#ثأر_الضابط

ﺍﻟﺠﺰﺀ ﺍﻻﻭﻝ

#بارت٣١

ﻣﺎﻳﺤﺘﺎﺝ ﺍﮔﻠﺞ ﻣﻦ ﻣﺸﻴﺘﻲ ﺍﺷﺼﺎﺭ ?
ﻫﻮ ﺍﻟﺪﻣﻊ ﻳﺤﺠﻴﻠﺞ ﺗﻔﺎﺻﻴﻠﻲ
ﻋﺮﻓﺘﺞ ﺭﺣﺘﻲ ﻣﻦ ﺻﺎﺭﺕ ﺍﻟﺪﻧﻴﻪ ﻏﺮﻭﺏ
ﻣﻦ ﭼﻔﺞ ﻧﺴﺎﻧﻲ ﻭﻣﺎﺩﻋﻴﺘﻴﻠﻲ
ﻣﻦ ﺻﻮﺕ ﺍﻟﻬﻼﻫﻞ ﺩﮒ ﻋﻠﻴﻪ ﺍﻟﺒﺎﺏ
ﻣﻦ ﺍﺣﻤﺮ ﺍﺷﻔﺎﻓﺞ ﺍﺧﺬ ﻛﻞ ﺣﻴﻠﻲ
ﻣﻦ ﺻﺎﺭﺕ ﺍﺷﻔﺎﻓﺞ ﺑﺎﻟﻮﺩﺍﻉ ﻋﻴﻮﻥ
ﺗﺪﺭﻱ ﺑﻔﺸﻠﺘﻲ ﻭﺗﺨﺎﻑ ﺗﺤﺠﻴﻠﻲ
،،،،،،،،،،،،،،،،،،

،،،،،،،،،،،،،،
ﺭﺍﻫﺐ، ،ﺑﺎﺟﺮ ﻋﻴﺪ ﻭﺍﻟﮕﻠﻮﺏ ﺗﺘﺼﺎﻓﺊ ﺑﺎﻟﻌﻴﺪ
ﺍﺫﺍ ﺍﺗﺤﺒﻴﻨﻲ ﻭﺍﻟﻲ ﺧﺎﻃﺮ ﻳﻤﺞ ﻋﻴﺪﻳﺘﻲ ﺗﺴﺎﻣﺤﻴﻨﻲ
ﻻﺭﺍ،،ﺗﺮﻛﻨﻲ ﻭﻃﻠﻊ ﮔﻌﺪﺕ ﺟﺴﻤﻲ ﻳﺮﻋﺶ
ﺍﺟﺘﻨﻲ ﺭﺳﺎﻟﻪ ﻣﻨﻪ
ﺭﺍﻫﺐ،،ﻧﺴﻴﺖ ﺍﮔﻠﺞ ﺍﺫﺍ ﮔﻠﺒﺞ ﺣﻦ ﺍﺭﻳﺪ ﺍﺷﻮﻓﺞ ﺑﺎﺟﺮ ﺑﻬﺬﺍ ﺍﻟﺴﻴﺖ
ﻻﺭﺍ،،ﺑﻘﻴﺖ ﺻﺎﻓﻨﻪ ﻉ ﺍﻟﺮﺳﺎﻟﻪ ﻭﺑﮕﻠﺒﻲ ﺍﮔﻮﻝ ﻫﻮ ﺍﻧﻲ ﺍﻭﮔﻒ ﻳﻤﻪ ﺑﻬﺪﻭﻣﻲ ﺍﮔﻮﻡ ﺍﺭﺟﻒ ﺍﻧﻮﺏ ﻳﺮﻳﺪ ﺍﻟﺒﺴﻠﻪ ﻣﺸﺨﻠﻊ
ﺛﺎﻧﻲ ﻳﻮﻡ ﺻﺒﺢ ﺍﻟﻌﻴﺪ ﮔﻌﺪﻧﻪ ﻣﻦ ﻭﻛﺖ ﻧﺰﻝ ﻻﺑﺲ ﺩﺷﺪﺍﺷﻪ ﺑﻴﺠﻲ ﻻﻑ ﺍﻟﻐﺘﺮﺓ ﻟﻔﻪ ﺧﻠﻴﺠﻴﻪ
ﺑﺪﻭﻥ ﻭﻋﻲ ﻓﺘﺤﺖ ﺣﻠﮕﻲ
ﻫﻴﺒﻪ ﻭﺷﺨﺼﻴﻪ ﺑﻜﻞ ﻣﻌﻨﺊ ﺍﻟﻜﻠﻤﻪ
ﺍﺗﻼﺣﮕﺖ ﺭﻭﺣﻲ ﺩﺭﺕ ﻭﺟﻬﻲ
ﺍﺟﻪ ﺟﺮ ﺭﺍﺳﻲ ﮔﺪﺍﻡ ﺍﻫﻠﻪ ﺑﺎﺳﻨﻲ
ﺭﺍﻫﺐ،،ﺍﻟﻤﻔﺮﻭﺽ ﺍﻧﺘﻲ ﺗﻌﻴﺪﻳﻨﻲ
ﺑﺲ ﻳﺎﺍﻟﻠﻪ ﻣﻴﺨﺎﻟﻒ ﺍﻧﺘﻲ ﺍﻟﺠﺒﻴﺮﺓ
ﺍﻳﺎﻣﺞ ﺳﻌﻴﺪﺓ ﺍﻡ ﺑﻴﺘﻲ
ﻻﺭﺍ،،ﻋﺎﻳﺪﺗﻪ ﻣﻦ ﺑﻌﻴﺪ ﮔﺘﻠﻪ ﺍﻳﺎﻣﻚ ﺳﻌﻴﺪﺓ ﻣﺪ ﺍﻳﺪﻩ ﮔﺎﻝ ﺳﻠﻤﻲ
ﻭﺑﻮﺳﻴﻨﻲ ﻣﻮ ﺍﺗﺸﻤﺮﻳﻦ ﺍﻟﺤﺠﺎﻳﻪ ﻣﻦ ﺑﻌﻴﺪ
ﻣﺪﻳﺖ ﺍﻳﺪﻱ ﺻﺎﻓﺤﺘﻪ ﺟﺮﻧﻲ ﺭﺩﺕ ﺍﺑﻮﺳﻪ ﺑﺨﺪﺓ
ﺍﻟﺘﻔﺖ ﻓﺠﺎﺓ ﺍﺟﺖ ﺍﻟﺒﻮﺳﻪ ﺑﺸﻔﺎﻳﻔﻪ ﮔﺪﺍﻣﻬﻢ
ﺭﺩﺕ ﺍﻃﮕﻬﺎ ﺑﺠﻴﻪ ﺿﺮﻏﺎﻡ ﻳﺼﻴﺢ ﻣﻮﮔﺪﺍﻣﻨﻪ ﺧﺎﺍﻝ
ﻭﻫﻮ ﻳﻀﺤﻚ ﻭﻳﻐﻤﺰﻟﻲ ﻳﮕﻠﻪ ﺗﻮﻧﻲ ﺣﺴﻴﺖ ﺍﻛﻮ ﻋﻴﺪ
ﺑﺪﻭ ﻳﺠﻮﻥ ﺟﻴﺮﺍﻥ ﺍﻟﺤﺠﻴﻪ ﻳﻌﻴﺪﻭﻫﺎ ﻭﻣﻦ ﺿﻤﻨﻬﻢ ﺍﻡ ﻗﺎﺳﻢ ﻋﺮﻓﻨﻪ ﻣﻨﻬﺎ ﺍﺗﺤﺪﺩ ﻣﻮﻋﺪ ﺍﻟﻌﺮﺱ ﺑﻌﺪ ﻋﺸﺮ ﺍﻳﺎﻡ
ﺳﺎﺭﺓ ﻣﺎﺍﺟﺖ ﻻﻥ ﺍﻣﻬﺎ ﻳﺠﻮﻫﺎ ﺧﻄﺎﺭ ﻳﺘﺤﻤﺪﻭﻟﻬﺎ ﻉ ﺍﻟﺴﻼﻣﻪ ﺑﻌﺪ ﺭﺟﻌﺘﻬﺎ ﻣﻦ ﺍﻳﺮﺍﻥ ﻭﺭﺣﻠﺔ ﻋﻼﺟﻬﺎ
ﺍﺗﺼﻠﺖ ﺑﻴﻬﺎ ﻋﺎﻳﺪﺗﻬﺎ ﻭﻋﺎﻳﺪﺕ ﺍﻫﻠﻲ
ﺍﺗﻤﻨﻴﺖ ﺍﺭﻭﺡ ﺑﺲ ﺭﺍﻫﺐ ﮔﺎﻝ ﺍﺧﺬﺝ ﻭﺭﺓ ﺍﻟﻌﻴﺪ
،،،،،،،،،،
ﺳﺎﺭﺓ
ﺍﺗﺤﺪﺩ ﻣﻮﻋﺪ ﺍﻟﺰﻭﺍﺝ ﻭﮔﻠﺒﻲ ﻣﻦ ﺍﻟﻔﺮﺡ ﺻﺎﻳﺮ ﻳﺪﮒ ﻣﻮﺯﻳﻘﻪ ﻭﺍﺧﻴﺮﺍ ﺭﺍﺡ ﻳﺠﻤﻌﻨﻪ ﺑﻴﺖ ﻭﺍﺣﺪ ﺍﺗﻤﻨﺊ ﺍﮔﺎﺑﻠﻪ ﻭﺍﮔﻌﺪ
ﺣﻤﺪﺕ ﺍﻟﻠﻪ ﻭﺷﻜﺮﺗﻪ ﺍﻟﻒ ﻣﺮﺓ ﺍﻧﻮ ﺣﺼﻠﺖ ﻋﻠﺊ ﺍﻟﺸﺨﺺ ﺍﻟﺤﺒﻴﺘﻪ ﻃﻮﻝ . ﻋﻤﺮﻱ ﻭﺍﻧﺪﻋﻴﺖ ﺍﻟﻜﻞ ﺍﺑﻨﻴﻪ ﺗﻨﺠﻤﻊ ﺑﺎﻟﺸﺨﺺ ﺍﻟﻲ ﺍﻣﺘﻠﻚ ﮔﻠﺒﻬﺎ
ﺑﺎﺟﺮ ﻋﻴﺪ ﻣﺘﺖ ﻗﻬﺮ ﻻﻥ ﻣﺎﺭﺍﺡ ﺍﺭﻭﺡ ﺍﻟﺒﻴﺖ ﻋﻤﺘﻲ ﻭﺍﻛﺤﻞ ﻋﻴﻨﻲ ﺑﺸﻮﻓﺘﻪ ﻻﻥ ﻣﺎﻣﺎ ﺭﺟﻌﺖ ﻣﻦ ﺍﻟﺴﻔﺮ ﻭﻧﺎﺱ ﺗﺠﻲ ﺗﺸﻮﻓﻬﺎ
ﺑﻠﻴﻞ ﻛﺎﻋﺪﺓ ﺑﻐﺮﻓﺘﻲ ﻣﺨﻠﻴﻪ ﺻﻮﺭﺗﻪ ﺧﻠﻔﻴﻪ ﺍﺭﺑﻌﻪ ﻭﻋﺸﺮﻳﻦ ﺳﺎﻋﻪ ﻣﻜﺎﺑﻠﺘﻬﺎ ﻟﻮ ﮔﺪﺍﻣﻲ ﻫﻮ ﺑﺎﻟﺤﻘﻴﻘﻪ ﺟﺎﻥ ﺻﺎﺍﺡ ﻛﺎﺍﺍﻓﻲ ﻭﺭﻣﺘﻲ ﻭﺟﻬﻲ ﻣﻦ ﺑﻮﺳﺎﺗﺞ
ﺍﺟﺎﻧﻲ ﺍﺷﻌﺎﺭ ﻉ ﺍﻟﻔﻴﺲ ﺩﺧﻠﺖ ﺷﻔﺘﻪ ﻧﺎﺷﺮ ﺻﻮﺭﺗﻪ
ﻻﺑﺲ ﺑﻨﻄﺮﻭﻥ ﺍﺳﻮﺩ ﻭﻗﻤﻴﺺ ﺍﺑﻴﺾ ﻛﺎﻋﺪ ﺑﺎﻟﺴﻴﺎﺭﺓ ﻓﺎﺗﺢ ﺍﻟﺒﺎﺏ ﻭﻣﺨﻠﻲ ﺭﺟﻞ ﺑﺎﻟﮕﺎﻉ
ﺍﻟﺼﻮﺭﺓ ﻛﻠﺶ ﺣﻠﻮﺓ ﺍﺷﺘﻐﻠﺖ ﺍﻟﺘﻌﻠﻴﻘﺎﺕ ﻭﺍﻛﺜﺮﻫﻦ ﺑﻨﺎﺕ ﻫﺎﻱ ﺍﻟﺘﮕﻠﻪ ﻣﻨﻮﺭ ﻭﺫﻳﺞ ﺗﺘﻐﺰﻝ ﺑﻬﻴﺒﺘﻪ ﻭﺷﺨﺼﻴﺘﻪ
ﺍﻭﺣﺪﺓ ﺍﺗﮕﻠﻪ ﻓﺪﻳﺖ ﺍﻟﻄﻮﻝ ﺍﻟﺤﻠﻮ
ﻭﻫﻮ ﻳﺠﺎﻭﺑﻬﺎ ﻣﻮﺑﺤﻼﺓ ﻋﻴﻮﻧﺞ
ﺍﺣﺲ ﺍﻟﺪﺧﺎﻥ ﺻﺎﺭ ﻳﻄﻠﻊ ﻣﻦ ﺭﺍﺳﻲ ﻟﻮﻳﻤﻲ ﺍﻣﻠﺨﻬﻦ ﻭﺣﺘﺊ ﻫﻮ ﺍﻋﻀﻪ ﻋﻠﺊ ﺣﺮﮔﺔ ﮔﻠﺒﻲ
ﺩﺧﻠﺘﻠﻪ ﻉ ﺍﻟﺨﺎﺹ
ﻗﺎﺳﻢ ﺍﺣﺬﻑ ﺍﻟﺼﻮﺭﺓ
ﻗﺎﺳﻢ،،ﻫﻠﻪ ﺑﺨﺘﻴﺒﺘﻲ ﺍﻟﻴﻮﻡ ﺩﺍﺧﻠﻪ ﺣﺎﻣﻴﻪ ﺍﻟﻠﻪ ﻳﺴﺘﺮ
ﺳﺎﺭﺓ،،ﻗﻮﻳﺴﻢ ﺷﻴﻞ ﺍﻟﺼﻮﺭﺓ ﻻﺍﺷﻴﻞ ﺭﻭﺣﻲ ﻭﺍﻃﮕﻬﺎ ﺑﺎﻟﮕﺎﻉ
ﻗﺎﺳﻢ،،ﺍﺷﺘﻌﻠﺖ ﺻﻔﺤﺔ ﺍﺑﻮ ﺍﻟﺼﻮﺭﺓ ﻏﻴﺮ ﺍﻓﻬﻢ ﺷﻜﻮ ?
ﺳﺎﺭﺓ،،ﺍﺣﺬﺫﺫﻑ ﺍﻟﺼﻮﺭﺓ
ﻗﺎﺳﻢ،،ﺷﻜﻮﻭﻭ
ﺳﺎﺭﺓ، ،ﮔﺘﻠﻚ ﺍﺣﺬﺫﻑ ﺍﻟﺼﻮﺭﺓ
ﻗﺎﺳﻢ،،ﻏﻴﺮ ﺍﻓﻬﻤﻢ ﺷﻜﻮﻭ
ﺳﺎﺭﺓ،،ﺣﺘﺨﻠﺼﻬﺎﺍ ﺷﻜﻮﻭﻭ ﻭﺷﻜﻮﻭ
ﺑﻌﺪ ﻫﻮﺱ ﻋﻠﺊ ﺣﻀﻲ ﻭﺍﺭﮔﺺ ﻋﻠﺊ ﺍﻧﺸﻘﺎﻗﺎﺕ ﺍﻟﺼﻒ ﺍﻟﻨﺴﻮﻱ
ﻗﺎﺳﻢ،،ﻏﻴﺮ ﺍﻓﻬﻢ ﺷﻜﻮ ﻳﺎﺣﺒﻴﺒﺘﻲ
ﺷﻮ ﺍﻟﺼﺒﺢ ﺟﻨﺞ ﺍﻟﻌﺎﻓﻴﻪ ﻛﻠﺸﻲ ﻣﺎﺑﻴﺞ ﻭﺍﺫﻛﺮ ﻣﻦ ﺍﺗﺼﻠﺖ ﺑﻴﺞ ﺟﺎﻧﺖ ﺍﻻﺟﻮﺍﺀ ﺑﻴﻨﺎﺗﻨﻪ ﻭﺭﺩﻳﻪ
ﺍﻛﻴﺪ ﺍﺗﺤﺴﺒﻴﻦ ﺍﻻﻳﺎﻡ ﺣﺘﺊ ﻧﻨﺠﻤﻊ ﺑﻌﺸﻨﻪ ﺍﻟﺰﻭﺟﻲ
ﺳﺎﺭﺓ،،ﻫﺴﻪ ﺍﺗﮕﻠﻲ ﺷﻜﻮ ﺍﺑﺎﺍﻟﻚ ?
ﻗﺎﺳﻢ،،ﺑﺎﻟﺮﺿﺎ ﻭﺑﺎﻟﺨﻮﻑ ﺑﺲ ﺍﻧﺘﻲ ﺍﺑﺎﻟﻲ ﻭﻣﺎﻛﻮ ﺍﺣﺪ ﻏﻴﺮﺝ ﺑﺲ ﻓﻬﻤﻴﻨﻲ ﺷﻜﻮ ?
ﺳﺎﺭﺓ،،ﻫﺴﻪ ﺍﺗﺸﻴﻞ ﺍﻟﺼﻮﺭﺓ
ﻗﺎﺳﻢ،،ﻫﺎﻱ ﺻﻮﺭﺓ ﻭﻃﻠﻌﺖ ﺟﺬﻭﺭﺝ ﺍﻟﺸﺮﻳﺮﺓ ﻟﻮﻣﻌﻠﻖ ﺷﺘﺴﻮﻳﻦ ?
ﺳﺎﺭﺓ،،ﺍﻳﺒﺎﺍﺍﻩ ﻋﻠﺊ ﺍﺳﺎﺱ ﻣﺎﻣﺠﺎﻭﺑﻬﻦ
ﻓﺪﻭﻭﻭﻩ ﺍﻟﻄﻮﻟﻚ ﺍﻟﺤﻠﻮ ﻭﺍﻧﺘﻪ ﻣﺠﺎﻭﺑﻬﺎ ﻣﻮﺑﺤﻼﺓ ﻋﻴﻮﻧﺞ
ﺍﺍﻧﺘﻪ ﻭﻳﻦ ﺷﺎﻳﻒ ﻋﻴﻮﻧﻬﺎ ﺣﺘﺊ ﺗﺘﻐﺰﻝ ﺑﻴﻬﺎ ﺍﺑﻮ ﺍﻟﻨﺴﻮﺍﻥ
ﻗﺎﺳﻢ،،ﺗﺮﺓ ﻫﻲ ﻛﻠﻤﺔ ﺍﻟﺘﻨﮕﺎﻝ ﺟﺎﻭﺑﺖ ﺍﻻﺑﻨﻴﻪ ﻣﺎﻛﺘﻠﻬﺎ ﺟﺎﻱ ﺍﺧﻄﺒﺞ
ﺳﺎﺭﺓ،،ﺑﻨﻀﺮﻱ ﮔﺘﻠﻬﺎﺍ
ﻗﺎﺳﻢ،،ﻫﺎﺍﺍ
ﺳﺎﺭﺓ،،ﺍﻟﻄﻢ ?
ﻳﺎﻟﻠﻪ ﺭﻭﺡ ﺷﻴﻞ ﺍﻟﺼﻮﺭﺓ
ﻗﺎﺳﻢ، ،ﻣﺎﺍﺷﻴﻠﻬﺎ ﻭﺗﻌﻠﻴﻘﻲ ﻭﺍﻧﻲ ﺣﺮ
ﻭﺑﻌﺪﻳﻦ ﺍﻟﺪﺳﺘﻮﺭ ﻳﻜﻔﻞ ﻟﻠﻤﻮﺍﻃﻦ ﺣﺮﻳﺔ ﺍﻟﺘﻌﺒﻴﺮ
ﺳﺎﺭﺓ،،ﻫﺴﻪ ﺗﺤﺬﻓﻬﺎ
ﻗﺎﺳﻢ،،ﻓﺸﻠﻪ ﻗﺒﻞ ﺳﺎﻋﻪ ﺧﻠﻴﺘﻬﺎ
ﻭﺑﻌﺪﻳﻦ ﺍﺫﺍ ﻣﺎﺳﻜﺘﻲ ﺍﺧﺬﻫﺎ ﻋﻠﻴﺞ ﻻﻥ ﺍﻟﺸﺮﻉ ﻣﺤﻠﻞ ﺛﻼﺙ ﻭﺭﺑﺎﻉ ﻭﺍﻧﻲ ﺭﺟﺎﻝ ﺧﻴﺮ ﻣﺘﺪﻳﻦ ﻣﺎﺍﺗﺮﻙ ﻓﺮﺽ ﻣﻦ ﻓﺮﻭﺽ ﺍﻟﺪﻳﻦ ﻭﻣﻄﺒﻘﻬﻦ ﺑﺎﻟﺤﺮﻑ ﺍﻟﻮﺍﺣﺪ
ﺳﺎﺭﺓ،،ﺍﻟﻴﺴﻤﻌﻚ ﻣﺎﻳﮕﻮﻝ ﺿﺎﻡ ﺍﻟﺒﻄﻞ ﺟﻮﺓ ﺍﻟﺠﺮﺑﺎﻳﻪ ﺍﺑﻮ ﺍﻟﺪﻳﻦ ﻭﺑﻌﺪﻳﻦ ﺻﻮﻡ ﻋﺪﻝ ﻳﺎﺍﻟﻠﻪ ﺗﺤﺠﻲ ﺑﺎﻟﺪﻳﻦ
ﻗﺎﺳﻢ،،ﺍﺷﺒﻲ ﺍﺻﻴﺎﻣﻲ ﻭﻟﺞ ?
ﺳﺎﺭﺓ،،ﻝ 12 ﻭﺍﺗﻀﻞ ﺍﺗﻔﻚ ﺑﺤﻠﻜﻚ ﻋﺒﺎﻟﻚ ﻋﺼﻔﻮﺭ ﻫﺎﻓﻲ ﺑﻤﺼﻴﺎﺩﺓ
ﻭﺑﻌﺪﻳﻦ ﻣﺎﺑﻴﻚ ﺣﻴﻞ ﺍﺗﻜﻤﻞ ﺻﻴﺎﻣﻚ ﻟﻠﻤﻐﺮﺏ ﺑﺲ ﺑﻴﻚ ﺣﻴﻞ ﺗﺎﺧﺬ ﻣﺮﺓ ﺛﺎﻧﻴﻪ ?
ﻗﺎﺳﻢ،،ﺍﻟﻤﻬﻢ ﺍﻟﻨﻴﻪ ﻣﻌﻠﻴﺞ ﺑﺎﻟﺼﻮﻡ
ﻭﺍﺫﺍ ﻳﺒﻘﺊ ﻫﻴﺞ ﺍﻟﺴﺎﻧﺞ ﺍﺧﺬﻫﻦ ﻛﻠﻬﻦ ﻓﻮﻛﺞ
ﺳﺎﺭﺓ،،ﺍﺑﻮ ﺍﻟﺸﺮﻉ ﺷﻴﻞ ﺍﻟﺼﻮﺭﺓ ﻣﻦ ﺷﺎﻟﻮ ﺍﺟﻨﺎﺯﺗﻲ ﻛﻮﻥ
ﻗﺎﺳﻢ،،ﻟﺶ ﺣﺒﻴﺒﺘﻲ ﺗﺪﻋﻴﻦ ﻋﻠﺊ ﺭﻭﺣﺞ ﻭﺑﺎﺟﺮ ﻋﻴﺪ ﻣﺎﻓﻜﺮﺗﻲ ﺷﺼﻴﺮ ﺑﻴﻪ ﺍﺫﺍ ﺍﻧﺘﻲ ﺍﺗﻤﻮﺗﻴﻦ ?
ﺳﺎﺭﺓ،،ﻣﺎﻳﺼﻴﺮ ﺑﻴﻚ ﺷﻲ ﻋﻨﺪﻙ ﺛﻼﺙ ﻭﺭﺑﺎﻉ ﻏﻴﺮﻱ
ﻗﺎﺳﻢ،،ﺻﺢ ﺫﻛﺮﺗﻴﻨﻲ
ﺳﺎﺭﺓ،،ﻳﻌﻨﻲ ﻣﺎﻟﻚ ﻧﻴﺔ ﺗﺸﻴﻞ ﺍﻟﺼﻮﺭﺓ ?
ﻗﺎﺳﻢ،،ﺍﻟﻲ ﻧﻴﻪ ﺍﮔﻀﻲ ﺍﻟﻌﻤﺮ ﻛﻠﻪ ﻭﻳﺎﺝ ،ﻧﻴﺘﻲ ﻣﻦ ﺍﻓﺘﺢ ﻋﻴﻨﻲ ﺍﻟﺼﺒﺢ ﺍﺷﻮﻓﺞ ﺍﻛﺒﺎﻟﻲ
ﺻﺪﮔﻴﻨﻲ ﺍﺣﺒﺞ ﺍﻧﺘﻲ ﺭﻭﺣﻲ ﻭﺣﻴﺎﺗﻲ ﻭﻗﺎﺭﺏ ﻳﺴﺎﻓﺮ ﺑﻴﻪ ﻻﺟﻤﻞ ﺷﻮﺍﻃﺊ

ﻭﺍﻭﻋﺪﺝ ﻣﻦ ﻫﻠﻠﺤﻀﻪ ﺣﺘﺊ ﺍﻟﻔﻴﺲ ﺭﺍﺡ ﺍﺣﺬﻓﻪ ﻣﺎﺍﺭﻳﺪﺝ ﺗﻔﻘﺪﻳﻦ ﺍﻟﺜﻘﻪ ﺑﻴﻪ
ﺳﺎﺭﺓ،،ﺷﻴﻞ ﺍﻟﺼﻮﺭﺓ ﻭﺑﻌﺪﻳﻦ ﺍﺣﺬﻑ ﺍﻟﻔﻴﺲ
ﻗﺎﺳﻢ،،ﻃﻴﺢ ﺍﻟﻠﻪ ﺻﺒﻐﺞ ﻋﺒﺎﻟﻲ ﺍﺗﻜﻮﻝ ﻟﺘﺤﺬﻓﻪ
ﺻﺎﺭ ﺳﺎﻋﻪ ﺳﺤﻠﺖ ﺭﻭﺣﻲ ﺑﺎﻟﻐﺰﻝ ﻭﺍﻧﺘﻲ ﻗﺎﻓﻠﻪ ﻉ ﺍﻟﺼﻮﺭﺓ ﺍﻟﮕﺸﺮﺓ
ﺳﺎﺭﺓ،،ﺷﻴﻞ ﺍﻟﺼﻮﺭﺓ ﺍﺣﺴﻦ ﺍﻟﻚ
ﻗﺎﺳﻢ،،ﺷﻠﺘﻬﺎ ﺍﻟﺼﻮﺭﺓ ﺍﻟﻤﻬﺠﻮﻣﻪ ﻣﻦ ﺍﻧﻬﺠﻤﺖ ﻋﻠﺊ ﺭﺍﺳﺞ ﻛﻮﻥ
ﺳﺎﺭﺓ،ﺍﺣﺒﻚ ﺣﺒﻴﺒﻲ
ﻗﺎﺳﻢ،،ﺧﺒﻠﻪ ﻭﺍﻟﻜﻌﺒﻪ
،،،،،،،،،،،
ﻻﺭﺍ،،ﺍﻧﺘﻬﺊ ﺍﻟﻌﻴﺪ ﻭﺍﻗﺘﺮﺏ ﻣﻮﻋﺪ ﺯﻭﺍﺝ ﺳﺎﺭﺓ ﻭﻗﺎﺳﻢ ﺍﻟﻴﻮﻡ ﺛﻼﺛﺎﺀ ﺑﺎﺟﺮ ﺍﻟﺤﻨﻪ ﻭﺍﻟﺨﻤﻴﺲ ﺍﻟﺰﻓﻪ
ﺭﺍﻫﺐ ﺍﺧﺬﻧﻪ ﺍﻧﻲ ﻭﻓﺎﻃﻤﻪ ﺍﻟﺸﺎﺭﻉ ﺍﻟﺮﻭﺍﻥ ﻓﺎﻃﻤﻪ ﮔﺎﻟﺖ ﻣﻼﺑﺲ ﺑﻲ ﻛﻠﻬﺎ ﺭﺍﻗﻴﻪ ﻭﺣﻠﻮﺓ
ﻋﺠﺒﻨﻲ ﻓﺴﺘﺎﻥ ﺯﻳﺘﻮﻧﻲ ﻗﺼﻴﺮ ﻟﻠﻔﺨﺬ ﺣﺼﺮ ﻉ ﺍﻟﺠﺴﻢ
ﻭﺑﻲ ﻓﻴﻜﺔ ﺗﺘﺸﻜﻞ ﻓﻮﮔﺔ ﺗﺨﻠﻲ ﻳﺒﻴﻦ ﻣﻨﻔﻮﺵ
ﻛﻠﺶ ﻣﺮﺗﺐ ﺍﺧﺬﺕ ﺣﺬﺍﺀ ﻭﺟﻨﻄﻪ ﻭﻛﻢ ﺷﻐﻠﻪ
ﻓﺎﻃﻤﻪ ﺍﺧﺬﺕ ﻓﺴﺘﺎﻥ ﻣﺤﺠﺒﺎﺕ ﻟﻮﻥ ﺷﺬﺭﻱ
ﺭﺍﻫﺐ ﻗﺒﻞ ﻣﻨﺪﺧﻞ ﻟﻠﻤﺤﻞ ﺍﻧﻄﺎﻧﻪ ﻛﻞ ﻭﺣﺪﺓ ﺛﻠﺚ ﻭﺭﻗﺎﺕ ﻻﻥ ﻓﺎﻃﻤﻪ ﮔﺎﻟﺖ ﺷﺎﺭﻉ ﺍﻟﺮﻭﺍﻥ ﻣﻌﺮﻭﻑ ﻏﺎﻟﻲ ﻣﻼﺑﺴﻪ ﻛﻠﻬﺎ ﻏﺎﻟﻴﻪ ﻭﺍﻧﻲ ﺍﺻﻼﻥ ﻣﺎﺭﺩﺕ ﺍﺧﺬﻫﻦ ﻋﻨﺪﻱ ﺍﻓﻠﻮﺱ ﻻﻥ ﻣﺎﺻﺎﺭﻓﺘﻬﻦ ﻻﻃﺎﻟﻌﻪ ﻭﻻﻣﺎﺷﻴﻪ ﻭﻳﻦ ﺍﺻﺮﻓﻬﻦ
ﻛﻤﻠﻨﻪ ﻭﻃﻠﻌﻨﻪ ﺭﺍﻫﺐ ﻳﻨﺘﻀﺮﻧﻪ ﺍﺑﺎﺏ ﺍﻟﻤﺤﻞ ﻻﻥ ﺑﺲ ﺑﻨﺎﺕ ﻣﺎﺩﺧﻞ ﻭﻳﺎﻧﻪ
ﺛﺎﻧﻲ ﻳﻮﻡ ﺻﺎﺩﻑ ﺍﻟﺤﻨﻪ ﻭﺍﻡ ﺳﺎﺭﺓ ﺳﻮﺗﻬﺎ ﺑﺎﻟﻘﺎﻋﻪ ﻻﻥ ﻋﺎﺯﻣﻪ ﺍﻫﻮﺍﻱ ﻧﺴﻮﺍﻥ
ﺍﻟﻀﻬﺮ ﺳﺒﺤﺖ ﻭﺳﺮﺣﺖ ﺷﻌﺮﻱ ﺧﻠﻴﺖ ﻣﻜﻴﺎﺝ ﺧﻔﻴﻒ
ﺟﺮﻳﺖ ﻋﻴﻮﻧﻲ ﺑﺎﻟﻜﺤﻠﻪ ﺭﺳﻤﺘﻬﻦ ﺑﺮﺯ ﻟﻮﻧﻬﻦ ﻭﻳﻪ ﺳﻮﺍﺩ ﺍﻟﻜﺤﻞ
ﺑﺎﻭﻋﺖ ﺍﻟﺮﻭﺣﻲ ﺑﻨﻀﺮﺓ ﺭﺿﺎ ﺭﺩﺕ ﺍﻟﺒﺲ ﺣﺠﺎﺑﻲ
ﺣﺘﺊ ﻧﺮﻭﺡ ﺍﻟﻤﺮﺓ ﻋﺎﺯﻣﻪ ﻉ ﺍﻟﺴﺎﻋﻪ 3 ﻭﻧﺺ ﻭﻫﺴﻪ ﺏ 3
ﺳﻤﻌﺖ ﺻﻮﺕ ﻣﻮﺑﺎﻳﻠﻲ ﺷﻔﺘﻪ ﺭﺍﻫﺐ ﻳﺘﺼﻞ ﺟﺎﻭﺑﺘﻪ
ﺭﺍﻫﺐ،،ﺍﺫﺍ ﻛﻤﻠﺘﻲ ﺍﻃﻠﻌﻲ ﺭﺍﺡ ﺍﻭﺻﻞ ﻟﻠﺒﻴﺖ
ﻻﺭﺍ،،ﻣﺎﺍﺩﺭﻱ ﺑﻲ ﻃﺎﻟﻊ ﻛﺘﻠﻪ ﺍﻭﻙ
ﺭﺍﻫﺐ،،ﺧﻮ ﻟﺒﺴﺞ ﻣﻮﻣﻌﺮﻳﻦ ?
ﻻﺭﺍ،،ﻫﺎ
ﺭﺍﻫﺐ،،ﻣﺎﺩﺍﻡ ﺻﺎﺭ ﺑﻴﻬﺎ ﻫﺎ ﻳﻌﻨﻲ ﺍﻟﺴﺎﻟﻔﻪ ﻣﻠﻴﻮﺻﻪ ﺍﻧﺘﻀﺮﻳﻨﻲ ﺍﺟﻴﺖ
ﻻﺭﺍ،،ﺳﺪﺓ ﺑﻘﻴﺖ ﺍﻓﺘﺮ ﺭﺩﺕ ﺍﻃﻠﻊ ﺟﺒﻪ ﺍﻟﺒﺴﻬﺎ ﻓﻮﮒ ﺍﻟﻔﺴﺘﺎﻥ
ﺍﻧﺨﺒﺼﺖ ﻭﺿﺎﻋﺖ ﺍﻟﺠﺒﻪ ﻣﻦ ﮔﺪﺍﻣﻲ
ﺍﻧﻔﺘﺢ ﺍﻟﺒﺎﺏ ﻭﺩﺧﻞ ﺟﻤﺪﺕ ﺑﻤﻜﺎﻧﻲ ﻭﺍﻧﻲ ﺍﺷﻮﻑ ﻧﻀﺮﺍﺗﻪ ﺗﺘﻔﺤﺼﻨﻲ ﻣﻦ ﻓﻮﻙ ﻟﺠﻮﺓ ﺑﻠﻌﺖ ﺭﻳﮕﻲ ﻭﻋﻴﻮﻧﻲ ﺑﻌﻴﻮﻧﻪ ﺳﺪ ﺍﻟﺒﺎﺏ
ﻭﺍﺟﻪ ﻳﺘﻘﺪﻡ ﺏ ﺍﺗﺠﺎﻫﻲ ﺑﻜﻞ ﻫﺪﻭﺀ
ﺍﺗﺮﺍﺟﻌﺖ ﺧﻄﻮﺗﻴﻦ ﻟﻮﺭﺓ ﻟﻄﺸﺖ ﺑﺎﻟﻜﻨﺘﻮﺭ ﻭﻫﻮ ﻋﻴﻮﻧﻪ ﻋﻠﺊ ﺷﻔﺎﻳﻔﻲ ﻭﺍﻟﺮﺑﻜﻨﻲ ﺍﻛﺜﺮ ﻣﻦ ﺷﻔﺖ ﻋﻴﻮﻧﻪ ﻧﺰﻟﺖ ﺍﻟﺼﺪﺭ ﺍﻟﻔﺴﺘﺎﻥ ﺍﺭﺗﺒﻜﺖ ﺍﺑﺎﻭﻋﻠﻪ ﻳﺒﻠﻊ ﺑﺮﻳﻜﻪ
ﺭﺍﻫﺐ،،ﺗﺮﺩﻳﻦ ﺗﺮﺣﻴﻦ ﻫﻴﺞ ?
ﻻﺭﺍ،،ﻝ ﻻ ﺍﺍﻱ ﻣﻮ ﺭﺩﺕ ﺍﻟﺒﺲ ﺟﺒﻪ ﻓﻮﮔﻪ
ﺭﺍﻫﺐ،،ﻭﺟﺪﺍﻡ ﺍﻟﻨﺴﻮﺍﻥ ﺍﺗﺬﺑﻴﻦ ﺍﻟﺠﺒﻪ ﻭﺍﺗﻀﻠﻴﻦ ﻫﻴﺞ ﻣﻮ ?
ﻻﺭﺍ،،ﻫﺰﻳﺖ ﺭﺍﺳﻲ ﺑﻤﻌﻨﺊ ﺍﻱ
ﺭﺍﻫﺐ،،ﺍﻧﻲ ﻣﺸﺘﻌﻠﻪ ﺻﻔﺤﺘﻲ ﺑﺤﺼﺮﺓ ﺍﺷﻮﻓﺞ ﺗﻠﺒﺴﻴﻠﻲ ﻫﻴﺞ ﻟﺒﺲ ﻋﺒﺎﻟﻚ ﺣﺮﺍﻡ ﻭﺟﺪﺍﻡ ﺍﻟﻨﺴﻮﺍﻥ ﺣﻼﻝ ?
ﻻﺭﺍ،،ﺭﻓﻊ ﻭﺟﻬﻲ ﺏ ﺍﺻﺎﺑﻴﻌﻪ ﺩﻛﺎﺕ ﮔﻠﺒﻲ ﻓﻀﺤﺘﻨﻲ
ﺭﺍﻫﺐ،،ﺷﻨﻮ ﻣﻦ ﮔﻠﺐ ﻋﻨﺪﺝ ?
ﺗﺸﻮﻓﻴﻨﻲ ﻣﺤﺘﺮﮒ ﻭﺑﻴﺪﺝ ﺍﻟﻤﺎﻱ ﻣﺎﻳﺤﻦ ﮔﻠﺒﺞ ﻭﺍﻃﻔﻴﻨﻲ ?
ﻻﺭﺍ،،ﺑﻘﻴﺖ ﺳﺎﻛﺘﻪ ﻭﻧﻔﺴﻲ ﺳﺮﻳﻊ ﻣﻦ ﻳﻜﻮﻥ ﻗﺮﻳﺐ ﻣﻨﻲ ﺍﺗﻴﻪ ﺍﻟﺤﺠﻲ ﻭﻳﻨﻌﻜﺪ ﺍﻟﺴﺎﻧﻲ
ﺍﻗﺘﺮﺏ ﺑﻜﻞ ﻫﺪﻭﺀ ﺍﺧﺬ ﺷﻔﺎﻳﻔﻲ ﺑﻴﻦ ﺷﻔﺎﻳﻔﻪ
ﺗﻬﺖ ﻭﻳﺎﻩ ﺑﻌﺎﻟﻤﻪ ﺑﺎﺩﻟﺘﻪ ﺑﻜﻞ ﺣﺐ ﻭﻟﻬﻔﻪ ﻣﺎﺻﺤﻴﻨﻪ ﺍﺛﻨﻴﻨﻪ ﻏﻴﺮ ﻋﻠﺊ ﺩﮔﺔ ﺍﻟﺒﺎﺏ ﻃﻔﺮﻧﻪ
ﻓﺎﻃﻤﻪ،،ﻳﺎﺍﻟﻠﻪ ﻳﻤﻌﻮﺩﻳﻦ ﺧﻠﺼﺖ ﺍﻟﺤﻨﻪ
ﻻﺭﺍ،ﺍﺑﺎﻭﻋﻠﻪ ﻳﻤﺴﺢ ﺑﮕﺼﺘﻪ ﻳﺴﺐ ﻭﻳﻠﻌﻦ ﺑﺎﻟﺤﺾ
ﺍﺗﻘﺮﺏ ﻳﻢ ﺍﺫﻧﻲ ﺣﺠﻪ ﺑﺼﻮﺕ ﻧﺎﺻﻲ
ﺭﺍﻫﺐ،،ﻣﺎﺑﻴﻬﺎ ﻣﺠﺎﻝ ﺑﻌﺪ ﺑﻠﻴﻞ ﺍﺭﻳﺪﺝ ﻛﻠﺞ ﺍﻟﻲ
ﻻﺭﺍ،،ﺭﺟﻌﺖ ﻣﻌﺪﺗﻲ ﻣﻐﺼﺘﻨﻲ ﺑﺴﺒﺐ ﻛﻼﻣﻪ
ﺭﺍﻫﺐ،،ﻭﻟﺞ ﺣﻨﻲ ﻋﺎﺩ ﻗﺎﺳﻢ ﺭﺍﺡ ﻳﺨﻠﻒ ﻭﺍﻧﻲ ﺑﻌﺪﻧﻲ ﺍﺗﻮﺳﻞ
ﻻﺭﺍ،،ﺍﺑﺘﺴﻤﺖ ﺟﺮ ﺭﺍﺳﻲ ﺑﺎﺳﻪ ﺳﺤﺐ ﻧﻔﺲ ﺑﻘﻮﺓ
ﺭﺍﻫﺐ،،ﻳﺎﺍﻟﻠﻪ ﺑﻮﻳﻪ ﺍﻟﺒﺴﻲ ﺷﻲ ﻓﻮﮒ ﺍﻟﻄﺮﮔﺎﻋﻪ ﺍﻟﻼﺑﺴﺘﻬﺎ ﺧﻞ ﻧﻤﺸﻲ ﮔﺒﻞ ﻻﺍﺣﺒﺴﺞ ﻭﺍﻧﻌﻞ ﺍﺑﻮ ﻗﺎﺳﻢ ﻻﺑﻮ ﺳﺎﺭﺓ ﻭﻳﺎﻩ
ﻻﺭﺍ،،ﺿﺤﻜﺖ ﻭﻫﻮ ﻃﻠﻊ ﻟﺒﺴﺖ ﺟﺒﻪ ﺧﻔﻴﻔﻪ ﻭﻓﻮﻛﻬﺎ ﺍﻟﻌﺒﺎﻳﻪ
ﻧﺰﻟﺖ ﻟﻜﻴﺖ ﻋﻤﺘﻲ ﻭﻓﺎﻃﻤﻪ ﻳﻨﺘﻀﺮﻧﻲ ﻋﻤﺘﻲ ﻭﺟﻬﺎ ﻣﻮﺭﺍﺣﻪ ﺗﻀﺤﻚ ﻭﺗﻐﻤﺰ ﺧﻠﺘﻨﻲ ﻏﺪﻳﺖ ﻣﺎﻱ ﻣﻦ ﺍﻟﺨﺠﻞ
ﺍﺧﺬﻧﻪ ﻟﻠﻘﺎﻋﻪ ﻧﺰﻟﻨﻪ ﻭﻫﻮ ﺭﺍﺡ
ﺩﺧﻠﻨﻪ ﺷﻔﺖ ﺍﻫﻮﻭﺍﻱ ﻧﺴﻮﺍﻥ ﻣﺎﻛﻮ ﻣﻜﺎﻥ ﻧﮕﻌﺪ
ﺑﺲ ﺑﻌﺪﻫﺎ ﺍﻟﻌﺮﻭﺱ ﺑﺎﻟﺼﺎﻟﻮﻥ
ﺷﻮﻳﻪ ﻭﺟﺎﺑﻦ ﺳﺎﺭﺓ ﺍﻡ ﻗﺎﺳﻢ ﻭﺍﻣﻬﺎ
ﻃﺎﻟﻌﻪ ﺍﺗﺨﺒﻞ ﺑﺎﻟﺒﺪﻟﻪ ﺭﺣﺖ ﻳﻤﻬﺎ ﺑﻮﺳﺘﻬﺎ
ﻣﻦ ﺩﺧﻠﺖ ﺫﺑﻴﺖ ﺍﻟﺠﺒﻪ ﻭﺍﻟﺤﺠﺎﺏ ﻭﺍﻟﻌﺒﺎﻳﻪ ﺍﻧﻄﻴﺘﻬﻦ ﺍﻟﻌﻤﺘﻲ ﺭﮔﺼﺖ ﮔﺪﺍﻣﻬﺎ ﻭﻫﻲ ﺗﻀﺤﻚ ﮔﺘﻠﻬﺎ ﻓﻜﻴﺖ ﺩﻳﻨﻲ
ﻟﻠﻌﺼﺮ ﻳﺎﻟﻠﻪ ﺭﺟﻌﻨﻪ ﻭﺭﺍﻫﺐ ﻣﺎﺷﻔﺘﻪ ﻣﻠﺘﻬﻲ ﺑﺎﻟﺘﺤﻀﻴﺮﺍﺕ ﻭﻳﻪ ﻗﺎﺳﻢ
ﺑﻠﻴﻞ ﺍﺟﻪ ﺳﺒﺢ ﺑﺴﺮﻋﻪ ﺑﺪﻝ ﻟﺒﺲ ﺩﺷﺪﺍﺷﻪ
ﻭﺭﺟﻊ ﻟﻠﺤﻨﻪ
ﺍﻡ ﺭﺍﻫﺐ،،ﮔﻮﻣﻦ ﺍﻟﺒﺴﻦ ﺍﻋﺒﻴﺠﻦ ﺍﻧﺮﻭﺡ ﻳﻢ ﺍﻡ ﻗﺎﺳﻢ
ﻓﺎﻃﻤﻪ، ،ﻳﻤﻪ ﻣﻨﻴﻦ ﻧﻄﻠﻊ ﻣﺎﺗﺸﻮﻓﻴﻦ ﺍﻟﺴﻴﺎﺭﺍﺕ ﺳﺎﺩﺓ ﺍﻟﺸﺎﺭﻉ ﻭﺍﻟﺰﻟﻢ ﺷﻜﺜﺮﻫﺎ
ﺍﻟﺤﺠﻴﻪ،،ﺍﻟﺒﺴﻦ ﺍﻋﺒﻴﺠﻦ ﻭﺍﻃﻠﻌﻦ ﻭﺭﺍﻱ ﻧﻤﺸﻲ ﺑﺼﻒ ﺍﻟﺤﺎﻳﻂ ﻣﺤﺪ ﻳﺸﻮﻓﻨﻪ ﻭﺑﻌﺪﻳﻦ ﻣﺎﺭﺍﺡ ﻧﺮﻛﺺ ﺑﺎﻟﺸﺎﺭﻉ ﺷﻮ ﻻﺑﺴﻴﻦ ﻋﺒﺎﻳﺎﺗﻨﻪ ﻭﻣﺪﻧﮕﻴﻦ ﺍﻛﻴﺪ ﻫﺴﻪ ﺟﺎﺭﺍﺗﻨﻪ ﺭﺍﺣﻦ ﻭﺍﻧﻲ ﺑﻌﺪﻧﻲ ﻓﺸﻠﻪ ﻣﻦ ﺍﻡ ﻗﺎﺳﻢ
ﻻﺭﺍ،،ﻟﺒﺴﻨﻪ ﻋﺒﺎﻳﺎﺗﻨﻪ ﻭﻃﻠﻌﻨﻪ ﻭﺭﺍﻫﺎ ﺯﻟﻢ ﻭﺍﻛﻔﻪ ﺍﺑﺎﺏ ﺑﻴﺘﻬﻢ ﻭﻣﻦ ﺿﻤﻨﻬﻢ ﺭﺍﻫﺐ ﺑﺲ ﺷﺎﻓﻨﻪ ﺍﺟﻪ ﺑﺴﺮﻋﻪ
ﺭﺍﻫﺐ،،ﺷﻄﻠﻌﺠﻦ ?
ﺍﻟﺤﺠﻴﻪ،،ﻳﻤﻪ ﺳﻮﻳﻠﻨﻪ ﺩﺭﺏ ﺧﻞ ﺍﻧﻔﻮﺕ
ﺭﺍﻫﺐ،،ﺍﻣﺸﻦ ﻭﺭﺍﻱ ﻭﺩﻧﮕﻦ ﺭﻭﺳﺠﻦ ﻭﺣﻄﻦ ﺍﻋﺒﻴﺠﻦ ﻣﻦ ﺟﻬﺔ ﺍﻟﺰﻟﻢ
ﻻﺭﺍ،،ﻓﺎﺕ ﻫﻮ ﻭﺍﺣﻨﻪ ﻭﺭﺍﻩ ﻣﺪﻧﮕﻴﻦ ﺩﺧﻠﻨﻪ ﻟﻠﺒﻴﺖ ﻳﺎﻟﻠﻪ ﺭﺍﺡ ﻣﺨﻠﻴﻦ ﺑﺮﺩﺓ ﺑﻨﺺ ﺍﻟﻜﺮﺍﺝ ﻛﺪﺍﻡ ﺍﻟﻤﻄﺒﺦ ﺣﺘﺊ ﻣﺎﻳﻨﺸﺎﻓﻦ ﻻﻥ ﺍﻟﺰﻟﻢ ﺑﺎﻟﺤﺪﻳﻘﻪ
ﺑﺪﺓ ﻣﻮﻟﺪ ﻣﺎﻝ ﺍﻟﺸﺒﺎﺏ ﺍﺗﻤﻨﻴﺖ ﺍﺷﻮﻑ ﺭﺍﻫﺐ ﺍﺷﻠﻮﻥ ﻳﺮﻛﺺ ﺑﺲ ﺍﺳﺘﺤﻴﺖ ﺍﮔﻮﻡ ﻭﻳﺎﻫﻦ ﺍﺗﺮﺍﻛﻀﻦ ﻟﻠﺴﻄﺢ ﺍﻟﺒﻨﺎﺕ ﻭﺍﻧﻲ ﻭﻓﺎﻃﻤﻪ ﺑﻘﻴﻨﻪ ﻣﺎﺭﺟﻌﻨﻪ ﻏﻴﺮ ﻟﻤﻦ ﺍﻧﺘﻬﺖ ﺍﻟﺤﻔﻠﻪ ﺏ 11
ﺻﻌﺪﺕ ﺍﻟﻐﺮﻓﺘﻲ ﺍﺧﺬﺕ ﻣﻼﺑﺲ ﺳﺒﺤﺖ ﻭﺭﺟﻌﺖ
ﺍﺗﺬﻛﺮﺕ ﺳﺎﻟﻔﻪ ﺭﺍﻫﺐ ﻣﻦ ﮔﺎﻝ ﺍﻟﻴﻮﻡ ﻣﺎﺑﻴﻬﺎ ﻣﺠﺎﻝ ﺧﻔﺖ ﻭﺭﻛﻀﺖ ﻗﻔﻠﺔ ﺍﻟﺒﺎﺏ ﻭﺭﺟﻌﺖ ﻗﻔﻠﺖ ﺍﻟﻤﻮﺑﺎﻳﻞ ﺧﺎﻑ ﻳﺘﺼﻞ
ﺏ 12 ﺳﻤﻌﺖ ﺩﮔﺎﺕ ﺧﻔﻴﻔﺔ ﻉ ﺍﻟﺒﺎﺏ ﺑﻘﻴﺖ ﺳﺎﻛﺘﻪ ﻭﺟﺴﻤﻲ ﻳﺮﺟﻒ ﺧﺎﻳﻔﻪ ﻣﺮﺓ ﻣﺮﺗﻴﻦ ﺍﺑﺘﻌﺪ ﻣﻦ ﺣﺲ ﺑﻴﻪ ﻣﺴﻮﻱ ﻫﻠﺸﻲ ﻣﺘﻌﻤﺪﺓ

ﺛﺎﻧﻲ ﻳﻮﻡ ﺻﺎﺩﻑ ﺍﻟﺰﻓﻪ ﻟﺒﺴﻨﻪ ﻟﺒﺲ ﻣﺴﺘﻮﺭ ﻭﺭﺣﻨﻪ ﺍﻟﺒﻴﺖ ﺍﻡ ﻗﺎﺳﻢ ﺍﻧﺘﻀﺮﻧﻪ ﻳﺠﻴﺒﻮﻥ ﺍﻟﻌﺮﻭﺱ
ﺍﺟﺖ ﺍﻟﺰﻓﻪ ﺩﺧﻞ ﻗﺎﺳﻢ ﻃﺎﻟﻊ ﺷﺨﺼﻴﻪ ﺑﺎﻟﻘﺎﻁ ﺍﻻﺳﻮﺩ
ﺍﻻﺑﺘﺴﺎﻣﻪ ﺷﺎﮔﻪ ﺣﻠﻜﺔ ﻳﺴﻠﻢ ﻉ ﺍﻟﻨﺴﻮﺍﻥ ﻻﺯﻡ ﺳﺎﺭﺓ ﺑﻴﺪﺓ ﻫﻲ ﻭﺑﺪﻟﺘﻬﺎ ﻣﺎﻣﺒﻴﻦ ﺷﻲ ﻣﻨﻬﺎ ﻣﻐﻄﻴﻬﺎ ﺑﺎﻟﺠﺎﺩﺭ
ﮔﻌﺪﻫﺎ ﻉ ﺍﻟﻜﺮﺳﻲ ﺭﺍﺩ ﻳﻄﻠﻊ ﻭﮔﻔﺖ ﺍﻣﻪ ﮔﺪﺍﻣﻪ ﺗﻬﻮﺱ ﺑﺎﺱ ﺭﺍﺳﻬﺎ ﻭﺍﻳﺪﻫﺎ ﻭﻃﻠﻊ
ﺭﺣﺖ ﺍﺗﻘﺮﺑﺖ ﻳﻢ ﺳﺎﺭﺓ ﺭﻓﻌﺖ ﺍﻟﺒﺮﻛﻊ ﻋﻦ ﻭﺟﻬﺎ ﺍﻧﺼﺪﻣﺖ ﻣﻦ ﺷﻔﺘﻬﺎ ﺗﺮﻋﺶ ﻭﺗﺨﺘﺾ ﻣﺜﻞ ﺍﻟﺴﻌﻔﻪ ﺍﻟﻮﺟﻪ ﻟﻮﻧﻪ ﻣﺨﻄﻮﻑ
ﻫﻤﺴﺖ ﺑﺼﻮﺕ ﻧﺎﺻﻲ
ﺳﺎﺭﺓ،،ﻻﺭﺍ ﺭﺍﺡ ﺍﻣﻮﺕ ﻣﻦ ﺍﻟﺨﻮﻑ
ﻻﺭﺍ،،ﺭﺩﺕ ﺍﺑﻌﺪ ﺍﻟﺨﻮﻑ ﻋﻨﻬﺎ ﻛﺘﻠﻬﺎ ﻫﺎﻱ ﻣﻨﻮ ﺗﺤﺠﻲ ﺑﺎﻟﺨﻮﻑ ?
ﻣﻮﻋﻠﺊ ﺍﺳﺎﺱ ﺍﻧﺘﻲ ﺗﺎﺧﺬﻱ ﻭﺍﻃﻠﻌﻴﻦ ﻟﻬﻠﻪ ?
ﺳﺎﺭﺓ،،ﻻ ﻣﻦ ﺻﺎﺭﺕ ﺻﺪﻙ ﻻﺭﺍﺡ ﺍﺧﺬﺓ ﻭﻻﻳﺎﺧﺬﻧﻲ
ﻻﺭﺍ،،ﻫﻬﻬﻬﻬﻬﻪ ﺣﺘﺊ ﻳﻜﺘﻠﺞ
ﺳﺎﺭﺓ،،ﻟﺘﺨﻮﻓﻴﻨﻲ
ﻻﺭﺍ،،ﻭﻳﻦ ﺭﺍﺡ ﺍﻟﺤﺐ ﺳﻮﻳﺮﺓ ﺍﻟﻤﻔﺮﻭﺽ ﺗﻔﺮﺣﻴﻦ ﻭﺍﺧﻴﺮﺍ ﺭﺍﺡ ﺗﻨﺠﻤﻌﻮﻥ
ﺳﺎﺭﺓ،،ﻣﻮﺑﻴﺪﻱ ﻻﺭﺍ ﻣﻴﺘﻪ ﺧﻮﻑ
ﻻﺭﺍ،،ﺟﺒﺖ ﻗﺮﺍﻥ ﺻﻐﻴﺮ ﻣﺤﻄﻮﻁ ﻉ ﺍﻟﺮﻑ ﺧﻠﻴﺘﻪ ﺑﺤﻀﻨﻬﺎ ﮔﺘﻠﻬﺎ ﺍﻗﺮﻱ ﺣﺘﺊ ﻳﺮﺗﺎﺡ ﻛﻠﺒﺞ ﻭﻳﺮﻭﺡ ﺍﻟﺨﻮﻑ
ﻓﺘﺤﺘﻪ ﻭﺻﺎﺭﺕ ﺗﻘﺮﺓ ﺷﻮﻳﻪ ﻫﺪﺋﺖ
ﺍﺗﻌﺸﺖ ﺍﻟﻌﺎﻟﻢ ﻭﺍﻧﻲ ﻭﻳﻪ ﺍﻟﺒﻨﺎﺕ ﻧﻨﻘﻞ ﺍﻛﻞ ﻟﻠﻨﺴﻮﺍﻥ
ﻛﻤﻠﻮ ﻭﺻﺎﺭ ﻭﻗﺖ ﺍﻟﺰﻓﻪ ﺳﻤﻌﻨﻪ ﺻﻮﺕ ﺍﻟﺮﻣﻲ ﺍﺷﺘﻌﻞ ﻭﺿﺠﺖ ﻫﻮﺳﺎﺕ ﺍﻟﺰﻟﻢ ﻫﻠﻬﻠﺖ ﺍﻟﻨﺴﻮﺍﻥ
ﻋﺪﻟﺖ ﺑﺪﻟﺖ ﺳﺎﺭﺓ ﻭﮔﺬﻟﺘﻬﺎ ﻟﺰﻣﺖ ﺍﻳﺪﻱ ﺗﺮﺟﻒ
ﺩﺧﻞ ﻗﺎﺳﻢ ﺑﺎﺳﻬﺎ ﺑﺮﺍﺳﻬﺎ ﻋﺪﻝ ﺍﻟﻐﺸﻮﺓ ﻋﻠﺊ ﻭﺟﻬﺎ ﺍﺟﺖ ﺍﻣﻪ ﺑﻴﺪﻫﺎ ﺟﻨﻄﻪ ﺍﺧﺬﺗﻬﺎ ﻟﻠﺴﻴﺎﺭﺓ ﺍﺧﺬ ﺳﺎﺭﺓ ﻭﻃﻠﻊ ﻟﻠﻔﻨﺪﻕ ﺍﺧﺬﻫﻢ ﺭﺍﻫﺐ ﺯﻓﻮ ﺟﻤﺎﻋﺘﻪ ﺑﺲ ﺍﻟﺰﻟﻢ ﺭﺍﺣﺖ ﻭﺍﻡ ﻗﺎﺳﻢ ﻭﺍﺧﻮﺍﺗﻬﺎ ﻭﻋﻤﺘﻲ ﻭﺍﻡ ﺳﺎﺭﺓ ﺭﺍﺣﻦ ﻭﻳﺎﻫﻢ ﺑﺲ ﺍﻟﺒﻨﺎﺕ ﻣﺎﻗﺒﻠﻮ ﻳﺮﺣﻦ
ﺭﺟﻌﻨﻪ ﻟﻠﺒﻴﺖ ﺍﻧﻲ ﻭﻓﺎﻃﻤﻪ
ﻝ 12 ﻫﻢ ﻧﻔﺲ ﺍﻟﺤﺎﻟﻪ ﻳﺠﻲ ﻳﺪﮒ ﺍﻟﺒﺎﺏ ﻭﺍﻧﻲ ﻗﺎﻓﻠﺘﻪ
ﺛﺎﻧﻲ ﻳﻮﻡ ﻛﻌﺪﺕ ﺍﻟﺼﺒﺢ ﺍﺗﻔﺎﺟﺌﺖ ﺑﻌﻤﺘﻲ ﻣﻦ ﮔﺎﻟﺖ ﺭﺍﻫﺐ ﺍﻟﺘﺤﻖ
ﻭﻫﻮ ﺑﻌﺪ ﻳﻮﻣﻴﻦ ﻭﺗﻨﺘﻬﻲ ﺍﺟﺎﺯﺗﻪ
ﺭﺟﻌﺖ ﻟﻠﻐﺮﻓﻪ ﻓﺘﺤﺖ ﺍﻟﺠﻬﺎﺯ ﺍﺟﺘﻨﻲ ﺭﺳﺎﻟﻪ ﺑﺎﻭﻋﺖ ﻟﻠﻮﻗﺖ ﺩﺍﺯﻫﺎ ﺍﻟﺒﺎﺭﺣﻪ ﺑﻠﻴﻞ
ﺭﺍﻫﺐ،،ﻗﺎﻓﻠﻪ ﺍﻟﺒﺎﺏ ﻣﻮ ?
ﻳﻤﻜﻦ ﺿﻬﺮ ﻋﻨﺪﺓ ﻣﺘﺼﻞ ﺑﺴﺮﻋﻪ ﺍﺗﺼﻞ ﺍﺭﺗﺒﻜﺖ ﻭﺧﻔﺖ ﺍﺟﺎﻭﺑﻪ
ﺍﺧﺮ ﺷﻲ ﺟﺎﻭﺑﺖ ﺍﺟﺎﻧﻲ ﺻﻮﺗﻪ ﺍﻟﻴﺮﻋﺪ
ﺭﺍﻫﺐ،،ﺍﻗﻔﻠﻲ ﺍﻟﺒﺎﺏ ﻣﺮﺓ ﺛﺎﻧﻴﻪ ﻭﺷﻮﻓﻲ ﺍﺷﻠﻮﻥ ﺍﺷﻠﻌﻪ
ﻻﺭﺍ،،ﺳﺪﺓ ﺑﻮﺟﻬﻲ ﻗﺒﻞ ﻣﺎﺍﺣﺠﻲ ﺗﺮﻛﺘﻪ ﻳﻬﺪﺉ ﻣﺎﺭﺟﻌﺖ ﺍﺗﺼﻠﺖ
ﻣﺮ ﺍﺳﺒﻮﻉ ﻭﻣﺎﻛﻮ ﺑﻴﻨﺎﺗﻨﻪ ﻻﺭﺳﺎﻟﻪ ﻭﻻﺍﺗﺼﺎﻝ ﺍﺩﺭﻱ ﺯﻋﻼﻥ
ﻣﻦ ﻧﺰﻝ ﻣﺠﺎﺯ ﺍﺗﻔﺎﺟﺌﺖ ﻳﻀﺤﻚ ﻭﻳﺘﺸﺎﻗﻪ ﻳﻤﻜﻦ ﻧﺴﻪ ﺍﻟﺰﻋﻞ
ﻣﺮﺓ ﺍﻻﻳﺎﻡ ﻭﺭﺍﻫﺐ ﻣﺎﻛﻒ ﻋﻦ ﻣﺤﺎﻭﻻﺗﻪ ﺣﺘﺊ ﻳﺮﺿﻴﻨﻲ
ﺑﺲ ﻣﺎﺍﻋﺮﻑ ﻟﻴﺶ ﺟﻨﺖ ﻧﺎﻓﺮﺓ ﻣﻨﻪ ﻣﻦ ﻳﺒﻌﺪ ﺍﺷﺘﺎﻗﻠﻪ ﻭﻣﻦ ﻳﺮﺟﻊ ﻭﻳﺤﺎﻭﻝ ﺍﺳﺎﻣﺤﻪ ﺍﻛﺮﻫﺎ ﻣﻦ ﺍﺫﻛﺮ ﺍﻟﺼﺎﺭ
ﻣﺮ ﺷﻬﺮﻳﻦ ﻋﻠﺊ ﺯﻭﺍﺝ ﺳﺎﺭﺓ ﻭﻗﺎﺳﻢ ﻭﺍﻧﻲ ﻭﺭﺍﻫﺐ ﻋﻠﺊ ﻧﻔﺲ ﻭﺿﻌﻨﻪ ﺣﺘﺊ ﺍﻟﺤﺠﻴﻪ ﻭﻓﺎﻃﻤﻪ ﺻﺎﺭﻥ ﻳﻀﻮﺟﻦ ﻣﻦ ﻳﺸﻮﻓﻨﻪ ﻳﺘﻮﺳﻞ ﻭﻳﺤﺎﻭﻝ ﺍﺳﺎﻣﺤﻪ
ﻣﺎﺿﻞ ﻏﻴﺮ ﻋﺸﺮ ﺍﻳﺎﻡ ﻋﻠﺊ ﻋﻴﺪ ﺍﻻﺿﺤﺊ ﺍﺗﻔﺎﺟﺌﺖ ﺑﻜﻼﻡ ﻋﻤﺘﻲ
ﺍﻟﺤﺠﻴﻪ،،ﺑﻨﻴﺘﻲ ﻻﺭﺍ ﺻﺎﺭﻟﺞ ﺍﺭﺑﻊ ﺍﺷﻬﺮ ﻋﺪﻧﻪ ﻭﺍﻧﺘﻲ ﻭﺯﻟﻤﺘﺞ ﻧﻔﺲ ﻭﺿﻌﻜﻢ ﻛﻞ ﻭﺍﺣﺪ ﻧﺎﻳﻢ ﺑﻜﺘﺮ
ﻛﺎﻓﻲ ﻳﻴﻤﻪ ﺗﺮﺓ ﺍﻟﻌﻤﺮ ﻳﺮﻛﺾ ﺭﻛﺾ ﻭﺑﺎﺟﺮ ﻧﻨﺪﻡ ﻋﻠﺊ ﺍﻳﺎﻡ ﺍﻟﺰﻋﻞ
ﺍﻟﺼﺎﺭ ﺍﻋﺘﺒﺮﻭ ﺩﺭﺱ ﺍﻟﻜﻢ ﺍﺛﻨﻴﻨﻜﻢ ﺍﻓﺘﺤﻮ ﺻﻔﺤﻪ ﺟﺪﻳﺪﺓ ﻋﻠﺊ ﺣﺐ ﺍﻟﻠﻪ ﺍﺑﺪﻭﻫﺎ
ﻭﻫﺬﺍ ﺍﻟﻌﻴﺪ ﺍﻟﺠﺒﻴﺮ ﺟﺎﻱ ﻣﺎﺿﻞ ﺷﻲ ﻭﺧﻠﻮ ﺍﻟﺰﻋﻞ ﻳﻮﻟﻲ ﻭﺍﺗﺮﻛﻮ ﻛﻠﺸﻲ ﻭﺭﺓ ﺍﻟﻠﻪ
ﻻﺭﺍ،،ﺍﻫﻮﺍﻱ ﺿﻠﺖ ﺗﻘﻨﻌﻨﻲ ﻭﻓﻌﻼ ﺍﻗﺘﻨﻌﺖ ﺧﻠﺺ ﻻﺯﻡ ﺍﻧﻄﻲ ﺯﻭﺍﺟﻨﻪ ﻓﺮﺻﻪ ﺭﺍﻫﺐ ﺍﺗﻐﻴﺮ ﻭﺍﺻﺎﺭ ﺍﺣﺴﻦ ﺑﻬﻮﺍﻱ ﻣﻦ ﻗﺒﻞ ﺣﺘﺊ ﺻﻼﺗﻪ ﻣﺎﻛﺎﻃﻌﻬﺎ ﻳﻌﻨﻲ ﺍﺗﻐﻴﺮ ﻟﻼﻓﻀﻞ
ﮔﺘﻠﻬﺎ ﻫﺬﺍ ﻫﻮ ﻋﻤﻪ ﻣﻦ ﻳﻨﺰﻝ ﻣﺠﺎﺯ ﻳﺼﻴﺮ ﺧﻴﺮ
ﺟﺮﺗﻨﻲ ﺑﺎﺳﺘﻨﻲ ﻭﻫﻲ ﺗﻨﺪﻋﻲ ﺍﻟﻠﻪ ﻳﺼﻔﻲ ﺍﻟﻜﻠﻮﺏ
ﺍﻟﺤﺠﻴﻪ،، ﺍﻟﻌﺼﺮ ﺍﺧﺬﺝ ﻟﻠﺼﺎﻟﻮﻥ ﺭﺗﺒﻲ ﺭﻭﺣﺞ ﺑﺎﺟﺮ ﻳﺠﻲ ﺧﻞ ﻳﻔﺮﺡ ﺍﻭﻟﻴﺪﻱ ﻣﻦ ﻳﺸﻮﻑ ﻣﺮﻳﺘﻪ ﺗﻨﺘﻀﺮﻩ
ﻻﺭﺍ،،ﻭﻓﻌﻼ ﺍﻟﻌﺼﺮ ﺍﺧﺬﺗﻨﻲ ﺑﺘﻜﺴﻲ ﻟﻠﺼﺎﻟﻮﻥ
ﺷﻌﺮﻱ ﺍﻟﺴﻮﺍﺩ ﻭﺍﺻﻞ ﻟﻠﻨﺺ
ﻳﻌﻨﻲ ﺍﻟﻤﻴﺶ ﺻﺎﻳﺮ ﺑﺎﻟﻄﺮﻑ
ﮔﺘﻠﻬﺎ ﺳﻮﻱ ﺩﺍﻧﺘﻴﻞ ﻃﻮﺧﻲ ﺍﻟﺸﻜﺎﺭ ﺑﺎﻟﻄﺮﻑ
ﻛﻤﻠﺖ ﺷﻌﺮﻱ ﻃﻠﻊ ﻛﻠﺶ ﺣﻠﻮ
ﺣﻔﺘﻠﻲ ﻭﺳﻮﺗﻠﻲ ﺗﻨﻀﻴﻒ ﺑﺸﺮﻩ
ﻋﻤﺘﻲ ﻛﺎﻋﺪﺓ ﺗﺼﻠﻲ ﻋﻠﺊ ﻣﺤﻤﺪ ﻭﺍﻡ ﺍﻟﺼﺎﻟﻮﻥ ﺗﻀﺤﻚ ﻋﻠﻴﻬﺎ ﺍﺗﻜﻮﻝ ﻣﺒﻴﻨﻪ ﻋﻤﺘﺞ ﻓﻘﻴﺮﺓ ﻭﺗﺤﺒﺞ
ﻛﻤﻠﻨﻪ ﻭﺭﺟﻌﻨﻪ ﺍﻟﻄﺮﻳﻖ ﻛﻠﻪ ﻛﻞ ﺷﻮﻳﻪ ﻭﮔﺎﻟﺖ ﻏﻄﻲ ﻭﺟﻬﻲ ﻳﺒﺮﺝ
ﺛﺎﻧﻲ ﻳﻮﻡ ﺍﻟﻌﺼﺮ ﺍﻟﺤﺠﻴﻪ ﻛﺎﻟﺖ ﺯﻟﻤﺘﺞ ﺟﺎﻱ ﺑﺎﻟﻄﺮﻳﻖ ﻭﺍﺻﻞ ﺍﻟﺤﻠﺔ
ﮔﻮﻣﻲ ﻭﻳﺎﻱ ﮔﻤﺖ ﻭﻳﺎﻫﺎ ﺩﺧﻠﺘﻨﻲ ﺍﻟﻐﺮﻓﺘﻬﺎ ﻃﻠﻌﺖ ﻋﻼﮔﻪ ﺟﺒﻴﺮﺓ ﻓﺘﺤﺘﻬﺎ ﻭﺍﺗﻔﺎﺟﺌﺖ ﺑﺎﻟﺠﺎﻳﺒﺘﻪ
ﻃﻠﻌﺖ ﻣﻨﻬﺎ ﺳﻴﺖ ﻧﻮﻡ ﺍﺑﻴﺾ ﻗﺼﻴﺮ
ﻭﺳﻴﺘﺎﺕ ﻧﻮﻡ ﺍﺷﻜﺎﻝ ﻭﺍﻟﻮﺍﻥ ﺍﺗﺴﻌﺖ ﻋﻴﻮﻧﻲ
ﮔﺘﻠﻬﺎ ﻋﻤﻪ ﺷﻨﻮ ﺫﻧﻲ ?
ﺍﻟﺤﺠﻴﻪ،،ﺫﻧﻲ ﺻﮕﺎﺭﺍﺕ ﺍﻟﺰﻟﻢ
ﻻﺭﺍ،،ﺿﺤﻜﺖ
ﺍﻟﺤﺠﻴﻪ،،ﻳﻤﻪ ﻫﺬﺍ ﺍﻟﺴﻴﺖ ﺍﻻﺑﻴﺾ ﺍﻟﺒﺴﻲ ﺍﻟﻴﻮﻡ
ﺻﻴﺮﻱ ﺳﺒﺎﻋﻴﻪ ﺍﻛﺴﺒﻲ ﺯﻟﻤﺘﺞ ﺍﺑﺪﻝ ﻭﺍﻛﺸﺦ ﻭﺍﺗﻌﻄﺮ ﻭﺍﻧﻌﻞ ﺍﺑﻮ ﺍﻟﺰﻋﻞ ﺷﺤﺼﻠﻨﻪ ﻣﻦ ﺍﻟﺰﻋﻞ ﻏﻴﺮ ﺍﻟﻘﻬﺮ
ﺍﻟﻠﻪ ﺑﻌﻀﻤﺘﻪ ﻭﻳﺴﺎﻣﺢ ﻣﻨﻮ ﺍﺣﻨﻪ ﺣﺘﺊ ﻣﺎﻧﺴﺎﻣﺢ ﻭﻧﻐﻔﺮ
ﮔﻮﻣﻲ ﺑﻨﻴﺘﻲ ﺍﺳﺒﺤﻲ ﻭﺍﺗﺮﺗﺒﻲ ﺣﺘﺊ ﻣﻦ ﻳﺠﻲ ﺯﻟﻤﺘﺞ ﺗﺘﻠﮕﻲ ﺑﻀﺤﻜﺔ ﺣﻠﻮﺓ ﻣﻦ ﻳﺸﻮﻓﻬﺎ ﻳﺮﻭﺡ ﺍﻟﺘﻌﺐ
ﺗﺮﺓ ﺍﻟﻤﺮﺓ ﺍﻟﺰﻳﻨﻪ ﻫﻲ ﺍﻟﻲ ﺗﻌﺮﻑ ﺍﺷﻠﻮﻥ ﺗﺨﻠﻲ ﺭﺟﻠﻬﺎ ﻣﺎﻳﺴﺘﻐﻨﺊ ﻋﻨﻬﺎ
ﻻﺭﺍ،،ﻣﻘﺘﻨﻌﻪ ﻭﻣﺎﻣﻘﺘﻨﻌﻪ ﺧﺎﻳﻔﻪ ﻭﺍﻛﺒﺮ ﺧﻮﻓﻲ ﺍﻧﻮ ﺍﻧﻄﻲ ﻓﺮﺻﻪ ﻭﻳﺮﺟﻊ ﻳﻜﺴﺮﻧﻲ ﻳﻤﻜﻦ ﺳﺎﻋﺘﻬﺎ ﺍﻣﻮﺕ
ﺳﻮﻳﺖ ﻣﺜﻞ ﻣﺎﮔﺎﻟﺘﻠﻲ ﺍﻟﺤﺠﻴﻪ ﺳﺒﺤﺖ ﻭﺭﺗﺒﺖ ﻧﻔﺴﻲ ﻟﺒﺴﺖ ﺍﺗﺮﺍﻙ ﻭﺭﺩﻱ ﺿﺮﻏﺎﻡ ﺭﺍﺡ ﻟﻬﻠﻪ ﻻﻥ ﻋﻄﻠﻪ
ﮔﺎﻝ ﺍﺳﺒﻮﻋﻴﻦ ﻭﺍﺭﺟﻊ
ﺻﺎﺭﺕ ﺍﻟﺴﺎﻋﻪ ﺏ 5 ﺳﻤﻌﺖ ﺻﻮﺕ ﺳﻴﺎﺭﺗﻪ ﺑﺮﺓ ﻟﻮﺗﻨﻲ ﺑﻄﻨﻲ ﻭﺍﺗﻤﻠﻜﻨﻲ ﺍﻟﺨﻮﻑ ﻣﺮﺓ ﺛﺎﻧﻴﻪ
ﺩﺧﻞ ﺑﺎﻟﺰﻱ ﺍﻟﻌﺴﻜﺮﻱ ﺍﻭﻝ ﻣﺎﺷﺎﻓﻨﻲ ﺍﺑﺘﺴﻢ ﺳﻠﻢ ﻉ ﺍﻟﺤﺠﻴﻪ ﻭﻋﻠﺊ ﻓﺎﻃﻤﻪ ﻭﻋﻴﻨﻪ ﻣﻨﻲ
ﺭﺍﻫﺐ،،ﺍﺷﻠﻮﻧﺞ ﺑﻮﻳﻪ
ﻻﺭﺍ،،ﺯﻳﻨﻪ ﻛﻠﺘﻬﺎ ﻭﺍﻧﻲ ﻣﺪﻧﮕﻪ
ﺭﺣﺖ ﻟﻠﻤﻄﺒﺦ ﺳﻮﻳﺘﻠﻪ ﺟﺎﻱ ﻻﻥ ﮔﺎﻝ ﻣﺘﻐﺪﻱ ﺑﺎﻟﻄﺮﻳﻖ ﺍﺭﻳﺪ ﺑﺲ ﺟﺎﻱ
ﺍﺧﺬﺗﻠﻪ ﺍﺳﺘﻜﺎﻥ ﻭﺭﺣﺖ ﺍﺑﺎﻭﻉ ﺍﻟﺤﺠﻴﻪ ﺗﺒﺴﺒﺲ ﻭﻳﺎﻩ

ﺭﺍﺩ ﻳﻮﮔﻊ ﺍﻻﺳﺘﻜﺎﻥ ﻣﻦ ﺍﻳﺪﻱ ﻟﻤﻦ ﻭﺻﻠﺖ ﺍﺑﺎﻭﻉ ﺭﺑﻌﻪ ﺑﻲ . ﺟﺎﻱ ﻣﻦ ﻛﺪ ﻣﺎﺍﻳﺪﻱ ﺗﺮﺟﻒ ﺧﻠﺺ ﺑﺎﻟﻄﺮﻳﻖ
ﺍﺑﺎﻭﻉ ﺍﻟﺮﺍﻫﺐ ﻣﺒﺘﺴﻢ ﻭﻳﻤﺴﺢ ﺑﻮﺟﻬﺎ
ﺷﺮﺏ ﺍﻟﺠﺎﻱ ﻭﺻﻌﺪ ﻟﻠﻐﺮﻓﻪ ﻛﺎﻝ ﺭﺍﺡ ﺍﻧﺎﻣﻠﻲ ﺳﺎﻋﻪ
ﺭﺣﺖ ﻳﻢ ﺍﻟﺤﺠﻴﻪ ﺟﺮﺗﻨﻲ ﻣﻦ ﺍﻳﺪﻱ
ﺍﻟﺤﺠﻴﻪ،،ﺑﻨﻴﺘﻲ ﺣﻀﺮﻳﻠﺞ ﺟﻨﻄﻪ ﺯﻏﻴﺮﺓ ﺣﻄﻴﻠﺞ ﻛﻢ ﺷﻐﻠﻪ ﻣﻦ ﺍﻟﺠﺒﺘﻬﻦ ﺍﻟﺞ
ﻻﺭﺍ،،ﻟﻴﺶ ﻋﻤﻪ ??
ﺍﻟﺤﺠﻴﻪ،،ﺍﻟﻴﻮﻡ ﺍﻧﺘﻲ ﻋﺮﻭﺱ ﺑﻨﻴﺘﻲ ﻭﺭﺍﺡ ﺍﻭﻟﻴﺪﻱ ﻳﺤﺠﺰ ﻏﺮﻓﻪ ﺑﺎﻟﻔﻨﺪﻕ
ﻻﺭﺍ،،ﺭﺩﺕ ﺍﺗﺨﺮﺑﻂ ﻣﺠﺮﺩ ﺍﻟﻔﻜﺮﺓ ﺗﺮﻋﺒﻨﻲ
ﻣﺎﺍﻋﺮﻑ ﺍﺷﻠﻮﻥ ﺣﻀﺮﺕ ﺍﻟﺠﻨﻄﻪ ﻭﺧﻠﻴﺖ ﺑﻴﻬﺎ ﺍﻟﺸﻐﻼﺕ . ﺍﻻﺣﺘﺎﺟﻬﻦ
ﻟﻠﻤﻐﺮﺏ ﮔﻌﺪ ﺩﺧﻞ ﻟﻠﺤﻤﺎﻡ ﺳﺒﺢ ﻭﻃﻠﻊ
ﻃﻠﻊ ﺍﻟﺨﺎﻭﻟﻲ ﻋﻠﺊ ﻣﺘﻮﻧﻪ ﺑﺎﻭﻋﻠﻲ ﻭﺍﺑﺘﺴﻢ
ﺻﻌﺪ ﺑﺪﻝ ﻭﺭﺟﻊ ﻻﺑﺲ ﺑﻨﻄﺮﻭﻥ ﻭﻗﻤﻴﺺ
ﺍﻟﻌﻄﺮ ﻳﻬﻒ ﻻﺯﻡ ﺍﻟﺴﺤﻪ ﻭﺍﻟﺴﻮﻳﺞ ﺑﻴﺪ ﻭﺍﻻﻳﺪ ﺍﻟﺜﺎﻧﻴﻪ ﻻﺯﻡ ﻣﻮﺑﺎﻳﻠﻪ
ﺍﻧﻲ ﻟﺒﺴﺖ ﻓﺴﺘﺎﻥ ﺑﻴﺠﻲ ﻗﺼﻴﺮ ﻭﺭﺗﺒﺖ ﻧﻔﺴﻲ ﻣﺎﻃﻮﺧﺖ ﻣﻜﻴﺎﺝ ﻣﺎﺍﺣﺐ ﺍﻟﻄﻮﺥ
ﻟﺒﺴﺖ ﺣﺠﺎﺏ ﻭﻋﺒﺎﺗﻲ ﻭﻛﻌﺪﺕ ﻳﻢ ﺍﻟﺤﺠﻴﻪ ﺍﻧﺘﻀﺮﺓ
ﺭﺍﻫﺐ،،ﻳﺎﻟﻠﻪ ﺍﻧﺮﻭﺡ
ﻻﺭﺍ،،ﮔﻤﺖ ﻭﺭﺟﻠﻴﻪ ﻭﺣﺪﺓ ﺍﻃﮓ ﺑﺎﻟﺜﺎﻧﻴﻪ ﺍﺗﻘﺪﻡ ﺧﻄﻮﺓ ﻭﺍﺗﻤﻨﺊ ﺍﺭﺟﻊ ﺧﻄﻮﺗﻴﻦ ﻟﻮﺭﺓ
ﻃﻠﻌﻨﻪ ﻭﺍﻟﺤﺠﻴﻪ ﺫﺑﺖ ﻭﺭﺍﻧﻪ ﻣﺎﻱ ﻭﺗﻘﺮﺓ ﺍﻳﺎﺕ ﻋﺒﺎﻟﻚ ﺩﺍﺯﺗﻨﻪ ﻟﻠﺤﺮﺏ
ﻃﻮﻝ ﺍﻟﻄﺮﻳﻖ ﻻﺯﻡ ﺍﻳﺪﻱ ﻭﺍﻻﻳﺪ ﺍﻟﺜﺎﻧﻴﻪ ﻳﺴﻮﻕ
ﻭﺻﻠﻨﻪ ﺍﻟﻔﻨﺪﻕ ﻣﺒﻴﻦ ﻣﻦ ﺷﻜﻠﻪ ﺭﺍﻗﻲ
ﻧﺰﻝ ﻭﻧﺰﻟﺖ ﻭﺭﺍﻩ ﺑﻘﻴﺖ ﻭﺍﻛﻔﻪ ﻋﻠﺊ ﺻﻔﺤﻪ ﻭﻫﻮ ﻳﺤﺠﻲ ﻭﻳﻪ ﺍﻟﻮﻟﺪ ﺍﻧﻄﺎ ﺍﻟﻤﻔﺘﺎﺡ ﻭﺍﻟﺮﻗﻢ ﺍﺷﺮﻟﻲ ﺑﻤﻌﻨﺊ ﺗﻌﺎﻱ ﻣﺸﻪ ﻭﺍﻧﻲ ﻭﺭﺍﻩ
ﻭﺻﻠﻨﻪ ﻟﻠﻐﺮﻓﻪ ﺩﺧﻠﻨﻪ ﺟﺎﻧﺖ ﻛﻠﺶ ﺣﻠﻮﺓ ﺻﺪﻙ ﻣﺎﻝ ﻋﺮﺳﺎﻥ ﺣﻄﻴﺖ ﺍﻟﺠﻨﻄﻪ ﻉ ﺍﻟﺠﺮﺑﺎﻳﻪ ﺫﺑﻴﺖ ﻋﺒﺎﺗﻲ ﻭﻧﺰﻋﺖ ﺣﺠﺎﺑﻲ ﺑﺎﺍﺭﺗﺎﺑﺎﻙ
ﺻﺎﺭ ﻭﺭﺍﻱ ﺣﻀﻨﻲ ﻣﻦ ﺿﻬﺮﻱ ﻭﺩﻓﻦ ﺧﺸﻤﻪ ﺑﺮﮔﺒﺘﻲ
ﺭﺍﻫﺐ،،ﻣﺎﻣﺼﺪﮒ ﺍﺣﺲ ﺭﻭﺣﻲ ﺑﺤﻠﻢ ﻣﺎﺍﺭﻳﺪ ﺍﺻﺤﺊ ﻣﻨﻪ
ﻻﺭﺍ،،ﺩﺍﺭﻧﻲ ﻋﻠﻲ ﻳﺒﺎﻭﻉ ﺑﻮﺟﻬﻲ ﻭﻳﺘﺎﻣﻞ ﺗﻔﺎﺻﻴﻠﻲ
ﺩﻧﮓ ﺑﻜﻞ ﻫﺪﻭﺉ ﻃﺒﻊ ﺑﻮﺳﻪ ﻋﻠﺊ ﺧﺪﻱ
ﺍﺑﺘﻌﺪ
ﺭﺍﻫﺐ،،ﺍﻧﻪ ﻧﺎﺯﻝ ﺍﺟﻴﺐ ﻋﺸﻪ ﻻﻥ ﻣﺎﻧﺎﻭﻱ ﺍﻃﻠﻊ ﺍﻟﻴﻮﻡ ﻟﻮ ﺗﺤﺘﺮﮒ ﺍﻟﻌﺸﻴﺮﺓ ﻫﻢ ﻣﺎﺍﻃﻠﻊ ﻭﺍﻃﻔﻴﻬﺎ
ﻋﺎﺩ ﺍﺟﻴﺐ ﻋﺸﻪ ﻻﻳﻜﺘﻠﻨﻪ ﺍﻟﺠﻮﻉ
ﻻﺭﺍ،،ﺍﺑﺘﺴﻤﺘﻠﻪ ﮔﺮﺹ ﺧﺪﻱ ﻭﻃﻠﻊ
ﻃﻠﻌﺖ ﺍﻟﺴﻴﺖ ﻭﻣﺘﺮﺩﺩﺓ ﻻﻥ ﺍﺳﺘﺤﻲ ﺍﻟﺒﺴﻪ ﻣﻔﻀﻮﺡ
ﺣﺘﺊ ﺍﻟﺤﺠﻴﻪ ﻛﺎﺭﺛﻪ ﻣﺜﻞ ﺍﺑﻨﻬﺎ
ﺍﺧﺮ ﺷﻲ ﺍﺳﺘﺠﻤﻌﺖ ﻗﻮﺗﻲ ﻭﺩﺧﻠﺖ ﻟﺒﺴﺘﻪ ﻳﺒﻮﻭﻭﻭ ﺷﻐﻄﻲ ﻭﺷﺘﺮﻙ ?
ﺍﺫﺍ ﻳﻀﻬﺮ ﺍﻛﺜﺮ ﻣﻤﺎ ﻳﺨﻔﻲ
ﺍﻧﻔﺘﺢ ﺍﻟﺒﺎﺏ ﻭﺩﺧﻞ ﺭﺍﻫﺐ ﺗﺮﻙ ﺍﻻﻛﻞ ﻋﻠﺊ ﺻﻔﺤﻪ ﻭﺍﺟﻪ ﺑﺎﺍﺗﺠﺎﻫﻲ ﻭﺑﺪﻭﻥ ﻣﻘﺪﻣﺎﺕ ﺍﺧﺬﻧﻲ ﺍﻟﺼﺪﺭﺓ
ﻭﺷﻔﺎﻳﻔﻪ ﺑﻴﻦ ﺷﻔﺎﻳﻔﻲ ﻣﻦ ﺧﻮﻓﻲ ﻟﺰﻣﺖ ﺑﻘﻤﻴﺼﻪ ﺣﻴﻞ
ﺻﺮﺕ ﺍﺑﺎﺩﻟﻪ ﺑﻘﻠﺔ ﺧﺒﺮﺓ ﻋﻜﺴﻪ ﻫﻮ ﺍﻟﺠﺎﻥ ﻳﺘﺼﺮﻑ ﻭﻳﺎﻱ ﺑﺨﺒﺮﺓ
ﺑﻬﺬﺍ ﺍﻟﻴﻮﻡ ﮔﺪﺭ ﺑﺘﺼﺮﻓﺎﺗﻪ ﻭﺣﻨﻴﺘﻪ ﻳﻜﺴﺮ ﺣﺎﺟﺰ ﺍﻟﺨﺠﻞ ﺑﻴﻨﻪ ﺻﺮﻧﻪ ﺭﻭﺡ ﻭﺣﺪﺓ ﻭﺍﺣﺪ ﻳﻌﺒﺮ ﻟﻠﺜﺎﻧﻲ ﻋﻦ ﻟﻬﻔﺘﻪ
ﺍﻧﺘﺒﻬﻨﻪ ﻟﻠﺴﺎﻋﻪ ﺻﺎﺭﺕ 2 ﻭﻧﺺ ﺑﻠﻴﻞ ﺳﺒﺢ ﻭﻃﻠﻊ ﻭﺍﻧﻲ ﻫﻢ ﺳﺒﺤﺖ ﻃﻠﻌﺖ ﻟﻜﻴﺘﻪ ﻣﺠﻬﺰ ﺍﻻﻛﻞ
ﻓﺮﺣﺎﻧﻪ ﻭﺑﺪﺍﺧﻠﻲ ﺍﺩﻋﻲ ﺍﻟﻠﻪ ﻳﺪﻳﻢ ﻫﺎﻱ ﺍﻟﻔﺮﺣﻪ
ﺍﺗﻤﻨﻴﺖ ﺣﻴﺎﺗﻨﻪ ﺍﺗﻜﻮﻥ ﻋﺎﺩﻳﻪ ﻣﺎﺑﻴﻬﺎ ﻣﺸﺎﻛﻞ ﺑﻴﻦ ﺍﻫﻠﻲ ﻭﺍﻫﻠﻪ ﺩﻋﻴﺖ ﺍﻟﻠﻪ ﺗﺘﺼﺎﻓﻪ ﺍﻟﻜﻠﻮﺏ ﻭﻳﺘﺮﻛﻮﻥ ﺍﻟﺰﻋﻞ ﻋﻠﺊ ﺻﻔﺤﻪ ﻳﻤﻜﻦ ﻛﻠﺸﻲ ﺭﺍﺡ ﻳﺼﻴﺮ ﺣﻠﻮ ﻣﻦ ﻳﺘﺮﺍﺿﻮﻥ
ﺭﺍﻫﺐ،،ﻳﺎﻟﻠﻪ ﻣﺮﺗﻲ ﻫﻤﻲ ﺍﻳﺪﺝ ﻛﻤﻠﻲ ﻋﺸﻪ
ﻻﺭﺍ،ﺍﺑﺘﺴﻤﺖ ﻛﺘﻠﻪ ﻟﻴﺶ ﺷﻜﻮ ?
ﺭﺍﻫﺐ،،ﻭﺭﺍﺝ ﺷﻮﻁ ﺛﺎﻧﻲ ﺣﺒﻲ ﻣﺘﺤﻠﻔﻠﺞ ﺍﺷﻌﻞ ﺍﻟﺨﻠﻔﺞ ﺍﻟﻴﻮﻡ
ﻻﺭﺍ،،ﻣﺪﺭﻱ ﺍﺿﺤﻚ ﻣﺪﺭﻱ ﺍﻏﻨﺪﺏ ﻻﻥ ﻳﺸﺘﻢ ﻋﻠﺊ ﺍﺑﻮﻱ
ﻣﺎﺭﺩﺕ ﻳﻜﻮﻥ ﺯﻋﻞ ﺑﻬﺬﺍ ﺍﻟﻴﻮﻡ ﻋﺪﻳﺘﻠﻪ ﺍﻟﺴﺎﻟﻔﻪ
ﺍﺩﺭﻱ ﻣﻮﺑﻴﺪﺓ ﻣﺜﻞ ﻣﻴﮕﻮﻝ ﺍﻟﺴﺎﻧﻲ ﻣﻜﻮﻙ ﻉ ﺍﻟﻐﻠﻂ
ﻧﺎﻡ ﻭﻓﺘﺢ ﺍﻳﺪﺓ ﺻﺎﺣﻠﻲ ﺗﻌﺎﻱ
ﺭﺣﺖ ﺍﺗﻮﺳﺪﺕ ﺍﺫﺭﺍﻋﻪ ﺿﻤﻨﻲ ﺍﻟﺼﺪﺭﺓ ﺣﻴﻞ ﺍﺗﺤﺴﻪ ﻳﺮﻳﺪ ﻳﺪﺧﻠﻨﻲ ﺑﻴﻦ ﺍﺿﻠﻮﻋﻪ
ﺭﺍﻫﺐ،،ﻭﻋﻠﻲ ﺍﻋﺰ ﻣﻦ ﺭﻭﺣﻲ ﺍﻧﺘﻲ ﺍﺗﻤﻨﺊ ﺍﻓﺘﺢ ﺻﺪﺭﻱ ﻭﺿﻤﺞ ﻳﻢ ﮔﻠﺒﻲ
ﻻﺭﺍ،،ﺍﻭﻋﺪﻧﻲ ﻣﺎﺗﺘﺨﻠﺊ ﻋﻨﻲ
ﺭﺍﻫﺐ،،ﺍﻛﻮ ﻭﺍﺣﺪ ﻳﺘﺨﻠﺊ ﻋﻦ ﺭﻭﺣﻪ ?
ﻻﺭﺍ،،ﺑﺎﻭﻋﺘﻠﻪ ﺻﻔﺢ ﻛﺘﻠﻪ ﺍﻫﻮﺍﻱ ﺣﺠﻴﺘﻬﺎ ﻗﺒﻞ
ﺭﺍﻫﺐ،،ﺍﺗﺨﻠﻴﺖ ﻋﻨﺞ ?
ﺭﻏﻢ ﻛﻠﺸﻲ ﺻﺎﺭ ﻣﺎﺗﺮﻛﺘﺞ ﺟﺒﺘﺞ ﮔﺪﺍﻡ ﻋﻴﻨﻲ ﺻﺢ ﺍﺑﻌﺎﺩ ﻙ ﺯﻭﺟﻴﻦ ﺑﺲ ﻣﺠﺮﺩ ﺷﻮﻓﺘﺞ ﺍﺑﻴﺘﻲ ﻭﺣﺪﺭ ﺍﺟﻨﺎﺣﻲ ﻋﻨﺪﻱ ﻫﺬﺍ ﺍﻟﺸﻲ ﻳﺴﻮﺓ ﺍﻟﺪﻧﻴﻪ
ﻻﺭﺍ،،ﺛﺎﻧﻲ ﻳﻮﻡ ﺍﻟﺼﺒﺢ ﺭﺟﻌﻨﻪ ﻟﻠﺒﻴﺖ ﺍﺗﻠﮕﺘﻨﻪ ﺍﻟﺤﺠﻴﻪ ﺑﺎﻟﻬﻼﻫﻞ ﻭﺍﻟﺠﻜﻠﻴﺖ ﺍﺗﮕﻮﻝ ﺻﺪﻙ ﻋﺮﺳﺎﻥ
ﻣﺤﻀﺮﺍﺕ ﺍﻻﻛﻞ ﻫﻲ ﻭﻓﺎﻃﻤﻪ ﻋﺒﺎﻟﻚ ﺍﻛﻮ ﻋﺰﻳﻤﻪ
ﻟﻠﻀﻬﺮ ﺟﺎﻱ ﻧﺘﻐﺪﺓ ﺩﮒ ﻣﻮﺑﺎﻳﻠﻪ ﺑﺎﻭﻉ ﻟﻠﺮﻗﻢ ﻭﺗﺮﻛﻪ ﺑﺼﻔﻪ ﺑﺪﻭﻥ ﻣﻴﺠﺎﻭﺏ
ﻣﺮﺓ ﻣﺮﺗﻴﻦ ﺍﻧﻌﺎﺩ ﺍﻻﺗﺼﺎﻝ ﺗﺎﻟﻲ ﻏﻠﻘﻪ
ﺍﻟﺤﺠﻴﻪ،،ﺟﺎﻭﺏ ﻳﺎﻳﻤﻪ ﺧﺎﻑ ﺫﻭﻟﻪ ﺭﺑﻌﻚ ﺑﺎﻟﺪﻭﺍﻡ
ﺭﺍﻫﺐ،،ﻋﻮﻓﻴﻬﻢ ﺣﺠﻴﻪ
ﻻﺭﺍ،،ﻛﻤﻞ ﻏﺪﺓ ﻗﺒﻠﻨﻪ ﺍﺑﺎﻭﻋﻠﻪ ﻭﺟﻬﺎ ﻣﺒﻴﻦ ﺿﺎﺝ ﻣﻦ ﺻﺎﺣﺐ ﺍﻻﺗﺼﺎﻝ ﮔﻠﺖ ﺧﺎﻑ ﻣﺘﻌﺎﺭﻙ ﻫﻮ ﻭﻗﺎﺳﻢ ﻭﻫﻴﺞ ﺿﺎﻳﺞ
ﺩﺧﻞ ﻟﻼﺳﺘﻘﺒﺎﻝ ﻭﺳﺪ ﺍﻟﺒﺎﺏ ﺍﻧﻲ ﻭﻓﺎﻃﻤﻪ ﻧﻐﺴﻞ ﺑﺎﻟﻤﻮﺍﻋﻴﻦ ﺍﻧﻔﺘﺢ ﺍﻟﺒﺎﺏ ﻭﻃﻠﻊ ﺍﻟﻮﺟﻪ ﺍﺣﻤﺮ ﺩﻡ ﺷﺮﺍﻳﻨﻪ ﺑﺎﺭﺯﺓ ﻋﺒﺎﻟﻚ ﻳﺮﻳﺪ ﻳﻨﻔﺠﺮ
ﺟﺮ ﺍﻟﺴﻮﻳﺞ ﻣﻦ ﺍﻟﻤﻴﺰ ﺍﺧﺬ ﻣﻮﺑﺎﻳﻼﺗﻪ ﺭﺍﺩ ﻳﻄﻠﻊ
ﺍﻟﺤﺠﻴﻪ، ،ﺷﻜﻮ ﻳﻤﻪ ﺧﻴﺮ ﺷﺼﺎﻳﺮ ?
ﺭﺍﻫﺐ،،ﺣﺠﻴﻪ ﺷﻐﻠﻪ ﺿﺮﻭﺭﻳﻪ ﻻﺯﻡ ﺍﻃﻠﻊ ﺍﻟﺒﻐﺪﺍﺩ
ﺧﺎﻑ ﺍﺗﺎﺧﺮ ﻻﻳﻀﻞ ﺑﺎﻟﻜﻢ
ﺭﺍﺩ ﻳﻄﻠﻊ ﻣﻦ ﺑﺎﺏ ﺍﻟﻤﻄﺒﺦ ﺻﺎﺣﻠﻲ
ﺟﺮﻧﻲ ﺍﻟﺤﻀﻨﻪ ﺑﺎﺳﻨﻲ ﺑﻘﻮﺓ ﺑﺪﻭﻥ ﻭﻻﻛﻠﻤﻪ
ﻃﻠﻊ ﻭﺍﻟﺨﻨﮕﻪ ﺍﺣﺘﻠﺖ ﺻﺪﺭﻱ ﺩﺧﻴﻠﻚ ﺭﺑﻲ ﺍﻟﺒﺎﺭﺣﻪ ﻛﻠﺸﻲ ﻣﺎﻛﻮ ﺷﻨﻮ ﺻﺎﺭ ﻭﺧﻠﺊ ﻫﻴﺞ ﺍﻧﻜﻠﺒﺖ ﺍﺣﻮﺍﻟﻪ
ﺑﻠﻴﻞ ﺍﻧﺘﻀﺮﺗﻪ ﻝ 12 ﻣﺎﻛﻮ ﺍﺗﺼﻞ ﺑﻲ ﺟﻬﺎﺯﺓ ﻣﻐﻠﻖ
ﺗﺎﻟﻲ ﻋﻤﺘﻲ ﻣﻦ ﺧﻮﻓﻬﺎ ﺍﺗﺼﻠﺖ ﺑﻘﺎﺳﻢ ﮔﺎﻟﻬﺎ ﻫﺬﺍ ﻳﻤﻲ ﺑﺎﻟﺸﻘﻪ ﻣﺎﻟﺘﻨﻪ ﺍﺟﻪ ﺗﻌﺒﺎﻥ ﻏﻠﻖ ﺟﻬﺎﺯﺓ ﻭﻧﺎﻡ ﻟﻴﻀﻞ ﺑﺎﻟﻜﻢ
ﻣﻦ ﺍﻃﻤﻨﻪ ﻋﻠﻲ ﻳﺎﻟﻠﻪ ﺍﺭﺗﺎﺡ ﮔﻠﺒﻲ
ﺭﺣﺖ ﻫﻠﻤﺮﺓ ﻧﻤﺖ ﺑﻔﺮﺍﺷﻪ ﺍﺷﺘﻢ ﻋﻄﺮﺓ ﺩﻣﻌﺖ ﻋﻴﻮﻧﻲ ﺍﺷﻔﺖ ﻣﻨﻪ ﻏﻴﺮ ﺑﺲ ﺍﻟﺒﺎﺭﺣﻪ
ﺛﺎﻧﻲ ﻳﻮﻡ ﺍﺗﺼﻞ ﺑﻌﻤﺘﻲ ﻛﺎﻟﻬﺎ ﺍﻟﺘﺤﻘﺖ ﻻﻳﻀﻞ ﺑﺎﻟﻜﻢ ﺍﺳﺘﻐﺮﺑﺖ ﻟﻴﺶ ﻣﺎﺍﺗﺼﻞ ﺑﻴﻪ ?
ﺍﺗﺼﻠﺖ ﺍﻧﻲ ﻳﻄﻠﻌﻠﻲ ﻣﻐﻠﻖ ﺯﺍﺩﺕ ﺣﻴﺮﺗﻲ ﻭﺧﻮﻓﻲ
ﺍﺳﺒﻮﻉ ﻭﺭﺍﻫﺐ ﻣﺎﻛﻮ ﻻﺍﺗﺼﺎﻝ ﻭﻻﻣﻜﺎﻟﻤﻪ ﻟﻴﺶ ﻭﺷﻜﻮ ﻣﺤﺪ ﻳﻌﺮﻑ ﺍﻟﺴﺒﺐ
ﺍﺣﺲ ﺭﻭﺣﻲ ﺍﺗﻤﺮﺿﺖ ﻋﺸﺖ ﺑﻘﻠﻖ ﻧﻔﺴﻲ ﺍﺭﻳﺪ ﺍﻋﺮﻑ ﺍﻟﺴﺒﺐ

ﺳﺎﺑﻊ ﻳﻮﻡ ﺟﻨﺖ ﮔﺎﻋﺪﺓ ﺑﺎﻟﺤﺪﻳﻘﻪ ﻳﻢ ﺍﻟﺤﺠﻴﻪ ﺍﻟﻌﺼﺮ
ﺑﻴﺪﻫﺎ ﺳﺠﻴﻨﻪ ﺻﻐﻴﺮﺓ ﺗﺸﻠﻊ ﺑﺎﻟﺤﺸﻴﺶ ﺍﻟﻄﺎﻟﻊ ﻭﻳﻪ ﺍﻟﻮﺭﺩ ﻣﻀﻴﻊ ﺷﻮﻓﺘﻪ
ﺍﻧﻔﺘﺢ ﺍﻟﺒﺎﺏ ﻭﺩﺧﻞ ﺭﺍﻫﺐ ﺍﻟﻮﺟﻪ ﺗﻌﺒﺎﻥ ﺍﺣﺲ ﮔﻠﺒﻲ ﻓﺰ ﻗﺒﻞ ﻋﻴﻮﻧﻲ ﻃﻔﺮﺕ ﻣﻦ ﻣﻜﺎﻧﻲ ﻣﺸﺘﺎﻗﺘﻠﻪ ﺍﺭﻳﺪ ﺑﺲ ﺍﺷﻤﺮ ﺭﻭﺣﻲ ﺑﺤﻀﻨﻪ ﺭﺣﺖ ﺏ ﺍﺗﺠﺎﻫﺎ ﻣﺴﺮﻋﻪ ﺧﻄﻮﺍﺗﻲ
ﻓﺠﺄﺓ ﺛﻜﻠﻦ ﺭﺟﻠﻴﻪ ﻭﻛﻠﺸﻲ ﺍﻓﺘﺮ ﺩﺍﻳﺮ ﻣﺪﺍﻳﺮﻱ ﻣﺜﻞ ﺻﻔﻌﻪ ﻗﻮﻳﻪ ﺍﺟﺖ ﻋﻠﺊ ﻭﺟﻬﻲ ﺍﻟﺴﺎﻧﻲ ﺛﮕﻞ
ﻭﻋﻴﻮﻧﻲ ﻣﺘﺸﺨﺼﻪ ﻉ ﺍﻟﻮﺍﮔﻔﻪ ﻭﺭﺍﻩ
ﻫﻤﺴﺖ ﺑﺼﻮﺕ ﻳﺮﺟﻒ
ﻍ ﻏﺰﻝ .........

ﻳﺘﺒﻊ

#البارت 32
،،،،،،،،،،

اليموت وداعتك بس الله ربه
واليصلي اعله الجنازة بكيف گلبه
انطوني سم
الليله اريد ارتاح واتوكل واشربه
الليله اريد اخذلي فرة اعله المگابر
ياگبر يعجبني اطبه

،،،،،،،،،،،،،،

لارا،،رجليه بقن بمكانهن عبالك شايله بيهن حديد
اباوعلها اشلون بالگوة تمشي بطنها جبيرة والجبه حصر عليها

راهب يباوعلي بتعب الحجيه ذبت السجينه واجت تمشي ب اتجاهم

الحجيه، ،هله يمي الله يجويك

لارا،،عمتي ماتعرف الاجت ويه ابنها بقت المرة ماتعرف شتحجي وراهب ساكت كل شويه يباوعلي

اخذتها عمتي دخلتها لجوة خطيه كل ضنها جايه ضيفه ويه راهب
وگف يمي رفعت عيوني بعيونه عيوني مليانه دموع وعيونه مليانه تعب

راهب،،لارا

لارا،،رفعت ايدي بمعنئ مااريد اسمع منك شي تركته ودخلت وراهن وگفت بالباب الحد هاي اللحضه اتمنيت مايطلع تفكيري صحيح

نفسي حار وسريع وجهي صخن منتضرة اسمع منهم

الحجيه، ،اي يمه ماگتلي منو ضيفتك?

لارا،،ضل ساكت وهي تباوعله صفح تالي عدلت گعدتها وكالتلها

غزل،،اني مرته وام ابنه

الحجيه،اش اشلون ?

غزل،،اي عيني مرته بعقد سيد وشهود

لارا،،مثل واحد ضربني علئ وجهي
التفتت اله بسرعه لكيته يباوعلي
يمكن يريد يشوف ردة فعلي

هزيت راسي متاسفه علئ روحي
ركضت ع الدرج كانه ماكو شي گدامي غير طريق اركض بي
صعدت اركض وگلبي يريد يطلع دخلت للغرفه فتحت باب البوفيه جريت الجنطه گمت اطلع بالهدوم واحط بيها
وعلئ الساني كلمه وحدة ارددها بدون وعي
مو مرتين تكسرني م مو مرتين تكسرني
انفتح الباب ودخل گعد كدامي علئ اركب رجلي جر ايدي سحبتها منه بقوة ماباوعتله
ضليت اجر واحط بالجنطه

راهب،،بس اسمعيني

لارا،،م مومرتين تكسرني

راهب،،بس اسمعيني والله غصب عني

لارا،،اتوقفت ع الحركه باوعتله مااعرف شحجي وياه
اختنگت والكلمه حشرت ابلعومي صرت مثل الاخرس البلسانه حجي مايگدر يگوله العبرة ذبحتني اتمنيت اضربه اتمنيت اصرخ اعيط بس ماگدرت

لزم ايدي دفعته
عطت بي بصوت منجمع بحنجرتي
وخررررررر
لزم اديه اثنينهن طوقهن ثبتني عن الحركه كعد وراي واحتضني بقوة يريد يهديني

رجعت عطت بي وخررر عني ولللك وخررر عني

راهب،،مااعوفج والله مااعوفج اذا مااتسمعيني

لارا،،دفعته بكل قوتي صرت الزم برگبتي نارر مستعرة بصدري مثل جمرة استقرت بالقفص الصدري بقيت اهمش وافرك بصدري شكله ارتعب من منضري راد يلزمني دفعته
انهاريت حسيت روحي مضحكه اله
مرتين امنت بي وسلمته ثقتي وبالمرتين كسرني وكل كسرة اقوة من القبلها
گمت من مكاني ركضت ع الباب ردت انهزم بطرگ روحي
بس هو جان اسرع مني لزمني رجعت دفعته وركضت للموبايل اريد اتصل بخوي يجيني

مالگيته غير سحبه من ايدي مشه الجهت الباب راد يطلع ركضت دفعني وگعت بالگاع
طلع وسد الباب سمعت بس طگه القفل كمت ادكدگ بي مثل المخبله

كسرت الباب بالضرب بثنين اديه
سمعت صوت الحجيه وره الباب اتناشغ تريد تفتحلي وهو يصيح اليفتحلها الباب احرگ البيت علي

الحجيه،،اخذذذذهااا جايبهاا وجاي فرحاان بيها گرت عيني بيووم الجبتك

راهب،،يااامة الاسلام ليش محد يسمعنيييي

لارا اسمعهم يتعاركون هو وعمتي وره الباب
صرت ادگ واگلها عمممه خلي يفتحليي

راهب،،مااطلعين اذاا ماسمعتينييي فااهمه

لارا،،گبت العيطه جوة هوسه البيت انخبص
ماهمني كلشي اريد بس اطلع منا
ماادري شگد ضليت علئ هذا الوضع تعبت وانهد حيلي گعدت ورة الباب تعبانه والعجيب دموع ماكو بعيني شاطت دمعتي

صارت الساعه ب10بليل انفتح الباب گمت تعبانه عدلت حجابي وشلت عباتي ردت اطلع وهو يباوعلي دخل وقفل الباب من جوة
راهب،،ماترحين اذا ماتسمعيني

لارا،،مااريد اسمع جذبك انطيني المفتاح خل اطلع

راهب،،ماترحين
لارا،،كلامه بهدوئ يذبحني گمت اشهگ بالنفس
مديت ايدي بمعنئ انطيني المفتاح

راهب، ،وروح ابوي الماشايفه ولاشابع منه مااطلعين اذا ماتسمعيني

لارا،،بقيت افتر ادور علئ شي اكسر بي القفل وهو گاعد ع الجربايه يباوعلي بقهر بدة يحجي بدون مااباوعله

راهب،،الله شاهد علئ كل كلمه راح احجيها
من يوم الحبيتج وعقدت عليج بكتاب الله
مادنت نفسي علئ غيرج
ومن يوم التعاركت ويه غزل بخطوبتنه ماشفتها بعد ولارحت اوصلت بابها

الصار بيناتنه قبل ماادخل بحياتج جنه انروح اني وقاسم البيت سعديه شرب ونسوان وعربدة
بيوم قاسم كال سعديه جايبه بنات بالباكيت
كل ضني حلوة ماجنت اضن بعدها بني واول شخص يلمسها اني بيومها ضجت كلش وبعدين گلت عادي شغلتهن هاي وياي او ويه غيري راح تفقد عذريتها

لارا،،التفتت باوعتله مشمئزة من كلامه وقرفانه
راهب،،انطيتها افلوس حتئ تسكت
وبيوم العرفت هي حجتلج عن سالفة انتقامي كرهتها وضربتها ومن يومها مارجعت الذاك البيت
صار سبع اشهر ماشايفها
اتصلت بيه قبل كم يوم وگالت اني حامل ب ابنك ماصدكتها وحضرتها
رجعت اتصلت من رقم ثاني مرة واثنين واني مغلس عنها كلت جذب وجاي تتبلي عليه منو يگول الطفل مني
تالي ثاني يوم بيوم الاجينه من الفندق اتصل بيه لواء هاشم وعميد ميثم وذوله اصدقائي كلش
رايحه للدوام وفاضحتني جدامهم
ولان همه اصدقائي طمطمو الموضوع واتصلو بيه

رحتلها شايط اتمنيت اذبحها كتلها موابني بس انصدمت بكلامها من گالت تگدر تسوي تحليل DNA
وتتاكد ومستعدة اروح وياك ويسحبون التحليل من الطفل وهو بداخل احشائي

بقيت حاير واثقه بكلامها معناها الطفل الي لو موالي ماگالت نروح نحلل حتئ تتاكد
اسبوع واني مااعرف راسي من رجليه لااگدر اتصل بيج ولااگدر احط عيني بعينج

مااعرف شتصرف اتصل بيه هاشم گالي تعال يمي
رحتله واني مدوهن الف حسبه براسي ماجنت متوقع راح اوگع بفخ غزل بيوم من الايام وراح تستخدم هذا الشي ضدي

هاشم نصحني اعقد عليها قبل ماتفضحني بدوامي اكثر گال اعقد عليها فترة منا لمن اتجيب وطلگها
وساعتها سوي التحليل وتاكد من ابنك
واذا طلع كلامها جذب اني اتصرف وياها

ماجان عندي غير حل اخذها واسكت لو تفضحني گدام الكل وساعتها اخسر احترامي واخسر وضيفتي
عقدت عليها بس عقد سيد
وغلاتج عندي

لارا،،رفعت ايدي مااريد اسمعه يجيب طاريي علئ السانه
گتله والله وسماواته اكرهك كره بس الله يعلم بي
مرررتين ياضالم النفس
مرتين تطعني بضهري
گعدت بالگاع مختنكه كملت كلامي
مرتين امنت بيك وبالمرتين ذبحتني تعرف شنو ذبحتني?
دمرتني انته
فهمني گلبك ماوجعك وانته تسوي هيج?
مافكرت بيه?
ماگلت شبعتها ضلم ?
كافي ترة الله فوكك ويشوفك
نهضت من مكاني باوعتله كتله مااگول غير حسبي الله ونعم الوكيل حسببيي الله ونعم الوكيل بيك ياراهب

والله وداعت گلبي الدسته مرتين تحرم عليه من اليوم مااريدك لويصوغوك ذهب نزلت من عيني وكرهتك وكرهت روحي وكرهت گلبي الغبي الحب شخص مثلك

جر نفس بقهر گام بالگوة فتح الباب وطلع بدون ولاكلمه رجع قفل الباب من برة

صار مايطلع من البيت والباب النهار كله مقفول
واذا ترك باب غرفتي مفتوح معناتها. يقفل باب. اابيت الرئيسي وياخذ المفتاح وياه

الحجيه ضغطها دوم صاعد ومگاطعه راهب ماتحجي وياه ابد وفاطمه تتعب وتطبخ والاكل ينشمر محد اله نفس ياكل
غزل ماخذة الوضع هيته تلبس وتكشخ ولااتگول كل الصار بسببي سمعت من فاطمه انطوها الغرفه البصف غرفة الحجيه بيها غراض وفراشات مال الشته

مااشوفها ولااختلط بيها لان من انزل انزل للحمام فقط وارجع للغرفه راهب حابسني والموبايل اخذة خاف اتصل بااهلي حتئ موبايل فاطمه والحجيه سحبه منهن
يخاف اخذه واتصل بمحمد

اسبوعين والوضع بالبيت ماينطاق وراهب ترك دوامه وگعد بالبيت مااكعد وياهم ابد ولاانزل حابسه روحي فوگ والاكل فاطمه تجيبه
حتئ سارة مااجتني اعرف راهب منبه قاسم ماتجي يخاف اتصل من موبايلها لوانطيها رقم محمد وتتصل بي هي
نزلت المغرب اريد اتوضه واصلي وگفت گدامي

غزل،،اووو ست لارا
والله مقهورة عليج حابسج فوگ

لارا،،وخري عني بالعافيه عليج اشبعي بي

غزل،موزين تركته الج كم شهر?
ترة هو من البدايه الي وكتلج ارجعه اوفيت بوعدي

ويجي يوم اخلي بيدة يشمرج برة

لارا،،ابتسمت ب استهزاء
انتي وياه الجهنم وبئس المصير ماتهموني
وياريت اطلعين گد كلمتج وتشمريني برة لان اتسويلي فضل ماانسا

تركتها ومشيت احسها وراي واگفه تباوعلي
رجعت للغرفه فرشت سجادتي وصليت
ويه كل سجدة دموعي تنزل ع السجادة
رفعت عيني لفوگ گتله يارب عبدة من عبادك الضعفاء اني
ارحمني ياارحم الراحمين ماعاد بيه حيل للتتعب ولابيه حيل الكلشي
مااريد غير تحفضني بحفضك وتخلصني من كلشي

ردت اگوم بس استحليت الگعدة ع السجادة اتمددت بوضعيه الجنين نمت مادريت بروحي احس روحي بين ادين الجليل گاعدة
حسيت احد يندسني فزيت شفتها الحجيه
الحجيه،،گومي ييمه گومي والله خايفه دموعج هاي بيوم تحرگنه كلنه

لارا،،عدلت گعدتي وطبگت السجادة للنص
جرتني عمتي خلتني بحضنها وراسي بصدرها

الحجيه،،والله ييمه اني اكثر منج محترگة روحي
لااعرف اصلها ولافصلها وجماله المكان الاجت منه

لارا،،سكتت ماكملت كلامها

الحجيه، ،استغفرك ربي واتوب اليك
ييمه مالج غرض بيها منا لمن اتجيب وتروح بحال سبيلها لااانه ارضاها علئ روحي عندي جنه مثلها لان جنتي وحدة وبس الي هي انتي ماعندي غيرج ولاراهب يرضه يكمل وياها ولو مافاضحته جدام ربعه ماخطه هاي الخطوة

لارا،،بقيت اشهگ بحضنها
گتلها عمه اني وراهب انتهينه طابت نفسي منه مستحيل اتقبله مرة ثانيه اهواي جرحني واهواي طعني بضهري ومارحمني

اريدج بس اتساعديني حتئ يتركني الله يخليج

الحجيه،،استهدي برحمانج بنيتي گولي ياالله خل السالفه شويه تبرد وساعتها يحلها الف حلال
ياالله گومي انزلي وياي مااختنگتي صارلج اسبوعين خاتله اهنا?

لارا،،مااريد انزل عمه خليني اهنا مااريد اشوفهم

الحجيه، ،براحتج ييمه بس والله مااعرف اكعد اذا مو انتي يمي

لارا،،اعذريني عمه بس والله مااريد اگابلها

الحجيه،،هذا هو بنيتي براحتج

لارا،،تركتني الحجيه ونزلت شويه وصعدتلي فاطمه جايبه الاكل وحتئ هي مامتعشيه مرات تجي تتعشه يمي ماتريد تعوفني وحدي

ثاني يوم كعدت اسمع صوت جوة وهوسه مااهتميت لان هذا حال البيت صار من اجت غزل يوميه راهب يتعارك وياها

مرة الايام وصار علئ جية غزل شهر ونص
اربعه وعشرين ساعه مكايجها صارخ كل ماانزل للحمام الگاها متزينه ومرتبه نفسها
واني اليشوفني يگول طالعه من المقبرة بكفاله

غديت عضم وجلد التفكير نخر راسي نخر والقهر يسل بنادم سل
انقهر علئ حالي صار سبع شهور من دخلت راهب بحياتي بس بذني الاشهر شفت المصايب وياه عبالك كبرت عشر اسنين لگدام
الساعه ب1بليل طلعت اريد انزل للحمام انفتح باب غرفة راهب طلع لازم غزل بقوة من زندها لابسه روب مفتوح من النص ومبين شلابسه جواه دنگت وعبرتهم اسمعه يرزل بيها ويطردها

ثاني يوم العصر الحجيه دزتلي فاطمه گالتلها خل تنزل يمي

نزلت لكيتها تشرب جاي ويمها ماعون كعك اتفاجئت بجية سارة
صدك مشتاقتلها لان من زمان ماشايفتها راهب محاربني من كل الجهات يخاف ارجع انهزم مرة ثانيه

سارة،،والله گلبي طاگ عليج يعمري هاي شصاير بحالج?

لارا،،ابتسمت بقهر ودنگت

سارة،،لتضوجين يگلبي والله لومنج البس واكشخ واخلي يشيل روحه ويطگها من البس كدامه ومامعبرته

لارا،،الحجي سهل سارة بس الفعل صعب

سارة،،ولج هسه هي هامه جهامه ماتشوفيها جنها زلمه
صح حلوة بس طويله وضخمه اذا تگعد عليج اتجعصج

لارا،،ضحكت گتلها طبها طوب شلي غرض بيها حلوة النفسها مواليه

سارة،،والله من نزعل اني وقويسم
البس بغرفتي احلئ سيت عندي كون مفضوح
واتمكيج واتعطر والمسكين يضل يبلعم تالي يسحل روحه سحل ياالله اسامحه
لارا،،ههههههه انتي خطيرة وين اكو مثلج

ام قاسم،،ادنن لهنا گاعدات وحدجن مطياتنه ضهرجن

لارا،،ابتسمت ل ام قاسم تحجيها بشقه

سارة،،اگلج عمه شفت بنت ام حسن من اجتنه لابسه ثوب حلو عجبني اقماشه
ردت منه

ام قاسم،،صار يمه من اروح للسوگ اجيبلج
لارا،،ضلن يحجن ع الاقماشات وانواعهن لان عمتي خياطه جانت

الحجيه،،هسه الوادم اطورت كل اسبوع ينزل موديل جديد مال اقماش
الله يرحم ايام گبل من عرست جابولي قماش
جان يسمو فلگحني اباب الدكان

لارا،،غصيت بالجاي
وسارة صفكت بيدها خربانه ضحك

سارة،،والله لوابقئ لابسه كونيه مااروح لبو المحل واگله انطيني وياك مترتين من فلگحني ههههههههه

لارا،،جنه نضحك ونسولف طلعت غزل من الحمام اطگ بعلجها تباوع صفح
الحجيه وام قاسم دنگن ماعاجبهن وضعها
واني وسارة لبسناها حتئ ماباوعنه بخلقتها
سارة،،اول مااجيت شفتها لج شنو هذا لبسها يمكن ماتلبس ملابس د....جوة دشداشتها لان وگفت گدامنه يم الباب وضوه الشمس عكس عليها عزااا مبينه من وره الملابس

لارا،،ماحجيت وبگلبي اگول هي التسلم نفسها الرجال غريب بالحرام شتترجه منها
عافتنه ودخلت الغرفتها ام قاسم اخذت سارة وراحت

واني رجعت الغرفتي

بليل صعدتلي فاطمه جابتلي عشه مخلمه مال لحم بمجرد ماشفتها معدتي صارت تاذيني لعبت نفسي نزلت اركض دخلت للحمام اتقيئت

رفعت راسي غسلت وجهي وطلعت صارو بوجهي كلهم گاعدين يتعشون ماشفتهم من نزلت لان جنت بس اريد اتقيئه

راهب،،لمحت بعيونه نضرة قلق

تركتهم ورجعت المكاني اجتني الحجيه

الحجيه،،اشبيج يمه ?

لارا،،مابيه عمه بس معدتي تاذيني

الحجيه،،زلمتج يگول خل اتحضر روحها اخذها للمستشفئ

لارا،،مابيه شي عمه يمكن اكلت شي غثني العصر
الحجيه،،هو انتي شتاكلين يايمه ماتشوفين وجهج اشلون صاير اصفر

لارا،،تركتني ونزلت بعد ماايست مني مااريد اروح للمستشفئ وياه

ثاني يوم الصبح اول ماكعدت اتكررت الحاله هم اتقيئت روحي طلعت لان ماماكله شي علئ ريگي وبليل نمت بدون عشه راسي افتر صار عندي هبوط
طلعت واني استند بالحايط صار وجهي بوجها
متخصرة اواگفه يم الدرج باوعتلي من فوگ لجوة

غزل،،لوعندج كرامه جان رحتي منا

لارا،،درت وجهي الها ابتسمت بطرف شفتي
گتلها عندي كرامه الدرجة هو مجلب بيه وحابسني يمه مومثلج ضاله تفرفرين بالمراكز تردين بس ياخذج

غزل،،هااانت وداعتج هانت ماضل شي واگطفج بالشارع

لارا،،اعلئ مابخيلج اركبي وياريت تستعجلين واطلعيني منا لان اختنگت من شوفت وجهج

عفتها تحجي بصوت ناصي وتغلط
صارت كل مااشم ريحة اكل لو اگعد الصبح لازم اتقيئ شكيت بروحي حامل بس گلت هي مرة وحدة مستحيل يصير
وتالي ارجع واگول ليش مستحيل ماكو شي مستحيل عد رب العالمين
احس روحي تايها وضايعه اذا صدگ حامل معناتها خلص مااگدر اخلص منه هم راح يتحجج بالحمل اتمنيت يطلع مجرد اعراض بسبب معدتي ومايكون اكو حمل
الاكل گطعته لواكل لگمه لو مااكل ابد
الدوخه لازمتني النهار كله بس اگوم تفتر الگاع بيه

الضهر نزلت للحمام واني مستندة بالدرج احس غشوة علئ عيني
دخلت للحمام سبحت واني گاعدة بالگاع گمت علئ كيف لبست والدوخه زادت ردت بس افتح الباب واطلع اختنگت

اول ماطلعت انغشئ علئ عيوني وگعت بعد ماادري بشي
ماصحيت غير بالمستشفئ وبيدي كانونه حاطيلي مغذي
عمتي يمي گاعدة وراهب يحجي ويه الدكتورة

الحجيه،،طيبه ييمه اشلون صرتي?

لارا،،هزيت راسي الها مابيه احجي

الحجيه،،والله يبنيتي وكعتي گلوبنه ليش هيج ?
منو يستاهل اتاذين روحج لجلة?

لارا،،التفت عليها راهب بس ماحجه وجها تعبان حيل وجوة عيونه سواد مبين من السهر

الحجيه،،منا وجاي لازم تاكلين اذا موالخاطرج الخاطر الابطنج شنو ذنبه?
لارا،،وشه صارت بااذني هزيت راسي مامفتهمه كلامها او بالاصح مفتهمه بس مامستوعبه

الحجيه،،حامل ييمه ويرادلج تغذيه الحمل يرادله قوة موانتي مخلصتها مااشتهي ومااشتهي

لارا،،الساني معگود مااعرف شحجي كل الاعرفه مااريدة بس ماحجيت ابد بقيت ساكته

كمل المغذي وطلعنه للبيت عمتي ماقبلت انام فوگ گالت منا وجاي اتنامين يمي بالغرفه
فرشتلي بالگاع اتمددت وفاطمه جابت تشريبه ثاردتها وفوگها لحم وگلاص عصير زبيب

فاطمه، ،اكعدي اكلي حتئ تسندين روحج

لارا،،گعدت اكلت لگمتين وشربت نص الگلاص دخل راهب
بس بقه بالباب واگف گالها

راهب،،يمه اذا كملت انطيها علاجها موتنساه

لارا،،بقيت مدنگه كانه مااشوفه وارم گلبي منه
طلع وعمتي انطتني علاجي فهمتني علي
اخذته واتمددت
خليت ايدي علئ بطني اتلمسها

بداخلي اگول راح ابقئ طول عمري مااگدر اتخلص منك ياراهب
المن راح يجي هذا الطفل?
ال ياه حياة?
شنو ذنبه يفتح عيونه علئ اب وام منفصلين?
وارجع الوم روحي لان سلمته نفسي لو ماضعفي وغبائي لان صدگته جان ماوصلنه الهيج مرحلة
اسبوع واني نايمه بغرفة عمتي وفاطمه تخدمني مداريتني مثل ماي البصينيه مهتمه بااكلي وحتئ ملابسي تغسلهن

گمت للحمام من طلعت صارت بوجهي مخنزرة
ردت اعبر جرتني من ايدي

غزل،،لتفرحين بي اهواي

لارا،،نترت ايدي منها گتلها مافرحانه لان ابو راهب
تركتها ورجعت للغرفه
مااخليت تهديدها ابالي گلت هاي مقهورة وهيج تحجي

للعصر، ،سمعت غزل اتگل العمتي اخذيني للسوگ دخلت الثامن ومامجهزة للطفل

عمتي المسكينه ماتگدر تحجي شي للعصر اخذتها لان غزل اصرت اله تروح وياها

المغرب رجعن ماجرات تكسي راهب طلع ويه قاسم مااخذهن

ثاني يوم دخلت فاطمه جابتلي الغدة وياه گلاص زبيب
شربته كله بس هلمرة حسيت بي طعم غريب مثل طعم الورق اليابس

كملت الغدة ورة ساعتين بدة عندي الم خفيف ابطني
گلت يمكن هذا الشي عادي عند الحامل

للمغرب زاد الالم گمت اتلوئ بفراشي واخذاني العرگ عرگت كلش لازمه بطني واعصر بيها حسيت اكو شي ينزل مني
گمت وگفت شفت روحي نازل دم
استندت ع الحايط فتحت الباب وصحت عممممه

اجتني تركض اخترعت من شافتني لازمه بطني محنيه

الحجيه،،يييمه اسم الله الرحمان شبييج ابنيتي?

لارا،،الالم ذبحني گتلها عمه بططني الحگيني

علئ صوت خبصة عمتي انفتح باب الاستقبال طلع راهب يركض ب اتجاهنه شافني انخبص
سوة الدرج شبختين ثواني ونزل لابس دشداشته وبيدة السويج
راد يلزمني نترت ايدة ولزمت ايد عمتي
فاطمه لبستني عباتي وحجابي وحتئ جواريبي خلت الشحاطه جوة رجلي لبستها وعمتي لازمتني وطول الطريق تنخه تندعي وتنذر كون حملي مابي شي

راهب،،طاير بين السما والگاع يمشي سريع
وصلنه المستشفئ الزهراء بالنجف بسرعه حولتني الدكتورة الصاله الولادة
رحت واني بدني كله يختض خايفه
ماخلن الحجيه اتفوت وياي انطنها عباتي ونزعني تراجي انطنهن العمتي
دخلت واني لازمه ذكر ابو فاضل يلهج بلساني

فحصتني الدكتورة گالت عندج نزف لازم سونر خل نتاكد بلكي يطلع فطر بالجارة والطفل بعدة عايش
رحت اخذت سونر گالن مابي نبض ميت ولازم هسه كرداج اتسوين

رجعت الصالة الولادة وراهب يفتر منا ويرجع منا انخبص عمتي بجت اجه باسها

راهب،،المهم لارا يمه المهم لارا مابيها شي فدوتها الجاهل

لارا،،دخلني للصاله وحضي ذبني ويه دكتورة اتگول گصابه ماترحم
استحي مااگدر اخلي تفحصني ضربتني علئ رجلي

الدكتورة،،ياالله حبابه موهسه استحيتي من نمتي يم الرجال يامحلاها وهسه شالعات گلوبنه

لارا،،انصدمت بكلامها وخفت قاطات ضربتني ابرة تخدير وقبل لايشتغل مفعولها سوة الكرداج
بحيث السسترات لازماتني واني ارفس جواهن واصيح بعلو صوتي احس روحي جاي تطلع
منا لمن كملت حيلي مهدود وصوتي مبحوح من الصريخ

تركتني الدكتورة وخلتني بيد السسترات نضفني وعمتي متصله بفاطمه محضرتلي ملابس جايبهن قاسم وجاي

خلوني بالاستراحه ودموعي تجري مااعرف عليمن ابجي الطفل مافرحت بي من حبلت بس ليش هسه عيوني مايرضن يبطلن بجي
بقيت بالاستراحه للوحدة بليل يالله رجعوني
راهب يمشي علئ كيييف بالسيارة نايمه بالكشن الورة متمددة ومخليه راسي بحضن عمتي الجابت الطريق كله تبجي

وصلنه للبيت دخل السيارة جوة نزل راد يلزمني جريت ايدي اتعديته ومشيت علئ كيف

رفعت راسي صارت بوجهي غزل مبتسمه رفعت حاجبها نضرتها مااعرف شنو هي مثل الي جاي اتگلي ترة حذرتج ونفذت تهديدي

نيمتني عمتي بالغرفه ماگدرت انام للصبح بطني تاذيني
من الفجر راح جاب معلاگ شوي انطا العمتي گعدت يمي اتسويلي لفات اصغار جنت ارعش من الجوع احس ماعندي طاقه

اكلت لگمتين وشبعت لحت عمتي كتلها مااگدر

صرت مااعرف لليل من النهار النهار كلة خاتله بالغرفه النفسيه صفر اتمنه افتح الباب وانهزم

گاعدة يمي فاطمه العصر سمعنه صوت صرخة غزل
طلعت فاطمه تركض
اخذها راهب والحجيه للمستشفئ واخذو وياهم ملابس للطفل مبين عدها طلوگ

مارجعو غير بليل نيموها بغرفتها والطفل يمها
اجت فاطمه گالت خطيه راهب حتئ مافرحان بهذا الطفل وبيوم السمع بيج حامل راد يطير من الفرح
عرفت الطفل هي مسميته ايهم

يومين وراهب التحق لان صارله شهر مجاز
مر اسبوع علئ ولادة غزل واسبوعين علئ موت طفلي

اختنگت من الغرفه ومن البيت كله صرت يوميه العصر اروح يم سارة اغير جو وفعلا تخليني انسه غزل وراهب

بعد كم يوم نزل مجاز الطفل سبحته عمتي العاشر
من شافت راهب احتارت شتسوي كل شويه وخلته بحضنه وتحجي وحدها وهو مغلس عنها
ساعه اتگله نفس حواجبك وساعه نفس وجهك

صارت تحير شتسوي حتئ تكسب اهتمامه بيها وبالطفل

العصر،،كاعدة يم عمتي جابته خلته بالگاع يم الحجيه

غزل،،عمه خلي يمج اسبح واطلع

لارا،،دخلت للحمام وعمتي خلته بحضنها اتعلقت بي كلش وهو الطفل سبحان الخالقه ابدع في ماصور
ابيض مدنفش العيون مجرورة والحواجب ايخبلن
گلبي رفرف علي شنو ذنبه امه غزل وابو راهب

اتمنيت احطه بحضني وابوسه
مديت اصبعي علئ حنچة ضحك حتئ اني ضحكت گتلها عممه يضحك باوعيله
الحجيه،،ههههههه بعدة ييمه مايشوف لان غشاء علئ عيونه للاربعين يالله يگوم يشوف
بس الطفل بهيج عمر امهاتنه اتگول يضحكه غزيل ويمكن غزيل ملك من ملائكه الله يجي للطفل يضحكه وهو نايم

لارا،،دنگت بسته گتلها ماادري اول مرة اسمع بهيج شي

طلعت غزل من الحمام اخذته نيمته بالغرفه وبعد ماطلعت

عمتي زاد تعلقها بي كلش بس راهب مرات من يشوفه بحضن الحجيه يدنگ يبوسه وبالاخير الگلب يحس وخاصتا يشبه ابو بصورة موطبيعيه حتئ الحجيه اتگول كله راهب بصغرة

سمعت من فاطمه اتگول راهب مقرر بس تطلع الاربعين يطلگها لان گوة متحملها علئ اعصابه

مرة الايام وصار عمر ايهم 38يوم بعدله يومين ويطلع الاربعين

غزل بالنهار مخلصين منها لان نايمه ويه الطفل يخلص الليل يبجي ماينام

بليل الساعه ب9گالت نعسانه اليوم ايهم حتئ الضهر ماخلاني انام

اني هم رحت للغرفه اني وفاطمه انام سوة يم الحجيه
الساعه 12ونص ماحسينه غير صرخة رجت البيت
من خوفي طلعت اركض مفزوعه

يتبع،،،،،،،،،

نهاية الجزء الاول

بارت 33

#ثأر_الضابط

اني مامحتاج تبجي
اگبالي لوتعتذر مني
ماتفرحني دموعك
لوبجيت يزيد حزني
بالعكس خليك انته
اليحبني والجرحني
گلبي ماينطي اجرحك
رغم كل الصار بيه
عيش واتونس بيومك
عوفني بدونك ضحيه
انته حساس واعرفك
ابد ماتحمل اذيه 💔

،،،،،،،،

،،،،،،،،

لارا،،طلعنه اني وفاطمه مفزوعين
الصوت جاي من غرفة غزل فاطمه دخلت واني واكفه بالباب اباوع الراهب دفعها وجر ايهم من جواها خشمه بي دم

عمتي لطمت علئ وجها وغزل تبجي بهستيريا اتريد اتجرة من ايد راهب دفعها واخذة منها حل گماطه والحضينه مالته الطفل عبالك متخشب
رفع ثوبه وصار يسويله تنفس ويضغط علئ صدرة وكل شويه ينفخ بحلگه
غزل عيونها جاحضه علئ ابنها من شافت مابي استجابه بيد راهب ماانحس غير لطمت علئ وجها بثنين اديها
راهب اخذة شايله يركض بي واكماطه يسحل بالگاع
الحجيه عباتها بيدها صعدت وياه حطت الطفل بحضنها
بمجرد ماصعدت شخط السيارة

رجعنه الغزل الجانت فاقدة تلطم علئ وجها بثنين اديها ملخت روحها اتصيح

غزل، ،انيييي كتلته اااني موتت ابني بيدددي

فاطمه. ركضت لزمتها انريد نفهم الطفل اشبي

غزل،،والله رض رضعته و وحطيته بكاروكه
مااذكر. اشلون ج جبته ورضعته واني نايمه
ولجن گعدت اريد ارضعه لگيتته جواااااي خانگته ماادري بي

لارا،،جسمي ارتعد نايمه علئ ابنها ماتدري بروحها مخليه صدرها بحلگة وغافيه ماخذتها النومه ومگلوبه فوگه بحيث ساعتين هو جواها ماتدري بي لمن نزف خشمه

بقت تفتر واحنه وياها نبجي كل شويه واتصلت براهب مايجاوب وهي منهارة اني ماعندي غير دموعي ودعائي ادعي الله يرجعه لحضن امه كون يطلع كلشي مابي
ورة ساعه اتصل راهب جاوبته ملهوفه الابتسامه شاكة حلگها كل ضنها تسمع خبر يفرحها
تالي ذبت الموبايل بحضنها وعاطت بصوت دوة بالمنطقه
غزل،، يبوووووووو
ماااات ولجن ااابني ماااات
كتلته كتلته كتلللللته

لارا،،فاطمه لازمتها وهي تمعش براسها واتكوم الشعر بحضنها
الناس فزعت علئ صوت العياط الجيران كل واحد صعد سيارته ولحگ راهب للمستشفئ ونسوانهم ضلن يهدن بغزل الكتلت روحها

للساعه 6الصبح ياالله رجعو انفتح الباب ودخل راهب ضهرة محني وعيونه دم والحجيه تسحل بروحها وراه اتگود بيها ام قاسم عبايتها كلها اتراب

گمزت غزل ركضت علئ راهب شمرت روحها جوة رجلي منضرها كسر خاطري

غزل،،وووينه رااهب ابني ويين وديته ?

راهب،،دفننننته واجيت

لارا،،نامت غزل نيوم بالگاع تتگلب مثل الطير المذبوح
تلطم واتصيح صدري يدر ولللك يمممه

الحجيه،،ايهممم اليوم خطار يمك يضياااااء
لارا،،كزبر جلدي كلها ضجت تبجي نسوان وزلم اكثر الناس ماتدري راهب متزوج وعندة طفل عبالهم بس اني
للساعه 8راحت العالم وبقينه بس احنه وام قاسم وسارة
غزل ماگعدت تلطخ راسها بالحيطان فاقدة فد مرة وتهذي بحجي مامفهوم

غزل،،ال الله ع عاقبني كتلت ابنها اخذ ابني
كتلت ابن لارا اخذ بمكانه ايهم

لارا،،تحجي بصوت ناصي وتشهگ راهب رفع راسه باوعلها اجه يمها جرها من زندها

راهب،،عيدي شنو حجيتي?

غزل،،اااي ااني اني اني كتلت ابنها ماردت غير ابني يشيل اسمك ماردتها بحياتك ردت اخلص منها

لارا،،واكفه بمكاني مصدومه من كلامها
خرطت الاول والتالي بدون وعي فاقدة

غزل،،ااني بيوم ال الرحت اجهز. للطفل
م مريت ب بالعطار ج جبت اعشاب
ح حطيتهن ا الها بالعصير

لارا،،وبلحضه راهب جرها من شعرها يعت بيها مقربها من وجها
راهب،،شنوو انتي ولج شنوو انتي شيطااااانه?

كتلتي طفل الخاااطر ترضين نفسج شوووفي اشلون الله بالمرصاد اخذ ابنج بمكااانه
لارا ماشاافته ولاشمته ولاحطته بحضنهاا مثلج
رادج اتشوفي وتشمين ريحته حتئ يحرررگ گلبج بيييي يااحقيرة

لارا،،دموعي نزلن لازمه ايد سارة حيل گوة خلصتها ام قاسم من ايدة كل شويه يريد يرجع يضربها
ماانحس غير وگع بنصنه خشمه يجري دم
ضغطه مرتفع دخل قاسم بسرعه سندة يريد ياخذة للمستشفئ بس رفض ماقبل
تالي راح البيتهم يركض جاب جهاز الضغط واجه قاسه الراهب طلع صاعد فد مرة
انطا حبايه مدرر جابتله فاطمه طشت وماي غسل وجها

فاطمه سالت عمتي ع الصار بالمستشفئ

الحجيه،ييمه ياايهم يايمه يالزغيروني

لارا،،المرة منتهيه اتعلقت بي كلش النهار كله بحضنها تناغي بي
بدة تحجينله اشلون الاطباء رادو يشرحو بس راهب ماخلاهم كالهم امه منيمته يمها ترضعه ونسته ونامت اختنگ جواها
الحجيه، ،اخذنا وطلعنه الوادي السلام دخلت ويه الوادم للمغيسل ولجن حطا ع الصخرة يگلب بي المغيسلجي
ع الصخرة واني فاتحه شيلتي انخي الله يردة ليه
كل شويه واگله حبوبه فتح عويناتك الحلوة
ولجن ع الصخرة ويبتسم ماميييت ماااميت اليشوفه يگول يضحك ماميت بعدة

لارا،،تحجي وتبجي بجتنه وياها فاجعه رحيل ايهم كسر الكل يوميه صوت صريخه تارس البيت من يجوع ع الممه يضل فحطان حتئ غزل انتبهلها ترتبك من البجي مالته تصير ماتندل دربها كلساع وتوگع الممه من ايدها

اباوع الراهب ادي علئ عيونه وقاسم كاعد يمه علئ اركبه

يفرك بكصته نهض راد يوگع سندة قاسم

راهب،،ماااالج مكااان اهنااا اطلعي برررة بررررة

لارا،،جرها من ايدها يسحول بيها وقاسم مجلب بي يريدة يعوفها وهي فاقدة تبجي بصوت عالي گوة بعدة قاسم عنها

للضهر صارت تجي العالم تاخذ مابخاطر عمتي والمرة علاج السكر والضغط يمها كل شويه واگول راح تنجلط

بليل اجو جماعة راهب من سمعو بالخبر
ماراح الخطار غير ل 10بليل
غزل دخلت الغرفتها كوة. تمشي رغم السوته بيه بس ماتمنيتلها يصير بيها هيج بالعكس صرت ابجي وياها بنادم من يغوي الشيطان يخلي يسوي المصايب بدون تفكير
ل 12يالله صعدت الغرفتي راهب نام بالاستقبال
ادري مايگدر ينام اليوم مرتين باوعتله من الباب اشوفه نايم ع القنفه منطي ضهرة للباب اشوف بس متونه تهتز يبجي بخنيگ بدون محد يسمعه
مااعرف بذاك اليوم انقهر علئ منو ?
علئ حالي الدمروني راهب وغزل
لو علئ راهب الفقد ابنه لو علئ ايهم الي ماعاش بالدنيه غير ايام معدودات ردت اغمض صورته ابالي ملمس خدة وعطرة من بسته
بقيت للصبح ابجي بفراشي
اتخيله تتغير ملامحه جوة التراب تروح خدودة المدنفشات وملمس جسمه الرطب
دموعي ماسكتن امسح وحدة ينزلن عشرة

نزلت ب السبعه واني ماشفت النوم ابد
صار بوجهي راهب گاعد بالصاله مرجع راسه ع الحايط يباوع للفراغ
انقهرت علئ منضرة تركته ورحت للحجيه لگيتها شادة راسها بالبيرغ الاخضر ودموعها بعينها وجها تعبان كلش

كل شويه وبللت شفتها ادري سكرها مرتفع
سويتلها جاي وخبزة شعير جبتلها
اكلت لگمه علمود العلاج ودفعت الصينيه

كعدت فاطمه والحجيه كالتلها فوتي علئ امه شوفيها شو مالها حس

شويه واجت فاطمه گالت امه موبالغرفه

الحجيه گامت حطت اديها بالگاع ونهضت روحها
راهب يباوع للباب بعيونه صفح مامهتم لختفائها
دورناها بكل البيت مالها اثر ملابسها علئ حطتهن
بس موبايلها ماخذته

دگ عليها راهب بعد ملحة عمتي جاوبته تبجي
گالتله اني بالمقبرة ولاتنتضرون جيتي ايهم وراح الله عاقبني بي ونلت جزائي

لهنا هذا حدنه ردتك بالحيلة والمكر
ونسيت قول الله سبحانه وتعالئ
بسم الله الرحمن الرحيم
واذا يمكر بك الذين كفروا ليثبتوك او يقتلوك او يخرجونك ويمكرون ومكر الله والله خير الماكرين )
صدق الله العضيم

بيومها مارجعت غزل عمتي شگد لحت علئ راهب حتئ يالحگها بس رفض گالها خل تعيش ويه الذنب كتلت طفلين بشهر واحد

يوم ورة يوم يمرن والحزن مخيم ع البيت لاكو نفس للاكل ولاللحجي ولا الكلشي
الكل ساكت ماكو صوت
ماينسمع بالبيت غير صوت القران وكت المغرب

طلعت غزل من حياة راهب نهائيا ماينجاب طاريها
بس بقه ذكر ايهم غصه بگلوب الكل ياهو اليذكرة تدمع عيونه مع العلم هو بعدة طفل انفاس بس گدر يكسر الكل برحيله
تعبت من الحزن والقهر ورغم كل الصار مانسيت سالفة راهب وزعلي وياه
ردت اعوف كلشي وراي وارجع لهلي

اسبوعين ورة موت الطفل فاتحت عمتي بالموضوع گتلها عمه اني هذا حدي ويه التعب اريد ارتاح وراحتي بطلاگي

الحجيه،،يمه اذا الي معزة عندج اتركي الموضوع هلفترة راهب توة دفن اوليدة وانوب يخسرج ماراح يتحمل ويموت بقهرة

لارا،،الكلييات صار شهرين من بدة الدوام بس بعد الصار قررت اترك السنه لان نفسيتي حيل تعبانه
بعد كلامي ويه عمتي قررت اسكت فترة بين ماينسئ راهب

طلع اربعين الطفل وراهب اسبوع ينزل مجاز واسبوع يلتحق وجودة وعدمه واحد من ينزل للبيت مايبقئ يضل بره هو وقاسم مايرجع غير نص الليل وسارة اتگول قاسم مايگدر يترك صاحبه يخاف علي

رجعت فتحت الموضوع ويه عمتي گتلها اريد اروح لهلهي صار اربع اشهر ماشايفه ابوي ومن تركته جان حيل وضعه تعبان اريد اروح اشوفه

وصدك من حجت ويه راهب رفض گالها بعدين موهسه
بعدها عرفنه راهب طلگ غزل عمتي گالت لگاها تشتغل بالامام الكاضم بقسم التنضيف
بداخلي كلت سبحانك يارب موت ابنها دلاها طريق الهدايه كان السبب بتغير امه وابتعادها عن حياة الليل واللهو
اسبوع وهم حجت وياه عمتي وهم رجع رفض
لمن سويت اضراب عن الاكل وخلصتها بجي ياالله اقتنع كال للحجيه من التحق اخذها وياي

وبيوم مستحيل احداثه تنمحي من ذاكرتي
لبست واني فرحانه واخيرا راح اشوف ابوي مشتاقتله
الفجر حضرت نفسي
لبست واخذت جنطتي وطلعت لگيته يشرب جاي ترك الاستكان ع الميز وطلع للسيارة كدامي لابس الزي العسكري فتحت باب الكشن الورة وگعدت

حرك السيارة وطول الطريق ماحجه شي اثنينه ساكتين
حتئ ماوگف بالطريق جان يمشي سريع

ب التسعه الصبح دخلنه بغداد احس ردتلي روحي من شميت ريحة ولايتي
جله صوته بعد سكوت طويل

راهب،،شوكت اجيج?

لارا،،منو گال راح ارجع?

راهب،،لارا ترة تعبان واهدومي احسهن اثگال علئ جسمي راح احجي واسمعي حجايتي زين
من انزل مجاز امر عليج اخذج
لارا،،درت وجهي للجامه ابتسمت ب استهزاء واثق من نفسه
مد ايدة بيها جهاز موبايل جديد

گتله شنو هذا?

راهب،،بمكان جهازج ذاك وحطيت خطج نفسه بي
حتئ من اريد اجي اتصل عليج

لارا،،اخذته من ايدة حطيته بالجنطه مابيه اتناقش وياه وتالي هو اليربح
وصلنه الشارعنه انخمش گلبي واني من بعيد اشوف هوسه اباب اهلي
اتمنيت اطير واوصل يمهم ولاجنها دقيقه واوصللهم عبالك بعيدة عنهم بمسافه ساعه

ماصدكت شوكت توگف السيارة ابابهم
فتحت الباب ونزلت اركض مرعوبه دفعت النسوان وفتت علئ صوت صريخ امي
وهي تصيح بااسم ابوي
رفعت راسها شافتني جامدة بمكاني مابيه امشي واوصل يمها مامصدكه الجاي اسمعه
ابوي مات?

فتحت اديها تريدني اروحلها مااتحملت گعدت بالگاع
رجع صدري احس بي نار تحرگني وهلمرة اقوه بهووواي من كل مرة
وگعت بالگاع راسي ع الكاشي مفتحه عيوني اسمع صريخهن
ومن ضمن الاصوات صوته اي هذا صوته صوت راهب
بعدها غمضت ماادري شصار وراها
احس روحي بعالم ثاني عيوني اثگال مااگدر افتحهن صوت ناس تحجي يمي بس اسمعهم مااشوفهم
اريد افتح مااگدر عيوني اثگال

اكو شخص فوگ راسي يحجي فجاة صار بعيوني ضوة قوي سديتهم حيل ضايجه من مصدر الضوة عماني

رجع فتح عيوني حيل كدرت افتحهن شفته رجال لابس صدريه عرفته دكتور
بقيت احرك بعيوني داير مدايري شفت بس سجئ مرت رافد فوگ راسي لابسه اسود

دنكت باست راسي

سجئ،،الحمدالله علئ سلامتج حبيبتي

لارا،،عرفت روحي بالمستشفئ بس منو جابني ومن شوكت اهنا ماادري
سالتها ووريگي ناشف بللت شفايفي وحجيت

اشگد صارلي اهنا?

سجئ، ،اليوم رابع يعمري

لارا،،اتذكرت ابوي انهضمت وبجيت بصوت عالي
صرخت بعلو صوتي
باااابااا حبيبييييي
سجئ دنكت ضمت راسي بصدرها لازمتها ادفع بيها اريد اگوم اجه نفسه الدكتور ضربني ابرة بعدها رجع نمت ماادري بروحي

صحيت بعد فترة وهلمرة محمد ورافد موجودين
سمعت الدكتور يوصيهم لازم ابقئ بمكان وحدي مااحزن ولاانقهر ويرادلي راحه
انصدمت من گال متعرضه الذبحه صدريه واذا بقت حالتها هيج احتمال يتازم وضعها ويصير عدها جلطه

خمس ايام اني داخله بعدها طلعوني اخوتي للبيت
العصر نزلت اباب بيتنه اختنگت اتمنيت اشوفه قبل مايموت حتئ ماحضرت فاتحته
رافد باس راسي مادخل للبيت ضل برة ومحمد سندني دخلني جوة عرفت رافد سامع احجاية من امي ومايفوت للبيت
اووف ياامي حتئ بهذا وضعنه بعدج علئ نفس طبعج
صعدوني الغرفتي امي ومحمد نيمتني بفراشي دمعتي بعيني محمد كل شويه ويبوسني يگلي شگال الطبيب موگلنه كافي بجي

حقدت علئ راهب فوگ حقدي قاطات كرهته وحملته السبب بموت ابوي والسبب بمرضي والذبحه الاتعرضتلها
حملته سبب كلشي صار بحياتي لو ماهو جان ماصار ولاشي من المصايب المريت بيهن بسبب حقدة
ايام مرت واني متقوقعه علئ نفسي
تعبت من العلاجات
احس روحي بهاي السنه خلصتها خاتله مااطلع من جنت يمه وحتئ ابيت اهلي بغرفتي نادرا انزل لان حمامي فوگ
بعدين عرفت من محمد راهب الي داخل شايلني بنص النسوان وماخذني للمستشفئ خمس ايام وهو گاعد اباب المستشفئ يتعاركون وياه اخوتي بس يهددهم بالفيديو مال محمد اعرف يسوي هيج حتئ يضل مايحجون وياه
بس اخر يوم متضارب هو ورافد وبعدها تارك المستشفئ،
يوميه واني اشوفه يتصل الف مرة باليوم وكل دقيقه يدز رساله شكل يريد بس يطمن علئ صحتي
احس گلبي صخر خلص ماتت لارا الضعيفه تركتها ابيت راهب دفنتها اهناك
اليوم اني وحدة ثانيه انولدت من الحقد والكره والقوة
جنت اتلذذ من اشوفه يتعذب يشوفني اقرة رسائله ومااجاوبه

احس روحي اصير قويه اكثر من اشوفه يتوسل وتعبان بدوني

طلع اربعين ابوي اتعشت العالم وباجر الصبح نروح للنجف للمقبرة

صعدنه اني وامي. وخالي سعد ويه محمد ورافد طالع گدامنه بسيارته هو ومرته
وصلنه للنجف ب 8الصبح دخلنه للمقبرة نزلن دموعي
صعبه عزيز جان عايش وياك ويجي يوم تجي للمقبرة اتشوفه لان هذا مكانه النهائي خلص واراه التراب وصار بيته الجديد الگبر
بيت ماياخذ بي غير اعماله بحياة الدنيه

اتفجائت من شفتة دافني يم قبر عمي ضياء بس قبر ايهم بنصهم
والعرفته من محمد هاي وصيته يندفن يم اخو

بجيت وفرفحت وسجئ اتجر بيه اگلهم عوفني راح وماشفته ولاودعته ادري مات بحسرته علئ شوفتي
شالوني اخوتي شيول حطوني بالسيارة

حتئ الرجال اليقرة ع القبر صار يبجي علئ بواجيي ودموعي

بعدها رحنه زرنه الامام علي فدوة ل اسمه اتذكرت من اجينه بعيد رمضان سوة كرهت كل ذكرة الي وياه

مرة ايام وشهور يحاول يوصلني واني رافضه مرتين اجه للباب اتعارك وهوس وفضحنه بالمنطقه يتعاركون وياه اخوتي توصل واحد يضرب الثاني

مااستسلم وگتلهم مستحيل ارجعله خل يطلگني وكل شخص يروح بحال سبيله كافي دمرني شيريد ياخذ مني بعد?
وفعلا بيومها اختنگت واتخربطت ورجع صدري يحرگني شفته يتصل جريت الموبايل جاوبته واعصابي ترجف

راهب،،لارا بس اسمعيني

لارا،،اذاااا عندك ذررة رجوله طلگني
يااخي مااريد اكرهك هي گوة خو موگوووة

دراااسه وخسرتها بسببك
اابوي وخسررته بسببك
حياتي وخسرتها بسببك
صحتي وعافيتي وهم الفضل الك بخسارتهن

مااابقئ شي اخسرة مااابقئ شي غير روحي اخذهااا وريحني

سمعت صوت شهگته يبجي وياي جر نفس وگال هذا هو بت عمي يجرالج التردي

وفعلا ثاني يوم انطانه خبر نلتقي يم سيد معمم
حتئ يطلگنه

لبست جبه سودة لفيت حجابي وطلعت ويه محمد يبوس بيه ويضحك عباله ضايجه لان راح اطلگ مايدري ضايجه علئ السنه الراحت من عمري بسبب انتقامه
رافد اتصل گال مرو بيه مرينه بي لگيناه ينتضرنه اباب بيته
بعد فترة وصلنه البيت السيد جنت احس روحي قويه
احس براهب مرض سرطان وراح انتزعه مني لان اريد اعيش اذا بقيت وياه معناتها اموت

دخلت للبيت بكامل قوتي ماعندي اي مشاعر اتجاها غير الكره
دخلت شفته گاعد يم السيد مدنگ رفع راسه باوعلي بتعب جسمه ضعفان ومتغير

دنگ بيدة السبحه گعدت يم اخوتي
بدة السيد يوصي وينصح وايگول ابغض الحلال عند الله الطلاق ومن هلحجي بداخلي اريد بس يرمي اليمين حتئ ارتاح
كمل السيد وسالنه اذا بعدنه مصرين ع الطلاگ جاوبت اني موافقه ع الانفصال ومااريدة

رفع عيونه بعيوني بقه ساكت وهو يتمعنئ بوجهي
دقايق السكوت عم المكان
غمض عيونه بتعب

راهب، ،انتي طالگ

،،،، ،،،،،،،،،،،،،

الئ هنا ينتهي الجزء الاول من رواية
#ثأر_الضابط
عشنه ويه الابطال بفرحهم وحزنهم
اتعلمنه انو الانتقام والحقد مايورث غير التعب والخسارة
خسارة ناس نحبهم ونعزهم خسرناهم بسبب سواد كلوبنه وحقدنه التارس ارواحنه ترس
اتخيلو اذا جانت الدنيه بدون نفاق بدون كرة بدون حقد وبدون ثار شراح يصير/?
اكيد حياه ماكو احلئ منها
جان ماشفنه الاخو يحقد علئ اخو ولاشفنه الابن يشمر ابو ولا شفنه صلة الرحم منقطعه
اهل وگرايب وناس يجمعنه دم واحد بس كل واحد بينه داير وجها عن الثاني نسينه قول الله والرسول عن صلة الرحم ونسينه الجنه نكسبها بصلة الرحم
عمانه الحقد دسنه علئ اشخاص مالهم ذنب


مااگول صوج الغيمه
طاح المطر من ضيمه
عاصفه ومرت بينه
وگطعت احبال الخيمه 😥



النهايه لجزء الأول من قصة #ثأر_الضابط

#ثأر_الضابط _ج٢
/// ////
#بارت٣٤
،،،،،،،،،،،،،،،،،،
ﺍﺷﺸﺶ ﻭﺍﻧﺘﻬﺊ ﺍﻟﻤﻮﺿﻮﻉ
ﻣﺎﺭﺍﺡ ﺍﻣﻮﺕ ﺍﺧﻼﻓﻚ
ﻳﺎﻧﺎﻛﺮ ﺍﻟﻤﻌﺮﻭﻑ
ﺷﻮﻓﻨﻲ ﻋﺮﺽ ﺍﺟﺘﺎﻓﻚ
ﻛﻞ ﻋﻘﻠﻚ ﺍﻣﺸﻲ ﻭﻳﺎﻙ ?
ﻫﻮ ﺍﻧﺘﻪ ﺿﻠﻚ ﻋﺎﻓﻚ
ﻛﻠﺸﻲ ﺍﻧﺘﻬﺊ ﻭﻣﻦ ﻫﻠﻮﻛﺖ
ﻣﺎﻋﺎﺵ ﻛﻠﻤﻦ ﺷﺎﻓﻚ 💔
،،،،،،،،،
ﻻﺭﺍ،،ﻃﻠﻌﻨﻪ ﻣﻦ ﻳﻢ ﺍﻟﺴﻴﺪ ﻣﺘﻮﺟﻬﻴﻦ ﻟﻠﺴﻴﺎﺭﺓ ﻃﻠﻊ ﻭﺭﺍﻧﻪ ﮔﻮﺓ ﻳﻤﺸﻲ
ﻣﺎﺍﺩﺭﻱ ﻟﻴﺶ ﺍﻟﺘﻔﺘﺖ ﻋﻠﻲ ﺧﺸﻤﻪ ﻃﮓ ﺩﻡ ﺭﻓﻊ ﺭﺍﺳﻪ ﻓﺘﺢ ﺑﺎﺏ ﺍﻟﺴﻴﺎﺭﺓ ﻭﺩﺧﻞ ﺟﺮ ﻛﻠﻨﺲ ﻭﺍﺭﺗﺠﻪ ﻟﻮﺭﺓ ﺣﺘﺊ ﻳﺘﻮﻗﻒ ﺍﻟﻨﺰﻑ
ﺑﻠﺤﻀﻪ ﺍﻧﻘﻬﺮﺕ ﻋﻠﺊ ﺣﺎﻟﻪ ﺑﺲ ﺳﺮﻋﺎﻥ ﻣﺎﺫﻛﺮﺕ ﻛﻠﺸﻲ ﺻﺎﺭ ﺑﻠﺤﻀﺘﻬﺎ ﺍﺗﻤﻠﻜﻨﻲ ﺷﻌﻮﺭ ﺍﻟﺤﻘﺪ ﻛﻞ ﺍﻟﺼﺎﺭ ﺑﻲ ﻣﻦ ﺍﻳﺪﺓ
ﻋﺎﻗﺒﻨﻲ ﺑﺬﻧﺐ ﻏﻴﺮﻱ ﻣﺎﻗﺪﻣﺘﻠﻪ ﻏﻴﺮ ﻛﻞ ﺍﻟﻤﻮﺩﺓ ﻭﺍﻟﺤﺐ ﻭﺑﺎﻟﺘﺎﻟﻲ ﺷﺤﺼﻠﺖ ?
ﻛﺎﻧﺖ ﻟﺤﻀﺎﺕ ﺻﻌﺒﻪ ﺍﻋﺠﺰ ﻋﻦ ﻭﺻﻔﻬﺎ
ﻭﺍﻋﺠﺰ ﻋﻦ ﻛﻤﻴﺔ ﺍﻻﻟﻢ ﺍﻟﻲ ﻣﺮﻳﺖ ﺑﻴﻬﺎ
ﻣﺎﻳﻮﻡ ﺣﻄﻴﺖ ﺭﺍﺳﻲ ﻉ ﺍﻟﻤﺨﺪﺓ ﺍﺫﺍ ﻣﺎﺍﺫﻛﺮﺕ ﻣﻮﺍﻗﻔﻪ ﺍﻟﻤﺨﺰﻳﻪ ﻭﻳﺎﻱ ﻣﻮﻗﻒ ﻣﻮﻗﻒ
ﺍﻏﺘﺼﺎﺑﻪ
ﻭﺣﺸﻴﺘﻪ
ﻫﻤﺠﻴﺘﻪ
ﺿﺮﺑﻪ ﻭﺷﻜﻪ ﺑﻴﻮﻡ ﺍﻻﺗﻬﻤﻨﻲ ﻭﻛﻠﻌﺎﺩﺓ ﺣﻤﻠﻨﻲ ﺫﻧﺐ ﺑﻨﺖ ﺍﺧﺘﻪ
ﺍﺫﻛﺮ ﻣﻦ ﺭﺑﻄﻨﻲ ﺑﺎﻟﺪﺭﺝ ﻭﻳﮕﻠﻬﻢ ﺍﺭﻳﺪﻛﻢ ﺍﺗﻔﻠﻮﻥ ﻋﻠﻴﻬﺎ
ﺍﻫﻮﺍﻱ ﻣﻮﺍﻗﻒ ﻭﺗﻔﺎﺻﻴﻞ ﺗﺤﺰ ﺑﺨﺎﻃﺮﻱ ﻣﻦ ﺍﺫﻛﺮﻫﺎ
ﻛﻞ ﻣﻮﻗﻒ ﺑﻴﻬﻦ ﻛﻔﻴﻞ ﻳﺨﻠﻲ ﮔﻠﺒﻲ ﻣﺜﻞ ﺍﻟﺤﺠﺮ
ﺻﺢ ﺍﺩﻋﻲ ﺍﻟﻘﻮﺓ ﺑﺲ ﺩﺍﺧﻠﻲ ﻫﺶ ﻛﻠﺶ ﻣﺎﻋﺪﺕ ﺍﺗﺤﻤﻞ ﺍﻱ ﺷﻲ
ﺍﺗﻤﻨﻴﺖ ﺍﻧﻬﺰﻡ ﺍﻟﻤﻜﺎﻥ ﺑﻌﻴﻴﻴﺪ ﻣﺎﺑﻲ ﺑﺲ ﺍﻧﻲ ﺍﺭﻳﺪ ﺍﺗﺨﻠﺺ ﻣﻦ ﻛﻠﺸﻲ ﺩﺍﻳﺮ ﻣﺪﺍﻳﺮﻱ
ﻓﺰﻳﺖ ﻣﻦ ﺻﻔﻨﺘﻲ ﻋﻠﺊ ﺣﻀﻨﻪ ﻣﺤﻤﺪ ﺟﺮﻧﻲ ﺑﺎﺳﻨﻲ
ﻣﺤﻤﺪ،،ﻻﺭﺗﻲ ﺍﻡ ﻋﻴﻮﻥ ﺍﻟﺤﻠﻮﺍﺕ ﻟﺘﻀﻮﺟﻴﻦ ﺍﻧﺸﺎﺀﺍﻟﻠﻪ ﺍﻟﻠﻪ ﻳﻌﻮﺿﺞ ﺍﻻﺣﺴﻦ ﻣﻨﻪ
ﺭﺍﻓﺪ،،ﻳﺎﻟﻠﻪ ﺍﻟﻴﻮﻡ ﻋﺎﺯﻣﻜﻢ ﻋﻠﺊ ﻃﻠﻌﻪ ﺍﺗﺨﺒﻞ ﺩﺍﻡ ﻣﺎﻛﻮ ﺍﺣﺪ ﻭﻳﺎﻧﻪ ﺍﻧﺮﻳﺪ ﻫﻠﻄﻠﻌﻪ ﺑﺲ ﻟﻼﺧﻮﺓ
ﻻﺭﺍ،،ﺍﺧﻮﺗﻲ ﻳﺤﺎﻭﻟﻮﻥ ﻳﻔﺮﻭﺣﻨﻲ ﺭﺍﻓﺪ ﻳﮕﺮﺹ ﺧﺪﻱ ﻭﻣﺤﻤﺪ ﻳﺸﺎﻗﻪ ﻭﻳﺎﻱ
ﺣﻤﺪﺕ ﺍﻟﻠﻪ ﻭﺷﻜﺮﺗﻪ ﻋﻨﺪﻱ ﻫﻴﺞ ﺍﺧﻮﺓ ﺻﺢ ﻓﻘﺮﺓ ﻣﺎﻟﻬﻢ ﺩﺧﻞ ﺑﻜﻠﺸﻲ ﺑﺲ ﻣﻬﻤﺎ ﻳﻜﻮﻥ ﻳﺒﻘﻮﻥ ﺳﻨﺪﻱ ﺑﺎﻟﺪﻧﻴﻪ
ﻣﻬﻨﺪ ﺍﺟﻪ ﻭﺭﺓ ﺍﻟﻔﺎﺗﺤﻪ ﻫﻮ ﻭﻣﺮﺗﻪ ﻭﺍﻃﻔﺎﻟﻪ ﺍﻻﺭﺑﻌﻪ ﺍﻟﺘﺆﺍﻡ ﻣﺎﺿﻞ ﻳﻮﻣﻴﻦ ﻭﺑﻴﻮﻡ ﺍﻟﺜﺎﻟﺚ ﺍﺗﺨﺮﺑﻄﻦ ﺍﻟﺒﻨﺎﺕ ﻓﺪ ﻣﺮﺓ
ﻣﺎﺍﺗﻌﻠﻤﻦ ﻋﻠﺊ ﺟﻮﻧﻪ ﻭﻻﻋﻠﺊ ﺍﻟﻤﺎﻱ ﺍﻣﻬﻦ ﺍﺗﮕﻮﻝ ﺟﻮ ﺍﻟﻤﺎﻧﻴﻪ ﺛﻠﺞ ﻭﺍﻟﻌﺮﺍﻕ ﻳﻮﻣﻴﻦ ﺍﻧﺸﻮﻳﻨﻪ ﺷﻮﻱ
ﺗﺎﻟﻲ ﺍﻣﻲ ﻛﺎﻟﺘﻠﻪ ﺍﺧﺬ ﺍﻃﻔﺎﻟﻚ ﻭﺍﺭﺟﻊ ﻻﺗﺴﻮﺀ ﺣﺎﻟﺘﻬﻢ
ﻭﻓﻌﻼ ﺛﺎﻟﺚ ﻳﻮﻡ ﺍﺧﺬﻫﻢ ﻭﺳﺎﻓﺮ ﺻﺎﺭ ﺳﻔﺮﺓ ﻋﺎﺩﻱ ﻋﺪﻧﻪ ﻻﻥ ﺍﺳﺘﻘﺮ ﺑﻌﻴﺪ ﻋﻦ ﻋﻴﻮﻧﻪ
ﻣﻮﻣﺜﻞ ﺍﻭﻝ ﻣﺎﺳﺎﻓﺮ ﺍﻣﻲ ﺿﻠﺖ ﺷﻬﺮ ﺗﺒﺠﻲ ﻭﺭﺍﻩ ﻭﺑﺎﻟﻴﻮﻡ ﺍﻟﻒ ﻣﺮﺓ ﺗﺘﺼﻞ ﺑﻲ
ﺍﺧﺬﻧﻪ ﺭﺍﻓﺪ ﻟﻼﻣﺎﻡ ﺍﺑﻮ ﺍﻟﺠﻮﺍﺩﻳﻦ ﻋﻠﻴﻪ ﺍﻟﺴﻼﻡ
ﻃﻮﻝ ﺍﻟﻄﺮﻳﻖ ﻣﻜﺎﺑﺮﺓ ﻭﺩﺍﻳﺴﻪ ﻋﻠﺊ ﺟﺮﻭﺣﻲ ﺷﻜﻠﻪ ﻣﺎﻳﺮﻭﺡ ﻣﻦ ﺑﺎﻟﻲ ﻣﻦ ﻃﻠﻊ ﻣﻦ ﻳﻢ ﺍﻟﺴﻴﺪ ﻭﺧﺸﻤﻪ ﻃﮓ ﺩﻡ
ﺍﺧﻮﺗﻲ ﺭﺍﺣﻮ ﻣﻦ ﺟﻬﺔ ﺗﻔﺘﻴﺶ ﺍﻟﺮﺟﺎﻝ
ﻭﺍﻧﻲ ﻟﻠﻨﺴﺎﺀ ﺩﺧﻠﺖ ﺍﺑﻠﻊ ﺑﺮﻳﮕﻲ ﺍﻟﻴﻨﺪﺳﻨﻲ ﺍﻃﮕﻬﺎ ﺑﺠﻴﻪ ﺑﻮﺟﻬﺎ
ﺍﻟﻤﻔﺘﺸﻪ ﺗﺒﺎﻭﻉ ﺑﻮﺟﻬﻲ ﻛﻤﻠﺖ ﻭﺩﺧﻠﺖ ﺍﺗﻠﮕﺎﻧﻲ ﻣﺤﻤﺪ
ﻣﺤﻤﺪ،،ﻓﻮﺗﻲ ﺯﻭﺭﻱ ﻭﻣﻦ ﺍﻃﻠﻌﻴﻦ ﺭﺍﺡ ﺗﻠﮕﻴﻨﻪ ﺍﻫﻨﺎ ﺍﻧﺼﻠﻲ
ﻻﺭﺍ،،ﺩﺧﻠﻮ ﻟﻼﻣﺎﻡ ﻭﺍﻧﻲ ﺩﺧﻠﺖ ﻣﻦ ﺍﻟﻤﻜﺎﻥ ﺍﻟﻤﺨﺼﺺ ﻟﻠﺪﺧﻮﻝ
ﺍﺑﺎﻭﻉ ﺍﻟﺸﺒﺎﺝ ﺻﺎﻳﺮﺓ ﻋﻠﻲ ﻗﺘﺎﻝ ﻧﺎﺱ ﻓﻮﮒ ﻧﺎﺱ
ﺍﺗﻤﻨﻴﺖ ﺍﻭﺻﻞ ﻟﻠﺸﺒﺎﻙ ﺍﺷﻤﺮ ﺭﻭﺣﻲ ﻭﺍﺑﺠﻲ
ﺭﻓﻌﺖ ﻋﻴﻨﻲ ﻧﺰﻟﻦ ﺩﻣﻮﻋﻲ ﺷﻔﺎﻳﻔﻲ ﺗﺮﺟﻒ ﻣﻦ ﻋﺒﺮﺗﻲ
ﺑﻠﻌﺖ ﺍﻟﻐﺼﻪ ﻭﮔﺘﻠﻪ ﺳﻴﺪﻱ ﻭﻣﻮﻻﻱ ﻣﻬﻀﻮﻣﻪ ﻭﺍﺟﻴﺘﻚ ﺍﺫﺍ ﺍﻟﻲ ﺧﺎﻃﺮ ﻋﺪﻛﻢ ﺍﻫﻞ ﺑﻴﺖ ﺍﻟﻨﺒﻮﺓ ﺑﺲ ﺍﺭﻳﺪ ﺍﻭﺻﻞ ﻳﻤﻚ
ﺑﺎﻟﻠﻪ ﺍﻟﻌﻀﻴﻢ ﻣﺎﺷﻔﺖ ﻏﻴﺮ ﺍﻛﻮ ﻃﺮﻳﻖ ﺑﻴﻦ ﺍﻟﻨﺴﻮﺍﻥ ﺻﺎﺭ ﺧﻔﻴﻒ ﻛﻠﺶ ﺑﺤﻴﺚ . ﺍﮔﺪﺭ ﺍﺯﻭﺭ ﺑﺮﺍﺣﺘﻲ
ﻓﺘﺖ ﻭﺟﺴﻤﻲ ﻛﻠﻪ ﻳﺮﻋﺶ ﻟﺰﻣﺘﻨﻲ ﺍﻟﺒﺮﺩﺓ ﺛﻠﺠﺖ ﺍﻃﺮﺍﻓﻲ
ﻟﺰﻣﺖ ﺍﻟﺸﺒﺎﻙ ﻭﺣﻨﻴﺖ ﺭﺍﺳﻲ ﻋﻠﻲ ﺍﺷﻬﮓ ﺑﺎﻟﺒﺠﻲ
ﺻﺮﺕ ﺍﻧﺤﺐ ﺑﺼﻮﺕ ﻋﺎﻟﻲ ﻣﺘﻨﺎﺳﻴﻪ ﺍﻟﻨﺴﻮﺍﻥ ﺍﻟﻴﻤﻲ
ﻣﺪﺧﻠﻪ ﺍﺻﺎﺑﻌﻲ ﺑﺎﻟﺸﺒﺎﻙ ﻭﺍﺑﺠﻲ ﮔﻠﺒﻲ ﻳﻮﺟﻌﻨﻲ
ﺍﻛﻮ ﻛﻢ ﻣﺮﺓ ﺭﺑﺘﻦ ﻋﻠﺊ،ﻣﺘﻮﻧﻲ ﻳﺸﻔﻘﻦ ﻭﻳﺴﺘﺨﻄﻦ ﺣﺎﻟﺘﻲ
ﻣﺎﺍﺑﺘﻌﺪﺕ ﻏﻴﺮ ﻟﻤﻦ ﺷﻔﺖ ﺭﻭﺣﻲ ﺻﺮﺕ ﺍﺣﺴﻦ ﻭﺑﺪﺍﺧﻠﻲ ﺷﻲ ﺑﺮﺩ
ﻃﻠﻌﺖ ﻟﻠﻤﻐﺎﺳﻞ ﻏﺴﻠﺖ ﻭﺟﻬﻲ ﻋﻴﻮﻧﻲ ﻭﺭﻣﻦ ﻣﻦ ﺍﻟﺒﺠﻲ
ﺭﺟﻌﺖ ﺻﻠﻴﺖ ﻭﻃﻠﻌﺖ ﻟﮕﻴﺖ ﻣﺤﻤﺪ ﻭﺭﺍﻓﺪ ﻣﻨﺘﻀﺮﻳﻨﻲ ﻣﻜﻤﻠﻴﻦ ﺻﻼﺗﻬﻢ ﻭﮔﺎﻋﺪﻳﻦ
ﺍﺧﺬﻧﻪ ﺑﻌﺪﻫﺎ ﻋﻠﺊ ﻣﻄﻌﻢ ﺷﮕﺪ ﺣﺎﻭﻟﻮ ﺍﻛﻞ ﺑﺲ ﻧﻔﺴﻲ ﻣﻨﺴﺪﺓ ﻣﺎﺍﻛﻠﺖ
ﻣﺤﻤﺪ،،ﻻﺭﺍ ﺣﻀﺮﻱ ﻧﻔﺴﺞ ﺑﺎﺟﺮ ﺍﻟﺼﺒﺢ ﺍﺧﺬﺝ ﺣﺘﺊ ﻳﻄﻠﮕﺞ ﺑﺎﻟﻤﺤﻜﻤﻪ
ﻻﺭﺍ،،ﻫﺰﻳﺖ ﺭﺍﺳﻲ ﻣﺎﺑﻴﻪ ﺍﺣﺠﻲ
ﺑﺲ ﺑﺪﺍﺧﻠﻲ ﺍﻟﻨﺎﺭ ﻣﻮﺟﺮﺓ ﺷﻠﺤﮕﺖ ﺍﺗﺰﻭﺝ ﺣﺘﺊ ﺍﻃﻠﮓ ?
ﺍﺗﻤﻨﻴﺖ ﻣﺎﺷﻔﺘﻚ ﻳﺎﺭﺍﻫﺐ ﻭﻻﺍﻟﻠﻪ ﺣﻄﻚ ﺑﻄﺮﻳﻘﻲ
ﺍﺗﻤﻨﻴﺖ ﺑﺬﻳﺞ ﺍﻟﺴﺎﻋﻪ ﻣﻮﺍﻓﻘﻪ ﻋﻠﺊ ﺍﺳﺘﺎﺫ ﻋﻤﺎﺭ ﻭﻻﻣﺎﺧﺬﺗﻚ
،،،،،،،،،،،،،،،،،،
ﺭﺍﻫﺐ،،ﻣﻦ ﻳﻮﻡ ﺍﻟﻤﺎﺕ ﺍﻳﻬﻢ ﻭﺍﻧﻲ ﻣﺎﻟﻲ ﺭﻭﺡ ﺣﺘﺊ ﺍﻣﺸﻲ
ﻣﺮﺍﺕ ﺍﺣﺴﻪ ﻋﻘﺎﺏ ﻣﻦ ﺍﻟﻠﻪ ﻋﻠﺊ ﺍﻟﺴﻮﻳﺘﻪ ﺑﻼﺭﺍ ﻻﻥ ﺿﻠﻤﺘﻬﺎ ﻭﻳﺎﻱ ﺑﺴﺒﺐ ﺣﻘﺪﻱ ﻋﻠﺊ ﺍﺑﻮﻫﺎ
ﻣﻦ ﺍﺧﺬﺗﻬﺎ ﻟﻬﻠﻬﺎ ﺑﻌﺪﻧﻲ ﻣﺎﻣﺤﺮﻙ ﺳﻴﺎﺭﺗﻲ ﻃﻠﻌﺖ ﻣﺮﺓ ﺗﺮﻛﺾ ﺗﺮﻳﺪ ﺍﺗﻔﺰﻉ ﺍﻟﻌﺎﻟﻢ ﺷﺎﻓﺘﻨﻲ ﺍﺟﺖ ﺑﺎﺍﺗﺠﺎﻫﻲ ﺗﺮﻛﺾ ﮔﺎﻟﺖ ﺧﺎﻟﻪ ﺍﻟﺤﮓ ﺑﻨﺖ ﺍﻟﻤﺮﺣﻮﻡ ﻭﮔﻌﺖ ﻻﺗﺤﺮﻙ ﺍﻳﺪ ﻭﻻﺭﺟﻞ ﻭﺍﺧﻮﺗﻬﺎ ﺍﺧﺬﻭ ﺍﺑﻮﻫﻢ ﻟﻠﻤﻐﻴﺴﻞ ﻣﺎﻛﻮ ﺍﺣﺪ ﺗﻌﺎﻝ ﺍﺧﺬﻫﺎ ﻟﻠﻤﺴﺘﺸﻔﺊ
ﺩﺧﻠﺖ ﻣﻔﺰﻭﻉ ﻣﺎﺍﺷﻮﻑ ﮔﺪﺍﻣﻲ ﻟﮕﻴﺖ ﺍﻟﻨﺴﻮﺍﻥ ﻣﺘﻜﻮﻣﻪ ﻓﻮﮒ ﺭﺍﺳﻬﺎ ﺍﺗﻐﺴﻞ ﺑﻮﺟﻬﺎ ﻓﺎﺗﺤﻪ ﻋﻴﻮﻧﻬﺎ ﺑﺲ ﻣﺎﺗﺤﺠﻲ
ﺯﻣﺨﺖ ﺑﻴﻬﻦ ﺍﺑﺘﻌﺪﻥ ﻋﻨﻬﺎ ﺷﻠﺘﻬﺎ ﻭﻃﻠﻌﺖ ﺍﺭﻛﺾ ﻟﻠﻤﺴﺘﺸﻔﺊ ﺑﺎﻟﻒ ﻳﺎﻋﻠﻲ ﻳﺎﻟﻠﻪ ﻭﺻﻠﻨﻪ
ﻃﻮﻝ ﺍﻟﻄﺮﻳﻖ ﺍﮔﻠﻪ ﻳﺎﺭﺏ ﺍﺧﺬ ﻋﻤﺮﻱ ﻭﺧﻠﻴﻬﺎ
ﻣﺎﺑﻴﻪ ﺣﻴﻞ ﺍﻓﮕﺪ ﻋﺰﻳﺰ ﻣﺮﺓ ﺛﺎﻧﻴﻪ ﺍﺳﻮﻕ ﻭﻛﻞ ﺛﺎﻧﻴﻪ ﺍﻟﺘﻔﺖ ﻋﻠﻴﻬﺎ ﺍﺭﻳﺪ ﺍﺧﻠﻴﻬﺎ ﺗﺤﺠﻲ ﻣﺴﻠﻬﻤﻪ ﻋﻴﻮﻧﻬﺎ ﻋﻠﺊ ﻛﻴﻒ ﻓﺎﺻﻠﻪ ﻣﺎﺗﺴﻤﻌﻨﻲ
ﻭﺻﻠﺖ ﻟﻠﻤﺴﺘﺸﻔﺊ ﻓﺘﺤﺖ ﺍﻟﺒﺎﺏ ﺍﺧﺬﺗﻬﺎ ﻭﺩﺧﻠﺖ ﺍﺭﻛﺾ ﻟﻠﻄﻮﺍﺭﺉ ﺍﻟﺘﻤﺖ ﻋﻠﻴﻬﺎ ﺍﻻﻃﺒﺎﺀ
ﻭﺑﻌﺪ ﺍﻟﻜﺸﻒ ﻭﺍﻟﺘﺤﺎﻟﻴﻞ ﺟﺎﻧﺖ ﺍﻟﻨﺘﻴﺠﺔ ﺻﺎﺩﻣﻪ ﺍﻟﻲ
ﺫﺑﺤﺔ ?
ﺍﻧﻲ ﺍﻟﺴﺒﺐ ﻛﻠﻠﻠﻪ ﻣﻨﻲ
ﺑﻘﻴﺖ ﺍﻟﻮﻡ ﺑﺮﻭﺣﻲ ﻻﻥ ﻭﺻﻠﺘﻬﺎ ﺍﻟﻬﻴﺞ ﺣﺎﻟﻪ
ﺩﺧﻠﻮﻫﺎ ﺍﻟﻐﺮﻓﺔ ﺍﻟﻌﻨﺎﻳﻪ ﻃﺒﻴﺐ ﻳﺮﻭﺡ ﻭﻃﺒﻴﺐ ﻳﺠﻲ ﻭﺍﻧﻲ ﺭﻭﺣﻲ ﺍﺗﻠﻮﺏ ﻋﻠﻴﻬﺎ ﺍﺣﺴﻬﺎ ﺍﻣﻲ ﻭﺭﺍﺡ ﺍﻓﻘﺪﻫﺎ

ﺻﺮﺕ ﻣﺜﻞ ﺍﻟﻤﺨﺒﻞ ﺍﻓﺘﺮ ﻃﻠﻌﺖ ﻟﻠﺴﻴﺎﺭﺓ ﻣﺨﺘﻨﮓ ﺣﺮﻛﺖ ﻭﻣﺸﻴﺖ ﻋﻴﻮﻧﻲ ﺗﺠﺮﻱ ﻋﻠﻴﻬﺎ
ﺳﺒﺤﺎﻧﻚ ﻳﺎﺭﺏ ﻋﻴﻮﻧﻲ ﻳﺒﺠﻦ ﻟﻼﻧﺴﺎﻧﻪ ﺍﻟﻲ ﺣﻠﻔﺖ ﺑﻴﻮﻡ ﺍﺑﺠﻲ ﻋﻴﻮﻧﻬﺎ ﺍﻟﻲ ﺣﻠﻔﺖ ﺍﻛﺴﺮﻫﺎ ﻭﺍﺍﺫﻳﻬﺎ
ﺗﺎﻟﻲ ﻛﺴﺮﺕ ﮔﻠﺒﻲ ﻭﺭﻭﺣﻲ ﺑﻄﻴﺤﺘﻬﺎ
ﻣﺴﺘﻌﺪ ﺍﺑﻮﺱ ﺭﺍﺳﻬﺎ ﺣﺘﺊ ﺍﺗﺴﺎﻣﺤﻨﻲ ﺑﺲ ﺧﻞ ﺗﺮﺟﻌﻠﻲ ﻭﻛﻠﺸﻲ ﻣﺎﺍﺭﻳﺪ
ﺟﺮﻳﺖ ﻧﻔﺲ ﻃﺎﻟﻊ ﻣﻦ ﺭﻭﺣﻲ ﺍﺍﺍﺥ ﺍﻟﻠﻪ ﻟﻴﺶ ﺍﻧﻲ ﻣﻦ ﺯﻏﺮﻱ ﻣﺸﻠﻮﻉ ﮔﻠﺐ
ﻫﻮ ﺍﻟﻤﺸﻠﻮﻉ ﮔﻠﺒﻪ ﻳﺮﺗﺎﺡ ?
ﻻﻭﺍﻟﻠﻪ ﻣﺎﻳﺮﺗﺎﺡ
ﺭﺟﻌﺖ ﻟﻠﻤﺴﺘﺸﻔﺊ ﺍﻟﻤﻐﺮﺏ ﻟﮕﻴﺖ ﻭﺍﺣﺪ ﻣﻦ ﺍﺧﻮﺗﻬﺎ ﻣﻮﺟﻮﺩ ﻭﺻﻠﺖ ﻳﻤﻪ ﺧﻨﺰﺭ ﺑﻮﺟﻬﻲ ﺍﺟﻪ ﺑﺴﺮﻋﻪ ﺍﻧﻄﺎﻧﻲ ﻟﻄﻤﻪ ﻋﻠﺊ ﻭﺟﻬﻲ ﺍﺧﺘﻞ ﺗﻮﺍﺯﻧﻲ
ﺑﺲ ﻣﺎﺿﺮﺑﺘﻪ ﺩﻓﻌﺘﻪ
ﺭﺍﻓﺪ، ،ﺍﻃﻠﻠﻊ ﻻﺍﺧﻠﻴﻚ ﻓﺮﺟﻪ ﻟﻠﻌﺎﻟﻢ
ﺭﺍﻫﺐ،،ﺍﺷﻮﻓﻬﺎ ﻭﺍﻃﻠﻊ
ﺭﺍﻓﺪ،،ﺷﺨﻠﻴﺖ ﺑﻴﻬﺎ ﺍﻧﺘﻪ ﺣﺘﺊ ﺗﺸﻮﻓﻬﺎﺍﺍ
ﺍﺭﺭﺭﺑﻊ ﺍﺷﻬﺮ ﺣﺎﺭﻣﻬﺎ ﻣﻦ ﺍﻟﺠﻴﻪ ﺍﻟﻨﻪ ﻣﺎﺍﺍﺕ ﺍﺑﻮﻱ ﻭﻫﻮ ﻳﻠﻬﺞ ﺑﺎﺳﻤﻬﺎ
ﺭﺍﻫﺐ،،ﻳﺤﺠﻲ ﻭﻳﺪﻓﻊ ﺑﻴﻪ ﻋﻴﻨﻲ ﻋﻠﺊ ﺑﺎﺏ ﺍﻟﻐﺮﻓﻪ ﺍﻟﻤﻮﺟﻮﺩﺓ ﺑﻴﻬﺎ
ﺍﺟﻪ ﺍﻟﺪﻛﺘﻮﺭ ﻃﻠﺐ ﻣﻨﻪ ﻧﺴﻜﺖ ﻻﻳﻄﺮﺩﻧﻪ ﺷﻔﺖ ﺍﻟﻮﺿﻊ ﻣﺘﺎﺯﻡ ﺭﺟﻌﺖ ﮔﻌﺪﺕ ﺑﺮﺓ
ﺍﺗﻤﻨﻴﺖ ﺍﻧﺎﻡ ﺑﺤﻀﻨﻬﺎ ﺍﺩﻓﻦ ﺧﺸﻤﻲ ﺑﺼﺪﺭﻫﺎ ﺍﺷﻢ ﻋﻄﺮﻫﺎ
ﺭﺩﺕ ﺑﺲ ﻣﺮﺓ ﺑﺤﻴﺎﺗﻲ ﺍﻧﺎﻡ ﻣﺮﺗﺎﺡ
ﺑﻴﻮﻡ ﺍﻻﺧﺬﺗﻬﺎ ﻟﻠﻔﻨﺪﻕ ﻳﻤﻜﻦ ﺍﻭﻝ ﻣﺮﺓ ﺍﻓﺮﺡ ﺑﺤﻴﺎﺗﻲ ﻣﻦ ﻛﻞ ﮔﻠﺒﻲ
ﺑﺲ ﺍﻧﻲ ﺷﺨﺺ ﺍﻧﻜﺘﺐ ﻋﻠﻲ ﺍﻟﺤﺰﻥ ﻭﺍﻟﺘﻌﺐ ﻭﺍﻻﺫﻳﻪ ﻃﻮﻝ ﻋﻤﺮﺓ
ﺑﻘﻴﺖ ﻣﻨﺎﻃﺮﻫﺎ ﺍﺑﺎﺏ ﺍﻟﻤﺴﺘﺸﻔﺊ ﺍﺭﺑﻊ ﺍﻳﺎﻡ ﻻﻟﻴﻠﻲ ﻟﻴﻞ ﻭﻻﻧﻬﺎﺭﻱ ﻧﻬﺎﺭ ﺣﺘﺊ ﺩﻭﺍﻡ ﻣﺎﺩﺍﻭﻣﺖ ﺍﺧﻮﺗﻬﺎ ﻳﺎﻫﻮ ﺍﻟﻴﺸﻮﻓﻨﻲ ﻳﺘﻌﺎﺭﻙ ﻭﻳﺎﻱ ﺗﻮﺻﻞ ﻟﻠﻌﺮﻙ ﻭﺍﻟﻀﺮﺏ ﻭﺍﻧﻲ ﺑﻌﺪﻧﻲ ﺑﻤﻜﺎﻧﻲ ﻣﺎﺍﺭﻳﺪ ﺍﻋﻮﻓﻬﺎ
ﺍﺫﺍ ﺍﻧﺎﻣﻠﻲ ﺳﺎﻋﻪ ﺍﺭﺟﻊ ﻟﻠﺸﻘﻪ ﺍﻭﻗﺖ ﺍﻟﻤﻮﺑﺎﻳﻞ ﺳﺎﻋﻪ ﺳﺎﻋﺘﻴﻦ ﺍﺳﺒﺢ ﻭﺍﺭﺟﻊ ﺍﻟﻨﻔﺲ ﻣﻜﺎﻧﻲ
ﺑﻴﻮﻡ ﺍﻟﺮﺍﺑﻊ ﻭﺑﺴﺒﺐ ﻛﻼﻡ ﺍﺧﻮﺗﻬﺎ ﻭﻋﺮﻛﻬﻢ ﻋﺮﻓﺖ ﺧﻠﺺ ﻛﻠﺸﻲ ﻭﺑﻌﺪ ﺍﻟﺼﺎﺭ ﻣﺴﺘﺤﻴﻞ ﺗﺮﺟﻌﻠﻲ
ﺧﺎﻣﺲ ﻳﻮﻡ ﻋﺮﻓﺖ ﻃﻠﻌﺖ ﻻﻥ ﺭﺣﺖ ﻭﺳﺎﻟﺖ ﮔﺎﻟﻮ ﺣﺎﻟﺘﻬﺎ ﺍﺳﺘﻘﺮﺕ ﻻﻥ ﺟﺎﻧﺖ ﻛﻞ ﻣﺎﺗﺼﺤﺊ ﺗﺪﺧﻞ ﺑﺎﺍﻧﻬﻴﺎﺭ ﻋﺼﺒﻲ ﺍﺗﻨﺎﻡ ﻉ ﺍﻟﻤﻬﺪﺋﺎﺕ
ﻳﻮﻣﻴﻪ ﺍﺗﺼﻞ ﺍﻟﻤﻮﺑﺎﻳﻞ ﻣﺎﻳﻮﮔﻊ ﻣﻦ ﺍﻳﺪﻱ ﻋﻠﺊ ﺍﻣﻞ ﺑﺲ ﺍﺳﻤﻊ ﺻﻮﺗﻬﺎ ﺣﺘﺊ ﺍﺭﺗﺎﺡ
ﺑﺲ ﺍﻟﻀﺎﻫﺮ ﮔﻠﺒﻬﺎ ﻗﺴﺊ ﻣﺎﺗﺮﻳﺪ ﺗﺮﻳﺤﻨﻲ ﻭﺍﻃﻔﻲ ﻧﺎﺭﻱ
ﺍﻳﺎﻡ ﻣﺮﺕ ﺗﻌﺒﺖ ﺑﻴﻬﺎ ﻛﻠﺶ ﺑﺪﻭﻧﻬﺎ ﺍﺗﺨﻠﺖ ﻋﻨﻲ ﺏ ﺍﻛﺜﺮ ﻓﺘﺮﺓ ﺟﻨﺖ ﻣﺤﺘﺎﺟﻬﺎ ﺑﻴﻬﺎ ﺍﺗﻤﻨﻴﺖ ﺍﺧﺬﻫﺎ ﻭﺍﻧﻬﺰﻡ ﺍﻃﻠﻊ ﺧﺎﺭﺝ ﺍﻟﻌﺮﺍﻕ ﺑﺲ ﺍﺫﻛﺮ ﺍﻣﻲ ﻭﺍﺧﺘﻲ ﻣﺤﺪ ﺍﻟﻬﻦ
ﻭﺻﻠﺖ ﺍﻟﻤﺮﺣﻠﻪ ﺍﻓﻜﺮ ﺍﺧﻄﻔﻬﺎ ﻭﺍﺟﻴﺒﻬﺎ ﻳﻤﻲ
ﺷﻬﻮﺭ ﻭﺍﻧﻲ ﻣﺴﺘﻘﺘﻞ ﻋﻠﺊ ﺷﻮﻓﺘﻬﺎ ﻻﺣﻨﺖ ﻭﻻﺍﻧﻘﻬﺮﺕ ﻋﻠﺊ ﺣﺎﻟﺘﻲ
ﺭﺩﺕ ﺑﺲ . ﺍﻧﺴﺊ ﻣﺎﺟﺎﻱ ﺍﮔﺪﺭ ﺭﺟﻌﺖ ﻟﻠﺸﺮﺏ ﺍﺷﺮﺏ ﻟﺤﺪ ﻣﺎﺍﻓﻘﺪ ﻭﻫﻢ ﻣﺎﺍﻧﺴﺎﻫﺎ ﺍﺿﻞ ﺍﻫﺬﻱ ﺑﺎﺍﺳﻤﻬﺎ
ﺻﺮﺕ ﺍﺭﻭﺡ ﺍﻟﺒﺎﺑﻬﺎ ﻣﺜﻞ ﻓﻘﻴﺮ ﻳﺴﺘﺠﺪﻱ ﻋﻄﻔﻬﺎ
ﺑﺲ ﺑﺎﻟﻤﻘﺎﺑﻞ ﺍﺗﻠﻘﺊ ﺍﻟﺮﻓﺾ ﻭﺍﻟﻀﺮﺏ ﻣﻦ ﺍﺧﻮﺗﻬﺎ ﺟﻨﺖ ﺍﻛﺪﺭ ﺍﺿﺮﺑﻬﻢ ﺑﺲ ﻛﻞ ﺍﻟﻴﺴﻮﻭ ﺑﻴﻪ ﺍﺳﺘﺎﻫﻠﻪ ﻟﺬﺍﻟﻚ ﺍﺳﻜﺖ ﻣﺎﺍﺣﺠﻲ ﺍﻟﺨﺎﻃﺮﻫﺎ
ﻣﺜﻞ ﻛﻞ ﻳﻮﻡ ﺑﻠﻴﻞ ﺍﻟﺰﻡ ﺍﻟﺠﻬﺎﺯ ﻭﺍﺿﻞ ﺍﺗﺼﻞ ﺑﻴﻬﺎ
ﺍﺩﺯ ﺭﺳﺎﺋﻞ ﻳﻄﻠﻊ ﻣﺮﺋﻲ ﺍﺩﺭﻱ ﺗﺮﻳﺪ ﺗﻌﺎﻗﺒﻨﻲ ﻭﺗﻌﺬﺑﻨﻲ ﺑﻬﻠﻄﺮﻳﻘﻪ ﻭﻓﻌﻼ ﻧﺠﺤﺖ ﺑﻴﻬﺎ
ﺍﺗﺼﻠﺖ ﺟﺎﻭﺑﺖ ﺍﺧﺘﻨﮕﺖ ﻭﺑﺠﻴﺖ ﺍﺗﻤﻨﻴﺖ ﺗﻨﻘﻬﺮ ﻋﻠﺊ ﺣﺎﻟﻲ ﻭﺍﻟﻠﻪ ﺍﺭﻭﺡ ﺍﺟﻴﺒﻬﺎ ﻟﻮﺑﺤﻠﮓ ﺍﻻﺳﺪ ﺑﺲ ﻛﻼﻣﻬﺎ ﻣﺜﻞ ﺳﺠﻴﻨﻪ ﻧﺎﻣﺖ ﺑﮕﻠﺒﻲ
ﺍﺗﻔﻘﺖ ﻭﻳﺎﻫﺎ ﺛﺎﻧﻲ ﻳﻮﻡ ﻧﻄﻠﮓ
ﻣﺎﺗﺪﺭﻱ ﺑﻬﺬﺍ ﺍﻟﻘﺮﺍﺭ ﻃﻠﮕﺖ ﺍﻟﺪﻧﻴﺎ ﻭﻣﺎﺑﻴﻬﺎ
ﺟﻨﺖ ﺍﺑﺎﻭﻉ ﺑﻌﻴﻮﻧﻬﺎ ﺍﻟﺘﻤﺲ ﺍﺗﺤﻦ ﻭﺗﺴﺎﻣﺢ ﺑﺲ ﺟﺎﻧﺖ ﺟﺎﻣﺪﺓ ﺑﻜﻠﺸﻲ ﻧﻀﺮﺍﺗﻬﺎ ﻭﮔﻔﺘﻬﺎ ﻋﻴﻮﻧﻬﺎ ﺍﻟﺠﻨﺖ ﺍﺷﻮﻑ ﺑﻴﻬﻦ ﻛﻞ ﺍﻟﺒﺮﺍﺋﻪ
ﻫﺴﻪ ﺍﺷﻮﻓﻬﻦ ﻣﻠﻴﺎﻧﺎﺕ ﺣﻘﺪ
ﻃﻠﮕﺘﻠﻬﺎ ﻭﻃﻠﻌﺖ ﺍﺣﺲ ﺭﺍﺡ ﺍﻭﮔﻊ ﺍﺭﺗﻔﻊ ﺿﻐﻄﻲ ﻭﻧﺰﻑ ﺧﺸﻤﻲ ﺍﺧﻮﻫﺎ ﻗﺒﻞ ﻣﺎﺍﻃﻠﻊ ﻧﺘﺮ ﮔﺎﻝ ﺑﺎﺟﺮ ﺍﻧﻄﻠﮓ ﺑﺎﻟﻤﺤﻜﻤﻪ ﺍﻝ ....
،،،،،،،،
ﻻﺭﺍ،،ﺛﺎﻧﻲ ﻳﻮﻡ ﺍﻟﺼﺒﺢ ﻟﺒﺴﺖ ﻭﺟﻬﺰﺕ ﻧﻔﺴﻲ ﺍﺳﺤﻞ ﺑﺮﻭﺣﻲ ﺳﺤﻞ
ﺍﺗﺼﻞ ﺭﺍﻓﺪ ﮔﺎﻝ ﺍﺫﺍ ﻛﻤﻠﺘﻲ ﺍﻃﻠﻌﻲ ﺍﻧﻲ ﺑﺎﻟﺒﺎﺏ
ﺍﺧﺬﻧﻪ ﻭﺭﺣﻨﻪ ﻟﻠﻤﺤﻜﻤﻪ ﮔﻌﺪﻧﻪ ﺑﻴﻦ ﻣﺎﻳﺪﺧﻠﻮﻧﻪ
ﺭﺍﻓﺪ ﺭﺍﺡ ﻟﻠﺤﻤﺎﻡ ﮔﺎﻝ ﺩﻗﺎﻳﻖ ﻭﺍﺭﺟﻊ
ﺟﻨﺖ ﻣﺪﻧﮕﻪ ﺭﻓﻌﺖ ﺭﺍﺳﻲ ﺷﻔﺘﻪ ﺩﺧﻞ ﻣﻦ ﺍﻟﺒﺎﺏ ﻻﺑﺲ ﻋﺴﻜﺮﻱ ﻻﺑﺴﻪ ﻧﻀﺎﺭﺗﻪ ﻧﺰﻋﻬﺎ ﻭﺑﺎﻭﻋﻠﻲ
ﮔﻠﺒﻲ ﺭﺟﻊ ﻳﻨﺒﺾ ﺑﻘﻮﺓ ﺍﺗﻤﻨﻴﺖ ﺍﺷﻠﻌﻪ ﻭﺍﺷﻤﺮﺓ ﺑﻌﺪﺓ ﻳﺪﮒ ﺳﺮﻳﻊ ﻣﻦ ﻳﺸﻮﻓﻪ ﺑﻌﺪﺓ ﻳﻀﻌﻒ ﺑﻮﺟﻮﺩﺓ
ﻭﮔﻒ ﮔﺪﺍﻣﻲ ﺟﺮ ﻧﻔﺲ ﻗﻮﻱ ﺭﻓﻌﺖ ﺭﺍﺳﻲ ﺻﺎﺭﺕ ﻋﻴﻨﻲ ﺑﻌﻴﻨﻪ ﻛﺎﻧﻪ ﺍﺗﺤﺪﺍ ﺑﺎﻟﺠﺎﻱ ﻳﺼﻴﺮ
ﺭﺍﻫﺐ،،ﻣﺎﺍﻟﻠﻪ ﻫﺪﺍﺝ ?
ﻻﺭﺍ،،ﻣﺎﻣﺼﺪﮔﻪ ﺍﺗﺨﻠﺺ ﻣﻨﻚ
ﺷﻔﺘﻪ ﻏﻤﺾ ﻭﺍﻟﺘﻔﺖ ﺍﻟﺠﻬﺔ ﺑﺎﺏ ﺍﻟﻘﺎﺿﻲ ﺭﺟﻊ ﺑﺎﻭﻋﻠﻲ ﻭﺍﺗﺤﺴﺮ
ﺭﺍﻫﺐ،،ﻫﻴﺞ ﻛﺎﺭﻫﺘﻨﻲ ?
ﻻﺭﺍ،،ﺍﻛﺜﺮ ﻣﺎﺗﺘﺼﻮﺭ ﻣﺎﺍﺻﺪﮒ ﺍﺭﺟﻊ ﺣﺮﺓ
ﺭﺍﻫﺐ،،ﺍﺳﺘﻔﺰﻧﻲ ﻛﻼﻣﻬﺎ ﮔﺘﻠﻬﺎ ﻣﺎﺩﺍﻡ ﻓﺮﺣﺎﻧﻪ ﺑﺎﻟﻄﻼﻙ ﺍﻟﺞ ﻛﻠﻤﺘﻴﻦ ﻣﻨﻲ ﺧﻠﻴﻬﻦ ﺗﺮﺟﻴﻪ ﺑﺎﺍﺫﻧﺞ
ﺩﻳﺮ ﺑﺎﻟﺞ ﺗﺤﻠﻤﻴﻦ ﺑﻴﻮﻡ ﻣﻦ ﺍﻻﻳﺎﻡ ﺗﺼﻴﺮﻳﻦ ﺍﻟﻮﺍﺣﺪ ﻏﻴﺮﻱ
ﺍﻧﺘﻲ ﺑﻬﺎﻱ ﺍﻟﺤﻴﺎﺓ ﻣﻦ ﺳﺎﺳﺞ ﺍﻟﺮﺍﺳﺞ ﺍﻟﻲ ﻭﺑﺲ
ﺧﺎﻑ ﻋﺒﺎﻟﺞ ﺍﻃﻠﮕﻨﻪ ﻛﻠﺸﻲ ﺍﻧﺘﻬﺊ ?
ﻻﻭﺩﺍﻋﺖ ﻋﻴﻮﻧﺞ ﻣﻦ ﺍﻟﻴﻮﻡ ﺍﺑﺘﺪﺉ ﻛﻠﺸﻲ
ﻣﺎﺍﺗﺼﻴﺮﻳﻦ ﺍﻟﻲ ?
ﻣﻌﻨﺎﺗﻬﺎ ﻣﺎﺗﺼﻴﺮﻳﻦ ﺍﻟﻐﻴﺮﻱ ﻭﺧﻠﻲ ﻛﻼﻣﻲ ﺩﻭﻡ ﺑﺮﺍﺳﺞ
ﻻﺭﺍ،،ﻋﺎﻓﻨﻲ ﻭﺩﺧﻞ ﺍﺭﺗﻌﺪ ﮔﻠﺒﻲ ﺑﺴﺒﺐ ﻛﻼﻣﻪ ﻓﻮﮒ ﻛﻠﺸﻲ ﺳﻮﺍﻩ ﺑﻌﺪﺓ ﻳﻬﺪﺩ
ﻛﻤﻠﻨﻪ ﺍﺟﺮﺍﺋﺎﺕ ﺍﻟﻄﻼﮒ ﺍﻧﺘﻬﺊ ﻛﻠﺸﻲ ﻫﻠﻤﺮﺓ
ﻃﻠﻌﻨﻪ ﻟﻠﺒﻴﺖ ﮔﻠﺒﻲ ﻳﺎﺫﻳﻨﻲ ﺻﻌﺪﺕ ﮔﺒﻞ ﺍﻟﻐﺮﻓﺘﻲ ﺷﻤﺮﺕ ﺍﻟﺠﻨﻄﻪ ﻧﻤﺖ ﻭﺍﺗﻐﻄﻴﺖ ﺻﺮﺕ ﺍﺷﻬﮓ ﺑﺎﻟﺒﺠﻲ
ﻋﺎﺿﻪ ﺍﺻﺒﻌﻲ ﺣﻴﻴﻞ ﻣﺎﺍﺭﻳﺪ ﻳﻄﻠﻊ ﺻﻮﺕ ﺷﻬﮕﺎﺗﻲ
ﻣﻮ ﻫﺬﺍ ﺍﻟﺮﺩﺗﻪ ﻟﻴﺶ ﻣﺎﻣﺮﺗﺎﺣﻪ ﻟﻴﻴﻴﺶ ?
ﻣﻦ ﻫﺬﺍ ﺍﻟﻴﻮﻡ ﺑﺪﺕ ﺗﺠﺘﺎﺣﻨﻲ ﺍﻟﻤﺸﺎﻋﺮ ﺍﻟﻤﺘﻨﺎﻗﻀﻪ
ﺳﺎﻋﻪ ﺍﺣﻄﻠﻪ ﺍﻟﻒ ﻋﺬﺭ ﺑﺎﻟﺴﻮﺍﻩ ﺑﻴﻪ ﻭﺑﺎﺍﻫﻠﻲ
ﻭﺳﺎﻋﻪ ﺍﻛﺮﻫﺎ ﻭﺍﺣﻘﺪ ﻋﻠﻲ ﻻﻥ ﺿﻠﻤﻨﻲ ﺑﺤﻘﺪﺓ
ﺑﻘﻴﺖ ﻟﻠﻴﻞ ﺑﻔﺮﺍﺷﻲ ﻛﻞ ﻣﺎﺗﺠﻲ ﺍﻣﻲ ﺗﺮﻳﺪ ﺍﻧﺰﻝ ﺍﮔﻠﻬﺎ ﻋﻮﻓﻴﻨﻲ
ﺻﺪﺭﻱ ﻳﺎﺫﻳﻨﻲ ﻣﺨﺘﻨﮕﻪ ﺟﺮﻳﺖ ﺍﻟﻤﻮﺑﺎﻳﻞ ﺩﺧﻠﺖ ﻋﻠﺊ ﺣﺴﺎﺑﻪ
ﺑﻘﻴﺖ ﺍﺑﺎﻭﻉ ﻋﻠﺊ ﺻﻮﺭﺗﻪ ﺩﻣﻮﻋﻲ ﺗﻨﺰﻝ
ﻛﻞ ﻣﺎﺍﺣﺎﻭﻝ ﺍﻗﻨﻊ ﺭﻭﺣﻲ ﺍﻛﺮﻫﺎ ﺍﻟﻜﻪ ﮔﻠﺒﻲ ﻫﺎﻳﻢ ﺑﻲ
ﺍﺗﻤﻨﻴﺖ ﺍﻣﻮﺕ ﻭﺍﺧﻠﺺ

ﻗﺮﺑﺖ ﺍﻟﺼﻮﺭﺓ ﻋﻠﺊ ﻭﺟﻬﺎ ﺻﺮﺕ ﺍﻣﺮﺭ ﺍﺻﺎﺑﻴﻌﻲ ﻋﻠﻪ ﺧﺪﺓ
ﻋﻴﻮﻧﻪ ﻋﺒﺎﻟﻚ ﻳﺒﺎﻭﻋﻠﻲ ﻋﺒﺎﻟﻚ ﺟﺎﻱ ﻳﺸﻮﻓﻨﻲ
ﺻﺮﺕ ﺍﺣﺠﻲ ﻭﻳﺎﻩ ﺑﺪﻭﻥ ﻭﻋﻲ ﺍﻣﺴﺢ ﺑﺪﻣﻮﻋﻲ ﻭﺍﺣﺠﻲ
ﻟﻴﺶ ﺳﻮﻳﺖ ﻫﻴﺞ ﺑﻴﻪ ?
ﺣﺒﻴﺘﻚ ﻭﺍﻟﻠﻪ ﺣﺒﻴﺘﻚ ﺗﺎﻟﻲ ﺩﻣﺮﺕ ﺍﻟﮕﻠﺐ ﺍﻟﺤﺒﻚ
ﺩﻣﺮﺗﻨﻲ ﺍﻧﺘﻪ
ﺑﺸﻨﻮ ﺍﺫﻳﺘﻚ ﺟﺎﻭﺑﻨﻲ ?
ﻻﺗﺒﺎﻭﻉ ﻭﺗﺴﻜﺖ ﺟﺎﻭﻭﻭﺏ
ﻣﺎﻳﻮﻡ ﺟﺮﺣﺘﻚ ﺑﻜﻠﻤﻪ
ﻣﺎﻳﻮﻡ ﺍﺫﻳﺘﻚ ﺑﺸﻲ
ﻟﻌﺪ ﻟﻴﺶ ﻧﻬﻴﺘﻨﻲ ﺑﺎﺍﻧﺘﻘﺎﻡ ﻣﺎﻟﻲ ﻏﺮﺽ ﺑﻴﻴﻴﻲ
ﺑﺸﻨﻮ ﺟﺮﺣﺘﻚ ﺟﺎﻭﺑﻨﻲ ?
ﺳﻠﻤﺘﻚ ﮔﻠﺒﻲ ﻭﻣﺸﺎﻋﺮﻱ ﻭﺍﻧﺘﻪ ﺷﺴﻠﻤﺘﻨﻲ ?
ﮔﻠﻲ ﻻﺗﺴﻜﺘﺘﺖ ﺷﺴﻠﻤﺘﻨﻲ ? ﻏﻴﺮ ﻭﺟﻊ ﺍﻟﮕﻠﺐ ﻭﺍﻻﺫﻳﻪ ﻭﺍﻟﺪﻣﻮﻉ ﻭﺍﻟﻘﻬﺮ ﺷﺴﻠﻤﺘﻨﻲ ?
ﺍﺣﺠﻲ ﺑﺤﺮﮔﺔ ﮔﻠﺐ ﺍﺗﻤﻨﺊ ﺍﮔﺎﺑﻠﻪ ﻭﻧﺘﻌﺎﺗﺐ ﺍﻧﻲ ﻭﻳﺎﻩ
ﺍﺗﻤﻨﺊ ﻛﺪﺍﻣﻲ ﻭﺍﮔﻒ ﻭﻳﺴﻤﻊ ﻣﻨﻲ
ﺩﮒ ﺍﻟﻤﻮﺑﺎﻳﻞ ﺭﻗﻤﻪ
ﺍﺭﺗﺒﻜﺖ ﻣﺎﺭﺩﺕ ﺍﺟﺎﻭﺏ ﺑﺲ ﺷﻲ ﺑﺪﺍﺧﻠﻲ ﻳﺤﺜﻨﻲ ﺍﻓﺘﺢ ﺧﻂ
ﺟﺎﻭﺑﺖ ﺍﺟﺎﻧﻲ ﺻﻮﺗﻪ ﻣﺨﻨﻮﮒ ﺑﻌﺒﺮﺗﻪ
ﺭﺍﻫﺐ،،ﺵ ﺷﻮﻛﺖ ﺍﺭﺗﺎﺡ ﻓﻬﻤﻴﻨﻲ
ﻟﻴﺶ ﻣﺸﻠﻮﻉ ﮔﻠﺒﻲ ﻣﻦ ﺩﻭﻥ ﺍﻟﺸﺒﺎﺏ ?
ﻻﺭﺍ،،ﺍﺳﻤﻊ ﻭﺩﻣﻮﻋﻲ ﺗﺠﺮﻱ ﺳﺎﺩﺓ ﺣﻠﮕﻲ ﺑﻴﺪﻱ ﻗﻮﻱ ﻣﺎﺍﺭﻳﺪﺓ ﻳﺴﻤﻊ ﺻﻮﺕ ﺍﻟﻤﻨﺎﺷﻎ
ﺑﻠﻌﺖ ﺭﻳﮕﻲ ﺟﺮﻳﺖ ﻧﻔﺲ ﮔﺘﻠﻪ ﻛﻞ ﺍﻟﺼﺎﺭ ﻣﻦ ﺍﻳﺪﻙ
ﺍﻗﺘﻨﻊ ﺍﻧﻲ ﻭﻳﺎﻙ ﺍﻧﺘﻬﻴﻨﻪ
ﺭﺍﻫﺐ،،ﻣﺤﺘﺎﺟﺞ ﺣﻴﻞ
ﻻﺭﺍ،،ﺍﻧﺘﻬﻴﻨﻪ
ﺭﺍﻫﺐ،،ﻣﻘﺘﻨﻌﻪ ﺍﻧﺘﻬﻴﻨﻪ ?
ﻻﺭﺍ،،ﺍﻧﺘﻪ ﺷﺘﺸﻮﻑ ?
ﺭﺍﻫﺐ،،ﺗﺬﻛﺮﻳﻦ ﺷﻜﺘﻠﺞ ﺑﻴﻮﻡ ﻣﻦ ﺍﻻﻳﺎﻡ ?
ﮔﺘﻠﺞ ﻣﺎﻳﻔﺮﻗﻨﻪ ﻏﻴﺮ ﺍﻟﻤﻮﺕ
ﻻﺭﺍ،،ﻋﻮﻓﻨﻲ ﺍﻋﻴﺶ ﺣﻴﺎﺗﻲ ﻛﺎﻓﻲ ﻟﺤﺪ ﺍﻫﻨﺎ ﺍﻫﻮﺍﻱ ﺧﺴﺮﺕ ﺍﺷﻴﺎﺀ ﺑﺴﺒﺒﻚ ﻭﺍﻭﻟﻬﻢ ﻣﺴﺘﺤﻴﻞ ﺍﺛﻖ ﺑﺸﺨﺺ ﻃﻌﻨﻲ ﺍﻟﻒ ﻃﻌﻨﻪ ﻣﺮﺓ ﺛﺎﻧﻴﻪ
ﺭﺍﻫﺐ،،ﻟﻴﺶ ﺗﺘﻌﻤﺪﻳﻦ ﺗﻘﻬﺮﻳﻨﻲ ﻓﻮﮒ ﺍﻟﻘﻬﺮ ﺍﻟﺘﺎﺭﺳﻨﻲ ﺗﺮﺱ
ﻻﺭﺍ،،ﻫﺬﺍ ﻻﺷﻲ ﻣﻦ ﻗﻬﺮﻱ ﻭﻧﺎﺭﻱ ﺍﻟﺒﺼﺪﺭﻱ
ﺧﻠﻴﺘﻨﻲ ﺍﻛﺮﻫﻚ ﻭﺍﻛﺮﻩ ﻛﻞ ﺟﻨﺲ ﺍﺩﻡ
ﻭﻣﻦ ﺍﻟﻴﻮﻡ ﺍﻧﻲ ﻭﻳﺎﻙ ﺍﻧﺘﻬﻴﻨﻪ ﻭﺍﻗﺘﻨﻊ ﺑﺎﻟﺸﻲ ﺍﻟﺼﺎﺭ ﻭﺍﺗﻌﺎﻳﺶ ﻭﻳﻪ ﻭﺿﻌﻚ
ﻻﻥ ﺍﻧﺘﻪ ﻭﺭﻗﻪ ﺳﻮﺩﺓ ﺑﺤﻴﺎﺗﻲ ﻭﺍﺭﺡ ﺍﺣﺮﮔﻚ
ﻭﺍﺣﺮﮒ ﻛﻠﺸﻲ ﻳﺨﺼﻚ
ﺳﺪﻳﺘﻪ ﻣﻨﻪ ﻭﻏﻠﻘﺖ ﺍﻟﺠﻬﺎﺯ ﺍﺗﻤﻨﺊ ﺍﺷﻠﻊ ﮔﻠﺒﻲ ﻭﺍﺣﻂ ﺣﺠﺎﺭﺓ ﺑﻤﻜﺎﻧﻪ ﺧﺎﻳﻔﻪ ﺑﻌﺪ ﻛﻞ ﺍﻟﺼﺎﺭ ﺍﺿﻌﻒ ﻣﺮﺓ ﺛﺎﻧﻴﻪ
ﻣﺮﺕ ﺍﻻﻳﺎﻡ ﻭﺟﺎﻧﺖ ﺍﻃﻮﻝ ﺍﻳﺎﻡ ﻋﺸﺘﻬﺎ ﺑﺤﻴﺎﺗﻲ
ﺍﺣﺲ ﺍﻟﻮﻗﺖ ﻣﺎﻳﻤﺸﻲ ﺑﻄﻴﺊ ﺍﻟﻴﻮﻡ ﻛﻮﺓ ﻳﺨﻠﺺ
ﻋﺸﺖ ﺑﻴﻬﻦ ﻣﺘﻘﻮﻗﻌﻪ ﻋﻠﺊ ﻧﻔﺴﻲ
ﻻﺍﻃﻠﻊ ﻻﺍﻣﺸﻲ ﻳﺎﺩﻭﺏ ﺍﻛﻞ ﻟﮕﻤﻪ ﻭﻣﺮﺍﺕ ﺍﺗﻐﺬﺓ ﻉ ﺍﻟﻨﺴﺘﻠﻪ
ﺍﮔﻠﺐ ﺑﺎﻟﻤﻮﺑﺎﻳﻞ ﺍﺑﺎﻭﻉ ﻣﻘﺎﻃﻊ ﻉ ﺍﻟﻴﻮﺗﻴﻮﺏ
ﺑﻨﺎﺕ ﺗﺨﺒﻞ ﻋﺎﻳﺸﺎﺕ ﺣﻴﺎﺗﻬﻦ ﻭﻣﺴﺘﻐﻼﺕ
ﻛﻞ ﻟﺤﻀﻪ ﺑﻌﻤﺮﺭﻫﻦ ﻭﺍﻧﻲ ﺭﺍﺡ ﻳﺼﻴﺮ ﺳﻨﻪ ﻣﻦ ﻋﺮﻓﺖ ﺭﺍﻫﺐ ﻟﺴﻪ ﺩﺍﻓﻨﻪ ﺭﻭﺣﻲ ﺑﺎﻟﻀﻠﻤﻪ
ﺣﺘﺊ ﺻﺮﺕ ﻣﻦ ﺍﻃﻠﻊ ﻟﻠﺸﻤﺲ ﻋﻴﻮﻧﻲ ﺗﺤﺮﮔﻨﻲ
ﻣﻦ ﮔﺪ ﻣﺎﺧﺎﺗﻠﻪ ﺑﺪﻭﻥ ﻣﺎﺍﻃﻠﻊ
ﺍﻣﻲ ﺗﺼﻌﺪﻟﻲ ﺗﻨﺼﺢ ﻟﻤﻦ ﺗﺘﻌﺐ
ﻋﻮﻓﻲ
ﻣﺎﻳﻔﻴﺪﺝ
ﺍﻧﺴﻲ
ﻋﻴﺸﻲ ﺣﻴﺎﺗﺞ
ﺭﺍﺡ ﺍﻛﻮ ﺍﻟﻒ ﻭﺍﺣﺪ ﺑﻤﻜﺎﻧﻪ ﻳﺘﻤﻨﻮﻥ ﺍﺿﻔﺮﺝ
ﻭﻏﻴﺮ ﻛﻠﺸﻲ ﺩﻣﺮﻧﻪ ﻭﺍﺑﻮﺝ ﻣﺎﺕ ﺑﺴﺒﺒﻪ
ﻋﺎﺵ ﺍﺧﺮ ﺍﻳﺎﻣﻪ ﻳﺤﻠﻢ ﻳﺸﻮﻓﺞ ﻟﻮ ﻳﺴﻤﻊ ﺻﻮﺗﺞ
ﺍﻓﻠﻮﺱ ﺍﺑﻮ ﻭﺭﺟﻌﺘﻠﻪ ﺍﺧﺬ ﺍﻟﻮﺭﺍﻧﻪ ﻭﺍﻟﮕﺪﺍﻣﻨﻪ
ﻭﻣﺎﺍﻛﺘﻔﺊ ﺍﻟﻪ ﺩﻣﺮﺝ ﻋﻠﻴﺶ ﺑﺎﻗﻴﻪ ﺗﺤﺒﻲ ﻭﺫﺍﺑﺤﻪ ﺭﻭﺣﺞ ﺍﻃﻠﮕﺘﻲ ﻣﻨﻪ ﻳﺮﻭﺡ ﭼﻠﺐ ﺍﺳﻮﺩ ﻳﺠﻲ ﭼﻠﺐ ﺍﺑﻴﺾ
ﮔﻌﺪﺕ ﻋﻠﺊ ﺣﻴﻠﻲ ﻛﺘﻠﻬﺎ ﻛﻞ ﺍﻟﺼﺎﺭ ﺑﻴﻨﻪ ﺍﻧﺘﻮ ﺳﺒﺒﻪ
ﻟﻮ ﻣﺎﻗﺎﺩﻛﻢ ﺟﺸﻌﻜﻢ ﻟﻔﻠﻮﺱ ﻋﻤﻲ ﺟﺎﻥ ﻣﺎﻭﺻﻠﻨﻪ ﻫﻠﻤﻮﺍﺻﻴﻞ
ﺗﺮﺓ ﺍﻧﻲ ﻣﺴﺎﻣﺤﺘﻪ ﺑﻜﻠﺸﻲ ﺳﻮﺍﻩ ﻻﻥ ﺣﻘﻪ ﻣﻦ ﮔﺪ ﺍﻟﻀﻴﻢ ﺍﻟﺸﺎﻓﻪ ﺑﺤﻴﺎﺗﻪ ﮔﻠﺒﻪ ﻭﺭﻭﺣﻪ ﺍﺗﺸﺒﻌﻦ ﺑﺎﻟﺤﻘﺪ ﻭﺍﻟﻜﺮﻩ ﻭﺍﻟﻘﺴﻮﺓ
ﺍﻧﻲ ﺗﺮﻛﺘﻪ ﻻﻥ ﻣﺎﻋﺪﺕ ﺍﺛﻖ ﺑﻲ
ﺗﺮﻛﺘﻪ ﻻﻥ ﺗﻌﺒﺖ ﻳﺎﺍﻣﻲ ﺗﻌﺒﺖ ﺣﺴﻮ ﺑﻴﻪ
ﺗﺮﻛﺘﻬﺎ ﻭﺩﺭﺕ ﻭﺟﻬﻲ ﺍﺑﺠﻲ ﻋﻠﺊ ﺣﻀﻲ
ﻋﺎﻓﺘﻨﻲ ﻭﻃﻠﻌﺖ ﺷﺘﺮﻳﺪ ﺗﺤﺠﻲ ﻭﺷﺪﺍﻓﻊ ﻋﻦ ﻧﻔﺴﻬﺎ
ﻭﻫﻲ ﺍﻟﻲ ﺯﻧﺖ ﺑﺮﺍﺱ ﺍﺑﻮﻱ ﺣﺘﺊ ﻳﻨﺼﺐ ﻋﻠﺊ ﻋﻤﻲ
ﺭﺍﻓﺪ ﻣﺮﺓ ﺣﺠﺎﻟﻲ ﻛﻠﺸﻲ ﻻﻥ ﺟﺎﻥ ﺟﺒﻴﺮ ﺑﻮﻗﺖ ﺍﻟﻤﺎﺕ ﻋﻤﻲ ﻋﻤﺮﺓ 10 ﺳﻨﻮﺍﺕ ﻳﻔﺘﻬﻢ
ﺣﺘﺊ ﺍﺑﻮﻱ ﻋﺎﺵ ﻋﻤﺮﺓ ﻛﻠﻪ ﻋﺎﻳﺶ ﻭﻳﻪ ﺍﻟﺬﻧﺐ ﺩﻭﻡ ﺍﺷﻮﻓﻪ ﻳﺒﺠﻲ
ﻭﻛﻞ ﻣﺮﺓ ﻳﺤﺎﻭﻝ ﻳﺮﻳﺪ ﻳﺮﻭﺡ ﺍﻟﺒﻴﺖ ﻋﻤﻲ ﺑﺲ ﺧﺎﻳﻒ ﻣﻦ ﺍﻟﻤﻮﺍﺟﻬﻪ ﻭﻳﻪ ﻋﻤﺘﻲ ﻭﺑﻨﺎﺗﻬﺎ
ﺑﻠﻴﻞ ﻣﺘﻤﺪﺩﺓ ﺑﻔﺮﺍﺷﻲ ﺳﻤﻌﺖ ﺻﻮﺕ ﺍﻟﻤﻮﺑﺎﺑﻞ ﺭﻓﻌﺘﻪ ﺷﻔﺖ ﺍﻟﻤﺘﺼﻞ ﺳﺎﺭﺓ ﻋﺒﺎﻟﻲ ﻣﺜﻞ ﻛﻞ ﻣﺮﺓ ﺗﺘﺼﻞ ﺍﺗﺤﺸﺲ ﺣﺘﺊ ﺍﺗﻀﺤﻜﻨﻲ
ﺑﺲ ﺍﻧﺼﺪﻣﺖ ﻣﻦ ﮔﺎﻟﺖ
ﺳﺎﺭﺓ،،ﺍﻧﺘﻲ ﺍﻧﺴﺎﻧﻪ ﺑﻼﮔﻠﺐ
ﻋﺒﺎﻟﺞ ﺑﺲ ﺍﻧﺘﻲ ﺗﻌﺒﺘﻲ ﻭﺗﻌﺬﺑﺘﻲ ?
ﻋﺒﺎﻟﺞ ﺑﺲ ﺍﻧﺘﻲ ﺿﺤﻴﻪ ?
ﺑﺎﻟﻌﻜﺲ ﺍﻧﻲ ﺍﺷﻮﻑ ﺭﺍﻫﺐ ﺍﻟﻀﺤﻴﻪ ﺍﻻﻛﺒﺮ ﺑﻴﻨﻜﻢ ﺍﻧﺘﻮ ﺍﻻﺛﻨﻴﻦ
ﻣﻦ ﻳﻮﻡ ﻃﻼﮔﻢ ﻭﻗﺎﺳﻢ ﺳﺎﻛﻦ ﻭﻳﺎﻩ ﺑﺎﻟﻤﺴﺘﺸﻔﺊ
ﻻﺭﺍ ﺍﺻﺤﻲ ﻋﻠﺊ ﻧﻔﺴﺞ ﻗﺒﻞ ﻣﺎﺗﺨﺴﺮﻱ ﻭﺳﺎﻋﺘﻬﺎ ﻣﺎﻳﻔﻴﺪ ﺍﻟﻨﺪﻡ
ﺭﺍﻫﺐ ﻣﺮﻳﺾ ﻛﻠﺶ ﻭﻣﺤﺘﺎﺟﺞ
ﻻﺭﺍ،،ﺟﺮﻳﺖ ﻧﻔﺲ ﻛﺘﻠﻬﺎ ﻟﺘﺨﺎﻓﻴﻦ ﻓﺘﺮﺓ ﻭﻳﺘﺠﺎﻭﺯ ﻛﻠﺸﻲ
ﺳﺎﺭﺓ،،ﻣﻨﻴﻦ ﺟﺒﺘﻲ ﻫﺎﻱ ﺍﻟﻘﺴﻮﺓ ?
ﻣﻊ ﺍﻻﺳﻒ ﻋﻠﻴﺞ ﻻﻥ ﻣﺎﺗﺴﺘﺎﻫﻠﻴﻦ ﻭﺍﺣﺪ ﻳﺤﺒﺞ ﻣﺜﻞ ﺭﺍﻫﺐ
ﻭﻟﺞ ﻳﺤﺠﻴﻠﻲ ﻗﺎﺳﻢ ﻋﻦ ﺣﺒﻪ ﺍﻟﺞ ﺍﮔﻮﻝ ﻫﻨﻴﺎﻟﻬﺎ ﻳﺤﺒﻬﺎ ﻫﻠﮕﺪ
ﺭﻏﻢ ﺣﺒﻪ ﻃﻠﮕﺞ ﻣﺎﻳﺮﻳﺪ ﻳﺨﺴﺮﺝ ﺑﺴﺒﺐ ﻣﺮﺿﺞ ﻭﺍﻟﺬﺑﺤﻪ ﺍﻟﺼﺎﺑﺘﺞ
ﻟﻮﺗﺪﺭﻳﻦ ﺑﺤﺎﻟﺘﻪ ﺟﺎﻥ ﻧﺴﻴﺘﻲ ﻛﻠﺸﻲ ﻭﺳﺎﻣﺤﺘﻲ
ﺗﺮﺓ ﺑﻨﺎﺩﻡ ﻣﺎﻣﻌﺼﻮﻡ ﻋﻦ ﺍﻟﻐﻠﻂ ﻭﺭﺍﻫﺐ ﻏﻠﻂ ﻭﻋﺮﻑ ﻏﻠﻄﻪ ﻭﻳﻦ ﻭﺣﺐ ﻳﺼﺤﺤﻪ
ﺍﻧﻄﻲ ﻓﺮﺻﻪ ﺍﺧﻴﺮﺓ
ﻻﺭﺍ،،ﺍﺳﻤﻊ ﻭﺍﺷﻬﮓ ﺑﺎﻟﺒﺠﻲ ﮔﺘﻠﻬﺎ ﺑﺲ ﺍﺳﺎﻟﺞ ﺳﺆﺍﻝ
ﻧﻔﺮﺽ ﺍﻧﺘﻲ ﺑﻤﻜﺎﻧﻲ
ﺗﻘﺪﻣﻴﻦ ﺣﺒﺞ ﻭﺗﺴﻠﻤﻴﻦ ﮔﻠﺒﺞ ﻭﻣﺸﺎﻋﺮﺝ ﺍﻟﺸﺨﺺ
ﺗﻤﺸﻴﻦ ﻭﺭﺍﻩ ﻣﺜﻞ ﺍﻟﻌﻤﻴﻪ
ﻳﺴﻤﻌﺞ ﺍﺟﻤﻞ ﻛﻼﻡ ﺍﻟﺤﺐ ﻭﺍﻟﻐﺰﻝ
ﻳﺤﺴﺴﺞ ﺍﻧﺘﻲ ﺑﮕﻠﺒﻪ ﻭﺑﺲ
ﺗﺎﻟﻲ ﻳﻄﻠﻊ ﻛﻞ ﻫﺬﺍﺍﺍ ﺟﺬﺏ ﺑﺠﺬﺏ ﻭﺗﻤﺜﻴﻞ
ﻭﻭﻭﻟﺞ ﻳﺒﺠﻲ ﻳﺒﺠﻲ ﻭﻳﮕﻠﻲ ﺑﻌﺪﻳﻦ ﺟﻨﺖ ﺍﻣﺜﻞ
ﺍﺗﺨﻴﻠﻲ ﺷﻴﺼﻴﺮ ﺑﻴﻪ ?
ﺍﺍﺍﺛﻖ ﺑﻲ ﻟﻮﻻ ?
ﺍﻧﻲ ﺍﺟﺎﻭﺑﺞ
ﺭﺟﻌﺖ ﺛﻘﻴﺖ ﺑﻲ ﻣﺮﺓ ﺛﺎﻧﻲ ﻭﺭﺟﻊ ﻃﻌﻨﻲ ﻭﻫﻠﻤﺮﺓ ﺍﻟﻄﻌﻨﻪ ﺟﺎﻧﺖ ﺍﻗﻮﺓ
ﺑﺎﻟﺒﺪﺍﻳﺔ ﻳﻬﻴﻨﺞ ﻭﻳﻌﺬﺑﺞ ﻭﻳﻀﺮﺑﺞ ﺑﺪﻭﻥ ﺭﺣﻤﻪ
ﻳﺮﺑﻄﺞ ﻟﻠﺪﺭﺝ ﻣﺜﻞ ﺍﻟﺤﻴﻮﺍﻧﻪ
ﻭﻏﻴﺮ ﻛﻠﺸﻲ ﻳﻬﺪﺩﺝ ﺑﺎﻫﻠﺞ ﺑﺎﻟﺼﺎﻋﺪﺓ ﻭﺍﻟﻨﺎﺯﻟﻪ ﻭﺣﺎﺭﻣﺞ 7 ﺷﻬﻮﺭ ﺗﺸﻮﻓﻴﻬﻢ
ﻛﻠﻠﻠﻞ ﻫﺬﺍ ﺍﻟﺬﻛﺮﺗﻪ ﻭﺍﻧﻄﻴﺘﻪ ﻓﺮﺻﻪ ﺟﺪﻳﺪﺓ ﻭﺩﺳﺖ ﻋﻠﺊ ﻛﺮﺍﻣﺘﻲ ﺍﻟﺨﺎﻃﺮﺓ
ﻭﻫﻢ ﻣﺜﻞ ﻣﺎﮔﻠﺘﻲ ﮔﻠﺖ ﺑﻨﺎﺩﻡ ﻣﺎﻣﻌﺼﻮﻡ ﻋﻦ ﺍﻟﻐﻠﻂ
ﻭﺭﺟﻌﺖ ﺳﻠﻤﺘﻪ ﮔﻠﺒﻲ ﻭﺛﻘﺘﻲ ﻣﻦ ﺟﺪﻳﺪ