ﻭﻓﻌﻼ ﻟﻤﻦ ﺷﺎﻓﻪ ﮔﺎﻝ ﻋﻨﺪﺓ ﻛﺴﺮ ﺑﺴﻴﻂ ﺑﻌﻀﻤﺔ ﺍﻟﺨﺸﻢ ﻭﻻﺯﻡ ﻳﻨﻜﻮﻱ ﺣﺘﺊ ﻳﺒﻄﻞ ﺍﻟﻨﺰﻑ
ﺑﻘﻴﺖ ﺍﻟﻄﻢ ﻭﺍﺗﻌﺬﺭﺕ ﻣﻦ ﺍﻟﺮﺟﺎﻝ ﻻﻥ ﻣﺎﺷﺎﻳﻠﻪ ﺍﻓﻠﻮﺱ ﮔﺘﻠﻪ ﺍﻟﻌﺼﺮ ﺍﺟﻴﺒﻬﻦ ﺍﻟﻚ ﻭﺍﻟﺮﺟﺎﻝ ﻣﺎﺣﺠﻪ ﮔﺎﻝ ﻓﺪﻭﺗﺞ ﺍﻟﻔﻠﻮﺱ ﺧﺎﻟﻪ ﺷﻨﻮ ﻗﺪﺭﻫﻦ ﻭﺗﺤﺠﻴﻦ ﺑﻴﻬﻦ
ﺍﻟﺤﻤﺪﺍﻟﻠﻪ ﺍﻟﺪﻧﻴﻪ ﺑﻌﺪ ﺑﻴﻬﺎ ﻧﺎﺱ ﻃﻴﻴﻪ ﺗﻮﮔﻒ ﺍﻟﻚ ﺑﻮﻛﺖ ﺍﻟﻀﻴﺞ
ﺩﺧﻠﻨﻪ ﻟﻠﺒﻴﺖ ﺟﺒﺘﻠﻪ ﺩﻭﺷﻚ ﮔﻮﺓ ﻗﺒﻞ ﻳﺘﻤﺪﺩ ﺍﺣﺴﻪ ﺍﻋﺼﺎﺑﻪ ﻧﺎﺭ ﻳﺮﻳﺪ ﻳﺘﻌﺎﺭﻙ ﺍﺑﻨﻲ ﻭﻛﺢ ﻣﻦ ﺯﻏﺮﺓ ﺍﻋﺮﻓﻪ ﻣﻦ ﻳﺘﻌﺼﺐ ﻣﺎﻳﺸﻮﻑ ﻛﺪﺍﻣﻪ
ﺟﺒﺖ ﻭﺻﻠﻪ ﻭﻣﺎﻱ ﻭﻛﻌﺪﺕ ﺍﻣﺴﺢ ﺑﻮﺟﻬﺎ
ﺭﺍﻫﺐ،،ﻳﻤﻪ ﻋﻮﻓﻴﻨﻲ ﺭﺣﻤﻪ ﺍﻟﺪﻳﻨﺞ ﻣﺎﺑﻴﻪ ﺷﻲ
ﺍﻡ ﺍﺣﻼﻡ،،ﺍﺣﺠﻴﻠﻲ ﻭﻟﻴﺪﻱ ﺍﺣﻠﻔﻚ ﺑﺎﻟﺰﻫﺮﺓ ﺍﻡ ﺍﻟﺤﺴﻦ ﺗﺤﺠﻴﻠﻲ ﺷﻨﻮ ﺻﺎﺭ ﺭﻳﺢ ﮔﻠﺒﻲ
ﺭﺍﻫﺐ،،ﻳﻤﻪ ﺍﻟﻪ ﺍﮔﻠﺞ ﺍﺧﻮﺝ ﻛﻞ ﺫﻳﺞ ﺍﻟﻔﺘﺮﺓ ﻛﻞ ﻣﺎﻳﺸﻮﻓﻨﻲ ﻳﻀﺮﺑﻨﻲ ﻋﻼﺑﻲ ﺍﺣﺲ ﻋﻴﻮﻧﻲ ﺗﻄﻠﻊ ﻣﻦ ﺿﺮﺑﺘﻪ ﻟﻮ ﻳﻔﺸﻠﻨﻲ ﻭﺍﻳﺼﻴﺢ ﺍﺑﻦ ﺍﻟﻔﮕﺮ
ﻟﻮ ﻛﻞ ﺷﻮﻳﻪ ﻳﺴﻤﻌﻨﻲ ﺣﺠﺎﻳﻪ
ﺗﺎﻟﻲ ﺍﻟﻴﻮﻡ ﺍﺗﻬﻤﻨﻲ ﺑﺎﻳﮓ ﻓﻠﻮﺱ ﻣﻦ ﺍﻟﺪﺧﻞ ﻭﻫﻮ ﻧﺎﺳﻲ ﻣﺎﺧﺬﻫﻦ ﺩﺍﻓﻊ ﺑﻴﻬﻦ ﻓﺎﺗﻮﺭﺓ ﺍﻟﻜﻬﺮﺑﺎﺀ
ﻓﻮﮒ ﻣﺎﻻﺯﻡ ﻳﻌﺘﺬﺭ ﺍﺟﻪ ﻳﺼﻴﺢ ﻭﻳﻬﺪ
ﮔﺘﻠﻪ ﺍﻧﺘﻪ ﻫﻢ ﻣﺤﺴﻮﺏ ﻉ ﺍﻟﺨﻮﺍﻝ
ﺷﻮ ﻫﺬﺍ ﺍﺟﻪ ﻭﺍﻧﻄﺎﻧﻲ ﻟﻄﻤﻪ ﻋﻠﺊ ﺧﺸﻤﻲ
ﻭﺍﻧﻲ ﻣﻦ ﺣﻼﺓ ﺭﻭﺣﻲ ﻣﺎﻟﮕﻴﺖ ﻧﻔﺴﻲ ﻏﻴﺮ ﺟﺮﻳﺖ ﺍﻟﺒﻮﺭﻱ ﻭﻓﺸﺨﺘﻪ ﺑﺮﺍﺳﻪ ﺧﻠﻴﺖ ﺩﻣﻪ ﺑﻄﻮﻟﻪ
ﺍﻡ ﺍﺣﻼﻡ،،ﺳﻮﺩ ﺍﻟﻠﻪ ﻭﺟﻬﻲ ﻳﻤﻪ ﺻﺨﺎﻡ ﺍﻟﺼﺨﻤﻨﻲ ﻛﻞ ﻫﺬﺍ ﻳﺼﻴﺮ ﺑﻴﻚ ﻭﺍﻧﻪ ﻣﺎﺍﺩﺩﺭﺭﺭﻱ ﻭﻣﻦ ﺍﺳﺎﻟﻚ ﺍﺗﮕﻮﻝ ﻛﻠﺸﻲ ﻣﺎﻛﻮﻭﻭ
ﻣﻨﻴﻦ ﺍﺗﻠﮕﺎﻫﺎﺍ ﻭﻣﻨﻴﻴﻴﻦ ﺭﺑﻴﻴﻴﻴﻴﻲ
ﻻﺑﺸﺮ ﻳﺮﺣﻢ ﺑﺤﺎﺍﻟﻲ ﻭﻻﺍﺧﻮﻭ ﻳﺮﺣﻢ ﺑﺤﺎﺍﻟﻲ
ﺷﻤﺴﻮﻳﻪ ﻋﻨﺪﻙ ﻭﻫﻴﺞ ﻣﻌﺎﻗﺒﻨﻲ ﺭﺑﺒﺒﺒﻲ
ﻻﻟﺒﺴﺖ ﻣﺜﻞ ﺍﻟﻨﺴﻮﺍﻥ ﻭﻻﻓﺮﺣﺖ ﻣﺜﻠﻬﻦ ﻭﻻﺍﺗﻐﺎﻭﻳﺖ ﻭﻻ ﺍﺗﻜﺒﺮﺕ ﻭﻻﺑﮕﺖ ﻭﻻﺯﻧﻴﺖ ﺟﺎﺍﺍﺍ ﻟﻴﺶ ﻫﻴﺞ ﻏﺎﺿﺐ ﻋﻠﻴﻪ ﻳﺎﺍﺍﻟﻠﻪ
ﺑﻘﻴﺖ ﮔﺎﻋﺪﺓ ﻭﺍﺑﺠﻲ ﻭﻓﺎﻃﻤﻪ ﺗﺒﺠﻲ ﻭﻳﺎﻱ
ﺍﻭﻟﻴﺪﻱ ﻭﺟﻬﺎ ﻭﺍﺭﻡ ﺛﺎﻧﻲ ﻳﻮﻡ ﺍﺧﺬﺗﻪ ﻟﻠﺪﻛﺘﻮﺭ ﺑﺎﻟﻤﺴﺘﺸﻔﺊ ﻻﻥ ﻣﺎﻋﻨﺪﻱ ﺍﻓﻠﻮﺱ ﺍﺧﺬﺉ ﺩﻛﺘﻮﺭ ﻉ ﺍﻟﺨﺎﺹ
ﺍﻟﺪﻛﺘﻮﺭ ﻣﻦ ﺷﺎﻑ ﻭﺿﻌﻲ ﻗﺮﺭ ﻳﻜﻮﻟﻪ ﺑﺎﻟﻤﺴﺘﺸﻔﺊ
ﺭﺩﺕ ﺍﺩﺧﻞ ﻣﺎﺧﻼﻧﻲ ﺍﺩﺭﻱ ﻳﺨﺎﻑ ﺍﺗﺨﺮﺑﻂ ﻣﻦ ﺍﺷﻮﻓﻪ
ﻧﺺ ﺳﺎﻋﻪ ﻭﻃﻠﻊ ﺩﺍﻳﺦ ﻟﺰﻣﺘﻪ ﻭﻫﻮ ﮔﻮﺓ ﻳﻤﺸﻲ
ﺭﺟﻌﻨﻪ ﻟﻠﺒﻴﺖ ﻟﮕﻴﺖ ﺍﺣﻼﻡ ﻭﺯﻫﺮﺓ ﺟﺎﻳﺎﺕ
ﻃﺒﻌﺎ ﺍﺣﻼﻡ ﺻﺎﺭ ﻋﺪﻫﺎ ﻭﻟﺪ ﻭﺍﺑﻨﻴﻪ ﻋﻤﺮ ﺍﺑﻨﻬﺎ ﺿﺮﻏﺎﻡ ﺍﺭﺑﻊ ﺳﻨﻮﺍﺕ ﻭﺑﺘﻬﺎ ﺍﺳﻤﻬﺎ ﻣﻴﺎﺩﺓ ﻋﻤﺮﻫﺎ ﺳﻨﺘﻴﻦ
ﺑﺲ ﺯﻫﺮﺓ ﺑﻌﺪﻫﺎ ﻣﺎﺻﺎﺭ ﻋﺪﻫﺎ ﺻﺎﺭﻟﻬﺎ ﺳﻨﺘﻴﻦ ﻣﻦ ﺍﺗﺰﻭﺟﺖ ﻭﺟﺎﻱ ﺍﺗﺮﺍﺟﻊ ﻋﻠﺊ ﻃﻔﻞ
ﺍﺗﻠﮕﺎﻧﻲ ﺿﺮﻏﺎﻡ ﺑﻴﺒﻲ ﻣﺎﺑﻴﺒﻲ ﺷﻠﺘﻪ ﺍﺑﻮﺱ ﺑﻲ ﺍﻓﺮﺡ ﻣﻦ ﺍﺷﻮﻑ ﺑﻨﺎﺗﻲ ﻳﻠﺘﻤﻦ ﺍﺑﻴﺖ ﺍﺑﻮﻫﻦ
ﻫﻨﻪ ﻫﻢ ﺗﻌﺒﻦ ﻭﺷﺒﻌﻦ ﻗﻬﺮ ﻭﺿﻴﻢ ﻭﻣﻦ ﺍﻟﻌﻮﺯ ﺍﺧﺘﺎﺭﻥ ﻳﺘﺰﻭﺟﻦ ﺑﺎﺍﺭﺍﺩﺗﻬﻦ ﺷﮕﺪ ﺣﺎﻭﻟﺖ ﺑﺲ ﺟﺎﻧﻦ ﻣﻘﺘﻨﻌﺎﺕ ﻭﺍﻟﺤﻤﺪﺍﻟﻠﻪ ﻗﺴﻤﺘﻬﻦ ﻃﻠﻌﺖ ﺧﻮﺵ ﻗﺴﻤﻪ ﻳﻢ ﻧﺎﺱ ﺧﻮﺵ ﻧﺎﺱ ﻭﻳﺨﺎﻓﻮﻥ ﺍﻟﻠﻪ
ﺍﺣﻼﻡ،،ﻭﻋﻠﻲ ﻛﻮﻥ ﻫﺴﻪ ﺍﺭﻭﺡ ﺍﻟﻬﺬﺍ ﺍﺧﻮﺝ ﺍﻟﻲ ﺍﺳﻤﻪ ﺧﺎﻟﻲ ﺍﻟﻪ ﺍﻧﻴﻤﻪ ﺏ ﺍﻻﻧﻌﺎﺵ ﻋﻮﺩ ﺧﺎﻟﻲ ﺧﻼﻟﻪ ﺍﺗﻨﺎﻡ ﺍﺑﺮﺍﺳﻪ ﻛﻮﻥ
ﺍﻡ ﺍﺣﻼﻡ،،ﻋﻴﺐ ﻣﺎﻣﺎ ﻣﺎﻳﺼﻴﺮ ﺗﺤﺠﻴﻦ ﻫﻴﺞ ﮔﺪﺍﻣﻲ ﻋﻠﺊ ﺍﺧﻮﻱ
ﺍﺣﻼﻡ،،ﺧﻮﻩ ﺍﻟﺨﻮﺗﻪ ﻛﻮﻥ ﻭﺑﻌﺪﺝ ﺍﺗﺴﻤﻲ ﺍﺧﻮﻱ ﺍﻟﻤﻔﺮﻭﺽ ﺗﺘﺒﺮﻳﻦ ﻣﻨﻪ ﻭﺗﮕﻄﻌﻴﻦ ﻋﻼﻗﺘﺞ ﺑﻲ
ﻋﻮﺩ ﺧﺎﻟﻨﻪ
ﻫﻤﺰﻳﻦ ﻣﺎﺟﺪﻳﻨﻪ ﻣﻨﻪ ﻭﻻﻋﻴﺸﺘﻨﻪ ﻋﻨﺪﺓ ﺷﻮ ﺭﺍﻫﺐ ﻳﺸﺘﻐﻞ ﺑﺘﻌﺒﻪ ﻣﺎﻃﺎﻟﺐ ﻣﻦ ﻋﻨﺪﺓ ﺣﺘﺊ ﻳﻤﻦ ﻋﻠﻴﻨﻪ
ﺯﻫﺮﺓ،،ﻫﻮ ﺧﺎﻟﺞ ﻣﻦ ﮔﺎﻋﻪ ﺑﺨﻴﻞ ﻳﻤﻮﺕ ﻉ ﺍﻟﻔﻠﺲ ﻭﻧﺤﺲ ﻣﺎﻳﺤﺐ ﻏﻴﺮ ﻧﻔﺴﻪ
ﻓﺎﻃﻤﻪ،،ﻣﺎﻣﺎ ﻟﻴﺶ ﻫﻴﺞ ﻳﻜﺮﻫﻨﻪ ??
ﺍﺣﻼﻡ،،ﻗﺒﻞ ﺑﻮﻗﺖ ﺍﻟﻨﻀﺎﻡ ﺍﺟﻪ ﻝ ﺍﺑﻮﺝ ﻭﮔﺎﻟﻪ ﺍﻛﻮ ﺑﺴﺘﺎﻥ ﺍﺭﻳﺪ ﺍﺷﺘﺮﻱ ﻭﺍﺭﻳﺪﻙ ﺗﺴﺎﻋﺪﻧﻲ ﺍﺩﻓﻊ ﺍﻓﻠﻮﺳﻪ
ﺍﺑﻮﺝ ﻗﺒﻞ ﺑﺲ ﮔﺎﻟﻪ ﺍﺩﺧﻞ ﺷﺮﻳﻚ ﻭﻳﺎﻙ ﻭﻻﺯﻡ ﺍﺭﻭﺡ ﺍﺷﻮﻑ ﺍﻟﺒﺴﺘﺎﻥ ﻭﻳﻦ ﻣﻮﻗﻌﻪ ﻭﺷﻨﻮ ﻭﺿﻌﻪ
ﻋﺪﻧﺎﻥ ﺍﺗﺨﺒﻞ ﻉ ﺍﻟﺒﺴﺘﺎﻥ ﻭﻣﺎﻋﻨﺪﺓ ﺍﻟﻤﺒﻠﻎ ﻛﺎﻣﻞ ﺣﺘﺊ ﻳﺸﺘﺮﻱ ﻛﺎﻥ ﻻﺯﻡ ﻳﺪﺧﻞ ﻭﻳﺎﻩ ﺷﺮﻳﻚ
ﻭﻓﻌﻼ ﺭﺍﺡ ﻳﺸﻮﻓﻪ ﻭﺍﺗﻔﺎﺟﺊ ﻣﻦ ﺳﻤﻊ ﻭﺍﺣﺪ ﻣﻦ ﺍﻟﻨﺎﺱ ﮔﺎﻝ ﺟﻮﻩ ﺍﻟﺒﺴﺘﺎﻥ ﺍﻛﻮ ﻣﻘﺒﺮﺓ ﺟﻤﺎﻋﻴﻪ ﻭﺍﻟﻜﻞ ﻳﻌﺮﻑ ﺑﻬﺬﺍ ﺍﻟﺸﻲ ﻟﺬﺍﻟﻚ ﻣﺤﺪ ﻳﺸﺘﺮﻱ ﺷﻌﻨﺪﻙ ﺍﺟﻴﺖ ﻟﻬﻨﺎ ﺗﺮﺓ ﻣﻨﺤﻮﺱ ﻟﻠﻴﺸﺘﺮﻱ
ﻭﺍﺑﻮﺝ ﻣﺎﺻﺪﮒ ﺍﻟﺮﺟﺎﻝ ﺭﺍﺩ ﻳﺸﻮﻑ ﺑﻌﻴﻨﻪ ﺭﺍﺡ ﺟﺎﺏ ﺷﻔﻞ ﻭﺣﻔﺮ ﻭﻓﻌﻼ ﻃﻠﻊ ﺍﻛﻮ ﺍﻋﻀﺎﻡ ﻭﻧﺎﺱ ﻣﺪﻓﻮﻧﻪ ﺑﻤﻼﺑﺴﻬﻢ
ﻗﺒﻞ ﺟﺎﻧﺖ ﺍﻟﻮﺍﺩﻡ ﺍﺗﺨﺎﻑ ﺗﺤﺠﻲ ﻟﺬﺍﻟﻚ ﺍﺑﻮﺝ ﺳﺤﺐ ﺍﻳﺪﺓ ﻭﺑﻄﻞ ﻭﺧﺎﻟﺞ ﺍﺗﺨﺒﻞ ﺍﺷﻠﻮﻥ ﻳﺒﻄﻞ ﻭﻣﺎﻳﺸﺎﺭﻛﻪ ﻭﻫﻮ ﻣﻦ ﺍﻟﺒﺪﺍﻳﻪ ﻃﻠﺐ ﻣﻦ ﺍﺑﻮﺝ ﻳﺪﺍﻳﻨﻪ ﻧﺺ ﺍﻟﻤﺒﻠﻎ ﻭﺍﻟﻨﺺ ﺍﻟﺜﺎﻧﻲ ﺍﺑﻮﺝ ﻳﺪﺧﻞ ﺑﻲ ﺷﺮﻳﻚ
ﻭﺧﺎﻟﺞ ﺟﺎﻧﺖ ﻓﻜﺮﺗﻪ ﻳﺰﻳﺢ ﺍﻟﻨﺨﻞ ﻭﺍﻟﺸﺠﺮ ﻭﻳﺒﻨﻲ ﺑﻤﻜﺎﻧﻬﻦ ﻣﺤﻼﺕ ﻭﻣﻦ ﻳﻮﻣﻬﺎ ﻭﻫﻮ ﺣﺎﻗﺪ
ﺍﺣﻼﻡ،،ﺍﻫﻨﺎ ﻣﺮﺑﻂ ﺍﻟﻔﺮﺱ ﻭﺍﮔﻮﻝ ﻫﺬﺍ ﺍﻟﺰﻟﻤﻪ ﻟﻴﺶ ﻫﻴﺞ ﺣﺎﻗﺪ
ﺭﺍﻫﺐ،،ﻭﺍﻟﻠﻪ ﺷﻔﻴﺖ ﮔﻠﺒﻲ ﺑﻲ ﺑﺲ ﻟﻮ ﻣﺎﻻﺯﻣﻴﻨﻲ ﺟﺎﻥ ﺩﺧﻠﺘﻪ ﻗﺴﻢ ﺍﻟﻜﺴﻮﺭ ﻭﺍﻟﻠﻪ ﻟﺨﻠﻴﻬﻢ ﻳﺠﺒﺮﻭﻧﻪ ﻣﻦ ﺳﺎﺳﻪ ﺍﻟﺮﺍﺳﻪ
ﺍﺣﻼﻡ،،ﻳﻤﻪ ﺩﺧﻴﻠﻚ ﺍﺫﺍ ﺩﺧﻠﺖ ﻟﻠﺴﺠﻦ ﻣﺎﻓﻜﺮﺕ ﺷﻴﺼﻴﺮ ﺑﻴﻪ ﺍﺑﻮﺱ ﺍﻳﺪﻙ ﺍﻭﻟﻴﺪﻱ ﺍﺳﺘﺮ ﻋﻠﻴﻨﻪ ﻣﺎﻋﺪﻧﻪ ﺯﻟﻤﻪ ﻏﻴﺮﻙ
ﺑﻌﺪ ﻓﺘﺮﺓ ﻃﻠﻌﺖ ﺍﻟﻨﺘﺎﺋﺞ ﻭﺭﺍﻫﺐ ﻧﺎﺟﺢ ﺑﻤﻌﺪﻝ ﻛﻠﺶ ﺯﻳﻦ ﺭﻓﻊ ﺭﺍﺳﻲ ﮔﺪﺍﻡ ﺍﻟﻜﻞ ﻭﺛﺒﺘﻠﻲ ﻣﺎﺭﺍﺡ ﺗﻌﺒﻲ ﺑﺎﻟﺨﺎﻟﻲ ﺑﻼﺵ ﺣﺘﺊ ﻗﺎﺳﻢ ﻧﺠﺢ ﺑﺲ ﻣﻌﺪﻟﻪ ﺧﻤﺴﻴﻨﺎﺕ ﺍﻟﻤﻬﻢ ﻧﺠﺢ ﻭﺧﻠﺺ ﻣﻦ ﺍﻟﺜﺎﻟﺚ
ﻣﺮﺓ ﺍﻻﻳﺎﻡ ﻭﺍﻟﺴﻨﻴﻦ ﻭﺻﺎﺭ ﻋﻤﺮ ﺭﺍﻫﺐ 18 ﺳﻨﻪ
ﻭﻫﺎﻱ ﺍﻟﺴﻨﻪ ﻫﻮ ﺳﺎﺩﺱ ﺷﮕﺪ ﺣﺎﻭﻝ ﺣﺘﺊ ﺍﻗﺒﻞ ﻳﺸﺘﻐﻞ ﺑﻌﺪ ﺍﻟﺪﻭﺍﻡ ﺑﺲ ﻣﺎﻗﺒﻠﺖ ﺍﻧﻲ ﻣﺎﺻﺪﮒ ﻳﻨﺠﺢ ﻭﻳﻄﻠﻊ ﻣﻦ ﺍﻟﺴﺎﺩﺱ ﻭﻫﻮ ﻳﺪﻭﺭ ﺷﻐﻞ
ﺻﺢ ﺍﻟﻌﻴﺸﻪ ﺻﺎﺭﺕ ﺍﺻﻌﺐ ﻭﻓﺎﻃﻤﻪ ﺭﻏﻢ ﺍﻟﺨﻄﺎﺑﻪ ﻛﺜﺮﺓ ﻋﻠﻴﻬﺎ ﻻﻥ ﻳﺎﻫﻲ ﺍﻟﺘﺠﻲ ﺗﺨﺒﺰ ﻭﺗﺸﻮﻓﻬﺎ ﺗﺘﻌﺠﺐ ﺑﺸﻜﻠﻬﺎ ﻭﻫﺪﻭﺋﻬﺎ ﺑﺲ ﻫﻲ ﺭﺍﻓﻀﻪ ﻣﺎﺗﻘﺒﻞ
ﺍﻋﺮﻑ ﺷﻨﻮ ﺳﺒﺐ ﺭﻓﻀﻬﺎ ﻻﻥ ﻣﺎﺗﺮﻳﺪ ﺍﺗﻌﻮﻓﻨﻲ ﺍﺧﺒﺰ ﻟﻠﻨﺎﺱ ﻭﺣﺪﻱ ﻭﺍﺧﻴﻂ ﻭﺍﺗﻌﺐ
ﮔﻌﺪﻧﻪ ﺍﻟﺼﺒﺢ ﻣﺜﻞ ﻛﻞ ﻳﻮﻡ ﺭﺍﻫﺐ ﺭﺍﻳﺢ ﻟﻠﺪﻭﺍﻡ
ﻭﺍﻧﻲ ﻭﺑﻨﻴﺘﻲ ﻭﺣﺪﺓ ﺗﺨﺒﺰ ﻭﺍﻟﺜﺎﻧﻴﻪ ﺗﺨﻴﻂ
ﺍﻧﻲ ﻋﻴﻮﻧﻲ ﺗﻌﺒﺖ ﻣﻦ ﺍﻟﺨﻴﺎﻃﻪ ﺻﺎﺭ ﻧﻀﺮﻱ ﻣﻮﻛﻠﺶ ﺻﺎﺣﻲ
ﻭﻓﺎﻃﻤﻪ ﺍﺩﻳﻬﺎ ﻣﮕﺴﺒﻪ ﻣﻦ ﺍﻟﺨﺒﺰ ﻭﺣﺮﺍﺭﺓ ﺍﻟﺘﻨﻮﺭ

ﻣﻦ ﺗﺨﻠﺺ ﻭﺟﻬﺎ ﻳﻨﻄﻌﻦ ﺍﺣﻤﺮ
ﺍﻧﻲ ﻣﺘﻔﻘﻪ ﻭﻳﻪ ﺍﻟﺠﻴﺮﺍﻥ ﺑﻮﻗﺖ ﺍﻟﻤﺪﺭﺳﻪ ﺍﻟﺼﺒﺢ ﻳﺠﻴﺒﻮﻥ ﺍﻟﻌﺠﻴﻦ ﻭﺍﻟﻌﺼﺮ ﺍﻋﺘﺬﺭ ﻣﻨﻬﻢ
ﺻﺎﺭﺕ ﺍﻟﺴﺎﻋﻪ ﺏ 1 ﻭﺍﺑﻨﻲ ﻣﺎﺟﺎﻱ ﻣﻦ ﺍﻟﻤﺪﺭﺳﻪ
ﻭﺟﺰﺕ ﺍﻟﺴﺎﻋﻪ ﻭﺻﺎﺭﺕ ﺏ 3 ﻭﻫﻮ ﺑﻌﺪﺓ ﻣﺎﺟﺎﻱ
ﻟﺰﻣﺖ ﮔﻠﺒﻲ ﻭﺍﻓﺘﺮ ﻣﻨﺎ ﻭﺍﺭﺟﻊ ﻣﻨﺎ ﻭﺍﻡ ﻗﺎﺳﻢ ﻭﻳﺎﻱ ﻻﻥ ﺍﺑﻨﻬﺎ ﻫﻢ ﺑﻌﺪ ﻣﺎﺭﺟﻊ
ﻟﻠﺴﺎﻋﻪ ﺍﺭﺑﻌﻪ ﺩﺧﻞ ﻭﺷﻜﻠﻪ ﻣﺨﺮﺑﻂ ﻭﻣﻼﺑﺴﻪ ﻣﻄﮕﻌﻪ ﻣﺎﻱ
ﺳﺎﻟﺘﻪ ﺑﺨﻮﻑ ﻭﻟﻠﻠﻚ ﻳﻤﻪ ﻭﮔﻌﺖ ﮔﻠﺒﻲ ﻭﻳﻦ ﺟﻨﺖ ﻻ ﺍﻧﺘﻪ ﻭﻻﻗﺎﺳﻢ ﺭﺣﺖ ﺳﺎﻟﺖ ﺍﻣﻪ ﻭﻛﺎﻟﺖ ﺑﻌﺪﺓ ﻣﺎﺍﺟﻪ
ﻭﻳﻦ ﺟﻨﺖ ﺍﻧﺘﻪ ﻭﻳﺎﺍﻩ
ﺭﺍﻫﺐ،،ﻋﻠﺊ ﻛﻴﻔﺞ ﻳﻤﻪ ﺍﻧﻄﻴﻨﻲ ﻣﺠﺎﻝ ﺍﺧﺬ ﻧﻔﺲ
ﺍﻡ ﺣﻼﻡ، ،ﺷﻮﻑ ﺍﻟﺒﻄﺮﺍﻥ ﺍﻧﻲ ﺩﻣﻲ ﻓﺎﻳﺮ ﻭﻫﻮ ﻳﺮﻳﺪ ﻳﺮﺗﺎﺡ
ﺷﻮ ﻫﺬﺍ ﻣﺪ ﺍﻳﺪﻩ ﻟﻠﻤﺤﻔﻀﻪ ﻃﻠﻊ ﻣﻨﻬﺎ ﺍﻓﻠﻮﺱ ﺑﺲ ﻣﺒﻴﻨﺎﺕ ﺍﻫﻮﺍﻱ ﺍﻧﺨﻤﺶ ﮔﻠﺒﻲ ﻻﻥ ﻣﺎﺍﺭﻳﺪ ﻳﺎﻛﻞ ﺣﺮﺍﻡ ﻭﺫﻧﻲ ﻣﺒﻴﻨﺎﺕ ﺍﻫﻮﺍﻱ ﺍﻓﻠﻮﺱ ﻣﻮﻣﺎﻝ ﻭﺍﺣﺪ ﻳﺸﺘﻐﻞ ﻋﺎﻣﻞ ﻭﻳﻨﻄﻮ ﻫﻴﺞ ﻣﺒﻠﻎ
ﻟﻄﻤﺖ ﻋﻠﺊ ﻭﺟﻬﻲ ﮔﺘﻠﻪ ﻭﻟﻠﻠﻚ ﻣﻨﻴﻦ ﺟﺒﺘﻬﻦ ﺑﺎﻳﮕﻬﻦ ﻣﻮﻭﻭﺓ
ﺭﺍﻫﺐ،،ﻣﺎﻣﻘﺒﻮﻟﻪ ﻣﻨﺞ ﻳﻢ ﺭﺍﻫﺐ ﺍﻧﺘﻲ ﻣﺎﻋﻠﻤﺘﻴﻨﻲ ﺍﻣﺪ ﺍﻳﺪﻱ ﻉ ﺍﻟﺤﺮﺍﻡ ﻭﻟﺘﺨﺎﻓﻴﻦ ﺫﻧﻲ ﺣﻼﻝ ﺟﺒﺘﻬﻦ ﺑﺘﻌﺒﻲ
ﺍﻡ ﺍﺣﻼﻡ،،ﺍﺍﺣﺠﻲ ﻣﻨﻴﻦ ﺟﺒﺘﻬﻦ ﻻﺍﺍﺷﮓ ﺛﻮﻭﺑﻲ ﻫﺴﺴﻪ
ﺭﺍﻫﺐ،،ﺭﺍﺡ ﺍﺣﺠﻴﻠﺞ ﺑﺲ ﺍﺳﻜﺘﻲ ﻓﺼﺤﺘﻴﻨﻪ
ﻣﻦ ﺭﺟﻌﺖ ﻣﻦ ﺍﻟﺪﻭﺍﻡ ﺳﻤﻌﺖ ﺍﻛﻮ ﺣﻤﻠﺔ ﺗﻨﻀﻴﻒ ﻟﻠﺸﻄﻮﻁ ﻋﻦ ﺍﻟﺸﻨﺒﻼﻥ ‏( ﻧﻮﻉ ﻣﻦ ﺍﻧﻮﺍﻉ ﺍﻟﻄﺤﺎﻟﺐ ﻳﻄﻔﻮ ﻓﻮﻕ ﺍﻟﻤﺎﺀ ‏)
ﻗﻠﻴﻠﻴﻦ ﺍﻟﻤﺜﻞ ﺣﺎﻟﺘﻲ ﻣﺤﺘﺎﺟﻴﻦ ﺍﻓﻠﻮﺱ ﻭﺍﻟﻤﺒﻠﻎ ﺍﻻﻧﻌﺮﺽ ﻣﻐﺮﻱ ﻣﺎﮔﺪﺭﺕ ﺍﺭﻓﺾ
ﻟﺬﺍﻟﻚ ﻧﺰﻟﺖ ﻧﻀﻔﺖ ﻭﻳﺎﻫﻢ ﺍﻟﺸﻂ ﻭﺍﻧﻄﻮﻧﻲ ﺍﻟﻘﺎﺳﻤﻪ ﺍﻟﻠﻪ
ﺍﻡ ﺍﺣﻼﻡ،،ﺻﺮﺕ ﺍﻟﻄﻢ ﻋﻠﺊ ﻭﺟﻬﻲ ﺑﺎﻟﺰﺍﻳﺪ
ﺍﻟﻠﻠﻪ ﻳﺎﺧﺬﻧﻲ ﺍﻟﻠﻠﻪ ﻳﺨﻠﺼﻨﻲ ﻭﻳﺮﻳﺤﻨﻲ ﻣﻦ ﻫﻠﻌﻴﺸﻪ
ﻭﺍﻟﻠﻚ ﻳﻤﻪ ﺍﺍﺍﻧﺘﻪ ﻫﻠﻮﺣﻴﺪ ﺍﻟﻲ ﻟﻮﻭﻭﻏﺮﮔﺎﻥ ﻭﻣﻴﻴﺖ ﻭﻳﻦ ﺍﻧﻄﻲ ﻭﺟﻬﻲ ﺍﻧﻴﻴﻴﻲ
ﺍﺫﺍ ﺭﺣﺖ ﻣﺮﺓ ﺛﺎﻧﻴﻪ ﺍﻟﻠﻪ ﺷﺎﻫﺪ ﺍﻋﻮﻓﻠﻜﻢ ﺍﻟﺒﻴﺖ ﻭﺍﻫﺞ
ﺭﺍﻫﺐ،،ﻛﺎﺍﻓﻲ ﻳﻤﻤﻪ ﺍﻟﺨﺎﻃﺮ ﺭﺑﺞ ﺗﺮﺓ ﺻﺮﺕ ﺯﻟﻤﻪ ﻭﺑﻌﺪﺝ ﺍﺗﺨﺎﻓﻴﻦ ﺍﻋﻠﻴﻪ ﻋﺒﺎﻟﺞ ﺯﻋﻄﻮﻁ ﮔﺪﺍﻣﺞ
ﺗﺮﺓ ﻛﺒﺮﺕ ﻭﺻﺮﺕ ﺷﺎﺏ ﻭﻛﻠﺸﻲ ﺑﻨﻔﺴﻲ
ﻭﻓﻮﮒ ﻛﻠﺸﻲ ﻃﺎﻟﺐ ﺍﺭﻳﺪ ﺍﻟﻘﻠﻢ ﻭﺍﺭﻳﺪ ﺍﻟﻜﺘﺎﺏ ﻭﺍﻟﻤﻠﺰﻣﻪ ﻭﺍﻧﺘﻲ ﻣﮕﻀﻴﻪ ﻟﻴﻠﺞ ﻭﻧﻬﺎﺭﺝ ﮔﺪﺍﻡ ﺍﻟﻤﻜﻴﻨﻪ
ﻛﺎﻓﻲ ﻋﻮﻓﻴﻨﻲ ﺍﻧﻲ ﺍﻋﺘﻤﺪ ﻋﻠﺊ ﻧﻔﺴﻲ ﻭﺍﻃﻠﻊ ﻣﺼﺮﻓﻲ
ﻭﺧﻠﻲ ﺷﻐﻠﻪ ﺍﺑﺎﻟﺞ ﻣﺤﺪ ﻳﻤﻮﺕ ﻧﺎﻗﺺ ﻋﻤﺮ ﻛﻞ ﻭﺍﺣﺪ ﻳﻤﻮﺕ ﺑﻴﻮﻣﻪ ﺍﻛﻮ ﻭﺭﻗﻪ ﺍﻟﻨﻪ ﻋﻨﺪ ﺍﻟﻪ ﻣﻦ ﺗﺨﻠﺺ ﻭﺭﻗﺘﻲ ﻭﺗﻴﺒﺲ ﺫﻳﺞ ﺍﻟﺴﺎﻋﻪ ﺍﻣﻮﺕ ﻭﻳﻜﻮﻥ ﻫﺬﺍ ﺍﻟﻜﺎﺗﺒﻪ ﺍﻟﻠﻪ
ﺍﻡ ﺍﺣﻼﻡ،،ﺍﻋﺮﻓﻪ ﺭﺍﺳﻪ ﻳﺎﺑﺲ ﻣﺎﻳﺴﻤﻊ ﻛﻼﻣﻲ
ﺍﻣﻨﺘﻪ ﻳﻢ ﺭﺏ ﺍﻟﻌﺎﻟﻤﻴﻦ ﻳﺤﻔﻀﻪ ﺑﺮﻭﺣﺘﻪ ﻭﺟﻴﺘﻪ ﻻﻥ ﻣﺎﻋﻨﺪﻱ ﻏﻴﺮﺓ ﺑﻌﺪ ﺍﻟﻠﻪ ﺳﺒﺤﺎﻧﻪ ﻭﺗﻌﺎﻟﺊ
ﺍﻟﺼﺒﺢ ﻫﻮ ﺭﺍﺡ ﻟﻠﺪﻭﺍﻡ ﻭﺍﻧﻲ ﺍﺧﺬﺕ ﺍﻟﻌﺠﻴﻦ ﺑﻤﻜﺎﻥ ﻓﺎﻃﻤﻪ ﺍﺳﺎﻋﺪﻫﺎ
ﻛﻤﻠﺖ ﺧﺒﺰ ﺍﻧﺪﮒ ﺍﻟﺒﺎﺏ ﻋﺒﺎﻟﻲ ﺟﻴﺮﺍﻧﻪ ﺍﺟﻮ ﻳﺎﺧﺬﻭﻥ ﺧﺒﺰﻫﻢ ﺑﺲ ﺍﺗﻔﺎﺟﺌﺖ ﻣﻦ ﺷﻔﺘﻪ ﺭﺍﻫﺐ
ﺑﻘﻴﺖ ﺍﻣﺘﻤﺖ ﻣﺎﺍﻋﺮﻑ ﺷﺤﺠﻲ ﻻﻥ ﺻﺎﺭ ﺍﺳﻨﻴﻦ ﺍﺧﺒﺰ ﺑﺪﻭﻥ ﻋﻠﻤﻪ ﺍﺩﺭﻱ ﻣﺎﻳﻘﺒﻞ ﻭﺍﺩﺭﻱ ﺍﺫﺍ ﻋﺮﻑ ﺭﺍﺡ ﻳﺴﺘﺼﻐﺮ ﻧﻔﺴﻪ ﻻﻥ ﺍﻣﻪ ﻭﺍﺧﺘﻪ ﻋﺎﻳﺸﺎﺕ ﺑﺮﺣﻤﺔ ﺍﻟﻌﺎﻟﻢ ﻣﻦ ﺍﻟﺨﺒﺰ ﻭﺍﻟﺮﻭﺑﻪ
ﺭﺍﻫﺐ،،ﺷﺒﻴﺞ ﻳﻤﻪ ﺻﺎﻓﻨﻪ ﺧﻠﻴﻨﻪ ﺍﻓﻮﺕ ﻟﻴﺶ ﺳﺎﺩﺓ ﺍﻟﺪﺭﺏ ?
ﺍﻡ ﺍﺣﻼﻡ،،ﻫﺎﺍ ﻻ ﻣﻮ ﺳﺎﺩﺓ ﺍﻟﺪﺭﺏ ﺑﺲ ﻟﻴﺶ ﺭﺟﻌﺖ ﻣﻦ ﻭﻛﺖ ?
ﺭﺍﻫﺐ،، ﺍﻟﻜﻬﺮﺑﺎﺀ ﺿﺎﺭﺑﻪ ﻓﻴﻮﺯ ﻭﺍﺧﺮ ﺛﻼﺙ ﺩﺭﻭﺱ ﻣﺎﺩﺧﻠﻨﻪ ﺍﻻﺳﺎﺗﺬﺓ ﻭﻃﻠﻌﻮﻧﻪ
ﺑﺲ ﺷﻨﻮ ﻫﺬﺍ ﺍﻟﺨﺒﺰ ﺍﻟﻤﻦ ﺧﺎﺑﺰﺓ ﻫﻠﮕﺪ ﻋﺒﺎﻟﻚ ﻋﻨﺪﺝ ﻋﺰﻳﻤﻪ
ﺍﻡ ﺍﺣﻼﻡ،،ﻫﺎ ﺍﺍﺍ ﻡ ﻣﻮ ﺍﺣﻨﻪ ﻧﺨﺒﺰ ﻛﻞ ﺍﺳﺒﻮﻉ ﻧﺠﻤﺪﺓ ﺑﺎﻟﻤﺠﻤﺪﺓ
ﻣﺎﺍﻋﺮﻑ ﺍﺷﻠﻮﻥ ﺟﺬﺑﺖ ﻫﻠﺠﺬﺑﻪ ﮔﺪﺍﻣﻪ
ﺭﺍﻫﺐ،،ﺷﻨﻮ ﺍﻟﺴﺎﻟﻔﻪ ﻳﻤﻪ ﻭﻣﺘﻌﺒﻪ ﻧﻔﺴﺞ ﻫﻮ ﺍﺣﻨﻪ ﺛﻼﺙ ﻧﻔﺮﺍﺕ ﻟﻮ ﻛﻞ ﻳﻮﻣﻴﻦ ﺗﺨﺒﺰﻳﻦ ﻋﺸﺮ ﺍﮔﺮﺹ ﻫﻢ ﺍﻫﻮﺍﻱ ﻭﺯﺍﻳﺪﺍﺕ ﺑﺪﻝ ﻫﺬﺍ ﺗﻌﺒﺞ
ﺍﻡ ﺍﺣﻼﻡ،،ﺍﺍﻱ ﻳﻤﻪ ﺍﻧﺸﺎﺀﺍﻟﻠﻪ
ﺑﻘﻴﺖ ﮔﺎﻋﺪﺓ ﻋﻠﺊ ﺍﻋﺼﺎﺑﻲ ﻭﺍﺩﻋﻲ ﺍﻟﻠﻪ ﻛﻮﻥ ﺍﻟﻴﻮﻡ ﻣﺤﺪ ﺗﺠﻲ ﺗﺨﺒﺰ ﻭﻻﻭﺣﺪﺓ ﺗﺮﻳﺪ ﺭﻭﺑﻪ
ﺭﺍﻫﺐ ﺳﺒﺢ ﻭﻟﺒﺲ ﺍﺗﺮﺍﻙ ﻭﺭﺍﺡ ﺍﻟﺒﻴﺖ ﻗﺎﺳﻢ
ﻧﺺ ﺳﺎﻋﻪ ﻭﺍﻧﺪﻓﺮ ﺍﻟﺒﺎﺏ ﻭﺩﺧﻞ ﺍﺑﻨﻲ ﻓﺎﻗﺪ ﺍﻋﺼﺎﺑﻪ ﻭﺍﻟﻮﺟﻪ ﻣﻄﻌﻮﻥ ﺍﺣﻤﺮ
ﺭﺍﻫﺐ،،ﺍﻧﻨﺘﻲ ﺍﻡ ﺍﺣﻼﻡ ﺍﻟﺨﺒﺎﺯﺓ ﻣﻮﻭﻭﻭ ???

ﻳﺘﺒﻊ

#ثأر_الضابط



بارت٣

ﻋﻠﻤﻨﻲ ﺍﺷﺒﮕﻪ ﺷﺒﮓ
ﻭﻟﻮ ﻣﺎﺍﺷﺒﮕﻪ ﺍﺧﺘﻨﮓ
ﻭﺑﺎﻟﻌﺸﮓ ﺍﻧﻪ ﺍﺧﺘﻠﻒ
ﺣﺘﺊ ﺑﺼﻼﺗﻲ ﻋﺸﮓ
ﻣﺎﺑﻴﻦ ﻓﺮﺽ ﻭﻓﺮﺽ
ﺍﺧﺬﻟﻲ ﺷﻔﻪ ﻭﺣﻠﮓ
،،،،،،،،،،،،،،،،،،،،


،،،،،،،،،،،،،،،،،،،،،،
ﺍﻡ ﺍﺣﻼﻡ،،ﺩﺧﻞ ﻣﺜﻞ ﺍﻻﻋﺼﺎﺭ ﻣﺎﻳﺸﻮﻑ ﮔﺪﺍﻣﻪ
ﮔﺘﻠﻪ ﺑﺨﻮﻑ ﺍﺳﻢ ﺍﻟﻠﻪ ﻳﻤﻪ ﺍﺷﺒﻴﻚ ?
ﺩﻓﻊ ﺍﻳﺪﻱ ﻭﮔﺎﻝ
ﺭﺍﻫﺐ،،ﺳﺎﻟﺘﺞ ﻳﻤﻪ ﻭﺟﺎﻭﺑﻴﻨﻲ ﺍﺣﻨﻪ ﺑﻴﺖ ﺍﻟﺨﺒﺎﺯﺓ ﻭﺍﻡ ﺍﻟﺮﻭﺑﻪ ?
ﺍﻡ ﺍﺣﻼﻡ،،ﻧﺰﻟﻦ ﺩﻣﻮﻋﻲ ﻭﺍﻧﻪ ﺍﺷﻮﻓﻪ ﻳﺤﺠﻲ ﻭﻳﺮﺟﻒ ﻣﻦ ﺍﻟﻌﺼﺒﻴﻪ ﮔﺘﻠﻪ ﻭﺍﻧﻲ ﺍﻣﺜﻞ ﺍﻟﻜﺒﺮﻳﺄﺀ ﻭﺍﻟﻘﻮﺓ
ﺍﻱ ﻳﻤﻪ ﺍﺣﻨﻪ ﻭﺍﻟﺸﻐﻞ ﻣﻮﻋﻴﺐ ﻃﻮﻝ ﻋﻤﺮﻱ ﻣﻮﻛﻠﺘﻜﻢ ﻣﺎﻝ ﺣﻼﻝ ﺑﺘﻌﺒﻲ ﻭﺗﻌﺐ ﺍﺧﺘﻚ ﻭﺗﻌﺒﻚ
ﺍﻧﻲ ﻣﺎﺗﻬﻤﻨﻲ ﺍﻟﻤﻀﺎﻫﺮ ﺍﻟﻤﻬﻢ ﻣﺎﺍﻗﺼﺮ ﻋﻨﻜﻢ ﺑﺸﻲ ﻟﻮ ﺍﻋﺮﻑ ﺍﺷﺘﻐﻞ ﺧﺪﺍﻣﻪ ﺑﺎﻟﺒﻴﻮﺕ
ﺭﺍﻫﺐ،،ﻗﺴﻤﺎ ﺑﻤﺤﻤﺪﺩﺩ ﺍﺫﺍ ﺳﻤﻌﺖ ﺑﻴﺠﻦ ﺧﺎﺑﺰﺍﺕ ﺍﻟﻮﺍﺣﺪ ﺍﺣﺮﮒ ﺍﻟﺒﻴﺘﺘﺘﺖ ﺳﻤﻌﺘﻨﻨﻨﻦ
ﺍﻡ ﺍﺣﻼﻡ ﺗﺮﻛﻨﻪ ﻭﺭﺍﺡ ﻭﻫﻮ ﺭﻭﺣﻪ ﺷﺎﻳﻄﻪ ﻟﻠﻴﻞ ﻭﻫﻮ ﻣﺎﻛﻮ ﺍﺗﺼﻠﺖ ﺑﻘﺎﺳﻢ ﻣﻦ ﺍﻟﺘﻠﻴﻔﻮﻥ ﺍﻻﺭﺿﻲ ﮔﺎﻝ ﻧﺎﻳﻢ ﺑﺎﻻﺳﺘﻘﺒﺎﻝ ﻳﻤﻲ ﻻﺗﺨﻔﻴﻦ ﻣﻦ ﻳﻬﺪﺉ ﻳﺮﺟﻊ
ﻋﻔﺘﻪ ﺑﺮﺍﺣﺘﻪ ﻣﻦ ﻳﻌﺮﻑ ﺍﻟﺠﺎﻱ ﺍﺳﻮﻱ ﺍﻟﻤﺼﻠﺤﺘﻪ ﺭﺍﺡ ﻳﺒﺮﺩ ﮔﻠﺒﻪ
ﺑﻌﺪﻫﺎ ﺍﺑﺘﺪﺕ ﺍﻻﻣﺘﺤﺎﻧﺎﺕ ﺳﺎﺩﺱ ﻭﺯﺍﺭﻱ ﻣﺎﺧﻠﻴﺖ ﻭﺍﺣﺪ ﻣﺎﻧﺨﻴﺘﻪ ﺍﺳﻤﻨﻲ ﺍﺩﻋﻲ ﺍﻟﻠﻪ ﻭﺍﻫﻞ ﺑﻴﺘﻪ ﻳﻨﺠﺢ ﻭﻟﻴﺪﻱ ﻭﻳﺎﺧﺬ ﺍﻟﺸﻬﺎﺩﺓ ﺑﻴﺪﺓ
ﺭﻏﻢ ﻛﻼﻣﻪ ﻭﻳﺎﻱ ﻗﻠﻴﻞ ﺑﻌﺪﺓ ﺿﺎﻳﺞ ﻣﻨﻲ ﻻﻥ ﺿﻤﻴﺖ ﻋﻨﻪ ﺳﺎﻟﻔﺔ ﺍﻟﺨﺒﺰ ﺑﺲ ﻫﻮ ﮔﺪﺍﻡ ﻋﻴﻨﻲ ﻛﻠﺸﻲ ﻣﺎﺍﺭﻳﺪ ﺧﻠﻲ ﺯﻋﻼﻥ ﺑﺲ ﺍﻟﻤﻬﻢ ﻣﮕﺎﺑﻠﻨﻲ ﻭﮔﺎﻋﺪ
ﺍﻧﺘﻬﺖ ﺍﻻﻣﺘﺤﺎﻧﺎﺕ ﻭﺭﺍﻫﺐ ﺻﻔﻪ ﺟﻠﺪ ﻭﻋﻀﻢ ﻣﻦ ﺍﻟﺪﺭﺍﺳﻪ ﺑﺲ ﺍﻟﻠﻪ ﻋﻮﺿﻪ ﻣﻦ ﻧﺠﺢ ﻭﺟﺎﺏ ﻣﻌﺪﻝ ﻋﺎﻟﻲ
ﻣﻦ ﻓﺮﺣﺘﻲ ﺭﻛﻀﺖ ﻝ ﺍﺑﻮ ﺍﻻﺳﻮﺍﻕ ﺍﺷﺘﺮﻳﺖ ﺟﻜﻠﻴﺖ ﺻﺮﺕ ﺍﻣﺸﻲ ﻭﺍﻧﺜﺮ ﺑﺎﻟﺸﺎﺭﻉ ﻧﺎﺫﺭﺓ ﻧﺬﺭ ﺍﻟﻮﺟﻪ ﺍﻟﻠﻪ
ﻣﻌﺪﻟﻪ ﻋﺎﻟﻲ ﺍﺗﻤﻨﻴﺖ ﻳﻄﻠﻊ ﻣﻬﻨﺪﺱ ﻟﻮ ﺻﻴﺪﻻﻧﻲ
ﺑﺲ ﻓﺎﺟﺌﻨﻲ ﻣﻦ ﮔﺎﻝ
ﺭﺍﻫﺐ،،ﻳﻤﻪ ﺭﺍﺡ ﺍﻗﺪﻡ ﻋﻠﺊ ﻛﻠﻴﻪ ﺍﻟﻀﺒﺎﻁ ﻻﻥ ﻫﺬﺍ ﺣﻠﻤﻲ ﻣﻦ ﺯﻣﺎﻥ
ﺍﻡ ﺍﺣﻼﻡ،،ﻭﻟﻴﺪﻱ ﻣﻨﻴﻦ ﺍﺟﺘﻚ ﺍﻟﻔﻜﺮﺓ ﻫﺎﻱ ﻭﺍﻧﻲ ﻭﺍﺧﺘﻚ ﻣﻨﻮ ﺍﻟﻨﻪ ??
ﺭﺍﻫﺐ،،ﻟﻴﺶ ﺍﻧﻲ ﻭﻳﻦ ﺭﺣﺖ ?
ﺍﻡ ﺍﺣﻼﻡ،،ﻳﻤﻪ ﺩﻭﺭﺓ ﻭﺗﺪﺭﻳﺐ ﻭﻳﺎﺩﻭﺏ ﻧﺼﻴﺮ ﻧﺸﻮﻓﻚ
ﺭﺍﻫﺐ،،ﻛﻠﻬﺎ ﻛﻢ ﺷﻬﺮ ﻭﺗﻨﺘﻬﻲ ﺍﻟﺪﻭﺭﺓ ﻭﺑﻌﺪﻫﺎ ﺍﺩﺍﻭﻡ ﻛﻠﻴﻪ ﺿﺒﺎﻁ
ﻣﺎﺗﻜﻴﻔﻴﻦ ﺍﺑﻨﺞ ﻳﺼﻴﺮ ﺿﺎﺑﻂ ﻭﺗﻔﺘﺨﺮﻳﻦ ﺑﻲ ?
ﺍﻡ ﺍﺣﻼﻡ،،ﻳﻮﻭﻡ ﺍﻟﻤﻨﻪ ﻭﻟﻴﺪﻱ ﺑﺲ ﮔﻠﺐ ﻭﺍﻟﺪﻩ ﻭﺍﺧﺎﻑ ﺍﻋﻠﻴﻚ
ﺭﺍﻫﺐ،،ﻻﺗﺨﺎﻓﻴﻦ ﻳﺎﻟﻐﺎﻟﻴﻪ ﺍﻟﻠﻪ ﺍﻟﺤﺎﻓﺾ
ﻋﻮﺩﺓ ﻟﻠﺤﺎﺿﺮ، ،،،،،،،،،،،،،،،،،،
ﺭﺍﻫﺐ،،ﻓﺰﻳﺖ ﻣﻦ ﺻﻔﻨﺘﻲ ﻋﻠﺊ ﺻﻮﺕ ﻗﺎﺳﻢ ﺩﺧﻞ ﺑﻴﺪﺓ ﮔﻼﺹ ﺟﺎﻱ
ﺍﺧﺬﺗﻪ ﻣﻨﻪ
ﺍﺍﺍﻳﻲ ﺗﺴﻠﻢ ﺍﺑﻮ ﺍﻟﺸﺒﺎﺏ ﺍﺟﻪ ﺑﻮﻛﺘﻪ
ﻗﺎﺳﻢ،،ﻭﺍﺷﺒﻴﻚ ﻟﻜﻴﺘﻚ ﺻﺎﻓﻦ ﺍﻟﻴﺸﻮﻓﻚ ﻳﮕﻮﻝ ﻏﺮﮔﺖ ﺍﻟﺴﻔﻦ ﻣﺎﻟﺘﻪ ﻭﺍﻧﺒﺎﮔﻦ ﺍﻟﺒﻌﺮﺍﻥ
ﺭﺍﻫﺐ،، ﻻﻭﻟﻚ ﺑﺲ ﺍﺗﺬﻛﺮﺕ ﺍﻳﺎﻡ ﮔﺒﻞ
ﻗﺎﺳﻢ،،ﺗﺬﻛﺮ ﻣﻦ ﺟﻨﺖ ﺗﻔﺸﺦ ﺍﻟﺰﻋﺎﻃﻴﻂ ﻭﺍﻧﻲ ﺍﻧﻜﺘﻞ ﺑﻤﻜﺎﻧﻚ
ﺭﺍﻫﺐ،،ﺍﻧﺘﻪ ﻣﻄﻲ ﺟﺎ ﺷﺴﻮﻳﻠﻚ ﻣﺸﻜﻠﺘﻚ ﻫﺎﻱ
ﻗﺎﺳﻢ،،ﻫﻮ ﻫﺬﺍ ﺗﺎﻟﻴﻲ ﺑﺎﻻﺧﻴﺮ ﺻﺮﺕ ﻣﻄﻲ
ﺭﺍﻫﺐ،،ﻫﻪ ﺣﺸﻪ ﺍﻟﺪﻭﻧﻜﻲ
ﻗﺎﺳﻢ،،ﻭﻟﻚ ﺍﻟﺪﻭﻧﻜﻲ ﻗﺮﺩ
ﺭﺍﻫﺐ،،ﺩﮔﻮﻡ ﻳﺎﻗﺮﺩ ﻳﺎﺍﺑﻦ ﺍﻟﻘﺮﺩ ﺷﻮﻓﻠﻨﻪ ﺷﻲ ﻧﺎﻛﻠﻪ ﺣﻤﺴﺘﻨﻲ ﺣﻤﺲ ﺑﺎﻟﺠﺎﻱ
ﻗﺎﺳﻢ،،ﺍﮔﻠﻚ ﺗﺮﺓ ﺍﻧﻲ ﻭﺍﻧﺘﻪ ﻧﻔﺲ ﺍﻟﺮﺗﺒﻪ ﻻﺭﺗﺒﺘﻚ ﺍﻋﻠﺊ ﻣﻨﻲ ﻭﻻﺭﺗﺒﺘﻲ ﺍﻋﻠﻪ . ﻣﻨﻚ ﻭﻛﺎﺿﻴﻬﺎ ﺗﺨﺪﻡ ﺑﺮﺍﺳﻲ
ﻭﻓﻮﮒ ﺍﻟﻀﻴﻢ ﻭﻟﻚ ﺍﻧﻪ ﺍﻛﺒﺮ ﻣﻨﻚ ﺣﻴﻮﺍﻥ
ﺭﺍﻫﺐ،،ﻫﻬﻪ ﺍﻟﻴﺸﻮﻓﻨﻪ ﺳﻮﺓ ﻋﺒﺎﻟﻬﻢ ﺍﻧﻪ ﺍﺑﻮﻙ
ﻗﺎﺳﻢ، ،ﻏﻴﺮ ﺍﻟﻠﻪ ﻣﺒﺎﺭﻙ ﺑﻴﻚ ﻣﺨﻠﻴﻚ ﺷﻜﺒﺮﻙ ﻋﺒﺎﻟﻚ ﻣﻼﻛﻢ
ﺍﻛﻠﻚ ﺑﺲ ﺍﺭﻳﺪ ﺍﺳﺎﻟﻚ ﺳﺆﺍﻝ
ﺍﻧﻪ ﻭﺍﻧﺘﻪ ﺩﻭﻡ ﺳﻮﺓ ﻭﻧﺎﻛﻞ ﻧﻔﺲ ﺍﻻﻛﻞ
ﺷﻮ ﺍﻧﻪ ﺷﻜﻠﻲ ﺑﺎﻟﻨﺰﻻﻥ ﻭﺭﮔﺒﺘﻲ ﺑﺮﻓﻊ ﺍﻟﻤﺤﺒﺲ ﻭﺍﻧﺘﻪ ﺭﮔﺒﺘﻚ ﺍﻟﻴﺮﻳﺪ ﻳﺬﺑﺤﻚ ﻻﺯﻡ ﻳﺬﺑﺤﻚ ﺑﺎﻟﻜﻮﺳﺮﺓ ﻻﻥ ﺍﻟﺴﭽﻴﻨﻪ ﺗﻨﻌﻤﻲ
ﺭﺍﻫﺐ،،ﺩﮔﻮﻭﻭﻡ ﻻﺑﺎﺭﻙ ﺍﻟﻠﻪ ﺑﻴﻚ ﺍﮔﻮﻝ ﻣﻨﻮ ﺣﺎﺳﺪﻧﻲ ﻃﻠﻌﺖ ﺍﻧﺘﻪ
ﻗﺎﺳﻢ،،ﻋﻮﻓﻚ ﻣﻦ ﻫﺬﺍ ﺍﻟﺤﺠﻲ ﺍﻟﻴﻮﻡ ﻣﻌﺰﻭﻣﻴﻦ ﻳﻢ ﺍﻟﺸﻠﻪ ﺑﺎﺟﺮ ﺍﺟﺎﺯﺓ ﺧﻠﻴﻨﻪ ﺍﻟﻴﻮﻡ ﻧﺴﻬﺮ ﻟﻠﺼﺒﺢ
ﺭﺍﻫﺐ،،ﻧﺴﻬﺮ ﻟﻴﺶ ﻻ
ﻗﺎﺳﻢ،،ﺑﺲ ﺑﺮﻭﺡ ﺍﺑﻮﻙ ﻓﻚ ﺍﻟﺠﺒﺴﻪ ﺷﻮﻳﻪ ﻭﺍﺿﺤﻚ ﺗﺮﺓ ﻣﺎﻣﺎﺧﺬﻙ ﺍﻟﻔﺎﺗﺤﻪ ﻛﻞ ﻣﺎﺍﺧﺬﻙ ﺍﻟﻮﺟﻪ ﻣﻌﻘﻮﺝ ﻋﺒﺎﻟﻚ ﻋﻨﺪﻙ ﻃﻼﺑﻪ ﻭﺗﺮﻳﺪ ﺗﺘﻌﺎﺭﻙ ﺍﺿﺤﻚ ﺑﺎﺑﺎ ﺍﺿﺤﻚ ﺗﺮﺓ ﺍﻟﻀﺤﻚ ﺑﻼﺵ ﻣﻮﺑﻔﻠﻮﺱ
ﺭﺍﻫﺐ،،ﺍﺿﺤﻚ ﻣﻦ ﺍﺳﻮﻱ ﺍﻟﺒﺎﻟﻲ ﻭﻳﻬﺪﺉ ﺿﻤﻴﺮﻱ ﺳﺎﻋﺘﻬﺎ ﺍﺷﺒﻌﻚ ﺿﺤﻚ
ﻗﺎﺳﻢ،،ﺳﻮﻳﺘﻠﻲ ﻭﺍﻫﺲ ﺍﺭﻭﺡ ﺍﺫﺑﺢ ﺟﻼﻝ ﻋﺎﺩ ﻧﺸﻮﻑ ﺿﺤﻜﺘﻚ ﺣﺘﺊ ﻧﮕﻮﻝ ﻋﻨﺪﺓ ﺍﺳﻨﻮﻥ
ﺭﺍﻫﺐ،،ﺍﺑﺘﺴﻤﺖ ﻋﻠﺊ ﻛﻼﻣﻪ
ﻃﻠﻊ ﻗﺎﺳﻢ ﻭﺭﺟﻌﺖ ﺿﻬﺮﻱ ﻉ ﺍﻟﻜﺮﺳﻲ ﺭﻓﻌﺖ ﺭﺟﻠﻴﻪ ﻉ ﺍﻟﻤﻴﺰ ﺍﻟﻜﺪﺍﻣﻲ ﺧﻠﻴﺖ ﺍﺩﻳﻪ ﺟﻮﺓ ﺭﺍﺳﻲ
ﻋﺠﻴﺐ ﺍﺷﻠﻮﻥ ﺧﻠﺼﺖ ﺫﻳﺞ ﺍﻟﺴﻨﻴﻦ ﺍﻟﻲ ﺩﺍﺋﻤﺎ ﺍﺳﻤﻴﻬﻦ ﺳﻨﻴﻦ ﺍﻟﻘﺤﻂ ﻭﺍﻟﻌﻮﺯ ﺩﺍﺋﻤﺎ ﺟﺎﻧﺖ ﺍﻣﻲ ﺗﮕﻮﻝ ﻳﺠﻲ ﻳﻮﻡ ﻭﻳﺨﻠﺼﻦ ﺳﻨﻴﻦ ﺍﻟﻌﺠﺎﻑ ﻭﻳﺤﻞ ﻣﺤﻠﻬﻦ ﺳﻨﻴﻦ ﺍﻟﺮﺍﺣﻪ ﻭﺍﻟﺨﻴﺮ
ﺑﻌﺪ ﻣﺎﺩﺧﻠﺖ ﻛﻠﻴﻪ ﺿﺒﺎﻁ ﻭﺑﻌﺪﻫﺎ ﺍﺗﺮﻓﻌﺖ ﻣﻼﺯﻡ ﻭﺍﻧﻮﺏ ﻣﻼﺯﻡ ﺍﻭﻝ ﺑﺲ ﺑﻌﺪﺓ ﻃﻤﻮﺣﻲ ﺍﺭﻳﺪ ﺍﻛﺜﺮ
ﺑﻬﺎﻱ ﺍﻟﺴﻨﻴﻦ ﺣﺪﻳﺖ ﺍﺳﻨﻮﻧﻲ ﻋﻠﺊ ﻋﻤﻲ ﺍﻛﺜﺮ ﺍﺗﻤﻨﻴﺖ ﺍﺷﻮﻓﻪ ﻛﺪﺍﻣﻲ ﻳﻤﻜﻦ ﺍﻛﻠﻪ ﻭﻣﺎﻳﺒﺮﺩ ﮔﻠﺒﻲ
ﻋﺮﻓﺖ ﺑﻲ ﺳﺎﻓﺮ ﺍﻝ ﺳﻮﺭﻳﻪ ﺳﻨﺘﻴﻦ ﻭﺭﺟﻊ ﻭﺣﺎﻟﻴﺎ ﻣﺴﺘﻘﺮ ﺍﺑﻐﺪﺍﺩ
ﺑﻌﺪ ﻣﺎﺟﺎﻥ ﺑﻴﺘﻪ ﻗﺮﻳﺐ ﻋﻠﺊ ﺑﻴﺘﻨﻪ ﺑﺎﻟﻨﺠﻒ
ﻗﺒﻞ ﻓﺘﺮﺓ ﻋﺮﻓﺖ ﺍﺧﺒﺎﺭﺓ ﻭﻋﺮﻓﺖ ﻭﻳﻦ ﮔﺎﻋﺪ ﻭﺷﻨﻮ ﺷﻐﻠﻪ ﻭﺷﺴﻮﻩ ﻣﺎﺳﻮﺓ ﺑﻬﺎﻱ ﺍﻟﺴﻨﻴﻦ
ﻣﺎﺷﺎﻳﻔﻪ ﻭﻻﻣﺮﺓ ﺑﺲ ﺟﺎﻧﺖ ﺍﻛﻮ ﺻﻮﺭﺓ ﺍﻟﻪ ﻭﻳﻪ ﺍﺑﻮﻱ
ﮔﺼﻴﺘﻬﺎ ﻻﻥ ﻛﺎﺭﻩ ﻭﻛﻔﺘﻪ ﻳﻢ ﺍﺑﻮﻱ ﻭﻫﻮ ﭼﺘﺎﻟﻪ
ﺣﻠﻔﺖ ﺍﺩﻓﻌﻪ ﺍﻟﺜﻤﻦ ﻭﻻﺯﻡ ﻳﻜﻮﻥ ﻏﺎﻟﻲ ﺑﻐﻼﺓ ﺭﻭﺡ ﺍﺑﻮﻱ
ﻓﺘﺤﺖ ﺍﻟﻤﺠﺮ ﻭﻃﻠﻌﺖ ﺻﻮﺭﺓ ﻫﻮ ﻭﻋﺎﺋﻠﺘﻪ ﻛﻞ ﻭﺍﺣﺪ ﻣﻠﻒ ﻭﺣﺪﺓ
ﺟﻼﻝ ﺻﺎﻳﺮ ﺗﺎﺟﺮ ﺑﺎﻻﺭﺍﺿﻲ ﺍﻟﺰﺭﺍﻋﻴﻪ ﻭﺑﻨﻔﺲ ﺍﻟﻮﻗﺖ ﺩﻻﻝ ﻣﺎﻝ ﺑﻴﻮﺕ
ﺭﺍﻓﺪ ﺍﻻﺑﻦ ﺍﻻﻛﺒﺮ ﺧﺮﻳﺞ ﺍﺩﺍﺭﺓ ﻭﺍﻗﺘﺼﺎﺩ ﮔﺎﻋﺪ ﺑﺪﻭﻥ ﻭﺿﻴﻔﻪ ﻋﻨﺪﺓ ﻣﺤﻞ ﺍﻧﺸﺎﺋﻴﺎﺕ

ﻣﺤﻤﺪ،،ﺍﻻﺑﻦ ﺍﻟﻮﺳﻄﺎﻧﻲ ﻭﻫﺬﺍ ﺷﻐﻠﺘﻪ ﻣﻌﻠﻢ ﻣﺘﻌﻴﻦ ﺑﻤﺪﺭﺳﻪ ﺍﻫﻠﻴﻪ
ﺣﺎﻟﻴﺎ ﺟﺎﻱ ﺍﺟﻤﻊ ﻣﻌﻠﻮﻣﺎﺕ ﻋﻨﻬﻢ ﻋﻦ ﻃﺮﻳﻖ ﻭﺍﺣﺪ ﻳﻌﺮﻓﻪ ﻗﺎﺳﻢ
ﻗﺎﺳﻢ ﺭﻓﻴﺞ ﺩﺭﺑﻲ ﻭﺍﺧﻮﻱ ﻭﺍﺣﺰﺍﻡ ﺿﻬﺮﻱ ﻳﻌﺮﻑ ﻛﻠﺸﻲ ﻋﻨﻲ ﻟﺬﺍﻟﻚ ﺳﻠﻤﺘﻪ ﺍﻟﻤﻬﻤﻪ ﺣﺘﺊ ﻳﻌﺮﻑ ﺍﺧﺒﺎﺭﻫﻢ
ﮔﺎﻝ ﺑﻌﺪ ﺍﺛﻨﻴﻦ ﻣﻦ ﺍﻟﻌﺎﺋﻠﻪ ﻏﻴﺮ ﺍﻻﻡ ﺑﺎﺟﺮ ﺍﻟﻮﻟﺪ ﻳﺠﻴﺒﻠﻚ ﻣﻌﻠﻮﻣﺎﺗﻬﻢ
ﺻﺎﺭﺕ ﺍﻟﺴﺎﻋﻪ ﺏ 5 ﺍﻟﻌﺼﺮ ﻃﻠﻌﺖ ﻣﻦ ﺍﻟﻤﺮﻛﺰ
ﺭﺣﺖ ﻟﻠﺸﻘﻪ ﻣﺎﻟﺘﻨﻪ ﻣﺎﺟﺮﻳﻬﺎ ﺍﻧﻪ ﻭﻗﺎﺳﻢ ﺑﺲ ﻛﻞ ﻭﺍﺣﺪ ﺑﻴﻨﻪ ﻳﻨﺰﻝ ﺑﻔﺘﺮﺓ ﺗﺨﺘﻠﻒ ﻧﺎﺩﺭﺍ ﻣﺎﻧﻠﺘﺤﻖ ﺳﻮﻩ
ﻧﺰﻋﺖ ﻣﻼﺑﺴﻲ ﻭﺩﺧﻠﺖ ﻟﻠﺤﻤﺎﻡ ﺳﺒﺤﺖ
ﻭﺍﺭﺗﺎﺣﻴﺖ ﺑﻌﺪﻫﺎ ﺍﺧﺬﺕ ﻧﻘﺎﻟﻲ ﺍﺗﺼﻠﺖ ﺑﺎﻟﻮﺍﻟﺪﻩ ﺣﻴﻞ ﻣﺸﺘﺎﻗﻠﻬﺎ ﺻﺎﺭ ﺍﺳﺒﻮﻉ ﻣﺎﺷﺎﻳﻔﻬﺎ
ﺍﻡ ﺍﺣﻼﻡ،،ﻳﻤﻪ ﺍﻭﻟﻴﺪﻱ ﻳﺒﻌﺪ ﺍﻣﻚ ﻭﺍﻟﻠﻪ ﮔﻠﺒﻲ ﺧﻠﺼﺎﻥ ﻋﻠﻴﻚ ﺻﺎﺭ ﺍﺳﺒﻮﻉ ﻣﺎﻧﺎﺯﻝ ﻟﻠﺒﻴﺖ
ﺭﺍﻫﺐ،،ﺳﻼﻣﺘﺞ ﻳﺎﻟﻐﺎﻟﻴﻪ ﺍﻧﺸﺎﺀﺍﻟﻠﻪ ﻳﻮﻣﻴﻦ ﻭﺍﻧﺰﻝ ﻻﻳﻀﻞ ﺑﺎﻟﺞ
ﺑﺸﺮﻳﻨﻲ ﺍﺷﻠﻮﻧﻬﺎ ﺻﺤﺘﺞ ﻭﻓﻄﻮﻣﻪ ﺍﺷﻠﻮﻧﻬﺎ
ﻭﻟﺘﻨﺴﻴﻦ ﺧﻞ ﺗﻜﺘﺒﻠﻲ ﺷﻨﻮ ﻣﺤﺘﺎﺟﻴﻦ ﺣﺘﺊ ﻣﻦ ﺍﺟﻲ ﺍﺟﻴﺒﻬﻦ ﻭﻳﺎﻱ
ﺍﻡ ﺍﺣﻼﻡ،،ﻣﺎﻣﺤﺘﺎﺟﻴﻦ ﻏﻴﺮ ﺳﻼﻣﺘﻚ ﺍﻭﻟﻴﺪﻱ ﻳﺤﻔﻀﻚ ﺍﻟﻠﻪ ﻭﺍﻫﻞ ﺑﻴﺘﻪ ﺑﺤﻔﻀﻬﻢ
ﺭﺍﻫﺐ،،ﺳﺪﻳﺘﻪ ﻭﺍﺗﻤﺪﺩﺕ ﻧﻌﺴﺎﻥ ﻣﺎﺍﺩﺭﻱ ﺑﺮﻭﺣﻲ ﺷﻮﻛﺖ ﻏﻔﻴﺖ ﮔﻌﺪﺕ ﻋﻠﺊ ﺻﻮﺕ ﻗﺎﺳﻢ
ﻗﺎﺳﻢ،،ﺻﺤﻲ ﺍﻟﻨﻮﻭﻭﻡ ﻣﻮ ﻳﻮﻡ ﺍﻟﻌﻠﻢ ﺍﻟﺴﻬﺮﺓ ﺻﺒﺎﺣﻲ ?
ﺭﺍﻫﺐ،،ﻭﻟﻚ ﻃﺎﻳﺢ ﺍﻟﺤﺾ ﺗﺮﻳﺪﻧﻪ ﻧﺴﻬﺮ ﻣﻦ ﺍﻟﻤﻐﺮﺏ
ﻏﻴﺮ ﻧﺮﻭﺡ ﺏ 12
ﻭﺍﻟﺴﺎﻋﻪ ﺗﻮﻫﺎ ﺏ 10
ﻗﺎﺳﻢ،،ﺍﺗﺼﻠﺖ ﺑﻴﻪ ﺳﻌﺪﻳﻪ ﻭﺍﺗﮕﻮﻝ ﺍﺷﻠﻮﻥ ﺟﺎﻳﺒﻪ ﺑﻨﺎﺕ ﺑﻌﺪﻫﻦ ﺑﺎﻟﺒﺎﻛﻴﺖ ﻟﻌﻴﻮﻥ ﺍﺑﻮ ﻏﻀﺐ
ﺭﺍﻫﺐ،،ﻣﺎﺩﺍﻡ ﻫﻴﺞ ﺍﻟﺤﺠﻲ ﺳﻮﻳﺘﻠﻲ ﻭﺍﻫﺲ ﺍﺭﻭﺡ ﻭﻳﺎﻙ
ﻭﻓﻌﻼ ﺑﺪﻟﺖ ﻭﺭﺣﻨﻪ ﺍﻧﻪ ﻭﻗﺎﺳﻢ ﻭﺍﺛﻨﻴﻦ ﺿﺒﺎﻁ ﻭﻳﺎﻧﻪ ﻣﻦ ﻧﻔﺲ ﺍﻟﺸﻠﻪ ﺍﻟﺘﻌﺒﺎﻧﻪ ﻣﺎﻟﺘﻨﻪ
ﺍﺟﺖ ﺳﻌﺪﻳﻪ ﻭﺟﻬﺎ ﻳﻄﺮﺩ ﺍﻟﻨﻌﻤﻪ ﺍﻟﻴﺸﻮﻑ ﻭﺟﻬﺎ ﻳﮕﻮﻝ ﻫﺎﻱ ﺟﺎﻧﺖ ﺍﻃﺎﺭﺩ ﻭﻳﻪ ﺧﻴﻞ ﺍﻟﺤﻤﺰﺓ
ﻣﺮﺓ ﺟﺒﻴﺮﺓ ﻭﺟﻬﺎ ﺿﺎﻳﻌﻪ ﻣﻼﻣﺤﻪ ﻭﺗﺸﺘﻐﻞ ﺑﺎﻟﮕﻮﺍﺩﺓ
ﺳﻌﺪﻳﻪ،،ﻫﻠﻪ ﺏ ﺍﺑﻮ ﻏﻀﺐ ﺗﻮﻫﺎ ﻧﻮﺭﺕ ﺍﻟﻜﻌﺪﻩ
ﺭﺍﻫﺐ،،ﻣﻨﻮﺭﺓ ﺑﻴﺞ ﺳﻌﺪﻳﻪ ﺧﺎﻧﻢ
ﺟﻨﺖ ﺍﺣﺠﻲ ﺑﺪﻭﻥ ﻣﺎﺍﺑﺎﻭﻋﻠﻬﺎ ﺗﻠﻌﺐ ﻧﻔﺴﻲ ﻣﻨﻬﺎ ﺑﺲ ﻣﺸﻜﻠﺘﻲ ﻣﺎﺍﮔﺪﺭ ﺍﻣﻨﻊ ﻧﻔﺴﻲ ﻣﻦ ﻫﻴﺞ ﮔﻌﺪﺍﺕ ﺷﺮﺏ ﻭﺑﻨﺎﺕ ﺍﻭﻧﺴﻪ
ﻃﺒﻌﺎ ﺍﻣﻲ ﻋﺪﻫﺎ ﻋﻠﻢ ﻭﺍﻫﻮﺍﻱ ﺣﺎﻭﻟﺖ ﺑﺲ ﺟﻨﺖ ﻗﺎﻓﻞ ﻭﺍﻛﺜﺮ ﺷﻲ ﻣﻦ ﺍﺫﻛﺮ ﺍﻳﺎﻡ ﺍﻟﺠﻮﻉ ﺍﻟﻤﺮﻳﻨﻪ ﺑﻴﻬﻦ ﺍﺣﺎﻭﻝ ﺍﻧﺴﺎﻫﻦ ﺑﺎﻟﺸﺮﺏ ﻭﻛﻞ ﻳﻮﻡ ﻳﻤﺮ ﺍﺣﻘﺪ ﻋﻠﺊ ﻋﻤﻲ ﻭﻋﺎﺋﻠﺘﻪ ﺍﻛﺜﺮ ﻭﺍﻛﺜﺮ
ﺍﻭﻝ ﻣﺎﻟﺘﺤﻘﺖ ﺑﺎﻟﻜﻠﻴﻪ ﺍﻟﻌﺴﻜﺮﻳﻪ ﺟﻨﺖ ﺍﺗﻌﺐ ﺣﻴﻞ ﺗﺪﺭﻳﺒﺎﺕ ﻗﺎﺳﻴﻪ ﻭﻋﻘﻮﺑﺎﺕ ﺍﻗﺴﺊ ﻳﻄﻠﻌﻮﻟﻚ ﮔﻠﺐ ﻏﻴﺮ ﮔﻠﺒﻚ ﺑﺎﻟﺒﺪﺍﻳﻪ ﺟﻨﺖ ﺍﻃﻠﻊ ﻭﻳﻪ ﺟﻤﺎﻋﺘﻲ ﺑﺲ ﺍﮔﻌﺪ ﻭﻳﺎﻫﻢ ﻣﺎﺍﺷﺮﺏ ﺑﻌﺪﻳﻦ ﻣﻦ ﺷﻔﺖ ﻗﺎﺳﻢ ﻭﺍﻟﺸﻠﻪ ﻛﻠﻬﺎ ﺿﺤﻚ ﺍﻭﻧﺴﻪ ﺍﻧﺪﻣﺠﺖ ﻭﺻﺮﺕ ﻣﺎﺍﮔﺪﺭ ﺍﺗﺮﻙ ﺍﻟﺸﺮﺏ
ﺍﺫﻛﺮ ﻣﺮﺓ ﻣﺎﺍﺩﺭﻱ ﻭﺭﺟﻌﺖ ﻣﻦ ﺑﻐﺪﺍﺩ ﻟﻠﻨﺠﻒ ﺳﻜﺮﺍﻥ ﺑﺲ ﺑﻄﺒﻌﻲ ﻣﺎﺍﻓﻘﺪ ﻛﻠﺶ ﺣﺘﺊ ﻟﻮ ﺍﺷﺮﺏ ﺍﻫﻮﺍﻱ
ﺑﺲ ﻟﻠﺤﺪ ﺍﻟﻤﻌﻘﻮﻝ
ﺭﺟﻌﺖ ﻟﻠﺒﻴﺖ ﻭﺍﻣﻲ ﺑﻴﻮﻣﻬﺎ ﺣﻠﻔﺖ ﻣﺎﺗﻐﺴﻞ ﻣﻼﺑﺴﻲ ﻭﻻﺗﻨﻄﻴﻨﻲ ﺍﻛﻞ ﺍﺗﮕﻮﻝ ﺍﻧﺘﻪ ﻧﮕﺲ ﻭﺣﺮﺍﻡ ﻧﺨﺪﻣﻚ
ﺗﺎﻟﻲ ﺑﻌﺪ ﻣﺎﻋﺪﺗﻬﺎ ﺻﺎﺭﺕ ﺳﻮﺍﻟﻔﻲ ﻭﻫﻮﺳﺘﻲ ﻛﻠﻬﺎ ﺍﺑﻐﺪﺍﺩ
ﻭﻣﻦ ﺍﺭﺟﻊ ﻟﻠﻨﺠﻒ ﻳﻮﻣﻴﻦ ﺍﺑﻘﺊ ﻋﻄﺸﺎﻥ ﻉ ﺍﻟﻤﺸﺮﻭﺏ
ﻧﺪﺳﻨﻲ ﻗﺎﺳﻢ ﻻﻥ ﮔﺎﻋﺪ ﻭﺍﺗﺼﻔﻦ
ﺩﺧﻠﺖ ﺷﻠﺖ ﺑﻨﺎﺕ ﺑﺲ ﺷﻨﻮ ﻣﻦ ﻧﺜﺎﻳﺔ ﺍﻟﻪ ﺗﺠﻠﻂ
ﻭﺣﺪﺓ ﻣﻨﻬﻦ ﻣﻮ ﻣﺮﺓ ﻻﺑﻌﺮﺿﻲ ﺩﻧﮕﻪ
ﻃﻮﻝ ﻭﻭﺟﻤﺎﻝ ﺍﺧﺬﺗﻬﺎ ﻭﺩﺧﻠﺖ ﺍﻟﻮﺣﺪﺓ ﻣﻦ ﺍﻟﻐﺮﻑ
ﺍﺣﺲ ﻧﻔﺴﻲ ﻓﻘﺪﺕ ﻭﻳﺎﻫﺎ ﺍﺑﺘﻌﺪﺕ ﻋﻨﻬﺎ ﻟﮕﻴﺘﻬﺎ ﺗﺒﺠﻲ
ﺷﻜﻮ ﮔﻠﺒﺘﻴﻬﺎ ﻣﻨﺎﺣﻪ ?
ﻏﺰﻝ،،ﺍﻧﺘﻪ ﻣﺎﺗﺘﻔﺎﻫﻢ ﻣﺎﺍﻧﻄﻴﺘﻨﻲ ﻣﺠﺎﻝ ﺍﺫﻳﺘﻨﻲ
ﺭﺍﻫﺐ،،ﻟﺒﺴﺖ ﻣﻼﺑﺴﻲ ﻭﺍﻟﺘﻔﺘﺘﺖ ﺍﻟﻬﺎ ﻃﻠﻌﺖ ﻛﻢ ﻭﺭﻗﻪ ﻣﻦ ﺟﻴﺒﻲ ﻭﺣﻄﻴﺘﻬﻦ ﺑﺼﺪﺭﻫﺎ
ﮔﺘﻬﺎ ﻫﺴﻪ ﺍﻃﻴﺒﻴﻦ
ﻭﺟﻨﺖ ﺍﻗﺼﺪ ﻉ ﺍﻟﻔﻠﻮﺱ
ﺗﺮﻛﺘﻬﺎ ﻭﻃﻠﻌﺖ ﻛﺎﺭﻩ ﺭﻭﺣﻲ ﻣﺎﺍﻋﺮﻑ ﻟﻴﺶ ﺟﺎﻱ ﺍﺳﻮﻱ ﻫﻴﺞ ﻛﻞ ﻣﺮﺓ ﺍﻧﻄﻲ ﻭﻋﺪ ﺍﻟﻨﻔﺴﻲ ﺍﺗﺮﻙ ﻫﺎﻱ ﺍﻟﺴﻮﺍﻟﻒ
ﺑﺲ ﺑﻌﺪﻫﺎ ﺍﻟﮕﻪ ﻧﻔﺴﻲ ﺑﻬﺬﺍ ﺍﻟﻤﻜﺎﻥ
ﺑﻘﻴﺖ ﺍﺟﺮ ﺟﮕﺎﺭﺓ ﻭﺭﻩ ﺍﻟﺜﺎﻧﻴﻪ ﺍﻧﺘﻀﺮ ﻗﺎﺳﻢ ﻧﺺ ﺳﺎﻋﻪ ﻭﻃﻠﻊ ﻳﻜﻔﺮ ﻭﻳﺪﺭﺩﻡ ﻻﻥ ﺩﺯﻳﺘﻠﻪ ﺭﺳﺎﻟﻪ ﮔﺘﻠﻪ ﺭﺍﺡ ﺍﺭﺟﻊ ﺍﺫﺍ ﺗﺮﺟﻊ ﻭﻳﺎﻱ ﺍﻧﻪ ﻣﻨﺘﻀﺮﻙ ﺑﺎﻟﺴﻴﺎﺭﺓ
ﻓﺘﺢ ﺍﻟﺒﺎﺏ ﻭﺩﺧﻞ ﻭﻫﻮ ﺷﺎﻳﻂ
ﻗﺎﺳﻢ،ﻭﻟﻚ ﺳﺎﻗﻂ ﻟﻴﺶ ﺍﺗﺨﻠﻴﻨﻲ ﺍﻗﺴﻤﻠﻚ ﻭﺍﻏﺮﺩ ﺑﻨﺺ ﺍﻟﻠﻴﻞ ﻣﻮﻋﻠﺊ ﺍﺳﺎﺱ ﻧﺴﻬﺮ ﻟﻠﺼﺒﺢ ﺗﺎﻟﻲ ﺳﺎﻋﻪ ﻣﺎﺧﻠﻴﺘﻨﻪ ﻧﻜﻌﺪ ﻣﺘﻮﺍﺯﻱ ﻉ ﺍﻟﻄﻠﻌﻪ
ﺭﺍﻫﺐ،،ﻛﺎﻓﻲ ﻣﺎﺷﺒﻌﺖ ﻟﺰﮔﺖ ﺟﻮﺓ ﻭﺍﻧﻪ ﺭﺍﺳﻲ ﺻﺎﺭ ﻃﺒﻞ ﻣﻦ ﺍﻟﻬﻮﺳﻪ
ﺭﺟﻌﻨﻪ ﻟﻠﺸﻘﻪ ﺩﺧﻠﺖ ﺳﺒﺤﺖ ﻭﺫﺑﻴﺖ ﻣﻦ ﺭﺍﺳﻲ ﻣﻌﺪﺗﻲ ﺻﺎﻳﺮﺓ ﺗﺤﺮﮔﻨﻲ ﻣﻦ ﺍﺷﺮﺏ
ﺍﻧﺘﻀﺮﺕ ﻟﻠﺴﺎﻋﻪ 3 ﺟﻮﻋﺎﻥ ﻃﻠﻌﺖ ﻗﻮﻃﻴﻪ ﺑﺎﮔﻠﻪ ﺳﻮﻳﺖ ﻣﻨﮕﻮﻋﻪ ﺑﺎﮔﻼ ﻭﺑﻴﺾ
ﺍﻛﻠﺖ ﻭﮔﻤﺖ ﻏﺴﻠﺖ ﻭﺫﺑﻴﺖ ﺭﻭﺣﻲ ﻧﻤﺖ ﻣﺎﮔﻌﺪﺕ ﻏﻴﺮ ﻟﻤﻦ ﺩﮒ ﺍﻟﻤﻨﺒﻪ ﺍﻟﺴﺎﻋﻪ ﺏ 6 ﻭﻧﺺ
ﮔﻌﺪﺕ ﺳﺒﺤﺖ ﻭﺑﺪﻟﺖ ﻃﻠﻌﺖ ﺑﺪﻭﻥ ﺭﻳﻮﮒ
ﻟﻠﺪﻭﺍﻡ
،،،،،،،،،،،،،،،،،،،،،،،،،
ﻻﺭﺍ،،ﮔﻌﺪﺕ ﻋﻠﺊ ﺻﻮﺕ ﺍﻟﻤﻨﺒﻪ ﻃﻔﻴﺘﻪ ﻭﺭﺟﻌﺖ ﻧﻤﺖ ﺑﻌﺪﻧﻲ ﻧﻌﺴﺎﻧﻪ ﻣﺎﺷﺒﻌﺖ ﻧﻮﻡ
ﺍﺧﺬﺗﻨﻲ ﺍﻟﻐﻔﻮﺓ ﻓﺰﻳﺖ ﻋﻠﺊ ﺻﻮﺕ ﺍﻣﻲ
ﺍﻡ ﺭﺍﻓﺪ،،ﻭﻟﺞ ﻣﺎﻣﺎ ﺍﻛﻌﺪﻱ ﺍﻟﺴﺎﻋﻪ 7 ﻭﻧﺺ ﺍﻟﺨﻂ ﻳﻨﺘﻀﺮﺝ ﺑﺎﻟﺒﺎﺏ ﻭﺍﻧﺘﻲ ﺑﻌﺪﺝ ﻧﺎﻳﻤﻪ
ﻻﺭﺍ،،ﻃﻔﺮﺕ ﻣﻦ ﻧﻮﻣﻲ ﻟﻤﻦ ﻋﺜﺮﺕ ﺑﺎﻟﻠﺤﺎﻑ ﺍﻭﮔﻌﺖ
ﻭﻫﺎﻱ ﻋﺎﺩﺗﻲ ﻳﻮﻣﻴﻪ ﺍﺗﺎﺧﺮ
ﺍﻡ ﺭﺍﻓﺪ،،ﺍﻧﺘﻲ ﻟﻮ ﺗﻌﻮﻓﻴﻦ ﺍﻟﻤﻮﺑﺎﻳﻞ ﻭﺍﺗﻨﺎﻣﻴﻦ ﻣﻦ ﻭﻗﺖ ﺟﺎﻥ ﮔﻌﺪﺗﻲ ﺑﻨﺸﺎﻁ
ﻻﺭﺍ،،ﮔﻤﺖ ﺍﺭﺩﻡ ﺭﺩﻡ ﺑﺎﻟﻐﺮﺍﺽ ﺑﺴﺮﻋﻪ ﻏﺴﻠﺖ ﻭﻟﺒﺴﺖ ﺯﻱ ﺍﻟﺠﺎﻣﻌﻪ ﺗﻨﻮﺭﺓ ﻃﻮﻳﻠﻪ ﻭﻗﻤﻴﺺ ﺍﺑﻴﺾ ﻭﺳﺘﺮﺓ ﻗﺼﻴﺮﺓ
ﻟﻔﻴﺖ ﺣﺠﺎﺑﻲ ﺑﺴﺮﻋﻪ ﻋﻮﺩ ﺑﺎﻟﺴﻴﺎﺭﺓ ﺍﻋﺪﻟﻪ
ﺍﺻﻼ ﻣﺎﺧﺬﺓ ﺍﺣﺘﻴﺎﻃﻲ ﺑﺎﻟﺠﻨﻄﻪ ﺣﺎﻃﻪ ﺣﻤﺮﺓ ﺑﻨﺎﺗﻲ ﻭﻛﺤﻠﻪ ﻭﻋﻄﺮ ﻭﻛﻢ ﺷﻐﻠﻪ
ﻧﺰﻟﺖ ﺍﺭﻛﺾ ﻃﻠﻌﺖ ﺑﺪﻭﻥ ﺭﻳﻮﮒ ﺍﺗﻠﮕﺎﻧﻲ ﺍﺑﻮ ﻣﻨﺬﺭ ﺻﺎﺣﺐ ﺍﻟﺨﻂ
ﺍﺑﻮ ﻣﻨﺬﺭ،،ﺑﻨﻴﺘﻲ ﻣﺎﻳﺼﻴﺮ ﻫﻴﺞ ﺗﺮﺓ ﻭﺭﺍﻱ ﻓﺮﺓ ﻭﺑﻨﺎﺕ ﻏﻴﺮﺝ ﺍﺫﺍ ﺑﺲ ﻳﻤﺞ ﺍﺗﺎﺧﺮ ﻧﺺ ﺳﺎﻋﻪ ﺷﻨﻮ ﺫﻧﺐ ﺍﻟﺒﺎﻗﻴﻦ ﻳﺎﺭﻳﺖ ﺗﻀﺒﻄﻴﻦ ﺍﻟﻮﻗﺖ ﻣﺮﺓ ﺍﻟﺠﺎﻳﻪ
ﻻﺭﺍ،،ﺍﺷﻠﻮﻥ ﻓﺸﻠﻪ ﻓﺸﻠﻨﻲ ﮔﺪﺍﻡ ﺍﻟﺒﻨﺎﺕ
ﻛﺘﻠﻪ ﺻﺎﺭ ﻋﻤﻮ ﺗﺪﻟﻞ ﺑﻌﺪ ﻣﺎﺍﺗﺎﺧﺮ ﻋﻠﻴﻚ

ﻭﺻﻠﻨﻪ ﻟﻠﺠﺎﻣﻌﻪ ﻧﺰﻟﺖ ﺍﻟﻜﻠﻴﺘﻲ ﻛﻠﻴﺔ ﺍﻟﻬﻨﺪﺳﻪ ﺍﻟﻤﻌﻤﺎﺭﻳﺔ ﻣﺮﺣﻠﻪ ﺛﺎﻧﻴﻪ
ﺍﺗﻠﮕﺘﻨﻲ ﺳﺎﻧﺪﺭﺍ ﻭﻫﺎﻱ ﺿﻠﻌﺘﻲ ﻭﺻﺪﻳﻘﺘﻲ ﻣﺴﻴﺤﻴﻪ ﺍﻟﻴﺸﻮﻓﻨﻪ ﻋﺒﺎﻟﻚ ﺗﺆﺍﻡ ﺑﺲ ﺍﻟﻔﺮﻕ ﺑﻴﻨﺎﺗﻨﻪ ﺍﺧﺘﻼﻑ ﺍﻟﺪﻳﺎﻧﻪ
ﺳﺎﻧﺪﺭﺓ،،ﺻﺒﺎﺣﻮ ﻻﺭﺗﻲ ﻭﻟﺞ ﺷﻮﻛﺖ ﺗﺠﻴﻦ ﻗﺒﻠﻲ ﻭﺍﺗﻔﺮﺣﻴﻨﻲ ﺩﻭﻣﺞ ﻣﺘﺎﺧﺮﺓ
ﻻﺭﺍ،،ﻫﻬﻬﻬﻪ ﻭﺍﻟﻠﻪ ﻣﻮﺑﻴﺪﻱ ﺍﺑﻘﺊ ﺍﺭﺍﺟﻊ ﺍﻟﻤﺤﺎﺿﺮﺍﺕ
ﻟﻤﻦ ﺍﻣﻞ ﺑﻌﺪﻫﺎ ﺍﺗﺎﺑﻊ ﻣﺴﻠﺴﻞ ﻻﻥ ﻃﮓ ﮔﻠﺒﻲ ﻟﻌﺒﺖ ﻧﻔﺴﻲ ﻟﻮﻣﺨﺘﺎﺭﺓ ﻏﻴﺮ ﺍﻟﻬﻨﺪﺳﻪ ﺍﺷﺮﻟﻔﻠﻲ ﺭﺍﺡ ﻧﺸﻴﺐ ﻭﺍﺣﻨﻪ ﺻﻐﺎﺭ
ﺳﺎﻧﺪﺭﺍ،،ﻫﻬﻬﻬﻪ ﺍﻱ ﻓﻌﻼ ﺑﺲ ﺍﻟﻨﺘﻴﺠﻪ ﺣﻠﻮﺓ ﻣﻦ ﻳﻨﺬﻛﺮ ﺍﺳﻤﺞ ﻭﻳﮕﻮﻟﻮﻥ ﺍﻟﻤﻬﻨﺪﺳﻪ ﻻﺭﺍ ﺟﻼﻝ ﻳﺎﺳﺮ
ﻻﺭﺍ،،ﺍﻭﻭﻭﻭ ﺣﻠﻢ ﻣﺎﻣﺼﺪﮔﻪ ﻳﺘﺤﻘﻖ
ﺳﺎﻧﺪﺭﺓ،،ﻳﺎﺍﻟﻠﻪ ﮔﻮﻣﻲ ﻧﺪﺧﻞ ﻟﻠﻤﺤﺎﺿﺮﺓ
ﻻﺭﺍ ﺑﺲ ﺑﻌﺪﻫﺎ ﺗﺎﺧﺬﻳﻨﻲ ﻟﻠﻨﺎﺩﻱ ﺗﺮﻳﮕﻴﻨﻲ ﻋﻠﺊ ﺍﺣﺴﺎﺑﺞ
ﺳﺎﻧﺪﺭﺓ، ،ﻫﻬﻬﻬﻬﻪ ﺻﺎﺭ ﺗﺪﻟﻠﻴﻦ ﻭﺑﻌﺪ ﺍﻟﻜﻠﻴﻪ ﺍﺧﺬﺝ ﻋﺪﻧﻪ ﻗﺪﺍﺱ ﺑﺎﻟﻜﻨﻴﺴﻪ ﺍﺭﻳﺪ ﺍﻟﻌﺬﺭﺍﺀ ﺗﻔﺘﺢ ﺩﻣﺎﻏﺞ ﻭﺗﻨﻮﺭ ﺩﺭﺑﺞ
ﻻﺭﺍ،،ﺩﺧﻠﻨﻪ ﻟﻠﻤﺤﺎﺿﺮﺓ ﺑﺪﺓ ﺩﻛﺘﻮﺭ ﻋﻤﺎﺭ ﻳﺸﺮﺡ ﺑﺲ ﻧﻀﺮﻩ ﻣﺴﻠﻂ ﻋﻠﻴﻪ ﻣﺎﺍﻫﺘﻤﻴﺖ ﺍﺩﺭﻱ ﺑﻲ ﻭﻣﻼﺣﻀﻪ ﻫﺬﺍ ﺍﻟﺸﻲ ﻣﻦ ﺯﻣﺎﻥ ﺣﺘﺊ ﺳﺎﻧﺪﺭﺍ ﻭﺍﻟﺒﻨﺎﺕ ﻣﻨﺘﺒﻬﺎﺕ ﻋﻠﺊ ﻧﻀﺮﺍﺗﻪ
ﺩﻛﺘﻮﺭ ﻋﻤﺎﺭ ﻭﺳﻴﻢ ﺟﺪﺍ ﻃﻮﻳﻞ ﺑﺸﺮﺗﻪ ﺣﻨﻄﻴﻪ ﺷﻌﺮﺓ ﺍﺳﻮﺩ ﺭﺍﻓﻌﻪ ﺑﺘﺮﺗﻴﺐ ﻭﻟﺤﻴﺘﻪ ﻣﺤﺪﺩﺓ ﻫﻢ ﺑﺘﺮﺗﻴﺐ ﻋﻴﻮﻧﻪ ﻟﻮﻧﻬﻦ ﺍﺧﻀﺮ ﺍﻛﺜﺮ ﺍﻧﺘﻘﺎﺋﻪ ﻟﻠﻤﻼﺑﺲ ﻫﻮ ﺍﻟﻠﻮﻥ ﺍﻻﺳﻮﺩ ﺩﺍﺋﻤﺎ ﻳﺠﻲ ﻻﺑﺲ ﺍﺳﻮﺩ ﻣﺮﺓ ﺳﺎﻟﺘﻪ ﻃﺎﻟﺒﻪ ﮔﺎﻟﺘﻠﻪ ﺍﺳﺘﺎﺫ ﻟﻴﺶ ﺩﺍﺋﻤﺎ ﻧﺸﻮﻓﻚ ﻻﺑﺲ ﺍﺳﻮﺩ
ﺟﻮﺍﺑﻪ ﻛﺎﻥ ﻣﺨﺘﺼﺮ ﮔﺎﻟﻬﺎ ﻻﻥ ﺍﻻﺳﻮﺩ ﺳﻴﺪ ﺍﻻﻟﻮﺍﻥ ﺍﻟﺮﺍﻗﻴﻪ
ﺍﻧﺘﻬﺖ ﺍﻟﻤﺤﺎﺿﺮﺓ ﺭﺩﺕ ﺍﻃﻠﻊ ﺳﻤﻌﺖ ﺻﻮﺗﻪ ﮔﺎﻝ
ﺩﻛﺘﻮﺭ ﻋﻤﺎﺭ،،ﻻﺭﺍ ﻣﻦ ﺭﺧﺼﺘﺞ ﻣﻤﻜﻦ ﺍﺧﺬ ﻣﻦ ﻭﻗﺘﺞ ﺛﻮﺍﻧﻲ
ﻻﺭﺍ،،ﻭﮔﻔﺖ ﻛﺪﺍﻣﻪ ﻣﻨﺰﻟﻪ ﻧﻀﺮﻱ ﻟﻠﮕﺎﻉ ﮔﺘﻠﻪ ﺍﺗﻔﻀﻞ ﺍﺳﺘﺎﺫ
ﺩﻛﺘﻮﺭ ﻋﻤﺎﺭ،،ﻻﺭﺍ ﻋﻨﺪﻱ ﻣﻮﺿﻮﻉ ﻭﻳﺎﺝ ﻣﻤﻜﻦ ﺗﺸﺮﻓﻴﻦ ﺍﻟﻤﻜﺘﺒﻲ
ﻻﺭﺍ،،ﺻﺎﺭ ﺍﺳﺘﺎﺫ ﺗﺪﻟﻞ
ﺍﺧﺬ ﺟﻨﻄﺘﻪ ﻭﻃﻠﻊ ﺍﻧﺘﻀﺮﺗﻪ ﺑﻴﻦ ﻣﺎﻳﻮﺻﻞ ﻟﻠﻤﻜﺘﺐ ﻟﺤﮕﺘﻪ ﺩﮔﻴﺖ ﺍﻟﺒﺎﺏ ﺍﺟﺎﻧﻲ ﺻﻮﺗﻪ ﻳﺎﺫﻧﻠﻲ ﺑﺎﻟﺪﺧﻮﻝ
ﺩﺧﻠﺖ ﻟﮕﻴﺘﻪ ﻳﺮﺗﺐ ﺑﺎﻻﻭﺭﺍﻕ ﺷﺎﻓﻨﻲ ﺣﻄﻬﻦ ﻋﻠﺊ ﺻﻔﺤﻪ ﻭﺍﺷﺮﻟﻲ ﻉ ﺍﻟﻜﺮﺳﻲ ﺍﻟﮕﺪﺍﻣﻪ
ﮔﻌﺪﺕ ﻣﻨﺘﻀﺮﺗﻪ ﻳﺤﺠﻲ ﺷﻨﻮ ﺍﻟﻤﻮﺿﻮﻉ ﺑﺲ ﺍﻟﺼﺪﻣﻨﻲ ﻛﻼﻣﻪ
ﺩﻛﺘﻮﺭ ﻋﻤﺎﺭ،،ﻻﺭﺍ ﺑﺪﻭﻥ ﻟﻒ ﻭﺩﻭﺭﺍﻥ ﺍﻧﻲ ﻣﻌﺠﺐ ﺑﻴﺞ ﻭﺑﺎﺍﺧﻼﻗﺞ ﻣﻦ ﺯﻣﺎﻥ ﻭﺣﺎﺏ ﺍﺩﺧﻞ ﺍﻟﺒﻴﺖ ﻣﻦ ﺑﺎﺑﻪ
ﻟﺬﺍﻟﻚ ﺍﺭﻳﺪ ﺍﺗﻘﺪﻣﻠﺞ

ﻴﺘﺒﻊ

بارت٤

ابحث عن نفسي بين خبايا الروح لأجدها مقيدة
ومعصوبة العينين
قد عذبوني مرارآ وحاولت الهروب من سجنهم لأجد نفسي مسجونه بسجن من نار محكومه بالتعذيب الابدي من ضالم وقاسي القلب
كيف الهروب وسجاني احترت بأمره هل هو انسان ظالم مخيف قاسي بارد ابرد من ليالي الشتاء الطويله ام هو حنون ومحب وهادئ كهدوئ الربيع وجماله احترت بأمرك ياسجاني

،،،،،،،،،،،،،،

قصة

#ثأر_الضابط


،،،،،،،،،،،،،،

لارا،،ردت احجي قاطعني

دكتور عمار،،مااريد جوابج حاليا لان مااريدج تتسرعين فكري براحتج ورجعيلي خبر وياريت يكون خبر حلو مثل عيونج
لارا،،بقيت صافنه بوجها وبنفس الوقت مصدومه بعدني مارجعتله خبر وصار يتغزل بعيوني اترخصت منه وطلعت
بس كنت ماخذة قراري وردت انطي الجواب بس هو قاطعني

رجعت يم ساندرا رحنه للنادي طلبتلنه ريوگ اكلنه لفات وكولا وگعدنه نضحك ونسولف
اجه عصام طالب ويانه من نفس الكروب مرح الئ ابعد حد والكل يحبه ويحترمه مسوي للگروب نكها بسوالفه

عصام،،چا اني محد يعزمني علئ لفه منا منا

ساندرا،،هلو عصوم اكعد تدلل مولفه وحدة اشبعك لفات ههههه

عصام،،لا بويه مااريدج تشبعيني لان ادري تاليها انه الخوش ادمي ال ادفع الحساب

لارا،،هههههه وين اكو منك عصومي

عصام،،لايبوي وين اكو اصلا واحد بالصين وانقرض وبقيت اني

لارا،،ومثل ماگال كملنه اكل وهو الي دفع الحساب ههههه

،،،،،،،،،،،،

راهب،،دخلت للمركز وطلبت يجيبولي گلاص جاي احس راسي ماذيني من البارحه
بقيت اطلع ع الملفات وبعض الشكاوي والمخالفات
صارت الساعه ب 1اجه قاسم والوجه يضحك
حط ملفات اثنين گدامي

قاسم،،وروح جدي جبتلك قنننبله

راهب،،رفعت حاجبي مامفتهم كلامه اشرلي بعيونه ع الملفات
فتحت اول واحد بأسم
مهند جلال ياسر عرفته هذا ابن عمي العار
بديت اقرة المعلومات مسافر خارج العراق ومستقر بالمانيا متزوج

خلصت وتركته علئ صفحه جريت الملف الثاني فتحته بقيت متفاجأ علئ كتله الجمال الگدامي

لارا جلال ياسر
بس امي گالت عدها بس ثلاث ولد يعني معقوله هاي بنت عمي صارت بعد ماانهزم
بس انه شايف عمي بالصورة اجلح املح وادماغه اتگول تنور طين

هاي عليمن طالعه العيون خضر والوجه ابيض مثل الگيمر وفوگ الضيم عدها رصعتين وحدة بخدها مبينه لان مبتسمه والثانيه بحنچها بارزة اكثر زايدها جمال فوگ جمالها
هزيت راسي انفي الافكار الاجتاحتني

قاسم،،شناوي تسوي??
راهب،،هاي الحلوة راح اتكون باب ادخل منه ل ابوها السگط

قاسم،،بصدمه تحجي صدگ راهب بس هاي عرضك وتبقئ بت عمك

راهب،،انفعلت من كلامه نترت بي اني ماعندي عممم هذا چتااال ابوي مستحيل يكون عمي

قاسم،،وشنو ذنبها تحاسبها هي??

راهب،،ذنبها انو هي بنته ويكفي اكسره بيها انته سامع المثل الي يگول مايكسر الرجال غير عرضه

قاسم،،اتركها راهب ترة بعدين تتندم عندك ثار روح اخذه من ابوها مو منها والله خليتني اندم لان جبتلك معلومات عنها

راهب،،هذا هو يبعد اخوك عبالي تحط ايدك ب ايدي وتساعدني

قاسم،،اساعدك اقربك من عمك اي انه وياك ومستحيل اتركك بس مال ادمر بنته وهي مالها ذنب لا بهاي اعذرني

راهب،،هذا هو براحتك ممكن تطلع برة

قاسم،،وعلي تاليتك تندم وتعض اصابعك العشرة ندم

راهب،،طلع قاسم وشكله ضايج كلش مامقتنع بكلامي
رجعت فتحت ملفها ابتسمت براحه واخيرا اجه الوقت الي اخذ بي ثار ابوي
گتلها اهلا وسهلا بيج بجحيم راهب ابو غضب
لارا،،كملنه دوام وطلعنه اتصلت ب ماما گتلها اني ويه ساندرا حنروح للكنيسه اهلي يعرفون علاقتي بيها واثقين مني لذالك منطيني مطلق الحريه واني بدوري مستحيل اتعده او اتخطئ حدودي بسبب حريتي

رحنه البيتها اتلگتنه جوليان اختها اكبر منها

جوليان، ،ياهلا بلارا مشتاقيلج وين هاي الغيبه

لارا،،اليسمعج يگول صار سنه متفارگين شو قبل يومين اني يمكم

جوليان، ،هههههه غير نحبج

ساندرا، ،جوجو ميتين جوع حضريلنه الغدة بين منغسل حتئ شويه ونروح للكنيسه اليوم قداس

لارا،،اجت خاله ام اسماعيل والدة ساندرا

ام سماعيل،،اووو اليوم اگول الشمس منين طالعه

لارا،،خاله ام اسماعيل انسانه طيبه بشكل موطبيعي گمت حضنتها وبوستها گتلها تسلمين خاله

گعدنه جابت جوليان الاكل سمعت الموبايل يتصل رفعته شفته رقم امي

ام رافد،،ماما لارا خالتج ام اسماعيل يمج

لارا،،اي ماما هياته يمي
انطيت الموبايل للمرة گالتلها امي باجر مسوين قرايه ثواب وانتي والبنات معزومات
طبعا ام ساندرا ماتو ابوها وامها واخوتها اثنين بوكت سقوط النضام وگع عليهم البيت بسبب القصف لان كانو عايشين بغداد
ف خطيه كل مانسوي اقرايه تلبس اسود هي وبناتها وحتئ حجاب يحطن علئ راسهن تگعد اخر وحدة ورة النسوان المله تقرة وهي تشبع بجي مرات اتشاقه ويه ساندرا اگلها امج ولاجنها مسيحيه عبالك مسلمه مثلمه

جانت تضحك واتگول عادي كلنه العراق ماكو فرق بينه وبينكم

كملنه غدة وساندرا بدلت لبست فستان قصير للركبه ورتبت نفسها
وجوليان لبست بنطرون ابيض وتيشيرت قصير وردي ربع ردن وهنه شكلهن يخبل عبالك امريكيات

اجت ساندرا گرصت خدودي حيل

ااااخ وجع شلعتيهن

ساندرا، ،ههههههه غير يخبلن ولج انتي امج بيش متنسيه وطالعه اتخبلين

لارا،،هههههه انتي الاحلئ ذني عيونج يشوفني حلوة

جوليان،،عيون خضر والوجه ابيض وصافي والخدود اتگول تفاح بعد شتردين

لارا،،خجلتني ترة

ساندرا،،فديت الخجلانه يالله گومي نروح

لارا،،رحنه للكنيسه من زمان مارايحه وياهم
دخلنه گعدنه بالنص بدة الاب يحجي ويوصي لان رمضانهم بعدله شهر ونص ويبدي نصحهم وبدت مراسم القداس مالهم والشماسه بدو يقرون مااعرف شنو
كملو واجه الاب بيدة طاسه بيها قطع خبز صغار شاورت ساندرا گالت هذا قربان
اكلي واسكتي
الكل جانن حاطات شالات علئ راسهن ب اهمال
بس اني لا لافته لفه مرتبه بحيث مبينه مسلمه
وصل الاب گدامي ابتسم

الاب مايكل،،مسلمه ??

لارا،،بادلته الابتسامه وهزيت راسي بمعنئ اي

الاب مايكل،،يحفضج يسوع المسيح وتنور دربج امنه العذراء

لارا،،انطاني الخبزة خليتها بحلگي حط ايدة علئ راسي وراح يكمل باقي القرابين

طلعنه من الكنيسه صار بوجهنه مذبح للسيدة العذراء عبالك معرض فني تمثال الها وداير مدايرها خرفان من فخار عبالك حقيقه
رحنه وساندرا انطتني شمعه گالت اطلبي امنيه انشاءالله تتحقق
غمضت عيوني واتمنيت اهواي امنيات من ضمنهن اتخرج

كملنه وطلعنه للبيت بيتنه بطريقهم نزلوني بالباب وراحو

دخلت للبيت لگيت خالي جاي يمنه

ام رافد،،وين صرتي ياامي ليش تاخرتي هلگد

لارا،،دگولي السلام عليكم خل اخذ نفس
ترة والله مختنگه وضايجه وين اروح
سعد خال لارا،،اشلونج خالو شخبارج

لارا،،تمام خالو انته اشلونك

سعد،،انه زين اسأل عن اخبارج

لارا،،تسال عنك العافيه تركتهم وگمت مااعرف ليش مااحب خالو سعد تحسه لوگي دوم يجي ياخذ افلوس من ماما ويدخل بالصغيرة والجبيرة
وغير هذا كله جان متزوج وعندة بيت واطفال
ترك زوجته طلگها واتزوج وحدة صغيرة سجل البيت باسمها بعد فترة طلبت الطلاگ منه وشمرته هو وملابسه بالشارع وصفه لابيت ولامرة ولااطفال
يستاهل هذا المايعرف تدابيرة حنطته تاكل شعيرة
هذا مثل. تعلمته من بابا

وعلئ طاري بابا سمعنه هورن السيارة طلعت اركض فتحتله الباب

جلال،،هله بجنه ابوها

لارا،،بابا حبيبي فدوة الگلبك

جلال،،منو يمنه

لارا،،خالو سعد

جلال،،اهووو والله مااطيقه
لارا،،ههههههه شعور متبادل

دخل بابا سلم وگعد وخالي سعد يتشكئ تالي انطا ابوي افلوس وگام گال رايح انام شويه تعبان

انتهئ اليوم عادي وثاني يوم هم رحت للجامعه ورجعت للبيت بعد ماذكرت ساندرا انو موتنسئ اليوم قرايه مال الملا حتئ اتذكر امها

رجعت للبيت وبدينه عمل شعبي عازمين النسوان ب 4العصر
البيت نضيف بس رجعت خذتلي فرة علي
رافد جاب عصاير وكيك وفواكه

وجاب سفري حتئ نحط الاغراض بيهن ونوزعهن
اندگ الباب راح فتحه طبعا رافد رافض فكرة الزواج رغم عمرة راح يتناوش الاربعين شگد حاولو اهلي وياه بس هو رافض مااعرف شنو السبب

دخلت ساندرا وامها واختها وزوجة اسماعيل لينا
سلمنه عليهم وكعدو
سحلت ساندرا والبنات لان امهن بقت گاعدة يم امي

ساندرا،،وين تردين بينه مسحولتنه وراج

لارا،،تعاي ساعديني بدل مافاكه حلگج ع السوالف

جوليان، ،ديالله جيبي بشنو نساعدج
لارا،،بقن كم سفري مامعلبتهن وانتن لابسات وجاهزات فديت الاسود عليجن طالع يخبل ههههه

ساندرا،،دروحي اسبحي انتي وكفشتج هاي مابقه شي ساعه اربعه اله ثلث

لارا،،تركتهن يجهزن بمكاني وصعدت اركض سبحت بسرعه وطلعت مشطت ولبست قميص اسود وتنورة سودة حصر ع الجسم طويله
لفيت حجابي عدل مااعرف احضر المجلس بدون حجاب احتراما للسيدة الزهراء عليها السلام يگولون تحضر عزا ابنها الامام الحسين فدوه ل اسمه

كملت ونزلت لكيتهن مخلصات وكاعدات يم امي بس ساندرا بالمطبخ تحضر كاسات ماي للنسوان لان بدن يجن

رحت ساعدتها اني محضرة الاستكانات صبيت جاي واخذت الصينيه وساندرا تاخذ مني وتقدم للنسوان

بعدها بدت المله تقرة ساندرا واني وجوليان گعدنه بالباب لان ماكو مكان اجن اهواي

قرت المله صارت تنعي وام اسماعيل ذبحت نفسها بالبجي انقهرت عليها وحتئ بناتها صارو يبجون علئ حال امهم
انتهئ المجلس وبدينه اني وسندورا انوزع كملنه والكل راح بقو بس ساندرا واهلها
جبتلهن علاگه من الثواب
ام اسماعيل، ،شتسوين بي هلگد خاله رجعي هذا اهواي

لارا،،فدوتج خالتي وبعدين هذا ثواب ميصير ترجعي

دمغت راسي بخفه لان اتذكرت شغله
رجعت للمطبخ جبت علبتين واجيت اركض

جوليان، ،ولج خبله شتسوين بي هذا اهواي

لارا،،عيني موحصتج هاي حصت عمو ابو اسماعيل وسيران اخوج

ساندرا،،زين سويتي لان مستحيل انطي حصتي اني بالاكل اكون او لاااكون هههههه

لارا،،اجه اسماعيل اخذهم بعد ماسلم علئ امي

راهب،،خليت مراقب عليها يجيبلي كل اخبارها وتحركاتها شتحب شتلبس شتاكل منو صديقاتها المقربات وين تگعد ماخليت معلومه ماسألت عنها

اريد انفذ الخطه بس محتار منين ابدي
اذا رحت الها للدوام واتعرفت عليها خايف تشك بيه لان اكيد عدها علم انو عدها عم اسمه ضياءالدين ومن راح تعرف اسمي واسم ابوي اكيد راح تعرف اني ابن عمها ف لازم الكه حل
بقيت افكر الئ ان اجتني فكرة اتصلت بقاسم الزعلان
الو ها ابو الشباب وين انته??
اهاا تمام جايك

اخذت السويج والباكيت وطلعت لگيته بالشقه يجهز جنطته حتئ ينزل للنجف واني بعد يومين الحگه تبدي اجازتي
ها بعد اخوك راح تنزل مجاز?

قاسم،،اي

راهب،،بطل زعل مثل الزعاطيط

قاسم،،انته تجفص بالبطن واتگول بطل زعل

راهب،،قاسم انته اكثر واحد عشت وشهدت علئ معاناتي اني واهلي الي شبعنه جوع ونمنه بدموعنه
ماراح اتراجع عن قراري بعد ماوگع جلال العار بيدي اذا ماادمرة وادمر عائلته ماراح يكون اسمي راهب ضياء الدين
جنت متاكد راح تحط ايدك ب ايدي لان ماعندي غيرك يساعدني

قاسم،،موبس اساعدك انته تشلع عيوني وتاخذهن بس بروح ابوك لااتأذي الابنيه مالها ذنب تحاسبها بذنب ابوها

راهب،،اريد بس اقنعه وهو قافل گتله ومنو گالك انه اريد اضحك عليها
قاسم،،جا شتريد اتسوي

راهب،،اتزوجها

يتبع

#ثأر_الضابط



#بارت٥

ﻫﻴﺞ ﻧﺘﻼﮔﺔ ﺿﻠﻊ ﻳﺸﺒﮓ ﺿﻠﻊ
ﺍﻧﺨﻠﻲ ﺩﮔﺎﺕ ﺍﻟﮕﻠﺐ ﻣﺎﺗﻨﺴﻤﻊ
ﻣﻦ ﺍﺑﻮﺳﻚ ﺍﻗﻔﻞ ﺍﺷﻔﺎﻓﻲ ﻋﻠﻴﻚ
ﺣﺘﺊ ﺑﺎﺟﺮ ﺑﺎﻟﺰﻋﻞ ﻣﺎﺗﻨﺸﻠﻊ
،،،،،،،،،،،،،
💚💚♨️
،،،،،،،،،،،،،،،،،،،،،،،،
ﻻﺭﺍ،،ﻣﺮﺕ ﺍﻻﻳﺎﻡ ﻣﺨﻠﺼﺘﻬﺎ ﺑﻴﻦ ﺍﻟﺒﻴﺖ ﻭﺍﻟﺠﺎﻣﻌﻪ ﻭﺣﺘﺊ ﻃﻠﺐ ﺍﺳﺘﺎﺫ ﻋﻤﺎﺭ ﻧﺴﻴﺘﻪ ﻣﺎﺣﺎﻃﺘﻪ ﺍﺑﺎﻟﻲ
ﺍﺗﺬﻛﺮﺕ ﻣﻦ ﺷﻔﺘﻪ ﮔﺪﺍﻣﻲ
ﺍﺟﺖ ﻃﺎﻟﺒﻪ ﻗﺒﻞ ﺍﻟﻤﺤﺎﺿﺮﺓ ﮔﺎﻟﺖ ﺍﺳﺘﺎﺫ ﻋﻤﺎﺭ ﺭﺍﻳﺪﺝ ﺑﻤﻜﺘﺒﻪ
ﻋﺮﻓﺖ ﺷﻴﺮﻳﺪ ﺍﺗﺮﺧﺼﺖ ﻣﻦ ﺍﻟﺒﻨﺎﺕ ﻭﺭﺣﺘﻠﻪ ﺳﺎﻧﺪﺭﺍ ﻋﺪﻫﺎ ﻋﻠﻢ ﺑﺎﻟﻤﻮﺿﻮﻉ ﻭﻓﺮﺣﺖ ﻣﻦ ﺳﻤﻌﺖ ﺍﻟﺨﺒﺮ ﻭﺻﺎﺭﺕ ﺗﻘﻨﻌﻨﻲ ﺍﻭﺍﻓﻖ ﺍﺗﮕﻮﻝ ﺍﻻﺳﺘﺎﺫ ﻳﺸﺒﻬﺞ ﻭﺍﺫﺍ ﻗﺒﻠﺘﻲ ﺍﻛﻴﺪ ﺧﻠﻔﺘﺞ ﺗﻄﻠﻊ ﺗﺨﺒﻞ ﻣﺜﻠﻜﻢ
ﺩﻣﻐﺘﻬﺎ ﻭﮔﻤﺖ ﻋﻠﺊ ﺗﻔﻜﻴﺮﻫﺎ ﺑﻌﺪﻧﻲ ﻣﺎﺭﺟﻌﺘﻠﻪ ﺧﺒﺮ ﻭﻫﺎﻱ ﻓﻜﺮﺕ ﺑﺨﻠﻔﺘﻨﻪ
ﺩﮔﻴﺖ ﺍﻟﺒﺎﺏ ﻭﺩﺧﻠﺖ ﻣﻦ ﺷﺎﻓﻨﻲ ﻧﻬﺾ ﻣﻦ ﻣﻜﺎﻧﻪ ﻣﺪ ﺍﻳﺪﺓ ﺍﺗﺼﺎﻓﺤﻨﻪ ﻭﺳﻤﺤﻠﻲ ﺍﮔﻌﺪ
ﺍﺳﺘﺎﺫ ﻋﻤﺎﺭ،،ﺷﻨﻮ ﺗﺸﺮﺑﻴﻦ ?
ﻻﺭﺍ،،ﺷﻜﺮﺍ ﺍﺳﺘﺎﺫ ﻣﺎﻛﻮ ﺩﺍﻋﻲ
ﺍﺳﺘﺎﺫ ﻋﻤﺎﺭ،،ﺑﺸﺮﻳﻨﻲ ﻳﻤﻌﻮﺩﺓ ﺗﺮﺓ ﺍﻟﻠﻪ ﺷﺎﻫﺪ ﻟﻴﻠﻲ ﻣﺎﻧﺎﻳﻤﻪ ﺍﺣﺲ ﮔﺎﻋﺪ ﻋﻠﺊ ﻧﺎﺭ ﻣﻨﺘﻀﺮ ﺟﻮﺍﺑﺞ
ﻻﺭﺍ،،ﺍﻧﻘﻬﺮﺕ ﻋﻠﺊ ﻛﻼﻣﻪ ﺩﻧﻜﺖ ﻭﮔﻠﺖ ﺧﻞ ﺍﻧﻄﻲ ﺟﻮﺍﺑﻲ ﺧﻄﻴﻪ ﻣﺎﻳﺴﺘﺎﻫﻞ ﺍﺧﻠﻲ ﻳﻨﺘﻀﺮ ﺍﻛﺜﺮ
ﮔﺘﻠﻪ ﺍﺳﻔﻪ ﺍﺳﺘﺎﺫ ﻃﻠﺒﻚ ﻋﻠﺊ ﻋﻴﻨﻲ ﻭﺭﺍﺳﻲ ﻭﺍﻟﻒ ﻭﺣﺪﺓ ﺗﺘﻤﻨﺎﻙ
ﻗﺎﻃﻌﻨﻲ ﺑﻜﻼﻣﻪ
ﻋﻤﺎﺭ،،ﺑﺲ ﺍﻧﻲ ﺭﺍﻳﺪﺝ ﺍﻟﺞ ﻣﺎﺭﺍﻳﺪ ﺍﻻﻟﻒ
ﻻﺭﺍ،،ﺍﻋﺘﺬﺭ ﺍﺳﺘﺎﺫ ﻣﺎﻛﻮ ﻧﺼﻴﺐ ﻻﻥ ﻣﺎﻣﻔﻜﺮﻩ ﺍﺭﺗﺒﻂ ﺣﺎﻟﻴﺎ ﻭﺷﺎﻳﻠﻪ ﺍﻟﻔﻜﺮﺓ ﻣﻦ ﺑﺎﻟﻲ ﺍﺭﻳﺪ ﺍﻛﻤﻞ ﻛﻠﻴﺘﻲ
ﻋﻤﺎﺭ،،ﻭﺑﺮﺍﻳﺞ ﻫﺬﺍ ﺣﻞ ?
ﺯﻳﻦ ﺍﺫﺍ ﺍﺭﺗﺒﻄﺘﻲ ﺑﻴﻪ ﺭﺍﺡ ﺍﮔﻌﺪﺝ ﺑﺎﻟﺒﻴﺖ ?
ﻻﺭﺍ ﺍﻧﻲ ﺍﺳﺘﺎﺫ ﺟﺎﻣﻌﻲ ﻣﻮ ﻣﺘﺨﻠﻒ ﻭﺍﮔﻌﺪﺝ ﺑﺎﻟﺒﻴﺖ ﻭﺍﺑﻄﻠﺞ ﻣﻦ ﺩﻭﺍﻣﺞ
ﺧﻠﻲ ﻳﻜﻮﻥ ﻫﺬﺍ ﺍﻟﺸﻲ ﺑﻌﻠﻤﺞ
ﻉ ﺍﻟﻌﻤﻮﻡ ﺭﺩﺕ ﺍﻟﺠﻮﺍﺏ ﻭﺍﺧﺬﺗﻪ ﺍﻟﻠﻪ ﻳﺴﻌﺪﺝ ﺑﺤﻴﺎﺗﺞ ﺗﮕﺪﺭﻳﻦ ﺗﺘﻔﻀﻠﻴﻦ
ﻻﺭﺍ،،ﺣﺴﻴﺘﻪ ﺍﻧﻘﻬﺮ ﻣﻦ ﻛﻼﻣﻪ ﺩﻧﮓ ﻳﺒﺎﻭﻉ ﺑﺎﻟﺤﺎﺳﺒﻪ ﺑﺪﻭﻥ ﻣﺎﻳﺒﺎﻭﻋﻠﻲ ﻛﻤﺖ ﻭﻃﻠﻌﺖ ﻣﻦ ﺍﻟﻤﻜﺘﺐ
ﺑﺲ ﺣﺎﺳﻪ ﺑﺎﻟﺬﻧﺐ ﻣﺎﺍﻋﺮﻑ ﻟﻴﺶ ﻳﻤﻜﻦ ﺿﻴﻌﺖ ﻣﻦ ﺍﻳﺪﻱ ﻓﺮﺻﻪ ﺗﺤﻠﻢ ﺑﻴﻬﺎ ﻛﻞ ﺍﺑﻨﻴﻪ ﻳﺠﻴﻬﺎ ﺷﺨﺺ ﻛﺎﻣﻞ ﻭﺍﻟﻜﻤﺎﻝ ﻟﻠﻪ ﻳﻌﻨﻲ ﺍﺳﺘﺎﺫ ﻣﺜﻘﻒ ﻭﻣﻦ ﻋﺸﻴﺮﺓ ﻣﻌﺮﻭﻓﻪ ﺑﺴﻤﻌﺘﻬﺎ ﺍﻟﻄﻴﺒﻪ ﻭﻏﻴﺮ ﻛﻞ ﻫﺬﺍ ﻭﺳﻴﻢ ﺍﻻﺑﻌﺪ ﺍﻟﺤﺪﻭﺩ
ﺭﺟﻌﺖ ﺍﻟﺴﺎﻧﺪﺭﺍ ﻭﻣﻦ ﺣﺠﻴﺘﻠﻬﺎ ﻏﻤﺘﻨﻲ
ﺳﺎﻧﺪﺭﺍ،،ﻳﺎﺭﺏ ﻛﻮﻥ ﻳﺠﻴﺞ ﻭﺍﺣﺪ ﻳﺸﺒﻪ ﻋﺒﺴﻲ
ﻻﺭﺍ،،ﻋﺎﺑﺖ ﺑﻴﺶ ﻃﺎﻟﺒﺘﻨﻲ
ﺳﺎﻧﺪﺭﺍ ،،ﻻﻥ ﺍﻧﺘﻲ ﻭﺣﺪﺓ ﺛﻮﻟﻪ ﺩﺑﺎﻋﻲ ﺑﻨﺎﺕ ﺍﻟﺠﺎﻣﻌﻪ ﻛﻠﻬﺎ ﺗﻔﻚ ﺣﻠﻜﻬﺎ ﻣﻦ ﻳﻤﺮ ﺍﺳﺘﺎﺫ ﻋﻤﺎﺭ ﻭﻟﺞ ﺑﺲ ﻋﻄﺮﺓ ﻳﺠﻠﻂ
ﻭﺍﻟﻠﻪ ﺍﻧﻲ ﻟﻮ ﻣﻮﺍﺧﺘﻼﻑ ﺍﻟﺪﻳﺎﻧﻪ ﺟﺎﻥ ﺭﺣﺖ ﺧﻄﺒﺘﻪ
ﻻﺭﺍ،،ﻫﻬﻬﻬﻬﻬﻬﻪ ﺧﺒﻠﻪ
ﺳﺎﻧﺪﺭﺍ، ،ﻣﻮ ﺍﺧﺒﻞ ﻣﻨﺞ
ﻻﺭﺍ،،ﺭﺟﻌﺖ ﻟﻠﺒﻴﺖ ﻣﺎﺟﺎﺑﺖ ﻃﺎﺭﻱ ﻝ ﺍﻫﻠﻲ ﻋﻠﺊ ﻣﻮﺿﻮﻉ ﺍﺳﺘﺎﺫ ﻋﻤﺎﺭ ﻻﻥ ﺍﻣﻲ ﺿﻌﻴﻔﻪ ﻛﻠﺶ ﮔﺪﺍﻡ ﻫﻴﺞ ﻗﺴﻤﻪ ﺍﻛﻴﺪ ﺗﻨﻄﻴﻨﻲ ﺑﺪﻭﻥ ﻣﺘﺴﺄﻝ
ﺑﻠﻴﻞ ﺍﺗﺼﻠﺖ ﺏ ﺍﺧﻮﻱ ﻣﻬﻨﺪ ﻣﺸﺘﺎﻗﺘﻠﻪ ﺻﺎﺭ ﻛﻢ ﻳﻮﻡ ﻣﺎﺣﺎﺟﻴﻪ ﻭﻳﺎﻩ
ﺑﻘﻴﺖ ﺍﺳﻮﻟﻒ ﻭﻳﺎﻫﻢ ﻫﻮ ﻭﻣﺮﺗﻪ ﻭﺑﻌﺪﻫﺎ ﻓﺘﺤﻮﻟﻲ ﻛﺎﻣﺮﺍ ﺣﺘﺊ ﺍﺷﻮﻑ ﺑﻨﺎﺗﻬﻢ ﺍﻟﺘﺆﺍﻡ ﺻﻮﻓﻴﺎ ﻭﺳﻴﺪﺭﺍ
ﻓﺪﻭﻩ ﻳﺨﺒﻠﻮﻥ ﻣﻬﻨﺪ ﻣﻦ ﺳﺎﻓﺮ ﺍﺗﻌﺮﻑ ﻋﻠﺊ ﺑﻨﻴﻪ ﻋﺮﺍﻗﻴﻪ ﻻﺟﺌﻪ ﻫﻲ ﻭﺍﻫﻠﻬﺎ ﺗﺸﺘﻐﻞ ﻣﻮﺿﻔﻪ ﺑﺎﻟﻤﻄﺎﺭ ﻻﻥ ﻋﺪﻫﺎ ﺍﻟﺠﻨﺴﻴﻪ ﺍﻻﻟﻤﺎﻧﻴﻪ ﻭﺿﺎﺑﻄﻪ ﺍﻟﻠﻐﻪ ﻻﻥ ﻣﻦ ﺯﻣﺎﻥ ﻋﺎﻳﺸﻴﻦ ﺑﺎﻟﺨﺎﺭﺝ
ﻭﺑﻌﺪﻫﺎ ﺍﺗﺰﻭﺟﻮ ﺑﻌﻴﺪ ﻋﻨﻪ ﺍﻣﻲ ﺑﺎﻟﺒﺪﺍﻳﻪ ﺭﻓﻀﺖ ﺑﺲ ﻫﻮ ﻋﺎﻧﺪﻫﺎ ﻭﺳﻮﻩ ﺍﻟﺒﺮﺍﺳﻪ ﻣﺮﺗﻴﻦ ﺍﺟﻪ ﻉ ﺍﻟﻌﺮﺍﻕ ﻫﻮ ﻭﺯﻭﺟﺘﻪ ﻧﺪﺉ ﻭﺍﻃﻔﺎﻟﻪ ﺑﺲ ﺻﺎﺭﻟﻪ ﺳﻨﺘﻴﻦ ﻣﺎﺟﺎﻱ
ﺍﺗﻔﺎﺟﺌﺖ ﺑﻜﻼﻣﻬﺎ ﻣﻦ ﮔﺎﻟﺖ ﻭﻫﻲ ﺗﺒﺠﻲ
ﻧﺪﺉ، ،ﻟﺞ ﻋﻴﻨﻲ ﻻﺭﺍ ﺍﻧﻲ ﺣﺎﻣﻞ
ﻻﺭﺍ،،ﺿﺤﻜﺖ ﻋﻠﻴﻬﺎ ﮔﺘﻠﻬﺎ ﻣﺒﺮﻭﻙ ﻳﻌﻤﺮﻱ ﺑﺲ ﻋﻠﻴﺶ ﺗﺒﺠﻴﻦ ﻫﺬﺍ ﺭﺯﻕ ﻣﻦ ﺍﻟﻠﻪ
ﻧﺪﺉ،،ﺣﺎﻣﻞ ﺑﺘﺆﻡ ﻣﺮﺓ ﺛﺎﻧﻴﻪ
ﻻﺭﺍ،،ﺣﺠﺘﻬﺎ ﻭﻃﮕﺖ ﻣﻦ ﺍﻟﺒﺠﻲ ﻭﺍﻧﻲ ﺧﺮﺑﺎﻧﻪ ﺿﺤﻚ ﻋﻠﻴﻬﺎ
ﻧﺪﺉ،،ﺍﻱ ﻋﻴﻨﻲ ﺍﺿﺤﻜﻲ ﻗﺎﺑﻞ ﻣﺜﻠﻲ ﻭﺍﻟﻠﻪ ﺣﺘﺊ ﻧﻮﻡ ﻣﺎﺷﺒﻌﺎﻧﻪ ﺑﺴﺒﺐ ﺻﻮﻓﻴﺎ ﻭﺳﻴﺪﺭﺍ
ﻻﺭﺍ،،ﺩﺭﻭﺣﻲ ﻋﺎﺩ ﺧﻞ ﺍﺑﺸﺮ ﺍﻣﻲ ﻫﻬﻬﻬﻪ
ﻧﺪﺉ،،ﻋﺎﺑﺖ ﻋﻮﺩ ﺭﺩﺗﻬﺎ ﺗﻮﺍﺳﻴﻨﻲ
ﻻﺭﺍ،،ﻏﻴﺮﺝ ﻳﺘﻤﻨﺊ ﻫﺎﻱ ﺍﻟﻨﻌﻤﻪ ﻧﺪﻭﺷﻪ ﻛﻮﻟﻲ ﺍﻟﺤﻤﺪﺍﻟﻠﻪ
ﺗﺮﻛﺘﻬﺎ ﻭﻧﺰﻟﺖ ﻳﻢ ﺍﻣﻲ ﺑﺸﺮﺗﻬﺎ ﻭﻓﺮﺣﺖ ﻛﻠﺶ ﺑﺎﻟﺨﺒﺮ ﺍﻣﻲ ﺗﺘﻤﻨﺊ ﺗﻌﺮﺱ ﺭﺍﻓﺪ ﻭﻣﺤﻤﺪ ﺑﺲ ﺍﺧﻮﺗﻲ ﺭﺍﻓﻀﻴﻦ ﻳﺮﻳﺤﻮﻥ ﮔﻠﺒﻬﺎ ﻭﻳﺘﺰﻭﺟﻮﻥ ﺣﺘﺊ ﻧﺴﻮﺍﻧﻬﻢ ﺷﻮﻳﻪ ﻳﻌﻴﻴﻨﻬﺎ
ﻻﻥ ﺍﻧﻲ ﻣﺎﺩﺍﻳﻤﺘﻠﻬﺎ ﻭﻓﻮﮒ ﻛﻠﺸﻲ ﻃﺎﻟﺒﻪ ﻫﻨﺪﺳﻪ ﻭﻣﺮﺣﻠﻪ ﺻﻌﺒﻪ ﺩﺭﺍﺳﻪ ﻭﻗﻠﻖ ﻭﺷﺪ ﺍﻋﺼﺎﺏ ﺑﺎﻟﺴﺒﻮﻉ ﻣﺮﺓ ﻭﺣﺪﺓ ﺍﻃﻠﻊ ﻭﺍﻟﻤﻜﺎﻥ ﺍﻟﻮﺣﻴﺪ ﺍﻟﻲ ﺍﺭﻭﺣﻠﻪ ﻫﻮ ﺑﻴﺖ ﺳﺎﻧﺪﺭﺍ
ﺍﻡ ﺭﺍﻓﺪ،،ﻳﻮﻡ ﺍﻟﻲ ﺍﺯﻭﺟﺞ ﻭﺍﺣﺪ ﻣﺎﻝ ﻭﺟﺎﻩ ﻭﺍﻟﻜﻞ ﺗﺤﻠﻒ ﺑﻲ ﻭﺍﻓﺮﺡ ﺑﻴﺞ
ﻻﺭﺍ،،ﻣﺎﻣﺎ ﺍﻟﻤﻬﻢ ﻳﺤﺒﻨﻲ ﻭﺍﺣﺒﻪ ﻣﺎﻳﻬﻤﻨﻲ ﻋﻨﺪﺓ ﺍﻓﻠﻮﺱ ﻟﻮ ﻻ ﻋﻨﺪﻱ ﺍﻟﺴﻌﺎﺩﺓ ﺍﻫﻢ ﺷﻲ
ﺍﻡ ﺭﺍﻓﺪ،،ﺍﻱ ﺍﺫﺍ ﺍﺧﺬﺗﻲ ﻭﺍﺣﺪ ﻓﮕﺮ ﻳﻮﻛﻠﺞ ﺳﻌﺎﺩﺓ ﻭﺗﺸﺒﻌﻴﻦ
ﻻﺭﺍ،،ﺍﻟﻤﻬﻢ ﺍﻧﻲ ﻣﻘﺘﻨﻌﻪ
ﺍﻣﻲ ﺍﻋﺮﻑ ﻃﺒﻌﺎ ﺗﺤﺐ ﺍﻟﻤﺎﺩﺓ ﻭﺿﻌﻴﻔﻪ ﺟﺪﺍ ﺍﻣﺎﻣﻬﺎ ﺑﺤﻴﺚ ﻣﺴﺘﻌﺪﺓ ﺗﻨﻄﻴﻨﻲ ﺍﻟﺸﺎﻳﺐ ﺑﺲ ﻛﻮﻥ ﻋﻨﺪﺓ ﺍﻓﻠﻮﺱ
ﺭﺍﻫﺐ،،ﻳﻮﻡ ﻳﺠﺮ ﻳﻮﻡ ﻭﺍﻧﻪ ﻣﺘﺎﺑﻌﻬﺎ ﻭﻫﻠﻔﺘﺮﺓ ﺻﺎﺭ ﻭﻛﺖ ﺗﺮﻗﻴﺘﻲ ﺑﺮﺗﺒﺔ ﻧﻘﻴﺐ ﻳﻌﻨﻲ ﺣﺎﻟﻴﺎ ﺗﺎﺭﻙ ﻣﻮﺿﻮﻋﻬﺎ ﺑﻴﻦ ﻣﺎﺍﺣﺼﻞ ﺍﻟﺮﺗﺒﻪ
ﺍﺗﺼﻞ ﺑﻴﻪ ﻋﻤﻴﺪ ﻫﺎﺷﻢ ﮔﺎﻝ ﺍﺟﻪ ﺍﻣﺮ ﺑﺘﺮﻗﻴﺘﻚ ﺍﻧﺘﻪ ﻭﻣﻼﺯﻡ ﺍﻭﻝ ﻗﺎﺳﻢ

ﻓﺮﺣﺖ ﻛﻠﺶ ﻻﻥ ﻫﺬﺍ ﺣﻠﻤﻲ ﻣﻦ ﺯﻣﺎﻥ ﺍﻃﻤﺢ ﺍﻛﻮﻥ ﺍﻧﺴﺎﻥ ﻧﺎﺟﺢ
ﻗﺎﺳﻢ ﻋﻨﺪﺓ ﻋﻠﻢ ﺑﺎﻟﺘﺮﻗﻴﻪ
ﺑﻌﺪ ﻳﻮﻣﻴﻦ ﺭﺣﻨﻪ ﺍﻟﻐﺮﻓﺔ ﺍﻟﻌﻤﻴﺪ ﻫﺎﺷﻢ ﺟﺎﻧﻮ ﮔﺎﻋﺪﻳﻦ ﻟﻮﺍﺀ ﻣﻀﻔﺮ ﻭﻛﻢ ﺿﺎﺑﻂ ﺣﺎﺿﺮﻳﻦ ﻟﻠﺘﻬﺌﻨﻪ
ﺍﺩﻳﻨﻪ ﺍﻟﺘﺤﻴﻪ ﻭﺷﺪﻭﻟﻨﻪ ﺍﻟﻨﺠﻤﻪ ﺍﻟﺜﺎﻟﺜﻪ
ﺍﺑﺎﻭﻉ ﻗﺎﺳﻢ ﺍﻟﺤﻠﮓ ﻣﻔﺘﻮﺡ ﺍﺫﺭﺍﻉ ﻣﻦ ﺍﻟﻔﺮﺣﻪ ﺑﺲ ﺍﻧﻲ ﻋﻮﺩ ﺍﻟﺜﻜﻴﻞ ﻣﺎﻟﺘﻬﻢ ﺑﺲ ﻓﺮﺣﺘﻲ ﻣﺎﺳﺎﻳﻌﺘﻨﻲ
ﺍﻟﻜﻞ ﺑﺎﺭﻛﻠﻨﻪ ﻭﻃﻠﻌﻨﻪ
ﮔﺘﻠﻪ ﻗﺎﺳﻢ ﺗﻌﺎﻝ ﺍﺧﺬﻙ ﺍﻟﻤﻜﺎﻥ ﺑﻤﻨﺎﺳﺒﺔ ﺍﻟﺘﺮﻗﻴﻪ
ﻗﺎﺳﻢ ،،ﻭﻟﻚ ﺑﻌﺪ ﻭﻛﺖ ﻉ ﺍﻟﺴﻬﺮﺓ ﺷﺠﺎﻙ ﻣﻦ ﺍﻟﻔﺮﺡ ﺧﻔﻴﺖ
ﺭﺍﻫﺐ،،ﺍﻧﺠﺐ ﻃﺎﻳﺢ ﺍﻟﺤﺾ ﺍﻣﺸﻲ ﻭﻳﺎﻱ ﻭﺍﻧﺘﻪ ﺳﺎﻛﺖ
ﻭﻓﻌﻼ ﺍﺧﺬﺗﻪ ﻭﺭﺣﺖ ﺑﻮﺟﻬﻲ ﻟﻼﻣﺎﻡ ﻣﻮﺳﺊ ﺍﺑﻦ ﺟﻌﻔﺮ ﺍﻟﻜﺎﺿﻢ ﻋﻠﻴﻪ ﺍﻟﺴﻼﻡ
ﺩﺧﻠﺖ ﻭﺍﺳﺘﺤﻴﺖ ﺍﺭﻓﻊ ﺭﺍﺳﻲ ﻭﺍﺩﻋﻲ ﺍﺣﺲ ﺍﻻﻣﺎﻡ ﻭﺍﮔﻒ ﮔﺪﺍﻣﻲ ﻭﺧﺠﻼﻥ ﻣﻨﻪ
ﺭﺩﺕ ﺍﻧﺪﻋﻲ ﻭﺍﻃﻠﺐ ﻣﻨﻬﻢ ﻳﻌﻴﻨﻮﻧﻲ ﻭﻳﺴﺎﻋﺪﻭﻧﻲ ﺣﺘﺊ ﺍﺧﺬ ﺛﺎﺭ ﺍﺑﻮﻱ ﺑﺲ ﺧﺠﻠﻲ ﺟﺎﻥ ﺍﻛﺒﺮ ﺑﻘﻴﺖ ﺳﺎﻛﺖ ﻭﻣﺪﻧﻚ ﻣﺜﻞ ﻣﺬﻧﺐ ﻣﻌﺘﺮﻑ ﺑﺬﻧﺒﻪ ﻭﻓﺸﻼﻥ ﻣﻦ ﺭﻭﺣﻪ
ﻫﻢ ﺛﮕﻴﻞ ﻋﻠﺊ ﮔﻠﺒﻲ ﻭﻛﻞ ﻣﺎﺍﺣﺼﻞ ﺭﺗﺒﻪ ﺍﻋﻠﺊ ﺍﺻﺮﺍﺭﻱ ﻉ ﺍﻻﻧﺘﻘﺎﻡ ﻳﻜﻮﻥ ﺍﺷﺪ
ﺯﺭﻧﻪ ﻭﺻﻠﻴﻨﻪ ﻃﺒﻌﺎ ﺻﻼﺗﻲ ﺑﺲ ﺑﺎﻟﺰﻳﺎﺭﺍﺕ ﻭﺍﻟﻤﻨﺎﺳﺒﺎﺕ ﻻﻥ ﻣﺎﺿﺎﺑﻄﻬﺎ
ﺭﺟﻌﻨﻪ ﻟﻠﺸﻘﻪ ﺩﺧﻠﺖ ﺳﺒﺤﺖ ﻭﺑﺪﻟﺖ ﻃﻠﻌﺖ ﻟﮕﻴﺖ ﻗﺎﺳﻢ ﺟﺎﻫﺰ ﻗﺒﻠﻲ
ﻃﻠﻌﻨﻪ ﻭﻳﻪ ﺟﻤﺎﻋﺘﻨﻪ ﺍﻟﻀﺒﺎﻁ ﻣﻌﺰﻭﻣﻴﻦ ﻉ ﺍﻟﻌﺸﻪ
ﺑﺲ ﻃﻮﻝ ﺍﻟﻮﻛﺖ ﺍﺣﺲ ﻋﻴﻮﻧﻬﺎ ﺑﺮﺍﺳﻲ ﻣﺮﺍﺕ ﺣﺘﺊ ﻭﺍﻧﻲ ﮔﺎﻋﺪ ﻭﻳﻪ ﺟﻤﺎﻋﺘﻲ ﺍﺗﺬﻛﺮ ﻋﻴﻮﻧﻬﺎ
ﺑﺪﺍﺧﻠﻲ ﺍﻛﻮ ﺷﻲ ﻳﻬﻴﺎﻟﻲ ﺍﻧﻮ ﻫﺬﺍ ﺑﺴﺒﺐ ﺍﻧﺘﻘﺎﻣﻲ ﻣﻨﻬﺎ
ﻻﺭﺍ،،ﺗﻌﺒﺖ ﻧﻔﺴﻴﺘﻲ ﻛﻠﺶ ﺑﺴﺒﺐ ﺍﻟﺪﺭﺍﺳﻪ ﻻﻃﻠﻌﻪ ﻭﻻﻣﺸﻴﻪ ﻭﺣﺘﺊ ﻣﻦ ﺍﺭﻭﺡ ﻳﻢ ﺳﺎﻧﺪﺭﺍ ﻧﺨﻠﺼﻬﺎ ﻛﺘﺒﻨﻪ ﺑﺪﻳﻨﻪ
ﺑﻌﺪ ﻛﻢ ﻳﻮﻡ ﺍﺗﻔﻘﻮ ﻃﻼﺏ ﮔﺮﻭﺑﻨﻪ ﻧﻄﻠﻊ ﺑﻌﺪ ﺍﻟﺪﻭﺍﻡ ﻧﺘﻮﻧﺲ ﺍﻟﻤﺘﻨﺰﺓ ﺍﻟﺰﻭﺭﺍﺀ
ﺍﺗﺼﻠﺖ ﺏ ﺍﻣﻲ ﺍﻧﻄﻴﻬﺎ ﺧﺒﺮ
ﻭﻓﻌﻼ ﺭﺣﻨﻪ ﻭﺳﺎﻧﺪﺭﺍ ﺍﺗﺮﻳﺪ ﺍﻃﻴﺮ ﻣﻦ ﺍﻟﻔﺮﺡ ﺍﻓﺘﺮﻳﻨﻪ ﺷﻮﻳﻪ ﻭﺟﺮﺑﻨﻪ ﻛﻢ ﻟﻌﺒﻪ ﺍﻛﺜﺮ ﺷﻲ ﺍﺣﺐ ﺳﻴﺎﺭﺍﺕ ﻫﻬﻬﻬﻬﻪ ﺍﺣﺲ ﻧﻔﺴﻲ ﺑﻌﺪﻧﻲ ﻃﻔﻠﻪ
ﺑﺲ ﻣﺎﺗﻘﺮﺑﺖ ﻣﻦ ﺍﻻﻟﻌﺎﺏ ﺍﻟﻤﺮﺗﻔﻌﻪ ﻣﺜﻞ ﺩﻳﻼﺏ ﺍﻟﻬﻮﺉ ﻻﻥ ﺟﺒﺎﻧﻪ ﻭﺍﺧﺎﻑ ﻣﻦ ﺍﻟﻤﻜﺎﻧﺎﺕ ﺍﻟﻌﺎﻟﻴﻪ ﺍﺣﺲ ﻧﻔﺴﻲ ﻳﻐﻤﺊ ﻋﻠﻴﻪ ﻣﻨﻬﺎ
ﻋﺼﺎﻡ،،ﻳﻠﻪ ﺳﺖ ﻻﺭﺍ ﺧﻞ ﻧﺼﻌﺪ ﺑﺴﻜﺔ ﺍﻟﻤﻮﺕ
ﻻﺭﺍ،،ﻋﺰﺍﺍﺍ ﻟﻮ ﺍﻣﻮﺕ ﻏﻴﺮ ﻳﺴﻜﺖ ﮔﻠﺒﻲ
ﺳﺎﻧﺪﺭﺍ، ،ﻋﻮﻓﻬﺎ ﻫﺎﻱ ﺟﺒﺎﻧﻪ ﺍﻧﻲ ﺣﺮﻭﺡ ﻭﻳﺎﻛﻢ
ﻻﺭﺍ،،ﺻﻌﺪﻭ ﺍﻟﺸﺒﺎﺏ ﻭﺍﻭﻟﻬﻢ ﻋﺼﺎﻡ ﻭﺳﺎﻧﺪﺭﺍ
ﺍﺗﺤﺮﻙ ﺍﻟﻘﻄﺎﺭ ﻭﺍﻟﺼﺮﻳﺦ ﺻﺎﺭ ﺑﻔﻠﺲ
ﻣﻨﺎ ﻟﻤﻦ ﺍﻧﺘﻬﺖ ﺍﻟﻠﻌﺒﻪ ﻭﻛﻔﻮ ﺍﻟﻘﻄﺎﺭ ﻭﻧﺰﻟﻮ ﺍﻟﺠﻤﺎﻋﺔ ﺩﺍﻳﺨﻴﻦ ﻋﺼﺎﻡ ﺑﺲ ﺣﻂ ﺭﺟﻠﻪ ﺑﺎﻟﮕﺎﻉ ﺍﺗﻘﻴﺊ
ﻻﻥ ﺍﻭﻝ ﻣﺮﺓ ﻳﺼﻌﺪ ﺑﺎﻟﻠﻌﺒﻪ ﻭﺳﺎﻧﺪﺭﺍ ﺻﻨﻔﺘﻬﻢ ﺗﺼﻨﻴﻒ
ﺧﻄﻴﻪ ﺍﺗﺨﺮﺑﻂ ﻭﺭﺍﺡ ﮔﻌﺪ ﻋﻠﺊ ﺻﻔﺤﻪ ﺩﺍﻳﺦ
ﺍﺧﺬﺕ ﻟﻔﺎﺕ ﻭﻋﺼﺎﻳﺮ ﻭﺭﺣﺖ ﻛﻌﺪﺕ ﻳﻤﻪ
ﺍﻱ ﺍﺳﺘﺎﺫ ﻋﺼﺎﻡ ﻣﺎﻧﺪﺭﻱ ﮔﻠﺒﻚ ﺍﺭﻫﻴﻒ ﻓﻀﺤﺘﻨﻪ ﺑﻴﻦ ﺍﻟﻌﺮﺑﺎﻥ ﻫﻬﻬﻬﻬﻬﻪ
ﻋﺼﺎﻡ،،ﺍﺣﺲ ﮔﻠﺒﻲ ﺻﺎﺭ ﺑﻤﻜﺎﻥ ﻣﻌﺪﺗﻲ ﻭﻣﻌﺪﺗﻲ ﺻﻌﺪﺕ ﺑﻤﻜﺎﻥ ﮔﻠﺒﻲ ﻭﻛﻞ ﺍﻟﻐﺮﺍﺽ ﺍﻟﺒﺎﻗﻴﻪ ﺍﺗﻐﻴﺮﺕ ﻣﻜﺎﻧﺎﺗﻬﻦ ﻫﻬﻬﻬﻬﻬﻪ
ﻻﺭﺍ،،ﻫﻬﻬﻬﻬﻬﻪ ﻣﻨﻮ ﺟﺎﺑﺮﻙ ﻉ ﺍﻟﻀﻴﻢ
ﻋﺼﺎﻡ،،ﺩﻧﻄﻴﻨﻲ ﻟﻔﻪ ﺟﻌﺖ ﻟﻦ ﺍﺗﻘﻴﺌﺖ
ﻻﺭﺍ،،ﮔﻌﺪﻧﻪ ﻧﺎﻛﻞ ﻭﻧﺘﻔﺮﺝ ﺑﻌﺪﻫﺎ ﺍﻟﻜﻞ ﺭﺟﻊ ﻛﻞ ﻭﺍﺣﺪ ﺍﻟﺒﻴﺘﻪ
ﺑﺲ ﺭﺟﻌﺖ ﺫﺑﻴﺖ ﻧﻔﺴﻲ ﻣﻦ ﺍﻟﺘﻌﺐ ﻭﻫﻤﺰﻳﻦ ﺑﺎﺟﺮ ﺟﻤﻌﻪ ﺧﻞ ﺍﺷﺒﻊ ﻧﻮﻡ
ﻣﺎﮔﻌﺪﺕ ﻏﻴﺮ ﻭﻳﻪ ﺍﻟﻌﺸﻪ ﻟﮕﻴﺖ ﺍﺑﻮﻱ ﺟﺎﻳﺐ ﺳﻤﺞ ﺷﻮﻱ ﺛﻮﺍﺏ ﻋﻠﺊ ﺭﻭﺡ ﻋﻤﻲ
ﻛﻞ ﺳﻨﻪ ﺍﺑﻮﻱ ﻳﺴﻮﻱ ﺛﻮﺍﺏ ﻟﺨﻮ ﻭﺍﻫﻮﺍﻱ ﻳﺤﺠﻲ ﺑﻲ ﻭﻣﺮﺍﺕ ﻳﮕﻮﻝ ﻫﺬﺍ ﺍﻟﺨﻴﺮ ﺍﻟﻌﺎﻳﺸﻴﻦ ﺑﻲ ﺑﻔﻀﻞ ﻋﻤﻜﻢ ﺿﻴﺎﺀ
ﺍﻣﻲ ﺩﺍﺋﻤﺎ ﺍﺗﻐﻴﺮ ﺍﻟﻤﻮﺿﻮﻉ ﺍﺣﺲ ﺍﺑﻮﻱ ﺑﺪﺍﺧﻠﻪ ﺣﺠﻲ ﻭﺧﺎﻳﻒ ﻳﺤﺠﻲ ﻭﻫﻠﺸﻲ ﻭﺍﺿﺢ ﻣﻦ ﺩﻣﻌﺘﻪ ﺍﻟﻲ ﺍﺗﻼﻟﻲ ﻣﻦ ﻳﺬﻛﺮ ﻋﻤﻲ ﺿﻴﺎﺀ
ﻣﺮﺓ ﮔﺎﻝ ﻋﻨﺪﺓ ﺑﻨﺎﺕ ﺛﻼﺛﻪ ﺑﺲ ﻣﺎﺍﻋﺮﻑ ﻟﻴﺶ ﻣﺎﺭﺣﻨﻪ ﺍﻟﻬﻢ ﻭﻟﻴﺶ ﻣﺎﺷﺎﻳﻔﻴﻦ ﺑﻴﺖ ﻋﻤﻲ ﻭﺑﻨﺎﺗﻪ
ﺍﺣﺲ ﺍﻫﻮﺍﻱ ﺍﺳﺄﻟﻪ ﻏﺎﻣﻀﻪ ﻭﺍﺟﻮﺑﺘﻬﺎ ﻣﺒﻬﻤﻪ
ﻭﻛﻞ ﺍﻻﺟﻮﺑﻪ ﻋﻨﺪ ﺍﻣﻲ ﻭﺍﺑﻮﻱ ﻭﺣﺘﺊ ﺭﺍﻓﺪ ﺍﺣﺲ ﻋﻨﺪﺓ ﻋﻠﻢ ﺑﺎﻟﻤﻮﺿﻮﻉ ﺑﺲ ﺳﺎﻛﺖ ﻣﺎﻳﺤﺠﻲ
ﻣﺮﺓ ﺳﺎﻟﺘﻪ ﻛﺘﻠﻪ ﺑﺎﺑﺎ ﻟﻴﺶ ﻣﺎﺷﺎﻳﻔﻴﻦ ﺑﻨﺎﺕ ﻋﻤﻲ ﻭﻟﻴﺶ ﻣﻨﺮﻭﺡ ﻋﻠﻴﻬﻢ ﺑﺲ ﻓﺎﺟﺌﻨﻲ ﺍﻋﺘﺮﺍﺽ ﺍﻣﻲ ﺑﺼﻮﺭﺓ ﻣﻮﻃﺒﻴﻌﻴﻪ ﺍﺗﻨﺮﻓﺰﺕ
ﺍﻡ ﺭﺍﻓﺪ،،ﺳﺪﻱ ﺍﻟﻤﻮﺿﻮﻉ ﻻﺭﺍﺍﺍ ﺍﻧﺘﻲ ﻣﺎﻋﻨﺪﺝ ﺑﻨﺎﺕ ﻋﻢ ﻓﻬﻤﺘﻴﻲ
ﻻﻥ ﻣﺮﺓ ﻋﻤﺞ ﺍﻧﺴﺎﻧﻪ ﺣﻘﻴﺮﺭﺓ ﻭﻋﻴﻨﻬﺎ ﻓﺎﺭﺭﻏﻪ ﻣﺘﺤﺐ ﺍﺣﺪ ﻭﻻﺗﺮﻳﺪ ﻭﺍﺣﺪ ﻳﺰﻭﺭﻫﺎ ﻣﺮﺓ ﺭﺣﻨﻪ ﻭﻃﺮﺩﺗﻨﻪ ﻣﻦ ﺍﻟﺒﺎﺏ ﻭﺑﻌﺪ ﺣﻠﻔﻨﻪ ﺍﻧﻲ ﻭﺍﺑﻮﺝ ﻣﺎﻧﻌﺘﺐ ﺑﺎﺑﻬﻢ
ﻻﺭﺍ،،ﺑﺎﺑﺎ ﻣﻦ ﺳﻤﻌﻬﺎ ﺯﻣﺦ ﺑﻴﻬﺎ ﺍﻟﺪﺭﺟﺔ ﺧﻨﺴﺖ ﻭﻣﺎﺣﺠﺖ ﺑﻌﺪ
ﺟﻼﻝ،،ﺳﻌﺎﺍﺍﺩ ﺿﺒﻲ ﺍﻟﺴﺎﻧﺞ ﻻﺗﺨﻠﻴﻨﻲ ﺍﻓﺘﺢ ﺍﻟﺪﻓﺎﺗﺮ ﺍﻟﻘﺪﻳﻤﻪ ﻛﻠﻬﺎﺍ ﺗﺮﺓﺓ ﻭﺍﺻﻠﻪ ﺣﺪﻫﺎﺍﺍ ﻭﻳﺎﺝ
ﻭﺻﺪﮔﻴﻨﻲ ﻟﻮ ﺿﻴﺎﺀ ﻋﻨﺪﺓ ﻭﻟﺪ ﺣﺘﺊ ﻟﻮ ﺍﺻﻐﺮ ﻣﻦ ﻻﺭﺍﺍﺍ ﺟﺎﻥ ﺍﻧﻄﻴﺘﻬﺎ ﺍﻟﻪ ﺑﺪﻭﻥ ﻭﺟﻊ ﮔﻠﺐ
ﻭﻟﺞ ﺍﻧﺘﻲ ﺍﺩﺭﺓ ﻭﺣﺪﺓ ﺑﻴﻨﺎﺗﻨﻪ ﺑﺎﻟﺼﺎﺍﺍﺭ ﻛﻠﻪ
ﻟﺴﻪ ﺷﺎﻳﻞ ﺫﻧﻨﺐ ﺑﺤﻤﻞ ﺍﻟﺠﺒﺎﺍﺍﻝ ﺍﺗﻤﻨﺊ ﻳﺠﻲ ﻳﻮﻡ ﻭﻳﻨﺰﺍﺡ ﻋﻦ ﮔﻠﺒﻲ ﺍﻟﺤﻤﻞ ﻭﺍﺭﺗﺎﺍﺍﺡ
ﻻﺭﺍ،،ﺑﻮﻗﺘﻬﺎ ﺗﺎﻛﺪﺕ ﺍﻛﻮ ﺷﻲ ﺻﺎﻳﺮ ﻭﻣﻮ ﺷﻲ ﺳﻬﻞ ﻻ ﺷﻲ ﻛﻠﺶ ﺟﺒﻴﺮ ﺍﻟﺪﺭﺟﺔ ﺍﺑﻮﻱ ﻳﺤﺠﻲ ﻭﻳﺮﺟﻒ ﻭﺩﻣﻮﻋﻪ ﺑﻌﻴﻨﻪ
ﺗﺮﻛﺖ ﺍﻟﻤﻮﺿﻮﻉ ﻣﻦ ﻳﻮﻣﻬﺎ ﻻﻥ ﺑﺴﺎﻋﺘﻬﺎ ﺍﺑﻮﻱ ﻭﮔﻊ ﻭﺻﺎﺭﺕ ﻋﻨﺪﺓ ﺫﺑﺤﺔ ﺻﺪﺭﻳﻪ ﻭﺍﻣﻲ ﻃﻠﺒﺖ ﺍﻧﺴﺪ ﺍﻟﻤﻮﺿﻮﻉ ﻧﻬﺎﺋﻴﺎ ﺣﺘﺊ ﻣﺎﻧﺨﺴﺮ ﺑﺎﺑﺎ
ﺍﻟﻴﻮﻡ ﺍﺣﺪ ﻛﻌﺪﺕ ﻣﻦ ﺍﻟﺼﺒﺢ ﺳﺒﺤﺖ ﺍﻟﺠﻮ ﺑﺎﺭﺩ ﻃﻠﻌﺖ ﺳﻨﻮﻧﻲ ﺍﻃﮕﻄﮓ
ﺷﻐﻠﺖ ﺍﻟﺼﻮﺑﻪ ﻭﻣﺸﻄﺖ ﻭﺷﺴﻮﺭﺕ ﺷﻌﺮﻱ ﺟﻔﻔﺘﻪ
ﻟﺒﺴﺖ ﺯﻱ ﺍﻟﻜﻠﻴﻪ ﻭﺭﺗﺒﺖ ﻧﻔﺴﻲ ﺧﻠﻴﺖ ﻛﺤﻞ ﺣﺠﺮ ﺍﺣﺒﻪ ﻻﻥ ﻳﻜﺒﺮ ﺍﻟﻌﻴﻦ ﺍﻛﺜﺮ ﻭﺷﻮﻳﻪ ﺣﻤﺮﺓ ﺑﻨﺎﺗﻲ ﻭﻣﺴﻜﺎﺭﺓ
ﺗﺮﺗﻴﺐ ﺑﺴﻴﻂ ﻣﻘﺎﺭﻧﺘﺎ ﺑﺎﻟﻄﺎﻟﺒﺎﺕ ﺍﻟﻲ ﻳﺠﻦ ﻋﺒﺎﻟﻚ ﻋﺮﺍﻳﺲ
ﺳﻤﻌﺖ ﻫﻮﺭﻥ ﻋﺮﻓﺘﻪ ﺍﺑﻮ ﻣﻨﺬﺭ ﻧﺰﻟﺖ ﺍﺧﺬﺕ ﺑﺎﻛﻴﺖ ﻋﺼﻴﺮ ﻭﻧﺴﺘﻠﻪ ﻻﻥ ﺟﻮﻋﺎﻧﻪ ﺷﻴﺼﺒﺮﻧﻲ ﺍﺗﺮﻳﮓ ﺑﻌﺪ ﺍﻟﻤﺤﺎﺿﺮﺓ
ﺍﺧﺬﺗﻬﻦ ﺑﺎﻟﺠﻨﻄﻪ ﺍﻭﻝ ﻣﺎﺻﻌﺪﺕ ﻓﺘﺤﺘﻬﻦ ﻭﺍﻛﻠﺖ
ﺑﻌﺪﻫﺎ ﻭﺻﻠﻨﻪ ﻟﻠﺠﺎﻣﻌﻪ ﻭﺍﺑﺘﺪﺉ ﺍﻟﻴﻮﻡ ﻋﺎﺩﻱ ﺑﻴﻦ ﺍﻟﻤﺤﺎﺿﺮﺍﺕ ﻭﺍﻟﻨﺎﺩﻱ ﻭﮔﻌﺪﺓ ﺍﻟﮕﺮﻭﺏ
ﺍﻧﺘﻬﺊ ﺍﻟﺪﻭﺍﻡ ﻭﻃﻠﻌﻨﻪ ﻭﮔﻔﺖ ﺑﺎﻟﺒﺎﺏ ﻭﺍﻟﺨﻂ ﺑﻌﺪﺓ ﻣﺎﺟﺎﻱ ﺍﺗﺼﻠﺖ ﺏ ﺍﺑﻮ ﻣﻨﺬﺭ ﮔﺎﻝ ﺍﻟﺴﻴﺎﺭﻭ ﻋﻄﻠﺖ ﻣﺎﺍﮔﺪﺭ ﺍﺟﻲ

ﺳﺎﻧﺪﺭﺍﺀ،،ﻟﻌﺪ ﻭﻳﻦ ﻋﻤﻮ ﺍﺑﻮ ﻣﻨﺬﺭ ?
ﻻﺭﺍ،،ﺍﻟﺴﻴﺎﺭﺓ ﻋﺎﻃﻠﻪ ﮔﺎﻝ ﻣﺎﺍﮔﺪﺭ ﺍﺟﻴﻜﻢ
ﺳﺎﻧﺪﺭﺍ،،ﺍﻫﻮﻭﻭ ﻧﺴﻴﺖ ﺍﻟﻜﺘﺎﺏ ﻉ ﺍﻻﺳﺘﻴﺞ
ﺣﺮﻭﺡ ﺍﺟﻴﺒﻪ ﺑﻴﻦ ﻣﻄﻠﺒﻴﻨﻪ ﺗﻜﺴﻲ
ﻻﺭﺍ،،ﺳﺎﻧﺪﺭﺍ ﺭﺟﻌﺖ ﺍﺗﺠﻴﺐ ﻛﺘﺎﺑﻬﺎ ﻭﺍﻧﻲ ﻭﺍﮔﻔﻪ ﮔﻠﺖ ﺧﻞ ﺍﺗﻘﺮﺏ ﺷﻮﻳﻪ ﻣﻦ ﺍﻟﺸﺎﺭﻉ ﺣﺘﺊ ﺍﻭﮔﻒ ﺗﻜﺴﻲ
ﻣﺎﺍﺣﺲ ﻏﻴﺮ ﺳﻴﺎﺭﺓ ﻣﻀﻠﻠﻪ ﻋﺎﻟﻴﻪ ﺍﺟﺖ ﺏ ﺍﺗﺠﺎﻫﻲ ﺳﺮﻳﻌﻪ ﻣﻦ ﺍﻟﺨﻮﻑ ﻭﺍﻟﻬﺒﻄﻪ ﮔﻠﺖ ﻫﺬﺍ ﻫﻮ ﺻﺪﻣﺘﻨﻲ
ﻭﮔﻌﺖ ﺑﺎﻟﮕﺎﻉ ﺍﻧﻲ ﻭﻛﺘﺒﻲ
ﻭﺍﺩﻳﻪ ﺧﺎﻟﺘﻬﻦ ﻋﻠﺊ ﻋﻴﻮﻧﻲ ﻋﺒﺎﻟﻲ ﻣﺘﺖ
ﻣﺎﺣﺴﻴﺖ ﻏﻴﺮ ﺻﻮﺕ ﺭﺟﻮﻟﻲ ﺧﺸﻦ ﮔﺎﻝ
ﺭﺍﻫﺐ،،ﺍﻟﻌﻔﻮ ﺧﻮ ﻣﺎﺍﺗﺎﺫﻳﺘﻲ

ﻳﺘﺒﻊ

هههه..فدوة الج عمري
وهاي نشرلتكم من القصص الحلوة😻💞 والمشوقة


#ملوكه

عيوني ماكو مكينة حلاقة او شفرة تسمر المنطقة
اذا تستعملين شفرة والشعر اسود فممكن الشعراية تثخن او تضل نفس ماهي لان شغل الشفرة بس يكص ومايكطع من جذور

اما اذا مكينة مثل براون فتزيل الشعر من جذور اللي تلكين الشعراية تخف

واللي يوحد لون جسم ينراد تقشير اسبوعي بليمون وملح وضروري الترطيب اليومي بزيت جونسون او اي لوشن
لان الجفاف يسبب اسمرار🤦‍♀💔 فلاتهملون ابد الترطيب

#ملوكه

حبي هاي ايشدو ممكن تستخدمي للعين او لتعبئة فراغات الحاجب

وهذيني بيجات فساتين👇🏻☺️ وبدلات بالبصرة

#ملوكه