العيون واسرارها 👀

#العيون_السوداء : العصبية وسرعة التأثير , الغيرة الشديدة , المشاعر الدقيقة , العاطفة القوية , الحنان , غالباً ما يتحكم القلب بالعقل . 👀 😄

#العيون_الزرقاء : الجراءة , حب الذات , الغموض , عمق وقوة التفكير , شدة الحساسية , البرود , 👀 😇

#العيون_الرصاصية : الطباع العنيفه , القسوة , التبلد 👀😁

#العيون_الجاحظة : البعد عن التفاصيل , حب الظهور , الفصاحة , الميل للتشاؤم 👀 ☺️

#العيون_الخضراء : قوة الارادة , الخبث , برود العاطفة , صلابة الرأي , العناد , حب العمل 👀 😒

#العيون_العسلية : الهدوء والتأني , التفكير قبل العاطفة , ضبط المشاعر , الكتمان 👀 😌

#العيون_الواسعة : العصبية و الاندفاع وراء القلب والعاطفة . 👀😊

#العيون_الضيقة : الذكاء ,الحده , الدقة , قوة الملاحظة , تحكيم العقل اقوى من العاطفة 👀 😏

#العيون_المستديرة : قلة التفكير , الفضول , كثرة الحركة , حب الناس 👀 😍

#العيون_الغائرة : الفحص والتدقيق , البحث عن التفاصيل , حب الحياة , التفاؤل 👀 😌
.
#اعـاده_توجيـــہ_لتنسون ♥️✨

@stylegrils ♥️✨

#اتمنى_ان_افعلها


الحلقة_36

گلوله انتهت طابت تره جروحه
وبعد من هسه كلمن يلتهي بروحه
وباچر لا يجي بحجة اخذني الشوگ
گصيته الحبل ماريد مرجوحه 🖤

...........

ام رافد :- شعندج فوك كاعدة ما تنزلين تعاونين عمتج لعد المن جايبينج ؟

ديار :- درت وجهي منها ما رديت عليها، ضاجت هي، حجت ويا عمتي كالتلها

-شكلها ما تريدني ابيتكم

ام امجد :- لا يا خية بس تعبانة البارحة وكعت مو كاتلج

-دروب ميعاد و بتها لا تصدكيها

ديار :- خالة شرايدة ؟ خطار على عيني و على راسي و اخدمج بعيوني بس الخطار لازم يعرف حده

ام امجد :- ديااار

ام رافد :- امج ميعادما اتفاجئ بقلة اخلاقها

ديار :- امي لا تجيبيها على السانج و عيب خطارنا ما اريد احجي اكثر

ام امجد :- ديار روحي يم مها

طلعت من المطبخ و اني افور منها فوك ما دمرتنا بكل عين صلفة جاية تخرب حياتي هنا، مشيت بالهول ادور ع الدفتر ماكو

رحت لمها سألتها اذا شايفة دفتر ، كالت :- دفتر احمر ؟

-اي

-شفته البارحة بيد الجهال يلعبون بيه

-يمتى هاي ؟

-بالليل تقريبا الساعة ١٠

-وين هسه ؟

-ما ادري والله

كمت ادور بالبيت كله ، انتبهت عليه ام امجد :- هاي لهسة ادورين ع الدفتر ؟

-اي احتاجة كلش مهم، مها تكول البارحة جانو يلعبون بيه الجهال

ام امجد :- يااا هذا الاحمر الجانت تلعب بيه فطومة البارحة ؟

-وين لعبت بيه ؟

-مدري جانت هوسة و ما انتبهنه

-منو جان موجود ؟

-ام رافد و رافد و مرته و بتول و الجهال

تقربت يمها :- اسألي ام رافد اذا شايفته ؟

ام امجد :- و شمدريها بيه جانت تبجي البارحة و الحو مخبوص

-اي اسأليها يمكن عدها !

-شتسوي بيه عدها

-ما ادري هيج جاي اتوقع

-عيب اسكتي ما يصير

كمت من يمها ما خليت مكان بالبيت ما دورته ، افتر راسي وين راح يا الله عود مثل الناس و اكتب مذكرات شجنت احس اوف يا ربي

صاحت عليه ام امجد من جوه :- ديااار

-ها عمة ؟

-امج جاي تخابر تعاي ردي عليها

-نازلة

ركضت ع الدرج اخذت موبايلي من يمها ورديت عليها :- الو ها ماما ؟

-بشري لكيتي الدفتر لو لا ؟

-لا ضايع

-وين راح يمعزاية !

-ما ادري ما خليت مكان و ما دورت

-عوفيني من الدفتر خابر سيد جعفر الحجية تريد تجيج تباركلج بزواجج

حجيت بفرح :- صدك !!

-اي والله فد شوية يوصلون من يوصلون اني اجيبهم الكم

-ماشي

نزلت لعمتي بلغتها كالت :- خل نفض الغدا ع السريع

ام رافد :- شوكت يجون ؟

-ورة الظهر يمكن

-وره الظهر يجي ابو رافد يحجي بسالفتي، شلون ما نتفاهم لان جايين الناس يشوفونج

كمت من يمها، رحت يم مها :- هاي شكد راح تبقى عدنا

مها :- ما ادري لو تشوفيها الصبح شكد حجت عليج كدام عمتي

-لو بس تفك مني

-مو عمتي فاتحتها بموضوع خالد و كالتلها ابعدي ابنج من البنية و كافي عيب لا يدري امجد

كالتلها :- هي التركض وراه و تريدة و تحجي وياه و هو يبعدها لا تامنين بيها هاي كح.. على امها

عاد عمتي كالتلها لو ما خابر خالد ورزلته و هو صلف عين يكلي اذا عرفتي بيها ما اطلكيها

-هاي يمتى خالد راد عليها

-من ماخذه الموبايل منج الصبح

-اي ؟

-ام رافد ما خلت كلمة و ما حجتها عليج حتى كالتلها على اساس ابوج جان يتحارش بيج و عمتي ما رضتلها الكلام و سكتتها شكد وصخة هالمرة كرهتها، والله حيل بيها من تزوج عليها يعني خالي صدك فترة انحرف و صاحب زمرة مو زينة بس تاب و هسه تغير حاله مو تروح تطلع عليه هيج حجي و تطعن بسمعتج و بسمعته

- سممتني بخالد لحد ما عفته الها

-انسي الفات و بلشي حياة جديدة و ابعدي منه تره عمي و عمتي حاطين اعيونهم عليج و مراقبينج

-ان شاءالله

سمعت امجد اجا من الدوام، كمت من يم مها بسرعة صعدت جبتله ملابس حتى يسبح جوا، فات من كدامي ما سلم، صحت :- امجد حضرتلك ملابسك بالحمام

ما رد و صعد فوك، صعدت وراه جانت حواجبه مطابكة و عاقج وجهه مبين عصبي،، فتت وراه :- شبيك صاير شي

سحب الموبايل من جيبه فتحه و حطه كبالي :- شنو معنى هالكلام ؟

اخذت الموبايل من جيبه، مكتوب ( گل لمرتك مذكراتها عدنا و اذا ما تمشي عدل هي و امها نفضحها كدام الناس و الا حتى من المنطقة نشردها )

رجف كلبي لزمني مغص ابطني خوف و صدمة، اوضاعي تخربطت الساني انربط ،كوة باوعتله و كلت :- منو هذا ؟

امجد :- اني اللي اريد اعرف منو هذا و شيقصد بالمذكرات ؟

بقيت اباوع بعيونه و كلشي ما احجي، و عقلي يقرأ الف سؤال (المذكرات بيد منو ؟ ومنو اللي جاي يهدد ؟ و نوكف عن شنو؟ و ليش لأمجد وصلها؟ و شيقصد )

امجد :- ديار احجي وياج جاوبي المذكرات شنووو

-ما ادري اي شي عن الموضوع

-و هذا التهديد شنو اللي ضامته عليه فهميني ؟

-وره الظهر تجي امي و احجيلها

-حتى تاخذني حاصل فاصل بالسانها و اطلعني اني الحاي اهدد و مقصر وياج ؟

فهميني ديار شنو هذاااااا ترة وصلت حدها كاااااافي، كتلني الشك بيج كل يوم اشك بشي جديد ولج والله اني مو شكااااااك شككتيني حتى برووووحي من يوووم الأخذتج و لليوووم

بقيت ساكته و هو يصيح و يريد تبرير، فاتت امه على صياحه:- خير ابني شبيكم مو ام رافد جوا و عيب صياحكم طالع

امجد :- اخذي شنو يدزولي ولج يمه راح انجن هاي البنية شمسوية هي و امها حتى جاي يهددوها يكلولي

قرت ام امجد الرسالة و اني افرك بأدية من الخوف، باوعتلي :- الدفتر اللي ادورين عليه كتاب مذاكرات ؟

امجد :- يا دفتر ؟

ام امجد :- شنو محتوى الدفتر شكاتبه بيه

ديار:- دفتر عادي مجرد بيه ملاحظات

امجد :- و اذا عادي ليش خايفة و العيون راح تطلع من الخوف انت جاي تضحكين علينا لو شنو

ام امجد :- انت تعبان يمة روح ارتاح و حتى هي ترى البارحة جبناها من الدكتور وكعت و تخربطت

امجد :- شصاير يمه تره عقلي بعد ما يتحمل

-انت بس روح ارتاح و اني افهم الموضوع

-شروح و اكو ناس جاي تهدد بمرتي و مرتي واكفة تتراجف كبالي اذا ما افهم شكو مستحيل اروح و غصبا ما عليها تحجي شكو بالدفتر لا والقرأن الدنيا اكلبها اليوم

بقى يصيح بالغرفة يروح و يرجع، وامه تهدي بيه و تخزر بيه اني كاعدة ع الجرباية مدنكة ما عندي اي حجاية صعدت ام رافد دكت الباب و فاتت

:- ها خير شكو شصاير

ام امجد :- لا ماكو شي بعدها جديدة و ما تندل غراضه و هو تعبان، نزلي ديار صبي الغدا

كمت من يمهم ع السريع نزلت وكفت بالمطبخ روحي مفرفحة عقلي طاير الرهبة ذبحتني، اريد الزم و اصب ما اكدر جسمي يرجف، نزلت ام امجد، حجت :- البدفتر يخص خالد ؟

هزيت راسي :- اي ؟

-شسالفته هذا الدفتر احجيلي ولا تضمين عليه

-مذكرات كتبتها لما جنت بعلاقة ويا خالد خواطر و يوميات البارحة اجا هو جايب هذا الدفتر حتى يهددني بيه من شفته تخربطت

-يعني الدفتر عد خالد و هو الجاي يراسل امجد !

-ما اعرف

-خالد البارحه من اخذت الموبايل منج رديت عليه و كال اذا ما نهيتي هالزواج اني راح انهي و بكل صلافهة حجاها والله لو ما اخاف على ابو امجد و امجد يتخبلون و يتعاركون ويا ولد عمهم لا جان حجيتلعم و خليتهم يأدبونهم

وهسه احجي ويا امه اذا ما توكف ابنها عد حده الا صدك والله اكبرها و اكلب الدنيا عليهم

-ام رافد لا راح تاخذين منها حق ولا باطل تزيد المشاكل ما تنهيها هي تكرهني مدري شبيها

-من امج لان مخيلة على رافد

-و اني شعلية بأمي ؟ ما قبلت بيه جنه الها عفته و ما درت وجهي اله بعد شسوي و تكف عني والله مو خلك مشاكلهم كل همي صار بس اعيش يوم واحد بلا مصيبة وبلا ما يرجف گلبي كلش تعبت منهم.

-ابتعدي منهم و شيصير وياج كليلي اني اردهم و ما دامج مامسويه شي لا تخافين

فاتت ام رافد سكتنا ، حست هي و بقت تباوع علينا
عفتها و بقيت اصب بالاكل ويا ام امجد و احضر ...

كملنا الغدا و وكلت الجهال و مها و كملت تنظيف البيت، خابرت امي سيد جعفر و الحجية جايين يريدون يشوفوني بسرعة دزت عمتي على امجد ينزل و ابو امجد طلع

شوية و اندكت الباب طلع عمي، سمعت صوت سيد جعفر دخل و الحجية تلكتها عمتي ، فاتت للبيت من شفتها مدري شرجعت بيه الذاكرة لوين كمت اشم حتى ريحة ذيج الايام شكد جنت عايشة بخير و اني ما ادري

ضحكتلي و هي نادة اديها تريد تسلم عليه حظنتها حيل و كمت ابجي هي هم بجت ، بعدت راسي مسحت دموعي :- شلونج يبنيتي

- زينة مشتاقتلج هواي

-والله اني الطاك كلبي عليج كلت لجعفر اخذني اشوفها و اباركلها شلونج احوالج شو وجهج ذبلان ليش شصاير بيج حتى ضعفانه هواي

-من الخير

-خير ان شاءالله

كعدت يمي ، انتبهت امي ما جاية وياهم بس همه
سولفت ويا الحجية عن المنطقة و عن البنات و شلون الاخبار و الاوضاع و هي بقت تحجي وياي

سألتني على حالي كتلها :- كوة مرهمينها و ماشيه

همستلي :- جان بقيتي هناك و خليتيني ازوجج واحد من كرايبي وولد اخوي ، و الله اتمنى ترجعين هناك يمي ليش هيج هاده حيلج بالتعب

- بعد السوته امي الي عين و ابقى اكابلكم و اكابل المنطقة الله كريم كلشي بالقسمة

بقت تسأل عني و تسولف وياي ساعة و صاح سيد جعفر عليها سلمت علينا و كامت، حطت ظرف بيدي و كالت :- شتحتاجين خابرين و لو مال بيج الوكت بيتي مفتوح الج لا تظنين ما الج احد

بست راسها و تشكرت منها هواي، طلعت برا سلمت على جعفر على صفحة الباب واكفة و هو مدنك راسه و يسألني عن احاولي ووصى امجد بيه و كاله ( هلله هلله بديار تراها بنيتنا ) رحب بيه امجد و سلموا و طلعو

فتت جوا .. صعدت لغرفتي كعدت ابجي وحدي
شكد عشت بظروف صعبة ويا سلمان و شكد مريت بضيق وتعب بسبب حالته بس جنت عايشة مرتاحة البال .. راحة البال ما يعرف قيمتها الا اليفقدها
شكد ما جانت الحياة وياه بسيطة جنت مرتاحة حيل
بيتي وحدي اكلي شربي طلعتي رجعتي كله على كيف لا اخاف ولا احسب ولا ارجف .. اني اجيت لهنا و اني رجعت لضيم اكثر من ضيم ابوي بعد
شكد بجيت من اتذكرت ايامهم

رجع فات امجد :- ديار فهميني شنو هالرسائلى

رفعت راسي و اني ابجي :- دزولك بعد ؟

حجه بعصبية :- هاج اقري

اخذتها منه مكتوب ( ديار عدها علاقة بواحد و اقرب الناس الك فتح عيونك و شوفهن شجاي يخططن عليك هي و امها )

شلت راسي لامجد :- والله ما عندي شي

-منو هذا

-ما اعرف منو اللي جاي يحرضك علية بس ما اعرفه والله

-اسمعي ديار والله لو سمعت نسبة من هذا الكلام صحيح و انت جاي تلعبين عليه لاخلي حتى الكافر يبجي على حالج فأحسن الج احجي الصدك و صارحيني

-ما اعرف منو يريد يخرب حياتي وياك، انت شايف عليه شي ؟ راقبني وشوفني اذا غلطت لو لا والله ما اريد من الدنيا شي غير اعيش مرتاحة عوووفوني

بقى يحجي و يرزل و طلع من الغرفة ظليت ابجي بوحدي ، تذكرت :- معقوله خالد !!
هو كالي ما راح اتقرب بعد معقوله يجذب عليه ؟!

سمعت صوت جوا ابو رافد يصيح، نزلت جوا على صوت الصياح و هو يكول لمرته :- اتزوج التعجبني و اخذ التعجبني ما يعجبج ذاك بيت اخوج و خل اطلكج على كبر و اخلي الدنيا تضحك عليج والله احترمي نفسج وردي للبيت و حسج ما اسمعه

و هي تصيح عليه :- انت اطلكني بعد هذا العمر كله تهون عليك العشرة و اطلكني حرامات السنين الخلصتها وياك تالي بعتني على هالعمصة ال*****

حجه رافد :- مو هيج الحجي يابه تره ما نرضى هالكلام على امي انت من حقك تزوج بس مو من حقك تهين امنا، مو امي التنطرد من البيت

ابو رافد :- ما تسمعها تهددني تروح لبيت اخوها

رافد :- ما الها روحة لبيت اخوها و اصلا طلعتها من البيت باطلة بس اني ردتها ترتاح حتى اجي اخذها البيت بيتها و ماكو احد يكدر يطلعها

ام رافد :- ما الي رجعة للبيت الا يطلك العمصة

ديار :- اباوع عليهم كلهم يتصايحون و امجد و ابوه يحاولون يهدون بالوضعية اخر شي طلع ابو رافد زعلان و رافد تخذ امه و رجع للبيت

رجع الهدوء للبيت من طلعت ام رافد
كل شخص بغرفته بس اني يم مها بس فكري مشغول بالمذكرات ..

يومين و الجو طبيعي بس امجد متضايق و ام امجد مهدية الموضوع و بعد ما وصلت رسالة لموبايل امجد

ثالث يوم دزت امي اسامه كالتله :- صيحلي ديار بسرعة

ترخصت من عمتي و انطيت خبر لامجد و رحت لبيت امي، فتت عليها و كالت :- تهديد وصلني على موبايلي

-شنو هو التهديد !

-شوفيلي الرقم نفسه اللي يدز لامجد ؟

باوعت الرقم نفسه نهاية 66 مكتوب ( لو حاولتي تتزوجين رافد سمعة بتج تصير على كل السان )

ديار :-منو هذا ؟

ميعاد:- خالد

-خالد شعليه بزواجج من رافد و اصلا حجينا و انتهى صارله يومين حتى ما واصل لبيت عمي ولا داخل

-من يوم اللي ما دخل بدت التهديدات توصل لرجلج مو

-اي

-و هو الدز الدفتر موو؟

-اي

-و هو الاوهمج هو راح يعوفج

-خالد ما جان جذاب

-جذاب والف جذاب ماكو غير خالد عاف الشغل وجه لوجه و هسه صار يشتغل من جوا الجوا، لييييش لان هو تحداني و مستحيل خالد العنيد يتنازل

-معقولة !! لا ما اتوقعها من خالد اني اعرفه زين

-جنتي تتوقعين بيوم من الأيام خالد يعتدي عليج ؟

-لا

-جنتي تتوقعين يحقر ؟

-لا، بس ....

-لا تبررين هذا شيطان و جاي يلعب علينا كلنا يريد يتحداني من جهه، و من جهه ثانية يطلكج ومن راح يطلكج لا تتوقعين يتزوجج خالد رايد ينتقم ويرجع كرامته الهنتيها

-ما اتوقعها من خالد

-ياااااااااااااااااااا الله منج ولج شلون عقل انت هذا جاي يلعب باعدادات حياتج تفتهمين لو لا

-هو كالي

- بعمرج لا تصدكين رجال يكلج، كلهم يكولون و افعالهم تختلف

-هسه اخابره منج و احاجيه اذا هو صدك

-باع هايه اكلها يلعب بوجه ثاني تكلي احاجي ولج يمه هذا ابليييس بعينه تتوقعينه راح يكلج اني و هو يهدد بسكوت و كل ساعة بشكل ؟!

.... خوفتني معقولة خالد يطلع هيج بوجهين ؟ اعرفه اني صح هو هادئ و اعصابه بهدوء بس ما عنده وجهين واضح ولو راد يسوي شي وجه بوجه
لا لا اكيد مو خالد اي اني اعرفه

حجيت :- يعني هسه شراح نسوي مذكراتي و ماكو و اللي يهدد ما اعرفه راح اعيش حياتي و اني خايفة ؟

ميعاد:- لا تخافين ما عاش ولا صار اللي يهددني و يخوفني ما مسوية غلط انت و حتى لو انفضح شي و شنو يعني طز بيهم اطلكي و خلصي منهم كلهم

-اذا الطلاك سهل عندج صعب عندي، شنو بهالسهولة الفضيحة لو الطلاك فكري بمستقبلنا لا كله تاخذينه بطز ، هيج نعيش و احنه ما نشيل عيونه بوجه واحد لا ناخذ من احد ولا احد ينطينا على سمعتنا

اذا ما تفكرين بيه فكري بأسامة بأثار بعد يومين يكبرون و احنه مفضوحين شلون راح يعيشون ؟

-اليبقى على تفكيرج هذا يموت، شلون يعني يهددونا و نكعد نتفرج ؟ لو نتراجف و نننتظر شوكت يفضحونا ؟
دنعل ابوهم لابو الجابهم هم و القندرة اكبر واحد ما يحرك شعرة من راسي و هسه تشوفين

-ششوف ؟

-ارجعي لبيتج و اطمني

-شلون راح تحليها

-توصلج الاخبار

-زين ليش تجزمين هذا خالد يمكن واحد مو من اهله وجاي يهدد

-ممكن على بالي هالاحتمال بس 80% خالد
و خالد لو مو خالد اني رايحتلهم

-شرايحة اوكفي

-البسي خل اوصلج لعيالج

-لا تروحين لاحد

-اي عود خوش امشي

-يمه خافي الله بسمعتنا و كافي عوفيهم وين ما تريد توصل توصل

-دمشي يا امي امشي، كومي اثار

اخذت اثار و طلعت كبالي، تمشت كدامي بالفرع و اني وراها وصلتني لباب عيالي و كالت :- سدي الباب

-انت وين رايحة ؟

-مع السلامة

عافتني و مشت لبيت ابو رافد دكت الباب، طلعت الها بتول .. بقيت اباوع اريد اعرف شكو.

بتول :- هلا خالة تفضلي ؟

ميعاد:-، هلا يحبيبتي منو موجود ؟

-بس امي رافد طالع و خالد نايم فوك يم بناته

ميعاد :- و اني جاية على امج اوصلها

بتول :- بس ...

ميعاد:- لا تبسبسين خالة عيب توكفيني ع الباب بله شو ....
دخلت و كلت الها :- صيحيلي امج

دخلت بتول واني وكفت اباب الهول انتظرها، طلعت ام رافد :- و الج عين تفوتين بيتي اطلعي برا لا تنكسين بيتي

-بيتج !! البيت الزلمته مو بي ما يتسمى بيت
كلت اجي اسلم عليج و اباركلج بزواجة ابو رافد
ضحكت بوجه مبتسم :- يجعلها مبروك

-طلعي برا

-حارة ما بيه اطلع ، اني اكول لو ندخل جوا نحجي احسن ما اروح احجي برا و تنفضحون حياااتي

ام رافد :- اني سامعة المرة هي التخاف الفضيحة الا مثلجن ما شفت تشترن الفضيحة شراية حتى تستغلنها و تمشن براس الزلم

- شلون ما تعتبريها اعتبريها عيوني، اسمعي اكلج صار ٣ ايام تهديد يوصل على رقمي ورقم امجد يريدون يفضحون بتي بس مو ميعاد التتهدد

ابنج ذاك فوك صار تراب بس لان بتي عافته تتوقعين لو اطلكت ما يرجعلها ؟ زين لو انفضحت و اني فضحتكم ما يروح بيها ابنج و العمام يتكاتلون بيناتهم ساعتها اخذي ثارات .. دم بدم ما يخلص

-جاي تهدديني ولج انت

-اسمعييي جاي احذرج ، دفتر المذكرات ابيتج ادورينه و اطلعينه من تحت سابع كاع والا والله هذا البيت ينهد على اهله

خالد :- جاي تهددين امي انت

ميعاد :- خلدلد ابو الوليد يمه اشونك عيني الحمد لله ع السلامة كلش انقهرت عليك كسر كلبي الكسر ايدك

خالد :- اسمعي لج اني جزت من ديار و عفتها بحالها بس لا تعتقدين ناسيج والله و الزمن بيناتنا يا ميعاد الا اهجولج

ميعاد :- ليش دادة ليش و اني حرمة و ابداركم و هيح تهددني ليش شسويتلكم يمه ، اكلت زادكم بكت مالكم شسويت ؟

خالد :- طلعي منا

-تطردني خلودة ؟

خالد :- بتول هاي الاشكال لا تستقبليها مرة ثانية بالبيت طرديها بره و سدي الباب

ميعاد :- هيج صارت خلودة ؟ مع الاسف عليك

ام رافد :- بيتي يتعذرج طلعي برا و عوفي ولدي بحالهم يلااا

-ولدج راح يوكعون واحد وره الثاني وراح تشوفين وكعتهم كبال عينج، باتصال واحد طلقة بايد ابنج اجت لو فريتكم و لعبت بيكم تتوقعين شراح اسوي
انتم هددو و اني اهدد و اليفضح بتي اهدم هالدنيا فوك راسو و الايام تحكم بيناتنا

سلميلي على ابو رفودة هواية و كليله ام ديار تكلك (بالرفاه و البنين حيااتي )

طلعت منهم .. و هي تغلط وراي، شلت الموبايل و دكيت على رافد، فتح خط و امه تغلط عليه و تصيح بالبيت .. اول ٥ ثواني و مشيت عن بابهم

خليت الموبايل على اذني، و هو يصيح :- شكو شصاير شنو هاي

-رافد تجي هسه بعد ما اتحمل ابد

-شكو

-تهديد يوصلني ع الموبايل اذا ما تبتعدين عن رافد نفضح بتج شسوي اني هسه حايرة بكاعي رحت لاهلك امك هددتني عينك عينك و طردتني

رافد:- وحدة وحدة وحدة منو الهددج

-رسالة اجت ما ادري منين الحكلي جاي ارجف فدوة يريدون يفضحون بتي

- بس اهدي بس اهدي، شوداج لاهلي

-لك عيني انتظر وصلت البيت بس خل اشربلي مي يمة نشف دمي اخ يكلبي شيتحمل
شربت مي، و كملت :- رحت لاهلك و امك تطردني من الباب سمعت صياحها و دعاويها عليه و على بتي لو لا ؟

رافد :- اي سمعت ليش رحتيلهم

-لك عيني رحت حتى اسألهم مذكرات بتي عدكم تعرف هاي الغبية جانت مضيعة المذكرات و تالي خالد قبل يومين لازمهن عليها يهدد بيهن و تخربطت بتي وصلت الموت محاجيها و كايللها اني انسحبت و بعد ما اذيج

-اي صح هو حجه وياي و كال الها بعد ما الي دخل بحياتج ما دام قررتي

-جذاب لك عيني صار يومين رسايل توصل لامجد نفضح مرتك و هسه اجت رسالة الموبايلي تهددني لو اتزوجتك يفضحون بتي

ما تتذكر من كال عنك مكرن لان تريدني ومحد اله مصلحة بفضيحة ديار غيره كل اهلك ما يتجرأون يفضحونها يخافون لا ترجعله

-ميعاد هالحجي ثكيل شنو فضيحة شنو تهديد

- اي لك عيني اي دا ارجف اني المذكرات عنده و نكرهن و التهديدات مطر على روسنا دخيلك اني رافد داخله بعرضك ما الي غيرك ينقذني و ينقذ بتي فدوة

-هسه اني جاي و اريد اشوف منو هذا اليتجرئ يهدد

..........

ديار :- رجعت للبيت بقيت اباوع على بيت خالد فاتتلهم امي، شافني عمي اباوع، حجه :- شجاي تسوين ديار

جفلت ؤ انداريت :- ها عمو جاي اباوع امي راحت

طلع ماكو امي بالشارع :- وينها ؟

باوعت :- جانت اباب بيت ابو رافد والله هسه قبل شوية

ضاج :- فوتي جوا بسرعة

فتت و امجد كاعد بالهول، حجه :- ها شرادت منج امج ؟

ابو امجد :- مرة ثانية تاخذ مرتك بيدك و ترجعها بيدك افتهمت

حجاها بعصبية و طلع، امجد بقى مصدوم من ردة فعل ابوه، سألت ام امجد :- شكو ديار شصاير ؟.

-شافني بالباب اباوع ورا اني مقبل كالي فوتي

امجد :- امج جابتج

-اي

-شرادت منج

-ع الجوازات تكول تكول خلصتهن اسألي رجلج شوكت نروح

تنهد و ما رد، اشرت لام امجد و فتت جوا بالهول ، اجت كامت وراي، حجيت :- دازين لامي تهديد

-اي ؟

-يكلولها اذا ما تبتعدين عن رافد نفضح بتج

-هذا اكيد واحد من بيت ام رافد وماكو غير خالد

-ما اعرف بس كلش خايفة والله ما متقربة من خالد ولا رايدته بس ما جاي يعوفوني بحالي، من رادني كامو يصيحولي المشوهة و المشوهة كرهوني بنفسي و من عفته يهددون يفضحوني شسوي خالة والله تعبت

-امج شكالتلج ؟

-خالة امي دكلي طز واذا فضحو نخاف منهم زين اني سمعتي سمعة اخوي اختي الصغيرة شلون كل هاي ما جاي تفكر بيها امي فدوة خالة صيري انت امي و ساعديني والله راسي راح يوكف من التفكير و الخوف ساعة السودة الكتبت بيها هالمذكرات المصخمة و جنيت بيها على روحي كل الكام و هددني بيهن

-لا تخافين و كولي يا الله ما دامج ما مسويه شي الله يوكف وياج و يحميج و لو مسوية شي من ورا ظهورنا لابد تنفضحين فخافي الله قبل البشر كبل لا تخطين اي خطوة محد يوكف وياج غيره

اجا امجد فات للغرفة :- على شنو جاي تحجون

ام امجد :- ع العشا جاي نكول شنسوي

-يمه اكو شي اني ما ادري بيه ؟

-لا يمه شيكون مثلا

بقى امجد بشك و احنا طلعنا من الغرفة ..
رادت ترجعلي الموبايل حتى امجد لا يشك اكثر لأن هي ساحبة الموبايل من عندي، كتلها :- خلي يمج ما اريده اخاف ازل بسالفة و ما اريد اتورط اكثر كافي شك امجد بيه ما بيه حيل مصيبة لخ هو اني شخابر بس صديقتي و امي و لو ردت اخابرهن عود اطلبه منج

وامجد اذا سألج كليلة عطلان وخالته يمي لان اني هيج كتله

ما حجت شي و اصلا كيفت من كلت الها هيج ؤ لان فعلا اخاف اضعف بلحظة و اخابر خالد استفسر منه و اتورط اكثر خليني بعيده احسن

بالليل كاعدين ووصلت رسالة تهديد ثالثة لموبايل ابو امجد مكتوب بيها ( بالعافية عليك هاي الجنة بت ميعاد ال**** جاي تكو**** ابتها من وراكم و ما تدرون )

ابو امجد و سمع هيج وكف بالهول و صاح :- امجدددددد

طلعنا من غرفنا بسرعة حتى احمد نزل، مها تصيح عليه الجهال انخبصو و ابو امجد يصيح

ركض اله امجد :- ها يابه خير

ابو امجد :-، اقرا شوصلني

اخذ الموبايل امجد و اني افرك باديه من الخوف، قراها بصوت مسموع، لطمت امه هلى خدودها ترك الموبايل و اجا لزمني من راسي

:- تحجيييين الصدك لو لاااا منو هذا المتورطة وياه

بقيت لازمة بأيده و اتوسل و اكوله :- والله ما عندي شي

لزمت ايده امه و تترجاه و تكله :- والله ما عدها شي امجد يمه لا هيج ويا البنية

صاح بيه ابوه :- عوفها امجد مو هيج التصرف

امجد :- يابه رسايل تهديد بالفضيحة صار مرتين توصلني و تكلي عوفهاااااااااا ماكو دخان بليا ناااار يابه هاي البنية ما مرتاح الها

ابو امجد :- رسايل توصلك و اني مااااا ادري تظم عليه امجد

ام امجد :- استهدو بالرحمن فدوة رحتلكم لا تظلمون البنية والله ما عدها شي

امجد :- يمه رسالة توصلني تكلي مرتك تخونك ويا اقرب الناااااس الك و هسه توصل ابوي و تكليلي لا تظلمهاااااا

ابو امجد :- اقرب الناس الك !!!......

☆☆☆☆

#اتمنى_ان_افعلها


الحلقة_تكملة 36

احمد :- منو هذا القريب علينا يعني ؟ زين امحد انت شلون تشك بمرتك لمجرد اجتك كم رسالة للموبايل ؟ لو ما ديار عايشة ويانا من زمان و نعرفها و نعرف طبعها هسه نشك بيها لخاطر واحد يريد يشوه سمعتها ؟

ام امجد :- هذا الكلام الصح يمه حرام عليك لا تشكك بمريتك اذا ما تشوف بعيونك لا تصدك اذنك

ابو امجد صافن بوجهنا يفسر بعقله و الغضب مبين بملامحه ، اخير شي كال :- صبيحة اني جوا رايدج بساع

فات ابو امجد و عمتي راحت وراه ومها تصيح و احمد كاعد يهدي بامجد، كام امجد :- شنو الحجي يابه شو صاير الحجي ختلات

صاح من جوا عمي:- بعدين احجي وياك امجد

فتت المها و هي تكلي :- شبيه عمي فهميني شصاير ؟

-جايته رسالة عني، لو بس اعرف منو الجاي يسوي بيه هيج راح اتخبل

مها :- اخذي حذرج ديار و ديري بالج عمي حيل شك بيج

-شسوي و شبيدي والله حتى الموبايل انطيته العمتي و ما بقيته عندي

شوية و فاتت عمتي، كالت :- عمج شاك بيج، و اني كتله حتى الموبايل اخذته منها و ما عدها شي البنية يمكن بيت اخوك جاي يهددون بس ما يردون امها تتزوج ابنهم هم لا تحط كل الحق على البنية

مها :-و اقتنع ؟

-لا بعده شاك

مها:- عمه فدوة العينج ترا والله هاي لا حول و لا قوة لا تعوفينها خطية الجلاب كامت تنبح من كل صوب عليها و كل الكام حجه عليها

ام امجد :- الله كريم بنيتي

طلعت و صاحتلي، رحت وراها ، حجت :- انت عود ليش مو مثل النسوان ؟ تره ما صارلج اسبوعين من اتزوجتي لا كحلة مرت عينج ولا اعتنيتي بنفسج هم الرجال يشك هاي شبيها وياي

البس اتكشخ اتعطر و انتظر رجلي لا بس تنتظرين منه و انت كلشي ما منطيته ما يصير هيج

-خالة هو ما تقبلني

-شنو يعني ؟

-اخر مرة كش من جسمي و بعد ما حاول

صفنت بوجهي ، بعدين هزت راسها :- روحي اصعدي لغرفتج هسه و سايسي رجلج لا بس ساكته و تبجين تخلين الما يشك يشك بسكتج و بواجيج

-ماشي

صعدت فوك امجد نايم بغرفة مها و الجهال يمه يلعبون، مشيت لغرفة احمد دكيت الباب، سألت اسامة اذا يحتاج شي كالي :- لا تعشيت ما محتاج شي

رحت لغرفة امجد دخلت، عزلت العاب الاطفال، نظفت الغرفة و رتبتها و هو كاعد ضايج و ميحجي وياي

حجيت :- امجد تشك بيه ؟

امجد :- لو انت بمكاني شتسوين

-راح انتظر اشوف بعيني

-و هذا المنتظرة و لو شفت والله لخليج تتندمين ع اليوم الاجيتي بيه لهاي الدنيا

-انت ليش بس تهدد ؟

-والج عين تحجين ؟

-وليش ما الي عين شسويت حتى ما الي عين من يوم زواجي وانت شاك بيه و اني لو اريد اخونك ما مجبورة على زواجك اني الوافقت برضاتي

-ووسام ؟ و الرسايل

-اوكف عوف الرسايل وسام شنو و تجيبه بالطاري من شوكت اني عندي شي ويا وسام ترا الولد عمره ما حطني اباله ولا فكر بيوم يباوعلي ولا اني فكرت بيه كافي طوختها

-طوختها اني مو ؟

-ما مجبور بيه ما تتحمل عوفني

-و اني عايفج ما متقربلج ترا غير لمها و لجهالي ما عندي شي وياج ما معتبرج زوجة خليها ابالج

-خدامة قصدك

- سكت

عفت التنظيف من ايدي و طلعت من الغرفة رحت لغرفتي، كلش تضايقت بس صوجي اني الحطيت روحي بهالموقف اني الرضيت اكون بهالدرجة

مشوهة
و امي مشبوهه
و ابوي ارهابي
شتوقع من الناس تاخذني بالاحضان لو تتمناني
كل اليبعد مني حقه و ما ينلام ..
واحد بس الرادني و ما راد بعدي و اني العفته بأرادتي
عفته بعد ما تعبت من اهله و هم يقارنون وجهه بوجهي هو مثل الكمر و اني وجهي ما يتباوع

بقيت افتر بغرفتي
ساعة اتمدد
ساعة اروح اباوع وجهي بالمرايا و ابجي
وساعة اواسي نفسي و اكول اثبت نفسي بدراستي
اتذكر وضع البلد و تخيب كل امالي
السويته ارضى بيه انسانيتي ما ردت رضى احد
سعيت لمساعدة انسان عسى الله يوكف وياي و يساعدني

ارجع اتذكر الدفتر و اكره روحي
وين راح معقولة عد خالد فعلا ؟
اختنكت للصبح و اني ما نايمة، جان بيومها جمعة و الكل نايم حتى امجد نايم ولا احد كاعد

لبست ملابسي و طلعت افتر بالمنطقة ع الشارع اختنكت بس بالبيت، بقيت افتر شارع شارع بالدورة لهناك قررت ارجع

باوعت محل بيت ابو رافد، شفت خالد واكف
دخلت للمحل :- صباح الخير

باوعلي مستغرب :- صباح النور الساهة سبعة شعندج طالعة بهالوكت

-طكت روحي من البيت كلت افتر ما ادري شوكت تخلص ه العطلة و ارجع لجامعتي كلش تضايقت

-اتضايقتي من البيت لو اكو احد مضايقج

-لازم مسمعت ؟

-شسمع ؟

-خالد الله عليك دفتر المذكرات عندك ؟

صفن بوجهي:- مو رجعه اسامة

-ضاع ووجاي يهددوني بيه كل يومية

- منو الجاي يهددج ؟

-ما اعرف امي دزولها رسالة و امجد و ابو امجد

-شاكة بأحد ؟

-امي شاكه بيك

- و انت شاكة بيه ؟

-لا، خالد فدوة ساعدني اكيد الدفتر ابيتكم لأن كل التهديدات تثبت هالشي توقع يكولون لامجد مرتك جاي تخونك مع اقرب الناس الك

- و هو مصدك

-اني جاي اخون ؟

-لا .. جنت اتمنى تسويها حتى انهي زواجج منه بس ما سويتيها، بس استغرب طالعة بهالوكت ما تخافين يتفقدج و يشك بيج اكثر

-تعبت يريد يشك يطلك شيريد يسوي يسوي اذا هو ما حاسبني زوجه اعتبره زوج ليش

-تحبيه ؟

-ما احبه حب زواج، احبه عادي مثل قبل يعني بس قبل اكثر، القالقني هسه المذكرات خالد فدوة ساعدني

-اذا ابيتنا فعلا فاني اعرف شلون اطلعهة

-شلون ؟

-خلي هالموضوع يمي و هسه ارجعي للبيت لا تصيرلج مشكلة

-ماشي

-اسمعيي

-هاا

انطاني علاكة بيها جبن و حلويات :- شنو هاي

-حجة تكليلهم طلعت لخاطرها

-بعدك تشيل هم لادق تفاصيلي

-ما اريد بعد و اني هذا الاسبوع مسافر

-وبناتك ؟

-ائمن وضعي هناك و اخذ بناتي و بتول وياي

-من شوكت هالقرار ؟

-من البارحة و الاهل كلهم رفضوه بس ميهمني رأيهم

-وضحى ؟

-مو ابالي ارجعها ما اريدها

-بناتك خطية لخاطرهن كافي تكابر خالد لا تفكر بأنانية ، لو جنت افكر بأنانية ما اتزوجت

- و شحصلتي ؟ تمنيتي ما اتزوجتي

-لان اني مو مثلك، ما عندي ، بس انت عندك بناتك يستاهلون التضحية

هز راسه بأيجابية و كال :- امشي ليشوفج احد و تصير مشكلة و لا تشيلين هم للمذكرات اني احلها

-ماشي ، بيباي
ابتسملي .. مشيت درت اتذكرت المسلسلات التركية بهيج موقف يديرون وجهم حتى يشوفون اللي يحبوه بعده يباوع وراهم لو ما هامة ..
التفتت لكيته يباوع وراي و نظرته بيها حزن و حسرة
ابتسمت اله ، لوحلي بأيده ( بيباي ) و اشر روحي

مشيت .. رغم كل السويته بيه و السواه بيه بعد اللي بداخلنا ما جاي يبرد،من غيره احس اطنان هموم فوك ظهري وبوجودة جانبي احس نفسيتي اتحسنت و انطاني جرعة قوة اتحمل بيها ايامي
رغم كل الصار ما يرتاح كلبي الا يمه

..دخلت الفرع شفت امجد من بعيد واكف بالباب، رحت يمه، مريت حتى ادخل للبيت، حجه :- وين جنتي ؟

-اختنكت و طلعت افتر بالمنطقة الصبح ليش اكو شي

-اني مو امج حتى اطلعين وكت ما عجبج

-انت البارحة كلتلي اني ما معتبرج زوجه فبأي صفة تحاسبني ؟ لا بيناتنا شي ولا انت معتبرني و ما كاعدة الا لخاطر بت عمتي و ما رايدة اخليها وحدها و هي بأخر ايامها .. بس انت ما الك حق تحاسبني

مثل ما تهيني و تكلي ما اعتبرج زوجة خليها ابالج
فخليها ابالك انت ما تحكمني كزوج .. و مو خدامتك اني

فتت جوا ، لزك ايدي :- لازم الحجي اليوصل و التهديدات كلها صدك

-تريد تصدك بكيفك تريد لا هم بكيفك تعبت اخاف و احسب احساب لناس ما معتبريني ولا مخليني ابالهم

-هيج الحجي

-خلينا متفقين نرجع مثل قبل لا اني انتظر منك ولا انت تهتم و اليربطنا بس مها بسسس

-هالحجي ما يمشي وياي

-حرت وياك احجي و احاول اتفاهم وياك ما تريدني ابتعد تكلي هالكلام ما يمشي عندي، التريده بالضبط شنو

-تصارحيني

عفته و فتت للبيت ، اجا وراي :- من احجي وياج ما تتركيني و تمشي

-كلمة لخ اعوف البيت و اطلع ابتعد مني

-جاي تهدديني انت

-لا ما اجي اهددك بس لان بزعت روحي خليني اعتني ببنت عمتي المشمورة مثل الجلب محد بحالها تتمنى اليكعد يمها

- سهلة

حجاها و صعد اني خليت جدر مي و حطيت بيه بيض و بلشت اسوي ريوك، للظهر و امجد متضايق مني و يفتر وراية فرارة

اعوفه ما يدورني اتركه يفتر وراي
شلون ترهم ما اعرف

ام امجد رايحة لبيت ابو رافد و حاجية ويا رافد و ام رافد بموضوع المذكرات و كايلتلهم :- لو تلكون الدفتر و تعرفون من الجاي يدز رسالة لامجد و ابو امجد لو احجيلهم الصدك و اخليهم هم يتصرفون كافي عيب استحوا على ارواحكم جذبتو عليه و كلتو خالد ما عنده شي ويا البنية تالي يهددني اذا ما اطلكت هو يخليها تطلك ..

فرافد كايل الها خلي الموضوع عليه اني افهم الموضوع
وكالعادة ام رافد ما قابله بالحجي و باقيات متراددات الى ان مسكتهم رافد .. و جايه

حجتلي .. كتلها :- بلكت صدك و يلكون الدفتر ويعرفون كنو هذا الجاي يهدد

كالتلي :-، لا تهتمين اطلعه من عيونهم

لورى الظهر اجا اسامة من برا فات لغرفتي جنت اعزل الملابس فوك و مها نايمة جوا و جهالها يمي يلعبون

اجا تقرب من ، حجه بصوت ناصي :- ديار خالد وصاني اكلج شي

-خالد !! شنو ؟

- كال عرفت عد منو المذكرات و خل تطمن و تريح بالها محد يهددها بعد

-صدك الله عليك

-ليش هو الدفتر مو جبته اني الج هنا والله اني متأكد

-خب دسكت انت المطفي غير انلعب بيه جوله من وراه بس الله عليك صدك كالك هيج

-اي والله قبل شوية شافني و كالي

:-الحمدلله ربي

دنحجي سمعنا ضجة جوا، نزلت بسرعة فزت تصيح شكو ديار :- والله ما ادري

طبت ام امجد :- انطيني الجبة مالتي ام رافد تخربطت خل الحك اروح وراها

-خير شكو ؟

-شمدريني اجا مهيمن ابنهم و كال بيبي تخربطت و ابو رافد ما موجود ؤكض ابو امجد .. اركضي جيبيلي الجبة

رحت جبت الها و طلعت وراها اباوع شكو و المح امي واكفة بحوش بيتهم
..........

ميعاد :- دكيت الباب طلع الي ابنهم مهيمن

فتت للبيت :- منو هنا يحبيبي

-بابا ما موجود

-لازم تعرفني اخص ابوك و تحجيلي عنه، لا ادري ابوك مو هنا قبل شوية جان يمي يحلو اني جاية على بيبتك هنا ؟

-اي جوا بس خل اكللها

-لتكللها اني مو غريبة حبيبي

فتت للبيت ام رافد و بتول كاعدات بالهول يسولفن، دخلت عليهن :- مرحبااااا مسااااء الخير يحلوات

ام رافد :- صدك الاستحو ماتو انت شلون تفوتين للبيت هيج فالتو شنو كومي اطلعي برا

-تزعليني منج هيج ام رفودة شيخ الشباب و اني الجاية الج حتى تباركيلي اطرديني ليييش

-اباركلج ؟

-عزاااا متدرين ؟ غير صرت جنتج

ام رافد :- يبووووووووووووووو....

☆☆☆☆☆☆

#اتمنى_ان_افعلها

الحلقة_37

ليس بوسعي الا ان اكون لك جدار لا يشعر ولا يتألم، يسندك كلما ملت، ليس ذنبي بل ذنب قلبي الذي بقى معلقا بك 🖤

............

خالد :- صارت الساعة ١٠ الظهر خابرت على رائد يجي يوكف بمكاني حتى ارجع للبيت، فتت سمعت ام امجد كاعدة ويا رافد و امي بالاستقبال

صحت بتول حتى استفسر منها، سولفتلي عليمن جاية مرت عمي، تريكت و اني اسمع رافد يتحاجه ويا امي ع الدفتر ويهدد بالبيت اذا ما طلع اسوي ما اسوي و امي تتعارك وياه الى ان طلع

مدنك اتريك و بالي مشغول بهالموضوع
اجت امي يمي تلوم و تحجي و تغلط، قاطعتها و اني اكلها ، بيوم اللي تعاركتي انت و ابوي منو جان عد بيت ابو امجد ؟

ام رافد :- شتقصد

-اللي جانو بالبيت منو ؟

-اني و رافد و مرته اجو وراي و جهالهم و بيت ابو امجد و ديار جانت عد امها ميته ان شاءالله

هزيت راسي الها، و دنكت
اني انطيت الدفتر لأسامة يرجعه قبل لا كل ذوله يجون
الدفتر بغرفتها .. ومدام اسامة كدر يدخل لغرفتها و هي ما موجودة معناها الغرفة مفتوحة !

الدفتر لونه احمر و عليه رسم ورد واشكال ورد طالعة منه يجذب نظر الطفل، بس اللي اخذه مو طفل
احتمال كلش جبير طفل نزله من فوك و واحد من اللي جوه اخذه و قراه

.... كل الرسائل والتهديات اللي وصلت تثبت ان الي ماخذ الدفتر واحد من عدنا لأن مهددين ديار و امها
وبيت ابو امجد ما الهم علاقة بأم ديار ولا يريدون يخسرون ديار بهالفترة لأن كلش محتاجينها للبيت و الاطفال و مها المريضة

رافد مستحيل يسويها ولا حتى يفكر يفتح دفتر ويقرأ شنو بيه، اعرفه ما اله خلك لهالسالفة خصوصا جان ابوي و امي متعاركين يعني مو بمزاج يباوع هيج شي ابدا

امي كلش مو مصلحتها اطلك ديار تعرف اذا اطلكت اني اخذها، و هي اللي ما عولت ديار تتزوج و تبتعد عني تراسل امجد و ابو امجد و تطعن بديار مستحيل.

منى مرت رافد او مها ...
مها اعذرها يمكن غارت على رجلها او تندمت بس استبعدها اعرف مها و اعرف گلبها وطيبتها مستحيل تسوي هيج شي لو تهدد

مرت رافد ... احتمال كلش جبير تكون هي
شلت راسي و صحت على سارة بتي كلتلها :- صيحيلي جهال عمو رافد ع السريع

راحت هي ركض تصيح بيهم، دقايق و كلهم اجوني يركضون و بتول واكفة بالباب و امي كاعدة و تباوع ليش صحتلهم

حجيت :- اكعدو بالسرة مسطرة يلا ع السريع

ام رافد :- شرايد من الجهال

خالد :- يجيج الصافي
ردت وجهي منها، ايد مني ملفوفة ما اكدر احركها، بالايد الثانية طلعت ١٠ الاف من جيبي و حطيتها كدامهم، كلهم هجمو حتى ياخذوها

سحبتها :- لا ما انطيها هسه، راح اسأل سؤال و اللي يجاوبني هو الفايز و ياخذ العشرة الاف كلها اله

كلها كامت تصيح اي اي يلا عمو

سألت :- دفتر احمر بيه ورد حلو منو شايفه اللي شايفة او يعرف وينه اله هاي العشرة

مهيمن كام من مكان، صحت اكعد مهيمن
صاحت بت رافد الصغيرة :- اني عمو شايفته

-وينه

-ما ادري وينه بس اني شفت.......
جاي تحجي مهيمن سكت اخته و كاللها روحي لماما

صحت الها :- تعالي عمو
اجت و هي تباوع لاخوها خايفة ، شاورتها كتلها :- شاوريني بس اني وياج نعرف حتى انطيج هاي الفلوس الهواي كلها الج

باوعت بوجهي، انوب سحبت راسي الها :- عمو ماما ما قبلت نلعب بيه ما ادري وينه

شلت العشرة و خليتها بأيدها:- هاي هديتج يلا حبيبتي روحي العبي

جاي اتكوم كام مهيمن كدامي، صحت وراه ، تقرب مني لزمته من اذنه :- اسمع لك لعب ما تلعب ساكتلك هواي تاخء حجي و تودي لامك صايرلها مراسل صير رجال عمو لا والحق اشوي على اذاناتك بصل و كل سوالفك هاي احجيها لابوك اخلي يعلكك

الولد احتقن صار احمر بس يجر بأذنه من ايدي، دفعته و كلت اله :- يلا انكلع منا و لو سمعت عليك سالفة بعد محد يخلصك مني

امي من سمعت هيج و فهمت السالفة سبقتني و صعدت من برا لبيت رافد و بتول لحكتها، انداريت لسارة كلت الها :- بابا العبو هنا لا تخلين احد يصعد

طلعت برا صعدت لبيت رافد سمعت صياح امي و بتول ويا منى بالمطبخ، وكفت اسمع الحجي
امي بهذلتها و نزلت عليها غلط و مصايح و بتول تصيح :-طلعي الدفتر لا تهجمين بيوتنا حية

كحيت من برا حتى مرت رافد تنتبه لنفسها خاف ماخذه راحتها بالبيت، صحت :- يمه مو هيج الكلام تعالي يمي

صاحت بتول :- تعال خالد تعال

تقربت مرت رافد بجت بوجهي :- خوية والله ما عندي

خالد :- اسمعي خوية اني وياج و ما رايد اهجم بيتج و ضد زواج رافد من ميعاد تخلين ايدج بأيدي و نبعدها لو تكولين لا والله، ابلغ رافد باللي اعرفه و هو يتصرف
واخليها ابالج اقل شي يسوي رافد يطلكج و انت تعرفينه و تتهجول هالجهال ويصيرون تحت رحمة ميعاد

من الاخير ما الي خلك السوالف، تشيريني لو تخليني اتصرف ؟

منى :- خوية ولا على عيني و على راسي بس والله مو عندي الدفتر

ام رافد :- مسويتلج عصابة بت وينه * تردن تهجمن بيتي و اتضيعن ولدي

خالد :- مو هيج الحجي يمه من رخصتج شوية
الفتت الها :- وينه

-مو عندي هسه والله ما اكدر اكول عدمن بس هاليومين اخليه بأيدك والله وراس جهالي

كامت تتعارك وياها امي و بتول تصيح عليها ، عفتهن يخوفنها شوية بعدين صحت بيها و كلت الها :- هاليومين الدفتر يمي و لو طلع حرف من عنده والله ما تشوفين خير، انتظر و اشوف وين توصل وياج

عفتهن فوك و رحت لغرفتي انام ساعتين ارتاح، كعدت محد بالبيت بس امي و بتول كاعدات بالهول بدلت و طلع لكيت اسامه واكف براس الشارع صحتله و كلتله تروح لديار تبلغها باللي كلت الك بيه، راح اسامه و اني طلعت، ماكو دقايق و خابرني رائد

كال :- خالد انت بالبيت ؟

-لا طلعت

-عمي خابرني امي متخربطة يمعود الحك اني خارج الدورة

- شنو القصة هسه عفتهن بالبيت هي و بتول كاعدات يشربن جاي

-شعرفني يمعود الحكهم اني جايك

رجعت بطريقي كبل للبيت، لكيت ميعاد كاعدة بالكراج ع المرجوحة و حاطة رجل على رجل، تفاجئت !!

- انت شجاي تسوين هناااا امي وين ؟

ميعاد :- عزاااا متدري ؟ غير تخربطت و شالوها للمستشفى

-يا مستشفى انت ما تستحين شعدج كاعدة ابيتنا

-قصدك بيت زوجي

وكفت صافن بوجهه، كامت من مكانها و هي تكلي :- منا و جاي تحترم لأنو صرت مرت اخوك الجبير مفهوم خلوده

انداريت منها و اني متفاجئ معقوله رافد سواها و اتزوج، مشت من عندي و فاتت جوا للبيت، صحت وراها :- هييي هنا فوته الج لهالبيت ماكو مكانج الشارع يا بت الشوارع

ميعاد :- كد كلمتك هاي خلودة

ديار :- ماما شجاي تسوين هنا ؟

خالد :- ديار اخذي امج منا و اطلعوا

اسامة :- انت ما تستحين كافي حتى كرهناج

ميعاد:- انجب لك و روح منا يلا ناقصني البكدك يحاسبني

خالد :- دياااار ما سمعتي اتحركي عاد

ديار : سحبت امي و اني اتلفت اريد افهم شنو الموضوع

اسامه صار يصيح و طلع من البيت و امي سحبت ايدها مني و هي تكلي :- روحي لبيت رجلج و خليني اتصرف بمعرفتي

-معرفتيش شصاير فهميني
اباوع خالد فات جوا عصبي يسأل بالجهال على مرت رافد

:- عمة منى وين

سارة:- راحت بابا اجا اخوها وراحت

-شوكت هاي من جنت هنا

-لا قبلها و قبلها من جنت نايم

ديار :- امشي لخاطر ربج دمشي رايدة تفضحيني انت

- فضيحة شنو اني ورافد تزوجنا اليوم الصبح

-عزا العزاني صدك تحجين

-وليش عزا يا ستار شسويت زواج و على سنة الله و رسوله

-يا سنة يمه و احنه ما ندري ولا احد بينا عدنا خبر شنو احنا مو ابالج كو جاي يهددوني لو تزوجتي يفضحوني انت ما خايفة علية

صفت سارة امجد ، طلع خالد و هو يكلها :- انت شنو من طينة ولج جاي اكلج طلعي براااا

نزل امجد سريع :- هاي شكو يمعودين، ديار ليش انت هنا شصاير ؟

خالد :- اخذ مرتك و نسيبتك و طلعهم من البيت لا ارتكب جريمة هسه هنا والله

ميعاد :- منو هذا اللي يهدد احترم نفسك يا ولد
اجيت حتى تباركولي اووي حتى المباركة بعد ما اريدها

عافتنا و طلعت من بيناتنا ، صفت سيارة ابو رافد ووياه ام رافد سانديها بتول و ام امجد ، و ابو امجد صفت سيارته وراه

وكفت امي و تخصرتلهم و هي تباوع، نزلوا من السيارة، حجت :- الحمد لله على السلامة عيوني متشوفين شر ان شاءالله

ابو رافد :- امشي لبيتج ميعاد

ميعاد :- ولو مو وكتها بس ما باركتلك بزواجتك شايف الف خير عيوني

ام رافد جرت اديها بهمة من بتول و ام امجد و هي تصرخ :- ولكم عوفوني ابرد كلبي بيها هالسااااااقطة

سحبها خالد و ابو امجد و هم يكلولها : مو بالشارع فوتي

فوتها و هي تصيح و تتحسب على امي و علية

ميعاد:- اوووي تشترون اللطم و المصايح شراية عبالي تباركولي و افرح و ياكم ولا تسوون واهس اروح لبيتي احسنلي

امجد :- غير نفهم شكو

ابو امجد :- ابو امجد العلينا سويناه ما النا علاقة امشونا للبيت

ديار :- عمو بس اروح ورا امي افتهم شصاير اندار عقلي

ابو امجد :- امجد وصل مرتك

مشيت وراها للبيت و امجد يسأل ، وكفت وجاوبته :- امي تزوجت رافد

امجد :- اوووووو ، زين انت شنو علاقتج حتى الرسايل تهددج اذا تزوجت امج تنفضحين و ابيش تنفضحين

-مو وكته الحجي لما ارجع للبيت عود نحجي

وصلني للبيت و كال :- من تريدين ترجعين خابريني لا تجين وحدج

-ترا نفس الفرع احنا شنو السالفة ما يحتاج

-سمعتي شكلت ؟ و طلعت اليوم و الفرفرة الصبح ما ناسيها خليها ابالج

-ماشي، فتت البيت و كلت اله، دور على اسامه و شوفه و اذا بالبيت خابرني على رقم امي

اندار يمشي و ما رد ، دهلت و سديت الباب
فتت اتعارك ويا امي و اصيح و هي حاطة رجل على رجل و ايدها على خدها و تتفرج عليه شلون اصيح

-انت مو ابالج الكلام ؟

-لا

-منهمج

-اني كلت الكم سابقا اريد اتزوج شكلتولي ؟

-كلنالج لا ؟

-خلص ليش اعيد الموضوع

-و شسويتي انت

-مو انتم التتحكمون بحياتي ماما اني حرة بشنو اسوي ووين اروح و منو اتزوج، يرضيج ارجع للحرام لو اتزوج و استقر ابيتي احسن ؟

- مو معقولة ابد جاي اتعجب بتفكيرج ، يمة مو غلط تتزوجين الغلط الطريقة التزوجتي بيها، اهله ما رايدينج و هم كرايب رجلي انت شلون تسوين هيج ما خفتي عليه على سمعتي ؟

-و شسويت حتى اضر سمعتج يمه، تزوجنا حبيبتي ما هرمت وياه

-تزوجتي ومحد راضي بيج يمه كل ساعة و كل دقيقة يطعنون بيج و عيروني بيج وانت تزوجتيه بدون علم احد و رحتيلهم و خليتي امهم توكع و تتخربط وتكليلي شسويت !
شنو الما سويتي ؟ .

فكري بينا فكري بأبنج الى متى اكلج فكري بينا لخاطررررر الله، خالد اللي كضيت حياتي اتمناه تخليت عنه لأجل هذا و ذاك ولان اهله ما راضيين بيه
و انت احنا جهالج ما جاي تضحين برافد لخاطرنا ليييييش

- اني اكول لو تروحين البيت رجلج و ما تدخلين بيه احسن

-اطرديني ؟

-اكوم منج لأن العيشة كبالج ما تنطاق
كامت مني و اني فرفحت روحي، شسوي ويا هالمرة يا الله شسوي والله تعبتني

اندكت الباب قوي رحت بسرعة فتحته، طلع رافد كبالي :- امج وين ؟

-شستفاديت بزواجتك هاي مو عندك عائلة ؟

-ما الج علاقة بالموضوع
فات للبيت :- ميعاد

طلعت امي:- عيون ميعاد ، هلا برجلي و ابو بيتي هلا بحسك

رافد :- خلينا من هالكلام هسه البسي حتى اخذج

-عززااا وين تاخذني ؟

-لبيت اهلي وين يعني، مو اني اليتحكمون بيه لو يجي احد و يكله تسوي و ما تسوي و غصبا ما عليهم يرضون بزواجنا

- رفودة اني اخاف من اهلك تعبوني هواية، كلما كاموا و طعنو بشرفي و بعرضي حرام عليهم اشافو عليه و هيج يطعنون بيه ؟

ديار :- اتفرج عليهم واحد انكس من اللاخ لعبت روحي منهم اثنينهم، خابرت امجد من موبايل امي كتله تعال اخذني كال :- هسه وديتج شنو تعال طلعت اني

-لعد راح ارجع وحدي

-انتظري ابيت اهلج اني اجيج

-تره طوختها انت كلش مو وكتك
سديت الخط منه، تالي وكت جاي ديتحكم بيه تروحين و ما تروحين و هو هذا البيت شمرة عصا

باوعت امي لبست ورافد محترك دمهة يروح و يرجع بالبيت

اخذ امي و طلع، كتلها:- انتظريني امشي وياج اروح للبيت

رافد :- يلا استعجلوا ترا ما فارغ اوصل هاي و اجيب هاي

ديار :- روح لا خلفت الله عليك جاي اطلب من امي انت شنو و تحجي شدخلك

رافد : انت ادب سز و قليلة تربية

ديار :- مثل تربيتك يا قليل التربية

رافد :- تعاي هنا لج عليمن تغلطين بت الكلب

تقرب مني وكفت امي :-اووو كافي عاد فضوها يلا خل نطلع، انت لبسي حجابج بساع يلا خلصيني

درت عنه و هو يصيح و هي تهدي بيه ، طلع من البيت عصبي و هي انتظرتني، طلعت و هو يمشي كبالنا

وصلتني للبيت و هو اخذ امي و فات لبيتهم

دخلت للبيت ام امجد تلكتني :- ها ؟

- هي امي بقت ها طلعت متزوجة هي ورافد

-مو غلط تتزوج بس ليش محد يدري ؟

-منو اليدري يعني كلنا ضد.هالزواج فسووه غصب عن الكل و اتزوجو و هسه حاطينه امام الامر الواقع تقبلون تقبلون، متقبلون ركعوا راسكم بالحايط

-ابو امجد عصبي جوا فوتي

-شبيه ؟

-مو ام رافد من اخذناها للمضمد كامت تلوص و حجت عليج و على خالد و شبهتج بأمج و هو من رجعنا لحد هسة يحجي يكلي جنتي تدرين و ضامة عليه

-عزا يعني عرف

ابو امجد :- ديااار

فزيت :- ها عمو ؟

-تعالي هنا احجي وياج

مشيت للهول صاحت مها :- ديااار

ابو امجد:- شوفي مها شتريد منج بالاول و تعاي عندي حجي وياج

رحت لمها رادتني اكومها للحمام وديتها و غسلت الها و رجعتها لفراشها و لململت الغرفة و هي بيها و اني طاير عقلي بشنو راح يحجي ابو امجد و شراح يكول عني

بعدين كلت هي خربانة خربانة شيريد يحجي خل يحجي قابل اني شمسوية و اخاف.

خلصت ورحت لغرفتهم كعدت حجه اني اثق بيج و انت عشتي عدي و اعرفج و من هالسوالف بداها

اخير شي ختمها :- شنو البينج و بين خالد

كلت اله :- سولفتلك عمتي شنو اللي تريدني اضيف ع الحجي

-ليش جذيتي من البداية ونكرتي

-محد يكول اني جان عندي ماضي، احنا ولد اليوم و اني لو غلطت وياكم و بحقكم الكم حق تحاسبوني بس عمو اني ما غلطت

يمكن انت تعرف، ابو رافد رافض امي و جان رافضني و مها بت عمتي بحاجتي و امه تكوم تكعد تكلي المشوهة و باوعي بوجهج بالمرايا و ابني كمر، كرهوني بروحي تركت كلشي و قررت اتزوج امجد بس حتى اعين مها و جهالها لما يكبرون، غلطت بشي ؟

-و الرسايل و التهديدات

-اني ما اعرف منو الجاي يدز رسايل و لا اعرفه منو بس الواضح واحد من بيت اخوك شوفت عينك التقربت ما عافوني بحال المشوهة و المشوهة و التزوجت يطعنون بشرفي و يدزون رسايل يدمرون حياتي شسويتلهم ما اعرف

-منو تتوقعين من بيت ابو رافد ؟

-ع الاكثر ام رافد

باوع لام امجد :- هءا الحجي ليش اني ما ادري بيه طرطور هنا و امشين الماي من جواي ؟

ام امجد :- حشاك ابو امجد بس اني هم مثلك تفاجئت و من تحققت من الموضوع شفت فعلا بتي ما الها ذنب و حتى خالد حجيت وياه تعهدلي ما يتقرب ديار بعد و حرمت عليه من صارت مرت بت عمه يعني السالفة انتهت ليش اشغل بالك و اخلق مشاكل بينك و بين بيت اخوك قابل نهجم البيوت يا عيني
ردنا نهديها بالعقل

ومثل ما كالت ماكو احد ما عنده ماضي وهاي هي و حذرتها لو شفت عليها اقل زلة ما ارحمها لأن وثقت بيها بعد كل الصار و اللي يخون الصقة ما يستاهل الرحمة

بقى يحجي هو و اني راح امنع بيت ابو رافد يفوتون لهنا و بقى ينبهني على تصرفاتي و على اسلوبي و نصحني عىى امجد و كال ما اريد يوصله خبر.

....

بتول :- انهجم بيتنا فوك روسنا بزواج رافد ، تخربطت امي و اخذناها للمضمد ورجعناها، اجا رافد و تحاجه خالد و رافد و امي انتهت بطلعت رافد من البيت

مرت رافد ما جانت موجودة الظهر كبل لا تجي ميعاد و بسبب عركة الصبح طلعت لبيت اهلها ط، نص ساعة و رافد جاب ميعاد و رجع النا و كال

:- ميعاد مرتي على سنة الله و رسوله و اني جاي ابلغكم بقراري

ام رافد :- تفو عليك يبن بطني يالطايح حظك يبو النسوان

ابو رافد :- اسكتي يا مرة و روحي جوا يلا

رافد :- محد اله حكم عليه و يحكمني و يكلي تتزوج لو لا، و اني جبتها و جيت حتى تباركولنا، تتباركون خير على خير ما تباركولي بكيفكم

ابو رافد :- بالعافية ابني اني ما رايد ادخل بقرارك و ان شاءالله تتهنون

ام رافد :- ياااااااااااع و تباركله على هالساقطة

-خاااااالدية احترمي نفسج لا والله ارفع يمين الطلاك عليج

-و اطلكني لخاطر هاي الساقطة

رافد :- يمة المرة صارت مرتي و اليحجي عليها يحجي علية، و كلمتج مردودة الج لو انعادت ما راح امشيها على خير

كامت تصرخ امي و تتهجم على ميعاد ابوي يتعارك ويا امي، اخر شي رافد كاله:- يابه اطلع اخذ راحتك اني احلها بيناتهم

ابوي طلع و مرت رافد اجت بسيارة هي و جهالها وصلها اخوها بس ما دخل بقى بالباب

فاتت تصرخ :- يمااااتتي رافد تتزوج عليه ؟

صرخ بيها رافد و صاح :- فوك صعدي لبيتج ع السريع

-والله ما اصعد لو اني لو هاي الساقطة اليوم هنا

رافد :- اني اتزوج ساقطة بت القندرة
هم يريد يكوم عليها و اني لازمة امي تصيح و تغلط عليه و تتحسب، وكفت كباله ميعاد :- لا هيج تحرك اعصابك رفودة عوفها خطية

منى :- ابو النسوااااااان سنين و اني متحمله زينك و شينك و ما شكيت تتزوج عليه

ميعاد :- كلهم هيج يعيوني ذوله الزلم خوانه يلا ميخالف انت ام عقل الجبير

منى :- وخري انت ام الزلم بايكة رجلي

-يااا رجال طول بعرض شبوك منه

رافد.:- صعدي فوك لا اكوملج والله

منى :- تتزوج عليه رااااافد ليش ولك ليش شقصرت وياك كلي والله احرك روحي اذا ما اطلكها، هسه هنا احرك روحي

ميعاد:- عليمن يثوله تحركين روحج منو يستاهل يدفنج و يجي يتمدد بحضني و انت الخسرانه يحظج، لا تصيرين غبيه

رافد :- ميعاااااد

-عيون ميعاد

ام رافد :- شوف شوف الب**** فوك ما هاجمة بيته و تحجي بكل صلافة عين يماااي

-جاي احاول اساعد زوجي و احل مشاكله ليش هيج يا عمتي يا حبيبتي

منى:- ما ابقالك لحظة وحدة هسه ترجعني لاهلي

ميعاد:- تخيلي تروحين لاهلج ادكين و تلطمين و هو يخلاله البيت لا جهال و لا هوسة و يكضيها احي وياي، يثوله ارضي يوم الج و يوم الي و لا تكبرينها

-انت بالذات ما تحجين دايحة

-عمي متنازله يله لعيونج ليلتين الج و ليلة وحدة يمي تعرفين مشاغلي هواي بس لا تزعلين يلا يحبيبة بس لا تزعلين فضيها

رافد:- ميعاااااااد لا تدخلين شبيييج

ام رافد :- مسويتك طلي يا طلي من طاح حظك و حظي وياك من يوم الخلفتك يالمابيك حظ

-مو جاي اقنعها يا حبيبي الحياة مشاركة و لازم نتشارك على الحلوة و المرة شبيكم يا عيوني

كعدت تبجي حيل :- ليش تخوني رافد لييييش

ميعاد :- يا باع هاي الفطيرة هههههههههههههي خايبة ولج يا زلمة ما يخون اذا ما يدور طك اصبع و كيف و شقق تلكينة لازم اسبيحة و يدور مثنى و ثلاث ورباع بالختلات ، استجني و اكعدي ولج

رافد :- ميعااااد

-عيون ميعاد

-كافي و روحي للبيت

-يا فوكاها، اروح لبنيتي احسنلي شو ما عاجبكم فوك ما اهدي اوضاعكم، خليك انت ويا مريتك قنعها

راحت و رجعت :- الا حبيبي صدك تقبل اطلع تعرف بعد اني مرة بذمة رجال و التطلع بدون اذن زوجها تلعنها الملائكة و اني ما اطلع اذا ما اكول لرفودتي حبيبي

فات خالد :- انت ما تستحي على روحك ولك و مرجعها لللبيييييييت

رافد :- انت ما تدخل بالموضوع خالد ادخل اليعجبني و اطلع اليعجبني

خالد :- مكو**** مو بيت حتى ادخل اشكولاتها عدنا طلعها من البيت و بالك ادخلها مرة ثانية روح كو**** بعيد

بتول :- تخبل رافد من كلمة خالد تلازم وياه بوكسيات خالد يغلط و رافد يغلط و نفاكك بيناتهم و الصوت وصل للظالين طلعوا بالكراج يتصايحون و امي بيناتهم صايرة

اخابر على ابوي اريده يجي ماكو ابوي ما يرد، اجا عمي ضربهم اثنينهم و طردهم برا و كام يغلط عليهم :- كواو**** شهرتونا كل ساعة عركة مو بيت كاولية وين ابوكم لاهي عنكم فضحتونا استحي على انفسكم عاااد

خالد يتوعد لرافد و رافد يهدد بخالد و اخوتي صاروا نار جن ابليس و فات بيناتهم انهجم البيت فوك روسنا

ميعاد ما ندري شوكت طلعت من البيت، انهرجنا لحد ما اجا ابوي و تعارك وياه عمي و هو يكله :- لا تظل لاهي بالسوالف الما بيها خير و ما داري عن عائلتك مليت بيت اخوي و محسوب علية يومية عرس بالمنطقة بسبب ولدك، اكعد و حاسبهم و صفي امورهم
واسمعها اكلك منا و جاي ممنوع واحد من ولدك يفوت بيتي افتهمت كافي المصايب الشفناها و عوف السوالف مجودرة لا نحجي بيها

بقى يتحاجون هو و ابوي و طلع ابو امجد من البيت و هو يصيح.

ديار :- سمعت صياح و عرك ابيت ابو رافد طلعنا برا شفناهم خالد و رافد يتذابحون بيناتهم ، اجت امي و فاتت يمنا

ام امجد :- شصاير و تذابحو هيج شجاهم

ميعاد:- هذا خالد عار و طايح حظة كام يفشر عليه كبال رافد و تحاجه ويا رافد كام يغلط خالد على رافد و تعاركوا

ام امجد :- شجاه هذا خالد تخبل شو صاير كلش زايحها و ماكو لا تربية ولا اخلاق

ميعاد :- شعلينا بيهم يمعوده خلونا نفوت جوا هسه ابو امجد يحلها معدل اعرفه، ديار سويلي استكان جاي راسي كلش اذاني

ام امجد :- ميعاد لا تزعلين عليه زواجج من رافد واكف ما راهم

ميعاد :- ام امجد يا الكايم و لاطخ بسمعتي و كايل عني كذا و كذا مو من حقي اسكت حلوك العالم و اتزوج ؟ انتظرته صار اشهور يرضون بهالزواج ومحد قابل انجبر نتزوج و نكللهم عاد ابو رافد استقبل الا خالدية و ابنها واكفين بالبلعوم

ام امجد :- بيت ابو رافد ما كايم يجي من وراهم غير الاذية دفوتي فوتي

ميعاد:- ولو اني زعلانة عليج يا ام امجد لان قبل كم يوم سمعتيني كم حجاية خشنات بس يلا اني احبج و اعرف بكلبج طيب

ام امجد :- عاد قصرتي انت بلسانج دفوتي هي مصارين البطن تتعارك يا خية

ميعاد :- هم صدك ، وين صرتي ديااار راسي اءاني بنيتي

اتصل رافد
ميعاد :- يا عزا بعيني خابر رافد اكوم اشوف شبيه

ديار :- و الجاي ؟

-شربي انت و عمتج

طلعت ...وره دقيقتين فات عمي

:- ميعاد شعدها هنا ؟

ام امجد :- شافتنا واكفين بالباب نتفرج و اجت يمنا

ابو امجد :- ما اريد احد بعد يفوت للبيت فكونا من المشاكل

ام امجد :- ماكو مشاكل غير من بيت ابو رافد اخوك راجع مراهق و كارص يم مرته الثانية و ابنه يتزوج و محد يدري عنه و اللاخ طايح حظه و بس يتعارك وراجع على ميعاد

ام امجد :- صبيحة ادافعيلها انت

ام امجد :- الله فوك الراس حجي ما شفنا منها مشاكل بكد ما شفنا من بيت ابو رافد ليش نحرمها من الجية و بتها هنا ما يصير

... فات امجد للبيت

ابو امجد :- وين جنت ؟

امجد :- افتر ويا جماعتي

ابو امجد :- الوضع مو زين يا يابه ما جاي تشوف الانفجارات بكل مكان استر علينا و اكعد

امجد :- بالمنطقة يابه ما رايحين بعيد كعدنا كهوة ، يمه كومي شوية رايدج

كامت ام امجد للمطبخ، شوية ورجعت صاحتلي رحت يمها كالتلي:- رجلج يريدج

-شيريد

-يكول اريد اطلع وياها افتر نحجي شوية بس خايف مها تعرف و تنقهر فراح اكعد يمها و انت اطلعي احجي وياه و اتفاهمو بيناتكم

و اذا كعدت و سألتني عنج اكللها(ديار راحت يم امها و امجد ما ادري عنه

ماشي، صعدت بدلت ملابس الية، فات اسامة :- ها ديار

-وين جنت حيوان

-واكف ويا جماعتي براس الركن ، اشصار ويا امي ؟

-اتزوجت من رافد و خلصنا بعد مو من حقنا نحاسبها

-يعني هي ما جانت متزوجة ؟

-هي اليوم اعلنت زواجها ما ندري جانت ما جانت انت لا تكوم تتشاطر براسي اكعد بالبيت و اسكت تعبت ترا

-البيتها ما ارجع

-ولا ترجع اكعد هنا لا تبقى بس دايح برا و من تطلع تكلي كافي هاليام كايم اديح هواي

- انت وين رايحة ؟

-ويا امجد ساعة و اجي

-و عشاي ؟

- من ارجع اسويلك
طلعت .. ركبت بسيارة امجد، لاف من راس الفرع خالد جان واكف، دار وجهه بعصبية من شافنا سوا و فات للمحل

حجه امجد :- ديار اني كلت لامي نطلع وحدنا حتى نحجي و نتفاهم لان كلش متضايق من هالوضع

-على شنو نتفاهم ؟

-ديار دخت و الكعبة دخت ارد من الدوام ارجع مها مريضة جهالي بلايا ام يكسرون الخاطر و انت مو ابالج ابد غير التهديدات و الرسايل و اللي صار كله شلون نبقى هيج

-اني شنو بيدي ؟

-بنت الناس والله اني ما رايد اظلم اكدر هسه اطلكج و اجيب بمكانج وحدة ترا مو صعب بس من اطلكج شكول لله شنو ذنبها و طلكتها ؟

اني من يوم الاخذتج قررت اخليج مرة شرعية الية الج كامل الحقوق مهر و غرفة و نيشان و احترامج محفوظ بس بالمقابل هم الي حق و لا تكليلي مها هذا قرارها هي ما كلت الها اريد اتزوج ولا شكيت

ديار :- انت اللي كشيت مني

-يعني تريدين تقنعين كبالها انت جنتي رايدتني ؟