#خبايا_الاقدار
❤️♨️
... البارت التاسع عشر


رانيا.. سألته شراح تسوي ؟!
ضرغام.. اني اعرف شغلي لتحجين لاحد
واذا اجتج بعد رساله انطيني خبر واذا اتصال
لاتردين..

رانيا..خاف ينشرون صوري ويدزوهن لاقربائكم
والله اقتل نفسي اني مالي ذنب ..

ضرغام.. مايسوون شي اني راح اعرف
منو الوراهه انزلي واخذي الجهال وياج
ولاتغلطين بأي تصرف..

رانيا.. اخذت جهالي ونزلت وكلبي نار
صح ضرغام گدهه ويكدر ياخذ حقي
بس خايفه من الصور اني مضروبه ع راسي
وكعدت لكيت نفسي بلاملابس!!

خاف مسويلي شي ؟! خاف استغلوني
واني فاقده وموثقين بصور ؟!
مااكدر احجي صرت مثل بلاع الموس

روحي تطحن طحن والوقت يمشي
واني احسب الساعات وضرغام راح
ومااعرف شسوي..

بليل بعد مااتحملت حته مااتعشيت
اخذت التليفون اتصلت بضرغام دك
دكه كامله وماجاوب رجعت دكيت مره ثانيه
انطاني مشغول...

قلقت اكثر للصبح اني مانايمه
تعبت من التفكير اباوع لاطفالي
شنو ذنبهم غباء امهم وماعرفت اتصرف

ب٧ الصبح دك تليفوني كلهه نايمه فتحته
ضرغام اخذته وطلعت للاتستقبال فارغ
جاوبته ها ابو ليث بشر!!

ضرغام.. صباح الخير
.. صباح النور اسفه متوتره
.. اريد منج شغله تكدرين تنطيني الخط
بس اليوم؟!

رانيا.. ليش؟
.. اريد احدد الموقع ولازم من خطج
.. ميخالف تعال اخذه كلهم نايمين قبل لايكعدون

ضرغام.. اني راح اطلع للبغداد راح اوصلكم
من ادكلج اطلعي انطينيا وباجر ارجعه الج..

رانيا.. ابو ليث الله عليك امسح الصور
خاف يخزنوهن بغير تليفون ويهددون بيه

ضرغام.. هسه خلي احدد الموقع
واعرف منو الوراهه واريد اشوف يارجال
يحفظ الصور ..

رانيا.. سديته واني الوب خوف وقلق
شويه ودك عليه طلعت الخط ومديت
ايدي من الباب اخذه ماشفته ولا هو دخل..

يوم عصيب مر بوسط تخيلاتي
وكمت اجيب افكار سوده واتخيل نفسي
كلهه مخليه الصور وتتمعن!!

اتخيلت طليقي اذا عرف راح ياخذ
اطفالي وهذيج الساعه اتخبل لو
اموت نفسي هم المصبريني ع حظي العاثر...

مر اليوم واني فاصله عن الكل المصايب
كامت تتواله ع راسي اجت ام جراح وصدمتنه
بخبر جبار طلع من السجن

شلون واني شهدت كدام القاضي شلون
طلع واني سمعته بأذني؟! تساؤلات هوايه
براسي وماعندي جواب الهن ..

ام جراح.. والله ذبحوا الذبايح وشيوخ
اجت تتحمدله ع السلامه طلع واحد من ازلام
جبار رايح وشاهد وكايل انه الكتلت اخو ياسين
بيناتنه عداوه

وطلع جبار وعامر بعده بالسجن ضرغام
مامتنازل عنه وجبار اول ماطلع تعارك
ويه السبع يكله اريد عامر من بين عيونكم

وهذا ضرغام يكله لوتموت مااطلعه
وحته انته ارجعك ارجعك موعبالك الحزب
الوراك شال التهمه براس مسكين وطلعت منهه

ساهره.. داده شوكت يتعض والله هذا كتله
حلال شلون خليتو شيخ بس فهموني؟!

ام جراح.. سالفه طويله ياساهره اصلا الشيخه
جانت عند ابو ياسين ينحلف براسه مضيفه عامر
والكل تشهدله بالمواقف

بسنين الحصار جان يوزع من حلاله
ويفتر ع الفقره ينطيهم القاسمه الله
وكلهه من تحجي يكولون ابو ياسين
وبس!!

ابو ياسين اسمه خضير وعنده اخوان
اثنين ابو جبار اسمه جريان وواحد راح
شهيد...

الشيخ الجبير ابو جريان وابو خضير هذا
جان شيخ المشايخ مال كل عشايرنه
حته بغير محافظات..

من مات وصه الشيخه لخضير ابو ياسين
وصار خضير شيخ وجريان ويه خضير
سانده واخيه ويحبه ..

خضير عنده ياسين وطه ومحمود و٢ بنات
وجريان عنده جبار وابو جراح وفاضل واثنين
شهداء...

من انكتل فاضل ابو السبع هذا جان
الضلع مال عمه خضير ويحبه حيل
وتهموا علي الله يرحمه وانهزم وراهه باشهر
مات جريان ابو فاضل وظل الوصي جبار
هو الجبير..

من هنا بدت العداوه بين جبار طايش وبعده شاب
وبين عمه خضير كام جبار يتهم خضير بهزيمه
علي وكام شكو سالفه عوجه يذبهه براسهم...

مات الشيخ الجبير فاضل وجان ياسين
صغير واجتمعوا الشيوخ وكالو الشيخه
تتحول لجبار لان جبار اكبرهم

ساهره.. شكد عمره الشيخ ياسين
ام جراح.. هسه عمره ٤٠ سنه بينه وبين
السبع ٤ سنوات

ساهره.. مبين اكبر من عمره انطيته عمر
بكد علي الله يرحمه
ام جراح.. لعد همه موكبار تدرين السبع عمره
عشر سنوات من ماتوا اهله

من مات فاضل بسنه ١٩٨١ وجان علي الله يرحمه
هيج يطلع عمره ١٧ سنه يمكن وياسين عمره
١٤ سنه مابينهم فرق قليل وجانو اصدقاء..

بس ياسين اتزوج من هو وصغير وهسه صلوات
ابنه بطوله هنا بابة عرب يتزوجون من صغرهم..

ساهره.. هسه اني عندي عتب وياج
عتب حبايب شلون ياداده تدرين بابنج يحب
بنت اخوج وقبلتي بنتي تنظلم

ام جراح.. حقج والله ومااعرف شلون
اعتذر لبنتي لبابه بس وروح المرحوم ابو
جراح كلشي انتهه وقرار ابني من خطب
لبابه جان صحيح وراد يبدي حياته وياهه

بس جبار راد يلوي اذراعج ابنتج فكرته
ماتقبلين بنتج تاخذ ع ضره واكيد راح
اطلكيهه من جراح وهو يتزوجج يعني
يرجع لنفس المكان...

اخوي صعب وعندي بس هذا الاخ
لو كايله جراح اني مااريد بنتك والخطبه
غلط يتبره مني واني مستقويه بي
اذا بطش بينه الشيخ عاد عندي اخو..

ساهره.. جان اجيتي وسولفتيلي
ليش خله بنتي تتعلق بي وهي طفله
ومراهقه

ام جراح.. الحجي بيناتنه ترى جبار
رايد لبابه وحابهه ولو يخيرو بين لبابه
ونوال والله يختار بنتج بس نوال انفرضت علي

وتدري هي وحاجيلهه وكايلهه ترى
مااتخله عن بنت عمي والخطبه مالتج
غلط واني حجيت وياهه ويه امهه وضمن
الموضوع عن ابوهه وكالن مره ماتاكل مره

ساهره.. تعذريني بنتي ماانطيهه بوسط
هيج بيئه ولا اعيشهه شعور الخيبه وعينهه
ع رجلهه يوم يمهه ويوم يم غيرهه

ام جراح.. هسه راح يكمل البيت ولازم يتزوجون
اذا رفضتي نرجع لنفس الطلايب الاولى
تقبلين تزوجين جبار..

ساهره.. شوفي داده اني معلمه وخسرت وضيفتي
وجنت انسانه مسالمه ماعندي غير بناتي وسعادة
زوجي..

بس من اجيت وعاشرتكم وشلون گلبي تغلف
بالقساوه تشوفيني هيج قويه لخاطر بناتي
واله اني يوميه انام وافز ع طيف شهد بنتي
الطفله البريئه

اليتقرب من لبابه وفجر والله اسوي
الماسوته نسوانكم وخلي كلامي يوصل
لجبار واولاده مو مره اني اصير
رجال بس واحد يتقرب منهن

ابنج خلي يرجع لبنت خاله هي اوله من لبابه
هي حبه الاول وبنتي تعتبر دخيله على جراح
واخذته منهه...

ام جراح... والله مااعرف شحجي وكل الحق
وياج بس اذا يحبهه ويريدهه لاتقسين عليهم

هسه هو ساكت خلي يكمل البناء
ويحاجي خاله وينهي هذا الخراب
وترجع لبابه ونفرح بيهم

ساهره.. لا داده لبابه صغيره وانتي تدرين
اني من قبلت ع خطبتهه جنت مجبوره
وخايفه عليهه واريد احميهه باي طريقه

بس هسه لااا مااخاف بعد والله اقتله
اليتقرب لبناتي ياريت جراح يكون
كدهه ولايستغل خوفنه ويوكف ويه جبار
ضدنه

ام جراح... شنو هالحجي جراح سند الهه
ابن عمهه واخوهه وابمكان ابوهن هي وفجر
لاتفكرين هيج ابني مومن هذا النوع..

لبابه.. اسمع كلامهن واني ساكته تأكدت
البداخلي مو حب قوي لان جان تأثرت
مثل مايسولفون عن الحب

بس يمكن اعجاب وبوادر حب احسن
خطوه واحسن قرار هو خلصت واني
باول الطريق يمكن لو ماره بعد اكثر من سنه
اتعلق بي ومااكدر اعوفه...

صح يجي ع بالي ومن ينذكر اسمه
شعور غريب يتملكني بس من اتذكر
كلام ماما ورانيا ويذكرني كدامي عمر
طويل ابعده من راسي..

ماشفته ابد ولا اجه لبيتنه
وحته من يجي مايدخل كل الشغل
تكفله ضرغام والسبع مااعرف ليش
يهرب من المواجهه!!

عمه زينب ظلت يمنه ومر اليوم
طبيعي عقيق انسانه هادئه الى درجه
ولاحظتهه قليله الكلام بس من يجي
السبع تسولف هواي وتنطلق ..

واذا مااجه يخابرهه بليل والفرحه
شكبرهه وهي تكمز تاخذ تليفونهه
وتطلع تحاجي ودائما من تحجي وياه
مبتسمه ...

يومين مرن وجنه نحضر حته نروح لكربلاء
صادف يوم احد وكالو انروح باجر
عمه زينب وابرار كالن انروح كل سنه

بيومهه اندك الباب حيل طلع خالو شاف
منو طلع عاصم وجايب ايناس ونور
وخديجه لان يريدن يروحن ويانه...

نور بحلكهه حجي وتباوع بس تريد
تفلت من يمهن بطنهه جبيره صايره
كالت اريد اكوم ابدل اخذتهه للغرفه
وانطلقت..

نور.. ولجن خايبات ايناس مراقبه حلكي
ماتخليني احجي بس انه مااكدر اسكت

لبابه.. شكو صاير شي هناك؟
نور.. چاااا غير بلاوي ولجن ضرغام نعنع
اعظام وسن وخلاهه تزحف مثل الجاهل..

لبابه.. عليج الله احجيلنه شكو وشمسويه
وسن ؟
نور.. خلني ابدل ونشوفلنه كعده وحدنه
ايناس وصتني بالدرب كالت اذبحنج
اذا حجيتي ...

لبابه.. ركضت ع رانيا جانت تبدل لجهالهه
كتلهه ولج مدري شصاير ضرغام كاتل
وسن اشو هاي كمزت من مكانهه
وكالت خوما حجوا عليه..

رديت عليهه لا شحجو بس نور راحت
تسولفنه السالفه خلي فجر تلهي
ايناس

اخذنه نور للسطح وكعدنه نستمع الهه
كالت منين ابدي بس ماتحجن ودكولن نور
كالت!!

اول البارحه اجه ضرغام ع السبع
وطلعوا للعصر يله اجو وبعدين ضرغام
راح لبغداد وجدي الشيخ طلع ومااجه سلم
علي وخابره ابوي وكاله ضرغام الشيخ
يسأل عنك ومدري شحاجي خله الشيخ
يشب وينطفي..

تالي من اجه من بغداد جنه عفريت
كال لجديتي هيام الج ساعه وحده
الكه وسن هناا واذا مااجت افوتلهه
لنص عيالهه اشحطهه شحط..

راحت جديتي جابت وسن ولجن
لزم وسن دفرات ع بوكسيات
ابوي وابن عمي عباس كاضينه يريدون
يفكو وماكدرو

حته ابوي حصله دفره ابطنه سوده
عليه واجه الشيخ يصيح ترى ارميك
وخرر عن الشيخه وسن

وهذا ضرغام يفشر ع جدي الشيخ
وخله وسن تزحف بالكاع يله
عافهه ..

طلع بسيارته واجه السبع سولفله
الشيخ وكاله انت تدري بي مسودن
شكو تعيلون بي اتجازوا انتو ويااا

وللعصر واجه ابوي يركض يكول
ضرغام كاض اسعود تعرفنه واحد من
ازلام جدي ايده اليمين ومعلگه من رجلي

مسكط الرجال تسكط معلگه ابستان
السبع ولاعب بي فلقه بس عليمن
ماندري ..

وجدي كال هذا ضرغام مستسبع
بالحكومه وكام اخذ اسلاحه وراح وراه
كال اليوم ارمي واله يكولون الشيخ
كتل ابن اخته..

بس جذب جدي انه اعرفنه شكد مايهاب
السبع يخاف من ضرغام السبع عنده حكمه
وتصرف بس ضرغام هذا يختلف

وتالي اسعود ظل معلك يومين
ووسن انحبست بالغرفه واجه رجلهه
ومدري شحجه ويه ضرغام وطب عليهه
صلخهه صلخ فوك الكتله مال ضرغام

وخطيه وسن شايفه روحهه علينه
وكلنه نخاف منهه بس ريح كلوبنه
ابو ليث وعلي كلما تحجي يضربهه
ع حلكهه ...

لبابه.. عزااا ولج شنو السبب غير صاير
شي؟!
نور.. ماندري هو جرهه من شعرهه وداس
ع اصابع ايدهه بحذائهه وكالهه هالمره كسرتهن
الج المره الثانيه اشكج بالنص

لبابه.. عاد هو السانه ولا يستحي
نور.. چاااا غير يفشر ع الشيخ والحجيه
بركات دكله خايب انچلبت السانك متبري
منك..

لبابه.. ولامبين علي هيج عصبي؟!
نور.. من جانت مرته المرحومه مويروح للدوام
جان دوامه بعيد ويجي يلكاهه مكتوله يجيبهه
للگصر ويگلهه اشريلي منو مدت ايدهه عليج

مره كالتله ايناس وكتل ايناس ومره
هان جديتي هيام وطردهه لاهلهه
ومره عمي عامر كتلهه وهو شسوه بعامر

لبابه.. خطيه هو مبين مايقبل بالغلط
وحياة القصر ماعاجبته
نور.. هو علمود السبع وجراح باقي
چااا هو من زمان طلع..

لبابه ... هو حته لهجته تختلف عنكم
ومايكول انه ولايكول چااا بالصدفه يكولهه..

نور.. مو ضرغام الوحيد بيهم دارس
كليه مدري شيسموهه اقتصاد يمكن
ودرس ابغداد وعاش هناك وحده وراهه صار
ضابط ودوامه كله هناك

هاي من ماتت مرته كام يجي هنا علمود
السبع حته مايشتري گاع يم الگصر يكول
خرابه بالمدينه ولا گصر يم جبار ...

رانيا.. اسمع كلامهه واني بوسط ضجيج
شنو يعني وسن هي المصورتني ؟!
زين اذا اسعود اني حته ماشايفته شلون
صورني من اتذكر الموقف روحي تطلع..

خطي مارجعه ولاشفته بعد وكلبي
نار ومااعرف شحجي والمن اسأل
صرت مثل بلاع الموس..

لليل كلهه مخبوصه تحضر بالغراض
اله اني احس كلشي مر مثل العلقم
عيني ع الباب كلساع اكول هسه يجي
وماكو..

ثاني يوم الصبح ب٦ اجه السبع بسيارته
وسياره ثانيه كيه احنه صعدنه بيهه
والسبع اخذ بس عقيق وياه ...

طول الطريق سارحه بعالم ثاني
اجت الف فكره براسي وكلساع
يتخيلي ضرغام شاف الصور
شلون راح اباوع بوجهه وارجع اتذكر
هو شافني ع الحقيقه ...

وصلنه لكربلاء وهاي اول مره نجي
بهيج ايام مزدحمه البيت جبير وابابه ناس هوايه
وكلهه تطبخ ...

ام جراح.. تعالن النه بس هاي الغرفه والباقي
للزوار بليل هواي ناس تبات هنا احنه
علينه نطبخ ونصب وانظف علينه المطبخ...

جهالي عند بابا اخذهم بره واني اشتغل
وياهن بس بالي مويمي وينه ضرغام
ليش مااجه وليش ماطمني !!

هوسه وروحي بخشمي وشغل فضيع
واكل موبانصاف يطبخون صار دنيا المغرب
وكامت مدري منين تجي الناس تبات
وكلهه من محافظات بعيده ...

بالغرف النسوان وبالاستقبال الزلم
صايره لخه واحس راسي صدع
ومالي خلك اشيل خاشوكه..

لهنا خلص حدي كعدت ع الدرج كمت ابجي
اول شي ممتعوده ع هيج شغل والشي الثاني
وضعي المجهول وضرغام عايفني ع الشحن...

صبينه العشه واحنه ننتظر يكملون ونغسل
المواعين كلهه تشتغل وهي ساكته
الشي المطمني محد يباوعلي او حاسين
بشي معناتهه محد يعرف...

كملنه المواعين ومددت شويه بالغرفه
عقيق وفجر يم راسي كاعدات يسولفن
واني حسبه تاخذني وحسبه ترجعني..

فززني من صفنتي صوته وهو يحجي
ويه ام جراح ويكلهه هسه وصلت
جان عندي دوام ...

كمزت من مكاني عدلت حجابي وطلعت
جان واكف اباب الممر شافني ورجع
دنك يحجي ويه ام جراح..

بس عافته راحت للمطبخ بسرعه طلعت للممر
صحت ابو ليث التفت عليه جكارته بحلكه
طلعهه شمرهه بالكاع وداس عليهه

تقرب عليه وكال هااا الله يساعدكم!!
رانيا.. ويساعدك بشرني شسويت خطي
وينه تاخرت واني كلبي نار..

ضرغام.. سلامت گلبج ومد ايده ع جيب
بنطرونه طلع محفظته وطلع منهه رام
صغير كال هذا افتحي وامسحي الصور

رانيا.. لكيتهن؟!
ضرغام.. ااي وهذا نتيجة الثول العندج منطيه
رقمج لوسن وهي سامعتج من حجيتي وياي
بليل ومتفقه هي وسعود

رانيا.. ضربت صدري عزا العزاني يعني
يتفرج عليه سعود
ضرغام.. حسب اعترافه حلف مامصور هو
هو بس خاطفج ووسن مسويه الباقي وحته
الصور والرام عند وسن لكيته

وهاج هذا خطج مشكوره مااحتاجيت موقع
والسالفه محد يدري بيهه احسابي الهم
شغلة بنفسي وعلمتهم مايحجون ولاينذكر
اسمج..

رانيا.. يعني الشيخ مايدري بالخطف
ضرغام.. طبعا يدري وسوه هاي المشكله حته
يحگ ياسين بس مايدري بالصور عباله
مجرد خطف هاي الصور حته اسعود مايدري
بيهه وسن مسويتهه

رانيا... عابتلهه اني بشنو مأذيتهه
متخاف الله يبهذلهه هيج شهرت بيه

ضرغام.. هسه ماعلينه اعتقد الصار درس
الج وياريت تتحكمين بتصرفاتج انتي موصغيره

خوما اظل طاير وراج ماعندي شغل
وعمل بس انقذ رانيااااااااااا.....

رانيا.. كال اسمي وطول الالف وهو يباوعلي
كتله لابعد ماعليه بأي شي مشكور وماقصرت
وجزاك الله خير ...

رجعت للغرفه وهو راح هم وانزاح
فتحت خطي وخليت الرام الصور ماينلبس
عليهه ثوب اني فاقده الوعي وابشع الوضعيات
شكيت بيهه رجال مو مره التسوي هيج..

فرشت لجهالي نومتهم وعقيق كاعده
كلنه تعبانين والبنات نامن بس هي
كاعده كتلهه نامي كالت منعسانه...

مددت بصف سيوفي واني احمد الله
انسترت والله هيئلي ضرغام سمعت
صوت تليفون اهتزاز باوعت عقيق
كامت من مكانهه وطلعت...

اني مااتوب الفضول كاتلني
كلت خلي اشوفهه وين تروح
كمت وراهه طلعت للممر

شفتهه شلون مشت بخطوات سريعه
مثل الطفله وتعلگت برگبه السبع
وهو حضنهه ورفعهه ليفوك....


يتبع..

#خبايا_الاقدار
❤️♨️

... البارت العشرون

....

رانيا.. ظليت مسطوره مدري ليش
مصدومه مع العلم خطيبته بس اشوف
هاي الهادئه هيج واني عبالي تنام بجواريبهه..

اتسحبت للخلف بس بعدني عيني عليهم
اجاني صوت من وراي فززني وهو يكول
من راقب الناس مات همآ...

كمزت من مكاني وكلت باسم الله قول
من رب الرحيم فزيت فزه احس
كلبي وكع بالكاع

هدوء وكلهه نايمه منين طلع
وبدون احم وسوابق كتله فززتني
اسم الله !!

ضرغام.. موعيب تباوعين مره ورجالهه
حاشرة خشمج شكو؟!

رانيا.. هيج بالصدفه شفتهم ماكايلتلهم
يجون كدامي؟!

ضرغام.. تقنعيني ماجنتي متعمده
والله مااقتنع بيج مدري ليش؟!

رانيا.. غيرت الموضوع اني ادري بي
جان يتعشه كتله كملت اروح اغسل مواعين

ضرغام.. ااي بدون امر عليج كوب جاي وياج
رانيا.. رحت للمطبخ وهو واكف اباب المطبخ
فتحت النار اسويله جاي..

اجه ابالي جراج كتله ممكن اسألك سؤال
رد عليه كووولي؟!

رانيا..قبل جانت لبابه تجي مفزوعه
لان دومك تكبسهم وهم هم مخطوبين
حالهم من حال السبع شمعنى هذولاك تكبسهم
وهذوله شفتهم وتغاضيت؟!

ضرغام.. رفع حاجبه بابتسامه وكال سؤال
وجيه شكد شايف فضوليات بس مثلج
ماشايف !!

المهم جراح يختلف من كل النواحي اول شي
لبابه صغيره عمرهه ١٥ سنه من خطبهه بعز
المراهقه وهذا السن خطر تتقشمر بسرعه

والشي الثاني جراح مومنصف ومايعرف
شيريد ومامنطيهه حب برأي هذا استغلال
ولعب بمشاعر مراهقه ..

اما السبع يختلف يعرف يتصرف
وماعنده تناقض والبنيه ضروفهه
تختلف عن لبابه اول شي اكبر
والشي الثاني وحيده ماعدهه حل ثاني

رانيا.. اذا تعرف بجراح مايحب لبابه
ليش مامنعتوا؟!

ضرغام.. كال احميهه قابل نتحكم بمشاعرهم
شمدريني صدك حبهم لو نزوه

رانيا.. انطيته كوب الجاي وطلع
شفته واكف ويه السبع يحجي..

...

عقيق... خلصت الايام يم البنات ع الاقل غيرت
جو شويه السبع اشترالي تليفون عنده شغل
يوميه بليل من يكمل شغله يراسلني

يسأل شلونج خومامحتاجه شي
بين كل يومين يمر عليه هدوء
حته بديت انسه موضوع اهلي ..

بيومهه دزلي رساله بليل كال باجر
تحضري امر عليج اخذج لكربلاء
اني متحضره ويه البنات بس كال
لا هم بسياره واحنه بسياره..

الصبح اجاني طلعنه قبلهم اول ماصعدت
كتله صباح الخير رد عليه وهو يخابر
ويه ضرغام..

من سده كال شلونج؟!
... زينه
.. دواج جبتي؟
.. ااي جبته هن والتقارير الكتلي عليهن..

السبع.. اكو مركز تأهيلي مال قلب
مدامنه رايحين قبل لانروح للبيت
انمر علي خلي انشوف اكو تحسن
بصحتج ...

عقيق.. مو انراجع يم هذا ابو بغداد
السبع.. ميخالف انشوفه نفس الكلام
ماناخذ العلاج بس نطمن اكثر وهم انشوف
علاج النمو مالتج..

عقيق.. ابتسمت وسكتت هو يباوع
ع الطريق واني كلساع التفت علي
اشوف جهه خده وشلون محدد اللحيه

يوم عن يوم احترمه اكثر
وافكر بي اكثر اشوفه شي جبير
كدامي وانسان عظيم كل حنيته واهتمامه
يذكرني ببابا...

وصلنه لمركز القلب نفس الهوسه
مال الفحوصات وازدحام الطريق
وظلينه ننتظر النتيجه جابلي لفه
وبيبسي حسب جدول التغذيه...

طلعت الفحوصات وهالمره زينه
واكو تحسن رغم جنت فرحانه بحالتي

الدكتور من يحجي يثني عليه
وع التزامي بالعلاج لان بالموعد المضبوط
مااتاخر ولا ثانيه وهالشي هو الساعد
بالشفاء

طلعنه من المركز اكو فرحه خفيه
بداخلي احلم اعيش حياة طبيعيه
ومايكعدني الالم نص الليل

حجيت بالسياره لان جنه نمشي بالازدحام
وساعه نوكف بالسير لان سايد واحد
كتله ليش هذيج السنين من عمري سنه
لحد متوفه بابا وهو ممخلي دكتور
يعتب علي ليش ماتحسنت؟

السبع.. جان علاجج متقطع خاف؟!
عقيق.. ااي حسب امكانيه بابا اذا ماحصل
شغل اقلل من العلاج اذا حبايه باليوم اخذ
نص ومرات مااخذ مده ايام لان هو شغله يومي

السبع.. طبعا الالتزام بالعلاج اله دور
وكل الاطباء كالو حالتج مو مستعصيه
بس مكلفه لذلك جان علاجج وقتي ولان يوميه
تغيرين دكتور

عقيق... مومااتحسن وابدل الطبيب
وصح العلاج مكلف انت هوايه خسرت عليه
شوف هاي مكتوب عليهه العدد ١٥ حبابه
ب٢٥ يعني بشهر ٥٠ بس نوع واحد

السبع.. اهم شي اطيبين وبعدين اخذهن
منج
عقيق.. توعدني؟
السبع.. اوعدج بس انه احدد؟!

عقيق.. شنو تحدد؟
السبع.. اني احدد معنوي لو مادي
عقيق.. اتفقنه نكعد ونحسبهن وارجعهن الك

من حجيت هيج ابتسم وظل ساكت
شويه وكال اكو شي ابالج تتمني؟!

عقيق.. صفنت شويه ورفعت عيوني
ليفوك وكتله ااي امنيه وحده
السبع.. شنهي؟!

عقيق.. كون ادرس مثل البنات ومحد يتنمر
عليه شوف السبع ايدي واشرتله بالمعصم
شوفهه شلون صارت سمينه وحته عظمهه
قوي..

السبع.. اللهم زيد وبارك بعدنه صار ٣ اشهر
ع العلاج بعد سنه اندورلج منحفات ونجبرج
ع الرجيم

عقيق.. لا مااحب اصير سمينه اني قصيره
جانت عمتي قصيره وسمينه وبنات عمي
من يضوجني يصيحن وراي مثل عمتج
ليالي واني اظل ابجي اخاف اكبر واصيرمثلهه

حجيت ولغيت شكد هو ابتسم
كتله هواي اسولف مو؟!

السبع..محد صارع راسي بس انتي وضرغام
انتي الوحيده استمعلج للنهايه
وضرغام كذلك..

هسه ماكتيلي انتي جنتي شاطره
لو كسولي؟!

عقيق.. اني بس خلصت السادس
بس نجحت وبابا يقريني بس هسه
نسيت حته ايدي مااخذت ع الكتابه

السبع.. يعني بيج امل لو لا؟!
عقيق.. اني هسه احب ادرس لان صار
عندي امل
السبع.. خير ان شاء الله..

عقيق.. سكتنه اثنينه لحدماوصلنه للبيت
سولفت لخاله ساهره حيل احبهه وتنصحني
دائما شافت الفرحه بعيوني كالت تعالي احجي
وياج..

رحت للغرفه بس اني وياهه كالت انتي مثل
فجر رغم اكبر منهه بس اشوف بيج برائتهه
اني مثل امج احجيلي بشنو تحسين؟!

عقيق.. فرحانه لان بديت اتحسن واكبر
ساهره.. بس هيج؟!
عقيق.. اي شوفي خاله وكمت افتريت
كدامهه شوفي كبرانه وسمنت

ساهره.. يابنيتي بعدج تريدين ترجعين
لاهلج؟!
عقيق.. اي خاله هو السبع وعدني
وكال شوكت ماالكاهم ارجعجج

ساهره.. انتي موكلتي من جان ابوج عايش
محد سأل عليكم وهسه انتي وحيده
ويتيمه ومريضه منو بحالج ويتكفل علاجج

عقيق.. لعد اظل هنا؟خاله بس السبع وانتم
زينين وياي القصر اخاف منه حته اصواتهم
تخوف ويوميه يتعاركون بالسلاح

ساهره.. اني مااكلج حبي القصر بس انتي
جبيره صح عمره ١٨ بس اكو عمرهه
٣٠ وعدهه سند اخوه واخوات واب وعمام
تلگيهه معتمده ع ابوهه واهلهه وتحس نفسهه
صغيره

واكو بعمرج وحيده ملزمه تعتمد ع نفسهه
وتفكر تفكير صحيح وتحسب نفسهه
مو ١٨ لا كون تفكيرهه ناضح مال وحده ٢٥

تدرين ليش؟ لان ماعدهه احد واذا ظلت
بدور الطفوله ماكو ظهر يحميهه لازم
تكبرين وتعتمدين ع نفسج

انتي ماتعرفين شي غير مرضج وابوج
المرحوم بس هسه اختلف انتي ع ذمة
رجال فكري زين شوفي السبع يكدر
يكون سند الج ؟!لوعمامج يحموج ويسندوج
اكثر منه؟!

عقيق..شنو قصدج خاله؟!
ساهره.. قصدي حددي موقفج وابني حياتج
لدكولين عمري صغير لان اكو بعمرج واعتمدن
ع نفسهن واتخذن قرار مدام تعديتي مرحله
المراهقه فكري بعقلج..

عقيق.. مافهمت شي من كلامهه بس الي افتهمته
اظل يمهم وماافكر بعمامي كلامهه صحيح
من جان بابا موجود محد سأل عليه

واحد من عمامي جان يكول انت والله صارف
عليهه دم گلبك خليهه وين ماتوصل تريد
تموت خل تموت ..

خوالي اصلا مااعرفهم ولايوم سألو
عليه ومااندلهم وين ؟ ظليت افكر بكلامهه
صح هنا محد اذاني ومعززه مكرمه
احتمال اذا رجعت اخسر واتعذب

بس لشوكت اظل لهنا واني احس نفسي
ثقلت ع السبع صح حنين وموبس ويايه
ويه الكل شكد يحب فجر ويكول هاي
اوكف العشيره علمودهه لان اشوف اختي بيهه

يعني هو طبعه حنين وكريم
بس كمت اخجل من كدما يصرف عليه
وعلاجي غالي بس هو ميحسسني ابد

كل هذا ماجنت افكر بأي موضوع حب
وعشگ ولازم اخذه ولازم اسيطر لان
ماعندي احد ابد ماخطرت ابالي هيج
اشياء

مجرد جنت اشوفه انسان شهم وحنين
والله موفقه حته يساعد الناس والاهم
من هذا الله يحبني وماخلاني ضايعه
بالشوارع..

حته هو ماجان يحسسني بغير اشياء
كلامه اغلبه ماافهمه واجاوبه ع كد فهمي
للحياة !!

نظراته جدا طبيعيه حته من تجي عيني
بعينه بسرعه يدير نظرته واني من احجي
ابد مااباوعله لذلك ماجنت احس اكو شي
لان اني ممفكره بهذا الموضوع

الاهم من هذا جنت اتصرف ع طبيعتي
وع نيتي كل تصرف يصير بيناتنه
فهو حلال ومدام هو انسان خايف الله
وملاحظته رزن ومتحكم بتصرفاته
كل تصرفاتي نابعه عن فطرة ...

خاله ساهره يوم عن يوم احبهه اكثر
ويعز عليه بيوم اعوفهم تعاملني مثل
بناتهه تنصحني تعلمني كمت شنو اليجول
بخاطري اركض احجي الهه ..

ماخلتنه نشتغل اني وفجر بس
شغلات خفيفه انطتنه نسوي زلاطه
وكعدنه بالغرفه نسوي ونسولف

فجر.. السنه غاح اغجع ادغس السبع كالي
عقيق.. انتي بيا صف؟
فجر.. اول متوسط

عقيق.. انتي متشبهين لبابه؟
فجر.. اني اشبه بابا بس عيوني ملونه
عقيق.. وينهن ملونات عيونج عسليات
فجر.. لاا ولج هاي لان ظلمه بالنهاغ وبالشمس
يصيغن خضغ

عقيق.. هههه يعني كلساع يتغيرن
فجر.. لاتضحكين تغاغين لان عيونج سود حيل
عقيق.. عيونج احلى من عيوني وكبار

فجر.. ااي عيني جان بابا يبوسني منهن
يكول كلساع ينطن لون
عقيق.. اني اريد اظل يمكم مااريد ارجع للقصر

فجر.. كولي للسبع انتي شبيج تستحين
السبع حباب حيل اني اگله عوف عقيق يمنه

عقيق.. خاف فشله منكم؟
فجر.. انتي شبيج فاهيه شوفي اول ماجيتي
ماحبيتج تذكغين شلون عيطت عليج

عقيق.. ااي وكمت ابجي وحدي بالغرفه
فجر.. اني السبع احسه مثل بابا وعبالي غاح تمنعي
يحمينه لان كالو هاي مغته

عقيق.. نور سولفتلي كالت السبع مايقبل
ع اذية لبابه وفجر
فجر.. غيغ جباغ يخاف مني مايحجي وياي
ابد لان اغوح اشكي للسبع

اكول انتي ليش اسمج غغيب؟
عقيق.. بابا سماني ع نوع من الاحجار انتي هم
حلو اسمج؟
فجر.. ماما دكول اجيتي الصبح ويه الفجغ
وسموني..

عقيق.. اثنين عندي ساهره بمثابه ام
وفجر بمثابة اخت واحجي وياهن
اي شي يدور براسي ..

بليل ظليت كاعده انتظر السبع لان
ماشفته ابد وتوعدت يوميه قبل لا انام
يسألني اخذتي دواج ويطمن صار تعويد

اجتني رساله من عنده مكتوب بيهه
تريدين ادرسين ويه فجر؟!

احس الحروف ابتسمت فرحه موطبيعيه
سيطرت عليه بسرعه رديت علي اااي اااي
كتبتهه مرتين

رد عليه برساله هاهي بس اذا كسلانه
اسحب كلامي!!

الفرحه ماتنوصف حلم الدراسه عندي
اكثر من حلم شفائي جنت حته باحلامي
اشوف نفسي لابسه صدريه وشايله كتبي..

جاوبته والله ادرس اوعدك مارد عليه بس
ظليت كاعده بالغرفه مدام ماكال تصبحين
ع خير معناتهه راح يحاجيني بعد..

وره ساعه دزلي رساله تعالي بالممر
مااكدر افوت كمت من مكاني لان
نسوان نايمه ومحد يفوت منهم

تصرفي لا ارادي ابد مافكرت بشي
بس جنت فرحانه بس شفته وكانو
تخيلي بابا فرحان وياي اريد اشكره
مااعرف شلون؟!

هو فتحلي ايده موبقصد جان بنيته يأشرلي
بس اني من شدة الفرحه البداخلي ركضت
حضنته حسيته تفاجىء ردت ابتعد بس
هو رفعني ليفوك...

سمعت دكات كلبه قويه حيل حته
استغربت ليش هيج السبع دائما هادىء
احس كلبه يدك بنص صدري..

نزلني وخصلة من شعري نازله ع وجهي
بعدهه وخلاهه ورا اذني وكال اخذتي
دواج؟!

هزيت راسي واني مبتسمه كتله شكرا
ع كلشي! حسيت بخجل هسه انتبهت ع تصرفي
كتله اسفه!!

السبع.. عليمن؟
عقيق.. على هسه ودنگت!!
السبع.. لتحجين لأحد ماريد موضوع الدراسه
يطلع اني احجي من يمي

عقيق.. اسمعه ودنگه اهز براسي شتت بالي
وابد ماعلق من كتله اسفه هو هذا دائما من يشوفني
اخجل يغير الموضوع وكانو شي لم يكن...

اني مسويه شعري ضفيره لوسط
ظهري بس صايره صفح ع كتفي بعدهه
ليوره وكال يله روحي نامي موزين عليج السهر

كتله تصبح ع خير ودخلت جوه احساس
غريب فرحه ع خجل مااعرف اوصفه

كعدت فجر جانت نايمه هزيتهه اريد
ابشرهه كتلهه فجر اكعدي السبع كال
راح ادرسين؟!

صاحت بيه ماتتحملين للصبح خليني نايمه
واكيد كالج لادكولين وانتي مثل لبابه اجيتي
كلتي؟!

ظليت صافنه صدك هو كال لتحجين لاحد
دائما تفاجأني فجر واحسهه عمرهه ٢٠ سنه
مو ١٤ ظليت ساكته ...

لبابه...كعدنه الصبح كالو اليوم ضباط ويه ضرغام
يوصلون المغرب ولازم عشه زين

اشتغل واني ساكته بس مااعرف ليش
ممرتاحه اكو شعور موحلو بداخلي

صارت ب١١ واتفاجئ بنوال وامهه وابوهه
مااتحملهه لان نظراتهه مستفزه وتحجي حجي
تخلي المقابل حته يستصغر نفسه

ماطلعت من المطبخ وهي اسمعهه
تسولف وتضحك حته عمه زينب كالتلهه
صوتج عالي ..

ورا الظهر كلهه مخبوصه واجت وكفت بالمطبخ
جنت اغسل بالسنك مااحسهه غير بصفي
مدت ايدهه غسلت جان دكول لاتصيرين
طماعه همزين عرفتي نفسج وانسحبتي!!

هنا تخبلت يعني ماكفاك ياجراح السويته
رحت فرحتهه وطمنتهه بان افترقنه
التفتت عليهه كتلهه بشنو اطمع بجراااح؟!

لاحبيبتي جراح من الاساس مجرد وسيلة
حمايه بس انتي ماخذه الموضوع حسب
تفكيرج

نوال... صدك انقهرت عليج بابا بكدج اني
جانت ماما تغسل ملابسي وانتي ادورين
حب..

لبابه.. منو كالج احب جراح انتي ليش تكذبين
الكذبه وتصدگيهه جراح ابن عمي حاله من حال
السبع وواجبه يحمينه ...

وبعدين اذا اريد احبه توكفين انتي بطريقي؟
بس اني ابتعدت وتراجعت عن امارس دور
المخطوبه لان مااكدر مثلج انتي عادي
عندج تعيشين بالقصر

وعادي عندج يتزوجني وتعيشين ع ضره
بس اني مااكدر للذلك جراح الج وياريت
تسيطرين ع مشاعره لان بسرعه تتغير

ماخلتني اكمل بسرعه انسحبت
وراحت للغرفه رغم حجيت بقوه بس
داخلي نار ابد مامهتمه اله بس مقهوره
شلون امنت بي وصدكته ...

صار العشه وضرغام وكفنه تك رجل
يريد كلشي منتظم حته تصايحوا
هو والسبع ...

بيومهه تعبنه حيل وخالو وره العشه كال
نعسان اريد انام اخذ جهال رانيا وراح
للغرفه احنه التهينه بالشغل ل١٢ يله كملنه

جنت كاعده ع الدرج استراح وعقيق
وفجر واكفات ع راسي وطلعت خاله تركض
وتصيح ساهره الحكيلي ابو رانيا مايتنفس..

كلنه فزينه ورانيا جانت بالحمام
ركضنه لخالو تهز بي ماما وتبجي
وهو وجهه مبتسم وجسمه ثلج...

عاطت ماما بصوت عالي وركضت ليبرا
اصيح واحد منهم دكيت باب الاستقبال حيل
اجه السبع وضرغام وابن عباس ...

من هول الصدمه مااتذكر غير
العياط وكل الي عرفناه خالو توفه
لان السبع غمض عيونه واتشاهد يم راسه..

خاله تعيط وماما تضرب ع وجهه
السبع طلع عقيق من الغرفه واني ركضت لرانيا
جان الحمام خارجي وماتدري..

طلعت رانيا لافه شعرهه بالخاولي
وتحجي كالت مخلصين المي شلون
سبحه گشره واني واكفه كدامهه ابجي

رانيا.. شبيج لبابه شصاير؟
لبابه.. خالو مات حجيتهه وبجيت

رانيا.. بين السمعته وبين اني بحلم
استوعبت كلامهه دفعتهه حيل وركضت للغرفه
ناسيه وضعي وناسيه ركبتي وصدري ولابسه
ربع ردن لان جنت ناويه انام

بابا سندي !
احزام ظهري اهز بي ومااسمع اصواتهم
مااسمع منو اليصيح بس بابا يتشاقه وياي
مايموت هيج فجأه ويعوفني...

احس ع ادين ترفعني بس فقدت الطم
ع وجهي واصرخ بعلو صوتي
ياربي لاتفجعني ماعندي بالدنيا بس هو
وين انروح وين انعيش بدونه؟!

( اعتذر عن ذكر الاحداث الحزينه مراعاة لمشاعركم
والله يرحم االاموات ويحفظ ابائكم)

لبابه.. اخذوا خالو للمستشفى هذيج
الليله فاجعه النه مثل وفاة بابا هيج
مفاجئه هسه جان واكف بطوله
شلون غمض وراح..

رانيا اكثر وحده انهارت لاماما مثلهه
ولا امهه تخبلت شعرهه طويل
جوه الورك كامت تشلع خصل كامله
من عنده وتصيح لاتاخذوا

صاح بيه ضرغام جيبي شي
الهه لان زنودهه طالعه وهي بيضه
والسبع جان موجود ...

جبت جادر مال صلاة شمرته عليهه
من شالو خالو ركضت وراهم لزمت ايد
ضرغام بتوسل وكالتله بروح اهلك اخذوني
وياه ..

ضرغام.. خله ايده فوك ايدهه وكالهه شسوين
بس نطلع شهادة وفاة ارجعي الله يصبركم

رانيا.. بلكي يكعد اذا سمع صوتي
يكعد
ضرغام.. صاح ام جراح تعالي اخذيهه

طلعوا وعافونه بوسط عزانه ماادري
شلون خلصت الايام وره الدفنه رجعونه
للبصره وسووله فاتحه هناك

ايام صعبه حته من اذكرهه گلوبنه توجعنه
وينعاد علينه المصاب رحيل خالو اثر بينه
كلنه بالذات رانيه صارت مثل الورده
وانقطع عنهه الماي ...

مر اسبوعين بالضبط واحنه الحزن مخيم
ع الكل مالنه واهس بأي شي خاله ماتعرف
شتسوي وين تروح وشلون تعيش وهن
نسوان برگبتهه مطلقه

عدهه اخ واحد وبكركوك حته اتصال قليل
وسهاد بتهم الجبيره بالشهر مره تخابر
لان بالخارج ...

مرت الايام ورانيا بالتواسيل
يله تاكل وليل نهار تبجي حته اليجي
يعزينه يبجي ع حالهه

صار الاربعين مال خالو وجان بوقتهه انفجارات
وذبح ع الطريق كالو غير مره انروح..

قرب موعد المدارس وراح انداوم جنت خايفه
خاف اكو عراقيل لو جبار مايقبل وفعلا
جان احساسي صحيح

بيومهه اول مره اشوف جراح بعد
هاي المده الطويله مجرد اخذ من خاطرنه
وكدام ماما انطاهه مبلغ وكالهه هذا خاص
بلبابه اني عندي دوره بسليمانيه وراح اغيب
شهرين اوكثر..

ماقبلت تاخذهن ماما بس هو اصر وكالهه
هذا واجبي واني مكمل نقلهه ومسويلهه
خط والسبع وضرغام موجودين ابمكاني

جان مايخلي عينه بعيني سلم وطلع
وبيومهه بليل راح وامه شكد بجت علي
دكول ماشبعت منه شوف من وره دوامه

وره روحته باسبوع اخذتنه ماما للعشار
واخذت عقيق ويانه وصلنه عاصم
واشترينه ملابس اني وفجر وعقيق
اشترت ملابس بيت ورجعنه..

لليل تكسر الباب جانت خاله كاعده بسرعه
كامت لان لازمه عده ورانيا اخذت جهالهه
وكامت وانشوف عامر وجبار وهيام
وعباس الجبير

حته ماردوا السلام شحطني من ايدي جبار
وكال هاي التكسر كلامي وتريد تدرس
وجنطتهه بظهرهه ادزلج راسهه بعلاكه

ساهره.. تخسسسه يانذل وجرتني من عنده
خلتني وره ظهرهه متستحي الشوارب العندك
شنو موقعهن؟!العكال الي ع راسك لبسه لمره
احسنلك

وروح اخوي وترابه الاخضر العب بيك
لعب واخليك فرجه لشيوخ اروح عليك
للناصريه لشيخكم الجبير واكله ع عمايلك

اطلع منا قبل ما اجيب السجينه واغرسهه
بكلبك الاسود خاف عبالك مره وتخوفني

جبار... * تعلين صوتج عليه
تفسخين خطبه بنتج وامنتي وادزيهه مدرسه
وانه ماادري تلعبين من وراي سويهره

ساهره.. مرت اخوك اني يامتعرف العيب
يالماعندك حشمه ولسانك قذر جرب تمد ايدك
علينه خاف استقويت ماورانه رجال

عامر.. بويه لاتعب نفسك وياهه امشينه انروح
وباجر من الصبح نسحلهه هي وبتهه هي تعقد عليهه
وبتهه يطلگهه جراح ويعقد عليهه ابن عباس

هيام.. لزوم ياساهره ينكص السانج تمردتي
هواي وعميتي ع نفسج وانه راح اطش الجكليت
من يعقد عليج الشيخ..

لبابه.. طلعوا بسرعه وماما تفتر بالبيت
السبع ببغداد وضرغام بالدوام وعقيق يمنه
جراح التحق وصفت الساحه الهم

هذيج الليله ماما مانامت ابد من الصبح دك
تليفونهه ام جراح بس كالت الو كالتلهه
ساهره اطلعي من البيت دزيتلج سياره
خايبه اطلعي وروحي احتمي يم الشيخ
ياسين .

ساهره.. شصار زينب وين اولي وبناتي بركبتي
ومرت اخوي وبنته وجهالهه وعقيق وين
انطي وجهي

زينب.. سويهه ياساهره واستغلي الوضع روحتج
لشيخ ياسين وعقيق وياج راح تخلي السبع
يهد القصر ع جبار بس يجي..

لبابه.. المشكله كلنه غفلنه بهذيج الليله
ماخابرنه لاضرغام ولاالسبع ولاجراح
عبالنه يهدد مثل كل مره

بس عمه زينب كالت ناوي ع شر
وراح يتزوجج غصبا ماعليج
وبناتج ياخذهن منج ومنا لمن يجي السبع
بهاي الساعات انتي مرته يهددج وعنده غير
اساليب يتبعهه وبركبتج كومه بنات..

اجت السياره وماما مادري بيمن تفكر
اخذتنه بالصياح واخذنه ملابسنه المهمه
وصعدنه رانيا كلساع تتخربط ضغطهه يهبط

وامهه تبجي وتصيح شلون انكمل وهذني
اول شهرين بغيابه وهيج صار بينه
رغم خالو انسان مسالم بس جانو مبتعدين
عنه لان موجود ويانه

كلما نبجي ماما تصيح بينه ردت اخابر ضرغام
منعتني عقيق رادت تخابر السبع ومنعتهه
قفلنه البيت وطلعنه مهزومين

ماما مابجت ابد واشوفهه حته تحجي ويه
نفسهه وتصيح اني الك مااخليهه تفوت
بجيبك هالمره..

السايق موصيته ام جراح لحدما نزلنه يم
باب المضيف مال الشيخ ياسين
نزلنه وازلامهم يباعون علينه وواحد منهم
صاح صيحوا الشيخ كلوله عندك ضيوف

طببونه للمضيف لان ماما كالتلهم احنه دخلاء
عند الشيخ ماكالت خطار ولاعرفت بنفسهه
بس سألهه منين؟ كالتله داخلين بحماية الشيخ
ياسين..

رانيا انتهت من البجي نفسهه عزيزه حيل
ماكدرت تتحمل كلساع تريد تطلع وماما تلزمهه
واحنه كاعدين ننتظر الشيخ..

شويه واجه بنفس هيئته الشفناهه بالنجف
وعباته والسبحه بيده كمنه انريد نوكف
مانعرف اصولهم اشر بيده وخله ايده
ع صدره لادكومن الحرمه ماتكوم...

جانوا اثنين زلم واكفين وماما مدري
منين جابت هاي القوه وحسيتهه هي
مرت شيخ وتعرف كلشي ..

حجت بنبره قويه كالتله ياشيخ
انريد نحجي وياك سر اهل !!

هو بسرعه اشر بايده ع الزلم الواكفه
يطلعون ورفع راسه ع ماما وايده ع
ركبته وكالهه عد عيناج !!

ساهره.. تعرفني اني مرت المرحوم ابن
عمك علي وهذني بناتي وهاي مرت اخوي المرحوم
وبتهه وهاي مرت السبع..

هي كالت مرت السبع وسع عيونه بغضب
وكال مرت السبع دخيله عند الشيخ ياسين؟!!

ساهره.. كلنه ندخلاء عندك جبار يريد
يتزوجني بالغصب ويزوج بناتي وهن قاصرات
ومرت اخوي لازمه عده وبنته بركبتهه اثنين جهال
وماصان الامانه واجه تهجم علينه

ماخله ماما تكمل اشر بايده كافي
وكال الجن الامان بس مرت السبع
ماتدخل دخيله عند ياسين لان هو رجلهه مالك
هاي الكاع واحنه كاعدين بحلاله !!!!

#يتبع......

وان شاء الله بس يقوة النت انزل كل استفساراتكم🥰💞

#ملوكه

🍒🌧🦋

النفوس الطيبة لها وجوه طيبة حتى وإن لم تكن ملامحها جميلة.

. ما يُزرع في داخل النفس تخرج ثماره في ملامحنا الخارجية… !

🍒🌧🦋


#مساء_الخير

يسعد اوقاتكم بكل الخير
#الابراج_اليومية الاحد 21 (فبراير) 2021 .

#الحمل
مهنياً: تبدو واثقاً جداً بنفسك وقد تحقق أمنية ما. تخطّط لسفر او تقوم به او يكون لزميل دور في ما تؤول اليه الظروف
عاطفياً: يوم مناسب للخطوات الحسّاسة: إذا كنت تريد تجاوب الشريك معك، تنال ذلك
صحياً: تقوم بما هو مطلوب منك صحياً، وترى أنك تتحسن يوماً بعد يوم
#الثور
مهنياً: بوسعك الاطمئنان، يساهم الحظ في تهدئة الأمور وإحلال السلام والطمأنينة
عاطفياً: في ما يتعلق بالحبيب انت مدرك تماماً اهتمامه واستعداده للوقوف الى جانبك
صحياً: لا تعاكس الظروف ولا تجعلها تصيبك باكتئاب وعزلة تبقيك في أزمة نفسية
#الجوزاء
مهنياً: يكون النجاح من نصيبك وتستعيد حيويتك، وتتلقى جواباً أو إشارة وتنطلق في مرحلة مهنية جديدة مليئة بالنجاحات.
عاطفياً: تسمع اليوم الكثير من كلمات المغازلة من الحبيب التى تدخل قلبك بسرعة
صحياً: تظهر بعض الصعوبات التي تمتحن صلابة أعصابك. كن جاهزاً لمواجهة الأمور بهدوء
#السرطان
مهنياً: لا تحاول أن تستفز الآخرين، فهذا لن يكون في مصلحتك، بل يؤدي إلى خلق متاعب أنت بغنى عنها
عاطفياً: تعاون مع الحبيب وحاول أن تتخطى مشاكلك معه. لا تفسح في المجال أمام الآخرين للتدخل
صحياً: لا ترفض أي دعوة للسفر إذا كانت تريح أعصابك وتبعدك عن هموم العمل
#الاسد
مهنياً: تتلقى عرضاً مغرياً يوصلك إلى تحقيق ما كنت تطمح إليه دائماً، وتحقق مكاسب كبيرة.
عاطفياً: قلق الشريك مبرّر، ولا سيّما أنّ تعاملك معه يدفعه إلى القيام بخطوات مقابلة
صحياً: حاول أن تكون سداً منيعاً في وجه شهيتك المفرطة، وقاومها بالسبل الصحية السليمة
#العذراء
مهنياً: لا تغامر من أجل أمور تافهة، لأن الأمر قد ينعكس عليك سلباً فتدفع ثمن اندفاعك غير المبرَّر.
عاطفياً: تقرّب قدر المستطاع من الشريك، فهذا سيريح الجميع ويمنحك مزيداً من التفاؤل للمستقبل
صحياً: كما عليك واجبات في العمل، عليك أيضاً واجبات تجاه صحتك. اختر المناسب لذلك
#الميزان
مهنياً: تبدوحيويتك قوية، كذلك الإرادة لاجتياز العقبات واختراق الحواجز السابقة، وإقامة علاقات مهنية ممتازة
عاطفياً: الرغبة في مصارحة الشريك مهمّة، لكنّها تؤدي إلى كشف الأوراق كلها، فكن مستعداً لذلك
صحياً: أنت صاحب إرادة لا تلين عندما تنوي الإقدام على أمر ما، وهذا ما تبرهنه بالنسبة إلى اتباع حمية صحية
#العقرب
مهنياً: أخبار سارّة وانفراجات مهمّة تطال الوضع المهني في الدرجة الأولى. تتحمّس لكل ما هوجديد وجريء
عاطفياً: تشعر بالجاذبية الزائدة وتترك أثراً لدى الجنس الآخر. تتأجج العواطف وتفجر مشاعرك بقوة
صحياً: انتبه لصحتك وسلامتك، واحرص على وصول رسالتك من دون تحوير أو تهميش
#القوس
مهنياً: في حال شعرت بأن لا بد من تبديل موقعك في العمل، حاول بذل المزيد من الجهد في الأيام القليلة المقبلة لتحقق ذلك.
عاطفياً: تبدو مرتاحاً اليوم وتعرف كيف تتخذ القرار المناسب، وتهدّئ من روعك بعض الشيء
صحياً: الاضطراب الذي يلازمك منذ مدة يظهر جلياً من خلال تصرفاتك مع الآخرين
#الجدي
مهنياً: تحاول أن تحسن من دخلك المادي من خلال القيام بمشاريع جديدة. لا تقم اليوم بأي مجازفات وأنت تدرك أنها لن تكون في مصلحتك
عاطفياً: يسود جو من الرومانسية مع الحبيب، ولن تصاب بالخيبة على أثر تصرّف بدر منه
صحياً: تتمتع بصحة وعافية ممتازتين، ولا غرابة بذلك فأنت رياضي من الدرجة الأولى
#الدلو
مهنياً: تزداد ثقتك بنفسك بعد النجاح الذي حققته في الفترة السابقة، لكن يستحسن أن تتعلم من الماضي لتنجح في المستقبل
عاطفياً: حاول أن تتجاوز الخلافات البسيطة مع الشريك، لأنّ ما يجمعكما قد لا تجده عند أي شخص آخر
صحياً: إذا كنت ممن يستخدم الكمبيوتر بكثرة، عليك الانتباه إلى الألم الذي قد تصاب في الظهر
#الحوت
مهنياً: تنهمك بجدول أعمال مكثف وعليك أن تنجز القسم الأكبر منه سريعاً، لكنك قادر على إنجاز المهمة على أكمل وجه
عاطفياً: أجواء ممتازة مع الشريك خلال هذه الفترة، ولعل الصدق يساهم في خلق هذه الأجواء
صحياً: انتعال الكعب العالي بكثرة يسبب آلاماً للظهر، يستحسن الاستعاضة عنه بكعب متوسط الارتفاع

#من_غرائب_الأبراج 👌

#الحمل
هذا البرج مخلوق جدا عدواني عندما تعامله بدونية أو تهميش أحذر كل الحذر فأنت عندها تتجاوز حدود الخطر وستضر نفسك كلاميا وقد تصل إلى الضرب منه فلا تحاول التلاعب معه ..

#الثور
يتأمل منك أن تفهمه وتشعر به دون أن يطلب منك ذلك فهو لايعاتبك ويبقى صامتا ويتركك حتى تدرك مايريده لكنه سينفجر مؤخرا ان استمريت بتجاهلك ولم تحس به وسيكون كلامه جارحا ..

#الجوزاء
يتبع الجوزاء اساليب ذكية جدا ليبقى دائما في المقدمة فهو يستطيع ان يجعل الجميع يقومون بما يريد دون ان يجعلهم يشعرون بذلك ويعرف كيف يسير الأمور لصالحه غالبا ..

#السرطان
لهذا البرج مزاجية شديدة في الحب فهو من الممكن أن يحبك اليوم ويكرهك غد ويعود ليحبك بعد غد وحتى لو كان هذا الحب بينه وبين نفسه يعيش حبك كاملا دون ان يشعرك حتى ..

#الأسد
ثقته الهائلة في نفسه تجده يرى نفسه عظيما وجميلا ورائعا وذكيا والأفضل دائما حتى وإن كان في أسوأ حالاته فلا تحاول اقناعه بغير ذلك ..

#العذراء
هذا البرج يحتاج دائما بأن يشعر بالأمان المادي فهذا الشيء من الاساسيات ليكون مرتاحا مستقرا في حياته فعندها سيكون أكثر ايجابية وحبا وعطاءا ..

#الميزان
يتقن هذا البرج التعامل مع الأشخاص وكأنه دكتور نفسي فهو يعمل على استفزازك ليحصل على مايريد منك ومن ثم يعود ليرضيك وبهذا يستطيع أن يجعلك تثق به وبعدالته ..

#العقرب
انه الصامت الذكي يفعل مايريد بهدوء دون أي يشعرك فهو إن أحبك بقي ذلك سرا بداخله حتى يتأكد من مشاعره وسيقوم بتحرياته عنك بمل تفاصيلك دون أن تشعر بذلك أبدا ..

#القوس
عندما يفشل القوس في علاقة عاطفية قد يعود لعلاقاته السابقة ليس تنازلا بل ليرضي نفسه وحتى لا يكون مكسورا وقد يبحث عن بعض العلاقات السطحية عندها ..

#الجدي
هو قوي كالأسد لكنه لايحب التباهي بما يقوم به ولا يحب من يقوم بذلك هو يحب ان يسمع بعض الأطراء بالحدود الطبيعية دون زيادة أو تكلف على مايقوم به ..

#الدلو
يؤمن هذا البرج بالصداقة أكثر من الحب ولايجازف بالحب على حساب الصداقة فهو يرى ان الحب مؤقت أما الصداقة دائمة وهذا مايجعله محل ثقة الكثير من الأصدقاء ..

#الحوت
قد يظهر الحوت نفسه ضعيفا أما أهدائه وقد يحاول أن يحصل على شفقتهم أحيانا لبعض الوقت لكنه أقوى مما يظهر بكثير حتى وان ذرف الدموع ..

@stylegrils

#خبايا_الاقدار
❤️♨️
... البارت الواحد والعشرون


ياسين.. مايكون خاطركم اله طيب هسه
ادخلن يم نسوانه ارتاحن وانت بامان
ودك صدره بخفه..

ساهره.. مشكور ياشيخ بس ماانريد
تتأذون بسببنه عداوه بينكم وبين جبار

ياسين.. عداوتي ويه جبار طويله ودم اخوي
بالكاع بس عيب وفشل ع يستقوي ع نسوان
ارامل وبنات قاصرات..

كام وكف واحنه كمنه ويمشي ويأشر
كدامه اخذنه لباب دخلنه من عنده وصاح
ام اواب...

اجت مره متوسطه متعوبه حيل
بس وجهه ضاحك من شافتنه بسرعه
رحبت بدون ماتعرفنه وصاحت على مرت
حماهه ام علي ..

احنه دخلنه ويه ام علي وهي ظلت يم الشيخ
تحجي صاله جبيره بيهه قنفات خشب
كعدنه وجوهنه شاحبه كلنه خايفين
ماعدا ماما اشوف بوجهه قوه موطبيعيه..

شويه واجت ام اواب دخلت لغرفه بصف الدرج
وطلعت منهه حجيه جبيره بالعمر وجهه متروس
دگات ورسم حواجبهه اخضر ..

محنيه الظهر كعدت وبيدهه عكاز وتاخذ النفس
بصعوبه لابسه اسود وبالفوطه مالتهه دنبوس
اصفر يمكن ذهب..

حجت وهي تلهث هله بخاطرنه وهله بالداس
عتبت دارنه..

ساهره.. وبيج حجيه اعذروني اجينه
بدون خبر بس الزمن جار علينه

الحجيه.. منهي منجن مرت المرحوم
علاوي ؟؟

ساهره.. اني حجيه اني مرت علي
وهذني بناتي لبابه وفجر

الحجيه.. ضيفن خطارجن يفاطمه
هله بيجن الدار دارجن والملك مالكجن
الجن صدر البيت والنه العتبه..

ساهره.. كثر الله من امثالج امي
والبيت عامر باهله بس التجئنه الكم
ماعدنه حل ومحد يحمينه والزلم التحمينه
ببغداد واستغلوا ضعفنه...

الحجيه.. عمر الظلم ميدوم يابنتي
واكو رب حليم قوي بلمحه بصر
يخلصنه...

دفنت ابني الشاب وظلت مرته
وجهاله وهو ماله ذنب مايعرف غير
الزرع والحلال وغدروا بي المايخافون
من الله..

وينج يفاطمه حضري الحجره الفوك
وخلنهن يرتاحن وزهبن الغده
الهن..

لبابه..اباوعلهه شنو من حجيه شنو من كلام
ماحسيت غير الضربه برجلي من فجر وهي
دكلي هاي الحجيه نوغانيه( نورانيه)

... شمدريج بعدنه ماشفنه شي؟
فجر.. اسمعي كلامي جانت تحجي وتباوع للحجيه
هاي انسانه مؤمنه وغاح تحب ماما حيل

لبابه.. وانتي منيلج هالحجي شو عندج طلعات
مال كشافات
فجر.. ولي اسمعي كلامي وبس!!

لبابه.. فجر دائما تباوع لشخص تحجي عنه
كلشي اتذكرهه ع جراح كالت ماارتاحله
رغم صغر سنه بس ماتشاركني بأي شي
ومرات احس وراهه اشياء جبيره مخفيه

اخذونه للغرفه الفوك بيهه بوفيه وعليهه
فراشات وبالكاع مفروشه حصيره وداير
مدايرهه جودليات ومخدات..

كعدنه وجابلونه مي ودولكه لبن وماعون تمر
اكلنه مثل المجاعه جان اكو شباك فوك كمت باوعت
منه الشباك يطل ع القصر بس بعيد
مااميز مجرد خيال ...

رانيا مددت وجهالهه لاحس ولانفس
من شافوا امهم بس تبجي يصفنون عليهه
وهم ساكتين

ماما كاعده والف حسبه ابالهه عقيق
ساكته واشوفهه تسبح باصابيعهه ...

ظلينه ع كعدتنه لحدما سمعنه اذان الظهر
اكو مغسله فوك توضينه وصلينه بالسره
مانفكر كل حملنه شمرناه ع ماما..

حته خاله ام رانيا كلما تسأل ماما شلون بينه
دكلهه انتي لاتفكرين عوفنهه وراي

شويه واجت ام علي كالت تعالن اتغدن
نزلنه جوه بالصاله فارشين سفره
الخير مكوم بيهه صواني وسط متروسه تمن
ولحم

الحجيه وام علي وام اواب كعدن
ويانه يسولفن سوالف عاديه
كملنه وجابو الجاي واحنه مثل الالات
المسيره يكولون اكلو ناكل اشربوا نشرب...

حجت الحجيه الضيف اله ٣ ايام يله
ينسأل بس انتن مو ضيف انتن من اهلنه
وهسه لزوم تعلمني بالصار..

حجت ماما كامل التفاصيل والحجيه
تسمع وام اواب كاعده ويمهه القوري
كلساع تصب استكان للحجيه ..

الحجيه.. انتو اهلنه مايصير تدخلن
علينه واجبنه وواجب ازلامنه حمايتكم

ساهره.. حجيه مانعرف صار سنتين هنا
ويادوب تعلمنه ع العادات صعبه علينه
بين يوم وليله نترمل وننذل

الحجيه.. يا ام البنات ماحفظت اساميهن
انه ابوي شيخ من غير عشيره وانطاني
للشيخ خضير وعشنه كلنه بالگصر
وهذا جبار جاهل تربى ع ادينه انه وبركات

وتالي اول ما صارتله نياب غدر بفاضل
ابن بركات ورد على ضناي وكتله وذبه
بالگونيه بالشط

انه براس ياسين مااريد الدم هاي الاحفاد
مالهه ذنب بالصار تچتلت هواي شبان
مثل الورد

وهسه بعد الصار لا والله مايصير
نسكت عن الحق شله عليكم نسوان
ماعدهن والي مستگوي عليهن
من كون يهطرك رب العالمين ...

وينهه مرت السبع چااا السبع
ضامهه علينه ؟!

ساهره.. خطيبته حجيه هاي كدامج
اسمهه عقيق
الحجيه.. دهر فرهن منين هاي الاسامي
خايبات شلون احفظهن

خلني اعرفجن ع بنياتي وشايلات
كبرتي هاي مرت الشيخ ياسين
اسمهه فاطمه وعنده بس ولد واحد
اسمه اواب.

وهاي ام علي مرت طه عدهه ولد ٢
وبنيه ومرت المرحوم الثالث رجعت
لاهلهه هي بنت عمنه موغريبه..

ساهره.. الله يخليكم ويحفظكم بس الشيخ
ياسين كال مرت السبع مودخيله يعني
شلون ارجعهه وهي وحيده وماعدهه احد
ومقامهه من بناتي

الحجيه.. صدك حضريه وماتعرفين
قصده الكاع هاي للسبع والمضيف بكاع
رجلهه شلون تكعد دخيله بكاعهه ؟!

ساهره.. والله حجيه احنه كلشي مانعرف
حته كالو السبع مايملك بس البستان مال
ابو

الحجيه.. يمه صوب جبار مايملك بس
البستان القديم بس يمنه يملك هاي الكاع
وللشط هاي اله

سنه منهن وكعنه بورطه وردنه نبيعهه
وهو اشتراهه وكال تبقه كاعكم

ساهره.. اذا عرف جبار بجيتنه
يجي يهد عليكم مثل هذيج الليله

الحجيه.. دره دره يبنتي ومايكدر
يسوي شي انتي جنج فطنه وتفتهمين
من جبتي مرت السبع وياج

بيا عشيره مرت الشيخ تدخل دخيله
يم شيخ ثاني السبع شيخ ع جبار وبيت
جريان غصبآ ماعليهم بس مانعرف البراسه
وليش ساكت عن حگ ابو...

لبابه .. ظلت تسولف هي وماما وحته
خاله اندمجت وياهن بالحجي اله رانيا
عيونهه ماتسكت ابد بكل نفس تاخذه
وكالت وينك بابا...

انكسرت وذبلت وغابت ضحكتهه
صارت ماتعوف مكانهه ابد جانت ماتشبع
من السوالف والضحك هسه مثل الحمامه
المذبوحه..

ماصعدنه للغرفه ظلينه كاعدين هدوء بيتهم
عرفنه منهم ماعدهم مره تطلع للشغل والخدمه
والزرع والحلال مومثل القصر بس اسم
بس كلهه تخدم هناك

هنااا المره معززه مكرمه يريدون شي يدزون بيد
واحد من زلمهم نظافه وترتيب رغم بناء البيت
قديم وبي غرف هواي بس من البيوت القديمه
النكول تراثيه..

جنت كاعده بصف فجر ودك تليفون عقيق
بس رفعته كالت خاله هذا السبع!!!
اشرتلهه ماما ترد علي فتحت خط
وكالت الووو وسكتت ..

عقيق.. اعرف خطأ ماكتله بس استحيت
اخالف كلام خاله وكالت لحد يتصل
بس فتحت الخط لاول مره يرفع صوته..

وكال انتي ليش ماحجيتي شلون
ادخلين دخيله عند شيخ وانتي مساميه بأسمي!!

عقيق.. ظليت ابلع بريگي مااعرف شجاوبه
وكلهه كاعده بس كتله ماادري..

السبع.. استغفر الله واتوب اليه واخذ نفس
عالي وزفره وكال انطيني ام شهد..

عقيق.. انطيت التليفون لخاله حجت وياه
وكالتله اني منعتهه بس صوته عالي من التليفون
وخاله ساكته والحجيه تأشر لخاله دكلهه
اسكتي..

الظاهر هاي جانب من عصبيته وبدت تظهر
سدته خاله وكالت هذا السبع يكول بليل يجي
لهنا اي شي يلومكم علي كولوا خاله ماقبلت..

الحجيه.. عوفنهه وره الزلم چاااا هي وليه
يزوج ويطلگ بكيفه جبير خفت لهذيج الشوفه

فجر.. لبابه اني راح اكلكم شي؟!
لبابه.. شنو؟!
فجر.. جباغ غاح ينهزم
لبابه.. شمدريج؟!
فجر.. احساس!!

لبابه.. لصمي حلكج
فجر.. انشوف وعود اني اشگ حلكج اوصله
لاذاناتج

عقيق.. اكول للسبع
فجر.. شدكولين؟!
عقيق.. اكله دكول فجر جبار راح ينهزم وعدهه احساس
فجر.. خاف ميصدگ هي اختي متصدك
بس انتي تصدگيني

لبابه.. كافي اسكتن لاتدخلن وتخربطن عليهم
احنه هنا بامان وهم يحلوهه..

فجر.. ماتخابغين جغاح
لبابه.. وليش اخابره
فجر.. مو خطيبته وع اساس بامانه
وينه ماينطي موقف جاد..

لبابه.. مالي علاقه... ماادري اصلا يدري لولا
بس اكيد عمه زينب مدكله لان تخاف علي
لان بعيد...

صار الليل وتعشينه والشيخ ياسين
ماشفناه وهدوء الوضع الحجيه تسبح
بسبحتهه واحنه كاعدين ..

شويه وصار صوت رمي قريب
حيل بس متفرق ويسكتون شويه
ويصير صوت...

اجت تركض ام اواب وهي تصيح
حجيه ياسين طاب بكاع جبار
وحده !!

الحجيه.. ضربت عكازتهه بالكاع وكالت شنهي
ياسين يروح للموت برجليه ويكول جبار
تعده عليه انه امك ياياسين..

فاطمه.. ولا واحد هنا بس اثنين من الازلام كلهم
رايحين وطه جنه رايح وراه خاف يغدر
بيهم جبار..

واحد من الازلام يكول السبع مكوم القصر
ومكعده ع راسهم وجبار جنه موهنا والواكع بيهه
عامر وعباس ونفس حالة السبع القديم راده
علي

الحجيه.. وينه ضرغام وينه جراح؟
عايفين السبع وحده!!

فاطمه.. يكول ضرغام وجراح ملتحقين
وبس السبع عايف شغله من خابره ياسين
وجاي يركض ع جبار ومالاگي..

الحجيه.. جبار شرد يدري بخبال السبع
وعرف دخلت النسوان ع مضيفنه
راح يهجم الگصر ع راسه..
وچاا هذا الرمي عليمن؟!

فاطمه.. هاي ولد جبار يضربون
ماتدرين ماعدهم غير السلاح..

الحجيه.. اذا اجه ياسين خلنه يجي
انه اريد احجي ولزوم ياخذون بحجي...

لبابه.. التفتت ع فجر طلعت السانهه
عيب عليه وتسويلي حركه بحلكهه عود
اشگ حلكج اليوم

هاي شلون حست ؟!وشمدريهه؟!
كلشي صار غريب من ماما لاختي
كل وحده تفكر وحدهه ومحد يشارك غيره
بالافكار...

ظليت صافنه بين فجر لماما لعقيق
المدري شتقره وتسبح يوميه مغامره
ويوميه سالفه انريد يوم واحد انام براحه
ماكو...

فوك الساعه اجت فاطمه كالت الشيخ راح
يدخلن عدلنه كعدتنه وسمعنه صوته
كال يالله ...

من فات جان هو واخو طه والسبع
كال السلام عليكم وكعد والسبع دنك ع راس
الحجيه باسهه وهي جرته باسته من خده..

عقيق.. مدنگه بالكاع خجلانه من وقفي هو
دائما يوصيني احجي اي شي يصير بس هالمره
ماكدرت ..

رفعت راسي اجت عيني بعيني وغمض وفتح
عينه بنظره اطمئنان وهز راسه بهدوء
بمعناتهه اطمئني قابلته بابتسامه...

ساهره.. اعذرني يالسبع طلعنه بدون علمك
بس ماجان عدنه حل وخفت ع بناتي راد
ياخذ لبابه غصب ..

السبع.. ماكو شي غصب بس هذا الله
مذره واستعجل ع موته ولو زلمه وبي
خير ماشرد

ياسين.. عمرهه ماتنحل المشاكل بالعصبيه
ولاتخلي الشيطان بينكم هاك شوف لو اخذ ثار
اخوي وثار دگتنه بنص الليل محد يكول يلومني..

بس ماعندي دليل علي هو كتال اخوي
ودگته بنصاص الليالي كال بنت مخطوفه
من عدهم وهم العشاير تنطي العذر

السبع مااشور عليك لان ادري بيك
عقلاني بس هاي دگتك لعامر وعباس
واهانتهم كدام ازلامهم ونسوانهم
كلش كافيه..

السبع.. هاي تاليتهه انغيب يوم عن القصر
نلكه نسوانه دخيلات لا والله يا ابو اواب
هذا جابهه لنفسه وحق هو علي اله ازوعه
العافيه..

الحجيه.. يالسبع موهيج انه ادري دمك
حامي بس الايد الوحده ماتصفك خلي
يجي ضرغام وجراح وياك

وهي البت موخطيبه جراح چااا شبيكم
خايفين عليهه خلنه يتزوجهه..

ساهره.. لاحجيه بنتي ماانطيهه لجراح
ياسين.. ليش انطيتهه بالبدايه شنو التغير؟

ساهره.. جراح يريد بنت خاله وجبار رايح
طالبهه من ابوهه ومتفق وياه خطبته لبنتي
مجرد حمايه لبابه صغيره اشافت من حياتهه
حته تنزل ضره عليهه..

ياسين.. صدك هالحجي يالسبع؟!
السبع... ااي جبار خطبهه وجان ماقابل
وهو مفكر بام شهد اذا سمعت ماتقبل حته يعيد
نفس السالفه هم لوتزوجيني لو ازوج بنتج لواحد
من احفادي

ياسين.. چااا هو الزواج بالغصب اتسودن هذا
موعنده نسوان اثنين ماتخلوني اطگه طلقه
بكلبه واخلص الوادم من شره..

السبع.. هسه باجر راجع انه خلوكم وياي
اريد جبار يطمئن من كل النواحي مااريد
يحس بشي حته يطلع من غاره..

ضرغام عدهم انذار يومين ويجي وانه
فهمته بخطتنه كاافي انه اتهاونت وياه
هواي وهذوله ولده زلمه البيهم اليوصل الشارع

ياسين.. انت كسرت رجليهم منين يوصلون تروح
وتجي وهم مجبسين رجليهم

السبع.. البنات بامانتك شغلي مااكدر اعوفه مده شهر
عندي جراح تدريب ويوميه ماخذيهم ابمكان
حته مانكدر نكله يقلق ...

ياسين..روح واطمئن البنات بامان هن وامهن
واهلهه وراح افتحلهم بيت المرحوم بسدنه
ياخذن راحتهن بي...

السبع.. ماتقصر يا ابو اواب وماامن عليهم
بس يمك انتن اطمئنن راح تنتهي هاي المهزله

لبابه وفجر اني امر لمدرستكم وانشوف مديرتكم
بلكي نسويلكم اجازه شو شلون بين مانأمن عليكم...

هسه راح اروح باجر الصبح امر ع عقيق
اخذهه وياي والتفت ع الحجيه وكال
يمه البنات بامانتج وهاي ام اللسان لاتزعلوهه
واشر على فجر...

الحجيه.. وينهه ماسمعت السانهه هاي الخايف
منهه جبار من عمت عينه بس انتي ماكدرلج

فجر.. حجيه مواني بحمايه جمغه وكال
اهد القصغ على غاسهم

كلهه ضحكت من تحجي وهي ولا يمهه
دكلهم ياااا ميدغون بلساني..
الحجيه.. دهر دهر جبار خايبه هذا السانج
منين مكسور...

عقيق.. طلع السبع هو والشيخ شويه
ودزلي رساله اخذي دواج ونامي
باجر امر اخذج...

ثاني يوم اجه اخذني وكال احسن
حته مااظل قلق ماعندي نقطه ضعف
بس انتي ومايكدر يلوي اذراعي بس بيج...

جان يحجي ومركز ع الطريق بس
وجهه ثگيل عليه لان ماكتله واني
ظليت ساكته ...

....

لبابه.. انطونه ثاني يوم بيت اخوهم المات كامل
ومفروش بس غرفة نوم ماكو كالو مرته اخذتهه

الشيخ ياسين خله اثنين زلم حمايه للبيت
حته من نحتاج شي بس تصيح ماما يركضون
يجيبوا ...

علاليك المسواك اشكال من مخضر ولحوم
يعني فعلا ماقصروا وقاموا بالواجب باحسن
وجه..

مر اسبوع هدوء واكو خطه بين السبع
وياسين ومانعرف شنو خابرتنه ام جراح
كالت اني يم بيت اخويه ..

سولفتنه شلون السبع بيومهه متضارب ويه
عامر وعباس دكول تخبل عليهم كسر رجليهم
وعفتهم مجبرين وكاعدين مثل الجهال ...

جراح دورة تدريب وقليل يخابرهه
كالت سأل ع لبابه داومت وكتله اي
ماكتله ع السالفه خاف يقلق...

فاطمه مرت الشيخ ياسين تجينه
يوميه تشوفنه محتاجين شي
بيومهه اجتنه العصر وجايبه خبز حار
كالت خبزت وجبتلكم...

كعدت يمنه وتحجي ويه ماما وخاله
سالتهه ماما شكد عمرج وتزوجتي؟
فاطمه.. ١٤ سنه انطوني هديه للشيخ ياسين

ابوي رجال عامي وكع بطلابه احنه من القرنه
ومن واحد لواحد عرف الشيخ خضير قبل
لايموت وصار صديقه ومن مات وسمع بياسين
يريد يتزوج كوم وانطيني هديه .

ساهره.. وشلون عشتي ماحسسج بشي؟!
فاطمه.. ابد ماحاسسني حته سوالي عرس
وانطوني مهر حتلو هديه وربيت ع ايد
الحجيه ماعده بنات بس الولد...

وصار عندي اواب حبلت من ليلتهه
وجبته طبيعي وصلت الموت وقبل ماكو
مستشفيات وبعيده وجابولي الجده للبيت
وصار عندي نزف

وره شهرين تعلعلت ويوميه بطبيب
وتالي شالو الرحم مالتي من راس اواب
وهاي اسنين طويله والشيخ ماتزوج عليه

يكول انتي هديه من رب العالمين
وما افرط بيهه وهاي قسمتنه نظل بولد
واحد ..

ساهره.. الله يخليكم شكد عمره اواب؟!
فاطمه.. بعد طولي وعمري اواب اجه بسنه
١٩٨٤ وهسه مو هنا ببغداد يدرس طبيب اسنان..

ساهره.. ماشاء الله الله يفرحكم بي هو واحد
والله يعز شانكم ويرفع اسمكم