#الدلو:هو بحد ذاته مفاجآة..

#الحوت:يخاف المفاجآت،ويخاف الممهدات لها..

#اهات_الم

،،،،،،،،،،،بقلم الكاتبه زينب ماجد،،،،،،،،،،،

البارت_1 و 2

أناامرأة لا أنحنى إلا فى صلاتى...و لا أصمت إلا عندما ينعدم كلامي...و لكن إحذر عندما ابدأ في إنفعلاتى فلا يهمني شيء سوا أن أنهي مأساتي ,,

كبريائي هو سر حــــــبي .. هو الطريق الى قــــــلبي .. هو ليس كتـــــاباً مغلقاً ولا بحــــــراً عميقاً كما تقول الأساطير .. بل هو كتاب مفتـــــــــوح يحب من يقرأه .. ولكن لا يفــــــهم لغته الا من تعلمها

علمتني الحياة ان اشكر الذين "سقطوا من نظري"..لانهم اتاحو لي الفرصة لارى اناس غيرهم

أحيانا أجبر نفسي على تصغير عقلي وتظاهري بالغباء . ليس لضعف شخصيتي وإنما رأفه بمن هم دون مستواي

المرٲه ليس اداة للصبر.. لماذا كل امرٲه لا تتحمل الظلم.. تذم.. ان ترملت قالو حظها عاثر قد اماتت زوجها

وان تطلقت قالو الله اعلم لماذا طلقها.. لا يقولون ماذا فعل لها.. يتهموها وحدها ويحملوها همً فوق همها

فلا يصدقون احيانا ان المرٲه يكون الطلاق بالنسبة لها باب الحرية من ضلم ادم

يا ادم رفقا بالقوارير فقد قالو استوصوا بالنساء خيرا.. فلولاها لم تكن انت.. تهين من تحملتك وقد كنت صغير حتى بلغت اشدك قلت المرٲة لا رٲي لها

اين كلامك هذا عندما كانت هيه صاحبة الرٲي فيك.. تخيل فقط لو انجبوك للحياة بدون (ام )كيف سيكون حالك.. (زينب ماجد)

🍃🍂🍁

بغداد_الشعب_سوق شلال (الساعه 5 عصرا)

براء.. الدنيا عصر وموت حر وسوك وهوسه وصوم اليوم 27 رمضان وجايين للسوك اني وخالتي وبنت خالتي نشتري ملابس العيد

نمشي وناس ماشيه بٲتجاهنا وناس جايه عكس وازدحام.. واني كل شوي ادخل محل اباوع المرايا خاف حجابي تخربط

يا تخربط والله حالتي اللي تخربطت يامن يجيب الفطور بس اووف بعد ساعتين ونص شيخلصهن.. متت عطش والجو جاف

دخلنا محلات العشق ااااقصد المكياج طبعا المكياج عشقي ودوم اني وماما عرك من وراه بس اني احبه..

حضرت الوالده تمشي دقه قديمه عدها البنيه بس لزوجها تتمكيج وتتعدل.. يمه فدوه الوجهج اذا ما لبخنا وعدلنه يا مصخم راح يقبل بينه

حتكولون جكمه لا يعني.. بس يحتاجلنه تعديلات الله اكبر نانسي عجرم تخبل والعيون زرك ما تطلع الا تخلي مكياج

عاد مو اني الوجهي يطلع صحراوي لو ما خليت باودر وكريم اساس خو السواد الجوه العيون من وره السهر الله وكيلكم دب بانده احسن مني

خو الشعر اسكتو شبيه الكرياتين تره خوش منتج😁 هوه مو سيم مواعين بس بيه برمه ذابحتني بيه لذلك اعالجه بالكرياتين..

اما الحواجب بس تعديلات خفيفه على ثخن الحاجب حرام لو اخذت منه زايد يصير كتلي عمل شعبي من وره امي..

ما اعرف بيا زمن عايشه.. بنفسي اسوي تاتو بس والله انشحتت بره البيت اوووف شوكت اعرس واسوي تاتو..

هسه غير الكه المصخم رجلي ونتزوج اي دتعال اطلع بوجهي عاد ما مليت دياحه ويه الحاتات كافي اي ملطلط…

هوه منو ..رجلي المستقبلي معليكم يوميه واكعتله طن رزايل لان هوايه اتٲخر شنو صار عمري 19 سنه..

اي 19 شكو تباوعولي هيج😨 اريد اتزوج خلاص كبرت وتعديت ال18 جنت اتاني شوكت يصير عمري 18 وانتخب

شو مرت سنتين وماكو انتخابات شنو انقرضت على حظي.. اريد احس الشعور من اوقع وادخل اصبعي بالحبر وارفع علامة الانتصار✌

يا انتصار هوه الانتصار بس شاف وجهي شرد حته داعش لفتنه بس صار عمري 18 خرررب شهلحظ هذا اهمداك دعوشي

صدوك عله فكره بنفسي اروح اشتغل بالجيش علمود اخذلي داعشي اوربي اسير😎 الا اشبعه طن كتل 😍

شبيكم تباوعلي اعرف اعرف مخبله وهاي افكاري على يوم شامرتني بهبيه.. هيه شنو الهبيه😕 شعليكم المهم الفكره

اووووف باع عصير العنب خررررب بهبل يعني ميكولون رمضام حرام عزا صخام متت يربي شوكت يكول الله اكبر

اروح اهكر الجامع واذن.. اوووف ارجع اباوع بالملابس واختار هدوم العيد اشرفلي.. طبعا شفت شي متت عليه

الوصله ام الدنانير اللي ينركص بيها اعشقها اشغل اغنيه واكوم ادك ورقص وقت الضوجه.. اي شنسوي وين نروح

ردت اخذها بقت خالتي ادردم بس هاي الفالحات بيها ادري شتردين نسوي نصير منال العالم علمود نصير فيل لو نشتغل بنكلاديشيات علمود نعجب ست الوالده وست الخاله اووف الامهات مال حرك شكد يحجن ماكو شي ما يعلق عليه

هسه بكولن ليش تتجاوزين على امج لا بابا هاي تتسمه ميانه زفره الا الوالده رغم ازعاجها بنص الكلب..

الله هيج والكه الحب مالتي واخليه بكلبي وادفر امي منه.. اي كافي صارلها 19 سنه كاعده بكلبي ادري مسجله عليه طابو

يابه اريد اجررررب الحب يكولون يخلي الواحد مثل السعفه يرجف.. عشنو يرجف والله ما ادري

بعد جر وعط من خالتي رحنا دخلنا محلات الملابس وندور عل اللي يعجبنه.. عجبني بطرون لونه زيتوني طووخ

حيل عجبني.. دخلت غرفة القياس.. جربته يووومه رجليه طالعه تخبل بيه اول مره مره اشوف رجلي بيضه اشو كلب لوني

الله متت عليه اخذه نزعته ورحت لابو المحل كتله اريده.. كال 25 كتله شدعوه 15 هذا سعره

كال والله ميصرف كتله لا موبكيفك يصرف ومشيت اباوع بالق

مصان شفت قميص حلو لونه بيج.. كولش حلو باوعته يرهم ويه البنطرون

كتله شكد سعره كال كله كامل احسبه الج 60 كتله كول يا الله يمعود كال والله هذا سعره بقيت اترادد ويه الولد

ودخل واحد للمحل سلم.. الولد كال هذا صاحب المحل الاصلي تعاملي وياه اذا قبل ليش لا.. اباوع للولد يمه كلبي

شنو هذا مهند بزره😍😍 الولد شعره بني فاتح وابيض ضعيف والعين شهل وانوب لابس قميص اخضر فاتح ولابس كلاده سن الذيب

يمه وعلي ردت اتخربط شنو هاي شدعوه هلكد الله مخليه عليه شكر ..شنو مفكر من نباوعله ننسحن وما نكدر نشرب مي صايمين😫

اني صافنه وكال تفضلي.. عاد اني غيرت الموجه ورققت صوتي وكتله خيو بلا زحمه نهايته

كال باللي يعجبج كتله خمسين كال 55 بالنص الج والي ..يربي حته ما اكدر احجي متت من الحلاه شنو هذا يربي

انوب كلامه مثقف وصوته هيج بيه اسلوب ما اعرف شلون اوصفها بس حلوه.. كتله شكرا

حطلي الملابس بالعلاكه وكالي بالعافيه تلبسيهن بالهنا.. اني انطيته الفلوس.. بس ياربي افكر بحلاته شنو هذا صاروووخ

انوب الشعر هلكد سرح وخصلاته متناثره عله وجها لحد عينه.. خرررب عود مثلي مطيح حظي الكرياتين..

كاعد اتحاسب وياها كملت ردت اطلع وكلبي يرجعله بساع دفرت امي من كلبي وكعدته يمه يمه يخبل بشرفي. ماكو تكول اياد ويه لحضة وداع

درت وجهي دا امشي جان تكرصني بت خالته كالت بربج باعي لج هذا شنو من جمال كتلها امشي الله يخليه لاهله

كالت لا حرام ما افوته.. كتله دتعاااي دا اجرها.. وجان اوكع واتزحلك وافرش بالكاع لا يا الله ربي هنا تفشلنه كدام هلوجوه الحلوه

اني كله البس كعب لان شوي زقجه طولي 152 ووزني 55 😁..فدا امشي والمحل كاعه سيراميك تفلشخت

من وكعت اجاني هذه الحلو كال الله الله خوما اتأذيتي كتله شوي رجلي التوت.. ساعدني هيه وبنت خالتي كعدوني علكرسي

وخالتي ما تدري عنه عشتو رايحين وياها تقودنه توكف على محل وتنسانه.. طلعنه من المحل مالته وكفنه على محل ثاني والولد الحلو يباوعلي من جوه الجوه

ما اخفي اني اباوع عليه بس مو حيل لان انعجبت بيه.. خالتي ددور بالجبب الها واني اباوع عليه

شفت خالتي مطوله عاد طلعت رحت على محل اكسسوارات اجه الحلو ورايه.. طلع ابو المحل صديقه..

اخذت ساعه واكسسوار ناعم تراجي وكلاده ومحبس كريستال.. دا انطي الشغلات الاختاريتهن للولد ابو المحل

جلن يكوله يحيى بيعلها فدوه بس ارد عل الاتصال.. طلع الولد وبقينه اني وياه.. كال انتي من وين كتله من الشعب

كال اني من حي اور.. كتله امممم بلا زحمه شوفلي السعر وانطيني.. حطلياهن بعلبه وانطانياهن.. وكال هذا رقمي اذا تحتاجين شي..

وخلا بالعلبه من ضمن الاكسسوارات ما زديت شي اخذت العلبه وطلعت.. كملنا شغلات من السوك اخذنا لبن ورطب وعصاير ورحنا للبيت

اول مدخلنا اذن جانت ماما مكمله الفطور عاد فطرنا ورحنا صلينه بعدها نضفنه البيت وكلها توجهت للتلفزيونات تباوع

لحظه لحظه.. اعرفكم عليه اسمي براء كلتلكم عمري 19 كملت 5 اعدادي وكعدت ابد ما الي خلك بالدراسه.. كوه مشوني

عائلتي متكونه من ماما واختي ومرت خالو وزوجها وبنتها ..اختي الجبيره متزوجه

وابويه متوفي من سنة 2007 بالاحداث مال الطائفيه.. ابويه جانت حالته الماديه زينه لما مات ما بقالنا غير بيتين وكم مليون

امي بعدها اجرت البيت نعيش منه والبيت الثاني كعدنه بيه بس خوالي مقبلو امي تعيش وحدها

ولان خالتي اميره حالتهم مو هلكد ومتبهذله ويه عيالها وبيتنا جبير اجت وكعدت ويانه هيه وزوجها.. طبعا زوجها فد عقده نفسيه وتلعب روحي منه

بس شسوي امي تكول اتحملي يتسمه رجال بالبيت اوووف وهوه شنو الرجال فايده زايده اشو كاعد وخالتي تخيط

وانتي تصرفين علبيت وهوه ملتهي بسوالفه المكسره.. عاد امي عاطت بيه وكالت معليج عفتها وصعدت لغرفتي..

اني وبنت خالتي مشتركين بيها.. هيه دوم علاقات وصداقات ويه الولد والليل كله تحجي مره لزمتها فاتحه كامره

كتلها ويامن جان تكمز وتسده وتكولي ويه صديقتي انتي شكو.. عفتها ردت ابلغ امي عليها يس ما بلغت شعليه

فتحت الغراض عزلتهن وطلعت علبة الاكسسوارات اخذت الرقم وضميتها.. سيفته للرقم طلع عنده فايبر وواتساب وجات عله هلرقم

درجت الرقم بالفيسبوك وطلع اله حساب اسمى يحيى الكتلوني

دخلت صفحته اباوع صفحته حلوه متفاعله وناشر اله صور كومه تخبل اخر شي انطيته متابعه وطلعت..

سديت الموبايل وفتحت التلفزيون كمت اباوع برامج ومسلسلات رمضان.. لحد الساعه وحده ونص نزلنه سوينه السحور وكعدنا

كملنا السحور توجهنا لسجادات الصلاة بين اليقره دعاء وبين اللي يتلو وبين اللي يصلي.. لحد مصارت صلاة الصبح صلينا

ورحنا لغرفنه.. فتحت نت شوي قبل النوم اجاني اشعار من يحيى.. دازلي لايك علماسنجر.. باوعت نشط منذ 2 ساعه

اخذتلي لفه سريعه بالبرامج ونمت.. كعدت الضهر صليت ورجعت للفراش فتحت الموبايل لكيت من عنده رساله

منو انتي ومسويتلي متابعه.. جاوبته ليش حرام اسويلك متابعه عجبتني الصفحه وانطيت متابعه انته شكو

.. يتبع

كعدت الضهر صليت ورجعت للفراش فتحت الموبايل لكيت جايتني من يحيى رساله

يحيى 💬💬منو انتي ومسويتلي متابعه..

براء💬💬ليش حرام اسويلك متابعه عجبتني الصفحه وانطيت متابعه انته شكو..

يحيى💬💬 لــNOـا مـℳOــو حرام بس حبيت اعرف مـّــʍՂՕـنــو

براء💬💬حيا الله بنت.. من بنت خلك الله

يحيى💬💬 اهممم وبنات خلك الله عدهن اسم نتعرف عليه لو لــNOـا

براء💬💬 اهمم عندي اسم واسمي براء

يحيى💬💬 عاشت الاسامي.. م̷ـــِْن وين

براء💬💬 م̷ـــِْن بغداد

يحيى💬💬 م̷ـــِْن وين من بغداد

براء💬💬 الشعب

يحيى💬💬 حلوووو قريبه عليه انـّ'ℳέ'ـّيٌ حي اور

براء💬💬 اعرف

يحيى💬💬 نعم ..!! ومن وين تعرفين

براء💬💬 شعليك

يحيى💬💬 لا عليه ونص

براء💬💬 اترخص لازم اروح بااااي

يحيى.. لحضه لحضه.. تعاي.. ماكو بعد مترد على رسائلي وطلع عندي نشط منذ دقيقه يعني راحت

اوووف منو هاي اشكال الوان النسوان تمر عليه بالمحل وتعرفني بس منو هاي… معقوله هاي البارحه اللي اجتني للمحل وتزحلكت ووكعت

آمـⅇℳℳـم يله شوي وارجع اراسلها.. رحت بدلت واكلت لكمه اني ما صايم ومو من عادتي اصوم..

وهاي اخر ايام رمضان ضغط كولش قوي علمحل ويادوب نلحك انـّ'ℳέ'ـّيٌ والعامل.. رحت للمحل كعدت

كمت اشتغل وابيع والشغل خير من الله.. لشوي اتذكرتها.. باوعت موبايلي شغلت نــــ📡ــت طلعت عندي نشط الان

فرحت انطيتها لايك.. شافته.. دزيتلها شدعوه متكبره لو ما شلتج البارحه بٲديه

براء.. شفته دزلي هيج 😨 هذا شبسع عرفني.. يمه هذا شكد نغل ميعبر عليه شي.. ابن سوك محيل متفوته فايته

دزيتله.. وين شلتني البارحه خوش تعرف تجذب.. كال اتصلي خل اسمع صوتج هسـNOWــہہ اعرفج

كتله ميحتاج اي انـّ'ℳέ'ـّيٌ نفسها ارتاحيت😪..

يحيى.. هههههه شلونج

براء.. الحمدلله عايشين

يحيى.. رحمه اذا عايشين.. حاب اتعرف عليج

براء.. مو تعرفت شتريد تعرف اكثر

يحيى.. اريد علاقه

براء.. هههههه شكد صريح جبتها من الاخير

يحيى.. اي اني بطبعي صريح وما الف وادور مثل باقي الولد

براء.. ليش شبيهم باقي الولد

يحيى.. يلعبون ويه البنيه ويكولها احبج وهوه عنده غيرها عشره

براء.. يعني انته ما عندك عشره

يحيى.. لــNOـا عندي 25 خخخخخخخخ

براء💬💬 😒😒

يحيى.. احممم اسـŝøŗŗýـــف مكلتيلي حاب اسوي وياج علاقه وخل اكولجياها من البدايه حبيت هواااي وهواي بنات تعرفت عليهن بس صراحه بس مكنت ناوي وياهن على شي

براء.. ههههه وهسه جاي تقنعني انو انته ناوي على شي ويايه هههههههه

يحيى.. لــNOـا مجاي اقنعج بس صراحه امي تريدني اتزوج واني ما احب اتزوج تقليدي فليش منتعرف على بعض ممكن نرهم لبعض..

براء.. اممم ما اعرف

يحيى.. انتي طالبه لو شنو

براء.. اممم تاركه

يحيى.. لييييش

براء.. هيج ما احب الدراسه ما اطيقها.. وانته شمخلص

يحيى.. اني مخلص ثالث متوسط وكعدت بديت اشتغل ويه خالي بمحل نسائي بعدين امي باعتلي ذهبها وزودت عليهن واجرت هذا المحل واشتغل بيه وخير من الله

براء.. اهممم لعد ليش تركت الدراسه

يحيى.. ما جان الي واهس بيها وتركت

براء.. اهم نفس حالتي بس الاختلاف انته تشتغل

يحيى.. تردين تشتغلين

براء.. ششتغل

يحيى.. محل نسائي ومكياج وملابس نوم وغراض بنات ..والولد يريد بنيه توكف بيه.. لان الولد ميمشي شغله بهيج شي..

وان كان هلشغله مربحه والنسوان دك مشتره عليها بس من يشوفن ولد يستحن ويرحن لغير محل..

براء.. واني شنو اكدر اسوي

يحيى.. تشتغلين وياه وينطيج يوميه بدل مكاعده بالبيت.. والمحل قريب كولش علي محلي

براء.. اممم ما اعرف اشاور امي واقرر

يحيى.. اوك انتضر جوابج.. وهسه اترخص تره المحل مكلوب

براء.. نسوان

يحيى.. لا طليان… اشتغلت الغيره.. غير محلي نسائي لعد شيجوني زلم قابل.. لتخافين الكلب واحد ميصير ثنين باااي😉

براء.. اييي واضح.. يله باي.. سديته من عنده..

باوعت امممم خوش فكره اشتغل بدل مكاعده بالبيت لا شغله ولا عمله غير الفون..

نزلت دا احجي لماما لكيت ماما وخاله ديسوون كليجه للعيد.. كلت ياااااااااي ماما زوديها بالتمر اكثر شي عليج النبي

جان تكولي اكعدي انتي حشيها واحنه نسوي القوالب.. كتلها اووووووووكي.. كعدت كمت احجي الكليجه تمر خلص التمر خليت حلقوم ولب غراش وجوز..

بس اني اكثر شي احبها بالتمر عششششششق😍 ..كملنا وخليناها بالفرن طلعت تخبل ماما خلتها بسله وغلفتها بنايلون وضمتها للعيد..

باوعت كتلها ماما بالعيد وين نطلع.. جان كالت للبيتلنده.. كتلها ايووووووووووو والله معليه اطلعينه ملينه من البيتلنده والمطبخلنده

الام.. هههههه لعد وين نروح يا ماما هيه شو صايره هوسه وانفجارات استري علينه

براء.. ماما هاي مال الانفجارات عوفيها على صفحه العراق صارله ١٢ سنه بس انفجارات شلون بلله منعيش..

ويدرككم الموت ولو كنتم في بروجً مشيده.. يعني احنه اول وتالي ميتين ميتين عاد خل نموت واحنه متونسين مو منجفلين ونايمين بالفراش نباوع تلفزيون حرام عليج ماما

الام..

ينكدر للسانج لا والله بله هللغوه وروحي كلي الكبه بعد ساعه للفطور

براء.. هسه عوفينه من الكبه اريد احجي وياج بموضوع

الام.. يلطلابه متخلص ويه براء.. كولي شرايده

براء.. اريد اشتغل

الام.. شنو شنو يمه جديده هاي مال اشتغل.. شمقصره عليج ولج اشو الايجار الاستلمه نصه بحلكج

براء.. ماما مو قصة مقصره.. بس تره والله ضوجه وخليني اعتمد على حالي شوي.. ومكان الشغل مو بعيد قريب هياته بسوك شلال

الام.. هله هله بسوك شلال مكايله شي.. ولج يمه ستري عليه السوك مليان ناس مو زينه شتعرفين عنهم وترحين تشتغلين هناك وانتي بنيه

براء.. يوووم قابل حياكلوني هوه هنا يمج مشي دقيقتين توصليلي واشتغل بمحل نسائي ويه اخو صديقتي

الام.. ومنو هاي صديقتج انوووب

براء.. اتعرفت عليها جديد بمدينة العاب بغداد وطلعت قريبه على بيتنا واخذت رقمها وكمنا نتواصل.. (خوش فلم اصلي) هسه شكلتي

الام.. كلت وجعه بكلبج كوووووووووومي كلللللي الكبه

براء.. اي اي فالحه بس بالصياح عليه.. بس ماكو مساعده او مسانده بس رزايل.. رحت للمطبخ

الام.. يبووو ..براء وجلبتلها بسالفه جديده بعد متفكنه

براء.. اي اي ما اعوفها الشغله الا اسويها واني كتلج اريد اشتغل.. احجي واني مطلعه راسي من باب المطبخ للصاله اباوع لامي

كملت الكبه والبورك.. وخالتي مسويه تمن وباميه بلحم.. حظرنا اللبن والتمر والعصائر كال الله اكبر فطرنا

بعد ما فطرنا وصلينه ونضفنه رحنه الغرفنه دخلت بنت خالتي رشا منزله قميصها وفاتحه كاميرا.. كتلها هاي ويامن دتحجين

عدلت قميصها وكالت.

رشا.. شعليج كاعد احجي ويه صديقتي..

براء.. هاااا والتحجي ويه صديقتها تنزل قميصها وتطلع جزء ملابسها

رشا.. انتي خليج بيحيى الكتلوني ومعليج بالناس

براء.. نعم نعم ومنو هذا👉 يحيى الكتلوني

رشا.. حبيب الكلب اللي عرض عليج شغل بالسوك.. حته يشوف شغله وياج علراحه

براء.. ضربتها كتلها والله اذا سمعت كلمه زايده منج اذبحج

رشا.. والله تسكتين اسكت متسكتين اني هم احجي..

براء.. اني اشرف منج يا قذره مرخصت نفسي ولا فتحت كامرا.. والولد مجرد صديق اتعرفت عليه جديد وماكو شي ثاني

بس اذا حابه اكول لابوج بنتك تفتح كامره وطلع صدرها تعرفين شيسوون بيج.. بتالي اني ما عندي غير امي ومربيتني احسن تربيه

مو مثلج ام واب وما عرفو يربوج.. ويله اطلعي من غرفتي..

رشا.. هاي مو غرفتج ما يعجبج انتي اطلعي..

براء.. هااا هيج.. جريت ملابسها وشمرتهم وجريتها جر من شعرها وهيه تخرمش وشمرتها بره وقفلت الباب

بقت ادك وتصيح بالباب.. اجت خالتي ورجلها وامي وهيه تبجي وتتمسكن وابوها يغلط ويفشر وصياحه مله البيت

.. رادت تحجي كالت خاله طردتني لان… فتحت الباب

وباوعتلها كتلها اي كولي لان شنو ورافعتلها حاجب.. امي كالت براء لتتخبلين.. كتلها لا اشو اريد اتخبل ومحد يلزمني

هذا بيت ابويه واني حره باللي اسويه تجي تتجاوز عليه اخلي رجلي بحلكها واشكه وكلمه ثانيه والله اتخبل زايد واطردهم كلهم من بيت ابويه والله

امي ضربتني وبقت تصيح سديت الباب وكمت ابجي.. اوووف بابا لو انته هنا جان كل هذا مصار مو جاي رجال مهتلف مثل رجل خالتي وصاير علينه رجال ويغلط ويفشر عليه

بقيت ابجي لحد ما غفيت لشوي دكت عليه الباب ماما كالت تعالي اتسحري ..كتلها اكل زقنبوت ما اريد سوي سحور وانطي اكل لاختج ولرجلها وبتها عوفيني بحالي

بقت ادك ما طلعت.. اخر شي كالت عفتلج مي علباب اخذيه لاتصيرين مخبله وراج صوم.. سمعتها نزلت..

فتحت الباب لكيت مخليه صينيه زغيرة بيها لفة جبن ومي بارد.. اخذت المي شربته وعفت اللفه.. رحت قريت قران شوي لحد ما صار الصلاة

طلعت توضيت.. جان تطلع امي بوجهي ردت امشي.. لزمتني.. وحضنتني

الام.. يمه لا تضوجين فدوه لعينج.. يمه شرايده غير سعادتج.. شعندي غيرج.. بس ييمه احنه ثنينه نسوان.. والدنيا ما ترحم يبنيتي.. الف كلمه يشمروها علينه حته لو شريفات

رجل خالتج حته لو مو زين اسمه رجال بالبيت.. يمه البيت بيت ابوج.. والله لعبتلج بيهم جوله هسه لان رشا متجاوزه عليك بس لتقهرين نفسج

براء.. يوم تغلط وتتجاوز باعي باعي.. شوفتها ركبتي شلون مخرمشتها وجاريه دم

الام.. كسر بيدها انشالله.. لتنقهرين حبيبتي نزلت الحقيره نامت يم امها وابوها خليها يطبها مرض ارتاحي انتي بغرفتج ولا تضايقين نفسج

براء.. ماما مو راحه هاي ادخل عليها الكاها فاتحه كامرا ويه ولد ومن اهددها بعين صلفه تكولي فتشت بجهازج وتجيب اسم ولد صديق وتسوي على اساس بيناتنا علاقه وتهددني بيها

الام.. يمه اسم الله تفتح كامره شلون.. ديربالج منها يمه عوفيها وارتاحي معليك بيها بنيتي انتي واعرف شنو تربيتج ميحتاج تسولفلي هيه

براء.. بست راس ماما ودخلت للغرفه صليت ورحت للفراش فتحت نــــ📡ــت لكيت يحيى مراسل كومه

انطيته لايك.. بسرعه شافه وجاوب..

يحيى💬💬 لج هاي وينج يمعوده من البارحه لليوم ماكو

براء.. لا هيج جنت مشغوله تعرف تنضيفات عيد ومخبوصين

يحيى💬💬 هاااا اكول هاي وحده اسمها كبري

ائي كاتلهم دزتلي طلب وتتغزل شفتها صديق مشترك بينا

براء.. هههه هاي بنت خالتي كبريائي كاتلهم وهيه حصلتلها كتله معدله.. خررررب بالحظ شلون ناس

يحيى.. يعني تصير بنت خالتج

براء.. اييي بنت خالتي

يحيى.. وشعدها وياي.. لحضه اسويلج سكرين شوت لمحادثتها.. صورت المحادثه وبعثتها

براء.. بعثلي الصور كبر والله فشله تنحسب بنت خالتي شلون زاحفتله.. كتله اعتذر لكن بنت خالتي هذي شوي مو راحه

قبل شوي تعاركت اني وياها وطردتها من غرفتي

يحيى.. ليش هيه عايشه وياكم..

براء.. اي ويانه لان بس اني وماما عايشين بالبيت لذلك اجو بيت خالتي كعدو ويانه

يحيى.. ليش ماكو اخ اب وين

براء.. اخ ما عندي وابويه انقتل بالطائفيه..

يحيى.. اها اسف البقيه بحياتج.. والعوض من الله

براء.. يسلمو وحياتك الباقيه..

يحيى.. مكلتيلي.. حتشتغلين ويانه بالسوك لو لــNOـا.. يتبع

🌺🌺🌺🌺

#اهات_الم

،،،،،،،،،،،،،،،،بقلم الكاتبه زينب ماجد،،،،،،،،،،،،،،

البارت_3 و 4 و 5 و 6

يحيى.. أيٌـ.YESـہٌَ مكلتيلي حتشتغلين بالسوك لو لــNOـا

براء.. واللهي كلت الامي وبعد دنتناقش

يحيى.. ٱפگـيہ هوه لورا العيد بعد يله اخذ راحتج بالتفكير وردي الجواب بس تره فرصة عمل حلوه ومريحه ماكو تعب هوايه ويوميتج 15 الف

براء.. انشالله ..امممم سولفلي عنك

يحيى.. مثل شنو

براء.. وضعك عائلتك علاقاتك حابه اتعرف على هلشي حتى عمرك اني ما اعرفه

يحيى.. عُـُـُـ✯ُـ😇ُـُ✯ـُمُــُري 26 سنه عائلتي متكونه من ام و3 خوات واخ واحد

براء.. ووالدك.. ؟

يحيى.. اتوفى قبل سنتين

براء.. اسـŝøŗŗýـــفه الله يرحمه

يحيى.. ويرحم والديج..

براء.. هم انفجار😔

يحيى.. لا لا ابويه مات بمرض سرطان الرئه.. رجال جبير ويشرب جكاير تعبت عنده الرئه الله يرحمه

براء.. الله يرحمه.. وضع العراق حاليا صاير مؤسف اللي ما يموت بٲنفجار يموت بالسرطان شلون نخلص ما نعرف

يحيى.. الله موجود شنسوي.. شعب ممصفي نيته كلمن يحجي بطائفته ورايحه بيها هالشباب اللي انقتلت والطفال اللي تيتمت والنساء اللي ترملت

منو يتحمل ذنبهم ما اعرف.. شلون الله يرحمنا واحنه ما راحمين بعض.. نسو الله لما كال وجعلناكم شعوبا وقبائل لتعارفوا.. مو لتتقاتلو..

لما الله شافنا ما نتعارف ونتقاتل تركنا واحد يطخ بالاخ وحسابنا يم الله عسير.. باعي الغرب رغم ما عدهم اسلام

بس اكو شي عدهم اسمه احترام الذات.. يكرهون الطائفيه.. امريكا لما صارت عدهم طائفة الابيض والاسود.. اختارو رٲيس اسود يحكمهم لحتى ينهون الطائفه اللي بينهم

واحنه لسه نتقاتل اني سني واني شيعي.. ونتعارك على معارك صارلها الف سنه من تخلفنه..

تجيه.. يكلك نتبع امام.. نسو الامام كال الناس صنفان اما اخ لك في الدين او نضيرك في الخلق ..

براء.. صحيح يعني خله لك نفر احترامه ان كان مسلم او غيره ووصفنه بالخوه بس احنه نسينا الاحترام..

وصرنه نتقاتل ونتحارب على شغلات همه ميقبلون نتحاربب عليها بس شنسوي .. يله يمعود شعلينه.. ربك يصفيها

يحيى.. ههههه انشالله.. اكووول علعيد هم. اطلعين

براء.. اممم ما اعرف ليش

يحيى.. حاب اشوفج

براء.. اممم صعب

يحيى.. ماكو شي صعب دبري طلعه لوين متكون واني اجي اشوفج حتلو من بعيد

براء.. مممم مو راح اشتغل يمك بعد شكو

يحيى.. هذا شي مو اكيد واني اريد اشوفج اكثر لحته اتعلق بيج اكثر وانتي هم.. تره بس مراسلات ما ترهم

براء.. امممم ما اعرف خليها منا للعيد اذا صارت طلعه عود اكولك يله باي اروح انام طلع الفجر

يحيى.. خررررب بهلج طلع الفجر واني بعدلي 3 ساعات وافتح المحل ومنايم ولي ولي طفري خل انام

براء.. خرب بهلج وولي وطفري شحاسب نفسك انته يا ولد😒

يحيى.. بما انو دنتراسل اي بمعنى بيناتنا علاقه.. والعلاقات تتقسم واحنه علاقاتنا من ضمن علاقات الحب.. والحب لما تقسميه اكو بنية لعب واكو بنية زواج

واني نيتي وياج صافيه.. لذلك تتقسم على صنف علاقات الحب الزواج.. وبما انو زواج اي بمعنى انتي مرتي وبما انو انتي مرتي بكيفي اسب واغلط باللي يعجبني😝

براء.. يمه يمه يمه اخذتني حاصل فاصل انته هيج مينكدر للسانك.. ما احبك ولي

يحيى.. تحبيني غصبا عليج مرتي😛.. وهسه اطفري بااااي😜

براء.. ههههه بايات.. ابتسمت واني اراجع الدردشه مالته ياويلي شكد ينحب .. مرتي هههههه

(شكد اكره هيج ثولات يصدكن بكم كلمه😑)

نمت واني مبتسمه واتذكر كلماته وحجيه وشلون يلبكني بالكلام ههه.. كعدنا الضهر طلعنا البيت كله كمنا انضف تنضيفات العيد

غسل حيطان وبردات ودرج واثاث.. كلبنا البيت فوك جوه.. كملنا غسل بقى بس نرجع كولشي لمكانه

عفنا البيت ينشف رحنا سوينه الفطور وطلعنا نباوع للسما اكو هلال لــNOـا .. ماكو ممبين باوعنا لحد مملينه اخر شي دخلنا

اذن الاذان فطرنا.. دنفطر وطلع عاجل علعراقيه باجر اول ايام عيد الفطر المبارك.. صيحنا هييييييييي تكول راح نفرح هوه اصلا العيد كٲبه اكثر من اليوم العادي الله وكيلكم😑

بعدها كمنا كلنا للبيت اني لزمت جرايد ووكفت المع جام.. امي راحت للكاونتر ترتب الغراض

وخالتي راحت للصاله ترجع الاثاث وتركب الثريات هيه وزوجها.. وبنتهم كاعده وساكته😒.. عود كل شوي خالتي تصيح عليها تكوم تجيبلهم حاجه

كملنا وفرشنا البيت كامل صار يخبل جديد رحنا للنوم من وكت الساعه 11 ونص بليل..

تمددت بفراشي.. باوعت حساب يحيى.. نشط الان.. دزيتله عيد سعيد ينعاد عليك بالصحه والعافيه

يحيى.. كاعد بالكوفي ويه جماعتي ومكنك فيسبوك اجتني رساله معايده من براء فتحتها ودزيتلها وعليج اسعد يارب انشالله يوم عرسج😛

براء.. عرسي..!!! ههههه من مـّــنو

يحيى.. اي واحد المهم تتزوجين متكيفين ..تخلصين يوميه لازمه شباج الكاظم دخيلك زوجني

براء.. هاي اني ههههههه لا والله ممسويتها

يحيى.. اي لان بعدج صغيره بينما اذا كبرتي ومتزوجتي تسويها.. لذلك دا ادعيلج واتمنالج دعوة العيد انو تتزوجين

براء.. هاااا اي اذا هيج

الله يسمع من حلكك انشالله 😂😂

يحيى.. اويلي يابه😂😂😂

براء.. وين انته

يحيى.. بالكوفي دا انركل.. صورتلها النركيله ودزيتها

براء.. دزلي صورت النركيله بس لمحت رجل بنيه طالع يم النركيله بالكاع.. كتله وياكم بنات

يحيى.. خرب عرضج وين شفتي..

براء.. اكو رجل مال بنيه بيها صبغ اضافر😒 يم النركيله بالكاع

يحيى.. اويلي من عيونج اي الكوفي مختلط والخدمه بيه بنات وهذي حبيبت صديقي جايه وياه هنا

براء.. حبيبته وتجي وياه للكوفي. عادي 😰

يحيى.. حبيبه مو محترمه عادي لتقضية وقت

براء.. يعني شلون ممحترمه

يحيى.. شلون احجيلجياها بالخط العريض يله تفتهمين هههه.. لج بابا يعني ..طووووووووط

براء.. ههههه افتهمت مدام طوووط ههههه.. بس يعني مو حرام تخلصون وياهن وقت هنه هم بنات وعدهن احساس

يحيى.. شنو شنو احساس.. ههههههههههه لج بابا ذني ساقطات صار ساعه كاعده بحضن صديقي وتباوعلي وتضحك

براء.. عوووع عابت وانته شعندك كاعد يمهم كووم منهم

يحيى.. بويه اشتغلت الغيره كايم والله كايم هههههه

اكول مو تنسين اذا نويتو اطلعون كوليلي ٱפگـيہ

براء. ٱפگـيہ باي

نمت وكعدت ثاني يوم اهوووو شكد فشله هسه اروح اباوس امي واكولها كل عام وانتي بخير.. شنو هاااي يووووي😣

شلون راح اطلع والله فشله.. نزلت للحمام دا اغسل وجهي جان تطلع امي بوجهي .وتكولي

الام.. هله ماما تعالي اعايدج ولو عايدتج الفجر لما صليت دخلت وانتي نايمه بست راسج وعايدتج بس تعالي مره ثانيه

براء.. يبو يلفشله كتلها عيدج مبارك وايامج سعيده انشالله حجيه على جبل عرفات ويحفظج ويخليج النا

الحمدلله خلصت من امي بقت البقيه اوووف انوب هاي رشا العوبه اعايدها والله لو امووت ..دخلت عايدت خالتي وبستها

وعايدت محسن رجل خالتي علناشف وبدون ما اتقربله.. للعلم اضوج من رجل خالتي والسبب نضراته مو حلوه ومن افوت احسه بده ياكل جسمي بعيونه

بس الامانه لله ابد ممتعرضلي فد مره بس يصيح يغلط عليه دائما ويرزل اذا راد شي ومسويته بس شحده يتقرب اشك حلكه وحلك ال..

يعرف لو حاول يتقرب اطلعه من بيت ابويه بچلاليق واخليه يتيه بالشوارع هوه عائلته..

بنته عليه هم مثله مسقطه.. لكن خالتي طيوبه بس هم عدها شوي نحس

عايدنا بعض واجونه عمامي عايدونه انوب كالتلي ماما البسي ملابسج نروح نعايد اقربائنه كتلها ماما اضوووج كالت ماما خل يشوفووج يتعرفون عليج شنو تضوجين

كولو بالجبر لبست ملابس العيد وطلعت ويه ماما بسيارة عمو يمكن الف بيت لفيناه وراح حلكي من البوس😑 كله هيج امــ😗😗ـــووواح و امــ😗😗ـــووواح

لحد مرحنا البيت عمي الجبير تغدينا عنده سمج ودولمه وطرشي وخير من الله ردت اچيت علاكل خصوصا اني اموووت علدولمه 😍

بس هذا ابن عمي الفكر بس يباوع ويكول هاي شوكت كبرتي ذاك اليوم هلكدوتج.. كتله مو البارحه ضجت وما عندي شي كلت خل اكبر😒😒

ضحكو ههههه والله تعرف تنكت.. خرررب شكد اكره الاقارب . تحس حجيهم كله بسامير وعتب وشغلات تافه ووراك يكصك كص يلعن صفحت الخلفك

كمت غسلت ورجعت يم ماما.. مرت عمي حجت ويه ماما.. بما انو براء ما عدها مدرسه وكاعده اريدها لابني حيدر شلون ولد وشاغول وهوه ابن عمها اولى الناس بيها

باوعت هيج😒.. كتلها ممفكره بزواج كالت امج تجاوب مو انتي عيب.. كتلها ليش امي اللي راح تتزوج😕

وامي تكرص برجلي.. باوعتلها كتلها هيه هاي طلعتج اللي طلعتينياها وخل يتعرفون عليج كومي خل ارجع.. كالت يمه متنحمل.. جان عمي يكول لتخافين حيدر زلمه يعرف يضبها

كتله عمو اذا ابنك اسبانه 10 ويعرف يضب خل يضب عينه افضل😏.. عفتهم وطلعت وكتلها ماما اني طالعه ..

امي بقت تتعذر منهم والله هيه مـℳOــو هيج بس لان اختها متعذبه بزواجها ويه عيالها ..لذاك متريد تتزوج بقتت تتعذر كومه

اني لزمت جهازي وحركت الاتصالات عليها.. لحد مطلعت

الام.. اي ادبسز هذا تصرف بلله شيكولون عليج وكحه ما عرفت اربيج مو عيب هلتصرف

براء.. لا مو عيب جايه تتخطب وابنها يباوع ويغمز واني كاعده بنص بيتهم خل همه يستحون وبعدين حاسبيني..

وصوجج انتي اخذتيني وياج للاقارب تعرفيني ما احبهم نسيتي بفاتحة بابا شسوو

نسيتي لما اني واختي وميتات ومطينات ونبجي على كبر بابا وهمه يدفنوه وعمو واكف يشرب جكاير ويصيح علينه ويكول يتعايرن

نسيتي لما نسوانهم كالبات الفاتحه عرس وبس يتضاحكن.. ويعوفن الفاتحه بلا اكل ويودن الاكل لبيوتهم ويكولن الفاتحه مو زينه بيها نقص

الام.. يوم هذا الحجي صار سنين شعلينه ليضل كلبج حقود اتجاوبي ويه الناس بنيتي بهشكل مرا تعيشين

براء.. احسن اموت ولا اعيش ويه هيج ناس منافقه و دجاله مثلهم.. وصلنا للبيت دخلت رحت الغرفتي بدلت ومشطت

ونزلت سويت جاي وجبت كليجه وكعدنه نسولف وناكل اني وامي وخالتي .. ومحسن الافندي طالع😪 وبنته بالغرفه تراسل🙌

لشوي اندك الباب جايات صديقات ماما يعايدونه.. سلمت عليهم ودخلت لغرفتي.. باوعت يحيى.. نشط منذ 4 ساعه ..يعني مموجود

عفتها وفتحت التلفزيون كمت اباوع برامج العيد

.. واغاني كاظم الساهر التارسه القنوات (عيد وحب هاي الليله الناس معيدين)

مليت نزلت جوه لكيت ماما دتسوي تكه مشويات للعشه.. كتلها ماما خل نطلع

الام.. وين نطلع يا بنتي وين

براء.. ماما نروح منتزهات العاب تره والله مليت من البيت اخنكتتتتتتتت😲

عاد خالتي كالتلها سميره شنو رٲيج باجر نطبخ وناخذ اكل ويانه ونروح لكورنيش الاعضميه هناك حدائق حلوه نفرش ونكعد نتونس

كتلها اي ماما اييي فدوه خل نروح .. كالت ماشي باجر العصر نروح.. كتلها هييييييي تعيش ماما... يتبع

كتلها اي ماما اييي فدوه خل نروح نتونس بالكورنيش .. كالت ماشي باجر العصر نروح.. كتلها هييييييي تعيش ماما..

رحنا سوينه المشويات تكه و معلاك وفلفل وبصل وطماطه.. جان اطيب عشا.. خلصت.. رحت لغرفتي.. عزلتها شوي مسحت غراضها..

ورجعت تمددت علسرير اخذت الفون.. باوعت يحيى.. ماكو نشط منذ 3ساعات.. دزيتله رساله

💬 يحيى باجر حنروح لكورنيش الاعظميه العصر💬

دزيت الرساله انوب بقيت اتصفح بصفحته شلون حلو الشعر بيه شكار والعيون صفر وملامحه وشخصيته حلوه



انوب طلعت اتصفح بالبرامج شوي.. لحد محسيت عيوني ثكلن.. طفيت الموبايل ونمت.. كعدت الصبح باوعت الساعه 9

اممم بعد وكت جريت الموبايل فتحت الواي فاي.. بسرعه اجتني رساله من يحيى.. 💬💬صدوك حبيبي ممصدك اليوم اشوفج💬💬

دزيتله صباح الخير.. وصلت.. باوعها.. راسل

يحيى.. صباح الانوار والاعياد

براء.. شلون العيد وياك

يحيى.. يخبل ملتهي ويه جماعتي مسابح وونسه ولاهي ..يمعوده شباقي بالدنيا

براء.. نيالك عاد حطني جداحه بجيبك وديحني وشوفني العالم..

يحيى.. هههههه علوااا عمي اخليج بكلبي مو بجيبي بس تعاااي 😉

براء.. هههه لا لا اليوم حنروح نتونس شوي بالكورنيش.. حتجي نتشاوف من بعيد شوي

يحيى.. اي ليش لــNOـا طبعا اجي.. بيش ساعه اطلعون

براء.. الساعه 5 نطلع نبقى لليل..

يحيى.. كوووولش زين.. لعد اشوفج العصر باي لازم اروح هسه عندي شغل

براء.. ٱפگـيہ.. كعدت رحت للحمام غسلت وجهي ورحت للمطبخ.. لكيت ماما وخاله ورشا كاعدات علريوك..

كلت صباح الخير.. ردو عليه صباح النور.. ماما كالتلي يله جيبيلج اكلاص جاي وتعالي اكعدي ويانه.. كتله ماشي

جبت كلاص وكعدت.. كتلها ماما اليوم نروح للكورنيش كالت اي بس ساعدينا بلف الدولمه علمود ناخذها ويانه.. كتلها ٱפگـيہ

كملنه ريوك وبعدها نضفنه خالتي راحت تسوي الغدا واني وماما كعدنا نلف دولمه.. كملناها..

رحت سويت حمام بخاري لوجهي وسويت تنضيف وغسول طلع يلمع انوب خليتله مرطب.. صاحت عليه ماما تعالي تغدي

كتلها ما اريد.. انوب سويت تنضيف الاضافري بالليمون وبمي ورد.. انوب صبغتها ورسمتها رسمه حلوه واضافر رجليه هم

باوعت الساعه 3 ونص .. كلت بعد وكت تصير ب4 واتمكيج.. لزمت فون فتحت واي فاي.. اجتني الاشعارات..

فتحت الماسنجر ما لكيت رساله من يحيى رغم متصل بنت صار اقل من نص ساعه.. دزيت رساله عنده نــــ📡ــت بس ماكو جواب

اتصلت.. جاوب.. كتله هاااا تجي ولا لــNOـا.. كال اكيييد دا احضر نفسي اليوم اشوف الحب ههه

براء.. هلله هلله منو الحب

يحيى.. انَـỲǑŲـْتي

براء.. هله ومن شوكت صرت الحب مالتك

يحيى.. لعد ؏شنو دنشاوف

براء.. عااااادي اصدقاء علفيسبوك

يحيى.. همممم اي بكيفج كلمن ونيته

براء.. هههههههه نيتك مو صافيه

يحيى.. واللهي نيتج مو نيتي اللي مو صافيه.. اطفري هسـNOWــہہ دا ازين اللحيه.. خل اكمل

براء.. لااااا لتزين لحيتك عفيه تره لايكتلك

يحيى.. اعرف دا اخففها وارتبها

براء.. اهااااا ٱפگـيہ.. لعد اني هم اروح اتمكيج احسن

يحيى.. لا لا ميصير اريد اشوف وجهج علطبيعه بدون مكياج

براء.. مو اليوم غير مره لان عيد يطلب اكون بكامل اناقتي

يحيى.. ليش بلا علمود يباوعوج زين ويتحرشون بيج

براء.. الملطلطين ميهمهم المكياج لو رسم الوجه.. على طول اي بنيه يتحارشون بيها

يحيى.. ماكو هيج حجي صح نحجي علمكياج بس من تمر من يمنه البنيه اللي متمكيجه نطيح وراها فما اريد تكثرين بالمكياج طبيعي احسن

براء.. امممم افكر

يحيى.. دمكيجي وشوفي شسوي بيج

براء.. بصفتك شنو..

يحيى.. اللي يعجبج.. باي❌🔕

براء.. اوووي اضوج واحد يتحكم بصرفاتي انوب هذا شايف روحه عليه.. بس تره عمي هوه حلو😢 يعني حرام اروح اكابله بهلوجه غير يشرد 😑

لازم البك وبعدين نذب القناع لما يوكع😁😁 بدلت ملابسي و وكفت علمرايا مكيجت خليت عدسات ورموش طلعت هيفاء وهبي 😜

لفيت الحجاب لفه نازكه وخليت اكسسوار بيه صار كيوت.. ونزلت امي ضحكت كالت اي بيها دياحه خلصتي بساع

لو كايلتلج عله شغله جان كلتي ما بيه حيل ..

براء.. عيني سميره توفيق واللي نضفت واللي لفت الدولمه وياج منو هيه البنغلاديشيه مالتج..

لو متشوفيني لما انضف. واشتغل تشوفيني بس من الزم الموبايل لو اريد اطلع.. اوف منجن يامهات هلوكت مال حرك😝

الام.. انوووب اني مال حرك ..بطلت لعد ما نروح

براء.. لا لا يوم لا شبيج انتي الخير والبركه اي يايمه مايصي

ر نتشاقه وياج شويه ..امشي عمي امشي بعد حرام ما احجي اهمم😷

الام… ههههه ديله صيحي خالتج وبنتها شوفيها كملو ..

براء.. ٱפگـيہ.. رحت لغرفة خالتي كالت اي كملت اجت كالت رشا متروح حتروح ويه ابوها لعمامها.. بكلبي كلت الحمدلله خلصت منهاا

رحنا اخذنا تكسي للاعظميه .. وصلنا دخلنا الحدايق فرشنه جرجف وخلينه سلة الاكل وترمز المي وكعدنا..

بقت ماما وخاله يسولف على هذا وذاك.. كتلها ماما خل انزل لمدينة الالعاب الكورنيش.. كالت ترحين وحدج..

كتلها شكو عليه.. باعي الدنيا ملتمه لتخافين جهازي بجيبي لو ردتيني سويلي مسكول تلكيني يمج ٱפگـيہ

كالت ماشي.. كمت من يمهن رحت نزلت للالعاب دفعت الدخوليه ودخلت.. خابرت على يحيى..

كال انـّ'ℳέ'ـّيٌ واكف يم ابو التذاكر رقم 2 كتله اني بعدني باب الدخول تعال انته

كال اوك ماشي جاي.. وكفت اباوع علالعاب االسيارات تشتغل والصراخ والاضويه.. لشوي باوعت يحيى اجه

انوب حقيقته احلا من الصور.. يبوووو هذا يحبني ومتكبره عليه اهمداني 🙌😑..تقرب كال انتي براء..

ابتسمت كتله لــNOـا اختها.. ضل يضحك.. ومد ايده لايدي وشبكها بٲيده.. هااا😨 ه̷̷َـَْـُذآ سريع الاشتعال بساع يتفاعل

كال شبيج خايفه كتله لا لا ابد.. كال تعالي نكعد علكورنيش هناك الجو مو حار ..طيب.. مشيت وياه..
نباوع الناس اللي تصعد بالقوارب وصوت الموسيقى العاليه.. واغنية محمد السالم ها ها يم الولد ترج والشباب تتراكص

باوعلي كال جايه ويه منو.. كتله ماما وخالتي..

اخذ ايدي باسها بكفاها.. انوب باوع لعيوني وكال حاب اتعرف عليج وتصيرين الي.. ضحكت ودنكت

مد ايده وكرصني من خدي خفيف انوب كال اكووووول ..كتله كول.. كال مو كتلج ممنوع تخلين مكياج..

براء.. واني كتلك اليوم سماح لان عيد 😌

يحيى.. اممم ما احب اللي تردلي كلمه

براء.. واني ما احب اللي يتحكم بيه وميخليلي رأي

يحيى.. من هسـNOWــہہ

براء.. ما اعرف كول لنفسك اني متعوده هذي طبيعتي

يحيى.. زين ممكن تغيريها شوي على شاني..

براء.. هههه ممكن..

يحيى.. تنزلين الشط

براء.. تؤ تؤ اخاف من المي

يحيى… هههههه من شنو تخافين دتعاي اني يمج

براء.. اوك نصعد القارب الجبير مو الخاص ..عارض اول بدايه وبعدين كال ماشي صعدنه السفينه.. كال امشي للاخير نكعد

كتله ماشي كعدت يم الشباك او الفتحه مال السفينه وهوه كعد يمي.. مشت السفينه.. شغلو اغنية بس بس ميو الصوت عاااالي جدا وشباب تركص

واني كاعده يمه بالسفينه حسيته كعد يمي واتقرب زايد احس انحصرت ويه الحافه.. مد ايده وره ضهري

وشبكني بٲيده وجرني لصدره قوي.. كتله شنو هاي ضايقتني.. كال شبيج تتضايقين مني

كتله لا بس ابعد ايدك.. كال شبيج انتي حبيبتي يعني هذا الشي عادي واني كولشي ممسوي بس حاظنج

كتله بس دا اتضايق.. كام يعصر بأيده علخصري حيل.. كتله هاي شبيك دوخر.. مد راسه لركبتي وبوسني

لعبت نفسي منه ادفع واوخر همس بٲذني لطلعين صوت تره اذا انتبهو عليج الناس ياخذون عليج نضره مو زينه

كتله ميهمني توخر لا اصيح الم الدنيا عليك والله.. اكو شاب كاعد شوي عنا.. كال خير انشالله ماكو شي

كاله لا لا خطيبتي وزعلانه عليه ومتقبل تتراضه.. عاد الولد ابتسم كال الله يوفقكم.. دار وجهه عليه

كال اهدي مراح الزمج بعد.. درت وجهي عنه.. لزم ايدي جريتها وشبكت اديه ابعض شوكت توصل السفينه للمرسى واخلص

وصلت كمت من مكاني كتله ابعد خل امشي انزل.. كال اول شي اضحكي وانسي الصار.. كتله بابا دووووخر

دفعته ونزلت.. اول ما نزلت لكيت ماما وخالتي كاعدات علمرسى.. هوه يمشي وراي خفت يصيحني كدامهن

فٲشرتلها وكتلها هلوووووو ماما.. وركضتلهاا.. هوه وكف بمكانه.. كالتلي ماما ..لعبتي تونستي.. كتلها لا والله

الالعاب ازدحام وبس النهر ركبته الباقيات ابد مركبتهم.. كالت خالتي تعالي نصعد سفينة نوح..

امي كالت روحن اني عندي قلب ما اكدر اصعد.. رحت مشينا اني وخالتي ويحيى يمشي ورانا صعدنا بالسفينه صعد وكعد يمي

اهووووو هذا شلون بيه.. كعدت خالتي من اليسار وهوه من اليمين.. خفت لا يحجي او يمد ايده وما اكدر احجي

بقيت ساكته.. مد ايده لزم ايدي وخرتها بسرعه وكرصت ايده حيل..انوب كعدت يمه وحده.. استغفر الله.. تناسبه مثله

لابسه نص ردن وفتحت صدرها طالعه والمكياج اووووفر والشعر ناثرته.. كامت تحجي وياه اني اخاااف وهاي اول مره اصعد بيها وتتماوع بحجيه..

كالها واني شعليه ويضحك.. وهيه تضحك وتكوله صدقه لله شكد دمك خفيف وحلو ههههه.. خرررب شنو هاي صدوك ماكو احساس

اتحركت السفينه اتمسكت بالبوري الحديد.. هوه هم تمسك وايده على ايدي.. ضحكت.. كامت السفينه.. تموج شوي قوي وهاي يمه تصرخ وتتعاير

من يمي اشتعلت بدي الزمها من كفشتها.. من تنزل بينا السفينه هيه توكع عليه عود خايفه.. وهوه يباوعلي ويضحك عليها.. ضجت

بدت السفينه تموج قووووي اني صرت اعيط بكل صوتي وهوه يضحك وهاي كامشه بيه وهوه يصيح هسه غير اللزكه تعوفنييييييييي

صرت اضحك واصيح ااااااااااا وخالتي ت

شبع ضحك تصيح دخيلك يربي راااااااااح نمووووت ووجها يخرب ضحك

اشو هاي الكلبه تعالي وشبكي يحيى بثنين اديها وهوه يضحك.. اني رغم ما السفينه تموج قوي بس كمت ما اصيح وضجت حيل بس متمسكه قوي

انتبهلي بدت السفينه تخف.. همس بأذني كال والله لزكه ومو ابالي ابد.. ما رديت عليه.. كملت السفينه..

نزلنا اني وخالتي رحنا لماما كتلها يله خل نرجع كالت امي بعد وقت كتلها لا خلص تعبت

كالت شعجب معقوله براء تحجي هيج.. باوعتلها وكتله ماما دمشي شبيج كتلج تعبت.. كالت يله شعندي غير علمودج

يحيى.. راحت براء واجت هاي البنيه طلع بيتها بالفضل متزوجه وزوجها مسافر.. رحت وياها للبيت اخذت حاجتي منها وانطيتها 50 الف وطلعت

براء مثل اي بنيه استدرجها واوكعها لحد متحبني واخذ اللي اريده منها واتركها.. مو بيدي احب اخذ البنات واخليهن يتمنني..

من طلعت من بيت البنيه خابرت براء مترد اهوووو هاي زعلانه.. احسن شي اخليها تشتغل ويه علاء واني اعرف بعدين شلون اجرجرها

رجعنا للبيت دخلت سبحت وطلعت لغرفتي باوعت لموبايلي.. لكيت يحيى مخابر 4 مرات.. عفته ..

رحت دا امشط شعري.. دك الفون ..باوعت يحيى.. عفته يرن.. انوب قبل ليسد.. رفعت خط..

كال حبيبي شبيج والله مو ابالي هيه.. كتله هيه منو هيه.. كال اللي لزكت بيه.. كتله ومنو كالك اهتميت.. وبعدين شهلتصرف اللي اتصرفته

يحيى. براء حبيبي تره والله من حبي الج هيج سويت يعني شسوي متمكيجه وحلوه وكدامي واني رجال عزابي ماااا اصبر مو بيدي

براء.. لــNOـا والله خاف متقبل..

يحيى.. عمي اسف بعدما الزمج قبلتي

براء.. اخذت نفس عالي

يحيى.. هههه اروح فدوه لهل نفس..يتبع

#اهات_الم_من_وجع_ادم

،،،،،،،،،،،بقلم الكاتبه زينب ماجد،،،،،،،،،،،

البارت_5

يحيى.. حياتي هسـNOWــہہ مكلتيلي راح تشتغلين ويه علاء بالمحل لو لــNOـا

براء.. _

يحيى.. اهوووو يعني بعدج زعلانه دكافي هسه اني شسويت يا عمري تره عادي كل ثنين يصير بيناتهم هلشي بس انتي معقده وبارده ابد ماعندج مشاعر

براء.. هاااا اني

يحيى.. اي اي انتي تراج دمرتيني هاي من اولها هيج زعل ومترضين اي ياعمري غير احبج واريدج الي واتقربلج

تره مالي غير قصد بيها واني احبج لتعتقدين دا ارخصج او شي بس انتي متنطيني مجال اوضحلج حًِــℓσνєـًِبٌُيُ

براء.. بس ميصير هيج تسوي حتى لو تحبني

يحيى.. يابه وعد بعد ما اسوي الا انتي تكوليلي هااا تراضينا

براء.. امممم

يحيى.. بويه فديت الامممم الحروف تطلع من حلكج تخبل تكول عسل

براء.. هههههه

يحيى.. فدوه اروح لهضحكه.. هسه حتشتغلين ويه علاء لو لــNOـا

براء.. شوكت..

يحيى.. باجر اخر يوم العيد يعني عكب باجر تبلشين

براء.. ٱפگـيہ اخبر ماما وارجعلك خبر ٱפگـيہ

يحيى.. انشالله عمري.. اكووول اريد بوسه ..لو هم بالموبايل ممنوع

براء... ههههه ولي استحي

يحيى.. زين اني انطيجياها ممممممممممموووواح

براء.. تره شفطت الموبايل مو بستني

يحيى.. اي شسوي عبالي خدودج الحلوه ههههههه

براء.. يحيى انته صدوك تحبني

يحيى.. اي والله امووت عليج اصلا كمت ما انام من كد ما افكر بيج.. (وبالحقيقه ابعد الجهاز واسوي تفووو💦)

براء.. يعني شبسرعه حبيتني تره مصارلنا نعرف بعض غير ايام

يحيى.. اي بس بهلايام اخذتي كلبي وشغلتي تفكيري.. حتى كمت ما اعرف اشتغل من كد تفكيري بيج

براء.. واني هم افكر بيك هوايه.. صراحه انته حلو جنك كيكه بالحليب

يحيى.. ههههههههههههههههه حلوه هاي مال كيكه بالحليب ..لج لعد شايفه وجهج انتي شلون تخبلين.. خو الشفايف اوف بويه تكطع

براء.. هاهيه بس شفايفي انتبهتلها 😒

يحيى.. لــNOـا طبعا كلج بس هذا الشي المميز وانوب مخليه حمره وردي فاتح واني اتخبل وانجن على هللون

وانتي شنو اكثر شي عجبج بيه

براء.. الصراحه هيئة جسمك وكتافك وبياض بشرتك ويه الملابس حيل حلوه

يحيى.. كله الج حلالج بوياي😉

براء.. هههههه انشالله من نتزوج يصير حلالي

يحيى.. خرررب هاي ناويه زواج.. هسه دنحجي حلو الا تخربها.. كل تفكيرهن بالزواج شلون عقده..

كتلها انشالله عمري بٲقرب وقت (وبكلبي اكول باقرب وقت اخذ اللي اريد وبأقرب حاويه 🚯)

براء.. انشالله حبيبي اترخص اروح انام نعسيت

يحيى.. اوووف لتخبليني خل انام على نفسج

براء.. شلون يعني تنام على نفسي

يحيى.. يعني خلي الفون يم وجهچ ونامي واني اسمع انفاسج اللي اموت بيها

براء.. زين واذا شخرت محتكدر تنام 😐

يحيى.. اسده بوجهج وبوجه الخلفوج اااااقصد شخيرج نغمه حياتي.. بس ليش انتي تشخرين

براء.. اي شوي لان عندي جيوب انفيه دا اراجع عليها يسوولي عمليه انشالله بس مو هسه بعد

يحيى.. هااا انشالله مابيج غير العافيه عادي حياتي اني من انام هم اشخر ارعد الدنيا ..يله نشخر ثنينه وهيه تصفه هههه

براء.. هههههه احبك

يحيى.. اموووت عليج.. قفلي الخط ما اكدر اقفله بوجهج

براء.. لا انته قفله مينطيني كلبي

يحيى.. ٱפگـيہ نقفله اثنينه

براء.. ٱפگـيہ

يحيى& براء.. 1 2 3 مووووووواح ❌

شلون ..ل

واكه 😒 سوالف البايخين🙌)

براء.. فدوه شلون يحبني انوب يخبل يربي جنه مهند😍😍 هيج وجهالي يطلعون مثله الا اتخبل من جمالهم

سديت الفون قفلته ونمت.. كعدت الصبح نزلت تريكت وكملت.. كتلها ها ماما خلص العيد..

الام.. بعد طلابه اليوم الثالث وباجر يخلص..

براء.. خب حظي اشفنه منه ..الحزن شهرين والعيد يومين شهظلم يربي😣 دا احجي وطبت بنت خالتي رشا جانت بايته يم عمامها

سلمت عليه رديت السلام عليها عادي وتعايدنه لان اني ما عايدتها اول يوم تهربت.. انوب كالتلي جبتلج هديه كتلها شنو كالت جبتلج كلاده حرف B

اخذتها وشكرتها وكتلها عادي تكدرين ترجعين تنامين ويايه بالغرفه اصلا استفقدتج.. بوستني ورجعت لمت غراضها ورجعت للغرفه

اباوع لزوج خالتي يباوع.. جنت لابسه تراك قصير وردي.. صعدت غيرت ولبست كلبيه.. كبر طمه هسه شنو من نفس هذا ميستحي

اعرف نضراته ادقق بٲماكن بجسمي النذل واستحي اكول.. اكيد ينكرها عليه.. رحت حاجيت ماما علشغل

الام.. اهوووو هم رجعنا لهسالفه

براء.. اي ماما شبيج هوه هذا سوك شلال خطوتين ونوصل شكو مكبرتها يوميه 15 اروح الساعه 8 واجي ب12 انوب ارجع ب4 واعزل ب7 وتخلص حته متحسين بيه

الام.. يمه اخاف عليج السوك ميتٲمن وانتي بنيه

براء.. اهووووو تره خبلتيني انتي بنيه وانتي بنيه ماما اني اريد اشتري ايفون سكس بلاس النازل جديد

غالي وانتي ما عندج فلوسه تجيبيه اليه فخليني اشتغل اجمع فلوسه وابطل فدوه ماما فدوه بلييييييز

الام.. ماشي بس اذا ما عجبني الشغل ابطلج تره

براء.. ماشي وعد.. هلله هلله حشتغل.. رحت خابرت يحيى كتله باجر ابدي بالشغل كال ها قبلت الوالده كتله أيٌـ.YESـہٌَ

يحيى.. كلششششش حلو.. راح اخابر علاء واكوله هوه خطيه منتضر مني كلمه لان كتله عليج وهوه يريد يشغل وحده ثانيه

يحيى.. خابرت عله علاء كتله تره البنيه الكتلك عليها حتشتغل يمك..

علاء.. تره غير 10 ما انطي واذا شغلها مو زين اطردها

يحيى.. شبيك يول عدها بنت خاله اشرد تخبل ..بحبحها عليها وصير كربم ذيج تجيك وحدها طايره

علاء.. لا بشرفك يعني بالباكيت لو مكسوره

يحيى.. اكله بالباكيت يمعود ..انته شامر روحك على هلكح.... دعوفهن يلعبن النفس باع بنات البيوت وشوف البرائه شلونها وتمتع ..بكلمتين توكع

علاء.. اي يلا عمي ليش لا الله وايدك وينها

يحيى.. باجر يمك الصبح الساعه 9 كتلها

علاء.. ماشي..

يحيى.. رجعت خابرت براء.. كتلها ها حًِــℓσνєـًِبٌُيُ خابرت الولد وكال ب9 الصبح لازم انتي هناك ٱפگـيہ

براء.. ماشي حبيبي

يحيى.. يعني حشوفج باجر..

براء.. اي بس مو ترجع تسوي شغلات تافهه مثل ذيج المره..

يحيى.. شكد فڪريه يربي.. كتلها اي طبعا حبيبي اني وعدتج..

براء.. فدوات حبيبي اموووت عليك..

يحيى.. لج يول مو بكدي

براء.. ههههه سديت الخط منه ورحت للمرايا اضحك يبو هلحلو يحبني يمه يمه وخليت ايدي على وجهي

شغلت الديجي عالي وكمت اكمز علسرير واضحك
( كل يوم في عمري بيعدي وانته معايا.. فيك بحس انو بيزيد احساس كوايا.. والا اغصب عني بشتاء لعنيك)

دخلت رشا شافتني اركص بقت تركص ويايه رجعنه شغلنه ها ها يم الولد وكمنا نركص تكسير ههههههه

فحطنه من الركص وكعدنا 😧😧😧😧 كوه نجر النفس ههههه كتلها رشا حشتغل

رشا.. وين..

براء.. بالسوك بمحل نسائي

رشا.. اي يا الله بلكت تشوفيلي شغله وياج

براء.. هسه دخل اشتغل اني وعود الله كريم

رشا.. بس لا ويه ذاك الحلو والله اموتج

براء.. قصدج يحيى لا لا ويه صديقه

رشا.. هلله وصديقه بيه شوفه لــNOـا

براء.. ههههه مشايفته

رشا.. شوفيلنياه بداعة الخوه ههههه اذا توب كوليلي اطبقه علبارد

براء.. هههههههه لج ولا دكعدين راحه العندج ممكفيج

رشا.. يمعوده ذوله هيج بس اقط بيهم الا ما اباوعلهم

براء.. تره الولد مينلعب عليهم ديري بالج منهم اذا انطاج فلوس وحبج وخنتيه بعدين يدمرج

رشا.. يمعوده خليولون هلمخانيث ميكدرون يسوون شي

براء.. العليه نصحتج .. كمت منها رحت سبحت وخلص اليوم مثل كل يوم تقليدي وخلص العيد وياه

كعدت ثاني يوم بدلت بنطرون ابيض وقميص ساده ازرك وحجاب احمر بالابيض نازك ولبست باته ونزلت

كلت لماما اني رايحه كالتلي اخذي من جوزداني 5 الاف خاف تحتاجين شي كتلها اوك اخذت 5 وجاي اطلع انطتني ماما حافظه صغيره كالت خاف تجوعين

كتلها شكو ماما اني رايحه للسوك خيرات الدنيا كلها هناك.. كال وان يكن خاف يصير عندج شغل ومتكدرين اطلعين خليها بجنطتج ..بست راسها وطلعت

وصلت رحت لمحل يحيى ملكيته لكيت العامل كتله يحيى وين كال هسه يجي كتله محل علاء تعرفه

كال اي ذاااااااك.. كتلها اها شكرا.. رحت تمشيت قريب على محل يحيى...

دخلت محل بابه كزاز مرتب ولعابات لابسات ملابس نوم اشكال والوان وبقية ملابس داخليه مصفطه بالرفوف ومعروضه

صراحه خجلت يبووو شلون راح اشتغل بذني ..تقدم كلت مرحبا كال اهلا وسهلا تفضلي

كتله لــNOـا العفو اني من طرف يحيى كالي على شغل

علاء.. هاا هاا اي براء مـℳOــو

براء.. أيٌـ.YESـہٌَ

علاء.. باعي اختي شغلنا مو قوي ومو متعب شغله مرتبه توكفين هنا.. وتبيعين وهذي الاسعار يمج بالورقه

ولا تردين اكولج اسعارهن..

براء.. ااااا لا لا ما يحتاج

علاء.. لا يحتاج تعالي

براء.. كام يأشرلي علملابس الداخليه ويحجيلي سعرهن احس اخدودي صار نار من الخجل..

علاء.. هاي شبيج يمعوده هاي بدايه واستحيتي شلون لو اجاج ولد وراد يشتري وانتي اطلعيله موديلات ويختار هم تستحين

براء.. امممم ما اعرف احسها صعبه

يحيى.. لا صعبه ولا شي حبيبتي كد هلمسؤليه بس رفعي الخجل شوي.. وتقربت يم براء

براء.. هلا يحيى.. شلونك

يحيى.. الحمدلله.. باوع ولك اديربالك عليها افكس عيونك لو تعبتها

علاء.. والله اشوف شغلها لو حاميه وشغلها زين اخليها بعيوني. واذا بارده وتتكاسل تعذرني

باعيلي اي شي يشتروه تخلين ابداله.. اي لعابه تفرغ ترجعين تلبسيها ٱפگـيہ الكاعيه يمج ممسحه يدويه كل شوي مسحي المحل

والجام بالرشاش والوصله القطنيه دوم ايدج بيه لتخليه يترب لان هذي واجهية المحل ٱפگـيہ اعتمد

براء.. ماشي.. كال اني اروح وارجعلج ب12 ٱפگـيہ.. هزيتله راسي بمعنى اي

طلع وبقى يحيى.. كتله يله مطرود

يحيى.. ههههه فهمتي الشغل لو لا اذا اكو شي مفهمتي كولي حًِــℓσνєـًِبٌُيُ

براء.. لا لا فهمت بس شوي خربطت بالاسعار ههههه

يحيى.. اي عادي تصير لان اول مره باعي هذا الكتلوك .هذي الاسعار باعيها وانتي تعرفين ٱפگـيہ

براء.. ٱפگـيہ دا نحجي وطبت بنيه كالت انتي تبيعين لو هوه كتلها لا اني.. كالت اييي بنفسي هذا روب النوم واستحي اشتريه من الولد

يحيى كال اترخص اخذي راحتج.. طلع كمت اشتغل..
زين الشغل حلو ومو متعب والحمدلله بس بنات ماكو ولد.. لشوي جعت اتذكرت اللفه اللي سوتها ماما

طلعتها.. داريد اكلها.. جان يجرها يحيى من ايدي ضحكت كتله اكلها بالعافيه.. كال لا عضه الج وعظه الي لحد متكمل لان اني هم جوعان

كتله اخذها كلها ما اريد.. كال لا المشاركه حلوه

لزمها بأيده ويعض لكمه ويرجع ينطيني اكل وهيه بأيده

اباوع لايده بيييييييضه خرررب واني ايدي بلون صحراء شبه الجزيره العربيه خررررررب بحظي..

دناكل اني ويحيى.. ودخل علاء.. كال هله هله كالبيها فلم مكسيكي بويه شهلرومانسيات..

يحيى.. نسويلك دعايه للملابس العندك علمود تمشي ههههه

علاء.. لا تخليني اقسم منا البنيه عيب.. باوعت لبراء منزله عيونها ومبتسمه .. وتباوع بالكتلوك

كتلها شلونه الشغل..

براء.. حلو ماشي ومو متعب..

علاء.. كتلها الحمدلله درت وجهي للمحل باوعت نضيف كتلها زين شوي مجال دا افوت للدخلّ

براء.. اي تفضل.. طلعت من المكان الصغير وهوه كعد علكرسي وفتحه وبدا يحسب بالفلوس انوب باوعلي.. يتبع

#اهات_الم_من_وجع_ادم

،،،،،،،،،،،بقلم الكاتبه زينب ماجد،،،،،،،،،،،

البارت_6

علاء.. شلونه الشغل..

براء.. حلو ماشي ومو متعب..

علاء.. كتلها الحمدلله درت وجهي للمحل باوعت نضيف كتلها زين شوي مجال دا افوت للدخلّ

براء.. اي تفضل.. طلعت من المكان الصغير وهوه كعد علكرسي وفتحه وبدا يحسب بالفلوس انوب باوعلي

كال شكد بايعه كتله والله كل البعته هذي فلوسه كامله 525 الف

علاء.. باوعت اليحيى ورجعتلها راسي مبتسم كتلها ولج لو اطك راسي بالحايط باليوم كله ما تحصل عندي ال400 الف

وانتي بصبحيه وحده 500 فد مره شسويتي ولج

براء.. يمعود راح كلبي عبالي فد شي.. ما سويت شي بس بعت ثنين من هذا الروب ابو ال150

يحيى.. باوع حبيبتي حلوه ولبقه والزبائن ترتاحلها وربحتك ..بابه هيه رجلها بيضه علمحل خو مو مثل رجلك الفكرت المحل فد مره ههههه

علاء.. والله عفيه عليها من اول يوم ابدعت.. شلت 20 وانطيتها..

براء.. بس بعدني ممكمله اليوم غير من اخلص تنطيني..

علاء.. لا هذا مبلغ تشجيع علمود تبقين على نفس الهمه.. اشكرج

براء.. فرحت كتله شكرا..

علاء.. خلص الوقت حاليا.. براحتج ترحين للبيت لو تبقين هنا.. لحد الساعه 4 نفتح

براء.. لــNOـا ارجع للبيت اتغده واسبح وارجع

علاء.. براحتج..

يحيى.. ٱפگـيہ تعالي اوصلج..

براء.. لا شكر بيتنا قريب منايه ميحتاج.. صراحه خفت اصعد ويه يحيى وهم يفقد ويسوي شغلات مو حلوه واني وحدي وياه بالسياره ففضلت ارجع لوحدي احسن

يحيى.. لحيت عليها ردت تقنع ابد هاي راسها يابس يرادلها خلك.. يله شعدنه نطول خلكنه.. كتلها براحتج حبيبي

براء.. اخذت الفلوس اللي انطانياهن علاء.. رحت النص السوك اشتريت بقلاوه وكلابيه نازكه لأمي ورجعت..

دخلت امي استقبلتني ها شلونه الشغل خو ما تعبتي كتلها لا ابد كولش مريح واخذت مكافئه لأن شغلي زين

وهاي هديتج من اول تعب اليه هههه جبتلج بقلاوه اعرفج تحبيها.. وجبتلج هذي الكلبيه خفيفه حلوه الج

الام.. يمه فدوه لبنيتي الحلوه اللي تذكر امها..

اخذتها وكدرت الكلبيه صارت عليها تباوعلي ماما وتاكل بقلاوه وفرحرنه بيه..

تقربت كالت خوما اكو واحد موزين اتحارش بيج او سمعج كلام كتلها لا ابد هوه محل ومجوم ومحترم مو بسطيه

وكاعده للرايح والجاي

كالت مع هذا يمه اخذي حذرج ولا تضحكين لياهو الجان تره ولد السوك داهيه ديري بالج منهم..

كتلها اعرف ماما.. تغديت وسبحت ونمت شوي ورجعت كعدت بدلت وطلعت الساعه 4 الضهر

الجو يخوف ضهر و ماكو ناس بالشارع فجأه طلع كبالي ولد كام يحجي حجي مو حلو ويفشر ويغازل بطريقه مو حلوه

احس كلبي مات من الخوف بس ردت اوصل السوك فجٲه طلع علاء بوجهي بسيارته.. شاف الولد وراي كال اصعدي

صعدت بسرعه.. كال باعي ليش كتلج ابقي بالمحل لترجعين للبيت خطر عليج ترجعن وتجين الضهر..

من يخلص الشغل نزلي الستار مال المحل واكعدي اخذي راحتج.. لحد 4 وفتحي..

كتله اي احسن من باجر اكول لماما وابقى بالمحل ما ارجع

احسنلج حتى اني اذا اجيت راح ادك الستار عليج ما افتح وادخل وارتاحي انطيج الباسوورد مال النت وكنكي وتمددي لحد ما تصير ال4

براء.. شكرا.. وصلنا للسوك انطاني المفاتيح و كال انزلي تمشي للمحل افتحيه واكعدي اني رايح بشغله

اخذت المفاتيح فتحت القفل اريد اصعد الستار الحديد ماكو ما اكدر قصيره والباب جبير

شلون يربي هسـNOWــہہ هذا شيفتحه.. ما احس اله يحيى رفعه وهوه يضحك

كال ها ولج زقجه ما كدرتي تفتحيه ضحكت كتله لا والله مكدرت صعب..

دخلت.. مسحت الكاعيه والميز والجام ويحيى كاعد ويسولف ويايه..

كتله انته ما عندك محل مكابلني وكاعد..

يحيى.. هيج مليتي مني ولج شنو مضايقج

براء.. لا والله بالعكس متونسه وياك اخلص وقت بس مو عندك محل شلون

يحيى.. مو مخلي بيه عامل والشغل مو هلكد بعد العيد..

كتله ليش متشوف كلساع وحده داخله تشتري يعني اكو شغل

يحيى.. ملابس النوم والداخليه ما الها موسم النسوان كاتله روحها علسوالف 24 ساعه يشترن ويتزينن

بس الملابس لــNOـا تختلف الها موسم يصير الاقبال عليها بفلس واكو موسم لــNOـا مو هلكد

مثل بعد يومين ننزل ملابس مدرسه شوفي الناس شلون راح تصير.. السوك حيزدحم ويصير الطلب علملابس بكثره منلحك ندور وجهنا

براء.. احجي وياه وامشي بالزبائن.. بس احس الزبونه تخجل بوجوده تاخذ شغلات اكثر

فوحده من الزبونات كالتله انته ابو المحل كالها تقريبا.. كالتله اذا تقريبا اطلع شوي هيه ملابس مال نسوان نريد نختار براحتنه

ضحك كال اسف وراد يطلع ضرب بعلاء..

علاء.. سمعت الزبونه شحاجت يحيى.. باوعت البراء كتلها ابقي اخذي راحتج اني رايح ويه يحيى هزتلي راسها بمعنى أيٌـ.YESـہٌَ

اخذت يحيى وطلعنه كتله يمعود اثناء الشغل لا تدخل المحل لان تعرقل الشغل من يخلص الشغل واستلمها قابل مانعك منها اني.. بس هذا شغلي خلي يمشي

يحيى.. وشوكت استلمها اغاتي اذا يخلص الشغل ترجع لبيتها

علاء.. لتخاف بعد يوميه من يخلص الشغل الضهر تنزل الستار وتكعد بالمحل وحدها بهلوقت انته استغل الموقف وابدي وياها ناعم

يحيى.. ايييي ه̷̷َـَْـُذآ الحجي الزين انزل الستار واطفي ضوه المحل واشرررررد

علاء.. ههههه بالعافيه بس ها مو تنسانه وياك زحلكلي بنت خالتها انته وعدتني

يحيى.. اي حاجي براء عليها بحجة شغل

علاء.. وششغلها انوب.. هاي وخليتها عامله اذيج شنو حارس

يحيى.. انته شيل ابو صابر المتمدد بصماخك وفكر بيها عدل ذيج تفهم بالفيسبوك والسان وتتماوع استفاد منها

علاء.. وشستفاد منها يلفهيم

يحيى.. سوي بيج لمحلك وخليه هيه اديره وتوزع بكروبات النسوان وتسوق لبضاعتك

منها انته تستفاد تمشي شغلك احسن ومنها تنسق وياها واطبقها علا ابو انته مدير الشغل مالتها حتحترمك وتشوفك شخصيه

علاء.. والله عمي تعرف تفكر عصفورين بحجر واحد
يحيى.. اي لعد شعبالك بابا تعلم من خبراتي
… ..

براء.. اشتغلت هوايه والشغل حلو وممتع تدخل كم زبونه وتحجي علي رجلها وشنو يريد تلبسله واضل اطلعلهن موديلات

وهنه يختارن اشكال الوان الملابس تخجل تفضح اكثر مما تستر شلون يلبسنها ما اعرف والله لو اموت هم البسها حتى لو لزوجي يبووو استحي

صارت 6 ونص اجه علاء كال ها شلونه الشغل كتله ماشي..

علاء.. كعدت علكرسي وكتلها اريد وحده بنيه تشتغلي مندوبه علفيسبوك وتسوق البضاعه عندج وحده ..اخت ..كرايب

براء.. اااا عندي بنت خالتي بس ما اعرف اذا تعرف تشتغل هلشغله

علاء.. بأجرها قابل بلاش شكد متشتغل وتبيع الها منها ..وخدمة توصيل اني اتكفلها تنطيني عنوان الزبونه واودي ونشتغل

براء.. انشالله اليوم اكولها

علاء.. ضيفيني يمج علفيسبوك واذا قبلت خل تراسلني ونتكلم اكثر بالموضوع ..هيه بيتهم قريب عليكم لو تخابريها

براء. لا لا عايشه ويانه بالبيت

علاء.. حلو ..دنحجي ودخلت بنيه كتلها اترخص شوفي شغلج

بقيت واكف اباب المحل لحد مٲذن الساعه 7 وبدا الناس تقل

دخلت للحمل كتلها يله براء خل اوصلج للبيت خلص الشغل.. لميت الدخل انطيتها اجرتها وكتلها تفضلي كدامي

طلعت طفيت المحل وقفلته وكتلها يله امشي.. دنمشي صار يحيى كبالنه كتله ها اليوم تروح .غمزتله

خزرني ابن الخوش ادميه ههههه قصدي جان نروح للشقه مال البنات هناك نتونس لنص الليل ونرجع

بس هوه خاف

ازلك بكلمه كدام براء.. كتله شبيك تروح للكوفي اليوم لعبة برشلونه ليش تفهم قصدي غلط هههه

يحيى.. خفت يزلك بكلمه كدام براء ويخربها خزرته بدّل على برشلونه.. كتله انعل ابوك لابو برشلونه كولشي ما اريد بس اكرمني بسكوتك هههههه

براء.. يحجون بلغز ويضحكون ثنينهن واحد يتغمز للاخ واني منزله راسي وامشي.. صعد يحيى بسيارته وكال تعالي

كتله لــNOـا اروح ويه علاء باوعلي ورفع حاجبه بغضب..و كال شنو راح اكلج كلت اصعدي .. كتله ماشي..

صعدت وياه.. كال شلونج.. كتله احمر..

يحيى.. شنو

براء..سئلت على لوني كتلك احمر هههه

يحيى.. هاا هههههه.. ليش رفضتي تصعدين ويايه بالاول معقوله متأمنين بيه

براء.. صراحه من يوم الطلعت وياك وسويت اللي سويته خفت تعيدها

يحيى.. براء فكي العقده شوي مو جنج زودتيها تره اني لان احبج ساكت الا اكدر اشوف غيرج واتمتع وياهن واخذ الشي اللي انتي ما انطيتينياه

بس اني ما اريد غيرج اريدج انتي

براء.. تريد شي من عندي عادي هذا من حقك كرجل بس بالحلال مو بالحرام

يحيى.. شلون يعني بالحلال

براء.. يعني تتقدم لخطبتي ونعقد عقد شرعي بعدها تكدر تلمسني تبوسني بس هيج بدون اي شي ما اكدر حرام اني مو رخيصه حتى اسوي هيج يغضب الله واهلي

يحيى.. ليش بس الرخيصه تسوي هيج.. براء تره عندج تعقيد مو طبيعي.. اليوم منو يفكر تفكيرج عادي البنت تنطي كولشي الحبيبها غير يحبون بعض بس انتي متحبيني

براء.. لا طاعة لمخلوق في معصية الخالق.. احبك بس الله اكبر منك ما اكدر اعصيه علمود ارضيك

يحيى.. استغفر الله صارت شيخ.. كتلها وهسه شلون

براء.. اكولك انته عندك الحب بس لمسه و بوسه تره الحب اعظم من هلشي هذي تعتبر غريزه مو حب

روح شوف الي انضرب مثل الحب بيهم قيس وليلى روميو وجوليت عنتر وعبله تره ذوله مكدرو ياخذون اللي يحبونهن ولا لمسوهن

بس حبوهن بصدق وبمشاعر صادقه خاليه من الغريزه والشغلات التافه اللي تحجي عليها

صراحه يحيى كمت اضوج من عندك بسبب هلشي لان احس تريد مني حاجه مو تريدني لان تحبني

يحيى.. لا والله مو هيج احبج بس الحب كولشي مباح بيه وحلات الحب بلتقارب

براء.. انته غلطان بابا اصحى احنه اسلام شنو كولشي مباح.. الحب بالتقارب هذي تتسمه مرحله ما بعد الزواج

اخطي خطوة واخطبني واعقد عقد شرعي وبعدها اني اكولك كولشي مباح بالحلال

يحيى.. اخذت نفس وكتلها انشالله.. وكفت يم باب بيتهم.. كالت باي ونزلت ودخلت للبيت.. باوعت هاي شلون وحده صعبه

كلشي اكدر اقنع الا اليحجي بالحلال والحرام صعب تغير تفكيره.. هاي ادور حلال يعني لازم اخذ حاجتي منها بالحلال

بس شلون اخطبها.. اي وشنو يعني اخطبها واكوم اطلع واطب واخذ منها بكيفي

و شوكت ما امل افسخ واترك واكولهم ما عجبتني ما اريدها يعني فد شغله بالعكس اني المستفاد كولشي اسويه بالحلال محد يكدر يحاجيني

افكر واني العب بلحيتي ..يرادلها تفكير وتخطيط..

شغلت السياره ومشيت عود الله يدبرها..

براء.. دخلت البيت لكيت ماما تصلي بست كتفها وهيه تصلي وكتلها يتقبل انشالله وصعدت لغرفتي

لكيت رشا كاعده علسرير وتتصفح بالابتوب.. كلت هلاوووووو

رشا..هلا شلون الشغل السوك شلون اكيد كله صواريخ

براء.. يعني شنو

رشا.. ههههه صاروخ يعني مز ..والمز يعني شاب اششششطح

براء.. هههههه اي اكو كومه من ذوله الصواريخ اشكال الوان

رشا.. بربج مثل يحيى هيج اشكر والعيون ملونه ويخبل

براء.. شتحجين انتي لو ما عيب من الناس جان لطمت بنص السوك خو هذا ابو الشغل يمه يمه شلون حلو بس استغفر الله اني مرتبطه

رشا.. شسمه هذا ابو الشغل

براء.. اسمه علاء..

رشا.. هوه من اسمه مبين يكتل.. شلونه بربج اوصفيلياه

براء.. لحظه يرادلها كومه.. كمت من يمها ووكفت علكاع وكتلها طوووووووويل كولش

والشعر اسود كفشه وشامره ليوره والعيون سود وطبره بحاجبه والجسم ما احجيلج خليتي ساكته

رشا.. لا بربج هيج حلو ولج ماعت روحي

براء.. لحظه لتموعين خل اشوفلجياها علفيس كال ضيفيني ..اخذت الموبايل وكتبت اسمه علاء احمد

طلع صديق مشترك يحيى الكتلوني كتلها اي ه̷̷َـَْـُذآ

جان مخلي الصوره كريستيانو رونالدو.. كمنا نبحث بصفحته لكينه مخلي اله صوره

رشا.. عزا عزا عزا يمه يمه ولج شنو هذا شكد نروح للسوك اشو ما اشوفه

براء.. لج بابا هوه احنه نروح للسوك اندوخ انباوع للملابس التاخذ الروح لو نباوع للوجوه الحلوه الترد الروح هههههههه

رشا.. اي والنبي صحيح ههههه لج بربج اصبغيني يمه بلكت نحصله

براء.. لا اصبغج ولا ابد هوه رايدج تشتغلين وياه مندوبه تسوقين البضاعه مالته علفيسبوك وينطيج منها نسبه

رشا.. جذذذذذذذذب 😨 لج اي اي كوليله موافقه

براء.. عابت اثكلي شويه لا انوب يعتبرج زاحفه ثكلي روحج يول ..

راح ادزله رساله واكوله كلتلها وكالت ما اعرف افكر وانطيه حسابج واكوله انته تفاهم وياها وبعد تبقى يمج... يتبع

🌺🌺🌺🌺

ووف..هالقصة صح حزينة😔 بس بيها عبر

واني دايما كل قصص اللي انشرها حقيقيات ومن واقع حياتنا
فكل قصة افتهمو عبرتها لان تستفادون بحياتكم وبنفس الوكت شخصيتكم تقوة لان صار عدكم اطلاع ومعرفة 🌸

#ملوكه