روحي تطلع من يسوي هيج يشوغ گلبي
كانه يعاقبني علئ عضة ايدة
لحد هاي اللحضه واني اتماطل وياه عبالك عندي قوة تضاهي قوته مااعرف منين اجتني هاي القوة والشجاعه
صرت ادفع بي واعيط بس جان لاحياة لمن تنادي فاصل
بلحضه ثبتني وصار فوگي صرت ارافس مثل الطير المذبوح
جنت ادافع عن شي غالي عن شي حافضت علي اسنين ومستحيل افرط بي حتئ لوكان بالحلال
مالگيت نفسي غير زحفت علئ ضهري الطرف السرير
لزمني من رجلية اثنينهن
وسحبني اله بقوة
لحضات اشبه بالموت خوف ورعب وبجي وتواسيل الشخص ماجان يسمع كل توسلاتي
ادي البدت تنهش بلحمي لمساته التجرأت علئ كل جزء بجسمي
ماجنت اگدر اتحرك لان ضخامته مقيدتني عن الحركه حسيت نفسي اختنگت جواه
اديه اثنينهن مقيدهن يم راسي بيد وحدة حاكم قبضته عليهن
احرك براسي للجهتين واتوسل بي يبعد عني
اقترب يم اذني وصار يهمس بحده اشبه للامر
راهب،،اثبتيي اثبتتي
الم فضيع بااحساس ابشع وافضع احساس خسارتك الشي غالي
انتهك حرمة جسدي بدون رحمه اثار هجومه التركهن بروحي قبل جسمي
ابتعد مني واني بقيت نايمه جامدة بمكاني
كل ساعه اكول هذا كابوس وعلئ ساعه اصحئ منه
گلبي علئ قوة دگاته يريد يفر من بين اضلوعي
الم براسي موطبيعي كانه عيوني تريد تطلع
نهض من يمي لبس وطلع رگع الباب وراه

مااگدر اگوم لان حالتي بهاي اللحضه يرثئ لها
اريد استجمع قوتي وانهض بس طاقتي تخوني
وارجع اگعد مااگدر اوكف
سحبت الجرجف غطيت روحي وكلي اختض مثل السعفه احس سنوني سن يطگ بسن
مامستوعبه شي من الجاي يصير
بعد شويه فتح الباب واجه گعد يمي ع السرير بس منطيني ضهرة مدنگ لازم راسه بثنين ادي منتجي علئ اعكوس ايدة
بقيت ساكته ودموعي تجري اريد يبررلي فعلته
همست بصوت واهن وگوة يفهم مني الكلمة بسبب شهگاتي
ل ليش ه هيج سو سويت ?
راهب،،بنته انتي بنتتتته
بقيت نايمه ولافه روحي وابجي اريدة بس يطلع اريد ابدل
نهض من مكانه توجه للكنتور طلع عبايه اسلاميه شمرها عليه
راهب، ،دقايق الكاج لابستها ونازله
لارا،،تركني وطلع مااعرف اشلون سندت نفسي وگمت علئ حيلي انتبهت الروحي وبجيت
رجعت گعدت وضربت علئ وجهي واني اشوف اشلون فقدت اعز مااملك اتندمت ع الساعه الاجيت بيها لهنا
دخييلك ربي ساعدني شجاي يصير وياي ?
گمت لبست الجبه فوگ ملابسي المشگكه.
كل شويه ادوخ احس راح يغمئ عليه
لزمت بالحايط والگاع تفتر بيه وابالي شي واحد ليش هيج سوة وين راح حبه?
نزلت شفته ينشف بشعرة شمر الخاولي ولبس الزي العسكري
انتبهت لعيونه حمر حيل من شافني نزلت دار وجها عرفته يبجي وماايريدني اشوفه
كمل وحجه بدون مايباوعلي
راهب،،كملتي حتئ نروح?
لارا،،رجلية يرعشن وحيل مابيه اضل واگفه گعدت ع القنفه الگدامه
التفتت شفت گدامي ع الميز درنفيس
مالگيت روحي غير گمت بسرعه كانه اريد ابرد نار گلبي من اشوفه ميت گدامي
سحبت الدرنفيس واتوجهت علي فجاه التفتلي ولزم ايدي عصرها بكل قوته حسيت اصابيعي انكسرت
راهب،،اتركي
اتررركي
لارا، ،ويه كل كلمه يضغط علئ ايدي اكثر اسمع اصابيعي اطگطگ بيدة من الالم تركت الدرنفيس
لوه ايدي ورة ضهري
اترك اتركني كافييي مو اخذت الشي التريدة عليش مخليني يمككك
قربني منه اكثر ولزم شفتي بااصابيعه حيل احسها انشلعت
حجه من بين اسنانه بصوت حاد
راهب،،عيدي الحجاية وقسما برب العرش العضيم اله اكسر اسنونج بحلگج
مانايم انه وي گح .....مررتي انتي لاتنسين هلشي
لارا،،اكرهك
راهب،،موااكثر مني
لارا،،نتر وجهي وگف گدامي كانه مامسوي شي
گتله واني ابجي واضرب علئ صدري بحرگة روح
ش شنو ذنبي وشنو سويتلك ح حتئ استاهل منك هيج شي ?

قدمت الك كل الحب و ال احترام وحبيتك ع علئ عمه عيوني و وماطلبت من منك مقابل ت تالي هاي ج جزاتي?
اتجازيني ا ابنت ليل تجي تخطبني ?
هذا م مقامي وقدري ع عندك?
بس بس اريد ا افهم بشنو ا اذيتك?
ط طول عمري و واني ااتمنئ ي يكون عن عندي ابن عم ي يكون سند الي ويحميني
ت تالي بيوم الي ا اتحقق حلمي تخسرني كلشي ب بيدك ياابن ع عمي يا محترم
راهب،،كل اليصير بينه سببه منوو?
لارا،،وااني شنووو
ولك ماصرت بعينك ?
ماوگف بعينك حبي ?
راهب،،جربي وعيشي العشته وتعاي ذيج الساعه عاتبيني
لارا،،مع الاسف عليك انتزعت حبك من گلبي بصورة بشعه
ومن اليوم ماراح تشوف مني غير الحقد والكره
راهب،،اسمعيني زين قبل مااخذج خل احط الخيارات كلهن كدامج
وللاسف ماگدامج غير خيارين
الاول اني والثاني ابوج
وراح انطيج احتمالات السيئه ل اي اختيار من بين الاثنين
لارا،،اخذ الاوراق الي كانن موجودات ع الميز عبارة عن ملف
حطهن گدامي
راهب،،فرضا اختاريتي ابوج الاحتمال السيئ الاول اشمرة بالسجن واخلي يعفن والملف هذا يكفي يشمرة ورة الشمس والله لخلي يكرة روحه بالسجن

ولتنسين عندي شهود والملف رجعت فتحته من جديد يعني بين قوسين السالفه راكبه ابوج من ساسه الراسه
والاحتمال السيئ الثاني بما انو هوالسبب بدمار عائلتي وگلبي مايبرد اذا مااشوفه ميت مثل الجلب گدامي ف بهاي الحاله عادي ادزله واحد للسجن يطعنه لو يسممه وانشاءالله يموت گولي امين
لارا،،رفعت عيني اله ومامصدگه الواگف كدامي هذا نفسه الانسان الامنت بي وسلمته گلبي
گتله
للاسف جنت بنضري احسن شخص بالكون لان ضنيتك تستاهل حبي بس طلعت فلسين ماتسوة حرامات ومتندمه بگد شعر راسي لان سلمت گلبي للانسان الغلط شوهت صورتك بنضري بحيث ماصرت اشوفك غير شخص اكرها واشمئز منه
ولو يرجع بيه الزمن افضل ميته بذاك اليوم الي شفتك بي وياريت ساحگني ولا كاسرني بهلطريقه هاي
بس اخذ هلكلمه مني وعد راح ادفعك الثمن غالي
راهب،،اذا كملتي كلامج خل انطيج احتمالات الاختيار الثاني
بحال اذا اختاريتي تجين وياي واتركين ابوج راح اتركه لان افلوسي ورجعتلي هااا وفوگهن حلاوة التعويض
لارا،،باوعلي من فوگ لجوة وغمز يقصد الحلاوة اني بلحضتها كرهته قاطات
راهب،،وهسه ياالله نروح لان ماضل صبر اريد اشوف السيد الوالد وهو بقمة انهيارة بعد ماخليته ع الحديدة
لارا،،گمت واني مستحقرة نفسي ومحملة روحي ذنب الصار ويه ابوي لان مامصدگه ابوي هيج يسوي بااخو هذا ابوي موسهله اصدگ بالحجي الينگال عنه وحتئ لوشفته بعيني مااگدر اكرها

طلع گدامي واني امشي وراه واجر بذيال الندم والخيبه وراي
صعد بالسيارة واني كعدت بالورة رفعت راسي شفته عدل المرايه الجهتي وابتسم بااستهزاء كانه يگلي الج عين تباوعين بوجهي بعد مادمرتج
بس جنت اتعمد اباوعله حتئ اكرها اكثر واكثر حتئ اقتلع جذور حبه من گلبي للابد
جنت ابجي بدون صوت ماينسمع غير صوت المناشغ
صعب تحب انسان كل هذا الحب وتامن بي وتشوفه بعينك هو كلشي وماتشوف غيرة لان يكون تارس گلبك وروحك وعقلك
تحس يوصلك بحبه السابع سما ومن تكتشف كذبته
راح يكون سقوطك مدمر
تحس نفسك كل جزء منك بمكان
ماجنت انام بليل قبل ماافكر اشلون راح ارتب نفسي اله بيوم عرسنه اشلون راح اعيش وياه واسعدة واشلون راح احافض علئ حبنه وحياتنه
جانت هاي احلامي البسيطه ويه الشخص الي امنت بي اوثقت بحبه بس للاسف طعني الف طعنه بدون مااستاهل هذا الشي منه
وصلنه بيت اهلي وانقبض گلبي خايفه من الراح يصير مااريد اشوف ابوي واخوتي بهيج موقف صعب والاصعب جان الاختيار اما اختار ابوي وادمر عائلتي ي اما اختار راهب وادمر نفسي
ضحكت علئ تفكيري
نفسي?
ليش هو شبقئ حتئ ادمر اكثر?
نزل كدامي وگف بكل شموخ رفع موبايله سمعته يحجي ويه واحد بسرعه وگفت سيارة يمنه نزلو منها اثنين لابسين نفس الزي مالته واحد شايفته وياه بالصورة والثاني اول مرة اشوفه
وياهم اثنين زلم كبار بالعمر سلمو علي ودخلو
راهب،،اني موهيج بس نار الانتقام بصدري وروحي عمتني وخلتني مااشوف دربي
كل الافكر بي ادمر جلال وعائلته مهما كان الثمن
اسحگهم كلهم بدون رحمه راح اردله نفس الكاس الشربنه منه ومثل مادمرنه ادمره هو واولادة
اله ادفعه ثمن سنين العوز كلها
ماجنت حاط ابالي اتقربلها بهاي الطريقه انتضرت العرس وبعدها ابدي انتقامي
بس من سمعتها اتگول مااريدك نار شبت برروحي وساعتها اتاكدت اذا تركتها مستحيل ترجع مرة الثانيه بدون تفكير وبدون وعي اخذتها
تركتها وطلعت واني مشمئز من تصرفي حتئ لو ردت انتقم بس ماردت انتقم منها بهل اسلوب
نزلت جوة وتركتها فوگ ولاول مرة ابجي ماادري ليش الحقد والكرة الي ابداخلي انولدن وياي وكبرن وياي عشت عمري واني اخطط انتقم من جلال
لاعشت طفوله حلوة مثل الاطفال بجال ابوي
ولامن كبرت ارتاحيت
شبعت ضيم وتعب الدرجة قست روحي وگلبي قسه وحتئ جلدي قسه من گد الدگ والكتل
خليت گدامها احتملات دخول ابوها للسجن ردت اتحط ابالها اذا اختارته راح اموته وهذا الي اتمنئ يموت جلال وارتاح منه
اخذتها وطلعت لاول مرة اشوفها مكسورة واني السبب بلحضه اتملكني الندم شنو ذنبها احاسبها بذنب غيرها واحملها خطئ مااقترفته اديها
بس بلحضه يرجع شعور الانتقام بداخلي
وصلنه البيت جلال نزلت وابالي شي واحد
اشلون راح اتكون ردة فعله من يدري سحبت الابساط من جوة رجلي وصفيته بدون ولافلس
جان باب البيت الرئيسي مفتوح دخلت اني وقاسم والضابط مرتضئ والتجار الاثنين الي كانو شهود ع القرض
جنت حاسب احساب الكلشي
دخلت بخطوات ثابته سمعت صوت مرته واصل للشارع وهي تعد وتصف
اتفاجئو من شافوني بهاي اللحضه عرفت وصله الخبر واكتشف منو ورة خسارته
من شافني طفر من مكانه واجه بااتجاهي مثل الثور الهايج يريد يضربني وابنه وراه ومرته
رفع ايدة راد يضربني بس اني اطول منه واضخم بحركة وحدة دفعته بعيد عني
صاح وهو يضرب علئ وجها مثل النسوان
جلال،ولللللللك فهمنيييي ااانته منووووو?
راهب،،ابتسمت ب استهزاء واني مخلي اديه بجيوبي
گتله تريد تعرف اني منو ?
وياك النقيب راهب ضياء الدين ياسر الياسري
ابن اخوك الي بگت حلاله ومات بسببك

يتبع...

عيوني لعلاج القولون طبعا بي ادوية تاخذيهن حسب حالتج واستشارة الطبيب
وهمين بالأكل كون تنتظمين ومو كل اكلات تاكليهن ..مثلا الببسي و الفاصوليا والفواكه الحمضية كون متاكليهن وبعد اهواي اكلات
فاستشيري طببيب مختص وخل يكتبلج قائمة

ومااتوقع بقناتي اكو دكتورات قديمات وخبره..لان بعدهن طالبات😅🌚 لو توهن اتخرجن فبعدهن ماممارسين الوظيفة كم سنة
فانتي من يامحافظة؟ ودكتور بيااختصاص تريدين حته ابحثلج


#ملوكه

يي حبيبتي كلهن حقيقيات ومن واقع حياتنا مانشر قصص خيالية☺️🌸

#ملوكه

هذا حبي👇🏻🙃

#ملوكه

- تـَوافق ﺎلابـَراج ،💗🧚🏻‍♀.

•‏ المرأة الجدي والرجل الجدي ،🐳⛓.

لديهما طموحا وعقلا، ويمتلكان إرادة فولاذية، ورغبة جامحة في تحقيق الذات، حتى لو تقدم بهما العمر، هما شخصان جادان في عملهما، علاقتهما صامتة، لكن إذا ما حاول أي منهما التخلي عن صمته أصبحت العلاقة حيوية ومثيرة تضمن لهما الوصول الى قمة السعادة، أما إذا تمسكا بالجدية والعمل فقط وأهملا الرومانسية أصبحت العلاقة صعبة ولا فائدة فيها، واذا أرادت المرأة الجدي كسر قلب الرجل الجدي يجب عليها أن تحافظ على العادات القديمة والاهتمام بالمناسبات العائلية، ونصيحة لهذه المراة عليك التخفيف من عنادك حتى تحافظي عليه، وتكسبيه كشريكا يفهم الحياة .. علاقتهما جدية وعملية.

•

حبي من الكوكل سجلي حسابج بي وسوي نفس هالخطوات وينمسح👇🏻🌚

#ملوكه

مشاهدة "حذف حساب انستجرام نهائيا 2021" على YouTube
https://youtu.be/yO9pNyBBjUw

طبعا عبرت 3اسابيع والمباركات خطبة ماشاء الله ليسه مستمرة لعد بالعرس اشون😹

عمري تسلمين الله يبارك بيج ويوم الكم🥰👇🏻وهذيني مجمعات ومحلات للملابس بالكركوك

ولتكبير الصدر ماكو شي يكبره فعليا ☹️بعد زواج والحباله تتغير هرموناتج وذاك وكت يصير تغير

فاكو خلطة الحلبة وبالرياضة المستمرة كالتدليك للصدر يوميا ممكن تشوفين فرق بسيط عليه..فهسه اوجهن

#ملوكه

وهاي خلطة الحلبة لتكبير الصدر👆🏻🙃