لارا،،اخذت صورتين بالكليه جنت مرتبه روحي كلش ردت اخلي يشوفني احب نضراته واحب اصير حلوة بعينه اكثر بليل ورة العشه دزيتله صورة منهن شويه واجاني صوته يرعد

راهب،،بلوووة الله هاي اليوم هيييج رايحه للدوووام ??

لارا،،بقيت امتمت گتله بصوت واضح علي الخوف ا اي ا اصلا عا عادي البنات كلهن يسون هيج

راهب،،ني .......البنات نروووح ان..........وياهن

لارا،،فتحت عيوني علئ وسعهن مامصدكه الاسمعه احس راسي دخن من الفشله والعصبيه
گتله بحدة منووو سمحلك تحجي هيج وياااي ??
ااانته واحد مااتستحي
راهب،،هذا انه المااستحي?

لارا،،سكتت بس روحي شايطه لان فشر بهاي الطريقه

راهب،،صفحتج انملت اغلاط وصدگيني راح اطلعهن وياج وحدة وحدة

لارا،،سد الموبايل بوجهي بس جسمي كله يرجف
اننساان مستفز فوگ شينه گواة عينه فوگ مايعدل السانه واسلوبه جاي يحسب عليه اغلاط

نمت بفراشي واني ادردم ليش مااگدر اكرها
ليش احس روحي حفرت حبه بگلبي حفر ونقشته مثل النقش ع الحجر

ماگدرت انام لان اول مرة انام زعلانين

راهب،،بنت الكلب والله بس اجيبج يمي لطلع كل كلمه من خشمج

بقيت احش بالجگاير من تغلط وياي اتمناها يمي يمكن اذبحها واشرب من دمها

مرت ثلاث ايام واني من يوم الي اتجاوزت حضرتها من كل مواقع الاتصال

مااريد احجي وياها لان خاف تفلت اعصابي اكثر وبعدها اضيع الاول والتالي
انتها الاسبوع مال اجازتي ورجعت للدوام وبهل اثناء دخل قاسم

قاسم،،ياهلا بسيادة النقيب واخيرا شرفت

راهب،،هلا بيك قويسم ليش اكو شي وجهك مبين وراه مصيبه

قاسم،،الولد الي خليته يراقب جلال اجه وجايب وياه خبر اله بشدة

راهب،،انطيني الزبدة

قاسم،،دومك مستعجل بس يالله المهم الاخبار مفرحه
سالفة المطعم جلال اقتنع بيها بعد ماشاف كم واحد ايدو حتئ يشتري
واليوم دزيت الجماعة واتكاتبو وياه وصار المطعم ب اسمه

وغير هذا اليوم اشترة بيت طابقين بحي راقي
علمود يبيعه ويستفاد من الربح

راهب،،خوش حجي توة بدة اللعب

قاسم،،اذا خوش حجي ومن وراه راح اترجع حقك
چا بعد شعندك ويه بنته اترك الابنيه بحال سبيلها وافلوسك انشأئالله عن قريب ترجعلك

راهب،،افلوسي ارجعهن لان هذا حگي وحگ امي واخواتي
بس بنته راح تكون عقاب لبوها وخل يعتبر هذا الشي تعويض عن اسنين الضيم العشناهن بسببه
قاسم،،صرت مااعرفك لان الحقد والقسوة عاميتك

راهب،،تركني وراح بقيت افكر بسالفة المطعم لان اني الخليت الفكرة گدام جلال ردته يشتري حتئ اخسرة الوراه والگدامه

صاحب المطعم اجا بلاغ من الحكومه بان لازم يترك المطعم لان الدوله تريد تهدمه وتبني بمكانه محطه لتعبة الوقود
طبعا الحكومه انطت تعويض الصاحب المطعم
رحت للرجال واتفقت وياه يقترح الفكرة مال البيع علئ جلال لان همه واحد يعرف الثاني وبينهم صداقه

والصالحي طلع صاحب المطعم نفس نسخة جلال انسان جشع ويحب الفلوس
اعرفت انو الاخ اليغدر ب اخو الخاطر وصخ دنيه
ماكو اسهل منها من يغدرة صاحبه لان كما تدين تدان

لارا،،صار كم يوم مايحجي وياي زعلان والله حتئ بواجي بجيت
ليش اصير ضعيفه بدونه ?
معقوله هذا الحب هيج يذل الشخص?
بحيث اتصل بي ومااحصله لان منطيني حضر من كل المواقع اعرفه جاي يعاقبني

اليوم احد بدلت ورحت للدوام بدون نفس
خلصت اليل بالبجي مشتاقتله مشتاقه الكلشي بي صوته عطرة عيونه احس عطشانه علئ سوالفه
بس والله مادام هيج يسوي هو الجابها النفسه
اخر شي اخذت وعد علئ نفسي مستحيل اخلي يهيني ويتجاوز بااسم الحب والغيرة
هو البدة خل يتحمل نتيجة هذا العقاب

وصلت للكليه مالي خلگ احجي شي حتئ ساندرا گالت وجهج تعبان ليش اتسمحيله ياثر عليج هلگد
لتصيرين ضعيفه وتبينين اله انتي هشه بدونه وسهل تدميرج
كلام ساندرا ساعدني حيل حتئ اكون اقوئ مااريد يشوف ضعفي ويتاجاوز اكثر

ابتدت محاضرة التصميم لدكتور عمار جان يشرح
ماصدگت تنتهي واطلع لان اختنگت
انتهت المحاضرة وطلعت الطلاب واني شلت كتبي وجنطتي ردت اطلع سمعت صوته گال

عمار،،دقيقه لارا

لارا،،وكفت گدامه نعم استاذ

عمار،،ليش وجهج تعبان هلگد اكو شي صاير?

لارا،،دنگت بقهر وبداخلي اگول انته انتبهت والشخص الاحبه ماهامه شي

رفعت راسي كتله شكرا لاهتمامك استاذ بس صدگني ماكو شي

انتهئ الدوام ورجعت للبيت اسمع صوت الضحك واصل الباب الحوش
دخلت شفت ابوي وامي وخالي يضحكون ويسولفون

جلال،،هلا بابا تعاي اسمعي الخبر

لارا،،ابتسمت بتعب خير بابا شنو الخبر

سعاد،،ولج ابوج اشترة المطعم وبس يشتغل وتمشي امورة انوب الصيف انخلصه بتركيا ويوميه بدوله

لارا،،ضحكت علئ تفكير امي اي بابا بيها الخير
تفاجئو بردة فعلي عندي عادي لان البيه مكفيني

صعدت للغرفه بدلت ونمت مالي خلگ انزل اتغدة حتئ مااشتهي
للساعه ب 6گعدت علئ صوت الموبايل رفعته شفت رقم راهب كاتبه علي نقيب قلبي

تركته ماجاوبت بعد وكت ذكرني هسه لمن انتهت عقوبته قرر يتنازل ويحجي وياي
انطيت الموبايل صامت ورجعت حطيت راسي ع المخدة
بس عيني ع الموبايل مرتين اتصل بدون مااجاوب
اخر شي دز رساله

راهب،،لتجاوبين سهله

لارا،،بگلبي گلت شتسوي اكثر صارلك اسبوع معاقبني بغيبتك احس روحي مثل الينازع عيني كل شويه ع الجهاز مااعرف اشلون مر هل اسبوع بدون مااشوفه
راهب،،بعد كلامها قررت اعاقبها بالتجاهل ومن اسلوبها ولهفتها وياي عرفت هي تحبني لذالك جنت مسيطر
خليتها اسبوع تستوي عال نار هادئه بس بعدها قررت ارفع عنها الحضر بس الفاجئني ماجاوبت علئ اتصالي وهلشي خلاني افور عليها اكثر بنت سير النعال منو تضن نفسها والف وحدة غيرها تتمنئ مكانها وداعت امي اله اشيب راسج بس اجيبج يمي
اله اطلع القضه والمضئ منج ومن ابوج

ماصدگت شوكت يجي الصبح واروحلها

لارا،،ابتدة يوم جديد گعدت كالعادة غسلت ولبست زي الدوام ونزلت لگيت ابو منذر بعدة ماجاي
انفتح باب بيتنه طلع اخوي محمد هم رايح للمدرسه

محمد،،صباح الخير

لارا،،صباح الخيرات

محمد،،شنو بعدة مااجه الخط?

لارا،،اي بعدة بس هسه علئ جيه

محمد،،ها عبالي مايجي گلت اوصلج بدربي
يالله انه رايح باي

لارا،،باي

راح محمد بسيارته للدوام واني بقيت واگفه محمد انسان مايحب المضاهر يتخبل منها ويمكن هذا الخلا بعيد عن اهلي وسبب فجوة بينهم لان امي تحب المضاهر والشكليات تحتقر الفقير بشكل
وماتتقرب من الناس المحتاجه تحسهم عبالك بيهم مرض معدي
مرة اجت بنيه يطلع عمرها بگدي وتجدي بالشارع تفتر ع البيوت عدها طفل معوق تدفع بي بعربانه
مبينه حالتها تعبانه ف دگت بابنه فتحتلها اني انقهرت علئ حالتها كلش الجو حار تموز وتسمط سمط الضهر وهيه تفتر وطفل وياها بالحر
ف دخلتها للمطبخ گتلها حارة ادخلي اسويلج غدة انتي والطفل وارتاحي للعصر من يكسر الجو يالله اطلعين

دخلت امي وشافتها انصدمت وبسرعه اشرت للبنيه

سعاد،،عزاااا هااي منوو مدخلهم للبيت ياالله ياالله اطلعي براااا

لارا،،غديت ماي من الفشله الابنيه توها مدت ايدها تريد تاكل قبل ماتفوت امي كالتلي رحم الله والديج والله جنه ميتين من الجوع اني واخوي والناس تتصدق علينه بشي بسيط واني الاجمعه اخذ بي علاج الهذا المسكين
مااهون اشتريلي لفه الي اخاف مايكفي الفلوس للعلاج

اول مامدت ايدها دخلت امي وگامت تعد وتصف
اباوع للبنيه الدموع انجمعت بعينها گامت بكل هدوئ جرت العربانه ورادت تطلع وگفت گدامها گتلها بس انتضري خل احطلج الاكل بعلاگه خطيه الطفل جوعان

البنيه،،لاخيتي مشكورة خلي الاكل ل امج خاف يجي يوم وتحتاجه

لارا،،اختنكت بعبرته وامي تمشي وراها وتطرد بيها
راحت الابنيه وتعاركت وياها ورزلتني بيومها حتئ اني مااكلت وبقئ فترة الموقف مايفارگني من اذكر دموع الابنيه ابقئ اندعيلها الله يدزها الناس ترحمها وترحم اخوها
فاطمه الزهراء عليها السلام جان ماعدها اكل لعيالها ومن يجيها الفقير تنطي عشاهم وهيه بت رسول الله
واحنه البشر العاديين ماعدنه رحمه بيناتنه
اجه الخط ورحت للدوام وابتده اليوم بين المحاضرات ولمة الگروب

اخر محاضرة الدكتور اعتذر صار عندة ضرف وطلع
واحنه هم طلعنه حتئ نرجع للبيت

وگفت اباب الكليه انتضر ساندرا دخلت للحمامات
جنت مدنگه وانتضر ابو منذر بين ميوصل تكون ساندرا اجت

مااحس غير سيارة وكفت يمي
رفعت راسي شفته راهب نزل الجامه وگال

راهب،،اصعدي

لارا،،درت وجهي عنه مااريد احجي وياه

راهب،،اتصعدين لو اشلووون

لارا،،ما اصعد ورجائا روح منا عيب كدام الطلاب

راهب،،خوش

لارا،،شفته نزل ودب بجسمي الرعب هذا شبي
گتله ش شتريد

راهب،،هسه افهمج شنو اريد

لارا،،لزمني من ايدي فتح الباب وراد يصعدني
رااهب عوفني بالقران راح اعيط والم الناس عليك

راهب،،بيج حض سويها وشوفي اليجرالج

لارا،،دفعني بالسيارة وسد الباب التفتت للجها مالته فتحت الباب وردت انزل بس هو اسرع مني صعد ولزمني من ايدي
حرك السيارة وشخطها

يتبع

#ثأر_الضابط

#بارت١٠

ﻗﺮﺍﺋﻪ ﻣﻤﺘﻌﻪ....

،،،،،،،،،،،،،،،،،،،،
ﻟﻮﺗﺪﺭﻳﻨﻲ ﺷﺘﻤﻨﺊ ?
ﺍﻋﻠﻪ ﺭﺟﻠﻚ ﺍﺣﻂ ﺭﺍﺳﻲ
ﻫﻴﺞ ﺍﺗﺨﺎﻳﻞ ﺍﻟﺠﻨﻪ
.........................
ﻻﺭﺍ،،ﺭﺍﻫﺐ ﻫﺪﻧﻲ ﻫﺪﺩﻧﻲ
ﺭﺍﻫﺐ،،ﻛﺎﻓﻲ ﻻﺗﺼﻴﺮﻳﻦ ﻃﻔﻠﻪ
ﻻﺭﺍ،،ﻳﺤﺠﻲ ﺑﻬﺪﻭﺉ ﻭﻻﻛﺎﻥ ﻣﺴﻮﻱ ﺷﻲ ﻻﺯﻡ ﺍﻳﺪﻱ ﺏ ﺍﻳﺪ ﻭﺣﺪﺓ ﻭﺍﻻﻳﺪ ﺍﻟﺜﺎﻧﻴﻪ ﻻﺯﻡ ﺑﻴﻬﺎ ﺍﻟﺴﺘﻴﺮﻥ ﺑﺎﻭﻋﺖ ﻟﻌﺮﻭﮒ ﺭﮔﺒﺘﻪ ﻋﺒﺎﻟﻚ ﺗﺮﻳﺪ ﺗﻨﻔﺠﺮ
ﺣﺠﻴﺖ ﻭﺍﻟﺪﻣﻌﻪ ﻧﺰﻟﺖ ﻣﻦ ﻋﻴﻨﻲ
ﺭﺍﻫﺐ ﺍﻟﻠﻪ ﻳﺨﻠﻴﻚ ﻋﻮﻓﻨﻲ ﻫﺴﻪ ﺳﺎﻧﺪﺭﺍ ﺗﺘﺼﻞ ﺏ ﺍﻫﻠﻲ ﻭﺗﻘﻠﻘﻬﻢ
ﺭﺍﻫﺐ،،ﺭﺍﺡ ﺍﺗﺮﺟﻌﻴﻦ ﻗﺒﻠﻬﺎ ﻟﺘﺨﺎﻓﻴﻦ
ﻻﺭﺍ،،ﻭﺻﻠﻨﻪ ﮔﺪﺍﻡ ﻣﺸﺘﻤﻞ ﺻﻐﻴﺮ
ﻧﺰﻝ ﻭﺍﻟﺘﻔﺖ ﺍﻟﺠﻬﺘﻲ ﻓﺘﺢ ﺍﺍﺑﺎﺏ
ﺭﺍﻫﺐ،،ﺍﻧﺰﻟﻲ
ﻻﺭﺍ،،ﺍﻟﻠﻪ ﻳﺨﻠﻴﻚ ﻋﻮﻓﻨﻲ ﻋﻨﺪﻙ ﺣﺠﻲ ﺍﺣﺠﻲ ﺍﻫﻨﺎ
ﺭﺍﻫﺐ،،ﺍﺗﻨﺰﻟﻴﻦ ﻟﻮ ﺍﻧﺰﻟﺞ ﺑﻄﺮﻳﻘﺘﻲ ?
ﻻﺭﺍ،،ﺍﺟﺬﺏ ﺍﺫﺍ ﺍﮔﻮﻝ ﻣﺎﺧﻔﺖ ﻧﺰﻟﺖ ﻭﺭﺟﻞ ﺍﻃﮓ ﺑﺮﺟﻞ
ﻟﺰﻡ ﺍﻳﺪﻱ ﻭﺳﺤﺒﻨﻲ ﻭﺭﺍﻩ ﻓﺘﺢ ﺍﻟﺒﺎﺏ ﻭﺩﺧﻞ ﺑﻘﻴﺖ ﻭﺍﮔﻔﻪ ﻣﺎﺭﻳﺪ ﺍﺩﺧﻞ ﻟﻠﺒﻴﺖ
ﻣﺎﺣﺴﻴﺖ ﻏﻴﺮ ﺟﺮﻧﻲ ﻣﻦ ﺍﻳﺪﻱ ﻭﻣﺸﻪ ﻭﺍﻧﻲ ﻭﺭﺍﻩ ﻻﺯﻣﻨﻲ ﺣﻴﻞ
ﺭﺟﻠﻴﻪ ﺑﺎﺩﺕ ﻣﻦ ﺍﻟﺨﻮﻑ ﻓﺘﺢ ﺑﺎﺏ ﺍﻟﻤﺪﺧﻞ ﻭﺟﺮﻧﻲ ﺩﺧﻠﻨﻲ ﻭﻳﺎﻩ ﻭﺳﺪ ﺍﻟﺒﺎﺏ
ﺍﻟﺘﻔﺘﻠﻲ ﺑﻌﺪ ﻣﺎﺷﻤﺮ ﺍﻟﺴﻮﻳﺞ ﻉ ﺍﻟﻤﻴﺰ
ﺭﺍﻫﺐ،،ﺍﺍﺍﻱ ﺳﺖ ﻻﺭﺍ ﺍﺣﺠﻴﻠﻲ ﺷﻨﻮ ﺳﺎﻟﻔﺔ ﺍﻟﺼﻮﺭﺓ ﻭﺍﻟﻤﻜﻴﺎﺝ ﻻ ﻭﺍﻧﻮﺏ ﺍﺩﺯﻫﺎﺍ ﻭﻓﺮﺣﺎﻧﻪ ﺑﺮﻭﺣﻬﺎ
ﻻﺭﺍ،،ﻛﺎﻓﻲ ﺍﻓﺘﺢ ﺍﻟﺒﺎﺏ ﺍﺭﻳﺪ ﺍﻃﻠﻊ
ﺭﺍﻫﺐ،،ﻣﻮﻗﺒﻞ ﻣﺎﻧﺼﻔﻲ ﺍﺣﺴﺎﺑﻨﻪ
ﻻﺭﺍ،،ﺑﺪﺓ ﻳﺘﻘﺪﻡ ﻋﻠﻴﻪ ﻭﺍﻧﻲ ﺍﺭﺟﻊ ﻟﻮﺭﺓ
ﺍﻧﻀﺮﺑﺖ ﺍﺑﺎﺏ ﺍﻟﻤﻄﺒﺦ ﺻﺎﺭ ﺑﻮﺟﻬﻲ ﻣﺎﻳﻔﺼﻠﻨﻪ ﺷﻲ
ﺭﻓﻊ ﺍﻳﺪﻩ ﻳﻢ ﺭﺍﺳﻲ ﺍﻧﺘﺠﻪ ﺑﻴﻬﺎ ﻉ ﺍﻟﺤﺎﻳﻂ
ﻭﺍﻻﻳﺪ ﺍﻟﺜﺎﻧﻴﻪ ﺭﻓﻌﻬﺎ ﻣﺮﺭ ﺍﺻﺎﺑﻴﻌﻪ ﻋﻠﺊ ﺧﺪﻱ
ﺭﺟﻔﻪ ﺳﺮﺓ ﺑﺮﻭﺣﻲ ﻗﺒﻞ ﺟﺴﻤﻲ ﻏﻤﻀﺖ ﻭﻫﻤﺴﺖ ﺑﺼﻮﺕ ﻧﺎﺻﻲ
ﺭﺍ ﺭﺍﻫﺐ ﺧﻠﻴﻨﻲ ﺍﺭﻭﺡ
ﺭﺍﻫﺐ،،ﻓﺘﺤﻲ ﻋﻴﻮﻧﺞ ﻭﺑﺎﻭﻋﻴﻠﻲ
ﻻﺭﺍ،،ﺥ ﺧﻠﻴﻨﻲ ﺍﺭﻭﺡ
ﺭﺍﻫﺐ،،ﻓﺘﺤﻴﻬﻦ ﻻﺭﺍ
ﻻﺭﺍ،،ﻓﺘﺤﺘﻬﻦ ﻋﻠﺊ ﻛﻴﻒ ﺷﻔﺖ ﺩﻣﻮﻉ ﺑﻌﻴﻨﻪ ﻣﻨﺠﻤﻌﻪ ﺍﺳﺘﻐﺮﺑﺖ ﺣﺎﻟﺘﻪ
ﺭﺍﻫﺐ،،ﻟﻴﺶ ﻣﺎﺟﺎﻱ ﺗﻔﻬﻤﻴﻨﻲ ﻣﻦ ﺍﮔﻠﺞ ﺍﺣﺒﺞ
ﻻﺭﺍ،،ﺩﻧﻜﺖ ﻭﻧﺰﻟﺖ ﺩﻣﻌﺘﻲ ﻗﺒﻞ ﺩﻣﻌﺘﻪ
ﺍﺍﺍﻧﺘﻪ ﺍﻟﺴﺒﺐ
ﺭﺍﻫﺐ،،ﻻﻥ ﺍﻏﺎﺭ ﻋﻠﻴﺞ ﺧﻠﻴﺘﻲ ﺍﻟﺼﻮﺝ ﺑﻴﻪ ﻣﻮ ?
ﻻﺭﺍ،،ﻣﺎﺳﻮﻳﺖ ﺷﻲ ﻳﺴﺘﺤﻖ ﺍﻟﻌﻘﺎﺏ
ﺭﺍﻫﺐ،،ﺑﻨﻀﺮﺝ ﻣﺎﻣﺴﻮﻳﻪ ﺷﻲ ?
ﺍﻧﺘﻲ ﺗﻔﻬﻤﻴﻦ ﻟﻮ ﻻ ?
ﻭﻟﺞ ﺍﻏﺎﺍﺍﺭ ﻳﺎﺍﻣﻪ ﺍﻻﺳﻼﻡ ﺍﻏﺎﺍﺍﺍﺍﺭ ﻟﻮ ﻭﺍﺣﺪ ﺣﻂ ﻋﻴﻨﻪ ﻋﻠﻴﺞ
ﺍﻏﺎﺍﺍﺭ ﻟﻮ ﻭﺍﺣﺪ ﺣﺠﻪ ﻭﻳﺎﺝ ﺍﻏﺎﺍﺍﺭ ﻟﻮ ﻭﺍﺣﺪ ﻏﻴﺮﻱ ﺷﺎﻑ ﺿﺤﻜﺘﺞ ﻭﻟﺞ ﻛﻞ ﻫﺬﺍﺍﺍ ﻭﺍﺗﮕﻮﻟﻴﻦ ﻣﺎﻣﺴﻮﻳﻪ ﺷﻲ
ﻋﺎﻗﺒﺘﺞ ﺣﺘﺊ ﺍﺳﻮﻳﻠﺞ ﻛﺮﺻﺔ ﺍﺫﻥ ﺍﺭﻳﺪ ﺗﺮﺗﻴﺒﺞ ﻭﺍﻧﺎﻗﺘﺞ ﺍﻟﻲ ﺑﻐﺮﻓﺘﻲ ﻭﺑﺲ ﺗﺘﺰﻳﻨﻴﻦ ﺍﻟﻲ ﺍﻧﻲ ﻭﺣﺪﻱ
ﻻﺭﺍ،،ﺭﺟﻒ ﮔﻠﺒﻲ ﻭﻣﺎﺍﻋﺮﻑ ﺷﺠﺎﻭﺏ
ﺭﺍﻫﺐ،،ﻟﻴﺶ ﺍﻟﻴﺤﺒﺞ ﺗﺄﺫﻱ ?
ﻻﺭﺍ،،ﺑﺠﻴﺖ ﻻﻥ ﺑﻌﺪ ﻣﺎﮔﺪﺭﺕ ﺍﺗﺤﻤﻞ ﻛﺘﻠﻪ ﻭﺍﻟﻠﻪ ﺟﻨﺖ ﻣﺨﻠﻴﻪ ﺍﻟﻚ ﺭﺩﺕ ﺗﺸﻮﻓﻨﻲ ﺣﻠﻮﺓ
ﺭﺍﻫﺐ،،ﻭﻟﻴﺶ ﺍﻧﺘﻲ ﻣﻮﺣﻠﻮﺓ ?
ﻻﺭﺍ ﺍﺳﻤﻌﻴﻨﻲ ﺯﻳﻦ
ﻣﻦ ﺍﻭﻝ ﻳﻮﻡ ﺷﻔﺖ ﺑﻴﻬﺎ ﻋﻴﻮﻧﺞ ﺣﺒﻴﺘﺞ
ﺑﻨﻀﺮﻱ ﺍﻧﺘﻲ ﺍﺣﻠﺊ ﻭﺣﺪﺓ ﻭﻣﺎﻛﻮ ﺩﺍﻋﻲ ﺗﺘﺰﻳﻨﻴﻦ ﻭﺗﺮﺣﻴﻦ ﻟﻠﻜﻠﻴﻪ ﻻﻥ ﻣﺎﺍﺗﺤﻤﻞ ﺍﺷﻮﻑ ﻭﺍﺣﺪ ﻳﺒﺎﻭﻋﻠﺞ ﻏﻴﺮﻱ
ﻻﺭﺍ، ،ﺑﻘﻴﺖ ﻣﺪﻧﮕﻪ ﻣﺪ ﺍﻳﺪﺓ ﺭﻓﻊ ﻭﺟﻬﻲ ﺏ ﺍﺻﺎﺑﻌﻪ
ﺍﻗﺘﺮﺏ ﻣﻨﻲ ﺑﺤﻴﺚ ﻣﺎﻛﻮ ﺷﻲ ﻳﻔﺼﻠﻨﻪ ﻏﻤﻀﺖ ﻋﻴﻮﻧﻲ ﻻﻥ ﻣﺎﻛﺪﺭﺕ ﺍﺗﺤﻤﻞ ﺍﻛﺜﺮ ﺩﺧﺖ ﺑﻌﻴﻮﻧﻪ ﻭﺑﻌﻄﺮﺓ ﻭﺑﻘﺮﺑﻪ
ﺣﺴﻴﺘﻪ ﺍﻗﺘﺮﺏ ﻣﻨﻲ ﻭﻫﻤﺲ ﻳﻢ ﺍﺫﻧﻲ
ﺭﺍﻫﺐ،،ﻓﺘﺤﻲ ﻋﻴﻮﻧﺞ ﻻﺭﺗﻲ ﻣﺎﺭﻳﺪﺝ ﺍﺗﻔﻜﺮﻳﻦ ﺟﺒﺘﺞ ﻟﻬﻨﺎ ﺣﺘﺊ ﺍﺳﺘﻐﻠﺞ
ﺻﺢ ﮔﻮﺓ ﻣﺼﺒﺮ ﻋﻠﺊ ﺭﻭﺣﻲ ﻭﺍﻧﻲ ﺍﺷﻮﻓﺞ ﺑﻴﻦ ﺍﺩﻳﻪ ﻭﻣﺤﺮﻭﻡ ﻣﻨﺞ
ﺻﺪﮔﻴﻨﻲ ﻣﺎﺿﻞ ﺷﻲ ﻭﺍﺟﻴﺒﺞ ﻳﻤﻲ ﻭﺍﺗﻔﻨﻦ ﺍﺑﻮﺳﺔ ﺷﻔﺎﻳﻔﺞ ﻭﺍﻃﻠﻊ ﺿﻴﻢ ﻭﺗﻌﺐ ﮔﻠﺒﻲ ﻣﻦ ﻋﻴﻮﻧﺞ
ﻻﺭﺍ،،ﻓﺘﺤﺖ ﻋﻴﻮﻧﻲ ﻋﻠﺊ ﻭﺳﻌﻬﻦ ﻣﻦ ﺳﻤﻌﺖ ﻛﻼﻣﻪ ﺧﺪﺭﺕ ﻭﺧﺪﺭ ﮔﻠﺒﻲ ﻭﻣﺸﺎﻋﺮﻱ ﻭﻣﺎﻟﮕﻴﺖ ﺭﻭﺣﻲ ﻏﻴﺮ ﺣﻀﻨﺘﻪ ﺑﻜﻞ ﻗﻮﺗﻲ ﺻﺢ ﻭﺍﺻﻠﻪ ﺍﻟﺼﺪﺭﺓ ﻻﻥ ﻫﻮ ﺍﻃﻮﻝ ﻣﻨﻲ ﻋﺠﺒﻨﻲ ﺍﺣﺴﺎﺱ ﺍﻻﻣﺎﻥ ﺑﺤﻀﻨﻪ ﺍﺗﻤﻨﻴﺖ ﺍﺑﻘﺊ ﻫﻴﺞ ﻻﻣﻨﻲ ﺍﻟﺼﺪﺭﺓ
ﻫﻤﺴﺖ ﺑﺼﻮﺕ ﻧﺎﺻﻲ
ﺍﺣﺒﻚ ﻭﺍﻟﻠﻪ
ﺭﺍﻫﺐ،،ﺍﺷﺘﻌﻞ ﻋﻤﻲ ﺍﻟﮕﻮﺍﺩ ﻭﻟﺞ ﺍﺳﺘﺮﻱ ﻋﻠﺊ ﺭﻭﺣﺞ ﻭﻳﺎﻱ ﺗﺮﺓ ﻣﺎﺿﺎﻣﻦ ﺭﻭﺣﻲ ﺍﺧﺬﺝ ﻫﺴﻪ ﻭﺍﺻﺨﻢ ﻭﺟﻪ ﺍﺑﻮﺝ ﺑﻴﺞ
ﻻﺭﺍ،،ﺿﺤﻜﺖ ﻭﺿﺮﺑﺘﻪ ﻋﻠﺊ ﺻﺪﺭﺓ ﺑﻌﺪﻧﻲ ﻣﻦ ﺣﻀﻨﻪ ﻭﺣﺠﻪ ﻭﻫﻮ ﻣﺤﺎﻭﻁ ﺧﺼﺮﻱ
ﺭﺍﻫﺐ،،ﻫﺎﺍﺍ ﺍﺗﺬﻛﺮﺕ ﺳﺎﻟﻔﻪ ﻫﻮ ﻣﻨﻮ ﺍﻟﺰﻋﻼﻥ . ﻣﻦ ﻣﻨﻮ ??
ﻳﻌﻨﻲ ﻓﻮﮒ ﻣﺎﻫﻲ ﺯﻋﻠﺘﻲ ﺗﺠﻴﻦ ﺍﻧﺘﻲ ﺗﺎﺧﺬﻳﻬﺎ ﻣﻨﻲ ﻭﺍﺗﻠﻮﻓﻴﻦ ﺍﻟﺴﺎﻟﻔﻪ ﺍﻟﺼﺎﻟﺤﺞ ﻭﻓﻮﮒ ﻛﻠﺸﻲ ﺍﻧﺘﻲ ﺍﺑﻮ ﺍﻟﺮﺍﻫﻲ ﻭﺍﻧﻲ ﺍﻻﺟﻲ ﺍﺻﺎﻟﺢ ﻭﺍﺗﻮﺳﻞ
ﻻﺭﺍ،،ﻫﻬﻬﻬﻪ ﻣﻮ ﺻﻮﺟﻲ ﺻﻮﺟﻚ ﺣﺒﻴﺒﻲ ﺍﻧﺘﻪ ﺍﻟﺒﺪﻳﺖ
ﺭﺍﻫﺐ،،ﻭﻟﺞ ﻻﺗﺘﻤﺎﻭﻋﻴﻦ ﻭﺍﺗﮕﻮﻟﻴﻦ ﺣﺒﻴﺒﻲ ﺗﺮﺓ ﻣﺎﺿﺎﻣﻦ ﺭﻭﺣﻲ ﻻﺗﺨﻠﻴﻨﻲ ﺍﻏﺮﺩ ﻭﺗﺪﺭﻳﻦ ﺑﺎﻟﺴﺎﻧﻲ ﻣﻦ ﻳﻨﺰﻝ ﻉ ﺍﻟﺘﺮﺍﺑﻲ
ﻻﺭﺍ،،ﻫﻬﻬﻪ ﻻﺳﻜﺘﺖ ﺳﻜﺘﺖ ﺑﺲ ﺭﺟﻌﻨﻲ ﻻﻥ ﺍﺗﺎﺧﺮﺕ
ﺭﺍﻫﺐ،،ﺭﺍﺡ ﺍﺭﺟﻌﺞ ﺑﺲ ﻣﺎﺍﮔﺪﺭﺓ ﺍﺗﺤﻤﻞ ﺑﻌﺪ ﺍﻛﺜﺮ ﻣﻦ ﻫﻴﺞ ﺍﻻﺳﺒﻮﻉ ﺍﻟﺠﺎﻱ ﺍﺩﺯ ﺍﻣﻲ ﻟﻬﻠﺞ ﻛﺎﻓﻲ ﺧﻞ ﻳﺠﻤﻌﻮﻧﻪ ﻻ ﺍﺧﻄﻔﺞ ﻭﺍﻧﻌﻞ ﻭﺍﻟﺪﻳﻬﻢ
ﻻﺭﺍ،،ﻓﺮﺣﺖ ﻭﻃﺎﺭ ﮔﻠﺒﻲ ﻣﺎﻣﺼﺪﮔﻪ ﺭﺍﺡ ﺍﺻﻴﺮ ﺍﻟﻪ ﺭﻏﻢ ﻃﺒﻌﻪ ﻣﻦ ﻫﺴﻪ ﻣﺒﻴﻦ ﺻﻌﺐ ﺑﺲ ﺍﺣﺒﻪ ﻣﻮﺑﻴﺪﻱ ﺍﻟﻤﻬﻢ ﺍﻛﻮﻥ ﺍﻟﻪ ﻭﺑﺲ
ﺭﺍﻫﺐ،،ﺭﺟﻌﺘﻬﺎ ﻟﻠﺒﻴﺖ ﻭﺑﺪﺍﺧﻠﻲ ﺷﻌﻮﺭ ﺑﺎﻟﻨﺼﺮ ﻭﻫﺎﻱ ﺛﺎﻧﻲ ﺧﻄﻮﺓ ﻛﺴﺒﺖ ﺛﻘﺘﻬﺎ ﻣﻦ ﻣﺎﺍﺗﻘﺮﺑﺖ ﻣﻨﻬﺎ
ﺍﻟﺨﻄﻮﺓ ﺍﻻﻭﻟﻬﺎ ﺟﺎﻧﺖ ﺍﻛﺴﺐ ﮔﻠﺒﻬﺎ ﻭﺭﺑﺤﺖ ﺍﻻﺛﻨﻴﻦ ﺣﺒﻬﺎ ﻭﺛﻘﺘﻬﺎ ﺍﻫﻨﺎ ﺧﻠﺺ ﺩﻭﺭﻫﺎ ﻭﺍﺟﻪ ﺩﻭﺭ ﺭﺍﺱ ﺍﻟﺤﻴﻪ ﺍﺑﻮﻫﺎ
ﺛﺎﻧﻲ ﻳﻮﻡ ﻛﻤﻠﺖ ﻛﻞ ﺷﻐﻠﻲ ﺑﺨﺼﻮﺹ ﺟﻼﻝ ﺍﻟﺤﻘﻴﺮ

ﻭﺑﻘﻴﺖ ﺍﻧﺘﻀﺮ ﻟﺤﻀﺔ ﺍﻧﻬﻴﺎﺭﺓ ﻓﺎﺭﻍ ﺍﻟﺼﺒﺮ
ﺍﺍﻱ ﻭﺍﻟﻠﻪ ﻭﺍﺟﻪ ﻭﻛﺘﻚ ﻳﺎﺟﻼﻝ ﺍﻟﻌﺎﺭ ﺍﺫﺍ ﻣﺎﺭﺟﻌﺘﻚ ﻉ ﺍﻟﺤﺪﻳﺪﺓ ﻭﺍﺧﻠﻴﻚ ﺍﻧﺘﻪ ﻭﻣﺮﺗﻚ ﺗﺒﻴﻌﻮﻥ ﺭﻭﺑﻪ ﻭﺧﺒﺰ ﻟﻠﻨﺎﺱ ﻣﺎﺍﺗﺴﻤﻪ ﺭﺍﻫﺐ
ﺭﺣﺘﻠﻪ ﻟﻠﻤﻜﺘﺐ ﻣﺎﻟﺘﻪ ﺍﺭﻳﺪ ﺍﺷﻮﻓﻪ ﻭﻫﻮ ﺑﻌﺪﺓ ﻣﺴﺘﻤﺘﻊ ﺑﺨﻴﺮ ﺍﺑﻮﻱ ﻗﺒﻞ ﻣﺎﺍﺳﺤﺐ ﺍﻻﺑﺴﺎﻁ ﻣﻦ ﺟﻮﺍﻩ ﻭﺍﺧﻠﻲ ﻳﺮﺟﻊ ﻓﮕﺮ
ﺩﺧﻠﺖ ﺍﻧﻲ ﻭﻗﺎﺳﻢ ﻻﺑﺴﻴﻦ ﺍﻟﺰﻱ ﺍﻟﻌﺴﻜﺮﻱ
ﻛﺮﻫﺖ ﺭﻭﺣﻲ ﻣﻦ ﺳﻠﻤﺖ ﻭﺧﻠﻴﺖ ﺍﻳﺪﻱ ﺏ ﺍﻳﺪﺓ
ﺟﻼﻝ، ،ﺍﻫﻼ ﻭﺳﻬﻼ ﺑﻴﻜﻢ ﺍﺗﻔﻀﻠﻮ
ﺭﺍﻫﺐ،،ﻳﺰﻳﺪ ﻓﻀﻠﻚ ﺣﺠﻲ ﺑﺲ ﺭﺩﻧﻪ ﺍﻧﺸﻮﻑ ﺍﻟﺒﻴﻮﺕ ﺍﻟﻌﻨﺪﻙ ﻻﻥ ﻧﺎﻭﻱ ﺍﺷﺘﺮﻱ ﺑﻴﺖ ﺑﺎﻟﻤﻨﻄﻘﻪ ﻫﺎﻱ
ﺟﻼﻝ،،ﻭﺍﻟﻠﻪ ﻳﺎﺍﺑﻨﻲ ﺣﺎﻟﻴﺎ ﻣﺎﺟﻮﻩ ﺍﻳﺪﻱ ﻏﻴﺮ ﺷﻘﺘﻴﻦ ﻟﻼﻳﺠﺎﺭ ﻭﺑﻴﺖ ﺩﺑﻞ ﻓﺎﻟﻴﻮﻡ ﻃﺎﺑﻘﻴﻦ ﻭﻫﺬﺍ ﻫﻢ ﻣﻘﺮﺭ ﺍﻗﺴﻤﻪ ﺍﺳﻮﻱ ﻣﺸﺘﻤﻠﻴﻦ ﻓﻮﮒ ﻭﺟﻮﻩ ﻳﻌﻨﻲ ﺗﮕﺪﺭ ﻓﺘﺮﺓ ﻭﺗﺠﻴﻨﻲ ﺍﻛﻮﻥ ﺩﺑﺮﺗﻠﻚ ﺍﻟﺒﻴﺖ
ﺭﺍﻫﺐ، ،ﻃﻠﻌﻨﻪ ﻣﻦ ﻳﻤﻪ ﺑﺲ ﺑﻘﻴﺖ ﺑﻴﻦ ﻳﻮﻡ ﻭﻳﻮﻡ ﺍﺭﻭﺣﻠﻪ ﺍﺷﺮﺏ ﺟﺎﻱ ﻭﺳﻮﺍﻟﻒ ﺑﺤﺠﺔ ﺍﻳﺪﻭﺭﻟﻲ ﻋﻠﺊ ﺑﻴﺖ ﺑﺲ ﻧﻴﺘﻲ ﺟﺎﻧﺖ ﺍﺗﻘﺮﺏ ﻣﻨﻪ ﻭﺍﻛﺴﺐ ﺛﻘﺘﻪ
ﺑﻌﺪﻫﺎ ﻫﻢ ﺑﻜﻢ ﻳﻮﻡ ﺭﺣﻨﻪ ﺍﻧﻲ ﻭﻗﺎﺳﻢ
ﮔﺘﻠﻪ ﺣﺠﻲ ﺍﻧﻪ ﻣﺘﻮﺍﺯﻱ ﺍﺭﻳﺪ ﺗﺸﻮﻓﻠﻲ ﺑﻴﺖ ﺑﺲ ﻛﻮﻥ ﺯﻳﻦ ﻭﺑﻨﺎﺀ ﺣﺪﻳﺚ
ﺟﻼﻝ،،ﺑﺎﻻﻭﻝ ﻋﻨﺪﻱ ﻃﻠﺐ ﻣﻨﻚ ﺑﻤﺎ ﺍﻧﻮ ﺍﻧﺘﻪ ﺑﺎﻟﺪﻭﻟﻪ
ﺭﺍﻫﺐ،،ﺍﻛﻴﺪ ﺣﺠﻲ ﺗﻔﻀﻞ
ﺟﻼﻝ،،ﺍﻛﻮ ﻭﺍﺣﺪ ﺍﺟﺮ ﺑﻴﺖ ﻣﻦ ﻋﻨﺪﻱ ﻭﺳﻠﻤﺘﻪ ﺍﻟﺒﻴﺖ ﻭﺍﺳﺘﻠﻤﺖ ﺍﻳﺠﺎﺭ ﺍﻭﻝ ﺷﻬﺮﻳﻦ
ﻭﺑﻌﺪﻫﺎ ﺿﻞ ﺷﻬﺮ ﻳﺪﻓﻊ ﻭﺷﻬﺮ ﺷﺎﻟﻊ ﮔﻠﺒﻲ
ﻓﻜﺘﻠﻪ ﻳﺎﺑﻪ ﺍﺫﺍ ﻫﻴﺞ ﺗﺸﻠﻊ ﺍﻟﮕﻠﺐ ﺑﺎﻟﺘﺴﺪﻳﺪ ﺍﻧﻲ ﻫﻢ ﺭﺟﺎﻝ ﻋﻠﺊ ﺑﺎﺏ ﺍﻟﻠﻪ ﻭﺍﻟﺒﻴﺖ ﻣﻮ ﺍﻟﻲ ﻭﺍﻧﺘﻪ ﺭﺍﺗﺒﻚ ﺧﻴﺮ ﻣﻦ ﺍﻟﻠﻪ ﻳﻌﻨﻲ ﻣﻮﺣﺎﻟﺘﻚ ﺗﻌﺒﺎﻧﻪ ﻭﺍﻧﻤﺸﻴﻬﺎ ﺍﻟﻚ ﻭﻣﺎﻧﺎﺧﺬ ﻣﻨﻚ ﻛﻞ ﺷﻬﺮ
ﺍﺫﺍ ﻫﻴﺞ ﺍﻃﻠﻊ ﻣﻦ ﺍﻟﺒﻴﺖ ﻭﺷﻮﻓﻠﻚ ﺑﻴﺖ ﺛﺎﻧﻲ
ﻭﻫﻮ ﻣﻌﺎﻧﺪ ﻣﺎﻳﻘﺒﻞ ﻳﻄﻠﻊ ﻭﻻﻳﻘﺒﻞ ﻳﺴﺪﺩ ﻭﺣﺎﻳﺮ ﻭﻳﺎﻩ ﻭﺻﺎﺣﺐ ﺍﻟﺒﻴﺖ ﻣﺎﻳﺮﻭﺣﻠﻪ ﻳﺠﻲ ﻳﺮﻳﺪ ﺍﻟﻔﻠﻮﺱ ﻣﻨﻲ ﻭﻫﺴﻪ ﻣﺎﺍﻋﺮﻑ ﺷﺴﻮﻱ
ﺭﺍﻫﺐ،،ﻫﺬﺍ ﻫﻮ ﺣﺠﻲ ﺍﻋﺘﺒﺮ ﺍﻟﺸﻐﻠﻪ ﻣﮕﻀﻴﻪ
ﺑﺲ ﺍﻧﻄﻴﻨﻲ ﺍﺳﻤﻪ ﻭﻋﻨﻮﺍﻥ ﺍﻟﺒﻴﺖ
ﻭﻓﻌﻼ ﺍﺧﺬﻧﻪ ﺍﻟﻌﻨﻮﺍﻥ ﻭﺍﺧﺬﺕ ﺟﻼﻝ ﺑﺲ ﺍﺣﺲ ﺍﻣﺸﻲ ﻭﻳﺎﻩ ﻋﻠﺊ ﺍﻋﺼﺎﺑﻲ ﻛﺎﺭﻫﺎ ﻛﺮﻩ ﺍﻟﻌﻤﺊ ﺍﺷﻮﻑ ﺩﻡ ﺍﺳﻨﻮﻧﻲ ﻣﻦ ﺍﺷﻮﻓﻪ ﺑﺲ ﻣﺎﻋﻨﺪﻱ ﻏﻴﺮ ﻫﺬﺍ ﺍﻟﺤﻞ ﺣﺘﺊ ﺍﺗﻘﺮﺏ ﻣﻨﻪ
ﺩﮔﻴﻨﻪ ﺍﻟﺒﺎﺏ ﻃﻠﻊ ﻭﺍﺣﺪ ﻣﻦ ﺷﺎﻓﻨﻪ ﻭﻳﻪ ﺟﻼﻝ ﺍﻧﺨﻄﻒ ﻟﻮﻧﻪ ﻭﺿﻞ ﻳﻤﺘﻤﺖ ﮔﺘﻠﻪ ﻛﻞ ﺷﻬﺮ ﺍﻻﻳﺠﺎﺭ ﻳﻮﺻﻞ ﻟﻠﺴﻴﺪ ﺟﻼﻝ ﻭﺷﻮﻛﺖ ﻣﻴﻘﺮﺭ ﺗﺘﺮﻙ ﺍﻟﺒﻴﺖ ﺍﺗﺮﻛﻪ ﺑﺪﻭﻥ ﻧﻘﺎﺵ ﻭﻏﻴﺮ ﻫﺬﺍ ﺍﻟﺤﺠﻲ ﺍﺷﻤﺮﻙ ﺑﺎﻟﺴﺠﻦ ﺍﺧﻠﻴﻚ ﺗﻌﻔﻦ
ﻭﻫﻮ ﺿﻞ ﻳﺘﻮﺳﻞ ﻭﺍﻧﻮ ﻣﺎﺗﺘﻜﺮﺭ ﺑﻌﺪﻫﺎ ﺗﺮﻛﻨﺎ ﻭﺭﺟﻌﻨﻪ ﻭﺻﻠﻨﻪ ﺟﻼﻝ ﺍﻟﻌﺎﺭ ﻟﻠﻤﻜﺘﺐ ﻣﺎﻟﺘﻪ ﻃﻠﺐ ﻣﻦ ﻋﺪﻧﻪ ﻧﻨﺰﻝ ﻭﻳﻀﻴﻔﻨﻪ ﺑﺲ ﮔﺘﻠﻪ ﻏﻴﺮ ﻣﺮﺓ
ﺑﻌﺪ ﺍﺳﺒﻮﻉ ﺭﺟﻌﻨﺎﻟﻪ ﻋﻠﻤﻮﺩ ﺍﻟﺒﻴﺖ
ﺟﻼﻝ،،ﻳﺎﺍﻫﻼ ﻭﺳﻬﻼ ﺑﺎﻟﺸﺒﺎﺏ ﻧﻮﺭﺗﻮﻧﻪ
ﺍﺣﻤﺪ ﺍﺣﻤﺪ ﻳﺎﺑﻪ ﺟﻴﺐ ﺑﺎﺭﺩﺍﺕ ﻟﻠﺸﺒﺎﺏ
ﺭﺍﻫﺐ،،ﺷﻜﺮﺍ ﺣﺠﻲ ﺑﺲ ﺍﺣﻨﻪ ﺟﺎﻳﻨﻚ ﻋﻠﻤﻮﺩ ﺷﻐﻠﺔ ﺍﻟﺒﻴﺖ
ﺟﻼﻝ،،ﻣﮕﻀﻴﻪ ﺷﻐﻠﺘﻜﻢ ﺍﻧﺸﺎﺀﺍﻟﻠﻪ
ﺭﺍﻫﺐ،،ﺣﺠﻲ ﺍﻧﻪ ﻟﻮ ﻣﺎﺳﺎﻣﻊ ﻋﻨﻚ ﺧﻮﺵ ﺍﻧﺴﺎﻥ ﻭﻣﺤﺘﺮﻡ ﻭﺷﻐﻠﻚ ﻧﻀﻴﻒ ﺟﺎﻥ ﻣﺎﺍﺟﻴﺘﻚ
ﺟﻼﻝ،،ﻋﻠﺊ ﺭﺍﺳﻲ ﺍﺑﻨﻲ ﺑﺲ ﻟﺤﺪ ﺍﻻﻥ ﻣﺎﻟﮕﻴﺘﻠﻚ ﺑﻴﺖ
ﻭﻣﺎﻋﻨﺪﻱ ﻏﻴﺮ ﺍﻟﺒﻴﺖ ﺍﻟﻄﺎﺑﻘﻴﻦ ﺍﻟﺤﺠﻴﺘﻠﻚ ﻋﻨﻪ ﻭﻫﺬﺍ ﺍﺫﺍ ﺍﺗﺮﻳﺪ ﺍﺑﻴﻌﻪ ﺍﻟﻚ ﻑ ﺳﻌﺮﺓ ﻛﻠﺶ ﻏﺎﻟﻲ
ﺭﺍﻫﺐ،،ﻭﻫﻮ ﻫﺬﺍ ﺍﻻﺭﻳﺪﺓ ﻭﺍﺟﻴﺖ ﺍﻋﺮﻑ ﺳﻌﺮﺓ ﻻﻥ ﻧﺎﻭﻱ ﺍﺷﺘﺮﻱ ﻭﺍﺫﺍ ﺍﻧﻘﺴﻤﻠﻲ ﺣﺘﺊ ﻧﻨﺘﻘﻞ ﻧﻌﻴﺶ ﺑﻲ ﺍﻧﻲ ﻭﺍﻟﻮﺍﻟﺪﺓ
ﺟﻼﻝ،،ﺻﺎﺭ ﺍﺑﻨﻲ ﺗﺪﻟﻞ ﻫﺴﻪ ﺍﺧﺬﻙ ﻟﻠﺒﻴﺖ ﺗﺸﻮﻓﻪ ﺑﻌﻴﻨﻚ ﺣﺘﺊ ﻣﺎﺍﺗﮕﻮﻝ ﻗﺸﻤﺮﻧﻲ
ﺭﺍﻫﺐ،،ﻻﺣﺠﻲ ﺣﺸﺎﻙ ﻣﻦ ﺍﻟﺘﻘﺸﻤﺮ
ﺑﮕﻠﺒﻲ ﺍﮔﻮﻝ ﺩﻳﻦ ﺍﻟﺠﺬﺏ ﻭﺍﺍﻟﻘﺸﻤﺮﺓ ﺍﻧﺘﻪ
ﺍﺧﺬﻧﻪ ﻟﻠﺒﻴﺖ ﺷﻔﻨﺎ ﻣﻮﺑﻴﺖ ﻓﻼ ﻃﺎﺑﻘﻴﻦ ﻭﺍﻟﺤﺪﻳﻘﻪ ﻳﺴﺮﺡ ﺑﻴﻬﺎ ﺍﻟﺨﻴﻞ ﻛﻠﺶ ﺟﺒﻴﺮﺓ ﺑﻴﺖ ﺣﻠﻮ ﻭﺭﺍﻗﻲ
ﮔﺘﻠﻪ ﺣﺠﻲ ﺍﺷﺘﺮﻳﺖ ﻻﻥ ﻛﻠﺶ ﻋﺠﺒﻨﻲ
ﺟﻼﻝ،،ﺗﻮﻛﻠﻨﻪ ﻋﻠﺊ ﺍﻟﻠﻪ ﺑﺲ ﺍﺷﻠﻮﻥ ﺭﺍﺡ ﺗﺪﻓﻊ ﺍﻟﻤﺒﻠﻎ
ﺭﺍﻫﺐ،،ﺣﺠﻲ ﺭﺍﺡ ﺍﺩﻓﻌﻠﻚ ﺭﺑﻊ ﺍﻟﻤﺒﻠﻎ ﻻﻥ ﺣﺎﻟﻴﺎ ﻣﺎﺟﻮﺓ ﺍﻳﺪﻱ ﻏﻴﺮ ﺑﺲ ﺭﺑﻊ ﺍﻟﻔﻠﻮﺱ
ﺍﻛﺘﺐ ﻋﻠﻴﻪ ﺻﻚ ﻭﺑﺎﻟﻤﻜﺎﺗﺒﻪ ﻣﺎﻝ ﺍﻟﻤﺪﺍﻭﺭ ﻣﺎﻝ ﺍﻟﺒﻴﺖ ﺳﺠﻞ ﻫﻠﺸﻲ
ﺟﻼﻝ،،ﺍﺑﻨﻲ ﺍﻧﺘﻮ ﺑﺲ ﺷﻮﻓﺘﻜﻢ ﻛﻠﻤﻪ
ﺭﺍﻫﺐ،،ﻛﺪﺭﺓ ﺍﻛﺴﺐ ﺛﻘﺘﻪ ﺑﻬﺎﻱ ﺍﻟﻔﺘﺮﺓ ﻭﺣﺘﺊ ﻣﻦ ﺍﮔﻌﺪ ﻳﻤﻪ ﻳﺒﻘﺊ ﺗﻠﻴﻔﻮﻧﻲ ﻳﺘﺼﻞ ﻟﻮﺍﺀ ﻓﻼﻥ ﻭﻋﻤﻴﺪ ﻋﻼﻥ ﻟﺬﺍﻟﻚ ﻫﻮ ﮔﺎﻟﻚ ﺫﻭﻟﻪ ﺑﺎﻟﺪﻭﻟﻪ ﺍﻛﻴﺪ ﻛﻠﻤﺘﻬﻢ ﻭﺣﺪﺓ ﻣﺎﻳﺪﺭﻱ ﺍﻧﻲ ﺻﺎﺭﻟﻲ ﺍﺳﻨﻴﻦ ﺍﻃﺒﺨﻠﻪ ﻋﻠﺊ ﻧﺎﺭ ﻫﺎﺩﺋﻪ ﻭﺣﺘﺊ ﺍﺟﻴﺘﻪ ﺑﺠﻨﺴﻴﺔ ﻣﺰﻭﺭﺓ ﺑﺲ ﺍﻟﻨﻐﻞ ﻗﺒﻞ ﻻﻧﺮﻭﺡ ﻟﻠﻜﺎﺗﺐ ﻃﻠﺐ ﻫﻮﻳﺎﺗﻨﻪ
ﺍﺧﺬ ﻫﻮﻳﺔ ﻗﺎﺳﻢ ﻗﺮﺍﻫﺎ ﻭﺑﻌﺪﻫﺎ ﺍﺧﺬ ﻫﻮﻳﺘﻲ
ﺍﻭﻝ ﻣﺎﻗﺮﺓ ﺍﻻﺳﻢ ﺍﺑﺎﻭﻋﻠﻪ ﻭﺟﻬﺎ ﺻﺎﺭ ﻳﻨﻄﻲ ﺍﻟﻮﺍﻥ
ﺭﻓﻊ ﺭﺍﺳﻪ ﮔﺎﻝ
ﺟﻼﻝ،،ﺍﺳﻢ ﺍﺑﻮﻙ ﺿﻴﺎﺀﺍﻟﺪﻳﻦ ﻳﺎﺳﺮ
ﺭﺍﻫﺐ،،ﺍﻱ ﺣﺠﻲ ﻟﻴﺶ ﺑﻲ ﺷﻲ ﺍﻻﺳﻢ
ﺍﺑﺎﻭﻋﻠﻪ ﻏﻤﺾ ﻭﺟﺮ ﺣﺴﺮﺓ ﮔﺎﻝ
ﺟﻼﻝ،،ﺍﺳﻢ ﺍﺑﻮﻙ ﻭﺟﺪﻙ ﻳﺬﻛﺮﻭﻧﻲ ﺑﺎﻻﻋﺰﺍﺯ
ﺭﺍﻫﺐ،،ﻛﻮﺭﺕ ﺍﻳﺪﻱ ﺭﺩﺕ ﺍﻧﻄﻲ ﻟﻄﻤﻪ ﺍﻟﻪ ﺍﺧﺮﺏ ﻣﻌﺎﻧﻲ ﻭﺟﻬﺎ ﺑﺲ ﮔﺪﺭﺓ ﺍﺳﻴﻄﺮ ﻋﻠﺊ ﺍﻋﺼﺎﺑﻲ ﻣﺎﺍﺭﻳﺪﺓ ﻳﺸﻚ ﺑﺸﻲ
ﺍﺑﺘﺴﻢ ﺑﺘﻌﺐ ﻭﮔﺎﻝ
ﺟﻼﻝ،، ﻟﻮ ﻣﺎﺍﺳﻢ ﻋﺸﻴﺮﺗﻚ ﻭﺍﺳﻢ ﺍﻣﻚ ﺍﻟﻤﺨﺘﻠﻔﺎﺕ ﺟﺎﻥ ﮔﻠﺖ ﻋﻨﻚ ﺍﺑﻦ ﺍﺧﻮﻱ
ﺭﺍﻫﺐ،،ﺣﺠﻲ ﻭﻻﻳﻬﻤﻚ ﺍﻋﺘﺒﺮﻧﻲ ﺍﺑﻦ ﺍﺧﻮﻙ
ﺟﻼﻝ،،ﺗﺴﻠﻢ ﺍﺑﻨﻲ ﺭﺑﻲ ﻳﺤﻔﻀﻚ
ﺧﻠﺺ ﺍﻣﺸﻲ ﻧﻨﻘﻞ ﺍﻟﺒﻴﺖ ﺑﺎﺍﺳﻤﻚ ﻭﺍﻟﻤﺒﻠﻎ ﺍﻟﺒﺎﻗﻲ ﺳﺪﺩﺓ ﺑﺮﺍﺣﺘﻚ ﺷﻮﻛﺖ ﻣﺎﻳﺼﻴﺮ ﻋﻨﺪﻙ
ﺭﺍﻫﺐ،ﺭﺣﻨﻪ ﺳﺠﻠﻨﻪ ﺍﻟﺒﻴﺖ ﺑﺎﺍﺳﻤﻲ ﺑﻌﺪﻫﺎ ﺍﺧﺬﺗﻪ ﻫﻮ ﻭﻗﺎﺳﻢ ﻏﺪﻳﺘﻬﻢ ﺑﻤﻄﻌﻢ
ﻭﺑﮕﻠﺒﻲ ﺍﮔﻮﻝ ﺍﻛﻞ ﺗﻮﻧﻲ ﻗﻄﻴﺘﻚ ﻗﻄﺔ ﻋﻤﺮﻙ ﻭﺍﻧﺸﺎﺀﺍﻟﻠﻪ ﺍﻟﻀﺮﺑﻪ ﺍﻟﺜﺎﻧﻴﻪ ﺍﺗﻜﻮﻥ ﺍﻟﻘﺎﺿﻴﻪ
ﺑﻌﺪﻫﺎ ﺭﺟﻌﻨﺎ ﻟﻠﻤﻜﺘﺐ ﻭﻃﻠﻌﻨﻪ ﺑﻮﺟﻮﻫﻨﺎ ﺍﻟﺒﻴﺖ ﺳﻌﺪﻳﻪ
ﻗﺎﺳﻢ،،ﺫﺫﺫﻳﺐ ﺑﺎﻟﻌﺒﺎﺱ ﺫﻳﺐ ﻋﻤﻲ ﺣﺘﺊ ﺍﻧﻪ ﺩﻣﻌﺖ ﻣﻦ ﺷﻔﺘﻚ ﺗﺤﺠﻲ ﻭﻳﻪ ﺍﻟﺮﺟﺎﻝ
ﺭﺍﻫﺐ،، ﻭﻟﻴﺶ ﺩﻣﻌﺖ
ﻗﺎﺳﻢ،،ﻻﻥ ﺍﻭﻝ ﻣﺮﺓ ﺍﺷﻮﻓﻚ ﻣﺆﺩﺏ ﻭﺻﺎﺣﺐ ﺍﺧﻼﻕ ﻋﺎﻟﻴﻪ
ﺭﺍﻫﺐ،، ﻃﺎﻳﺢ ﺍﻟﺤﺾ ﺍﺷﮕﺎﻟﻮﻟﻚ ﻋﻨﻲ
ﻗﺎﺳﻢ،،ﻭﻟﻚ ﺳﮕﻂ ﻟﻮ ﻣﺎﺩﺍﻓﻨﻴﻨﻪ ﺳﻮﻩ ﺟﺎﻥ ﻣﺎﺍﺣﺘﺮﮔﺖ ﺭﻭﺣﻲ ﻭﺍﻧﺘﻪ ﻣﺨﻠﺼﻬﺎ ﺷﺮﺏ ﻭﻧﺴﻮﺍﻥ
ﺭﺍﻫﺐ،،ﺩﻧﺠﺐ ﻳﺨﻮﻱ ﻭﺧﻞ ﻧﻔﺮﺡ ﺑﻬﺬﺍ ﺍﻻﻧﺠﺎﺯ ﺍﻟﻌﻀﻴﻢ

ﺍﻟﻴﻮﻡ ﺍﻟﺴﻬﺮﺓ ﻟﻠﺼﺒﺢ ﻭﺍﻧﻌﻞ ﻭﺍﻟﺪﻳﻚ ﺍﺫﺍ ﮔﻠﺖ ﻧﺮﺟﻊ ﻣﻦ ﻭﻛﺖ
ﺍﺑﺎﻭﻋﻠﻪ ﻓﺘﺢ ﺣﻠﮕﻪ ﻣﺼﺪﻭﻡ
ﻗﺎﺳﻢ،،ﻭﻫﻮ ﻣﻨﻮ ﺍﻟﻴﺠﻴﺒﻨﻪ ﺳﺤﻞ ﻏﻴﺮﺭﺭﻙ
ﺭﺍﻫﺐ،،ﻭﺻﻠﻨﻪ ﺍﻟﺒﻴﺖ ﺳﻌﺪﻳﻪ ﺍﺗﻠﮕﺘﻨﻲ ﻏﺰﻝ
ﻏﺰﻝ،،ﻳﻌﻴﻮﻥ ﻏﺰﻝ ﻣﺸﺘﺎﻗﺘﻠﻚ ﻭﺍﻧﺘﻪ ﻭﻻﺗﺠﻲ ﻏﻴﺮ ﻟﻤﻦ ﻧﺨﻄﺮ ﻋﻠﺊ ﺑﺎﻟﻚ
ﺭﺍﻫﺐ،،ﻏﺰﻝ ﺗﻌﺒﺎﻥ ﻭﻧﻌﺴﺎﻥ ﺍﺭﻳﺪ ﺍﻧﺎﻡ ﺣﺘﺊ ﺍﻟﺴﻬﺮﺓ ﻭﻳﺎﺝ ﻟﻠﺼﺒﺢ
ﻟﺰﻣﺘﻬﺎ ﻣﻦ ﺣﻨﺠﻬﺎ ﻭﻏﻤﺰﺗﻠﻬﺎ ﺿﺤﻜﺖ ﺿﺤﻜﻪ ﺭﻧﺎﻧﻪ
ﻏﺰﻝ،،ﻳﺆﻣﺮ ﺍﻣﺮ ﺳﻴﺎﺩﺓ ﺍﻟﻨﻘﻴﺐ ﻧﺴﻬﺮ ﻟﻌﺪ ﺷﻮﺭﺍﻧﻪ
ﺭﺍﻫﺐ،،ﺫﺑﻴﺖ ﺭﻭﺣﻲ ﺑﻤﻼﺑﺴﻲ ﻧﻤﺖ ﻣﺎﮔﻌﺪﺕ ﻏﻴﺮ ﻋﻠﺊ ﻟﻤﺴﺎﺗﻬﺎ ﻓﺘﺤﺖ ﻋﻴﻮﻧﻲ ﻟﮕﻴﺘﻬﺎ ﺷﺒﻪ ﻻﺑﺴﻪ
ﺍﺗﺠﺮﺃﺓ ﻭﺻﺎﺭﺕ ﻓﻮﮔﻲ ﺩﻧﮕﺖ ﺑﺎﺳﺘﻨﻲ
ﻭﺑﻠﺤﻀﻪ ﮔﻠﺒﺘﻬﺎ ﻭﺻﺮﺕ ﻓﻮﮔﻬﺎ
ﺍﻭﻝ ﻣﺎﺑﺴﺘﻬﺎ ﺍﺟﺖ ﺍﺑﺎﻟﻲ ﻻﺭﺍ ﺻﺮﺕ ﺍﺗﺨﻴﻠﻬﺎ ﻫﻲ
ﻗﺴﻴﺖ ﻭﻳﺎﻫﺎ ﺍﻟﺊ ﺍﻥ ﺍﻧﺘﺒﻬﺖ ﻋﻠﺊ ﺻﻮﺕ ﺗﻮﺳﻼﺗﻬﺎ ﻭﺑﺠﻴﻬﺎ ﺟﻮﺍﻱ
ﺍﺑﺘﻌﺪﺕ ﻋﻨﻬﺎ ﻣﺎﺍﻋﺮﻑ ﺷﺠﺎﻱ ﻳﺼﻴﺮ ﺑﺤﺎﻟﻲ ﻭﻟﻴﺶ ﻣﻦ ﺍﺗﺨﻴﻠﻬﺎ ﻻﺭﺍ ﺍﻗﺴﺊ ﻭﻳﺎﻫﺎ ?
ﺗﺮﻛﺘﻬﺎ ﻭﮔﻤﺖ ﺑﺪﻟﺖ ﻭﻃﻠﻌﺖ ﺍﻟﺴﺎﻋﻪ ﺏ 1 ﺑﻠﻴﻞ ﺗﺮﻛﺖ ﻗﺎﺳﻢ ﻭﺭﺟﻌﺖ ﻟﻠﺸﻘﻪ
ﺑﻘﻴﺖ ﮔﺎﻋﺪ ﻟﻠﺼﺒﺢ ﻭﺍﺣﺶ ﺑﺎﻟﺠﮕﺎﻳﺮ ﺣﺶ
ﻻﺭﺍ،،ﺭﺟﻌﻨﻲ ﻟﻠﺒﻴﺖ ﻭﺍﻧﻲ ﻃﺎﻳﺮﺓ ﻃﻴﻮﺭ ﻣﻦ ﺍﻟﻔﺮﺡ ﺍﺣﺲ ﺛﻘﺘﻲ ﺑﻲ ﺻﺎﺭﺕ ﺛﻘﻪ ﻋﻤﻴﺎﺀ
ﻳﺤﺒﻨﻲ ﻭﻳﻤﻲ ﻭﻣﺎﺣﺎﻭﻝ ﻳﻠﻤﺴﻨﻲ ﻻﻥ ﺍﻧﺴﺎﻥ ﻣﺤﺘﺮﻡ ﻭﺍﺑﻦ ﺍﺻﻮﻝ ﻣﺎﺭﺍﺩ ﻳﺘﻘﺮﺏ ﻣﻨﻲ ﺑﺎﻟﺤﺮﺍﻡ
ﻟﻠﻌﺼﺮ ﺍﺟﺖ ﺳﺎﻧﺪﺭﺍ ﺣﺠﻴﺘﻠﻬﺎ ﻛﻠﺸﻲ
ﺳﺎﻧﺪﺭﺍ،،ﻳﻤﻤﻤﻤﻪ ﺍﻟﺤﺐ ﻳﻤﻪ ﺧﻄﻒ ﻭﻛﺬﺍ ﻟﻌﺪ ﺍﻧﻲ ﻟﻴﺶ ﻣﺤﺪ ﻳﺨﻄﻔﻨﻲ ?
ﺑﺲ ﻋﺎﺑﺘﻠﺞ ﻭﮔﻌﺘﻲ ﮔﻠﺒﻲ ﻣﻦ ﻣﺎﻟﮕﻴﺘﺞ ﻣﻨﺘﻀﺮﺗﻨﻲ
ﺭﺩﺕ ﺍﺗﺼﻞ ﺑﺨﺎﻟﻪ ﺍﺳﺎﻟﻬﺎ ﻋﻨﺞ ﺑﺲ ﺍﺗﺮﺩﺩﺕ ﮔﻠﺖ ﺧﺎﻑ ﺍﺟﺎﻫﺎ ﺭﺍﻫﺒﻬﺎ ﻭﺭﺍﺣﺖ ﻭﻳﺎﻩ
ﻻﺭﺍ،،ﻫﻬﻬﻬﻬﻪ ﺍﻱ ﻭﺍﻟﻠﻪ ﺭﺍﻫﺒﻨﻲ ﻛﻠﺸﺸﺶ
ﺑﺲ ﻣﺎﺗﺪﺭﻳﻦ ﺷﮕﺪ ﻛﺒﺮ ﺑﻨﻀﺮﻱ ﻗﺎﻃﺎﺕ ﻭﻟﺞ ﺻﺮﺕ ﺍﺣﺒﺒﺒﺒﻪ ﺑﺠﻨﻮﻥ
ﺳﺎﻧﺪﺭﺍ،،ﺍﺧﺒﺎﻝ ﺣﺘﺊ ﺍﺧﺒﺎﻝ ﻣﻮ ﺍﻧﻲ ﺳﺎﻣﻌﻪ ﺑﺎﻟﺤﺐ ﻳﺴﻮﻱ ﺍﻟﻌﺠﺎﻳﺐ ﻟﺬﺍﻟﻚ ﻣﺎﺍﺗﻘﺮﺑﻠﻪ
ﻻﺭﺍ،،ﻋﻠﺊ ﻃﺎﺭﻱ ﺍﻟﺤﺐ ﻟﻴﺶ ﻣﻨﻘﺮﺏ ﺑﺴﻤﻪ ﻣﻦ ﻋﺼﺎﻡ ﺗﺮﺓ ﻭﺍﻟﻠﻪ ﺣﺘﺊ ﻫﻲ ﻣﺒﻴﻨﻪ ﺍﺗﺒﺪﺍﻟﻪ ﻧﻀﺮﺍﺕ ﺍﻻﻋﺠﺎﺏ ﺑﺲ ﻫﻮ ﺍﻟﻲ ﺧﺎﻳﻒ ﻭﻣﺘﺮﺩﺩ
ﺳﺎﻧﺪﺭﺍ،،ﻟﺪﺧﻠﻴﻨﻲ ﺑﻴﻨﻬﻢ ﻣﺎﻟﻲ ﺷﻐﻞ ﺍﺫﺍ ﺗﺮﺩﻳﻦ ﺍﻧﺘﻲ ﺍﺗﺒﺮﻋﻲ ﻭﺍﺟﻤﻌﻴﻬﻢ
ﻻﺭﺍ،،ﻋﺎﺑﺖ ﻣﻮ ﺍﻧﺘﺨﺊ ﺑﻴﻨﻪ ﻋﻮﺩ ﺍﺧﻮﺍﺗﻪ
ﺳﺎﻧﺪﺭﺍ،،ﺧﺮﺭﺏ ﺩﺍﺋﻤﺎ ﺗﺤﺮﺟﻴﻨﻲ ﺑﻜﻼﻣﺞ ﺯﻳﻦ ﻣﻴﺨﺎﻟﻒ ﻧﺴﺎﻋﺪﻫﻢ ﻗﺎﺑﻞ ﺷﻮﺭﺍﻧﻪ ﻫﻮ ﺗﺎﻟﻴﺘﻲ ﺍﺟﻤﻊ ﺑﻴﻜﻢ ﻭﺍﻧﻲ ﺍﺑﻘﺊ ﺍﻻﺷﺒﻴﻨﻪ ﻣﺎﻟﺘﻜﻢ ﻭﺍﺿﻞ ﻣﺤﻤﻀﻪ ﺑﺪﻭﻥ ﻋﺮﺱ
ﻻﺭﺍ،،ﻫﻬﻬﻬﻬﻬﻬﻪ ﻻﺳﺎﻋﺘﻬﺎ ﺍﺣﻨﻪ ﻧﺤﺎﻭﻝ ﻧﺠﻤﻌﺞ ﺑﻮﺍﺣﺪ ﻣﻴﺖ ﻫﻮ ﻭﺑﺎﻗﻴﻪ ﺍﻣﻪ
ﺳﺎﻧﺪﺭﺍ،،ﻃﺎﺣﻀﺞ ﻭﻳﻦ ﺍﻧﺠﻤﻊ ﺑﻲ ﺍﺫﺍ ﻣﻴﺖ
ﻻﺭﺍ،،ﺑﻘﻴﻨﻪ ﻧﺴﻮﻟﻒ ﻭﻧﻀﺤﻚ
ﺛﺎﻧﻲ ﻳﻮﻡ ﺑﺎﻟﻜﻠﻴﻪ ﻋﻮﺩ ﺭﺩﻧﻪ ﻧﻘﺮﺑﻬﻢ ﺷﻮﻟﮕﻴﻨﺎﻫﻢ ﮔﺎﻋﺪﻳﻦ ﻳﻀﺤﻜﻮﻥ ﺳﻮﺓ
ﻋﺼﺎﻡ،،ﻫﻠﻪ ﺑﻨﺎﺕ ﺍﻗﺪﻣﻠﻜﻢ ﺣﺒﻴﺒﺘﻲ ﺑﺴﻤﻪ
ﻻﺭﺍ،،ﺑﻘﻴﻨﻪ ﻓﺎﺗﺤﻴﻦ ﺍﺣﻠﻮﮔﻨﻪ
ﺳﺎﻧﺪﺭﺍ،،ﺍﻧﺠﻤﻌﻮ ﺑﺪﻭﻥ ﻣﻨﺠﻤﻌﻬﻢ ﻋﺎﺑﺖ
ﻋﺼﺎﻡ،،ﺍﺫﺍ ﺍﻧﺘﻀﺮﺟﻦ ﺑﺴﻤﻪ ﺗﻌﺮﺱ ﻭﺗﺨﻠﻒ ﻭﺍﻧﻲ ﺑﻌﺪﻧﻲ ﻣﻨﺘﻀﺮ
ﺑﺴﻤﻪ، ،ﻫﻬﻬﻬﻬﻪ ﻛﺎﻓﻲ ﺗﺮﺓ ﺧﺠﻠﺖ
ﻋﺼﺎﻡ،،ﻓﺪﻳﺖ ﺍﻟﺨﺠﻼﻧﻪ ﺍﻧﻲ ﻳﻠﻪ ﺣﺒﻲ ﻧﻌﻮﻓﻬﻦ ﺫﻧﻲ ﻋﻮﺍﺫﻝ
ﻻﺭﺍ،،ﻋﺎﺑﺖ ﺍﻱ ﻭﺍﻟﻠﻪ ﻋﻮﺩ ﺍﻟﻠﻴﻞ ﻛﻠﻪ ﻧﻔﻜﺮ ﺑﻄﺮﻳﻘﻪ ﺗﻘﺮﺑﻜﻢ
ﻋﺼﺎﻡ،،ﻻﺑﻌﺪ ﺍﺧﻮﺝ ﻟﺘﻌﺒﻴﻦ ﻧﻔﺴﺞ ﺍﻧﻔﻜﺖ ﺍﻟﺠﺒﺴﻪ ﻭﺣﺠﻴﺖ ﻟﺤﮕﺖ ﻣﺴﺘﻘﺒﻠﻲ
ﻻﺭﺍ،،ﻫﻬﻬﻬﻬﻬﻬﻪ ﺑﻴﻬﺎ ﺍﻟﺨﻴﺮ ﻫﻤﺰﻳﻦ ﻣﺎﺍﻧﺘﻀﺮﺗﻨﻪ
ﺑﻘﻴﻨﻪ ﺷﻮﻳﻪ ﻛﺎﻋﺪﻳﻦ ﺑﻌﺪﻫﺎ ﺩﺧﻠﻨﻪ ﻟﻠﻤﺤﺎﺿﺮﺓ
ﺻﺎﺭﺕ ﺍﻟﺴﺎﻋﻪ ﺏ 1 ﻃﻠﻌﻨﻪ ﻣﻦ ﺍﻟﻜﻠﻴﻪ
ﺭﺟﻌﻨﻪ ﻟﻠﺒﻴﺖ ﺑﺲ ﺍﺣﺲ ﺿﺎﻳﺠﻪ ﻻﻥ ﻣﺎﺷﻔﺘﻪ ﺍﻟﻴﻮﻡ ﺻﻌﺪﺕ ﺍﻟﻐﺮﻓﺘﻲ ﻭﺍﺗﺼﻠﺖ ﺑﻲ
ﻭﺑﺴﺮﻋﻪ ﺍﺟﺎﻧﻲ ﺻﻮﺗﻪ ﺍﻟﻤﺎﺧﺬ ﻋﻘﻠﻲ
ﺭﺍﻫﺐ،،ﺣﺒﻴﺒﺘﻲ
ﻻﺭﺍ،،ﻳﺮﻭﺣﻲ
ﺭﺍﻫﺐ،،ﻭﻟﺞ ﻳﻢ ﺍﻟﻐﻴﺮﺓ ﻻﺗﺤﺠﻴﻦ ﻫﻴﺞ ﺗﺮﺓ ﮔﻠﺒﻲ ﺭﻫﻴﻒ ﻣﻮﺣﻤﻞ ﺭﻭﻣﺎﻧﺴﻴﻪ
ﻻﺭﺍ،،ﻫﻬﻬﻬﻬﻪ ﺭﺍﻫﺐ ﺍﺳﺄﻟﻚ ﺳﺆﺍﻝ
ﺭﺍﻫﺐ،،ﺟﻮﺍﺏ ﻳﺮﻭﺡ ﺭﺍﻫﺐ ﺍﻧﺘﻲ
ﻻﺭﺍ،،ﻟﻴﺶ ﺍﺣﺒﻚ ﻫﻠﮕﺪ ?
ﺭﺍﻫﺐ،،ﺍﺍﺍﺥ ﺍﻟﻠﻪ ﻣﻮ ﺍﮔﻠﺞ ﻧﺎﻭﻳﺔ ﺍﺍﺗﺠﻠﻄﻴﻨﻲ
ﺑﻮﻳﻪ ﺍﻧﻪ ﻣﻴﺖ ﺑﻴﺞ ﻭﺍﺣﺴﺐ ﻟﻼﻳﺎﻡ ﺍﺣﺴﺎﺏ ﺣﺘﺊ ﺍﺟﻴﺒﺞ ﺍﻟﻔﺞ ﺑﺤﻀﻨﻲ
ﻻﺭﺍ،،ﻣﺘﺖ ﺧﺠﻞ
ﺭﺍﺍﺍﻫﺐ
ﺭﺍﻫﺐ،،ﻋﻴﻮﻧﻪ ﻭﮔﻠﺒﻪ ﻭﻛﻴﺎﻧﻪ ﺍﻧﺘﻲ
ﻻﺭﺍ،،ﺑﻌﺪ ﻋﻨﺪﻱ ﺳﺆﺍﻝ
ﺭﺍﻫﺐ،،ﻫﻬﻬﻬﻪ ﻳﺎﻟﻠﻠﻪ ﺍﺳﺄﻟﻲ ﺍﻡ ﺧﺸﻢ
ﻻﺭﺍ،،ﺍﻧﺘﻪ ﺗﺤﺒﻨﻲ ?
ﺭﺍﻫﺐ،،ﺗﺮﺓ ﺭﺍﺡ ﺍﺟﻲ ﺍﺑﺴﻄﺞ
ﻻﺭﺍ،،ﻭﻳﻨﻄﻴﻚ ﮔﻠﺒﻚ ﺗﺒﺴﻄﻨﻲ ?
ﺭﺍﻫﺐ،،ﺑﻌﺪﺝ ﻃﻔﻠﻪ ﻋﻠﺊ ﻫﻠﺴﻮﺍﻟﻒ ﺍﺑﺴﻄﺞ ﺑﻄﺮﻳﻘﺘﻲ ﺍﻟﺨﺎﺻﻪ
ﺍﺑﺴﻄﺞ ﻣﻦ ﺳﺎﺳﺞ ﺍﻟﺮﺍﺳﺞ ﺍﻟﻨﺤﺮﺝ ﻭﺻﺪﺭﺝ
ﻻﺭﺍ،،ﻭﺍﻟﻠﻪ ﺣﺮﻭﺡ ﻻﻥ ﺩﻭﻡ ﻫﻴﺞ ﺗﺤﺠﻲ
ﺭﺍﻫﺐ،،ﻫﻬﻬﻬﻬﻪ ﺗﻌﺎﻱ ﻋﻤﻲ ﺑﻄﻠﺖ ﺑﻌﺪ ﻣﺎﺍﺣﺠﻲ ﻣﺴﻮﻳﻪ ﻋﻠﻴﻪ ﺣﺼﺎﺭ
ﻻﺭﺍ،،ﻫﻬﻬﻬﻬﻪ ﻣﻮﻫﺴﻪ ﺍﺭﻓﻊ ﻋﻨﻚ ﺍﻟﺤﺼﺎﺭ
ﺭﺍﻫﺐ،،ﻃﻔﻠﺘﻲ ﺍﻧﺘﻲ
ﻻﺭﺍ،،ﺗﺮﺓ ﻣﺎﺍﺣﺐ ﺍﺗﮕﻮﻝ ﻋﻨﻲ ﻃﻔﻠﻪ
ﺭﺍﻫﺐ،،ﻓﺪﻳﺖ ﻣﺮﺗﻲ ﺍﻟﺼﻐﻴﺮﺓ ﺍﻡ ﻋﻘﻞ ﺍﻟﺠﺒﻴﺮ
ﻭﺍﻟﻌﺪﻫﺎ ﺭﺻﻌﺎﺕ ﻳﺨﺒﻠﻦ ﻣﺎﻝ ﻋﺾ
ﻻﺭﺍ،،ﺭﺍﺍﺍﻫﺐ ﻭﺍﻟﻠﻪ ﺍﺯﻋﻞ ﺍﺫﺍ ﺗﺤﺠﻲ ﻫﻴﺞ
ﺭﺍﻫﺐ،،ﻳﻨﻄﻴﺞ ﮔﻠﺒﺞ ﻣﺎﺗﺤﺠﻴﻦ ﻭﻳﺎﻱ ??
ﻻﺭﺍ،،ﻟﻌﺪ ﺑﻄﻞ ﺳﻮﺍﻟﻔﻚ
ﺭﺍﻫﺐ،،ﺑﻮﻳﻪ ﺑﻄﻠﺘﻬﻦ ﺑﺲ ﺧﻞ ﺍﺟﻴﺒﺞ ﻳﻤﻲ ﺍﻟﻪ ﺍﻧﻌﻞ ﻭﺍﻟﺪﻳﺞ ﻭﺍﻟﻠﻪ ﺑﺲ ﺍﺻﺒﺮﻳﻠﻲ
ﻻﺭﺍ،،ﺍﺑﺘﺴﻤﺖ ﻋﻠﺊ ﺳﻮﺍﻟﻔﻪ ﻭﺳﺪﻳﺘﻪ ﺍﺟﺘﻨﻲ ﺭﺳﺎﻟﻪ ﻓﺘﺤﺘﻬﺎ ﻛﺎﺗﺐ
ﺭﺍﻫﺐ،،ﺍﻧﻬﺰﻣﻲ ﺟﺒﺎﻧﻪ ﺍﻟﻪ ﺍﺷﻌﻞ ﺍﻫﻠﺞ ﺑﺎﻟﻌﺮﺱ
ﻻﺭﺍ،،ﺑﻘﻴﺖ ﻣﺒﺘﺴﻤﻪ ﺑﺪﺍﺧﻠﻲ ﻓﺮﺣﻪ ﻣﺎﺳﺎﻳﻌﺘﻨﻲ
ﺍﻭﻝ ﻣﺮﺓ ﺷﺨﺺ ﻳﻬﺘﻢ ﺑﻴﻪ ﻣﺜﻞ ﺭﺍﻫﺐ
ﻭﻳﺤﺒﻨﻲ ﺍﻟﻬﺎﻱ ﺍﻟﺪﺭﺟﻪ ﺑﺤﻴﺚ ﺍﺗﻌﻠﻘﺖ ﺑﻲ ﺑﻔﺘﺮﺓ ﻗﺼﻴﺮﺓ ﻋﺒﺎﻟﻚ ﺍﻋﺮﻓﻪ ﻣﻦ ﺍﺳﻨﻴﻦ
ﺑﻌﺪ ﻳﻮﻣﻴﻦ ﺻﺎﺩﻑ ﻳﻮﻡ ﺟﻤﻌﻪ ﻓﺎﺟﺌﻨﻲ ﻣﻦ ﮔﺎﻝ
ﺭﺍﻫﺐ،،ﻻﺭﺗﻲ ﺗﺮﺓ ﻫﺬﺍ ﺣﺪﻱ ﺑﻌﺪ ﻣﺎﺍﺗﺤﻤﻞ ﺑﺪﻭﻧﺞ
ﺣﻀﺮﻱ ﻧﻔﺴﺞ ﺍﻟﻴﻮﻡ ﺑﻠﻴﻞ ﻧﺠﻲ ﺍﻧﻲ ﻭﺍﻣﻲ ﻧﻄﻠﺐ ﺍﻳﺪﺝ
ﻻﺭﺍ،،ﻫﻬﻬﻬﻬﻬﻬﻪ ﮔﻮﻝ ﻭﺍﻟﻠﻪ
ﺭﺍﻫﺐ،،ﺍﻱ ﻭﺩﺍﻋﺘﺞ ﻗﺎﺑﻞ ﻣﺠﺬﺏ ﻋﻠﻴﺞ
ﻻﺭﺍ،،ﻫﻬﻬﻬﻬﻬﻬﻪ ﻣﺎﻣﺼﺪﻛﻪ ﺭﺍﺡ ﺍﻃﻴﺮ
ﺭﺍﻫﺐ،،ﺍﺷﻮﻓﺞ ﻣﺘﻮﺍﺯﻳﻪ ﺍﻛﺜﺮ ﻣﻨﻲ
ﻻﺭﺍ،،ﻋﺰﺍﺍﺍﺍﺍﺍ ﺷﮕﺪ ﻓﺸﻠﻪ ﺑﻘﻴﺖ ﺳﺎﻛﺘﻪ ﻭﺍﺣﺲ ﺍﻟﺤﺮﺍﺭﺓ ﺻﻌﺪﺕ ﺍﻟﺮﺍﺳﻲ ﺭﺍﺣﺖ ﺍﻟﻬﻴﺒﻪ ﻭﺍﻟﺜﮕﻞ
ﺭﺍﻫﺐ،،ﺷﻮ ﺧﻨﺴﺘﻲ ?
ﻻﺭﺍ،،ﻡ ﻣﻮ ﻫﺬﺍ ﺷﺴﻤﻪ
ﺭﺍﻫﺐ،،ﻓﺪﻳﺖ ﺍﻟﺨﺠﻼﻥ ﻛﻮﻥ ﻳﻤﻲ ﻭﺍﺷﻮﻑ ﺍﻟﺨﺠﻞ ﺍﻟﻪ ﺍﻧﻴﻤﺞ ﻣﺴﺘﺸﻔﺊ ﻣﻦ ﺷﻮﮔﻲ
ﻻﺭﺍ،،ﻭﻛﻠﻌﺎﺩﺓ ﺧﺘﻤﻬﺎ ﺑﺠﻤﻠﻪ ﻣﻦ ﺟﻤﻠﻪ ﺍﻟﻤﻨﺤﺮﻓﻪ
ﺳﺪﻳﺘﻪ ﻭﺍﻧﻲ ﮔﻠﺒﻲ ﻳﺪﮒ ﺳﺮﻳﻊ ﺍﺣﺲ ﻣﻮﻣﺴﻴﻄﺮﺓ ﻋﻠﻲ ﻣﺎﺍﺻﺪﮒ ﺍﻏﻤﺾ ﻭﺍﻓﺘﺢ ﻭﺍﺻﻴﺮ ﻛﻠﻲ ﻣﻠﻜﻪ ﻭﺑﻴﻦ ﺍﺩﻱ
ﺭﺍﻫﺐ،،ﺭﺟﻌﺖ ﺭﺍﺳﻲ ﻉ ﺍﻟﻜﺮﺳﻲ
ﺍﺍﺍﻱ ﻳﺎﺟﻼﻝ ﻣﺎﺑﻘﺊ ﺷﻲ ﻭﺍﺣﺎﺳﺒﻚ ﻭﺍﺧﺬ ﺣﮕﻲ ﻣﻨﻚ ﻣﺮﺑﻊ
ﻭﺑﻨﺘﻚ ﺑﮕﺪ ﺿﺤﻜﻬﺎ ﺭﺍﺡ ﺍﺧﻠﻴﻬﺎ ﺗﺒﺠﻲ ﺩﻣﻢ

ﻳﺘﺒﻊ

حبي كنصيحه لاتخلين شي ببالج منا معادلات صاعدة وهالنوب متحصلينه وتالي نفسيتج تتعب🤦‍♀💔

اهم شي خلي ببالج انو تجيبين معدل عالي حته لاتحيرين وتختارين اللي يعجبج

#ملوكه

عمري الدكتور مطيج واقي شمس ومبيض
فشوفي غير دكتور يجوز هذا مايفتهم

وكون تستمرين عل العلاج يمكن شهرين او 3 يله تشوفين نتيجة☹️

#ملوكه

عيوني ك لون شال مع القاط فاحلى شي هاللونين ماروني واحمر😻✨
والكب بكيفج ابيض او اسود فاثنينهن يرهم

#ملوكه

هههه..يي عفيه وفدوة لكلبج🥰✨

#ملوكه

عادي حبي يصير تشربيهن وميأثر🌚🌺
بالعكس يكولون أنو يهدأ ويقلل من الألام


#ملوكه

عمري كون وزنج المثالي 60_65
والالوان اللي تناسب بشرتج الفواتح والستايلات حسب انتي واختيارج
اكو رسمي واكو كاجول
فانتي نوعي باللبس مرة البسي تنورة وسترة ؛ ومرة قاط ومرة بدي وبطرون بوي فرند وهكذا
والتنسيق بالالوان اي شي محتارة بي فدزيلي صورته وانسقلج اللي يرهمله من ألوان🤗🦋

#ملوكه

عيوني لمن ماشفتي نتيجة عل العصارات والادوية
فجربي هالخلطه ماسك لبن وكركم خلي عل بشرة 10 دقايق وغسلي واستعملي كل 3ايام ...ف رح تلكين بالاستمرار انو حب الشباب يقل ويبس لانو فائدة هالماسك رح يسحب☹️💫كل التهابات البشرة

وطبيعي بشرتج تكون صفره بعد هالماسك..فتسوين ماسك ثاني من نشة وحليب سائل .. 10 دقايق وتغسلي بالصابون ف رح يسحب كل صفار بالوجه
واخير شي الترطيب
وباليوم مرة غسلي بصابون ديتول

#ملوكه

عمل ماسك الكركم☺️✨ومن فوائده يجدد البشرة ويفيد لأهل حب الشباب

اذا ماعدكم فيتامين سي..فتكدرون تستغنون عنه بالخلطه🙃


#اعـاده_توجيـــہ_لصديقتج
#ملوكه
@stylegrils

حبي للبشرة الدهنية عندج فيت مي او بورجوا او لوريال او كاترس هذيني زينات
واذا تريدين مايتزيت كون تثبتي بباودر ☺️🌸

#ملوكه

عيوني هذيني بيجات بالنجف👇🏻☺️

#ملوكه