حبي بتنظيم الأكل والرياضة والاصرار والارادة توصلين للي تريدي

اهواي بوستات وفيديوات نشرت عنهن هسه اوجهن👇🏻😻

#ملوكه

بنات اللي تريد تحافظ عل جسمها🙂..فعادي تاكل بشكل طبيعي بس كون تسوين رياضه باليوم نص ساعه..

🎀اما اللي تريد تخفف من وزنها وتسوي دايت..فلازم تبتعد عن الدهون وتكطع التمن لشهر لانو تمن يسمن وينفخ
وتعتمدين بالأكل عل نباتات.. واذا لحم او دجاج او سمك كون تشويهن مو تقلاة

كون تسوين مثل جدول وتقسمين بدال 3 وجبات
تسويهن 5 وجبات..بس اكلج كون قليل يعني مو اهواي وتخمين😅
واكلي فواكه أو مكسرات ..لأنو المكسرات تفيد اللي يسوون رجيم ..يشبع وميسمن ....ماعدا جوز ابتعدو عنه..لانو يسمن

ووقت العشة ..اكلي شي خفيف مثل سلطة وأهم شي باليوم تاكلين تفاحه..لأنو هم بي فيتامين وهم يشبع

واذا فديوم ماتحملتي😂وأكلتي نستلة أو اي شي من دهون
لازم تلعبين رياضه ضعف وتحركين السعرات الحرارية👍


وتشربين باليوم ٣ لترات مي يعني تقسميهن على طول اليوم

❌ متشربين مي مع الاكل او بعده مباشرةً  خلي المي قبل الوجبه من تلعبون رياضه سوه كروب وي خواتكم وي صديقاتكم جيرانكم واجتمعوا ولعبوا سوه هم يصيرلكم واهس
وهم تصير روح منافسه منو تنزل اكثر بالاسبوع

بنات اهم شي نشغل اسنانه بمضغ وتقطيع الاكل مْْـٍـٍ❌ـْْـْْـو نلوك اللگمه مرتين ونبلعها لًًٍٍِْْٰآإآٍ،.،Ñø" لازم اقل شي ١٥مره تمضغيها
ياله تبلعيها حتى هم تنطين وقت لدماغج يرسل ايعاز للمعده تتوقف على الاكل وهم عملية الهضم تكون اسهل


وأهم شي خلي تصير عندج ارادة ..يعني مو يوم تسوين دايت ويومين تغلسين😒ميفيد....خلي ببالج 😍عزيمة واصرار

ويوميا سجلي حسابات والوزن..بورقة
واعتمدي على الفيتة بالقياس والميزان


اذا تستمرين عل هالروتين منا لشهر..وعد مني رح تضعفين😍

#ملوكه

هسه نجي على الرياضه المطلوبه
ولمن تبدون بالاحماءات..ابدو بحركات قليلة مثل 10 مرات
ويوم بعد يوم..زود..وسوو الحركات 15_20 مرة

🌺مشي نصف ساعه أو الهرولة
🌺تمارين كارديو
🌺حبل٢٥ نطه
🌺رقص شرقي نصف ساعه.لانو رقص بالمناسبة هم يضعف🤓

العدها اجهزه رياضيه تلعب بيهن لمده ساعه تقسمها على الاجهزه

وراح انزللكم فديوهات
للرياضه هم تلعبوها

#ملوكه

فوائد تفاحه..☺️ وهمين تفيد أهل الرجيم

#ملوكه

افضل الأوقات لشرب السوائل🌚

#ملوكه

اللي تريد بطن مشدودة 🙂ومسطحة فتسوي هالتمارين

#ملوكه

تمارين كارديو🌸

#ملوكه

بنات بالنسبة اللي 😎رح تلعب رياضه

أول شي البسي شي خفيف ومناسب للرياضه..يعني مترهم تلبسين دشادشة😂 وتلعبين
علمود تاخذين راحتج بالرياضه ومتتقدين

وثانيا....شي طبيعي🙂أول يوم رح تحسين بفخذج لو ايدج توجعج..هالشي كلش عادي..لأنو جسمج متعود عل الخمول والعضلات خامدة...فبالتدريج العبي رياضه ورح تتعودين يوميا..اله تلعبين

وثالثا..حطو أي نغمة سريعة تعجبج..هالشي يطي الج حافز وتشجيع ويصير الج واهس😍

#ملوكه

يعمري الف مبروووك😻 وشايفه كل الخير وان شاء الله دوم بالأفراح والمحبة💞💋

فأنتي اشرح تسوين..تعزمين صديقاتج بالخاص
عود هنهن بنفس اليوم يسوون تاكات😅 بالانستا او الفيس.. ويباركولج
او نشري صورة حلقتج وحلقة خطيبج يعني ايدين فوك بعض..وكتبي فد اقتباس عليه وكلها رح تشوفه مثل هالصور👇🏻🥰

واهم شي هسه تدورين عن مصورات زينات وتصويرهن حلو..او كوليلي انتي من يامحافظه واشوفلج مصورات بمحافظتج🙃

#ملوكه