قۣۗـۙصۣۗـۙصٍ 📖ۆبۣۗـۙسۣۗ 💯

#غصـبوني_آعشـگگ

#بقلم رفل الكناني

#البارت 18

الوووووو هااا احمد وين راحت هاي المخبله

هاااااا فهد بيت أهلها قابل وين تروح بهل ليل هسه بلكت أقنعه واجيبه

احمد عوفه هاي راسه يابس

لعد شلون ابقيه بلبيت

اي بقيه اليوم تعال اخذ سمر وباتو هناك ومناء الباجر الله كريم

يمعود كهرباء الوطني مطفي وهسه راح اروح لبوالمولد حتى يحول كهرباء البيتهم

هسه انت وين

داتمشى لبوالمولد

وعفته بلبيت وحده

اي شسوي لعد عفته بلحديقه هسه احول كهرباء وارجع

هااااا ديله اذا يصير شي خابرني

ماشي

سديته ورحت عل امي جانت كاعده بلهول وسمر تبجي من شافتني طلعت ابويه سد باب غرفته وماحجه ساره ورسل يم امي كتلهم اطلعو دحاجي امي طلعووو

يمممه مخبله عبالي جتي دكولي لاتزوج اثاري جايه دكولي طلكني

اي هيه مخبله ليش وانت عاقل بهاي سوايتك ليش خليته تطلع

يممممه لخاطر الكعبه موشفتيه شلون تبجي وتصيح وفضحتنه شسويله اربطه اذا احجي وياه ادري بيه متسمعني وإذا اضربه كلتو ضالم كليلي شسوي

والله انت العايل لعد وين اكو مره تقبل رجله يتزوج عليه

من ايده يمه من ايده تكرهني تعرفين شنو تكرهني

ليش انت سواياتك شويه انت إبني بس الحق ينكال تراك دايس بمصارينه

لعد ليش ابويه هيج سوه يعني باعده عني ومخليه شايله اديه مني ومن اريد أتزوج كمتو تسوون انت متزوج وين متزوج لخاطر الله مدكليلي

ليش الزواج بنضرك بس فراش وبس تحمله علمه عليك

شتحمل هااا شتحمل انتي ليش تخليني احجي بلقلم العريض مو انتي امي واني لساني زفر شايفته من اتقربله شتسوي يمه ليش متسكتين احسن

اني ساكته انت الي اجيت وحجيت اني وابوك شايلين ادينه منك احنا نخاف من حوبت هاي اليتيمه

لعد اني ماخاف قابل يهودي يهودي كدامج يمه احجي وياه مثل متحجين وياي وراعي الله بيه تره والله اعوفلكم البيت واهج عفته وكمت صعدت للغرفه شكو شي كدامي كسرته ثاني يوم امي راحت وحجت وياهه مقبلت ترجع سلته هيه حامل كالت لا دكول اني اعرف نفسي هاي اتقيى لن انقهر

والله من سلته عل حمل موعلمود الطفل بس من كلتلي مقبلت ترجع كلت اذا حامل وتزوجت عليه ادري بيه طك وتموت مولن تحبني لا بس تدري اني ماطلكه وراح اخليه طول عمره معلكه بس أتزوج حتى اكسر خشمه اني ادري بروحي غلطان وسبب هدم حياتي هيه تصرفاتي الخطه واعصابي الزايده سبوع وهيه معنده ومتقبل ترجع امي راحت البنات احمد حجه لحد مامل ماكو قفلت واني صعدت الخبالات برأسي وقررت اتزوج وقرار مابي رجعه

قمر قمر بس كليلي وين رايحه اني اوديج بس كليلي

ماحاجيت احمد ولا جاوبته امشي وهوه ورايه وصلت البيتنه فتحت الباب بلمفتاح جنت ضامته بجنطه دخلت واحمد واريه البيت اضلم هندس ضويت بموبايلي وفتحت باقي البيت واحمد يحجي

قمر صدك تحجين تخبلتي لج شوفي البيت اضلم لا كهرباء ولا ابد امشي عيني خل نرجع ادري انتي متعرفين خبالاته ولج والله ميزوج بس حجي

احجي وابجي احمد الله يخليك عوفني وين ارجع اني بعد لهناء حدي وياه تريدني ارجع حتى يجيب وحده مدري منين يذلني بيه انت شلون تقبل

قمر والله بس حجي امشي ياعيني الدنيه ليل انعلي الشيطان وامشي وياي

احمد روح والله مارجع خلص اني قررت وانتهى

ستغفر الله لعد راح اروح احول كهرباء

راح احمد بس صدك خفت البيت اضلم ودموعي تجري صدك حسيت برعب شدعيلك فهد الله لايوفقك بقيت انتضر بلحديقه ربع ساعه واجه احمد بس عبالك سنه ريكي يبس من الخوف حول حتى الكهرباء دخلت جوه اول شي بغرفت امي دفنت راسي بلمخده وابجي احمد واكف بلحولي وينصح بوجه

كافي قمر تره كطعتي كلبي كافي اسكتي راح اروح اجيب سمر واجي

راح واني كمت نزعت جبتي وفتريت بلبيت اباوع بكل زاويه اريد امي يمه وينج تعالي شوفي حالي

البيت مرتب بس مترب لن متروك بس بنضري جنه هذا الحنان والأمان اليوم انام مرتاحه لافهد ولا ذل ولاهم يحزنون

اجتي سمر بس اني يمكن تعبت من القهر وهيه حست بيه كلشي محجينه الهدوى سيد الموقف كال احمد نامو والصباح رباح نامت هيه واحمد بلستقبال واني نمت بغرفت امي لصبح مانمت كنت متكده فهد ينفذ إلى برأسه ويتزوج اليل كله أفكر شلون اطلك منه لحد الصبح طلع احمد راح لشغله واني كمت طلعت ضيم كلبي بلبيت لزمته صونده وماسحه وجلف جلف لحد متعبت كعدت سمر

هاااا صباح الخير

هلووو صباح النور

ليش هيج هالكه نفسج جان نتضرتيني اساعدج

عادي مسويت شي اصلن محاسيت إل كملت

اوووووف قمر تره اني كلبي نار بس ماحجيت وياج البارحه شراح تسوين

شسوي اطلك غير

وين ترحين

للكبور سمر سوالاتج مومنطقيه وين اروح اكعد هناء واسكت

ومنو يخليج هذا المخبل لو عمج هم راح يكلولج الناس والناس

انعل ابو الناس لعد اعيش بذل والله شنو الناس اني من وره كلام الناس تزوجته وطاح حضي سمر اتطلك وأعيش هناء تردين تجين تعيشين وياي اهلا وسهلاء متردين عوفيني اشوف حياتي

قمر تره احنا بلعراق العضيم مو بوربه حتى تعيشين وحدج

العندي كلته اني تعبانه ومنايمه

راح انام ولا تكعديني رحت للغرفه صار مكاني فراش امي احسهه تدري بيه وتحس بمعاناتي وفراشه بيه ريحته بحيث حاضنه المخده ونايمه كعدت عمتي فوك راسي وتمسدد عل شعري كمت حضنته وابجي

عمممه الله عليج سامحيني عل سوايت البارحه والله موبيدي والله العضيم طلعني من طوري عمي تخيلي ساره او رسل هيج يصير بيهن لاسامح الله تقبيلين الله عليج

تبجي لبجي والله العضيم ماقبل وانتي اعز من ساره ورسل عمه ارجعي ونامي عل كلبه حتى اذا تزوج مرجعه عليج ولج هذا مثل حمام الكاضم يطير يطير وميبات ال بصحن ارجعي فدوه لعينج

عمه وإذا تزوج ؟

طبه مرض والله ليتندم بكد شعر راسه

ماكدر عمه ماكدر عفيه خل يطلكني

اششششش لاتتعودين عل هل كلمه موكلشي ينحل بل طلاك هاي الكلمه تكسر الضهر

عمه والله فهد ميفيد وياه كولشي واني وياه منتراهم وانتو نسلبت راحتكم من وره المشاكل يوميه صياح وعياط عمه اذا تحبيني اقنعي يطلكني

ولج وإذا طلعتي حامل

وين حامل مستحيل ماكو حمل

لعد شنو هذا ديصير بيج ودتتقين عمه اذا حامل شنو ذنب الطفل يتمرمر بينكم

عمه والله موحامل هاي اني من انقهر اتقيى والله موحامل

والله مادري بنتي فكري وعوفي سالفت الطلاك ابقي هناء ارتاحي كم يوم وارجعي

مجاوبت

عافتني وكامت

كعدت ويه نفسي وكلت مستحيل ارجع اني طلعت بعد خل اشوف مصيري خوماء اضل يوميه جاك ال الواوي وجاك الذيب قمر انتي خطيتي احسن خطوه خليج قويه ولاتتراجعين بس همه معافوني بحالي يوميه يجون ويحجون عمتي ساره أحمد والي دمرني سمر أسبوع بقت يمي متحملت احمد يبات يمنه بليل ويطلع من الصبح ميرجع لليل وهيه كل ساع حجه شكل ساعه رهف تبجي عل احمد ساعه رهف تبجي عل جده ساعه اريد اروح اشتاقيت لغرفتي آخر شي صحت بيه

سسمر عوفيني وروحي اني الي الله هوه كتبلي هذا كله وهوه يتولى امري

بيومه عمي اجه وهاي اول مره يجي من صارت المشكله ماعرف ليش مادخل وهسه ال اجه مع العلم جنت متوقعته من ثاني يوم يجي فمن اجه حجه وياي هواي محاضره ماله اخر كل هذا واني اسمع بلخير كتله عموو اريد اتطلك قراي هذا كلام كله ميغيره

كلي

واذا اكولج فهد مستحيل يطلكج وحتى لوعشتي العمر كله هناء اصلن عنده ستعداد يخليج العمر كله معلكه

اعذرني عمووو بس اكو شي اسمه قانون

غلاطانه المثل فهد هوه القانون بنضر القانون وانتي تعرفي هذا بكل مكان ال واسطه اني اكول ارجعي اني عمج شايف بهاي الدنيا أشكال ارجعي موبس للبيت ارجعي للدراسه وابقي عل وضعج هاملته وشوفي شلون راح يتوسلج حتى يرضيج

واني ماريد منه كلشي غير يعتقني

هسه ارجعي واني بضهرج واني وياج اذا ماربينه من جديد اني فلاء عمج

فكرت الدراسه اجتي عدله كلت ارجع واشوف عمي شناوي وهم ارجع للكوليه حتى احرك كلبه ادري بي ميقبل بس قررت اصير قمر ثانيه قمر قويه قمر ميهزه الفهد ولا غيره

رجعت اول وحده كيفت سمر موعلمودي عل مود نفسه هاي مثل السمجه من تطلع من بيت عمي تموت كلهم فرحو وعمتي كلتلي سويتي عين العقل فهد ماكو يومين مشفته ويوم الثالت عمي وفه بوعده واخذني لاكوليه العميد حيل تعاطف وياي وشوفتهم شهاده وفاء امي سمحولي اداوم ورجعت فرحانه اول مطبيت شفت الوجوه مكلبه وبنيه اول مره

اشوفه .

.
يتبع....

قۣۗـۙصۣۗـۙصٍ 📖ۆبۣۗـۙسۣۗ 💯

#غصـبوني_آعشـگگ

#البارت19

رجعت كولش فرحانه اي قمر إي هاي اول خطوه عفيه ارجعي للدراسه وصيري قويه

بس الفرحه مدامتلي من دخلت وشفت بنيه اول مره اشوفه مشايفته لاباقاربنه ولا باقاربهم اباوع الوجوه مكلبه وبغرفت عمتي هوسه تمشيت وعبرت البنيه إلى بلحولي واكفه دخلت يم عمتي عمتي ممدده وكله واكفه فوك راسه وفهد هم واكف بس اشو اليوم موطبيعي وهادئ موعوايده خصوصن انو شافني جايه من بره ومحجه عمي جان يقفل السياره فطب ورايه كال

هااي شكوو شبيه امكم

كله ساكته

اباوع سمر تريد تنفجر ولوبيده ويهدوهه عل فهد يمكن تمرعده هيج عيونه دكول من تباوعليه

كلت هاي شكو وهاي البنيه منين

يابه هاي مرتي

من كال هيج اذاني وشت راسن لتفتت عليه صارت عيني بعينه دنك

يعني سويته وتزوجت

يابه البنيه يتيمه وماعدهه أحد غير امه واخذته استر عليه

لعد متستر عليه بيتي اخذه واطلع

ركضت هيه عليه شكد مفنده هاي من بدايته هيج حياله لزمت ايده

عمووو فدوه اروحلك والله ماعندي أحد ولا راح اذيكم وصوتي متسمعوو والله حتى أدري بي متزوج واللله العضيم ماوصل حتى يم مرته وإذا بدر مني شي غلط بيدك اطردني

انتي مامنج غلط بنتي الغلط من ابني اني مزوجه بنت عمه ويتيمه يروح يكسره ويتزوج ليششش

يابه

اششششش ماسمع صوتك اني كتلك اني غاسل ايدي منك وادري حتى اذا هسه حكمتك تطلع من البيت مراح تطلع بس راح اكولك شغله وحده وكله تسمع وأولهم مرتك
الطابق الفوك بي غرفتك وبنت اخويه اول مجتي نطيته غرفه فوك مال تأخذ مرتك وتخليه تكابل بنت اخويه هذا الشي ماقبل بي تشوفلك غرفه جوه والفوك متوصله لاانت ولامرتك وتشيل ايدك من قمر منا وهيج اني المسول عنه وأي تصرف ميعجبني الزمك الباب غصبن ماعليك وهاي بنت الناس الجايبه هيه واكفه وتسمعني عمي احنا لاجينه ولاخطبناج ولانعرفج اني وياه تتذابحون تتعاركون مالنه شغله لاتجين وتشكين منه والايام راح تثبتلج كلامي

فهد سمعت الكلته

اي يابه وراح اسوي مثل متريد

هذا كوله واني واكفه بس مو اني موكفه نفسي لا أحس اطرافي نشلت وإذا امشي خطوه راح انهار كدامهم سمر حست عليه لزمتني من ايدي صعدتني كوله تباوعلي حتى النبيه دخلت للغرفه كعدت عل سريد اريد أستوعب مداكدر ادري بي نذل بس متوقعته ينفذ كلامه بهل سرعه سمر عباله اني مصدومه

قمممر حبيبتي ابجي اني اكولج ابجي طلعي لبكلبج لتموتين يمعزايه ولج ابجي والله لاتبجين عليه بس ابجي حتى تروح الصدمه هاي عبره مخنوكه بصدرج اذا مطلعت تكتلج

أخذتني بحضنه وهنا نفجرت لازمه دوشك السرير بيدي وضاغطه عليه وهوه سفنج والعبره من طلعت من صدري اضافري نبتن بلدوشك

الله لايوقفه الله يحرك كلبه مثل محرك كلبج حبيبتي الج الله يباوع عل حالج

سممممر تزوج سوووووواهه لج هذا شلون اخلص منه لايقبل يطلكني ولايقبل يجر عدل وياي ولج شسوووووي كليلي شسووووووي

الج الله عيني الج الله والله لتطلع حوبتج وكولي سمر كالت

بجيت لحد ماتعبت بعدين كتله عوفيني اريد ارتاح طلعت واني مددت واسمعه هوه واحمد شلون ينزل بغرفته دموعي بللن مخدتي ونمت بملابسي حتى مادري بنفسي ماكعدت غير للعصر كمت وكفت كدام المرايه

قممر انتي من هذا اليوم دخلتي للحرب لو تفوزين لوتطلعين انتي الخسرانه صيري قويه تره الفقير ميعيش بهاي الدنيه الدموع متفيدج شحصلتي منه اشو راح يصير سنه من امج ماتت يوميه تبجين اشوو مرجعت خلص من هذا اليوم نولدت قمر جديده لك تجيبلي وحده تذلني والله لذلك واعرفك الله حق

كمت بدلت بدشداشه فانيله صحيح سوده بس مرتبه سرحت شعري ولفيته برهاوه خليت كحل ومرطب شفه ونزلت اي نزلت لازم انزل قابل ابقى حابسه نفسي فوك عل مود حضرت جنابه الكسيف اول شي رحت لغرفت عمتي لن بالي يمه من جيت الضاهر مرتفع ضغطه من القهر لكيته بعده ممدده

هااااا عمه حبيبتي شلونج

هلووو حبيبتي الحمد الله شويه احسن بس بعدني دايخه

اي عمه عيني هاي لن نايمه كومي وياي كومي

وين

بس كومي ومعليج

خطيه بقت صافنه عباله بيه شي

عمه حبيبتي بنيتي بيج شي

هههههه فدوه لعينج عمه قابل شبيه كومي بس كومي

كومته للمغسله خليته تغسل واخذته للهول كعد ته وهيه مسايرتني اكعدي عمه موتمددين تره تبقين دايخه هسه اجي ساره ورسل فوك ديرتبن بلغرفه لن غرفتهن ال جوه صارت للقذر فهد وهنا صارت غرفته الهن خطيه ذني يوميه متهجولات اول شي من واريه وهسه من وراه رحت للمطبخ صارت بوجهي لبنيه ليهسه ماعرف حتى اسمه شايله ملابسه ودخلت للحمام تعديته وهيه تبوعلي رحت حميت الاكل لن اني متغديت ووديته للهول وجبرت عمتي تكعد تاكل وياي خطيه متفاجاء برودي تريد تسلني بس تستحي كعدنا اني وياه ناكل دخل فهد مبين جان نايم من وجه المعقوج وكف بلباب

هااااا يمه شلون صرتي

والله من الله زينه

خوش الحمدالله قستي الضغط

لا ماريد اقيسه لن منا لشهر راح يبقى معلك ماعليك انت بيه

ندار وصاح

سسسسسساره تعاي سويلي جاي

جاوبته عمتي

ليش تصيح لبناتي

عندك مره وصخره بعد معليك بلبنات تريد شي روح لمرتك

هااااا يمه بدينه راح تشتغليني بسوالف العمه والجنه

والله اني ماعندي جنه غير قمر واخته يعجبك يعجبك ميعجبك بكيفك

يعجبني عمي يعجبني بس عل كيفج وياه نفسج تره اخاف عليج يلغاليه

باوعتله صفح وندارت

كل هذا واني كاعده اكل ولا عبالك هوه موجود
عافنه وطلع واني كملت اكل وكمت شلت الصينيه واكفه داغسل بيه وجان تجي يمي

هلوو اعتقد انتي قمر

باوعتله ببتسامه متصنعه ومتعمده

اي اني قمر اكوشي

لاسلامتج اني عبير

اهلا وسهلاء جاوبته وشمرت الصينه حيل وعفته ورحت للهول كعدت

وقحه متزوجه رجلي وجايه تتعرف عليه كبر طمج وطمه من اتذكرت شكله والله العضيم موحلوه مولن صارت ضرتي بس بلقران زركه رغم عود مكيجه بس ركبته زركه لن ملايحه باودر هاي ركبته هيج لعد جسمه شلون يله حثاله مثله وهوه يموت عل حثاله امثاله الباب كدامي وهوه طلع من الغرفه كله امسحي شحاطتي اباوع عليه تركض كدامه جنه مخبله راحت جابت الوصله وهوه لابس الشحاطه دنكت وتمسح بيه بعدين راحت جابتله غراضه واكفه كدامه عبالك تريد بس رضاه هوه يخلي بيهن بجيوبه بعدين صاح

وين المبايل الثاني عميه انتي غير تجيبيهن سوه

جاوبته

هسه عيني ذاك ماشفته

حجاهه وهوه يمشي دمشي جيبي بساع

هيه ركضت وهوه طلع انوب طلعت وراه تركض

إي وبعد وبعد هاي بدايته عبير اليوم تركضين كدامه باجر تركضين منه وهسه تشوفين

نزلت سمر

هااااا شفتيه لزركه

ههههه هاي انتي هم لاحضتي هل شي عبالي بس اني

اكولج شاف منه

شمدريني اني خليه الأيام تشوفه قمر منو

بس شفتي شلون تتحيل عل عمي

اي مبينه حياله وعدهه كل أنواع المكر بس اليوم بعده خطار بلايام الجايه تطلع سوالفه

قمر خليج بعيده عنده ختولي منحتك بيه

لا شحتك بيه هاي الزباله شنو

هيه طبت لغرفته ماطلعت وحنا للمغرب بدينه بلعشه اجتي

أساعدكم بشي

جاوبته ساره

اي والله تعالى اغسلي ذني المواعين احنا منحب تبقى مواعين عل سنك احنا نسوي العشاء وانتي اغسلي عل ادينه

كتله

هاااا سارونه شتغلتيه

اسكتي قمر والله لسويه بنكلادشيه بدون راتب

ضحكت حيل وهيه تغسل وتباوعلي كملنه العشه وصببنه وهوه اجه بس اني ماكعدت وياهم لن العصر اكلت عمي كال

تعالي بنتي تعشي

عمو حبيبي ماشتهي قبل اشويه اكلت

ميخالف عل واهسي

حبيبي والله ماكدر بعدين منا وهيج دايت لن تعرف كوليه وكذا واغمزله

هاااااا بهاي حقج كلشي ولا الكوليه بعد عمج

هوه مدنك بس مياكل بس يخوط بلاكل

عفتهم وصعدت ثاني يوم داومت وشفت سرى صحيح اتواصل وياه بلفون بس مو مثل الكعده جان لقاء كله دموع وشتياق حجيتله كولشي كالت

شكد نذل شخصيته شي وداخله شي ثاني صدك كرهته ليشوفه يكول نيال الماخذته عليه واني وحده من الناس جنت اذمج بس هسه وضحت صورته كدامي

لعد شعبالج من جنت اكولج أكرهه دكوللي بطرانه

يمعوده شمدريني هيج
اشوفه صاك ورتبه شمدريني بلوجه امرايه وبل كفه سلايه قابل أشم ايدي

عوفج منه انتي شخبارج

اني نخطبت لبن خالتي

الف الف مبروك واعذريني تره غركانه بهمومي ومشكالي وممتواصله بدقه وياج

والله حبي جنت ناويه ازفج برزاله معدله بس من حجيتيلي تراجعت

ههههه يله كومي بدت المحاضره

دخلنا سوه ومن كملنه طلعت وشفت مازن يمشي من شافنه اجه بتجاهنه راح بالي بعيد واني أتذكر من راد يخطبني لاحضه من لاحضات يمكن تندمت لن رفضته وعاني صوته

هلوووو قمر شلونج

هلوو ووو مازن الحمد الله انت شلونك

والله بخير انتي شخبارج والله الج وحشه ودم نذكرج

تسلم والله اني الحمدالله انت شخبارك

والله جوه رحمت الله

الحمدالله ماكو احسن من الله

اي وين ماوين تره دامن اسل سرى عليج

والله بهل دنيه

كالت سرى كافي تعارف عيني امشي ناكل شي موجعنه وانتو كاعد تتعارفون

والله عندج سوالف سرى ولج قمر مشايفه صار كومه تستخسرين بينه السلام نعلله بليسج شكد ام بطن

اي والله اني اهم شي بطني وكلوني شبعوني تره اني عراقي محروم

ههههه امشي امشي

رحنا كعدنه وخطيه هوه عزمنه شكد عيب كله من وره سرى لملطلطه وراه دخلت محاضره ورجعت للبيت وحدي لن بعدني ممخليه خط صعدت بدلت ونزلت واسمع عمتي تحجي

اكولج عيني هاي يوميه بيت اهلج تكعدين 12 الضهر

اي والله عمه لعد شوكت اكعد

اني واكفه عل سنك اغسل وهيه واريه وعمتي عل طباخ

حبيبه هذا الحجي بيت اهلج موبيتي هنااا تكعدين حالج حالنه افتهمتي لو أعيد

لا عمه فتهمت بس هل فتره تحمليني لن فهد متعبني بليل يريني وياه للصبح والبارحه سهرنه واليوم أخذتني النومه

شكد حيوانه ادري بيه تسمعني عباله اهتم جاوبته عمتي

والله تسهرين تنامين هذا شي بغرفتكم من تطلعين من الغرفه توجهي لشغلج بعدين مودكولين سهرنه اشو هوه احسن منج وغبش لدوامه

اي عمه غير عنده دوام بس هم ميكدر يعوفني تعرفين بعدنه عرسان

الزمي لسانج شويه واثكلي تره اني عندي بنات ممزوجات سوالفج الخاصه خليه لنفسج وكرمينه بسكوتج وشوفيلج شغله سويه

صا

ر عمه تدللي من عيوني اهم شي رضاج

حياله وحقيره عفته وصعدت لفيت راسي ونمت ومر اليوم عادي بس دقتني بشغله تخلي مكياج موبنصاف اسوي وجههه مهرجان وركبته زركه والله بودي اكوله عمي اصبغي ركبتج مثل متصبغين وجهج تره لعبت نفسي بس ختولي خليني هيج استمتع بزراك ركبته لليل كلنه كاعدين وهيه هم عده عمي بغرفته واحمد بلمحل اجه فهد مدد عل رجل عمتي

يمممه راسي يريد ينفجر افركي

ليش

تحجي وتفرك بكصته

مادري ذبحني من المغرب

اي غير من السهر

رفع راسه عليه ياسهر يمه والله نايم من وكت وحتى اليوم بدوام هم نمت شويه

والله مادري احنا شعلينه مرتك دكول وشاورته لن ساره ورسل كاعدات

لتفت لزركه وخزره كله

كومي ولي من كدامي

راسن كامت بدون متناقش

معليج منه هاي حيوانه اني أعلمه

وليش تعلمه شكو بيه غير عرسان عل كولته

يمممممه تسكتين لو شلون ليش تخليني اكوم انعل والديه

داكوم اطلع دخل احمد

قمررررر لكيتلج خط

اي عفيه احمد اليوم تبهذلت

اي والله هذا جيرانه هوه هم طالب بنفس كوليتج بس مرحله رابعه عنده النتره كتله ياخذج وياه وبكروته وهم عرف حتى لو بس هل سنه وعود الله كريم لسنت الاخ

حجه فهد منو هذا

رياض ابو الالنتره شبيك عرفته

عرفته عرفته وانت مالكيت غير هذا

اي الخطوط كله مشغوله وهذا هوه ميشتغل خط بس لن بنفس الكوليه اني حاجيته

عوفه هذا شوفلك غيره

حجيت وطلعت عيني ابو رهف رحمه الله والديك همزين لكيته كله يجيني الصبح يلكاني متحضره يله تصبحون عل خير عفتهم وصعد حتى ماردت اسمع شكال لو شتفقو لفيت راسي ونمت الصبح كعدت واجه الخط شفته شاب مرتب عرفت ليش ماقبل عليه سلمت وصعدت بس طلع خوش ولد مبين أخلاق عينه مشاله ويسوق وعينه بدربه وصلني وداومت ومر اليوم عادي الايام الي بعدهه ذبيت كل جهدي عل دراسه لن الفاتني هواي طبعن بمساعدت سرى خطيه سرى سيفتلي كلشي اخذناه بلايام الفاتن ومازن يوميه يكعد يشرحلي بساعات والحمدالله كدرت أتفهم والحك عليهم كمت بلبيت قليل انزل اكعد اقرأ اقرأ لحد ماتعب وانزل اكول وراجع للغرفه فهد ماشيفته بس اسمع صوته موجود الزركه اصادفهه من انزل ومالي شغله بيه لابسته ولا كنو موجوده اليوم السنه مال امي سوينه عشه وعزمنه خالاتي وتحضرت للكلام من راح يشوفون الزركه شيكولون اجوي وعمتي ماقصرت كل عاده لزمتني خالتي

ولج يمعزايه صدك مزوج عليج

اي خاله شسوي

كامت تضرب عل خده ولج ادري ليش شناقصج اشو كامله مكمله جمال وأخلاق وثقافه منين جايب هاي تلعب النفس ادري شاف بيه كوليلي

خاله شسويله بعد تزوج عاركته زعلت عفت البيت ورحت لبيت امي وهم معافوني تالي ستسلمت ورجعت

ولج جان رحتي لخالج يوكفه عد حده

فدوه لعينج خاله هوه وينه خالي من ماتت اني ماسل علينه وحتى انت بس بلموناسبات نشوفجن

اي غير عمج دك صدره وكال بنت اخوي بنتي ومحد يتكفل بيه غيري واحنا امنا

خاله شيريد يسوي عمي هوه رجال جبير حجه وعاركه وطرده حتى من البيت وفهد تعرفي منو يكدره قابل هوه صغير حتى عمي يحكمه وبلنهايه هوه ابنه شيسويله يكص راسه

شكول ادعي عليه اني هم عندي ولد هسه لو حلوه اكول هوه صدك نسيواني وركض وراه عل جماله بس تلعب النفس هاي شلون ينام يمه مادري الك بيه أراده ربي

الحمد الله عمه اني موبحاله ورجعت الدراستي وان شالله ميثر عليه كل هذا

ان شالله ان شالله والله العضيم حرك كلبي حسبي الله ونعم الوكيل عليه

كمالنه العشه وثاني يوم غبشنه للنجف هناء نقطت ضعفي هناء ماكدر اصيطر عل نفسي هنا بين امي وابويه وكل عاده ذبحت نفسي ورجعوني سحل من رجعنه بس الزركه وفهد لكينه جاي من الدوام يعني جانو وحيدهم بلبيت طبيت مابوعت بوجه أحد كبل لغرفتي أخذت ملابسي ورحت سبحت وطلعت لفيت راسي ونمت ثاني يوم داومت بس كولش تعبانه من البارحه كوه كدرت اكمل الدوام من رجعت بلخط اول مدخلت الفرع شفت سياره

شرطه

بلباب

البيت
.

يتبع...

قۣۗـۙصۣۗـۙصٍ 📖ۆبۣۗـۙسۣۗ 💯

#غصـبوني_آعشـگگ

#بقلم رفل الكناني

#البارت عشرون

اول ماطبيت الفرع شفت سياره شرطه هاي شكوو اول مره اشوف شرطه يمنه وصلت قريب عل بيت شفت فهد بملابسه العسكريه وثنين ساندي واحمد تلكاهم ودخلو جوه نزلت للبيت طلعو الولد واحمد يتشكر منهم دنكت وفتت كبل لكيت الهوسه بلستقبال فتت فهد ممدد وشكله تعبان حلكه يابس والكل واكفين فوكاه وعمتي تصيح يمه ابني شجاك يمه وليدي اجه احمد كلتله عمتي وللك يمه شبي اخوك

يمه جان طالع واجب وكايل لجماعته دايخ وراسن واكعد هسه سولفولي رايدين ياخذو للمستشفى مقابل كايلهم ودوني للبيت وخطيه جايبي

يمه فهد شيوجعك وليدي

ميحجي بس مغمض كاله احمد

فهد كوم آخذك للمستشفى كوم

ماقبل اشره بيده لا
الزركه مسويه نفسه خايفه كامت تنزع بلبوت من رجله وانوب فتحت دكم بدلته

احمد كعده وشربه مي صارت عينه بعيني عفتهم وصعدت غسلت وبدلت ونزلت عل درج واسمعه مدري شدكوله وهوه يكوله كومي من يمي طلعت وسدت الباب دخلت للمطبخ ديصبن الغدا ساعدتهم وكعدنه نتغدا بلهول عمتي كالت الساره

يمه جان شفتي اخوج اخاف يريد غده

جاوبت عبير

لا عمه ميريد كلي اريد انام

كملنه الغداء وساره حكمته تغسل المواعين اني صعدت جنت تعبانه من الدوام وهوسته راسن نمت للعصر كعدت جان مموجود شويه وطب هوه واحمد وبيده كانونه كلتله عمتي لااحمد

هااا يمه شكال الدكتور

يمه تيفو وكلش نسبته عاليه سجله علاج وكال بهريز كامل

هوه مدد وايده عل عيونه والزركه كاعده تفرك رجليه كمت من يمهم للحديقه كعدت شويه محتصره كولش يمكن من نومت العصر اجتي سمر كعدت يم ورسل هم رهف تلعب كدامه طلع احمد كال

هااااا اشو كاعدات سره

جاوبته سمر

احمد ضايجين طلعنا عفيه

يله كومن بس منروح بعيد هذا ابو المثلجات مفتح جديد اوكلكم موطه ونرجع

كمزنه راسن بدلنه وساره ويانه بس عمتي كلله كالت

روحو اني ماكدر رجليه طلعنا وعبير تخزر بينه شلون مكناله امشي احمد راد ياخذنه بلسياره ماقبلنه كناله نتمشى والجو حلو الدنيه دتغورب والله اكلنا موطه بس الكعده تخبل صدك راحت الضوجه ورجعنا عمتي تشر بيده

اشششش

شكو عمه شبيج

فهد راسه ومصخن وطلع حركته بعبير

كالت ساره شسواله

والله ضربه بعلاكت الدوه وهيه مليانه شيش همزين ماشك راسه
طبه مرض هيه مكابلته وكاعده تتلوكله وهوه يعرفه تتلوك

اسكتي يمه ساره ولاتطبن يمه تره حتى عليجن حجه كال شعدهن بهل مغربيه

اووووو عرفته يدور حجه عفتهم وصعدت مانزلت لليل البيت هدوه هوه ماكو يمكن نايم بغرفته سويت اكل واجه احمد من المحل وكعدنه ناكل ونزلت سمر هم

طلع هوه حاجه احمد

هااا فهد شلون صرت

مجاوبه

كال هذا شبي

شمدرينه

يمكن زعل لن عفته مريض وطلعنا

كلتا سمر

شنو زعل موديته للدكتور قابل تكعد يم راسه

شويه وطب بغرفته
كتله

احمد وين راح

يمكن شرب جكاره وطب

هاااااا

كملت غسلت المواعين وصعدت نمت ثاني يوم داومت عادي ومن رجعت حاجتني عمتي

عمه حبيبتي موكافي انزعي الأسود والله موزين عليج بعدج شابه وانتي ماقصرتي ويه امج حزنتي بما فيه الكفايه والأسود يجر يابنتي اذا تعزيني تكومين تنزعي وتنزلين

حترمته ولن حلفتني بمعزته كمت سبحت ولبست دشداشه نيلي مرتبه لن موراسن ألوان صارخه سرحت شعري ونزلت اول وحده شافتني عبير ضلت تباوعلي من فوك ليجوه لليل طب عمي حضني

بعد عمج بلعافيه هل ثوب الحلو ان شالله متشوفين الأسود بعد

حبيبي عمووو الله يعافيك

اكولج فهد مريض لومطيبه خاطره بكلمه

دنكت

بكيفج بس ردت اكولج اخاف عبالك اني مانعج تره يبقى رجلج اكسري واجبري

عمووو احنا شكلنه موكلنا كلمن إل حياته

والله ادري بس ميخالف الكلمه الطيبه صدقه

مجاوبته

عافني وراح

لا قمر معليج بي خيولي لاكسر ولا جبر لاتتنازلين قابل شبي راح يموت هوه تيفو بقيت عل موقفي اشوفه يبوعلي خط اسوي نفسي مغلسه يومين وصار زين ورجع لدوامه بقى بي يومين واجه كمت ماريد اشوفه هوه يجي اصعد لغرفتي ساره حددو عرسه هل أسبوع لتهينه بيه تجهز وبتنضيف البيت قبل الحنه بيوم رحت وياه للصالون ميشت شعري وام الصالون كالت ليش متسوين حواجبج تاتو تحشاه هذا ويه الشعر اصلن ميبين غير يطلع يخبل عليج

صديت عل ساره
شدكولين سارونه

والله قمر حلو بس اخاف فهد ميقبل

صفت السالفه بيه فهد وميقبل لعد اسوي وبعناده كتله اشتغلي وسويلي

والله سوته وطلع يخبل ويه ميش شعري طلعت غير شكل حيل عجبني من رجعنا سمر كالت طالعه اشششرد وعمتي تصلي عل نبي بس عبير تريد تنفجر صعدت فوك لبست دشداشه وردي ونزلت البنات سوو عشه واني وساره عل موبايل نختار تسريحته لباجر صبن العشه وكعدنه كولنه وفهد اجه كعد من باوع لشكلي خزرني ماهتمت بقيت اكل كملت ورحت للمطبخ داغسل اجه ورايه

هاي شمسويه بنفسج

باوعتله بستفهام شمسويه؟

شنو هاي حواجبج

شبيهن

ليش تغشمين نفسج وطلعين خبالاتي

وانت شعليك بيه عمي شكلك
انعل ابوج لابو عمج شعليه بعمج اني كوا. ...... تتصرفين ب

كيفج

شنو هذا الحجي يعني متعرف تلزم لسانج بعدين اني ممسويه شي غلط

ليش ماكلتيلي راح اسويهن

مجاوبت

اني كوا..........مخليج براحتج طلعت عينج سوك وصالون وكوليه اني اعلمج منا وهيج

عافني وطلع لتفت عبير ورايه مبينه سمعت كولشي عفته وصعدت فوك شويه وسمعت هوسه جوه نزلت ركض عبير ورسل وحده ترفع وحده تكبس متعاركات رسل دكوله امسحي وهيه متقبل من شافتني كالت

انتي عيني مدام الصبح بلكوليه والعصر بلصالون واجيتي اكلتي وصعدتي فوك شنو خدم عندج احنا

راجاوبه ردته عمتي

قمر خط احمر معليج بيه اذا احد يريد يحاسبه فإني احاسبه هاااا جنتي خانسه اشو طلع صوتج لازم خلصت المسرحيه جنتي ماخذه دور الفقيره والمطيعه

عمه لعد شنو بس اني اركض هيه هم مثلي جنه حاله من حالي

والله قمر عدهه كوليه ودراسه وتشتغلين عصبن ماعليج منو كلج تتزوجنن لعد هذا الزوج وهاي العيال

كامت تنتر بلغراض عود صارت عصبيه واني عفته وصعدت لفيت راسي ونمت ثاني يوم الحنه رحت ويه ساره للصالون لن سمر بنته ورسل مومال هيج سوالف أخذت فستناي وياي جان تويتي رهمت مكياج وياه ورجعنه البيت هوسه خالاتي هم جني بس دقتني بيت خالته اجتي يمي ودكولي

يا فهد متزوج والله لوادري ونبي للطشله وماخلي يأخذ غير

اووووي عيني والله قهرتيني هاي هيج ضاله بحسرت الرجال لو ادري ال ازوجج اله

والله موكل رجال رجال هذا فهد اويلي هذا الروح والريه

عل كيفج عيني الله عليج راح اجيبلج اكلينس شوفي دموعج راح ينزلن

اي والله بودي ابجي انوب موحلوه المخاذهه عل شنو تزوجه

لنفس السبب الي تردين تتزوجين فهد عل موده

عفته ومشيت كالت سمر عزه بعينج الكلمه الاخيره قصف في منتصف الجبهه
اكولج سمسم تره احمد مولحاله يكول غير اني ماحجي

ههههههه اي والله انعل بليسج خلستيه

صارت حنه ساره تخبل وبعناد عبير ركصت وطلعت كل مواهبي طبعن هيه طالعه جنه قوس قوسح أشكال الألوان مخليه

اجه امير حناهه اني طلعت لن فستاني شويه فاضح صار بوجهي فهد خزرني

هاي هيج جنتي جوه

شبيك هستوه الولد دخل واني طلعت

استغفر الله ومن اكوم اقسم دكولي شنو هاي الفاضك

رحت لغرفت عمتي لحكني

شكووو

ميحجي بس صافن بوجهي

داطلع لزمني من خصري

اوكوفي

وخر خل اطلع
وين تطلعين احمد بلمطبخ

اي ميخالف راح البس شال توجهت لكنتور عمتي طلعت شال كال

قمر

لتفتت

شوكت ترحميني

مجاوبته لبست الشال اجه حصرني صرت بنص الكنتور عيونه بعيوني ونفسه يضرب بوجهي

وخرررررر

قمر ليش متحسين تره صار فتره عايفج براحتج

شتريد مالك شي يمي عندك الزركه اشبع بيه

وانتي كلتيه زركه الله وكيلج

واني شعليه موهاي لتزوجته

ديجاوب دخلت عمتي راسن ابتعد بتسمت وكالت عيني عفتو كل المكانات إل بلكنتور

هوه طلع واني خجلت خجله اريد اباوع بوجه عمتي ماكدر خليت وطلعت

شويه وكام كل ساع يدز عل امير اطلع مااطلع هوه واكف بلطرمه آخر شي كام الولد حتى ساره ضاجت كالت

هاي شبي فهد ليش يسوي هيج حتى امير كال شنو السالفه اني باجر ماخذج شبي اخوج

يمعوده قابل متعرفي شكد عكره مشي مشي

لليل كفينه البيت وال هوسه كلتلي ساره

قمر الله عليج سويلي شيره اني سويت البارحه بس ممضبوطه خل نعيد قاط ثاني

يله لعد أمشي بغرفتي صعدنه وبديت اسويله بس خبلتني ساعه تصيح ساعه تعيط ساعه تراسل امير

جان اعيط بيه كافي راح اعوفج الله

ههههه والله سكتت كملي

شويه وندكت الباب عبالي سمر كمت فتحته وصرت كدامه وايدي لازمه الباب من فوك طلع فهد

اريد احجي وياج

داسد الباب خله رجله

فهد ساره يمي روح

جذابه

فهههههد

بس احاجيج

حجت ساره وينج يمعوده مودبكت

كال هاي شدسوي ساره يمج

شعليك انت

باوع عل ايدي بتسم بمكر

صارت عيني وين مباوع عززززززز هاي لازمه الشيره بيدي راسن نزلته واريه

راح انزل من اشوف ساره جوه اصعد

حجاهه والتفت ينزل سديت الباب

شدعيلج ساره

هذا فهد

اي
يله شكد عيب اخاف راد يدخل واني هنا بعدين تعالي عيني شنوو هل تطورات ابويه مومانعه يصعد فوك شلون صعد

والله اخوج ميعترف باحد

ههههههه خطيه والله تلكي حايس عليج من شافج بلحفله

والله انتي الخطيه بعدين شكو حايس عليه موعنده مرته اسكتي اسكتي خل نكمل

والله كملنا وهيه نزلت عرفته راح يرجع يجي قفلت الباب دكه دكه مافتحته دك عل مازنجر طفيت الواي فأي دك عل شبكه طفيت حتى الموبايل لحد مامل ونزل

اي هيج احسن شعنده يمي موزوج عليه لويموت مانطي مجال ثاني يوم جان العرس نزلت الصبح هوسه وكله موجوده عفت كولشي ورحت وياه ساره للصالون يمكن سويت هيج لن عرفت نقطت ضعف عبير تتخبل من ماشتغل وممهتمه ومحد يحاسبني مبين من وجهه واني شتغلت عل خط

سويت مكياج بس اهدى من البارحه وساره طلعت تجنن ورجعنا وبدت الحفله ودنتضر الزفه قريب مديجون صعدت لبست جبتي وحضرت شالي نزلت عل درج صار فهد كبالي واكف عل مرايه لبلحولي ديمشط اليوم لابس دشداشه رصاصي كاعده سنتر عليه دنكت ونزلت كبل للستقبال شويه واجوي اخذو ساره صرت

عل صفحه وهمه ديطلعون عمي واحمد وفهد واكفين سلم عليهم امير وطلعو جان بالي اروح للزفه بس هوه خزرني خزه وكفني بمكاني اباوع عيونه بكصته وضايج اشرلي طبي طبية اجه ورايه

وين تره متر حين

شنووووو

مثل ماسمعتي

ليش قابل اني وحد موكله راحت

اي وانتي متروحين سمعتي لو أعيد

عافني وطلع

ضربت الجنطه بلتخم حيل خبيث يريد يبقى يتحكم بيه والله ماخليك عبالك قمر القديمه بسيطه رحت لغرفتي بدلت ملابس بيت ونزلت عل بيت نضفته تنضيف كامل هوه ماكو طالع وعمي كاعد يهدي بعمتي حتى منتبهو اني مرحت كملت وكعدت بلهول اجه هوه شكله عنده شي كال

كومي طلعي هدومي داروح للدوام خابروني بسرعه

باوعت عليه وصديت عل تلفزيون وكلت

هدومك بغرفتك واني هاي الغرفه ماطبه

يحجي ونزع الدشداشه شمرهه عل تخم وكال

عوفي هاي السوالف هسه بسرعه كومي طلعيهن

كتلك هاي الغرفه مال الزركه اني ماطبه عفته وكمت صعدت الدرج اول 3بايات ونجريت

بنت الكلب لمن احجي وياج شنو ديرين وجهج وتعوفيني هااااااا

وخر مني سلتني وجاوبتك لواموت ماطب ذيج الغرفه وخررر

نترت ايده وعفته وصعدت قفلت الباب وكعدت ماطلعت ال طلع من البيت اجوي البنات واجتني سمر

هاي وينج يمعوده اني مجايه واني اتكرضم ادور عليج

اي مارحت

جان كلتي ضليت اباوع وادو

يمعوده وين اكولج بهل هوسه

ادري ليش مجيتي

غير منو وره المخبل مخلاني

فهد

اي لعد منو

ليش يعني مو حتى الزركه راحت

شمدريني هوه كادر بس عليه

ستغفر الله هذا ابد موصاحي

عوفي يمعوده سولفولي ساره شلونه

والله زينه وهيه هم سلت عليج ودورج بلوجوه

خطيه الله يسعده

يله راح اروح ابدل

روحي حبي

طلعت واني نمت ثاني يوم داومت ومرن يومين فهد بتعد واني مرتاحه لهل شي الضاهر أسلوبي جاب نتيجه

عبير بهاي الفتره كامت تطلع حقارته شويه شويه

كامت متشتغل خصوصن ساره ماكو لن هيه جانت صاكرته اما اني ماحتك بيه وسمر نهائي ماله شغله بيه دكول من اشوفه اتنرفز ولو بيدي الزمه احركه فهيه كامت تتصرف تصرفات رعنه متكعد ويانه عل سفره تاكل وحده وتشمر الصينيه بلمطبخ وتعوفه لو تبلل البيت بل مي عود دتمسح وتعوفه وتروح والمسكينه رسل تكمل وراه عرفناهه عل شنو ناويه تجاهلناهه انوب تمردت أكثر تتمكيج وتفتر بلبيت ولا عبالك عمتي طكت روحه وكامت قسمت الشغل بينه اول أيام لتزمت بعدين كامت تجر وتعر خلت عمتي دكومه برزاله ودكعده برزاله آخر شي لزمت فهد وكلتله ضب مرتك تره هواي تمردت واحنا ساكتيله اسمعه ينعل ويشعل ويقسم عليه وهيه تتبجبج وتتحيل ثاني يوم الرزاله اجتي عل عمتي تتحيل باست راسه اني جنت اثرم زلاطه وعمتي يمي كالته

اني اسفه والله بعد ماعيده وشتردين اسوي وداعتج كلشي ولازعلج

والله جري عدل متجيج حجايه

ادللي عمتي من عيوني اصلن عندي الج مفاجه

مممم خير

عمه والله شاكه اني حامل

شاكه لو حامل ؟

هههه والله مادري ممتكده

اي عود من تتكدين الله كريم منا لذاك الوكت

اسمع واتكطع يعني هوه عايش حياته وراح يخلف واني معلكني مثل الواحد الواكف بنص جسر مكسور لايكدر يتقدم ولايكدر يرجع هيج اني فهد رابطني لا هوه مطلكني والااني اكدر اتقبله هوه وهاي الزركه

عافته عمتي وكامت كالت قمر تعالي ورايه

عفت البيدي وغسلت ورحت

هاااااا عمه

وتالي قمر

شنو عمه

وتالي ال مته تضلين هيج شوفت عينج كربست نفسه برأسه وتدري بي متزوج وهسه راح تكربسه بطفل

دنكت

حاجيني عمه لشوكت تضلين ساكته لحد متجيب الطفل حتى تربطه بيه طول الحياه

وشبيدي ياعمه

بيدج كولشي الرجال مثل الطفل بكلمه وحده يتقشمر

ال فهد عمه فهد صعب

لا والله فهد بس السان الكلب فارغ فوتي بي وسده بابه

وعبير

انه وياج نعرف ليش تزوجه انطي ليريده الله وكيلج بعد ميباوع بوجهه

يعني هوه ميحبني بس عل مود نفسه اذا رضيته راح يلتفتلي وإذا صديته راح يروح الغيري لعد وين كرامتي من هذا كوله
ماكو كرامه بين المره والرجال وشوفت عينج هاي الحياله يكومه بسبه ويكعده بسبه وتضحك بوجه وبعد شويه تبوس حتى رجليه وانتي فهد يحبج ابني واعرفه اسمعي كلامي اني مثل امج

ماكدر عمه ماكدر

والله تتندمين واني كتلج اذا بالج فهد يطلكج كطنه وشيليه من اذنج واني انصحج مثل مانصح ساره ورسل وأكثر لن انتي هم عزيزه عليه وهم مرت ابني

وهسه شسوي

دلي الدرب وانطي مجال وشوفي اذا مضرب عبير بطكاكيه كولي عمتي كلشي متفتهم بهل حياه وهاااا ماكولج روحي عليه وتوسلي ولا ذبي نفسج بس سوي شكم شغله وابني واعرفه كلبه رجيج هسه يجيج يركض فكري بكلامي وشوفي

حجي عمتي دوخني ومنين ماجيبه صحيح مستحيل فهد يعوفني اعرفه اناني عنده استعداد يدوس عل نفسه ويشبعه بي طريقه ولا يطلكني اهم شي اني كدامه حتلو بعيده عنه من خلال عشرتي اله عرفت هوه يريد يمتلكني واني راح اسايره واشوف وين توصلن بس اشلون اذا طلعت عبير حامل يعني راح تضل برأسه طول الحياه لا لا اني راح اتكد بطريقتي

يومين واني افكر بكلام عمتي بعدين كلت اني ستخدمت كل الطرق مابقى غير

طريقه وحده اجربه واشوف

العصر سبحت ولبست دشداشه ماروني ساده وبيه ميكي موس والصدر مثلث شويه دلع خليت مكياج هادئ وكويت شعري وخليت الشال عل ركبتي اخاف احمد موجود رشيت عطر ونزلت فهد مبين هسه جاي من الدوام كاعد يتغدى المي بصفه تعمدت ادنك كدامه بحجت اشرب مي صارت عينه عل فتحت صدري ذب الخاشوكه من ايده واني بتعدت وهوه يبلع ريكه عفته وطلعت

متعجبه عل نفسي هاي اني شداسوي هذا اغراه لو شنو شبيج تخبلتي وين تردين توصلين

اوووووو اني بعد نزلت للحرب لوبلهدف لو بنجف عمتي شافتني اشرتلي علامه اوكي

سمر متفاجه وعبير كامت تحمس بين عل وجه بقيت اليوم كوله جوه وهوه مخبوص يطب ويطلع ويشرب جكاير

لليل صعدت لغرفتي واجزمت اليوم فهد ميعدي هاي اليليه عل خير كمت لبست سيت نوم وطوخت المكياج والعطر
فعلا وره ساعتين من صعدت اني كاعده عل فون ندكت الباب كمت فتحته شفته فهد تعمدت اصير كدام الباب باوعلي من فوك ليجوه وكال

وخري دافوت

وين

للغرفه

ههههههه كل عقلك اخليك
موبكيفج

لعد بكيفن

بكيفي اني بعدين شكو هيج مكيجه ومبدله

وانت ليش ضايج مكيجه لنفسي ومبدله النفسي

راد يدفع الباب سديته حيل

خله جسمه صار بنص الباب واني داسد بي دفعني حيل وقفل
الباب
.
.يتبع..

قۣۗـۙصۣۗـۙصٍ 📖ۆبۣۗـۙسۣۗ 💯

#غصـبوني_آعشـگگ

#بقلم رفل الكناني

#البارت 21
داسد الباب صار جسمه بنص دفعني وسد الباب وخلاني وره حصرني فدنوب

فههههد شدسوي ووووخر

ليش تلعبين بعصابي

شمسويه

كل هذا وشمسويه شتسوين بعد

ممسويه لحد مسويه لنفسي وخر خنكتني

كافي عاد كافي تره دمرتيني

عجيب شدمرتك انت مومزوج وعايش حياتك بعد شكو

كله موبعيني وداعتج

جذاب وخر روح عل مرتك

انتي مرتي

فهههد توخر لواصيح والله العضيم

صيحي للصبح مرتي وحالالي انعل والديه ليوصل يم الباب

هسه شتريد

اريدج

لو تموت

ليش

تعرف كلش زين عبالك تروح يمه واخليك توصل يمي مستحيل

بعد ماروح بلقران

بعديش بعد ما صارت حامل

جان حاصرني وجه بوجهي من كلت هيج رخه وبتعد شويه وكال

منيه حامل

الزركه مالتك غير

منو كلج

هيه دكول

جذابه بابا لاحامل ولا ابد

وانت شمدريك يجوز صدك

شنو شمدريني غير اني ماخذ حتاطي

والله هاي مشكلتك اني معليه مومزوج ومخلف وهسه جايني

قسم بلقران مو حامل

اثبتلي

ستغفر الله راح تخليني انزل اصكطه حتى تصدكين مو حامل

واذا طلعت حامل

داكولج مو حامل مين تحبل من ليش تخليني الوص

هسه شتريد

اتقرب اكثر اخذ شفايفي بحلكه ومشاني للجربايه وهوه مستمر بلبوسه واني مقاومته لحد موصلنه لجربايه وصار فوكايه كمت ماحس بحلكي عبالك نمل شافني مستسلمه كام ينزع عل سريع موبايله ومحفضته بجيبه من شمر البجامه تطشرن بلكاع ماهتم نخبص عبالك احسه خايف اخاف اغير رأي أو ابعده ابد ميباوع بعيني تقربلي وتجاوبت وياه تخبل اي كلمه ماحجه دكات كلبه الراح يوكف من السرعه ونفسه اليرجف هوه الي شرح وضعه فقد فقد رحنا بغير عالم نسيت يمكن كل سوالفه ونسيت عبير وحتى نسيت نفسي ركبتي تملخت بلبدايه جان حيل عنيف بعدين كام يهدئ شويه شويه اريده يكمل ماكو جلب

فهد كافي تره ملختي

اسكتي عوفيني

عفته لحد مارتاح وابتعد السرير ابو النفر سحبني عل ايده نحشكت بصدره اريد اكوله المكان ميكفي رفعت راسي داحجي نزله بيده

اشششش نامي
فهد ماكو خله إصبعه عل حلكي

الله عليج اسكتي خليني ممصدك عبالي حلم اخاف تحجين واكعد منه بروح ابوج لاتحجين كلمه

سحب البطانه برجله وغطانه

ياربي شلون انام هيج ممتعودن وهوه مقيدني ضليت هيج لحد منمت

الصبح كعدت عل صوته يهمس بذني ويوخر راسي من ايده

قمر شويه راسج ايدي خدرانه بتعدت مغمصه بأس خدي وكال عيني راح اروح للدوام وكام وغطاني واني رحت بسابع نومه وين كعدت مفزوعه

عزززززه راح عليه الدوام باوعت الساعه عشره كمت
لميت الغرفه شفت فانيلنه التعلاكه شلته شميته يبووو مليانه عطر خليته بكنتوي ونزلت صبحت عليهم ورحت اسويلي ريوك اشو عبير تباوعلي وتتبتسم بخبث هاي شبيه من الصباحيات اجتي سمر كالت

عيني تره ماعرفناكم ساعه حبايب وساعه توم وجيري

هههههه انتو شنو شادين برج مال مراقبه

لا والله بس شفنا الصبح نزل من يمج وهسه طابع اثار الجريمه عل ركبتج

اسكتي سخيفه فضحتيني

عليمن عيني الزركه فضحتكم من الصبح عاركته عباله من ذوله ليبررله تالي خبزه شكم كفخه وطلع

يااا صدك اشو ممبين عليه شو تمشي وتوزع بتسامات

شمدريني هاي ماعده حساس كفخه وراه كعدت تتريك

مادري ليش مارتاحيت هاي هدوه موطبيعي معقوله لهل درجه تخاف منه لا لا اكيد عده شي اوووو هسه اني شعليه ليش اعكر مزاجي ببه ختولي شويه وطلعت مبدله كالت العمتي

عمه اني رايحه لهلي امي جتني بلباب

اني معليه رجلج يدري

اي عمه خابرته

لعد روحي

طلعت تباوعلي وتبتسم بخبث لبسته وخلص اليوم للعصر اجه فهد من الدوام سلم وكعد كولنا كاعدين بعدين راح لغرفته بدل وطب للحمام وطلع باوع عليه كال

شنو متصبيلي تره جوعان يحجي ويبتسم

كتله

هااااااا لا هسه اصبلك

رحت لامطبخ ولبتسامه عل وجهي ياالله شكد حلو لمن هادى راح بالي للبارحه يبووو والله العضيم خجلت حتى حرت شلون اودي الاكل عاد صببت وودينه كعدت بصف عمتي كاله

يمممه ايدي توجعني

يحجي ويباوعلي وينصي عل اكل ويبتسم

ليش يمه شبيه

والله مادري يممه اذا واحد مذيه غير لازم يفركه يداويه

يااااا انت منو يكدر يوصل وياذيك اخاف نايم عليه

اي يمه اي وصلتي نايمين عليه

خزرته ضحك

كمت حطيت الجاي عل نار سمعت باب الشارع نفتحت دخلت عبير بتسمت بوجهي وطبت

لالا هاي اليوم ابد موطبيعيه لو مخبله لو مخبله يعني تدري بي بايت يم ونوب مكفخه الصبح وتتبتسملي الله يستر منج رحت للهول هيه اجتي كعدت وره فهد عل تخم وهوه بلكاع دياكل ذبت كدامه ضرف ابيض وكالته

مبروووك حبيبي راح تصير ابوو وتباوعلي

ندار عليه خزره وذب الخاشوكه بنتر نطشر التمن كله

ليش تلوصين

شبيك ياعيني قابل شكتلك غير رحت حللت وطلعت حامل وهذا التحليل كبالك

كام بهمه لزمه من شعره

بنت القندددددره بنت النعاااال ليش تخليني اموت وانعل ابوج لأبو اليطلعلج شنو حامل منين من طي.......

عمتي كتلته

شبيك يمه عل كيفك أعصابك افتهم منه ددكولك هذا التحليل

يمممم

مه لاتكفريني هاي تخوط بصف الماعون جذابه

كامت تبجي شنو اجذب عليك ليش متصدكني

سحله شمره بلغرفه واني صافنه رجع بعد ماكدرت صعدت ركض للغرفه قفلت الباب

الحقير النذل البارحه يحلفلي وهسه جايبتلي الحقيره التحليل ليش هيج ربي ليشش يعني مالحكت ارتاح ال تطلعلي سالفه والله عرفت وراه شي حيل بيج قمر حيل وابو زايد موجنتي مبتعده من تقربتي شحصلتي دموعي عشره عشره اني ماتحمل اموت اموت والله هيه وحيده ممتحملته انوب وياه طفل منه هذا يربطهم طول الحياه اطلعي من حياتهم اطلعي انتي طول عمرج تمشين سيده البارحه بس خبثتي اليوم طلعت عليج ابجي واباوع عل مكانه البارحه تندمت حيل من سلمته نفسي كذاب هذا كذاب سايرني حتى يرضي نفسه اااااااخ عضيت اصبعي ليش هيج الراحه ممكتوبتلي

ندكت الباب فتحته هوه

عوفني فهد عوني تره روحي طالعه

لج تصدكين بيه هاي جذابه

جذابه جذابه وانت شنو انت شنو البارحه قسمتلي هيه موحامل وهسه طلعت حامل منو الكذب منو

ولحد الان اقسم لج والله العضيم موحامل وهسه كلت الامي ناخذه الدكتوره باجر وإذا طلع جذب بلقران افصم راسه من ركبته

وليش دتجذب ليش هاااا انت مو يوميه بغرفته بايت قابل محنط ونايم بس اني زماله اني زماله وصدكتك

مومحنط ولا احمدلج بنفسي بس ماخذ حتياطي ولو تضل بس هيه ماسوي جاهل منه

هسه شتريد

ماريج تنغثين

ونغثيت

والله طيحت حضه

فهد كافي كافي الله يخليك هذا الاحنا بيه هسه كوله بسببك عفني تره اذا مطلعت من كدامي هسه اطك واموت

دنك وطلع

قفلت الباب وبجيت لحد ماتعبت اني فكر اني بس تصافينه نزلت طركاعه عل راسننه

مانزلت بقيت بلغرفه بليل دك الباب مافتحته راسلني

افتحي الباب راح اهجمه تره

عوفني بحالي

ليش هيج تسوين والله هيه هيج تريد توصل بينه

مشكلتك ماعليه بيه

قمرررر بس احاجيج وأنزل

فهد حجينه بماء فيه الكفايه راح انام ورايه دوام سديت الواي فأي ونمت الصبح رحت الدوام كاره روحي سرى حاولت تعرف شبيه ماحجيت كتله مالي خلك بعدين اسولفلج دخلنا محاضرتين وطلعنا كعدنا اني وياه شويه وكالت قمر هذا مو فهد لو اني غلطانه باوعت

هوه اجه يمشي بتجاهنه.
.

.يتبع..

عمري يجوز عندج نقص اللي هج☹️ ديتكسرن..فانتي هم اكلي واتغذي زين واذا عندج نقص فيتامينات اخذي
وبنفس الوكت طبقي هالخلطة

فيوميا قبل لاتنامين اعصري الثوم واهرسي زين، وخلي عل الاظافر وبعد ربع ساعه جيبي زيت زيتون ومسحي فوكاه واخير خطوة جيبي ليمون وهم مسحي عليهن فد 10دقايق وغسلي
ولمن تكملين رطبيهن بفازلين
طبقي هالشي يومية حته تشوفين نتيجة😻🌸

#ملوكه

حبي نشرت قبل☺️🌸 عنه هسه اوجهن

#ملوكه