كدام اهلج وكلتله تاذيهه انته هيج متنفعهه ويجوز ابوهه يبطلهه بعد اذا عرف بيكم جان يكول خلي ارجع واحاجي ابويه ونجيه ونحاجي بالخير والحسنى وان مارضى ارجع هالكديش هيج سماه كال ارجعه للجبهه وخلي يندفن بيهه ولا ياخذهه
- عزا العزاني عزا العزااااني وشصار بعد
- كالي كليلهه خلي تنام مرتاحه ولاتضل توهس اني مااذيهه اني خايف عليهه وخايف اخسرهه ويسلم عليج
- اووويلي ياربي شلون بيه .. لج عيني هذا ميعوفهم والله ادري بي راح يضل وراه وراه
- اي والله يخوف عيني مادري شعنده من سلطه ويحجي هيج بزوده انتي تعرفين شنو شغله ؟
- وشمعرفني اني وشمفتهمه منه
- دروحي ارتاحي هسه وتطمني مايأذيج بشي يحبج هو غير من خوفه وحبه هيج يفكر ياعيني لعد مو هينه عليه يشوفج عروس لغيره وهو حاط ايده على خده
- لج داده الولد شلنه على خطيته يضل معلك بالساتر هناك بالضيم
-شكو عليه يمعوده هسه دعوفي وارتاحي كافي كتلج التفكير كضى عليج كافي انسيهم اثنينهم وريحي بالج
- الله كريم عود اذا صار شي انطيني خبر

اول مره ابويه يحاجيني بهيج جديه وحجيه وصوته صارم ومخيف ماكدرت ارفع عيني كدامه حسيته دينبهني على كلشي اني ضامته عنهم ..

رحت لغرفتي كعدت بجيت لما مليت ونزلت بالليل خابرت روعه وسألتهه على ايوب تكلي ماكو عنه اي خبر ...

ضليت هالليله مكابله الشباك وكاعده افكر بحالي
والي صار وياي كله بسرعه بسرعه نصه مااستوعبته وهسه كاعده استوعب بيهن

جنت افكر بايوب وحجيه معقول جذب عليه ! لو صار وياه شي خلاه يتاخر ؟ انتظرته بدال الاسبوع ثلاثه وماحصلت خبر منه .. زين هو مايفكر بيه مايكول الوكت ديمشي ويدري بمحمد نزل والعرس محدد هالشهر ! يعني تخلى عني !
ليش هيج ديسوي ؟ اخاف هم يفوت الوكت مثل هذيج المره وماالحك افتهم منه شي ..

طلعت ثاني يوم للدوام وحجيت لروعه الي صار كله وكعدنا اني وياهه وحده تصفن بوجه اللخ

اليوم اثنين وباجر لازم اروح احلل دم ويه محمد
كعدت باليل جبت كارتونه وحطيتهه بغرفتي وقفلت الباب وكعدت طلعت كل غراض ايوب
المراسيل كلهه ودفاتر الاشعار والهدايا وحتى الورد الي متيبس وعلبه الموسيقى كلهن اتلمسهن
والدموع تجري واصفطهن بالكارتونه واخر شي
طلعت الصور وحضنتهن وبجيت ..

شكد تمنيتك نصيبي وشكد دعيت الله يخليك الي
وماحضيت حتى بخبر عنك .. ماعرف شنو الحكمه من كل هالحب مقابل كل هالبعد !
بس بعد من اليوم انتهى كل شي ولازم اقفل على باب حبك بكل ذكراه .. ادري بنفسي ماانساك تبقى بكلبي عايش بس اني وحدي ماكدر اسوي شي
وانته تخليت عني وعفتني بوجه المدفع وماصرت ذاك السند بظهري مثل ماكلتلي ...

جنت ابجي واحاجي هالصوره وتالي ضميتهه
وسديت الكارتونه واخذتهه بالمخزن دحستهه
بين الغراض وحطيت كدامهه كواني شحطتهن وخليتهن سد عليهه وكومت فوكاهه فراش وعفتهه ورجعت للغرفه ..

ضليت الليله كلهه احاجي نفسي واحضرهه للجديد
ومانمت ضليت على كعده الوحده لحد ماطلع الضوا نزلت غسلت وسويت ريوك وكعد ابويه هم
سويتله ريوك وماحجينه شي كلش علاقتنه من يوم الدخل بي محمد حياتي ...
كعدت امي وكعدت توصي بيه وبهالاثناء اندك الباب .. طلع ابويه فتحه وسلم على محمد وطبو
سلمت عليه وسويتله ريوك وصعدت ابدل ملابسي
وبين مابدلت ونزلت لكيت عمي الصغير موجود
سلمت عليه وطلعنه اني ومحمد وامي وعمي
للمستشفى سوينا التحليل وكالو يومين ويدزوه للمحكمه ورجعنه للبيت تغدينا وكلشي عادي
وبالليل ....
.
.
يتبع

- اي وانتي هم شتعرفين على محمد كليلي زين
- ان شاء الله يلا مع السلامه

وسديته منهه وضليت صافنه بالي صار وافكر لو ابويه حجه ويه ايوب شراح يسوي بيه !! وشلون حخلص من هالورطه ؟؟

وره كم يوم خابرني محمد بالليل وكالي ما منطيه نزول ومحولين مقره لاطراف البصره
وهو ثاني يوم من الصبح طالع للمقر الجديد ..

انقهرت عليه خطيه تبهذل وطريق طويل وفوكاهه ماينزل منا لشهر اقل شي وهذا ايوب ماينكدر عليه
اخاف يروح يأذي بشي ...

وضليت هالايام كاتلني القلق والخوف وامي مكضيتهه من سوك لسوك تجيب وتنكل بهالغراض
اني ماتدخلت بشي ولا اعترضت على اي قطعه جابتهه بس اي وشكراً هاي الانطقهن لان بالي مو يم الجهاز ابد واي شي تجيب خلي تجيب مايهمني

وبالدوام شفته لايوب بس مرتين من بعيد وبعدين اختفى وحتى روعه متعرف شصاير وياه وتكول
ماعرف يارقم اخابر عليه اذا هو كل يوم بمكان
وضالين ننتظر شيسوي من مصيبه ...

وهسه صرنا بشهر الرابع ومحمد بعده مانزل لاهله واني الخوف كاتلني عليهم اثنينهم ..
اخاف على ايوب من هالشغل وهالناس الي معاشرهم وشدراني بيا كاع هسه هو
ومحمد اخاف تصير منيته بسببي وبالاخص هناك وضع المعارك مايطمن مامر علينه يوم اذا مانسمع بوجبه شهداء تنذاع اساميهه ...

ولنص شهر الرابع وصيت روعه تتوسل بايوب خلي يعوفه ينزل لاهله الولد عايش بالضيم هناك
وهو يتعارك وياهه يكللهه صايره تحن عليه وتخاف متفكر بيه بعد ... واضل ادك والطم
الكاهه من هذا لو من هذا اني وين وغيرته وين
عاد كلتلهه خلي يجي اريد اشوفه مايصير هالوضع يضل هيج .. واجاني خبر من روعه على موعد نلتقي بي بعد اربع ايام بنفس المنتزه الكعدنا بي

وضليت انتظر لحد ماصار الموعد ورحت من الصبح عفت الدوام ورحت للمنتزه كعدت انتظره
وماكو دقيقتين ولكيته جاي يتمشى ..

كمت سلمت عليه وبعدين كعدنا ..
قبل مانحجي اي شي طلع من جيبه جكليت وخله بايدي كم وحده والباقي بايده وكلي ..
- اكلي يابه منشفه دمج عليش
- على خوفي وقلقي موتتني هالايام كلهه ليش هيج ايوب
- ول يابه ياخوف وتحجين عليه ول هسه انا ذبحتو هاذ شغلو وحالو نفسو ماتغير شي عليه
- الولد صارله ٣ شهور مانازل لاهله خطيه هيج حرام مايصير والله
- هاذ شغلنه يابه الجندي يضل شهور ماعليه شي ولاتضلين تاكلين راسي بسيرتو انا بالويل جارع فكرج بي
- ايوب ارجوك كف عنه الولد ماله ذنب بشي
- ول شنو ماله ذنب وهو حط خشمو بالنص واخذج مني
- هاي قسمتنه مو ذنبه وبعدين اهلي الي وكفو وياه هو ماغلط بشي
- عجل غلط منو وذنب منو هالجاي يصير وياي
كليلي ذنب منو وانا امشي واشحطو من خوانيكو يامره انا رجال بدوي مانام وماماخذ حكي ماسامعه
بسالفه البدوي من يكول .. اخذت بثاري وره اربعين سنه واكول استعجلت ...
هيج احنه مانعوف حكنه يابه وانتي اكبر حك انا احارب عنو
- وشراح نستفاد من هالثار ؟؟شراح يغير بوضعنه
هاي عفته شهور معلك هناك وبعدين جم دوب تضل ادز بي هنا وهنا
- لما الله ياخذ امانتو واخلص منو
- لااا تكول هيج ايوب حرااام حراام شبيك انته ليش تغيرت هيج
- انا ملجوم كلب تفهمين لا والله ماتفهميهه
دحكي انا هالسالفه ماتنازل منها ولو تعسرت وتصخمت وتزوجتيه هم مااكف عنو وان ما طالتو ايدي يطيلو نفسي لان انا نفسي بيج وان اخذج مايتهنى ولا انتي تهنين
- ايوب سوي اي شي ثاني بس عوفه ماريد نشيل خطيته شبيك ليش هيج كلبك قاسي صاير ماعرفتك هيج ابني
- ول انا كلبي سكط منعول اهلو انا انازع الموت ازيدن منو ومنهوبه عيشتي وعايش بالمرار شفت الما عرفته عين ولا سمعت بي اذن انا كلبي ميت تفهمين شنو ميت انا بس بيج احتيي واحس روحي الي عيشه مثل هالوادم هاي ماريد اخسر حياتي الوحيده بيج لا تكفين وياه ضدي صيري وياي انا اولى منو بخوفج
- ابني روحي انته

جان وجهه احمر ونفسه عالي من الاعصاب وحتى صوته عالي من يحجي ومايباوعلي بس
من سمع مني هالكلمتين دار وجهه عليه وضل يتأملني .. اني ابتسمتله وهو لزم ايدي وضل يباوعلي .. دنكت وضليت اتلمس اطراف اصابعه
وشعراياته الشكر عليهن وبعدين باوعتله وكلتله

- انته روحي ماكو شي يضاهي خوفي عليك
ولا اكدر اشيلك من بالي كل همي وتفكيري بيك
انته ابني وصديقي وحبيبي انته الاغلى بدنيتي مايجي من يوصل لحبك بكلبي بس لاتفهمني غلط
اني اعترض على هالتصرف لان ماريدلك الاذى ولا اريد تحصل ذنب .. حبي اجاك شي نقي بحياتك شلون تريد تخربه بهالافعال انته مو تكره
هذا النفوذ لاتستخدمه باحب شي الك ..
- اخاف اخسرج واضيع بلياج انتي نقطه ضعفي
انا لو انكسرت بيج اصير ماارحم اطلع كرهي كلو بهالعالم وانا ماريد اصير هالشكل
- صحيح حقك بس اني قريت مره مقوله تكول
من ترك هواه لله يغنيه الله من فضله ومبتغاه
يعني لو وكلنا حبنه لرب العالمين هو راح يدبره النه واكيد اله حكمه بكل هالقدر الي صار
اني اعرف انته بداخلك ايمان قوي اريدك بهالايمان تدعي ربنا ييسرلنا امرنا وخلي هو يدبر حياتنا مايصير نغلط وناذي الغير ونحمل ذنبه

نوكله لرب العالمين وهو احكم الحاكمين

ضل صافن بوجهي شويه وكال ..
- انتي جنتي وناري ساعه تعيشيني بجهنم وساعه
تاخذيني بكلمتين للجنه بهداوتج ولهالسبب انا ماريد اخسرج .. وراح اشيل ايدي منه بس عيني تضل عليه
- ميخالف المهم ماتتورط بشي
- واحسبي اسبوع من اليوم واجيب الوالد واحاجي ابوج اوكعلو دخيل والله وماخلي يزوجج
- ايوب اخاف هذا التصرف ينعكس عليه اخاف يحرمني من الدوام بعد
- لازم نجازف مايصير نضل ساكتين والوكت ياخذنا
- ايوب هالشي جبير وصعب يعني ابويه راح يتاكد احنه بينه علاقه وشيخلصني بعد والله كلهه تلتم عليه
- جازفي وياي هالمره لاتخذليني وانا بظهرج اسندج وابوج خليه عليه انا اتفاهم معو بس اقبلي
وخليني اشوف دربي

سكتت وضليت اباوع على الشارع وجان يكلي
- مالنه غير حل لو نجازف لو نموت بسكته
- الله كريم
- امشي هسه للدوام وانا ادزلج خبر ويه روعه على الي يصير
- ماشي . . صحيح وين جنت هالايام ؟
- والله جنت بسليمانيه ملاحك واحد صار شهر بس اكضبو روحي ترتاح
- شلون يعني
- يعني هذا بله اسود اريد اكضبو بشغلو حتى اعرف جماعتو شغل طويل لا تدوخين نفسج بي
- زين انتبه على نفسك امانه عليك لاتكطع باخبارك هيج فجأه وتخليني اعيش بالويل ارجوك قبل ماتطلع لمكان دز خبر
- من عيني تآمرين وانتي مالج دخل باحد ركزي بدروسج زين

توادعنا وكلمن مشى بطريقه و حجيت لروعه الي صار وكالتلي .. صدك لو كالو ساس البله النسوان
ضليت اضحك وياهه مرتاحه هاليوم لان شفته واتطمنت عليه وهم خلصت من الهم الجان على صدري من سالفه محمد ..

وبقيت انتظر هالاسبوع واحسب ايامه وخلص الاسبوع وصارن عشر ايام وادز بروعه تخابر عليه وماكو خبر منه وانتظرت فوك الاسبوع اثنين
وهو ماكو لا بالدوام ولا بالتلفون نحصله
و بدايه الشهر الخامس نزل محمد لاهله
وره يومين من نزوله اجه علينه .. تغدا يمنه
وره الغدا كال لابويه ..
- اكول عمي احنه بعدنا على موعدنا ؟
- اي ابني ليش لا
- عبالي تغير شي بروحتي هالشهور
- لا الكلمه وحده ماتتغير
- زين انه مجهز اموري ماعندي شي اذا انتم جاهزين حتى نحدد يوم العرس
- هاي بعد نسأل بيهه النسوان هنه ادرى بجهازهن و وكتهن

تدخلت امي ورأساً كالت ..
- اي ماعدنا شي اني جهزتها من الابره للخيط وماضل بس بدله العرس نحجزها
- الله يبشرج بالخير عمه .. جا مادام هيج السالفه
خلي العقد خميس وجمعه وسبت العرس

بعد هنا ماكدر اسكت واعترضت راساً ..
- لااا بابه عفيه مو هيج بسرعه
- ابني ليش هالاستعجال بيومين تحصرون نفسكم
- عمي حكك والله بس انه ماعندي غير عشر ايام
اجازتي وارد للمعسكر وماعرف شكد راح اضل
خربطو وضعي من نقلوني للبصره هناك لاعندي عرف لا شي وضال على الله وحكمهم
- عفيه خليهه بس اخلص امتحانات

ضليت اتوسل بيهم واباوع بالوجوه ابويه ساكت لان مقدر وضعه ومحمد هم ساكت بس امي حجت وكالت ..
- خلي الولد مقرر وماعنده وكت وانتي تعالي هنا وامتحني شكو عليج
- شوفي يشهد الله لو عندي وكت اخليج براحتج
بس انه عندي بس هالعشر ايام هم يادوب الحك اعقد محكمه واحضر العرس وماكدر اجلهه لنزولي الثاني لان والله ماعرف شكد راح اضل

اني سكتت وافرك بايدي من التوتر وعيني تريد تدمع ماعرف شسوي بهالحال وحدي جان ابويه
كال ...
-توكل ابني هاذ هو معذور انته هالحرب ماخلت علينه قرار
- مشكور عمي ان شاء الله امرلكم الثلاثاء من الصبح حتى نطلع نحلل واذا صار تأخير بالعقد
ناخر جم يوم العرس
- ان شاء الله تسهل

وضلو يتناقشون واني عفتهم وكمت كعدت وحدي ولازمه راسي واردد بداخلي ..ياربي ساعدني ماتحمل هيج فجأه يصير كلشي ..
واعتب على ايوب واكول وينك عفتني هيج وين وعدك !!!!!

وره ماراح محمد كلت خلي احاول ويه ابويه
ورحت حاجيته ..
- بابه ماتشوف العرس مو وكته هسه واني على باب امتحانات
- يعني شتريدين
- خلي للعطله بس امتحن بس هسه مو وكته والله
- بنتي الولد وراه حرب تفهمين شكبر هالشي
- بابه يعني هاي كضاهه كلهه حرب شغير هسه
- انتي ماتحسين بتعبه ماشايفه الموت والدم والجثث ولا كاعده بين النار وتتشهدين على النفس
اني من يحجي افهمه اني هم جنت مثله وافهم وضعه والي اختاره وحدده هو الصح
- يعني هسه الزواج شيفيده بنص هالحرب
- اسمعيني رجلج تعبان بخدمه الوطن ولو ما تضحيته هو وامثاله جان ماتهنيتي انتي وغيرج بهالعيشه ... تلزمين ظهره وتسندينه وتشيلين همه ومايوم اسمع منج مقصره بحقه وبحق اهله
رجلج اذا الله كتبله عمر وحفظه تصوني لاخر نفس بيج واذا الله اخذ امانته عندج بيتج تكعدين بي ماتريدي بيتي مفتوح الج بس مااسمع بيوم تشكين من لو من اهله لا يمي ولا يم اي احد .. عقلج براسج تعرفين خلاصج عندج مشكله انتي حليهه كبرتي مااضل اعلم بيج واحلج مشاكلج انتي اعتمدي على نفسج وهاي حياتج تريديهه جنه بيدج تسويهه تريديهه نار هم بايدج وهذا اخر كلام عندي وياج على هالموضوع وماريد اسمع بعد كلمه تأجيل واعتراض

جنت مدنكه وابجي واسمع بحجيه ..

#شقراء_بغداد

بارت_١٥



كلشي مشى بشكل طبيعي لحد ما بالليل كعدت بغرفتي صافنه على الروج وين دياخذني ؟؟
كمت رحت فتحت الكنتور وطلعت الثوب الاسود الي لبسته وحبه ايوب ..
لزمته وضليت اباوعله وبجيت فرغت كل دمعي بي كل حسرتي وشهكاتي ونفسي الحار كله خليت اثره عليه وبعد التعب اخذته وحطيت بي رساله
ولفيته بعلاكه وخليته يم راسي ونمت ..

وثاني يوم اخذته وياي للدوام وهناك تلكتني روعه
من باب القسم وعيونهه تتفحص وجهي وايدهه تتلمس جتفي واصابعي .. رادت تشوف وجعي وانكساري بس مالكت غير الصمود والاناقه بكل حذافيرها والابتسامه الي متعوده اطل بيهه عليهم بكل صباح ....
جانت عيني بعينها افهم منها شتريد تعرف عني وتشوف مني جمال هالقناع وصلادته ..

تمشينا للحديقه وانطيتها العلاكه وكلتلها ..
- روعه يوم الي يتواصل وياج كليله يجي ياخذ منج هاي الامانه
- شنو بيهه هاي
- تذكار بسيط
- حبيبتي كافي ارجوج كافي ابجي عيطي احجي اي شي بس لاتضلين هيج كاتمه بصدرج وتعذبين بنفسج
- وشيفيد حيغير شي ! خليني هيج اكدر امشي بس اذا بجيت بعد ماكدر اوكف حتى على رجليه
- الله يكون بعونج اني اكول بلكت يطلع محمد رجال زين ويعوضج وان شاء الله تعيشين وياه براحه
- ان شاء الله

بقينه ساكتات وبعدين رحنه ناخذ محاضراتنا
كملتهن ورحت اخذت اجازه وبلغتهم بزواجي هالاسبوع وعزمت البنات وهنه اعتذرن مايكدرن يجن وباركلي وبعدين سلمت عليهم وطلعت للبيت .. هالمره ضليت اتمشى
ماركبت سياره مثل كل مره من يم الجامعه لا ضليت امشي واحاول اجرد نفسي من الخوف والتوتر ،، احاول ازرع بيهه الامان والرضا بالنصيب واعلمهه على نمط حياه جديد وارسخ بيهه قوانين الزوجيه الواجبه عليه وبنفس الوكت
اتأمل هالجو والوجوه البشوشه بكل ركن واسمع
رد السلام من بعيد بعلو صوت ورحابه نفس ويجذبني من بعيد صوت الراديو باغاني فيروز وبغير شارع اسمع من بدايته المواويل والمقامات من الكهاوي واركز على شكل الاستكان وهو بيد الحجي الي جذبني اله صوت طكته وهو يخوطه وريحه الهيل الفواحه من الباب وصوت طكه الزار ويتبعه تعالي صوتهم عليه وبعد مااتعداهم واني ابتسم للطافه منظرهم يقابلني رجال جبير منتجي على الحايط بسد دكان ومنعزل عن اقرانه بقرائته لكتيب صغير ومركز بي لصغر الكلمات ويذكرني هنا بكم الوقت الي اني التهيت بي عن القراءه ؟
وبعد ماياخذني صوت العصافير وهي فوك شجره السدر يصير كدامي صباغ الاحذيه وهو يشتغل يضحك للولد الي كاعد يصبغله حذاءه والثاني هم يقابله بضحكه مو اقل من ضحكته وبعد ماياخذ الفلوس منه يتبادلون الشكر والسلام ويصير الصباغ يبوس ويحمد الله على هالكم فلس الي بايده
وهنا يخطر بالي ان هالشارع متفاوت الارزاق والطبقات بس متشابه الضحكه والبهجه والكل تردد .. يافتاح يارزاق يا الله .. والكل دترتزق
بس بتفاوت ..كلمن حد كفايته .. وهنا اني وكفت وكلت .. هالنصيب هو رزقي واكيد ربي يرزقني مايكفيني ...
وكلت امري لله وذبيت همي وره ظهري ورحت صعدت المصلحه وتوجهت للبيت ...

بهالليله امي جابت الغراض وفردشتهن وجابت كراتين وضلينه نعبي بيهن وهنا كمت اركز شعندي من جهاز وشفت خير من الله موجود
نص بيبي دازتهن ونص امي مشتريتهن وتجيب وتحط وتكول هاي من فلوسنه مو فلوس رجلج هذا من خير امج وابوج ..
كملنه ترتيب غراض البيت والفراش واخذتني امي لغرفتهه وطلعتلي بقجه كلها ملابس وكلتلي ..
هاي اني كل هالايام اجيب واكوملج هنا كون يغزر بعينج .. تشكرتهه بهدوء وكعدت اشوفهن ..
الي منهن دشاديش مطرزه ثكيله والي خفيفه مال بيت عاديه وبيهن الكصار والطوال وبقجه ثانيه بيهه ملابس نوم كم قطعه وطلعتلي كوستمين معلكات بكنتورهه جانن هذني مال طلعه وكلتلي
عندج احذيه كلهه جدد وجنط هم نظفيهن وجيبي نحطهن ويه هذني ..

جانت جايبه جنطتين كبار وكامت تشيلهن من البقج وتصفطهن هناك هي واختي .. رحت اني لميت شعندي غرض بالكنتور من ملابس ومن كلايد وشغلات الشعر وخليتلي كم قطعه البس بيهن هالكم يوم .. وكعدت انظف الاحذيه ولميتهن ويه الجنط ونطيتهن الهه ... ورحت لميت كتبي الاحبهن ودفتر مذكراتي وبقيت بس كتب الدوام ..
وامي اتفقت ويه عمتي وبناتهه حتى يروحن يودن الجهاز على باجر ..
وثاني يوم الخميس اني طلعت لدوامي وعفتهم ينتظرون عمتي تجي ويطلعون ... ومن رجعت لكيتهم رايحين ولكيت بيبي وبنات عمامي موجودات ... تغدينا وجان بيبي تكلي ..

باجر من الصبح نطلع لسوك الكاظميه ونجيب البدلات ... وضلت العصريه كلهه تصفك وتهوس والبنيات يكمزن وياهه .. وللمغرب رجعو جايبهم محمد وكف سلم عليه وكالي ..
الاحد نعقد محكمه والاثنين والثلاثاء العرس
هزيت براسي بالموافقه وهو ترخص وطلع حتى يلحك يرجع لبيته ...

وفرشت ونمت بسد بيبي هالليله وثاني يوم من الغبشه كعدتني كمنا سوينه الريوك وتريكنا ولبسنا وطلعنه اني وياها وامي ورحنه لسوك الكاظميه
ندور على بدلات ..

وضلينه نفتر واني خليتهه على ذوق بيبي شتكلي اكللهه بكيفج وهي صارت تعامل وتختار والي ميعجبهه تكلي امشي غير محل
وتالي اختارتلي وحده وردي للحنه ومال العرس اشتريناهه جانت مثل الستن وردانهه منفوشه بشكل ورده من فوك ونفشتهه من جوه زينه وسط وبيهه شغل بسيط بالصدر وخلالي وياهه جفوف محبيت البسهن بس امي ضلت تلح وتكلي هي حلاتهه بهالجفوف المطرزه واخذتهن جانن مشبكات بس تول ومطرز .. واشترينه حذاء العرس هم ابيض كعب عالي لان محمد طويل واني هالكدتوتني
وتسوكنه ورجعنه ... ولليل اجتي جيرانه حفتلي وجهي وجانت هاي اول مره احف بيهه ..

الشعر بوجهي خفيف ميبين يعني ماعليه شي بالدوام وعايفته بس شو من حفيت تغير شكلي
صوت اشوف حلكي ورد اكثر وعيوني برزت بهالحواجب ام الكسره وصار احمر .. جان تحطلي عليه مي ورد ونشا شويه وغسلته واجتي امي كلتلهه ..
عيني داده خليج على كعدتج وياهه ونظفي جسمهه

اني هنا ماقبلت وراساً كمزت .. ماحب احد يشوف جسمي وعاندت وعاندت ومخليتهه تسويلي شيره
وراحت المره وامي استلمتني رزايل وبيبي تدافعلي وتسكت بيهه وتردلهه الكلمه بعشره وجان تكلي بيبي ..
انتي منو تريدين وياج بهالشي ؟
صفنت وماحسيت احد قريب مني لهالدرجه من العائله واختاره وياي ... ضلت تلح عليه بالسؤال وتالي كلتلهه ..
اريد جيرانه بنتهم صديقتي واني ماينه عليهه
كلتلي ..
روحي عليهه وجيبيهه واكعدي بغرفتج وسدي بابج وضلي براحتج وياها احنه مالنه دخل بيج بعد براحتج انتي شيعجبج سوي ..

حضنتهه لان كلش ريحتني بهالكلام ارتاحيت من مالكيت جبر بهالموضوع هم ..

ورحت لبيت جيرانه هاي صديقتي بعمري هي واني دائماً اتردد على بيتهم وهي تجي لبيتنه ونايمين وماكلين سوه ومايمر يوم اذا مااشوفهه وتشوفني اسمهه سهاد ..

طبيت سلمت على اهلهه واخذتهه حجيت وياهه على جهه وهي كيفت وراساً خلت عباتهه على راسهه وكالت لامهه رايحه لبيت الحبيبه وامهه اشرتلهه روحي بدون ماتعرف شكو وراساً اجينه للبيت وصعدنا فوك ...

سولفنه شويه وحجيتلهه على الجهاز وشوفتهه البدله وبعدين نزلنه للمطبخ سوينه الشيره وصعدنا
قفلت الباب وهي بحجاياتهه وشقاهه شالت المستحى وخلتني انزع كدامهه وكعدت تسويلي رجليه كلهه وبعدين ارتاحينه شويه ورجعت تكملي الباقي وتضحك وتسألني على محمد شنو اطباعه شلون علاقتنه واحجيلهه الزين منهه ...

ماخلصنه للنص واجه عليهه اخوهه وكالتلي باجر نكمل هم بالليل وراحت .. نزلت سبحت وكعدت ويه اهلي وبيبي تكلي
الحكي نامي كبل مايضيع عينج السهر ..
واني هم جنت منعسه ونمت من التسعه وكعدت هم من الغبشه على صوت بيبي ..هم تريكت ورحت بدلت وحظرت نفسي وبالسبعه وشويه دكو الباب اهل محمد .. نزلت سلمت عليهم وجان موجود ابوه وعمه وهو من سألت على امه شعجب مجايه
بيبي كلتلي ...
ماعدهم نسوان اطب محاكم واماكن بيهه زلم
كلت بنفسي الله اليستر من عقلهم ويه عقلي شلون راح نتصافى ...

ومشينا للمحكمه وياي ابويه وبيبي وهناك بكلمه نعم موافقه صرت زوجه محمد شرعاً وقانوناً وتغيرت جنسيتي لمتزوجه بلمح البصر ......

ورجعو تغدو يمنه وراحو ... وجان بيبي تكلي
كومي دزي على صاحبتج تجي تكملج ورانه طلعه
كلتلهه وين؟ تكلي .. مالج لازم وين امشي كملي

ودزيت اخويه عليهه واجتني تركض وتهلهل من الباب وركضت حضنتني وتبوسني وتبارك وطايره من الفرح .. ورحنه صعدنا نكمل هالشيره
ومانزلنه للعصر .. ردت اطب اسبح جان تكلي بيبي ...
بس خضي جسمج بالمي من الدبك واطلعي
وسويت مثل مكالت وطلعت جان تكلي
يلا بدلي خلي نروح لحمام النسوان بشارع السباع هناك يلجفنج عدل يشفن كلبي بجلفهن ...

ضليت اكللهه ماحب هالنسوان وماريد اروح وهي واكفه ولابسه عباتهه وتكولي ..
اذا ماتمشين هسه اعوفج واروح لبيتي
عاد صعدت اخذت ملابس اليه وجبت صابونه وليفه ومحجاره ولفيتهن بالبقجه ورحنه واجني ويانه بنات عمي واختي ...
وهناك سون عليه هجوم بالمبارك والتبوس وبعدين استلمني جلف جلف وشعري راد يتهلس من الفرك
وطلعت مصخنه من البخار والحراره بهالحمام
وبيبي كالتلي ..
هسه هيج صرتي عروس وارتاح كلبي من اشوف هيج يجلفوج مايعجبني جلفجن الفاهي

اني بس اضحك على سوالفهه احبهه بكلشي
ورجعنه للبيت لكيت عماتي جايات ونسوان عمامي والبيت بابه مدروعه والدربونه مليانه بجهالهن وكلهه تهلهل وتبارك ...
وسون هذاك العشه المرتب وكعدنا ناكل وهنه يتمضحكن وسون الكعده حلوه بسوالفهن ...

ونكلنه فراشنه كله فرشناه الهم واني والبنيات فوك ومن الصبح كعدنا على صوتهن كلها تصيح يلا كومن تاخر الوكت .. وباوعت على ساعه هستوهه بالسته ونزلنه كلنه تريكنا وكامن يوزعن الشغل
بينهن واني صعدت حضرت غراضي وبالتسعه طلعت للصالون ... وهناك اباوع بالمرايه وصفنت على شلون الامور دتمشي كلهه بسلاسه وشلون اني بارده تجاه كلشي .. لا انفعلت ولا بجيت ولا عارضت
ولا وكفت وكفه العناد والجدال هذيج .. مستسلمه لكل شي واباوع لنفسي واني انأخذ من نفسي بكل برود ......

رجعت الظهر للبيت وتلكوني بالهلاهل والجهال تتراكض بين الرجلين وطبيت شفتهم محضرين صينيه الحنه ومرتبين المكان .. كعدت وجابولي اكل بين ماكملته اجتي الملا طلعن عماتي موصيات عليهه والتمن جاراتنه وصديقاتي من المنطقه كلهن بس روعه ماقبلت تجي كالتلي مااركص على حزنكم واني شاهده عليه ..

بيبي حنتلي ايدي وخلت على كل ايد درهم وشدتهن وصديقاتي حنن رجليه بس الاظافر مارضيت يخلون عليهن ماحبهن وصار جف ايدي ورجلي معطر بريحه الحنه ...
خلصت ليله الحنه بتعب نفسي وجسدي وصرنا بنص الليل الكل نيام واني بفراشي صاحيه ماعيني غمضت ولا ثانيه ...
اول شي جنت افكر بي هو ابويه ليش مااجه شافني اليوم ؟ ومامبين عليه مقهور لروحتي وبعدي عنه ليش تغير بمشاعره وياي؟؟؟

وراحت النوب افكاري لحجي عمتي ومرت عمي وهنه يوصني على ليله العرس وشلون اتعامل ويه محمد واهله .. وسيطر عليه الخوف بهاللحظه
مادري شلون راح اسلمه نفسي باجر واني الجنت رافضته من كل حياتي ولحد هاالحظه راح اتزوجه ومامقتنعه بي ..شلون راح اسلمه اغلى شي عندي؟

ورجعت اعاتب المحبوب واودعه بداخلي وكل ماريد ابجي امنع نفسي واكول لا اني قررت وصرت صاحبه مسؤوليه لازم اصير اقوى واسيطر على نفسي ..

وطلع الصبح واني مانايمه بس تعبانه ومن كمت غسلت وكعدت على الريوك جنت احس بنفسي متملكني شعور البرود تجاه هالعالم وهالهوسه والجو هذا كله .. جنت اباوع لكل شي بعين الصغيره ونظره استحقار لكل شي وطلعت للصالون وكملت تجهيز هناك من زينه ولبس ورجعت للبيت ببدلتي البيضه وكعدت اباوعلهم وهمه يصفكون ويغنون ويركصون وضليت اتفرج عليهم لحد مااجتي الزفه ...
بالهوسات والهلاهل دخل محمد واهله .. باوعتله لابس قاط اسود وقميص ابيض ورباط بيجي ويضحك وهو حنطاوي وطويل وضعيف .. اجه كعد يمي وماحجينه شي لحد ما اهله صاحو خلي نمشي .. يلا هو كالي ..
تكبعي حتى نطلع ..

درت وجهي عنه وامي جانت واكفه يمي انطتني الكبوس لبسته وطلعنه ماشفت بيبي حتى اودعهه ولا اختي بس اخواني بالباب واكفين ويه ابويه وعمامي .. اجه ابويه يمي ورفع راسي وصارت عيني بعينه .. جانت عينه تلمع وبيهه حنيه بس اني جامده ومانطيت اي رد فعل كالي ...

ديري بالج على روحج وارضي الله باهل بيتج

هزيت براسي ودنكت وهو وخر على جهه وطلعنه للسياره وجان ليكدام كاعد ابو محمد وعمه وطلعت الزفه كبل لبيتنه الجديد ...

طريق شويه طويل وعلى طوله اني ساكته ولا حجينه اني ومحمد ولا حرف ... وكت الي وصلنه البيت ذبحو جوه رجلي وبعدين طبينه البيت وضليت كاعده وحدي ويه هالنسوان بالصاله
لحد ما واحد من الولد صاح على وحده من هالنسوان حتى يمشون للبيت الجبير يتعشون
وطلعو نصهم وبعدين دخل محمد ويه اخوته وعمامه زفوه واني جنت كاعده بالغرفه ودخل عليه سد الباب واجه كعد يمي ....

لزم ايدي وكال ..
- واخيراً صرتي بيتي ياكَحله
ماحجيت شي بس مدنكه جان يكوم ويجر ايدي وكومني وشال الطرحه من وجهي وهو يضحك باس راسي ولزم جتافي وضل يباوعلي وبعدين
كالي ..
- انه حلمت بهاليوم من يوم ما طاحت عيني عليج
لا تخربي ليه بصدج بعد مامش سبب وتصديني بي عنج ..انتي ليه من زمان واليوم حكي بيج اريدنه برضاتج

هزيت راسي بموافقه وهو ضحك وكال ..
-رايح اشوف الولد انتي اخذي راحتج

طلع واني باوعت على نفسي بالمرايه ويه هالبدله وهالمكياج والتسريحه وويه هالهوسه الي بره اني وين ؟ ماداحس بشي ابد ولا بالي شي او اريد شي

رحت للمرايه وبديت انزع الطرحه وفتحت السحاب بنفسي ونزعت البدله ولبست ثوب النوم الابيض الستن والروب وجنت اريد افتح التسريحه وحسيت روحي تعبانه رحت كعدت على الجربايه شويه وفات محمد .. باوعت عليه وهو يتفحص جسمي شبر شبر اجه كعد يمي وكالي ..
- ليش مافتحتي شعرج لهسه
- تعبت شويه هسه افتحه
- يلا كومي افتحي

كمت للمرايه وصرت افتح واشمر بالماشات على الميز وانتبهت عليه صار يبدل ملابسه .. بس كملت فتح شعري اجه اخذ بايدي للجربايه
استسلمت اله بكل هدوء .. مانطيت اي رد فعل جنت كلش بارده وهادئه بس النفس ينسمع مني واول ماتاذيت شويه طلع صوتي وتفاجأت بتصرفه الي سواه .. بصوره سريعه خله ايده على حلكي وضل يكلي ..
مااسمعلج ولا نفس ...
هنا اني خفت وارتبكت ماكمت اركز بشي بس اتاذى واتاذى واني مكتوم على حلكي .. لحد ماوخر مني اني بس دموع تتجارى ..
عافني وطلع وره شويه سمعت صوت الطلق واني بعدني مدده بفراشي وجسمي كله متكسر من غير هالكسر الي بداخلي .. كمت تلفلفت ورحت للحمام
فتحت الدوش وضليت كاعده ..
ماكلت غير .. حسبي الله على الي جان السبب ..
غسلت وطلعت واني قويه واعاند نفسي مااضعف بعدني بدايه الحرب لازم ابقى صامده ومسيطره

رحت للغرفه وشفته متمدد رحت للميز وطلعت المشط ووكفت امشط شعري جان يكلي ..
- زهره اكو فرد سالفه ماعجبتني منج
- شنو
- انه اعرفج بنت بيت شريفه وعفيفه وبنت مربايه لاتغيرين نظرتي عليج

انداريت عليه وباوعتله باهتمام اريد افهم شنو السويته وهيج يحجي ..

جان يكول..
- مره الثانيه عيب صوتج يطلع ويعلى بفراشنه هالسالفه بس بنات الشوارع يسونهه ماريد اسمعهه منج فهمتي
- بس اني تأذيت ماقصدي شي عفويه والله
- اي ادري بيج بس انبهج حتى اديرين بالج مره اللخ
- ماشي

انداريت وكملت تمشيط وهو كام طلع من الغرفه وجان يصيحني ..
- تعالي انتعشى ياكحله

ذبيت المشط من ايدي ورحت كعدت يمه واكلت
اني متعوده على اكله السريع وطريقته ماتغير شي عندي هنا ....
كمل اكل وكالي ..
- صبي الجاي واغسلي الصينيه حتى ادزهه يرجعوهه لبيت عمي

ماجادلت بشي لو يفكر بيه عروس واكعد اغسل مواعين من اول ساعتين اكعد بيهه وياه جان محجى هالحجايه ....

كمت اخذت الصينيه ورحت للمطبخ غسلت المواعين ودورت على قوري وين مخلينه
وطلعته وكعدت اخدرله الجاي ...

بين ما اني واكفه وانتظر يخدر اجه هو واخذ الصينيه وطلع ... اني كمت اشوف شكو بالثلاجه
شفت بيهه بس سراحيات مي .. وشفت جوه الدرج باقي كارتونه ممفتوحه رحت شفتهه هذني كتبي
بيهه باقيه مامعزليهن ...

رجعت للمطبخ وطفيت القوري وانتظرته يجي
وصبيتله وضليت كاعده يمه وهو يشرب بالجاي
جان الملل هو سيد الكعده بوكتها ..اني بس صافنه وتعبانه وهو بيده ورقه يكلب بيهه مره يمنه مره يسره وبيده الثانيه الاستكان ... وره شويه جان يكوم للغرفه وصاحني رحت وراه جان يكلي ...

- تعاي فرجيلي جتوفي وظهري

وكبل راح نزع دشداشته وتمدد على بطنه .. رحت كعدت بصفه وضليت افركله جتوفه وظهره وركبته .. كالي ..
- ايدج حيل ناعمه وصغيره ضلي محافظه عليهه هالشكل موش يومين والكاهن خشب
- لا ماعليهن شي يضلن ناعمات
- شني شعورج تجاهي سولفيلي انتي ولا مره حجيتيلي شني بكلبج علي
- كل خير شايلك كلبي لا تخاف
- عليج الحسين احجيلي شني بكلبج علي لاتجذبين
- والله كتلك كل خير قابل شنو اكرهك لو اريد اذاك حتى تحلفني بالعكس اني مااتمنالك الا كل خير وراحه
- جا صيري راحتي ولا تصيرين ويه الدنيا ضدي وتشلعين كلبي خليج بسيطه وياي وانه ماكصر وياج لكص اللوزه اضل مداريج
- ماتقصر ادري بيك
- اسعديني وقومي بواجبي وكلشي تردينه يجرالج
- ان شاء الله من عيوني
- ايي تشكرين على هالتفريج الزين تعاي هالساع انه بعدني ماشبعت منج

ابتسمتله وهو اخذني بحضنه جنت احس مثل واحد وقابض على صدري هيج مخليني متشنجه وياه

بعدين هو نام واني رحت سبحت مره ثانيه وافتريت شويه بالبيت .. شفت الحديقه بعدها بس تراب والحمام الي بره مامنظف زين والكراج كله كواخد الجكليت والدم بعده ماممسوح زين بالباب
وانتبهت جوه القنفات الحاطيهن بالاستقبال مابيهن جرجف مرتب بس دوشك وهواي نواقص بالبيت وشغلات رادلهه شغل ..
رجعت للغرفه طفيت الضوا ونمت جنت تعبانه ومنايمه ليله البارحه فكبل عيني اخذت نوم
وماكعدت الا على صوته فتحت عيني وشفته
لازم اطراف شعري ويلعب بيهن ويباوعلي ويبتسم
كلتله ..
- صباح الخير
- اصباح العافيه عليج ماشبعتي نوم
- لاا كافي .. شكد ساعه هسه
- ثمانيه ونص .. كومي جهزي روحج اهلج على جيه جايبين الريوك
- ماشي

بين ماغسلت ولبست وتمكيجت اجوي اهلي طلعت سلمت عليهم جانت امي واختي وعمتي ..
كعدنا سولفنه شويه وبعدين كالو يروحون للبيت
وراحو واحنه كعدنا تريكنا وبعدين محمد كلي

- حضري روحج حتى نمشي لاهلنه غدانه يمهم
- ماشي
- وحسبي حسابج نبات هالليله هناك
- محمد خلي نبات غير مره شوف البيت رادله كومه شغل شلون اعوفه هيج
- من نرجع نظفي يلا خفي ايدج

عافني وطلع واني اخذت الصينيه ورحت للمطبخ اغسلهه ونظفت هالكدرت عليه مال استعجال ورحت بدلت وعلى نفس مكياجي ضليت وجنت ارتب بغراضنه بالجنطه جان يجي محمد
لكاني محضره ملابسه وحذائه .. كالي..

- عفيه عليج تشفين الكلب انتي

ابتسمتله ورجعت اكمل الي بايدي وقبل ميطلع كالي ..
- البسي عباه فوك هدومج
- محمد لبسي زين مابي شي مكشوف وطويل
- ميخالف ماعدنه حرمه تمشي بلايه عباه بعربنه
وانتي محسوبه علي بعد تمشين بالنمشي عليه
- ماشي مثل ماتريد

اخذت العبايه وحطيتهه على راسي وطلعنه
ورحنه لبيتهم وتلكونه هناك عمامهم ونسوانهم وخالاتهم وبناتهن والحجي والحجيه كلهه ملتمه بيتهم .. سلمت عليهم كلهم والحجي انطاني البياض وابوه هم وضليت كاعده بين نسوانهم الي نصهن ماعرفهن وضليت اتعرف عليهن واخت محمد الجبيره هي الي تكفلت تعرفني عليهن وحده وحده وتشرحلي هاي من بيت منو ومنو متزوجها وين كاعدين وضلينه هيج لحد ماصار الغدا ...

هستوني كمت اريد اساعدهم بشي جان عمته كلتلي
- اكعدي انتي عروس مالج شغل بينه احنه نصب

رجعت اريد اكعد وسمعت اثنين من بنات عمه كبار واكفات يم الباب الداخلي مال مطبخ وكالن
- عودينه تريد تسوي روحهه زينه وتشتغل عود شوفوني واني عروس اشتغل ماتدري متعودين على هالشكول

جانن متقصدات يسمعني الحجي لان صوتهن على من وصلت يمهن والثانيه تضحك وتهز بايدهه
وتباوعلي واحنه عين بعين ومااستحن يحجن هيج كدامي ..

عرفتهن اصحاب لسنه وكال وكلت لذلك تجاهلتهن وكأني ماسمعت شحجن ...

حطو الاكل واني مستحيه بس كاعده وكلها تجيب وتحط كدامي حسيت كلش واكفه وجودي هيج بينهم بس اذا كمت يفهموني بغير قصد واذا كعدت نظراتهن تحجي بدل لسانهن وحرت شسوي ..
هذا اكثر شعور كرهته من بين الصار كله بهالايام

كمل الغدا شلون مجان ومن لمو السفره كبل اخذتني وحده من خالاته جانت الجبيره وكالتلي
- ضلي يايمه كاعده هنايه وماعليج بالرايح والجاي
- خاله اخاف عيب كعدتي هيج والله مستحيه وماعرف شتصرف ويرضون
- مايرضون حبيبه ..اكسبي راحتج واكعدي هنه كلهن يومين بعرسج تهني بيهن لاحكه على الشغل والركضه
- زين ضلي يمي فدوه
- هاي انه كاعدتلج هنايه لاتخافين ياه شجاج مصوفر وجهج
- مادري اخاف اتصرف شي وياخذون عليه غير نظره واني مامتقصده دتفهميني خاله
- اي يمه فهمتج كلنه جنه هيج ويه الايام تعردين وتفهمين طبع عيالج

ضلينه كاعدين وحدنه بالغرفه جوه ونسولف وهي تحجيلي على بناتهه وين زوجتهن وشعدهه من احفاد وجان يجن البقيه خواتهه وصارت بس لمه خالات .. جان وحده منهن تكول ...

- شو كشفي على ركبتج خلي نشوف محمد بي خير شمسوي ممسوي بيج
- لاااا عفيه شنو هالحجي
- ااهييي وشبيج يمه شكلنالج شني كلنه رجولتنه تمصمص وتعضعض شني جديده لو بنات البارحه احنه ومانفهم
- اي بس هذا شي خاص بين الرجال ومرته مايصير نحجي بي
- ولج كشفيلنه هالركبه خلي اشوف ابن اختي شمطبع واكضهه عليه وادوهنه
- عفيه خاله كتلج هالشي خاص بينه لاتحرجيني رجاءاً
- زين عمي لاتشوفينه احجيلي شلونه وياج البارحه زين لا يشفي الكلب ؟؟
بيني وبينج محد يسمع
- خاله يعني ليش دتحرجيني هيج كتلج هاي خصوصيه بيني وبين رجلي شلون احجيلج وبعدين اني ماارضى ينسأل هيج سؤال وينجاب طاري رجلي بي رجاءاً مااريد اضايقج بكلامي واجرح خاطرج بس تفهميني

جنت كلش متنرفزه من تطفلها هذا بس مابينت هالشي وهي جان تكوم تضحك وكامت باستني اني ضليت صافنه هاي شبيهه؟؟.
جان تكلي ..
- لا عيني لا تضوجيني ولا شي عفيه عليج عجبتيني من مانطيتي برجلج واسرار بيتج جدامنه عفيه عليج والله اصيله
- يعني شنو دتختبريني جنتي؟
- اي جا غير نعرف طبايعج وذبتج شلونهه ان جانت عوج نعدلهه وان جانت عدله وترضينه نثني عليهه .. وزين ياحبيبه طبعج عدل وموزون هيج خليج لا تنطين سرج لوحده ولا تدخلين بينج وبين زلمتج ولا بني ادم تصونين بيتج بنفسج احسن لج
- ان شاء الله

رغم اني نجحت باختبارهن وشفت فرحتهن وفخرهن بس ضليت حذره منهن لان عرفت
هالفتره كلها يضلن رقيبات عليه وهالشي ابد ماريحني ..

ترخصت منهن واخذت دشداشتي ورحت للحمام حتى ابدل ومن طبيت جان حمامهن عباره عن قسمين ..قسم بي الدوش وقسم فارغ بي تعاليك للملابس وطشت وسله وجان اشوف ضفدع على الطشت واكف واطلع ركض من الحمام وكلبي يرجف ورحت ركض للغرفه يمهن وجان واكف يمهن اخو محمد اسمه مازن واني اجيتهم مخروعه وراساً جفتت وهنه كلهن دارن وجهن عليه واني ضليت امتمت جان خالته الجبيره تكلي ..

- خيرج يمه شبيج مخروعه
- هذا شسمه .. بالحمام ضفدع صغير وخفت

ضلن كلهن يضحكن والولد هم مدنك راسه ويضحك جان تكلي ...
- شو امشي وياي وينه هالضفدع هاذ الثبرتينه بي
- على الطشت واكف خفت لا يكمز عليه

مشت كدامي وهي تضحك جان تشوفه وتكلي
- ولج يمه هاي عكركه ماتسوي شي
- خاله والله اني مو صلح ويه هالاشياء عفيه طلعيه

جنت احاجيه واني مجلبه بثوبهه من وره ..جان تصيح لمازن اجه جاب خشبه وصلهه ليمه وهذا كمز عليهه وشاله طلعه بره .. يلا كدرت افوت وابدل ملابسي وركض ركض طلعت خاف النوب تطلعلي غير شغلات وتكمزني ..

رجعت للغرفه ولكيت امه موجوده سلمت عليهه
وكعدت جان تكلي ...
- العصريه راح يجن حبيباتنه من عربنه وجيرانه هم يشوفنج ويسلمن عليج عود حضري روحج
- ان شاء الله

ضلينه نسولف واني منعسه بس اريد اخذلي غفوه وهنه مكضياتهه سوالف وتكمز وره جهالهن وجان تصير ساعه ٣ ونص وكمت رتبت حجابي اني بس مخليته هيج على شعري ومغطيه ركبتي هو هذا اهم شي عدهم الركبه مغطايه وهنه اكثرهن ضفايرهن طالعه من حجابهن .. بس اني جنت رافعته لشعري ماضافرته ..
عدلت شويه حمرتي ورشيت عطر وطلعت ويه البنات بره شويه تمشينه بحديقتهم وشويه واجوي
مجموعه نسوان ورحنه طبينه للاستقبال وكضيتهه
سلام وسوالف وياهم لحد ماتعشو ومشو وصارت ساعه ثمانيه بالليل يلا شفت محمد ...

اجاني للغرفه والبنات طلعن وضلينه وحدنه سألته
- وين رحت اليوم كله
- يم جماعتي كاعدين واخذتنه السوالف وعزموني على العشه وضليت وياهم
- ها زين
- اي شلونه يومج هنا صار شي ؟
- لا عادي كضيتهه اتعرف على بقيه العائله
- زين افرشيلنه هنايه خلي نام
- خاف احد يريد ينام هنا تاكد منهم يكون احسن
- انتي افرشي وانه اشوفهم واجيج

راح هو ورأساً طبت وراه امه وكالتلي ..
- لا تمدين ايدج على هالنضده انه اطلعلج هسه اكفي

وكفت على جهه وهي جرت شويه من الجرجف المغطيه بي نضدتها وانطتني دوشكين ومخاد وبطانيه من الكنتور طلعتها مو من نضدتها
ووكفت تعدل بيهه وسوتهه مسطره يلا طلعت
ضحكت شفتهه شكد تحب فراشهه وغراضهه

فرشتهن وطلعت ثوب نوم بدلت وجنت اعدل بكحلتي ودخل محمد اجه وكف يلعب بشعري ويضحك واني بس ابتسمله .. راح طفى الضوا واجه تمدد بصفي وكالي ..
- تدرين انه بعد ٣ ايام التحق
- هاي شنو ليش بسرعه هيج
- نزولي بس عشر ايام وهاي حتخلص
- وشوكت ترجع بعد
- ماعرف يم الله بعد شوف شكد يثبتوني جم يوم
- الله كريم ترجع بالسلامه ان شاء الله
- الله يسلمج
- زين يعني راح ترجعني لاهلي من تروح
- شعندج هناك ضلي يم اهلي
-محمد عندي دوام بعد كم يوم امتحاناتي شنو نسيت
- يعني هم تلتحقين مثلي
- ههههه اي
- يلا تكضي مااضل هيج
- هسه تاخذني مو
- اذا اداريني وتشبعيني هالجم يوم اخذج واذا لا تضلين
-شنو شنوو
- بعدني عريس اريد اشبع واطلع ضيم السنين
بارحه عفتج جنتي تعبانه ومتاذيه اليوم بعد مالج عذر
-يعني شنو بالك بالضبط
- تضلين وياي شكد ماريد من هسه وكل يوم

مالحكت احجي شي وهو بدا يتلمس وخفت احجي واعارض ويتغير عليه ويخوفني باعصابه ضليت ساكته مثل مايريد ومطيعه اله بكل شي ..شكد اضوج اتاذى اتعب اريد احجي اكوم تلعب نفسي
بس ماكدر احجي واذا صوت واحد او كلمه احجيها يثور عليه .. جربت اكله كافي ورجع لنفس اسلوبه بأن يسد حلكي ويخليني اتخبل من هالحركه واكره روحي .. ضليت متحملته وبس الدموع بسكته تنزل لحد ما عافني ورجع لمكانه اني ماضلت بيه لا اعصاب ولا قدره تحمل بعد ..
انداريت وتلفلفت بالبطانيه وضليت ابجي خله ايده على جتفي وتفاجىء من بجيي كالي...
- جاي تبجين ! عليش بويه شمالج
- عوفني محمد الله يخليك
- شجاج فهميني لاتسودنيني عليش هالبجي
- ليش تتعامل وياي هيج يعني معقول مدتحس اني مداتحمل هالوضع متشوفني ممرتاحه هيج ليش متهتم لهالشي
- شني الماهتميتله ! شني الماعجبج احجيلي
- دتاذيني بهالتعامل محمد لا هيج فدوه
- تاذيتي مني
- اي
- وعليش متكليلي
- انته ماترضى احجي شي ولاتهتم شيصير بيه
- شوفي بويه انه احبهه هيج .. تشوفيني موش لين بتعاملي وياج لين انه زلمه عربي عسكري ماعرف اللين شنهي لونه .. انتي بعدج صغيره وهاي جديده عليج ويه الايام تعودين علي وتشوفينه هو الصح وهو الاحلى .. مسحي دموعج وبسج عاد حساسيه لكل شي .. لا شبعت والله اذا تضلين هالشكل
- محممد
- دبري روحج بويه انه مايصرفلي هيج

دار ظهره ونام واني بقيت بضيمي وحدي حتى ماكلف نفسه يطمئن اذا تحسنت او بعدني متاذيه
راح انام مرتاحه لو بكلبي شي عليه !!
وين جنت يم ايوب يحس بيه مهمومه من نبره صوتي يفهمني واذا ضايقني بيوم يحير شيسوي ويراضيني .. مو ملكه ولا حلاله وشايلني بالصلوات من احترام واحساس واسلوب
بس راح بعد ويه روحتي اني عفت نفسي لمن عفته

ثاني يوم مشى عادي لوره الغدا احنه يمهم ورجعنه بعدين لبيتنه .. ذبيت الغراض ولبست دشداشه للشغل وبديت انظف البيت ولزمته كنس ومسح
من فوك ليجوه .. وغسلت الطارمه والحمام البره لمعته واخير شي طبيت اخذت كارتونه الكتب
وجان عندي خانه بالكومدي فارغه حطيتهن بيهه
وتالي رحت سبحت وهذا كله ومحمد جان نايم
من كعد وصيته يتسوك للبيت فارغ كلشي مابي
غير هالتمن والجاي والعدس .. وراح يتسوك
واني ضليت ارتب بالملابس وغيرت الفرشه
ومن جابلي المسواك بديت اسوي عشه
و وره ماتعشينه اجوي بيت عمه تعللو يمنه
وللتسعه يلا راحو .. ورجع محمد استلمني مثل ليله البارحه كل مره يزيد بقوته وياي اكثر وكمت حتى ماركز شيحجي وشيريد اضل بس مغمضه عيني وعاصره ايدي واحسبهن ثانيه ثانيه حتى اخلص
ووكت الي يعوفني اجر نفس قوي وارتاح شويه واكوم اسبح بين مااجي الكاه نايم .. احط راسي على المخده واضل امسح بالدموع واهدي بروحي واصبرها واحاجيها ان ماكو شي يسوه وابجي عليه وهذا شي عادي وكل رجال يختلف عن الثاني
وهيج اطمن نفسي وانام ...

واليوم الثالث هم مشى على هالنحو ومن الفجر طلعنه لبغداد وصلني لبيتنه وراح التحق ..
جان امي تكلي ..
- شجابج من الصباحيات ولج
- يعني هيج تستقبليني
- دعوفي هالسوالف يلا .. واحجي بس لا صخمتيلج شي ويه الرجال وزهكت روحه وشمرج علينه قبل سبعتج
- ههه خيالج واسع .. عندي دوام عيني اذا ناسيه فاذكرج اني مابطلت من الكليه بعدني والرجال التحق ارتاح كلبج هسه
- اي دكولي هيج من البدايه فززتي كلبي ولج مو ادري بيج ماتكعدين راحه ولسانج لسان دلاله
- عوفيني امي لخاطر الله عوفيني
- عشتو وشبيج هيج زهكانه روحج

عفتهه ورحت صعدت لغرفتي تمددت بصف اختي وحضنتهه وهي كعدت كبل حضنتني وباستني وضلت تسولفلي شمسوين بغيابي ورجعنه كملنه النومه وجان هاليوم سبت همزين على بدايه الاسبوع اداوم ...

وكضيت اليوم ويه اخواني وصديقاتي من المنطقه التمن بيتنه وكعدنه نسولف ومشى الوكت هيج

بس ابويه ماشفته جان بايت بالنجف وللمغرب يلا رجع من تلكيته حضني بلهفه ويبوسني وجان فرحان بشوفتي ..
سألني ..
- شلونج بابه مرتاحه هناك

ابتسمت وكتله ..
-اي الحمدلله

صفن بوجهي شويه واني ضلت عيني بعينه شكد عندي عتب وحجي وياه بس هو بنى حاجز بينه بعد ماكدر اعبره ...

وثاني يوم طلعت الصبح للدوام من نفس البيت ونفس الطريق رجعت اكمل حياتي الاولى بصفه
ثانيه وهالمره مو اني البنيه الحره الي حلمهه وطموحهه الوحيد تجيب الشهاده وترفع راس ابوهه وتكون حياتهه الخاصه لا هالمره اني المره المتزوجه الي تريد بس تنجح حتى تستقر بيتهه ويه رجلهه وتنتظر رجوعه بسلامه من الجبهه. ...

سلمت على البنات هناك وباركولي وشفت اخيتي روعه اجتني ملهوفه وحضنتني وهي تكلي
- كل فكري بيج شلونج شصار وياج تعاي كلشي احجيلي

واخذتني وكعدنا بالحديقه وسولفتلهه كلشي صار وياي هي الوحيده الي اشكيلهه لان ادري بيهه متطلع سالفه وتغدر بيه هي بير اسراري ..

وره فتره من سكوتنه هي حزنانه لواقعي واني تعبانه منه سألتهه ..
- وصلج خبر منه ؟
- اي هو الصراحه
- احجي كلبي تعود على الصدمات احجي
- .....

يتبع...

يي عمري يمكن اولة بارحه كلت عنه🌚🌺
اذا شعر وجهج اسود مو وبري فالليزر يفيدج واصلا رح ترتاحين عليه بس شرط كون مركز مضبوط ومجرب وجهاز مضبوط
واذا حاليا ماتكدرين لليزر..فعندج لو خيط لو شمع البارد كل اسبوع حفي منا لمن يخف

وللايدين كل 3 ايام ..جيبي ليمون وخلي عليه ملح وفركي بيهن وبالايد كله لمدة 5 دقايق وغسلي

وباليوم مرتين رطبي الايدين..لان كثرة الجفاف يسبب اسمرار

ولتبيض الوجه ماسك التمن وهمين خلي الماسك عل الايدين هم يفيد


#ملوكه

علينا وعليكم حبيبي🥰
وماسك التمن الأفضل يكون مسلوك لان من ينطبخ فوائده ونشة أكثر يكون فهذا يفيد للتفتيح هو بعد سوي نفس خطوات الفيديو واكيد تشوفين نتيجة

وبالنسبة للعرق اذا عندج بشكل مفرط كون تشوفين دكتور ☹️💔مختص بهالشي
لان هاي مثل خلل بهالرمونات او خلل بالغدة الدرقية
نعرف جماعه هم نفس الحاله فاطاهم الدكتور دوة حبوب مثل منظم للعرق
وكل 3ساعات خلي بوطرة اطفال جونسون عل الجسم والوجه لطيف عل البشرة و يقلل من العرق

#ملوكه

عيوني هذيني التنسيقات للون الأخضر👇🏻🙃 واللي يناسبه من شالات كون الوان فواتح من البيجي او وردي الفاتح او رصاصي او الابيض

#ملوكه