ردت اروح ارجع للمستشفى، امجد مطنكر و بس اطلع من وراه و اخذ تكسي صعبة ، عاد خابرت على احمد اخوه كلت اله :- توصلني ؟
هيج و هيج القضية و امجد عصبي
كال :- اني جاي
بحدود نص ساعة صاحلي احمد من جوا، امجد اعترض ما يقبل اطلع يكلي :- خليها باجر لو الا اليوم حلتلج نومت المستشفيات و العالم تتفرج عليج ..

- شتتفرج امجد اني بيا حال و اباوع الناس و بعدين اني بقيت خالد هناك و مرته بعمان عدها عملية يريد يرجع يغبش الها

- هذا الكاتلج انت خاااااالد ااااي خالد كله خالد

- استغفر الله ربي و اتوب اليه جاي اكلك مرته تطلك و الولد ما قصر وياي شتريدني اكول بعد ؟ .

احمد :- امجد حقك بكل التكوله و الموضوع مو سهل و القضية توسعت و حتى بالقنوات انبثت و محد كايل مو حقك بس اصبر نشوف وين توصل يمكن صدك يطلع رافد هو المتورط مو ام ديار، يعني اذا طلع رافد هو الغلطان وياهم بدل ما نلوم رافد نطلك ديار و نقاطع امها هم ما يصير

ابو امجد :- وهذا الجاي اكوله صح الوضع صعب بس ما بدينا شي لازم نصبر و نشوف تاليها

كمت من يمهم و طلعت برا، امجد بقى يحجي احمد تفاهم وياه و اجا وصلني اني و اثار للباب حتى ما دخل وياي للمستشفى

دخلنا اني و اثار، و اني اصعد خابرني ابوي، رديت :- ها بشر

- بعد القضية لازم يتحقق بيها اسامة متورط و ننتظر حالة امج تبين حتى نتصرف اذا ماتت تتعقد القضية و اذا عاشت تكدر تتنازل عنه، بكل الاحوال ما اكدر اتصرف هسه الا تكعد امج او تموت لان القضية بالتحقيق

-وراح يبقى اسامة بالسجن هيج ؟ الله لا ينطيك رافد الله ينتقم منه

- مو الله الينتقم منه اني الانتقم منه

- شراح تسويله

- تجيج الاخبار ، امج كعدت ؟

- لا بالعناية بعدها

- اي شي يصير وياج خابريني

سديت الخط منه وكت الخلاني احتاج لاسماعيل و اخابره حتى يطلع اخوي رب لا تحطني بهالموقف دخيلك

مشيت صعدت فوك لاكاني خالد ، الفرحة بوجهه مبين حيل فرحان اول ما شافني صاح :- دياااار باركيلي ديار صار عندي ولد

حجيت بلهفة و بفرحة :- صدك ؟!!!

- اي والله خابرتني امها هسه جابت ولد ، صار عندي ولد باركيلي ديااار

يحجي و الفرحة ما واسعته ، فرحتله بكد الفرحة الاشوفها بوجهه و هو احسه طاير و الكاع ما مكفيته من الفرحة

بقيت واكفة اباوع فرحته بأبنه، يروح و يرجع و يخابر، بشر امه بشر ابوه بالولد بس بقوا يلومون عليه لان بالمستشفى سده منهم ما راد يخرب فرحته رجع خابر ام زوجته و هو يطمن على مينا شلون صحتها و يحجي بلهفة

قفل موبايله و باوعلي :- تكدرين تبقين وحدج ؟

- اي بس اريد اروح لاسامة اشوفه كلبي نار عليه

- هسه صعب الافضل تبقين هنا، لحد ما نشوف حالة امج وين توصل حتى بعدها نوكله محامي

- يمكن ابوي موكله محامي خابرني كالي اني متكفله منتظر حالة امي

- الله كريم

-راح تسافر باجر

-مضطر بس راح يبقى بالي يمج شلون راح تبقين وحدج

-الله كريم خلصت مستشفيات سلمان اركض بيه وحدي مو جديدة

- انتبهي و خليج نبهه وفطنة و فتحي عيونج و اذانج عشرة عشرة حتى محد يكدر يورطج

- شلون راح تخلص القضية ؟

- بكل الاحوال مراح تخلص سلامات، في حال ماتت امج .. راح يتورط اسامة اكثر و تتعقد اكثر و في حال صحت اسامة ممكن يطلع و يتورط رافد بس بكل الاحوال امج انفضحت لان صورة من الصور هي حقيقية ويا رجال بشقة سواء كانت قبل رافد او بعد الناس عرفت ان امج مو زينة و صاحبت شقق

يعني بمعنى اصح امج انفضحت و احتركت ورقتها و ما راح تكدر تخلص من هذا العار لو شما سوت الا اذا ماتت .. هذا اللي جنته من اعمالها

اما وضعج فهو اذا ماتت تخلصين من عارها بس يبقى يلاحكج ، و اذا عاشت انت مخيرة يا تعيشين ويا رجلج بشرف او تختارين امج و تشاركيها العار

-جاي تصعبها عليه

- حسبي الامور ليكدام حتى لا تتفاجئين بيها و تحسمين امرج

طلع واحد كال :- انت اللي ويا ميعاد فوزي ؟

كمت بلهفة :- اي اني

خالد :- بشّر ؟....

☆☆☆☆☆

عيوني اهواي امور تكدرين تسويهن
اذا حاليا مالج واهس تكملين..فعادي شوفي شنو عندج موهبة وطوريها من رسم لو تصوير لو خياطة لو طبخ حلويات وكيك ..الخ

وعندج اليوتيوب بحر من المعلومات 🙃..اي شي تريدين تلكين بي
واذا ناوية تكملين فادرسي خارجي واخذي شهادة سادس

وزمان هسه يختلف عن زمان كبل..هسه تلكين اكثر البنات لو ديدرسن لو موظفات لو ديشتغلن ويبيعن بالبيوت ويدزوهن توصيل
فانتي شنو ببالج وتحبين..اشتغلي عليه ونمي من مهاراتج🥰✨

#ملوكه

حبي هذيني👇🏻☺️ بيجات ببغداد يسوون كيك وحلويات

#ملوكه

عمري اشكال اكو ماسكات
عندج ماسك بياض البيض لو ماسك التمن لو ماسك النشة لو ماسك لبن وخيار
واكو ماسكات بالعسل لو ماسكات بالشوفان ..فهسه اوجهن😇🌸

#ملوكه

٣ ماسكات بأستخدام العسل 🍯🐝

حبايبي انتبهن عل الماسك الثاني مو الكل توالمها وخاصة البشرة الحساسة


#اعادة_توجيـهہ_لصديقتج
#ملوكه
@stylegrils

5 ماسكات او مكونات اللي تناسب الاكثرية😻🌸

الخطوة الرابعة سوت بخل التفاح كمعقم ومنظف..فقبل ماتسوون هالخطوة اتاكدوا اذا بشرتكم ماتتحسس منه ومثل ماشفتو خففته بماي فديربالكم تستعملو وهو مركز..لازم تخففي💜

#اعادة_توجيـهہ_لصديقتج
#ملوكه
@stylegrils