البارت_13

براء نمنا سوا للصبح كعدت على صوت منبه موبايله.. كعدته كال اي شوي بس خمس دقايق..

كمت.. لميت شعري وطلعت غسلت وجهي ونزلت.. محد موجود.. الساعه 8 ومحد كاعد.. حلو ينامون للضهر يعني

رجعت صعدت.. بعده نايم كتله حبيبي متكعد.. الساعه 8 وعشره.. كال اي كعدت.. كعد على حيله.. كال صباح الخير وكرص خدي

ضحكت كتله صباح الانوار.. كال حاب ابقى وياج بس اعرف ما من وراج فايده.. كتله مو على اساس تعقد يله هههه

كال ولج خلص صبري تره مو حجاره اني وعندي احساس والسرير نفر حرام عليج..

براء.. ههههه انشالله.. حتروح للمحل..

يحيى.. لا راح اروح للمحكمه اقدم الاوراق بس جنسيتج ومستمسكاتج وين..

براء.. ابيت جدي حتى ملابسي وغراضي..

يحيى.. كومي

نروح نجيبها..

براء.. هسه دنيا الصبح..

يحيى.. اي كومي نكلهم رايدين المستمسكات لعد شلون..

كمت لبست العبايه ومشيت ضل يضحك.. كتله شكو كال صايره تلبسين عبايه.. كتله لا والله ما البسها بس جدي معقد ميمشي عنده البنطرون

ومقبره واربعين امي قابل ادخل ابنطرون ميصير.. ليش تريدني التزم بالعبايه..

يحيى.. لا براحتج ما عندي اشكال بالبس بس كون مناسب ومو ضيق ومحتشم.. شتردين تلبسين البسي.. يله امشي..

اخذتها ورحنا لبيت جدها.. جدها كام يحجي شلون تاخذها وتمشي لبيتك فالتوه هيه.. كتله اريد المستمسكات نزوج بالمحكمه بعد شكو

كال هاك هاي المستمسكات وروح وعود من تعقدون تجيب اهلك وتاخذها حسب الاصول مو هيج وتمشي وين كاعدين احنه..

كتله ماشي.. باوعتلها.. تكولي لتعوفني.. كتلها تحملي بس هليومين اكمل معاملة العقد وارجع اخذج

انطيتها خمسين الف مصرف كالت ما احتاج عندي.. كتلها ماسئلتج عندج لو لا ..و روحي للدكتوره لا تبقين.. كالت ماشي..

براء.. بقيت ابيت جدي.. اجت مرت خالي تكولي بايته يمه.. كتلها اي.. كال خو ما لعب بيج.. كتلها لا

مرت خالي الثانيه تكلي ولج منين لكيتي هذا جنه كيكه.. غير البارحه بالاربعين كلهن يباوعن عليه.. لابس اسود ويشع.. كتله حلو

كالت اييي احله منج بهواي.. كتلها اي.. الثانيه تكلها اي صدك لو كالو حظ الجايف نايف.. شلونها وحضتلها بواحد كمر..

ما رديت عليها.. عفتهن ودخلت للغرفه.. كامن يلحن اشتغل وياهن.. ما اشتغلت.. بقيت حابسه نفسي بالغرفه بس من يجون خوالي اكعد يمهم

لان محبوبين ويتشاقون واحبهم حييل.. بس نسوانهم حيايه..

لثاني يوم العصر اجت ام يحيى كالت اريد اخذج للسوك.. يحيى انطاني مليونين كال اشتريلها ذهب.. وملابس

رحت وياها.. وما ختاريت كتلها عندي ذهب ما اريد.. كالت شعلينه بالعندج اصرفي ومعليج حته لو تنقص المليونين ازيد فوكاهن

اشترتلي الذهب فوك المليونين خطيه.. كالت ختاري ملابس.. كتلها يوم ما اريد البس الوان حزينه على امي

ام يحيى.. يمه ميصير هذا الحجي انتي عروس ورجلج شاب وروحه خضره يريد.. مال نزفج اله بحواجبج وبهدوج السود ثاني يوم يرجعج والله

يحيى يحب البنيه اللي تلبس وتعدل وتمكيج.. صيري نادره واكسبي ..خايبه يمه ما اريد اعيرج بس يمه ما بقالج غيره حافضي عليه

براء.. نزلت راسي وكتلها انشالله ..اختارتلي كلبيات وتراكات.. وملابس نوم.. كتلها ماما البس هيج عيب 😐..

كالت غير رجلج.. تلبسين كلشي كدامه لا تستحين ماكو حرام بينكم.. كتلها يمه والله استحي..

كالت لا تخافين.. كلنا هيج بالبدايه بعدين نتعره بس خل يباوعلنه.. عادي تصير .. كتلها.. ليش بعد الزواج يمل مني

كالت طبيعة الرجال هيج يمه.. يطلع ويشوف الحمره والخضره.. ومرته بالبيت مقفول عليها وملتهيه بالجهال والتنضيف يادوب تباوع لروحها وتتحمر وتتكحل

ورجلج حلو ويشتغل بهدوم النسوان توقعي حتشوفين وياه ضيم بس اصبري.. وصيري مره نادره واكسبيه.. تره كل حلو يلتم عليه الذبان

مرته الاولى هجت من وره الغيره.. يخابرنها ويكللها نحبه وناخذه منج.. وهيه تتخبل وتتعارك وياه.. لحد ممل وطلكها

صح نار الغيره تذبح بس اتحملي تره الرجال لو بيته صار كله مشاكل وما بيه راحه ..يكوم يدور راحته يم غيرها.. خاصه لو عنده فوس يلعب لعب

كتلها يوم خوفتيني.. كالت لا يمه ما اريد اخوفج اريد اعلمج حاسبتج مثل بنيتي وما اريدج تبقين علي فطاريتج وتخسرين

كملنا اخذنه مكياج وملابس ومرينه على محل يحيى.. جان بس العامل بيه.. كالت اختاري اللي يعجبج

محل رجلج بلوشي اخمطي واشردي ههه.. عاد هوه كال ها ها شكو حراميه.. درت وجهي.. ضحكت.. كال كملتو مشترياتكم..

كتله اي.. كال دخلي قيسي واخذي اللي يعجبج.. كتله مو بالي شي صراحه.. عاد هوه اختار كم بدي وبنطرونات وكال دخلي قيسي دا اشوفهن عليج

كتله مالي خلك.. كال شبيج خلكج خلك شايب دفوتي.. اخذت نفس ودخلت.. محد حاس بيه

جنت اتمنى ماما ويايه لما اختار جهاز عرسي.. ومن دخلت للسوك ولهسه اتخيلها كدامي بس دمعتي واكفه بعيني استحي انزلها

لبست وفتحت الباب هوه واكف يم الباب.. كال يكتل.. جربي الاخ.. جربت وفتحت الباب.. كال بعد لتجربين خلصت روحي وامي والعامل منا ما بيه حيل هجوم

استغفر الله هههههه ولا يبطل سوالفه.. اخذت الملابس وطلعت.. كال يله امشي.. مشينا مرينه من محل علاء كتله شو النذل معزل

كال احترك محله وخسر انوب مات ابنه الجبير صار اسبوع بعد ما فتح.. كتله حلللل ربك ما يطك بحجار

يحيى.. لا تتشمتين حرام

براء.. نتشمت حرام بس من تموت بنيه بسببه وتخسر شبابها حلال

يحيى.. الصوج بنت خالتج.. هيه الرخصت نفسها.. هسه اني وياج متزوجين وصارلنه هواي وكومه نحجي ماسنجر فد يوم فتحتيلي كامره

لو فد يوم قبلتي اتقربلج.. هيه جانت حتى حجي موزين تحجي وياه.. خليني ساكت احسن

براء.. الله يجازيه بالزايد يارب وما يهداله بال ولا يرتاح انشالله..

يحيى.. دصعدي اصعدي.. وفتحتلها باب السياره وكعدتها وره وامي كدام.. شغلت

اغاني.. عاطت بيه امي.. الدنيا غروب سده راح تكلبون الدنيا بينه بهاي اغانيكم الطايح حظها..

باوعت لبراء بالمرايا تضحك.. كتلها ترزليني كدام مرتي.. كالت وارزلها وياك اذا تريد.. ضحكنه.. كالت خافو الله اسمعو قران فالحين بالهز وها واهاا وها

هم جانت عدنه اغاني بس مو هيج كلها ردح.. حتي من تبجون تردحون.. اني الحجيه الجبيره من اسمعها.. اكوم اهز وياكم

يحيى.. من هاااااااي ما تردين نشغل خاف تهزين كدام العالم.. لعد دسمعي.. شغلتلها هاچنه وهاچنه انطني رباي واخذنه..

واغني لامي ويه الاغنيه ..تالي رباي ودموعي تعبي وكسرة ضلوعي كله يروح للچنه.. واضحك عليها واباوع لبراء مبتسمه

الام.. لا اريد منكم رباي ولا اريد مجازات بس عيشو وانسعدو وكلشي ما اريد اني والده ومجازاتي يم الله من ربيت وتعبت ما ردت من احد يكلي عفيه وينطيني تعبي

يحيى.. الله يخليج يووم بس مرت رائد مو اخدت رائد حاصل فاصل وما خلتلج كلمه عليه..

الام.. خليها.. تصير باجر عمه وتضوك من نفس الماعون..

براء.. الله يخليج يوم البركه بيج الله يحفظج النه..

يحيى.. انتي تلوكي تلوكي بعدين مصيرج مصير هدى مرت رائد

الام.. لا هاي تختلف ذيج من يوم الخطبها ما عاجبتني.. ولليوم تحجي براس رائد عليه واني عايفتها وعايفه ابني الها

وربك ما يوفق رائد ولا يطلع ويستقر ويصير براسه خير ما طوله ما مرضيني.. ويفضل مرته عليه.. يطب الكلب ما يكلي ها يمه شلونج..

لان حاجيت مرته وكتلها الجدوره مصخمه شبيج ما تجلفيهن.. وراحت حارت شحجت يمه وصدكها..

براء.. باوعت لعلاء وخزرته عود اسكت.. خطيه الضاهر مقهوره من ابنها..

وصلوني لبيت جدي نزلت الغراض خوالي طلعو ل يحيى ورادو يوكفوه على عشا ما قبل جروه رادو ماكو عاند

كال والله تعبان والحذاء من الصبح بيها ما اكدر انزع جاي من الشغل اريد ارجع للبيت اسبح.. سلم وطلع

دخلت الغراض.. اجن نسوان خوالي شجايبلج وشجايبلج.. فتشن ويحجن ويدردشن بينهن واني واكفه اباوعهن

لشوي دخل خالو الجبير انطاني خمس اوراق كال خالي خاف امج مو هنا وتجهزج هاي فلوس شتحتاجين وبنفسج وتستحين تكوليلهم عليه اشتري

كتله لا والله خالو عندي وما قصرو همه كال وان يكن خليها عندج خالي انتي بنت العزيزه وما اقبل المرحومه تضل عينها عليج ومقهوره اريدج تنسعدين.. باس راسي وطلع..

ابتسمت والدمعه بعيني.. طلعت جانو مسوين ثواب لروحها.. كل يوم خميس.. اريد اباوع بالاكل ماكو عيوني غركت بدموعها.. اشتاقيت اشوفها

اشتاقيت اسمعها تصيحني بسمي.. وج برااااااء.. حيل اشتاقيتلها ولصوتها محتاجتها حيل..

اجه خالي شافني ابجي مسح على راسي وكال ترحين وياي باجر.. رايح للنجف ازور كبرها..

كتله اي خالو اروح والله مشتاقتلها.. كال نامي والصبح نطلع

خابرت يحيى كتله حروح ازور قبر ماما كال روحي..
نمت وكعدنه ويه الصلاة صلينه وطلعنه زرنه اول شي الامام علي وبعدها رحنه للمقبره.. شفت كبرها ودموعي كامت تزخ ..

نمت على كبرها وكمت اصرخ ..وج يمه كعدي والله هديتي حيلي

يمه والله مشتاقتلج يمه يعيوني محتاجه تشوف طولج.. امسح علكبر واحاجيها

ﮔﻮﻣﻴﻠﻲ ﻳﻴﻤﻪ ﺑﮕﻠﺒﻲ ﺗﺴﻌﺮ ﻧﺎﺭ
ﻣﺤﺘﺎجه ﻟﺤﻨﺎﻧﭻ ﻓﺪﻭﻩ ﺿﻤﻴﻨﻲ

ﮔﻮﻣﻴﻠﻲ ﻳﻴﻤﻪ ﻋﻴﻮﻧﻲ ﺍﺟﺖ ﺧﻄﺎﺭ
ﺗﺸﻜﻴﻠﭻ ﻋﺬﺍﺑﻲ ﻭﻏﺮﺑﺔ ﺳﻨﻴﻨﻲ

ﺍﺳﻤﻌﻴﻨﻲ ﺍﺳﻤﻌﻴﻨﻲ ﺍﺳﻤﻌﻴﻨﻲ
ﺍﺭﻳﺪ ﺑﮕﺒﺮﺝ ﺍﻏﻔﻪ ،، ﻭﻳﺎﭺ ﺧﻠﻴﻨﻲ
****
ﻣﻦ ﻳﻮﻡ ﺍﻟﺪﻓﻨﺘﭻ ﻳﻤﻪ ﻣﺎﻣﺮﺗﺎﺡ
ﺷﻠﺖ ﺍﻟﻬﻢ ﻳﻴﻤﻪ ﻣﻨﻬﺪ ﻋﺸﺮﻳﻨﻲ

ﻭﻃﻠﮕﺖ ﺍﻟﻔﺮﺡ ﻳﺎﻳﻤﻪ ﺛﻠﺚ ﺍﻳﻤﺎﻥ
ﻭﺭﺑﻄﺖ ﺍﻟﺤﺰﻥ ﺷﺪﻳﺘﻪ ﺑﻴﻤﻴﻨﻲ

ﻻ‌ﻥ ﻣﺎﺃﮔﺪﺭ ﺍﻧﺴﻪ ﻭﺩﺍﻋﺘﭻ ﻣﻌﺬﻭﺭ
ﺍﺳﻤﭻ ﻫﻮ ﺩﻣﻲ ﻭﻛﻞ ﺷﺮﺍﻳﻴﻨﻲ
****
ﮔﻮﻣﻴﻠﻲ ﻳﻴﻤﻪ ﻭﺩﺍﻋﺘﭻ ﺗﻌﺒﺎﻥ
ﺑﺲ ﺑﺸﻮفتچ ﺍﺑﺮﻩ ﻭﺗﺒﺘﺴﻢ ﻋﻴﻨﻲ

ﺑﺲ ﺍﻧﺘﻲ ﺍﻟﻮﺣﻴﺪﻩ ﺍﻟﻘﺎﺩﺭﻩ ﺑﻬﺎﻟﻜﻮﻥ
ﺑﺘﺮﺍﺏ ﺍﻟﭽﻔﻦ ﻳﺤﺒﻴﺒﻪ ﺗﺸﺮﻳﻨﻲ

ﺍﺳﻤﻌﻴﻨﻲ ﻳﻴﻤﻪ ﻭﮔﻮﻣﻲ ﺍﺗﺮﺟﺎﭺ
ﻣﺎﻣﺮﺟﻴﻪ ﻣﻨﭻ ﻫﻴﭽﻲ ﺗﺎﺫﻳﻨﻲ

ﮔﻮﻣﻴﻠﻲ ﺁﻧﻪ ﺟﻴﺘﭻ ﻣﺎﺃﺭﻳﺪ ﺍﻋﺬﺍﺭ
ﻃﺸﺮﻧﻲ ﺍﻟﻮﻛﺖ ﻳﺎﻳﻤﻪ ﻟﻤﻴﻨﻲ
****
ﻃﺒﻌﭻ ﻭﺁﻧﻪ ﺍﻋﺮﻓﭻ ﻣﻠﮕﻪ ﻟﻠﺨﻄﺎﺭ
ﺧﻄﺎﺭﭺ ﻋﺰﻳﺰ ﻭﻣﺎﺗﻔﺸﻠﻴﻨﻲ

ﺍﻧﻔﻀﻲ ﺗﺮﺍﺏ ﮔﺒﺮﺝ ﻛﺴﺮﻱ ﺍﻟﺴﺮﺩﺍﺏ
ﻭﺑﻄﻴﺒﺖ ﻛﻼ‌ﻣﭻ ﻳﻤﻪ ﺣﺎﭼﻴﻨﻲ

ﻣﺤﺘﺎجه ﺍﻟﻨﺼﻴﺤﻪ ﻭﺩﺍﻋﺘﭻ ﻣﺤﺘﺎﺭ
ﺷﻮﺭﻳﻨﻲ ﻳﺎﺃﻣﻲ ﺍﺭﺟﻮﭺ ﺍﻧﺼﺤﻴﻨﻲ

ﺍﻋﺮﻓﭻ ﺍﻧﺘﻲ ﺩﻭﻣﭻ ﻣﺎﻃﺒﮕﺘﻲ ﺍﻟﺒﺎﺏ
ﺷﻨﻬﻮ ﺍﻟﻐﻴﺮﭺ ﻳﺤﺒﻴﺒﻪ ﻓﻬﻤﻴﻨﻲ ؟

ﻣﻮ ﭼﻨﺖ ﺁﻧﻪ ﺃﺃﻣﺮ ﻭﺣﺪﻱ ﺑﻬﺎﻟﻜﻮﻥ
ﻭﻟﻮﺧﻠﺺ ﺣﻠﻴﺒﭻ ، ﺩﻡ ﺗﺮﺿﻌﻴﻨﻲ

ﻭﻟﻮ ﻣﺮﻧﻲ ﺍﻟﻜﺪﺭ ﻭﺍﻵ‌ﻩ ﻭﺍﻻ‌ﺣﺰﺍﻥ
ﺑﻌﻴﻮﻧﭻ ﻳﻴﻤﻪ ﺍﻧﺘﻲ ﺍﻟﺘﺸﺎﻓﻴﻨﻲ

ﺍﺳﻤﻌﻴﻨﻲ ﻳﺎﺃﻣﻲ ﺍﺭﺟﻮﭺ ﺍﺳﻤﻌﻴﻨﻲ
ﺍﺭﻳﺪ ﺍﻟﻴﻮﻡ ﺍﻭﻓﻲ ﺷﻮﻳﻪ ﻣﻦ ﺩﻳﻨﻲ
****
ﻣﻌﺬﻭﺭﻩ ﻳﺎﺍﻣﻲ ﻭﺍﺩﺭﻱ ﻣﻠﻚ ﺍﻟﻤﻮﺕ
ﻣﺎﻳﻌﺮﻑ ﺭﺣﻢ و ﻻ‌ﻓﺮﺻﻪ ﻳﻨﻄﻴﻨﻲ

ﺍﺧﺬ ﻣﻨﻲ ﺍﻟﺤﺒﻴﺒﻪ ﺍﻟﺤﺘﻰ ﺭﺏ ﺍﻟﻜﻮﻥ
ﺿﻞ ﻃﻮﻝ ﺍﻟﻌﻤﺮ ﺑﻴﻬﺎ ﻳﻮﺻﻴﻨﻲ

ﺍﻋﺬﺭﭺ ﻭﺍﻟﻠﻪ ﻳﻤﻪ ﻭﻣﺎﻋﻠﻴﭻ ﻗﺼﻮﺭ
ﻟﻮﻣﺎ ﺑﺎﻟﻠﺤﺪ ﭼﺎ ﻭﺍﻟﻠﻪ ﺷﻠﺘﻴﻨﻲ

ﺍﺣﺒﭻ ﻭﺍﺑﻘﻰ ﺍﺣﺒﭻ ﻵ‌ﺧﺮ ﺍﻻ‌ﻧﻔﺎﺱ
ﭼﻲ ﻣﻦ ﻧﻮﺭ ﻭﺟﻬﭻ ﻛﻤﻠﺖ ﺩﻳﻨﻲ

احاجيها وابجي ..بجيت عليها لحد ما تعبت ..صرخت براحتي عيطت حاجيتهاا عاتبتها.. لحد ما خالو كال كافي صوتج نبح وراج عرس

شالني منها وعيوني على كبرها تلوح.. لحد ما طلعنه المقبره.. رجعت للبيت تعبانه بساع نمت

اجتني بالحلم وتمسح على شعري بس ما حجت بس اشوف دموعها بعيونها.. بقيت ابجي واحاجيها.. اختفت

كعدت كتلها يمه تحسين بيه يمه تعرفين بيه ا

جيتج اليوم واجيتي.. بقيت ابجي.. دك عليه يحيى..

رديت.. كتله هلا يحيى.. عفيييييه الصوت مبحوح.. ليش هيج مو كافي.. كتله مو بيدي ما اكدر انساها وصرت ابجي

كال كافي كافي.. اني ما خابرتج لان كلت اكيد تعبت يم كبر امها ونامت.. لذلك خابرتج هسه

كتله اي هسه كعدت.. انته وين.. كال بالكوفي ..كتله مختلط.. ضحك.. كال خرب بكلبج بنص دموعج وغيرتج كايمه.. لا مو مختلط.. ارتاحيتي

كتله اي.. ضحك.. كال الاثنين هذا العقد مالتنه بالمحكمه وخبرت جدج.. و مراح اسوي حفله جبيره احترام لحزنج بس راح اجي اني وعائلتي كامله وشوي من اقربائي ناخذج نزفج لبيتنا

كتله هاي براحتك.. كال.. غيرت الغرفه اليوم.. كتله ما يحتاج حلوه.. كال لج نفر يا حلوه نريد ناخذ راحتنه.. كتله بس مو هواي مصاريف صارت عليك..

كال لا واصلا ماكو مصاريف عرس يعني خلصت ما عدنه شي.. كتله ماشي.. كال مبينه من حجيج تعبانه تحجين وياي مختصرات روحي نامي

كتله اي والله كال يله تصبحين على خير كتله تلاكيه حبيبي.. سديت الخط ورجعت نمت.. للصبح كعدت

اجت اختي لبيت جدي بوستني وكعدت وياي.. كالت هاهيه انسعدي مدام تحبيه.. كومي خل اخذج للصالون..

رحت للصالون وياها صبغت شعري لون بني مخضر لون عسكري حسب طلب يحيى وسحبته كرياتين

وحفتلي وجهي.. وسوتلي مساج بخاري وتدليك.. وتنضيف لجسمي.. ثاني يوم اخذتني اختي للسوق اختارتلي فستان ابيض مو بدله نفش فستان بسيط

كتلها ما اريد.. كالت لا تعاندين اصلا ماما من تشوفج بالابيض عروس وانتي فرحانه راح تفرح متكيفين تفرحيها بكبرها..

قنعت واخذته صار ثاني يوم رحت اني وجدو وخالو للمحكمه عقدولنه قانوني.. باركولنه.. و جدو انطاني ورقه كال هاي هدية زواجج كتله شكرا

رجعت للبيت ..بنت خالتي تشتغل بصالون حلاقه هيه السوتلي المكياج والتسريحه بالبيت.. باوعت حلو المكياج هادئ ونازك والتسريحه بسيطه وحلوه

للعصر اجه يحيى وامه وكرايبه سيارتين.. اخذني من بيت جدي.. الصراحه شعور بين الفرح وبين الحزن

فرحانه لان صرت لحب حياتي اللي رغم كل الشفته منه واني احبه بثول وخبال ومجنونه بحبه..

وحزينه لان ماما ما موجوده واتذكر بخطبتي شلون فرحانه وتصفكلي.. لو هيه اليوم موجوده وتشوفني اطلع واعوفها لا جان انتهت من البجي

بس اليوم محد راح يفتقدني كلها فرحانه بزواجي..

صعدني يحيى بالسياره وافتر واني اباوعله تغيرت ملامحي للضحكه.. راح انزف لهلحلو يمه كلبي شلون صاك لابس قاط اسود وقميص ابيض ورباط احمر والوجه يضوي

تكول كمر بليلة ال15 من الشهر.. صعد كال واخيرا ضحكتي.. كتله فرحانه بيك.. باسني بكصتي وكال يارب يقدرني واسعدج لأنج بريئه وتستاهلين

مشا وهوه. مشغل عبالي حبيبي.. ولازم ايدي ويبوس بيها ..خرب اباوع لايدي ولايده بدي اجرها

ايدي بلون الراشي وايده بلون الكطن وتحسها شفافه يربي ماكو خبطه اشمر روحي بيها واصير بيضه مثله😑..

وصلنه البيت كامو يصفكون وخواته يركصن لشوي كاللهم يحيى يله خلصت فلوسكم اني صاعد

كالوله تعال تلحك خل نفرح بيك شوي و نركص.. كالهم اي انتم تركصون واني صفحة جدي مشتعله.. لازمكم اركصو الا احنه يمكم

ضلو يضحكون ..كالتله الحجيه بالعافيه يمه اخذ مريتك وروح.. صعدنه للغرفه دخلت كولش عجبني تصميمها والسرير مزينه كله اوراق ورد طبيعي احمر

والنزله بيضه والغرفه بيضه بس الضوه احمر.. كال هاااا بعد اكو حلال حرام عيب دروبج ذن اطلعيهن لو خلصن

ضحكت.. كال ها نكول يا الله.. كتله لحضه ترا اني مو مسبح وتشمر روحك.. انطي صبر كال واصبر على شنو

كتله ما ادري بس المهم اصبر كال لا تخليني اسبج دتعاااااااي… يتبع

البارت_14

كعدت الصبح.. اباوعله .. نايم وشعره متناثر على وجها.. تحسه كمر وهوه نايم.. تقربت منه وخليت راسي على صدره

مد ايده لشعري.. كال صباح الحب.. ضحكت باوعتله كتله صباحي انته.. ودفعت خشمه بأيدي.. ضحك

كال جوعان.. كتله هسه اكوم اسويلك ريوك.. كال ليش متعرفين ريوك العرسان شنو.. كتله شنو

كال تعالي اعلمج…………. هههه
( عيب انتو شعليكم عرسان يردون يتريكون بكيفهم انتو شكو)

براء.. كمت من عنده اويلي هلكني ادري عروس بس اتضايق من هلشي ما اعرف ليش..

لبست ملابسي ورحت للحمام سبحت وطلعت.. دخلت هوه بعده متمدد علسرير.. بس منايم يلعب بجهازه

نشفت شعري ومشطته ومكيجت مكياج بسيط و درت وجهي عليه.. كتله مراح تكوم..

كال عريس ما عندي شغل غيرج.. كتله دكوم بابا شنو ممليت كافي.. جعت تعال ننزل نتريك

يحيى.. كافي ومليت😨 ولج غير عرسان احنه شوكت تزوجنه وملينه..

براء.. وان يكن يله جعت كووم اخجل انزل وحدي..
كام لبس تراكسود ونزل.. تلكتنه امه هلهلت

هوه باس راسها واني هم بست راسها وباركتلنه.. وانوب البقيه هم باركولنه..

ردت اكوم وياهن اساعدهن بالريوك كال اكعدي يمي.. بقيت كاعده.. جابو الريوك تريكنه..

ورجعنا صعدنه بقى مكابلني 3 ايام ما طلع باب البيت.. لما طلع رابع يوم راح للشغل ونزلت وراه

كالتلي هدى مرت رائد يله عيني كافي عرس كومي ويانه

للبيت.. كتلها اي عادي كولي.. كالت عليج التنضيف كله والخبز

واني عليه الاكل و المواعين ..كتلها ما اعرف اخبز.. كالت لعد تاخذين التنضيف والاكل 3 وجبات

ما كدرت احجي استحيت.. اشتغلت اول يوم هلكت جهالها وصخين ولازم اذا الورقه وكعت اني وراها

حجيت للحجيه عليها كالت اي مو نضيفه وتعرف تغسل وتلزم مواعين لو ما الزمهن وراها كلها دهن

كالتلها خل مرت يحيى تلزم المواعين وانتي لزمي التنضيف لان ما عدنه اليوصخ غير جهالج.. بقت تصيح وتعيط وما تقبل

مرت اسبوع على هذي الحاله يحيى يطلع الصبح يرجع الضهر يتغده وينام.. يكعد العصر يسبح ويطلع

يرجع المغرب يتعشا ويسبح ويبدل شيك ويطلع ويه اصدقاءه يتونس يرجع لل1 لازم اني متحضرتله على 24 حبايه

مشكلتي اخجل لليوم.. روب النوب استحي البسه كدامه.. واذا لبسته لازم اللبس عليه روب نوم طويل ويسترني

وما انزعه الا يطفى الضوه فد مره اخجل.. وهوه استنقدني على هلحاله بس شسوي هذي طبيعتي احاول ما اخجل بس من يجي هوه احس اريد ابجي من الخجل لان لابسه روب فاضح

نزل فد يوم هوه كال لامه يمه اخذي براء للدكتوره الحمل متعبها ووجها اصفر

جان مرت رائد تكله ليش هيه حامل.. ما رد عليها وطلع.. اجتني كالتلي انتي حامل كتلها اي كالت شكد عليج

كتلها 4 شهور.. كالت عزا ومن شوكت هاي يعني متقربلج ابيت اهلج.. سكتت.. كالت شلون نفس ما تستحي..

صارت مثل الاتراك ما تتزوجه الا حامل منه.. ربي يجيرنه.. لا انوب البنات حمواتي يتعلمن منج..

كتلها قابل ساقطه اني ويتعلمن مني.. غير هوه جبرني واخذني.. كالت احممم جبرها.. لو ما انتي جابرته بحركاتج وخليتي الرجال يتخبل وبعدين تشمرين الصوج بيه

كتلها وانتي شنو همج خليته ما خليته شعليج.. زوجي ممسويه بالحرام وهياته تزوجنه..

كالت شلون صلافه مال ساقطات.. كتلها لا انتي مينسكت عليج.. رحت كلت للحجيه عليها..

الحجيه تعاركت وياها.. للعصر اخذتني الحجيه ورحنه للدكتور.. طلع عندي فقر دم..

اخذتلي سونار الطفل بصحه زينه شافت الجنس كالت بنيه.. ضحكت جنت اتمناها بنيه لان يحيى رادها بنيه..

رحنه للسوك اني والحجيه اشتريت حذاء مال طفل وردي بناتي.. مرينه على محل يحيى.. جان كاعد و العامل مموجود

شافنه كال هلا.. شلونكم.. كالتله الحجيه جنه بالدكتوره.. خطيه طلع بيها فقر دم.. كال عرفتها من وجها الاصفر..

تقربت يمه وانطيته الحذاء كال شنو هذي كتله حتصير عدنه بنوته.. كال فدوه حضني ويكول بجمال امها انشالله

😨😨 لا خربت البنيه كتله لــNOـا اريدها تطلع عليك حتى كلما اشوفها اتذكرك.. ضحك كال انشالله

كتله شنو حتسميها كال مريم.. باوعتله هيج😒 هاي اسم حبيبتك شي..

يحيى.. ههههههههههههههههه لا والله مو حبيبه ولا شي بس حلو هلاسم على مريم العذراء احبها

كلت بصوت ناصي.. حتى العذراء ما خلصت منك حبيتها الله اكبر.. كال شنو كتله لــNOـا هيج اريد اشغلللها شمعه بالكنيسه امنيتي

كال اي سهله اخذج للكنيسه وندخل وشغليلها وطلبي حاجتج.. كتله شوكت كال لما تجيبين كتله شنووووو كال فد يومين وربج.. ههههه كتله ماشي

كتله يلله باي نرجع للبيت كال لتعبين نفسج ما اريد مريومه تتعب.. كتله خره بمريومه لتغازلها اغااار😠..

يحيى.. ههههههههه لج شبيج بنتج هاب وبعدها مجايه للدنيا

براء.. اي وان يكن.. لتغازلها

يحيى.. ههههه مخبله.. ديري بالج عليها يمه تره هذي تشتغل بخبال لتخليها تتعب..

كالت لتوصي حريص.. راحو وطلعت لباب المحل ابوعلها تمشي ومدنكه.. شكد ما جنت ارد العب عليها حبيتها

حبيتها من يوم اللي شفتها تبجي على كبر امها حسيت بأنكسارها عرفت ما الها احد بهلدنيا بعد.. واني حملتها حمل فوك حملها لما اخذتها.. فقررت اخليها مسؤليتي ولازم اتحملها..

صح ردت الوثها واكسرها.. لكن عزت نفسها خلتني احبها.. ما فد يوم طلبت منها بوسه واستجابتلي دائما كانت تردني

جنت مسترخصها لما اخذت الرقم مني.. بس حلت بعيني لما تعرفت عليها.. تعرف الله وما تقبل بالحرام يعني اكدر امن على سمعتي بأيدها واطمئن متخذلني

اضافه الى برائتها وانوثتها اللي خلتني احبها.. هيه مو مميزه بجمال خارق.. جمالها بسيط لكن بحلاة دم و بطيبة كلب

شفت وكلبت كومه نسوان شحلاتهن وهنه يخونن ازواجهن.. كومه نسوان متزوجات ويتقربلي ويدعني على بيوت رجولتهن.. واروحلهن اخذ حاجتي بس شكد استرخصهن

اباوعلهن الله ما حاسباتله حساب بقائمتهن.. بس من اباوع لبراء دائما ثقة الله متنزل من عينها.. والاكثر من هذا حبها الي بكل برائه رغم كل السويته

لهذا الشي اني قررت اتزوجها واصونها واخليها مرتي وام بنتي..

بس اللي غاثني بيها شغله وهوه برودها.. مو حارة مشاعر.. متحب تدلع.. دوم من اتقرب منها خجلانه

تتذمر اذا طلبت حاجتي منها هوايه.. متتفاعل ويايه.. ما اعرف يمكن لان حامل وهرموناتها مأثره عليها..

براء.. وصلت للبيت نزعت الحجاب وكعدت تعبانه ورجليه توجعني حته ما بيه اصعد لغرفتي ..ارتاح واصعد

اجت مرت رائد كالت ها شنو كتلها فقر دم كالت الجنس شنو

كتلها بنوته.. كالت ياااا بس لا اطلعين على امج تخلفين بس بنات

من كالت هيج صدوك انقهرت.. كتلها افتخر اطلع على امي.. كالت اييييع وتخلفين بس بنات.. عفتها وصعدت لغرفتي ابجي

وره شوي دكت الباب ودخلت كالت هاي سوالف زعل والبجي ميعبرن كومي نضفي البيت وسوي العشا..

كتلها تعبانه .. كالت ويطبج مرض شسويلج نموت من الجوع كومي الجهال تريد عشا.. نزلت للحجيه كتلها هيج وهيج

كالت اصعدي نامي ومعليج.. صعدت نمت وما اهتميتلها سمعتها كامت تصيح وتعيط بالبيت شلون انكسرت كلمتها..

يحيى.. دخلت باب البيت واسمع صوت مرت رائد تعيط دخلت زمخت بيها شبيج لج شعدنه كاوليه صوتج لسابع جار

كالت شوف مرتك بس نايمه وشامره الشغل عليه.. كتلها يا شغل هذا وصاخة جهالج لو مواعين جهالج لو عشاهم

كالت واني مو اخدمكم شنو تستنكف مرتك تخدم جهالي..

كتلها صوتج لج لا الزمج افرك حلكج صوتج ميعلى يمي.. راحت تشكي وتسولف لرائد بالموبايل

ويطبج مرض.. عفتها ودخلت للحجيه كتلها هايمه شلونج.. كالت هلا يمه.. كتلها شبيها هاي

كالت حيه مسمومه.. اول مطبت البنيه دكلها يا طالعه على امج تخلفين بنات.. انوب تصعدلها تنزلها الا تشتغلين

كلت البراء معليج .صعدي نامي كلبت الدنيا بالصريخ

يمه نصيحه اخذ مرتك وروح اكعد ابيت اهلها ..

يحيى.. يمه شهلحجي اروح اصير كعيدي ابيتها

الام.. يمه كعيدي شنو هوه بيتها والزواج شراكه و كولشي بيناتكم حلالكم ثنينكم.. وهوه بعد ما بقى من اهلها غيرك

والبيت مأثث وشحلاته.. ومرتك فقيره وهاذي مرت اخوك عوذه ما تنكدر .. شمرت التنضيف كله براس مرتك.. اعزل بيها يمه وخلي هاي تلطم وحدها

مرتك يتيمه كافي ضيم الدنيا فوك راسها خليها ترتاح وحدها ابيت اهلها عاد بس هذا البقه من اهلها ترتاح بيه..

يحيى.. انشالله يمه.. رحت صعدت لبراء لكيتها نايمه اتقربت يمها كعدت كتلها متأذيه كالت لا بس راسي ذابحني

كتلها هيج وهيج تكول امي.. كال هوه صدوك مرت رائد لعبت نفسي وكرهتني بعيشتي.. كتلها يعني تردين تنتقلين.. كالت ياريت

كتلها ماشي باجر روحي انتي وخواتي نضفيه.. علمود انقل الغرفه وننتقل.. كالت ماشي..

براء.. صار الصبح رحنه اني وثنين من خواته للبيت دخلت وين ما اباوع امي كبالي بقت دموعي تجري..
انضف ودموعي تصب.. نضفنه البيت وطلعنه النضده مال امي وخليتها بالغرفه الثانيه.. لان الغرفه اللي بيها النضده حيل واسعه

كملنا.. للعصر رجعنا للبيت لميت الهدوم والغراض كلها.. نقلناها للبيت.. ورحنا بتنا اني وياه بالبيت بس بالصاله نمنا لان غرفة نومنا بعدها مجايبيها

للصبح نقل يحيى الغرفه ونصبها.. وكال اني راح اروح للمحل بعد ابقي براحتج نضفي.. كتله ماشي

بقيت ارتب الغراض ودموعي تصب على امي شلون راح اكعد بالبيت وامي مو بيه.. نضفت وكملت رتبت البيت كله وسبحت

وخابرت يحيى.. كتله جيب عشا وياك.. كال بعيني على بالي اجيب معلاك الج.. حظري المنقله حتى نشوي.. كتله ماشي

طلعت المنقله من المخزن والفحم خليته بالطرمه.. ورجعت نمت بالغرفه..نايمه واحس شخص نايم يمي وشابكني

باوعت الغرفه ضلمه.. صاير الليل.. تلمست وجها نايم.. كمت.. رحت للمطبخ لكيته مخلي المعلاك علكاونتر ورايح نايم

كصصته وملحته وخليت الفحم شغلته وشغلة المنقله.. وبديت اسيف المعلاك.. طلع هوه بالفانيله والشورت

كال هااااااي.. ضحكت كتله هايات.. كال بعدي اني اشوي مو زين عليج الدخان.. دخلت سويت زلاطه ورحت الصاله فتحت التلفزيون

انوب رحت كابلته وكعدت.. اجه يمي كال شو ضايجه.. كتله كلبي مقبوض امي اشوفها بكل زاويه بالبيت

يحيى.. مو كتلج ما اريد انزل هنا.. راح تتأذين

براء.. لا بلعكس والله مرتاحه ما عندي شي وامي اصلا هنا ولا هناك مناسيتها ابد..

يحيى.. ديلا كومي كمل الشوي.. كعدت تاكل كوه وكلتها.. كتلها تره لازم تاكلين ضعفانه وعيونج فد مره مغركات

براء.. تقلصات عندي تأذيني..

يحيى.. هاي بعد مريومه مزعجه على ابوها ههه..

براء.. هههه فديتها وفديت ابوها.. وخليت ايدي على وجها.. بوسها..

مرت على كعدتنه بالبيت اسبوعين واجت اختي و زوجها.. كالت مدام كعدتي بهذا البيت البيت الثاني المأجر راح اخذه واطلع المؤجر منه

كتلها براحتج اصلا اني مو بحاجة فلوس الايجار لان يحيى ممقصر.. كالت اي ارتبه واكعد بيه اني اطلع من عيالي مليت..

كتلها من جنت وحدي وتوسلت بيج تكعدين يمي ما قبلتي كلتي عمتي ما تقبل خاف تكول علي رجلي كعيدي

يعني هسه عمتج مراح تحجي.. تكلي لا مو قبل انتي موجوده ويانه.. يعتبر بيتنا اني وياج هسه وحدنه..

كلت بكلبي الحنيه لو بفلوس جان اشتريتها شاريد احجي كتلها بالعافيه عليج خيتي مهنايه يارب تنسعدين بيه وتخلصين من ضيم عيالج

راحت وره ايام اجت هيه ورجلها كال حسبناها وشفنه هذا البيت الكاعدين بيه اغلى من اللي اطيتونيا وهوه ورث شرعي

ردت احجي.. يحيى.. سكتني كال بشكد اغلى كال ب15 مليون.. كاله بس.. كاله اي كول لمرتك تتنازلها لاختها عادي

كال لا تتنازل شنو غير كلمن وحقها.. عاد اني

كتله ومنين اجيب.. زوجها كال ما اعرف بيعو البيت وانطوني الفلوس

صفنت اباوع لاختي ساكته ما تحجي جن راضيه بحجي رجلها.. كلت خرب بحظي بس هاي بقتلي من اهلي وهيج وياي

كتله ما اكدر ابيع البيت هذا البيت بيت امي.. ما اكدر.. كال لعد انطونه الفلوس احسن ما نجيب القسام الشرعي وناخذه منكم بالقانون

حجو هيج وطلعو.. باوعلي يحيى.. كال هاي اخت لو شنو.. ولج لازم هسه على كلب واحد هاي من شنو مخلوقه.. دنكت خجل شأكله..

بقى اسبوع يلح علينه زوجها وكال والله اجرجركم بالقانون كتله هيه 15 مليون ماتسوه كال اي هاي 15 مليون نأثث بيه البيت

عاد يحيى.. اداينها وانطها اله كاله خلصنه منك.. كتله يحيى.. هذي دين عليه بس يصير عندي انطيك.. بقى يضحك كال ومنين تجيبين كتله حتى لو اشتغل

ضحك وكرص خدي كال باعي الفلوس عمرها ما جان الها قدر بعيني.. ابد ما اهتم للماده.. كتله الله يخليك اليه..

وره اسبوع متمددين بالفراش اني ويحيى.. ما احس الا الباب مالتنه رادت تتكسر من كد الدك القوي

لبس يحيى ملابسه بسرعه وطلع.. طلع بشار رجل ثراء.. ولزم يحيى من باخته يكله انته الحركت البيت

يحيى.. من لزمه من ياخته ضاربه بوكس وموكعه بالكاع كايله لا تجي تشمر بلاويك علينه.. من كد ما ميت علفلوس الله حرك عليك الاول والتالي لان ما قدرت ضرفنه

راح اشتكى بالشرطه على يحيى.. راح يحيى.. للمركز طلع الحريق سببه تماس كهربائي ..

رغم هاي انقهرت على اختي.. خطيه عود رادت تخلص من عيالها واثثت البيت ورتبته.. بقالها بس تكعد بيه واحترك

اجه يحيى.. كتله اسفه تحملت من وراهم.. كال يمعوده ه̷̷َـَْـُذآ عينه فارغه مشايفه.. والي ما يقنع الله ياخذ منه و ماينطيه

راح اتمشى للحمام يسبح.. وكال عود لحكيني وغمزلي.. ضحكت.. صح اذاني وكل جروحي منه.. بس بنفسه ديطيب جروحي... يتبع

🌺🌺🌺🌺

#اهات_الم_من_وجع_ادم

،،،،،،،،،،،بقلم الكاتبه زينب ماجد،،،،،،،،،،،

البارت_15

مر على زواجنه 3 اشهر وصرت بالشهر السابع من الحمل بس حيييل تأذيت احس مختنكه وكارهه روحي من الثكل

ما الي خلك لكولشي خاصه يحيى.. اختنك لو اتقرب مني اشغل المكيف واوجها لوجهي وما اشتم الهوا واني عندي جيبوب انفيه تعبت فد مره

ابودي اكوم ابدل واتحضر اله بس ما بيه طاقه وجسمي من وره بطني خرب وشالبس يصير شكلي مو حلو

والكلف ترس وجهي.. كمت حتى ما اباوع لنفسي بالمرايا.. غير دفرات الطفل اللي ابطني لما تضرب حيل اتأذه

فد مره اجه المغرب كال حظريلي لكمه جوعان.. كمت دا اسوي العشا واشوفه يلعب بجهازه

ما اريد الزم جهازه اعرف بيه كومه نسوان يراسلنه بس ابقى احرك بنفسي لما اشوفه يراسل و اخاف ادور وراه الكاه منطيهن مجال وتتعب نفسيتي اكثر..

كملت العشا.. كتله تعال حبيبي اتعشه كال وانتي كتله لا ما اشتهي.. كعد اكل باوعت جهازه لسه مفتوح ما قفلة البصمه

سحبته بهدوء ورحت للغرفه.. اول شي رحت للواتساب.. اشكال الوان البنات يحاجنه ويتغزلن بيه

واني اقره وكلبي معصور ميته يدلعن براسه واني ما اعرف ادلع مو بيدي طبيعتي.. فتت على اسم

وشفتها تحجي وياه مبين جانت عدهم علاقه قديمه وهوه يكولها اني تعبت منج وما اكدر ارجع بعد.. صعدت بالمحادثات

جان الكه دازتله صورها وهيه عارية الجسم.. بس راسها ماكو.. لو بملابس نوم شفافه.. تخبلت

البنيه بيضه وجسمها حلو ومثير احس النفس انكطع.. هذا لو شاف هيج صور وجسم شلون يباوعلي

دخل كال براء وين موبايلي لكاه بيدي.. اجه اخذه.. كتله منو هايه الدازتلك صورها وهيه عريانه

كال ليش تفتشين وراي.. كتله يحيى.. جاوب.. كال زوجتي السابقه.. كتله شنووووو وشعدها وياك

كال هيه من وره ما طلقتها ولليوم تتوسل علمود ارجعها واني بعد ما اريدها.. من عرفت بيه اتزوجتج

تخبلت كامت تتوسل بالزايد.. تكولي شتريد انطيك بس ارجعلي.. كل الرياجيل ما حلو بعيني غيرك

كتله اي وانته..

يحيى.. براء كافيي لتعبيني تره دايخ.. اتوجهت للسرير وتمددت

براء.. ادوخك واني كلبي اشتعل نار.. يحيى باعثتلك صورها عريانه شتحجي انته

يحيى.. اي شسويلها.. ادزلي نفسها هيج علمود تندني نفسي عليها واطلبها

براء.. وطلبتها مـℳOــو

يحيى.. لو اريدها جان رجعتها ؏شنو اطلبها

براء.. يحيى.. لا تخبلني ..

يحيى. اووووووو انتي الخبلتيني تره ..يعني شسوي انطيتها اكثر من مره بلوك وترجع من غير حساب..

وكفي عني تره مليت كوه صابر عليج.. تتذكرين اخر مره تقربت يمج شوكت صار 6 ايام.. مثل ما اني مقدر قدريني تره تعبت

براء.. يعني اني متعبانه تحجي ويه هاي وتضحك ويه ذيج واني هنا متكعد ويايه دقيقه كله راسك بموبايلك..

يحيى.. لان كلما اجي يمج متوجعه واخ وايخ مليت يعني شسوي احبل ابدالج..

براء.. لاني فعلا متألمه وانته مجاي تقدر

يحيى.. لو مجاي اقدر جان رجعت لنسواني وللعاهرات ولليالي مالتي ما ارجعلج المغرب واكعد بالبيت

براء.. يحيى تعبت كولي شلووون شوكت اخلص من هلنسوان اللي تلف حواليك.. اغار والله اغار

يحيى.. كتلج من قبل لتفتشين بجهازي علمود لا تنقهرين بس متسمعين كلام

براء.. شلون اصبر وانته ليلك ونهارك وجهك بموبايلك وتراسل.. حقي اغار

يحيى.. الكعده يمج تنقص العمر شيبتي راسي شيبتيني… صرخت.. اكوم اروح اطلع اكعد يم اصدقائي ولا سوالفج التعبانه

براء.. كام دخل للحمام .. واني مصدومه شنو احاجيه.. رجع لاف المنشفه حول خصره..

كال طلعيلي ملابسي.. لبس بنطرون اسود وقميص زيتوني ونثر شعره وسرحه وصفطه..

واكف علمرايا كدامي يباوع لنفسه ويعدل بكامل اناقته.. ويرش بالعطر.. كمل كال باي..

اباوع وكاتلتني الغيره اكيد لو شافته بنيه تنعجب بيه وراح تغريه.. كمت للمرايه باوعت وجهي احسه يخوف

رغم اسبح وامشط واعدل بس احس شكلي مرعبل من وره بطني والثكل الحاسه بيه كعدت بالكاع كمت ابجي ابجي لحد ما تعبت ونمت

يحيى.. دخلت بليل الساعه 11 لكيتها نايمه بالكاع لا مخده ولا فراش.. شلتها كوه بطنها ثكلانه

خليتها علفراش.. كعدت كالت اجيت.. كتلها اي.. طفيت الضوه.. ونمت..

تعبت من الوضع مليت.. هيه متأذيه وبس اقترب منها تكولي اختنكت.. كمت اروح اخذ حاجتي بره بس ما اكولها

شسوي اني اريد وهيه ما تكدر.. ولو هيه ذابحتني بخجلها مو جريئه احب البنيه تكون خجوله بره البيت بس يمي اريدها كون وكحه.. ادلعني.. تغريني

بس براء فقيره ما تعرف لهشي وصراحه مليت من هذا طبعها.. اكول بلكت تجيب وتتغير وتصير على مايي

براء.. مرت ايامي بالوجع من الغيره والحمل.. اذاني فد مره.. وصلت الشهر التاسع.. متت

احس اليوم اللي يمر يطلع من خشمي من الالم والثكل.. وهوه مو يمه يطلع بكامل اناقته ويرجع بالمثل

اجه فد يوم من بره ..كتله تريد غدا كال لا تغديت.. مو من عادته ياكل برا.. شفته تمدد علسرير

اتقربت يمه ونمت على ايده هوه ممهتم.. بقى مخلي ايده على راسه وغافي.. درت راسي عليه

داريد احجي وياه.. واشوف ج

وه اذنه وركبته اثار دم وعض.. كتله هاي شنو يحيى.. فز كال شكو..

جريت ايده وكمت وديته للمرايه كتله شنو هاي فهمني.. نزل راسه كال ولا شي.. كتله احجي لتخبلني.. كال شسوي تره اني رجال مو حجار

كتله واني مره مو حايط متحمله الالم والتعب وحبسة البيت والكأبه.. تعرف نفسيتي شنو

تعرف شصاير بيه.. كل همك حاجتك ..ولو قصرت بيها دورت غيري ليش بشنو قصرت.. ليش متتفهمني.. ليش متقدر وضعي

بقيت اصيح بخبال وهوه يحاول يسكتني.. دفعته وكمت اضرب بيه واصيح يا خاين يا حقير

كلت هيج.. ضربني راشدي بكل قوته.. وكعني على حافة السرير صارت على بطني وهاي ايامي الاخيره

لزمني وجع شل جسمي اريد اكوم اتحرك ماكو هوه عافني وطلع.. كمت اصيح يحيييييييييييييى

لك تعاااااااااااااال اخ يمه راح اموت.. اصيحله من الالم هوه عباله لان ضربني..

فجأه حسيت المي نزل احس رجليه تبللت.. كمت اصيح ولك يحيييييييييييييييييى الحكلييييييييييي

اخ بنطني يمممممممه الحكيلي ولج يمه ..

يحيى.. ما ردت اتمادى عليها واضربها.. لما بقت تصيح وتعيط بس تجاوزت وضربتني.. وغلطت متحملت.. ضربتها كف الطشت بالسرير

رحت دا اخذ مفاتيح السياره بالصاله.. ودا اطلع سمعتها تصيح بالم مو مال وحده مضروبه.. ركضت..

لكيتها لازمه بطنها وتصرخ.. كتلها شكو شبيج.. اباوع ملت الدنيا دم ومي يلعب النفس تخبلت

شلتها وديتها للسياره وشلت عبايه وكتلها تغطي..

وديتها لمستشفى الولاده دخلوها كالو عدها ولاده واخذوها جوه.. خابرت امي اجت هيه ورائد

كالت ليش ما خابرتني مو كتلها من تحسين يصير عندج وجع خابريتي.. كتلها ما جان عدها وجع ..ضربتها ووكعت وتأذت

رائد.. من وره ركبتك مـℳOــو

يحيى.. كتله شنو

رائد.. يا طلي باع ركبتك تخزي اكيد شافتها وتخبلت البنيه

يحيى.. دنكت راسي.. عاد امي استلمتني رزايل وغلط ما حجيت وياها

بقينه 4 ساعات كالو جابت.. طلعولنه الطفله.. ودوها للخدج.. رحت وياهم.. شفتهم نضفوها

ولبسوها تخبلت عليها اويلي واخيرا صار عندي طفل.. عشقي من الدنيا الاطفال..

كالو الطفله شاربه مي ما اعرف شنو المهم خلوها بالخدج كالو لليل نطلعها..

رجعت لبراء لكيتهم مطلعيها بغرفه.. اباوعلها خلصانه.. مبين التعب على وجها.. من وجع الولاده وشعرها مكفش

ولافيها بالبطانيه ونايمه.. تقربت منها بست راسها ما حست.. كعدت كتلها يمه شتاكل شأجيبلها..

كالت روح جيب معلاك خل تاكله تعوض الدم الخسرته.. كتلها انشالله.. رحت اشتريت نفر معلاك مشوي وجبته

لكيتها كاعده بس عيونها تعبانه.. تقربت منها بست خدها وهمست بأذنها اسف.. ما حجت نزلت راسها

اجت امي وجايبه الطفله وياها يبو تكتل من الجمال.. العيون خضره كوه تفتح وبيييضه والشعر اشكر.. كالت امي عليك..

ضحكت اخذتها بين اديه اباوعلها دمعت عيوني من الفرحه.. زغيره وتحسها ورديه ..تخبل لعابه..

كالت امي انطيها لامها خل ترضعها.. قربتها.. يم براء باوعتلها كامت تبجي.. وباستها.. عرفت تذكرت امها.. مسحت على راسها

كالتلها امي طلعي صدرج رضعي البنيه.. تأشر عليه بعيونها.. تخجل مني اطلع صدرها خرب حظي كتلها ولج اني رجلج

ما ردت.. كتلها عمي براحتج طالع طالع.. سمعت امي تكلها يمه ميصير هيج هذا رجلج ميصير تستحين كدامه

من تقربلج ونزعتيله ثوبج خلص نزعيله مستحاج تره يمل.. كالت ما اكدر مو بيدي اخجل.. كالتها انشالله تتعلمين

كلت بكلبي اي لما يطك كلبي.. رحت للدكتوره انطتني ورقة الخروج طلعتها.. للبيت.. نومتها علسرير

وكعدت يمها بالغرفه انصب بسرير مريومه.. وكل شوي اكوم ابوسها وبراء تزفر ودير وجها ههههههه

براء.. رجعت للبيت وحسيت بخفه عجيبه لان ماكو نزلت من بطني من اكوم للحمام وارجع للسرير اروح للمرايا واحصر ثوبي على جسمي واقيس بطني

عندي شوي كرش بس رجع جسمي انشد مو مرعبل مثل قبل.. احس بشرتي صارت رطبه وانكشفت وراح الكلف..

فرحت احس ثقتي بنفسي رجعتلي .. رغم متوجعه اكوم اخلي الباودر واخط التاتو والحمره والبلاشر والمسكاره..

كمت احس بروحي صرت حلوه.. فرحت.. حتى يحيى من يشوفني هيج.. يجي يتقرب يمي بحجة يبوس بمريم وهوه يباوعلي واني لسه ما احجي وياه

مريومه بالنهار تخبل ماكو احلى منها مخلصتها نوم هوه يجي الليل وهيه تتخبل بجي وكاعده ابد متنام..

وهذا يحيى يتخبل يكلها اي يا بابا دنامي لا اشوف راحه منج ولا من امج شلون وين انطي وجهي.. ويباوعلي..

امه خلصت اول 3 ايام وبعدين راحت.. كام هوه يعتني بيها وياي.. واني احرك كلبه البس ثوب قصير للركبه وبدون اردانات وخفيف

بس استحي امشي بيه😑 بس كاعده وهوه يباوع يحك بلحيته ههههه ويتقرب وارفضه ..

مرت على ولادتي 3 اسابيع كام يتذمر ولليوم يحاول يحجي وياي واني اتذكر منضري اله لما شفت ركبته واتخبل

اجه مره راد ينام.. الساعه 10 كعدت مريم انوم بيها ما تنام.. كام يصيح ويعيط كال لا اشوف راحه منج ولا من البيت

لبس وطلع.. هسه يجي هسه يجي ماكو صارت الساعه 5 الصبح وما اجه.. اجه ريحته وملابسه كلها عطر مو ال

ه.. عطر نسائي عرفت رايح يم غيري.. كتمتها

كمت دا اصفط ملابسه.. ولكيت الحمره تارسه قميصه تخبلت.. اجيته كتله شنو هذا باوعلي بنضرة لا مبالاة كال قميص وصخ اغسليه

شمرته بوجها.. وكتله تروح تلعب ويه غيري وتجي اغسل وصاختك وصاختهن..

يحيى.. شمرت القميص بوجهي فار دمي كمت لزمتها من ايدها حيل.. وكتلها مو اكول خطيه وما اضربج لا تخليني والله ادميج

براء.. دفعته.. وكتله اي والله لا وانته وابو الراهي بعد.. وتضرب.. انته شنو متحس اني شنو هنا وتروح تلعب ويه غيري وتخوني

يحيى.. لان مليت طلعت روحي تفتهمين.. اتوسل بيج صار شهر اريدج تقنعين يا مره باوعيلي ابد ولا تهتمين رافعه خشمج..

واني اكلج انتي رفعي بعد واني اعرف شلون اكسره واذلج

براء ..بقيت ادفع بيه واكله انته شنو متحس متكول تعبانه متكول طفله عندي مسهرتني الليل.. متكول صار شهر من جبت ..ومجروحه

يعني بس اوكع تشوف غيري مليت وين اروح مليت اتحمل واتحمل وما اشوف منك بس الخيانه ليييش

يحيى. اهووووووو بقت تشكي وتتذمر اكوم اروح منا ولا اكابلج احسن..

براء.. شفته.. طلع.. كعدت ابجي.. اخذت مريم وارضع بيها ودموعي تجري.. وينج يمه لو انتي هنا اقبل اضل عنده وهوه يخوني ويتكبر عليه

مرت الايام وكام كل يوم يتأخر للخمسه الصبح يله يجي.. اكضي الليل بس بواجي.. واني اعرف بيه بحظن غير..

اريد بس اهدى واسكت واعوفه ما اكدر النار تسعر جواي متغفالي عين لحد ما يجي

ومن يجي ينام بالصاله ما يدخل للغرفه.. بس أئمن لحد ما يدخل البيت يله انام.. و الحسره بكلبي تموتني

فد يوم هم جان متأخر الساعه 3 وهوه ماكو.. ميته وهوه ماكو دخلت على صفحة الفيس مالته اكلب بيها..

ناشر صور مريم وهوه وياها ماخذ سلفي.. ومنزلهن.. وكاتب ..حبيبة بابا بحظن ابوها

والناس معلقتله.. اكثر التعليقات تكوله تشبهك.. وصدوك هيه تشبه.. حتى عقدة حاجبه من يعصب لو يضوج.. بيها اشوفها..

اكلب بالتعليقات وشفت وحده معلقتله.. جنت اتمناها مني جان هسه احنه احلى ثنين..

وهوه معلقلها.. فاتت بعد ههههه.. ويضحك.. كمت اشتعل واطفى بناري.. رحت للماسنجر مالته..

انطيته لايك.. موجود نــــ📡ــت دزيتله مقطع صوتي من اغنية (خذ بالك عليه دي مش معامله تعاملني بيها )

وسديته وكمت ابجي واصرخ لوحدي

يحيى.. نايم بشقة لوحده من العاهرات.. سمع اشعار ماسنجر اجاني.. شلت راسي.. اخذت الجهاز شفته مقطع صوت من براء

كعدت على حيلي سمعتها دازتلي مقطع الغرفه هادئه فتحته ..تكولي خذ بالك عليه دي مش معامله تعاملني بيها

بقيت اتأمل الكلمات كسرت خاطري.. درت وجهي العاهره نايمه يمي.. اباوع لوجها ما بيه قطره من برائة براء وطهارتها..

اخذت قميصي لبسته وطلعت حركت سيارتي ورحت لبيتي.. دخلت.. مشيت من يم الغرفه مالتنه سمعتها تبجي بصوت مخنوك

فتحت الباب.. مسحت دموعها.. وتقربتلها.. كالت وخر.. كتلها ما اخونج بعد والله.. كالت ابعد ما اريدك

لزمتها جبر جريتها لصدري.. صارت تبجي بحظني بصوت عالي.. رفعتلي راسها كالت شسويتلك وهيج تسوي بيه

كتلها اسف والله .. وبوستها حيل و… .يتبع

البارت_16

براء.. اجه واعتذر مني واقتربلي.. ونام.. اباوعله ياربي شلون اتعامل وياه.. ميعذر بأول موقف يبيعني

خليت راسي وغفيت.. كعدت الصبح.. رضعت مريومه.. وكعدت تلعب لحد متعبت.. رجعت نومتها..

وكمت للبيت نضفت وسويت ريوك كعد هوه.. كال صباح الخير.. كتله صباح النور.. فات مني بس بالشورت

ملابس فانيله او قميص.. وكف علمغسل يفرش اسنانه ويغسل.. باوعتله الضهره ولاكتافه كوله خراميش

احس الغصه ذبحتني.. دار وجها.. اخذني لحظنه.. كتله وين جنت البارحه.. كال مو سدينه هذا الموضوع

كتله.. تلعب بكيفك.. ولما اجي احاسبك تكولي سدينه الموضوع.. كال هسه والمطلوب

كتله تكولي وين جنت.. كال بشقة وحده كح... ارتاحيتي.. كتله وشتسوي عدها..

يحيى.. العب توكي.. شبيج يا براء اي دكافي مو كلت بعد ما اتقرب لهشي او حته احجي ويه ابنيه

براء.. ولو رجعت..

يحيى.. يكون بسببج

براء.. والله ..محظر العذر

يحيى.. اي صيري بعيني كل البنات واني ما ادور غيرج

براء.. وشلون..

يحيى.. حبيني.. ريحيني.. احترميني.. بس

براء.. واني ممقدمتلك هلشي

يحيى.. تحبيني نعم لكن الباقيات ماكو

براء.. يعني ممحترمتك

يحيى.. انتي شايفه نفسج من تتخبلين.. نذل وحقير.. وتضربين.. تره اني رجلج مو ابنج

براء.. يحيى احبك والله ومستعد كولشي اصيرلك بس علمني.. صح السان واكلب الدنيا بالساني.. بس تره انته اول حب بحياتي عمري ممتعامله ويه رجال

يحيى.. متأكده ممتعامله ويه غيري قبل لو حابه.

براء.. لا والله انته اول واحد

يحيى.. لعد ليش اخذتي الرقم وراسلتيني.. وجان حجيج وياي عادي ما عندج ارتباك ويايه من تحجين وكأن مو اول مره تحجين ويه ولد

براء.. باوع اصادق ولد كصديق ودردشه بالكروبات فقط اما علاقه ما حاجيه ويه اي واحد خاص او حبيت احد

وانته فقط اللي حبيتك.. واخذت الرقم منك لان بوقتها حيل انعجبت بيك وبجمالك..

بس ا

نته ليش انطيتني الرقم يعني عادي كل بنيه تفوت منك تنطيها الرقم.. سكت.. احجي..

باوع حاسب نفسك وبعدين تعال ارجع حاسبني..

يحيى.. هههههههه انشالله.. يله خليلي لكمه خل اطلع للشغل..

براء.. خليت الريوك وكعدنه ناكل.. دياكل كتله يحيى سؤال

يحيى.. بسم الله ..بدت الاسئله.. كولي

براء.. ماكو شي

يحيى.. اتشاقه وياج والله ..كولي

براء.. منو هاي اللي معلقتلك عل الصفحه مالتك وكايلتلك على مريم..جنت اتمناها مني جان صرنه احلى ثنين

يحيى.. زوجتي السابقه.. ليش

براء.. هاي شلزكتلك

يحيى.. شرايده منها

براء.. اكرها.. ليش ممنطيها بلوك

يحيى.. تعبت من كد ما احظرها وترجع عفتها

براء.. زين ليش ما كاتب علصفحه مالتك متزوج.. ليش علاقه معقده

يحيى.. استغفر الله ربي.. اليوم اغيرها.. رضيتي عفتها وكمت رحت للغرفه بدلت وطلعت..

دا اصفط بشعري.. حضنتني من وره.. ابتسمت.. درت وجهي.. كتلها ها بعد اكو اسئله..

براء.. هزيت راسي.. لــNOـا ..لتروح.. خليك يمي والله مشتاقه اكعد وياك.. ضوجه

يحيى.. وشغلي لو كعدت وسكتت شراح ناكل حصو

براء.. فضيلنه نفسك.. كل وقتك الك وللشغل.. طلعنه ونسنه تره مليت من الكعده بلبيت والله

يحيى.. انشالله.. بس هسه لازم اروح انزل بضاعه جديده للمحل

براء.. اوعدني متباوع لغيري

يحيى.. هههههه شلون اغمض عيوني

براء.. ما اعرف المهم متباوعلهم..

يحيى.. ههههه ماشي.. بستها.. ورحت بست مريم وطلعت..

براء.. رحت شلت صينية الريوك وغسلتها.. واخذت الموبايل .. عندي صوره لمريم وهيه نايمه على صدر يحيى وهوه يحاول ينومها ونايم وياها

كولش حلوه نشرتها.. وكتبت حبيب روحي و رويحايتي💑 ..نوم الهنا.. ربي لا يحرمني منهم

وسويتله اشاره ونشرتها بصفحته.. كلها علقت الله يحفطهم.. لشوي هوه علق بضحكه وكال ههههههههه ولا يحرمنه منج..

ضحكت. .كتبتله اموووت عليك.. لشوي اجتني مرته السابقه علخاص.. كالت انتي ضحيته الثانيه.. كتلها اني مو ضحيه اني ام مريم

كالت ههههه متعرفين يحيى.. لا طفل ولا اي شي يوكف بعينه.. كتلها يكفيني تالي اليوم يجي يبوس براسي وبراس بنتي ويكول الله لا يحرمني منكم

سوتلي بلوك.. هههههه ارتاحيت من حركت كلبها شستفاديت ما اعرف المهم ..اريد شي اطفي بيه نار كلبي

للضهر اجه.. كال ليش هيج ولج تنشريني علفيس مصلخ بدون قميص .. كتله عادي غير نايم.. كال ارتاحيتي من حجيتي وياها

كتله ويه منو.. كال تعرفين ماكو داعي اكولج منو.. كتله شتشوف.. كال اشوفج مخبله..

كتله من وراك خبلتني..

يحيى.. هههههه بدلي خل اخذكم لاهلي ومناك اخذكم افركم شوي.. كتله صدوك كال والله

بدلت لمريم وبدلت انـّ'ℳέ'ـّيٌ.. ورحنا لبيت اهله.. استقبلتنه امه خطيه بلهلا..

مرت رائد حتى ما سلمت متريدني.. كعدت يم امه كالت شلونه وياج.. كتلها زين ورده مال الله كال اي عفيه صيري سباعيه واكسبيه ولا تنطيه كتلها انشالله

باوعت ليحيى.. وكالتله بيت عمك رحمان عرس ابنه عكب باجر وعازمنه على الحنه والعرس باجر تروح

كاللها يمه بالدوره هنا هنا.. كالتله اي نروح نبات شعلينه يايمه.. باوعلي يحيى كال ترحين ..كتله اذا تروح ليش لــNOـا النفسيه محتاجه عرس

كال ماشي باجر الضهر نروح.. انوب اخذنا بليل فرنه وودانه مطعم اكلنه وتونسنه ورجعنه للبيت

دخل كعد بالصاله عل موبايل اني رحت نومت مريم ورحت غسلت وجهي ومكيجت وتحظرتله..

اجه ابتسم.. اتقرب مني.. كال ليش جامده.. كتله يعني شسوي.. كال احس دا اتقرب لوحده ميته

كتله ما اعرف شنو تريد كال تفاعلي وياي ذوبيني ثيريني.. كتله ما اعرف.. يعني شلون.. كال هيج ولا شي

كمل نام.. ما اعرف شنو اللي يريده.. دا انطيه مبتغاه شنو يريد اكثر.. اوف والله هلرجال بلوه ما ينحزر

كعدنه الصبح.. كملت التنضيف والريوك وسبحت مريم وعطرتها وانوب اني هم سبحت ورحت خليت عدسات لون فيلي.. ورموش ومكياج نازك.. ولون حمره احمر مسود طوخ

باوع كال اي بيها فرح ..خرخشتي.. كتله يعني غير اطلع بكامل اناقتي لعد شلون.. ضحك..

خابر على امه كالها امر عليج اخذج كالتله لا اني رحت ويه رائد الحكنا انته ومرتك.. كال يله كملي بسرعه

لبست قميص احمر وبنطرون ازرق.. وحجاب نيلي.. لفيتته حلو كال كملتي كتله اي.. باوعلي كال انهجم بيتج بدقيقه انكلبتي هيفاء وهبي

ضحكت كتله شلون لعد.. كال شسويتي ولج.. كتله غير مكياج وعدسات ورموش وتاتو.. كال الله يساعد وجهجن هم زين ما مال من الثكل ههههع

طلعنا.. جان الجو بيه بروده بس فاتحه الشباك وكاعده يمه بالصدر ومريومه نايمه وره..

دايره وجهي.. علشباك وبلساني ابلل شفافي كل شوي لان شفتي نشفت من الهوا.. فات ولد بسياره

جان يكول والله لو الزم هلشفايف.. هذا كال هيج ويحيى تخبل ويسوق سريع وذاك يسوق ويحيى يصيح ويغلط عليه كاله اخو خيتك اوكف

ذاك استداره من الاستداره ويحيى طلع كبل دار وجهه عليه.. كال يمي ميبستها بس بالشارع تبللين بشفايفج مسحي الحمره لا احرك اهلج والله

كتله يخرب المكياج.. دار وجهه بغضب وكال تمسحي لا

اعرف شلون اخربه صدك.. كتله ها شلونها نار الغيره حلوه مـℳOــو

وجهه عصبي بس بينت الابتسامه عليه كال امسحي.. جريت الكلينس.. وبديت اخفف بيها

كال بعد.. كتله متروح هذي اصليه.. كال مو اوخرها بطريقتي.. كتله يله الله وايدك.. باوعلي وضحك كال ها اليوم تردين ..ضحكت كتله بكيفي

وصلنه لبيت عمه شكبرررره كتله عمك شيشتغل كال لواء بالجيش.. كتله هااا مبين دخلنه البيت يمكن فوك ال2000 متر بس الحديقه شكبرها عينك وما تمد

دخلنه استقبلونه.. ولد عمه وبنات عمه مكلوبه الدنيا.. كلهن مبدلات ومكيجات وناثرات الشعر

مرتعمه كالت صلوات مرت يحيي تخبل تكتل.. جان مرت رائد تكلها يا منيلها زركه لا تغرج بالمكياج والعدسات والرموش..

كالتها لا حلوه تخبل.. ابتسمت بوجها وكتلها يسلمو من ذوقك.. كالت انوب شلون نعومه وصوت هنيالك ييحيى..

فرحت بالمدح احسها رفعت من معنوياتي ☺ لان من شفت البنات لابسات قصير والمكياج اشكال الوان خفت لا طالعه مو حلوه

بدت الحنه ورحنه البيت العروسه وحنو العروس والعريس وصفكو وركصو .. كملنا رجعنه للبيت.. كالو عمر مسوي الحنه حفله توديع العزوبيه

كتلهم يعني شنو كال يعني راقصات وكاوليه وشرب.. كتلها استغفر الله شنو هاي حرام

كالت يمعوده انتي وين تحجين.. من كالو شرب وراقصات كلت رحت بيها هسـNOWــہہ يحيى يشرب ويروح ويه راقصه

لليل فرشو الحديقه الخارجيه وزينوها بالبلوجكترات واضويه ولعبو لعب.. واحنه النسوان بس نباوع عليهم من شباج المطبخ

اجن الراقصات استغفر الله بس الحماله وبطنهن طالعه وجسمهن ولافات شي شفاف علي خصرهن وهاهيه

يمه باوعتلهن شلون راح يشوفهن يحيى غير اموت..
بدت الحفله وبدن هنه يركصن ويتماوعن كبر عود ذني راقصات بس يتمايلن ويحركن بجسمهن ميعرفن يركصن وشعرهن للركبه

بقيت لاطشه بالشباك مال المطبخ بعيد شوي بس نشوف جهه منهم.. اباوع خاف وحده تباوع عليه.. وصدوك وحده وكفت يمه وتهز

انوب خلت رجلها على رجله وهوه كاعد ومالت جسمها وكامت تهز بشعرها.. اكيد نعجبت بيه وهوه شلون طالع

لابس بنطرون ابيض والقميص احمر والوجه ابيض واللحيه شكره يكتل يربي اكيد عجبها وراحت تهز يمه..

انوب الحقيره كعدت على رجله وخلت ايدها وره ركبته وتتمايل وتركص بحظنه ..وذوله الشباب يصوفروله وهوه يضحك وفرحان حاليله الجو ابن الاوادم 😬

والله احس كلبي شعوط.. بنت عمه كالت باعو هاي الراقصه انعجبت بيحيي.. والثانيه تكلها هيه اكو وحده ما يعجبها يحيى ..

درتلها وجهي.. كالت اسفه حاليا مرتبط منريده ههههه.. كتلها اصلا الراقصات ميعرفن يركصن ضحكن كالن تعاي علميها شغلها ههههه

كتلهم والله ميعرفن باعو بس يتمايلن لا هز جتف صحيح ولا خصر.. كالت مرت رائد اركصي مثلهن ياااا فيفي عبده وبعدين عيبي عليهن

كتلها والله اعرف اركص احسن منهن قابل شنو.. اجت بنت عمه وشدت الوصله ام الدنانير على خصري كالت شوفينه ابداعج وخل نحكم

ضحكت كتلهن لا تره ضعيفه كدام هلشغله افقد ههههه كالت اي هوه احنه نريد نتمتع بس همه..

شديت الوصله على خصري عدل وحليت شعري

وكمت اركص ركص تكسير تعجبو بيه ضلن يضحكن ويصفكن.. انوب ركصت ركصكاولي مثلهن وهزيت علي انغام اغنية انه ارد اعوفن كل هلي وارد امشي وياه..

بقن بس فاتحات حلكهن ويصفكن ويضحكن انوب دخلن ويايه بنت عمه لزمنه ايد بأيد ونزلنه شعر
... ...

يحيى.. كاعد بالحفله وهاي الراقصه علكت وياي والشباب يصوفرون ويكلولي الله ربك ههههه ..

هيه اخذها الواهس وكعدت على رجلي ضحكت والله لو تشوفها براء كاعده على رجلي حرام تجي تجرها من شعرها

كاعد يركصن جان ابن عمي كال ولك شوووووف والله نسوانه تركص احس من الكاوليات باوع

درت وجهي.. واشوف براء نازله شعر وهز خصر بنصهن ..وذوله ولد عمي كلهم دارو وجهم وشباك المطبخ ما منزلين البرده مالته

احس النار شبت بضلوعي.. دفرت الكرسي مالتي ودخلت عليهن لزمتها من شعرها ومشيت بيها ..

وهيه تكلي اخ يحيى شبيك شعري اااااخ ..ضربتها راشدي.. كتلها ساقطه متستحين تهزين وتركصين بنص العالم

براء.. مهازه وراكصه لاحد دنركص بيناتنه احنه بنات.. وكمت ابجي

يحيى.. ولج لا تخلين اخرب وجهج والله.. ولد عمي كلهم شافوج وانتي تركصين هسه شيكولون عليج..

براء.. خليهم يباوعون بشنو يضايقوك لو باوعو دير وجهك عنهم ولا تهتم

يحيي.. اي مو طرطور وبلا احساس كدامج اني يا ادبسز.. ردت اضربها لزمت ايدي

براء. لعد اني اللي بلا احساس من اكلك ما اتحمل وحده تباوعلك.. تكلي طنشي لا تهتمين.. كمت اصيح

جاوبني تكدر.. تكدر تتحمل مثل ما اني متحمله.. صار ساعه الساقطه كاعده على رجلك وعريانه والدم محترك بجسمي من الغيره وما حسيت على روحك

بس من ولد عمك باوعولي ..ضجت و اجيت سحلتني من شعري مثل الحيوان كبالهم بدون اي احترام..

دفعته وضربته على صدره يا اخي حس مو والله دمرتني حسسسسسس ولك تعبت والله تعبتتتتتتت.. يتبع

البارت_17

دفعته وضربته على صدره يا اخي حس مو والله دمرتني حسسسسسس ولك تعبت والله تعبت

تتتتتت..
يحيى.. لزمت اديها.. وصكيت على سنوني لا تضربين لا تضربين.. ودفعتها

براء.. ابجي واكوله لعد ليش تسحلني من شعري كدامهم.. حس بيه والله تعبت من انانيتك..

تضحك للكاوليه وهيه بحظنك واني اباوعلك ومحترك دمي من وراك.. وما حجيت وتحملت بس انته من غرت كلبت الدنيا فوك راسي

ليش ها ليش تضحكلها وما توخرها من رجلك وكأنك فرحان بيها.. بشنو مقصره اني وياك وتباوع لغيري وتضحك

يحيى.. صيري مثلها ادلعي على كلبي حاولي تثيريني وتجذبين نضري

براء.. بس اني مو كاوليه حتى اصير مثلها..

يحيى.. عمي صيريلي كاوليه بس اليه.. تعرفين تهزين احسن منها بس ما تعرفين تدلعين مثلها.. وتستشرفين براسي

براء.. الركص ما اله شغل بالدلع هذا فن شلون تعرف تنسق حركات جسمك.. مـℳOــو اله ادلع

يحيى.. مثل متعلمتي الركص اتعلمي الدلع

براء.. سكتت بقيت بس ابجي وامسح بدموعي..

يحيى.. يله عدلي مكياجج واطلعي كملي الحفله بس لو ركصتي اذبحج والله

براء.. ما اريد رجعني للبيت ما اريد ابقى هنا

يحيى.. ما اكدر الحفله بعدها بنصها والطريق طويل والدنيا ليل

براء.. ما. ما اريد ..اريد ارجع لبيتي.. شلون تريدني ارجع اكعد يمهم وانته سحلتني كدامهم بدون احترام

يحيى.. عمي اسف ما اعيدها والله.. تعرفين ما احب اضربج .يس تجبريني

براء.. وخر ما اريدك..

يحيى.. اويلي الله شلون حلوه من تبجي.. باعي العدسات شسوت بعيونج روحي نزعيهن تره عيونج احلى

براء.. وخر اريد ارجع للبيت هسه اذا طلعت يعيبن عليه ويتشمتن لان ضربتني.. خاصه مرت رائد لو اموت ما اطلع كدامهم

يحيى.. تعالي جريت بأيدها وهيه تكلي وخر ما اريد اطلع.. جريتهاا من ايدها حيل ومشيت بيها يمهم

كتلهم مرتي واغار عليها اكو احد يلومني.. ضحكو كالو لــNOـا.. كتلهم هيه زعلانه لان ضربتها كدامكم..

بس والله احبها واحترك دمي من شفتها تركص وهاي ابوسها كدامكم واعتذر..

براء.. باسني كدامهم.. اضحك والدموع ابعيني وابعد بيه واكوله وخرررر.. مرت عمه كالتله دلع بنات يمعود

واتقربت مني وكالت يحلوه ضرب الحبيب مثل شرب الزبيب.. يخبل.. وتغمزلي.. كال ها رضيتي.. ما حجيت

دار وجها على امه كالها يمه لو ركصت ارجع عليج احاسبج.. كالتله انوووب ولك اني شعليه..

ضحكت ورحت اخذت مريم من حظن امه وكعدت ارضعها.. ومرت رائد تحجي ويه وحده بنت عمه..

وتكلها صدك لو كالو حظ الزركه كاعد.. ماخذتلها واحد جنه كمر وتدلل عليه ويعتذرلها ويبوسها كبالنه

سويت نفسي ما سمعت.. دنكت راسي على بنتي العب بشعرها واني ارضعها.. اجه يحيى نام على رجلي يم راس مريم

كال بعدج زعلانه.. هزيت راسي.. بمعنى لــNOـا.. كال طالعه تخبلين اليوم.. ضحكت

كال نامت مريم وديها للغرفه نوميها.. كتله يا غرفه.. استحي.. كال عدهم غرف كومه.. صاح على بنت عمه.. كالها حوراء.. عائلتي وين تنام..

كالتله اكو 4 غرف فارغه اليعجبكم اخذها تره هذي الناس اكثرها متبات اتوقع تروح.. دارت وجها عليه وكالت كومي نومي بنتج بهاي الغرفه

كتلها انشالله.. دخلت.. غرفه ودا انوم مريم اجه ورايه.. كال نعسان.. كتله نام يم مريم.. كال يلعوبه مريم شسوي بيها..

ضحكت.. كتله شبيك يحيى تخبلت قابل ابيتنه احنه نام واسكت ..كال لا والله.. لا تخليني اتخبل تعاي نامي يمي

كتله الساعه 9 يا نوم هذا والحفله لسه مخلصانه روح مو عجبتك الكاوليات امشي يمهن..

يحيى.. هااا هيج.. خوش لعد.. ردت اكوم على حيلي رجعت كعدتني وتكولي لا لا جذب والله

ضحكت كتلها ..اي لعد تعاي.. كالت يحيى تره والله عيب.. كتلها شكد تاكلين تبن دتعاااي لج ..وووووووو 💏

براء.. كمت رحت للصاله ..كعدت يمهم كال عمتي نامت مريم كتلها اي.. دخل ابن عمه العريس.. كال لعد وين يحيى..

كتله نايم.. كال هذا صاير طلي شكد ينام.. جان يحيى.. ضربه علي ضهره من وره وكاله شوفنا شطارتك ياسبع عود من تتزوج شتصير طلي لو حمار

ضحك ابن عمه كاله لا تره كلنه تاليتنه نصير طليان… كلها ضحكت.. وطلعو سوه..

شكد ناقص اجاني ويكولي ما اريد اروح يمهم وابقى يمج خلص اللي يريده ورجع للحفله.. خرررب ه̷̷َـَْـُذآ شلون وياه..

لليل دخل كتله شبعت منهن.. كال اذا مرتي تركص احسن منهن شصخم بيهن ويغمزلي ضحكت..

كملت الحنه واني رحت نمت يم مريم.. هوه بقى سهران ويه ولد عمه سوالف وضحك.. بس حلفته ميشرب كال ما اشرب والله

نايمه لساعه 3 يله اجه .. وامه نايمه يمنه ومرت اخوه واخوه هم.. لان الناس هوايه واكثرهم باتو لان الطريق طويل

فكل واحد شافله مكان ونام صارت هوسه ..الغرفه الوحده تلكه بيها 10 ..يحيى.. اجه نام يمي.. وحظن مريم ونام

ثاني يوم مشينه العرس جان كولش حلو ..والعراريس يخبلون.. كملنا وزفيناهم.. كال يحيى يله كومي نرجع لبيتنه.. لميت الغراض ورجعنه

……………

ضلت ابالي كلمته لما كلي اتعلمي شلون تدلعين.. هوه جان مموجود بالكوفي.. دخلت النت كتبت كيف اثير زوجي.. طلعت اشكال الوان

تعلمتلي كم شغله وكمت دا اطبق.. سبحت ولفيت شعري بخاولي.. علمود مينشف.. شمدريني هو

ه بالنت كاتب الرجال يحب الشعر الرطب😁

مكيجت طوخ وحلو ولبست روب ..وتعطرت وكعدت انتضره.. دخل الساعه 1 بليل.. نزعت الخاولي من راسي وسويت روحي امشط

اتقرب ودرتله وجهي.. وخليت ايدي على كتفه وكتله هلاو حبيبي.. كال شكو اليوم كالبتها.. كتله ليش متريدني.. احجي واحاول ادلع😑

ضحك.. جريته للسرير وكعدت اتموع واحجي وياه.. كال منين متعلمه هسوالف اليوم ..كتله ليش كال لا تره بينه مصطنعه.. طبيعتج احسن

كتله دا احاول اصير مثل متريد.. شجعني.. كال بس دضحكيني مو تثيريني.. كتله ليش.. كال ممتعلم هلشي منج مو هاي طبيعتج

كتله وتالي يحيى تكلي اتعلمي ومن احاول اتعلم تكولي مو هاي طبيعتج.. اذا دتشوف دا احاول اغير نفسي علمودك.. شسوي اكثر

يحيى.. انتي بارده وهاي طبيعتج و
من دتدلعين هسه دا اشوف تصنع مو دلال..

براء.. ليش تكول عليه بارده والله احاول اصير مثل متريد بس انته خبلتني ما اعرف شنو تريد بالضبط..

زين علمني.. اني دخلت نت وتعلمت اللي تعلمته.. علمني انته.. دتشوف شكد اخجل ورغم هذا لبست اللي تريده ومديعجبك ليش

يحيى.. ما اعرف ..يله مو مهم.. بوستها واخذت حاجتي ونمت

براء.. بقيت ابجي مليت من كد ميكلي انتي بارده.. شسوي.. ما اعرف هاي طبيعتي وهوه مديساعدني اتغير.. نام واني بقيت ابجي

اتأذه من يكولي مشاعرج بارده.. لو مشاعري بارده يعلمني هوه ويحركلي مشاعري.. يريد مني لكن ما ينطيني.. يريد ادلعه لكن ميدلعني..

مرت الايام واني ابحث واتعلم كولشي ممكن يعجبه لكن هوه ميحب لما اتغير يكولي ضلي على طبيعتج لا تتصنعين وميستقبل كل تغيير مني يضحك ويفشلني

فد يوم كال راح اشتغل سايق ابيت تاجر كتله هوه انته مو عندك محل.. كال المحل خليته بيد ثنين عمال..

اريد اكثر شغلي علمود اهم نفسي واشتريلي بيت.. كتله مو هذا بيتنه.. كال هذا الج مو الي..

كتله براحتك.. اشتغل وعادي كنا مرتاحين يروح الصبح يرجع الضهر ومرات يروح يشوف المحل شيحتاج

وكلما يحتاج هذا التاجر يدز عليه.. ويروحله.. ما عندي اشكال..

فد يوم من الايام واكف ديصلح بالدوش مال الحماك..

والموبايل مالته جان بالجيب الوره وطالع نص الجاهز من الجيب.. من تحرك وكع الموبايل وطكت الشاشه احتركت

حاول يشغله ميشتغل.. كال وين موبايلج.. كتله ليش كال بس افتح بيه حسابي ولد خابرني على شغله وجنت احجي وياه قبل لا ينكسر الجهاز

كتله هاك .. اخذه وراح للكوفي بليل رجع ونام كبل حتى ما اجه يمي او حتى باوعلي اذا مكيجه او لا

عفته كلت يمكن تعبان..غطيته .. وجريت موبايلي اتصفح.. جان مسجل خروج من حسابه.. بس بقت صفحته محفوظه يمي.. مجرد ما دخلت عليها انفتحت بدون باسوورد

بقيت افتش بيها ماكو.. الصفحه الشخصيه كولشي مابيها.. ربطتها ماسنجر.. ولكيت البلاوي كومه نسوان يحجي وياهن ويدزله صور اباحيه وهوه يضحك ويحجي عادي وياهن بكل طلاقه

سديته ما ردت انقهر اكثر.. لثاني يوم اخذ فلوس وراح جاب جهاز ثاني.. كام كولشي يراسل او يحجي يطلع يمي بصفحته.. واراقبه

شفت اكو بنيه هواي تراسله ويحجي وياها رسمي.. بس هيه وقحه وتتماوع بالحجي ودزله بصمه وهوه يحاول يحترم بكلامه وياها وما رادها ولا متقبلها

حرت شلون اسأل على هذي البنيه.. اجيته كتله كتله منو هذي وشوفته صفحتها.. كام من مكانه عدل كعدته..

كال ليش تسألين.. كتله لا هيج مسويتلي متابعه وهيه صديقه يمك علفيسبوك.. لذلك ردت اعرف منو

كال ما اعرفها يمكن زبونه.. كتله شبيك.. كال مابيه شي.. كتله يحيى.. اذا اكو شي صارحني.. تره والله احبك ومستعده اصير اللي تريده وعلمني عليه واطيعك ليش ادور غيري

كال متتغيرين انتي.. كتله.. حاولت وانته تضحك عليه.. يكول اي ما متعود علي هيج شي منج لذلك اضحك

كتله وتالي.. كال تعبان عوفيني انام.. راح لغرفة النوم ونام.. كعدت وفتحت التلفزيون.. كامت تجي الرسائل مالته عل الماسنجر يعني مو نايم كاعد يراسل

ليش من اكعد يمه واحجي وياه يضوج بس ميضوج لو خلص يوم كامل وهوه يحجي وياهن.. دخلت اتابع الدردشه.. مالتهم..

البنيه وكحه فد مره وتحجي سخيف وتكوله انته تخبل وتجنن هنيالها لمرتك مخلصه ايامها بحظنك

وهوه يكولها يمعوده يا مرتي باااااارده تكول اتقرب لميته ابد متحس بيه ولا تحاول تغير نفسها تعبت منها

تكوله متعوفها وتزوج عليها لعد ليش باقي هيج.. كالها لــNOـا ما اكدر اكسر ابنتي خطيه.. كالتله علمود بنتك امبقيها

كاللها لا ماالها احد غيري يتيمه وين تروح.. لذلك ما ينطيني كلبي اعوفها.. ما اكدر اكسرها حرام.. اخاف الله بيها

كالتله اني عكسك.. والله زوجي صح ينطيني فلوس وحريه بس يسافر هواي واني احتاجه.. وهوه ممقدرني..

كالها همه ذوله التجار تلكينه يلعب بره وعايفج بالبيت ويه ابو سلمان حارس هههههه..

عرفت هذي البنيه.. زوجة التاجر اللي يشتغل عنده

اقره كلماتهم ودموعي تجري.. هيج مستحقرني وميحبني ليش.. ليش هيج يحجي عليه كدام هذي الساقطه

مو اريد اتغير وهوه رفض ويكول ابقي هيج ميلوكلج تتغيرين.. يخدعني بحبه واني زوجته..

حرت شسوي شلون احاسبه على اللي حجاه

اخاف اروح اكله فاتحه حسابك ويسده وبعد ما اعرف عمايله.. رحت للغرفه.. مطفي الضوه بس وجها بموبايله ويراسل

سحبته منه بخفه وسويتها بدلع وكتله دا اشوف ؏شنو مخلي وجهك وتراسل وعايفني علموده..

هوه كمز ووكف على حيله ويتلاوه وياي يريد ياخذ الجهاز ..خليته وراي.. وهوه يصيح انطيني كتله صوتك مريم نايمه

كال دا اكولج انطيني.. كتله بالاول اشوف بقى يجر بيه بقوه ويحاول ياخذه.. كتله والله ما انطيكياه..

ضربني راشدي كال دا اكولج جيبي.. بقت دموعي تجري.. كتله الا اشوف منو اللي تراسلها..

كال اذبحج.. كتله شمخبص حتى متريد تشوفني كال معليج.. كتله ما انطيكياه والله.. كال اطلكج والله

فتحت عيوني وصفنت بوجها.. كتله هلكد اني رخيصه عندك.. انطيته الجهاز ورحت للكنتور الم هدومي

كال وين.. كتله ما اريد ابقى يمك اروح لأمك اشوف تقبل بهذي تصرفاتك وعمايلك.. كال لا تتخبلين كعدي..

ما رديت عليه.. لبست اي شي ولفيت الحجاب.. واخذت مريم.. كال اكعدي.. صرخت.. ما اكعد ما اكعد..

ردت اطلع كال صعدي اني اوصلج.. صعدت وره ماكعدت يمه.. كال اشتغل عند الخلفوج تعاي كعدي يمي.. كتله تمشي لا والله اهج بهليله هاي وبعد متشوف وجهي

سكت وصعد.. ساق السياره ويباوعلي بالمرايا و يكولي مخبله لا تتخبلين خل نرجع.. كتله ارجع انته اني ما الي كعده وياك بعد

وصلنه البيت اهله.. دخلت امه جانت كاعده تصلي وتسبح.. من شافتنه كامت وكالت هلا يمه خير شبيكم متحلمين بيه

كتلها يوم ه̷̷َـَْـُذآ ابنج بعد ما اريد.. هوه صرخ.. كال هذا شنو بنت الكلب وراد يضربني.. لزمت ايده الحجيه.. كالته اوكف خل نفتهم شبيكم

حجه قبلي يكولها تعبت منها بعد ما اريدها.. كتله هااا فوكاها.. هيه كالتله انجب وسد حلكك شويه خل نفتهم

كالت تعاي بنيتي شبيج.. كتلها يوم والله تعبت منه ومن سوالفه بعد ما اريد اعيش وياه..

ضحكت كال اول مره اشوف وحده تطلع زعلانه من بيتها لبيت عيالها.. هوه غير بيتج ييمه وهذا بيت اهله

كتلها اني ما فد يوم حسبت ذاك بيتي لو هوه كاعد بيت اهلي ..ذاك بيتنه اثنينه وانتي امي واجيت يمج اشكيلج

كالت طيبه وبنت اصول احجي يمه شبيج.. كل ما احجي ويحيى يسبقني بالكلام وامه تسكته..

كتلها يوم 24 ساعه راسه بموبايله يا شغل يا موبايل واني ولا موجوده بحياته فقط بحاجته

اجيت اتشاقه وياه وسحبت الموبايل كال انطينياه كتله ما انطيه واضحك وياه.. جان هوه يضربني ويكولي اذا متنطينياه اطلكج

شنو اللي ضامه عليه بحيث يطلكني اهون عليه من اشوف شنو يسوي علموبايل

هوه كالها يمه والله ما عندي شي.. عمي هاج هذا الموبايل وشوفي.. انطانياه.. باوعت حاذف المحادثه..

كتله جذاب.. حاذفها.. اخر محادثه عندك الضهر.. وانته جنت تحجي قبل شوي

كال شمدريج ماسنجر.. كتله اني شفتك.. وسحبته دا اشوف اللي تحجي وياها..

امه كالت كافي افتهمت المشكله.. يحيى.. خلي براء و والبنيه اليوم هنا ترتاح وتهدء نفسيتهاا..

دارت وجهه عليه كالت يمه روحي اخذي بنيتج نوميها جوه بالغرفه.. كمت ووكفت والباب.. اسمعلهم

كالتله انته متبطل سوالفك شلون بيك شلعت كلبي.. هاي ثاني مره راح تهج من سوالفك.. كالها يمه ما عندي شي والله كالتله انجب ولك

انته مهددها بالطلاك لو شافت الحجي مالتك.. لعد شمخربط وهيج خايف.. يكلها يمه تعبت منها بارده تفتهمين شنو بارده

كالتله لا مو بارده بس انته تعودت على الك..اب والساقطات الشريفه بعد متناسبك وتكول عليها بارده..

شوي خف يمه على بنت العالم هلله هلله بيها يتيمه خاف الله .. علمها مو تنتقدها ..وحتى لو تعلمت مراح يعجبك

لان عينك اذت علموزينات والساقطات وحركاتهن اللي تلعب النفس ومرتك بنيه مؤدبه ومو يم هاي السوالف ..لازم تشكر ربك عليها

يكلها يمه لا اشكرها ولا تشكرني ما اريدها ومتحمل لخاطر البنيه.. كالته تنجب بنات العالم مو لعبه عندك..

تتزوجهن وتخونهن واطيح حظهن وبعدين اذا غارت وشكت منك كلت ما اريدها.. تعبت منك ولك تصير ادمي لا ارجع اربيك من جديد والله

براء فقيره ولو حجيت وياها لو اذيتها ما ارضى عليك ليوم الدين.. عافها وكام ضرب الباب وطلع

دخلت للغرفه.. نومت مريم ونمت يمها ودموعي تصب.. وينج يمه وين اروح لو انتي هنا اقبل اضل تحت رحمة واحد ميريدني ويخوني ويتكبر عليه

بقت دموعي تصب من اذيته اليه ووجعه لحد ما نمت… يتبع

البارت_18 والأخير

براء.. كعدت الصبح.. كلت العمتي صباح الخير.. كالت صباح النور هله ببنيتي تعاي تريكي وياي

كتلها بس اغسل وجهي واجي.. رحت غسلت لكيت مرت رائد كاعده.. كالت شكو شو بايته هنا اكو شي

الحجيه كالتلها ماكو شي.. يحيى.. خفر اليوم ابيت التاجر وجابها هنا تبات خاف عليها وحدها..

كالت هااا.. ابتسمت للحجيه ضحكت بوجهي.. كعدت اكلت.. انوب كعدت مريومه كعدت اوكلها..

فتحت جهازي لكيت يحيي مخابر عليه 13 مره واني موبايلي صامت.. عفته ما خابرت

فتحت نت.. ورحت شفت محادثاته.. مراسلته.. وهوه كايللها مرتي زعلت عليه.. كا

لتله ليش.. كلها تغار منج

ضحكتله.. وتكوله مدام هيج.. تعال الليله يمي.. جعفر مـℳOــو هنا.. تعرف بيه مسافر

كايللها لا يمعوده مالنه حيل طلايب.. انوب يشوفني الحارس ابو سلمان وتصير مصيبه..

تكله والله ميته عليك شلون كايللها افتحي كامره وحدي بالبيت.. كالتله يله.. وفاتحين كامره مدة الاتصال 43 دقيقه

اريد ابلع ريكي بلعومي اختنك بالوجع ما اكدر خنكتني العبره شسوي ياربي متت منه..

بقت تجري دموعي.. دخلت امه.. كالت ها شبيج.. كتلها يوم راح اكولج شي بس لتكوليله فدوه

كالت كولي كتلها اني فاتحه حسابه مال الفيسبوك بجهازي ودا اشوف محادثته ويه مرت التاجر

كالت يمه عزا ولج هذا شجاي يصخم.. كتلها عنده علاقه بيها والبارحه فاتح كامره وياه مدة 43 دقيقه.. لان اني مموجوده يمه

كتلها كوليلي شسوي يمه.. تعبت حيل ما ضل بيه.. كالت اصبري يمه كلنه شفنه هلضيم ابوه هم جان حلو والف وحده تركض وراه

وخلصها يلف ويه الساقطات لحد ما كبر وكام يدور الحلال والحرام وتاب..

كتلها و شلون اخلص عمري كله بالقهر واتاني شوكت يتوب.. كالتلي يمه اكسبي تره الرجال هم يحب المره الوكحه

ادلعي عليه خبليه.. خو انتي شابه وبنات هلوكت تعرفن كل هالسوالف.. كتلها يمه جربت لبستله مكيجتله ركصتله كولشي سويت وما اجه بعينه

كالت والله يايمه اصبري هوه يحبج والله.. كتلها يمه يا حب ديبعني كبالهن ويحجي عليه.. كالت لا تصدكين يريد يلعب عليهن شيكلهن اني موزين اكيد يكولهم مرتي هيج

اصبري عليه يمه ما الج غيره هوه ابو بيتج وعندج منه بنيه اتحملي علمودها.. شتسوين

براء.. سكتت وبقت بس دموعي تصب.. اجه الضهر اني كاعده كال يله كومي نروح للبيت رفعت وجهي بوجها شكد كارهته رغم حبي اله

شلت غراضي وسلمت وما حسست احد بيناتنه شي.. ورجعت للبيت.. دخلت ما حجيت وياه ولا هوه حجه

بدلت المريومه وكعدت العب بيها.. وهيه تضحك.. اجه اخذها وكام يلعب وياها.. كال شبيج تخبلتي والله احبج

كتله لخاطر الله اسكت ما حابه اسمع صوتك كال ليش هيج كارهتني شسويت.. كتله اسأل نفسك

اتقرب ديبوسني دفعته كتله وخررررر ما اريدك لعبت نفسي منك.. كال اي شمسوي دكوليلي غير تفهميني

لان ما شوفتج المحادثه ..شبيج جانت دردشه بيني وبين واحد صديقي ديفشر وما ردتج تقرين الفشار

اخذت نفس.. وباوعتله كتله احلف براس بنتك وكول ما كاعد اخونج.. سكت ..شو سكتت متكدر مووو

كال مو هيج بس شغلي.. قاطعته.. شغلي يطلب احجي وياهن هيج.. كولي انته تشتغل بياع ملابس لو كو…د

حجيت هيج.. ضربني راشدي.. كتله شكرا.. اطلع مني.. مو متحملتك اطلع.. ترك الطفله وراح.. بقيت ابجي بحركه.. من وجعه والم خيانته الي

مرت الايام وكمت حتى ما انام يمه.. افرش بالكاع وانام يم سرير مريم..

هوه كم مره حاول يجي يمي منعته.. من كد ما كرهته واني اشوف رسائله الزفتتتت مليت منه

ما اكدر الغي حسابه بموبايلي يقتلني الفضول اعرف شديسوي.. ونفس كل مره ينام بنفس الغرفه وياي ويراسلها

مليت صار كل تفكيري بيه وبخياناته احس صارت بيه حاله نفسي

قررت التهي بشغله اي شي المهم ما اخلص يومي بالتفكير بواحد مو اباله اصلا ومستحقرني ويخوني

جانت عندي جاره خوش بنيه بس ما عندي علاقه قويه بيها.. هيه واصله ودارسه وتشتغل كتلها شوفيلي شغله منا منا التهي بيها

كالت شمخلصه.. كتلها خامس اعدادي وتركت يعني جريجة متوسطه.. كالت اشوفلج صديقتي هنا فتحت روضه بلكت تشتغلين وياها

حتى اكو حظانه بيها تخلين بنتج.. كتلها اوك احجيلي وياها.. كالت انشالله اردلج خبر

راحت اسبوع ورجعتلي كالت حاجيتها عليج وكالت لخاطرج راح اوضفها.. مربية اطفال تعتنين بالاطفال الصغار بالحظانه

كتلها ٱפگـيہ.. كالت من الاحد تبدين.. كتلها انشالله.. احد واليوم جمعه يعني بعد يومين..

اجه هوه كتله راح اشتغل بالروضه.. كال شتشتغلين كتله مربيه.. كال وبنتج.. كتله ويايه..

كال عليمن شنو اني مقصر بمصرفج لو مصرف البيت.. شمحتاجه كولي اني انطيج لتشتغلين

كتله مو بحاجة فلوس اني العندي خير من الله وانما اريد اطلع من جوه الكأبه العايشه بيه..

كال كل النسوان مثلج كاعدات بالبيوت ما كالن اشتغل.. ممنوع.. كتله اني قررت ودا انطيك خبر.. مجاي اخذ رأيك..

دار وجهه عليه.. كال مو اذبحج والله لا تعامليني بهلاسلوب.. كتله شلون تريد اعاملك..

ها صدوك تريد اعاملك مثل متعاملني انته.. واخلص الليل دردشه ويه هذا وذاك علمود اطلع من كأبة البيت

راد يضرب لزمته كتله تره مو صعبه.. اجيب غيرك واخلي يسمعني الغزل والكلام اللي انته اتسمعه لغيري..

كال تسكتين لا اذبحج والله.. كتله انته اصلا شمدريك.. لو خنتك.. جهازي بصمه وبأيدي وانته 24 ساعه مو موجود اجيبه واتمتع وياه ابدالك

ضربني راشدي وراد يضرب الثاني لزمت ايده.. كتله هذا الكف رجعه النفسك.. لان اللي دا احجي حقيقتك مو حقيقتي..

اني مستحيل اسوي هلشي لان متربايه و اخاف الله.. بس شوف نفسك مجرد كلام خلاك تتخبل

شلون اني واعرف بيك طول الوقت تخوني وتروحلهن و