البارت الواحد والعشرون

من اغمض عيني وكت النوم

صدگ ماشفت غيرك

وادعي الليل كون يطول

حلم واتمنئ تفسيرك

اوصل بالحلم للبوس
بس هاي الشمس تطلع

هي وياك متفقه

تگلي كافي لاتطمع 😍🙈

،،،،،،،
#ثأر_الضابط
،،،،،،،،،،،

لارا،،كلنه التفتنه المصدر الصوت جان واكف مكتف ادي مبين توه گاعد من النوم

ردت احجي سبقتني احلام

احلام،،صدك تحجي خويه?
جايب بنت الي فرفح اكلوبنه من زغرنه?

لا وفوگ شينها گواة عينها تغلط وتتجاوز ع الاكبر منها بس حقها هذا بخت افلوس ابوي الباكهن ابوها خلت ولد جلال بدون تربيه عبن ابونه رجال بخيت
بعدني ماحاجيتها نزلت عليه بذاك الحجي غلط ومسبه
لارا،،فتحت عيوني علئ كلامها اشلون تحجي ودموعها بعينها التفتتله گتله جذب مااتجاوزت والله جذابه

بلحضه سطرني براجدي احس وجهي اندار
نسيت الم رجلي وسعيرها ونسيت كلشي حرت بكرامتي الي هانها وماخلئ شي منها
لزمت وجهي اباوعله بعيون مليانه دموع بلعت ريگي تركتهم ردت اعبر ماحسيت غير سحبني من ياخت الاتراك ورجعني دفعني بخفه كدامها

راهب،،اعتذري

لارا،،مااگدر انطق حرف مختنگه واحس وجهي غدة نار من الحرارة
گتله بصوت يرجف ومتقطع

م ما ا اتجا وزت عليها ح حتئ اعتذر
هد ياختي ولزمني من زندي احس اصابيعة نامت بلحمي زمخ بيه گدامهن

راهب،،گلللت اعتذررري

احلام،،عوفها خويه مبينه صلفه مااريد اعتذارها

راهب،،تعتذر وتولي
لارا،،رفعت عيني بعيونه گتلها اعتذر
بدون مااباوعلها بمجرد ماترك ايدي
تركتهم وصعدت اركض للغرفه
ردت اوكع ع الدرج
دخلت للغرفه جريت الجنطه

فتحت البوفيه وصرت الم بالملابس واحط بالجنطه
ابجي واحجي

ذووله شيخلص العمر وي وياهم ?
البارحه اجيت ومن هسه بدت المصايب

مالتيش اتحمل ذنب غيري ?
اطلع منا واليصير يصير مامج مجبورة ادفع ثمن خطئ غي غيري

كملت سديت سحاب الجنطه لبست الجبه فوگ الاتراك لبست حجابي ونزلت وجسمي يختض والحريگ بصدري مايهدئ

جان كاعد بالصاله ع الزوليه بالگاع باوعلي ورفع حاجبه
وهنه اثنينهن يباوعلي بشماته ويبسبسن بينهن
صرت بنهاية الدرجل بدون مااحجي اسحل بالجنطه
اريد اطلع من هذا البيت قبل مااموت بحرگتي

اجاني صوته
راهب،،وين موليه?

لارا،،ماجاوبت جريت الحذا البس بيها

راهب، ،مواحجي وياج طرمه?

لارا،،هم ماجاوبت
سمعت احلام اتكله

احلام،،عوفها خويه خل تنكلع واجيبلك تاج راسها شعجبك من بت جلال ماادري

لارا،،رفعت راسي لكيته واگف كدامي بيدة موبايله
مااعرف بيمن يتصل كملت والتفتت اريد اطلع
صح مااندل بس گلت اسال واوصل لهلي

بس من سمعت كلامه وكفت رجليه جمدن مايتحركن

راهب،،نعم سيادة الرائد راح ادزلك الملف بيد الضابط مرتضئ وانته اتصرف

لارا،،بقيت واگفه رجع كمل كلامه

راهب،،لا شغلته كامله ومنتهيه والادله موجودة علئ هيج شهود ينشمر مؤبد اذا ماحكمو اعدام
لارا،،التفتتله واني اباوعله بحقد

راهب،،سمعتي مايحتاج اشرحلج
بمجرد تخطين خطوة برة البيت اعتبري ابوج انشمر بالسجن

لارا،،وگعن دموعي

حرام عليك بشنو اذيتك?

راهب،،ها شگلتي?
ترحين وانتي السبب بموت الوالد?
لوتبقين وانتي سادة حلگج

لارا،،بقيت واگفه لابيه اطلع واترك ابوي برحمته
ولابيه ارجع واتحمل ضلمهم واهانتهم

ماانطاني گلبي ارجع للغرفه ويضحكن عليه علئ ابو كل هاي الهوسه ورادت تطلع وفشلها ماخلاها
تركت جنطتي وطلعت للحديقه كعدت بالگاع بجها ضل من النبگة ماعليها شمس
وكرامتي ماتهون عليه ادخل للبيت بقيت علئ گعدتي
واحس راسي غدة شكبرة من الحرارة
غير الم رجلي لابسه الحذا نصها مدخله بس اطراف اصابيعي واباوعلها اشلون طگكت بطباط منفوخ بي ماي
كلشي ولاانجوي اخاف صرت اباوعلها ودموعي تصب
مااگدر امد ايدي لزمتها من المفصل واعصر بيها اريد اهدئ السعير مالتها

بقيت گاعدة لاساعه ولاساعتين ولاواحد طلع وگال بشر برة گاعدبالحر
تالي حسيت واحد منهم اتحرك ضميرة وطلع رفعت راسي شفته ضرغام

ضرغام،،كافي گومي لايصير بيج تيفو

لارا،،درت وجهي مسحت دموعي
گتله عوفني يطبني مرض

ضرغام،،كومي خويه لاتعاندين ترة محد غيرج يتاذة

لارا،،اختنكت وبجيت كتله والله مااتجاوزت عليها

ضرغام،،ادري والله وحتئ خالي سمع كل الحديث بس مااعرف ليش هيج اتصرف
لارا،،هو يكرهني حتئ لوسامع يحملني الغلط

ضرغام،،گومي شنو مالي خاطر يمج?

لارا،،گمت لان احس روحي بعد مااشوف
مشه ومشيت وراه اعرج مااكدر اضغط علئ رجلي

دخلت ماشفته موجود بس هنه يتمضحكن بشماته
عزت عليه نفسي واني بهيج موقف وهيج انذل واهلي عايشين بس منو سبب ذلي غيرهم

صعدت الدرجات واني اخز برجلي ماذيتني كلش
صعدت للغرفه دخلت نزعت الجبه اندك الباب
بعدني لابسه حجاب شفته جان ضرغام جايب جنطتي
اخذتها منه وتركتها علئ صفحه

گعدت ع الجربايه رفعت رجلي واباوعلها مدنگه ودموعي من عيني للگاع
اخذت كارتونه مال علبه جانت موجودة بالجام البوفيه
مطفيه الكهرباء وحارة ورجلي تحرگني وكلهن انجمعن علئ راسي

شگيت الكارتونه وگمت اهفي بيها علئ مكان الحرگ
بس انزل ايدي ترجع تسعر
انفتح الباب فجأه دخل وسد الباب
رجعت دنگت مااهتميتله درت وجهي ومسحت دموعي
گعد ع السرير سحب رجلي خلاها علئ فخذ رجله فتح العصارة وحط ع المكان
بقيت صافنه علئ تصرفاته المتناقضه
جريت رجلي ابعدة عجيب امرة هو اليجرح وهو اليرجع يداوي

راهب،،بس اثبتي لتعاندين

لارا،،محد طلب منك تجيبلي عصارة

راهب،،السانج

لارا،،بقيت ساكته ماحجيت وهو لازم رجلي حيل ويحطلي عصارة انتبهت علئ ايدة بيها اثر مال اسنون
اتذكرت من عضيته صاير المكان دائرة زرگة

باوعلي شافني وين موجها نضري

رفع ايدة واشر عليها

راهب،،هاي عضتج

لارا،،تستاهل

راهب،،المفروض القحج
لارا،،فتحت عيوني خزرته

راهب،،تفكيرج منحرف قصدي ابرة مال تلقيج جلاب

لارا،،درت وجهي عنه
كمل ونهض من يمي حط العصارة ع الميز

راهب،،بليل هم حطي منها

لارا،،معليك

راهب،،مشكلتج

لارا،،راد يطلع گتله انتضر التفتلي وهو مبتسم يمكن راح باله لبعيد

گمت علئ كيف ورجلي متملغطه دهن

توجهت للبوفيه طلعت الفلوس والگلادة حتئ من لميت ملابسي مااخذتهن عفتهن

طلعتهن واتوجهتله لزمت ايدة حطيت بيها الفلوس

راهب،،شنو ذني?
لارا،،افلوسك

راهب،،وليش اترجعيهن ?

لارا،،انتهت المسلسل واعتبرهن مكافئه علئ تمثيلك وهنه اصلا افلوسك

راهب،،اهاا

لارا،،رفعت الايد الثانيه وخليت بيها العلبه

راهب،،وهاي شنو انوب?

لارا،،هذا اسمك مااريدة لان مختنگه منه ومنك

راهب،،هيج صار الحجي
مادامج كملتي كلامج
اسمعيني چا

الفلوس والذهبات يرجعن وترحين انتي وامي تجهزين بيهن وذيج الساعه اذا عاندتي ماتتصورين شراح اسوي بيج

لارا،،ابتسمت بااستهزاء
مااتصور اكو شي تسوي اكثر من السويته
اقترب مني وهمس يم اذني

راهب،،وداعتج اكو اهواي وهم اخليج تتمنين الموت بسببهن

لارا،،شمر الفلوس والعلبه ع الجربايه طلع ورگع الباب وراه

مانزلت للمغرب بقيت بالغرفه مااريد انزل يم ذني الوحوش
تالي اندك الباب ودخلت ام راهب فرحت بشوفتها

ام احلام،،بنيتي ليش اهنا گاعدة مانزلتي جوة من زمان اجيت وماشفتج

لارا،،مقبوله الزيارة عمه

ام احلام قبل الله اعمالج بنيتي

لارا،،خليني اهنا عمه احسن

ام احلام،،يااا هو شنو الاحسن ?

لارا،،انتبهت الرجلي وضربت علئ وجها بخفه

ام احلام،،صخام وجهج امل اشبيها رجلج??
لارا،،ماردت احجيلها لاتتعارك ويه بناتها وساعتها يطينن عيشتي بفترة بقائهن

گتلها وكع الكوب مال الجاي علئ رجلي

ام احلام،،ليش هيج عمه غير تنتبهين?

لارا،،صارت بعد

ام احلام،،ياالله انزلي يمي ناذرة ثواب الوجه الله ودزيت ضرغام يجيب عشه جاهز

لاتضلين خاتله بغرفتج وعازله نفسج وحدج

لارا،،هزيت راسي الها ونزلت وياها كلهن بالمطبخ يجهزن

انتبهت لريحانه بنت احلام واگفه يم باب الاستقبال تباوع الجهت المطبخ وتختل مثل التريد تتاكد خاف واحد يجي هي عمرها يطلع ب 17سنه

من طلعت امها اجت بس مبين عليها التوتر
وتعدل بملابسها مثل الضامه شي وتخاف يوكع

مااهتميت نارهن تاكل حطبهن اصلا نسخه ثانيه من امها من اتعاركن وياي متخصرة وتتمضحك

بقيت كاعدة والحجيه انطتني علاكه وغمزتلي بمعنئ ضميها لايشوفنها
يربي گمت اموت عليها خليت العلاگه وراي وهي حطت فوكها العبايه
طبعا مسويه السالفه بضحك لان كل وحدة بيدها علاگه جايبتلهن صوغه من الزيارة وحتئ اني مافرقتني عن بناتها واحفادها

كتلها صار عندي فضول افتحها حجيت واني مبتسمه

جاوبتني وهي تضحك وجها وجه امهات گبل المليانات طيبه ومحنه اووقار وهيبه وجها نوراني

ام احلام،،شعليه افتحيها خل تاكلهن الزعاطيط منج

لارا،،حطيتها وراي كتلها لالا صار بيها اكل ماافتحها هسه
ضحكت وضربتني علئ ايدي بخفه

كمنه صلينه واحلام وزهرة بس يتنافخن شمهما يكون زهرة احسن من احلام صح مثل مايگولون تدحل وتخبث من جوة لجوة عيونها موراحه مبينه توسوس بااذن ذيج
بس احلام لا تصرفاتها طگ بطگ ماتحسب احساب مشاعر احد

صبن العشه واني كاعدة ماخلتني اگوم الحجيه
كلهن التمن ع السفرة دخل راهب

راهب،،السلام عليكم اوو شنو هلروائح الطيبه

زهرة،،اليوم الحجيه ناذرة كباب
راهب،،اي ونعومها وخر ولك ميت جوع

لارا،،سوة مكان بين ضرغام وبين الحجيه يعني گعد بصف امه من الجها الثانيه واني من هاي الجها

الحجيه ساعه تحط كباب زيادة فوگ ماعوني ساعه تشيل طماطه شوي تخلي كدامي ومطيزة بناتها
صرت احس روحي اتحامه بيها منهم كلهم هي السد الامين بالنسبه الي
اكل مدنكه واصلا جوعانه مااهتميتلهن
بيه حاله نص گرصه تشبعني

كملت بس بقيت كاعدة

ام احلام،،ليش بطلتي يمه مااتمدين ايدج?

لارا،،والله شبعت

ام احلام،،انتي شكلتي وشبعتي?

راهب،،جيبي حصتها ميت جوع

ام احلام،،فطومه يمه حصت لارا ضميها شويه بعد اتجوع وتاكلها
راهب،،ترة اني ابنج

ام احلام،،وهي هم بنيتي

لارا،،يحجي ومبتسم يريد بس يداهرها حتئ تحجي وياه بس هي قافله وحجاياتها بسامير اله

تالي ضرغام شال من ماعونه وانطا

راهب،،ماريد خالي شبعان بس ردت اضوگ من ماعون ذولاك الناس خاف حاطين بي عسل شو بيبيتك موبحالي

ام احلام،،اسكت يمه وارم گلبي منك
ماگتلي ترة ماضل شي شوكت العرس?

راهب،،اروح للدوام ومن انزل مجاز نبلش

ام احلام،،وشگد راح تبقه ?

راهب،،احاول اطلب اجازة حتئ نكمل كلشي

ام احلام،،حتئ اخذج للسوگ تجهزين نفسج

لارا،،دنگت گتلها شكرا عمه بس ماكو داعي
ام احلام،،هو شنو الماله داعي غير عروس?

لارا،،استجمعت قوتي وحجيت ماردته يتامل شي ع الفاضي
گتلها عمه عندي كلمتين اريد احجيهن كدامج

ام احلام،،خير يمه

لارا،،عمه اتعرفين انتي بكل الصار
ماكو داعي احجي لذالك مااگدر بعد الصار هذا كله ارجع اتقبله وكانه ماصاير شي

بقائي اهنا السبب وابنج يعرف هذا السبب كلش زين
ولان راح ابقئ مااريد اسبب مشاكل وانتي كلتي عدنه ناس وجيران لازم يعرفون بزواجكم والهذا الشي بالتحديد راح اوافق
يعني مثل ماتكولين زواج شكلي لااكثر ولااقل

باوعتله گعد ركبه ونص رفع حاجبه وهو مضيگ عيونه

راهب،،واشلون زواج شكلي باالله?

لارا،،سحبت نفس وكملت كلامي بدون مااباوعله
يعني نبقئ مثل مااحنه هسه كل واحد بغرفه وحدة لاالي شغل بيك ولاالك شغل بيه
انته من جبتني لهنا گلت انتي موااكثر من خدامه

واني راح امشي علئ هل اساس وياريت كلمن يعرف حدودة

ام احلام،،براحتج بنيتي محد يجبرج علئ شي

لارا،،فرح گلبي بكلامها بس مابينت هذا الشي گدامهم
اباوعله وجها انطعن احمر وهو هم مابين شي
تالي عافنه وصعد للغرفه

للساعه 10الحجيه اتمددت باوعتلها شفتها غافيه بمكانها خطيه تعبانه من اازيارة
جبتلها غطه غطيتها وبناتها ولاوحدة منهن گالت خل افرشلها خطيه امنه

اخذت العلاكه وصعدت دخلت للغرفه فتحتها جايبه شاميه الوان وعلچ ماي وكرزات وعلبه حلويات اهواي نمنمات جايبتهن

سمعت صوت موبايلي ينبه عن وصول رساله
فتحتها شفته دزا

راهب،،،هيج كارهتني?

لارا،،ماترددت عن كتابة كرهتك بگد حبي الك قاطات

يتبع

#ثأر_الضابط -

#البارت22 -

لارا،،ضهر عندي مرئي
قره كلامي وماجاوب شمرت الموبايل
اجاني اتصال عبالي هو جريته واني متململه شفته رقم غريب
عبالي محمد لورافد جاوبت
وجان اسمع صوت النفس مالتي ساندرا
گمزت من مكاني حتئ الم رجلي نسيته
ساندرراااا
ساندرا،،اشلونج يروحي مشتاقتللللج
لارا،،ماگدرت اتحمل بجيت اريد احجي مااگدر
ساندرا،، اعذريني صدگي جهازي وگع بالمي وعطل وراحت الارقام وجوليان غيرت خطها هي وماما لان اهنا اكثر شي يستخدمون خطوط الاسيا
انتي اشلونج مشتاقتلج اهواي اهواي
لارا،،خانگتني العبرة احجي والغصه منجمعه بحنجرتي كانه توها ردتلي عافيتي
گتلها ليش هيج والله كلبي طاگ عليج
بقينه وحدة تسال عن احوال الثانيه صار تقريب عشر ايام من انتقلو ولسه ماسمعت صوتها تالي جوليان متصله ب محمد منطيها رقمي
حجيتلها كلشي صار وياي هاي نصي الثاني محتاجه احجيلها وافضفضلها البداخلي
من تسمعني احس الحمل يخف عن كلبي
ساندرا،،لج هااي شصاير ويااج?
لارا،،هاي قسمتي بعد
ساندرا،،شكد حذرتج ماسمعتي
لارا،،منو جاب الكارت غيرج
ساندرا،،هههههه شو شكله يختلف مبين شهم
لارا،،بس ويه الناس شهم بس يمي ذيب كل ماتجيله فرصه يحاول يلتهمني بااسنانه
ساندرا،،مااعرف شحجي فاجئتيني بشخصيته وقساوته
لارا،،ساندرا صار يومين من دخلت الهذا البيت بس عبالك سنه من هسه صارت تنحاك المؤمرات ويدسدسن عليه
اني اشوف انهزم واجي يمج واليصير يصير
ساندرا،،اهدي يروحي ولو اتمنئ تجين يمي واتركين الوحش العايشه وياه بس اخاف ياذيج اكثر وينفذ تهديدة وياذي عائلتج
لارا،،لعد شمصبرني غير عائلتي
جنت احجي اجتني مكالمه ثانيه شفت رقم راهب مااهتميت وكملت حجي ويه ساندرا
الساعه تقريبا صارت 12واني وساندرا صار ساعه ونص نحجي نسينه حتئ الوقت
انفتح الباب فجاة واجه بدون مقدمات سحب الموبايل من اذني يسمع صوت الطرف الثاني
گمت وكفت كدامه اتخصرت ب ايد وايد الثانيه مديتها بمعنئ انطيني الجهاز
من اتاكد من صوت ساندرا باوعلي رفع حاجبه وانطاني الموبايل
بقه واكف وادي بجيوبه
نهيت المكالمه من ساندرا كتلها انوب يوميه تتصلين بيه

نهيت الاتصال وباوعتله بنفس نضرته
ممكن اعرف شنو هلتصرفات?
دنگ المستواي وعيوني بعيونه حجه بصوت ناصي
راهب،،مرتي ونص الليل خطها مشغول شتردين اسوي??
لارا،،ضحكت بااستهزاء
مرتك?
والله عايش الدور زيادة
ماحسيت غير جر ايدي لواها وره ضهري وقربني علئ صدرة بحيث ضهري طاخ بجسمه
دنگ دفن خشمه برگبتي
رجف جسمي وكالعادة فقدت السيطرة علئ مشاعري
دمعتي بعيني تعبني بتصرفاته المتناقضه ساعه يتفنن بتعذيبي وساعه التمس بي راهب الحبيته
كانه شخصين بجسد واحد عبالك راهب الحبيته موجود بداخل هذا الشخص سجين خلف قناع القسوة والحقد والانتقام
همس بصوت يرجف
راهب،،مرتي شئتي ام ابيتي
لارا،،وخر الله يخليك
راهب،،ليش ترجفين?
لارا،،مجاي ارجف وخر عني
حكم قبضته علئ خصري
راهب،،ليش تبعديني?
لارا،،لان اكرهك
راهب،،متاكدة?
لارا،،همست اي
دارني علي صار وجهي بوجها حاوط ركبتي بيدة وقربني منه بدون وعي غمضت من حسيت انفاسه الحارة قريبه مني
حسيت بدفو وحرارة شفايفه علئ شفايفي
رغم كل السواه ورغم عقلي اليگول اكرها بس گلبي يگول احبه مستحيل اگدر اكرها
بادلته بلهفه ودموعي تنزل نسيت الصبح ضربني ونسيت كل السواه
بتعد عني وهمس يم اذني بكلمة خلتني ارجع العقلي وادفعه بسرعه عني
راهب،،شفتي منو الجذاب?
تحبيني لتنكرين هذا الشي
لارا،،تركني وطلع گعدت بالكاع كارها روحي
ضربت علئ وجهي لان اخذ الجواب مني بسهوله ليشششش ماجاي اكدر ابعدك عني لليششش ?
بقيت كاعدة وابجي علئ روحي وعلئ كلبي المايعرف يصدة لويكرها
بقيت اتگلب بفراشي من اذكر الصار اعصر اعيوني حيل واتمنئ يطلع حلم لوماصاير هيج شي
اليوم ضربني الصبح وفشلني كدامهن المفروض احمل حقد علئ راهب
بس المصيبه حبه بداخلي اكبر من كلشي موبيدي مااگدر اكرها
ثاني يوم الصبح نزلت ماشفته موجود وسمعت من اخواته يكولن خطيه راح للدوام من الفجر بدون ريوگ غسلت وصبيتلي كوب جاي اخذته ورحت يم االحجيه
ام احلام،،هله بهلصباح بنيتي
لارا،،صباح الخيرات عمه
ام احلام،،اشلون صارت رجلج خو مااتاذيج?
لارا،،لا عمه زينه صارت احسن والحرگ موجبير كلش
ام احلام، ،انتضرتج اتكعدين حتئ نروح نشتري غراض الج ماضل يومين ويرجع راهب

لارا،،عمه گتلكم الزواج شكلي يعني ماكو داعي كل هلخساير
ام احلام،،ميخالف عمه تبقه شرهة عروس لازم جهاز
لارا،،اعذريني والله مااريد شي فدوة لتجبروني
جرت نفس وگالت هذا هو بكيفج محد يجبرج
شويه وراحت اخذها ضرغام اجرلها تكسي
مارجعت غير بعد كم ساعه وجانت جايبه اشكال والوان حتئ فرشه مال عرس

تنحثل هي وضرغام بالعلاليگ گالت جبت نص الغراض لان تعبت
ضحكت كتلها ليش عمه انتي شمبقيه?
احلام،،والله انتي متعبه نفسج وصارفه وخاسرة الخاطر هاي بنت الفگر
ام احلام،،اااحلام
احلام،،ماكفرنه يمه
ام احلام،،چا اسكتي لان فشله اسمعج چلمة جدام ولدج وهمه بطولج
لارا،،ماباوعتلها بقيت منتبها ع الحجيه بس بالي يم احلام وزهرة هم ضلت تبسبس بس فاطمه هاي دومها بس العيون تتحرك ماتحجي ولاتشارك بالحديث
فتحت العلاليگ اتفاجئت بذوقها للملابس عبالك تعرف ذوقي باللبس
حتئ قياسي كتلها عمه جايبتهن فيت نفس مقاسي
ام احلام،،الي نضرة وحدة للبشر اعرف بيها شگد قياس لبسه 35سنه خياطه ماراحن عن عبث
لارا،،ابتسمت الها انطتني الملابس صعدتهن الغرفتي
ونزلت يمها ليكيتها حاطه ورقه وقلم كعدت يمها خلتهن بحضني سالتها شسوي بيهن
ام احلام،،سجلي يمه كيلو نومي بصرة وكارتون معجون وجيس شكر و و و
لارا،،قائمه شكدها شكبرها
كتلها حيللل شنو ذني?
ام احلام،،غير تحضيرات العشه مال الزفه
لارا،،بقيت فاتحه حلگي كتلها عمه عليش هيج تخسرون ترة مالها داعي
ام احلام، ،بنيتي انتي موفصليه حتئ عرسج نسوي سكته بسكته انتي بنت عمه وحالج حال البنات
اسويلج عرس حتئ لو مجرد عرس نسد بي حلوگ الناس بس المهم اكون بريت صحيفتي جدام ربج
ييمه خل نفرح يبست گلوبنه من الحزن والوقهر
لارا،،سكتت ماجادلتها هي بنفسها هذا الشي خليها تفرح
عكس كلبي الينزف دم جنت بااول ايام الخطوبه انزل مقاطع اعراس ع اليوتيوب مال حنه
جنت اتخيل نفسي واني لابسه بدلتي بالقاعه واسوي حركات من الشفتهن جنت مااصدگ يجي هذا اليوم
عكس هسه اتمنئ لايجي ولااشوفه
للعصر اتصل راهب گال خل ضرغام وحسين ابن احلام الوسطاني
يطلعون الغراض البغرفتي حتئ الصبح يجيبون غرفة الاخشاب الجديدة ينصبوها

وفعلا ضرغام وحسين وفاطمه يشيلون ويطلعون بالغراض وملابس راهب نقلوهن كلهن بغرفتي
للوحدة بليل همه ينضفون بالغرفه حتئ غسل غسلوها
بس اني ماادنيت بقيت كاعدة بالغرفه مالتي
كل شويه واسمع احلام اتگول لولدها كافي انكسرت ضهوركم لخاطر المسعدة عسنه عرس الاگشر علئ راسها
سكتت مااريد اتصادم وياها لان ادري حتئ لوهي غلطانه راهب راح يحملني الغلط ويضربني كدامهن
لذالك سكتت مااعرف شگد لازم اتحمل واسكت الخاطر اهلي الي حتئ ماكلفت نفسها امي واتصلت بيه
اله اني اتصل بيها واطمن علئ صحة ابوي
الصبح اجه ضرغام گال النجار جاب الخشاب فوتن جوة لطلعن لان وياه عمال ينقلون الغراض فوك يصعدوها
وفعلا صعدو الغراض وسوينالهم غدة اتغدو فوگ لان اتاخرو يشدون بالخشاب
للثنتين الضهر ياالله راحو
صعدن كلهن يشوفنها واني صعدت بس مو الخاطر اشوفها لا صعدت تعبانه اريد انام بغرفتي
اتعديت من يمهم سمعت زهرة تحجي ويه امها
زهرة،،باالله المن هيج خسران وانتي سمعتيها اتگول ابقئ بغرفتي يعني ماكو داعي هيج يخسر ويكلف نفسه والله اخوي بطران عاف البنات كلها وراح البنت جلال الچلب
ام احلام،،هاي عود انتي الاگول عنج عاقله طلعتي نفس حقد اختج خافن الله يمه ترة عدجن بنات احديثات علئ وجه زواج
والله خايفه اموت وتغمض عيني وتتولن الابنيه وليه وساعتها انه الاتعاقب بسببجن
احلام،،والله يمكن ساحرتلج ومخليتج اتحبيها بنت سعاد ام البيبان.
ام احلام،،استغفر الله من كل ذنب عضيم ماتجوزن
ابد
لارا،،كملت طريقي للغرفه بس الدمعه بعيني هسه منو طلب منه اريد عرس وخشاب شو وحدة مصدگ روحه عريس
دخلت للغرفه شفته داز رساله
راهب،،عجبتج الغرفه?
لارا،،مو اني الراح انام بيها
راهب،،منو يگول??
لارا،،اني
راهب،،حچي يفيدج
لارا،،بقيت ساكته ماجاوبت رجع دز
راهب،،هم رجعتي للخنسه?
لارا،،هم ماجاوبت بس اقرة
راهب،،ابقي ساكته الخميس اطلعهن من خشمج
لارا،،نجوم السما اقربلك
راهب،،انشوف
لارا،،شمرت الجهاز واني افكر بكلامه والله صدگ مستحيل اخلي يسوي البراسه نشوف سيادة النقيب كلمتي لو كلمتك

مرن يومين والبيت هوسه الحجيه كل شويه وجايبه شغله ضجت عليها وحدها تركض منا وترد منا وهي مرة جبيرة وبناتها شايلات اديهن من كلشي
والله لومافشله اخاف يسمني بحجاية جان ساعدتها
العصر گاعدة يمها بالحديقه وبناتها راحن للسوگ يشترن ملابس
انفتح الباب دخل بالزي العسكري لابس النضارات وبيدة موبايلاته والسويج
راهب،،السلام عليكم
ام احلام،،هله يمه
لارا،،باوعلي مااهتميت اخذت الكوب وگمت دخلت للبيت
غسلت الكوب وخليته بالسله وغسلت السنكي التفتت شفته واگف وراي منتچي ع الكاونتر ومجتف. ادي
ردت اعبر اتحرك من مكانه صار كدامي
راهب،،نجوم السما اقربلي مو?
لارا،باوعتله ودرت وجهي عنه احاول ابتعد وهو ساد عليه الطريق

اخر شي حط ادي اثنينهن فوگ متوني ثبتني ودفعني ع الباب
دنگ المستواي
راهب،،باجر اخذج للصالون حتئ ترتبيلي روحج للخميس
لارا،،فتحت عيوني علئ كلامه
گتله انته مصدگ روحك?
راهب،،اي والله مصدگ
لارا،،مومشكلتي هاي مشكلتك ولتنسه كلامي
راهب،،خل يفيدج اعنادج
لارا،،تركني وصعد وهو يدندن شگد مستفز بعد كل الصار مصدگ بروحه راح اخلي يلمسني
صعدت لفوگ التفتت شفت باب غرفته مفتوح وجاي ينزع بالملابس العسكريه
باوعلي وغمز وهو مبتسم
درت وجهي ودخلت للغرفه اخذت ملابس ونزلت اسبح من كملت وطلعت شفت ام قاسم وسارة جايات سارة شافتني وضحكت سلمت عليهن گتلها دقايق مااتاخر بس امشط وانزل
وصدك بسرعه مشطت وحطيت حجاب علئ راسي ونزلت جنت لابسه اتراك احمر مخصر بس موكلش حصر
سارة،،اووو شنو هلجمال بويه صاكه صكوك
لارا،،هههه فدوة الكلبج حبيبتي
ام قاسم،،بصلاتك يامحمد عين الماصلت علئ محمد بنيتي الله يتمم علئ خير
لارا،،ابتسمت ودنگت جرتني سارة
سارة،،باااركيلي
لارا،،هههه مبروك بس علئ شنو
سارة، ،غير الشكرلمه مالتي وافق گال لمه بس يرجع خالي انفاتحه بالموضوع يااااي لارا مامصدگه واخيرا حصير اله
لارا،،صدگ فرحتلج والله الله يسعدج حبيبتي تستاهلين
سارة،،اوووف گلبي ماجاي يتحمل خاف اصخم وجهي واروح اله قبل العرس لان منضرة يجلط وخاصتا بالعسكري يخليني ابلع بريگي ابن ام قاسم مصعد الضغط عندي ههههه

لارا،،هههههه هنياله وين لاگي وحدة تحبه بكدج
سارة، ،اي والله فديته الراح يصير ختيبي
لارا،،هههههه من هسه بدينه بختيبي بعدنه بسم الله
سارة،،ههههه نفسي اجربها اسمع البنات المخطوبات يحجنها
لارا،،بقينه نسولف ونضحك وام احلام وام قاسم وزهرة واحلام گاعدات علئ صفحه يسولفن
بس اني وسارة ضاربات ركن وحدنه نحجي
ام احلام هم سمعت الخبر مال خطوبة قاسم وفرحت گالت ام قاسم بس يجي اخوي من ايران نفاتحه بالموضوع وهم شهر ياالله ناخذها منا الذاك الوكت امها صحتها زينه لان عمليتها مال الغدد سهله وناجحه عليش التاخير
لارا،،جابتلهن فاطمه جاي شربن وبعدها شويه وراحن
رحت للتواليت تكرمون شفت الباب مسدود بس اسمع صوت همس خفيف
بقيت واگفه علئ صفحه بين مايطلع الشخص الموجود
انفتح الباب وطلعت ريحانه تعدل بصدر ثوبها من شافتني بين عليها الارتباك بس بسرعه مشت من يمي ودخلت للبيت
امرها عجيب هاي الابنيه وتصرفاتها تثير الشك بس هم مالي شغل بيها قابل اني شعليه
كملت وطلعت اريد ادخل للصاله اتلگاني نازل من الدرج لابس بس بجامه سودة وفالينه سودة
باوعت علئ عضلاته ودنگت
كملت طريقي رحت يم الحجيه اتذكرت بيوم الگتله علئ عضلاته من ضرب امير بيومها ضحك علئ كلامي وگالي. اذااضربج اسوي خسفه بوجهج
گعد بالصاله وصاح چاي
جنت احجي ويه الحجيه اتعمد مااباوعله بس احس نضرة مسلطه عليه
سمعت حسين كاله
حسين،،خااالو فدوة شسوي وتصير عندي مثل عضلاتك بيانادي سجلت?
راهب،،موبنادي بعد خالك هذا الجيش يطلعهن غصب عنك
حسين،،هههه خالو التضربه الله يرحمه
راهب،،والله يابعد شيب خالك مشتهي اسويلي خسفه بوجه واحد
لارا،،التفتتله لكيته مبتسم باوعلي وغمز
خررب شگد يغمز صارت تستفزني حركاته الباردة اتحسه موهامه شي
رجعت كملت كلامي ويه الحجيه اسولف واضحك وياها مومهتمه بوجودة اسمعه ينافخ ويستغفر
وحسين يساله شبيك خالي?
راهب،،مابيه بعد خالك
لارا،،دخل للحمام سبح وطلع وهو ينشف بشعرة
نزل الخاولي عن وجها طلعت احلام من المطبخ بيدها ماعون كيك كالها
راهب،،ام ضرغام ماكو هوسه منا منا لخوج العريس
لارا،،عرفته متقصد ينرفزني لويغثني
وهي هم بدت اللواگه مالتها لازمه ماعون بيدها والايد الثانيه رافعتها تهوس بيها
احلام،،اخوونه خوش اخوو يستاهل الهوسه

لارا،،الجهال ماصدگو علئ حس الطبل خفن يرجليه وراهب بنصهم لازم الخاولي ويهوس وعينه مني
بدون ماينتبهون سوة حركه بشفايفه مال بوسه بدون محد يشوفه
خزرته ودرت وجهي تالي امه طلعت منتبها كالتله
ام احلام،،بطلهن سويلفاتك يبعد امك لايروح بالك لبعيد كلش
لارا،،طگها ضحكه گالها
راهب،،شجاج وياي حجيه ??
صيري واسطة خير وهدي النفوس
ام احلام،،التجي من ايده عسا بابو زايد يبعد امك
لارا،الحجيه ولاتگعد راحه تنطيهن بالصميم وهو خربان ضحك اول مرة اشوفه هيج يضحك ومنطلق
الثلاثاء الصبح گالت الحجيه اخذج للصالون اتفقت وبه الابنيه اخذج الها العصر تصبغ شعرج وتحفلج حتئ وجهج يرتاح ماتشلع گلبج بيوم الزفه
گتلها عمه بس اطلب طلب
ام احلام،،اطلبي بنيتي
لارا،،ياريت تسوونه بيوم واحد حنه وزفه
احلام،،وليش عيني ليكون حضرت جنابج ماقابله?
زهرة، ،عوفيها يمكن من الفرحه مامصدكه تريد اتعرس بسرعه

ام احلام،،وحگ محمد هسه اخابر زلمجن يجون ياخذوجن وحتئ عرس ماتحضرن كافي ترة مصختنها
لارا،،التفتتلي وكملت كلامها
ام احلام،،ماعليج بيهن يمه هنه الخطار اهنا هذا بيتج واجبج تستحملين خطارج منا لمن يرد المچانه
لارا،،خلتهن عطبن بمكانهن بس ماحجن ضلن بس يتنافخن
للعصر لبست بنطرون اسود وقميص نيلي اردانه كلوش بي خرز مرتب
لفيت حجابي واخذت الجبه بيدي نزلت يمهم لكيت الحجيه لابسه عبايتها وكاعدة منتضرتني
شويه ونزل لابس دشاشه بيضه لابس الساعه والمحبس ولازم السبحه بيدة والعطر سبحان بي ونازل
طفرت ريحانه من مكانها لزمت ايدة وتتمضحك
ريحانه،،فدوة خالو الله يخليك والله عطرك يخبل انطيني الشيشه مالته لو اسمه واني اشتري
راهب،،فدوتج العطر وصاحبة يابعد گلب خالج
بوية اسمة Boss وحلال عليج اخذي تلكي ع الميز
لارا،،گمزت فرحانه صعدت تركض عبالك انطاها سبيكه ذهب موعطر
بس صدگ عجبتني ريحته وحفضت اسمه گلت بس تروح الحجيه للسوگ انطيها افلوس تجيبه الي
راهب،،ياالله يابه مالجن نيه تمشن?
لارا،،عدلت الجبه ولبستها اجه يمشي بااتجاهي وكف كدامي گال
راهب،،بس لانيتج تمشين هيج وياي?
لارا،،لابسه جبه مابيها شي

راهب،،هي شنهي المابيها شي احنه نجف موبغداد
روحي البسي عباية وتعاي
ام احلام،،علئ،كيفك ويه البت يعني ماتعرف تفهمها بالهداوه لازم تزمخ وتنتر?
روحي ريحانه جيبي عباتج المرت خالج لان عباية فاطمه طويله عليها
راهب،،ليش ماشتريتيلها عبايه?
ام احلام،،جبتها وعد الخياطه
ياالله بنيتي هم ياالله نلحگ
لارا،،لبستها مااعرف البسها علمتني الحجيه الطريق للسيارة خطوتين عثرت مية مرة بالخطوتين ذني
صعدت امه بالسدر واني بالكشن الورة
عدل الجامه عليه ولبس نضارته
درت وجهي للجامه بس النضارة مالته جامتها شفافه تبين عيونه منهن
كل مااريد احجي ويه الحجيه من تسالني تصير عيوني بعيونه اشوفه يباوعلي اغلس عنه
تالي شغل اغنية غزلان
اوصيك بيه لومتت بين الضلوع ادفني
طول مالاغنيه مشتغله هو يجر حسرات
وصلنه للصالون التفتلي گال من اتخلصن اتصلن بيه
جاوبته بدون مالتفت
الموبايل بالبيت عفته ع الشحن
وفعلا تركته بالغرفه ع الشحن
نزلت وهو گال لمه ادخلي للصالون اتاكدي من المرة شوكت اتكملن خل تنطيجن وقت محدد حتئ اجي اخذجن
دخلنه اني والحجيه استقبلنه مرة جبيرة وياها اثنين شابات العرفته ذني بناتها
من سالتها عمتي كالتلها ساعتين واتكملن
طلعت الحجيه ترجعله خبر واني بقيت گاعدة گدامي بنيه يشتغلن كرياتين بشعرها
كملنها وگمت گعدت بمكانها شعري لونه عسلي گالت راح اصبغه شقارات وبعدها ميش
قبل لتبدي بالصبغ گالت اطرافه تعبانه راح اگصه الج مدرج
كتلها شتسوين سوي
گالت اول مرة تجيني عروس ماتشلع كلبي بطلباتها
ردت اگلها ليش اني هم محسوبه عروس?
سبقتني الحجيه كالتلها الحلو حلو بدون زرق ورق
هي چنها جمارة
خجلتني الحجيه بقيت مبتسمه رغم الحزن المخيم بداخلي
بدت المرة تشتغل حفتلي وشمرت حواجبي بس قصرتهن من الاطراف
وشعري هم صبغته اجذب اذا اگول انتبهت الروحي الله شاهد عبالك مويمي العرس اصلا
المرة سالتني من كملت. شنو رأيج بالشغل جاوبتها حلو عاشت ايدج ماتدري اني حتئ لو اصفن بالمرايه بالي مويمها
كملنه لبست حجابي والحجيه اتفقت وياها باجر اتجيبني لان ماقبلن بناتها مااسوي حنه يردن يطربگن ويركصن واني گلبي خلصان اتمنئ اغمض افتح الگه كلشي منتهي

طلعت عمتي اتشوف ابنها العكرة
دخلت گالت يالله عمه اجه
لبست العبايه وطلعت صارت عيني بعينه كاعد بالسيارة ينتضرنه
صعدت امه يمه واني بمكاني بالورة
ام احلام،،يمه خل انمر بدربنه ع الگصاب اتفق وياه مويخلينه ننتضر وتالي كلشي ماكو
راهب،،انجيب عجل نذبحه بالبيت
ام احلام،،لايمه شلك بالتعب ودوخة الراس تعال اگصب واذبح وگطع
خو الگصاب من يمه يجيبه مگطع وجاهز
راهب،،هذا هو التشوفي حجيه
لارا،،طول ماجان يحجي ويه امه عينه مني
مد ايدة شغل اغنيه
جنت احبها واسمعها ل احمد السلطان
وجهك هذا ولون الشفه
الياخذ بوسه يطيب ويشفه
اسمعه يدندن وياها
وصلنه للسوگ نزل يم الگصاب اتعامل وياه ورجع
بعدها رجعنه للبيت وهو كل ماارفع راسي اشوفه يباوعلي بالمرايه
دخلنه بقن اخواته يباوعن عليه ويعوجن بحلوگهن
كلشي حز بخاطري اني سامعه بالعروس من ترجع من الصالون يتلگنها حبايبها بالهلاهل
شو اني البيت كله محد يحجي وياي بس الحجيه
رجعت العباية لريحانه شو هاي اخذتها بطرف اصابيعها عبالك منگستها للعبايه
اتعجبت عليها بعدها طفله وتقلد تصرفات امها بخبث
اخذت العبايه وركضت للحمام تشطفها
ضحكت بگلبي علئ عقولهن الناقصه
صعدت للغرفه وامهن بقت تحجي وياهن ع التجهيزات

نزعت ملابسي اختنگت اريد بس اسبح حارة الدنيه
انتبهت الموبايلي مفصول عن الشحن
مااهتميت كلت يمكن اني ناسبه وفاصلته
اخذت ملابس ونزلت سبحت وارتاحيت ورجعت للغرفه دنيه ليل وكت عشه حتئ مابيه حيل انزل يمهم
بقيت بغرفتي گاعدة وهم مااريد اشوفه گدامي
جريت الموبايل اريد اتصل علئ محمد اطمن علئ صحة ابوي واني اعرف اخوي بهيج وقت يطلع من البيت يعني ماعندة نت ولازم اتصل ع الخط
طلعت رقمه واتصلت اتفاجئت ماعندي رصيد
يگلي رصيدك غير كافي لجراء المكالمه
اني حاطه رصيد ومتاكدة بي كم دولار
لعد وين راحن?
بقيت محتارة اخر شي صعدتلي الحجيه خطيه گوة تصعد الدرج بس ماعدها احد حتئ يصعدلي لان الكل عبالك عدوهم بنصهم گاعد
ام احلام،،بنيتي انزلي اتعشي ليش تبقين كاعدة وحدج
لارا،،خليني عمه اهنا احسن
ام احلام،،ادري واعرف انتي ليش ماتنزلين
بنيتي قبلج عمتج شبعت ضيم وضلايم وكرهتها الوادم ولعب بيها الوكت شاطي باطي
تالي اتحملت وربج يگول ماضاقت الافرجت
ويجي يوم يفرجها عليج مثل مافرجها علئ عمتج قبل
گومي يمه مالج غرض بواحد انه صرت مااعرف اكعد اذا ماانتي يمي
لارا،،استحيت منها حطيت حجابي علئ راسي ونزلت جنت لابسه دشداشه ماروني نص ردن
نزلت وياها لكيتهم ينقلون ب الاكل
گعدت بصفها كملو والكل انجمع ع السفرة
بس راهب گاعد وراهم منتچي ع الحايط ومرجع راسه لورة يباوعلي
ربكتني نضراته حتئ ماعرفت اكل
ام احلام،،ليش ماتدنئ تتعشه
راهب،،ماكل العصر وشبعان
لارا،،مااكلت كم لكمه ماصدكت يكملون حتئ ارجع للغرفه احسها مكاني الامين اختل بي منهن ومن التبسبس مالتهن يزرف الگلب
صعدت للغرفه شفت مكالمه
رفعت الموبايل رقم غريب
شنو السالفه ومنو يتصل?
اني مخليه صورتي بالحجاب ع الفايبر
محيطي موواسع يعني بس اهلي وساندرا ماعندي اهواي ارقام
فتحت خط اجاني صوت رجال
المتصل،،طلع موبس شكلج حلو حتئ صوتج ايخبل

يتبع

البارت الثالث والعشرون

نسينا الراحه من يوم الفگدناك
ونسينه ارواحنه بس مانسيناك
رحت والخير كله راح وياك
عرفنه بقيمتك لمن خسرناك 💔

،،،،،،،،،،،،،
#ثأر_الضابط

،،،،،،،،،،،،،،،

لارا،،بقيت ساكته ماحجيت وهو يصيح الو الو

جليت صوتي وگتله اتفضل منو حضرتك?

المتصل،،حضرتي معجب بيج وبعيونج الحلوات
لارا،،بسرعه سديته بوجها وانطيته حضر
بقيت اسأل نفسي منو هذا ومنين جاب رقمي
اول شي اجه ابالي هاي خطه من راهب احتمال ايريد يختبرني الهاي المرحلة وصلة عدم الثقه بيناتنه بعد السواه بيه صرت كلشي اتوقع منه

ثاني يوم الصبح گعدت علئ صوت الهوسه جيران الحجيه جايات يساعدنها يلگطن بالتمن ويحضرن بالجدورة الكبار يغسلنهن الباجر

اجت الحجيه لازمه الچفچير بيدها واتهوس بي گدامي لزمت طرف اصابعي اتهوس ولازمه ايدي وبيدها الثانيه الجفجير ضحكت عليها وهي تسوي حركات بوجها

تالي رحت غسلت واسمع ذني يشمرن بالحجي من صبحية الله الناس اتگول ياالله وهنه حايرات متگابلات وياي

احلام،،گعدت المسعدة توها
والله ياراهب ماادري شنگول علئ سوايتك هاي لو العروس غير بت جلال جان لعبنه لعب بعرسك

زهرة،،اني هم مثلج مالي نفس بشي لو ماامي اخاف تتعب جان مامديت ايدي واشتغلت

لارا،،تركتهن ورجعت للغرفه عندي احبس روحي ولااكابلهن واگعد
فتحت الجرار طلعت العصارة دهنت رجلي النفخ البيها فاش وصايرة دائرة حمرة صغيرة

انفتح الباب وتفاجئت بجية سارة گمت بوستها فرحتني بجيتها

سارة،،عود صدگ تحجين??
اليوم الحنه مالتج وكاعدة وحدج??

لارا،،لعد شسوي

سارة،،شوف هاي ام اللعد بيويه گولي چااااا
چا وشحلاة الچا بشفة اهواي

لارا،،ضحكت گتلها اي كملي

سارة،،ههههه والله نسيتها بس من اسمعها بحلگ قويسم احس گلبي يرفرف مال اخذلي منه حبه بالحلگ علئ هلحچايه

لارا،،ههههههه عزاا

سارة،،بويه غير اذا اخذتلي مجعه منه ادخل مستشفئ

لارا،،ههههه مجعه شنو ?
سارة،،خااايبه بووووسه بوووسه
اويلي خايفه بيوم عرسنه اصخم الوجوة واني الي اطلع اگلهم مبروك اخذت ابنكم

لارا،،ههههههههه خرب بعرضج صدگ تحجين??

سارة،،شوف هاي البطرانه
تدرين من شوكت احبه?

لارا،،اي باالله من شوكت

سارة،،والله حتئ اني ماادري من اشوكت بس المهم فتحت عيوني علئ حبه
تدرين شتمنئ??

لارا،،اي عيني اطربينه شتتمنين??

سارة،،من يروح للدوام اتمنئ اصير بطول نيلز
حتئ يحطني بجيبه وين مايروح

لارا،،هههههههه خررب بعقلج
اتذكرت راهب واختفت ضحكتي دنگت ورفعت راسي كتلها هلگد تحبي?

سارة،،خيه غير هو النفس اليصعد وينزل
لارا،،الله يتمملكم يارب

سارة،،اللهم امين والله من كد مانذرت راح اخلص عمري اوفي نذور هههههه

لارا،،صدك خلتني اضحك وياها من كل كلبي

رجعت سالتها بس فرق العمر بيناتكم كلش جبير

سارة، ،اليسمعج اتگول انتي وياه نفس الكبر لو ماانتي اكبر مني بسنه وحدة جان شحجيت
وهم ازيدج من الشعر بيت حلاة الزلمه من يكون عمرة جبير اتحسي واعي وناضج يفهمج بدون متحجين خو مااخذلي واحد بگدي
نطبگ اخباله علئ اخبالي وشدو روسكم يگرعان هههههه تالي الوادم لو تهج لوتحج من ورانه

لارا،،ههههههه موشرط اكو صغار بس عقولهم ناضجه

سارة،،والله اني كافله علي حتئ لوبعمر هتلر

لارا،،ههههههه ولج كافله شنو?

سارة،،يعني قافله باللغه الزعطوطيه مالتي
لارا،،ههههههه الله يساعد المسكين عليج

سارة،،اوف ربي هو بس خل يجي هلمسكين زوج اليخلي يوصل باب الحوش احبسه بالبيت واگابله واگعد
لارا،، بقينه نحجي ونضحك نستني سوالف احلام واختها تالي انتبهنا راح الوكت

سارة،،ياالله عيني يالعروسه حتصير ب12انزلي اسبحي واتغدي حتئ ب 1ونص تاخذج عمتي وعمتج للصالون

لارا،،جريت نفس احسه يطلع من روحي هم علئ گلبي بكبر الجبال
نزلت وياها بس هنه ماحجن يمكن استحن من ام قاسم

للوحدة ونص كملت سبح لبست بنطرون وتيشيرت لفيت حجابي وعمتي جابتلي العبايه من الخياطه لان كالتلها متوازين ع الخياط خلصتها بسرعه

لبستها علئ قياسي فيت والله كارثه الحجيه حافضه طولي حفض

لبستها ونزلت لگيته گاعد يشرب جاي وبيدة چگارته بس ساكت مايحجي لابس دشداشه بيجي
نزلت والحجيه گامت تهلهل طلعت علاكه جكليت طشت فوگ راسي مسويتلي اجواء العرس كلها رغم معرفتها هلزواج گدام الناس وبس

نهض من مكانه عدل دشداشته وطلع شغل السيارة
واحنه طلعنه انتبهت ضرغام يزين بالصاله يعلگ نشرات

بادلته الابتسامه وطلعت ورة الحجيه
هي گعدت يمه واني بالكشن الوراه
الكل ساكت ماكو اي كلام
كسر الصمت هو من وصلنه للصالون سال الحجيه ابيش الساعه اجي اخذجن?

ام احلام،،يمه جبتي موبايلج?

لارا،،هزيت راسي بمعنئ لا

راهب،،من ارجع اكسرة حتئ تصيرلج عبرة

لارا،،تركته ونزلت فالح بس بالتهديد والاهانه عود عريس اليوم ونازل تهديدات

نزلنه دخلنه للصالون واستلمتني المرة هي وبناتها تسريحه ومكياج لبسني بدله زيتوني

وسألن عمتي كم تبديله راح اتبدل وشنو الالوان??
جاوبتهن الحجيه وهنه خلن ضلال يلائم كل الوان البدلات هادئ موصارخ
حتئ الحمرة هادئه المكياج عبالك بصالون تركي مسويته شغلهن مرتب

كملنه والحجيه حطت الجادر علئ متوني
ورفعت الكبوس علئ راسي
للساعه ب 4اجه دخل طفل گال منو ام راهب?
ابنج بالباب

طلعت الحجيه وام قاسم ساعدتني بالبدله طلعت برة حسيت بي اتقرب مني اشوف بس طرف دشداشته لان مدنكه

فتحلي الباب حتئ اصعد وامه لمت البدله من الطرف حطتها بالسيارة فاتح تبريد السيارة ثلج صايرة

مشغل اغنية كاضم الساهر

اكرههاا

واشتهي وصلها

واانني احب كرهي لها

احب هذا الئم في عينها
احب هذا الئم في عينها

وازورها ان زورت قولها

اكرههاا

لارا،،بگلبي گلت اي والله ع الجرح الاغنيه تكرهني ومحاولات قربك مني تخليني استغرب كرهك الي

الحجيه وام قاسم ايصفگن وايهلهن بالسيارة

وصلنه يم المرور الحجيه طلعت علاكه چكليت فتحت الجامه وصارت اطش ع الشرطه الموجودين بالسيطرة وهمه يضحكون ويلگطون بالچكليت واحد منهم شال ايدة يهوس ابتسمت الله يحفضهم
ناس تفرح من تشوف غيرها فرحانه

صحاني صوته

راهب،،نزلي الغشوه علئ عيونج زين

لارا،،يبو حتئ بهاي حاط روحه
نزلت الغشوة بدون ماجادله

وصلنه للبيت دخل السيارة للگراج اتلگتنه جهال ماشايفتهم يمكن جهال جيرانهم
ام قاسم والحجيه يمشن بصفي وهو طلع
دخلنه للصاله اهواااي نسوان بحيث صايرة خنگه وحارة رغم سبلت يشتغل ومراوح

گعدت والنسوان اتصفگ واتهوس والحجيه بنصهن فرحانه حلوة علاقتها ويه جيرانها عبالك اخواتها يرگصن وياها فرحانات الفرحها

باوعت بناتها مبدلات وكاشخات ويصفگن مبينات گدام الحضور عود هنه فرحانات
بداخلي گلت سبحان الله عائله كلها اتجيد التمثيل وماخذين ادوار البطوله باامتيتاز

منو اخوهن?

اجت سارة ملفلفه بالعبايه اول مادخلت نزعتها وانطتها العمتها
طالعه كلش حلوو بفستانها القصير للفخذ واصل

شعرها المدرج اسود وناعم زايدها جمال ويه بشرتها اليضه ودورة وجها

اجت وكفت گبالي
وصارت اتقسم اتقسم بالرگص ركصها خرافي خلت النسوان فاتحه احلوگها ام قاسم اباوع شفايفها يتحركن مبينه تقرة المعوذات
كل شويه وصاحتلها حتئ تگعد وسارة مغلسه
بگلبي گتلها اليوم اتنامين بالفراش من العين علئ هذا ركصج

استمرت الحفله ساعتين لبست بيهن بدلتين وفساتين اثنين اني ماخليت الحجيه اتاجر بدلات
گتلها جبتيلي فساتين حلوات البسهن ويه البدلات

بعد ماراحت العالم اني ميته تعب مابقه احد بس الحجيه وبناتها

ردت اصعد استوقفني صوتها

ام احلام،،يمه لارا ترة ماترهم اتنامون كل واحد بغرفه

لارا،،عرفتها اتريد تجمعنه
گتلها اسفه عمه بس هذا جان شرطي مااگدر اتقبله بعد كلشي صار

احلام،،وعساج لااتقبلتي هامه جهامه انتي وشايفه روحج?
اجيبله تاج راسج والاحلئ منج واهلها ينرفع بيهم الراس
بعد عليش شايله خشمج?

ام احلام،،يعني انتي مااتوبين?

احلام،،ضلي انتي وياها يجي يوم اتشمرج بدار العجزة هاي الحيه الصفرة مبينه تتمسكن وهي تخبث من جوة لجوة
ام احلام،،استغفرررك ربي واتوب اليك
تونه جنه فرحانين لازم اتسممينه بسوالفج
شو هي ساكته وانتي التخبثين

لارا،،واگفه استمع الكلامهن حتئ اكره اخوهن ويزيد حقدي اله بگلبي

الحجيه التفتت الريحانه گالتلها

الحجيه،،حبوبه خابري ابوج خل يجي ياخذكم ترة امج ربتلي عله

احلام،،عرفتها من اجت راح نطشر بسببها
تدللين حجيه يكمل العرس ونولي

لارا،،صعدت للغرفه مديت ايدي فتحت خيط البدله
بقيت بس بالداخليات بس لابسه اتگ قصير فوگاهن

انفتح الباب ودخل راهب يمكن مامتوقع يشوفني بهيج منضر
بقه صافت واني الارتباك والخوف خلني مااندل دربي والمصيبه اريد شي استر بي روحي ماكو كانه كل الملابس طارت من گدامي

مالگيت روحي غير فتحت باب البوفيه وگعدت رديت الباب علئ جسمي جريت الملابس وكعن بحضني حتئ استر رجليه
اجه يمي گعد كدامي وگوة كاتم ضحكته

راهب،،شتضمين?

لارا،،اطلع اريد البس

راهب،،منو كاضج ماتلبسين?

لارا،،گاعد كدامي وعيونه علئ جسمي ويگول منو كاضج
گتله اطلععع اريد البس

اقترب مني وجها گبال وجهي مايفصلني شي
حجه وعيونه علئ شفايفي

راهب،،ترة شايف كلشي ماكو داعي اتضمين

لارا،،كانه فتح الجرح بيدة بدون مايقصد مايدري بحجايته هاي خلاني يزيد حقدي علي قاطات
انجمعت الدمعه بعيني
وجابته بدون تردد

شفت? يعني ماكو داعي نسوي عرس باجر لان الشي الي لازم اقدمه الك بالعرس انته اخذته قبل اوانه وبدون ارادتي سلبتني كلشي
غمض عيونه بتعب كانه عرف روحه غلط
بكلامه

راهب،،شسويلج وتنسين?

لارا،،طلگني

ابتسم بتعب

راهب،،باجر عرسنه وتردين اطلگج?

لارا،،جريت الحجاب خليته علئ راسي ونزلت اطرافه علئ صدري اغطي روحي

گتله زواجنه بس الخاطر امك وكلام الناس لااكثر ولااقل

لتتصور بعد كلشي صار اقبل علئ نفسي انطيك فرصه ونرجع كانه ماصار شي

راهب،،اعوضج

لارا،،بعديش?

راهب،،انطيني فرصه
لارا،،مالك اي فرصه يمي
راح اعيش اهنا الخاطر اتفاقنه اني وياك حتئ مالك شغل ب اهلي

بس ك زوجين نجوم السما اقربلك انته بطريق واني بطريق

عگد حواجبه ضايج من كلامي نهض من مكانه دنگ باوعلي

راهب،،نشوف باجر بشنو يفيدج كلامج

لارا،،تركني وطلع اجذب اذا اكول ماخفت بالعكس اتملكني الخوف بس بداخلي اكول لويموت مااخلي يلزم طرف ثوبي

صاحولي ع العشه مانزلت دخلت ريحانه بيدها صينيه بيها اكل عرفت الحجيه دزتها مايهون عليها انام بدون اكل وهي تدري مااريد اگعد يم بناتها لان يطلعن روحي بسوالفهن اخذتها منها اتعشيت اليوم طابخات العشه من وكت لان راح تبدي حنة الزلم

راهب اتفق ويه مطعم انو يسون لفات كباب سفري
گاللهن ماراح اتعبجن كله جاهز اجيبه

صعدتلي الحجيه گالت البنات وام قاسم وسارة وكم وحدة من الجيران كاعدات راح تبدي الحفله انزلي اتونسي وبطلي الختله بالغرفه وحدج ترة تتعقدين بعدين بس من اتنزلين بدلي ورتبي نفسج وحطي اشويه مكياج
گلت فشله اردها گمت لبست فستان طويل من الجابتهن فتحت شعري ورفعت اطرافه بالقراصه
خطيت عيوني وحمرة حمرة خفيفه رشيت شويه عطر ونزلت بس قبل ماانزل خليت الحجاب علئ راسي عيب من ضرغام

صارت بوجهي احلام باوعتلي عوجت حلكها ودنگت راسها يم اختها اكيد گصتني عبالها ماانزل

سلمت عليهن وگعدت بدة المطرب يجرب المايك والفرقه تعزف بهدوء بعدين شو اتغيرت الموجه

وصار الرگص جوبي اتمنيت اگوم اشوف رگصهم اشلون لان ابغداد ماشايفه حفلات اعراس يرگصون بيها الجوبي

كلهن طفرن للاستقبال الحديقه جبيرة ترسوها كراسي ونشرات كلها سوالف ضرغام وقاسم

طلعو مرتبيهن العصر راحن للاستقبال طفن الضوة الجام مضلل محد يشوفهن انحشكن بركن واحد يعني بشباك واحد من الجها البيها همه

الحجيه،،گومي ابنيتي وياي خل انشوف ونتونس
لارا،،جرتني من ايدي گومتني وگفنه بااول شباك وهنه ب اخير واحد بس هنه مسيطرات عليهم اكثر
جهتنه بيها دنگة مضيعه نص الشوفه

اباوع اشلون اترتبو واحد بصف الثاني وقاسم لزم راس الدبكه بيدة السبحه لابس خليجي
انتبهتله كلش يشبه راهب بالشكل عبالك تؤام ولاجنهم جيران عبالك اخوة

راهب مخلي ادي ورة ضهرة يباوعلهم ويحجي ويه جماعته البصفه
اشويه وصار واحد ورة ضهرة شو هذا طفر من مكانه مثل الفز وذوله يضحكون علئ راهب وهو يسويلهم بيدة نعلعله يشتمهم

ماعرفت شنو السالفه حجيت ويه عمتي بصوت ناصي گتلها عمه شسوله ليش هيج ?

الحجيه،،هههههه هاي عادة عد الشباب يسونها للعريس

لارا،،هم مافهمت قصدها شويه واجه راهب وگف يم شباك الواگفين يمه هو اواحد وياه منطينه ضهرهم
اباوعله شطوله وشضخمه
حسيت بروحي شگد قريبه منه بس هو مايشوفني

اسمع صوته وهو يحجي ويه صاحبه ويضحك اجو اثنين لحگو
راهب،،هههه اليلحگني انعل والدي ولد النعل شگيتو ط........لولابس درع احسنلي

لارا،،يبوووو هسه فهمت امه حطت شيلتها بحلگها خربانه ضحك واني متت خجل اشلون سخيفين
كلامهم كله انحراف

اخر شي جرو بعدة ماوصل يمهم رفع ايدة يفر بالسبحه اباوعله اشلون لابس الدشداشه البيضه والغترة البيضه والسبحة بيدة هيبته تخطف الانفاس بس المخربه قساوتة

لزم راس الدبكه بمكان قاسم يرگص ويفر بسبحته

لگيت روحي تايها بتفاصيله صعب من اتكون واگف بنص الطريق لاانته مكمل طريقك ولاانته راجع النقطة البدايه

لااگدر اسامحه وافتح صفحة جديدة وياه بعد كل الصار ولااگدر ارجع مثل ماجنت قبل مااشوفه وادخله بحياتي

اختنگت ورجعت المكاني گعدت وهنه بقن يتفرجن رفعت راسي صار اگبالي يفتح بالجدور الكبار

ضرغام خلاهن بالمطبخ ترسهن ثلج وقواطي ببسي حتئ يبردن
دخل وراه ضرغام وقاسم جريت العبايه خليتها علئ راسي لبستها عدل لان قاسم وياهم رفع راسه باوعلي وبتسم قاسم منطيني ضهرة وهو صاير وجها الجهتي
كل واحد بيدة صينيه يطلعون من الجدور قواطي ويحطون بالصواني
بعدها اخذو علب السفري وزعوهن
قبل لاتنتهي الحفله صعدت لان حيل تعبانه اليوم وخاصتا من حنة النسوان العصر احس روحي لسه متشنجه

ردت انام ماكدرت
سمعت صوت موبايلي جريته هم رقم غريب
شنو سالفة الارقام الغريبه هليومين?

فتحته گلت الو اجاني نفس الصوت

المتصل،،من حضرتيني عبالج اتخلصين مني
والله الف رقم اجيب ومنين مااتحضريني اجيب غيرة واتصل حتئ اسمع صوتج

لارا،،جاوبته صوتي يرجف
من منو انته وشتريد ?
عيب عليك تتصل علئ اعراض الناس

المتصل،،دخلتي بعقلي شيطلعج بعد

لارا،،سديته ورجعت انطيته حضر بس جسمي يرجف
الله لاينطيك منين طلعتلي
ماگدرت انام منا خايفه من باجر وانوب هذا طلعلي صفح مدري منين

مانمت غير الفجر گعدت ب 11علئ صوت قفلت الباب
فزيت من مكاني مااعرف منو جان اهنا

باوعت للميز الموبايل موهذا مكانه اذكر بليل خليته يم راسي جريته فارغ شحن
شنو سالفه هلموبايل عبالك صاير مسكون

كعدت لفيت حجابي ونزلت يمهم لگيت ام قاسم والحجيه وكم وحدة نفس جاراتها الكبارية بعمر ام احلام منصبات الجدور ع النار ومنگعات معاجن تمن واللحم يفور علئ صفحه صدگ اجواء مال عرس بس هو اشلون عرس

ام احلام وام قاسم كل مايشوفني يصفگن ويهلهن واحلام وزهرة يشتغلن بس يگلبن بعيونهن كلشي ماعاجبهن

الحجيه،،يمه ترئ ب 2نروح للصالون

لارا،،هزيت راسي بمعنئ اي

ل12ونص صبن الغدة مدن السفرة كلها كعدن حتئ جاراتها بس راهب ابد ما شفته
گاعدين نتغدة انفتح الباب ودخل مبين مزين وجها يلمع والشوارب محددهن مزين من الصفاح حفر خفيف ومن فوگ شويه عالي گالبه بترتيب لورة

سلم وصعد لفوگ نزل بيدة ملابسه توجه للحمام

كملنه اكل ونقلنه المواعين يالله طلع امه هلهلت وهو مبتسم اعرف مو من گلبه مبين من وجها عينه مني درت وجهي عنه

للساعه ب 2سبحت ولبست فستان قصير لبست حجابي وعباتي ونزلت يمهم

لگيت ضرغام ينتضرنه استغربت اليوم موهو
تالي امه گالت اهواي شغل عندة بس هو يجي ياخذنه

للساعه 4ونص كملت وگعدت علئ صفحه لابسه بدلتي البيضه بس اليندسني ابجي بوجها
وينها الفرحه مالتي?
جنت انتضر هذا اايوم بفارغ الصبر بس من اجه كرهته وكرهت احلامي كلهن ويه راهب

اخذتلي الابنيه كم لقطه بعدها هو هم اجه بدون ماانتبه رفعت راسي شفته لابس قاط اسود
طالع صدگ هيبه لاكن بس بالوجه گلبه مثل سواد الليل
امه لبستني الغشوة والجادر حتئ نطلع لان سيارات اهواي برة
وگف يمي سحب ايدي لزمها ارتعد جسمي
حكم قبضته علئ ايدي
منا اني خايفه وانوب عطرة ترس المكان

الابنيه لبست عبايتها واجت اخذتلنه كم صورة بالطارمه مال بيتهم لان الصالون من ضمن البيت بابه داخلي موللشارع

كملنه وطلعنه صعدنه بالسيارة كل شويه اگول راح انجبح واوگع علئ وجهي هم رهبه وهم راهب
والاثنين انجمعن فوك. راسي

فررونه شويه وقاسم هو اليسوق
كل شويه يطلع المسدس من الجامه يرمي ويفززني
من خوفي اني الي الزمه حيل وهو يبادلني يعصر ايدي بمعنئ اهدي

صارت ب6رجعونه للبيت دخلو السيارة جوة قبل لاانزل نزل قاسم وطلع برة
وراهب وامه نزلوني دخلوني جوة كلشي مااشوف
هوسات وهلاهل وجكليت

اتعشت العالم وصار وكت الزفه گلبي انقبض
كلها راحت بقت بس ام قاسم وسارة
وكم وحدة من الجيران
ام احلام،،گومي يمه اصعدي الغرفتج لان ربعه راح يزفون

لارا،،كل جزء بيه يرجف وخايفه گومتني الحجيه صعدت فوگ فتحت باب الغرفه مالته ودخلت
گعدتني اتعجبت علئ ترتيبها ابد ماشفتها ولادخلت بيها
فرشه بيضه ضخمه والورد ع الفرشه
والعطر مالته تارس الغرفه انمغصت بطني والدوخه لزمتني

طلعت امه شويه وسمعت صوت ضجة مال زلم جوة يهوسون

گمت قبل لايجي فتحت الباب وركضت الغرفتي اني وبدلتي

دخلت وقفلت الباب من الداخل

شويه وسمعت خطواته بالممر اتعدئ الغرفته

هي دقايق واندگ الباب بقوة

راهب،، افتحي الباااب

يتبع....

#ثأر_الضابط

#البارت24

تذكر جنت ?
من تعتنيلي بلهفتك
مشتاگ حتئ اتشوفني
وتلگاني روحي مشگكه
ولمسات اديك اتروفني
تتركني هسه قررت?
ينطيك گلبك ننتهي
وبس ب الاحلام تشوفني
تتركني هيج بلا ذنب?
بررلي حتئ لوجذب
مليت ?گلي گمت امل
شيحمله ليلي بوحدتي
ماينحمل بعدك ترة
وجذبت گتلك ينحمل 💔

،،،،،،،،،،،،
،،،،،،،،،،،،

لارا،،اسمعه يضرب بالباب بقوة
گمت ارجف خايفه يضربني ويرجع يفشلني كدامهن
رجع ضرب الباب حيل
راهب،،اتفتحييين لابلقررران اشلللللعه
لارا،،گعدت بالگاع يم الجربايه خفت من صوته اليرعد سديت اذاني بثنين اديه مااريد اسمع صوته
ضل يضرب بقوة شويه واتوقف صوت الدگ
سمعت هوسه يمه ومن ضمن الاصوات صوت الحجيه
ام احلام،،ولك يممه كافي عوف البت لاتنجلط من وراااك
راهب،،ويطبها مرررض
افتحي ولللج
لارا،،،بقيت علئ گعدتي بلحضه ضرب الباب انفتح نهضت من مكاني مفزوعه امه لزمت متنه تمنعه بس هو جان قافل جرني من ايدي سحبتها بس هو لازمها حيل لزمت بثوب الحجيه وهي هم صارت بنصنه تمنعه
راهب،،وخري يمه
ام احلام،،عوف البت
راهب،،البت مرتييي
ومو اني. مررة التمشي كلمتها عليييه
لارا،،نترت ايدي منه وگفت ورة الحجيه
راهب،،تجين لو اخذج سحلل
لارا،،خاتله بضهر عمتي واهز براسي رافضه اروح وياه
ماحسيت غير لزمني من رگبتي مثل المجرم من يلزمو
اخذني للغرفه گوة عيني علئ عمتي تجي تخلصني
اختنگت حسيت راح تنعاد عليه نفس ذيج المرة من اتقربلي گوة مجرد التفكير سببلي نوبة هلع موطبيعه
احس علئ ساعه ادخل باانهيار عصبي
دخلني للغرفه حشرت بالباب مااريد افوت وياه
اعرف كل الجاي يسوي عناد بيه مايريد حجايته تنزل للگاع كل اليهمه كرامته اما كرامتي يضربها بستين انعال مويمه
راهب،،عوفي الباب?
راح اكسرر اصابيعج والله
لارا،،مابقئ للصبر حدود ماگدرت اتحمل اكثر احس قوتي انهارت
كعدت بالگاع وصرت اضرب علئ وجهي مثل المخبله لاخليت تسريحه ولابرگع كلهن شمرتهن الحجيه لزمتني
بس فقدت ماعندي حيل اكتم اكثر
شترريد مني بعدد?
فهمنييي شتريد وشخلييييت?
من اددددخل وياك الغرفتك اكو شي باااقي حتئ اقدددمه الك?
الحجيه،،شتحجين انتي يمه گولي ياالله

لارا،،عمه تعبت والله تعبت تررة حرام وضلم هذا
كل ذنبي حبيت ابنج ومشيت وراه مثل العميه جنت فرحانه وياه بااحلامي الورديه
اول مامدلي ايدة لزمتها بقوة مشاني وراه واني مغمضه عيوني لان واثقه منه
لزم ايدي واخذني وياه دخلني بعالمه مشيت بطريقه بدون ماانتبه لمن صحيت علئ نفسي لگيته عايفني ورايح وباقيه وحدي بذاك الطريق
رفعت راسي باوعت بعيونه وكملت كلامي وگوة يفهمون مني
اذا ماتحبني ليش اخذت ايدي ومشيتني وراك?
اذا ماتحبني ليش خليتني اتعلق بيك هلگد
اذا ماتحبني ليش وهمتني بحبك اووعودك الكلها جذب بجذب
لزمتني الحجيه تهدي بيه وخرت ايدها گتلها عمه بس خل احجي وياه
بس جاوبني استاهل كل السويته بيه?
جااوب لاتسكت استااهل هلكثر طعنات منك?
ماقدمتلك غير حبي وبالمقابل قدمتلي خنجر طعنتني بي الف طعنه بضهري
بوكت الجنت اخطط العرسنه انته جنت اتخطط تكسرني
بوكت الجنت فرحانه انته جنت اتخطط ترجع حقك
مالي ذنب بيهم والله مال مالي ذنب
دنكت وشمرت روحي بحضن الحجيه
هو واگف ماتحرك يباوعلي عيونه حمر
دار وجها ضرب الباب بيدة بكل قوته اخواته واگفات علئ صفحه ماحجن واني منهارة بحضن امه
اني گاعدة بالباب وهو بداخل الغرفه شال التحفيه ضرب بيها المرايه كسرها
صار يفتر منا ويرجع منا وشكو شي كدامه يكسرة
الغرفه غدة خرابه من گد مافلش غراضها
اخر شي عافنه ونزل شايط
عمتي تمسد علئ راسي حسيت روحي يتيمه بدون اهل بتمسيدها علئ راسي امسح دموعي ينزلن غيرهن وعيوني يأبن التوقف
صرت اناشغ بحضنها مثل الطفله
گومتني واحلام واگفه بالباب من شافت اخوها راح نفثت سمها لان البيها مايخليها لازم تشمر احجايه
احلام،،مرض براسج هججتي الرجال عيارة تتنغوصين المثلج تحلم تحصل مثل اخوي وانتي يمه يمه يمه من عيارتج تعرفين شلون اتلعبيها صح
لارا،،مابيه اجاوبها بس مدري شصعد براسي من شفت الحجيه وگفت خلت ايدها بصدر ثوبها وشگته من الطول للطول عليها
كورت اديها وصارت تضرب علئ صدرها
ام احلام،،ولكمممم كااافي يهل الرحممم كااافي ترة جزعت گلوبنه وملينه
بيت لوجحيييم
لارا،،زحفت يمها لزمت ايدها اليوم اني وياها غاوين لطم بسبب ابنها
فاطمه اجت يمها تبجي تسكت بيها ضرغام واگف يم الدرج مايگدر يصعد لان لابسه بدله
سمعته يصحح جزعان من الوضع
ضرغام،،كافي يممه رحمه النبييج اله تشعليها ياالله ترتاحيين

احلام،،وشحجيت كلها تريد تاكلني مجذبه خوما مجذبه

لارا،،نزلن وحدة ورة الثانيه والحجيه يمي گوة تتنفس تهز براسها وتضرب علئ صدرها الزمها وترجع تضرب
الحجيه،،مااضل اهنا مااضل احسنلي واشرفلي اخذ بنت الوادم واهج منااا
فاطمه،،كافي يمه
لارا،،گومناها. ورجعنه للغرفه مالتي گعدتها ع الجربايه مددت وغطيتها
سديت الباب وفاطمه واگفه يمه لان قفله مكسور
طلعت دشداشه اتقربت يمها فتحت السحاب
نزعتها ولبست دشداشه
مديت ايدي الشعري صاير كفشه شكدها صرت اجر بالماشات واشمر
كملت لفيته بقراصه
باوعت بالمرايه وجهي مخلوط الوان من البجي والدموع
طلعت كلنس مائي وصرت امسح واشمر ع الميز كعدت بالگاع اجت فاطمه كعدت يمي الحجيه منضرها يكسر الخاطر نايمه وثوبها مفتوح
گتلها جيبيلها ثوب خل اتبدل جنت بالگوة يطلع صوتي من الصريخ احسه انجرح
فاطمه،،عوفيها نامت من تكعد انزل اجيبلها
لارا،،جرت افراش من النضيدة فرشتلنه واحد بصف الثاني
سدت الباب وخلت وراه مخدة حتئ مايضل مفتوح
اتمددنه اني وياها والغريب هي تبجي واني ابجي بدون صوت
سالتها ليش تبجين بلعت ريگها وگالت
فاطمه، ،وليش حتئ ماابجي
شوفي حياتنه اشلونها ?
من جابتني امي لهذا يومنه يمكن عشت بس اول ثلث سنين من عمري مرتاحه ومن گد ماجنت مرتاحه ماجاي اذكرهن ولااذكر وجه ابوي وملامحه
اشگد احاول اذكره مااگدر
جنت بالمدرسه ابقه سنتين لابسه نفس اللبس حتئ بالشته ابقئ لابسه قميص الصيف يكتلني البرد ماعندي قمصله والبنات مايرحمن يعيبن لان قميصي صاير لونه باهت من الشمس وتنورتي بيها الف خيط وخيط من گد ماتنشگ وارجع اخيطها
جرتني المدرسه كدام الطالبات وكالت بصوت مسموع العدها ملابس ماتريدهن خل تجيبهن الفاطمه خطيه هاي هم اختجن بالصف
صح رادت اتساعد بس موبالاسلوب الصحيح
كسرني كلامها وكسر بداخلي الف خاطر
رجعت للبيت واني مهضومه واتمنئ مااداوم
بس امي لحت وقنعتني ارجع لان شاطرة ودرجاتي عاليه
رجعت وريتني لارجعت
صعبه اتشوفين روحج مالج قيمه بنضر الناس والناس تتصدق عليج
دخلت للصف واني اشوف كل وحدة كدامها ع الرحله علاگه بيها ملابس
استصغرت روحي وكرهت نفسي
تركت المدرسه ورجعت للبيت ابجي بحرگه
ذبيت روحي ع الدراسه ردت اطلع معدل عالي واتخرج واخذ الشهادة واشتغل حتئ احقق كل احلامي

جنت حيل اتعب اشتغل بالخبز من غبشه الحد مايصير وكت الدوام واذا دوامي الصبح ارجع من المدرسه بوجهي اركض ع المعجانه اعجن واخبز
اكمل وارجع اخثر روبه وي امي وابيع
مرت علينه اسنين عوز صعبه مرة امر من الحنضل ماتنجرع شفنه ضيم ومصايب واهواي اذكر نمنه بدون عشه
جانت امي التحصله تشتري بي ملازم الراهب
حتئ هو المسكين ماشاف شي مثل الشباب جابها قهر بقهر
بالدموع والتعب والضيم وصلت للسادس بنات لبسها ارقئ مايكون حياة كامله من كلشي
صرت اتجنبهن واتجنب احجي كلمه وياهن
بس بنات العز يحتقرن الفقير
اكو منهن يجن يعرضن المساعدة بنيه صادقه
واكو منهن يعرضنها حتئ يفشلني لان اشطر وحدة بالمدرسه
تالي كرهت كلشي وكرهت الكتب والقرايه
وبطلت ماوصلت للمدرسه من يومها
شكد حاولو المدرسين يرجعوني بس رفضت لان كلشي طلع من گلبي
وكلت العوض براهب يعوضنه كلشي مر بحياتنه
لارا،،هي تبجي واني ابجي وياها
حقدت علئ امي وابوي لان بسببهم اكو ناس عانت ماعانت بسبب اذيتهم
ردت احجي فاجئني صوت الحجيه عبالي نايمه بس طلعت كاعدة وسمعت كل حجي فاطمه الجانت ضامه راسها بالمخدة كاتمه صوت شهگاتها
ام احلام، كافي يمه الراح راح بنيتي
لارا،،فاطمه دارت وجها للجها الثانيه اشوف بس متونها تهتز بدون صوت مبينه تبجي
مااعرف بيومها شوكت نمنا وكل وحدة بينه نامت دموعها بخدها
گعدت الصبح مالكيت لافاطمه ولاالحجيه نازلات جوة
لبست حجابي ونزلت يمهن صار بوجهي راهب اجت فاطمه بيدها صينيه الريوگ خلتها كدامه
دفعها بيده وگام من شافني
احلام،،يااا ريوگك خويه اگعد اتريك
راهب،،شبعت
زهرة،،شاف وجه البومه وانسدت نفسه
خطيه حتئ مابات اهنا رجع الفجر غادي طينه من المشروب بسبب الماتتسمئ
لارا،،تركتها ورحت للمطبخ يم فاطمه عيونها وارمه
رجعت بدون صوت تتحرك تروح منا وترجع منا جابت الصينيه واجت سالتها الحجيه وين?
فاطمه،،اخذت البدلات ترجعهن الصاحب المحل
لارا،،بقيت گاعدة بالمطبخ بالگاع اشرب جاي وفاطمه هم كاعدة يمي واخواتها بغرفة امهن
همزين طلعت فاطمه رغم الاذيه الشافتها بس ماقسئ گلبها مثل اخوها واخواتها
بقت نقية وبيضه گلب مثل امها
شويه ونهضت اريد ارجع المكاني فوگ
صعدت فتحت الغرفه صارت بوجهي ريحانه لازمه موبايلي

ضيكت عيوني گتلها شجنتي اتسوين?
ريحانه،م مو جنت مارة الغرفة خالو وسمعت م موبايلج يدگ
لارا،،قبل مااحجي شمرته ع الميز وطلعت تركض

گلبي مامرتاح الها بس المن احجي وشگول خفت انوب تورطني وياها
اخذت الموبايل گلبت بي ماكو اي اتصال وحتئ مكالمات مالتي ويه ساندرا ومحمد محذوفات
حاذفه كل السجل
صار وكت الغدة رجعت الحجيه دزتلي فاطمه كالت امي اتكول خل تنزل تتغدة
نزلت يمهم كلهم كاعدين
ضرغام،،لارا بلا زحمه ممكن موبايلج لان مرة شفته بيدج نفس نوعية جهازي
حذفت البرنامج واريد احمله منج لان مايتحمل من سوق بلاي
لارا،،ردت اگوم اجيبه فاطمه كالت اني صاعدة للطابق الثاني اطفي الاجهزة واجيب موبايلج
صعدت شويه ونزلت جايبته بيدها بس جايني اتصال سمعت النغمه اشرتلها بيدي بمعنئ منو
فاطمه،،رقم غريب مايضهر اسم
لارا،،اتذكرت الرجال اليتصل وانوب راهب رفع راسه يباوعلي يترقب حركتي عاگد حواجبه مبين من وجها اليحجي وياه يهفه راجدي من العصبيه
راهب،،ماتجاوبين??
لارا،،بقيت ابلع بريگي
بس ماجاوبت نقذتني امه حجت وياه بسرعه انطيته صامت وطيران حتئ محد يگدر يتصل
اخذ الجهاز ضرغام فتح البرامج گال حتئ انتي ماعندج
رجعه الي ياالله جريت نفس ماادري ليش خايفه بدون مااسوي شي يستوجب كل هذا الخوف بس يمكن لان طبعي جبانه بسرعه يتملكني ويسيطر عليه الخوف بسهوله
كملنه اكل بس الكل ساكتين لان راهب مبين علئ ساعه ينفجر حجيه وتصرفاته كلها نتر بنتر
كسر الصمت بصوته
راهب،،فاطمه اغسلي بدلتي واكويها باجر التحق
ام احلام،،ليش يمه موطالب اجازة عشر تيام
راهب، قابل معرس حتئ ابقئ مجاز
لارا،،عرفته يبسمرني هز ايدة يستهزء
راهب،،الخاطرج يمه سويت العرس حتئ ماتضلين زعلانه
بعد عليمن ضال اهنا وعايف دوامي
لارا،،صدك اتمنيت يبتعد حتئ ارتاح واخذ راحتئ مجرد وجودة يضايقني
عافنه وطلع واحلام وزهرة اتصلو بيهن ارجولتهن لان ماگدرو يجون بالعرس العرفته عدهم دوام وخفارات وشغلهم ماكو اجايز لذالك مااحضرو العرس
گالولهن بعد ثلث ايام نجي حتئ نرجع كلنه سوة للبصرة
عفتهن وصعدت لفوگ رجعت الجهاز علئ وضعه خاف يتصل ابوي لومحمد لوساندرا
اهلي عدهم علم زواجنه البارحه ساره بيوم الحنه اخذتلي لقطات ودزتهن علئ جهازي
علئ گد مااكدر بينت روحي فرحانه

ودزيتهن حتئ ابوي يرتاح كلبه مايبقه متعذب بسببي
اول مافتحت الجهاز رجع الرقم اتصل ماجاوبت
اجتني رساله فتحتها كاتب
المتصل، ،اسمج حلو وصوتج حلو وشكلج حلو
لارا،،قريتها عرفته من هذا الحقير الماعرف منو هو
رجع دز
المتصل،،موشلعتي گلبي بس كولي الو حتئ ارتاح
لارا،،انطيته حضر كل مااحضرة ثاني يوم يرجع برقم جديد
اتمنيت اروح الراهب احجيله بس خفت لان جنت شاكه بريحانه گلت هاي بنت اخته واني الانسانه الدمرها لخاطر انتقامه اكيد راح يصدگ بنت اخته ويجذبني. اذا احجيله
للمغرب كلهم وكفو كل واحد بمكان يصلون واني رحت للحمام اريد اغسل واتوضه
فتحت الباب ماينفتح مقفول من جوة
هم سمعت صوت ناعم يادوب ينسمع بس مامفهوم
بقيت انتضر شويه وطلعت ريحانه باوعتلي عوجت حلگها وعبرتني
بگلبي گلت وراج مصيبه بس خايفه تورطيني وياج
دخلت للحمام كملت وطلعت صليت بغرفة الحجيه
طلعت لگيت احلام واگفه بالمطبخ تسوي عشه ويه فاطمه وزهرة گاعدة بالصاله ابنها بحضنها
طلعت برة للحديقه شفت الحجيه تشكل بالصوندة تريد تسگي الحديقه
العصر من سبحت لبست اتراك وردي اكثر ملابسي اتراكات
صح مايقبل بس ماعندي غيرهم وهم مااريد ابين اني انفذ كلامه
جنت گاعدة واباوعلها انفتح الباب ودخل راهب
اجه يمشي سريع عبالك يريد يتعارك
لزمني من ايدي وجرني لجوة
راهب،،شعندج برة والسطوح عاليه تنشافين انتي وهذا اتراكج
عود ليش ماتسمعين الكلممه?
لارا،،نترت ايدي واخواته يباوعن تركته وصعدت ماجاوبت سمعت احلام اتگله والله وكحه يرادلها تكسير راس
مانزلت غير لمن صبو العشه مااصدك اشوكت اكمل وارجع للغرفه
واخيرا كملو نقلت كم ماعون وياهن وصعدت وزهرة تصيح شردت من المواعين
الحجيه اتگلهن ماتموتن منهن عوفنهن اني اغسلهن
بقيت گاعدة اتصلت بساندرا مشتاقتلها بس شويه واترخصت مني يردون يرحون البيت جدهم
ضوجه گلت خل اتصل بسارة شويه تضحكني سوالفها
ابن الحلال بذكرة باوعت هي المتصله جاوبتها شو هاي ماتنفهم سالفتها مدري تضحك مدري تبجي وساعه تصرخ اريد افهم سالفتها ماجاي افهم اخذتني حاصل فاصل بعياطها
ولللج شكوو اشبيج خوفتيني
سارا،،باااجر المشيييه لاراااااا باجررر
لارا،،ضحكت صدك مخبله گتلها اهدي وفهميني
سارة، شفهمج خل اصدگ اول شي وبعدين افهمج
اتمنئ انتي يمي لج لارااا اريد واحد يكفخني علابي حتئ اصدگكككك
لارا،،ههههههه والله انتي حلوة والف واحد يتمناج مايحتاجلها كل هاي الهوسه
سارة،،ماريد من الالف غير قويسممم
لارا،،حبيبتي الله يهنيكم

بس ماكتيلي شوكت اجو اهلج
سارة،،البارحه واليوم عمتي فاتحت اهلي بالموضوع وابوي قبل
وعمتي كالت خير البر عاجل انخليها باجر المشيه مال الزلم والاسبوع اليجي يعقدلكم السيد
لارا،،بقيت احجي وياها واضحك ترتاح نفسيتي من تحشش وتقلد
اجتني مكالمه واني احجي وياها شفت الرقم راهب
ولايبطل هاي الحاله شكاك عباله الناس كلها مثله
نهيت المكالمه وياها دگ الموبايل هم رقم غريب
بقيت صافنه اشلون اخلص من هاذ الطلع روحي
بس لازم احجي الراهب حتئ يتصرف حتئ مابعدين يصير شي واتورط
قطع تفكيري دخوله والموبايل بيدي والرقم جاي يتصل
وصل يمي سحب الموبايل من ايدي باوع للرقم وباوعلي
ضيگ عيونه وفتح خط
احس ريگي نشف وجسمي گوة شايلني
راهب فتح خط وفتح سبيكر
المتصل،،مشتاقلج ليش هيج قاسيه وياي
لارا،،اباوع فتح عيونه متفاجئه
رفع اصبعه بمعنئ لاتحجين ولاصوت
وضل يستمع للمتصل واني جامدة من الخوف
المتصل،،لارتي
راهب،،حضر الچفن مالتك ياگوا.....

يتبع

البارت الخامس والعشرون

مرات احسك عدو بس اختل بسدة 💔

،،،،،،،

،،،،،،،،
،،،،،،،،

راهب،،حضر الجفن مالتك ياگواد
والله لنبشك نبش لوتشرد لسابع ارض هم اطلعك

لارا،،ذاك بسرعه سدة وراهب بدون لاسؤال ولاجواب مااحس غير جرني من شعري قربني من وجها
تحس راح ينفجر من العصبيه

راهب،،لارتتتته مووووو??

لارا،،عيوني غرغرت بالدموع لازم راسي ويعت بشعري احسه اتگطع بيدة

گتله و والله م مااعر ماعرفه انطيني م مجال افهمك

للاسف عبالك فقد ايد لازم شعري والايد الثانيه مشغلها راجديات علئ وجهي رفعت ايدي ضربها نزلتها
رجع ضربني علئ خدي وكل ضربه احس راسي ينتفخ من الهبطه علئ ساعه اوگع

راهب،،ااااحجي منووو هذاا ?

لارا،،اتنفس گوة نفسي اختنگ من الخوف گتله وا والله مااعرفه جن جنت ار اريد احجيلك
راهب،،والله لنعل ابووج لابوووو اليوم الفكررت بي اخذللي وحدة گح.......

لارا،،علئ صوت صياحه انفضحت وكلها اجت تركض جان مايشوف كدامه غيري اني وبس
امه اجت تركض المرة مخترعه وخايفه جرتني منه لزم ايدها نترها وسحلني ورة ضهرة يمنعها توصلني

جنت بيدة مثل الخرگه بس اشوفهم مااسمعهم احس اصواتهم بعيدة

احلام،،ولللج الله ياخذج شمسوييه يمعزاايه من اجيتي ماجبتي غير المصاايب وياااج

زهرة،،ابوها منووو راح تهجم بيتنه الله لاينطيج

ام احلام،،ولجن بسجججن خل نفتهممم

راهب،،اطلعن لااحرگهااا ومحمد اطلللللعن

لارا،،يمكن صار عندي خفقان احس گلبي علئ سرعة دگاته يريد يطلع من حلگي

مثل الحرارة تطلع من اذني وصدري احترگ مديت ايدي افرك بصدري رجع عليه دفعني وكعت علئ طرف الجربايه ماجنت متوقعه راح يدفعني والجربايه بيها مربعات حديد
صار اصبع ايدي بين المربعات ذبيت ثگل جسمي كله علئ اصبعي
حسيته طگ مدري انكسر بس ماياذيني لان الخوف اكبر من الوجع صرت لويذبحني هم من الرهبه مااحس بشي

دفع امه واخواته طلعهن برة قفل الباب ورجع

ام احلام،،وللك يممه علئ بختتتك خل نفهم السالفه استهدوو بالرحمن

راهب،،احجي ولج هووو هذااا الرفضتيني امس الخاااطرة?

لارا،،الساني معگود اريد اجاوبه مايطلع صوتي هزيت راسي بمعنئ لاااا

راهب،،ااادري تكرهيني ادرري اذذيتج بس مواطعنيني هلطعننه هاااي
ولللج حقيرررة جنت ناوي افتتتتح صفحه جديدة وياج ونعوف الحقد ونعوووف كلشي تااالي طلعتي ساااقطه نفس ابوووج بنتتت الكلب

لارا،،نزع احزامه وصار يجلدني بي
العجيب لاصرخت ولاصحت متبنجه جوة ايدة وهو بدون رحمه يضرب

اخذتني الرجفه وغمضت اسمع بس صوت طبع الحزام علئ جلدي
حسيت بروحي جاي انازع وهاي لحضاتي الاخيرة
متمددة علئ صفحتي الجهته وجهي صاير للجها الواگف بيها
ردت بس يتوقف وينتبه الحالتي الساني ثگل
رفعت وجهي علئ كيف وبدل ماتجي ضربة الحزام علئ جسمي اجت علئ وجهي من جهة الحديدة

بعدها كلشي مادريت رحت بضلام دامس
اسمع صريخ وهوسه بس ماجاي افرزن الاصوات

كل الاعرفه اني ميته وصرت اسمعهم بس مااشوفهم

بعد فترة هيست برودة علئ وجهي كفيله تسحبني من الضلمه الجنت بيها فتحت عيني بثكل وشهگت مثل الجان غركان وطلعو بااخر لحضه
ركزت بالوجوة اني بحضن الحجيه گاعدة بالگاع مخليتني بحضنها

وتذب ماي بارد علئ وجهي
درت وجهي باوعتله گاعد بالگاع لزم راسه بين ادي

ويباوعلي بحقد وكره يمكن لو ماامه جان اني هسه ميته

راهب،،احجي ولج منو هذاا
ام احلام،،كااافي ولك يممه كافي شفتهمتت منها انته ?
لارا،،لزمت بثوبها حيل صار وجهي بصدرها ضميت روحي خايفه يرجع يضربني حلگي مااكدر افتحه والساني ماينطق حرف يرجف

نهض من مكانه وگف كدامي

راهب،،وحگ من نزل القران علئ محمد مااعوفج اذا ماتحجين منو هذا الساقط الخنتيني ويااه
اذا مااذبحكم اثنينكم مااتسمئ راهب

ام احلام،،بسكك يممه بسك
ااانه ادري المتهم يبقئ بريئ منا لمن تثبت ادانته جااا غيرر انته نقييب وشايف وعايف ومستجوب وادم جااا هي هيج گالوهااا

راهب،،هذااااا عررضي يممه تعررفين شنوو عرضي?
يعني يمم عرضي ماافكرر. گدامج هسسه غضب الله راااهب مونقييب

لارا،،اباوعله اشلون يفرفح ويضرب بيدة علئ راسه ومن رهبتي اتمنئ ادخل بين ضلوع الحجيه

ام احلام،،استهدي برحمانك وليدي ترة كلشي مامفتهمين
لارا،،وبلحضه جرني من حضن امه حتئ هي شهكت مامتوقعه حركته

طلع من الغرفه واني ساعه اخطي خطوة واني واگفه وساعه يسحلني بالگاع مدري اشلون نزلت الدرج سحل

كلهن نزلن وراي ماسمعت بس الحجيه تصيح وتلطم واخواته يصيحن ربيها من جديد

شمرني جوة الدرج لميت رجليه واني ارعش اريد ادافع عن نفسي بس ماكو قوة ولاحيل ولاحتئ السان يحجي

زمخ بريحانه كالها انطططيني شااالج

نزعت شالها انطته الخالها وهي هم ترجف

كعد كدامي ركبه ونص جر اديه اثنينهن ربطهن بطرف الشال وضبط الشدة علئ ايدي حيييل
لزم الطرف الثاني ربطه بحديد المحجر مال الدرج

ماذبحني غير احجايته من التفت الهم وكالهم