#مشاركه
الغي هو وامه 😂شني هاي من يوصل يمي يلغي غير اموته

#مشاركه
الحنة والذهب الغيهن

#رد
فمثل ماشفتو اقتراحات البنوتات
حفلة العقد ممكن تلغوها ، الحنة عادي اطبكيها وي العرس ، الأكل مدري الغدة هم الغي ،
طبعا هالحجي بالنسبة اللي وضعهم المادي قليل واللي متمكنين ووضعهم طبيعي فعادي كلشي سوو

بس كذهب وعرس وقاعه وتصوير وشهر عسل هذيني ابد ابد لاتلغوهن لان هاي اللحظات هي مرة بالعمر ومرح تتكرر 😢فحرمات اذا ماتاخذيهن كذكريات..ولادكولين اذا اتزوجت اللي احبه الغي كلشي علموده ..لان انتي باجر عكبه تتندمين وتتحسرين عليهن

فاذا فديوم اجه نصيبج وكلج الغي حفلة العرس لو شهر عسل ..الخ
لاتقبلين وكوليله ..عادي نأجل العرس لسنة جاي حته تكون نفسك🌚

واللي اتزوجت وصارت ظروف ومسوت عرسها بشكل كامل..مو مشكله ب عيد زواجكم الجاي..اجمعي المقربين من اهل وصديقات وسوي حفلة بالقاعه وموشرط تلبسين مرة لوخ بدله بيضه...البسي فستان نازك و بسيط بس الاهم تعيشين 🥰اللحظات الجماعية من فرح وركص ووثاني يوم سافرو للبلد اللي يعجبكم..صح مو مثل اجواء العرس..بس رح تتونسين وتبقى لحظات حلوة
وبالتوفيق لكلجن حبايب وان شاء الله تعيشين هاليوم المميز بكل تفاصيله😍🦋


#ملوكه

كل بنت الها هواية أنتي شنو هوايتج؟
الطبخ😋 لو المكياج💄


أني المكياج العشق😻😻

#ملوكه

_
كن صادقا في حياتك قولا و فعلا ولا تكن متناقض بين قول جميل و فعل لا يليق بك ،فمن جمال الحياة و روعتهاأن يتوافق كلام الإنسان مع فعله ..
🍀💛

#مساء_الخير

يسعد اوقاتكم بكل الخير
#الابراج_اليومية السبت 20 (فبراير) 2021 أ

#الحمل
مهيناً: إذا أردت تحقيق شيء رائع فهو يحصل اليوم. الكواكب تنير طريقك لاتخاذ قرارات مهمة
عاطفياً: يمنحك الشريك الكثير من الأمل في نقلة مهمة على صعيد حياتك العاطفية
صحياً: الأيام الباردة تسبب الكثير من عوارض الزكام وغيره، فتحاش الصقيع قدر الإمكان
#الثور
مهنياً: أجواء جميلة ونجاح في الأعمال او الانطباعات، سايرة الظروف إذا تعلّق الأمر بشراكة.
عاطفياً: كُن عاقلاً وتفادَ الجدال والدخول في نزاعات مع الشريك مهما تكن درجتها من الأهميّة أو السخافة
صحياً: ما تقوم به أخيراً بالنسبة إلى اتباع حمية يرتد إيجاباً على وضعك الصحي
#الجوزاء
مهنياً: يدخل القمر الى برجك فتحظى بشعبية لا مثيل لها في العمل بسبب أفكارك النيّرة التى تطرحها
عاطفياً: لقاء عاطفي يجمعك بشخص مميز اليوم. تستعيد الأجواء الجميلة قرب الحبيب
صحياً: من شأن التوتر المتواصل والقلق التأثير سلباً في وضعك الصحي. انتبه
#السرطان
مهنياً: لا تستغل الظروف الصعبة لزملاء العمل كي تحقق مآربك. قدر ظروف الآخرين
عاطفياً: حاول أن تخصص المزيد من الوقت للحبيب وامنحه ما يستحقه من حنان وعاطفة
صحياً: لا تكثر من شرب المنبهات مساء، واستعض عنها بمشروبات ساخنة مفيدة
#الاسد
مهنياً: يحمل هذا اليوم تطوّرات ايجابية ومشاريع خلاّقة واخباراً جيدة على الصعيدين المهني والشخصي.
عاطفياً: يلفت نظرك شخص فتقع بغرامه من النظرة الأولى. سرعان ما تفكر في التمهل بالارتباط
صحياً: صمّم على محاربة السمنة، وضع خطة للقضاء عليها قبل بداية فصل الصيف
#العذراء
مهنياً: لا يناسبك المربع الفلكي بين القمر من الجوزاء والشمس من الحوت لذلك كن متنبها ولا ترفض أي خطوة، والعشوائية لن تكون في مصلحتك
عاطفياً: يدعوك الشريك للخروج معاً في سهرة رومانسية، تقبلها بسرور، وربما تقومان بسفر
صحياً: تبذل في العمل جهداً لتحصل على النتائج المرجوة، المطلوب منك الأمر نفسه على الصعيد الصحي
#الميزان
مهنياً: هذا اليوم يَعتمد الجميع على كُلّ كلمة من كلماتك، سترى العالم عند قدميك.
عاطفياً: قد تفكر في مغازلة أو تتفق مع الشريك على تمضية نهاية أسبوع بعيداً عن روتين الحياة العملية
صحياً: لا تتعب أعصابك وتنفعل أمام أمور تافهة لا تستحق سوى أن تمر عليها مرور الكرام
#العقرب
مهنياً: أجواء العمل الجيدة ضرورية، بهدف التمكن من إنجاز الأعمال المطلوبة منك بجدارة ونجاح
عاطفياً: تسافر والشريك في ظروف مريحة، لكن عليكما الحذر بشدة، ولازما مكانكما إذا استطعتما
صحياً: تحميك الأدوية من أخطار قد تطال صحتك أو سلامتك، وعليك حماية نفسك والتروّي في بعض الأحيان حتى لا تعاكسك الأقدار
#القوس
مهنياً: لا تحاول أن تفرض آراءك بالقوة على زملاء العمل واقبل المناقشة. لا تشعر بالوقت اليوم بسبب كثرة ضغوط العمل من حولك
عاطفياً: لا تهمل الحبيب على حساب عملك. بل حاول التقرب اليه باستمرار.
صحياً: تجنب النشويات قدر الإمكان، واختر من المأكولات الأقل دسماً ودهنيات
#الجدي
مهنياً: الصعوبات المادية التي كانت تقلقك في السابق، في طريقها الى الزوال، لكن الأفضل أن تكون حذراً في المستقبل
عاطفياً: حاول ألاّ تتسرّع في قراراتك تجاه الشريك، وخفف من العصبية لئلا تزداد الأمور حدّة بينكما
صحياً: تعامل مع صحتك باهتمام كبير، ولا تهمل كل ما يبقيها سليمة ومعافاة
#الدلو
مهنياً: تبدأ ورشة عمل تهدف الى ترميم بعض العلاقات. لكنّك لن تحصل على الفرصة المناسبة لمباشرة تنفيذ مشروع في الوقت الحاضر
عاطفياً: تنجح علاقتك بالحبيب وتناقش اليوم الكثير من القضايا المهمة حول مستقبلها
صحياً: تبادل الأفكار المفيدة للصحة مع الأصدقاء، ولا سيما إذا كانوا أخصائية تغذية
#الحوت
مهنياً: حماستك للوقوف إلى جانب الآخرين قد تورّطك في بعض الأخطاء، فتمهّل قبل فوات الأوان، وهذا أفضل
عاطفياً: تطورات كثيرة في العلاقة بينك وبينك الشريك وخصوصاً بعد الأجواء الإيجابية السائدة حالياً
صحياً: اختيار الأحذية الرياضية الطبية أمر مهم، واستشر أصحاب الاختصاص قبل اختيارها

• لما يسولفـون صوتههـم ععـآلي🙊😻‘
وعليهـم مواضيع جميلـةهَ غصب عليكك يخليـك تسمع لههـم و تستمتع😸‘👅-

#الدلو #الميزان #الحمل
#الاسد #القوس #العقرب

┇دلوععيـن و دائماً أنوثت̲ـٰۛھۛمٰ طآغيـةهَ✊🏾❤️"

#الدلو #الحوت #العقرب
#الثور #السرطان #الاسد

أنثـى.الجـوزاء.tt ♊️”👱🏻‍♀ #

° أكثر إنثـى سريعـةهَ الخجل ، وسريعـةهَ البكاءء ، ودائماً نعومـهـۛۃٰ و ككٰيوٰ୭ت💜‏ֆ

✧ يككرهـون المجاملات والغموض ويعشقـون الواقـع🐼🖤 #

#الحوت #العذراء #الجدي
#الثور

∴ عاشقـآت الھْهدوء💜🥀ۦٰ
• أنتـن ୪ تحتجـن الحب فـي شـٰيٰء أنتـن الححـب بـ ذاتهھْ🐰🍭‘

#الحوت #الجدي #الثور
#السرطان #العذراء #الحمل

هي انثي ذكية : لا يغيب الإبتسام عن وجهها ، تجدها في أشدّ الظروف تبتسم ، تتكيّف مع الألم حتى وإن شبعت من الخيبات ؛ تعرف كيف تصمد وتتقبل وتنسى وتتناسى 🙆‍♂🌸

#الجدي #الاسد #الحمل
#الجوزاء #الثور #الميزان

#خبايا_الاقدار
❤️♨️

... البارت السادس عشر


رانيا... باوعتله واني متفاجئه راح
تعتقلهم واني شنو؟

ضرغام.. انتي شنو ؟ انتي هسه عليج
السكته رانياااااا وهيج جرهه والراء
شدد علي..

مره وحده اسمعي الحجايه
ولااطلعين ولا تحجين بشي
هسه يسألوج وين جنتي وشلون؟

احجي كولي انخطفت وكولي انضربت
ع راسي وخلوني بفلان مكان بس لتذكرين
الاحداث داخل الغرفه تمام؟؟؟؟

رانيا.. جانت اكو مغسله بالخارج
كتله خلي اغسل فوكاهه مرايه صغيره
باوعت لوجهي خد احمر وخد طبيعي
الراشدي مالته مبين..

التفتت علي وحجيت بعصبيه
هسه شلون اروح وهذا خدي هيج
ميسألوني منو ضربج؟!

ضرغام.. تعالي اسوايهن الج !!
رانيا.. ماجاوبته مستفز

غسلت ومشينه شويه وحجيت
رانيا.. اني مااعرف شلون اشكرك؟
ضرغام.. تريدين تشكريني سدي حلكج
وشغلي عقلج ..

هسه روحي لابوج ولجهالج وتليفونج
مختفي حاولي تتواصلين وياي من لبابه
اقل شي يصير انطيني خبر..

رانيا.. ماشي شكرا الله يوفقك
دخلت للحديقه وبوجهي للمشتمل
دكيت باب المطبخ فتحته فجر..

ع صوتهه كلهه اجت مااعرف احضن منو
وابوس منو؟! بابا لو ماما لو اطفالي
لو عمه وبناتهه ...

كعدت بالكاع وحاضنه اطفالي
ويبجون وياي سيوفي يمد ايده
ع خدي ويكول ضربوج؟؟

احس روحي جانت بعالم الاموات
ورجعتلي هسه بعد مامرت ساعه واني
احجيلهم وبابا يريد هسه يطلع من البصره
وعمه لازمته..

كمت اخذت ملابس ورحت للحمام نزعت دشداشتي
واشوف تشيرته لان لبست فوكاه نزعته واگلب
بي بحركه لا اراديه خليته ع وجهي
واشتم عطره ...

جان عطره هادئ حيل ورغم هو مدخن
بس ابد ماكو ريحه جكاير...

كملت وطلعت لبابه جابتلي عصير
ماكدرت امشط شعري لان احسه
مشكل گوه...

لبابه.. شصار بينه يارانيا غير گلوبنه
وكفت من الخوف من خابر جراح وكال حضري
ملابس الهه ولادكولين خفت حيل

رانيا.. هم اكو احد يدري؟
لبابه.. لا محد يدري كال جراح لتحجين
حته فجر متدري..

رانيا.. سولفيلي شنو هذا الضرب
وماعرفتوا منو سوه هيج؟

لبابه.. سولفتلهه السالفه وهي ساكته
وجهه شاحب كتلهه محتاجه شي

رانيا.. لااا بس اريد انام جيبي سيوفي
ورضاوي ينامون بحضني ولاتكعدوني

جنت اريد اهرب من التفكير ومن الصار
حضنت اطفالي ونمنه...

ابو رانيا.. هاهي نحضر غراضنه واخابر مختار
المنطقه يشوفلي البيت والوضع ونرجع
احنه اجينه نحمي نفسنه مو نقتلهه بأيدنه..

ساهره... لاتعوفني اني مستقوي بيكم
اخذوني وياكم خلوني ارفع دعوه عليهم
واطلع من هنا...

ابو رانيا.. مااعوفج نطلع كلنه مانضل يوم واحد
بس هسه مانحجي خاف يسوولنه شي..

لبابه.. احس راسي راح ينفجر طلعت للقصر
ع عمه زينب جانت تخبز وكفت يمهه حجيتلهه
وهي ساكته ..

اخر شي نزلت النقاب من وجهه ويمهه
دولكه مي بارده شربتهه وكالت تعالي يمي
افهمج...

زينب.. اسمعي بنتي انتي ماعليج
خطر ولا حته فجر امج اي ينتقم منهه
جبار وخالج رجال ماعنده اذيه بس يلوون
اذراع امج بي..

هسه تروحين وتحاجين امج دكليلهه
دكول زينب تسكت منا لليل لان انه شفتهم
يخططون لشي ضرغام وجراح والسبع
مايدري خلي انشوفهم..

لبابه.. هو وين جراح؟!
زينب.. كومي كعدي نايم ع وجهه تعبان
تلكي بغرفتي نايم..

لبابه.. دخلت للقصر وسن موجوده كلت السلام
عليكم ورحت لغرفه عمه زينب صاحت بيه
ههييي وين موليه؟!

رديت عليهه كتلهه اريد جراح
وسن.. وشنهي فرخه هلكدج مصدكه نفسج
مخطوبه امشي اطلعي لا اكوم املش
شعراتج ...

لبابه.. خفت وانصدمت وماعرفت شجاوب
درت وجهي وردت اطلع بس وكفني صوت
جراح..

وهو يكلهه شعندج وياهه وشنو هذا الاسلوب
والصوت العالي اكو احد كالج انتي شيخ علينه!!

وسن.. شيخه عليكم انه بنت الشيخ جبار
لونسيت ..

جراح.. من جنه صغارنه علمونه الحرمه
تبقه حرمه مثل اسمهه لاتمد ايدك عليهه
ولاتغلط عليهه بس المثلج تستاهل تنهان
وتنضرب..

وسن.. وحگ الله اكوم اعلم الشيخ وتعرف
وسنه اذا كالت شيسوي ابوي..

السبع.. شيسوي!!؟!!

وسن.. كامت وكفت فزت من مكانهه
وكالت السبع هله ابن عمي كواك الله..

السبع.. انتي متزوجه وابنج بطولج
وماخذه ناس اوادم والمفروض من طلعتي
من ابوج تتطبعين باطباع رجلج بس انه اشوف
بيج وماتردين ليوره..

وسن.. لا يا ابن عمي انه وسن بنت الشيخ
ومتعلمه الاصول وتربيت ع ايدكم

السبع.. والسمعته شنهي ؟! لو ماد ايده
عليج جراح كدام نسوان القصر تظلج
مهابه ويظل هذا السانج يلعلع..

وسن.. السموحه يا ابن عمي جراح
اخيييه وجنت اتغشمر وياه ..

السبع.. جراح نص ساعه وتعال
انروح للمزرعه عندي شغل..

جراح.. هسه اجي ماعندي شي
السبع.. شوف لبابه وتعال لاتنسه
الكتلك علي..

لبابه.. طلع السبع والهدوء فضيع
كل مكان يوكف بي يخلي الهدوء طاغي..

وسن ماحجت حرف وكلهن ساكتات
بس نور مبتسمه ومتشفيه بيهه..

طلعنه ليبره كال تعالي هنا بالمضيف
اول مره ينسد باب علينه كعدت بصفه
المضيف فارغ ..

جراح.. جنت نايم تعبان حيل
لبابه.. جراح خالو راح يرجع لبغداد
وماما تريد ترجع ودكول حتلو اشتكي عليهم

جراح.. هسه نروح نحاجيهه ينتظرون
لباجر وانشوف ضرغام كال بس اليوم احموهم
والباقي عليه...

لبابه.. ماعرفت منو سوه هيج؟
جراح.. هو اكيد من عدنه واكيد جبار شكو
غيره بس البنيه ماحجت ودكول انخطفت
وماادري بشي..

لبابه.. من اجينه لحد هسه احنه برعب
ولايوم حلو عشناه..

جراح.. حقكم جانت حياتكم هادئه وبين ليله
وضحاهه اتغيرت ..

تعالي تقربي شو خلي اشوفج
عيونج ذبلانه ووجهج اصفر

لبابه.. غير البارحه متنه خوف ومنايمين
واتقربت كعدت بصفه

مد ايده لزم ايدي وايده الثانيه
مشاهه ع خدي غمضت عيوني
استحيت ..

جراح.. لبابه اتمنى اكدر اسعدج
وماتشوفين يوم موحلو وياي

لبابه.. ان شاء الله نخلص من هاي
الهوسه نزل ايده وجر نفس عالي
مال واحد مهموم..

التقت عيونه شفت بعينه شغلات
ماالهه تفسير شفت حزن !!
قلق !! هم جبير!!

بس ماشفت حب ابد كدرت افسر نظرته
بعدماظليت مركزه بعينه وعرفتهه تشبه
نظره السبع لفجر بس اني خطيبته ..

شفت حرص وخوف عليه اهتمام
حته يحميني بس الحب اليسولفون عنه ماشفته ابد
كبرت اني الاشهر العشتهه وياهم وخطوبتي
خلتني افتهم اكثر...

اكو نظره بعين السبع لعقيق
وهاي نظرة حب واهتمام من القلب!!

بس جراح ماشفت هاي النظره عنده
مجرد بنت عم وحماهه اشتاحني
شعور غريب سحبت ايدي من ايده .

واول مره اسأله واحس عقلي اليسأل
مو گلبي كتله انت هم عندك حبيبة قبل!!

سؤالي مفاجىء اله ارتبك وكال ليش
تسألين هيج سؤال؟!

لبابه.. هيج اريد اعرف عنك تفاصيل
جراح... اااي
لبابه.. منو؟!
جراح... مومهم منو راحت !!

لبابه.. وهسه ماتحب؟!
جراح.. لااا غير خطيبتي انتي
لبابه.. ابد مانطق كلمه احبج ابد ماسمعت منه كلمه
حبيبتي لو عمري لو روحي حجي عادي
وبسيط ...

ظليت ساكته وهو ساكت شويه وكال
كل انسان يمر بتجربه بس موشرط تظل
ملازمته حبيت من زمان وماتوفقت ..

لبابه.. خاف هم تحب بعد
جراح.. احب برائتج حيل واحب طيبة
گلبج صدكي لبابه الحب موكلشي

لبابه.. يعني انت ماتحبني؟
جراح.. لا شلون مااحبج انتي عزيزه
عليه ومستعد احميج بروحي

انتي بعدج صغيره لاتشغلين بالج
بهيج امور تأثر على مستقبلج
انتي الي واني وياج للموت اطمئني

لبابه.. دنكت العب باصابيعي ايده
تخلت ع كتفي وسحبني علي..

جان كاعد بالكاع ومدد رجليه وخلاني
جوه ايده وميل راسي ع صدره
وايده تتحرك ع كتفي..

هستوه كال اكو شغلات لازم تعرفيهه
وانفتح باب المضيف بقوته بدون سابق
انذار..

ضرغام حته مارزلنه هالمره بس كال
كوم كوم بعدين كمل تعال وياي بسرعه!!!

جراح.. ولللي ضرغام الله مسلطك عليه
ماتعرف ادك الباب شويه استحي يا اخي ..

ضرغام.. عايف المستحه الك وتتمعشگ
بالمضيف كتلك تعال بسرعه لاحك
ع هالسوالف..

لبابه.. فتت بهدومي من الخجل دايره وجهي
وهو سحل جراح سحل واخذه واني
من المضيف للمشتمل...

الفشله كلما اتذكرهه اصخن فوكاهه مامهتم
ولا اعتذر ولاتأسف ..

للعصر كعدت رانيا من النوم وكعدنه بالمطبخ كلنه
نسولف ونخطط شنسوي وصوت سيارات الشرطه
خبصتنه خبص..

كلهه كامت تباوع الي طلع واحنه نباوع من الشباك
شفت العجب بهاي القريه ...

سيارات شرطه ٣ ونزلوا منهه هواي بيهم ب٨
اكو ع اكتافهم نجمات شفت جراح انطه تحيه
لواحد وواكف يحجي وياه..

شويه وطلع ضرغام كلهم انطوا تحيه
وكلمه. حاضر سيدي !!

بس مافهمنه شكو والمن هاي الشرطه
بس رانيا وجهه اصفر ومبتعده عن الشباك...

شويه وصار عياط وصوت عامر وهو يصيح
اصلخ واذبح وهوسه منظر اتمنيته يصير
من زمان ...

جبار وعامر ورجل. عمتي نوفه اعتقلوهم
واخذوهم وسط تجمع زلم القصر وجراح واكف
وساكت ..

وضرغام ايده بجيبه ومرتجي
ع بنيد السياره ويحجي ويه الضابط..

اخذوهم تلاثتهم وراحوا وصار العياط
مال نسوان القصر والبجي عبالك عزه

احنه قفلنه الباب وماطلعنه واحد يسأل
بالثاني شلون وليش ومبين جراح وضرغام
الهم ايد بالسالفه..

السبع جان مموجود لليل اندك باب المشتمل
الحجيه بركات والسبع وضرغام وجراح
رحبنه بيهم وكعدوا..

الحجيه.. الحمدلله ع سلامه ام سيف
وگرة عينكم برجعتهه
ام رانيا.. الله يسلمج حجيه ومايشوفج مكروه

الحجيه... سمعنه ابالكم ترجعون لبغداد
ومحد يلومكم حگم بس وضعهه خربان
وچتل بالشوارع...

ابو رانيا.. حجيه من اجينه لسه احنه برعب
اني مااملك بس هاي البنيه وجابت عمرهه
تعب بتعب من زواجهه السابق لهاي العيشه
مااكدر اضحي بيهه ...

السبع.. حجي كلامك صحيح ومحد يكلك
لا بس واجبنه نحميك

ابو رانيا... رب العباد يحمينه كل واحد
بيومه يموت..

ضرغام.. انت كلتهه كل واحد بيومه
منطقتك القديمه تعبانه حته البيوت فلشوهه

ابو رانيا.. اموت ببغداد ولا هناا ياابني
ماعندي قدره احمي نفسي وعائلتي..

ضرغام.. عدل كعدته وكال خلي اخدمك
حجي !!

الصار موشويه وكلنه ماقابلين ع الصار
واحنه هاي حياتنه تربينه ع الطلقات
والموت عدنه بالجمله..

اني انطيك حل والباقي عليك
اطلع من القصر والمشتمل واجر
بيت قريب بعيد عن القريه واني اوفرلك
حمايه..

بحكم شغلي اني احتاج حمايه ع بيتي
اكدر ارفق بطلب هذا البيت الي ويوفرولي
حمايه للبيت وانت ترتاح واحنه بالنه هم يرتاح

ابو رانيا.. والله خجلان منك نقذت بنتي
هواي وهسه بهذا كلامك مااعرف شلون ارد عليك
بس اني مااريد اكلف احد ارجع لبيتي وخلي اموت
هناك..

ضرغام.. حجه بصوت ناصي بملل
هذا شراح يفهمهه خلكي بكد حبايه
العدس ماتفهمه رحمه لابوك..

السبع.. الزم اعصابك !! حجي كلام ضرغام
صحيح وانت اسأل وشوف من نكلك بحمايتنه
انتهت بعد محد يكدر يتعرضلك..

ساهره.. السبع واني لازم اطلع ويه اخوي
السبع.. اكيد ام شهد لذلك احنه انريدكم بالبصره
والمدارس راح تبدي هم يدرسن البنات

ساهره.. ابو رانيا نكعد وندفع ايجار احنه
وبس الحمايه عليهم لاتعوفني وحدي

ابو رانيا.. خلي اشوف ام سيف
متأثره حيل ومااكدر اضغط عليهه

السبع.. براحتك باجر الصبح لازم ترد خبر
انه طالع لبغداد وضرغام وره الظهر
يلتحق عاد نأمن عليكم وجراح روحته طويله..

لبابه.. طلعوا من عدنه وظلينه نتناقش ورانيا
ساكته اخر شي قررنه نقبل بعرض ضرغام

خالو ماعنده راتب وعايش براتب رانيا
ترك شغله ابغداد وكلشي بعد ماعنده امكانيه
يطلع ويدبر عيشه وحده وهو رجال جبير..

صارت ب١١ بليل هدوء بابا اتصل بضرغام وبلغه
بالموافقه واني مددت بفراشي اجه ابالي
جراح ليش ممرتاحه مومثل قبل؟!

صارت الساعه ب١ واني مانمت تليفوني
جوه المخده اهتز فتحته رساله من جراح
نايمه لوكاعده؟! اذا كاعده اني بالحديقه
تعالي !!

كمت اتسحبت من فراشي فتحت باب المطبخ
وطلعت شفته واكف ومنطيني ظهره حجيت
بهمس جراح؟!!

التفت عليه فتحلي اديه اثنينهم
ظلمه واشجار عاليه مشيت بخطوات
ثقيله ودخلت بحضنه..

حضني حيل مثل اول مره هو طويل واني
قصيره اديه التفتت ع ظهري وصگ ع اضلاعي
بقوه...

بعدني شويه وباسني من راسي
وكال ردت اشوفج باجر التحق .

لبابه.. هم تتاخر؟
جراح... نفس كل مره مااوصيج بعد
خليج حذره ..

لبابه.. ماشي انت هم ديربالك ع نفسك
جراح.. يله ارجعي نامي ..

لبابه.. رفع راسي بايده وباسني
من فكي من يم الحنك قشعر
جسمي وصارت نغزات خدر بشفايفي..

ابتعدت عنه ورجعت للمشتمل گلبي
يدك سريع مغمضه عيوني واريد
اسيطر ع وضعي

فززني صوت فجر هاااا حقيغه
اله اكول لماما عليج تطلعين نص الليل

لبابه.. انجبي سلم عليه باجر يلتحق
فجر.. ومو جان هناا ماسلم صايغه خفيفه
حيل ومثل هذني النسوان الكباغ

لبابه.... ولج اسكتي
فجر.. شوفي خدودج حمغ ظلمه وهن مضويات
متستحين

لبابه.. فجر نصي صوتج بس سلمت علي
وهو خطيبي
فجر.. ااااوي صايغه مثل نوغ وزمغتهه( زمرتهه)
يكولن خطيبي حلال چاااا غير ادلله

لبابه.. منيلج هالحجي ولج؟!
فجر... انتي مثلهن نوغ تكول هيج بس عقيق
حبابه مو مخطوبه ماتطلع نص الليل ..

لبابه.. الصمي ونامي درت وجهي عنهه
لان مااعرف اتقارش ويه السانهه ..

رانيا.. حضرنه غراضنه واني اي شعور ماعندي
لاقلق ولا راحه مااعرف شبيه احس كدامي
مستقبل مجهول..

اجت سياره نقلت الغراض واحد من حمايتهم
وظلينه بس احنه اجه جراح كال خلي اوصلكم بطريقي
السياره متكفي انقسمنه قسمين...

ظلينه اني وبابا وفجر ننتظر احد ياخذنه هذا الحجي
ب٢ الظهر صاحني بابا يله بنتي انروح ويه ابو ليث...

صرت من اسمع اسمه كلبي يدك وعقلي
يتضارب واذاني توش كلشي يتخربط
بيه..

صعدت وره اني وفجر ورضاوي بحضني
وبابا وسيوف بالصدر وهو جوه جان اجه
صعد وكال السلام عليكم...

ردينه السلام وحرك السياره تليفونه
كلساع يدك ويكلهم جاي هسه طلعت
من البصره...

رفعت راسي صرت اشوفه بالمرايه
لابس نظارات سود درت وجهي لايشوفني

وصلنه لبيت هم بقضاء ابو الخصيب
والبيت طابق واحد ومأثث كامل
نزلنه وبابا سلم علي وراح...

التهينه نعدل وانرتب للعصر
اجتني لبابه كالت هذا ضرغام يريد يحجي
وياج!!

جاوبته جان متصل كتله هلو ابو ليث
ضرغام... هله بيج اني خابرت ابوج وفهمته
وراح افهمج باجر الصبح اجي اخذج للمحكمه
محتاجينج شاهد

رانيا.. لا فدوه انت موكلت مالج علاقه
ومحد يذكرج!!
ضرغام.. لاتخافين الشاهد سري محد.يعرف
واني وياج وانتي هم لااطلعين بهذا وجهج
يجيب التايه

البسي نقاب حته تمطئنين اكثر
بس تشهدين وترجعين!!

رانيا... وهم هسه بالسجن؟
ضرغام.. عامر طلع بكفاله بس جبار ورجل
نوفه بعدهم..

رانيا.. ماشي بيش الساعه تجيني
ضرغام ب٩ اجيج علما اطلع من بغداد الفجر

رانيا.. سديته منه واني خوف ع قلق
باب يطمن بيه ويكول لازم ينالون جزائهم
بكلبي كتله ماتدري هم القتلو عباله بس ع سالفه
الخطف ..

ثاني يوم اجاني ب٩ وبس اني رحت
ماقبل يجي بابا كاله خاف احد يشوفك
بالمحكمه ..

جنت كاعده بالصدر وهو ساكت ماحجه ابد
وصلنه للمحكمه امشي وياه لحدمااخذني لغرفه
كام واحد اخذله تحيه وسلمه فايل

كعدت وهو كدامي والضابط يسأل واني
اجاوب واخر شي كال وقعي وقعت
واخذ الفايل وكاله دقايق سيدي
اوقعه من القاضي واجي...

ظلينه بس اني وياه هو بزي مدني
وكالعاده نفس الستايل واني لابسه
نقاب وبس عيوني طالعه .