‏#الحوت #السرطان #الميزان #القوس
يبتعدون ويعودون من نفسهم لأسباب مزاجية يعني مو لازم تكون انت السبب
.
نصيحة لا تسألهم كل مرة عن سبب الإبتعاد

#اهات_الم_من_وجع_ادم

،،،،،،،،،،،بقلم الكاتبه زينب ماجد،،،،،،،،،،،

البارت_7 و 8 و 9 و 10

دزيت طلب لعلاء بسرعه وافق.. كال منو ..كتله اني براء

علاء.. هله براء هاي شوكت لحكتي تبدلين تتعشين اني هسـNOWــہہ دخلت البيت

براء.. لا بدلت وكعدت اتاني العشه وفتحت موبايل بس انته المتفاعل بسرعه وافقت علطلب وكلت منو ههههه

علاء.. ههههه اي مو دا احجي ويه اصدقائي بالكروب واجاني الاشعار طلب الصداقه لذلك ردت اعرف منو برائة طفله طلعتي انتي ههههه

بنت خالتج يمج ما حاجيتيها بالموضوع

براء.. بلي هسه كاعدين سوه وكالت ما اعرف افكر لان ممشتغله قبل بهيج شي

علاء.. وينها انطينياها احجي وياها

براء.. ميحتاج هسـNOWــہہ ادزلك حسابها وتفاهمو بينكم

علاء.. اهااااا ٱפگـيہ يله انتضرج.. دزتلي الحساب كبريائي كاتلهم.. والله مبينه من الاسم وكحه..

دزيتلها طلب انتضرت توافق.. ماكو عفتها ورحت تعشيت وسبحت وبدلت دا اطلع اخذت موبايلي شفتها موافقه ؏طلب

تراجعت وكعدت علتخم ودزيتلها هَــْـِْـْْـِلاّ.. دزتلي اهلا بيك تفضل

كتلها اني علاء صاحب الشغل ويه براء ..هيه مو سولفتلج علشغل

رشا.. اي سولفتلي بس ما اعرف ممشتغله بهيج من قبل

علاء.. ميحتاجلها شي بس سوي بيج واني اصورلج البضاعه ونزلي صورهم واسعارهم وسوي عليه دعايه للبيج بالكروبات مال البنات

ويصير الشغل.. تره مو متعب وانتي بمكانج شنو تبيعين تحصلين منه

رشا.. انشالله

علاء.. متعرفنا الاسم بالخير

رشا.. اسمي رشا

علاء.. عاشت الاسامي حـڵــُـn̤̈ï̤c̤̈ë̤ــٌـٌـۆۆ.. عاد انته حلوه مثل اسمج

رشا.. يكولون..

علاء.. يكولون يعني ما متأكده من نفسج

رشا.. مو قصة ما متأكده وانما من مدح نفسه ذمها

علاء.. حلو.. هههه.. شكد عمرج

رشا.. 20

علاء.. واني 27

رشا.. من الشعب انته لو من وين

علاء.. اي اي من الشعب

رشا.. هاا

علاء.. تعالي ويه براء للسوك مره خل نشوفج

رشا.. ماكدر

علاء.. مو شغل هيج ونسه اوكفي وياها بالمحل بدال كعدت البيت ممليتن من البيت كله كأبه

رشا.. اي والله مليت بس شنسوي.. انشالله افكر واذا قبلو الاهل اجي وياها

علاء.. تعرفين سوالفج تونس مبدل ورايد اطلع وعطلت على مودج

رشا.. ههههه لا يابه اطلع بعيدين تشمرها براسي وتكول ما طلعت من وراج

علاء.. ليش اللي راح اطلع واروحلهم قابل احسن منج

رشا.. وين انته حاليا

علاء.. ابيتي مو كتلج جنت ناوي اطلع وعلمودج بطلت

رشا.. بيتك..!!

علاء.. اي بيتي

رشا.. عايش وحدك

علاء.. لا ويه عائلتي

رشا.. انته متزوج

علاء.. يكولون

رشا.. يعني شنو

علاء.. بعني ممعتبرها مره فقط لاطفالي حته ما اتقربلها

رشا.. ليش

علاء.. وصخه ومرعبله والسانها صلف ووووو كومه مشاكل بيناتنا يوميه واصله للطلاق ونرجع علمود الجهال

رشا.. وهسه

علاء.. عايش حياتي وادورلي على مره من حقي رجال اريد الدلعني

علاء.. ومتزوج شمتاني

علاء.. الكه بنت الحلال التناسبني خو ما هم اختار حي الله وحده واتورط مثل الاولى

رشا.. الله يوفقك.. يله اخذ راحتك.. اروح اتعشى

علاء.. اراسلج بليل عادي..

رشا.. عادي براحتك.. رحت البراء اكولج هذا متزوج

براء.. عزا ما ادري عوفيه لعد لتتراسلين وياه هوايه

رشا.. لج لــNOـا خطيه مرته ممداريته ووصخه ومحلوه ولسانها صلف

براء.. ولج يا وصخه يجي للمحل الملابس والحذاء تلمع عله24 حبايه.. وحته سيارته ولا وصخايه بيها

رشا.. اي هوه خطيه ينضف نفسه.. نضيف ممعتمد عليها.. خطيه يشكي منها

براء.. لا خير بالرجال اليشكي من مرته لو هوه رجال حوك وبيه خير جان ستر عليها حتى لو رايد غيرها بس هذا تلكينه ملطلط

كل واحد متزوج ويريد يسوي علاقه يكول مرتي وصخه وممداريتني

رشا.. اي قابل يجذب

براء.. اي عادي قابل الجذب بفلوس ..يمعوده شعلينه بيه الله اعلم البيوت اسرار متنحزر عوفيه..

عفت رشا ورحت خابرت يحيى

يحيى.. هلا حبيبي شلونج

براء.. هلا حبيبي شنو بعدك كالبها

يحيى.. لا عشنو اكلبها انتي حره واني وما اكدر اجبرج على شي مترديه

براء..فديتك يعمري.. اكووول علاء صدوك متزوج

يحيى.. اي ليش السؤال

براء.. هيج حبيت اسئل ..زين صدوك مرته مو حلوه. وصخه ومرعبله

يحيى.. استغفر الله ليش هيج تحجين ..البنيه صدك سمينه بس حلوه وعيونها ملونه وبيضه ونازكه وحتى جهاله عليها يخبلون شكر

والاهم من هذا👉 ابوها تاجر هههه هيه اللي اشترتله البيت والمحل

براء.. اشرررد يعني البيت والمحل بأسمها

يحيى.. لا بأسم علاء همه ماخذين على حب وهيه تعشقه كلشي عدها تنطيهياه.. ابن المحظوظه بيت بالشعب صار بأسمه

براء.. هااا اي وين انته

يحيى.. بالكوفي كاعد دا اباوع برشلونه

براء.. ؏فكره اني مدريديه وما احب الكتلوني غير عشاني وشجع الريال

يحيى.. عيييع عيييع ولي بعد ما اريدج بابا برشلوني اني للنخاع.. وعدوي ريال مدريد

براء.. بس اني حبيبتك لازم تغير علمودي..

يحيى.. المرأة على دين زوجها يعني لازم تتبعين مو اني اتبعج ههههههه

براء.. يعني تطبيقا للاغنيه اللي تك

ول حبيبي برشلوني يموت ابرشلونه وانه مدريدي لكن اغير لعيونه هههه

يحيى.. عفيييييييه… هههههههه.. يله اكمل المبارة واخابرج ٱפگـيہ

براء.. ٱפگـيہ.. رحت حاجيت رشا هيج وهيج وتره علاء جذاب ومرته حلوه ونضيفه ومنطيته كولشي لتأمنين بيه

كالت انشالله.. والله اعرف متاخذ مدام شافته حلو لو متزوج 4 اطلك وحده منهن وتاخذه.. بنت خالتي واعرفها

مشت الايام واني اشتغل بالمحل ورشا تشتغل علبيج بالمراسله ويه علاء صارت بيناتهم علاقه حاولت امنع رشا منه تكول اريده حتى لو متزوج عادي الشرع حلل4

يحيى يحاول ويايه بالمحل من اسد المحل يجي يكعد يمي بس ابد ما انطيه مجال ولا حته بوسه قافلتها..

احس تلعب روحي من هلشغلات جنس وما جنس ما احبها وهوه مخبل بيها بس ابد ما انطيه مجال كم مره زعل ورجع صالحني

واني قافله كتله اذا تحبني تجيني من الباب واثبتلي حبك وصدقك.. مرت 3 اشهر على هلوضع الى ان اجه فد يوم كال خبري امج اليوم ادز امي ووعماتي عليج اخطبج

كتله صدوك ههههه وحظني وكال اي والله شسوي غير احبج واريد اثبتلج صدق نيتي

براء.. يحبيبي اموووت عليك.. طلبت استأذان من علاء وطلعت للبيت كلت لماما.. كالت يعرفج كتلها اي كدامنا محله

وخوش ولد وحلو ومرتب وبحي اور وامورهم زينه

كالت هاهيه خل يجون والله كريم.. دخلت بدلت وشسورت شعري ومكيجت وعطرت وكعدت

لشوي اجت ام يحيى واعماته ثنين.. امه فد انسانه خلوقه وفقيره عمته التحجي مو امه وامه تحجي وياي

كالت انتو تحبون بعض كتلها اي كالتلي الله يخليكم يمه واخيرا راح ازوجه بلكت يعقل تعبني بطيشه

كتلها بالعكس يحيى انسان عاقل ورزن وحباب ضحكت كالت من هسـNOWــہہ ادافعيله عمي هنياله عليج

يحيى.. مرت الايام واني احاول اتقرب لبراء ومتقبل كتلتني جبتها بكل الطرق ومفاد وياها تصيح حرام..

عرفت علتها الحرام.. كلت اعقد عليها واجيها من باب الحلال.. وخنشوف شلون ما تخضع.. اتخبل اخلي بنيه براسي وما اخذ اللي اريده

هاي تصعب عليه لا والله متصعب.. حاجيت امي كتلها اريد اخطب وحده ويايه تشتغل بمحل

امي فقيره ما حجت كالت اي يمه اللي تريده بس عماتي بقن يحجن بت سوك هاي شنو تاخذها وشتعرف عنها..

كتلهم علاقتي وياها قبل لا تشتغل بالسوك

كالن وان يكن مدام اشتغلت بالسوك يعني الساقطه والحرامي والسرسري كلهم مرو عليها.. كتلها بس اني اعرف براء خوش بنيه

امي كالتلي هاهيه يمه مدام تحبها اللي يسهل

راحن العصر واني طلعت للمحل يم علاء.. كال عود صدك نويت تتزوجها

يحيى.. لا يمعود يا اتزوجها بس اريد اخذها اتمتع وياها تعبت منين ما اجيها تكلي حرام

علاء.. يحيى بس واحد يحجي امانته.. براء خوش بنيه ورده واخلاقها حلوه.. اخذها واستر عليها

يحيى.. انهجم بيتك يبو الاخلاق ورشا شنو متستر عليها اشو مخلصها وياه كام

علاء.. رشا مو مثل براء.. رشا ترخص روحها افتح وياها كام لكن مطلع وجها لحد حلكها باقي اباوع لجسمها واتحصر

يحيى.. انته هم شفتها.. ما تواعدت وياها

علاء.. كم مره كتلها تعالي ويه براء متقبل واعدتها نطلع وهم مطلعت بس ولك موتني جسمها اللي يوميه اشوف اريدها بالحقيقه

لو اعرف اكلب الامه اجيبها اجيبها

يحيى.. ساقط ويستشرف براسي..

علاء.. اني ساقط ما كتلك شريف بس براء غير رشا هاي بايعه ومخلصه.. حته احجي وامارس وياها الجنس علموبايل وعادي عدها تبادلني بحجة اني حبيبها

انته براء لليوم تستحي وتخجل لو كتلها انطيني بوسه بلموبايل خو بالحقيقه قافله فد مره وانته ادرى مني بهلشي

حتى وصلتها لاهلك وراح تخطبها لان صعبت عليك حيل.. نصيحه مني مدام صعبه يعني شريفه فلا تكسرها واخذها مره تصونك

يحيى.. هههههي تحجي صدوك تصوني شنو.. رب الاخذت الرقم وطلعت وياي بدون علم اهلها وتصوني.. شبيك انته يابه الخانت اهلها وطلعت وياي متخوني وتطلع ويه غيري

دنحجي وخابرت امي كالت مبروك وافقو.. كتله ابشر تمت ..

علاء.. ههههه بالعافيه

يحيى.. يعافيك يوم الالك ههههه

علاء.. اي حته فاطمه تثرمني ومحمد ههههه تتخبل لو لزمت الجهاز وراسلت كمت اوديها لاهلها علمود افتح كام ويه رشا

يحيى.. طير خل اكلم الحب ..خابرت براء لك هَــْـِْـْْـِلاّ مرتي شلونج

براء.. يمه فديت ابو جهالي.. احبك احبك احبك. وممصدكه شوكت حنتزوج ونكون مع بعض

يحيى.. انشالله حبيبي عن قريب

براء.. وره خمس ايام حددو الخطبه رحت تحظرت وسحبت شعري كرياتين معالج وحفيت وجهي وحددت حاجبي علموديل طلع يكتل

دكيت وشم بركبتي يم اذني على شكل عصافير صغار طايره

وكمت اسوي مساج وجه وتبييض طلعت غير شكل اجه يوم الخطبه ورحت للصالون اخذت بدله فستقي

وشعري تسريحه ومنزيله على كتفي رجعت للبيت عمامي واقاربنه كلها ملتمه.. اجو اهل يحيى وسوينه الخطوبه

انوب عقدلنا الشيخ.. ما جان جايب نيشان كال بعدين نشتريه هسه شوي الامور واكفه عندي كتله حبيبي فداك مو مهم حلقه ذهب كافي ما اريد غيرها

كملنا الخطبه وراحو اهله وهوه بقى وياي صعدنه للغرفه كالو اخذو راحتكم تعارفو بيناتكم..

دخلنا

الغرفه قفل الباب ضحكت كتله ليش قفلتها.. كال علمود اخذ راحتي ويه حبيبتي..

كتله حسستني ليلة عرس مو خطبه تره بعدنا مجرد عقد مو مرتك

يحيى.. هاي شلج بيها والله الاريده اخذه غصب عنج.. كتيلي بالحلال وهاي كولشي صار حلال

براء.. اسمحلك تبوسني وشغلات بسيطه مو تتقربلي ممنوع قبل يوم العرس

يحيى.. لج هوه اليشوف هلجمال اللي يخبل يتحمل هجمت عليها ابوسها قوي وحاولت انزعها الفستان مقبلت بقت توخر بيه

براء.. هجم عليه تكول خبل ملخ وجهي بلحيته وابد محاس على روحه.. ما حبيت هلشي ابد اوخر منه وماكو يدفع بيه للحايط ورايح بغير عالم

اخر شي مد ايده علسحاب مال الفستان كمزت كتله لهنا كافي لتتماده الله يخليك..

يحيى.. شبيج اعرف ما اتقربلج بس هيج اشوفج..

براء.. لا يحيى عفيه من تشوف تريد اكثر وتتمادى

يحيى.. هاهيه براحتج حياتي.. زين تعالي بس ابوسج

براء.. يحيى دتأذيني

يحيى.. ولج من البوسه تتأذين لعد شلون حتتزوجين شلون حتخلفين

براء.. مو قصة وجع بس شفايفي صارت كلها دم ولحيتك تكول شوك تبزز ملخت وجهي

يحيى.. باعيلي.. باوعت صدك خدها صاير دم من لحيتي.. كتلها والله صدوك اسف حبيبتي من باجر ازينها..

براء.. لااااااا ممنوع تزينها احلى شي بيك كول خف نفسك شوي وانتبه على روحك بالبوسه تره حلاتها بالرقه مو بالهجوم..

يحيى.. ههههه انشالله انخفف الهجوم نصير لاعب وسط ههههههه.. يتبع

البارت_8

براء.. كاعده ويه يحيى واحس الفستان كص جسمي كتله راح اروح شويه وارجع ٱפگـيہ

يحيى.. وين ..شفتها كامت اخذت ملابس كتلها تردين تبدلين.. كالت اي كتلها ومتبدلين يمي..

براء.. اكلك هيوو قبل 4 ساعات جنت رجال غريب هسه انزع كدام يمه لو اموووت استحي ما اكدر

يحيى.. دروحي روحي يليابسه كولشي ما احصل منج غير بس الاستحي 🙌

براء.. هههههه تلحك وليدي تلحك😝 ههههه

يحيى.. راحت هيه تبدل جريت موبايلها افتش بيه.. عدها صديقات هوايه بس ماكو ولد هم زين.. فتشت الواتساب

باوعت برسائلها ويه صديقاتها كلها فشار وغلط وضحك.. وتكول استحي وتستشرف براسي

وهوه اليقره رسائلها ويه صديقاتها يستحي من نفسه

ولك خاف هاي ادور بنات لذلك تلعب روحها مني وما تتفاعل وتذوب وياي.. خب يحيى شهلتفكير المقفر جان ما حبتك ولا رادت تتزوجك

دا افكر دخلت وشافت الموبايل بأيدي.. ابتسمت راحت للخانه ضمت فستانها واجت يمي

كتلها اكووول انتي تحبين البنات

براء.. اي لعد ليش غير اني منهن

يحيى.. لا يعني من تباوعين لبنيه شلون

براء.. بتك عين.. شبيك يحيى شنو الموضوع غير اباوعلها بعيوني لعد شلون

يحيى.. لا هيج هيج تفكير زبايل

براء.. ههههه اكول صدوك اللي يريد يدلعك شيصيحلك

يحيى.. شمدريني بكيفج هههه

براء.. مو دا افكر شأدلعك هههه يعني اهلك شنو يدلعوك

يحيى.. ابو صماخ ااااا هذا لقبي بس مو دلع هههههه ما اعرف شتردين ادلعيني بكيفج يويو حاحا

براء.. لك ابو صماخ محد مدلعك قبل

يحيى.. شمدريني كلها تصيحلي يحيى

براء.. يعني اخليك على اسمك احسن مـℳOــو

يحيى.. يكون افضل.. وانتي شيدعلوج

براء.. يصيحولي برو او بروش هيج صديقاتي يكلولي

يحيى.. اسكتي شفت صديقاتج شيصيحلج.. خليني ساكت

براء.. وين شفتهم

يحيى.. جريت الموبايل وشوفتها الرسائل

براء.. لااااااا يحيى والله عيب احنه بيناتنا نحجي هيج لييييش ووووو والله عيب يربي

يحيى.. ليش تفشرين ويه صديقاتج لا انوب كل وحده مسمياتها اسم.. قريت المحادثه شوي.. خجلت من روحي

واني مخلصتها ويايه استحي واستحي..

براء.. ههههه شبيك غير بيناتنه هسه انته وجماعتك متفشر

يحيى.. اني بكل وكت افشر ماخذ مطلق الحريه بس انتن غير بنات عيب

براء.. كلمن واله اصدقاءه واني بس ويه ذني صديقاتي من الطفوله واني حيل احبهن وارتاح وياهن وهنه يحبن يحجن هيج للضحك

يحيى.. اي عيني بنات بيوت بس كيوت 😒

براء.. خررررب حتى اسم الكروب شايفه ما خابرتهن بطريقك عرفت وين ساكنات شياكلن شيشربن

يحيى.. ما لحكت اجيتي انتي وسديته 😪

براء.. ههههههه خليت راسي على كتفه وجريت ايده وبوستها بحرحارة كفه احببببببببك

يحيى.. هههه شلت ايدي وكعدتها بحظني.. كتلها اموت عليج.. جان يندك الباب كعدنا عدل كامت هيه فتحت الباب

جان تدخل امها جايبه عشا.. خرررب الا بالحضه الحلوه تجي.. عود ردت استفاد.. خلت كدامي صينيه مخليه كباب وفنكر وزلاطه وطرشي ومقبلات

وكالت خاله اعذرنه عن التقصير هذا اول يوم الك عدنه مو هذا اكلك

كتلها خاله بالعكس ماكو تقصير.. شفتها اشرت لبراء.. طلعت براء يمها بالباب اسمعها تكولها

دشادشتج لاطشه على جسمج حيل وصدرج طالع استري روحج ميصير هيج كدامه من هسه غيري ملابسج.. دنيا شتا شكو لابسه فانيله

كالتلها هسـNOWــہہ البس جاكيت.. دخلت كتلها ها ترزلتي.. ضحكت كتلها معليج تعالي يمي لتلبسين الجاكيت

براء.. لا خل البس اصلا كولش بردانه..

يحيى.. اي غير تكوليلي اني ادفيج يا عمري

براء.. لبست الجاكيت وكعدت وكتله خو انته متضيعلك فرصه.. اخذت الك

مه وخليتها بحلكه.. ضحك وهوه ياكل اباوع عليه يربي شحلاته كلما اباوعله اعطش

تسحن روحي من كد حلاته العيون شهل والوجه ابيض والشعر واللحيه اشكر.. اووف ربي ليش هيج حظي عطبت شعري وجعمرت وجهي

باوعلي كال شبيج شو صافنه بوجهي.. كتله زوجي و حلو ودا اباوعلك عندك اعتراض

يحيى.. بستها من شفافها وهيه تحجي وخرت كالت هاي شبيك انته.. كتلها مرتي وحلوه وكيفي

براء.. انته خبل اكو احد كايلكياه من قبل

يحيى.. هههه لــNOـا.. جريتها من شعرها وبستها بخدها

براء.. ههههه حبيبي.. يله كمل عشا.. كملنا اكل ونزل غسل وبعدها راح

رجعت الغرفتي اباوع لمكانه يمه يمه شكد احبه.. الله يحفظه اليه من كل شر

من بعد الخطوبه بـ 3 ايام رجعت للشغل كام يحيى يجيني للمحل هوايه خاصه وقت الاستراحه

يطلع روحي بحركاته ويطلب شغلات تلعب النفس اصلا حته بين الرجال ومرته حرام يسووها واتأذه هوايه وامنعه وميقبل

ويزعل ايام وارجع اصالحه وهم يرجع يطلب مليت من طلباته.. كتله خل نزوج يكول بعدني دا رلم بروحي..

لازم اصبغ الغرفه واشتري الاخشاب وذهب ونيشان ومصاريف العرس يحتاج هواي

كتله اي لعد اقتصد كوفي يوميه 12 الف موبايلات يوميه شكل باقات الانترنت اتجر شلون حنتزوج

احجي وياه هيج يتضايق ويكولي من هسه تحاسبيني كتله اي لعد شلون تطلب مني شغلات صعبه ومن اكولك زواج تتهرب

فد مره جنت واكفه بالمحل اجه زبون شكله مو راحه.. اشر علي روب نوم كال شكد سعره.. كتله 30 الف

كال مريح بالبس كتله أيٌـ.YESـہٌَ طبعا قماشه اصلي وماركه ميضايق كال مجربته.. سكتت

كال بنفسي اشوفه عليج.. كتله انجب واطلع بره..
حجيت هيج تقرب كال واذا ما اطلع شتسوين تلمين اهل السوك عليه

ما احس الا يحيى ضربه عله ركبته دار وجها ضربه بوكس وبلكاع كتله يحيى عوفه يحيى.. بقيت اجر بيحيى

اثناء ما جريت يحيى الولد هجم على يحيى ووكع بوكسات بقيت اصيح اجر اريد اوخره من فوك يحيى ميتوخر اخر شي

برجلي بالكعب دفرته بضهره كطعت نفسه دار وجهه عليه لزمه يحيى ودخل علاء عليهم يفاكك ويضرب بالولد

لزموه سحلوه سحل بره التم اهل السوك كلهم عليه.. استغفر الله هسه شيخلصني دخلت وكعدت علكرسي والعركه بره واطكطك بأصابيعي

دخل يحيى يصيح ويعيط عليه.. انتي انطيتيه مجال وهيج وهيج منج ويغلط بقيت ساكته وابجي.. اجه علاء كال شنو السالفه

كتله والله ما سويت شي بقى يحجي الولد وتمادى غلطت عليه واجه يحيى ضربه.. كال هاي يله مصار شي

كتله لــNOـا بعد ما اريد علاء اريد ابطل كال شبيج ليش.. معليج ابقي ماكو شي.. يحيى كاله لا تبطل احسن

كام بحركه جر ايدي وطلع يمشي حيل بالسوك والناس تباوع عليه.. واصيح بيه وميسمع دخلني للبيت

كال بعد ممنوع توصلين السوك مفهوم.. كتله ماشي.. بس اهدء.. حبيبي.. اخذ نفس وكال اغار عليج تعرفين شنو اغار اتخبل..

كتله ماشي حبيبي ماشي بس ارتاح لزمته من وجهه طلعت ماما للطرمه كالت شكو.. كتلها لــNOـا هيج ضايج

كالتله تفضل خاله كالها لا ما اكدر خاله عندي شغل.. طلع ورجعت للبيت كالت ماما شكو شصاير

كتلها اجه ولد يتحارش بيه بالمحل وتعارك وياه يحيى وكال بعد ماكو شغل كالت حللل يوميه اكلج بطلي متردين بس من يكول يحيى تنفذين وتأمر وبس اهدء.. مو مال احترام

كتلها انوب انتي عليه خرررب وين اروح امووت.. صرخت وصعدت.. بدلت ونمت

ثاني يوم كعدت لكيت امي مبدله هيه وخالتي كتلها وين كالت رايحين زياره نبات وباجر نرجع.. كتلها ومنو حيبقى

رشا وعد بيت عمها.. كالت خالج محسن هنا.. كتلها يمه بربج تعوفيني وحدي وياه.. كالت وش عليج بس اليوم وباجر نجي

طلعو دخلت للمطبخ دا اسوي غدا مدري ريوك الساعه وحده هههه هوه غدا هوه ريوك.. واكفه علطباخ وجان يجي محسن

كال شلونها الحلوه باوعتله كتله هلو ..كال شدسووين كتله اجبان وبيض اريد اكل كال اكل وياج

كتله ماشي خليت الاكل علميز.. وجبت الجاي خليته والكلاصات واني امشي وهوه يباوع لجسمي

اباوع النفسي لابسه تراك شتوي ومستور عشنو يباوع.. كعدت اكلت وهوه يباوع لحلكي شلون اكل كتله اكو شي

كال هنياله الياخذج.. كتله شكرا.. عرفته شنو يريد صعدت بغرفتي قفلت الباب خابرت يحيى كال هسه رجعت من المحل تعبان

كتله مو ماما وخاله راحو زياره وبس محسن بالبيت تخبل كال شنو وحدج وياه كتله أيٌـ.YESـہٌَ دنحجي وندكت الباب

بعدت الجهاز من اذني وصحت منو كال اني كومي سويلي جاي من ايدج.. سمعه يحيى كال لتفتحين ولطلعين دقايق واني يمج..كتله ماشي

اني مسولفتله ليحيى على محسن وسوالفه ويحذرني من الختلاط وياه دائما

مرت ربع ساعه اندكت الباب.. نزلت لكيته محسن فاتح الباب ليحيى.. تقدمت ركضت وحظنته كدام محسن

وهذا يباوع بطرف عينه.. كعدنه بالصاله كال تعالي نكعد بغرفتج اريح كتله ماشي.. دخلنه للغرفه

جنت مطفيه الضوه ومنزله البردات لما دخلنه شلغلت الضوه طفاه يحيى كتله ليش

كال تعبان اريد ارتاح.. تمدد علسرير كال تعالي.. تقربت يمه فتح ايده وتمددت يمه خليت راسي على ايده

يحيى.. تحبين

ي

براء. اووو سؤال صعب

يحيى.. ليش يحتاجله تفكير

براء.. لــNOـا مو قصة تفكير وانما صعب اجمع كل حبي الك بكلمة اي لان اني اعشقك ومن دونك امووت

يحيى.. يعني لو فد يوم متت واحتاجيت روحج اعيش بيها.. تنطينياها

براء.. اسم الله عليك من الشر حياتي عمري قبل عمرك طبعا انطيكياها شلون اعيش بروح وانته ماكو

يحيى.. تقربت بست راسها ورجعت باوعت لعيونها كتلها احبج وبوستها.. مثل كل عاده تجمد بأيدي من ابوسها

بس اني بقيت ابوس بيها وهيه تحاول تدفعني بخفه.. بعدين لزمت اديها ثنينها واستمريت ابوسها

حاولت انزعها ما قبلت كتلها بعدج متأمنين بيه

براء.. مو قصة ائمن بس حبيبي عذريتي انطيكياها بليلة عرسنه احسن ما اكدر اعذرني

يحيى.. بس اني زوجج وهذا شي من حقي مو جنتي خابصتني حرام تتقربلي وحرام تتقربلي هسه صرتي مرتي حرام عليج انتي تمنعيني

براء.. حبيبي من اصير ابيتك حقك عليه اذا ما انطيتك بس ما اكدر هسه بقى يبوس بركبتي يحيى يحيى خلااااااص كافي حبيبي

يحيى.. زواجنا بعد شهر شنو يفرق لو اخذت حاجتي هسـNOWــہہ احجي وياها واني ابوسها

براء.. مو اكيد بعد شهر وبعدين هشغله متصير الا بليلة العرس يحيى خلااااص يحيى دتأذيني اوووو

حاولت ادفع صار انسان ثاني نزع الجاكيت مالته والقميص خفت جريت روحي و كدرت اوخر من جواه وكعت بالكاع

لزمني كتله يحيى ابعد لخاطر الله كافي ما اريد.. كال الصمي انتي مرتي وهذا الشي حقي مغاضب الله حتى تمنعيني

كتله مو هنا وووووخر عود من اصير ابيتك ما امنعك يحيى الله عليك وخر ..جردني من ملابسي كمت اضرب بيه ميفيد وياه

خفت اصرخ ويسمعني محسن.. بقيت جواه مثل عصفور ابين ادين ذيب افترسني بوحشيه ما احس بأي مشاعر غير الالم

متت وهوه مو بحالي لحد ما اخذ عذريتي.. بقيت ابجي بحركه.. هوه نام على جنب اول بدايه من شافني ابجي بحركه

اتقرب يتأسف مني كتله شيفيييييد اسفك بعد شيفيد وخررررر.. يتبع

البارت_9

يحيى.. حبيبي لا تخافين والله اللي سوينها لا عيب ولا حرام انتي مرتي واذا على الزواج اكدر استعجل بأجرائاته بس لتبجين

براء.. يحيى ليش مو اني احبك ليش هيج سويت

يحيى.. اشش اششش كافي تعالي.. جريتها لحظني نومتها وبقيت.. ادك على راسها وهيه تبجي لحد ما غفت

اخذت ملابسي لبستهن وطلعت..

براء.. كعدت لكيته ماكو ولكيت فراشي كله دم.. كمت من الفراش واني ابجي..

لبست ملابسي ورحت للحمام كعدت بجيت بجيت لحد متعبت وطلعت.. نضفت السرير وغيرت الشراشف

ورجعت ابجي بفراشي.. اجه محسن كال تعالي سوي عشا.. كتله رووووووووح عوفني ما اريد ذاك الشارع وروح اكل

بقيت افكر ربي بس كون يستعجل بالزواج شلون لو حاول يعوفني لا لا اعرفه يحبني ميتركني ..دا ابجي وخابر

رفعت الخط صوته بيه ضحكه لما كال الو.. كتله هلو يحيى

يحيى.. هاي شبيج بعدج تبجين..

براء.. انته وين..

يحيى.. اني بالكوفي دا اشوف اللعبه

براء.. عادي ولا هامك اللي صار

يحيى.. هاي شبيج حياتي هوه شنو اللي صار ..بالعكس المفروض تفرحين انتي هسه عروستي ومرتي حلالي

براء.. خايفه

يحيى.. ماكو شي يستدعي الخوف حبيبي

براء.. يحيى احلف متعوفني

يحيى.. يابه والله ما اعوفج شبيج.. وبس اخلص المباراة اجي يمج ابات بعد

براء.. صعب خاف ماما متقبل

يحيى.. لتخافين متحجي اكولها للساعه 2 وبراء وحدها بالبيت وهذا سكير مطفي ما يدري بسالفه

براء.. ماشي..

يحيى.. نامي من اكمل اجي يله باي.. كملت اللعبه ورحت لبيتهم.. دكيت الباب.. جان يطلع محسن كال ممنوع تجيها هسه

كتله توخر لا بوكس اخرب معاني وجهك.. تريد تنفرد بيها ناقص.. عبالك ما اعرف سوالفك..

وخر غاد خل افوت لزمني لزمته من قميصه كتله اني زوجها لبراء وانته كاعد ابيت زوجتي ياريت تحترم نفسك لتخلي خبالي يعلك وياك

دفعته وكع وره مبين سكران.. صعدت فوك للغرفه مال براء.. فتحتها قافله الباب.. دكيته..

فتحت الباب وكمزت لحضني.. اخذتها لاحظاني.. باوعت لوجها.. كتلها يابه يابه يابه ليش كلها البجي

نزعت الجاكيت مالتي شمرته وجريتها كتلها شبيج متأذايه

براء.. لا بس خايفه من اللي صار..

يحيى.. ماكو داع للخوف ومددت وكتلها اشو تعالي لحضني.. جريتها وخليتها على ايدي.. وشبكتها بثنين اديه لحد ما نامت واني هم غفيت

براء.. كعدت الصبح فتحت عيني هوه نايم بقيت سارحه بملامحه وهوه نايم اووف شكد احبه تقربت بسته بخده

ما حس هههه مديت ايدي العب بحواجبه هم ما حس ههههه نومه ثكيل.. كمت من عنده.. اخذت موبايلي وخابرت ماما شوكت تجي

كالت نجي الضهر انشالله نوصل.. كتلها انشالله.. سديت الموبايل وبقيت اباوعله .. فجأه دك موبايله فز

باوع لموبايله وهوه عاقد حواجبه.. انوب كعد على حيله فرك وجهه وباوعلي كال صباح الخير

ابتسمت.. كتله صباح الانوار.. كتله جوعان اسويلك اكل

يحيى.. لالا الساعه تسعه لازم اروح للمحل ..جر الجاكيت مالته وكام.. كتله يحيى مو تعوفني ..كال انشالله اخابرج من اوصل باي

طلع.. نزلت وراه بوسني بخدودي وراح.. سديت الباب.. سويت ج

اي وطلعت جبن سويت لفه صبيت الجاي وصعدت اكلت فوك

لشوي طبت رشا كالت ولج الحكيني كتلها شكو..

…… .

رشا.. من كمت اشتغل ويه علاء.. صارت بيناتنا مراسلات وحجي وغراميات.. صح متزوج بس دوم يشكي من مرته

لا تعتني بيه لا لا تنطي حاجته لا ملبيه طلباته.. وحبينه بعض كتله تتزوجني كال اي اتزوجج بس اكمل الغرفه الفوك واتقدملج

كتله ماشي.. جنت افتح وياه كام بس ما اطلع وجهي

شكد يلح عليه اطلع وجهي بس ابد ما اطلعه.. لحد ما فد مره زعل كال شنو متثقين بيه لا توديلي صورتج لا تخليني اشوفج

مو حاله هاي كتله انشالله نتشاوف بس مو هسه بقى يلح الا افتح كاميرا وياه واطلع وجهي نحجي وجه لوجه

كتله ماشي بس هلمره كال ٱפگـيہ وعد ..فتح الكام وطلعت وجهي

علاء.. لك كل هلجمال وضامته عليه مـℳOــو حرام

رشا.. اشدعوه يمعود جمالي عادي

علاء.. اباوعها حلوه وبيضه وحواجبها مرفوعات وخدودها مقسمه احجي وياها وخذيتلها سكرين شوت تقريبا 4 صور

وهيه لابسه تيشيرت وردي وتقسيم صدرها طالع والركبه بيضه وناعمه اوووف لو بس تحظه بيدي الا اكلها وادميها

لشوي نزلت الكامرا من وجها كتلها هاي ليش كالت كافي مشبعت كتلها هسـNOWــہہ اني شفت شفت خل اتمتع بشوفة وجهج

قنعت وكمنا نحجي كامرا كمت احجي وياها غزل ولحيت بيه ونزلت بالكلام المباح وهيه تضحك

كتلها اوووف شوكت اتزوجج وتصيرين الي الا اكطعج كالت صدوك كتلها اي وربي بس اريد اشوفج مره

مو معقوله اتزوجج واني شايفج بس مكالمات ميصير هيج.. وان كنا نعرف بعض بس الحقيقه غير نتعرف اكثر

كالت ما اكدر والله.. لحيت عليها ما قبلت.. اخر شي دزيتلها صورتها وهيه لما فاتحه كام..

كتلها يا تجين اشوفج يا هذي الصوره انزلها بكروب اباحه علفيسبوك وانشر حسابج وياها والله بربع ساعه تنشهرين للستار

رشا.. علاء ليش هيج تسوي مو ثقيت بيك لان احبك وفتحت وياك كامرا وجه ليش تتصرف هيج حرام عليك

علاء.. مو حرام لان اني احبج واريدج وانتي ما تفهميني كتلج اريد اشوفج.. وجبرتيني استخدم هلاسلوب حتى اشوفج

رشا.. علاء اعرفك متسويها انته حباب وتحبني اكيد مراح تسويها

علاء.. اي احبج بس اذا ما اجيتي وخليتيني اشوفج اسويها وماكو شي يمنعني

رشا.. وين اشوفك انته خبل

علاء.. البيتي تعاي.. مرتي مو هنا وفارغ منا ليومين اذا ما اجيتي اعتبري صورج مشتهره

رشا.. سديته وبقيت ابجي يالله شسوي اروحله لا انوب ينام وياي ويكسرني اسكت اخاف اشتهر وانكتل شسوي ربي

جنت بايته بيومها عد عمامي نمت الليل كوه صار الصبح رحت لبيتنا صعدت لكيت براء فاتحه تلفزيون وكاعده تشرب جاي

كتلها لج براء الحكيلي فدوه

براء.. شكو ولج احجي خوفتيني

رشا.. علاء اخذ الي صور وهسه يهددني بيهن اذا ما رحت لبيته ينشر صوري بكروب اباحي ويشهرني

براء.. لحضه لحضه فهميني السالفه من الاول ومنيله علاء صورج الاعرفه ما تنطين صورج

رشا.. سولفت لبراء على كولشي وكتلها شلوووون فهميني شسوي

براء.. عزا بعينج رشا عزا بعينج رشا انفضحنه خرب بيج خرب بيج واضرب بيها وكمت ابجي وياها

رشا.. هسه شلون اروحله واتوسله يمسح الصور

براء.. لــNOـا مستحيل ترحيله ممكن يعتدي عليج وتصير الشغله بأضعاف

خل نحجي لاهلنه صح غلطتي وغلطه جبيره بس لازم ادفعين ثمنها وهمه اهلج مراح يقسون عليج هواي

كلش كلش يضربوج ويمنعوج من الطلعه ومن النت ويأدبوج بس مراح ينطون بيج

رشا.. لا لا براء شبيج والله يذبحوني اكلهم فاتحه كامرا ويه ولد يمه ما رايده روحي ميرحموني والله

براء.. رشا لتصيرين غبيه مراح يذبحوج راح يضربوج يقسون عليج يوم يومين شهر شهرين تنسي وتنقفل السالفه بس ادا رحتي تصير اكبر

رشا.. لا لا ما اكدر ما اكدر براء اخاف والله

براء.. ولج فتحي عقلج وفكرين زين تخافين من اهلج ومتخافين من ه̷̷َـَْـُذآ الذيب حرام والله ميرحمج

ويبقى يستغلج اكثر واكثر لحد ميوكعج..

رشا.. ما ادري ما ادري ..عفت براء ورحت نمت والخوف ماكلني يربي شسوي

مستحيل اكول لاهلي غير يموتوني صعب اكولهم اني فاتحه كامرا ويه ولد محد راح يرحمني

بقيت افكر اجت امي وخالتي من الزياره انطوني كعك كتلهم ما اريد ورجعت نايمه بفراشي وابجي

براء.. خابرت علاء كتله علاء فدوه اعتبرها طلب اخوي و استر عليها وامسح الصور

علاء.. يا صور ما عندي صور لرشا

براء.. الي اخذتهن الها.. سكرين شوت

علاء.. غلطانه براء رشا مسويه فلم عليه ما مسوي هيج شي وغلاتج

براء.. علاء لا تنكر حرام عليك هذي بنيه اعرض العالم حرمه لا تهتكها

علاء.. براء اني احترمج بس لطوخيها كتلج ممسوي هيج هاي تتبله عليه..

سديته من براء دزيت رساله لرشا والله منا لباجر اذا ما اجيتيني والله صورج انزلها

رشا.. فتحت الموبايل وشفت رسائله متت خوف.. كتله ماشي اذا اجيت تمسحهن كال اي كتله الساعه 1 بليل راح اطلع علشارع واخذني مناك

كال ماشي.. خليت براء تنام.. لبست وطلعت بتخفي كلهم نايمين ركضت للشارع جان واكف بسيارته

صعدت وياه ضحك وباسني بخدي كتله علاء تمسحها كال اي والله ا

مسحها لتخافين.. كتله لازم قبل الخمسه الصبح ارجع للبيت كال بعيني

مشينا وداني لبيته

دخلت بيت حلو مرتب اثاثه فخم وانيق.. كال تعالي ادخلي للغرفه.. كتله علاء لتسوي شي كال مثل شنو كتله لتتقربلي

كال لعد المن جايبج اباوع عليج.. وهجم عليه حاولت ادافع اوخر بيه ولا كدرتله شكك ملابسي عليه واغتصبني

وكعت بالكاع ابجي.. كال اششش اششش روحي اسبحي بسرعه خل اوديج.. كتله الله لا ينطيك الله يطلع حوبتي بيك

كال شبيج احجي عدل لا تخليني اضربج كومي امشي اسبحي باعي الدم مالتج دمرج.. رحت دخلت الحمام

قفلت الباب وكمت ابجي جوه المي ما تأخرت لازم ارجع لبيت اهلي..

انطاني ملابس من مرته كبار عليه حيل مرته سمينه مع هذا لبستهن وسترت نفسي.. كتله مسحت الصور كال اي والله مسحتهن

ورجعني لبيت اهلي الساعه 4 ونص بليل دخلت على تخفي محد موجود كلها نايمه دخلت الغرفه براء نايمه

اخذت ملابس من خانتي ورحت بدلت وشمرت الهدوم مال مرته من السطح على جيرانه..

ودخلت للغرفه ابدل بقيت ابجي والوجع كاتلني من لما اخذ عذريتي احس عندي الم فضيع بس ما اكدر احجي

كعدت براء على صوت البجي مالتي كالت لتخافين كولي لاهلج عليه والله يأدبوه ويسووها وياه عشائري

لو انتشرت الصوره يهدرون دمه والله بعدها ميكدرون يسوون شي.. سمعتها كالت هيج كمت ابجي اكثر بعد ميفيد الحجي

اللي راده اخذه ما اكدر اسوي شي بقيت ابجي وما كتلها ..وهيه تواسي بيه واني ابجي بحضنها..

مرت يومين خابر علاء كال تعاليلي للمحل اشتاقيتلج كتله علاء تزوجني الله عليك كال اي دتعاي وبعدين الله كريم

كتله ما اكدر كال مو اذيج اذا ما اجيتي كتله شتسوي اكثر حطمتني بعد ما عندك شي تطمع بيه عذريتي واخذتها

دزلي صور واني عريانه اسبح بالحمام مال بيته تخبلت.. ووجهي مبين بيها خابرته اتوسله يمسحهن

كال تجين امسحهن كتله وعدتني بالمره الفاتت واخذتلي الاضرب منهن كال تجين غصبا عليج والاكوله يتنفذ الا والله صورج انشرها بكل مكان

بقيت ابجي وادك على راسي اجت براء كالت شكو انطيتها المحادثه شافتها

براء.. شفتها احس كلبي وكف كتلها شوكت رحتيله وشلون سبحتي ابيته الله لا ينطيج رشا انفضحنا انفضحنا

بقيت مخليه ايدي على حلكي وابجي وهيه تبجي ..نبجي بسكوت لا واحد يسمعنا ويصعد يارب انقذنه شنسوي

ياربي استرنا بجاهك ربي اوووف منج رشا اشتهرنا وتخزينا.. كالت اروحله ضربتها راشدي كتلها

اياج وبالج ترحيله بعد مدام لزم عليج راح يسويج عاهره عنده كل مره يهددج علمود تجين وياخذ اللي يريده

كالت شلون كتلها ما اعرف خليها يم الله.. بقى يهددها يهددها على طوال 5 ايام الى ان. دز صورها وهوه منزلها بكروب اباحي والكل معلقه وشايفه المنشور

بقيت اني وياها نصرخ ونلطم يمه شنسوي ..مرت علينه الليله سوده لا نمنه ولا هدت عيونه من البجي وما نكدر نحجي

للفجر يله غفينا ما احس الا واحد من عمامها دفر الباب مال غرفتنا وبصوت مرعب يصيح رشاااااا.. وجرها من السرير للكاع سحل من شعرها..

فزعت عليها خليت روح بروح وياها واجر بيها وهيه تصيح براااااء لا تعوفينييييييييييي الله عليج ابجي بحركه واجر بيها وهوه يجر الى ان دفرني برجله واخذها.. يتبع

البارت_10

من شفت عمها سحلها من شعرها.. ‏ فزعت عليها خليت روح بروح وياها واجر بيها وهيه تصيح براااااء لا تعوفينييييييييييي الله عليج برااااااء وتمدلي بأيدها

ابجي بحركه واجر بيها وهوه يجر الى ان دفرني برجله واخذها چلبت برجليه وكتله عمو الله يخليك عوووووفها الله يخليكممممممم وكمت اصرخ بصوت عالي وهم دفرني

جرها من الدرج سحل من شعرها لزمتها امها تجر بيها وتبجي وامي لازمه بيد عمها واني اجر برشا ونبجي ونتصارخ

انوب اجه محسن دفعنا وكال هاي لازم نكتلها ونغسل عارنا.. فقدت كمت الله لا ينطيكمممممم الله لا يوفقكم عووووووفوها حرام عليكم والله

اخذوها بالسياره ومشو وبقينه اني وامي وخالتي نتصارخ وامي تكلي احجيلي شكو كتلها هيج وهيج بقت تضرب بيه

وتكول الله لا ينطيجن هجمتن بيوتنا لا يوفقجن تلعبن من ورانا شلون ما كلتي.. هيه خافت وما كالت انتي ليييييش ما حجيتي

براء.. ماما هيه امنت سرها يمي وخفت افضح بيها والله

الام.. وهسه البنيه راح يكتلوها لو فاضحتها كدامنا مو احسن ما تنفضح كدام العالم وكامت تضرب بيه وتصرخ

وكعت تخربطت كمت عليها اضربها من خدها ماكو شمرت عليها مي كعدت وتشكي من كلبها ركضت جبتلها الدوه وشربتها

كعدن هيه وخالتي تكابلن ويبجن ويلومن على نفسهن ..كعدت شويه عنهن كرفصت نفسي وكمت ابجي ومخليه راسي بين رجليه



للضهر اجه محسن واخوته كال كتلناها خلينه طلقه براسه وشمرناها بالزباله.. خالتي كامت تصرخ وامي تعيط

واني فقدت لزمت محسن وكمت اضرب بيه يا ما تسحي ولك ابوووووو العرك لو عايف البطاله مالتك ومنتبهلها جان ما ماتت تفتخررررر كتلت بنتك

دفعني ووكعت بالكاع ابجي بصوت عالي انوب خالتي كامت كالتله ليش شمرتوها بالزباله ادفنوها حرام عليكم

عاد عمها كال هذي عا

ر ومو لازم تحترم وتندفن خليها حالها حال الفطيسه بالزبل خالتي كامت تصرخ وتكوله دلوني عليها اني ادفنها

ما قبلو اجو الجيران كالو حرام شامريها بالساحه والناس تصور بيها ادفنوها كالو خل الناس تشوف غسلنه عارنا

واحد من الجيران تبرع كال اني ادفنها وحساب كبرها ودفنها عليه حرام اكرام المين دفنه مهما سوت ابليس شاطر وغواها مـℳOــو لازم هيج نتعامل وياها

عمامي اتعاركو وياه وما قبلو يدفنها كالو خلي الكلاب تاكلها منريدها امي وخالتي نطن بجي ويصيحن بس نريد ندفنها ما نريد شي كالو ممنوع

بقينه الليل كله نبجي لا سكتنه ولا هدت النا دمعه اتذكر من كامت تمدلي ايدها وتصيح لا تعوفيني واموت قهر

للفجر غفيت وره ساعه كعدت على صوت ابوها كال الجثه ماكو اخذوها كناله وينها كالو مانعرف خالتي تعاركت وياه تكله انته شمرتها للكلاب مـℳOــو

كاللها لا والله ماكو.. لا نصبنه عليها عزا ولا احد اجانه عزانه عليها بس العشاير تجي وتمدح بمحسن وتكله بالعافيه عليك غسلت عارك

خابرت عليه اختي ثراء وهي تبجي كالت بشار رجلي ميخليني اجي الكم يكول اهلج عار والكتلوها ساقطه انسي عندج اهل كلبي عليكم شسوي

كتلها يا خيتي المن تجين حالنا حالج بس نبجي وماكو احد استري على بيتج وجهالج وابقي يم رجلج ولا تجين

كالت ديربالج على امي براء بيها قلب لا تخليها تبجي هواي لا تروح بيها كتلها والله انطيتها دواها ويمها شأكدر اسويلها

سلمت وراحت سديت الخط وبقينه بس نبجي انوب اجوني كالو تعرفينه منو ه̷̷َـَْـُذآ السوه بيها هيج

كتلهم اي علاء ابو المحل اللي جنت اشتغل بيه هيه جانت تشتغل عنده مندوبه.. وهوه هددها كالو وين الصور

شلت الموبايل مالتها دورت حسابه ماكو رحت ماسنجر لكيته متعطل مكتوب عليه مستخدم فيسبوك

وماكو اي رساله من عنده طالعه بالمحادثه مختفي كلامه واتصالته وحتي الصور اللي دازها.. فقط كلامها وهيه تتوسل بيه. كتلهم معطل حسابه

اخذو الموبايل من عندي وراحو على المحل مالته نكر كالهم لا تبلوني اني مالي شغل وياها..

كالوله مو هذا حجيك وياها كالهم طلعولي محادثه او دليل اني مسوي وياها.. كالوله هاي مو تتوسل بيك بس حسابك عاطل

كالهم لــNOـا هذا مو حسابي مكتوب عليه مستخدم فيسبوك منو كال اني جاي تتبلون عليه

راحو لعشيرته حجو وياه عشيرته طلعو لسانهم سيوف ما ينكدرلهم كالو لتشمرون عاركم علينه شوفو بتكم ويامن تورطت وجاي تشمرها على ابنه

خابرت يحيى كتله يحيى اشهد على علاء انته مو تعرفه وتعرف بعلاقته بيها وبسوالفه كال اني ما اعرف شي

كتله يحيى حرام عليك هذا هتك وتستر لتصير ظالم كال براء اطلعي منها البنيه انكتلت وخلاص بعد ميفيد الحجي وعلاء عنده عائله واطفال

لو نطقنه وشهدنه عليه تتيتم اطفاله وتترمل زوجته معليه وشيليني من السالفه وديري بالج تجيبيني على السانج

سديته منه بغضب الله ياخذكم متهمكم اعراض العالم الله ينتقم منكم.. راحت خالتي تهيم بالشوارع مثل المخبله ادور منو اخذ جثة بنتها

الى ان جارنا اجه لامي بالسر وكاللها اني اخذت الجثه ودفنتها بمقبرة محمد سكران ما كدرت اخليها عرضه للعالم حرام

بس لتكولون اني سويت هلشي ما الي حيل طلايب.. دفنتها لله

امي راحت ويه الرجال يدليها القبر كالت اذا سأل عليه عمج محسن كوليله راحت تتسوك للبيت ما عدنه مسواك.. كتلها ماشي

اجت خالتي تبجي وتلطم كتلها خاله هيج وهيج السالفه بس لا تكولين الله عليج.. بقت تبجي وتكول اريد اروح

كتلها خل تجي امي راحت تندل كبرها عود من تجي روحن ثنينجن.. خطيه حالتها تبجي الصخر..

مر اسبوع علحادث ورحنا اني وامي وخالتي لكبرها نمت على كبرها وبقيت اصرخ وابجي عليها واكولها سامحيني ما كدرت احميج

ما انسى ايدج لما مديتيها تستغيثين بيه وما كدرت امنعهم من قتلج.. وحدج اتحملتي العار وذاك الكلب نكر و عايش حياته بأحسن ما يكون

يا ما نصحتج وكتلج الولد ثعالب ما تكدريلهم يا ما كتلج لا تفتحين وياهم كامرا وما رديتي كتلج لا ترحين اله كتلج كولي لاهلج وما سمعتي

اووووف يا رشاااا اووووف حركتي كلبي شنسى وسنين اني وياج بغرفه وحده نضحك ونركص ونفرح سوه هسه انتي جوه التراب الله يلعنك يا بليس شسويت بينا

شبعنا بجي على كبرها ورجعنا مر شهر على وفاتها ومحسن وخالتي ما كدرو يتحملون العار الصار عليهم

رغم ما غسلو عارهم لكن بقى الحجي عليهم بتهم النامت ويه واحد وكتلوها وين ميرحون يسمعون هلكلمه

لمو شكو عدهم وطلعو تهريب خارج البلد بقينه بس اني وماما بالبيت امي شبعت قهر على حالت خالتي وفراكها من خله البيت عليها

كمنه شوكت ما نطلع يأشرون علينه ذوله البتهم كسرت وجوهم ونامت ويه رجال وتفتح كامرا وياه ونشروها علنت

امي كالت بعد ما النه كعده هنا لازم نشيل.. بعنه البيت خلال اسبوع واشترينه بيت بالبنوك كولش نازك وراقي بس صغير

اصغر بهواي من ذاك بيتنه بس هذا بنائه فاخر ذاك جان 300 متر.. هذا 150 متر بس حلو

نقلنا الغراض واستقرينه واخابر بيحيى كله مغلق صار اسبوعين محاجيه وياه ولا هوه

يجيني خابرت على امه كالت من يجي اخليه يخابرج

وماكو ابد مخابر.. استحيت اخابر امه مره لخ.. مر اسبوع وهوه هم مخابر رجعت خابرت امه كتلها خاله وينه

كالت فوك بغرفته كاعد كتلها انطينياه صعدت كاللها منو كالتله براء كالها لتردين عوفيها كالتله شبيك عيب يمه علخط هيه

انصدمت من كلامه شلون يكولها هيج.. كال الو كتله عوفيها لا تردين علخط هاذي جزاتها يحيى

يحيى.. براء الله يخليج ابتعدي عني بعد ما اكدر اخذج صارت عليكم علامه سوده شلون اكدر اتزوجج وبنت خالتج جروها من غرفتج وغسلو عارها

براء.. يحيى واني شنو ذنبي باللي صار وبعدين انته نسيت شسويت ويايه نسيت لما اخذتني

يحيى.. ما نسيت بس ما اكدر اخذ منكم مستحيل يروح يمسني عاركم ما الي خلك حجي

براء.. يحيي واني وين اروح

يحيى.. الله يوفقج شكدر اكلج اكثر من ه̷̷َـَْـُذآ

براء.. يحيى شيوفقني وانته اخذت عذريتي ووعدتني نتزوج ليش تخلف وياي.

يحيى.. وعدتج صح بس هذا قبل لا تصير المصيبه هسه اعذريني ما اكدر يا ريت متلحين عليه بأتصالاتج وانسي البينه

براء.. ولك شنسى الصار بيناتنا ما يتصلح

يحيى.. مع السلامه ..

براء.. يحيى يحيى لتعوفي الله يخليك وين اروح يحيى.. قفل الخط

كمت الطم على وجهي شكول وشحجي وين انطي وجهي..

كمت اخابره ميجاوب ادزله رسايل ميرد عليهن شفته نشط علماسنجر دزيتله مسج يحيى ابوس رجلك لا تتركني والله انفضح

يشوف الرسائل وميرد بقيت ابجي واكتبله واعاتبه ويشوف وميرد اخابر وهم ميرد ..

مر اسبوع وعلى نفس الحاله كاعد اباوع بالتلفزيون مره وشفت التاريخ انصدمت ..العاده مالتي متأخره 15 يوم واني ما منتبها عليها

ربي سترك بس لا حامل.. ماما عدها مراجعه يم الطبيب بعد يومين قررت اروح واحلل هناك.. اكلني الوسواس والشك لحد ما خلصت اليومين

ورحنا اني وماما للدكتور كتلها ماما راح انزل بس اشتري مي وارجع كالت ماشي.. رحت للمختبر اخذلي تحليل دم وكال ربع ساعه وتعاي

رجعت لماما بعدها كاعده كتلها ها شوكت اطبين للدكتور لعد كالت وره هذا الاسم.. تانيت لحد ما دخلت ماما

رجعت للمختبر.. انطاني التحليل وكال اكو حمل ما حسست الولد طلعت من الولد دخلت للبلكونه ابجي بسكوت والطم على خدي شسوي يربي سحب الموبايل و خابرت يحيى مغلق

رجعت لامي كتلها ها كالت لا زينه احسن كالتلي شبيج عيونج حمر باجيه كتلها اي شفت وحده تشبه رشا وبجيت

كالت الله يرحمها يله نرجع للبيت اخذنا لفات كص بطريقنا ورجعنا اخابر يحيى ماكو اباوعه علماسنجر هم ميرد

بقيت اسبوع بس ابجي ومن تسأل ماما اكولها على رشا اتذكرها وابجي الي ان هيه سألتني

كالت براء اني دخت باللي صار ويانه ومنتبهت اشو يحيى لا اجه لا سأل من يوم الصار ..هم يخابرج

كتلها ماما احجي وياج بس لا تصيرين اعصاب كالت شكو احجي.. كتلها يحيى يريد يفسخ الخطوبه

كالت توقعت يفسخها بعد الصار منو راح يقبل بينه.. كتلها القصه مو هنا ماما يحيى لما جنتو بالزياره قبل لا تموت المرحومه

جبرني واخذ حاجته مني غصب والله مو اني الرضيت..

صرخت كالت شلون ولج عزا العزاج انشالله الله لا يوفقجن من بنات شسويتن بينا..

ولج شلون انطيتيه نفسج يمعزايه وكامت تضرب بيه كتلها والله ماما ما قبلت هوه اخذ غصب كالت وهسه يفسخ وميريد

كتلها خابرته يكولي انسي ما اريدج.. بقت تصرخ وتعيط وكتلتني قوي موتتني واني بس ابجي

كالت انطبني رقم امه خابرت امه طلع اخو يحيى رائد كالتله انته اخو كالها اي كالتله امك وين لعد.. كالها امي مريضه ونايمه

كالتله انته دريت بالمصيبه المسويها اخوك احجي ويه اخوك وعقله لا ومحمد يصير الدم للركب تايه هيه يجي يدوس بتنا ابنص بيتنا ويطلع

كالها ام براء بنتج لو شريفه ما تنطته مجال.. كالتله ولك احترم انعال بنتي فوك راسك يشرفك ويشرف عشيرتك

كالها لا تغلطين اني محترمج لان اكبر مني بس ام براء بناتجن مو خوش بنت رخيصات وبراء لو ما نطيه مجال محد يلمسها وما نتشرف ناخذ من هيج عائله

وسد الخط بوجه امي النذل بقت تصرخ وتعيط الله لا ينطيج والله لا يوفقج الله يغضب عليه الينطيه بنيه بهلوكت ولجن صرتن علينه عاله ليش

ولجن ما تعرفن تعزن نفسجن كاتلات روحجن على هلحب والكلام الفارغ ودنستن ماي وجهنه وغطيتن روسنه بالطين

بقت تصرخ وتعيط وتضربني لحد ما وكعت واغمى عليها فزعت من مكاني واخذتها بين اديه واصحي بيها وماكو

كمت اصرخ وج ماما اكعدي الله يخليج اصحي رحت جبت مي بللتها ماكو طلعت بالشارع لكيت لمة شباب اباب بيت جيرانه

صرخت دخيلكم امي وكعت ومحد الي بالبيت فدوه شيلوها ..همه ركضو شالوها وخلوها بسيارتهم ورحت وياهم لمستشفى البنوك

دخلناها اخذوها كبل واحنه نمشي وراهم دخلوها جوه واحنه بقينه بالباب وابجي واصرخ والشباب يهدون عليه

لشوي طلع الدكتور كال المريضه تعرضت لسكته قلبيه انهت حياتها.. البقيه بحياتكم… يتبع

🌺🌺🌺🌺

#اهات_الم_من_وجع_ادم

،،،،،،،،،،،بقلم الكاتبه زينب ماجد،،،،،،،،،،،

البارت_11

كال المريضه تعرضت لسكته قلبيه انهت حياتها البقيه بحياتكم..

كتله يعني ماما ماتت لا مستحيييييييل ماما ما تموت ماما ماتتركني لااااااااااااااا متموت ماما متمووووووت

طلعوهااا طلعو امي اريد احجي وياه طلعوهااااااا تتركني هسـnowــہہ لا ماما لا فدوه ما اكدر اعيش والله

لج ماما تعالي اللي يخليج لتعوفيني منو الي غيرج يوووووووم عزه بعيني كتلت امي اوووووووف يمه

لج ماما لتعوفيني الله عليج والله اضيييييييع والله حرام عليكم حررررام..

فقدت كمت اصرخ بلا واني كاعده بالكاع والشباب تهدء بيه ويكلولي ذكري الله هذا يومها.. كتلهم لا مو يومها اني موتتها انيييييي اني واملخ بشعري

فقدت لدرجه حسيت خسرت كولشي بالحياة ما الي سند وين اروح وطفل ابطني منو يتقبلني ..

خابرت اختي بقت تصرخ وتكلي ولج الصبح خابرتها كولشي ما بيها شسويتيلها.. بقيت ابجي واعيط ويه عياط اختي

انوب خابرت عمي الجبير وخابرت خوالي وكعدت ابجي بحركه لشوي اجه عمي ومرته تصرخ كالو شلون ماتت كتلهم سكته قلبيه

انوب اجت اختي وتصرخ وتلطم على خدودها كمت اصرخ وياها كتلها ولج ثراااااااء انتي هينه ولج اني اروح منو راح يتحملني ولج راح دلالي

اوووف يمه عمت عيني عليج موتج بسوالفي يمه.. ربي اخذني ولا تاخذها.. ربي تريد تاخذها اخذني وياها شعندك مبقيني..

بقيت ابجي عليها كالو للساعه 7 الصبح يله يسلمون الجثه مينطوها هسـNOWــہہ.. كال عمي رجعن للبيت

كتله ما اعوف امي هنا.. كال انجبي باعي ملابسج جايه بالتراكسود والعالم تباوعلج ستري نفسج..

بقيت اتوسل بيهم وابجي ومرت عمي وابنها جروني واخذوني غصب للبيت .. اني اصلا جنت لابسه تراك اسود على المرحومه رشا

بس رجعت غيرت لبست كلبيه وكعدت بالصاله ابجي والنسوان وكرايبنه التمو اجو خالاتي البقيات وعماتي والدنيا كلها التمت تلطم

بقيت اصرخ وابجي عليها ما هدالي بال ولا نشفتلي دمعه شلون ما اباوع ما اكدر اعيش بدونها وين اروح

ساعه اتذكرها وابجي ساعه اتذكر روحي بدونها ساعه اتذكر ابني البطني وساعه اتذكر خيانة يحيى بيه وين اباوع والمن انطي وجهي اوووف يمه

للساعه 8 الصبح كالو حيجيبون التابوت للبيت كلنا وكفنه دخلو التابوت بقيت اصرخ بكل صوتي ولج يمممممممممممممممممه لا تركني حرام عليج يمه

شلون تغفى عينج ما فكرتي بيه ما كلتي وين تروح يمه لا اخ ولا اب يمه منو يتحملني..

بقيت اصرخ واضرب على التابوت مثل المخبله.. ردت افتح تابوتها كالو لا ممنوع لا تفتحين التابوت بقو يصيحون..

انوب شالو وشدوها فوك السياره واحنه نصرخ اني واختي والنسوان تبجي ويانه.. صعدنه بلسياره بس نبجي

دخلت وياها للمغيسل ابوعها واكلها يمه ا
هاي اخر شوفه يمه منو بعد يدللني منو يغطيني بليل ويبوسني ..

منو يذكرني لو جعت ويسألني لو بجيت ويحس بيه لو ضجت يمه لا تعوفيني لخاطري ارجعي..

يمه مو تبوسيني وتكوليلي ما عندي غيرج يمه ولا اني الي احد بعدج يلحبيبه يمه افراكج كسر ضهري

غسلوها وكفنوها وودوها فروها بالامام علي بقيت اباوع لشباك الامام واكول ها يا ابو اليتامه يتيمه صرت ودخيلتك لا تعوفني ضمني جوه جناحك وانقذني

انوب ودوها للمقبره يدفنوها باوعت الكبر مفتوح وبقو ينزلون بيها فقدت فقدت بقيت اشيل التراب واشمر فوك راسي

لحد ما خلصو دفنها وطموها.. التمينا عليها وبس اصرخ انبح صوتي كولش من الصياح.. لشوي كالو يلا راح تضلم الدنيا والطريق طويل

مشينا وكوه يجروني من كبرها وشمروني بالسياره بقيت ابجي ودموعي تجري.. انوب نزلو يم مطعم اللي جايين ويانه للدفن رادو ياكلون

رادونه ننزل بس اني واختي فاقدات يا اكل هذا اللي ندوره وامنه دفناها واجينه.. بقت اختي تسألني وهم صوتها مبحوح

شلون ماتت البارحه الصبح احجي وياها وتضحك ما بيها شي وسئلتني على جهالي شموتها

خفت اكولها السبب لان صراحه من مات ابويه ما حسيت اني يتيمه بوجود امي بس هسه صدوك تيتمت كمت اخاف حتى من اختي لا تكتلني اذا عرفت سالفتي وشلون امي عصبت ووكف كلبها

بقيت كاتمتها بكلبي بألم بندم بحسره بتأنيب ضمير قاتل.. كتلها ما اعرف هيه على خالتي من راحت يوميه تبجي على فراكها

ووكعت وجبتها للمستشفى بقت تبجي.. بقت بس دموعي تجري راح صوتي من الصراخ وما الي طاقه ابجي

خليت راسي وبقيت اتحسب علي يحيى وعلسواه بيه.. لحضه من نزواته وشهواته ضيعت امي وعمري وياها خسرت كولشي بسببه

رجعونا للبيت تلكتنه النسوان باللطم اني هم نزلت الطم بلا. وعي واصرخ.. يايمه فراكج هد حيلي..

بقينه نلطم لحد ما تعبت وكعدنه نبجي لشوي انطرحت ونمت.. كعدت الفجر بليل ابجي عليها..

مديت السجاده وكعدت اصليلها صلاة الوحشه.. شبعت بجي واني اصلي مو بيدي دموعي ما تنشف

بقيت ابجي للصبح انوب لفيت حجابي وكعدت بين النسوان والمعزايات وحده طابه وحده طالعه

اجت ام يحيى كابلتني وبجت شافتني انهديت بالبجي اخذتني بحضنها وتصيح الله لا ينطيك يحيى ا

لله لا يوفقك

اسكتي بنيتي اسكتي كتلها خاله يحيى ذبحني خسرني كولشي بحياتي امي ونفسي وحياتي كلها خسرتها

كالت الله موجود لتخافين والله اتبره منه لو عافج اني هسه اكسر راسه واخليه ياخذج..

همزين اختي جانت مموجوده من حجت ويايه ام يحيى جان ذبحتني لو عرفت بسالفه

اختي جانت سبورت واضحوكيه بس زوجها عقده نفسيه ومن تزوجته صارت مثله متشدده ومو متفاهمه واحجي وياها وتفهمني اعرفها تشهرني

كملت الفاتحه والسابع طشت الناس وكلمن راح لبيته ..شفت اختي دتلم غراضها كتلها ثراء وين

كالت ارجع لبيت عيالي كتلها واني كالت شبيدي عليج ما اكدر كوه خلاني ابقى عدكم للسابع حركني حرك بشار

كتلها ثراء انتي مو متأذيه من عيالج جيبي رجلج وتعاي عيشي هنا.. كالت علمود عمتي تذبحي وتكولي سويتي ابني كعيدي

كتلها لج ثراء لعد وين اروح كالت روحي لبيت عمي كتلها ميحبوني.. كالت براء بربج شنو هلحجي يحبوج وميحبوج لعد وين ترحين كليلي

شفتها مو ضهر واستند مثل كل اخت كتلها روحي خيتي روحي الله يوفقج.. ما متأمله من بعد عين امي اشوف الرحمه

فرغ البيت كال عمي يله امشي ويانه لميت غراضي ورحت لبيت عمي مرت عمي قاسيه فد مره

حته ما رحمت انكساري علي امي ويه ما دخلت بيتها دكلي هاي مو عبالج خطار وتخلين رجل علي رجل واني اشتغلج

نص شغل البيت عليج.. وابدي من هسه.. اباوع بيتهم صاير خرابه لان صار 7 ايام عايفيه بس حيدر وعمي يجون بيه

بديت انضف.. وياها لساعتين يله كملت هلكت من التعب.. ردت اخذ جنطتي واروح لغرفة بنات عمي

ولن اشوف بنات عمي الصغار لازمات موبايلي ويتعاركن عليه وراكعاته بالكاع وهو جديد ايفون سكس بلاس كتلت روحي عليه لحد ما جابتلياه امي

بقيت اصيح عليهن ليش شلته باوعته بس الشاشه مفطوره كتلهن مو عيب تمدن ايدجن على شي مو الجن

واجت مرت عمي وتلكتني بالرزايل والحجي والغلط وانتي كاعده ابيتنه وتصيحين وهوه شنو الموبايل

كتلها ماما اشترتلياه ب900 الف جديد وكسرنه.. كالت وايطبج مرض.. حزت بكلبي وبقت بس دموعها تجري

اني براء اللي بوجود امي رزلتهم بنص بيتهم وطلعت و هسه اترزل وما اكدر ارد بحرف اخاف يسوولي شي ..

طلعت برا للحوش والدنيا مغرب كتلها ليش يمه عفتيني ليش هيج يتمتيني.. ما كلتي بنيتي زغيره وتنكسر من بعدي

ما فكرتي اني واللي ابطني وين نروح.. اخذت الموبايل وخابرت علي ام يحيى كالتلي اني احجي وياه
...............

يحيى.. يمه لا تلحين عليه كلت ما اريدها ذوله صارو عار ما اكدر

ام يحيى.. ولك كلب من اخذت البنيه ابيت اهلها ما كلت عار ما استحيت ولك انته هم يسمونك رجال اهمداك اي والله من امده بطني النكلتك واحد نكس مثلك يلعب على بنات العالم الله ياخذك

رائد.. يمه لحضه لحضه ولك يحيى اتزوجها ما عدها غيرك وين تروح وبعدين فكر بيها انته المستفاد

بيتها الكاعده بيه الها حلالها صار واقل شي يجيب 300 مليون تعرف شنو يعني 300 مليون حلالك

يحيى.. هاي شبيك رائد تحجي صدوك شنو ما شايف واطمع بفلوس شنو هيلكيه احنه ماشيفين واركض على الفلوس وابيع شرفي

الام.. باوع ولك والله اذا ما تزوجتها لا انه امك ولا انته ابني اتبره منك ليوم الدين

يحيى.. يمه تتبرين مني علمود براء شمسويتلج هاي

الام.. اي اتبره منك علمودها هاي يتيمه وانته كسرت عودها ولك خاف الله يمه عندك خوات لا الله يطلعها بيهن واني اموت مثل ما ماتت امها تقبلها

يحيى.. اهوووو يمه اسم الله عليج كافي والله مليت من هلحجي ..رادت تحجي عفتهم وطلعت
…… ..

براء عشت ويه بيت عمي 3 اسابيع شفت الويل بيهن صدك ضكت طعم اليتم لا مو بس ضكته اكلته وشربته من وراهم

راووني نجوم الضهر.. لحد ما نزلت ضهريه فد يوم.. سمعت حيدر ابن عمي يحجي وي امه

تكله خطيبها ما يسأل عليها ولك انته ابن عمها سوي شي واخذها.. حتي لو تنهى عليها ليش تخلي البيت مالتها يروح للغريب

وهوه يكولها يمه شسوي اجيت وياها بكل الطرق متتحمل تكعد يمي دقيقه ولا تريدني واني حتى لو مخطوبه لازم افسخ خطبتها واخذها

حلال عمي مو عيب يروح للغريب.. تعب واشتغل وتالي يروح لابن الخايبات..

خليت ايدي على حلكي.. ذوله طامعين بالبيت ويردون يزحلكوني ويقنعوني وهيج يعاملوني..

لعد لو تزوجني شلون حيعيشني.. يمه والله حياتي تنكلب عذاب ابد ولا اقبل.. خابرت على خالي الجبير

كال اي خالو جايج.. حضرت وكملت وما كلت لاحد اني رايحه لو لبست كدامهم خاف يمنعوني.. لحد ما اجه خالو

عمي رفض بس اني كتله لا اروح ويه خالو ما اريد ابقى وتمسكت بخالو.. عاد خالو وكف كباله وكاله تروح وياي ما تبقى

رادو يتحاجون وبعدين هده عمي وكاله خل تروح.. رحت لبيت جدي ابو امي.. دخلت جناين كومه بالبيت

خالي الصغير صارله شهر من مسافر هم طلع خارج البلد كالتلي مرت خالي اكعدي بغرفته..

دخلت نمت لشوي اجه جدي للبيت كعدت على صوت صراخه رجال معمر فوك 100 سنه وما ينحمل بس يصيح ويضرب

كال انتي بت اميره كتله اي جدو كال وشنو هذا الابسته ما تستحين ما عدجن خجل انتن لو تردين تلح

كين بنت خالتج

كتله جدو شبيها ملابسي تراك فضفاض عريض عادي كال ما عدنه مره تلبس بجامه كتله ما عندي غير كلبيه وحده اشتريلي والبس

بقى يغلط ويسب وينعل ونسوان خوالي يضحكن مرت اسبوع عد خوالي شفت الويل من جدي ونسوان خوالي الميرحمن

فد يوم اجه جدي كال وين الحذاء مالتي هنا خليتها.. كالتله مرت خالي براء شالتها.. كتلها والله مو اني

جان يلزمني جدي يكطعني من الكتل صدك انهضمت وبجيت بحركه بقيت بالغرفه اشهك من البجي..

فتحت الجراره جانت اكو عدة حلاقه بالغراض مال خالو جريت الموس.. وباوعت لنفسي بالمرايا

كلت علشنو باقيه اشو لا اب لا ام لا اخ لا اخت لا سند بس ذيابه تنهش بلحمي اموت احسن ..بقت دموعي تجري واني اباوع لنفسي بالمرايا

ووجهي ذبلان كتلها ماما اريد اجي يمج.. خليت الموس على الوريد مال ركبتي.. وردت اجره

جان التلفزيون مشتغل فجأه طلعت ايه اقرانيه بصوت سعودي حزين على قنوات الاعلان تكول

{‌‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏}

سمعت هاي الايه وكأن الله كلمني وجه الوجه ونبهني.. نزلت الموس من ايدي وبجيت بحركه واني اصرخ حسبي الله ونعم الوكيل حسبي الله ونعم الوكيل

فقدت واني ابجي وادعي الله يشملني برحمته وينقذني من اللي اني بيه لان تعبت محد رحم ضعفي محد قدر انكساري كلها تنهش بلحمي

بقيت عد خوالي لحد يوم الاربعين.. اخذنا كوستر وسيارات عمامي وخوالي صغار ورحنا للمقبره

نزلت للكبر وجن مفاركتها سنين نزلت اركض لكبرها وابجي واصرخ بصوت عالي وج يمه ليش عفتيني يمه والله محد رحمني

ولج يمه كسروني ولج يمه ضربوني وما الي مكان اروح وانقذ نفسي ولج يمه كومي لا تعوفيني تعرفيني بحالي وبسالفتي

كومي فهميني وين اروح.. يمي حجيه كاعده يم الكبر وشافتني ابجي واحاجيها بعتب واصرخ.. جان تذب كلمه وتكول يطردونه ونرد عليهم ومثل العلج نلزك بديهم

سمعت هاي الكلمه صدوك عله صوتي بالصراخ اللي ويانا جايين بالاربعين كلها صارت تبجي على صوت البجي مالتي

يحيى.. بعد ما عزمنا عم براء علاربعين جبرتني امي الا اروح وياها.. كتلها ما اريد كالت والله اتبره منك

انجبرت اروح اخذت امي بس ما صعدت بسياراتهم رحت اني وامي بسيارتي تبعتهم.. نزلت للمقبره وشفت براء شلون ركضت لكبر امها

وتبجي وتعاتبها الضاهر حيل مأذيها لان تكول لامها ضربوني ما رحموني.. بقيت اباوعلها خلصانه حتى من كد المها ما نتبهت لسيارتي بين السيارات

بقت تشكي انكسارها بس فعلا اثرت بيه

بقت تصرخ بطريقه بجت كل الموجودين.. والغريب حتى اني دموعي كامت تجري عليها.. مو من عادتي ابجي ابدا صاحب قلب قاسي بس حيل قهرتني

شلون هانت عليه وكسرتها.. بلحضتها فعلا حسيت بالانانيه وانو اني سبب كل اللي هيه بيه.. ما احس الا رجليه اتقربت منها واخذتها لحظني

هيه شافتني لزمت بقميصي حيل وخلت راسها بصدري وكامت تصرخ بحركه خليت راسي على راسها ودموعي كامت تجري وياها… يتبع

البارت_12

يحيى.. ما حسيت الا رجليه اخذتني الها ..كعدت يمها واخذتها لحضني..

هيه شافتني لزمت بقميصي حيل وخلت راسها بصدري وكامت تبجي بحركه.. خليت راسي على راسها و بقت دموعي تجري وياها

مسحت على كتفها وكتلها كافي اسف والله اسف ما اعوفج بعد وعد بس لتبجين.. كعدت على طابوك وهيه بقت مخليه راسها على رجليه وتبجي

واني امسح على راسها.. كتلها كافي كومي يله خل نروح.. عاونتها تكوم اخذت ايدها وجاي امشي

جان عمها يكولي وووين كتله اريد اخذها.. ابن عمها اجه كال بعد ما الك يمنه مره اخذ سيارتك وروح منا

باوعت ملتمين كلهم كتله وخر حباب قبور وناس واكفه ما اريد ابتلي بيك.. اني الوحيد المسؤل على براء ..وخر غاد

لزمني يكولي والله انهي عليها وما اخليها تصير الك هاي بنت عمي مرجعها ومرجعها..

ضحكت بنص المقبره بصوت عالي ههههههههههه خب شنووووو شنوو… ههههي دولي بابا ولي خليني امشي

كال والله بنت عمي و نهيت عليها وبعد متصيرلك مره ونسوي الدم للركب لو اخذتها..

تقربت يمه وباوعلتله بستهزاء لك بابا لتخليني تخرب وجهك هذي مرتي على سنة الله ورسوله وبيناتنا عقد شرعي

لو تضرب راسك بألف حايط متصير الك.. كال اطلكها غصبا عليك.. كتله اي مو امشي بكيفك ..

لزمني من ياختي جاي الزمه جروه الزلم كالوله غير عاقد عليها شنو انته كالهم اريدها..

براء اجت وراي لزمت ايدي وهمست براسي كالت ما اريده كذاب ميردني يريد البيت مالتنا.. كتلها عرفت

اخذت ايدها وكتلها يله يمه خل نمشي.. كالت يمه انته اخذ مريتك وارجع لبغداد اني رايحه ويه النسوان للامير نزور

كتلها براحتج.. براء كالت اني هم اريد ازور كتلها مو هسه.. انتي تعبانه ..غير يوم واجيبج..

اخذتها.. ورحت للسياره صعدتها.. بقت تباوع على كبر امها وتبجي وتكلي ليش يحيى هيج سويت بيه

بسبيك ماتت ماما ليش.. كتلها ق

ابل متعمد وكتلتها.. تعرفيني احبج.. بس الصار بيكم مو سهل وما كدرت..

بس بعد ما اكدر اعوفج.. كالتلي كسرت خاطرك.. كتلها لا مو لان كسرتي خاطري لان احبج ومن شفتج عرفت شكد اني مشتاقلج

كالت لو بس ما متقربلي جان هسه ماما عايشه.. دا تحجي وخليت ايدي على حلكها كتلها كافي

الصار صار لو حجينا وتعاتبا لباجر محيتغير شي غير ينزرع الحقد من جديد اقلبي صفحه وياي وخل نبدي حياة جديده ما اريد اسمع اي كلمه من هذا الحجي

نزلت راسها وما حجت.. حركت السياره.. ومشيت.. بنص الطريق سئلتها.. شنو ضاربيج.. شمسويلج

براء.. ليش هذا السؤال

يحيى.. سمعت صياحج على كبر امج وانتي تكولين اذوني وضربوني

براء.. نزلت راسي.. كتله اني تيتمت توقع من العالم كولشي تسوي وياي..

يحيى.. لتخافين والله ما اعوفج وعد ومن باجر اروح اقدم طلب زواج محكمه ونعقد قانوني..

براء.. انشالله

يحيى.. نامي ارتاحي تره الطريق طويل

براء.. من ماتت ماما ولليوم كوه النوم يجي العيني ما تاخذ نوم..

يحيى.. براحتج.. شفت مطعم كتلها نزلي خل ناكل كالت مابيه حيل والله امشي.. كتلها اني جوعان تعالي

براء.. انته انزل والله ما الي خلك..

يحيى.. ٱפگـيہ.. نزلت جبت لفات كباب ثنين وقواطي ببسي.. رجعت للسياره كتلها اكلي

براء.. ما اريد..

يحيى.. لا تخليني اصير عصبي اخذي.. اخذت.. كتلها وجهج اصفر فد مره ليش شنو متاكلين

براء.. براء ما الي نفس بالاكل ابد والحمل متعبني

يحيى.. درت وجهي عليها بتعجب.. كتلها شنو حمل انتي حامل

براء.. ليش متدري.. دزيتلك رسائل كومه علماسنجر وحتى عل الشريحه

يحيى.. الشريحه كسرتها والفيسبوك تركتها الصفحه سويت غيرها.. فما وصلتني اي رساله

براء.. هوه من بعد ما اتصلت بيك بعدها باسبوع عرفت نفسي حامل.. يمكن هسه دخلت الرابع

يحيى.. معقوله

براء.. اي هوه حملت من يوم اللي تقربتلي وصار تقريبا اكثر من 3 اشهور

يحيى.. تكومين بسلامه انشالله.. باوعتلها ابتسمت كتلها احب الاطفال امووت عليهم وكرصتها من خدها

براء.. ابتسمتله.. كتله شنو تتمناه ولد لو بنت..

يحيى.. بنت اكره الولد مزعجين.. البنت دلوعه

براء.. هههه انشالله.. انته اول واحد يعرف بهذا الشي.. امي ماتت وما عرفت بحملي.. عرفت بس تقربتلي وماتت

لو عارفه بموضوع الحمل شتسوي

يحيى.. لا تفكرين بهذا الشي الله يرحمها راحت لدار حقها ادعيلها بالمغفره

براء.. الله يرحمها..

يحيى.. اكلي مو بس تباوعين للفه.. متأكد بيج فقر دم لان وجهك فد مره اصفر

براء.. انشالله.. كعدت اكل باللفه كوه اشتهي.. شفته خلص لفته كامله.. كتله اكلها ما اريد

كال لا شبعت.. كتله والله اني هم شبعت.. ما اخذها عفتها على جنب وكمت اشرب ببسي..

بقينه ساكتين واني دايره وجهي عليه واباوعله اوووف منه بأشاره منه يموتني وبأشاره منه يحييني..

البارحه كنت فاقده الامل وادعي اموت.. واليوم هوه احتضني ويعاملني بكل هلحب.. خاف هم طمع بالبيت لان من كتله على ابن عمي كال عرفت

يعني مخلي هلشي اباله.. اوووف خرب بالبيت خل يتزوجني ويستر عليه واخلص من كرايبي يا بيت يا فلوس

وصلنا للبيت مالتهم كتله ليش ما رحنه لبيتنه.. كال منا وجاي هذا بيتج.. ذاك انسي.. اخذ ايدي ودخلنا

جان رائد ومرته وجهاله 3 كاعدين بالصاله تعجب من شافني وياه.. كاله ها شنو رجعلك عقلك

ما رد عليه.. كال سلمي عليهم ه̷̷َـَْـُذآ رائد اخوي وهاي زوجته انوب اجت خواته ثنين هم سلمن عليه

وبعدها اخذ ايدي وجرني لغرفته.. نزع الجاكيت وشمره.. كال تعالي ارتاحي.. سريره نفر

تمدد عليه وجرني ليمه وخلاني على ايده وكال نامي ارتاحي.. ابتسمت.. ضميت راسي بيه شكد مشتاقتله رغم السواه بس مو بيده ما اكدر احقد عليه احبه

بقى يلعب بشعري لحد ما غطيت بالنوم.. ما حسيت الا الغرفه ضلممممه والجوم مضلم.. تلمست اريد اكوم

هوه بعده نايم يمي.. اريد اندل مكان اليفتح الضوه ماكو.. عاد هوه شغل موبايله لايت.. كال شدسووين

كتله اريد افتح الضوه.. كال مناك يم الزاويه صايره الدكمه.. فتحتها.. باوعت الساعه 11 بليل

كتله عود صدوك.. كال شنو شبيج يمعوده.. يحجي وهوه يكعد على حيله ويفرك بعيونه

كاتله اجينه الساعه 3 الضهر وهسه ساعه 11 بليل .. فتح عيونه حيل وكال لااااا بربج.. خررررررررب كتله شكو كال لعبة برشلونه بالعشره الا ربع لعبه مهمه

ضحكت كتله متبطل سوالفك انته.. كال حبي اخدي راحتج اكمل اللعبه وارجع ماشي.. كتله روح..

فتحت خاناته كومه ملابس اشكال والوان مالت الطلعه معلكات ومكويات بس مالت البيت الفانيلات والبجايم صايرات باله فوك جوه

غرفته حلوه بيضه وتركيه بس ام النفر .. وهوه مسويلها اجواء اضويه وتحفيات مرتبها..

نزلت جوه.. لكيت امه كاعده.. شافتني كالت هلا يمه تعالي هنا يمي.. كتلها اجيتي خاله زياره مقبوله..

كالت تقبل اعمالج بس ممقبوله منج خاله اريدج تكليلي يمه.. ضحكت وكتلها فعلا انتي بمكان امي

كالت والله شاهد اعزج واحبج مثل بنيتي لان احسج فقيره ومن اهل الله.. بست راسها وكعد

ت يمها..

اجت مرت رائد وحمواتي هم اجن كعدن يسولفن يمها.. مرت رائد كالت والله متوقعت يحيى الاشكر اللي مخبل بنات السوك كلها.. يتزوج هيج

كالتلها الحجيه وشبيها ما عاجبتج.. كالت لا هيه البنيه ما شفنه منها شي بس بدون زعل ما تلحك جمال يحيى.. توقعناه راح ياخذ ملكة جمال

سكتت ونزلت عيني وحمواتي يتضاحكن.. جان الحجيه ردتها وكالتلها ..انهجم بيتج يلميس لو ما وجهج جنه عادل عكله.. وابني احلى منج بعشر قوط

من كالت هيج الحجيه لا اراديا ابتسمت.. وكالت ما شالله من هسه تفرح بالشر ..ما رديت عليها الضاهر هذي السانه متبري منها

كتله ماما راح اصعد بالفرفه.. كالت اخذي راحتج بنيتي.. صعدت بالغرفه.. كمت اصفط بملابس يحيى اقضي بيهن وقت

طلعت كدامي صوره هوه وبنيه محجبه بالامام الكاظم.. اخذت الصوره ونزلت بيها للحجيه كتلها يمه هاي مـّـــنــو

باوعت كالت يا بنيتي شأكلج والله ما اعرف.. كتلها شكو احجي.. كالت هاي طليقته.. كتلها ليش هوه يحيى متزوج قبل

كالتلي 3 سنوات وطلعت ما تخلف وما تفق وياها يوميه عركه وصياح لحد ما طلكها.. كتلها وليش من سألنه عليه بالخطبه مكلتو مطلق

كالت هوه ما قبل نكول.. كال اني وياه نتفق واكولها.. خاف يخسرج.. انصدمت بس ضجت حيل..

صعدت للغرفه.. لل1 دخل يحيى كال ها شلونج.. كتله زينه.. جايب وياه.. لفة معلاك وببسي.. كال هذا جبتلج معلاك اكلي يفيد الطفل ويزيد دمج

كتله شكرا.. شلت الصوره وانطيتهياه كتله هذي منو يحيى.. كال زوجتي السابقه.. كتله وليش اني ما اعرف..

يحيى.. لان مو مهم وما تعنيلي شي.. ومحيتها من حياتي شكو اجيب سيرتها واكول بيها.. كتله وان كنت محيتها غير تكولي اني متزوج قبل وبعدين شكو مخلي الصوره بخانتك

يحيى.. اخدت الصوره شككتها وشمرتها بالزبل.. كتلها هذا مستواها عندي اليوم ولا توجعيلي راسي بيها..

تمددت على السرير وكتلها بلا حجي زايد وغيره تافها كومي طفي الضوه الابيض وشغلي الاحمر خل انام

اباوعله شأحاجيه ..سكتت طفيت اضوه وشغلت الاحمر الصغير.. كال تعالي دلكيلي ضهري متت من وره السياقه اليوم وكف ضهري

كلت اهووووو رجع لسوالفه القديمه.. بس شسوي اتقربت افرك ضهره وادك عليه وهوه يتألم منه صدك..

لشوي جر ايدي وسحبني يمه كال نامي.. كتله مجايني نوم شبعانه.. كال بكيفج.. دار ضهره ونام

باوعت الجاكيت مالته على الميز.. سحبته وجريت الموبايل مالته.. ردت افتحه.. الموبايل بصمه

اجيت يمه هوه مخلي ايده على وجها ونايم كتله يحيى.. كال همممممم كتله كاعد.. كال اي شرايده

كتله افتحلي موبايلك.. شال ايده وباوعلي كال شتسوين بيه.. كتله هيج اتصفح بيه مجايني نوم وجهازي طافي والشاحنه ابيت جدي

جر الموبايل فتحه وانطانياه.. تمددت يمه وكمت اباوع بيه رحت للفيسبوك صفحه عاديه ممتفاعل بيها

رحت ماسنجر كذلك مراسل كم شخص.. رحت واتساب.. طلعت كومه محادثات.. وبنات خير من الله

فتحتهن يتغازلن بيه وهوه يضحك ويحجي معلك وياهن.. دا اكلب بالمحادثات خله راسه على راسي وضحك

كال شدسوين.. كتله دا اشوف بلاويك..

يحيى.. ههههه تره اني شغلي ملابس نسائيه يعني زبائني كلها نسوان عادي والف وحده تجي تتمضحك وتسولف قابل لكل وحده اهتم

بس اسايرهن واضحك وياهن علمود يمشي شغلي ويشترن اكثر.. كتله يعني ما عندك شي ثاني..

يحيى.. يعني لو عندي شي اخاف منج شنو تضربيني لو شتسويلي.. لتتعلمين تفتشين بجهازي علمود لا تنقهرين وبطلي الغيره تره تهجج مثل ما هجت غيرج

كتله يعني زوجتك السابقه من الغيره هجت.. كال اي غيرتها جان عذاب يوميه عراك لحد ما طلعت روحي وطلكتها..

شسوي اذا الف وحده تشمر علي روحها وتراسلني قابل امنعها

براء.. سكتت قفلت الجهاز وانطيتهياه.. كال جهازج نفس جهازي و الشاحنه مالتي بالجاكيت روحي اخذيها و اشحني ..كتله ماشي

رحت خليت جهازي علشحن واجيت تمددت يمه.. كتله متغير كال شلون كتله جنت وكح ومخبلني بحركاتك.. هسه رحمه صاير مؤدب

يحيى.. ههههههه واللهي لا زلت ومحترك جدي بعد.. بس شسوي متحمل ما اريد اضغط عليج اكثر ومحترم حزنك.. اعقد عليج قانوني وبعدين اخذ راحتي

براء.. اللهم يزيدك تأدبا ياااااارب

يحيى.. ههههههه دكعدي راحه يليابسه ابد ما بيج امل تحنين…

يتبع

عمري تابعي بهالفيديو
طريقة تثبيت الهايلات👇🏻🌚

#ملوكه

مشاهدة "حصريا الحل النهائي و كيفيه وضع غلاف ستوري هاي لايت للاندرويد مضمونه 100% انستاقرام 2020" على YouTube
https://youtu.be/lC6sGPbmc88