ه

لا عيني مدتحلمين قمر بايته يمنه وسمر جابت واني الدنيه طشت ورشت وانتي متدرين ادري جنتي نايمه لو ميته

ياااااااي سمر جابت صدك تحجون لهل درجه جنت نايمه عمي هاي غيبوبه مو نومه الصايره بيه كل هل الأحداث واني مادري

ههههههه صدك غيبوبه تدرين ساره اني هم تعجبت يعني طبيت للغرفه بلبدايه وبعدين اني وياج شكد سولفنه وهيه نايمه

لج اي قمر هاي تنام مثل اهل الكهف

كامت تضرب بينه بلكوشات وطلعتنه نتراكض عاد نزلنه جوه عمي ديرش بلحديقه رحت يمه
صباح الخير عمو

هلا هلا شنو هل صباح بعد عمج تدرين لوكل يوم أصبح بوجهج ابوس ايدي وجه وكفه

دنكت عرفت شنو قصده ردت اغير الموضوع

حبيبي عمو فدوه الكلبك شوكت اجيت

والله الفجر من جابت واطمنيت عليه وعفت احمد يمهم واجيت

مبروك حبيبي صرت جددددو

ههههه الله يبارك بيج وانتي هم صرتي خاله

حضني وباس راسي ويلعب بشعري

صاحت ساره تعالو تريكو دخلنه جوه وتريكنه سوه وساعدتهم شويه بعدين كتلهم راح اروح للبيت أحضر لجيت سمر بدلت ووصلني عموو اني ورسل كالت اروح وياج رجعت نضفت البيت تنضيف كامل وفرش سرير امي لسمر وسويت شويه حركات نشره عل نفاخ وره السرير يعني لمسات بسيطه وانتضرتهم للعصر وحضرت العشه من وكت حتى ميحون والتهي للمغرب ال جوي دخلو سمر خطيه صايره الحلقه الاخيره وتون بوسته وسندته ويه عمتي وامي جانت شايله الطفله كعدناه عل سرير وهيه تصيح
احممممممد بطني

عيون احمد كلب روح احمد والله لويندار الوجع بيه ولا هيج تونين

اجاه صوته بذني وهوه يكول

لك اثكل حيوان شتريد تجيب بمكانه قابل

غير لو ترهم يخوي

هههههههه طاح حضك اي والله

خويه فهد غير اني مااحجي😂

لتفتت فهد يمكن هوه جايبهم لن عمي الصبح من رجع راجع بسياره رحت عل بنوته بحضن امي

يمممه نطيني ياه فدوه شلون حلوه

هاج بس عل كيفك

فدوووه حياتي هاي شكدوته يممممممه أريده عفيه بعد مانطيكم ياه

ياااااااي شنو هل أدين الناعمات وابوس بيهم كالت امي

نطيه شويه العمه خل يشوفه
نطيه شويه العمه خل يشوفه

ماما ما يمه والله تخبل مانطيه لحد

رفعت راسي لكيته يباوعلي وينصي

ولج كافي ذبيه راح تتعلم عل حضن

يمممه شبيج والله متنعاف اريد اكرطه

ولك احمد بنتك راح تروح بيد قمر

عمه كولشي ماريد لابنتي ولا كولشي اريد بس سمر تطيب دتون بكلبي

ولج يمه سمر تره خبلتي لوليد من البارحه واليوم هسه هيه هاي العمليه تحملي يومين وتنسين

يمممممه بطني احمممممد بطني

هههههههههه والله سمر شكلج يخبل بهل منضر الله شوفي شلون داضحك عليج

قمممممممر اسكتي بطني ماببه حيلج

كامت عمتي وكفت يمي وصاحت فهد تعال شوفه

كام وكف يمنه صرت اني بنص ورهف بيدي وعمتي منا تلمس خدوده بديه
شيله يمه اذا تريد

لا يمه عل بختج هاي الزعطوطه خاف تكوم تبجي متقبل تنطيه ويباوع عليه وينصي عل رهف وعمتي تبتسم كتله

هاك شيله

لالا عمي ماريد شبعي بيه

خزرته

بتسم

وكال يله اني رايح تردون شي

حاوبت امي والله محد يطلع الى الكل تتعشه هاي بعد حلفت يله قمر صبي العشه بساع

يممممه ورهوف

ولج تخبلتي ذبي لبنيه وامشي

طب عمي عاد هنا اختلف الوضع كتلهم هسه راح اذبه يم جده

عموووو انطيكياه بس بشرط أكمل عشه واخذه
ههههههه جيبي جيبي اخذتيه طابووو

اي معليه شتكول موافق

اي بس جيبي

نطيته ورحت اصب العشه طلع هوه عبالي راح يروح كتله

تره صبيت

مرايح اهنا داشرب جكاره

هااااا

فرشت السفره وصبيت ورسل وياي تساعدني لتمينه عل سفره كولنه بس احمد مكابل سمر هاي فركاس مينكاس انوب شكو بطنه خبلته لحمد ساعه ينومه ساعه يكعده حتى متعشه كملنه ولميت السفره والجاي وهاي السوالف داغسل مواعين ورسل تخض طلع فهد وراح وراه بيت عمي هم راحو حتى احمد امي كلتله روح للبيت ارتاح انت منايم من البارحه وإذا ضليت مكابله تره تخبلك روح اني يمه عاد راح واني استلمته سهره لصبح

بقت سمر يمنه 10 أيام بس حيل تعلقت برهف خلصته الصبح بدوام والضهر بين سمر وبنته والبيت وبليل سهره ويه رهف الي صوته مله علينه البيت عمتي والبنات يجون بستمرار واحمد مرتين بات يمنه وره رجعت سمر للبيت كولش ضجنه يعني مادري شلون هيج تعودت عليهم هيه ورهف حتى دمعت وامي تضحك عليه دكلي والله انتي جاهله
اشو سبوع وجتي سمر تبجي ذبه احمد من الباب وراح ولج هاء ماتحجي بس تبجي كعدنه نهدي بيه شويه شويه إلى حجت طلعت متعاركه هيه واحمد تكول

يممممه اني من جبت نفسيتي تعبابه مادري شبيه

اي يمه كل وحده غير مال النفاس وشكو

يمه رهف بس تبجي ماعرف اسكته شلون اشيله ارضعه انزله يم عمتي البنات يشيلوه ماكو لاجه خبلتني وبليل سهره لصبح

اي يمه كل جهال هيج لعد انتو شلون صرتو طلعتو تمشون وتركضون قابل واحمد شبيج وياه

يمه النهار كله بلمحل وبليل يلف راسه وينام

لعد شتردي يسوي غير رزقه اذا يكابلج ويكعد شتاكلين انتي وبنتج

يمه ميساعدني عليه

عزه لعزاج ولج شيساعدج يرضعه لعد انتي شلون ام

يمه تعبت تعبت

موكتلكم انطونياه مار

ضيتو😕

انجبي قمر اني مداشاقه يمه احجي وياه 😢
عوفيه يمه شوفي بنتي هاي سنت الحياه الرجال يشتغل ويكد ويتعب والمره تربي وتداري وثنينهم يتعبون وكلمن يتحمل واجبه بعدين ميصير المره تطلع من بيته وتعوف رجله على أتفه الأسباب والله شنو ميساعدني عل بينه وهوه شيكدر يسوي لوكل النسوان تفكر مثلج جان ماوحده خلفت وجان كل رجال طلك مرته هسه انتي تكدرين تطلعين وتشتغلين شغله مستحيل متتحملين بين ماهوه متحمل اني ماافزعله وهوه هسه مموجود بس هاي الحقيقه وانتي بنتي واني انصحج اسلج بالله من عاركتي احمد شسوه

دنكت سمر

احجي ليش سكتي حلفتج بالله

والله يمه ساعه وهوه يهدي بيه وكلي شتردين اسوي واخذه نزله جوه يم عمتي بس اني طكت فيوزاتي وكتله هسه توديني لهلي وجابني

ماكولج غير كلمه وحده تمنيته هذا مواحمد وتسوين هيج تمنيه واحد بالي جان عرف شلون يجيبج مدمايه

قصدج فهد مو

اي فهد اي دحمدي ريج يابنتي واكعدي هوه وين اكو مثل احمد عيب هاي تصرفات الجهال بنتي انتي كبرتي وصرتي إم واحمد تفرين العالم كله متلكين واحد يحبج مثله والدليل كبر عقله وماحاجاج وجابج واجه

كلام امي جان مثل البلسم عل جروح سمر حتى خجلت ودنكت فدوه لعمرج يمه شلون عرفت شلون تحسسه بغلطه مرات من تصير اكبر المشاكل وتحس نفسك انت صاحب الحق وانت المضلوم بس من تكعد ويه الأكبر منك ويكون يحبك ويريد مصلحتك تخجل من تصرفاتك ودكول يارت يرجع الوكت جان مسويت الي سويته مثل سمر هسه من نسحبت من بينه وراحت خابرت احمد وصالحته
بيومه دعيت من الله يخلي امي النه ويطول بعمره عل هل عقل الشايلته وعرفت شلون تخلي سمر بنفسه تعترف بغلطه

بليل اجه احمد عليه ولاكنو شي صاير وراحو وهمه يضحكون شوف الدنيه ساعه تبجينه وساعه تضحكنه

ومرت الايام أكثر من 4 أشهر حياتي هادى ومابيه شي جديد غير الدوام والبيت والحمدالله إلى ان فديوم المغرب حست امي مو على بعضه قست السكر صاعد انطيته الدوه بس وضعه معاجبني كلت قبل اليل اوديه احسن كتله ماقبلت كالت مبيه شي هسه انام واكعد اصير زينه مقتعت كلت اخابر احمد دكيت عليه

الوووووو هاااا احمد شلونك

ولج احمد شنو كولي ابو رهف

ههههه اسفه اسفه نسيت أنت صرت اب

اي لعد شعبالج غير اني ماحجي

حقك عمي حقك عيني ابو رهف امي شويه تعبانه فقبل ميصير اليل شدكول نوديه اني وياك

خوما بيه شي الله عليج

لا والله بس وضعه معاجبني تدري بيه اوهس وهيه عده سكر
هاهيه هسه اجيب السياره واجي ولا يهمج حضرو نفسكم

اكولك لاتكول السمر يضل باله خطيه
.

لا اكيد مااكوله

يله لعد باي

الله وياج

رحت لمي توسلت بيه ردت ماقبلت قفلت اجه احمد ويايه حجه إلى ال قنعت واخذناهه
ويارت واخذناهه ....

..

..يبتع...

قۣۗـۙصۣۗـۙصٍ 📖ۆبۣۗـۙسۣۗ 💯

#غصـبوني_آعشـگگ
رفل الكناني

#البارت 10

اخذناهه اني واحمد كوه هيه مقابله وصلنا المستشفى فحصوه وقاسو السكر طلع مفول راسن ضربوه انسولين مع العلم امي من مات ابويه هيه صار عده سكر بس مسيطره عليه ومواصلة المرحله الانسولين خلوله مغذي وبي ابره وبقينه ننتضر ونتضر وسمر ستبطت احمد خابرت عليه كله طالع بشغله سده وخابر على امه كله عمتي هيج وهيج بس مكلت السمر اخاف يضل باله والله شويه وجان يجون عمي وعمتي وفهد بملابسه العسكريه يمكن هسه جاي من الدوام سلمو وعمتي كالت ليش مدزيتي عليه اجي وياكم كتله والله ماردت اقلقكم دنحجي ودخل الدكتور شاف فهد سلم عليه سلام حار وباوسه الضاهر يعرفه وتقدم فحص امي وجيك ضغطه والسكر وكال

ابو نمر الحجيه متطلع اليوم اريدكم تفتحوله طبله وتنقلوه من الطواى للردهه حتى الصبح يجي الأخصائي يشوفه
كله فهد

خوماء اكوشي دكتور

لا بس يشوفه الأخصائي احسن

ان شالله دكتور اشكرك

راحو هوه واحمد سوو الدخوليه ونقلنله امي للردهه بس ميقبلون بس مرافق واحد يبات وياهه عمتي كالت روحو اني اضل ماقبلت كتله مستحيل اعوف امي وين اكدر ابد ماتحرك مناء

يمه موعندج دوام روحي وعمتج تضل يمي

يمه كل عقلج وين اكد بدونج انتو روحو واني ابات

حجه احمد

لعد روحو وخلي قمر تبقى واني هم راح ابقى اخاف يحتاجون شي

ابني ومررتك هسه يضل باله هم امه بلمستشفى وهم انت ماكو

يمه لعد شلون

حجه فهد

احمد أخذ امي وابويه وروح اني باقي

مدام هيج لعد يله تره سمر حركت عليه الموبايل كل شويه دك هسه الكله متخبله

طلعو وامي نايمه من العلاج فهد هم ميخلو يدخل للردهه لن بس نساء هم طلع واني كاعده يم امي وعيني عل مغذي شويه واجه دك الباب ودنك ودخل

هااا خلص المغذي

لا شويه بعد

تعشيتي

فهد ماشتهي العسل

شنو السالفه تره مبيه شي سكر صاعد ومناء لصبح تصير زينه

ان شالله

طلع شويه ورجع جايب علاكه خلاهه عل ميز وكال

تعشي

كلفت نفسك والنبي ماشتهي

شكلف نفسي هيه لفه

عافني وطلع فتحت العلاكه لفه صاج وقوطيه ببسي اكلت منه شويه لن صدك نفسي مسدوده والباقيه رجعته بلعلاكه عل ميز والببسي اصلن اني ماشربه

والله لصبح اجه الأخصائي وحول امي عل رنين ومفراس وموكومه تحاليل خلصنا اليوم كوله نركض بي عل هل اجرات بس هواي تسهلت لن فهد ورتبته وين منفوت يكملون الشغله بسرعه عمي وعمتي اجوي الصبح وسمر هم فرفحت بجي من شافت امي بيده الكانونه كالت والله كلبي علم البارحه روحي لايبه ادري ليش مكتولي كتله والله حتى ميضل بالج

انتضر للمغرب كلهم فهد توكلو تره يمكن متطلع اليوم لن نص التحاليل مشافهن الدكتور وإذا كتبوله خروج اني اجيبهم عاد راحو وره ساعه اجه الدكتور وبيده كل الفحوصات السويناهن نفسه دكتور البارحه وكف جيك الضغط والنبض ويباوع بل فحوصات كمل واني لتهيت اعدل امي والمخده الواره واغطيه واسمعه يحجي وياه فهد مركزت بس سمعت عده التهاب البنكرياس وأخذ فهد من ايده وطلع بره كلبي لعب لحكتهم لكيته يمشي وياه بلممر بقيت بلباب شويه وسالمه الدكتور واجه بتجاهي بس وجه معقوج

هااااا فهد شكال الدكتور اشو مطلعنه

يحجي وضايج كال

يكول يحتاج شكم يوم تبقى هنا لن السكر مدينزل

لعد شنو يكول التهاب البنكرياس تره سمعته

اي مثل مسمعتي لتهاب عادي حاله حال اي التهاب يروح ويطلعوه

يحجي بنتر

وانت ليش ضايج تره اذا تريد تروح عادي روح اني ماعليه شي والله

خزرني وكال

اني هنااا اذا تردين شي خابريني

وراح

هذا شبي هسه منو عاتب عليه يبقى لا بس هوه ايه جان طبيعي اووووو شمدريني هوه هذا مخبل كل ساع وجه شكل رجعت يم امي والدكتور كل ساعتين يجي يشوفه وفهد وياه بقت امي 4 أيام بلمستشفى كل يوم اكول هذا اليوم نطلع وماكو وامي صارت للاسوه والدكتور منع عنه الاكل نهائي فقط عل مغذي عمي واحمد وسمر يوميه يجون وعمتي تتوسل يمه روحي وخل اني ابات وياه كتله ابد ماعوف امي فهد يروح للدوام كم ساعه ويجي وعمي سله وين دتبات كله هنا بغرفه المنتسبين بيهم كم واحد أعرفهم بليل راحو بيت عمي وتمشيت وياهم اريد اجيب تحاليل امي بطابق الرابع دنمشي بلممر واجه فهد سلمو وراحو كال وين رايحه

داجيب التحاليل

يله امشي

رحنه سوه وصلنا المصعد طلع مشغول واكفين ننتضره قريت يم المصعد لافته مكتوب بيه (لا تترد في الكشف المبكر لسرطان البنكرياس )

من قريته عقلي تبنج واطرافي خدرت اريد اوكف ماكد يعني البنكرياس نوع من أنواع السرطان يعني امي عده سرطان اريد اوكف عل حيلي بعد ماكدر انفتح المصعد وفهد يجر بيه يمعوده راح ينسد اصعدي واني ماكو فاصله جرني حيل ونسد المصعد بعد مكدرت كعدت بلكاع وعيوني جرت هوه تفاجه نزل المستواي

شبيج قمر شكو يمعوده

فهد ليش مدكولي يعني امي بيه سرطان ودكولي التهاب احجي وابجي

فرك وجاه وكال كولي يالله ماكو مرض ماله دوه وان شالله تصير زينه

نفتح المصعد واني كاعده ابجي والناس يردون يصعدون ديباعون علينا كومني

من ايدي وطلعنا بس احس نفسي نذبحت عيوني مابطلن بجي وهوه يهدي بيه اخذنه التحاليل ورجعنا بيومه روحي نطحنت طحن كولشي ولا امي اني هيه سندي وضهري بهاي الدنيا واني ومالي غيره ربي اذا جاي تمنحني باامي فمتحانك حييل صعب اليل كوله ابجي بخنيك وماريد امي تحس يومين واني متزوهره بس مكلنه لحد بس اني وفهد وعمي يمكن يدري هيج عيونه دكول هواي ناس زارو امي لن امي تمشي عل عالم وخالاتي هم يوميه يجن وخالي هم امي عده بس هل أخوه وهاي صار أسبوع احنا بلمستشفى واليوم امي كعدت زينه جنه الورد والوجه متفح وتسولف ومنطلقه والدكتور سمحله تاكل سوائل خابرت سمر تسويله شوربه وسوتله ودزته ويه عمي وعمتي واكلت امي وشربت عصير وكالت اذا جتي سمر خل تجيب رهف اريد اشوفه مشتاقتله خابرته كالت هسه جايه عمتي كالت

يمه روحي رتاحي بلبيت كم ساعه واسبحي وغيري ملابسج وتعالي

بلبدايه مقبلت بس امي كالت اذا تعزيني روحي صار سبوع خطيه شصار بحالج عمتي كالت فهد يوديج ويجيبج عاد قتنعت ورحنه الطريق كوله ساكتين وصلت لبيت فتحت البوب وهوه ورايه وطبينه كتله ماتخر هسه عل سريع

هز راسه عود اي وراح تمدد بلستقبال عل تخم داصعد الدرج صاح

شغلي الراتر بدربج

شغلته وصعد طلعت ملابس الي ونزلت سبحت وجفف شعري وكملت هوه عل كعدته والموبايل بيده طلعت ملابس الامي وقفلت البيت ورجعنه لكيت سمر جايه ورهوف بحضن امي وامي تضحك ومرتاحه من شفته هيج حيل فرحت واحمد هم كلي خبر فرحني كلي الدكتور يكول اذا بقت هيج حالته باجر تطلع لن السكر اليوم نازل

في مابعد عرفت البنكرياس هوه مسوول عن تنضيم السكر

بيومه حيل جنت مرتاحه الراحت امي لليل كولهم راحو وامي اخذته للمغاسل غسلته وغيرت ملابسه وكالت اريد اتوضه اصلي اليوم اني زينه كتله
الحمد الله

رجعتنه وصلت ونامت اني هم نمت هذا اليوم جان متعب بس مرتاحه لن امي زينه نمت نومه عميقه مكعدت ال عل صوت الأذان فزيت مسغربه اشو امي مكعدتني اليوم يوميه مرتين او تلاثه تكعدني للمغاسل باوعت عليه نايمه كمت ليمه تلمسته امي قطعه من ثلج اكعد بيه يمه يمه ماكو اهز بيه ماكو تخبلت صحت

يممممممممممممممممه واهز بيه الردهه كوله كعدت كعدت عل صوتي وحتى الردهات لبصفنه اجوي اعيط وابجي واكعد بيه والنسوان خطيه لازماتني ويسون ياء خطيه شنو وحيدج هناء والثانيه تجاوبه لا وياه واحد يمكن رجله مدري شيصير منا دوم اشوفه بس هسه مدري وينه يحجون واني فاقده اعيط ملخت نفسي الدكاتره التمو وفهد اجه يركض عل ركضت الناس من شفت الدكتور غطه وجه تهسترت فهد لزمني وقفلني بحضنه ويصيح الله يرحمه الله يرحمه

فهههههههههههد امي مماتت ليش تغطون وجه فهههههد امي عايشه والله شوفه نايمه لازمني بيده ولايد الثانيه خابر بيه احمد
ملخت نفسي حتى العالم بجت

يممممممممممه اكعدي اليوم جنتي كولشي مبيج يمممممممممممممممممه هاي صحوت موت لعد يمه لا تعوفيني والله بعدني محتاجتج فهههههههههد لاتغطون وجه امي تختنك اصيح وابجي وهوه يريد بس يصيطر عليه ماكو سحبو السديه البيه امي كمت اركض وراه واصيح وووووووووين ماخذيه رررررجعولي امي كمت بلممر اركض واوكع رجليه متعيني يريد فهد بس يلزمني ميكدر وصلو امي المكان مكتوب عل باب (ثلاجه الموته ) هنا ماضل عقل برأسي كمت ارفس بيد فهد مثل الطير المذبوح

فهههههههههههههد وين يردون يخلون امي ولك امي مميته مميته والله كولشي مبيه الله عليك بس هدددددددددددددددني لك راح يخلون امي بثلاجه يعني تبرررررررررد شلون ينطيك كلبك فهههههههههد

لج عيني هديتي حيلي رجال شكبرني ماكد الزم
لج عينيني ماكو بس اني وياج بلمستشفى فرجتي العالم عليه

فهههههههههههد اريد اممممممممي اريد اممممممي

بهل اثانه اجوي عمي وعمتي جيت بحضن عمي

عممممممممي امي ماتت اني ماتت عمي انت موتحبني اريد امممممممممي حاضني وبس الجتاف تهز من ال بجي

بعد عمج اني امج واني ابوج واني كولشي

عمممممي ارررريد اممممي بهل اثانه واني بحض عمي حجه فهد

ليش مااجه احمد موكتله يجي حتى يرجع قمر للبيت

كمزت عليه ووووووووين يابيت ماتحرك منا تررريد اعوف امي لازمته من تشيرته واججرج بي لزمني من اديه

كافي عيني كافي لج راح تموتين كافي تره زرفتي كلبي

خل اموت شعندددددي عاشه وامي ماكو شعنددددددي

كله عمي تره هسه متهستره اخذه للبيت واني أكمل لجرات وصلهم وتعال عمتي مفرفحه لزمتني مكدرتلي كمت اتمرغل بلكاع كومني فهد كوه اكوم واوكع ويجر بيه للسياره ماقبلت اصعد مجبله بلباب

وووووووخر والله ماعوف امي ولكم اني جبته هنااا كولشي مبيه بس سكره صاعد ااااااني موته هيه مردت تجي

عمتي تحجي وتبجي والله يمه هذا يومه واني امج والله اني اني امج يابعد كلبي

لج عيني بس امشي خره بغيرتك احمد موكتله يجي هاي وين اكدره وحدي

ولك يمه وين يجي هوه موهم مرته هناك موتت نفسه شلون يعوفه غير تموت

قممممممر امشي عاد تره تعبتيني امشششي صعدني كوه هوه وعمتي وقفل السياره وساق الطريق كله ماهديت ولا دقيقه هوه خابر عمي ك

له يابه غراضهم بلردهه تره كولشي ماشلت اني قمر خبلتي روح عليهن لمهن جنطتهن بيه فلوس وموبايلات

وصلنه البيت والجوء كيب وكت فجريه والضوه توه طالع نزلني كوه واسمع صياح سمر طبينه سمر بلحولي ملخه نفسه لاوجه ولاثوب ولا شعر واحمد مقفله بحضنه ويسكت بيه وهيه تملخ فهد شافه ودنك وهيه شافتني ونست فهد ونست ثوبه المشكوك وشعره من بين احمد كمزت عليه

قممممممممممر امي وووووووين اممممممي ليش ماتت

وتكابلنه اني وياه يمكن فقدت آخر ذره بعقلي مدري شكد ضلينه عل هل وضع ساعه ساعتين او اكثر فهد رجع للمستشفى وعمتي اجتي لزمتني من ايدي

قممممر كافي كافي راح تموتين كومي وياي لبيتكم افتحي راح يجيبون امج خلي يطلعوه من بيتكم امج نفسه عزيزه وتحب بيته لاتخلي بنفسه انتي الكبيره لازم هسه انتي احسن من سمر قوي نفسج تره ال بجي ميرجع المات وينهم امي وابويه سويت مثلج وأكثر اشو مرجعو صيري سباعيه وكومي لمي بيت امج حبييبه كومي

عممممه اريد امي عمه والله بعدني صغيره والله بعدني محتاجته والله لو ميته اني ولا هيه عممممه

كومتني كومه اني وسمر ورحنا للبيت من طلبة انوب زدت اكثر واكثر البيت انترس اجني خالاتي وكل كرايبنه لهناك وجابو امي يبوو انجنيت شكو مره داير مدايري لازمتني مكدرولي نمت عل تابوت وادك عليه

يمممممه كومي هاي النومه موالج يمممممممممه ولكم افتحو هسه امي مختنكه ولج يمممممممممممممممه

شالو لو شالو روحي طلعت اركض مثل المخبله وسمر خربت وحارو بيه فجأه ويلزمني فهد يدفع بيه جوه وادفع بي مدري الله مين ذب عليه هاي القوه بحيث فهد وضخامته كوله مكادرلي آخر شي قفلني من صدري وصار ورايه ويريد يشلني واني د اكه رجلي بلكاع دفع دفع وصلني لغرفت امي

سد الباب وصار وراهه واجه لزمني من جتافي ويهز بيه

قمممممر انتي واعيه شدسوين لج شوفي صدرج وشوفي شعرج منا العالم خلص استسلمي مو الله شعلتي صفحتي

كمت اضرب عل صدره واخررر افتح الباب لك راح ياخذون امي واااااااخر

كافي والله راح اذيج لج اريد اروح للدفنه اذا طلعتي واريه اجررررم بيج بروح ابوج كافي

طلع وسد الباب وصاح سسسساره تعالي لزميه ولاتخليه تطلع ال نروح وهاي دشداشته عود نزعيه تره سوته خريطه

لا زم الكيلون مال الباب واني افتح بي من رخه شويه طبت ساره دفعته وطلعت هوه باب الاستقبال واني اركض داطلع صاح

يممممممعودات لزمنه يممممه اذا طلعت اكلب الدنيه

خالاتي حاوطني وستسلمت بس لدك والطم سمر ديذبون عليه مي ورهف مفرفحه مفزوعه من المنضر والصوت بيد رسل اسوه يوم في تاريخ حياتي كوله للضهر اجوي من الدفنه عمي حضنه اني وسمر وبس اكتافه تهز ويصيح اني امج واني ابوجن لزمت ايده عمي اريد اطلب منك طلب

عيوني الج بس كولي

عمي اريد الفاتحه هنا بيت امي لن امي تحب بيته ومن مات ابويه معافته وفلوس الفاتحه من فلوسه لن تعرف شكد نفسه عزيزه

هاهيه عمي مثل متريدن شتردن اسوي

باوعت الساره كتله كوميني اجتي كومتني رحت لازمه دشداشتي من يم صدري لن جنت شاكته لاكنه فهد بلحولي لزمني من ايدي فوتني للغرفه وساره ويانه وكاله

اني موكتلج تغيرين دشداشته

يحجي واني بغير عالم بس الدموع تجي بخنيك

كالته فهد منكدرله غير هسه تعبت وسكتت والله كولنه ومكادريله

روحي جيبي دشداشه بسرعه

راحت وهوه حجه

ميصير ياعيني تره حتى حرام عليج هيج تسوين والله عمتي لو تدري متقبل والله هذا يومه ترحميله ودعليه ماتت ومتعذبت الي مثله يبقون أشهر بلمستشفى
دخلت ساره

كله بدليليه وطلع

بدلت دشداشه سوده وخليت الشال عل راسي وفتحت كنتور امي وطلعت فلوس نطيتهن الساره تنطيهن العمي وطلعت

تلث أيام الفاتحه واني عايشه بس جسد بدون روح حتى العالم تجي تعزيني ماكدر اجاوب 3ايام اني محاطه الزاد بحلكي كله تتوسل واني ارفض جنت بس كاعده وراسي بين رجليه وابجي وسمر بعد اكثر كل ساع تتخربط من البجي واللطم ويطب احمد بين النسوان ويشيله حتى بنته عافته بيد ساره فهد اشوفه خطف من يمر من الباب لابس الدشداشه السوده واشماغ على ركبته

اصفن اصفن واكول هسه يطلع حلم واكعد منه والكه امي بس يوعيني حجي النسوان

ياعيني شوف قمر تكسر الكلب اخته اهون منه عده رجله شفتن شلون مبين يحبه يطب من بينه يشيله من تخرب بس هاي منو اله

منو اله

منو اله

منو اله

اكثر كلمه تقهرني فعلا اني منو الي بعد امي

.

.

مادري ليش بهل مقطع تخيلت قمر الله يصبره ويرحم امه ويعينه عل جاي

صدك بجيت واني اكتب هل بارت الله يحفض اماهتنا جميعا ويرحم الموتى منهن

يتبع...

قۣۗـۙصۣۗـۙصٍ 📖ۆبۣۗـۙسۣۗ 💯


#البارت11

اصعب 3 أيام بحياتي روحي ممروده ابد ابد مجنت أتوقع هيج تروح امي بلمح البصر وراحت راحت الي جنت احتمي بيه امي جانت موبس ام لا ام واب ربتنه وحيده ومن تقاعد ابويه مخلتنه نحتاج اي شي جانت عزيزه نفس وعلمتنه عل عزت النفس جانو اذا بيت عمي دزونه طبخه اكل لازم تطبخ احسن منه وترجعه حتى أخاف عبالهم احناء محتاجين جان لبسنه ومدارسنه كلشي من احسنا محسستنه احنه يتامى الاب علمتنه عل حلال والحرام والصح والغلاط دوم دكلنا اني صديقه الجن من يصير شي او تمرن بفد شي بحياتجن لاترحن لحد اني عدجن امجن ستر وغطه عليجن
مرت امي مثل النسماء الهادى بحياتي لااذتنى ولا بخلت علينه ولا عذبتنه من ماتت ماتت وهيه نايمه مثل الملاك

الكل يحجي عليه ليش متاكلين حرام عليج انتي دتعذبيه جنت فاصله ثالت يوم الفاتحة وبليل خفت العالم بقو بس القريبين اسمع صوت حدايد الجادر وهمه يفلون بي وادكطع بس بدون صوت كاعده بلصاله والباب مقابيلي وعمتي توجه عل شغل اجه فهد

يمه اني صار 3ايام ممداوم راح اروح هسه خابروني

يمه اكو واحد يروح بهليل هوه شضل لصبح

يمه انذار عندي يله راح اروح للبيت اسبح وابدل ويجوز ابقى كم يوم لايضل بالكم

روح يمه الله وياك

يمه لاتروحين للبيت ابقي هناء لاتعوفيهن واحمد خل يبقى هم اني وصيته

لا ابني شلون اروح وعوفهن بس هاي قمر علتني صار 3ايام مماكله هسه توكع علينه

يمه موبكيفه وكلوهه اني هسه لوماء مستعجل جان اني جبرته عل اكل راح اروح ثيمالاء

الله وياك بسلامه

دخلو عمي واحمد وخالي كعدو وخالاتي دايري مدايري خالي كعد كبالي وحضني ييجي وعمي كاعد بصفي كلي خالي

لا تبجين اني عندج وبعد ماعوفج حتى راح اخذج تعيشين يمي بعد مترهم تعيشين وحدج بيتي مفتوح الج من اليوم
جاوبه عمي
العفو ابو طيف اكطع سالفتك بلخير بس بنت اخوي متعيش ال بيتي بعد بنت اخوي بنتي وحاله من حال بناتي

رفعت راسي وكتلهم بصوت مبحوح

عمو خالو ثنينكم عل راسي وبيوتكم عامره بوجودكم ان شالله بس اني ماطلع من بيت اهلي أعيش بي وابد ماعوفه

كال عمي

هذا شلون حجي عمي كل عقلج اخليج تعيشين وحدج شلون عيني تغمض وانتي بعيده عني مستحيل تجين بيتي وإلى اكابلج واكعد واعوف حتى عائلتي

خالو ميصير حبيبتي هاي عمج يريدج يمه واني هم اكيف تجين بيتي وانتي بكيفج تختارين بس مال تعيشين وحدج هاي ممقبوله

انتو ليش متفهموني اني ماكدر اعوف بيت بي ريحه امي ماكدر

بعد انتي وين رايحه قابل هذا بيتنه شمرت عصه وشوكت متردين اجيبج بيدي تكعدين لحد متملين وارجع بعد شتردين

شوف عمو انت كلت بيتك شمرت عصه خلص اكعد هناء والله ماعليه كولشي وانتو يمي صوت واحد تسمعوني بعد شكو
ابد ابد تجين بيتي تكعدين وهم ويه اختج غير هذا الكلام ازعل عليج ولساني ميجي عل لسانج انتو مودكولين انت ابويه شلون متسمعين كلامي اذا تحبيني لاتناقشين ايدي نعصر لتفتت لكيت سمر تباوعلي بتوسل عود اقبلي

هزيت راسي بلموافقه وكتله عمو بس بشرط

كلشي يجرالج

موهسه اروح اريد ابقى شكم يوم

مثل متردين اهم شي قتنعتي

خالي كال مدام هيج لعد احنا نترخص وبيتي مفتوح الج وبيوت خالاتج شوكت متردين بوسني وطلع وخالاتي هم راحو بيوميه فكرت ويه نفسي هذا الشي السويته صحيح اكيد صحيح واله وين اروح مكدامي غير حل وخالي ممتعلمه عل عيشه يمهم وهمه عائله كبيره وعنده حتى جناين بلبيت يعني شفت انسب شي بيت عمي وافقت ومادري شينتضرني

بقينه بلبيت للسبعه عمتي ابد معافتنه هاي الانسانة شكد ماامدحه قليل يوم واحد مراحت البيته وبلسبعه تحزمت حزام من الصبح وسوت ذاك العشه ليبيض الوجه والحلاوه خالاتي اجني حالن حال الخطار ليليل كلمن راح البيته وعمي كال يله بنتي دنروح ساره صعدت لمت ملابسي وغراضي واني ماعندي غير الدموع طلعنا واني اباوع لكل زاوية بلبيت عندي بيه ذكره

هنا لعبت

وهناء درست

وهنا كعدتنه وسوالفنه

ودعت البيت بدموع عيني

احمد قفل وطلعنا وساره ساندتني دخلنا بيت عمي فهد جان كاعد بلستقبال بلفانيله التعلاكه من شافنه التشيرت بصفى راسن سحبه ولبسه كعدنه وعمي كال

الغرفه الفوك الي هسه غرفت ساره هاي الج

عمو والله ميحتاج ماريد غرفه اكعد وين مجان خطيه غرفت البنات ليش تطلعهم منه

لا بنتي الغرفه الفوك احسن حتى تاخذين راحتج وهم بصف غرفت اختج اخاف تحتاجين شي

عمو الله عليك لا تحرجني غرفت البنات خطيه شنو ذنبهم يعوفون غرفهم عل مودي

حجت ساره

يمعوده ياغرفه فدوه الج بعدين خل نغير شويه والله جوه احسن النه هم اخاف امي وابويه يردون شي

خطيه ادري بيه حجت هيج عل مودي بيت عمي بيتهم كبير فوك 3 غرف وحده فهد وحده احمد وحده جانت مال البنات هسه راح تصير إلى
وحمامات

وجوه 3غرف وصاله

كامت ساره رتبت اغراضي فوك ونزلت أغراضه هيه ورسل واني كاعده اول مره ادخل بيت عمي واحس نفسي خجلانه ومستحيه بحيث متحركت من مكاني عل كعده وحده وافرك بصابعي سمر صعدت لغرفته لن رهف متنحسه وفهد ك

اعد عل لابتوب بنفس مكانه من دخلنا اجتي عمتي كالت كومي بنتي صعدي رتاحي كملن البات كمت صعدت للغرفه مددت وأفكر وين فرتني الدنيه وبعد شكد راح تفرني أخذت مني ابويه واني صغيره ويتمتني وهسه أخذت امي وبعد شضامتلي مادري بين هل أفكار والتعب نمت

ومرت الايام كل يوم يمر بسنه الكوليه عفته شكد توسلو بيه ارجع مكدرت سرى اجتني أخذت من خاطري وشكد رادت تقنعني ارجع للكوليه كتله حتى وان رجعت مالي واهس بيه ولا اكدر اقره خلصته بنهار نايمه وبليل تهيج المواجع اضل افتر بلغرفه مثل لمخبله وابجي لو اباوع صور امي لو اصلي واقرأ قران إل ان أتعب وانام شكد رادو يغيرون نفسيتي مكدرو ساره ورسل يصعدن يمي يحاولن يغيرن عليه جو يضحكن ويسولفن واني بس أجامل سمر حالتنه احسن مني شويه ملتهيه برهف واحمد بس من نختلي وحدنه نفرفح بجي

فهد ماصادفه هواي لن هوه الصبح بدوام لليل ومن يجي اكون بلغرفه بس مرات اسمع صوته بلبيت واكول احسن مااصادفه لن بلفاتحه شفت نضرات الشفقه بعيونه عليه واني ماريد هاي النضرات لعد شكد مكسوره اني بحيث حتى ليكهرني يشفق عليه

صار اربعين يوم من ماتت امي واني عبالك البارحه ماتت نطويت حيل واعتزلت الكول كل كعدتي بلغرفه قليل انزل وهوه يعرفون حالتي مضغطو عليه خصوصن عمي خطيه ميكدر يصعد الدرج لو يوكف جوه الدرج ويصيح عليه تعالي اكلي لو ليش متنزلين ومرات يخابرني عمو حبيبتي تردين شي مشتهيه شي ضايجه تردين اطلعج مااجاوب غير لا عمو الله يحفضك ادري بي شكد يحبني وشايل همي سوينه الاربيعين وعزمنه عليه وثاني يوم طلعنا للنجف اول شي زرنه الإمام علي عليه السلام وبعدين توجهنه للمقبره هناء فقدت حرت يمن اكعد يم امي لو يم ابويه همه واحد بصف الاخ كعدت بينهم وبجيت ولطمت ومرغلت روحي بلتراب لحد مافقدت وسمر لو يهده احمد تسوي الأكثر بس احمد لازمه ماوعيت ال لمن عمي يكب عليه مي وعمتي تبجي وتحجي عليه

ولج راح تموتين والله حرام عليج همه ديشوفون هسه يتعذبون بهاي سواياتج

كومني كوه وصعدوني بلسياره رجعنه الطريق كوله مدري فاقده مدري نايمه طببوني سحل ساره وعمتي صار بوجهنه فهد

هااااا شبيه

جاوبته عمتي

تخربطت من كد مانحبت وبجت

انوديه مستشفى ؟

هزيت ايدي لا وحجيت بصوت مبحوب بس صعدوني للغرفه

صعدت نمت بهدومي لثاني يوم كعدت اريد اشيل جسمي ماكدر مصخنه نار وارجف سمر أخذتني للحمام سبحتني عباله اتنشط انوب نتكست اكثر رادو اروح دكتور او مستشفى ماقبلت كتلهم لا جيبون طاري المستشفى اتخبل منه اني ماتت بيه بعد ماطبه نهائي

يمعوده المستشفى شعليه هذا يومه كوله دكولي كتلهم امي راحت بس سكره صاعد مثل كل مره طلعو بيه الف مرض لحد مماتت بيه ماريد اروح عوفوني أسبوع واني ميته من السخونه آخر شي جابولي علاج من الصيدله وضربوني ابره ال صرت زينه شويه

وره شهرين من وفاه امي صاح عليه عمي نزلت كعدت يمه

بنيتي اريد احجي وياج واريدج تفهميني

كول عمو اسمعك

انتي تدرين شكد اعزج ميحتاج اشرحلج بس الي راح احجي اريدج تفكرين بي وتاخذي بمعقل الجد

اااي

شوفي بنيتي الناس بيت بله ومترحم وماعده شغله غير كال فلان وحجه علان اني اليحجي لو اسمعه افصم راسه من ركبته بس اكيد محد يحجي عليج كدامج اكيد وراج

عمووو شصاير تره خوفتني

اسمعيني للاخير ولاتقاطعيني من خطبتج الفهد بلبدايه الله شاهد عليه ردتج من كلبي لن احبج وبنت اخويه ومالكه مثلج بس من فسختي الخطبه شتعلت وطفيت بس من عرفت ابني عايل كلت حقهه ماجبره هاي يتمه وعده حوبه اخاف تطلع بناتي بس هسه الي سمعته يخليني اضطر اطلب اخطبج لفهد اني مايهمني حجي الناس همه وهذا لبرجلج بس انتي بنيه والج سمعتج وارجع اكولج اني لو سمع لديحجي ادفنه بس الناس متخاف الله ولازميه عل هاء بنيه شابه مخليه بيته وهوه عنده شاب ممزوج لا وانوب جان خاطبه قبل فردت اضرب كلمن عنده حجابه عل حلكه واخطبج لفهد شدكولين
عمووو انت شتحجي اني شعليه بكلام الناس اذا انت متثر بي اني اروح اكعد عد خالي

ومنو كلج راح تخلصين هناك بعد انكس اخاف ماكو ناس تحجي اكو نسوان كيدهن عضيم مسامعه شسون بلنبي يوسف وخالج عنده جناين راح يكومن يسون شنو بنيه شابه ويانه بلبيت ورجولته موجوده وبعدين اني شلون أقبل ترحين وتنجاب سيرتج خو اخذج لفهد واسد الموضوع فكري زين ورديلي خبر بنيتي

عمووووو امي ترابه بعده منشف وانت تريد تزوجتي لا عمو انت بهذا كلام هسه صدمتني

اني ماكتلج عرس وهوسه وزفه تره اعرف مووكته فكلت تعقدون وخلص

شفت عمي حاسبه صح ومين ماجي يطلعلي بسالفه عفته وكمت صعدت اركض لغرفت سمر شافتني تفاجت

ولج شبيج شكوو

سمر الحكيلي عمج يريد يزوجني لفهد

شنووووو منو كلج

هسه جان يحجي وياي ووووووسولفتله

تدري حقه هاي الناس صدك متستحي

لاتخبليني سمر شنو حقه والله مااوافق اكتله الروحي

اووووف قمر رجعنا لسوالف قبل اصبري خل نفكر

شنفكر هااا شنفكر عمج حاسبه من كل الجهات شسوي كليلي

مادري والله مادري اصلن عقلي كام ميفكر

كمت ابجي عف

ته ورحت للغرفه يعني اني مااخلص فهد ورايه ورايه شسوي ياربي والله تعبت يمه ليش عفتيني عل ايد هذا وذاك ليشششششش دفنت راسي بلمخده وابجي لهناك وجتني فكره ماكو غير سمر تنقذني رحت عليه

سمر اني لكيت الحل والحل بيدج ...

شنو كولي

نروح نعيش اني وياج واحمد بيت اهلي احسن مفارغ

ومنو يكول احمد يقبل

انتي تقنعي

ميقبل واني متأكده بعدين شلون اطلعه من بيت اهله منو يكول عمي وعمتي يقبلون

سسسسمر لاتضلمين عليه ماعندي غيرج نعيش هناك واخلص من فهد ومن كلشي

قابل اني بيدي غير بكيف رجلي

اي احجي وياه اليوم واقنعي سمر والله ماعندي غيرج فدوه اروحلج

اشوف اليوم احجي وياه

صار عندي امل شويه وكمت اخطط ارجع لييتنه وأعيش هناك واخلص

لليل جتي سمر كالت

احمد تخبل يكولي شنو ترديني كعيدي اكعد بيت اهلج

سسمر كعيدي شنو هوه منو اكو غيرى وياكم راح يكعد

شمدريني وطلعلي الف حجه يكولي محلي هناء وبعدين هم مسوينه شي اني من الصبح لليل بلمحل يعني هم راح تضلن بلبيت وهم منخلص من حجي الناس عل عايشات وحدهن

الناس

الناس

الناس شخبصتونه بلناس يعني ادفن روحي بلحياه من واره كلام الناس تره مصايره حرام عليكم كمت ابجي ارررررررريد امي يمممممممه تعالي شوفي حالي شصار بيه وراج

سمر حضنتي وتهدي بيه بقيت يومين مانزلت بليوم الثالث صعدت لي عمتي

عمه حبيبتي ليش مدتنزلين امي تره راح تصير بيج حاله نفسيه ليش هيج تشلعين كلبي والله انتي بمعزه ساره ورسل واحبج بنيتي وافقي عل فهد وانسي الماضي وان شالله الله يملي عينه بيج بنيتي وميشوف غيرج

عمه انتو ليش مدتفهموني اني وفهد منتراهم وحتى هوه ميريدني ليش تجبرونه

منو كلج ميريدج كعدنه وحجينه وياه وافق

بس اني مموافقه

والله احنا نريد مصلحتج واله شعدنه وياج بس غير نحبج والله بمرور الايام راح تحبي اني بمكان امج وانصحج راح اعوفج وانتي صار يومين تفكرين عمج يريد جوابج اليوم

عافتني وطلعت

لزمت راسي ليش هيج ديصير ليششششش راح اتخبل يعني شسوي شلون بيه فكرت احجي ويا فهد بس كلت اخاف يغثني بحجايه بس وساعته يمكن مو بس ارفضه يمكن دقيقه ماكدر ابقى بلبيت

اجتني سمر كالت

قمر وافقي والله احسن الج

انتي شتحجين نسيتي شسوه بيه

لا منسيت بس شتسوين قمر وافقي احنا ماعدناء غير بيت عمي شوفت عينج بس خلصت الفاتحه خوالخ كلمن دار وجه وراح ومحد وكف ويانه غير بيت عمي وافقي وخلي راسج عل راسي وخل نكعد

ختنكت حيل يعني هاهيه اتحاصرت كلكم صرتي ضدي

موضدج بس هذا الصحيح وفهد كلبه طيب بس شويه أسلوبه ان شالله وره الزواج يتغير دنحجي ودخلت ساره كالت ابويه يريدج نزلنه سواه اني وسمر

اشرلي اكعد يمه اجيت كعدت

هاء بعد عمج شكلتي ان شالله فكرتي

انعاد نفس الموقف قبل سنه ضليت لا أخذ ولا انطي خلص قمر

انتهت
قمر بيده دفنت نفسه

ويمكن فهد هوه الفاز وكدر يحصل عليه وهل مره براضاتي

الدمعه مستقره بعيني كلت بصوت مخنوك وكوه ينسمع

اني

موافقه ...،

.

يتبع.....

🧡🪴💭
..
قل للذي هو مثقل من همه
هوّن عليك فإن ربك يعلم
.
.

🧡🪴💭
#مساء_الخير

أبراج غيرتها تكون شديدة ومجنونة فقط على أحبائهم وشركائهم #العقرب #السرطان #الثور #العذراء

أبراج غيرتها تتمحور حول نجاحات الغير وتمنّي الوصول لها وحب التنافس #الجدي #الحمل

أبراج غيرتها قليلة #الدلو #القوس

أبراج غيرتها عالية نسبياً ، وتعتبر أبراج غيورة على الصعيدين غيرة من الغير وغيرة على أحبائهم #الجوزاء #الأسد #الميزان #الحوت

قۣۗـۙصۣۗـۙصٍ 📖ۆبۣۗـۙسۣۗ 💯

#غصـبوني_آعشـگگ

#الكاتبة رفل الكناني

#البارت12

كلت موافقه واحس نذبحت من الوريد للوريد اني بنفسي حكمت عل نفسي بلموت البطيه اي موت فهد بلنسبه اليه موت خلص ماعندي غير حل ستسلمت

عمي جرني الحضنه وباس راسي وكال والله لخلي يخليج بعيونه وإذا مخلاج اشلعهن اله

عمتي كامت بوستني والضحكه ماليه وجهه حبيبتي والله لو ما العيب ال اهلهل ساره ورسل طارو فرح وعمي كال

باجر اجيب الشيخ وتعقدون والله جنت اتمنى اسويلكم احلى عرس بس احنا ردنا شي وربج راد غير شي ام فهد سوي مثل مكتلج

جاوبته

من عيوني تدلل قمر

عفتهم وصعدت لغرفتي من صدك بجيت من كل كلبي سمر دكت الباب كتله عوفيني اريد ابقى وحدي بيومه مانزلت لثاني يوم الصبح بس سمر موجوده

صباح الخير سمسم

صباح النور

اشو ماكو أحد

عمتي طالعه هيه وساره

هااا

شنو ساره ممداومه

لا

شلت رهوف لعبته شويه وسمر سوت ريوك تريكنه سوه داغسل مواعين ودخلت عمتي وساره محملات علاليك وصاحتلي عمتي غسلت ايدي ورحت

هااا عمه

تعالي بنتي كعدي

كعدت وكامت تطلع بلغراض ضليت صافنه هاي شنو ممخليه شي مجايبته ملابس بيت وطلعه وملابس نوم ومكياج وعطور جنط واحذيه ممخليه كلشي من أحسنه وارقه الماركات

عمه هاي شنو ؟

هذا جهازج وتعذريني من التقصير تمنيت الضروف احسن والله جان جبتلج اكثر من هيج هذا جيته عل ذوقي وذوق ساره ان شالله من تتحسن نفسيتج تطلعين تجهزين بنفسج هذا شي موقت

عمه والله انتي مكلفه نفسج والله العضيم ماله داعي بعدين اني لابسه اسود ليش تعبتي نفسج

صدت عل ساره وكالته سوي مثل موصيتج كامت ساره لملمت الغراض وصعدتهن

لزمت ايدي وكالت شوفي حبيبتي اريدج من هذا اليوم تبدين صفحه جديده اليوم ان شالله تعقدون اريدج تنامين بغرفت فهد منا وهيج حبيبتي هاي سنت الحياه واني اعلمج مثل معالم ساره ورسل بلمستقبل صحيح انتي حزينه عل امج الله يرحمه بس اريدج بلغرفه تذبين الأسود انتو بعدكم شباب والأسود بينكم مو خوش فال واريدج اليوم تنطين مجال الفهد تعرفين قصدي انتي كبيره واعيه ادري تحلمين بعرس وبدله بس الضروف اجبرتنه عل هل وضع

تحجي واني مدنكه والدموع امسح وحده تنزل عشره

كامت فتحت الكنتور وطلعت علبه حمره باوعت عليه هاي علبتي الي رجعته من فسخنه كالت

شوفي عمه من اول مشتريت ذني الذهبات شتريتهن وماتخيلتهن عل غيرج ومن فسختو الخطبه كلت قسمه بس دعيت الله بن ملتلبسهن غيرج والحمدالله الله ستجاب

حبيبتي عمه الله لايحرمني من حنيتج

ويسعدج يابنتي ويجعله زواجت الدهر أن شالله

بوستني وعفته وصعدت فوك داطب للغرفه نجريت من ايدي التفتت سمر

شكو جارتني شتردين

تعالي تعالي وانتي تعرفين

دخلنه بغرفته وقفلت الباب

شبيج يمعوده شكو

اشرتلي عل ميز باوعت علب مال شيره

هاي شنو ؟

مثل مدشوفين واليوم مطلعين ال اسويلج

سممممممر

لا سمر ولا بطيخ اليوم تعقدين اكيد عمج ميعوفكم هيج ال يخلي فهد ياخذج واليله

نجبي سمر شهل حجي

اي وهسه تشوفين وكولي كالت سمر

ستغفر الله هسه حتى بهل سالفه هم حطيتو نفسكم

اكيد نحط نفسنه لن انتي وفهد مو امان لن انتو مثل توم وجيري اذا نهدكم واحد يموت الاخ

اووووووف سمر عوفيني سوالفج بايخه مثلج

بايخه فايخه اليوم ما اهدج

كامت تجرجر بيه والف يمين حلفتني وانوب بروح ابويه وبروح امي يمعوده اكعدي يبلاه عليج كعدي ماكو قفلت واستلمتي من فوك ليجوه طيحت حضي إلى ان كملت وهيه تغمزلي اليوم عود خل يدعيلي فهد أفندي

سسسسسسمر صايره سخيفه

ههههه فديت اليخجل فديته

كملت رحت سبحت وبدلت ونزلت جوه صبينه غده وتغدينه وصعدت نمت شويه ودكت الباب سمر

كومي راح يجي الشيخ يله

اني منا هسه كاعده من النوم والضوجه مال العصر بيه فول خنكتني العبره كمت ابجي

اهوووووو ياقمر هسه شنو هل فال يعني راح تعقدين قابل راح ترحين تقاتلين

سمر اريد امي اريد امي والله لو امي موجوده جان مصار بيه كل هذا

هسه شنسوي ياعيني ليش احنا ندري هيج راح يصير منو جان يحسب هيج انتي وفهد تزوحين هم جنتو فاسخين وهم هسه زواجكم صار بدون لا حفله ولا عرس موزين من فهد قبل تره قمر خل نكون واقعين هوه شاب وممزوج وأكيد جان يفكر بعرس وحفله ويعزوم جماعته بس غير تقديرن لمشاعرج مسوه هيج وتره همه يكدرون يخلوكم تعقدون وبعد السنه تتزوجون بس الناس الي متاخف من الله هم مراح تسكت دكوم تسوي عود هسه ال تزوجه وهيه صار سنه بيته وكدام عينه وعاقد عليه الناس متعوف أحد بحاله ياخيتي واحنا جبناه من ذاك اليوم لليوم محد جاب طارينه بكلمه هسه تالي عمرنا دكوم الناس تصفط عليه توكلي عل الله وشوفي شلون راح يعوضكم انتي وفهد والله لو امي عايشه جان فرحتلج من كل كلبه تدرين امي شكد تحب فهد وشلون جانت طايره من جنتو مخطوبين قبل كومي حبيبتي كومي تخرنه عمتي كالت بسرعه صيحيه

مسحت دموعي ولبست شالي ونزلت كعدت يمهم بلهول شويه واجه احمد كله يابه انت داز عل شيخ. ............

كله اي

لعد هياته

اجه

هلا بي افتح باب الصاله ودخله

كام عمي راح للصاله شويه ونزل فهد دخل للصاله كبل تقريبن 10 دقائق واجه احمد كال كومي صيري وراه الباب وسمر نطيني جنسيته صعدت سمر جابت الجنسيه نطتهيا واني عمتي كومتني ليم باب الصاله جنت لابسه دشداشه سوده والشال هم اسود راحت جابت الازار مال الصاله ابيض كالت البسي الأسود موزين تعقدين بي لبستنيا فوك ملابسي وسمعنه صوت الشيخ

قمر عامر بنتي تسمعني خلي بالج يمي شكول ردي ورايه

الباب مفتوح قليل واحمد واكف باب الصاله ولازمه واني واكفه وراه وعمتي وسمر ورسل وساره بصفي بس عمتي لازمه اديه بده الشيخ يقرأه آيات واني جسمي قشعر والدموع تكت ال ان كال

قولي نعم وانت وكيلي

اهناء كمت اشهك وعمتي تكولي كولي نعم كولي

كلت

نعم وانت وكيلي وجيت بحضن عمتي عصرتني حيل وباستني وكالت اعرفج ليش دتبجين والله اني امج وصدكيني مثل الفرحه لبكلبي هسه تلكين امج فرحانه الف مبروك يعمري الله يسعدكم ان شالله

البنات بوسوني وباركولي وسمر كلتي عيب من عمو هسه يجي يباركلج ويشوف دموعج شيكول امشي غسلي أخذتني للمغسله غسلت وكملت اجه احمد شايل دفتر كبير كال وقعي هناء وقعت وبعدين وقعت عل ورقه مبينه هاي مال العقد

رجعت كعدت بلهول شويه واجه عمي حضني

حبيبتي بعد عمج الف مبروك الله يسعدكم ان شالله

تسلم عمو

سلته عمتي وين فهد كله هسه ديوصل الشيخ عفتهم وصعدت فوك دفنت راسي بلمخده وابجي وابجي

موهذا الجنت احلم بي وين امي إلى توكفلي بهذا اليوم وين البدله البيضه التحلم بيه كول بنيه ليش اني كولشي بلعكس وياي للمغرب ونزلت مواكو أحد بس احنا البنات سوينه العشه وتعشينه ردت اغسل مواعين عمتي جرتني كالت عوفي كولشي هنا يكملن اصعدي لغرفت فهد هسه هوه عل جيه صيري سباعيه بنيتي عمج يريد نيشانج اليوم

ستغفر الله هاي شدتحجي والله كمت احس روحي اله ويحركوه بكيفهم ماكدر اجاوبه عفته وصعدت ردت افوت غرفتي مقفوله اهوووو اكيد هاي سوالفهن رحت كعدت بغرفت سمر انتضرته تصعد لهناك ودخلت كمت و كفت

سمر اريد المفتاح

يامفتاح؟

تعرفين كولش وين مفتاح الغرفه

موعندي عد عمتي

سمر لا تكذبين عمتي متكدر تصعد فوك رجليه اكيد كلفتج بهاي المهمه

هاي شبيج كتلج عد عمتي

سمممممر لا تسوين هيج اني اختج يعني عمتي دكولي روحي اكعدي بغرفت فهد تريني اكعد انتضره شيكول عليه كاتله نفسي عليه وماكاعده منتضرته ووين بغرفته حرام عليج سمر اني اختج شلون تقبيلن انزل نفسي اله

والله اخاف عمتي تزعل

متزعل ولا ابد انطيني المفتاح الله عليج

زين وفهد شلون تره ميعوفج اليوم وحتى عمي وعمتي منتضريكم

اي نطيني المفتاح واني بغرفتي اذا يريدني يجيني للغرفه مو اني اروحله

أخذت المفتاح ورحت قفلت الباب عليه ولفيت راسي ونمت وجان احلم

لن امي بحديقه تخبل وكوله ورد وخضار يعجب واني اباوع عليه من بعيد وهيه تبتسملي كمت اركض اريد اوصللها فجاه وجان اصير بدائرة مال شوك والشوك ينغزني من كل مكان كمت اكوم واكوع اريد بس اطلع من الدائره ونسيت حتى امي وهيه هم ختفت

كعدت عل صوت الموبايل يدك يا يابه شنو هل حلم هذا باوعت المتصل فهد جاوبت

الوووووو

الوووو هااا شنو نايمه

هااااا اي نايمه

نوميش هذا دكيت الباب كومه حتى احمد فتح غرفته وانتي مفتحي

مادري نايمه

دفتحي الباب داحجي وياج

اوك

كمت والنومه بعيني والحلم مديروح من بالي فتحت الباب وصرت وراه دخل وسده برجله

هاااا شلونج

هلو الحمد الله

شكو قافله الباب

اني يوميه اقفله

يمعوده كسرته حتى خجلتيني احمد فتح باب غرفته وشافني ادك بلباب

كتلك نايمه مادري قابل اسمع الباب ومافتح

وين ليش نايمه هناا امي موكايلتج نامي بغرفت فهد

لا ماريد هنا اني مرتاحه

هوه شنو ماريد امشي يله للغرفه

كتلك ماربد هيه كوه

اي كوه امشي ولاتعاندين وتخليني اعلي صوتي

فهههههههد

وسسم صوتج امشي يله

كلت هذا مفضوح وجمله يكلي لتخليني اعلي صوتي عل ساس هسه هوه ناصي شفته عاقج وجه كلت خل اروح وياه هذا مخبل هسه يكوم يلعللع ويسمعونه وعيب اليوم اول يوم يوم النه هسه يكولون بدت المشاكل

طلع واني وره توجهت للحمام هوه لتفت

هاي وين ؟

شبيك للحمام

عافني ودخل واني دخلت للحمام تفاجت لكيت الشهريه نازله عليه طلعت من الحمام لغرفتي فتحت الكنتور فارغ ستغفر الله هاي وين ملابسي وغراضي اكيد تقلوهن بغرفته من جنت جوه لن يعرفن اني ماسويه اوووووووف راح يخبلوني والله رحت لغرفته اريد افتح الباب ومتردده شلون بيه آخر شي قويت نفسي ودخلت هوه جان وكف ديخلي الموبايل عل شحن وبس بل شورت والفانيله دنكت هوه باوع عليه ورجع يسوي الموبايل تمشيت وكعدت عل طارف الجربايه اباوع عل غرفه ذني صدك مصدكات احنا عرسان الفرشه عل جربايه والدوشك بلكاع والغرفه تشع من العطر والنضافه اجه كعد بصفي عقج وجه وحك حاجبه وكال اكولج

امي كلتلج موووو

عل شنو ؟

يعني متعرفين تره اشرحلج عادي ماعندي مانع

فههههههد

اي شبيج لعد

عرفت شنو قصده كتله

ماكد

شنو ماكدر تره مدنلعب عمج كرع راسي

كتلك ماكدر

مو بكيفج هيه شغلت خمس دقايق وتفض نسويه ونخلص

داكلك ماكدر عندي عذر

عذريش فهميني تره اني موجاهل كدامج اعرف كلشي يعني قصدج دوره وهاي السوالف

دنكت راسي وكتله اي

لعد اشو امي مكلتي خبصتني اخذه ونزل واحنا متانيك

هسه جتني عمتي متدري

فرك وجه وكام نام من الصفحه الثانيه وكال خلص طفي الضوه ونامي

اباوع عل غرفه هاي وين انام بس لابصفه لو اموت صارت عيني عل فراش البلكاع كلت انام هناء كمت طفيت الضوه وسحبت البطانيه لعل جربايه وتغطيت بيه مااندل البطانيات بغرفته كود هوه يكوم يجيب النفسه اكيد يندلهن مددت واسمع يدكلب لن يصير صوت بلجربايه آخر شي كام فتح الكنتور وطلع غطه اني سويت نفسي نايمه شويه شويه صدك نمت كعدت الصبح هوه ماكو بس ملابسه مشمره لميت الغرفه ونزلت اشو ماكو أحد بس عمتي

صباح الخير عمه

صباح النور

لعد وين سمر يوميه تكعد من الصبح

راحت تلقح رهف

هاااا عمتي تحجي بس وجه ثكيل مدري شبيه

عمه تريكتي لو اسويلج وياي

لا ماريد متريكه

شنو السالفه عمتي ابد مو عل بعضه وتجاوب بنتر عاد متحملت

عمه شبيج اشو مو عل بعضج اكو شي

قمر راح اسلج سوال واحد اذا كذبتي عليه صدكيني ازعل عليج

كولي عمه

الباحه حجيت وياج وكتلج تنطين مجال الفهد يتقرب منج ومن وجه اني وعمج كناله تصعد تاخذه وتزل وفهد صعد وبعد منزل اليوم الصبح سلته يكولي عده عذر وعافني وطلع اكدر اعرف شنو عذرج

عمه الشهريه نزلت عليه

بس البارحه من حجيت وياج مكتيلي وحتى سمر سلتله الصبح كالت مادري

عمه والله بليل نزلت عليه قابل أكذب عليج

والله مادري كولي النفسج

عافتني وطلعت

اوووووي شسويله قابل احلفله يصدكون يصدكون ميصدكون شسويلهم نسدت نفسي حتى من الريوك متريكت بديت انضف وعمتي سوت الغده عاد اجتي سمر ملقحه رهف وحيل مصخنه وتبجي اخذته منا وصعدت غسلتله وبدلتا ونومته دخلت سمر

هااااا نامت

اي خطيه تقهر كولش مصخنه

ولج موتتني شدهتني حتى نسيتج كليلي شسويتي

عل شنو

لاتغشمين نفسج تره شفنه فهد يدك بلباب بليل احمد كال اليوم اخويه يهجم عل اختج

شكد متستتحون انتي ورجلج

تحجي وتغمز احنا شعلينه عينه طلعنا عل صوت رجلج هوه ويدك بلباب هسه لتلهزمين تره ماعوفج

مسوينه شي الشهريه نزلت عليه

😲😲😲عزه وتالي شكال فهد

شيكول لف راسه ونام

شلون حض

هاج بنتج نامت راح اروح اصب الغدا عود تعالي ورايه

يله جايه وراج

نزلت صبيت الغداء وتغدينه ونضفنه وصعدت نمت شويه ونزلت رهف متنحسه وبس تبجي شلتله اسكته اجه فهد من الدوام سلم وصعد عمتي كالت جيبي رهف روحي شوفي رجلج اخاف يريد شي

كلت بكلبي شتغلت رحمه الله راح يكومون يسون هيج حتى يحسسونه اني مهتمه بي ماصعدت غلست شويه ونزل هوه سابح هوه وعل درج كال

ساره صبي اكل جوعان

عمتي تباوع عليه عود كومي انتي غلست شلت رهف وكفت كدام التلفزيون ودرته عل قناه الأطفال هوه اجه كعد يم عمتي وساره جابت الاكل رهف شافت الصينيه كامت تبجي تريد تزل تأكل كالت عمتي

نزلياه بلكت تاكل ويه عمه اليوم ماكلت مريضه

كعدته تبجي تريد خاشوكه هوه يخلي بحلكه متقبل تريد ال هيه تلزم الخاشوكه رحت جبتله خاشوكه ونطيته كامت تخبط وهوه يكوله

لا تلوصين بنت الكلب لعبتي نفسي ،

كلتا عمتي عوفه خطيه اليوم مريضه

صد عليه كال تعالي وكليه لعد

اجيت اريد اوكله متقبل ضلت تخبط آخر شي رادت دكوم توجت عليه وايده كله كله مركه دمرت بجامته لزم ايده ونزل عليه

بنت الكلب بنت النعال دمرتيني خره بغيرتج

حصرتني الضحكه ورهف تضحك عباله ديضحك وياه وجلبت بلكاع اريد اشيله اغسلله ماكو جلبت انوب مددت بلكاع دنكت عليه صرت كلش قريبه عليه رفعته كوه باوعت لكيته يباوع عل صدري اتاري من دنكت مبين خزرته وشلت رهف حيل وطلعت اخذته للمغسله غسلت اله هوه اجه ورايه

امشي طلعلي تراك هذا دمر ويباوع عل رهف انعل والديج اذا كابلتيني عل اكل بعد انطيت رهف لعمتي وهيه تحجي عل سمر

ادري وين راحت وعافت بنتيه مو مريضه حصره ميصعد احمد ذبت بنته ولحكته

عاد صعدت فوك طلعت تراك هوه دخل يبدل ويحجي

اكولج هاي هيج دنكين كدام ابويه واحمد

باوعت عليه بصدمه

اي شبيج تباعين هيج انتبهي من دنكين تره اني شفت كولشي من دنكتي

يالله شكد ميستحي عفته ونزلت شايله البجامه الدمرت اريد اغسله لاكتني سمر عل درج واني امشي وادردم ميستحي عيونه زايغه

هااا اشو تسولفين ويه نفسج

انتي اخر وحده تسلين شكو عايفه بنت وصعده وره احمد ادري مشايفته

ليش شسوت

كلشي مسوت هاج شوفي

ياه هاي بجامت فهد هيه دورته

اي لعد منو

عزه وشسوه

والله ماقصر من بنت الكلب وانتي صاعده

ههههه يله عاتي عاتي هم عمه وهم رجل خالته

عفته واني اعيب عليه عاتي عاتي ام حلك

عاد نزل مبدل وطلع ماجه لليل اني كنت بلغرفه بلكاع أتفرج تلفزيون دخل

هاااا شلونج

هلوووو

نزع ملابسه وجاب الابتوب وكعد عل جربايه

تريد عشه