#اخي_ماذا_تفعل 🔞 ((جريئه جداا))

قصه حقيقيه على لسان صاحبتها 💯💯💯

#كاتبتكم_مها_المندلاوي

🥀🥀🥀🥀

#اخي_ماذا_تفعل

#بقلم مها المندلاوي

#بارت السادس والثلاثون قبل الاخير

🥀🥀🥀🥀


:هههه عادي يمعوده دلال مثل اختي ...
:مو اختك لا من ابوك ولا من امك احجي اشعدهة اهنا ولاحضتهة بس اتخوزر بيه....
:ماريدج اضوجين دلال بت خالتي بس حيل قريبه عليه وكلشي تعرف من عرفت احبج وريد ازوجج وانتي مطلكه وعندج طفل مجانت راضيه وعلى طول ادكلي متلوكلك ....
:هيج الحجي يعني الست دلال اتحبك ومتريدك تزوجني....
:اعرف هاي غيره لو شنو دلال مثل اختي وحتلو اذا جانت تحبني فاني ممنطيهة امل واحد بلميه ...
:وهسه ليش صحتني ....

دخل راسه بركبتي راسن رجعته راسي ....

:هوب هوب هاي اشدسوي ....
:اشداسوي اريد اخذ شمه ....
:وخر مهيمن ...
:شوخر تره انتي حلالي يعني لو هسه اخذج محد حيحجي لان انتي مرتي صرتي....
:ميخالف مهيمن ....

هدني وراح كعد بس شكله ضايج كعدت يمه وخليت ايدي على جتفه....

:اشبيك مهيمن....

باوع بعيوني ....

:هاجر انتي تحبيني ومتأكده رايدتني ....
:مهيمن شنو هلحجي ....
:لانج دتبينيلي انتي مجبوره عليه حته كلام مثل باقي الناس ماكو لازم بكل نقاش بينه تتعاركين.....

ضليت صافنه بعيونه وماعرف شجاوب صح احبه بس عندي خوفه ماعرف من شنو احاسيس متضاربه ومداافهم شي باوعت هوه شنو ذنبه يريد يعيش كاي شاب وبفترت خطوبته واني مانعته من هلشي ...

:ماعرف مهيمن ماعرف شريد من جهة احبك وريدك الي ومن جهة خايفه ....
:من شنو خايفه....
: من اهواي اشياء ومو محدده ماعرف اذا جانن الهن قيمه هيج يخوفن او لا....
:احجي هاجر شنو هلاشياء ....
:اذا اتزوجتك راح اضر كيان بلمستقبل او لا راح يعوفني سهيل لو يسببلي مشاكل حته واني على ذمتك وراح اكدر انسه الي عشته قبل من عذاب وخذلان او لا ....
:يعني ماتردين اتقربلج لسبب تجربتج القديمه....
:اي مهيمن وتمنه تتفهمني....
:هاجر مو كل اصابيعج سوه ....
:ادري بهلشي مهيمن بس مااكدر انطيني وكت اكدر انسه الي صار وياي ...قصص وروايات عراقية كرار صلاح
:على راحتج هاجر مرايد منج شي بس ردت احضنج وشم من عطرج ....

ادنيت حضنته وهوة بادلني الحضن وباسني براسي بعدهة كمنه نزلنه جوه اتغدينه ورجعنه للبيت مرت الايام والاشهر مر على خطبتنه ثلاث سنين دخلنه بسنه 2014 سنه دمار العراق واوف من هلسنه مهيمن اتخرج قبل سنه وفتحله مكتب وديشتغل بمهنته جان الي الاب والخطيب والاخ مجبرني على شي من ذاك اليوم متقرب الي حده يحضني وبس....

ودومه مساندني انسان متفهم يغار عليه من الهوا لبسني الحجاب وعلمني على الصلاه حبي يوم عن يوم يزيد اله حنين على كيان ودوم ييجي للبيت يشاقي ويتقرب من كيان كيان دخل المدرسه دخل بعمر ال8 سنين ...

سهيل انكول حل عندي مرات ييجي على كيان اني اصعد لغرفتي حته لا احتك بي عامر تزوج الي يحبهة وحالين حامل وعايشين ويانه بلبيت .....

اليوم راجعين من المحكمه بعد معقدنه ومبقه شي واتخرج ومقررين بعد ثلاث اشهر زواجنه مجهزين بيتنه بس مهيمن مقبل ادخله كال شوكت ميكمل اني اجيبج مشغل الاغاني وفرحان وكل اشوي مندار عليه يبتسم ويبوس بايدي باوعت هذه موطريق البيت ...

:مهيمن هذه مو طريق البيت....
:متردين اشوفين بيتج المستقبلي ...
:يعني ماخذني للبيت ...
:اي كملته بس بقت طبتج اله ونتي وبدلتج....

ابتسمت وصلنه للبيت طبيت حلو الوانه وصغير على كدنه ....

:تعاي شوفي خليت غرفه لكيان بنضرج حتعجبه....
:شكرا حبيبي طبعا حتعجبه ....

البيت مئاثث وكلشي مناقصه طبيت لغرفتنه اخر شي اخشاب فخمه وبيضه ولون الغرفه موالم وياه ماحس غير حاوط خصري ....

:عجبتج ....
:كلش حلوه ....
:انتي احله منهة ...

دارني عليه دنكت راسي خجلانه منه لزم حنجي رفع وجهي اله باوع بعيوني ....

:هاجر مستعده تبدين حياه جديده وتكلبين صفحت الماضي ...

عرفت قصده هزيت راسي باي واني احس وجهي احمر من الخجل اتقرب على شفتي وباسهة بكل رقه وهدوء ضل طابك شفته على شفتي عافهة ونزل على ركبتي رفع الشال منهة وكعد يبوس بيهة فك الدنبوس من شالي ووخره ضل يبوس بلهفه رجعني للحايط حصرني بينه وبين الحايط ايده كامت تمشي على جسمي وشفته على ركبتي وشفتي وانواع الغزل يسمعني جرني من ايدي ونومني على الجربايه حسيت عليه ووخرته....

:مهيمن كافي ....
:اشش حبيبتي هاجر انتي مرتي وحلالي هسه باقي بس على العرس ...
:ميخالف مهيمن مو هسه ....

نحجي ونلهث دخل راسه بركبتي وخذ نفس قوي هدء وكام من فوكي نام بصفي وضل صافن بلسكف اشوي وكمت عدلت اهدومي ولفيت شالي طلع من الغرفه ورجعني للبيت اول مطبيت مريم موجوده ذيت الجكليت والهلاهل بوستني وباركتلي بقت للعصر وراحت صعدت للغرفه مدك عليه مهيمن دكيت عليه جاوبني بس مبين من صوته اكو كلام يريد يكوله اخر شي كتهة ....

:حبيبتي هجوره....
:ها حياتي .....
:قررت اني وجماعتي نلتحق ويه الي راح يرحون للموصل صارلنه ايام نمشي بهلاجرائات يعني اليوم بليل اني طالع ...

سمعته حجه هيج لو تخبلت ضليت ابجي وتوسل بي يشيل هلفكره من باله ماكو مصمم عليهة ....

:مهيمن ابوس ايدك شيلهة من بالك لتروح منو الي بعدك والله اموت وراك....قصص وروايات عراقية كرار صلاح
:هاي اشبيج هاجر باعي مكتلج من ردت ابلش بروحه لان اعرف بيج راح توكفيلي سمي بالله ان شاء الله ارجع سالم ونكمل عرسنه شنو فرقي عن باقي الشباب كلهة دتروح وضحي للوطن اشلون ترديني اسكت واكعد اتفرج على ذول الانذال ينتهكون شرفنه وعرضنه راجعلج حبيبتي ....

ضل مصمم ومغير رأيه اخر شي كتله من تطلع تعالي لا اتروح ومتخليني اشوفك نزلت جوه وكلت لعامر وتوسلت بي من ييحي يكعد يقنهه ميروح صارت بل9 اجه مهيمن كعد يحجي وياه عامر ومفاد كام عامر وطلع من الاستقبال رحت كعدت ابصفه وتوسل بي .....

:حبيبي مهيمن عليك الله عوف هلشغله لسوي بيه هيج تره مااتحمل فراكك ...
:هجوره حياتي ليش هلكد مطوختهة والله كلشي ماكو ارجعلج سالم وسويلج احله عرس ....
:خرب بلعرس ماريد عرس اريدك انته شيفيدني العرس اذا انته يصير بيك شي الخاطري مهيمن عليك الله....
:كافي هاجر بعد مااكدر اتراجع كملت كل اوراق التسليم واليوم رايح ميصير اتراجع شيكولون عليه جماعتي مو رجال ....

اتهسترت ضليت اعيط عليه وضربه وصيح انته متحبنس لو تحبني متروح ضل يريد يهدي بيه ويجرني لحضنه حضني وكعد كعدني على رجله وضل يقنع بيه هوة راجعلي وميطول شهر شهرين وينزل رفع راسي مسح ادموعيي....

:حبيبتي ترديني ارجعلج سالم ادعيلي وصلاتج لا اتركيهة بكل ركعه اذكريني واذا كدرت انزل بوكت تخرجج والله اجيج ....

باسني من شفتي وكام طلعت وراه ابجي هم حضني بلكراج وباسني من راسي ذبيت وره مي واني ادعي ربي يرجعلياه سالم مكدرت انام اليل كله وكل اشوي ادزله رساله اتاكد منه هوة بخير لحد مغفيت ....

مر شهرين واني حالي حال على مهيمن خالي من فرقت اسبايكر اليوم حفلت التخرج مهيمن منزل متانيته وكلبي يمهڤ لابسه زي التخرج وشهاتي بيدي مصدكه حققت حلمي وصرت محاميه شفت مهيمن دخل للقاعه بلبسه العسكري ابتسمت ورتاح كلبي رحتله واني فرحانه اتقرب باسني من راسي.....

:مبروك يروح مهيمن....
:الله يبارك ببك حبيبي ....

مرت الحفله على خير من طلعنه اخذني مهيمن افترينه وتعشينه بلمطعم ورجعني للبيت ساعه بل9 طبيت واني فرحانه احس اسعد انسانه على وجه الارض سمعت صوت سهيل محبيت اطب وسلم رحت للدرج حته اصعد.....

:مامه هاجر تعاي....
:شرايده....
:سهيل يريد يحجي وياج....
:كليله تعبانه غير مره ....
:هاجر لا تعاندين روحي شوفي شيريد ...

نزلت وطبيت للاستقبال....

:سلام عليكم....
:هلا بهاجر وعليكم السلام ....

كعدت على صفحه...

:كالو اتريدني.....
:مبروك....
:الله يبارك بيك....

اشو هذه كام ومد ايده بجيبه طلع مفتاح وخلا بحضني....

:هذه مفتاح مكتبج الخاص....
:ماريده سهيل ممحتاجه....
:مومهم اتريدي او لا المهم وفيت بوعدي ...
:ياوعد...قصص وروايات عراقية كرار صلاح
:تذكرين من حجيتي بخصوص المكتب وكلتلج المكتب خليههة عليه هذو وفيت بكلمتي ....

انطانياه وطلع شلت المفتاح وصعدت للغرفه دكيت على مهيمن كتله على مود المكتب وضل يحجي عليه وضاج....

:هاجر بيعي او انطي لاخوج ماريد منيه من احد وخاصتا سهيل اشايفتني كواد حته اقبل بطليق زوجتي ينطيهة مكتب ....
:مهيمن مصار شي ليش هيج اتعصبت....
:هاجر شنو مصار شي انتي مقتنعه بهذه حجيج ....
:كافي مهيمن خلاص هسه انزل وسلمه لخوي هوة يصرف بي بس لا اتضوج ....

ضل يحجي وياي لل12 وسديته مر اسبوع وهم لازم يلتحق شهر ومبقه شي لعرسنه هم ضليت ابجي وحضن بي مادري هلمره خايفه عليه وكلبي مقبوض طول الشهر يخابرني ودوم يطمني واذا مجاوب او يطلع مغلق اسويهة مناحه لحد ميفتحه ....

كعدت الصبح على صوت البنات يكومن بيه حته اروح للصالون اليوم حنتي اول مكعدت دكيت على مهيمن طلعلي مغلق انقبض كلبي البارحه خابرته وكال باجر من الصبح نازل وهسه مغلق جرن الجهاز مني البنات وكومني كمت طبيت للحمام سبحت وطلعت سشورت ....

شعري وبدلت طلعنه اني ومريم من البيت رايحين للصالون طبيت وحده جانت كدامي جاي اتحضرهة ضليت كاعده وقلقه ادك عليه وماكو وصل سراي كمت ام الصالون بدت بيهة لحد ساعه بل3 دك جهاز مريم راسن باوعت عليهة انكلب وجهة وطلعت بره تخابر....

كملتلي ام الصالون كمت واني اشيل ببدلتي الحمره انطيتهة الفلوس وضليت كاعده اتاني مريم دقائق وطبت مريم متوتره وتباوع عليه بحزن اعيونهة حمر .....

:يالله هاجر كومي ....
:مريم احجي صاير شي....
:لا حبيبتي مصايير شي ....

كومتني ولفلتني بلبركع طلعنه جانت سيارت عامر بره ركبتهة وطول الطريق الجو هدوء لا احجايه ولا اغنيه رفعت عيني على عامر اعيونه حمر ومبين من شكله مقهور باوعت هذه مو طريق البيت هذه طريق بيت اهل مهيمن طب للفرع واني اشوف رياجيل بلباب واكفين انقبض كلبي ونزلت ادموعي عرفت صاير شي ....

:عامر شصاير ليش جبتني اهنا ...

محاوبني بس نزلت دمعه من عينه مسحهة ووكف السياره كلبي يدك بكل قوته ودعي ربي ميفجعني بمهيمن اجه فتح الباب ونزلني لزم راسي وضل مدنكه طببني للبيت وراح مريم وراي تمشي طبيت واني ابجي خايفه من الي راح اشوفه اسمع صوت اعياط وبجي كمت ابجي بلزايد رفعت راسي واني اشوف ام مهيمن من شافتني ضلت اتعيط وتبجي وصيح..........

:يمه مهيمن وين رحت وعفت عروستك بيوم حنتهة تتانيك اخخخ يمه....

🥀🥀🥀🥀🥀

..............

#اخي_ماذا_تفعل 🔞 ((جريئه جداا))

قصه حقيقيه على لسان صاحبتها 💯💯💯

#بارت-37- والاخير

🥀🥀🥀🥀🥀🥀

#اخي_ماذا_تفعل

#بقلم مها المندلاوي

#بارت السابع والثلاثون والاخير

🥀🥀🥀🥀🥀🥀

كعدت بلكاع اني وبدلتي المنفوشه الي متهنيت بيهة رجلي بعد متشيلني عطت باعله صوتي واني ادك على وجهي وخرمش بروحي اجني البنات يكومن بيه واني ادفع بيهن وعيط.....

:عوفنيييي خلي امووووت حياتيييي متسوه بدونه كلوللللي مهيمن مااااابي شي عليج الققققران عمه احجيييي كولي مهييييمن مابي شي وههههذه مقلب بينكم سووويتو بيه حتهههه اجي ....

اجتي دلال حضنتني وتبجي ....

:هاجر راح الغالي هاجر راح اموت اريده يرجع والله بعد مااحجي وياه او اوصله بس كليله خلي يرجع مااكدر اتحمله جوه التراب ....

ضلينه اثنينه نبجي وحده حاضنه الثانيه اجني البنات رادن يكومني حته ابدل....

:روحننن منا عووووفني ماانزع الببببدله هسه ييجييي مهيمن ويحححنيني كلي مااععععوفج والله كلي مااعوووفج كال راح اججججي الصبح وجي اححححنيج بيدي ماااانزع وممااا امسح اللمكيااج ....

بلكوه اجني كومني طببني للغرفه اجتي مريم فتحتلي سحاب البدله وطلعتلي دشداشه سوده باوعت عليهة ودموعي كامت تنزل بلزايد باوعت لمريم بتوسل....

:مريم عليج الله كولي مهيمن مابي شي....
:كافي حاجر هذه قضاء الله وهذه يومه....
:شوكت يجيبو....
:جثته مفقوده واهله مقبلو يسووله فاتحه اله يلكون جثته .....

انهاريت بلبيجي وضليت ادك على رجلي ووجهي اجتي حضنتي وتبجي وياي ....

:كافي حبيبتي اترحمييله تره انتي هيج دتعذبي اذكري الله ....
:مريم اكو امل يطلع عايش ....
:هاجر ماريد اوهمج وكلج يرجعلج لان داعش هاجمين على القاعده وماخذيهم منهم الي ذبحوهم على نهر دجله اليوم انتشر هلمقطع ومنهم كتلوهم ودفنوهم اكو امل واحد بلميه مهزوم .....

بس تخيل مذبوح وتروحه تطلع من جسمه خبلطني اتهسترت وضليت اصيح مهيمن مميت راح يرجعلي كلشي مابي فقدت كمت مااعرف شسوي كمت اضرب على راسي وخرمش بوجهي لحد مفقدت وعيي ....

___

طلعت ويه هاجر الصبح للصالون فرحانه على فرح صديقت عمري وحبيبتي هاجر بعد سنين عذاب راح ترتاح واخيرا دك عليه اخوهة فتحت الخط ....

:الو مريم....
:ها عامر وصلت لا....
:مريم مهيمن استشهد صيري طبيعيه ولتخلين هاجر تحس اكو شي جايكم بلطريق راح اوصل ....

باوعت على عاجر تباوع عليه اووف يهاجر ممكتوبلج الفرح كمت واني كوه حاصره الدمعه طلعت بره الصالون ونزلت دموعي ....

:عامر اشلون مات اختك مرح تتحمل هاخبر....
:ادري والله ادري بس شسوي هذه قضاء وكم الله قابل روحه بيدي ربج مكاتبلهم ينجمعون ....
:زين هسه شسوي لدكلي روحي كليلهة بلخبر لان مراح اتحمل ....
:لا لتكليلهة بس اريدج متبينيلهة اكو شي اجي اخذكم ووديهة لبيت اهله ...

سديت الخط منه مسحت ادموعي وطبيت سائلتني بيه شي كتله لا واني بداخلي ابجي عليهة دم وعلى حضهة طلعتهة من الصالون وركبناهة السياره وصلنه للبيت وهيه كامت تبجي وتتوسل نحجي طبيت وراهة اخاف توكع ومتتحمل اتلكتهة ام مهيمن بلبجي راسن....

وكعت بلكاع تبجي وتعيط ودك على وجهة وتخرمش اجيت اكومهة والبنات وياي كامت ادفع بينه ومتهستره بلبجي والصياح اجتي وحده حضنتهة وتحجي وياهة بحركت كلب طببناهة بلشافعات للغرفه وحده من اخوات مهيمن من غير ام انطتني دشداشه سوده اريد البسهة متقبل تلبس الاسود سائلت وجاوبتهة لان ماريد....

تتائمل واني شفت المقطع بعيني ضلت تصيح وتضرب بروحهة اخر شي وكعت بيدي كمت اعيط وصيح احد ييجي اندكت باب الغرفه وصوت عامر ردت افتح الباب انتبهت هاجر بعدهة ملابسه رحت عليهة لبستهة ورحت فتحت الباب. طب عامر يركض شالهة وطلع بيهة طلعت وراه خلاهة بلسياره وطلع بينه للمستشفى طببناهة طلع عدهة انهيار عصبي ششكلولهة مغذي ضليت كاعده يمهة اشوي وصحت وتهمس باسم مهيمن....

____

فتحت عيوني قصص وروايات عراقية كرار صلاح على ريحت المعقمات مال المستشفى راسي يوجعني مريم كاعده يمي وتبجي نزلت ادموعي من اذكرت الي صار درت وجهي واني ابجي بصمت كمل المغذي ورجعوني للبيت نسوان ملتمات هاي التبجي وهاي الي تواسي ضليت كاعده يم ام مهيمن لامه نفسي وابجي بصمت اجتي مامه وجايبه كيان هم....

بس ويه عامر بره مر اسبوع اني يم اهل مهيمن بس ابجي وصافنه وذكر ايامي الي ثلاث اسنين عشتهن ويه مهيمن وابجي مااكدر انسا اسمه محفور بكلبي لا اكل ولا شرب ييجن يكعدن يمي يريدن احجي وياهن واكل بس هيهات اخو رجع من الكليه ورايح يدور على جثه مهيمن ....

كاعده بغرفت مهيمن قافله الباب عليه يريدوني اطلع منهة لان اذي نفسي بكعتي بيهة حاضنه مخته ونايمه على الجربايه وابجي سمعت صوت بجي وصياح عالي كمت فتحت الباب ونزلت خالين التابوت بلكاع وامه وخواته شامرات نفسهن عليه ويعيطن نزلت الدرج اتعثر وابجي وصلت اخر بايتين ووكعت كامن اثنين بنات كومني من الكاع عفتهن ورحت شمرت نفسي على التابوت وصيح.....

:لالالا مهيمن لا تعوفني اني يتيمه بدونك ماعندي اب ونته عوضتني بحنانننن الاب والخطيبببب والاخخخ لا تعوفنننني والله مااكدرررر اعيششش بدونننك مو كتتتلي اجيييج وسوووويلج احله عرسسس كوم ماريييد منك العرسسس اريددددك الك كووووم متلوكلككك هلنوممممه كوووووم ....

ضليت نايمه على التابوت ونحب اجني النسوان كومني حته يشولونه وانه اتهسترت من طبو الولد عمه وخو وياهم يريدون يشيلونه انشمر على راسي الشال مادري منيه الي حطته شالو التابوت وعبرو من فوكي مادري ليش يكولون عادات حته ميضل نفسه بيهة مدري شنو كمت وراهم ردت ارح بس بلدشداشه والشال اندارلي اخو مهيمن الجبير خالد عاط بيه....

:هاجر طبي جوه ....
:ماا مااا مااطببب اريييد اررروح وياكككم ماااطب ....
:هاجر كتلج طبي ماكو مره تجي ويانه طبي . ...

اتخبلت من حجه هيج ضليت اصيح وابجي اريده ياخذني مقبل طببني البنات كعدت بلزويه واني ابجي وناشغ لليل طب عامر سلم على ام مهيمن وعزاهة وجه عليه عليه كنبص كدامي ....

:حبيبتي هاجر يالله خلي نرجع للبيت ....

باوعت عليه بعيوني الذبلانات الي ذبلان من كد البجي والقهر العشته كومني هوة ومريم طلعوني من البيت وصعدوني بلسياره طلعت ام مهيمن تبجي فتحت الباب وحضنتني وهيه تجي ....

:يمه هاجر لا تكطعين بينه انتي عزيزت الغالي وبيج ريحته لتحرميني منج ...

حاضنتني تحجي وتبجي وخرت مني هزيت راسي وسكتت سدت باب السياره صعد يمي كيان اجه يمي حضنته وبسته لابس الاسود ومبين الحزن عليه جان مهيمن صديقه وقريب عليه رجيت راسي على جامه السياره وضليت ابجي واني اكول بنفسي بعد ماكو يعني بعد ماكو مهيمن بعد مااسمع ذاك الصوت الحلو وصلنه للبيت نزل عامر فتح الباب وشالني صعدني للغرفه نومني بفراشي وطلع ...

مرت ايامي بطيئه وحزينه لا اكل ولا شرب صرت حبيسه الغرفه هملت نفسي وصحتي وابني عايشه على ذكراه ودموعي متفارقني ييجي عامر يحاول يوكلني اكل كم لكمه مر على استشهاده اربعين يوم خابرتني ام مهيمن اليوم يطلعون ابل2 للنجف دخل عامر للغرفه كعد يمي....

:شنو هاجر متردين ترحين للنجف ...

باوعت عليه وكتله....

:ليش مااروح...
:لعد كومي اكلي سندي نفسج وراج طريق ...
:ماريد عامر عوفني ....
:على راحتج بل2 نطلع ...

هزيت قصص وروايات عراقية كرار صلاح راسي وسكتت طلع من الغرفه كمت طبيت للحمام توضيت وطلعت صليت صلاه اليل كملت وضليت كاعده اقره قرأن وبجي ضليت كاعده لل2 كمت بدلت ولفيت شالي نزلت جوه كاعدين يتانوني كامو وطلعنه للنجف وصلنه بل5 طبينه للكبور اهله...

واصلين قبلنه من وصلت همه عافوني وراحو يزورون كتيت البكلبي كله ضليت كاعده يمه بلنص ساعه ابجي وعاتبه تعبت وورم كلبي كمت ورحت زرت دكيت عليهم وعرفت مكانهم رحتلهم ورجعنه للسياره بوست ام مهيمن وهيه ضلت تحضن بيه وتعاتبني ليش مزرتهم وموصلت يمهم اتعذرت منهة وصعدت بلسياره مامه وعامر اجوي صعدو وصلنه للبيت ساعه بل11 راسن صعدت للغرفه ونمت ....

مرت الايام والاشهر كدرت اطلع من حزني وتأقلم وياه شديت حيلي ووكفت على رجلي كمت بين فتره وفتره ازور ام مهيمن وهيه متقصر وياي اشيلني بلصلاوات مرت على وفاه مهيمن سنه بهلسنه سهيل رجع يتقربلي ويريدني ارجعله بس مااكدر حب مهيمن تارس كلبي ومستحيل بيوم يطلع منه بعت الشقق وعرضت البيت للبيع صفيت اموري كلهة الي ابغداد وسكنت باربيل لان مااكدر اعيش ابغداد وكمل حياتي بكل مكان بيهة اذكر مهيمن وهم ابتعد عن سهيل .....

حالين عمري 30 سنه وحبيبي كيان عمره 13 سنه عايشه حياتي اشتغل محاميه وسانده نفسي وابني بنفسي صرت لابني الام والاب كل نهايت عطله المدارس اخذ كيان وخوي عامر وعائلته ونطلع بره العراق نتونس ونسه همي لايام ومن ارجع للعراق ترجع المواجع اهل مهيمن كل شهرين اروح ازورهم لان ام مهيمن متعلقه بيه حيل دوم تكلي انتي الي بقالي من ابني .....

سهيل بلشهر مره ييجي يشوف ابنه وهم مبطل من محاولاته يرجعني مهيمن ابد مطلع من عقلي وكلبي دومه وياي كل مااشتاقله اشوف الصور والفديوات صح احزن وابجي دقائق ورجع اقوي نفسي لان ابني بحاجتي والمستقبل كدامي اشكد يجون يخطبوني الي زين والي موزين بس مصره على رفضهم لان كلبي متعلق بلي راح فداء لوطنه مريم اختي وحبيبتي الي لحد الان وياي احجيلهة همي وتواسيني هيه الاخت

الي مجابتهة امي والصديقه المقربه....

اتمنه من البنات اخذن العبره من قصتي من اغلاطي ومن الصح الي سويته شكرا للبنات الي حاجن مها بلخاص ونصحوني بحجيهن وصلت رسالتجن وشكر كل البنات الي وكفن بجانبي ونصحني وقوني بكلامهن هم اشكر كل بنيه انتقدتني اذ جان انتقاد مسيء او لا لانج قويتيني بنتقادج صح احزن ونغث منه بس قويتيني .....

بعد خسارات متتالية ولن تكون الأخيرة
أدركت ان عمري يقاس بالحسابات
التي نالت من شغفي للعيش
أدركت أنني أبلغ من العمر بقدر الحسابات
الشاهقه التي تشير بصدق
لهويتي وحصادي المر
أصبحت بعد الغيابات أكبر حزنا
وأن لم أكن أكبر عمرا ...
هو الغياب الذي يقتص من عمري لا السنين
بعد خسارات عديده تصبح المسافه
بين ما تمنيته وما لم يكن أقل
ربما أصبحت أقل جرأة على الحلم
وأقل جرأة على الرجاء
لكني أكثر انعتاقا من قيود ...

🥀🥀🥀🥀🥀🥀

هلا بنات خلصت قصت (#اخي_ماذا_تفعل )

عشناهة بكل حزنهة ومئساتهة وعذابهة وشكرا لمتابعيني على صبرهم وياي لان بهاي القصه اهواي صار عندي ضروف ....

مو كل انسان لازم نثق بي مثل مثقت هاجر بياسر طلعات وياه وونسه واخر شي ختمهة بشقته من راد يتقربلهة .....

اهواي اكو من امثال سهيل الي تعذبو بطفولتهم اكو الي كدرو يتعالجون لان اهلهم وكفو بصفهم وساندوهم ليتعالجو وكو لا الي اهله محتاريد بنفسهم وتاركين ابنهم يتعذب من الماضي ....

واخرا مهيمن اووف يامهيمن قليل تلكون بهلزمن انسان مثله تقبل هاجر بكل عيوبهة وصبر وتحملهة لحد مطلعت من حالتهة وماضيهة حنيته عليهة وعلى كيان مع العلم هوة مو ابنه بس جان يحبه ويعزه .....

الله يرحم كل شهداء العراق العراق اخذ كومه شباب الي جان مخطوب الي طالب والي مزوج وعنده اطفال وتيتمو من راح الله يرحمهم برحمته الواسعه ويصبر اهاليهم على فراقهم ....

إلى هنا واختم وياكم قصة #اخي_ماذا_تفعل
ان شاء الله استفاديتو من العبر

هذيني حبي رمزيات🌚🌺

#ملوكه

عيوني هذيني👇🏻🙃 عبارات تهنئة

•من القلب إلى القلب❤️.. ومن الوريد إلى الوريد.. الف مبرووك حياتي وربي يتمملج عل الخير ونشوفج أحلى عروسة💋😍

•عندما تبدأ الشمس بجمع خيوطها معلنه دخول قمر الليلة بخطوبة (أسم المخطوبة) الف مبرووك يقلبي🙈💜

•حبيبي(اسم المخطوبة) ألف مبروووك ياعمري🥺 تستاهلين كل الخير..جعل ايامك كلها فرح وسعادة💞💋


#ملوكه