‏#رجل_السرطان:
يغيب فجأة عنك اذا أفصح عن شيء وهو صادق فيه ويحاول قدر الإمكان عدم رؤيتك او التحدث إليك إلى أن يشعر بإن مرّ وقت على كلامه.

‏#رجل_الميزان :
دبلوماسي ومهذب رومانسي واجتماعي، يمتاز بالمظهر الجذاب والأنيق والذوق الرفيع واللطف والرقة كما إنه عاشق للجمال.

‏#رجل_العذراء:
شديدو الذكاء يمتازون بالدقة والحكمة والصبر يغلب الطابع المحافظ شتى مجالات حياتهم وبرغم مظهرهم الذي يغلب عليه البرود.

‏#رجل_العقرب:
شجاع قوي جرئ مرهف الحس متعجرف انفعالي قاس في احكامه وفي ردات فعله وفي لحظات حنانه هوا اكثر الشخصيات عطاء وتضحية

‏#رجل_القوس :
بارد الملامح بس شخصيته عكس شكله تماما اخلاقه حلوه وسمعته طيبه وقلبه نظيف وحنون.

‏#رجل_الدلو :
ذوو شخصيّة جذّابة وقويّة. ينقسم إلى نوعين: النوع الأول خجول، حساس، رقيق وصبور ، النوع الثاني مرح، نشيط، يحب الظهور، وهو ايضاً غيور لحد التملك.

‏#رجل_الحوت :
كثير النسيان يفكر دائماً بـ من يحب والعجز عن النظر لمصلحته ، يتميز بسرعة البديهة ، الاخلاص من اهم صفاته.

‏#رجل_الجدي :
هو عملي وحريص وطموح وملتزم وصبور وحذر وظريف ومتحفّظ فالجدي من أكثر الأبراج ثباتًا وجدية تمتاز شخصيته بالاستقلالية كما انه يعتبر احد اكثر الابراج طيبة.

صفات الأبراج الرجل😎✨👆

#اتمنى_ان_افعلها

////// بقلم الكاتبه ❤️/////

الحلقة_5

ابوية باوعني و اني اشوف من الجام ، تحرك واحد وياه و فات جوا ، انفتحت الباب و واحد ملثم بس العيون طالعة لفني بأيدة و حط السلاح براسي و كال

:- ااااششششش ولا حسسسس...

-منو انت

-ارجعي لفراشج نامي وبلا حس اقل كلمة راسج يتفجر بطلقة

و هو مخلي المسدس على راسي، مشاني ورجعني للفراش، فزت اثار بساع سحب المسدس و خلاه بظهره

دخلت بفراشي و جسمي يرجف ، اخذت اثار بين ادية و تغطيت ، طلع و رد الباب وراه

رجعت اثار النومتها، و گمت من مكاني فتحت الباب قليل و هم جوه يحجون اكو شي مثل الينوص بس مخنوك كأنو بنية مسدود حلكها ..

سمعت صوت ركلة كأنها قوية، ويا الركلة اختفى الصوت !

رجع طلع وجه الملثم گبالي فزيت بساع و طبگت الباب حيل ورجعت لفراشي وغطيت راسي
غمضت عيوني حيل .. سيت خطوات اقتربت مني
انرفع الغطا و انمسكت ايدي

باوعت بخوف ورافعه ايدي فوك راسي، طلع ابوية
جريت ايدي منه:- ميل عني

الاب:- كووومي بساع

-طلع هذا شغلك مو تجيب بشر تالي الليل بكواني و تريديني اشتغل وياك، والله ما اشتغل ميل يلا

-جاي اكلج كوووومي بت الخ*****

سحبني من ايدي و كومني جانو ٣ زلم بالبيت، وداني بغرفة امي اللي جانت مثلي خايفة
الظاهر هم شايفة اللي شفته
دفعني للگاع يمها

-اللي اسمع الها صوت و يطلع منها حرف اكتلها خلاص
اللي شفتوه بينكم و بين نفسكم ما اريد تحجون بيه و الا والله تنكتلون و تنشمر جثثكم للچلاب

ميعاد :- الله ياخذك و يخلصنا ليلة ما اعيش وياك طلكني و الا والله بعالي سماه الم الدنيا عليك .. ولا تهددني بسلاحك ما تخوف جلبي

جرها من شعرها : اني ما ذابح روحي على خلقتج عبالج ما اعرف بسوالفج صار اسنين من وراي بس ساكت بمزاجي و بمزاجي اطلك افتهمتي

تجر بشعرها منه و هو يهدد ، ضربته على وجهه حيل ودفعته :- شوف عيوني لا عبالك جايب جلابك و جاي علية ترا اعرف ناس توديك ورا الشمس ففك عني احسن ما ابتلي بيك

-نشوف منو يبتلش منو يا ميعاد

راد يطلع

-لا انشوف و لا نحوف خلينا نستر ما شفنا و نتفارك بريحة طيبة اسماااعيل

-واذا طلعتي منا و بلغتي ؟ اني ما امنلج

-وعساك لا امنت منو انت و شنو حتى اورط روحي بسوالفك

تقربلها و خله عينها بعينها : زين لعد يصير خير

:- جهالي وياي

-ديار يمي

-شناوي تسوي بجهالي تريد تورطهم وياك، ما اخليك تشوف ذرة منهم

-اخذي اسامة و اثار يمج ما احتاجهم بس ديار ممنوع و انت طالك

ركضت ورا :- اسماعيل بتي ما اعوفها اسماعيل

رجعت عليه حظنتني :- يمه اسم الله بتي ما اعوفج يمه لا تخافين

وخرتها مني:- انت تصلا اقذر منه اريد افتهم انتو شنو من ملا راضعين بصدر ابليس ، ما عدكم ذرة خوف من الله ما تعرفون عيب و حرام ليش هاي الناس مو مثلكم كرهتوني بروحي
عوووفيني

-وسم فوك ما خايفة عليج ولج هذا يورطج اذا تبقين يمه يذبج بمعمعه ما تخلصين منها يمة

-و انت راح تعيشيني بنص الشرف و الترف مو ؟ انتم اصلا واحد يشبه اللاخ و الله طابقكم من جمعكم

اني ما اكدر اسكت ولا اكدر اخلي اخواني تحت رحمتكم بس ربي يسمع و يشوف بس مدري شبيه ما يساعدني

-عفتها و طلعت

اول ما طلعت من الباب انلزمت ايدي باوعتله واحد ملثم يكولي :- ابالي اخذج مشوار اضيفج بفد مكان

-عوفني ولي مني يلا

-اششش بلا نفس

اجا صوت من ورا

اسماعيل :- سعد ساعة و ترجعها اريدك تعلمها شغلنا عدل

-بخدمتك اني استادي

طلعت امي تصرخ :- وين ماخذ بتي اسماعيل عوف البنية .........قاطعها ابوية و هو يحط ايده على حلكها و يفوتها جوا

ديار:- عوف ايدي يا سفلة يا مجرمين ، عوووف ايديييييي

حط ايده على حلكي و جرني كعدني بالسيارة ، فتحت الباب رجع دخلني و اندار ، فتحت الباب ، رجع سحب الأسلاح عليه
دفعت الباب حيل :انت تخوفني بالموت ، اقكتل يلا ، لو زلمة اكتل يلاااا

بطرف السلاح و ضربني على كصتي و جاب بوكس ثاني بوجي احس عظم فكي تحرك من مكانه ، دفعني للسيارة و صعد

اريد استوعب الالم ، ضليت اتفل دم
ضليت احرك براسي اريد الالم يروح من فكي ، تحركت السيارة

فزيت بساع مديت ايدي افتح الباب، قفل كلشي من يمه، صحت :- افتح يا حيوان
احجي و ابعد الدم من حلكي

مشى و الدنيا ظلام ، بلعت ريكي
باوعتله بس العيونه طالعة، وجهه و هيئته مال مجرمين

:-انت وين ماخذني الله ياخذك
بس مو صوجك صوج القندرة العندي اللي يتسمى اب
لا وفرحانه تغير و حيسويلي عمليه و ساعات و اني اتخيل امداني

داااااا اكولك وين رايح

-الصمي

-انت الصم يا حيوان نزلني يلا
جاااااي اگلك نزلنيييي

فوك الربع ساعة و هو يمشي بالسيارة و ما وكف
وصلنا لمكان مهجور .. مكان ما سيارات بيه سكراب هواي

وكف، و اني بعدني اركز بالمكان الظلمة اريد اشوف زين شنو هذا ، طفى ضوا السيارة صار ظلام تام ، شغل لايت يدوي و نزلني

-وخررر مني جاي اكلك
بس ما سمع ، يمشي ويجر بأيدي
الجو ظلام ظلام الى درجة
گلبي انملى رعب و يمشي بيه و اتعثر بمدري شنو

وداني لمخزن فتحه بيه ٣ جثث ولد شباب ميتين بس كأن ميتين جديد لان اكو دم بالكاع ما يابس ،، رجع باوعلي و هو رافع حاجبة و كانه يضحك من ورا اللثام

-خطيييييه مو مال اخليج رابعتهم موو ؟
لو شتكولين

الصراحة انصم حلگلي ولو انذبح قطرة دم ما تنلگى بجسمي ، لشتي ترجف من فوك لجوا واني اباوعله

سحبني و سد المخزن
رجع مشاني لمخزن لاخ، رفع الستارة ما بي اي بشر ، فوتني و سد السيتارة وراه

-شرايد مني انت ؟
حجيت و صارت حركة بالكاع، مثل الكأنو فارة جريذي ما ادري ، طفى اللايت :- انت شدا تسوي شغل الضوه فدوة اخاف

.. حرحارة ايدي ما تنشاف من الظلام ، كمت امد ايدي اريد الزم شي و اتمشى خطوة خطوة
:- وينه هذا، شغل اللايت فدوة اخاف

سمعت حركة كأنو اتحرك من مكانه ، درت وجهي للمكان اللي بيه حركة ، اتمشيت اتقرب منه و اومي بيدي، لزمت شي منه

بمجرد ما خليت ايدي عليه، سحبني حيل ودفعني للحايط و لف ايدي لظهري و ضك وجهي ع الحايط قوي لدرجة حسيت وجهي لو يدخل بالحايط لو يتفلش

اني دائما ارفع شعري كباية ، فتقرب ريحته ريحة عرگ جسم و مخلوطة بجكاير ردت ازوع ، فجاة لحس ركبتي بلسانه
رجعت راسي لركبتي، كش جسمي كله وكلت:- وخر مني حيواااااااااان

ضحك و بعد ايده ، بقيت امسح برگبتي و احك بجسمي كزبر، الجو هدووووووووووووء صنطة و اظلم
ما جاي اعرف الساعة بيش حتى اتأمل يطلع الفجر

صرخت :- يا اااااااااالله شتريد مني يا وصخ اكتلني و خلصني اذا انت صدك زلمة لا تتردد، يا قذر وينك

احجي واني امسح بركبتي وعاقجة وجهي كد ما كاشة روحي ، بقيت اتنفس بحس عالي خوف من الظلام

، گعدت بمكاني ، هسه استقريت و حسيت حركة يمي فزيت و صرخت و رجعت و كفت :- يا الله

بقيت متحطة بمكاني بس صوت انفاسي اسمعة
فجأة انفتح ضوا اللايت بوجهي ، خليت ايدي على عيني بسرعة و اني احاول اباوعه

طفى الضوا ، رجع شغلة
:- انت شرايد بالضبط ؟

-رايد عقلج

-شغل ما اشتغل وياكم

-تخسرين

-طز ما عازة بنفسي بعيشتي الزينة حتى استخسر العيشة

-مو نفسج

-لعد ؟

-اقرب الناس الج

-منو تقصد ؟

تمشى و تقرب يمي، حط ايده على خصري
همس بأذني :- اخوج مثلا

-تخسي انت و شاربك تلزم اخووووي يا حيوان
حجيتها و جبتله صفكة سريعة على وجهه

هنا طفى اللايت و استلمني بوكسيات اريد افهم الأيد منين تجيني ما اعرف بس صياحي طالع بنص هالهيمة

وكعت للكاع كلبني وجهي للكاع و كعد على ظهري لازم ادية واني احرك بجسمي اريد اخلص : وخر يا حيوان

-لو ما استادي نبهني جان شوفتج هالحيوان شيسوي، اسمعي لج :- تشتغلين ويانا و على حسب الأصول و شنگلچ تكولين حاظر و امركم
والا شفتي ال٣ المقتولين اخوج يصير ثالثهم

صرخت بصوت بجي :- اخوي شعليه يا قذر عوفني
والف بنفسي اريده يگوم من ظهري، عافني و كام مني بقيت اتلمس بالكاع ، استندت و كعدت اتلمس بالكاع

اريد شي الزمه ماكو بقيت ازحف بالكاع تذكرت الجريذي خفت استقريت بمكاني
الف فكرة و سالفة ابالي
اخواني بالبيت معقوله يسوولهم شي ؟
اسامة انجن لو انمس بشعره
بس ما اكدر اتورط وياهم بهذا الشغل مستحيل

شوية شوية بديت اشوف زروف بالمخزن يعني بدا يطلع الفجر، بعدني اركز بالمخزن ما احس الا طلقة ثارت قريبة مني

صرخت و وكفت على حيلي ، اجا لزم شعري :- يلا ورانا شغل هواي كومي

شغل اللايت و جر ايدي و رجعني للسيارة، اباوع المكان چول و زبايل و سكراب :- اللهي دخيلك ساعدني

رجعني للبيت و جرني من ايدي، نزلني و اخذني للغرفة البيها المخطوف، باوعنياها ، فتحت عيني متفاجئة :- اعرفها هاي البنية ويانا بالمدرسة ابوها كلش زنگين و شايفها نفسها ع الطلاب

فات ابوية للغرفة :- فهمتها الشغل

-نعم استادي

-ما راح اشتغل و لو مسيت اسامه بشي والله اكطعك

راد يضربني هذا اللملثم كاله :- سعد اوكف
تقرب بني و طبطب على خدي :- اعرفج ذكية و ما راح تسوين شي ، يلا بابا امشي كعدي اخوج و روحي للدوام لان بعد الظهر عدنا عملية لازم انفذها

و سحبني من ملابسي حيل و صاح :- يلا
دفعني برا و قفل الغرفة و انسحبوا كلهم بقى بس واحد كاعد بالأستقبال يم اخواني

عيوني مدمعة و كلبي مليان رعب،رحت لغرفة امي لكيته ضاربها و شاد حلكها و ورجليها و اديها بربطة، فكيتها صرخت

:- ما لازم نبقى هنا لازم اخذكم و اطلع ؟

-وين نروح اني خايفة كلش ماما ، اخذوني لجول لكيت جثث و دم و رعب ما تتخيلي هددوني اذا ما اشتغل وياهم يكتلون اسامه اخوية

-شحدهم
جرتني لحظنها :- اذبحهم و ما اخليهم يلزمون شعرة منكم والله

-شلون

-ما اعرف، هسه انت كعدي اخوج و روحو للمدرسة و اني اتصرف شلون

-كومي روحي وياي هذا واحد منهم كاعد بالاستقبال

-امشي

مشينا اني وياها، فاتت لگته كاعد يشرب جكاير و يباوع على اخواني لزمته و كومته دفعته برا و ذاك الغلط و الصياح و الفشار عليه

راد يضربها هي ضربته، رفع السلاح عليها ، هجمت عليه هو و سلاحه :- كوم لك ***** تخوفني بسلاحك اطلع منا لا افضحك فضيحة والله

وكف بالكراج بس حتى تسكت ولا الناس تسمع الصوت، رفع الجهاز وكام يخابر

اندارتلنا اسامة و اثار كاعدين مفزوعين
شالت اثار و كالتلي:- بدلي انت و اسامة واطلعوا يلا

-ما نشرد هسه

-اشرد وين افر بيكم الشوارع غير امن وضعي امن عليكم، ما تشوفين هالقندرة واكف قصاص بالباب اتحركي يلا لي لاخوج

اخذت اسامة و رحنا نبدل بس ما كف اسئلة كل شوية

اسامة:- ديار شصاير ؟
منو هذا الرجال ؟
ليش امي ضربته ؟
ابوي وين ؟
ليش ما تحجين ؟

:- كافي تسال و امشي البيه كافيني رحمة لربك امشي

اخذته و مشينا للمدرسة
لا انتبهت لدرس ولا ركزت ويا مدرس
عقلي مشوش و بالي مخربط .. افكر اكول اروح لاقرب نقطة امنية و اكلهم ابويه هيج و هيج و مختطف بنية ابيتنا ، بس اخاف نروح بيها و ابويه لا ذمة ولا ضمير

ابلغ و اشرد اني و اخوي، بس وين نشرد ؟
وين اروح اني لا اعرف احد ولا اندل مكان
اصبر اشوف امي شتسوي بلكت تكدر تخلصنا

بالفرصة شفت اهل البنية يسألون بالمدرسة و يكولون من البارحة لما طلعت ما رجعت للبيت و الحارس يكول ما شفتها و المديرة تكول تأكدت بنفسي كل البنات طلعوا مبقى احد بالمدرسة

كمت ارجف حتى خفت الطالبات ينتبهون عليه ابجي و ارجف، رحت للتواليتات ، كعدت هناك و الحيرة تقرأ الف و الخوف والرجف بجسمي مو بأنصاف

يطخ بعقلي اروح اگلهم بس اخاف
:- ربي ساعدني فدوة

حليت من الدوام و اني امشي ما ادري بروحي، وكفت سيارة، اندك هورن ،فزيت ، خالد كبالي

-اصعدي

باوعت وراي ، هاي اني وين واصلة ناسية اسامة ما رحت لمدرسته فكلت :- يا عزا العزاني اخوي ما جبته من المدرسة ، لا لا رايحة اجيب اخوي

-اصعدي نحجي و روحي بسرعة

...صعدت وياه

مشى بالسيارة ، باوعتله :- شتريد ؟

-جر الموبايل من جيبة و شمره كدامي

-ديار اريد افتهم وين تريدين توصلين يعني تخيلتج صغيرة و كل العندج زعابيلج و افلامج تسويها و تشردين بس شنو هالمسجات السخيفة
لج بابا انت ما عندج ام تراقبج ما عندج اهل يكلولج شجاي تسوي

-ما فهمت شتقصد ؟

- تفهمين قصدي كلش زين

-خالد والله عقلي مشوش و راسي راح ينفجر احجي شنو الموضوع، اني بعد الصار ما تقربت منك لا انت ولا ضحى

-وهاي الرسايل ؟

-يا رسايل ؟

-اقريهن هاج

انطاني الموبايل و قريت المسجات دارميات اشبه بالجنسية و كلام مو معقول

-مو اني

-لا انت

-والله مو اني

-هاج اقري الرسالة هاي لا تغشمين روحج

قريتها المسج ( مرتك الحلوة اليوم تهجمت علينا اني اكول لو اطلكها و تفتك و تجي يمي ادلعك شتكول )

من شفتها اسودت الدنيا بعيني كمت اصيح ابجي :- يا يا الله والله تعبت شخص من هذا يطلع ذاك وين اروح

-ما فهمت

-مو اني اللي بالرسايل

-منو لعد ، ضحى بيومها اجتكم و من يومها الرسايل ما كطعت

-هاي امي

صفن بصدمة :- امج ! صدك تحجين ؟

خليت اديه على وجهي :- ياربي و القران تعبت تعببببببت و انفجرت ابجي بكل حيلي

-ديار شنو الموضع، كولي يا الله يمعودة

فتح بطل مي و جر كلينكس خلا على رجلي:- هاج اشربي و فهميني شبيج

-كول شنو المابيه تعبت من اهلي تعبت ابويه من صفحة و تمي من صفحة ما بيه اتحملهم بعد
التفتتله :- خالد اني جاي اموت من الرعب راح يوكف گلبي

-كولي يا الله شصاير

-ابويه ارهابي و جاي يهددني

رجع ظهره :- صدكتي جذبتج ؟ الرجال طلع و ما عليه تهمة

-لا هسه طلع صدك، احجارة گطفتها بظلمة و صابت
ابوية خاطف وحدة و مخليها بالبيت مالتنا

فتح عيونه :- لا ، صدك تحجين لو هذا لو هذا فلم جديد لو شنو الموضوع

-والله العظيم ما جاي اجذب عقلي راح ينجن و ما اكدر افتن عليه هددوني بأسامة

-ديار عيب عليج اسامة ابنه ماكو اب يهدد ابنه هالحجي ما يصير

-والله ما جاي اجذب و ابوية اقذر من هيج شتتوقع من واحد يعتدي على بت

طلعت منه صرخة لا ارادية : هااااه شنو ولج معتدي على بته وين كاعدين احنه

-خالد انت كلشي ما تعرف

وكف السيارة :- انت لا تخبليني و احجيلي وحدة وحدة ابوج معتدي على منو

-بالاول انهار و بعدين اني

-انهار اختج الميته

-بسببه

لحظة :- نروح للمحل و نحجي هيج كلشي ما جاي استوعب
حرك السيارة و هو يكول :- قل اعوذ برب الفلق من شر ما خلق ، لا حول ولا قوة الا بالله
اكو هيج بهالدنيا معقولة !! عمي مو زين ما الله كالبها بالعراق لا و نستغرب شنو احتلال شنو حرب طائفية و واحدنا يكتل اللاخ هو الله شلون يرحمنا بعد

وصلني للمحل كتله :- اخوي لازم تروح اجيب

-انروح سوة بعد نص ساعه و يطلع ، فوتي

دخلنا جوا للمحل، فتح الضوا و شغل البنكة و كعد كبال الميز :- اكعدي و احجيلي سالفتج يربج عقلي ما كام يجمع

-شحجيلك و منين ابدي ؟

-اختج و انتي شلون اعتدى عليكم

-اختي انهار اكبر جانت الي مثل الام اداريني و تنومني و توكلني

-شكد عمرها ؟

-١٣ تقريبا ما ادري

-اي

-جنت اشوفها بالليل تبجي و من تطلع ماما تخاف

-امج تشتغل

-اي بدائرة حكومية

-اي

-بيوم من الايام ابوي طردني و حبسني بالمطبخ و اسمع بس صراخ اختي انهار بالبيت تصيح من كل گلبها

بعدها فتحت الباب مال المطبخ و ثوبها مشكوك ، هددت ابوي تحرك نفسها ، بس ابوي جان سكير كام و كتلها
رجعت اخذت النفط و شمرته على روحها و اني قريبة منها نص ملابسي تنكعت بالنفط و كالتله اذا ما تبتعد مني احرك روحي

-ما سمعها اول ما تقرب شخطت الشخاطة و كبت اني من الخوف حظنتها كب جسمي وياها كمت اصرخ بالبيت و مخليه ادية على وجهي و اصرخ بكل صوتي و اسمعها هي تصرخ من الحرك

طب جيرانه طفاني و ناس طبو طفو اختي ابوي بوطتها سوا روحة يطفي بيها .. جنت اسمعها تصرخ من كلبها

حجيت هالكلمة و بجيت دنكت

هو دمعت عيونه ، كام من الميز كعد كدامي :- لا اله الا الله

-جنت اسمع امي تصرخ و اني اصرخ و صوت انهار اختفى

نقلونا للمستشفى اني جانت حالتي اخف منها، بس هي ما طولت ساعة و تسمم دمها و ماتت

سجلوا القضية انتحار و ابوية طلع منها و اني تشوهت بقيت ايام طويلة ما انام من الوجع اللي بجسمي
وجهي جان احسن من جسمي لان تلاحكوا عليه و طيبوني فحرك خفيف وصل وجهي ولان جنت طفله طاب احسن بس بقى اثار..
بس جسمي بقى هيج (مديت ادية يشوفهم)

- هذا مو اب هذا الحرك قليل بحقه، كل هذا و ما اكتفى و رد عليج ؟

-بابا من يوم يومه سكير و من يسكر يكوم يسوي امور ابليس ما يتخيلها

-ولج هذا كلمة بابا ما تنكال اله، بس الصوج بامج العرفت كل هذا و بقت وياه و راضيه بالعيشة و هي تشتغل

-امي نفسه اذا مو هو اقل منها

-شلون يعني

-احجيلك بس عليك الله لا تحجي

-رب الحجيتي كل هذا و خايفة ، احجي يابة قابل بلا ذمة و ضمير افضح بالعالم لا تخافين

-امي من زمان و هي تخون ابوي

-حييييل بعد ايدي شادتله كرون هلسكط، نايم السكران خلي النومة تفيده

-هو يدري بس مغلس

بتعجب :-هااه

-المهم تجيب و تنطي فلوس ما عليه هي وين تروح وين تجي ما يهتم

-استغفر الله شنو هالعائلة هاي اعوذ بالله فوك ما عار و ديوث هم شيجمع بعد الله بيه
ها لا و ارهابي بعد كلتيلي مو ؟
اي صلوات على محمد

وامج هاي من شوكت ما تعدلت ما حست على روحها ، ماكو وحدة تشتغل هيج و ما تنفضح

-اسمها بالشغل و محد يدري عن اللاخ
بس اني ادري اختي اثار مو من ابوية

-شلون عرفتي ؟!!

-كلبي هي يكلي لأن اني و انهار من جنا نلعب جانت تحط ايدي يم ايدها و تجمع شاماتنا الي بادينة
وهسه اني و اسامة هم نجمعهم .
بابا عمدة شامة بأيدة بنفس المكان

-وبس من الشامة عرفتي هي مو اختج ؟

-هيج حاسة ما متأكدة حتى جنت حيل اكره اثار بس بعدين تغيرت وياها كمت اكول هي صغيرة و تعاني مثل الجنت اعانية اذا ما احظنتها يمكن تموت لان اني من ماتت اختي حسيت نفسي متت وياها محد يعتني بيه ابد

-لا حول ولا قوة الا بالله عمي والله سبعة و تحنلتي كل هذا الا وين اكو واحد يستحمل هذا كله

-من تسمعه تصتصعبه بس اني تعايشت ويا هالمواضيع من اني وصغيرة بس هسه بديت اتعب منهم خاصة اليوم اتمنى انتحر و اخلص

-لا تكولين هيج الله يخلينا كدام اختبارات و امتحانات وهو اعلم بخلقة لا يكلف الله نفسا الا وسعها ، احجيلي سالفة التهديد شنو

-خاطفين وحدة ويانا بالمدرسة اهلها زناگيل ، و خاطيها بالبيت و ما اكدر احجي اخاف يكتلون اخوية

-لا يربج ، راح توكفين عقلي انت، ولج خاف كاعدة تتبلين عليهم عليج الله

-كلت الك والله ما جاي اجذب ، دشوفني بحالة جذب

-ما ادري ما ادري فريتي عقلي
ولج من زمان اعرفهم معقوله هيج وصخين اهلج ؟
لا يربج

- اني حايرة شنو الحل ؟

-ما اعرف حاليا عقلي ما جاي يستوعب كل الكلتي استغفر الله اكو هيج اب ، ولج مرتي زعلانه و بناتي مو يمي مثل السمجة المزوهرة الوب عليهن ويومية داز عليهن
اب يسوي هيج ابنات والله ما ادري هالدنيا شصاير بيها

دنحجي دك موبايله
خالد : لحظة

ديار : منو ؟

- ضحى
رد ع الجهاز :- الو ضحى

-هلو خالد اريد احجي وياك عليك الله لا تسد الموبايل

-نحجي بعدين

-خالد شنو ينطيك كلبك اطلكني لا تسوي بيه هيج تعرفني ما اتحمل والله اني من البارحة و اليوم ما ماكلة حتى احس الطفل ميت ابطني لا تعوفني

-ضحى مو اني الطلبت الطلاك انت اللي ايام كل ما احجي وياج تكليلي اريد اطلك و وديني لاهلي و تهددين، شنو اللي تغير هسه ؟

-ادلل عليك ميصير يعني و انت خلودي و حبيبي و ابو بيتي

-نحجي بعدين هسه مشغول اني

-منو يمك ؟

-ديار

-وتكلي ما خايني و تصيح تهددين شلون تصير الخيانة بعد خالد لا تخليني اطك و اموت

-يعني بعدج تشكين بيه ما كفيت

-مو تكلي ديار يمك

- روحي ضحى

-خالد لعد شيسمونها كعدت........

-كلت امشي ضحى، باي

سد الخط

ديار:- تشك بيك ؟

-بفضلج الحمدلله

-اني مستعدة اروح اعتذر منها و انهي الزعل البيناتكم والله اسفة

-ما يحتاج و عوفيني من ضحى كمليلي طركاعتج

-شأكمل لازم اروح اجيب اخوي

-ماشي ، بس ها شوفي شتحتاجين خابريني طمنيني لان هسه شعلتيني شعل

-ما عندي رقمك

-امج عدها رقمي و انت ما عندج !
اكتبي يمج

طلعت ورقة و قلم من جنطتي و كتبت رقمه
وصلني بالسيارة قريب من فرع مدرسة اسامة ..

وصلت للمدرسة حجيت ويا الحارس كال :- اسامة طلع من زمان ويا صديقة

اني سمعت هيج لو گلبي فز ، كمشت ملابسي وركضت للبيت ....

.........

خالد :- فرت عقلية هالبنية حيل كسرت خاطري فوك ما مشوهة هيج اهلها و حالتها رحمتك الهي
اسوق وبالي كله مشغول باللي حجته : معقوله اكو هيج بالعراق ! اب يعتدي على بناته
خرب بالحظ دمر نظام البشرية كلها قوم لوط ما سوو سوايته

من كد ما فكرت هيج والله حتى ما كمت ائمن اذا اب و دنت نفسه على بته، بناتي شلون مأمن بيهن صارلهن ٣ اسابيع عد خوالهن .. شعرف اني بنفوس البشر

اروح استر على بناتي و اجيب مرتي اشرفلي

... لفيت السيارة و طلعت على بيت اهل ضحى
دكيت الباب طلع الي ابوها رحب بيه و هلا ابني و تفضل

فاتت الاماية سلمت سلام جاف، كلتلهم والله جاي على مرتي اريد اخذها وياي

امها ما قبلت وكالت :- شنو بتي ما الها احترامها و جايها بطرك روحك روح جيب اهلك و تعال اخذها من بيت اهلها معززة مكرمة

-هي ضحى وين

-جوا و ما تطلع بناتنا مو ما الهم قيمة حتى هيج تهينها

-عمه اني ما هاينها و اذا هي ما تريد ترجع بكيفها اني ما اجبرها بس انطوني بناتي

-بنياتها يمها ما تطيهن

-كمت من مكاني:- عمي الظاهر الحجي للنسوان و انت ما بين صوتك ما دام هيج اني اخلي الوالدة و رضيعتي يجون و يجيبولي البنات و البيه زود يسد الباب

الأب :- عمي مو هيج الحجي بس البنات يم امهن و عمتك حجت الصح ما يصير تجي وحدك تاخذ المرة وهي زعلانة اهلك وينهن

-عمي تنطيني بناتي خير على خير يومين و يجون الاهل يحلون الموضوع، ما تنطونياهن وحق من انزل القرأن تحرم عليه بتك و بناتي اخذهن من عيونها

عفتهم و طلعت، حركت السيارة ، ابوها طلع البنات و خلاهن يمي بالصدر ، سد الباب و دنك راسه يحجي وياي من فتحة الشباك :- عمي على كيفك هي هم مريتك و تحبك و تغار عليك و هاي النسوان شتسوي

-والله عمي ما عدي شي وياها بس ضحى تعبتني اكلها اسود تكلي ابيض اكلها ابيض تكلي اسود ، حلفتلها بالقران بعمري كله ما خاينها و هي مستمرة تشك بيه و الشك لو دخل علاقة يدمرها فاذا تريد تحافظ على عائلتها انصحها تبطل شك مو كل بنية عرضت علي حبيتها وكت اللي تشوفني بحظن وحده ذاك الوكت الهال الحك تحجي

-الله كريم وليدي لا يضل بخاطرك
ضرب على السيارة :- توكل ابني و دير بالك على البنيات

- ان شاءالله، يلا ثيمالا

-الله وياك

.................

ديار :- رجعت ركض للبيت لكيت اسامة سابقني ضربته على راسة :- حيوان جمدت من الخوف عليك عبالي صار بيك شي غير تنتظرني اباب المدرسة ليش رحت

-اجيت اني و صديقي

الأم :- عوفونا من هالسوالف هايه ، البنية بعدها بالبيت وما نعرف شراح يصير ويانا احتمال مراقبين كلشي يصير لازم نطلع منا بأقرب وقت

-ابويه عرض عليج تاخذين اخواني و اطلعين مو ؟

-لا تفكرين ذوله ما يتأمنون

-امني اخوتي ولا تخافين عليه اني اكدر ادبر نفسي و اجيج وكتها نشوف وين نروح

-اكيد ؟ بس ما امن لا شعرفهم شيسوون بيج لفو عليج حزام ناسف و شمروج بسوك وكتها شيفيدني

-بس اتطلعون ابلغ عليهم و اشرد، كبل لا يسوون اي شي لا تخافين

-القصة مو بهالبساطة ديار

-عندج غير حل؟

-ما ادري خل اخابر اشوف ائمن المكان حتى اتفق ويا هالحيوان اخذ اخوتج و نمشي ..

-ااا صدك ماما دازة رسايل لخالد ؟

-شنو فايدة هالحجي هسه بحال خالد بالله و تجيبيلي سيرته

-حجه وياي اليوم و كال شنو هاي الرسايل الدزيها الية ، انت شنو ما عندج خجل ؟

-اووو ديار كلش مو وكتج يا امي راسي بيه الف سالفة و سالفة اكوم منج احسنلي

هزيت ايدي و فتحت الموبايل كتبت مسج لخالد ( ماما راح تاخذ اخواني و تطلع ابقى بس اني )

دزيت ارسال، شويه و اتصل رحت للحمام و فتحت اتصال و حجيت همس (الو)

-الو شنو اكو احد يمج

-لا اني بالحمام جاي احجي وياك ما اريد احد يسمعني

-شلون تعوفني

-هم هددوني بأخوي اذا طلعوا سهله ابلغ عليهم

-وشمدريج ما راح يراقبون امج و يندلون مكانها ما معقوله يأمنون بيها هيج بساع

-ما ادري

-امني نفسج ديار و حسبوها من كل الجوانب حاليا حاولوا تتعايشون ويا الوضع لحد ما تلكولكم حل مناسب .. التفكير بهيج وكت فاشل لأن مرتبكين و خايفين

-ماشي راح اگللها

سديته من عنده ورحت حجيت ويايه ماما هالحجي بس ما كلت الها خابرت خالد ، سويت نفسي بيني و بين نفسي كلت هيج ..

كالت :- لازم اخذ احتياطي من كلشي

... لليل خابرني خالد :- شسويتو ما سويتو

- بس اجو شافو البنية و طلعو و واحد باقي بالكراج كاعد ما فاركنه و حايرين شلون الحل

:- اني اكول لو نشتتهم

-شلون

-اخوج اسامة من المدرسة تاخذه من الصبح گبل لا يحل .. و اثار خلي امج تخليها يم مها بحجة ديار مدرسة و هي عدها شغل

- اي ؟ بس خاف يراقبوها

-اني اتكفل بهالموضوع، هي تروح للشغل و اني اخذ الجهال، والا اوكفي اوكفي اوكفي لكيتها

-شنو ؟

-الفلم اذا سويناه على امج راح يتصدك اكثر

-شلون يعني ؟

اسامة يروح وياج للمدرسة ، و امج كليلها روحي للشغل اني ابقى يم اثار

اي ؟

-خلي اثار يم مها وكولي اتذكرت عندي امتحان و اني اخذ اثار من مها بلا ما تعرف وبدون ما احد يحس

بهيج مها و اهلها راح يطلعون يدورون
وامج راح تنجن ولدها وين
وابوج راح يتخبل
و انت مثلي عليهم و ابجي شكد ما تكدرين
بهالحالة الكل يصدك انو الجهال انخطفوا
واحد راح يتهم الاخر

هيج امنا اثار و اسامة

-ضليت افكر بيها خطة محبوكة
بس شلون امي اكلها ؟

-ابوج من راح يشوف امج متهسترة يومين ما تعرف جهالها وين اعتقد راح يصرف نظر عنها وحتى لو ما صرف
اني اخابرها واعرف شلون افرها بطرق و مناطق و اكتشف اذا احد يتبعها لو لا و ائمنهم يم واحد صديقي لحد ما نبلغ عليه .. هاي اذا الشرطة بيها خير و لزمتهم اما اذا ماكو مضطرين اطلعون من بغداد كلها وتشوفولكم مكان بعيد

... فر عقلي .. نهيت الاتصال وياه لأن حسيت احد اجا
بس ضليت الليل كله افكر: اني جبانه شلون اكدر انفذ هيج خطة ؟

الليل بقى ابوية و جماعته يفرون بالبيت
نقلوا البنية المخطوفة منا ما ادري وين ودوها
حاولت اتصنت عليهم بس خفت
ابد ما رجعت حجيت ويا خالد حتى لا يشكون

الصبح كعدت امي كالت :- لازم اروح للشغل حتى اشوف شلون ائمن بيت و ائمن عليكم
رادت تاخذ اثار نطت بجي ما تقبل تروح، كلت الها عوفيها اني راح ابقيها يم مها من ارجع من الدوام اخذها ما اتاخر و احاول اطلع قبل الحلة اذا قبلت المديرة

امي اقتنعت .. وديت اثار لمها خطية ما كالت شي

عفتها ورحت للمدرسة بطريقي للمدرسة عرضلي هذا اللي الجان ملثم يسمونه سعد، كال :- اصعدي

-ما اصعد روح منا

-تصعدين لو اصعدج بالقوة ترا مو بصالحج ترفضين تعرفين خطية اخوج

-شرايد مني

-وقت الشغل

-شغليش ؟

-اصعدي و تعرفين ...... يتبع

☆☆☆☆☆☆

#اتمنى_ان_افعلها

///// بقلم الكاتبه ❤️/////

الحلقة_6

ثم قالت بعد تعب طويل (يا الله انني احارب الف وجع بقلب واحد 💔 )

........

سعد :- اصعدي

دبار:- ما اصعد ولي

-اكلج اصعدي

-وين

-صار وكت الشغل

-شعليش ؟

-صعدي و انت تعرفين

-تروح منا لا والله الم الناس عليك

-براحتج اني رايح لمدرسة اسامة لعد انتظره

-شنو تهددني

-ليش اطوليها كتلج اصعدي ما راح اسويلج شي هالمرة

-المثلك ما ينثق بيه

...وكف السيارة و اجا ، مديت ايدي :- اوكف لا تمد ايدك القذره علية راح اصعد

-من الاول و صيري حبابة يلا ياااا حبابة

.. صعدت وياه بالسيارة .. مشى مشى مشى
دخل بمنطقة مبينه كلش راقية البيوت رنانة و الشوارع نظيفة حيل

-احنا وين

-مو مهم المهم تسمعين اللي راح اكلج عليه و تنفذين وبس

-اشتغل عد الخلفك و تتأمر عليه ؟

-لسمعي و لا تلغين ، تخترعيلج حجة و ادكين ذااااك الباب اللي لونة ابيض و اسود ، شفتيه ؟

-شرايد منهم ؟

-الرايدة منهم ما الج علاقة بيه، الاريدة منج تحفظيلي مداخل البيت شوفي كم واحد بالبيت حاولي تسألين تستفسرين المهم تجيبيلي اكبر كم من المعلومات عن هذا البيت

اذا نفذتي العملية بنجاح الج 250 دولار

-ادخل شأكل الهم ؟ ما اكدر اخاف و ارتبك وتخرب السالفة و اتورط ، ما ما ما اريد امشي

-مو بكيفج، انزلي

نزل من السيارة، نزلني :- امشي جاي اگلچ

-شأگلهم ؟

-دوري باوعي منو اجا

درت وجهي و ما احس الا دفعة قوية اجتني من ورا وكعتني للكاع حيل ، تكسرت تكسر وجهي تشخط ادية تشككت صدريتي من يم اركبي انحكت و صارت سيان

سعد :-هسه صارتلج حجة تروحيلهم تغزلين يلا ع السريع

باوعتله :- يا نذل شنو من بشر انت الله ياخذك

-امشي بلا حجي زايد بسرعة يلا

كمت من حيلي، خطوة ليكدام و خطوة ليورة
يا ربي عيني و اسندني ما الي غيرك ، لا تخليني اذيلي انسان بريئ دخيلك الهي

حجيت و بجيت دموعي كامت تنزل ، وصلت الباب اباوع هو ماكو حرك سيارته و مشى

دكيت الباب قوي، مرة .. مرتين .. الثالثة اجا صوت بنية (اي اي لج عيني حينشلع الباب)

فتحتة بنية يطلع عمرها بالتلاثين، اول ما شافتني لطمت على صدرها :- عزااا هاي شنو منو انت

ابجي و دموعي تجري :- بس اغسل فدوة العينج

-اي حبيبتي تفضلي تفضلي ، اووووي شوف ايديج يا عيني كلهم دم فوتي فوتي منا بالحمام غسلي

-رحم الله والديج
فوتتني البيتهم ، دخلت صالة شكبرها قصر
الدرج الاثاث ، ناس ميسورين الحال الله يستر عليهم

اجت يمي حجية لابسة فوطة بيضة تصيح :- لج نهاد منو بالباب

-باجي هاي مرة خطية مريضة و مدماية دا تغسل

اجت الحجية :- هلا خالة خيرج يعيني شصاير وياج

-خالة وكعت بالكاع و هاي المنطقة ما اندل بيها.......دا اكمل جذبتي كلبت و كلتلها : لا خالة اني جاي اجذب عليكم اكو ناس ارهابيه حرامية هددوني حتى اشتغل وياهم و اذا ما اشتغل يكتلون اخوي و دزوني احفظ بيتكم بس اني ما اريد ائذيكم داخله على الله و عليج خالة لا تفضحيني بس اخذزا احتياطكم هالفترة لا تتاذون هذا كل الاكدر عليه اكوله

ثنينهم لطمن وحدة على صدرها و اللخ على صدرها :- خالة اي حركة احتمال ان انكتل و انتم تتأذون خلوني امشي انطي الدزوني عليه و انتم اخذو احتياطكم

- لج عيني منو ذوله اوكفي دا اخابر ابو دريد

-لا تخابرين خالة فدوة والله تورطيني ،

-منو كال حجيج صحيح و بعدج ما يدخلولنا لا عيني لا

-خالة اني لو جاية ائذيكم اخذ الاريدة و اطلع انتو فتحتولي بابكم و غسلتوني الف رحمة الله على والديكم خليني اطلع و الج حق شتصرفين اتصرفي بس لا تجذبون نظر

بقن يحجن بينهن و يتحققن وياي لو تبقى ع الحجية ما نخليني اطلع بس البنية كالتلها :- نعم الله عليها من نبهتنا جان هسة رايح واحد من ولدنا على الاقل نكدر نامن نفسنا نجيب حماية خليها تروح لا تتاذى

عافوني كوة وصيتهم لا بطلعون يراقبون وراي و يجذبون نظر من اطلع خل يخابرون

و طلعت من البيت ، اباوع هالقذر ما هو وين راح
نعلعله لشتك الزفرة رجلية و ادية كلها مشككة شيمشيني هسه

امشي امشي امشي ماكو وين راح هذا

...........

صفيت السيارة بظهر المدرسة مال اسامة و مشيت الها دخلت
خالد :- السلام عليكم

الحارس:- و عليكم السلام اهلا اخي تفضل

-خويه العفو بس جاي على الطالب اسامة اسماعيل طاهر

- يا صف

صفنت :- هو هذا يا صف ؟
:- والله يا خوية ما ادري يا صف بس اني گرايبة و جاي اخذه صار عدنا حادث بالبيت و دزوني

-شتقربله ؟

-اصير كرايب ابوه

-جنسيتك

-اي، لحظة، اوووووو هاي جنسيتي نسيتها بالبيت شلون مشكلة يا الله

-اخي اذا ما تنطينا الجنسية ما نكدر نطلع الطالب اعذرني

-خوية جاي اكلك عدنا حالة وفاة بالبيت و مضطر اطلعه

-شتقربله بالضبط ؟

-اخت ابوه تصير عمتي
صفنت :- لا اوكف مو هيج خل اتذكر

-بعد اخوك انت حتى ما تتذكر انت شتصير منه

- دوكف يا خوية هو اوضاع هالبلد تخلي براسك عقل تتذكر بيه، شوف هو اخت ابو اسماعيل تصير مرت خال عمي صابر

-شني خوية قصة لغز هذا رحمة لوالديك
توكل

-خوية جاي اجذب عليك اني عدنا حالة وفاة واجيت على الطفل امة توفت ونريد نروح ندفنها و خطية ما يودع امه

-الى رحمة الله

-اي يا خوية هاي شنسوي بعد

-خل اسال المدير و اجيبلك الطالب اشوفه يعرفك

-بعدك تشك بيه
عافني وراح :- طلعت مو بس ضحى بيها مرض شك هال العالم كلها مريضة
ولو هي ليش الجذب اني جذبت عليه و هو صدك يعني هو ذكي من ما صدكني
جج، هسه هو صدك لو ما صدك
اووو دخل يجي و نشوف

شوية و اجا جايب اسامة و جاي، سأله :- تعرف هذا
بس قبل ما يكمل اسامة عرفني و كال :- هلو عمو

-هلو حبيبي جاي عليك اخذك

-ليش شصاير

-نوصل هناك و تعرف عمو امك مريضة

هذا الحارس لم معاني وجه وكام يهز براسه و دمع خطية صدّك امه ميته ،، اني هم قابلته عقجت وجهي و هزيت راسي مقهور وحجيت بنبرة حزينة :- يلا عمو امشي يلا

اخذته و خليته بالسيارة ، و صعدت اسامة اني اجيت اخذك حتى اوديك مكان بعيد

-وين

-مو يم اهلك لا ، راح اخذك عندي تتحمل هالغترة اعرفك بطل و فد شوية اخلي اختك ديار تحجي وياك

-ليش عمو رجعني للبيت

-عمو شفت الملثمين اللي بالبيت ؟

-اي ؟

-ذوله خطرين عمو يردون يكتلونك

-عمو واختي ديار لا عمو رجعني ما اعوفها وحدها

-اختك ديار راح تلحكك و تجيك

-شوكت

-اليوم ان شاءالله هي كالتلي اخذه

-لا عمو اخاف عليها

-بعد عمك شبيه ابوك ما طلع شريف عليك هذا هم حظكم

يلا عمو شوف راح اخليك بمحل التصوير مالتي افتحلك الحاسبة و اطلعلك انترنت و العاب على ما تجيب اختك اثار ماشي ؟

- عمو و ديار

-عمو مو كتلك و القران تجي شالقضية

-اخاف ما تجي عمو و يكتلونها

-لا عمو لا تخاف هاي الله خالقها زلمة بهيئة مرة ما ينخاف عليها، ادعيلها ماشي ؟

هذا دمعت عيونه و بجى:- اها هاي شبيك عمو هاي عود اكول عليك زلمة و هالله هالله

-عمو اخاف عليها

-خايب عمو و القران و الكعبة و القدس و اليهود و المسيح ولك وحق معركة بدر و بعران ابو سفيان ما عليها شي ما عليها شي خبلتني ستين الف مرة كتلك ما عليها شي شينهااااي

سكت اختلس الولد، ما نطق بعد
رحت خليته بالاستوديو و قفلت الباب عليه

توجهت لبيت عمي دخلت مها و الحجية كاعدات، بست مرت عمي و سلمت عليهم و كعدت شفت اثار كاعدة يم الحجية بس كانها باجية

ضحكتلها و اشرتلها تعاي بستها و انطيتها باكيت الجكاير بيه اخر وحدة ختها و كلتلها:- روحي اشمري بالزباله برا

رادت تشمره بالهول صحت:- لا برا برا اشمري عفية حبابة ..

الطفلة هم نفذت من شفتها طلعت برا كلت الهم :- ياله اني رايح محتاجين شي

-يمعود هسه اجيت اكعد

-لا والله وراي شغل و المحل ما قفلته اودعناكم

الله وياك :- طلعت الطفله تريد تفوت كلتلها :- اجت ديار

ركضت الطفلة للباب ، باوعت وراي ماكو احد طلعت برا سديت الباب وراي باوعت منا منا ماكو احد ، شلت الطفله و خليتها بالسيارة و مشيت للأستوديو كعدتهم سوا

الطفلة ظلت تبجي، بقيت اسامة يسكت بيها، رحت جبتلهم حلويات ب٣ الاف ورجعت خليته كبالهم نسوا الدنيا و نسوا حتى ابو ديار

.......... ديار

امشي امشي و هذا العار عافني و اختفى حتى ما عندي فلوس و اعرف ارجع لاهلي ولا اندل بوحدي واصلا ما ادري اني بأي منطقة

دخلت بفرع طويل، باوعت منا منا ماكو احد، خابرت على خالد

ديار:- الو هلو خالد

خالد :- هلو ديار وين انت

-اخذني واحد منهم حتى انفذ مهمة الهم

حجة بنبرة قوية :- و شسويتي ؟!!!

-دزني عل فد ناس ادخل ابيتهم و اعرف محتواه و معلومات عنه، و الچلب دفعني ع الكاع تشكمت ادية و رجلية و وجهي تزلغ حتى تصيرلي حجة ادخل للبيت

-ولج و شسويتي يربج ؟

- بلغت اهل البيت ان اني هيج دازيني و اخذوا حذركم و توسلت بيهم ما يفضحوني و طلعت بس ماكو اختفى ما جاي الكاه

-اخذي حذرج ديار انت جاي تلعبين بالنار

-ما ادري گلي اخواني شسويت

-ذوله يمي بالمحل كاعد ياكلون

-دكول والله ؟!!

-اي والله العظيم شبيج ، شوفي الزمي تكسي و تعاي للدورة و من توصلين بيت عمج اطلبي منهم فلوس الكروة و اذا فاجئوج اختج ماكو سوي نفسج امصدمتي و صرخي هواي صرخي و اطلعي دوري ماشي

-واخواني وين راح يبقون

-يمي لا تخافين اني ائمنهم يم اختي وما اخلي اي بشر يدري عنهم

-خالد ما ادري شلون اجازيك

-هسه دطلعي منها و الله كريم وكتها عود جازيني، هسه احجي ويا اخوانج طمنيهم

حجيت وياهم و طمنتهم و وصيت اسامة يدير باله على اسامة و اكدت عليه هواية و هو فهم مني

خلصت المكالمة مسحت المكالمة و رجعت الموبايل بجواريبي لان كل مره ما اخذ الموبايل وياي المدرسة ما تقبل اليوم اخذته حتى اطمن على اخواني فخليته بجواريبي

طلعت للشارع العالم ردت اخذ تكسي بس اخاف استصعبها اصعد وحدي ، الى ان طلع بوجهي هالقذر الارهابي

اشرلي اصعد

صعدت :- حيوان وين رحت

- احجيلي المعلومات

-ليش تركتني

- لا تلغين زيادة انطيني المعلومات

- اول ما دخلت الكراج جبير حيل حديقة على يمينك .... وسولفتله تفاصيل البيت و زعلطت بالتفاصيل الجوا .. ما انطيته بالصحيح و كلتله كذا و كذا طلعولي نساء

ما نطق ولا كلمة بقى بس عاقد حاجبة و يمشي
رد نطق :- متاكدة هذا اللي شفتيه و المعلومات صحيحة

- اللي شفته كلت الكياه ما تريد اتصدك لا تصدك

-ع العموم هي هاي مهمة تجريبة دنجربج بيها اذا اهل البيت زادت احتياطاتهم او ان اخذوا تدابيرهم معناها اكو خيانة بالموضوع

-يعني شنو

-يعني طق
واشرلي على ركبته :- ركبت اخوج المسكين اطير

-طارت ركبتك ، ولا تجيب اخوية على السانك اكطعك و اكطع اكبر واحد لو اتقربله

-ويا منو جنتي تحجين بالموبايل ؟

-ويا امي

مد ايده و هو يطلب الموبايل :- اشووف ؟

صفنت بوجهه، المكالمة حذفتها و القائمة ما بيها اي اسم لأن اصلا بس خالد اخابره و من اخابره احذف ، بس اذا شاف حاذفه حيشك .

طلعت اله الموبايل و انطيته اله ، باوع :- وينها المكالمة ؟

- اني احذف ما ابقي مكالمات

-هممم خابري امج

رجف گلبي من كال هيج، و من الخوف حتى بطني انمغصت ، حكيت خشمي من التوتر وبقيت امط بيه ، ايدي رجفت ، بداخلي صوت (دخيلك يا ربي ساعدني)

اخذت الجهاز ، طلعت رقم امي دست اتصال و كلبي يدك قوي بتوتر طلع ( عفوا ان رصيدك لا يكفي لاجراء المكالمة الرجاء تعبئة الرصيد )

اااااااه ينصر اهلج باوعتله :- خلصان رصيدي
جريت الموبايل ورجعته بجواريبي

جيبي الموبايل بقيه يمي

-اكلك شنو انت تتحكم بيه طير لا افلش وجهك والله

ماد ايده :- الموبايل

-ما انطي ولي
بعدني جاي احجي ،وكف السيارة بسرعة انخضيت خض جابني بوكس على صفحة راسي و لزكني بالجام و بقى لازمني، جر الموبايل من جواريبي و اخذه خلاه بجيبه

بقيت اصرخ و اضرب بيه بس ما بجيت
ظليت بس افرك بمكان البوكس و اغلط عليه

......

صبيت اكل لجهالي متعودة اوكلهم من وكت كبل صلاة الظهرة حتى ما يكعدون بالغدا ويا الكبار كعدتهم و صحت:- اثااااار، ولج اثااار ... هاي وينها ؟

كمت من حيلي دورت البيت جوا فوك بالغرف ماكو طلعت للكراج ماكو ، مديت راسي للشارع خاف بالباب هم ماكو

صخام الصخمني ، ولج عمممممه ، عممه

-ها ها

-عمة الحكيني مصيبة و وكعت على راسي

-شكو ولج احجي

-اثار بت خالي اسماعيل ماكو

-يمه عزا العزاج وين راحت ولج

-عمه والله جنت سادة الباب ماكو احد.طله و هنا جانت تلعب

-يمي جانت البنية كاعدة و ينها

... جرينا عبينا و طلعنا بالشارع ندور و الطم على وجهي شكول لاهلها ضيعت بتكم :- صخام الصخمج مها عزا العزاني كون

رجعت للبيت خابرت امجد و عمتي خابرت عمي ، بنص ساعة كلهم بالبيت، خابرنا على خالي اسماعيل كام يصيح و كال :- جاي بسرعة

........

ديار وصلني لراس الفرع شفت امجد لازم الموبايل يخابر و مخبوص و امه مشدوهه تباوع منا و منا، حجيت :- هذا شبيه امجد، اوكف خل اشوفه شبية

وكف السيارة و نزلت بساع :- ها خالة شلونج

الحجية: -هلا يبعد عمري سودة عليه يمة

-شكو خالة ؟

-ولج عمه اثار ما هي

-شنو ما هي ؟ اختي وينها خالة

-سودة ابوجي يا عمة اخيتج ماكو
وبجت

اني عفتها و ركضت للبيت شفت مها :- اختي ويييييين مهااا

-ديار و القران جانت تلعب بالبيت غضنا فتحنا ما لكيناها فص ملح و ذاب

-اختي يا ناااااس ، اختي وين

شفت ابويه صفت سيارة و وياه ولد ، هجمت على ابوي :- كتلت اختيييي ، اختي ماكو طلعلي اختي يااااا ارهابي

ضربني راشدي انجبي حيوانه :- اختج يمج وين وديتيها

-احجي هالحجي لجلابك اختي وين بابا اختييييي وين يا ناس

غير الصدك حسيت صدك فقدت اختي اني صدكت نفسي ، بحيث كمت اصرخ من كل كلبي و ابجي و اضرب بابوي و هو انخبص فضحته فضيحة

لدرجة كعدت بالكاع دنكت ابجي من كل كلبي و بداخلي احجي ( اني صدكت نفسي لو شنو )

الحلو بالموضوع محد شك بيه لأن اني جنت ويا القذر مالته انفذ مهمة فابويه ما شك بيه ابد

كمت من مكاني راد ابويه يحرك كتله اخوي :- اخوي بابا خل نروح نجيب اسامة

- هو صفن بوجهي و كال يلا

صعدت وياه بالسيارة و الوب و اضرب على رجليه و اكول:- اختي انت اخذتها اني متاكدة

-ولج بت القندرة طفلة شصخم بيها اخذها هي مو جانت يمج

-لا بقيتها يم مها و رحت للمدرسة و اجا عليه هذا القذر الارهابي صاحبك والله اذا ما لكيت اختي الا افضحكم فضيحة

- الوياه رفع ايدة مدري شراد يسوي لزمة و كاله :- اسكت هسه و اطلع شوف المدرسة

خطرت ابالي :- حارس المدرسة اكيد شاف خالد و عرفه و سأله عن اسمه و جنسيته بس لا يفتن

هنا عفت البجي و التمثيل و كمت اضرب الوان لا اوصل يم الحارس و يفضح الاول و التالي

وصلنا للمدرسة نزلنا دخلنا ، الحارس بالباب سلم عليه ابوية و كاله :- بس الطالب اسامة اسماعيل طاهر

الحارس :- هذا الطالب اجا واحد من كرايبة و اخذه قبل حلت المدرسة