رجعت ويه ماما لبيتنه فهمتني
بان هاي اتفاقيه حتخ مايزوجوني
وجراح حاجي ويه ماما وكايلهه بس بهاي
الطريقه اكدر احميهه...

فرشنه اني وفجر وظلينه انسولف
تأخر الوقت ومانمنه باوعنه للساعه ب٢ ونص
كمنه اثنينه نباوع من الشباك

كلشي ماانشوف بس بلكي نلمح احد
فتحنه الباب وطلعنه القصر مضوي
باوعنه من الباب الخارجي...

جان السبع كاعد بالثيل الكدام القصر
ووجراح نايم بالكاع ع ظهره ويباوع
للنجوم وضرغام كعدته المعتاده ضارب عكس..

مندمجين يسولفون والظاهر راجعين
من البستان فجر تغوغي يم راسي وتصيح
هسه يشوفنه جمغه...

ظلينه شكد انباوع من الباب
وهم يسولفون بيوم اليكونون
موجودين ماكو حمايه ...

ليش مابزونه طفرت ع بين رجلينه
وفجر هي كمزه هي فتحة باب واركضي
اجر بيهه بس بعد مايفيد انلزمنه..

رجعنه لمكانه واشوف واحد اجه منهم
يمشي علينه اريد الحك ماالحكت فجر انهزمت
واني الزمت..

لزمني من زندي حيل ورفعني ليفوك
خفت حيل عبالي السبع بس من حجه يله
عرفته جانت ظلمه .

جراح.. شلون اطلعين بنص الليل انتي
تريدين تخبليني
لبابه.. أااااأ هاي فجر

جراح.. فجر؟؟؟ لوانتي ام السان
انفاسه جانت قريبه عليه واشوف بس
بؤبؤ عينه يلمع وهاي اول مره اركز بعيونه

اثنينه ساكتين وواحد يباوع للثاني
وفززنه صوت غريب وحده طلعت من القصر
صاحت بفزعه
هاي شتسووون ؟!
يتبببببببع...... متابعه شيقه

#خبايا_الاقدار
❤️❤️♨️♨️
... البارت العاشر


ردني ردني
يالبگتني
بليلة أجيتك
دورت روحي اعلى روحي
لا شفتها ولا لگيتك ..
....

لبابه... فزيت فزه كمزت من يمه وايده بعدهه
لازمه زندي وصوتهه عالي وهي تصيح وين
ابوي الشيخ عنكم!!

جراح.. امشي دخلي جوه وعوفي ابوج الشيخ
شمطلعج نص الليل؟!

ايناس.. طلعت مثل طلعت ام بغداد
ماتستحين تتختلين بنص الليل

جراح.. راح اجي افرك حلكج كتلج دخلي
وسدي حلكج تعالي حاسبيني بكد اصبع رجلي..

ايناس.. چااا نسيت الاصول وصدكت روحك
خاطب عودين باجر افرك حلگي كدام الشيخ

لبابه.. حجت هيج ودخلت جوه وهو لازم زندي
سحبت ايدي من عنده وحجيت يعني
باجر هم راح اوكع بمشكله ؟!

جراح.. خلي تولي هاي دواهه السبع باجر
تجي تبوسج من راسج ..

هسه ماعلينه انتي شعندج طالعه؟!
لبابه.. طلعنه اني وفجر وهي انهزمت واني ظليت
جراح.. مانعسانه؟!
لبابه.. لاااا...

جراح.. لو ماضرغام كاعد جان اخذت للحديقه
بس هذا مخبل هسه يفضحنه..

لبابه.. راح اروح انام وباجر مااطلع اخاف
من الشيخ
جراح.. لاهاي فارغه مالج علاقه بيهه
نامي رغد..

لبابه.. تصبح ع خير
جراح.. وانتي من اهل الخير
لبابه.. عفته ودخلت جوه لكيت فجر نايمه
بفراشهه ضربتهه برجلي..

كومي لج حقيره ورطتيني وانهزمتي
فجر.. يمه وكع گلبي عبالي جمغه همزين
طلع جغاح

لبابه.. وتخافين من جمره
فجر.. لااا بس عيب شيكول بنص الليل
يباوعن علينه
لبابه.. والله تفكيرج احسن مني ودومج عندج
حكم ..

تغطيت وعيون جراح كدامي تلمست
مكان ايده ومبتسمه شعور حلو اهتمامه
بيه خلاني احبه وافتح عيني علي...

ثاني يوم ب١١ اندك باب المشتمل صوت جراح
يحجي ويه ماما كالهه خلي تحضر نفسهه لبابه
ورا الصلاة ارجعهه لبغداد تكمل امتحاناتهه

بسرعه حضرت غراضي وتغديت وصليت
واسمع الهورن مالته سلمت ع ماما وفجر
وطلعت...

صعدت بالصدر وامه واكفه بالباب شمرت
ورانه دولگه مي وتوصي بي اول مره اشوفه
بالزي العسكري كلساع اخذ نضره وارجع التفت..

شارع القصر طويل ورفيع حق سياره وحده
واذا تلكتنه سياره لازم ينزل ع البستان
لحدمايوصلني لراس الشارع العام ..

ضرغام يمشي مشي كدامنه يدك هورن
جراح ومايرضه يبتعد صارت السياره
لزك بظهره وماابتعد..

صاح بي جراح ولك وخر خلي انولي
ضرغام.. وين اروح اريد اوصل للشارع منين
افوت..

جراح.. تعال اوصلك وياي لراس الشارع
ضرغام.. لا اريد امشي مشي
جراح.. لعد وخر ولك سويلي درب

لبابه.. دار وجهه وكمل طريقه وجراح يدك
هورن وماكو وماتحرك ولا ابتعد ويمشي
مستقيم..

تالي اخر شي نزل جراح بطريق
البستان وعر حيل ننشال وننحط من الحفر
لبابه.. هاي هيج ضرغام غريب؟!

جراح.. خبيث اخبث واحد
لبابه.. مامبين علي حته قليل يحجي؟!

جراح.. من جنه صغار اني اصغرهم ولازك
بيهم شكو سالفه عوجه يجي جدي الشيخ
يصيح منو مسويهه يكوم يعترف يكول اني..

لبابه.. بس هو هم متأذي سولفت نور قصته
الله يساعده
جراح.. كلنه يتامى عمتي شافت الويل يله
ربته وهو حاله من حال السبع عانى هواي

لبابه.. الشيخ جبار يكول اني ربيته
جراح.. شربى هو يعرف يربي بس بالكتل
اني جان ابوي عدل وهيج عمري ٩ سنوات واتذكر
شجان يعذبهم...

مره منهن ضرغام تعارك ويه عامر وضربه
بحديده وخيطوا راس عامر واجه جبار
شسوه بضرغام ..

ربطه لشجره وظل ساعه يضرب بي
ضرغام جان مراهق وهذا جبار يغلط
وضرغام يضحك ..

بحيث كام الدم يطلع من ظهره وبعده
يضحك ويكل لجبار بس تفتح اديه
اطير راس عاصم بعد...

وتالي السبع دافعله وفكه وعبالج تاب
ثاني يوم ضرب عاصم وهم خيطوا راسه
وكال لجبار كلما تمد ايدك عليه اسگطلك واحد

لبابه.. ولامبين علي كلكم مامبين عليكم
جراح.. ولا انتي مبين عليج عندج اللسان
لبابه.. غير ادافع عن نفسي

جراح... اي دافعي لاتسكتين بس هنا
عند جبار اليدافع عن نفسه يعتبره متمرد
خوماضجتي لان خطبتج؟!

لبابه.. سكتت ماعندي جواب
جراح.. لمصلحتج بس انأمن عليج انطيج
حريتج قبل نفس الاسلوب حمينه بي ابرار..

لبابه.. شلون؟!
جراح.. السبع وگفهه اله وبعد محد كدر يحجي
ومن دخلت جامعه انطاهه حريتهه كالهه
اختاري الشخص المناسب الج..

لبابه.. يجوز تريد السبع وماتكدر
تحجي؟!

جراح.. ترى اليريد مبين كلشي نكدر نخفي
اله مشاعر الحب مانكدر نخفيهه

ابرار كملت دراستهه يم خالي اساسا
ماتشوف السمع حماهه بكلمه مو بفعل
لايروحلهه ولا يلتقي بيهه ..
مومثل انتي صرتي ويه دوامي ..

لبابه.. والشيخ ماحجه ابد
جراح... لا ماحجه
... احسه يخاف من ضرغام واصلا يخاف منكم
بس انتم مدري ليش ساكتين..

جراح.. ماندري ليش ساكتين المهم السبع
مسكتنه مايقبل نحجي وحكم جبار موجديد
نفسه حكم جدي وقبله ابو يعني هاي عاداتهم
وتقاليدهم ..

لبابه... ظلينه انسولف لحدماوصلنه بغداد
وصلني لباب بيت خالو قبل لا انزل كال
اوكفي..

طلع محفظته وحسب افلوس
كال اخذي
لبابه.. مااريد
جراح.. اخذي لج لاتعاندين..

لبابه.. عندي والله
جراح.... لباااابه!!! حجاهه بنتر
لبابه.. مديت ايدي اخذتهم وتشكرته

طبيت لبيت خالو جانت دنيا العصر
خالو بالمحل مالته مال اقمشه وخاله
رايحه يم اختهه وبس رانيا وجهالهه..

بوستهم وبدلت وكعدت يمهه جانت تباوع تلفزيون
سألتهه شلون صرتي؟!
رانيا .. الحمدلله عمه شلونهه؟!
لبابه.. تسلم عليكم

رانيا.. الله يسلمهه شصار بسالفتج
لبابه.. حجيتلهه كلشي
رانيا.. يامكثر العارات وجبار صخام اكبر
عار..

لبابه.. وانتي داومتي؟
رانيا.. اي ماكو نقل بابا افتر كومه وماكو اله واسطه
وكالو اله بديل ومالكيت بديل

لبابه.. وهذا الولد؟
رانيا.. الولد فصلوا واجو البارحه عمامه يتعذرون
وبابا سدهه كال مابينه فضايح

لبابه.. طلعوا من السجن؟
رانيا.. الولد طلع بس الوياه ماطلع
هذا ابن عمتج مدري شمسويله يكولون
مسكط الرجال مسوي مره!!

لبابه.. شلون؟
رانيا.. شمدريني هو انتم تربيه جبار
تخوفون
لبابه.. الله لايشوفج جبار
رانيا.. اتوقعه حلو وشخصيه

لبابه.. ليش بله
رانيا.. ابن عمتج حلو وجراح هم
غير طالعين على عمهم الشيخ..

لبابه.. هم يتصل بيج ضرغام
رانيا.. عزااا ليش يتصل شعنده؟!
لبابه.. مواخذ رقمج عبالي حاحاج
رانيا.. لااا ثگيل الرائد ماينهز...

لبابه... مرت الايام طبيعيه اتواصل ويه ماما
ماكو شي امتحنت نصف السنه وكعدت بالبيت
مارحت للبصره ظليت العطله يم بيت خالو

الوضع هادىء من ناحيتي يتواصل ويايه
جراح كل اسبوع وبنفس حنيته واهتمامه..

رجعت اداوم بعد ماخلصت نصف السنه
هنا الوضع ببغداد جان مو امان بداية ٢٠٠٧
صار القتل بالشوارع ...

بيوم منهن اجت سهاد المتزوجه بنت خالو
وظلت يومين وودعتهم وكالت راح انسافر
للاردن لان الوضع ماينحمل وطلعت هي وعيالهه..

صار يوميه انفجار قتل ع الهويه
خالو يخاف يروح للمحل يكول حته اهل المحلات
البصفي صاروا ارهابيه تأزم بشكل الوضع صار
ماتأمن ع روحم وانت ابيتك...

وصلت لشهر الرابع بالشافعات وكعدت مراجعه
خالو ترك شغله وماعنده راتب عايش ع راتب
رانيا ...

بيوم منهن خابرت ماما كالت راح نجيكم
فرحت فرحه شكبرهه مشتاقه لماما صار اشهر
ماشايفتهه ...

راح خالو تسوك وفرحان بجية اخته
ل١١ وصلت ماما واتفاجئ وياهه جبار
وابنه الجبير عباس...

رحب بيهم خالو واني دخلت سلمت عليهم
كلشي طبيعي سألت ماما شلون اجه وشصاير؟!

ساهره.. واحد من معارفهم متوفي ببغداد
وكالو راح انروح ناخذ من خاطرهم وطلبت منهم
اجي وياهم وقبلوا

لبابه.. يعني ماصاير شي؟!
ساهره.. لاماما اطمئني مااجيت ويه جبار
اجينه بسياره ضرغام بس عنده دوام

لبابه.. صار حجي وخالو يحجيلهم عن وضع بغداد
وجبار يسب بفلان وعلان وانعل هيح منهم
وهذوله ولد الحرام...

اخر شي كال لخالو ابو سهاد اذا ضاگت بيك
بغداد تلگه البصره فاتحه اديهه الك ..

ماتردك غير نفسك تكعد يم اخيتك علما
يهدء الوضع وترد لدارك انت رجال جبير
وعندك بنيه وهم انت تسمه من عدنه..

لبابه.. كلمه الحق تقال جبار بالكرم
والعزوبيه مثل مايكولون محد يلحگه
ضرغام يسمي حاتم الطائي عبالي جان يقلد علي...

تغدوا يمنه واخذوا ماما ورجعوا للبصره
ورا اسبوع تقريبا انقتل واحد من جيران
خالو ودب الخوف بداخلنه...

صار حته مسواك كل يومين يطلع
ليش مابيوم منهن اندك الباب حيل
وانشمرت ورقه ملفوفه بحجاره..

ركض خالو فتحهه وكلهه دم ومكتوب القتل
القتل وماعرف منو السوه هيج بس سالفه طائفيه
لان خالو شيعي وزوجته سنيه..

ضاگت الدنيا بخالو حته رانيا اخذلهه
اجازه وطليق رانيا وصل خبر لخالو
بأن الوضع موتمام بهاي المنطقه
خلي يشيل ...

بالاول راد اطفاله بس هو مايشوفهم ابد
حته ماكو ايام اله بالصدفه يشوفهم
بس ذكر رانيا بالتعهد خاف الهه نيه تزوج...

خابرت ماما سولفتلهه وسديته منهه
لليل دك تليفون خالو انسمعه انخبص
ويحجي كله اهلا وسهلا شيخ وكثر
الله من امثالك..

من سده كال هذا الشيخ جبار كال جيب
عائلتك وتعال يمنه اكعد يم ساهره
هو البيت مالتهه بين ماتتعده الازمه..

رانيا... بابا تحجي صدك اروح نكعد بالبصره
وبالريف واني دوامي وعيشتنه شلون

... ماشفتي بعينج التهديد بنتي اني اخاف
عليج وع امج الوضع موامان خلي انروح شكم
شهر ونأجر بيتنه ...

هو كال الشيخ اجر بيتك مثل بيت علي
وخلي انروح لاتعرضين يابنتي ..

لبابه.. رانيا ماجانت قابله بس انجبرت
كام يوميه واحد بالمنطقه مكتول
جمعنه غراضنه كلهه وطلعنه للبصره
اجانه بوقتهه سعود وسياره تمشي ورانه
من حمايه القصر...

طول الطريق مال القريه رانيا متخبله
وتصيح اول مره اشوف هيج مناطق تفتح
النفس من الزرع والمي..

نزلنه بشارع القصر وخاله تصيح صلي
ع محمد هاي قصور صدام هنا شنو هاي
واحنه كاعدين ب٥٠ متر ..

وصلنه لحدباب القصر ماانكر استقبال
جبار استقبال يليق بكلمه شيخ ورحب بخالو
وماما وعمه زينب اخذن خاله بالاحضان..

رانيا.. لبابه الزمي رضاوي
لبابه.. شلون راح تنزلين وانتي هيج لابسه
رانيا.. ماحجيتي ماكلتي البس جادر شلون راح
انزل واني لابسه هيج لبس ..

نزلت سيوفي جنت لابسه فستان بينصل
والحذاء بي سير يصعد ع الحجل
وبي كعب جنت مخبوصه بابني بس من رفعت راسي
شفت النسوان الواكفه حسسني عاريه..

امشي واتعثر لحدما طبينه مشتمل عمه
ولج لبابه شكد عدكم نسوان بسلا كلهه بدون
رياجيل..

لبابه.. حته الي بعمرنه متزوجات اطمئني
ماكو طلعه ولا اكو دراسه..

ساهره... هسه ارتاحيت اخوي وبنتي وردوا الي
هسه احس روحي بامان جنت مو بامان ياخويه

ابو رانيا.. يابعد اخوج الله يساعدج ع هاي
الكعده باخر الدنيا ولج دكت السياره لمن تعبنه

ساهره.. هاي بعد كل واحد وقسمته الشهاده لله
رغم ظلمه الشيخ بس من حجتلي لبابه ورحتله
كتله اخوي هيج وهيج ..

ماشالته الكاع راد يجيك بالليل وكال لازم يجي
هواي ناس احتمت بيهم وينطوهم سكن مده ويرجعون

لبابه.. مشتملنه غرفه وحده وصاله ومطبخ
وصحيات ماما انطت الغرفه لخالو واحنه كلنه
بالصاله جبيره ...

فجر.. جباغ كال يومين واطلع عمال
يبنون غرفه لفجوغه!!
لبابه.. الج يبنون؟

فجر.. ااي الشيخ يحبني كال انتي بس اطلبي
وامغي
لبابه.. وليش بس انتي؟!
فجر.. مو السبع يگلهم محد يحاجيهه ويگلهه
ع عينج حاجب..

رانيا... كولي رانيا
فجر.. غانيا
رانيا.. كولي سرسري
فجر.. سغسغي!!

رانيا.. ولج السانج ينگرط شلون حلو حجيهه
فجر.. تقليدين عليه ست غانيا
رانيا.. لا والله كزكزت عليج..

فجر.. لبابه من غحتي ماحجيتلج اجت
ايناس ادوغ عليج
لبابه.. من سمعت بايناس تذكرت الصار
كتلهه شتريد؟

فجر.. دكول اغيد اسولف وياهه
لبابه.. خلي تولي ماحبهه
فجر.. اني هم ماحبهه صدك نوغ صاغت
حامل ومات ابنهه ابطنهه..

لبابه... ياخطيه ولج شوصايره مختار عندج
كل الاخبار
فجر.. ضغام يكول من شفتج شفت بس
المصايب..

لبابه.. هههه يتشاقه وياج
فجر.. لا يموت مني اذا شافني طلعت
صاح هييييي وين موليه!!

لبابه.. اخذنه النشره من فجر رتبنه غراض
بيت خالوا وبيومهه عزموا خالو بالقصر
واحنه جابولنه صواني متروسه لحم...

خلص اليوم وفرشنه كلنه بالصاله
جان الحر هستوه بادي وجهال رانيا
يبجون يكولون ماما هذوله عدهم دود هوايه..

التهيت بمراجعتي وماما طايره
بخالو يومين وجبار صدك طلع عمال بنه غرفه
ثانيه حولنه بيهه وخالو مايطلع يستحي
مخلصهه تلفزيون واخبار...

بيوم منهن اجت ايناس بس شفتهه رجف
كلبي عبالي راح تحجي بس مثل ماكال
جراح فارغه تسولف وتضحك وكالت
تعالن انروح للبستان..

طلعنه كلنه ورانيا ويانه اني ادري
بجراح جان بالجيش وكالوا السبع
خارج المحافظه عنده شغل ولسه
ماعرفنه شغل السبع شنو؟!

رانيا.. شكد حلو الجو شلون هوه نقي..
ايناس.. افتري واشبعي ونسه هذا بستان
ابوي محد غريب هنا لان احنه النسوان
نطلع ومايطب غريب..

رانيا.. جنت محتاجه اشم هوه كمت اتمشه
وسط هذا الخضار قليل الوصف بحق البستان
من كدما معتنين بي ثيل واشجار عاليه
والرائحه مختلطه..

البنات فرشن وكعدن واني اخذت الامان
من ايناس وظليت اتمشه جنت لابسه
دشداشه طويله وبيدي تليفوني من هذا
العادي...

مشيت مسافه طويله ماادري بنفسي
مندمجه وصلت لنهر صغير مفتوح بي ماطور
غسلت ايدي ورجعت ..

ماادري شلون تيهت واساسا ماتيهت بس
طلعت بنفس البستان بس لان اشجار عاليه
كمت مااشوف كعدت البنات..

ظليت واكفه وافتر داير مداير نفسي
وين اني عزااا شلون ارجع مشيت شويه
شفت ابقار هواي من اجيت شفتهن كلت
خلي الزم هذا الطريق...

بدت الشمس تغرب واني تايهه منين مااروح
الكه نهايه مسدوده كمت اقره ايات حسيت
بحجم الخطر تليفوني بيدي طلعت رقم بابا
اتصل علي طلع ماعندي رصيد..

كلت خلي امشي بهذا الطريق لان بي اثار
واكيد هذا يرجعني اني خليت رجلي
مدري ع شنو دست ومااحس غير
كلب من هذا البوليسي يركض وراي..

ركضت ركضه كلبي حسيته وكف كمت اتشاهد
كلما التفت اشوفه قريب اركض واصرخ
وعبالك بجزيره محد يسمعني...

دشداشتي انشگت وصلت للركبه لان
طويله واركض واتعثر كلساع اعثر
اريد اوكع والزم بشجره بس الله ستر
جان الكلب مخلين برگبته طوق ثگيل
بحيث مايركض سريع...

فتت بمكان يمكن بعالم الاشباح
بستان متروك كل الشجر البي ميت
والنخل ياخذ الروح والكلاب ماادري منين
كامت تطلعلي كلهه تنبح عليه...

اركض وابجي اريد احد يساعدني
رجليه فات بيهم السل وكامت الكلاب
ع صوت النبح مدري منين يتجمعن
واني اركض...

ايد سحبتني من زندي حيل رجليه
صارت خيوط ماتساعد بس سحبته جانت
قويه ضاغط ع زندي ورافعني

وبيده الثانيه مسدس وجهه ع الكلاب
ضرب اكثر من طلقه واحد مات والباقيات
انهزمن ...

نفسه النقذني بالمره الاولى وهسه نقذني
بالمره الثانيه المره الاولى ماجنت هيج
قريبه علي بس هسه اقرب ...

لابس اسود وتشيرت ربع ردن
حواجبه مرفوعه من كاعهن صكه
اسناني مبينه من عظم الفك..

عينه بعيني وايده كلما جالهه وتضغط
اكثر حسيته متعمد كمت احس بألم
وهو يضغط باصابيعه ع زندي..

حجيت بخوف وصوت رايح الله
يخليك عوفني تيهت؟!

ضرغام.. شجابج لهنااا ؟!
رانيا.. طلعت ويه البنات وتيهت
الله عليك رجعني..

ترك ايدي حسيتهه راح تنخلع شكد لزمته
قاسيه اخذت نفس وزفرته لزمت الفتحه
مال دشداشتي رجلي طالعه..

ضرغام.. امشي بهذا الطريق واشرلي
بالمسدس مالته ..

رانيا.. صارت ظلمه اخاف
ضرغام.. يمكن داز عليج الظاهر تحبين
المغامره غامري وحدج!!

رانيا.. خاف اتيه
ضرغام... هذا الطريق ياخذج كبل
لاتزلين يمنه ولا يسرى..

رانيا.. مشكور وعفته ومشيت بطريق
عدل حته ماالتفتت علي مشيت مسافه طويله
شفت نسوان بالجهه اليمنه هستوني
زليت اريد اروحلهم ومااسمع غير صوت طلقه
فززتني من مكاني..

رجعت بطريقي العدل دخيل الله شنو هذا
البوصله مالته المسدس اكو واحد يدلي
هيج ..

وصلت للقصر وركض للمشتمل تلكاني بابا
بالباب اكلت رزاله منه وراهه ماما حته سيوفي
يكلي صغيرونه انتي لان سمع جده..

سبحت وبدلت وعيون هذا المسودن براسي
شلون رافع حاجبه شلون مستفز وارجع اتعوذ
من الشيطان...

لبابه.. تعشينه وكعدنه يم خالو نحس بأمان
لان بمثابه بابا شويه ونسمع صوت عالي بالقصر
منعتنه ماما بس ماتكدر لفجر لازم تروح..

طلعنه اني وياهه ودخلنه مطبخ القصر
لگينه نور تسوي جاي سألناهه شكو
كالت جدي الشيخ يريد يزوج بنت عمي عباس
الصغيره. .

فجر.. الشيخ يشتغل بس يزوج
نور.. شمدريني البنيه عمرهه ١٤ سنه
وتريدهه جدتي نوفه..

لبابه.. عفتهن بالمطبخ وطلعت برا جان ابالي بلكي
اشوف جراح بس صوت ضرغام عالي ..

ضرغام.. كاااافي رحمه لامه محمد اتجيب
وتزوج بهالجهال ويوميه وحده واصله الموت
يوم معسره بالولاده يوميه سالفه شكل..

قدملي انجاز واحد قدمته بحياتك غير
اتزوج بالمزعطه

جبار.. چااا شلنه بيهه بت وكاعده مستحقه
زواج

ضرغام.. بنتك نوسه هم مستحقه زواج
وبالنسبه للي بعمرهه هناا بنتك عانس
شوماتفكر بزواجهه..

جبار.. بزري واني حر بي شوكت مايعجبني
ازوجهه

ضرغام.. هااا وبنات العالم تتدخل بيهه
مشيت عليهن بالسره عبالك الزواج بس
* وراهه *

عامر.. فضحتنه لايسمعنك البنات
ضرغام.. وين اكو بنات كلهه متزوجه وهاي المزعطه
حمرتوهه وقشمروهن بالابيض ...

لبابه.. ضرغام جان منفعل حيل ابتعدت
عن المضيف صرت بجهه غرفة السبع
اكو طابوكه كعدت عليهه ...

شويه واشوف لايت سياره ونزل منهه السبع
لابس دشداشه ولاف غتره ع راسه من فات بوجهه
للمضيف ماشافني واني انتظر جراح...

يمكن مرت نص ساعه وضرغام يرفع ويكبس
مااحس غير حركه وراي ويكول شيسوي
الحلو كاعد؟!

شهكت جرااااح صار هوايه مشايفته..
جراح... تعالي وراي مشيت وياه صرنه
وره غرفة السبع وكفنه ارتجينه ع الحايط

لبابه.. شلونك
جراح.. هسه صرت زين
لبابه.. ليش؟
جراح.. هو بليل اصير زين!!

لبابه.. شو مااشوفك وينك
جراح.. فشله من خالج وعائلته مااكدر
اجيكم وانتي مااطلعين..

لبابه.. اني اقره امتحاناتي قربت وحايره
منو ياخذني
جراح.. اني اخذج؟!
لبابه.. وشلون يوميه تاخذني والطريق طويل

جراح.. عدنه شقه هناك مشتريهه النه احنه
ال٣ بس محد يدري لادكولين اني اخذج
تمتحنين وتخلصين ونرجع..

لبابه... ميصير وحدنه نظل منو يقبل
جراح.. لايصير حجه هيج وخله ايده
ع الحايط بصف راسي..

لبابه.. الشيخ مايقبل؟
جراح.. اني موخطبتج وراح اتممهه بهذا الشهر
لبابه شلون؟!
جراح .. اخطبج رسمي ونعقد

لبابه.. احس خدودي صارت نار دنكت راسي
واني ساكته بس نفسي عالي اباوع لرجليه
شلون يتقرب اكثر واني احشك نفسي بالحايط..

حسيته صار قريب حيل وايده الثانيه خلاهه ع الحايط
وصرت مدنگه وواكفه بين اديه وكلبي ينبض
سريع وخدودي مشتعلات جمر..

جراح.. شو باوعيلي!!
لبابه.. وخر جراح !!
جراح.. شووو خلي اشوف ارفعي راسج..

ضرغام.. شترفع ولك سربوت !؟؟

لبابه.. مثل الواحد وشمروا من جسر
من كدما فزيت طلعت من جوه ادين
جراح ومااعرف وين اروح وكفت ع جهه

جراح.. بعد خلي يسمعوك ادري انت رائد
لو طرگاعه وين مااولي تلزمني

ضرغام.. بربك مقتنع بالتسوي ولك طفله
بابا شلون تكدر تعقلهه تحب بهيج عمر
وهي مراهقه

جراح.. صوتك عاد ... التفت عليه تعالي
لبابه اوصلج لاهلج

لبابه.. امشي مدنكه ويه حظي تلگاني
السبع وصاروا ٣ وين اولي بس ضرغام
المستفز يدوس بالبطن..

دخلت للمشتمل بس ماطبيت للمطبخ ظليت برا
واشوفهم طلعوا تلاثتهم ليبرا ضرغام صوت الجداحه
يطك بيهه فتح جكاره والسبع شعل جكارته
من جكاره ضرغام..

وواكفين يسولفون جراح والسبع
يحجون بعصبيه وضرغام ينفخ الدخان
عليهم ...

طبيت ليجوه فجر راجعه وماما نايمه ورانيا
مخليه ايدهه ع خدهه وصافنه

سولفنه الهه ع سالفه بنت عباس وفجر دكول
ضرغام دز ع البنيه كالهه انتي موافقه
كالتله اي..

لبابه.. عزززا ولج صغيره وشكالهه ضرغام
فجر.. كالهه بيهه الخيغ ماغاح اشوف نسلنه
يتحسن ع هالحجي..

لبابه.. اكول ضرغام معصب
رانيا.. خلص عمره معصب شجاه وجهه
يبس دم الواحد

لبابه.. هو هيج مستفز
رانيا.. ماتشوفني السبع بلكي احسن منهم
ولو يمكن ولا واحد بهاي العائله صاحي..

لبابه... السبع يختلف عنهم حته ماشفته بيوم
عصبي بس ضرغام ساعه بارد ساعه نار

مددت بفراشي واني افكر
بكلام جراح اعرف غلط واعرف العمر طويل
كدامي بس حبيته باهتمامه وبحنيته عليه..

غطيت بالنوم وكلهه فزت ع صوت رمي
قوي بحيث احسه راح تفوت علينه
الطلقات وصوت زلم عالي ...

اسمع صوت يصيح جراح اصعد فوك
وصوت سعود وهو ينطي اوامر ويصيح
حاصروهم .

خالي وجهه اصفر وحاضن اطفال رانيا
وماما تخاف علي كعدته بالغرفه هو وخاله
وتهدي بيهم دكله حراميه..

واحنه نرجف من الخوف فجر دكول دائما
تصير هيج اشوفهه مومثلنه وحته ماما الجانت
تخاف من خيالهه عدهه عادي...

اندك باب المطبخ حيل وصوت جبار
يصيح افتحوا خلي نصعد للسطح
ماما ركضت فتحته واول مره اشوف جبار
بس بالسروال والفانيله وبيده اسلاح وصعد
الدرج ليفوك...

جنه واكفين بالمطبخ وماما يم خالو
لان خاله مفزوعه وتخاف والرمي مستمر
وبس صوت الزلم واحد يأمر بالثاني

باب المطبخ مردود اندفع حيل
ضرغام صرت بوجهه شافنه بس البنات
كال وين الشيخ؟!

... صعد فوك بس حجيتهه بخوف
شفت عينه ع رانيا جانت فدمره واكفه بالزاويه
وخايفه..

ضرغام.. سويلي طريق خلي اصعد
لبابه.. فوت ماكو احد شصاير ضرغام؟!
مارد عليه صعد فوك وناس ترمي ع ناس..

شويه وهدء الوضع نزل الشيخ
وضرغام مانزل مديت راسي
من المطبخ شفته نزل من فوك
يطفر ع السطوح وطفر للكاع وكام ينفض بملابسه

بعدين كالو حراميه هواي داخلين للبستان
ورايدين يبوكون الحلال وصار رمي بيناتهم...

فوك الساعه واحنه مسيطر علينه
الخوف جانت الساعه ب٢ كل واحد
رجع لمكانه وصار هدوء اني مخليه تليفوني
هزاز اهتز جوه المخده ..

فتحته رساله من جراح مكتوب
خوماخايفه؟؟؟

لبابه.. اااي حيل اول مره اسمع هيج رمي
جراح.. تكدرين اطلعين برا راح اوكفلج
ورا المشتمل...

لبابه.. باوعت كلهه نايمه كمت ع كيف
فحت باب المطبخ وطلعت اتلفت افتريت
من ورا المشتمل امشي واتلفت...

ومااحس غير ايد سحبتني حيييل
وضمني لصدره !!

دگات كلبه جانت عاليه ودكات كلبي
اتسابقت وياه منو اسرع..

ايده تخلت ع ركبتي من ورا وايده
الثانيه ع خصري وحضني اكثر
من قوة الحضنه حسيت اظلاعي انفكن
بين اديه...


#يتبع..

عيوني مثلا كوليله اريد اصور بكاميرة جهازك ..لان تصويره أحلى
او كوليله اريد انقل فلان برنامج ..يعني مادري شكلج بس اساسا مدام مخطوبين فعليمن ميقبل🤦‍♀💔..

انتي جربي بهذيني واذا شفتي عاند ومقبل..فصارحي شنو السبب اللي ميقبل

#ملوكه

حبي اذا تريدين فيتامينات بديل عنه ..فاكو بس حبوب وفوار🙃

#ملوكه

حبيبي كومة صالونات اكو ببغداد
عندج صالون كوافير بسام ،أريدو ، جاد ، مركز ليدي ،..
فهذيني المراكز اعتيادي مو ماكيرة وحده تشتغل بي ..
فكون تسألين المجربين من اقاربج او صديقات..عن اسم ماكيرة والصالون

ومركز فيولا ماانصحج ابد بي..لأن تعاملهم زفت وموشي

فاللي من بغداد ومجربة بالصالونات الزينة فخل تنصح البنوتة🥰✨

#ملوكه

اللي عدهم قشرة وديعانون منها
فتجربة من هالبنوتة💋☺️تسلمين عمري

#ملوكه

مدري ليش الشعب العراقي كله يريد يسمن🤦‍♀😅اله اني اخاف من السمن

والله بس توصلون عمر30 تتمنون بأي وسيلة تضعفون..أسالو مجرب ولاتسألو حكيم
فمدام انتو صغار خليكم عل ضعف ورشاقه احسللكم..

فبكل الأحوال ماكو مسمن ..غير الأكل اكلي طبيعي فجسمج لااراديا يخزن
ويوميا قبل لاتنامين سوي شراب من حليب وموز وعسل ومكسرات
يوميا اشربي واستمري عليه منا لمن يبين نتيجة☺️


#ملوكه

عمري🙃 فدوة لكلبج

شعرج تالف لأن هاملته لو اهواي تكوين وتسشورين فينرادلج عناية أسبوعية

فسوي مثل جدول كل 3ايام فد ماسك وماسكات للشعر هسه اوجهن وحاجيه عنهن قبل كلهن زينات ويغذن الشعر وبي بروتين🌚🌺

#ملوكه

العنايات بالشعر🌚✨..منا وليجوة تلكين كلشي عنهن

واذا تريدين لتنعيم الشعر وترطيبه هالخلطة تفيدج☺️🌸

وماسك لتقويه الشعر👆🏻🥰

#فقرة

اذا خطيبج كلج لازم نلغي فقرة من فقرات الزواج لأن مكلفة فشنو رح تلغين؟🤔
والبنات المزوجات هم لغيتي فقرة من زواجج!؛

دزو التعليقات عل البوت🤗وبليل انزلهن

@maloka97_bot

🌿🦋💭

الحمد لله أن لنا ربًا يعلم بكل حوائجنا، يسمعُ نداءاتنا، ويفهم صدق حاجتنا، يجعل لقلوبنا بعد عُسرها يُسرًا، و يزيل عنها كل ما أهمها.

#جمعة_مباركة

🌿🦋💭