#خبايا_الاقدار
❤️♨️

... البارت السادس والعشرون
....

عقيق.. من شدة فرحتي راح اشوفه جنت
حته ماانتبه ع الطريق هيج احس نفسي
مثل الفراشه الطايره لاول مره اعيش
هيج شعور حلو ..

دفعت الباب الخارجي ودخلت ليجوه
باب المطبخ حديد مخلين بي حبل نسحبه
ونفوت سحبته ودخلت فارغ البيت
المصافي فوك دخلت للصاله والابتسامه
ع وجهه

امشي واسولف ويه نفسي خلي انزل
واغير ملابسي لان هسه ع جيه واعدل
حجابي نزلت وبيدي المصفي
وانصدم باثنين ملثمين واحد مبين
صغير وواحد جبير..

وكعت المصفي من ايدي وصرخت
صوت واحد واحد بيده سجين
ووكال اذبحج واشمرج بالشط
والثاني خله ايده ع حلكي واني
ارفس بين اديه..

شحطوني من باب الممر حالتي
المرضيه ماسمحتلي اتحمل ولا كدرت
اتميز بالقوه رجليه صارت خيوط
وكامت تشحط بالكاع وهو يكله
افتح السياره من وره البيت بسرعه...

البيت سياجه من وره بس جادر
والجادر شاگي ع كد واحد يطلع
روحي رايحه كلبي غدر بيه وماساعدني

استسلمت لان حيل ماعندي ولاطاقه
كمت مااشوف بعيوني لان صار غواش
ابيض عليهن وفقدت الوعي..

فتحت عيني بغرفه صغيره واثنينهم
كاعدين كدامي يسولفون افتح واسد
بعيوني اريد استوعب مكاني ووين
اني؟!

سمعت صوت واحد كاله كعدت مرت
السبع الله شلون صيده عمري
مافرحان بهيج صيده قويه ..

رد علي الصغير وهو يگله خالي
انت شايف السبع چااا هو كتل ابن
عمه مايكدر يكتلنه؟!

.. مايگدر يبن اختي انه خالك
من اخطي خطوه مااعوفن دليل وراي
لا السبع ولاعشره مثله يگدرلي..

عقيق.. اسمع حديثهم واني رفعت
ظهري اريد اكوم مارابطين اديه
ولا سادين عيوني ولاحلكي
بس هم لابسين كفوف وملثمين

حجيت واني اسعل كتلهم عوفوني
الله عليكم اني مالي علاقه
ومريضه..

كمت اميزهم واحد لابس لثام اسود
هذا الجبير كال خطيه انتي مالج ذنب
بس السبع ااااخ السبع مااندفن ويه ابو
وخلصنه..

نزلت دموعي مثل مزنة مطر گلبي ماجاي
يساعدني اريد احجي الهث واحس اذاني
توش حسيته راح يوگف..

الجبير كام وكف وكاله انطيهه مي
واكل اريدهه صاغ بالليل حته
اتفنن بيهه جنهه گيمر ** السبع
خوش يصيد. .

عقيق.. طلعوا اثنينهم ورجع الصغير جابلي
ماعون بي تمن فارغ وخبزه وطماطه
ودولكه مي ورجع طلع...

الغرفه فارغه بس فراش بالكاع
بيهه شباك والباب مقفول كمت ازحف
زحف للشباك عندي امل اطلع راسي
واصرخ حته بلكي احد يسمعني

بس الشباك مقفول ماينفتح كمت
اعت بي بقوه رغم حيلي الرايح
سحبت واحد كدرت افتحه وانصدم
مغلف بحديد من بره بحيث ماكو منفذ
حته للهوه..

خابت امالي وعقلي مشتت جان ابالي
صدى صوت يكول السبع ينقذج لاتخافين
جان كلبي يكول مايعوفج هو كالج
اني مثل ظلج!!

رجعت كعدت لزمت اطراف رجليه
قطعة ثلج جان الجو شهر السادس
عجيب هالبرد العندي احس الدم
مايوصلهن بعد..

بعدت الصينيه عني وظليت اسبح
باصابيعي ياحافظ ياحي ياقيوم
بالي وتركيزه بالتسبيح رفعت راسي
وحجيت ويه ربي تعرفني يتيمه
وماعندي غيرك سند...

لبابه.. عقيق طولت رحت اريد اشوفهه
صاحت وراي ام علي وين رايحه؟!
كتلهه اجيبلج المصفي خاف عقيق
ملگتهه!!

جاوبتني وهي تخلي ايدهه ع كتفي
تعاي ساعدي البنات ونظفي الخضره
وياهن انه اروح اشوفهه ..

طبيت للمطبخ ماما تشتغل ويه ام اواب
واني كعدت ويه بنات ماعرفهن هن
من اهل الشيخ يعني من القريه
يمكن اقرباء الحجيه..

عقيق اختفت عبالك واحد وكالي كومي
كمزت من مكاني رحت لرانيا كاعده هي وامهه
كتلهه رانيا عقيق راحت تجيب مصفي
ومااجت بعد؟!

رانيا.. شلون تعوفيهه وحدهه البنيه مريضه
ومنو دزهه شنو ماكو غيرهه
لبابه.. غير ام علي دزتهه وطولت تعالي انروح للبيت
انشوفهه..

كامت رانيا وياي وطلعنه للبيت ام علي
تطبخ من شافتنه كالت هاا مااجت عقيق
كتلهه موكلتي راح اشوفهه كالت التهيت
بالتمن مارحت..

عفناهه ورحنه للبيت باب المطبخ
مسدود جريت الحبل ودخلنه البيت
فارغ الابواب مسدوده
افترينه بالبيت ونصيح عقيق
بس المصفي يم الدرج..

رانيا لطمت ع صدرهه وصاحت وين البنيه
ولج لبابه خاف واكعه بالحمام دورنه الحمام
حته صرت مخبله ادور جوه الجربايه..

فتحنه باب الممر وافترينه وره البيت
تفاجأت بالجادر مشكوك ويفوت شخص
منه وهو البارحه مابي شي...

ركضنه اني ورانيا لبيت الشيخ
وبوجهي لماما كتلهه ماما عقيق
ماكو والجادر مدري منو مسوي بي هيج؟!

يمكن هي ربع ساعه بس فزعة الشيخ ياسين
مالهه مثيل يركض من بيتنه لبيته
ويصيح لا ربي لاتفجع السبع بمريته..

صار ساعه ونص ضبط ع طلعتهه من
راحت تجيب مصفي ومارجعت انخبص
البيت النسوان طشت وادور وعبالك هي
حبابه عدس ومحد يشوفهه..

الشيخ ياسين بالباب واكف ومفتوح
كله واحنه متجمعين بالطرمه وصاح
اواب بويه خلي ازلامنه تفزع وادور
البستان خاف تاهت البت...

طلعت ماما حافيه للباب كالتله ابو اواب
عقيق ضاعت لو فعلت فاعل؟!

ياسين.. فعلة فاعل يا ام البنات
والله يستر انداس بيتنه وانداست كاعنه
وانخطفت امانه السبع وياسين مايدري..

ساهره.. السبع بالطريق جاي شتكله؟!
ومنو خطفهه وشلون تنداس كاعكم
موغريب السواهه..

ياسين..الخاين ابيتي كاعي ماتنداس
من غريب وصاح بويه اواب خابر ع ضرغام
وكله خلي يكل للسبع

فجر.. انتي ليش جبانه وساكته مو هي ام علي
دزتهه ليش دزت عقيق مادزتج انتي امشي احجي
للشيخ ياسين؟!

لبابه.. شعليهه المره هي دزتهه لان واكفه
ولج ام علي مرت اخو الشيخ ياسين؟!

فجر..واذا مغت( مرت) اخو جباغ هم اخو عمو فاضل
وقتله دفعتني وكالت وخغي (وخري) وطلعت للطرمه
واني اركض وراهه..

جان الشيخ ياسين واكف واواب وامه
والحجيه وهواي نسوان من عدهم واكو
اثنين من ازلام الشيخ واجت فجر طايره
ووكفت كدامهم وحجت

فجر.. عمو الشيخ ام علي هاي واشرت عليهه
دزت عقيق للبيت ومادزت لبابه ومادزت بتهه
ومن غادت( رادت) لبابه تغوح ( تروح) وغاهه
( وراهه)وماقبلت

اواب.. ع كيفج وحده وحده
مرت عمي طه قصدج دزت عقيق متعمده

فجر.. اسألوهه هي !! ليش اله عقيق
وليش ماقبلت اختي اتغوح وغاهه

ياسين.. صدك هالحجي ام علي؟!
ام علي.. بوجه اصفر ومبينه الخوفه عليهه
انه مامتقصده دزيتهه جانت واكفه وهي راحت
وانه التهيت بالطبخ چااا شعندي وياهه

ياسين.. ام علي مالي حمل الطعن ونكران
الزاد البت وين هاي امانه مو اي امانه
هاي مرت السبع تعرفينه لو اكلج شيسوي
اذا عرف!!

ام علي.. هي هم بنيتي والبنيه مسكينه
شعندي وياهه موهيج العشم يا شيخنه
انه دزيتهه غير بيتهه وتعرف الغراض
اجت عيني عليهه وكتلهه اريد مصفي..

فجر.. لا متقصده اني واكفه ولبابه وبنتج
ليش دزيتيهه وبعدين هي خطاغ والخطاغ ما
يتأمغون علي وماقبلتي انغوح انشوفهه

ام علي.. شنهي هالحجي يابنتي اتهمين
مره بكد امج؟!
فجر.. خاله مااتهمج بس الشيطان شاطغ
اتذكغي هي يتيمه وماتروح حوبتهه

لبابه.. حجت هيج وطبت بعصبيه ليجوه
حته ماما فشلت من ام علي اواب شفته
يباوع وراهه ومصدوم فجر جريئه حيل..

ماما اخذتنه ورجعنه للبيت تحجي
ع فجر شلون هيج تحجين بس فجر
انفجرت كامت تبجي وتصيح
وروح بابا هي الهه ايد بيهه اني متاكده
ام علي تعرف..

بيتنه مفتوح وكعدنه بالطرمه وكلساع
وحده جايه تسأل ويسون كشف يفترن
وره البيت يشوفن الاثار..

صوت هورونات وهوسه من شدة الموقف
طلعنه اندوس ع الكاع حاره لان ظهريه
سياره ضرغام ووراهه سياره من اهل ياسين

نزل السبع ماانشوف بس ظهره
والشيخ يحجي وياه فجر دفعتنه
وطلعت تركض بنص الزلم وماما تصيح
وراهه وماوكفت

لزمت السبع من ايده وكالتله جمغه
اسأل ام علي انت تصدگني مو اسألهه
هي تعغف وين عقيق..

اواب.. يابه شلزگتي عيب طلعتج شو تعالي
للبيت خلي يرتاح ونكعد نحجي

فجر.. معليك انت كلمه الحق متسمعوهه
انت ابن شيخ يله احجيلي مبغغ( مبرر)
واحد ع موقف ام علي

السبع.. بصوت مكسور علامات العصبيه
والغضب ع وجهه تعالي فجر من رخصتكم
كل واحد يروح لبيته مرتي انه ادور عليهه

والي اله ايد بأذيتهه بكد الشعره وروح
ابوي اكتله كتلة الجلاب واشمره بالزبل..

اخذ فجر واجه علينه طب وسد الباب
نسينه حته نتحمدله ع السلامه
كلنه بجينه فجر تشهك وتحجي
ومصممه ع ام علي..

ضرغام.. هسه ناخذ كلمه من مره شراح
يطلعهه من ام علي ماعدنه سلطه عليهه

منو يدوس كاع الشيخ اله منهم ولوواحد
مدخلهم السبع انت ظل هنا واني رايح
لجبار اشوف الوضع واخابرك

ام شهد ماطلعن ابد تروحن يم ياسين
خلينه نلگه البنيه ترى موهينه هاي السالفه
وياسين اذا وصلت لغير شيوخ حته الشيخه
تنشال منه..

السبع.. خابرني اذا شفت شي وانتن احجلي
بالتفصيل
لبابه.. كمت احجيله وحته انطيته يالون
لابسه وهو مدنك بالكاع ..

انتبهنه علي تعبان رغم محدد اللحيه
ومزين شعره خفيف طبرة حاجبه واضحه
كلساع يخنزر بينه وبين نفسه..

جبتله كلاص مي ماشرب رفع راسه
ع ماما كالهه هي شلونهه صحتهه
خوما مدهوره؟!

ساهره.. زينه وجانت فرحانه حيل
السبع لايوكف كلبهه من الخوف
هي منيلهه هبطه؟!

السبع.. اشر بيده حته تسكت امي
وحط ايده ع صدره وكام عبالك هدوءه
تحضير للعاصفه الراح تبدي ..

طلع بره وصارت حالتي بس اراقب بحالته
انشوف بي امانه بمثابه بابا ال٦ اشهر الغاب
بيهه حسينه نفسنه بخطر...

واكف بالحديقه وطلع جكاره من جيبه
ايده ع كلبه يفرك بي ويرفع راسه
ليفوك وياخذ نفس ..

دك تليفونه مانسمع شيحجي بس فتح
الباب وطلع واحنه ظلينه وحدنه
اجت ام اواب اخذتنه يمهه ..

صار العصر وكل خبر ماكو ماخلو مكان
مادور علي الخبر انتشر وجبار هد ع ياسين
يكله انحاسبك مرت السبع بتنه..

انباوع ع القصر كلهه الزلم تفتر ومخبوصه
ادور السبع هادىء مايعرف شيسوي
لايكدر يلوم ياسين ولايكدر يصيح
ع احد...

المغرب ويه الاذان صاح ياسين ام علي
البسي عباتج وتعاي للمضيف والبنات خلي
يجن..

رحنه كلنه وماما ويانه كعدنه والسبع كاعد
واواب واكو زلم ماعرفهم عرفناهم بعدين
اخوة الحجيه بركات ..

حجه السبع ام علي البت عرضي ومرتي
وشوفت عينكم انه ساكت احترام للبيت
الكاعد بي بس وحق هو علي احرگ
الاخضر واليابس اذا انصابت بكد الشعره

قبل لاتكون مرتي هي امانة رب العالمين
محافظ عليهه حته من هوه نفسي وتالي
مااعرف بيهه وين ؟!

ام علي.. تحجي وهي مدنگه السبع
انه مالي غرض بنت دزيتهه ع حاجه
شمدريني شيصير...

السبع.. ليش فجر حجت هيج ليش ماقبلتي
يروحن وراهه ساعه هي غايبه ليش
منعتيهن؟!

ام علي.. كتلهن انه اروح والتهيت
بالطبخ ماكدرت اعوف التمن يحترك

فجر.. تسمحلي احجي عمو؟!
ياسين.. احجي بويه
فجر.. اني مااتهم خاله ام علي بس متأكده
مثل مداشوفكم انتم كدامي خاله تعرف
وين عقيق؟!

ام علي.. مايصير هالحجي يا شيخنه
انهان من وحده بكد بزر بطني

لبابه.. ام علي عصبت وتحجي وماما تخزر بفجر
وفجر نفس الحركه اجتهه من كعدت ع السطح
ادنت اله كعدت بالزاويه وصارت عينهه ع السكف
بس الكل ملتهي ويحجي وهم عبالهم خجلت

جان تحجي بصوت ودكول منو جواد؟!

بحجايته كلهه التفتت والسبع كام وكف
وهو يكلهه فجر منيلج هالاسم؟!

ياسين انفزع ام علي وجهه مثل الليمونه
صار وفجر كامت وكفت وكالت
هو منو جواد؟!

واحد يباوع للثاني مانعرف شكو اختي
متلبس بيهه جن لو شنو منين تجيب
هاي السوالف وصدك اكو جواد لو
يتهيئلهه..

ياسين .. ام علي روحي للبيت
ام شهد اخذي البنات بويه اواب خابر ضرغام
يجينه والتفت ع السبع وكاله ياخوي
هدي حالك ان شاء الله غلط..

ماجاوبه السبع طلع مثل الطلقه من المضيف
رجعنه لبيت ياسين وام اواب انطتنه غرفتهه
وماما تسأل فجر منيلج هذا الاسم

فجر.. عوفوني لاتحجون وياي مامت بغوح
شهد عوفيني اهدء..

لبابه.. وضع فجر يخوف عيونهه حمر حيل
جاي تشوف شي عبالك تلزم راسهه وتفرك
بي وتصيح عندي صداع ...

صار الليل ومحد رجع جنه كاعدين
يم الحجيه واجه اواب صعد فوك ونزل
بيده سلاح وامه وكفت كدامه منعته

رد عليهه يمه البنيه بخطر وجواد النذل
مختفي والسبع وضرغام وحدهم مايصير
مانوكفله..

حجه هيج وطلع يعني جواد صدك
هو الخاطف؟!هو منو جواد؟!
سالت ماما فهمونه منو جواد؟!

الحجيه.. جواد ابن الحرام هذا لگا الشيخ
جريان بالولايه بالثمانينات وجابه وانطاه
للفلاليح ربو وكبر وصار من ازلام الشيخ
ومات جريان وصار من زلم جبار..

وسنه منهن صوبه السبع صارت عركه
وتالي ذبوا بالسجن وهاي السنين بالسجن
وطلع قبل سنتين بس طردو من الگصر..

لبابه.. مذهولين من كلامهه عين ماما ع فجر
وعبالك جاي تستخدم طاقه بحيث عيونهه
دم وراسهه لازمته اختي يمكن تحاجي الجن؟!

هاي الليله محد رجع بس الشيخ وكال
السبع متسودن هو صار الليل يكول
عبالك روحه راحت كل اليحاجي يتضارب
وياه عكس الهدوء الجان ..
...

عقيق... اباوع للباب شوكت ينفتح
اواسي نفسي راح يجي السبع ينقذني
هو كالي مااعوفج..

هو كالي اني ظلج وين ماتروحين
تلگيني !! هو جان يكول اني احس
بيج واشوفج اذا ماشربتي دواج..

وينك هسه ؟! كلهه دكول عليك السبع
اسم ع مسمى وينك هسه دواي ماخذته
وكلبي تعبان ورجليه ماتساعدني..

اعرف خطفوني لان مايكدرولك
وحته يلون اذراعك انت كتلي اني
نقطه ضعفك وهاي استغلوهه حته يلزموك
بيهه...

سمعت حركه وره الباب وصوت المفتاح
انفتح الباب اثنينهم ونفس لبسهم
واحد ضخم جبير وواحد صغير هذا
بس ينفذ..

بدون مايحجون اشرله عليه اجه بحركه
سريعه كتف اديه. كمت اعيط بصوت عالي
ويه كل صوت احس نياط كلبي تتگطع..

هذا الجبير جاب وصله وشد حلگي
اختنكت النفس مايساعدني بس من خشمي
من يتعب كلبي اتنفس من حلكي وهسه
سده اختنكت..

كاله مدده بالكاع وجيب العده جنت بس
اسمع اقاوم صحيح بس بضعف لان
كلبي مايساعدني ..

يحاول يمددني بس ماطبك رجليه اتلاوه وياه
بس الثاني سحبني من رجليه وكعد عليهن
وذاك لزم اديه وشدهن بحبل وربط الحبل
بالشباك ..

رجليه فتحهن بقوه طلعت صرخه
مكتومه ودمعي يتيم نزلت بحراره
وعيني رفعتهه لرب العباد..

ربط كل رجل بحبل وهن مفتوحات
ويثبتونه بحديده مثل الحيوانات من
يربطوهه بالكاع...

ظليت ع هاي الحاله دقايق
ماكدر اتحرك بس راسي احركه
اعظامي احسهه جاي تتكسر
ع هيج وضعيه اريد اتوسل بيهم
يعوفوني....

اريد ابوس اديهم ورجليهم
اريد اكلهم اني يتيمه وماعندي
احد اريد يرحموني بس خلي ينطوني
علاجي كلبي راح يوكف..

هذا الجبير فتح جنطه سوده وطلع مكص
وبده يكص بملابسه يسويهن وصل زغار
فوك النص الساعه وعبالك عنده لعبه وجاي
يفصل بيهه..

اغمض عيوني حيل وكلساع ينكشف جزء
من جسمي لحدما صرت عاريه كدامهم
وبوضع اخجل حته اوصفه لواتذكره..

صوت ضحكهم باذاني وهو يكله
هسه منين نبدي وذاك يكله خلي
نخدرهه مثل القبلهه..

رد علي لااا ولك دشوف الجسم
كيمر بنت الكلب خرب عرضك السبع
يعرف يختار شلون جماره ..

كام يتلمس بحركات قذره اهز براسي
اريد روحي تطلع ماريدهه!!مااريدهه
روحي اريد اموت ولايسوولي شي..

اشياء ماتنوصف سواهه واول مره
اعرف هيج الواحد يكدر يسوي
ويضحكون ع جراحي..

حجه الصغير كاله خالي خلي*****
بهيج مصطلح بذيء رد علي لاولك
شيخلصنه من السبع واخيرا وكع بالحب
ولزمناه..

كاله لعد نظل حاطيهه هيج ونباوع
مانتحمل!! ضحك الجبير ويرفع
برده وكاله لا بس نخلي محروم منهه

عذرآ ع الموقف بأيده استخدمهه
للاعتداء عليه حسيت كلبي اخر دكه
وصوت صراخي مايطلع ..

الم قوي داخلي ويضحك وايده القذره
بعدهه وهو يكله ولك اليوم السبع
تلكا راح يموت ولك مرته هاي !!

ماحسيت ع شي لان انغمى عليه
ومااعرف شكد مر الوقت بس فتحت
عيني واني ع نفس الوضع ونفس
نومتي ...

اشتم ريحه موحلوه بالغرفه
وهم بعدهم كاعدين بس فتحت عيني
كاله جيب العده ومدري شنو انطاه
ظل فاتح الجداحه ويحمي بحديده
رفيعه ...

الموت قريب شفته بعيني هاي مانساهه
عمري مامضروبه راشدي وهيج اليوم
اتعذب ..

يحمي بالحديده ويطبعهه ع صدري
بتأني من الجهتين يرجع يخليهه ع مناطق
حساسه واني روحي تصعد لربهه وترجع

وراهه بعد ماادري بنفسي ولا احس
بشي غير صوت كلبي اسمعه بوضوح
وصوره بابا كدامي وهو يبجي بس
مااكدر احجي ولاهو اسمع صوته..

لبابه.. يومين صار ضبط السبع محد
شافه بعد هد على جبار وكاله اريد
جواد منك وجبار سوه نفسه ويه السبع

كلهه ادور وبدون نتيجه ضرغام رفع اسم
وادخلت الشرطه وماكو فائده ولا اكو خيط
امل عبالك فص ملح وذاب..

فجر من حجت هالكلام بعد ماسمعنه صوتهه
ام علي حبسوهه بغرفتهه ومتشددين بيت ياسين
عليهه وشكد حاولو وماحجت...

خابرت عمه زينب سامعه وتبجي
وتريد تجي وماما ماقبلت كالتلهه
نرجع لبيتنه وتعالي جيتج ماتحل الامور..

بيني وبين نفسي اكول اذا السبع
لزم هذا جواد شراح يسوي
وليش هيج تأكدوا هو معقوله لان عنده
سوابق؟!

باليوم الثالث العصر اجت الجهال
تركض ويصيحون السبع معلك
اسعود ع النخله ويريد يكتله ..

طلعنه من بعيد انباوع ع الهوسه اليم
القصر صدك اذا كالت الحجيه السبع
مرات يتخبل وماتشوفو نفسه
هذا ابو العقل..

ماانشوف اسعود بس الجهال تروح تباوع
وتجي ويمكن يريده يعترف لان كلهم
زباله جبار وتحت امره..

سمعت صوت السبع بعلو صوته
وهو يكله الك نص ساعه اذا ماحجيت
اوكع دماغك بيدك..

صاح بينه اواب وطبينه
السبع متخبل فاقد يكولون
حته ضرغام يريد يمنعه ومايكدرله..

طببونه بالبيت وقفلوا الباب علينه
وكالو اسعود معترف ومدلي بالمكان
لان اسعود اله ايد وع اساس جبار
كايل اكتل اسعود بس كذاب مهزمه..

جنه كاعدين واجه اواب كال وينهه
هاي البنيه فجر هي جانت بالغرفه
صاحتهه ماما ووكفت بصفهه وكالتله
كول شبيهه بنتي؟!

اواب.. ام علي بمثابة امي وع كلامج
لو تحجي لو اطردهه بعدج واثقه
من كلامج؟!

فجر.. واثقه ام علي مخططه وياهم
بس انتو لان من عدكم سادين عيونكم
عن الحقيقه..

لبابه.. حجت هيج ورجعت يم رانيا
المعتكفه مالهه اي دور مجرد ماتسمع
بأسم ضرغام تنهزم وهاي اشهر هي ماشايفته

بيومهه رجعنه لبيتنه ماما ضاجت وكالت
مااتحمل بعد لان شكم وحده ذابه اللوم
بفجر قفلنه الابواب وكعدنه شويه واندك
الباب بالسويج ؟!!

كامت ماما فتحته ضرغام دخل
وسد الباب جان وجهه تعبان وعبالك
مريض وايده لافهه بشاش مبين متأذي..

جبتله مي وكال ام شهد عينج ع البنات
لاتغفلين عنهن لحظه اني ابات يمكم
اليوم لان البنيه انخطفت من نص البيت..

ساهره.. السبع وين؟!
ضرغام.. السبع اذا مالاكهه بهاي الساعات
الله يعلم شيسوي ذاك متخبل محد سلم
منه القصر حالف يحرك ع القصر اذا صار
بيهه شي..

ساهره.. انت شبيك شو تعبان ابو ليث
مومثل قبل؟!
ضرغام.. مابيه شي مابيه شي!!
حجاهه مرتين وفتح جكارته ..

بهاي الليله كلما اكعد الكه ضرغام كاعد
ماغمضت عينه ابد ماما وخاله ام رانيا
صارن زلم وتحرس وياه..

اكو شي بس ماندري تليفونات بينه
وبين السبع وياسين واكو خطه عدهم
بس مامعلومه..

صارت الساعه ب٢ ضبط اني كاعده واجت ماما
كعدت فجر كالتلهه كومي انتي موتريدين
عقيق!!

كمزت فجر كعدت طلعنه للصاله
ضرغام كاعد كالهه فجر ساعدي
السبع !!!!

فجر..شلون اساعده؟!
ضرغام.. اني وياج بس اسمعي كلامي
واحد واحد
ساهره.. ضرغام بنتي لاتجازف بيهه
ضرغام.. والله ماارجع بدونهه..

اسمعي فجر الحجي واصل للخاطف
ع موقفج ويه ام علي ماذكروا اسمهه
بس عرفوا انتي منطيه كلام وكايله
جواد ومحد يعرف شلون...

ياسين عرف ام علي وراهه وخانتهم
وهاي حسابهه بعدين بس هسه مااريد
اشرحلج الحجي هواي اسمعيني زين..

اطلعين هسه اذا طلعتي هسه
نلزم واحد منهم لان هم ينتظرون
طلعتج لان تشكلين خطر عليهم ...

ساهره.. مافهمت
فجر.. اني افتهمت هاهي لاتشرح
اني اساعد السبع ماما لاتخافين
ماعليه شي..

لبابه.. ماما تجر بفجر وفجر تصيح
اروح اني مفتهمه قصد ضرغام واحنه
كلشي ممفتهمين وطلعت فجر
وضرغام وراهه وشفت اواب طلع من بيت
الشيخ..

ماما تخبلت وخاله لازمتهه عدهم
خطه والي يساعدهم فجر اني كلت لماما
احتمال اذا شافوا فجر راح يحاولون يخطفوهه
وبهيج حاله يلزموهم...

بس بنص الليل وين راحت وشلون؟!
محد فهمني عبالك الغاز بينهه وبين
ضرغام حته طلعت وهي تفلت نفسهه
من ماما بالقوه...

هذا الحجي ب٢ مرت نص ساعه
وصوت طلقات قريبه هنااا ماما تخبلت
فتحت باب المطبخ تريد تطلع وتفاجئه
بالشيخ ياسين واكف ومنع ماما...

حجه وهو يباوع ع البستان وهو يكلهه
مو كل العنده ولد صدك رجال اكو بنات
تسوالهن الف رجال وفجر بنتج
فجر ع السبع وع بيت ياسين..

مدري دماغنه سميك مدري احنه مانستوعب
الحجي مالتهم لان ثگيل بس جان يحجي
بحده وعبالك مفتخر بشي وماخايف
من الطلقات ويعرفهن وين..

انفتح الباب فجر دخلت ووراهه
اواب اجه يركض ويحجي سريع
وكاله يابه الحك السبع كتل اثنين
وماجاي نكدر نمنعه فقد اعصابه....


يتبع...

#خبايا_الاقدار
❤️♨️

... البارت السابع والعشرون


ياسين.. كتلمن يابويه وين ضرغام
عنه؟!
اواب.. اسعود انطه العنوان ومن راحوا
العنوان غلط وماكو ومن رجع لگه جبار مهزم
اسعود ونكر يكله وحده انهزم..

وزلم جبار رفعت السلاح ع السبع
وصارت بينهم هوسه وصوب اثنين مدري
ماتو مدري لا بويه خابر اهل الناصريه يجون
يوكفون هذا الدم ترى السبع مايسكت

وراح تروح بيهه ناس مالهه ذنب
الظالم يعبر منهه والبريء يوكع بيهه
لازم تدخل العشائر وتوكفهه

ياسين.. ضرغام وين شلون يعوفه
وحده
اواب.. ضرغام اتعس من السبع اثنينهم
عيونهم طافره شتوكف منهم منا لباجر اذا
مالكاهه حته لمرت عمي طه يطب يكتلهه..

ياسين.. خل يطر الفجر واخابر اهل الناصريه
خل يكولون شيخ ياسين ماصان الامانه
بس لايروح بيهه السبع..

التفت ع ماما وكالهه اواب وزلمنه
هنا لاتخافن سدن الباب
وان شاء الله خير ...

لبابه.. دخلنه ليجوه فجر كاعده بالصاله
رانيا وامهه كاعدات بس الجهال نايمه
ماما كعدت ولزمت ايد فجر وكالتلهه
وين رحتوا..

فجر.. اخذني ضرغام للبستان هو واواب
واكفين وكالو مري من يم القصر حته
يشوفوج بعدني ماوصلت للقصر
واجه واحد يركض عليه يريد يلزمني..

والسبع فوك القصر وضربه طلقه ضرغام
راح علي واواب اجه اخذني وظلينه نباوع
من بعيد بعدين اجه ضرغام كال متصوب
وكايل جبار كال الزمو فجر ومهزم اسعود

وماادري اني رجعت والسبع كام يضرب
وضرغام خابر ع اواب كاله خلي يجي
ابوك ماجاي يكدر يمنعه..

ساهره... ماما فجر اني امج ليش متحجيلي
وين تعرفين جواد وشتشوفين ؟!

فجر.. لاتسأليني اشوف كلشي عقيق
بخطر عقيق راح تموت جاي اشوفهه
محد ينقذهه ..

خلت اديهه ع عيونهه وبجت روح الطفوله
بداخلهه كامت تبجي وتصيح اريد عقيق
خلي ينقذوهه لاتموت!!

حضنتهه ماما تهدي بيهه وخلت راسهه
ع رجلهه وهي كلساع تروح عينهه للبعيد
يصير بس بياض وتصيح عقيق!!

لفت انتباهي حركه شفايفهه تقربت
يمهه اريد اسمع شتحجي شنو من كلمات
سمعتهه تقره ايات قرانيه..

"كذلك نري ابراهيم ملكوت السماوات و الارض و ليكون من الموقنين "
"ان الابرار لفي نعيم على الارائك ينظرون"
هاي الايات سمعتهن بوضوح وهي تردد بيهن

صار الفجر وكلنه كمنه للصلاة الكل دعه
الله يرجعهه سالمه ويقر عين السبع
برجعتهه..

ماما ماكعدت من طلع الفجر فتحت الباب
وطلعت اكو زلم بالباب واواب واكف صاحته
اجه عليهه كالتله راح تخابرون شيوخكم

اواب.. ماقبل السبع كال ماريد صيتهه يطش
بالعشاير
ساهره.. وهذوله ماتوا لو بس صوبهم
اواب.. بس متصوبين ..

حجاهه وراح صارت ب٧ الصبح اجه السبع
وضرغام وياسين كالو فتحو الاستقبال
فتحته ماما واحنه نترقب شكو..

شويه وجابو ام علي اجه وياهه اواب
ام علي رجلهه طه اخو الشيخ ياسين
يشتغل بغير محافظه وكل الصار هو ماموجود..

دخلنه كلنه ماما تتوسل بيهه ودكلهه ابوس
ايدج كولي وينهه يتيمه ومريضه وصار ٤ ايام
بدون علاج هسه ماتت...

ام علي.. اله اروح لاهلي واسويهه كعده عشاير
وياكم بليتوني بلوه حاطيلكم زعطوطه
تتهمني وانه بنت ناس

السبع.. تمنيتج رجال جان عرفت شلون
اجاوبج التفت ع ياسين مرت اخوك هاي
وبعدهه مصره ماعندي سلطه عليهه انت
عندك خابر رجلهه يجي يشوف حل وياهه

مرتي وين ؟! تعرف شنو مريضه؟! اكلك
مريضه ماتكدر تعوف علاجهه يوم واحد
هاي امانه رب العالمين واني ماصنتهه

ياسين وروح ابوي وروح اختي الماحلف
بيهه اهجم البيوت ع راس الزلم اذا اليوم
مالگيتهه عمري ماريده اكتل وافوت سجن

جان يحجي بحرگه عيونه حمر يحجي
بعصبيه ويأشر بيده ويدك بالكاع
وياسين مدنگ راسه مايعرف شيجاوب!!

اواب.. عمه ام علي عوفج منهم كلهم اني
جاي احاجيج عندج بنات اثنين مالي علاقه
بابنج احاجيج ع بناتج

اني ابن عمهن مووو؟! اعتبري تهديد
اذا ماحجيتي سبب فعلتج هسه بيدي
ازوجهن وتعرفين المن وحق الله لايوكف
بوجهي لا ابوي ولا اهلج..

اختاري لو تحجين ونتلاحك البنيه
لو بناتج ضحيه تدرين المن انطيهن
وتعرفيني اسويهه؟!

ام علي.. تهددني مالك حق تمسهن بكد
الشعره.
اواب.. ظلي انتي هنا محترميج لان مره
ولان بكد امي واني اريد اشوف منو
يمنعني..

كام وكف وياسين اشرله براسه
كاله اخذهن وحته ابنهه اخذه
خابر اهلهه خلي يجون ياخذوهه ..

تخبلت من كالو هيج كامت تتوسل ابوس
ايدك شيخ اني مالي علاقه بناتي
مالهن ذنب بس اواب سواهه صدك
وراح اخذ بناتهه وابنهه ومدري وين وداهم

تخبلت هي بنص الشارع واكفه وتصيح
وتتوسل بياسين وام اواب
والسبع مايكدر حته يباوعلهه كلساع يفرك
وجهه ويستغفر..

كامت تصيح احجي والله احجي بس
تنطوني الامان !!
من كالت هيج السبع تخبل ماعنده واحد
يذب حركته غير بياسين

لزم الشيخ من ياخته ويريد يضربه
وياسين ساكت ويكله فرغ نارك
فرغهه بالماصان الامانه

لسه اتذكر حال السبع ام علي لو رجال
يقطعهه وصل وينشرهه بالهوه
انهار فدمره وماما طببت ام علي جوه...

ام علي.. اني مااعرف شراح يسوون بيهه
وداعه ابني كالو بس نخوف السبع بيهه
حته يتنازل عن بستان ابو..

اجتني وسن بنت الشيخ جبار ودفعتله فلوس
وانطتني صره ذهب وكالت بس يتنازل السبع
نرجعهه وهي بامان ..

ياسين.. ياحرام الزاد ابطنج يا عيبة
العيبة ع هيج عار جبتي النه غرت الفلوس
بيمن مأذيج السبع ؟!

اواب.. السبع مامأذيهه مرت عمي تخطط
سوت هاي اللعبه حته يسحبون الشيخه منك
لان تعتبر كدام الشيوخ انت مو اهل للامانه
وحته عمي طه يصير شيخ وهي تطمح تصير
مثل مرت جبار تأمر وتنهي

ظلت مدنگه بالكاع ومبين كلام اواب صحيح
صاح السبع احجي وين؟!
ام علي.. ماادري انه مااعرف جواد ولاشايفته
انه بس ساعدت وسن وطبوا لبيتكم الحجي
عند بنت جبار..

لبابه.. بعدهه تحجي وطلع السبع يركض
ضرغام وراه وشيخ ياسين مدنگ وام اواب
دموعهه تنزل ومصدومه تگلهه حيه ابيتي..

ام علي صاحت بام اواب ودكلهه موبيتج
موشايفه روحج مرت الشيخ واني دخيله
عندج يله شتسوالج انتي وشيخج هاي السالفه..

كام ياسين بعصبيه وكال كومي لدارج
لابارك الله بيج ولابالساعه الشفنه وجهج
بيهه حليبج موطاهر ناكره المعروف..

ماكامت ظلت كاعده بعين صلفه
اواب اخذ ابو لان مبين تخربط واحنه
نباوعلهه مصدومين مانعرف شنسوي..

وهي كلساع وكالت لاتباوعن هيج
شمدريني ناوين غير شي اجيتن
واخذتن البيت وانه صار ١٧ سنه بنص العيال
ومن حجيت كالو بيت مرت السبع وهي
فرخه بكد زري..

جانت تحجي بصلافه وماما صافنه عليهه
بس مانحس غير رانيا بيدهه خشبه جبيره
وعريضه وهدت عليهه ماخلتهه دكوم

كامت تضرب بيهه وهي جوه ايد رانيا
متكدر تتحرك كعدت ع رجليهه ونيمتهه بالكاع
وكامت تعض بيهه وتضرب

ام اواب تسحب برانيا وخاله تتوسل تعوفهه
وهاي عبالك ضرتهه حرگة كلبهه وشكو نار بگلب
رانيا فرغتهه بام علي خلت الدم يطلع من حلكهه

وكامت تشحط بيهه للطرمه وكالتلهه
هاي كتله وبعد انتظري الباقي خلي
ارتاح بس هذيج بسرعه انهزمت..

ماما لزمت رانيا تلوم بيهه فشله وعيب
واحنه خطار عليهم
رانيا.. ياخطار خاله زلم ماتكدر تكتلهه لان
تتحشم اله يكولون اكتلنهه عود خلي يحشمني
رجلهه..

ام اواب ساكته طلعت مصدومه
ورانيا الخشبه بيدهه وتضرب بيهه
بالكاع وتحجي هدوني عليهه ماخليتوني
اشلع لحمهه هالحشره هاي..

بوسط خوف وقلق والحجيه اجت يمنه
وكالت حبسوا ام علي بغرفتهه واواب مدري
وين ماخذ بناتهه وابنهه وعود يجي رجلهه
يحاسبهه..

عدهم اخلاق عاليه رغم هي غلطانه
بس الزلم ماتكدر تمد ايدهه عليهه لان
بعصمه رجلهه حته ماحجوا كلمه غلط

ظلت الحجيه يمنه تواسي بينه
وكلساع وكالت خابرن عليهم
بس محد يرد...

عقيق.. روحي اشوفهه تحوم فوكاي
جسمي بالكاع بس روحي احسهه
مثل الطير ويرفرف ...

ع وضعي وع نومتي رجليه
احسهم تملخوا من كدما مفتوحات كل هاي
الايام كلساع يغمى عليه وارجع انتبه من المي
البارد ..

اسمع اصواتهم اسمع بوضوح ويمكن
الله يحبني وخلاني اسمع حديثهم
صح جسمي خشبه بس روحي
جانت تحثني ع النهوض..

اسمع صوت الصغير يكله خالي تورطنه
وذاك يجاوبه اي ولك تورطنه انه ماتوب من السبع
قبل ٧ سنين خيسني بالسجن وهسه راح
ياخذ روحي

... سمعت الحجي الوصل مدري شلون عرف
بينه
... السبع ذكي وابن عمته ضرغام بظهره
واحنه منو ويانه جبار اليعوفنه ويتبره من عدنه
باول طگه

...غلطت ياابني ماجان المفروض انطخ بالسبع
وانوب ويامن ويه مرته وهاك شوفهه انتظرهه
تموت وصارت روح بزون

... خلي نكتلهه خالي بطلقه ونخلص
ونشرد برواحنه
... مانكتلهه هي مريضه تموت ماتظل
متشوفهه تعالج هسه نحمي نفسنه بيهه
عاد هي بدينه..

... واذا لزمنه السبع
... مايندل المكان واسعود منطي عنوان غلط
وجبار مهزم اسعود اذا حسينه بخطر نفلت
ونسافر بساعتهه..

... اسالك خالي
... اسال ولك
.. ليش اعتديت عليهه بيدك ليش مااعتديت
مثل الزلم
... مواكلك السبع اذا لكاني يثرمني وصل
قبل ٧ سنين عليمن انسجنت ؟!

اعتديت ع وحده من ذاك الصوب واجه ابوهه
حجه للسبع وضمهه الي لحدمالزمني وحدي
شسوالي ولك خلاني عاجز مثل بيه تمثيل
وخلاني بحسره النسوان..

... چااا هسه يعلكنه فلقه ع هاي الدكه
كون تموت خالي خلي نعوفهه ونطلع تموت
وحدهه محتركه ومايمهه اكل تموت ماطول..

عقيق.. اسمع حديثهم يم راسي
الصوره مرسومه كدامي شلون اني
نايمه بهيج وضع عاريه وكدام اثنين
زلم صار ٤ ايام..

دك تليفون واحد منهم فتح خط ويحجي
بس سمعت كفر وفشر بكلام بذيء
وسده وكاله كوم كوم عوفهه ع وضعهه
ولم الغراض خلينه نشرد السبع جاي..

ذاك يسال شلون خالي خاف يلزمونه؟!
ويرد علي خلي انلحك نشرد ونسافر
هذا اسعود خابرني جبار كايله كول لجواد
ينهزم السبع اندل مكانه...

عقيق.. مجرد ماسمعت هاي الكلمات
عبالك روحي جانت محتاجه هيج كلام
كلبي صار ينبض بقوه اريد افتح عيني
واكلهم افتحوا الحبال حته لايشوفني
السبع بهيج وضع

بس ماكدرت خاف يعرفوني كاعده
ويكولون سمعتنه ويخلصون عليه
لاول مره امثل ومثلت اني مغمي عليه
حته دفرني برجله يتاكد واني ماتحركت
رغم الالم..

من سمعت الباب انسد فتحت عيني
هسه شفت الضوه من يوم ساعه عذابي
اني مغمضه مااريد اعيش الصوره يعذبون
بيه واني مغمضه..

ماكدر اتحرك بس كلبي ينبض بقوه
مثل الماطور وعنده سباق اذاني
توش معقوله هيج عندي قوه ومتمسكه
بهيج حياة بائسه ومامتت؟!!

مااعرف شكد يمر الوقت وشلون يمر
بس مثل عقارب ساعه ابيت مهجور..

احس شي ينزل مني مااعرف ادررت
لو شنو كلساع احس بشي ينزل
واني مااكدر ارفع راسي..

هوايه مر الوقت كلش هوايه
تأخرت يالسبع تأخرت عن كلشي
مااكدر حته اباوع بوجهك..

اقره ايات وتسبيح واني انتظر مصيري
المجهول معقوله ماراح يجي وراح
اظل هنا اتفسخ وحدي..

تمنيت مايجي وتمنيت اموت
لاول مره ادعي ربي ياخذني
اتوسلت بدموع وحلفته بدمعه كل يتيم
ياخذ روحي قبل لايوصل السبع ويشوفني...

كمت اسمع حركه لان جان هدوء
كمت اهز براسي وابجي مااريد
احد يدخل مااريد احد ينقذني..

سمعت صوت ضرغام وهو يحاجي
واحد ويكله بيا غرفه احجي لا
اخذ روحك وذاك يكله هنااا ابو ليث هنااا...

صاح ضرغام جمررره راح اطلع
اني واواب نحمي وانت ادخل للغرفه
بس اخذ حذر ...

الباب يندفع وينضرب حيل
واحد يكله اضرب القفل طلقه ويرد علي
السبع لا خاف وره الباب ...

حلكي مسدود اريد اصيح واكله من تفوت
غمض عيونك لاتشوف واريد اكله لاتفوت
اني بوضع موحلو...

انفتح الباب حيل واني مغمضه عيوني
بقوه اريد اخفي عيوني لداخل الجمجمه
هيج شعور قاسي عندي..

ادين مثل الجمر لزمتني
لزمت راسي بقوه ويصيح عقيق فتحي
عيونج عقيق تسمعيني فتحي اني السبع!!

عباله ميته حسيت بحرگه گلبه
حسيته منهار مدري شلون فتحت عيني
وعبالك صرت مااسيطر ع ايعازات دماغي
الامر استلمه گلبي..

بس فتحت عيني اجت عيني بعينه
ع وضعي وضم راسي حيل بصدره
واني اشهك بدون دموع..

فتح حلكي وشمر الوصله وهو ساكت مايحجي
كلمه وحده ماسمعت منه
كام وكف يدور بالغرفه لكه المكص كص الحبل
ورجع فتح رجليه بس ظلن ع وضعهن مااكدر
اسدهم ...

قرب رجليه وحده لثانيه
بهدوء وهو رافع راسه يباوع
لوجهي ماعرفت اوصف حالته بهذيج
اللحظه ...

كمت اصرخ من الالم والحرك بافخاذي
من ينسدن شاغت روحي خله ايده
جوه ركبتي ورفعني شويه شويه
لان جسمي متكسر وجاي اتألم..

سحبني للحايط خلاني ارتجي ع الحايط
وكعدني ع الفراش واني ماتسترني قطعه
وحده مصدومه من وضعي لا انطي
رد فعل ولا اعرف اسوي شي بس اشهك...

كرفص كدامي ولزمني من اكتافي وضمني
لصدره حيل وحجه بصوت مخنوك اهدي
اهدي خلصت!!

حسيته حاير ومايعرف شيسوي
شلون يلمني وشلون يتصرف
اصلا مصدوم من الشافه وبعده ممستوعب ...

كام وكف وهو يفرك بوجهه وطلع بره
ورجع بس طب ماتحمل رجع طلع
وصاح بصوت عالي لك ضرغاااااااااام...

هنا وكعت دموعي جانت بس شهكات بس
هسه لا كامن يمطرن ع خدي انت ماتحملت
منظري لعد اني شلون عشت ٤ ايام بالالم
وتحت التعذيب..

رجع دخل وكرفص كدامي خله راسه
ع راسي انفاسه تلهب بوجهي
مثل بركان وثار واني اشهك واريد اكله
عذبوني بس ماجمع الكلمات..

كاعده ع فراش علي شرشف رفع
الشرشف ولمني بي غطاني واني ع كعدتي
حته اديه غطاهم وباسني من راسي وهو
ساكت..

شويه وصاح ضرغام جمره كام طلع وجاب
علاكه كام يلبسني ع كيفه لان منين مايلزمني
اصرخ بالم وجرحي ينلچم..

من كمل لزمني من وجهي وخر شعري
من وجهي وكام يبوس بكب وجهي
بخدودي وبراسي وبعيوني وبفكي
بوسات هواي مثل الام من تبوس ابنهه..

طلع اخر شي شال ولبسني شلون
ماجان وشالني بحضنه وطلع
همسلي يم اذني ضمي راسج
بصدري لتشوفين احد...

صعدني بالسياره وصعد بصفي وضرغام
يسوق اكو سياره مدري منو بيهه طلعت
كدامنه ضرغام يخابر وينطي عنوان البيت
يمكن بلغوا عليهم..

ايده محاوطتني وراسي ع صدره
حجه ويه ضرغام كاله اخذني للبيت
مالتك مااريد احد يجي كلهم لگيناهه
بس لاتخلي احد يجي للبيت..

ضرغام ساكت بس هز راسه استحي ارفع
راسي عيني بالكاع محتاجه علاجي
بس مااكدر احجي طاقه ماعندي وخجلانه
بشكل ماينوصف...

وصلنه للبيت سندني ونزلني بهدوء
مااكدر امشي الم موطبيعي عندي
طببني ليجوه ورجع طلع لضرغام
وره شويه رجع..

قفل الابواب كلهه واجه عليه جنت
كاعده بالكاع ومرجعه راسي ليوره
ع الحايط كعد كدامي وسحبني لحضنه
العجيب ساكت مايكدر يحجي حسيت
العبره خانكته..

اني هم مجرد جثه يحركني منا يرجعني
منا حجه بهدوء وكال كومي خليني اغسلج
هزيت راسي برفض وبجيت..

مسح دموعي باصابيعه وكال لاااا
لتبجين وداعت هاي دموعج اخذ حقج
لو اخر يوم بعمري اني حلالج لاتستحين
كومي خلي اغسلج واعقم جرحج وانروح
للطبيب..

عندي نفور موطبيعي من كال اغسلج
وذكر جرحي وراح يشوفني ويلمسني دفعته
حيل ارتدت ليوره ماحجه شي ...

رجع لزم اديه وكال عقيق محد يدري
ولااحد راح يعرف بالصار كومي خليني
اعالجج واني ارهمهه من يمي انتي تثقين
بيه موووو !!؟؟

هزيت راسي اااي اثق كال چاااا كومي
ساعديني وساعدي نفسج انتي مومرتي
تريدين اجيبلج وحده من البنات مايصير
تظلين هيج؟!

عقيق.. مااريد
السبع.. يله كومي حته انروح للطبيب
كومي بنيتي ثقي بيه !!

ظليت مدنگه وساكته اريد ابعده
ويرجع كلبي يسحبه الي
ماعندي غيره ابد هذا الانسان حته مااكدر
انفر منه ..

كومني امشي للحمام سحبت طبله
صغيره وكال اكعدي بين ماجيب اهدومج
دليته بالكنتور جاب ملابس وخاولي واجه...

فتح المي وكال اسبحي ع راحتج ومن تكملين
صيحيني كمت اسبح ودموعي اختلطت ويه
المي..

ينزل المي ع جسمي تشوغ روحي
من الالم صدري مجلغ وافخاذي ماكدر
اسدهن ابجي واغسل احس نفسي
مونظيفه...

اكو دم برجليه كمت انفض براسي
مااريد اتذكره هذيج الايد القذره
شسوت بيه..

كملت وكمت لازمه الحايط بدلت
ع كيفي وفتحت الباب كاعد بالصاله
كدام الحمام والجكاره بيده بسرعه طفاهه
واجاني..

اخذني للغرفه مال خاله كعدني ع الجربايه
جفف شعري بيده ورفعته بدون ماامشطه
احس فروه راسي تصيح الغوث كل جزء بيه
اله نصيب من الالم...

مددني بالفراش ومدد بصفي
ايده بشعري ويباوعلي رفعت راسي
التقت عيونه دمعت عيني واني اشوف
نظره ماعرفت افسرهه..

تفاجأت وانصدمت واني اشوف السبع
يخلي راسه ع راسي وبجه!!

اشوف انسان ماله مثيل اكول مستحيل
بيوم يبجي بس هسه السبع ع راسي
ودموعه تنزل ع كصتي واختلطت
دموعنه سوه...

كام يحجي كله بسببي انتي عرضي
انتي مرتي هيج حالتج بين ادين الغربه
والسبع يشتم الهوه عار عليه..

اخاف عليج من نفسي اريدج بكل وقت
اشتاقلج بكل ثانيه من اول يوم الشفتج
واشوفج تكبرين كدام عيني واني مستعد
اضحي بروحي علمودج

اسنين صار واني مااكدر انسه منظر اختي
وهسه انتي شلون اعيش شلون انتقم
شسوي بالأذوج اني شسوي بروحي
تأذيتي بسببي...

عقيق.. لاتبجي انت السبع اني تأذيت
بس انت مالك علاقه هم موخوش
ناس اني مسامحتك..

السبع... اشششش لاتحجين كليلي كلبج
شلونه خلي اجيبلج علاجج عفته بالصاله
كام جابه وانطاني الحبايه ورجع لمكانه..

لزم ايدي وباسني من بطن ايدي
وكال غمضي عيونج وهمس يم اذني
كال سوولج شي؟!

عقيق.. هزيت راسي شفته كوه مصبر
ع نفسه بس مايريد يبين الي لان شافني
هدئت ...

سحب تليفونه وكال راح اغسل واجي
اكتبيلي هناا شسوولج وعوفي التليفون
واجيبلج اكل واجي..

طلع واني لزمت التليفون مااعرف شكتب
كتبت سطرين ودموعي تنزل وعفت التليفون
وحجيتله مختصر...

شويه واجه جايب ماعون لفتين
وماعون فواكه وكلاص مي
خلاهن ع الجربايه وكومني خله الصينيه
ع رجليه وكال اكلي ...

كمت اكل لان جوعانه صار ايام مماكله
ميته عطش حلكي يابس حته بلعومي
يابس ...

كملت وظليت كاعده واسمع ضربه قويه
وصوته مافهمت شكو بسرعه نسيت الالم
وكمت واشوفه كاعد بالصاله ومدنك راسه

ضارب الحايط بيده مكسر اكو غراض بالصاله
راسه مايكدر يرفعه دموعه تنزل وعبالك
هسه ماتو اهله..

فقد اعصابه عافني وطلع ليبره اريد
اطلع وراه ماكدر اخاف من ردة فعله
وخاف يتحسس لان اشوفه...

كعدت بالصاله دموعي تجري الم
بروحي وبداخلي بكل مكان احس
بالالم تعبانه حيل اريد اغمض واكعد
الكه كلشي منتهي....

تاخر بره بالنص ساعه يله اجه
كال كومي اخذج للمستشفى بس مايباوع
بوجهي احساس موحلو وغريب صار عندي

اني مااستاهل هيج حياة ومااستاهل اليصير
بيه اكيد ماراح اتقبل السبع ولاهو يتقبلني
كلما ترمش عيني اتذكر المنظر وابجي..

فركت كلبي بقوه وبدلت اباوع لنفسي
بالمرايه اني ليش عايشه ليش مامتت
هو خطيه شنو ذنبه ياخذ وحده مكشوف
عليهه..

حسيت نفسي متخربطه وعيوني
كوه افتحهم صعدت وياه بالسياره
وهو ساكت نزلنه بمستشفى اهلي
بعدني امشي بالممر ووكعت

فتحت عيني كاعد يمي وصافن عليه
يريد يحجي مايكدر كوه يطلع الكلمه
ويكلي شتحسين؟!

ماجاوبته عبالك هسه بينت ردت فعله
كام وكف وكال راح تجي ام شهد يمج
لان سويتلج دخوليه حالتج ماتسمح
اطلعين...

سكت وطلع وكف بالباب واني ساكته
دموعي تتسابق وحدي مااعرف
بعد شنو المضموم وشراح اشوف ايام..

اجت خاله ساهره حضنتني وشويه
واجت ام جراح ماحجيت شي بس كلهه
عبالهه بسبب ضعف كلبي

سالتني سوولج شي؟! بس قبلهه السبع
كال اي وحده تسالج كولي بس خطفوني
ومحد سوالي شي لتحجين اي تفاصيل...

لبابه.... رغم وصلنه خبر عقيق
وكالو كلبهه تعبان لان تاركه علاجهه
بس هدوء ام علي محبوسه
وبيت ياسين ماكو صوت يمهم

اجه ضرغام جاب مسواك هذا الشخص
غريب كلما اشوفه حزين اكثر حته
متغير وضعفان وعبالك عايش بحرب

اواب يجي ع خاله ام رانيا صارت بمكان
ماما لان داخله ويه عقيق يشوفنه
شمحتاجين ويروح...

خابرتنه عمه زينب وحجتلنه كالت وسن
السبع شاك راسهه ومخيطي ومكسوره ايدهه
ورجلهه راح يطلكهه ونكرت ومااعترفت

بس الساعدهم هذا الراد يخطف فجر من لزمو
اعترف ع اسعود وضرغام نابش اسعود نبش
ومندلين العنوان

بس كل هذا ومادخلوا جبار بالموضوع
محد اعترف علي حاليا هدوء وكل واحد
رجع لحياته طبيعي وجواد مدري وين اختفه
واسعود هم مختفي حته جبار مايندله

يمكن ضرغام الماخذه لان السبع محتار
بحالة عقيق وضرغام يركض وراهم
وحسب كلام عمه زينب سامعته من ضرغام
كايلهه تحاكمهم المحكمه بس السبع يريد
ايد جواد يكول اله ابترهه اله..

انريد انشوف عقيق بس كالو اله تطلع
من المستشفى صارلهه اسبوع واليوم
راح تطلع رجعنه لبيتنه نظفنه من الصبح
وننتظرهه تجي..

نزلت وماما ساندتهه عبالك نفس اليوم
الي اجتي بي رجعت صغرت وصايره
جلد ع عظم بوسناهه وحضناهه وهي ماانطت
اي ردة فعل..

نامت بفراشهه واحنه يمهه سالت ماما موكلتوا
زينه شبيهه حته ماترمش؟!
ساهره.. ماندري عبالك هسه صحت مدري استوعبت
خطفتهه قبل يومين نايمه وفزت تصرخ
وتضرب بنفسهه وانطوهه مهدء وسكتت

مدري شبيهه ماتحجي اذا شافت السبع
تتخبل هيج لزمهه يريد يكومهه كامت تصيح
وتدفع بي ...

الطبيب يكول بحاله صدمه وعدهه
انهيار عصبي الي علينه نساعدهه ونخليهه
توكف ع رجليهه...

لبابه... اباوعلهه ماتحجي ولا تباوع علينه
يجي السبع يحاجيهه دايره وجهه حته
هو حالته تبجي الصخر يكول عوفوهه
لاتضغطون عليهه..

اجانه الشيخ ياسين ومرته والحجيه
ماقبلت تشوف احد وماما شرحتلهم
حالتهه وتفهموا وضعهه شويه وطلعوا...

مرن عشر ايام الوضع ماكو شي
بيومهه اجه السبع وكال لماما حضروا غراض
عقيق كلهه راح اخذهه تعيش ابغداد...

كال بس شويه تتحسن حالتهه اخذكم
هناك تستقرون بعد مالكم مكان بالبصره
منا لمن اخذ ثاري منهم واحد واحد وارجع
حقي وحق ابوي...

ع اساس باجر ياخذهه حته
حضرنه غراضهه وهي ماتدري
لان حدهه للحمام وترجع وماتحجي
ابد...

ثاني يوم ننتظر شوكت يجي ياخذهه
صارت ب١٢ وتاخر ماكو خابرت ماما
ماكو مايجاوب

رجعت دكت ع ضرغام ظل بالنه يمه
كالهه السبع لزم جواد وجماعته
وماندري بي وين لان اخذهم وكال اريدهم
وحدي ....


يتبع......

#خبايا_الاقدار
❤️♨️

... البارت الثامن والعشرون


السبع...بينما اتخبط في شوراع حياتي
لمحت تلك التي اصبحت نبضاتي
صدفة وما اروعها من صدفة
طفلة ضائعة تائهة..تندب فراق سندها بالحياة
لا اعلم كيف اخترقت قلبي .وتربعت على عرشه
رقيقة كأنها نسجت من الغيوم .....
‏كنت أنظر إليها...وكأنها ذلك الشيء الذي يحدث!!
في العمر مرة واحدة ..

عقيق..طفلة انا دون ام تفقد حنانآ.
في مدينه ليست مدينتي..في شوراع وابينة مجهولة
فقدت سندي...فقدت حياتي ..يتيمة قالوا عني!!
جسد مريض..وقلب عليل..ضعت في طرقات الحياة
اسودت الدنيا في عيني..واستسلمت للموت
راجية لحاق ابي ولكن!!
رأيته يشع نوراً داخل عالمي الأسود
كقلادةٍ فضية مرصعة بالألماس
كان وحده جوهرتي الثمينة ...
....

جواد.. ابوس اديك جمره شتريد انفذ
بس ارحمني روحي راح تطلع تدري بيه
انه عبد مأمور..

السبع.. تريد ارحمك؟! كلي من ابدي بيك
من اديك لو اقلع عيونك التمعنن بعرضي
٤ ايام مرتي بين ادين واحد قذر مثلك
وتريد ارحمك

جواد.. اكتلني صير زلمه واكتلني بگلبي
شمنتظر هااا يله صير زلمه ولك وحط
اسلاحك بگلبي..

السبع.. شوف هاي الدنيا شكد واسعه
اشوفهه مثل خرم الابره لاتحاول
تستفزني لان تضر روحك ..

هسه ياجواد كلي وينهه ايدك الزمت
عرضي شووو كلي وينهه ؟! واله اكلك
لاادليني خليني اسكطهن الك اثنينهن

سحب اسلاحه وضرب بكل ايد طلقتين
وجواد يرفس بالكاع من غير التعذيب
الماكله من السبع ع مدار يوم كامل
هو معلك من رجلي وراسه بالكاع

اديه تنزف اثنينهم ويصرخ مثل
صريخ النسوان يستنجد ويطلب الرحمه
مستعد ينفذ كلشي بس يرحمه السبع..

السبع.. الك نص ساعه اما تحجي الي اريد
اسمعه اما اكعد اتفنن بيك اكطعلك اصبع
اصبع وانت تخيل كل ساعه اصبع
عندك عشره يعني راح تعيش الم متواصل
مده عشر ساعات..

جواد .. بروحك ابوك ارحمني لوتكتلني وتخلص
عليه لو تعوفني السبع بروحك اهلك

السبع.. تدري ياجواد انت ربيت وياي وبنصنه
وتعرفني جنت اتمنى تتاخر الحقيقه مال ثار
ابوي حته مااكتل نفس واوكف بين ادين
رب العالمين واني سافك دم بالدنيا

بس تدري هسه النار البگلبي مستعد احرك
هاي القريه على زلم ونسوان وماتبرد
ناري...

عبالك تنتظر ضميري يصحه لان تدري
بيه ماعندي گلب وعندي مخافه الله
فوك كلشي ..

بس هاي عملتكم وكسرتكم الي بعرضي
خليتوني اتخلى حته عن مبادئي وراح اكتل
وراح اعذب شكو واحد اله ايد بالسالفه..

احجي ياجواد منو كتال ابوي؟!
جواد.. والله ماادري بيوم كتلت ابوك انه
ماجنت بالبصره موتذكر الشيخ دزني
لغير مكان

السبع.. جاي اضيع وكت وياك جنت ناوي
اسلمك للشرطه وتنحكم بس ع سوايتك
انه اخذ ثاري بيدي ..

سحب سلاحه وجواد يتوسل وراسه بالكاع
وضربه طلقه بنص گلبه خلته يسكت
بالمكان بنفس الغرفه التعذبت بيهه
عقيق تعذب بيهه اضعاف عذابهه

طلع السبع من البيت جان عاصم واكف بالباب
هو تكفل بكلشي عاصم والسبع رجع
يكمل ثاره..

ساهره.. عزااا العزانه ابوليث ع بختك
ليش ساكت جواد مات الله اكبر شوكت يوكف
الدم

ضرغام.. مدام مسأله عرض ماراح يوكف
لاتصدگين راح تبرد ناره يا ام شهد الرجال
كلشي يتحمل اله واحد يمس عرضه
هاي محد يلومه بيهه

ساهره.. جبار وره السالفه كلهه شنو الفايده
تكتلون بهاي الناس وراس الحيه موجود

ضرغام.. وشنسويله نكتله مانخلص نموت
ورا حقج ماتدرين الحزب مال جبار
مستر بالعكال ويدعم هاي الزمر الكتلت
الشباب وسوت الطائفيه..

ساهره.. الله اكبر ساعه السوده ع اليوم
الخلينه رجلنه بالبصره محد يوكف هالدم
لاشيخ لا قانون

ضرغام.. ياقانون هو القانون يخاف من
العشاير هو عراق لو تايه وصفه بيد
المايخافون من الله..

ساهره.. ابو ليث مااعرف شكول بس
انت بيك شي مو مثل قبل ؟!

ضرغام.. مابيه شي بس هاي الاشهر
من كل سنه صعبه عليه ذكرى وفاة
مرتي واطفالي

ساهره.. الله يصبرك ويرحمهم
برحمته
لبابه.. جنت واكفه بالباب مال المطبخ
وهو كاعد ع درجات الحديقه يدخن..

دخلت ماما جوه وهو دك تليفونه
اخذه وطلع التفتت وراي اشوف رانيا
واكفه بالمطبخ وتباوع من الشباك
وظلت عينهه علي لحدما طلع..

رحت كعدت يم عقيق احاول اخليهه
تحجي ماكو اي صوت تاخذ علاجهه
وتنام ..

شويه ودك تليفون ماما جان ع الشحن
رحت شفت الرقم مكتوب نور بسرعه
رديت ماتخابر اذا مااكو شي..

لبابه.. هلو نور شلونكم صاير شي
نور.. لبابه عمتي وسن ماتت اسمع صوت
عياط وهي تحاول تبتعد حته اسمع
الصوت واضح..

ظليت مخليه التليفون ع اذني ومصدومه
وسن ماتت!!!!
حجت نور هالبابه تسمعيني!!

لبابه.. اسمعج شلون ماتت وشوكت؟!
نور.. قبل ساعه وهاي الگصر مگلوب
عمتي الشيخه ماتت وجدي راح يموت
راح عمي البطل عامر وهسه الشيخه وسن

لبابه.. تحجي وتبجي شكد فطيره عدهه
كلهم ابطال رجعت سالتهه شلون ماتت
شبيهه قابل مريضه؟!

نور.. لا ولج چااا مو قبل شچم يوم السبع
سگطهه ضرب راسهه وشگه وكسر ايدهه
وصار ايام تصيح راسي يوجعني ومحد يكدر
يطلعهه يخافون من السبع وجابولهه الطبيب
للبيت وماصارت زينه

وقبل شويه كالت كومني اريدن اروح
لتواليت جسمهه مكسر ماتكدر تمشي
طبت وبطت ماطلعت اندك الباب عليهه
ماترد فتحنه الباب لگيناهه واكعه طلعناهه
ميته مابيهه روح...

لبابه.. هي تحجي واني صافنه سبحانك
ربي اسمك القوي الحق شلون موته شنيعه
بمكان موطاهر لان اذت هاي اليتيمه..

سديته من نور صاحوهه جانت
ع السطح وتحجي بس اسمع صياح
النسوان مثل وفاة عامر...

اجه ابالي جراح غمضت عيوني
واني استغفر ربي وينك ياجراح
اكثر من سنه صارلك لا ميت ولاعدل
امك راح تموت وخبر ماكو عنك...

طلعت لماما كتلهه وسن ماتت
شلون ايام سوده اخبار الموت
بين كل ساعه نسمع فلان مات
وفلان انقتل...

عمه زينب وابرار اجاهن السايق وراحن
للفاتحه واحنه قفلنه الباب علينه لان
وحدنه...

صارت ب٩ سمعنه دكة الباب بالسويج
كالت ماما هذا ضرغام كمت لبست حجابي
وفتحتله الباب كال ابات يمكم اليوم
سويلي مجال..

فتحتله الاستقبال ودخل هو من يجي
يريد جاي خليت الجاي ع النار واسمعه
يسولف ويه ماما...

اخذت الجاي ورحت كعدت يمهم جان
يحجيلهه عن السبع كالهه جواد مات
والويه جواد بالسجن هو واسعود ...

عاصم ساعد السبع هو دله السبع بمكان
جواد لان مراقب اسعود
محد اعترف ع جبار كالو من ذاتنه شغلة
عداوه ضد السبع وخطفناهه

هذوله راح يحاكمهم القانون وجبار
يجي يوم بس بعد الصار مااعتقد
راح يسوي شي بعد خسر ابنه وبنته
وازلامه من وره غبائه..

ساهره.. واحنه راح انظل هنا خايفه
ع بناتي
ضرغام.. بعد شهر وتبدي المدارس وين تروحون
اني كلت للسبع اذا مرتك صارت زينه
خلي انبيع العدنه ونشتري بيت ببغداد احسن

ساهره.. ياريت نبتعد منا بعد مابينه حمل
سلاح ودم شفتو بعينكم المسكينه شصار
بيهه

ضرغام.. هم تتصلين بام اواب هاي ام علي
شسوولهه
ساهره.. جاي رجلهه وماخذ بناتهه وابنهه وشامرهه
يم اهلهه دكول اخوتهه وابوهه كلساع يجون
يتوسلون بس هاهي راح يطلگوهه

ضرغام.. بس هيج؟!!!!
ساهره.. لعد شيسوون هم كاتلهه رجلهه بس
التسوي هيج يفيد بيهه كتل بيومهه كلت هسه
يزعلون علينه ام سيف حطتهه بالخشبه
وكسرتهه عليهه

ضرغام.. هاااا صدك؟!
ساهره.. والله كوه خلصناهه من عدهه
ضرغام.. زين تسوي عاد سوت الماسوته الزلم

ساهره... ماكو اخبار عن جراح
ضرغام.. اختفه حته التهينه ماندور بس اسمه
موجود بلكي احد يعرفه متصوب فاقد ذاكرته
تجينه منه ايد رجل..

لبابه.. كمت من يمهم موضوع جراح
يأذيني رحت للغرفه لكيت عقيق كاعده
ع فراشهه وفجر واكفه وراهه وتضفر بشعرهه

كملت وكعدت كدامهه اني كعدت بعيد
عنهن وفجر جانت تحاول اطلع عقيق
من حالتهه

فجر.. اني حلمت بيج هواي اشوفج
تتعذبين واكعد ميته بجي عليج الحمدلله
غجعتي

السبع يحبج لوتشوفي شصاغ بي
انت هسه متغيدي وهو يوميه
يخابغ ماما عليج

عقيق... اسمع كلامهه بس ماعندي طاقه
اجاوبهه السبع يحبني ومتعذب عليه
ويكولون اخذ حقي بس ماعندي عين
اخليهه بوجهه

موبس هيج كرهت اسم رجال مجرد
مااسمع صوت واحد ينعاد عليه الصار
رغم حالتي الصحيه تعبانه بس ماشكيت
وماكلت...

اجت خاله كالت حضرت غراضج
وراح يجي السبع ياخذج للبغداد
حته تتعالجين بسرعه حجيت بخوف
لاتعوفيني وحدي تعالي وياي!!

كعدت بصفي ولزمت اديه وكالت عقيق
شوفي هاي الدنيا كلهه ماتوكفلج بس
السبع يوكفلج ويحميج

ادري متأذيه والله اعلم شصار واشفتي
بس صدكي بابنتي محد ينتشلج من الضياع
غيره ..

اذا ثقيتي بي واذا ساعدتي نفسج
وساعدتي راح ترجعين احسن من قبل
بس اذا ظليتي هيج ماراح تتحسنين ابد...

عقيق.. استحي اكلهه ماكو واحد يتقبل
الصار السبع مايشوفني ابد حته من يجي
مايدخل صح يسأل عليه بس مايجيني

مايتصل بيه ولا يريدني ومن تجي
عيني بعينه بسرعه يدير وجهه عرفت
صرت مامرغوبه وحقه وابد ماالومه..

هو الطفل مايقبل ع لعبته تتفسخ
كدامه شحال اني مرته وكدام الناس
كلهه درت انخطفت وهو شافني بوضع
فضيع..

طلعت خاله واني اضغط ع نفسي
اخذ نفس وينقطع مايكمل كلبي
صار مايساعدني صدري ثگيل

حطيت راسي ع المخده واني صافنه
بالسگف واحاجي كلبي اكله اوكف
كافي متمسك بالحياه محد يريدك بعد

قهر!! وحزن !! واكتم بداخلي
وهسه طلع عليه الحادث ماادري شصار
بيه وبعدهه ماحسيت على شي ...

لبابه.. اجيت اريد اكعد عقيق تتعشه اهز بيهه
ماكو جسمهه خشبه وشفايفهه زرك
كمت اعيط عبالي ماتت

اجت ماما متخبله شكد حاولنه نكعدهه
بس مااستجابت النه ابد والله مابينه
حمل خساره بعد كلنه نبجي واكفين فوك
راسهه وهي لا ايد ولارجل..

بين مااجه السبع اخذهه هو وماما للمستشفى
نتصل محد يرد قلقنه اكثر وفوك الساعتين
ردت علينه ماما صوتهه مبحوح وكالت
ادعولهه...

ظلينه ع هذا الحال يومين كلما نخابر
كالو مامنتبهه بعدهه خوف وقلق
كل وحده لازمهه قران وتقره وتدعي

ماما اجت تبدل وتسبح لان تعبت
سولفتنه حالتهه كالت بس وصلنه
اخذوهه من عدنه ومخليهه بالانعاش
كلبهه تعبان...

حاجين حالتهه للطبيب كايلهم المثلهه
بلحظتهه تموت بس عاشت بقدرة قادر
الله كاتبلهه عمر المثلهه بدون اكل ايام
وتعذيب ومريضه تموت بساعتهه

بس الله رفع عنهه وبعده يومهه ماجاي
جانت تقوي نفسهه بس هسه بعد
مابيهه مجال وكعت وكعه مثل مانكول
اخت الموت...

ماما دكول السبع كاعد بالباب حالته
اتعس من حالتهه وضغطه كلساع يرتفع
وضرغام عايف دوامه وواكف وياه...

غسلت ماما وبدلت واجه السبع اخذهه
وكالت راح يجيكم اواب تروحن وياه
للبيت هناك ماتظلن وحدجن لان ضرغام
التحق..

للعصر اجه اواب ويانه خاله ام رانيا
اخذنه لبيتهم امه جابتلنه العشه وكعدت
يمنه لحدماصار موعد النوم وراحت...

ماجايني نوم كمت افتر بالبيت
فتحت باب الاستقبال اتفاجئت بفجر
تصلي هاي من يمته تصلي صلاة الليل!!!

ظليت كاعده انتظرهه لحدماكملت
كعدت بصفي كالت جنت ادعي لعقيق
باوعتلهه وسألتهه!!

انتي شلون عرفتي اسم جواد ماجاي
تدخل بعقلي اكو شي مانعرفه فهميني
اني مواختج!!

فجر.. مااغيد احجي بس هواي سألتوني
ع هاي السالفه وغاح احجيلج شلون عغفت
اسم جواد...

محد كالي اني اشوف موقف لو مكان
لو شخص اعغفه ويوصلني احساس
واني شفت واحد اعغفه اسمه جواد
وكلت الاسم ...

لبابه.. مافهمت شنو يعني؟!
فجر.. انتي يايوم افتهمتي غاسي يوجعني
اني اكعد بيوم وافهمج

لبابه.. شفتهه متألمه سكتت غيرنه الموضوع
كتلهه يكولون خطوبة اواب تفركشت
فجر.. ليش؟!
لبابه... امه كالت لخاله ابوهه ماقابل ينطيهه
بالبصره لان بعيده وكايلهم محجوزه لابن خالهه

فجر.. وهسه !!
لبابه.. امه دكول كناله سكت كال قسمه ونصيب
هو ماعنده علاقه بيهه مجرد ابنيه عاجبته
ومخليهه اباله ..

فجر.. خطيه!! اكلج خلي نخابر ماما ع عقيق
اكيد ماتنام ماما
لبابه.. لاخطيه تفز!!
فجر.. هسه راح تصير الصلاة ماتنام هي كالت
بلكي انتبهت ..

لبابه.. اخذت التليفون مال خاله وخابرت ع ماما
ردت بسرعه كاعده سالتهه شلونهه كالت
انتبهت ورجعت نامت كالو تحت المراقبه حته مايكدرون
يحركوهه يكولون اي جهد يتعبهه..

وظل هذا الحال عشر ايام ضبط ماما مااجت داخله
وياهه واحنه يم الشيخ ياسين وام اواب
موجوده كلساع تجينه وهي تنتبه وترجع يكولون
الطبيب مايخليهه تتحرك...

خابرتنه ماما كالت ارجعن للبيت راح نطلعهه
تحسنت شويه بس كون بدون جهد وكالت
انطيني رانيا احاجيهه..

اخذت التليفون لرانيا مدري شحجت وياهه
من سدته كالت خاله دكول انرتب الغرفه
حته السبع يظل يمهه واحنه نحول لغير
غرفه...

رجعنه الشيخ ياسين بسيارته وظل يمنه
لحدما اجه السبع ماما سانده عقيق
بس صايره شبح عبالك جانت بمجاعه..

مددناهه ع السرير ورانيا رتبت الغرفه
سحبت سريرين وطبگتهم سوه
وفرشت فرشه عليهن بس عقيق حته
ماانتبهت يمكن الالم البيهه مخلي كلشي فاهي
عدهه..

السبع طلع ويه ياسين وتغدينه وهو ماكو
ب٢ اجه ماما حجت وياه وطب للغرفه..

عقيق.. جنت مدده واكل بأضافيري
صايره عندي هاي الحاله موحلوه ماجنت
هيج بحيث طلع لحمهن..

فتح الباب وسده بسرعه لميت رجليه
وادنيت اخذ نفس عالي وهاي اول
مره من يوم النقذني مامتواجهين...

كعد ع الجربايه واني لامه رجليه
ومحاوطتهم باديه اثنينهم واباوع ع رجله
شلون تهتز..

حجه بهدوء وهو مايلتفت عليه
ماتريدين قربي؟؟

ماعرفت شجاوبه اريدك ومااريدك
اريد اهتمامك وخوفك عليه ومااريد
اتذكر الصار..

رفع نفسه ورجع اديه ليوره
ع الجربايه واستند عليهن
والتفت عليه وكال اشتاگيتلج؟!!

بس اباوعله ماارد ولا عندي كلمه اجاوب
بيهه بس عيوني امتلت دموع ودكات
كلبي تخربطت..

السبع.. ترى اكوم اطلع لاتبجين تخليني
اسولف لو ماتريدين تسمعيني؟!

عقيق.. طلعت مني كلمه ومومن عقلي
كلبي انطه ايعاز ونطقتهه كتله لاتروح
وتعوفني ..

عدل كعدته ورجع ظهره ع الجربايه بصفي
وطبطب ع رجله وهو مادهن كال تعالي
خلي راسج هنا واسولفلج..

هزيت راسي برفض مااريد رجع عاد
الطلب بهدوء وكال يله عقيقتي اريد
اسولفلج البداخلي محد يسمعني...

ماتحركت من مكاني مد ايده لزم ايدي
وسحبني دفعته حيل بس ماترك ايدي
خله راسي ع رجله وايده ع شعري
وسحب الغطه غطاني...

نمت بنص الجربايه مكرفصه نفسي
وحركات ايده وهي تمسح ع شعري
احس باصابيعه وهي اداعب فروه
راسي هدئت وغمضت عيوني...

السبع.. لاتتوقعين الصار اثر ع مشاعري
اتجاهج بالعكس زادت حرارة گلبي الج
مانگصت..

ابتعادي عنج ردة فعل خارج عن ارادتي
حملت نفسي المسوؤليه انتي انسانه بريئه
نظيفه ويتيمه وتعرضتي لهذا الشي
بسببي..

انتي عقيقتي الغاليه اضمج بگلبي
مااريد احد حته يكول اسمج اني وياج
خطوه بخطوه اريدج قويه وسباعيه
حته افتخر بيج..

اعرف هالشي صعب عليج وعليه اصعب
وروح ابوي ماباجي غير بس من انكتل ابوي
وهاي عليج نزلت دموعي ...

مرت بايام سوده صغير جنت ويعذبوني وماتوكع
دمعه من عندي بس انتي يانسمتي دنكت راسي
الج وبجيت ...

انفري من الكل بس مني لااا
اني سترج وغطاج ادري بعقلج شيكول
شلون شفتج بهاي الحاله!! انتي حلالي
لاتفكرين هيج صعبه عليه لان انذليتي
واني ماموجود...

تسمعيني عقيق؟!! رديت علي همممممم
سألني تحسين بشي؟! هزيت راسي لاااا

السبع...الطبيب كال عليج محاربه
وراح تتعالجين رجعنه لنقطة الصفر
من جديد بس اريدج وياي وتوعديني
تصيرين قويه...

شويه تحسني اكثر ونروح لبغداد حته شغلي
اعوفه هاي الفتره اظل يمج منا لمن تصيرين
زينه وتتحملين السفر حته انسافر تتعالجين...

عقيق.. رفعت راسي باوعت بعيونه
الشعور الجان عندي بده يتلاشه
جان عبالي مايريدني ونفسه تلعب من عندي
بس هسه هدئت وارتاحيت..

ابتسم بوجهي وكال نبدي من هسه
مستعده؟! سألته شنووو؟!
السبع.. اداوي جروحج واداوين جروحي
عقيق.. شلون؟!

كام للباب قفله واني صافنه علي ليش
قفلته اكو علاكه بالكاع سحبهه خلاهه ع الميز
وطلع منهه معقمات ومراهم ولاصق جروح
واجه يمي..

كال نتفق !!! عندي جروح بظهري
عقميهن الي حته يطيبن واني هم اعقملج
اثنينه متعادلين...

حجيت بخوف شبي ظهرك اني جنت مربعه
بنص الجربايه هو لابس تشيرت نيلي
سحبه من ركبته ونزعه درت وجهي بسرعه

كال چااا شلون تعقمين يله ادليج
وسوي كعد كدامي بس بالفانيله
الداخليه اكتافه عريضات اكو جروح
قديمه حيل باقي اثرهن واكو جدد مال
عركه متضارب...

ايدي ترجف الزم المعقم والقطن اريد
امسح ع كتفه مااكدر وهو كاعد مستقيم
ويكلي يله مو يوجعني..

ماجنت اعرف هذني قديمات وكذب مايوجعنه
بس راد يشاركني الالم ويبعد عني
الخجل...

كمت امسح بالتعقيم عليهن وهو ساكت
وخليتله دهن وكتله كملت بس اني متفاجئه
بنفسي اتجاوبت وياه وحته ايدي الضعيفه
احسهه قويه..

كل انسان عنده منو يقوي واني عندي السبع
مااعرف شلون اوصفه مجرد حديث هادىء
وموقف خلاني رغم المي وجرحي بس
متجاوبه وياه ومتقبلته...

لبس التشيرت كتله هسه ينمسح الدهن
ابتسم وكال لا هاهي اصلا احسه
راح الالم...

يمكن لو مستخدم وياي غير اسلوب جان
انهاريت اكثر بس بهذا اسلوبه حته دكات
كلبي انتظمت وتسمعه بكل وضوح

اجه عليه كال هسه دورج يله مددي
كتله شنووو؟! مابيه شي؟!
السبع.. الطبيب كال جروحج اذا ماتعالجت
خطره لاسامح الله يگصون الجزء المحروك

انتفضت بخوف كتله لا صح يوجعني بس
هن يطيبن وحدهن رد عليه غير هو كال
اهم شي تتعالج جروحهه لان قريبه ع گلبج
واني مصدكته..

كتله اني اعقمهن اعرف وايدي مابيهه
شي!! جاوبني وهو رافع حاجبه المطبور
ويفتح بالمعقم لا ياحلوه هو اتفاق اني اعقم
بيدي..

عقيق.. ماخليك
السبع.. موبكيفج حلوه هاي هم حلالي وهم
امنعيني !!

شوفي اني من اعقمهن اسبوع ويطيبن
واذا ماطابن وره الاسبوع اني معتب ...

عقيق.. ماخليك شنو قابل متزوجين
السبع.. بعد ع الزفه والقاط من اطيبين
انسويهن يله اختاري لو اعقمهن لو بعد
ماابات يمج ارجع للقصر وكلساع اتعارك ويه
جبار ...

عقيق... لاتسوي هيج السبع انت تدري بيه
استحي واني اعرف اعقمهن ليش اله انت

السبع.. لان ماريدج تخجلين مني وينكسر
هذا الحاجز البيناتنه يله ولج احسبيني
طبيب راح اغمض عيوني...

عقيق.. ماااا وهزيت اكتافي
السبع.. اروح فدوه ونذر للدلع شوتعالي
احسن مااصيح ساهره تلزمج...

لاتلزمني بس غمض عيونك
رد عليه غمضت يله مددت وتغطيت وطلعت
الحرك صاير مقدمه صدري بس شفته اختنكت

اكذب ع نفسي من اكول اعقم اصلا
حته من ابدل ادير وجهي وابجي مجرد
مااشوفهن ترجع عليه الحاله وانهار..

حجيت بغصه يله بس لاتباوع
فتح عيونه ويباوع بعيني شاف
الدموع كال چاااا شگلنه موندري
من تشوفيهن تتأذين خليني اعقمهن انتي غمضي
وفكري بشي حلو...

غمضت عيني ايده تخلت ع ايدي وبعدهه
ونزل تشيرتي اكثر واحس ع بروده
التعقيم وهو يكزبر جلدي ..

كمل جهه وانتقل للجهه الثانيه واني مغمضه
وضاغطه ع اسناني كمل وكال كملت
يله فتحي..

فتحت بس ماباوعتله جان يرجع بالغراض
اجه بصفي وكال عندج بعد حرگ بغير
مكان خليتلج تعقيم ودهن ع الميز مرتين
باليوم تخلين...

خجلت حيل يعني شايف كلشي
ومركز ظليت مدنكه العب بسحاب التشيرت
مالتي

رفع شعري من وجهي وباسني من كصتي
وكال انام شويه اني تعبان كتله وين تنام
هنااا!!!؟؟

السبع.. اااي هنا تريدين اروح يم جبار
يله خلي اروح
عقيق.. لااا ماتروح بس احنه مامتزوجين
السبع.. ياطلابه الزواج بويه احنه متزوجين
بس مالابسين قاط...

عقيق.. ببغداد موتنام بالصاله دكول مايصير
السبع.. وين كايل مايصير لاتتبلين عليه
بس اني اريدج تكبرين ...

عقيق.. وهسه كبرتي؟!
السبع.. غمز بعينه اي هسه تاكدت انتي
كبرتي ..

عقيق.. شلون
السبع.. بطريقتي الخاصه
عقيق.. مافهمت قصده بس ابتسمت شبح
ابتسامه بوجهه وكتله خاف عيب من خاله

السبع.. عقيق بطلي اسأله يله تعالي نامي
وخاله ماعليهه انتي مرتي مرتي بعد اعيدهه
واحنه متزوجين بس مالابسين قاط..

عقيق.. خليت ايدي ع حلكي وابتسمت
السبع.. اووويلي بويه فاضل تعال شوف
ابنك

عقيق.. مددت بصفه وهو ساكت حسيت علي
ممرتاح حسيته يضغط ع نفسه حته يبيين
ممهتم بس بالحقيقه هو المايكدر يتجاوز الصار

اني هادئه بفراشي وهو حاول يغفى
وماكدر كام من مكانه واخذ باكيت
الجكاير وطلع...

بلحظتهه عرفت كل اليسوي حته ارجع
طبيعي يدوس ع نفسه وع مشاعره
بسبيل ارجع قويه يشاقيني ويضحك بس
كله مومن كلبه...

ظليت شويه بمكاني حالتي احسن
ويمكن وجوده هو سبب تحسني
كمت لميت شعري وفتحت الباب
طلعت ...

لكيت البنات كاعدات وخاله فتحتلي ايدهه
حضنتني وباستني من شعري
وظلن يسولفن ويضحكن واني ساكته..

سمعنه صوت الباب اندفع حيل والسبع
طب بسرعه من شافنه كال راح يجي
يمكم اواب ضرغام متصوب بمداهمه
وهسه ناقلي للمستشفى!.....


يتبع....

#خبايا_الاقدار
❤️♨️

... البارت التاسع والعشرون


السبع....انا رجل في يوما ما فقدة ابي وامي وكل عائلتي
اصبحت كالرحال من بلد الى بلد ومن مدينه لاخرى
انا رجل بلا وطن
الى ان شائت الاقدار في يوما ما؟
والتقيت بها اصبحت وطني وشعبي وملكي وملكتي
زرعت نفسها بداخلي كالزهره اقتحمت حصون وقيود حياتي ببرائتها وعيناها
آه ايتها العينان الصغيرتان كم انا عاشق ومتيم بها
انتزعو زهرتي وانتزعوا معها حياتي
فهل لي قوه وسلطه لأعود واحيى
وتحيى معي عقيقي من جديد !؟

عقيق...أنا حجر العقيق
يصقل ويزيل عنه الغبار فيصبح ذات بريق ولمعان
هكذا انا سوف اكون أسمً على مسمى
سوف احيى من تحت الحطام وانفض عني غبار الايام
فهما مرت علي شدائد الايام !
سأحيى بالحب والحنان من جديد...
بقلم

عقيق.. كلهه انخبصت واني كمت وراه
للغرفه جان نازع التشيرت وجاي يبدل
ملابسه ماجايبهم بس قميص وبنطرون عنده
هنا بالبيت.

عقيق.. شيكولون شلونه خومامتأذي
السبع.. اصابته موخطره يكولون بزنده
راح اروح لبغداد واشوفه

عقيق.. مااروح اني ترجع موو
السبع.. لا نأجلهه لان اذا طلع لازم احد يمه
راح اخابر ياسين يدزلكم احد مااطلعن من البيت
ودواج اخذي بانتظام...

عقيق.. من توصل خابرني خله ايده
ع خدي وباسني من راسي وكال
ان شاء الله بس التزمي بعلاجج
واذا احتاجيتي شي خابريني ...

راح السبع هو واواب واحنه وحدنه
بليل اجه الشيخ ياسين كال ابات يمكم
وفرشتله خاله بالاستقبال...

بين كل ساعه يخابرني يطمن عليه
ويذكرني بعلاجي الغرفه ماطلعت
منهه بس جاي اتحسن بسبب اهتمامه
وكلامه اليحثني ع القوه...

راحت عليه امتحانات الخارجي
اباوع لكتبي شكد جنت حابه اكمل
دراسه لازم يبقه حلم ناقص ماكو شي
يكمل...

جانت الساعه بحدود ١١ بليل
وحدي بالغرفه تجي فجر تنام يمي
جنت صافنه بالفراغ واني اتذكر حياتي
قبل لا التقي بالسبع اجو ع بالي عمامي
معقوله ماهزهم حنين ع اخوهم وسألوا
عنه عدل لوميت؟!

تغيرت الناس والگلوب صارت قاسيه
لا الاخ يريد اخو ولا الاب يريد ابنه
ناس تاكل بناس من كدما تشبعت ابطونهم
بالحرام..

دك تليفوني السبع يتصل فجر قللت التلفزيون
وكامت طلعت جاوبته
... الووو
... شلونهه عقيقتي ؟!

... زينه انت شلونك ضرغام شلونه
.. اني زين وضرغام كلشي مابي مثل
الحصان كلساع يتعاركله ويه واحد

عقيق.. الحمدلله ع سلامته شوكت
تجون ؟!
السبع.. هو يريد يطلع باجر بس راح
نجبره يظل يوم وبعد باجر نجي

عقيق.. تروحون للقصر لويمنه
السبع.. لا يمكم اكيد يجون جماعته
واحنه مشاحنات ويه جبار خلينه بعيدين

انتم شلونكم خابرت ياسين
كال يمهم خومامحتاجين شي؟!
عقيق.. لاا هو الشيخ يتسوك النه ومنطلع
السبع.. اخذتي دواج؟!
عقيق.. اااي
السبع.. وگليبج شلونه؟!

... زين منتظم واليوم اكلت هوايه
... بالعافيه اهتمي بنفسج كون اجي
الكه خدودج مورده
عقيق.. ان شاء الله تجون بالسلامه

سديته وطلعت للغرفه الثانيه
لكيت رانيا ولبابه كاعدات كتلهم ضرغام
زين وبعد باجر يجون

رانيا رفعت راسهه وكالت الحمدلله
الحمدلله وكامت بشرت خاله
ساهره...

لبابه.. رتبنه الاستقبال ونقلنه جربابه
وفرشناهه بالاستقبال لان الشيخ ياسين
كال جايين بالطريق وجاب لحم كيلوات
وكال ضرغام يحب اللحم سون تشريب..

صارت ب١ الظهر وصلوا كلنه اتلگينا
سلمنه علي الاصابه بزنده ع جهة كتفه
ايده مرفوعه بحامل بركبته ..

اواب ماجاي كالو ظل ابغداد صبينه غده
الشيخ ياسين تغدوا وطلعوا وعقيق جانت
نايمه حته ماتدري بجيتهم والسبع كال
لاتكعدوهه لان علاجهه منوم...

محافظين ع الهدوء لان مريض خطيه
بس جهال رانيا كلساع وكالو انروح انشوف
عمو المريض وشبعتهم تكرص..

صار العصر اجتني رانيا كالت تجين
وياي اريد اسلم علي لوفشله؟!
لبابه.. ليش فشله ترى صرتي من عدنه
وهو ساعدج هواي..

رانيا.. هاي المده الي ابتعدت بيهه عن ضرغام
وراجعت نفسي وتصرفاتي الي اغلبهه خطأ
اتصرف بدون وعي وتفكير والمقابل
يفسر بغير طريقه..

نصيحته وتنبيهه الي خلاني اصحه
ع نفسي ابتعدت نهائيا حته مااشوفه هوايه
من يجي ادخل للغرفه..

بس اكو مشاعر بداخلي من ينذكر اسمه
لو من يجي واشوفه من الشباك احس
كلبي يطرب ع طاريه..

من سمعت بي تصوب تخبلت
هاي الليله مااكدر احجي لاحد صعدت
ع السطح وادعي وابجي ليش اني هلكد
متحركه مشاعري اتجاهه..

زواجي جان تقليدي ماكو حب مجرد عشره
استمر سنتين اني احاول احب زوجي
ع الرغم هو بنفسه يشهد اني ممقصره بواجبي
بس كمشاعر حب ماجربتهه مجرد موده وعشره

بس هسه ويه ضرغام ليش كلشي
بيه ينتفض وبديت اميل اله بكل
مشاعري وجوارحي..

دخلت للاستقبال بعد مادكت الباب
لبابه وماخذلته كوب جاي دخلت كدامي
واني وراهه جان مدد ومرجع ظهره ليوره
من شافني عدل كعدته...

حجيت واني مدنگه الحمدلله ع سلامتك
ابو ليث!! رد عليه وهو ياخذ الكوب من لبابه
الله يسلمج

لبابه.. ضرغام اريد احجي وياك ورانيا شاهده
ضرغام .. اكعدن ليش واكفات احجي
جان يسولف بس ابد مايباوع ع رانيا يخوط
بالجاي..

لبابه.. هاي المدرسه اي انداوم بيهه ابد موزينه
بالسادس واني نجحت للسادس ولادخلت
دورات تقويه ولا شي شلون انجح بيهه

ضرغام.. شبيهه موزينه؟!
لبابه.. كلهه تشكي من مدرسات السادس
وفجر هم ثالث شفت نتائجهم نسبتهم صفر
وحته تعبانه المدرسه واعداد هوايه

ضرغام.. وين انقلكم الوحيده هاي بس
بنات البقيه كلهه مختلطه
لبابه.. خلي ادخل دورات تقويه
ضرغام.. بهذا الوضع لبابه ترى هستونه طلعنه
من مشكله شكبرهه احنه نخاف عليج

زين انقلكم للولايه بس بعيده شلون
ولازم التزام ماترهم اتحملي هاي السنه
اقري ويمج ام سيف تساعدج..

لبابه.. هي اصلا رانيا متحب المدرسه المديره
تشتغل خطابه كلساع تجيهه دكلهه فلان
خطبج حجيتهه واني منطلقه هو نزل الكوب خلاه
ع الطبله ..

ضرغام.. منو يخطبج؟؟
رانيا.. هاااا لاا بس شكم مره كالت اولياء امور
من يجون حجيت بكلبي شكول عليج
لبابه ..

ضرغام.. هاي مدرسة بس بنات وهيج
بالمختلط شلون لبابه اتحملي اني ادبرلج
دورات تقويه من يبدي الدوام ..

لبابه.. ماشي بس محتاجه ملازم اكعد اقره
هاي الفتره وفجر هم تريد للثالث
ضرغام.. ان شاء الله اخذكم اشتروا

رانيا.. كمنه طلعنه صاح ام سيف دقيقه
لبابه كملت طريقهه طلعت واني وكفت
كتله تفضل ؟!

ضرغام.. شلون صارت صحتج؟!
رانيا.. زينه بس اريد اغير الطبيبه صار
فوك ال٦ اشهر ع العلاج وماكو تحسن
دكول اله عمليه

ضرغام.. تروحين انتي وامج لبغداد راجعي
هناك احسن؟!
رانيا.. ياريت والله هنا الطبيبه ماعجبتني
وكل مراجعه نفس العلاج بدون فائده

ضرغام.. الله كريم اخذي راحتج
رانيا.. طلعت من يمه خليت ايدي ع كلبي
يدك سريع رجعت راسي ع الحايط
يم باب الاستقبال ..

فززني صوت فجر وهي دكلي شبيج
غانيا گلبج شبي ؟!
حجيت بتعلثم مابيه شي هيج عندي
تسارع..

فجر.. جان كلبج زين بس اليوم من الصبح
عندج تساغع سبحان الله

رانيا.. ولي ولج ام السان المكسور لا اجيج
اعرف عليمن تلمحين
فجر.. هو انتي اعتغفتي ع نفسج
اني معليه..

رانيا.. امشي ولج يم عقيق هسه
كعدت وعوفيني من اشوفج اتوتر
فجر.. قصدج من تشوفين ضغغام ..

رانيا.. ردت اركض وراهه انهزمت ماتنلام بيه
احس هذا عمري ورجعت مراهقه اريد
اسولف لاحد ينصحني واحجي شعوري

يمكن ضرغام مامخليني اباله بس
اني افكر بي لان طول ماهو يحجي
حته مايباوع بس اني بالي مشغول بي..

عقيق.. انفتح باب الغرفه جنت اصلي اسمع
حركاته بالغرفه عطره اشتميته عرفته
اجه من اجه من بغداد جنت نايمه ومحد كعدني

كملت الصلاة وكمت التفتت لكيته مدد
ومخليه ايده وره راسه ويباوعلي
خليت السجاده ع الميز ونزعت مال الصلاة
وتقربت علي..

بأبتسامه شلونك الحمدلله ع السلامه
فتحلي ايده وكال الله يسلمج تعالي
بحضني...

خجلت ودنگت صاح يله ولج
مشتاگلج مااشتاگيتيلي؟!

عقيق.. ااي اشتاقيتلك جنت نايمه
من اجيتوا محد كعدني
السبع.. سحب ايدي واخذني بحضنه
خله ايده بشعري ويسولف..

اني كتلهم عوفوهه اخذتي دواج ؟!
عقيق.. ااي اخذته بس علاج الصبح مزعج
ينومني
السبع.. نامي شعندج حته جسمج يرتاح..

عقيق.. راح تظل هنا ماتروح للقصر
السبع.. مااروح اريد استقر بمكان وماادري
شلون مااكدر اطلعج وحدج تضوجين وهنا
ماماخذ راحتي متقيد

عقيق.. هوانت بس بليل تجي كل نهارك بالشغل
وبليل كلهه نايمه وخاله هي تريدك تجي
دكول احسن من القص

عقيق.. انت موكلت تاخذني لبغداد
السبع.. خلي ضرغام يصير زين وانروح شهر
بين ماتبدي المدارس
عقيق.. شعلينه بالمدارس؟!

السبع.. اكو مدرسه اهليه راح اسجلج بيهه
اداومين انتي خارجي بس احسن من كعدت البيت
تكملين دراستج ع اتم وجه وهي بفلوسنه

عقيق.. كول والله
السبع.. والله !!!
عقيق.. فرحت حيل يعني راح اداوم مثل لبابه وفجر
والبس صدريه واشيل جنطه
السبع.. كل الي بنفسج تسوي واني وياج

عقيق.. الله يخليك الي جمره بدونك
اضيع مااعرف شلون اشكرك
سحبني من خشمي لاتحجين هيج
انه شعندي غيرج ...

عقيق.. ظليت مخليه راسي ع صدره
وهو يلعب بشعري صاحت خاله ساهره
السبع اجه خطار رفعني من حضنه وكام
كال كومي يم البنات لاتظلين حابسه
نفسج بالغرفه...

طلعت وراه التهيت ويه البنات كلساع
تجي مواقف تمر كدامي بالصار واتعوذ
من الشيطان واركز ع تصرفات السبع
حته ماافكر...

اندك الباب اجه السبع كال اجو جماعة ضرغام
سوولهم جاي صوتهم عالي ضحك وسوالف
خاله ساهره وام رانيا صعدن يم عمه زينب
واحنه جوه..

تقربنه كلنه يم باب الاستقبال نسمعهم
يحجون ع الجيش وع الاعتقالات والخطف
انوب غيروا الموضوع وصار شقه

واحد كال هسه كلولي ضرغام عنده حب
جديد منو هاي الفضحت روحك بالبنج
وتغلط عليهه مبين كلبك مورم

ضرغام.. انجب عاد سدو الموضوع ميت
اني فاقد شمدريني شحجيت

رد علي انه اكلك شحجيت تجر بالحجي
وعبالك سكران وتصيح لااطلعين كدامي
انتي ثوله واني مااتحمل

ضرغام.. كتلك انجب لا اكوملك والله
السبع سكته لا ابتلي بي

السبع.. شو اسكت يمعود مابينه ايده الثانيه
تعطل وتدرون بي خبل...

عقيق.. اصواتهم عاليه ومافهمنه ضرغام
شبي بالبنج لان سكتهم ماقبل يحجون
ظلوا ل١٢ وراحوا...

اني قبلهه رحت للغرفه كعدت اشوف
تلفزيون احاول اطلع نفسي من قفص
الخطف وماافكر صبيت تفكيري بس
بالمستقبل وكلما اتذكر اكول السبع وياي ..

انفتح الباب رانيا كعدت يمي وكالت
تسمحيلي احجي احسبيني اختج الجبيره
وصديقتج؟!

حبيبة انتي موصغيره عمرج ١٩ سنه صرتي
صح عمرج مامناسب للزواج بس القدر شاء
وانتي عليج تتعايشين ويه الوضع حته تكونين
سعيده..

السبع يحبج وماعندج سند بعد رب العالمين
بس هو لتفكرين بعمام ولاخوال موهاي اني كدامج
من توفه بابا لحد هسه حته اختي بعد
ماكامت تتصل بينه بشهر مره..

حافظي ع السبع حته يطلعج من العشتي
الوحيد هو اليكدر يطلعج لا انتي وحدج تكدرين
ولا احنه واني لاحظتج من اجه شويه رجع
الدم بوجهج

هسه تسمعيني وتنفذين علمود تعيشين
بسعاده وتكملين دراسه وهم تنسين المريتي
بي هو عمر واحد نعيشه ..

كومي غيري ملابسج ليش هيج تنامين
بالدشداشه هو زوجج وحلال
عقيق.. استحي منه
رانيا.. لادكولين استحي قابل شلابسه
لبسي تراك خفيف بس مو دشداشه درن
وطويله...

عقيق.. هو مايحجي يدري استحي واني
مااكدر البس فشله من عنده
رانيا.. شنو الفشله ولج غير انتي مرته
تحجين صدك غيرج يتمنن يحاجيهن
شوفي وسن لمن ماتت وهي خاينه رجلهه
بمشاعرهه وايناس لسه تنتظره..

وهو شاب ومرتب وعنده فلوس
بس تلفله وحده سباعيه تاخذه من عندج
وانتي تظلين وحدج
عقيق.. لا هو كال مااعوفج

رانيا.. ياحبيبتي هنيالج ع طيبة گلبج ونيتج
البيضه هو مايعوفج طبعا بس هو رجال
وانتي مرته الى مته عايشين دور الصداقه
غير بينكم الفه ..

عقيق.. رانيا استحي اني احبه السبع
ومن اشوفه افرح ومن يلزمني كلبي
يدك سريع بس مااتخربط وحته من اتخربط
هو يعرف شلون يطيبني

رانيا.. گرصتهه من خدودهه فدوه للتحب
غير زوجج وهو يحبج وهو ماناقصه شي
رجال والنعم من غيرته شفتي شسوه
علمودج وشلون اخذ حقج..

عقيق.. هسه شسوي؟!
رانيا.. كومي طلعي اتراك وفتحي شعرج
واضفري اتذكرت من شفتهم بالممر وهو يشم
ضفيرتهه..

عقيق.. راسي مشوش خاله ساهره تحجي
ورانيا تحجي واكو رغبه بداخلي اريده
يكون الي خاف يعوفني كلساع اريد
احجي الي احس بي وابطل...

ساعه اكول عيب وساعه اكول هو كال
انتي مرتي وساعه اشمئز مجرد ماتخيل
احد يلمسني من اتذكر الصار
راسي يتعب من التفكير ومااوصل لنتيجه...

هالمره قويت حالي وغمضت عيوني
واني اسمع كلام رانيا وهي تدفعني للكنتور
ماعندي لبس فاضح كلشي مستور طلعت
تراك لونه وردي بجامته طويله وربع ردن
متردده البسه لولا..

ذبيته من ايدي وكتلهه ماالبسه استحي
شيكول عليه ؟!
رانيا.. شيكول بالعكس راح يفرح
بتغيرج انتي قويه موضعيفه ليش خايفه

عقيق.. خليت ايدي ع وجهي وكمت ابجي
ماسيطرت ع دموعي اني محتاجه ام
احجيلهه محتاجه بابا ينصحني ويعلمني
الصح..

كعدت بصف الكنتور ابجي ورانيا سحبت
اديه وحضنتني وكالت لاتبجين حبيبتي
اعرف مشاعرج لاتشوفيني جبيره
حالي من حالج احس نفسي ضايعه..

شوو شيخلصنه من السبع مرته
تبجي هسه يطردني ...
عقيق.. ابتسمت واني امسح بدموعي
رانيا.. عوفي هذا التراك وتعالي احجيلي
من شنو خايفه وليش تبجين؟!

عقيق.. اني احب السبع واستحي منه
وماادري هو يحبني لولا؟!

رانيا.. انتي شدكولين يحبج لولا ع القدمه
كله؟! ماكو رجال مايحب ويقدم كل هاي
التضحيات محد جابره جان حماج مثل فجر
وماتودد الج..

هو يحبج ويخاف عليج ويريدج اطيبين
وتكبرين انتي ناعمه واليشوفج اصغر من عمرج
وبهذيج الايام صرتي تخبلين وهسه انتكست حالتج
لازم ترجعين اقوى..

اذا لبستي هذا التراك شعبالج جاي تسوين
اغراء ترى هي بجامه طويله وبدي ربع ردن
بس تغير لنفسيتج وهو راح يفرح بالتغير

ظلي ع حبج وكافحي علموده واستمري
قدمي كلما بوسعج لان السبع يستاهل
وانتي اتزوجتي رجال مشهودله بالوكفات...

عقيق...لاول مره اسمع كلام احد من بعد السبع
خاله ساهره شكد تحجي ومااطبق بس رانيا
ماادري ليش سمعت منهه..

طلعت هي واني بدلت وضفرت شعري
واكفه كدام الميز ضفيرتي سويتهه صفح
شعري بي لون احمر جانت مرت عمي
كل اسبوع تخليلي حنه وياهه دم الغزال
وصار بي لون احمر وظل محافظ ع لونه..

عطر ع الميز اسمه دلع البنات رشيت من
عنده وركضت لفراشي مددت وتغطيت
كلبي يدك سريع حيل افرك باديه وعبالك
مسويه جريمه..

اباوع للساعه ب١٢ ونص وبعده مااجه هو لاحظته
مايجي اله الكل يدخل للغرف ويطفي الاضويه
ع ايده يله وهي اساسا مره وحده جمعتنه
الغرفه...

شفت ضوه الصاله طفه سحبت الغطه تغطيت
انفتح الباب عباله نايمه شافني كاعده ابتسم
كال بعدج مانمتي؟!

عقيق.. لااا جانت رانيا يمي
السبع.. ضرغام عنده الم وجنت يمه
كتله لاتحرك ايدك بس هو كلساع يحركهه