ﻜﻢ
ﻭﺍﻣﻲ ﻭﻣﻴﻨﺎ
ﺳﺒﻘﻮﺝ ﺍﻣﺞ ﻫﻴﻪ ﺩﻟﺘﻨﻲ ﻋﻠﻰ ﻣﺪﺭﺳﺘﺞ
ﺍﺳﺘﻐﻔﺮﺕ ﺭﺑﻲ ﺑﻜﻠﺒﻲ ﻣﻮ ﻭﻗﺘﻬﻪ ﺟﻨﺖ ﺗﻌﺒﺎﻧﻪ ﺣﻴﻞ
ﻭﺻﻠﻨﻪ ﺍﻟﺒﻴﺘﻬﻢ ﺩﺧﻠﺖ ﺑﺎﻣﺎﻥ ﺍﻟﻠﻪ
ﻛﺘﻠﻪ ﻭﻳﻨﻬﻢ
ﺍﺑﺘﺴﻢ
ﻫﺴﻪ ﻳﺠﻮﻥ
ﺷﻮ ﻻ ﺍﻫﻠﻲ ﻭﻻ ﺍﻫﻠﻚ ﻭﻳﻨﻬﻤﻤﻢ ﺍﺣﻤﺪ
ﺗﻀﺤﻚ ﻋﻠﻴﻪ
ﺳﻮﺍﻝ ﺷﻮﻛﺖ ﺭﺩﺕ ﺍﻋﺘﺪﻱ ﻋﻠﻴﺞ
ﻣﻜﻠﺖ ﻫﻴﺞ ﺍﻧﻲ
ﻻ ﻛﺎﻳﻠﻪ ﺍﻝ ﺍﺧﺘﺞ ﻭﺍﺧﺘﺞ ﻫﺠﻤﺖ ﻋﻠﻴﻪ ﻭﻛﺎﻟﺖ ﺍﻻﺑﻮﻳﻪ
ﻭﺧﺮﺭﺭ ﻣﻦ ﻭﺟﻬﻲ ﺭﺩﺕ ﺍﺭﻭﺡ ﺩﻓﻌﻨﻲ ﺑﻜﻞ ﻗﻮﺗﻪ ﻓﺘﺤﺖ ﻋﻴﻨﻲ ﻣﺼﺪﻭﻣﻪ
ﻭﺧﺮﺭﺭ ﺍﺣﻤﺪ
ﻣﺎﺍﻭﺧﺮ ﻣﻮ ﺗﻜﻮﻟﻴﻦ ﻋﻠﻴﻪ ﻧﻜﺲ ﺍﺭﻳﺪ ﺍﺷﻮﻓﺞ ﺍﻟﻨﻜﺲ ﺷﻠﻮﻧﻪ
ﻣﻐﻠﻄﺖ ﻋﻠﻴﻚ ﻭﺧﺮﺭﺭﺭﺭ
ﻭﺗﻘﺮﺏ ﻋﻠﻴﻪ ﻛﻤﺖ ﻣﺨﺮﻭﻋﻪ ﻭﺻﺮﺭﺭﺧﺖ ﺷﺮﺭﺭﺍﺡ ﺗﺴﻮﻭﻭﻭﻱ
ﺣﺎﻭﻟﺖ ﺍﺩﻓﻌﻪ ﺍﻗﺎﻭﻣﻪ ﻣﻜﺪﺭﺕ ﺍﺑﺪﺍً ﺍﺧﺬ ﺷﺮﻓﻲ ﺍﻟﻲ ﻣﻔﺮﻭﺽ ﻫﻮ ﺷﺮﻓﻪ
ﻣﻮﻗﻒ ﺑﺴﻴﻂ ﺑﺲ ﺣﻴﻮﺍﻥ ﻣﺜﻠﻪ ﺳﻮﺍ ﻣﺒﺮﺭ ﻟﺠﺮﻳﻤﺘﻪ
ﻣﺎﺍﻋﺮﻑ ﺷﻨﻮ ﻣﻦ ﻗﺬﺍﺭﻩ ﺍﺧﺬ ﺷﺮﻓﻲ ﻭﺧﻔﺖ ﺍﺣﺠﻲ ﻋﻠﻤﻮﺩ ﺍﻣﻲ
ﻣﺎﺍﺭﻳﺪ ﺍﻛﺴﺮﻫﻪ
ﺟﺎﻥ ﺑﻮﻗﺘﻬﻪ ﻗﺎﺳﻢ ﻫﻢ ﻣﺒﺘﻌﺪ ﻋﻨﻲ ﺣﺴﻴﺖ ﺑﺎﻟﻀﻴﺎﻉ ﻭﺗﺄﺯﻣﺖ ﻧﻔﺴﻴﺘﻲ ﻓﻜﺮﺕ ﺑﺎﻻﻧﺘﺤﺎﺭ ﺍﻛﺜﺮ ﻣﻦ ﻣﺮﻩ ﺑﺲ ﺍﻣﻲ ﻣﺎﺍﻛﺪﺭ ﺃﺃﺫﻳﻬﻪ
ﺍﺗﻘﺒﻠﺖ ﻭﻛﻴﻔﺖ ﻋﻠﻰ ﺑﻌﺪ ﻗﺎﺳﻢ ﺑﺲ ﻛﻠﺒﻲ ﻳﻬﻮﻯ
ﺣﺘﻰ ﻣﻦ ﻋﺎﻓﻨﻲ ﺑﺲ ﺑﻌﺪﻳﻦ ﻋﺮﻓﺖ ﺍﻧﻮ ﻣﻴﺼﻴﺮ ﺍﺗﺰﻭﺝ ﻻ ﻗﺎﺳﻢ ﻭﻻ ﻏﻴﺮ ﻗﺎﺳﻢ
ﻭﺭﺍﻫﻪ ﻏﻠﻘﺖ ﻫﺬﺍ ﺍﻟﺪﻓﺘﺮ ﻣﻦ ﺣﺴﺎﺑﺎﺗﻲ ﻭﻗﺮﺭﺕ ﺍﻛﻤﻞ ﺩﺭﺍﺳﺘﻲ ﺍﻟﻲ ﺑﻌﺪ ﻣﺎﻋﻨﺪﻱ ﻏﻴﺮﻫﻪ
ﻫﺪﻳﻪ / ﺷﺒﻴﺞ ﻭﻟﺞ ﻣﻮ ﻃﺒﻴﻌﻴﻪ
ﻛﻠﺸﻲ ﻣﺎﺑﻴﻪ
ﻗﺎﺳﻢ ﺳﻮﺍﻟﺞ ﺷﻲ
ﻻ
ﻋﺎﺷﺖ ﺍﻳﺪﺝ ﺣﺒﻴﺒﺘﻲ ﺗﻌﺒﺘﺞ
ﺍﻧﻲ ﺭﺍﺡ ﺍﺭﻭﺡ ﺩﻳﺮ ﺑﺎﻟﺞ ﻋﻠﻰ ﻧﻔﺴﺞ
ﺧﺎﻑ ﺭﻳﺎﻡ ﺣﺠﺖ ﻭﻳﺎﺝ
ﺍﺻﻼً ﻭﻳﺎﻡ ﻣﺎﺧﺬﻩ ﻣﻮﻗﻒ ﻣﻨﻲ ﻭﺣﻘﻬﻪ ﻻﻥ ﻣﻴﻨﺎ ﺍﺧﺘﻲ
ﻻ ﻣﻮ ﺣﻘﻬﻪ ﺍﻧﺖ ﺷﻌﻠﻴﺞ ﺷﺒﻴﺞ ﻭﻟﺞ ﺑﺎﻟﻲ ﺭﺍﺡ ﻳﺒﻘﻪ ﻳﻤﺞ ﻣﺮﺗﺎﺣﻴﺘﻠﺞ
ﻭﺍﻟﻠﻪ ﻣﺎﺑﻴﻪ ﺷﻲ
""""""""""""""
ﻫﺪﻳﻪ / ﺭﺍﺣﺖ ﺣﻨﻴﻦ ﺑﺲ ﻗﻬﺮﺗﻨﻲ ﺣﺴﻴﺘﻬﻪ ﺑﻴﻬﻪ ﺷﻲ ﻣﻮ ﻃﺒﻴﻌﻲ ﻣﻜﺴﺠﺖ ﻣﻦ ﻣﻜﻴﺎﺝ ﺭﻳﺎﻡ ﺧﻔﻴﻒ ﻭﻟﺒﺴﺖ ﺑﻨﻄﺮﻭﻥ ﻭﻗﻤﻴﺺ ﺻﻌﺪﺗﻠﻲ ﺭﻳﺎﻡ ﺗﻀﺤﻚ ﻋﻠﻴﻪ
ﻋﺰﻩ ﺑﻌﻴﻨﺞ ﺷﻮ ﺑﺪﻟﺘﻲ
ﻟﻌﺪ
ﻣﻨﻮ ﻛﻠﺞ ﺗﺒﺪﻟﻴﻦ
ﻏﻴﺮ ﺭﺍﺡ ﻧﺘﺰﻭﺝ
ﻭﻟﺞ ﻣﻨﻮ ﻛﺎﻝ ﻳﻘﺒﻠﻮﻥ ﻧﺰﻋﻲ ﻟﺘﻔﺸﻠﻴﻨﻪ ﻟﺒﺴﻴﻠﺞ ﺍﻱ ﺷﻲ ﻣﺎﻝ ﺑﻴﺖ ﺣﻠﻮ
ﺷﻠﺒﺲ ﻳﻌﻨﻲ
ﺍﻱ ﺷﻲ
ﺗﻒ ﻋﻠﻴﺞ ﺩﺧﻠﺘﻲ ﺍﻝ ﻣﺤﺐ
ﻻ ﺍﺧﺎﻑ
ﺻﺪﻙ ﺩﺩﺧﻠﻲ ﻟﺞ ﻭﺧﻠﻲ ﻛﺪﺍﻡ ﺍﻻﻣﺮ ﺍﻟﻮﺍﻗﻊ
ﺑﻠﻠﻪ ﻓﺸﻠﻨﻲ ﻛﺪﺍﻣﻬﻢ
ﻣﺴﺘﺤﻴﻞ ﻭﻟﺞ
ﺍﺷﻮﻑ ﻫﺴﻪ
ﻣﺤﺠﻮ ﺑﺸﻲ
ﻣﺎﺍﺩﺭﻱ ﺑﺎﻻﺳﺘﻘﺒﺎﻝ
ﺑﻘﻴﺖ ﺑﻤﻼﺑﺴﻲ ﻻﻥ ﻣﺎﻛﻮ ﺷﻲ ﺍﻟﺒﺴﻪ ﻛﻠﺖ ﺧﻞ ﺗﻮﻟﻲ ﺭﻳﺎﻡ ﻣﻼﺑﺴﻬﻪ ﻭﻛﻠﻬﻦ ﺳﻮﺩ ﺷﻠﺒﺲ ﻗﺎﺑﻞ ﻧﺰﻟﺖ ﺟﻮﻩ ﻭﺍﺷﺘﻐﻠﻨﻲ ﺗﺼﻨﻴﻒ ﺣﺘﻰ ﻣﺮﺕ ﻋﻤﻲ ﺍﻡ ﻓﻼﺡ ﺗﻜﻠﻲ ﺷﺒﻴﺞ ﻣﺴﺘﻌﺠﻠﻪ ﻭﻣﻦ ﻫﺎﻟﺴﻮﺍﻟﻒ
ﺩﺧﻞ ﻓﻼﺡ ﻣﻦ ﺑﺎﺏ ﺍﻟﻬﻮﻝ ﻭﺑﺎﻭﻉ ﻋﻠﻴﻪ
ﺷﻮﻛﺖ ﺍﺟﻪ ﺍﻟﻤﺤﺮﻭﺱ
ﺻﻼﺡ
ﺳﻜﺘﻲ ﻫﺪﻳﻪ ﻣﻤﺘﻮﻗﻌﻬﻪ ﻣﻨﺞ ﺍﺑﺪ
ﻟﺒﺴﻲ ﺷﺎﻟﺞ ﺭﺍﺡ ﻳﺠﻲ ﺍﻟﺴﻴﺪ
ﺍﺑﺘﺴﻤﺖ ﻭﺍﻟﻠﻪ
ﺩﺭﻭﺣﻲ ﻟﺒﺴﻲ ﺣﺠﺎﺑﺞ
ﺭﺣﺖ ﺍﺭﻛﺾ ﺟﺒﺖ ﺷﺎﻟﻲ ﻭﻛﻌﺪﺕ ﻭﺭﻩ ﺍﻟﺒﺎﺏ
ﺟﻨﺖ ﻓﺮﺣﺎﻧﻪ ﻭﻃﺎﻳﺮﻩ ﻋﻜﺲ ﺍﻭﻝ ﻣﺮﻩ ﺟﻨﺖ ﻣﺠﺒﻮﺭﻩ ﺣﺴﻴﺖ ﻧﻔﺴﻲ ﺍﻻﻭﻝ ﻣﺮﻩ ﻛﺎﻋﺪ ﺍﺗﺰﻭﺝ ﻓﺮﺣﺖ ﻓﺮﺣﻪ ﻣﺘﻨﻮﺻﻒ ﺍﺑﺪﺍً ﺍﻟﺪﺭﺟﺔ ﻧﺰﻟﺖ ﺩﻣﻌﺘﻲبيج قصص عراقيه حقيقيه من واقعنا.روعه الطائي
ﺭﻳﺎﻡ / ﻣﻦ ﻛﻌﺪﺕ ﻫﺪﻳﻪ ﻭﺭﻩ ﺍﻟﺒﺎﺏ ﺗﺬﻛﺮﺕ ﺯﻭﺍﺟﻨﺎ ﺍﻧﻲ ﻭﺻﻼﺡ ﻧﻔﺲ ﺍﻟﻤﺮﺍﺳﻴﻢ ﺫﻧﻲ ﻋﻘﺪﻭﻟﻬﻢ ﻭﺍﻧﻲ ﺍﺳﻤﻊ ﺻﻮﺕ ﺍﺧﻮﻳﻪ ﺩﻣﻌﺖ ﻋﻴﻮﻧﻲ ﻭﺭﺍﻫﻪ ﺍﻡ ﻗﺎﺳﻢ ﻫﻠﻬﻠﺖ
ﺭﺣﺖ ﺑﻮﺳﺘﻬﻪ ﻭﺑﺎﺭﻛﺘﻠﻬﻪ ﻭﻣﺴﺤﺖ ﺩﻣﻌﺘﻬﻪ ﺍﻟﻲ ﻣﺎﺍﺩﺭﻱ ﻟﻴﺶ ﻧﺰﻟﺖ
ﻭﺭﺍﻫﻪ ﺑﻘﻮ ﺑﺎﻻﺳﺘﻘﺒﺎﻝ ﺍﻟﺰﻟﻢ ﻭﺍﺣﻨﻪ ﻳﻢ ﻫﺪﻳﻪ ﺩﺧﻞ ﻗﺎﺳﻢ
ﻳﺎﺑﻪ ﻣﺘﺠﻴﻦ ﻳﻢ ﺯﻭﺟﺞ ﺧﻄﻴﻪ ﺍﻟﺮﺟﺎﻝ ﺗﺰﻭﺟﺞ ﺑﺪﻭﻥ ﻣﻴﺸﻮﻓﺞ ﻣﻴﺪﺭﻱ ﺑﻴﺞ ﺻﺎﺭ ﺳﺎﻋﻪ ﺗﻠﺒﺨﻴﻦ ﻟﻮ ﺷﺎﻳﻔﺞ ﻗﺒﻞ ﺍﻟﻠﺒﺦ ﺟﺎﻥ ﺍﻧﻬﺰﻡ
ﻻ ﻭﺍﻟﻠﻪ ﺍﺻﻼً ﻣﺤﺐ ﺷﺎﻳﻔﻨﻲ ﺑﺎﺳﻮﺀ ﺣﺎﻻﺗﻲ
ﻫﺪﻳﻪ / ﺭﻳﺎﻡ ﺗﻌﺎﻟﻲ ﺩﺧﻠﻲ ﻭﻳﺎﻱ
ﺭﻳﺎﻡ / ﻻ ﻣﺎﺍﺭﻳﺪ
ﺍﻧﺠﺒﻲ ﺗﻌﺎﻟﻲ ﻭﺍﻟﻠﻪ ﻣﻴﻔﺸﻠﺞ ﻛﺪﺍﻣﻬﻢ
ﺩﺧﻠﻲ ﺍﻧﺖ ﻭﺍﻧﻲ ﻭﺭﺍﺝ
ﺩﺧﻠﺖ ﻭﻋﻔﺘﻬﻪ ﺍﺣﺲ ﻧﻔﺴﻲ ﺭﺩﺕ ﺍﻋﺜﺮ ﻋﺒﺎﻟﻚ ﻏﺮﺑﻪ ﻭﺍﻭﻝ ﻣﺮﻩ ﻧﻠﺘﻘﻲ ﺍﻧﺬﺏ ﻋﻠﻴﻪ ﻣﺴﺘﺤﻪ ﺑﻴﻮﻣﻬﻪ ﻣﻮ ﻃﺒﻴﻌﻲ
ﺍﻟﺪﺭﺟﺔ ﻛﻤﺖ ﺍﺗﻌﺜﺮ ﺑﻤﺸﻴﺘﻲ ﺧﺠﻼﻧﻪ ﻛﻌﺪﺕ ﻛﺒﺎﻟﻪ
ﻓﻼﺡ / ﻫﺪﻳﻪ ﺍﻧﺖ ﻣﺜﻞ ﺑﻨﺘﻲ ﻣﺮﺩﺕ ﺍﻛﺴﺮ ﺑﺨﺎﻃﺮﺝ ﻭﻟﻪ ﻛﺘﻠﻪ ﺍﻧﻲ ﺍﻝ ﻣﺤﺐ ﺑﻌﺪ ﻋﻤﻠﺘﻪ ﻣﻦ ﻋﺎﻓﺞ ﺑﺪﻭﻥ ﺳﺒﺐ ﻣﺎﺍﺭﺟﻌﻬﻪ
ﻫﻮ ﻛﺎﻝ ﺭﺍﺡ ﻳﺨﻠﻴﺞ ﺑﻌﻴﻮﻧﻪ
ﺍﻧﺖ ﺑﻨﺘﻲ ﺷﻴﺼﻴﺮ ﻭﻳﺎﺝ ﺗﻨﻄﻴﻨﻲ ﺧﺒﺮ ﺧﺎﻱ ﺍﻟﻲ ﻣﺴﻠﻤﻬﻪ ﺍﻟﻚ ﺑﻨﺘﻲ
ﻣﻴﺤﺘﺎﺝ ﺍﺑﻮ ﻗﺎﺳﻢ ﺗﻮﺻﻴﻨﻲ ﻋﻠﻴﻬﻪ
ﺍﺩﺭﻱ ﺑﻴﻚ ﻣﺘﻘﺼﺮ ﻭﺍﻟﻨﻌﻢ ﻣﻨﻚ ﺍﺑﻮ ﺍﻣﻴﺮ
ﻫﺪﻳﻪ / ﺑﺎﻭﻋﺖ ﻋﻠﻲ ﻭﺍﺑﺘﺴﻤﺖ ﺻﺎﻳﺮ ﻳﺨﺒﻞ ﻭﻣﺒﻴﻦ ﻣﺰﻳﻦ ﺟﺎﻧﺖ ﻟﺤﻴﺘﻪ ﺑﻴﻬﻪ ﺧﻔﻪ ﻭﺷﻮﺍﺭﺑﻪ ﻭﺍﺣﻠﻰ ﻣﺎﺑﻲ ﺣﻮﺍﺟﺒﻪ ﺍﻟﻲ ﻭﺣﺘﻰ ﻭﻫﻮ ﻓﺮﺣﺎﻥ ﻃﺎﺑﻜﻬﻦ
""""""""""
ﺭﻳﺎﻡ / ﺑﻘﻴﺖ ﻣﺘﺮﺩﺩﻩ ﺍﺧﺮ ﺷﻲ ﻛﻠﺖ ﺭﺍﺡ ﺍﺭﻭﺡ ﻭﺍﻟﻲ ﻳﺼﻴﺮ ﻳﺼﻴﺮ ﺩﺧﻠﺖ ﻭﻛﻠﺒﻲ ﻳﻮﺟﻌﻨﻲ ﻛﻠﺖ ﺍﻟﺴﻼﻡ ﻋﻠﻴﻜﻢ ﺑﺎﻭﻋﺖ ﺍﻝ ﻣﺤﺐ ﻛﺒﻞ ﺍﻧﻌﻘﺠﻦ ﺣﻮﺍﺟﺒﻪ ﺑﺲ ﻛﺎﻡ
ﺗﻘﺮﺑﺖ ﻋﻠﻲ ﻭﺑﺎﻭﻋﺖ ﺍﻟﺼﻼﺡ ﻫﻢ ﻛﺎﻋﺪ ﻭﺭﺍﻓﻊ ﺧﺸﻤﻪ ﻻﻥ ﻫﻮ ﻭﻣﺤﺐ ﻣﻮ ﺻﻠﺢ
ﺍﻧﻄﺎﻧﻲ ﺍﻳﺪﻩ ﻣﺤﺐ ﺑﺲ ﺍﻧﻲ ﺷﺒﻜﺘﻪ ﻭﻛﻤﺖ ﺍﺑﺠﻲ
ﺑﺠﻴﺖ ﺑﺤﺮﻛﺔ ﻛﻠﺐ ﺟﻨﺖ ﺍﻧﺘﻈﺮ ﺍﻳﺪﻩ ﻋﻠﻰ ﺟﺘﻔﻲ ﻣﺮﻓﻌﻬﻪ ﺑﺴﻬﻮﻟﻪ ﺑﻌﺪﻳﻦ ﺑﺎﺳﻨﻲ ﻣﻦ ﺭﺍﺳﻲ ﻭﻛﻌﺪﻧﻲ ﺑﺼﻔﻪ ﺟﻨﺖ ﺷﺎﺑﻜﺘﻪ ﺣﻴﻞ ﻭﺿﺎﻣﻪ ﺭﺍﺳﻲ ﺑﺼﺪﺭﻩ
ﺳﺎﻣﺤﻨﻲ ﻣﺤﺐ ﺍﻟﻠﻪ ﻋﻠﻴﻚ
ﺑﺎﺳﻨﻲ ﻣﻦ ﺭﺍﺳﻲ ﻭﻛﻠﻲ ﻛﺎﻓﻲ ﺭﻳﺎﻡ
ﻭﺍﻟﻠﻪ ﻣﺘﺄﺫﻳﻪ ﻣﻦ ﻳﻮﻣﻬﻪ
ﻛﺎﻓﻲ ﻛﺘﻠﺞ
ﺑﻘﻴﺖ ﺣﺎﺿﻨﺘﻪ ﺣﺘﻰ ﺍﺫﺍ ﻣﺴﺎﻣﺤﻨﻲ ﻭ ﺧﺠﻼﻥ ﻭﻣﻴﻜﺪﺭ ﻳﻮﺧﺮﻧﻲ ﻛﻠﺖ ﺍﺳﺘﻐﻠﻬﻪ ﻻﻥ ﻣﺸﺘﺎﻗﺘﻠﻪ ﻭﻣﺤﺘﺎﺟﻪ ﺟﻨﺖ ﺍﺑﺠﻲ ﺑﺤﻀﻨﻪ
""""""""
ﻫﺪﻳﻪ / ﻗﻬﺮﻧﻲ ﻣﻮﻗﻒ ﺭﻳﺎﻡ ﻭﻓﺮﺣﺖ ﻣﻦ ﻣﺤﺐ ﺣﻀﻨﻬﻪ
ﺑﻴﻮﻣﻬﻪ ﺍﺻﺮ ﻓﻼﺡ ﻳﺒﺎﺕ ﻣﺤﺐ ﻭﺑﺎﺟﺮ ﻧﻄﻠﻊ
ﻓﺮﺷﻮﻟﻪ ﺑﺎﻻﺳﺘﻘﺒﺎﻝ ﻭﺍﻧﻲ ﺟﻨﺖ ﻣﺸﺘﺎﻗﺘﻠﻪ ﺑﺲ ﻧﺴﺘﺤﻲ ﻧﻨﺎﻡ ﺑﺎﻻﺳﺘﻘﺒﺎﻝ ﺳﻮﻩ ﻧﻤﺖ ﻳﻢ ﺑﺮﺍﺀ ﻭﺗﻘﻴﺪﺕ ﻣﻊ ﺍﻟﻌﻠﻢ ﻫﻮ ﺧﺎﺑﺮﻧﻲ
ﺷﻠﻮﻥ ﺑﻠﻠﻪ ﻫﺴﻪ ﺍﻧﺖ ﻣﺮﺗﻲ ﻭﺑﻨﻔﺲ ﺍﻟﺒﻴﺖ ﻭﺑﻌﻴﺪﻩ ﻋﻠﻴﻪ
ﺍﺻﺒﺮﺭ ﻟﻠﺒﺎﺟﺮ
ﻣﺎﺑﻴﻪ ﺻﺒﺮ ﺍﺭﻳﺪ ﺍﺣﻀﻨﺞ ﺍﺭﻳﺪ ﺍﺷﺒﻜﺞ ﺷﺒﻜﻪ ﻗﻮﻳﻪ ﺑﺤﻴﺚ ﺿﻠﻮﻋﺞ ﺗﺘﻜﺴﺮ
ﺷﻨﻮ ﻫﺎﻱ ﻟﻴﺶ
ﺣﺘﻰ ﺍﺭﻭﻱ ﻛﻠﺒﻲ ﺍﻟﻤﺸﺘﺎﻗﻠﺞ ﻋﻨﻴﻒ ﻣﻮ ﺑﻴﺪﻙ
ﻣﺘﺠﻴﻦ ﻳﻤﻲ ﻫﺴﻪ
ﺍﺳﻜﺖ ﻣﺤﺐ ﻳﻤﻪ
ﺷﻨﻮ ﺍﻝ ﻳﻤﻪ ﻏﻴﺮ ﻣﺮﺗﻲ ﺷﻜﺪ ﻣﺎﻋﺪﻫﻢ ﺍﺣﺴﺎﺱ ﻭﺫﻭﻕ ﻟﻮ ﺍﺩﺭﻱ ﻫﻴﺞ ﻭﻻ ﺍﺑﺎﺕ
ﻫﺪﻳﻪ
ﻋﻴﻮﻧﻬﻪ
ﺣﺴﻴﺖ ﺭﻳﺎﻡ ﻣﺘﺄﺫﻳﻪ ﻣﻦ ﺑﺠﻴﺘﻬﻪ ﺍﻟﻴﻮﻡ
ﺻﻔﻨﺖ ﺷﺠﺎﻭﺑﻪ ﻛﺘﻠﻪ ﻻ ﺑﺲ ﻻﻥ ﻣﺸﺘﺎﻗﺘﻠﻚ
ﺍﻧﻲ ﻫﻢ ﻣﺸﺘﺎﻗﻠﻬﻪ ﺑﺲ ﻣﺎﺍﺳﺎﻣﺤﻬﻪ
ﻣﺮﺍﺡ ﺗﺴﺎﻣﺤﻬﻪ ﻣﻮ ﺳﺎﻣﺤﺘﻬﻪ
ﻣﺴﺎﻣﺤﺘﻬﻪ ﻭﻣﺎﺍﻛﺪﺭ ﺍﺳﺎﻣﺤﻬﻪ ﻟﻮ ﻏﺮﻳﺐ ﺍﺳﺎﻣﺤﻪ ﺑﺲ ﻫﻴﻪ ﻻ ﻣﺎﺍﻛﺪﺭ

ﺷﻜﺪ ﻗﺎﺳﻲ ﺍﻧﺖ
ﻻ ﻣﻮ ﻗﺎﺳﻲ ﺑﺲ ﻛﺴﺮﺗﻠﻲ ﻇﻬﺮﻱ ﺑﻌﻤﻠﺘﻬﻪ
ﺍﻧﺖ ﻛﻠﺒﻚ ﻃﺒﻲ ﻣﺤﺐ ﻭﺍﻟﻠﻪ ﺧﻄﻴﻪ
ﻋﻮﻓﺞ ﻣﻦ ﻫﺬﺍ ﺍﻟﻤﻮﺿﻮﻉ ﻭﺗﻌﺎﻟﻲ ﺧﻞ ﺍﺣﻀﻨﺞ
ﻣﺎ ﺍﻛﺪﺭ
ﺷﻴﺠﻴﺐ ﺑﺎﺟﺮ ﻭﺍﺻﺒﺮ ﺷﻠﻮﻥ ﺣﺴﺒﻲ ﺣﺴﺎﺑﺞ ﺑﺎﻟﺨﻤﺴﻪ ﺍﻟﺼﺒﺢ ﺍﺣﻨﻪ ﻧﻄﻠﻊ
ﺿﺤﻜﺖ
ﻟﺘﻀﺤﻜﻴﻦ ﺍﺣﺠﻲ ﺻﺪﻙ
ﺑﻘﻴﻨﻪ ﻧﺤﺠﻲ ﻟﻞ٣ ﺍﻟﺤﺪ ﻣﺎ ﻧﻌﺴﻨﻪ ﻛﻌﺪﻧﻲ ﻫﻮ ﺍﺗﺼﻞ ﻋﻠﻴﻪ ﺑﺎﻟﺘﺴﻌﻪ ﺳﻮﻭﻟﻨﻪ ﺭﻳﻮﻙ ﻭﻃﻠﻌﻨﻪ
ﺍﻟﻄﺮﻳﻖ ﻛﻠﻪ ﻻﺯﻡ ﺍﻳﺪﻱ ﻭﻣﺸﻐﻞ ﺍﻏﺎﻧﻲ ﺭﻭﻣﺎﻧﻴﻪ ﻭﻛﻞ ﺷﻮﻳﻪ ﻳﻌﻴﺪ ﻣﺤﻤﺪ ﻋﺒﺪ ﺍﻟﺠﺒﺎﺭ ﺷﻤﺴﻴﻦ
ﻛﻠﺶ ﻳﺤﺒﻬﻪ
ﺩﺭﺕ ﻭﺟﻬﻲ ﻋﻠﻲ ﻣﺤﺐ ﻣﻦ ﻫﺴﻪ ﺑﺪﻳﺘﻬﻪ ﺗﺠﺬﺏ ﻋﻠﻴﻪ
ﻫﺎ ﺻﻠﻮﺍﺕ ﺑﻌﺪﻧﻪ ﺣﺘﻰ ﻣﺪﺍﺧﻠﻴﻦ ﺑﻐﺪﺍﺩ
ﻣﻮ ﻛﻠﺖ ﺍﺳﻮﻳﻠﺞ ﻋﺮﺱ
ﺿﺤﻚ ﺻﺪﻙ ﺗﺮﻳﺪﻳﻦ ﻋﺮﺱ
ﺍﻧﺖ ﻛﻠﺖ
ﺣﻘﺞ ﻭﺍﻟﻠﻪ ﻭﺻﺪﻙ ﺍﻧﻲ ﺟﻨﺖ ﺟﺪﻱ ﺑﻬﺎﻱ ﻛﻠﻤﺘﻲ ﺑﺲ ﻣﻮ ﺟﺪﻱ ﻛﻠﺶ ﻳﻌﻨﻲ ﺑﻴﻨﺎﺗﻨﻪ ﺷﻨﻮ ﺭﺃﻳﺞ ﺃﺃﺟﺮﻟﺞ ﺑﺪﻟﻪ ﻭﺍﻧﻲ ﺍﻟﻠﺒﺲ ﻗﺎﻁ ﺑﺲ ﻣﻨﻴﻦ ﺍﺟﻴﺐ ﻗﺎﻁ ﻳﻠﻠﻪ ﺍﻟﻤﻬﻢ ﻫﺴﻪ ﻋﺮﻓﺖ ﻣﻨﻴﻦ ﺍﺟﻴﺐ ﻗﺎﻁ ﺍﻟﻲ ﻧﺄﺟﺮﻟﺞ ﺑﺪﻟﻪ ﻭﺻﺎﻟﻮﻥ ﻣﻜﻴﺎﺝ ﺑﺴﻴﻂ ﻭﻧﺎﺧﺬ ﺻﻮﺭ ﻭﻧﺮﻭﺡ ﺍﻟﺸﻘﺘﻨﻪ
ﻻ ﻳﻤﻌﻮﺩ ﺍﺗﺸﺎﻗﻪ ﻭﻳﺎﻙ
ﻻ ﻧﺴﻮﻳﻬﻪ ﺍﻧﻲ ﺍﺭﻳﺪ ﺑﻌﺪ ﺍﺭﻳﺪ ﺍﺑﺪﻱ ﻭﻳﺎﺝ ﻛﻠﺸﻲ ﺟﺪﻳﺪ ﺣﺘﻰ ﺫﻧﻴﺞ ﺍﻟﺼﻮﺭ ﺍﺣﺮﻛﻬﻦ
ﻻ ﺣﺒﻴﺒﻲ ﻭﺍﻟﻠﻪ ﻳﻜﻠﻔﻨﻚ
ﻣﻴﻨﻌﺎﺩ ﻫﺬﺍ ﺍﻟﻴﻮﻡ ﻭﺍﺣﻨﻪ ﺍﻟﺒﺎﺭﺣﻪ ﺗﺰﻭﺟﻨﻪبيج قصص عراقيه حقيقيه من واقعنا.روعه الطائي
ﻭﻣﻨﻴﻦ ﺗﺠﻴﺐ ﻗﺎﻁ
ﺷﺒﻴﺞ ﻫﺬﺍ ﺳﻴﺪ ﻋﻠﻲ ﻧﻐﻞ ﻛﻠﻬﻪ ﻳﻌﺮﻓﻬﻪ ﺫﻭﻟﻲ ﺍﻫﻞ ﺍﻟﻜﺮﺍﺩﻩ ﺍﻫﻞ ﺍﻟﻤﺤﻼﺕ ﻳﺠﻴﺐ ﻗﺎﻁ ﺍﻃﻚ ﺑﻲ ﺻﻮﺭ ﻭﺍﺭﺟﻌﻪ ﺣﺘﻰ ﻣﺎﺍﺷﻴﻞ ﺍﻟﻌﻼﻣﻪ ﺧﻞ ﻳﻌﺘﺒﺮﻭﻧﻲ ﺍﻗﻴﺲ ﺑﻴﻬﻦ
ﺻﺪﻭﻙ ﻳﻌﻨﻲ
ﺍﺻﺒﺮﻱ ﻭﺷﺎﻝ ﻣﻮﺑﺎﻳﻠﻪ ﻭﺍﺗﺼﻞ ﻋﻠﻰ ﺳﻴﺪ ﻋﻠﻲ
ﻭﻛﺎﻡ ﻳﻀﺤﻚ ﻣﺎﺍﺩﺭﻱ ﺷﻜﻠﻪ
ﻫﺎ
ﺭﻫﻤﺖ ﺷﺒﻴﺞ
ﻣﻴﻌﺮﻑ ﺍﻡ ﺑﺪﻻﺕ ﻫﻢ ﻭﻳﺮﻫﻤﻬﻪ
ﻫﻬﻬﻪ ﻫﻢ ﻓﻜﺮﻩ ﺑﺲ ﻻ ﺑﺪﻟﺘﺞ ﻭﺍﻟﻲ ﺗﻌﺠﺒﺞ ﺃﺃﺟﺮﻫﻪ ﺍﻟﺞ
ﺩﻋﻮﻑ ﻫﺎﻱ ﺍﻟﻔﻘﺮﻩ ﻣﺤﺐ
ﺍﺑﺪﺍً ﻋﻮﻓﻴﻨﻲ ﻣﺘﺤﻤﺲ
ﻭﺍﻟﻠﻪ ﻫﻮﺍﻱ ﻣﺼﺎﺭﻳﻒ
ﻣﻮﻫﻮﺍﻱ
ﺭﺣﺖ ﺃﺟﺮﺕ ﺑﺪﻟﻪ ﺑﺲ ﺍﺧﺘﺎﺭﻳﺘﻬﻪ ﺑﺴﻴﻄﻪ ﻭﺭﺧﻴﺼﻪ ﻭﺭﺣﺖ ﻟﻠﺼﺎﻟﻮﻥ ﻛﻠﺘﻠﻬﻪ ﻣﻜﻴﺎﺝ ﻣﻌﺰﻭﻣﻪ ﻋﻠﻰ ﺧﻄﻮﺑﻪ ﻣﺄﺧﺬﺕ ﻫﻮﺍﻱ ﻣﻨﻲ ﺷﺴﻮﺭﺗﻠﻲ ﻭﻣﻜﻴﺠﺘﻨﻲ ﺏ٣٥٠٠٠ﻭﻣﻜﻴﺎﺝ ﺑﺴﻴﻂ ﻭﻛﻠﺶ ﺣﻠﻮ ﻛﻴﻔﺖ ﺍﻧﻲ ﻭﺭﺣﻨﻪ ﻟﻼﺳﺘﻮﺩﻳﻮ ﺍﺧﺬﻧﻪ ﺻﻮﺭ ﺟﺎﻧﺖ ﻓﺮﺣﺘﻲ ﻣﺘﻨﻮﺻﻒ ﻭﻛﻞ ﺻﻮﺭﻩ ﻧﻄﻜﻬﻪ ﺍﺣﺲ ﺑﻴﻬﻪ ﻣﻦ ﻛﻠﺒﻲ ﻧﻈﺮﺍﺗﻨﺎ ﻭﻣﻦ ﺑﺎﺳﻨﻲ ﻣﻦ ﻛﺼﺘﻲ ﻛﻠﺸﻲ ﺟﺎﻥ ﺣﻠﻮ
ﺭﺟﻌﻨﻪ ﻟﻠﺸﻘﻪ ﻣﺸﺎﻳﻔﺘﻬﻪ ﺍﻭﻝ ﻣﺮﻩ ﺟﺎﻧﺖ ﺗﺨﺒﻞ ﺑﺸﻜﻞ ﻣﻮ ﻃﺒﻴﻌﻲ ﻛﻠﺸﻲ ﺑﻴﻬﻪ ﺟﺪﻳﺪ ﻭﻧﻈﻴﻔﻪ ﺍﻭﻝ ﻣﻨﺪﺧﻞ ﺍﻻﺳﺘﻘﺒﺎﻝ ﻣﻌﺰﻭﻝ
ﺳﺪ ﺍﻟﺒﺎﺏ ﺟﻨﺖ ﺑﺎﻟﺒﺪﻟﻪ ﺟﺎﻳﻪ ﺑﺲ ﺧﻠﻴﺖ ﺍﻟﺒﺮﻧﺺ ﻋﻠﻰ ﺭﺍﺳﻲ ﺳﺪ ﺍﻟﺒﺎﺏ
ﻭﺗﻘﺮﺏ ﻣﻨﻲ
ﻣﺒﺮﺭﺭﻭﻙ ﺍﻟﻨﻪ ﻟﻢ ﺍﻟﺸﻤﻞ ﺍﻟﻴﻮﻡ ﺍﺳﻌﺪ ﻳﻮﻡ ﺑﺤﻴﺎﺗﻲ
ﻭﺍﻧﻲ ﻫﻢ ﻭﺍﻟﻠﻪ
ﺷﻨﻮ ﺭﺃﻳﺞ
ﻳﺠﻨﻦ ﻛﻠﺸﻲ ﺑﻴﻬﻪ ﺣﻠﻮ ﺟﺎﻥ ﻣﺸﺘﺮﻱ ﺗﺨﻢ ﺭﺃﺳﻲ ﺟﻮﺯﻱ ﻭﺗﺮﻛﻮﺍﺯﻱ ﻳﺠﻨﻦ ﻭﻃﺒﻠﻪ ﻭﺳﻄﻴﻪ ﻭﺑﺮﺩﺍﺕ ﺣﻠﻮﺍﺕ ﻭﺗﺤﻔﻴﺎﺕ ﻧﺎﺯﻛﻪ
ﻫﺬﺍ ﺑﻴﺘﻨﺎ ﻳﻌﻨﻲ
ﺍﻱ
ﺷﺒﻜﺘﻪ ﻫﻮ ﻫﻢ ﺷﺒﻜﻨﻲ ﻗﻮﻭﻱ
ﻭﻟﺞ ﻫﺪﻳﻪ ﺷﺴﻮﻳﺘﻲ ﺑﻴﻪ
ﺷﺴﻮﻳﺖ
ﺧﻠﻴﺘﻴﻨﻲ ﺍﺣﻠﻢ ﺑﻬﺎﻱ ﺍﻟﺤﻀﻨﻪ ﻭﺍﺭﺳﻤﻠﻬﻪ ﻫﻮﺍﻱ
ﺍﻧﻲ ﺍﺣﺒﻚ ﺣﻴﻞ ﻣﺤﺐ ﻟﺘﺴﻮﻱ ﺑﻴﻪ ﺑﻌﺪ
ﺑﻌﺪﻧﻲ ﻣﻤﻜﻤﻠﻪ ﺑﺎﺳﻨﻲ ﻣﻦ ﺷﻔﺘﻲ ﻭﺍﺧﺬﻧﻲ ﻟﻠﻐﺮﻓﻪ
"""""""""""
ﻣﻮ ﺍﺳﺒﻮﻉ ﻋﻠﻰ ﺭﻭﺣﺔ ﻫﺪﻳﻪ ﺍﺣﺲ ﻧﻔﺴﻲ ﺿﺎﻳﻌﻪ ﻭﻣﺤﺐ ﻫﻢ ﺍﺗﺼﻠﺖ ﻋﻠﻲ ﻣﺠﺎﻭﺑﻨﻲ ﺍﺧﺘﻨﻜﺖ ﺣﻴﻞ ﻭﺍﻧﻲ ﺍﺷﻮﻑ ﺻﻼﺡ ﻳﺠﻬﺰ ﺍﻟﺨﻄﻮﺑﺘﻪ ﻭﺍﺭﺟﻊ ﻭﺍﻛﻮﻝ ﺍﺣﺴﻦ
ﺍﺷﺘﺮﻭ ﺍﻟﺤﻠﻘﺎﺕ ﻭﺍﻟﻴﻮﻡ ﻳﺮﻭﺡ ﻳﻌﻘﺪ ﻋﻠﻴﻬﻪ ﻭﻳﻠﺒﺴﻬﻪ ﺍﻟﺤﻠﻘﻪ
ﻭﻛﻠﻬﻢ ﻳﺠﻬﺰﻭﻥ ﺭﻭﺣﻬﻢ ﺑﻌﺪ ﻣﺎ ﺃﻛﺪﺗﻠﻬﻢ ﺍﻧﻲ ﻣﻀﺎﻳﺠﻪ
ﺟﺎﻥ ﻛﻢ ﻭﺍﺣﺪ ﻋﺎﺯﻣﻴﻦ ﻋﻠﻤﻮﺩ ﺍﻟﻤﺸﻴﻪ ﻭﻗﺴﻢ ﻣﻦ ﺍﻟﻨﺴﻮﺍﻥ ﺟﺎﻳﺎﺕ ﻭﻳﻪ ﺍﺭﺟﻮﻟﺘﻬﻦ ﻭﻳﺒﺎﻭﻋﻮﻥ ﻋﻠﻴﻪ ﺑﻨﻈﺮﺍﺕ ﺷﻔﻘﻪ
ﺍﻡ ﻗﺎﺳﻢ / ﻋﻮﻓﻲ ﺍﻟﻤﻮﺍﻋﻴﻦ ﺑﺮﺍﺀ ﺗﻐﺴﻠﻬﻦ ﺻﻌﺪﻱ ﺧﺎﻑ ﻭﺿﻌﺞ ﺗﻌﺒﺎﻥ
ﻻ ﻋﻠﻰ ﺷﻨﻮ ﺗﻌﺒﺎﻥ ﺷﺒﻴﻪ ﻗﺎﺑﻞ
ﻋﻔﺘﻬﻪ ﻭﻓﺴﻠﺘﻬﻦ ﻛﻠﻬﻦ ﻭﺍﺧﺮ ﺷﻲ ﺍﺧﺬﺕ ﺍﻳﻤﻦ ﺍﺑﺪﻟﻪ
ﺻﻌﺪﺕ ﺑﺪﻟﺘﻠﻪ ﻭﺟﻬﺰﺗﻪ ﻭﻃﻠﻌﺘﻪ ﻣﻦ ﺍﻟﻐﺮﻓﻪ ﻫﻮ ﻧﺰﻝ
ﻭﺍﻧﻲ ﻏﺴﻠﺖ ﻭﻃﻠﻌﺖ ﻣﻼﺑﺴﻲ ﻛﻠﺖ ﺍﺭﻭﺡ ﻭﻳﺎﻫﻢ
ﺍﻧﻲ ﻣﻤﻘﻬﻮﺭﻩ ﺍﻧﻲ ﻗﻮﻳﻪ ﻭﺍﺫﺍ ﻣﻴﺘﺰﻭﺝ ﺷﺴﻮﻳﻠﻪ
ﺑﺪﻟﺖ ﻭﻣﻜﻴﺠﺖ ﻟﺒﺴﺖ ﺑﻨﻄﺮﻭﻥ ﻗﻤﺎﺵ ﺍﺳﻮﺩ ﻭﺑﺪﻱ ﻟﺰﻙ ﺍﺳﻮﺩ ﻭﻓﻮﻛﺎﻫﻦ ﺳﺘﺮﻩ ﺟﺎﻥ ﺷﻌﺮﻱ ﻣﻔﺘﻮﺡ ﻭﺍﺑﺎﻭﻉ ﻋﻠﻰ ﻧﻔﺴﻲ ﺑﺎﻟﻤﺮﺍﻳﻪ ﻭﻳﻪ ﺍﻟﻤﻜﻴﺎﺝ ﻃﻠﻌﺖ ﺣﻠﻮﻩ
ﻓﺠﺄﻩ ﺍﻧﻔﺘﺢ ﺍﻟﺒﺎﺏ ﺻﻼﺡ ﺍﻟﻲ ﻣﻦ ﻳﻮﻡ ﺍﻟﻔﻨﺪﻕ ﻭﻣﺼﺎﺭ ﺣﺪﻳﺚ ﺑﻴﻨﺎﺗﻨﻪ
ﻫﺎ ﺍﻧﺖ ﻫﻨﺎ ﻣﺎﺍﺩﺭﻱ
ﻛﻤﻠﺖ
ﻭﻳﻦ ﺭﺍﻳﺤﻪ
ﻏﻴﺮ ﻧﺨﻄﺒﻠﻚ
ﺑﺎﻭﻉ ﻋﻠﻴﻪ ...... ﻳﺘﺒﻊ

وهاي عوضتكم ببارتين اضافي😻

وهسه رح انزل قسم من استفساراتكم..طبعا مسجات اهواي تقريبا فوك 90 😂🌚مسج وصلني بالبوت
فان شاء الله بقيه الاسئلة بليل اتفرغلهن وانزلهن❤️

#ملوكه

عمري هاي من القلق والتوتر فتصير عندج هالحاله وعادي أكثر البنات يمرون بهالشي

فأنتي كون قبل بيوم تدربين عل أي مناقشة وتعيديها جم مرة بصوت عالي وكلساع سوي شهيق وزفير
فثاني يوم قبل ماتلقين أي شي اخذي نفس عالي وشهيق وزفير..وعل راحتج ألقي مناقشتج نفس مادربتي فبهالطريقة اشويه اشويه رح يقل عندج التوتر والارتباك☺️🌸

#ملوكه

ههههه..باعي عيوني طبيعي من يجي تقدميله عصير ووياه كيك انتي مسويته او وياه حلاوة او بقلاوة او عادي حتلو كيك جاهز ماكو مشكله..فنوعي كل مرة شكل
ومرة سويله نسكافي وفد نستلة؛ ومرة شاي وكليجة وهكذا

والسوالف هي من وحدها😅 تجي يعني بالبدايه تسالين عن يومه اشسوة ماسوة واشصار وياه شي بشغل وانتي سولفي عن يومج ..الخ

ودايما بفترة الخطوبة تلاحظين أكثر الأوقات مناكر فانتي بطريقتج لاتخلي يتعصب وأي شي تريدين تسولفين بي بتفاهم واخذي رأيه ودايما دللي بكلامج ودلعي باسمه وغركي بحنانج ولطفج ف رح تلكينه مثل طفل بين ايديج ومايكدر يعوفج ودوم يفكر بيج🙈💞

#ملوكه

حبي اكو كومة مرطبات زينة للايدين عندج سيرافي ؛ سيتافيل؛ بيوديرما ؛لاروش بوزيه ؛ فيشي
هذيني مرطبات خليهن بالنهار او من تطلعين
وبليل قبل ماتنامين خلي مرطب جلسرين او فازلين🌚🌺

وحاولي من تغسلين ماعين البسي جفوف وقللي من غسل ايدين بالصابون لان الكثرة يسبب جفاف


#ملوكه

حبيبي عن هالموضوع اهواي حاجيه عنه بالقناة انو كريمات تبيض بهالمنطقة متلكين شي مضبوط اكثرهن كريمات مؤقتة🤦‍♀💔لو يسوون تصبغات حسب النوعيات
فاني نشرت قبل خلطة واذا تستمرين عليه يوم بعد يوم رح تشوفين فرق وضلي عليه منا ل3اشهر ..حتلو بعد زواج عادي هم استعملي

اهواي بنات جربو وشافن نتيجة حلوة
بس كون تطبقين نفس اللي كاتبته وبشكل يومي ومن عناية وتنظيف رح تشوفين تغير🙃


#ملوكه

عيوني ماكو شي يقوي الاظافر غير الأكل وخاصة باكلات اللي بيها فيتامين زنك وكالسيوم وd

وهاي الخلطة 👇🏻🌚هم زينة للاظفر واهواي بنات جربوها
قبل لاتنامين اعصري الثوم واهرسي زين، وخلي عل الاظافر وبعد ربع ساعه جيبي زيت زيتون ومسحي فوكاه واخير خطوة جيبي ليمون وهم مسحي عليهن فد 10دقايق وغسلي
ولمن تكملين رطبيهن بفازلين
طبقي هالشي يومية حته تشوفين نتيجة☺️


#ملوكه

اول شي عمري اني مو دكتورة😅 بس من الفهم والتجارب صارت عندي خبرة
عل كولة المثل أسال مجرب ولاتسأل طبيب..لأن مرات الطبيب يوصفلج دوة مايفيدج لانو مامجرب فميعرف حالتج بالضبط مجرد يجاوبج عل معلوماته اللي درخهن😑💔

عل العموم مدام بشرتج دهنية فطبيعي تطلع حبوب هاي من دهون الوجه
فكل يوم صبح وبليل قبل ماتنامين غسلي بغسول زيت شجرة الشاي ورطبي بمرطب نتروجينا واذا ماتتحسسين من التمن
لمدة 3ايام سوي ماسك التمن زين للحبوب ويبسه..وهسه اوجهه

#ملوكه

طريقة ماسك التمن لتبييض البشرة 💆🏻‍♀💞-

حبايب اللي تستعمل هالماسك كون من تخلين عل وجهج ..خلي همين عل رقبة حته لايصير فرق🌚💔..
واستمرن عليه بشكل يومي..وضروري بعده ماسك ترطيب البشرة✨


#اعـاده_توجيـــہ_لصديقتج
#ملوكه
@stylegrils

عيوني هو بشكل عام المعروف التقشير بزيت زيتون وشكر
واكو كومه مقشرات طبيعية..هسه اوجهن😇

#ملوكه

منا تلكين كل أنواع المقشرات👆🏻🙃

حبي بس بالانستا اللي اعرفهن بيجات للهدايا ودزيتهن قبل هسه اوجهن🌚

#ملوكه

منا وليجوة بيجات للهداي واذا تريدين حسب محافظتج هم اكو☺️

هذيني حبي👇🏻☺️ الفيديوات

وخلي ببالج اشما سويتي الزين للناس فيضلون يحجون
فأي واحد يحجي عليج..عاادي خل يحجي لمن يتعب ويوكع ليورة اهم شي لاتفكرين وتحركين اعصابج وشنو مايحجون غلسي لو جاوبيهم بثقة

ومثل مايكول الأمام علي :رضا الناس غاية لاتدرك ورضا الله غاية لاتترك ؛فاترك ما لايدرك وأدرك ما لايترك🙃

#ملوكه