افعال لتحترم ذاتك 💕🧘‍♀

💕1_راقب افكارك ونظف ذاكرة الجسد بـ..
💕2_ راقب طريقة كلامك عن الاخرين لان..
💕3_اعترف باخطائك وافهم الرسائل لتوصلك منها

_افهم الاصوات الي تجي من داخلك وتعامل وياهة كانوا طفل صغير ويحتاج تربية افهم الي يريدة صح لو خطا 🙏🌸


#اعـاده_توجيـــہ_لتنسون
#ملوكه
@stylegrils

#ماالوقت المناسب لممارسة الرياضة في رمضان

#من_الأخطاء_الرمضانية

📌الخطأ/ ممارسة الرياضة مباشرة بعد الفطور للتخلص من سعرات الاكل .
📌الصح/ ممارسة الرياضة بعد ساعتين، لتسهيل الهضم.

السبب/ لأن الدم بالجسم يكون متمركز بالمعدة


#اعـاده_توجيـــہ_لتنسون
#ملوكه
@stylegrils

يسعد اوقاتكم بكل الخير
#الابراج_اليومية الاربعاء 21 نيسان (ابريل) 2021

#الحمل
مهنياً: يوم جيد جدا تلاحق بعض الأفكار والأهداف وربما تتعدّد الاتجاهات، وتباشر جديداً، وتنتبه لوارداتك واموالك.
عاطفياً: تتخلى عن عنادك وتتخلّى عن رأي معيّن ولا تصطدم الآراء وتخف حدّة النقاش.
صحياً: عليك منح ذاتك أوقاتاً من الراحة تعيد إليك صفاء الذهن والقوة البدنية.
#الثور
مهنياً: مصاعب وحواجز تتهاوى أمامك، لا تيأس حتى لو تعرضت لاستفزاز، ولا ترد عليه باستفزاز آخر.
عاطفياً: تكون مطلوباً من الجنس الآخر وربما يكون مفتوناً بلطافتك الفائقة.
صحياً: الصفاء هو عنوان هذا اليوم على الصعيد الصحي والنفسي وتمضيه كأنك تطير بخفة.
#الجوزاء
مهنياً: إنطلاقة جديدة تساعدك على تحقيق استقرار مادي، ولا سيّما بعد الركود الذي عرفته أخيراً.
عاطفياً: تحرز تقدّماً مهّماً وتقيم علاقة تنتهي ربّما بالزواج أو تعمل على توطيد الروابط الحالية.
صحياً: كن متأنياً ومتروياً، واستعد لمواجهة مرنة وحكيمة لمشكلاتك الضاغطة.
#السرطان
مهنياً: يوم ايجابي للاجتماعات والاتصالات يعزز طاقاتك مواعيدك وتبادل المعطيات قوي قلبك ونظم اعمالك يوم نشيط جداً.

عاطفياً: لا تدع هموم العمل تطغى على حياتك الاجتماعية، بل حاربها وتخلص منها.
صحياً: تجد نفسك اليوم ممتلئاً بالطاقة والنشاط وتجد لذة وسعادة في الحياة.
#الاسد
مهنياً: قد تسمع خبراً مميّزاً على الصعيد المهني، أو تصادف محاورين أذكياء وصادقين، وتكون الاتصالات غنية جداً.
عاطفياً: لقاءات رومانسية وتقارب في الآراء ووجهات النظر، وتزداد القواسم المشتركة ما يؤدي الى التوصل الى حل يرضي الطرفين.
صحياً: تترك نفسك تنجرف في واجبات الحياة اليومية فلا تعتني بجسمك كما هو مطلوب منك.
#العذراء
مهنياً: تعيش يوما متطلبا متقلبا تحت تاثير القمر من برج الاسد يوم للركض والشغل للتعب والاهتمامات الصحية يوم طويل خفف عصبيتك وكن مرن اكثر.
عاطفياً: العلاقة المتينة تتأثر ولو بصورة غير مباشرة بالجو المشحون الذي قد يؤذي رابط الثقة بين الطرفين.
صحياً: تكون متشنجاً وعصبياً، في هذه الحال الرياضة مستحسنة ومفضلة.
#الميزان
مهنياً: يقوى نجمك وتكون انطلاقة جيدة تبشر بنشاطات ونتائج ناجحة شرط ان تكون منظما وتتحسّن الاوضاع بشكل لافت وتستعيد تفاؤلك وتمتلىء قوة.
عاطفياً: كُن حذراً من الخلافات والمشاحنات فهي قد تتطوّر سلبياً ودراماتيكيا لتتأزّم بدون اي سبب وجيه.
صحياً: يخفّ الضغط قليلاً وتشعر ببعض الارتياح وبرغبة في القيام بنشاط مفيد.
#العقرب
مهنياً: لا تعدّل شيئاً في عقد من دون أن يعرف الطرف الآخر، قد تمرّ بيوم من إعادة النظر، وتفكّر في تسويات تضع خلالها شروطك.
عاطفياً: تعيش أفضل التأثيرات والظروف، وتحظى بفرص مميزّة لم تحلم بها من قبل.
صحياً: بعد التعب الذي كنت تشكوه تستعيد طاقتك وحيويتك الصاخبة.
#القوس
مهنياً: تتاح لك فرص كثيرة وتقوم بسفر ربما، أو تتلقى زيارة من آتين من الخارج.
عاطفياً: عليك الهدوء وتجنّب التحديات والتغيرات وعدم الاستسلام لليأس، بل حافظ على معنوياتك.
صحياً: امنح نفسك المزيد من الاسترخاء والراحة ولن تكون إلا سعيداً ومرتاحاً.
#الجدي
مهنياً: تعيش يوما مميزا ما يعني نشاط تطورات تحركات مهمة على كافة الاصعدة مبادرات مالية ملفات وامور اكاديمية وغيرها.
عاطفياً: تحصل على من يستمع إلى دقات قلبك تجاهه وما يجول في داخلك من عواطف جيّاشة.
صحياً: لا تدع الوقت يسرق منك كل لحظة فرح، واستمتع بالأجواء الجميلة المحيطة بك.
#الدلو
مهنياً: تكثر الضغوط والمتطلبات وتتذمّر من تراجع في العلاقات والأرباح والمعنويات، يوم بطيئ كن حذر ودقق جدا في تعاملك مع الاخرين ودقق في حساباتك.
عاطفياً: إذا كانت العلاقة جديدة فالظروف واعدة ببدايات عاطفية رقيقة وجميلة، أمّا إذا كنت عازباً فهو يوم ممتاز للتعارف ولتعميق الصداقات.
صحياً: تقوم بأعمال متعددة في الوقت ذاته، ما يسبب لك إرهاقاً وتعباً نفسياً.
#الحوت
مهنياً: تبدأ يومك بنشاط واجتهاد وتميل الى الانفتاح على كل جديد فتشعر بالارتياح والمساندة من اشخاص نافذين يوم حافل بالنشاطات وبالحركة
عاطفياً: عليك أن تحترم آراء الحبيب وأن تأخذ بها وتشعر بالتفاؤل بعلاقتك به وأنك وجدت الشريك المناسب.
صحياً: أنت خيالي بعض الشيء وهذا ما يجعلك تواجه بعض التوترات العصبية.

الأبراج ؛ كل برج وطقسهُ المفضل👇♥️

• الربيع ؛ #الميزان #القوس #الدلو ،💛

• الصيف ؛ #الحمل #الجوزاء #الأسد♥️

• الخريف #الثور #العذراء #السرطان 💙،

• الشتاء #الحوت #العقرب #الجدي🖤

- الأبراج الأكثر استفزاز 🦋✨

#الجوزاء #الأسد #العقرب #القوس

الأبراج من ناحية الحالات والتصرفات👇🦋

• الأبراج الأكثر هدوء ⭐️✨

#العذراء #الجدي #الحوت #الدلو

الأبراج اللي تؤمن بالحب من أول نظره ♥️

تجدها في :
#الميزان #الحوت #الدلو #الأسد #الحمل#العقرب

- الأبراج الأكثر عصبيه 🍁✨

#الحمل #السرطان #الميزان #الثور

يعشقون طقوس الخوف ، الهلع ، الرعب 💛
تجدها في :
#الدلو #العقرب #القوس #السرطان #الثور

#شقراء_بغداد

بارت_٦



طلعنه وضلت عيني ادور عليهن شفتهن كاعدات
ويمهن مكان فارغ وايوب واكف على اليمنه وهنه
يباوعن ويتمضحكن ...

روعه راحت كعدت على الجهه المقابيلهن واني رحت كعدت يمهن و باوعت على ايوب ....

اشرتله اجه وكف كدامي وهنه رفعن عينهن عليه ..
- هاا شعندج هين
- اممم عجبني اكعد اباوع عليك وانته يم اصدقائك

هو ضحك واشرلي بعينه على البنات الي بصفي
اني مهتميت ..

- ايووب بعد الدوام عادي نطلع لنفس المكان الي
اخذتني عليه نشرب كهوه

هو صافن ومحجه شي اني درت وجهي على اساس
ادور على روعه وينهه واكول هاي مدري وين راحت
واشوفه شلون وجهه صار احمر على اصفر وضاغطه
بايدهه على الجنطه ... رجعت باوعتله ....

- هاا موافق اكيد مو عيوني
- ايييه اييه ميخالف نطلع
- تسلملي ادري مترفضلي طلب
- شعندي غيرج انا كومي خلي نكعد بغير مكان
صارت هوسه هين
- اييي هنا صارت خنكه

باوعتلهن بطرف عيني واخذت جنطتي وكمت امشي بصفه وضحكتي بالكوه ضامتهه ...

اخذني بمكان فارغ بالحديقه ضلينه واكفين ...

- شعجب تردين نطلع اليوم كبل اتوسل بيج مترضين
- هههههههههههههههههه ايوووب
- شبيج يولو
- هههههههه هاي مغثه بس مو اكثر شيطلعني بره
الدوام اتاخر
- يعني جذبه !!
- اي اي جذبه هذني الاثنين المايستحن كاعدات يتغزلن بيك وبحلاتك ويباوعلك من بعيد
واني مادري
- هههههههه يااايابه يعني هاي كلهه تمثيليه
- اييي يعني مو كلهه بس ايي ... خلي يعرفون انك
مادير بال بس الي وهنه اكيد افتهمن اني سمعت حجيهن وعرفت بسوالفهن فبعد خاف بالهن شي
ينسن هسه
- والله عبالي فقيره طلع كل البله بيج
- ماكو فقيره بهالسوالف
- هاا تغارين علي يولي هاا
- هههه ايوب كافي
- تغارين موووو كوليهه كوليهه
- اي اي اغار ارتاحيت
- يولو تصيرين حلوه من عصبيه
ههههههه
- ههههه كاافي
- يعني بس اسألج بالله عليج كلشي بينه يدل على الحب ليمتى تكليلي احبك
- بعد مو هسه حبااب لاتحرجني هيج
- اووووف يابه مو طالت السالفه بس يلااا اصبر عليج
شعندي اناا

ضحكتله وضلينه واكفين .... هو ترك التدخين ومتعود كل يوم نستله فانطيته وحده اكل نصهه وانطاني نص رحنه بعدين للمحاضره الثانيه ومن طلعنه وكفنه شويه

- باجر انا مااداوم

- شنووو ليشش !

- عندي شغل وهسه اخذت اجازه لباجر

- فهمني شنو هالشغل الي طلعلك بنص الدوام
ميتاجل يعني

-يابه الرجال شغلهم مينحجي

- حباب كولي اني يضل بالي عليك ليش متفهمني

- لاتخافين مايصيرلي شي ثاني يوم تلكيني هين

- ايوب يعني شغلك هيج اهم مني !!!!

- ول يابه انتي بجفه والدنيا كلهه بجفه منو يكدر
يصير اهم منج ،،، دحجيلي لاتبوزين

- هاهيه روح لشغلك واسرارك ماعليه بيك

انداريت مشيت للباب دااطلع حط ايده على جنطتي
ورجعني جوه .... باوعت بعينه وهو يتلفت منا ومنا بعدين ركز بعيني ....

- لا تشلعين كلبي فوك ماهو مشلوع بيج

- ماشالعه كلبك انته دتخوفني عليك ومترضى تفهمني شديصير وياك

- زهراااء انا اخاف عليج حتى من حجيي لج
صدكيني شغلي مايصير تعرفي يابنت الناس
انا والله والله ماكدر على زعلج يولو ماعندي
فرحه بهالدنيا غيرج لاتحركين كلبي بيج

- اوووف ماشي لاتحجيلي

- ههههه ياروحي انتي لاتزعلين مني بغلاتي عليج
- وين اكدر ازعل منك اني ... بس حباب انتبه
على نفسك
- صااار
- واول متطلع لشغلك اقرا ايه الكرسي تحميك
وتوكل على رب العالمين

- صااار ادللي

- وشغله ثانيه اوصيك بيهه ... اذا شفت ظلم لاتسكت عنه بحكم شغلك لاتخلي شغلك يغيرك
ابقى ايوب الي عرفته رجال حقاني

- يجرالج يا بنت العز

- الله يخليك ويرجعك بسلامه

- ارجعلج وحك هالعيون السبتني من يومها
هسه روحي للبيت واطمئني ماشي

- ماشي انتبه على نفسك ماوصيك بعد

- اطمني ياامي اطمني
.
.
.
رجعت للبيت وبالي يمه كل الطريق افكر بي
اول مادخلت سلمت عليهم وامي كاعده مادرتلها
بال من يوم الاجتي بي اني اتعامل كأني مشايفتهه

مشن هذني اليومين عادي انتظرته اشوفه باليوم
الثالث وصارت ساعه ١١ وهو ماكو كملنه محاضرات .. طلعنه اني و روعه وشويه وكالت
تروح لولد تكله على شغله واني ضليت واكفه انتظرها ...

جانت كدامي سنادين ورد اصفر وبنفسجي واحمر
اني لزمت وحده من الوردات الصفر اتلمسهه
شكد ناعمه وطريه مثل ايد ايوب ...

باقيه اباوع عليهن وانتبهت على احد يمي رفعت
راسي انصدمت هذا ايوب ...

- ههه شبيج جفلتي هيج اخوف انا

- لاااا بس شجابك هنا توني دافكر بيك معقول هيج

- ايييه انا سمعتج تفكرين بيه واجيتج

- جذااب لعد مااجيت من الصبح مو كتلي تلكيني
كدامج الصبح ليش تاخرت

- هدي هدي يابه ... الطريق والله طويل واعذري
شغلي ماتدرين شكثر تعبت هاليومين وهاي من
النهضه جيتج كبل حتى بهدومي ضال ولا ماكل
ردت الحك عليج ومااخلف بكلمتي

- لااا يااعيوني حشى ماتخلف بكلمتك انته عرفك
تعال ارتاح وغسل شوف وجهك شلون عركان

راح هو غسل واجتي روعه سلمت عليه وكتلهه نكعد
شويه وياه ونطلع هي مارفضت وهم كعدت ......

- ايييه شلونكم شخذتو محاضرات

- والله صعباات كلش مواد متنفهم

- لا لا انا اقراهن واشرحلجن لاتخافن ننجح بعون الله

- ايوب امانه عليك كلي شصار وياك مبين تعبان
حيل ووجهك اصفر

- ماصار شي تعب الطريق هاذ

- زهراء اني راح اتمشى شويه وانتو اخذو راحتكم

- ماشي حبيبتي ماتاخر هسه شويه واجيج

- يلا احجيلي ايوب الله يخليك والله ممرتاحه لسالفتك بس كلي اي شي ريح كلبي

- زهرااااء كتلج الف مره شغلي مالج دخل بي
اعيدهه بعدددد سمعتيييي

- شبيك ايوب ليش تعيط عليه هيج

- ايييه افهمي حدج ويااااااااي كتلج شغل الرجااال
ما ينحجييي مكانج بكلبي واحبج وعلى راسي
بس هييييين تكفيييييييين فاااااهمه لاتضلين
كل يوم والثاني شعندك وشعندددك مااا اضل اكلج
وين اروح واجي انااااا وحجايه اللخ ماتلكين الي يسرج مني فهمتتتتي

ماحجيت شي بس باوعت بعينه ودمعه نزلت على خدي حاره مثل حجيه ..خفت
منه شلون تغير هيج وياي فجأه مو هو الي يحاجيني ويخاف زعلي مو هذا ايوب الي اعرفه

عفته وكمت هو نزل راسه حطه بين اديه وضل يتأفف رحت على روعه وطلعنه والطريق كله تسألني شبيج اخر شي حجيتلهه تفاجأت مثلي .. وضلينه ساكتات

كضيت اليوم كله بغرفتي لا اكلت ولا نزلت حجيت
ويه احد مالي واهس .... ثاني يوم مداومت رحت
لبيت بيبي كعدت يمهه .....

بقيت يم بيبي الخميس والجمعه والسبت العصر
رجعت للبيت ارتاحيت بكعدتي وياهه هي اغلى
شي عندي اغلى حتى من ابويه واخواني ....

رجعت وهي محملتني اشكال وانطتني فلوس
تفرح من اجيهه واني روحي تفرفح عليهه اذا مشفتهه اكثر من اسبوع ....

حضرت ملابسي للدوام ونمت ..... كعدت الصبح
بدلت وطلعت بدون ريوك بدون سلام بدون شي
بيتنه ممل وبارد مابي حياه مثل قبل ....

محد اله شغل بالثاني ابويه عازل نفسه عن الكل
واخواني لدراستهم ملتهين وامي هي من يومها
كأنها مو ويانه وعمرها معرفت تلم العائله وتخلينه
مرتاحين سوه دائما ضلينه عايشين بيت واحد
بس لكل واحد منا عالمه يعيش يموت بي محد يدري

وصلت الجامعه .....

كالعاده اتمشى بهدوء وبايدي الكتاب ودفتر صغير
للملاحظات ..... كعدت على جهه اقرا اجتني روعه سلمت ومشينه سوه للقاعه وكف كبالنا ايوب ....

- عوفي المحاضره خلي نحجي

- ماكو حجي مهم بعد المحاضره اهم

- كتلج خلي نرووح ماريد صوتي يطلع منا الطلاب امشي روعه وياانه يلااا

- مو على كيفك تريدني ومره الثانيه تطردني
اني كلت مااجي يعني مااجي وحتى دوام ماريد

عفتهم وطلعت امشي بسرعه ودمعتي بعيني مادري ليش اريد بس ابجي ماحب اشوفه هيج ويايه كأنه مثل الطفله الصغيره تشوف ابوهه عصبي وياهه تضل تبجي لاقل سالفه منه ....

ضليت امشي بسرعه اريد اطلع من الجامعه
عثرت بالدجه واصابيعي اتاذت من ضربه الحذاء
القويه بيهن وكفت على جهه اتوجع منهن ...

رحت كعدت على جهه بعيده عن الطلاب ونزعته شويه من رجلي .. احس النبض هيج يدك بطرف الاصبع ... نزعته شويه وضلت رجليه هيج
مدنكه وافرك باصبعي وشفته اجه ليمي ..

- شفتي عنادج وين وصلج يولو
- شجابك هنا
- عجل من صارلي ساعه امشي وراج شنوو
مو اصيحلج عليش متردين علي
- ماسمعت تصيحني
- اييييه عقلج طار بسرعتج هاذي ركضتيني وراج
يا مره والله وسويتي الماكدرو عليه ارجاال
- اني شعليه انته لحكتني مسويت شي اني
- هووو بحبج يولو ركضتيني وراج
- اييي حب اييي ،، شتريد اجيت عليه
- كايلج مايهون زعلج عندي والله الخميس الوب بس ارد اشوفج وانتي ضاربه الدوام بعرض الحايط
- عندي شغل لاتدخل باشغالي
- ههههههههه هااا تبسمرين حضرتج
- لاااا مو طبعي بس عندي شغل ورايحه هسه
من رخصتك
- زهراااااء اكفييي احاجيج
- شنوو شنحجي هاا،،، هسه اذكرت تريد تراضيني لو تريد تبررلي الصياح وطريقه كلامك وياي

- افهميني يابنت الناس

- ماكو شي افهمك بي اني ردتك تفهمني وردتك
تخليني اكون وياك مو ضدك بس انته بعدتني عنك
وبطريقه عمري ماتخيلتك هيج تحاجيني

- اكعدي اكعدي،،،، هيدي هيدي يابه نحلها نحلها

كعدت وهو واكف متجتف كدامي ويباوع يمنه ويسره ويتفحص كل شبر بالمكان .....

- اكوو شي ؟؟

- العالم ماتأمن صدكيني
اسمعيني راح اكعد
هين احاجيج وانتي شتسمعين تضحكين ولا يبين
على وجهج شي

- شبيك خوفتني ليش

- يووولي انا شحجيت سوي بعدين تفهمين
يلا اضحكي لاتبوزين

- ههههههه هاي ضحكت

- اييه كل شويه وهيج تبسمي ماشي
اسمعي يابنت الناس انا اشتغل بالاستخبارات

- هاااا

- يووول !!!!

- هههههه اييي كمل

- انتبهي يولو .... اييه هاي استخبارات حكومه
يعني اوامر الريس مو احزاب ... انا كل يوم
اروح بمهمه يجيني واحد ينطيني ورقه مكتوب بيهه المكان والزمان واروح اسوي المطلوب وارجع الاخبار وهالحجي من سنتين صارلي واهلي كلهم مايعرفو بي بس انا وربي واليوم انتي

- معقووول زين ليش هيج تشتغل مو خطر وانته

طالب بعدك وحتى عمرك صغير شلون هيج

- انا عمري اكبر منج بسنتين بس تركت ورجعت
للدراسه من جنت بلانبار وهالشغل مو انا اخترتو
همه اختاروني بي ...مااهجس الا يوم طالع من
الكهوه ويه الشباب وصاحني واحد تمشينه واخذني
كبل لمكان لليوم ماعرفتو وينو .....
وطلعو سائلين علي وعلى هلي وصحباني من الطفوله للاعداديه همه كل شي بحياتي يعرفوه
وانا ماكدر ارفض شغل كبل اعدام اروح

- ايوب ..

- لاتخلين يبين عليج شي يولو كتلج اضحكي
هين كلها جماعتي واحنا واحد يراقب الثاني
ان عرفو انا حاجي لج والله يشحطونا للسجون

- لا لا شبيك هاي مو داضحك ومامتوتره
كملي

- اييييه تدرين حتى حبي لج يعرفوه وسالوني
عنج اذا مقرر زواج او لا وكتلهم ايه زواج
عاد اخذولهم يومين جمعو شكو خبر عنكم وعن
عمامكم وكل شي يلا انطوني موافقه وسولي كتاب
رسمي بموافقه الزواج منج لان طلعت عائلتكم
نظيفه ماعدها اتباع ولا مساجين ولا انتماءات لحزب

- هههههههه هالمره صدك اضحك معقوول يعني مراقبيني واني مادري ويطلع الشخص الاثق
بي هو عميل مخابرات !!!!!!!!

- اييييه والله هذا الصار بعد هذاا نصيبج

- ههههههههه لاااااا مداصدك ابد مداصدك

- ههههههه وانااا مامصدك خالفت قوانين شغلي
وكاعد احجيلج يووول انا مازليت عن احكام شغلي
لو بشبر انا اذا اكلت يدرون بيه شاكل ...
اااااه انتي نقطه ضعفي والله مكدر عليج

- ايوب لعد ليش هيج سويت وياي ذاك اليوم
هيج هان عليك دمعتي كدامك وخوفي منك

- ول يااابه اناااا شحجاني غير دمعتج هاي
انااا جنت راجع من المهمه وكبل عليج وانا اعرف
انهم يراقبوني بكعدتي وياج وهيين بسترتي
اكو لاسلكي صغير هذاا يوصللهم كل حجيي
بالمهمه وانا ماجنت نازعو ....
واستغليتها حتى اثبتلهم اني ماحاجي شي لج
وان الوعد وعد عندي لان ماريد تضل عيونهم عليج اتكطططع من الغيره انااا عليج واخااف لا يوم يتعرضون لج ان صارلي شي
اناا اس..

- لااا لاا تكمل ماتعتذر تدري بيه مااحب تعتذرلي
يكفي تبريرك الي وخوفك عليه

- يااابعد رووووحي انتي يولو انتي الشي الوحييد
اخاف اخسرو ان خسرتو خسرت نفسي اناا بيج
الكه نفسي الي مااكدر اعيشها

- يعني ياشي تقصد

- الهدوء والبرائه العندج انا مفتقدهم بحياتي
من ادحج عليج تتمشين بكل هداوه احس انتي
والهوا واحد بالنعومه وضحكتج من بعيد هيج شفافه ومابيهه جذب وحقد لاا كلها برائه نقيه مثل الهوا هااذ ....
هالشي اناا ماحسو عندي لان كل حياتي جذبه
اخترعها حتى ارضي الدوله .... ماكدر حتى اني
اكعد اقرا الكتب مثل مانتي تكعدين بهداوتج هاي
على المصبطه وتنسين العالم وتندمجين بكتبج
انا ان ردت اختارلي كتاب انسأل عنو خاف بي
افكار سياسيه ضد النظام ....
الشعر اناا هااوي له ومكدر اكتبو اخاف يجي يوم
ويفتشون اغراضي ويقروه وانسأل عنو وماريد افسرو مشاعري هاي تخصني اريد شي خاص بحياتي ماااكو مالكيت كلها معروضه بالورق عندهم

- معقول هاي حياتك ايوب واني الي جنت استمد حب الحياه منك تطلع انته تاخذها مني

- ايييه يااا نظر عينو لايوب اناا اخذها منج واناا
معند وميبس راسي عليج اريد ارجع حياتي الماعشتهه بيج

- كل يوم تعلقني بيك اكثر

- بغلاتي عليج هالسالفه مايعرفها خيالج
ولاتحجيها لاحد ابدد تعرفين شنوو يعدموني ويعدموج والله هذول وحوش بره مكاتبهم لاعبالج يضحكون ودايرين بالهم على البلد ترا كلو بمكاتبهم يختلف صدكي حياه السجون والتعذيب لو تسمعين الصوت بس الصوت ماتنامين ليلج منو ،،،، كلهم جلاد وظلام
بس مانكدر نحجي حرف كدامهم كبل اعدام

- الله يحفظك ويخلصك منهم لاتخاف مااحجي لاحد
وعد هالسالفه مايعرفها غيرنا ... بس ارجوك ارجوك ضل طمني عليك لاتروح بمهمات خطره وماتكولي بس خلي اطمئن عليك صدكني لا اناقشك ولا امنعك

- من عيوني يالغاليه اكلج ادللي وانتي لاضلين بقلق وتخليني اندم لان حجيتلج ... خليج طبيعيه وماكو شي هو شغل حاله حال العسكر بس هذا بي فلوس اكثر

-هههههههههههههههههه والله ادري اخر همك هالفلوس

- اييييه شنسوي بيها دام هالضحكه عندنا
ول يابه انا عااااشك لوجهج ولحنجج عاااشك تفهمين
شنو عاااشك بجيب سترتي حاط صورتج كصيتها
وحطيتها وبالطريق ادحجلها واتلمس هالوجه وارجعها
بجيبي ... ماتفاركني بكل شغلي وكل مكان هي وياي
حتى من انام اخليها جوه المخده واكعد ابوسها وابدا
يومي

- ههههههههههه راح تتخبل على هالسالفه
زين كولي هالصوره اني حلوه بيهه لا اذا محلوه نغيرها حتى تباوع على شي يسوه هههههههه

- يولي انتي بكلشي حلوه هاي صورتنا انا وياج وروعه
بالحفله كصيت بس انتي وخليتها ... اناا امووت على الماروني بيج صدكي يفر عقلي فر والله ان شفتج لابستو بعد هين اشيلج وارجعج لبيتج وارد اشوف مره الي تعتب الباب بي

- هههههههههههههه لاااا والله مالبسه بعد صدكني
اخاف على عقلك عيني هههههههه

- هو ضل منو شي من وراج

- زين كولي شنو المهام التاخذهه بيهه قتل !!

- لا لا مرات يردون يعرفون المندسين من ايران بينه وهذول يكعدون بالكهاوي دائماً انروح نتبع جم واحد ونضل نراقبو يومين اسبوع مرات لحد مانعرفو شنو هو يلا نتركو ونرجع المعلومات للدوله بوكت ومكان معين
ومرات نتبع جم واحد يردون يجيبوهم لشغلتنه هم
او ضباط يشكون بيهم بسالفه المهم احنه نروح نطلع اصلو من فصلو ونجي

- هاااا مخبر سري يعني هيج ،،، ولشوكت تضل هيج تشتغل محلو هالشغل ايوب

- والله ادري محلو بس موبيدي انا ليمتى مايعفوني
من هالشغل انا اتركو

- الله كريم

- يولو هسه تصافينا موو

- ههههه اييي تصافينا

- عجل كومي نطلع محاضره وراحت علينه شنسوي ساعتين هينه كومي ناخذلنه فره

- هههههههه وين نروح يعني

- المتنبي ترحين ؟؟؟

- ااه صددك هسه !!

- ايييه بعد وكت انا اريد اروح اجيب مصدر كالولي عليه نروح ندورو سوه هااا شتكولين
نتوكل ؟؟؟

- مو اخاف نتاخر يعني مادري خايفه

- بحمايتي انتي يولو امشي وماعليج بالدنيا
اخذي غراضج ويلا انا قررت نروح يعني نروح

- ههههه مانعترض سيدي

- يولو السانج ااااخ شيخلصني بعد

- نسيت نسيت اتشاقه والله
.
.
طلعنا هالمره لوحدنا فرحانه ومرتبكه اخاف احد يشوفنا سوه من اهلي هو انتبه مرتبكه لزم ايدي
وشابكت اصابعنه واحنه كاعدين بالمنشأه ويهمسلي
اطمئني مدامج وياي الدنيا لاتهمج ....

وفعلاً خف توتري ونسيت كلشي وضليت بعالمي وياه وصلنا لشارع الرشيد وضلينه نمشي وهو يحجيلي على كل مكان من هذني وشنو تاريخه ومواقفه بيهن

والضحكه مافاركته طول طريقنه ... اني اكصر وانعم منه بهووواي فمن يصير ازدحام بالمكان الواكفين بي يحاوطني بايده اصير كلش قريبه منه وضايعه بجسمه

هو يضحكلي وعينه على الناس حتى لاحد يطخني
دخلنا شارع المتنبي وهو يمشيني كدامه ومثل الحارس وياي ... نوكف على كل واحد عنده كتب وهو يكلي اختاري الي على ذوقج ...

من طبعي احب اكلب بهواي انواع وبعدين يله اقرر وكل واحد افتحه اكله هذا هيج وهيج ... اكو هواي قاريتهن ومنهن سامعه عنهن فمااروحلهن اصلاً

اكو كتاب ماحب طريقتهم بالسرد فمااكلب اي كتاب الهم .... جنت سامعه بكتاب
"مائه عام من العزله "
ولكيته راساً شهكت وكتله ....

- ايوب لكيته لكيته
- شنو ياهوه
- هذا كتاب ماركيز اموووت على هالكاتب حباب
جيبلي هذاك مال مائه عام من العزله
- هااج خوفتيني عبالي شو شفتي ... شسوين
بالعزله يولو
- لاااا هذا كتاب اكتشاف قريه واحداثه حلوه
هذا ميه عام لعائله وحده مو عزله وكئابه .. رجاءاً
ويه ماركيز لتناقشني
- هاهيه ياابه شحجينه عليه هسه ... بعدين لاتكلين
ماركيز كول اسم الكتاب وبس
- لييش !!!
- يولو تجذبين العين بحرفج هاذ لاتخلين غيري يسمعو
- ههههههههههه اوووف منك .. شسوي يعني هو
هيج والله مااتصنعه
- ول يابه ادري والله ادري بس انا ماريد احد ينتبه
على شفايفج من تنطقي هو انا مصبر روحي كوه
عجل همه شلون
- شنو شتقصد يعني مفهمت يعني تضحك عليه
- اووف ربي امشي يابه امشي هسه لو اشرح للصبح مو يمج السالفه
- ههههههههه مفهمت بس ضحكتني بضوجتك هاي
ههههههههههههه
- نيااال كلبي على فطاريتج

كملنه مشي والافرع صغار وضيقات كلش والناس
واحد يصير بوجهه الثاني وهو شعرج ديري من هالجهه قميصج عدلي وان شاف واحد يباوع على
رجلي يجي يوكف بصفي ويغزره هذاك يفلت ...

- هالتنوره اشكهه عليج ان لبستيه النوب
انا صوجي مطلعج بهاللبس اكلتج العالم يولو
هاي شلون ترجعين كل يوم وحدج هيييج

- هسه بس اني لابسه هاي مو كل البنات هيج
يعني وين عدنا وحده لابسه طويل لاتحجي عليه
عفيه مابي شي لبسي

- ااااوووووف انا مو مفهمج السالفه مو باللبس
السالفه انتي صغيرونه وناعمه تجذبين العين

- ههههههه والله اذا تعرف فد طريقه تسمني حتى
ميباوعون عليه ياريت تكلي

- ههههههه يولو ههههه اااخ لو بس افهم اناا شلون
اكضيهه وياج والله احترك بدمي من بره طولج هاذ
انا ادري شيسمنج ومجايبو

- لاتعب نفسك قبلك بيبي حاولت ومالكت شي
اني هيج جسمي مايسمن عوفني هيج خفيفه بمشيي مو سمينه اختنك غير

- عجل هو انا شحارك شبابي غير خفيتج هاي
شعرج بعد ترفعيه ممنوع تضفري هيج

- شنوو السالفه هسه احنه ندور كتب لو نتعارك
بالشعر واللبس

- عوفي الكتب واللبس تعاي دحجي هالرمان الاحمر امشي ناكل منو

رحنا على ابو عربانه خشبيه بالركن وبيهه صينيه
عليهه تل رمان احمرر يلمع ويفتح النفس ...
حطلنه بكاسات وياه خاشوكه وضلينه ناكل واحنه
واكفين ... طعمه حلو وحامض ايوب اخذ ثانيه
واني بعدني بالاولى يكلي اكلي بسرعه واني صافنه بوجهه وضحكته واشوف الناس كلهه ملتهيه
باشغالهه واحنه سوه بينهم تمنيت هاليوم ميخلص
واضل بحريتي بين العالم وياه ......

فرينا اثار المدرسه ورحنه على الرسامين ...
وللقشله ضلينه كاعدين هناك بالكاع لان المكان
ازدحاام وكلهه محتله اماكن الكعده ....

- مرتاحه ؟

- اكيييد مرتاحه واتمنى هاليوم مايخلص

- واناا مرتاح وفرحااان احس بحريتي وياج