ﻥ ﻣﻴﺪﺭﻱ ﺯﻭﺟﻬﻪ ﻏﻠﻂ
ﻭﻣﻦ ﺯﻭﺟﻬﻪ ﻳﻜﻠﻬﻪ ﻛﺘﻠﻲ ﺍﻟﺮﻭﺡ ﺍﻟﻲ ﺑﺪﺍﺧﻠﺞ ﺷﺘﺘﺴﻤﻪ ﻣﻬﻴﻤﻦ
ﺗﺮﻳﺪﻳﻦ ﺍﻟﻄﻔﻞ ﻣﺎﺷﻲ ... ﺑﺲ ﺑﻠﻠﻪ ﻃﻠﻊ ﺍﻛﺮﻉ
ﻭﺷﻨﻮ ﺍﻟﻤﺸﻜﻠﺔ ﺍﻟﻠﻪ ﻛﺎﺗﺒﻠﻪ ﻫﺬﺍ ﺍﻟﺸﻲ ﻣﻌﻨﺎﻫﻪ
ﻭﺍﻟﻨﻌﻢ ﺑﺎﻟﻠﻪ ﺑﺲ
ﺑﺲ ﺷﻨﻮ ﻣﻬﻴﻤﻦ ... ﺷﻨﻮ ... ﻛﺎﻓﻲ ﻋﻮﻓﻨﻲ ﺍﻟﻠﻪ ﻳﺨﻠﻴﻚ ﻻ ﺗﺮﺣﻢ ﻭﻻ ﺗﺨﻠﻲ ﺭﺣﻤﺔ ﺍﻟﻠﻪ ﺗﻨﺰﻝ ﻃﻠﻜﻨﻲ ﺍﺣﺴﻦ ﺣﻞ ﻭﺍﻟﻄﻔﻞ ﺍﻟﻲ ﺑﻄﻨﻲ ﻣﺎﺍﺿﺎﻳﻘﻚ ﺑﻲ ﺍﻋﺘﺒﺮﻩ ﻣﻤﻮﺟﻮﺩ
ﺑﻠﻠﻪ ﺑﺮﺑﺞ ﻫﺬﺍ ﺣﺠﻲ
ﻟﻌﺪ ﺷﺘﺮﻳﺪ ... ﻛﺘﻠﻚ ﻣﺎﺍﻧﺰﻝ ﺍﻟﻄﻔﻞ
ﻣﺎﺷﻲ ﺑﻘﻲ ﺍﻟﻄﻔﻞ ﺑﺲ ﻣﺎﻛﻮ ﺳﻮﻧﺎﺭ ﺷﻲ ﻳﻜﺸﻔﻠﻨﻪ ﺍﺫﺍ ﻋﻨﺪﻩ ﺷﻌﺮ ﺃﻭ ﻻ
ﻭﺇﺫﺍ ﻣﺎﻋﻨﺪﻩ ﺷﻌﺮ
ﺗﻨﺰﻟﻲ ﻃﺒﻌﺂ
ﺗﺤﻠﻢ ﺑﻬﺬﺍ ﺍﻟﺸﻲ .... ﻧﺰﻟﺖ ﻭﻋﻔﺘﻪ ﻭﻃﺒﻜﺖ ﺍﻟﺒﺎﺏ ﺣﻴﻞ
ﻧﺰﻝ ﻭﺭﺍﻳﻪ ﻭﺩﺧﻞ ﻟﺒﻴﺖ ﻋﻤﻪ
ﺍﻭﻛﻔﻲ ﺯﻣﺰﻡ ﻛﺎﻓﻲ ﺍﻧﺘﻲ ﻣﻮ ﻃﻔﻠﻪ ﺷﻨﻮ ﻋﺎﺟﺒﺞ ﻻﺯﻡ ﺗﺠﻴﺞ ﺑﻨﻴﻪ ﻛﺮﻋﻪ
ﺍﻱ ﻋﺎﺟﺒﻨﻲ ... ﻋﺎﺟﺒﻨﻲ .... ﻭﺇﺫﺍ ﺍﻧﺖ ﻣﻮ ﻋﻠﺴﺎﺱ ﻣﺆﻣﻦ ﻭﻳﻦ ﺍﻹﻳﻤﺎﻥ ﺑﺎﻟﻤﻮﺿﻮﻉ
ﻛﻞ ﺷﻮﻳﻪ ﻛﺮﻋﻪ ﺑﻠﻠﻪ ﻃﻠﻌﺖ ﻛﺮﻋﻪ ﻣﺘﻔﻜﺮ ﺷﻴﺼﻴﺮ ﺑﻤﺸﺎﻋﺮﻱ ﻣﻦ ﺗﺤﺠﻲ ﻫﻴﺞ
ﺑﻼﺳﻢ / ﺧﻴﺮﻙ ﻣﻬﻴﻤﻦ
ﺍﻡ ﻋﺪﻧﺎﻥ ﺑﻴﻨﻲ ﻭﺑﻴﻨﻬﻪ ﺍﻟﻤﺸﻜﻠﺔ
ﻻ ﻣﻮ ﺑﻴﻨﻲ ﻭﺑﻴﻨﻚ ﺑﺲ ﻫﺎﻱ ﺍﻣﻲ ﺗﻌﺘﺒﺮ .... ﻋﻤﻪ ﻣﺼﺮ ﺍﻟﺤﺪ ﺍﻻﻥ ﻣﻴﺮﻳﺪ ﺍﻟﻄﻔﻞ
ﻣﺘﺮﻳﺪ ﺍﻟﻄﻔﻞ ﺑﺎﻧﻪ ﻳﻤﻨﻪ ﻣﺎﻟﻚ ﺷﻲ ﻳﻤﻨﻪ ﺍﺑﻨﻚ ﻭﻣﺘﺮﻳﺪﻩ ﺗﻮﻛﻞ ﻋﻠﻰ ﺍﻟﻠﻪ ﺍﺑﻨﻲ
بيج قصص عراقيه حقيقيه من واقعنا.روعه الطائي
ﺯﻣﺰﻡ ﺍﻧﻲ ﻣﻜﺘﻠﺞ ﻣﺎﺍﺭﻳﺪﻩ ﻛﺘﻠﺞ ﻧﺸﻮﻑ ﺑﺎﻟﻴﻮﻧﺎﻥ ﺍﺫﺍ ﺑﻴﻦ ﺑﻲ ﺧﻠﻞ ﺗﻨﺰﻟﻲ
ﻣﺎﺍﻧﺰﻟﻪ ﻟﻮ ﻣﻌﻮﻕ ﻟﻮ ﺷﻨﻮ ﺧﻠﻞ ﺑﻲ ﻫﻢ ﻣﺎﺍﻧﺰﻟﻪ ﻓﻬﻤﺖ ﻳﺎ ﻣﻬﻴﻤﻦ
ﺑﺮﺍﺣﺘﺞ ﺯﻣﺰﻡ .... ﻃﻠﻊ ﻭﺫﻟﻚ ﺍﻟﺒﺎﺏ ﺣﻴﻞ
ﺿﻠﻴﺖ ﻭﺍﻛﻔﻪ ﻋﺼﺮﺕ ﺍﻳﺪﻱ ﺣﻴﻞ ﻭﺑﺠﻴﺖ
ﻟﻴﺶ ﺗﺒﺠﻴﻦ ﻫﺴﻪ ﺍﻧﺘﻲ
ﻋﻤﻪ ﺑﺎﻋﻲ ﺣﻴﺎﺗﻲ ﺑﺲ ﺑﺎﻋﻴﻬﻪ ﻛﻞ ﻣﺎ ﺃﺗﻘﺪﻡ ﺧﻄﻮﻩ ﺍﺭﺟﻊ ﺧﻄﻮﺍﺕ ﺑﺲ ﻓﻬﻤﻴﻨﻲ ﺍﻧﻲ ﺷﻨﻮ ﺫﻧﺒﻲ ﺷﻨﻮ ﺫﻧﺒﻲ ﻭﺍﻟﻠﻪ ﺗﻌﺒﺖ .... ﻧﻔﺲ ﺍﻡ ﻋﻠﻲ ﻭﺗﻔﻜﻴﺮﻫﻪ ﺯﻳﻦ ﺍﻧﻲ ﺑﺴﺒﺒﻬﻢ ﻛﻤﺖ ﺍﻓﻜﺮ ﺧﺎﻑ ﻫﻢ ﺍﻇﻠﻢ ﺍﻟﻄﻔﻞ ﺑﻬﺬﺍ ﺍﻟﻤﺠﺘﻤﻊ ﺍﻟﺤﻘﻴﺮ ﺧﺎﻑ ﻫﻢ ﻳﺘﺄﺫﻯ ﻟﻮ ﺗﺘﺄﺫﻯ ﻣﺜﻠﻲ .... ﺑﺲ ﺍﻧﻲ ﺷﻨﻮ ﺫﻧﺒﻲ ﻳﻌﻨﻲ ﺍﺫﺍ ﺍﻧﻲ ﻛﺮﻋﻪ ﻻﺯﻡ ﻛﺎﻟﻌﻴﺶ ﻣﺜﻠﻲ ﻣﺜﻞ ﻛﻞ ﺍﻟﺒﻨﺎﺕ
ﻋﻤﻪ ﻋﻮﻓﺞ ﻣﻦ ﻛﻞ ﺍﻟﺒﺸﺮ ﻛﻮﻟﻲ ﺣﺴﺒﻲ ﺍﻟﻠﻪ ﻭﻛﻌﺪﻱ ﻭﺳﻜﺘﻲ ﻭﻓﺮﺣﻲ ﺑﺎﻟﻄﻔﻞ ﺍﻟﻲ ﺍﻧﻄﺎﺝ ﻳﺎﻩ ﻭﻟﺞ ﻭﺍﺩﻋﻲ ﻳﻨﻮﻟﺪ ﺑﺼﺤﻪ ﺯﻳﻨﻪ ﻭﺑﺲ ... ﺃﻋﻢ ﺷﻲ ﺍﻟﺼﺤﻪ ﻳﺎ ﺣﺒﻴﺒﺘﻲ
ﻭﺭﺟﻠﺞ ﻣﺼﻴﺮﻩ ﻳﺮﺿﻰ ﺑﻬﺎﻱ ﺍﻟﻨﻌﻤﻪ
ﺩﺧﻠﺖ ﻭﻋﻔﺖ ﻋﻤﻪ ﻭﻧﻤﺖ ﻋَﻞ ﺟﺮﺑﺎﻳﻪ
ﻧﺮﻭﺡ ﻟﻠﺪﻛﺘﻮﺭﻩ ﻭﻧﺴﻮﻱ ﻋﻤﻠﻴﻪ ﺑﻠﻜﻲ ﺍﻟﻠﻪ ﻳﺮﺯﻗﻨﻪ
ﺍﻭﻭﻑ ﻳﺎ ﺯﻣﺰﻡ ﻫﻢ ﻳﺠﻲ ﻳﻮﻡ ﻭﺍﺳﻤﻊ ﻫﺎﻟﺨﺒﺮ ﺃﺗﻤﻨﻰ ﻃﻔﻞ ﻣﻨﺞ ﻭﺍﻟﻠﻪ
ﺍﺗﺬﻛﺮ ﻛﻼﻣﻪ ﺍﻟﻲ ﺩﻭﻡ ﻣﻦ ﺟﻨﻪ ﻧﺘﻤﺪﺩ ﻳﺮﺩﺩﻩ ﻧﺰﻟﺖ ﺩﻣﻌﺘﻲ
ﻭﻛﻤﺖ ﺍﺑﺠﻲ ﺑﺼﻮﺕ ﻣﺴﻤﻮﻉ ﺗﻌﺒﺖ ﻳﺎ ﺍﻟﻠﻪ ﺗﻌﺒﺖ ﻭﺍﻟﻠﻪ
ﺩﺧﻠﺖ ﺑﺸﻬﺮ ﺍﻟﺜﺎﻧﻲ ﺑﺪﻩ ﺍﻟﺪﻭﺍﻡ ﺩﺍﻭﻣﺖ ﻫﺎﻙ ﺍﻭﻝ ﻳﻮﻡ ﺷﻔﺘﻪ ﻣﺘﺤﺎﺟﻴﻨﻪ ﺃﺑﺪ ﻭﻛﺎﻧﻤﺎ ﻏﺮﺑﻪ
ﺍﻭﻝ ﺃﺳﺒﻮﻉ ﻫﻴﺞ ﺧﻠﺼﻨﺎ ﺍﺧﺮ ﺷﻲ ﺇﺟﺎﻧﻲ
ﺗﻌﺎﻟﻲ ﺍﻟﻤﻜﺘﺒﻲ
ﺃﻭﻛﻲ .... ﺭﺣﺖ ﻭَﻳَﺎ ﺩﺧﻠﺖ
ﻳﻌﻨﻲ ﻣﺼﺮﻩ ﺗﻌﺎﻧﺪﻳﻦ
ﻫﺎﻱ ﻣﻮ ﻣﺴﺄﻟﺔ ﻋﻨﺎﺩ
ﻭﺑﻌﺪﻳﻦ ﺯﻣﺰﻡ
ﺍﻧﻲ ﻛﻠﺖ ﺍﻟﻌﻨﺪﻱ
ﺃﺧﺬ ﻧﻔﺲ ....: ﺯﻣﺰﻡ ﺍﻧﻲ ﺍﺣﺒﺞ ﻭﺃﺗﻤﻨﻰ ﻃﻔﻞ ﻣﻨﺞ ﺑﺲ ﺍﺧﺎﻑ ﺍﻓﻬﻤﻴﻨﻲ
ﻣﻬﻴﻤﻦ ﻛﺎﻓﻲ ﺍﻟﻠﻪ ﻳﺨﻠﻴﻚ ... ﺭﺩﺕ ﺍﻃﻠﻊ
ﻣﺎﺷﻲ ﺯﻣﺰﻡ ﺑﻘﻲ ﺍﻟﻄﻔﻞ ﺍﻣﺮﻱ ﻟﻠﻪ .... ﺷﻮﻛﺖ ﺗﺮﺟﻌﻴﻦ ﻟﻠﺒﻴﺖ
ﻭﺍﻟﻠﻪ ﺍﻧﺖ ﺻﺪﻙ ﺗﺤﺠﻲ ﻣﻬﻴﻤﻦ ﺍﻧﻲ ﻣﺎﺍﺭﺟﻊ
ﻟﻴﺶ ﺑﻠﻠﻪ
ﻻﻥ ﻣﺎﺍﺑﻘﻪ ﻭﻳﻪ ﺷﺨﺺ ﻣﺜﻞ ﺍﻟﻤﺠﺒﻮﺭ ﻳﺒﻘﻪ ﻭﻳﺎﻱ ﻭﻣﺠﺒﻮﺭ ﻳﺒﻘﻲ ﺍﻟﻄﻔﻞ
ﻭﺍﻟﻠﻪ ﺣﻴﺮﺗﻴﻨﻲ ﻭﻳﺎﺝ
بيج قصص عراقيه حقيقيه من واقعنا.روعه الطائي
ﻟﺘﺤﺘﺎﺭ ﺣﺒﻴﺒﻲ ﻛﺎﻋﺪ ﺍﺳﻬﻞ ﺍﻟﺤﻴﺎﺓ ﻋﻠﻴﻚ
ﺯﻣﺰﻡ ﻛﺎﻓﻲ ﺳﻮﺍﻟﻔﺞ ﺍﻟﻴﻮﻡ ﺣﻀﺮﻱ ﺭﻭﺣﺞ ﻧﻄﻠﻊ ﺳﻮﻩ ﻭﻧﺮﻭﺡ ﺍﻟﺒﻴﺘﻨﻪ
ﻃﻠﻌﺖ ﻣﻦ ﻣﻬﻴﻤﻦ ﻛﺎﻋﺪﻩ ﻳﻢ ﺍﻟﺒﻨﺎﺕ ﺷﻔﺖ ﻣﻴﺜﻢ ﻣﻮﺟﻮﺩ ﻭﺍﻛﻒ ﻳﻢً ﺻﺪﻳﻘﻪ ﺷﺎﻓﻨﻲ ﺍﺟﻪ ﻋﻠﻴﻪ
ﻋﻤﻪ ﺷﻠﻮﻧﺞ ﺷﻨﻮ ﻋﺎﻟﻐﻴﺒﻪ
ﻣﻮﺟﻮﺩﻩ ﺍﻧﺖ ﺷﻠﻮﻧﻚ ﻣﻴﺜﻢ
ﻭﺇﻟﻠﻪ ﺍﻟﺤﻤﺪﻟﻠﻪ ﺻﺪﻙ ﺍﻟﻲ ﺳﻤﻌﺘﻪ
ﺷﻨﻮ
ﻳﻜﻮﻟﻮﻥ ﺗﺰﻭﺟﺘﻲ
ﺍﻱ ﺻﺢ
ﻣﺒﺮﻭﻙ ﻋﻤﻪ
ﺍﻟﻠﻪ ﻳﺒﺎﺭﻙ ﺑﻴﻚ
..........................................................................................
ﻣﻬﻴﻤﻦ ﺧﺎﻳﻔﻪ
ﻟﺘﺨﺎﻓﻴﻦ ﺣﺒﻴﺒﺘﻲ
ﺑﻠﻠﻪ ﺩﺧﻠﺖ ﻟﻠﻌﻤﻠﻴﺎﺕ ﻭﻣﺘﺖ ﻗﺒﻞ ﻻ ﺍﺷﻮﻑ ﺭﺿﺎ
ﺗﺸﻮﻓﻲ ﻭﺗﺼﻴﺮ ﺳﻮﺍﻟﻒ
ﻭﺍﻟﻠﻪ ﺧﺎﻳﻔﻪ
ﺑﻼﺳﻢ / ﺍﻗﺮﻱ ﺁﻳﺎﺕ ﻣﺜﻞ ﻣﻮﺻﻴﺘﺞ ﻭﺭﺩﺩﻱ
ﻧﺎﺩﻱ ﻋﻠﻴﺎ ﻣﻈﻬﺮ ﺍﻟﻌﺠﺎﺋﺐ ........... ﺗﺠﺪﻩ ﻋﻮﻧﺎ ﻟﻚ ﻓﻲ ﺍﻟﻨﻮﺍﺋﺐ
ﻛﻞ ﻫﻢ ﻭﻏﻢ ﺳﻴﻨﺠﻠـــﻲ ............ ﺑﻮﻻﻳﺘﻚ ﻳﺎ ﻋﻠﻲ ﻳﺎﻋﻠﻲ ﻳﺎﻋﻠﻲ
ﻋﻤﻪ ﺗﻌﺎﻟﻲ ﺍﺷﺎﻭﺭﺝ
ﺍﺟﻴﺖ
ﻣﺜﻞ ﻣﺎ ﻭﺻﻴﺘﺞ ﻣﻦ ﺍﻃﻠﻊ ﻣﻦ ﺍﻟﻐﺮﻓﻪ ﺧﺎﻑ ﺑﺎﻗﻲ ﺑﻨﺞ ﺑﻴﻪ ﺳﺪﻱ ﺣﻠﻜﻲ ﺗﺮﻩ ﺍﺟﻔﺺ ﻫﻮﺍﻱ
ﻫﻬﻬﻪ ﺧﺒﺼﺘﻴﻨﻲ ﻭﺍﻟﻠﻪ ﻓﻬﻤﺖ ﻭﺑﻌﺪﻳﻦ ﻣﻮ ﻛﻠﻨﻪ ﻟﻠﺪﻛﺘﻮﺭﻩ ﺗﺒﻘﻴﺞ ﺍﻟﻪ ﻣﻦ ﺗﺼﺤﻴﻦ ﺗﻄﻠﻌﺞً
ﺧﺎﻑ ﺗﻨﺴﻪ ﺍﻭﺻﻴﺞ
ﻣﻬﻴﻤﻦ / ﺷﻨﻮ ﻫﺎﻻﺳﺮﺍﺭ
ﺯﻣﺰﻡ / ﺷﻐﻼﺕ ﻧﺴﺎﺋﻴﺔ
ﺩﺧﻠﺖ ﻟﻐﺮﻓﺔ ﺍﻟﻌﻤﻠﻴﺎﺕ ﺑﺎﻭﻋﺖ ﻋَﻞ ﺳﺎﻋﻪ ﺟﺎﻧﺖ ﺏ٩ ﻭﻧﺺ ﺿﻠﻴﺖ ﺍﺭﺩﺩ ﻧﺎﺩﺕ ﻋﻠﻴﺂ ﻭﻣﺤﺴﻴﺖ ﻏﻴﺮ ﻋﻠﻰ ﺍﻟﻢ ﺑﻄﻨﻲ ﻭﻫﻮﺳﻪ ﻭﺻﻮﺕ
ﺍﻭﻧﻦ ﻭﺍﺻﻴﺢ ﺑﻄﻨﻲ ﺍﺍﺍﺥ ﺑﻄﻨﻲ
ﻃﻠﻌﻮﻧﻲ ﻣﻦ ﺻﺎﻟﺔ ﺍﻟﻌﻤﻠﻴﺎﺕ ﻭﺍﻧﻲ ﻭﺍﻋﻴﻪ ﻭﺃﺻﻴﺢ ﻣﻦ ﺑﻄﻨﻲ ﻭﺍﻛﻮﻝ ﺍﺑﻨﻲ ﻭﻳﻦ
ﺍﺭﻳﺪ ﺍﺑﻨﻲ
ﺷﻔﺖ ﻣﻬﻴﻤﻦ ﺍﻭﻝ ﻣﻄﻠﻌﻮﻧﻲ ﻳﺒﺘﺴﻢ
ﻣﻬﻴﻤﻦ ﺭﺿﺎ
ﻳﺨﺒﻞ ﺭﺿﺎ ﻣﻮﺟﻮﺩ ﻣﻨﺘﻈﺮﺝً
بيج قصص عراقيه حقيقيه من واقعنا.روعه الطائي
ﻣﻬﻴﻤﻦ ﺑﻄﻨﻲ
ﻫﺴﻪ ﺗﺼﻴﺮ ﺯﻳﻨﻪ ﺣﺒﻴﺒﺘﻲ
ﺍﻭﻝ ﻣﺪﺧﻠﺖ ﺭﻓﻌﻮﻧﻲ ﻭﺧﻠﻮﻧﻲ ﺑﻠﺴﺮﻳﺮ ﻭﺧﺎﻟﻪ ﺍﻡ ﻣﻬﻴﻤﻦ ﺷﺎﻳﻠﻪ ﺭﺿﺎ ﻭﺗﺒﺘﺴﻢ ﺟﺎﺑﺘﻪ ﻳﻤﻲ
ﺭﺃﺳﺂ ﻣﻦ ﺷﻔﺘﻪ ﺑﺠﻴﺖ
ﺑﻼﺳﻢ / ﺧﺎﻟﺘﺞ ﻣﺠﻠﺒﻪ ﺑﻲ ﻣﺘﻘﺒِّﻞ ﺗﻨﻄﻴﻨﻴﺎ ﺻﺎﺭ ﺳﺎﻋﻪ ﻧﺘﻌﺎﺭﻙ ﺍﻧﻲ ﻭﻳﺎﻫﻪ ﻋﻠﻲ
ﺧﻠﺘﻪ ﻗﺮﻳﺐ ﻋﻠﻴﻪ ﻭﻫﻮ ﻳﻤﻄﻚ ﻭﻳﻌﺼﺮ ﻭﻓﺎﺗﺢ ﻋﻴﻮﻧﻪ ﻣﺜﻞ ﻋﻴﻮﻥ ﺇﻟﻰ ﺑﺎﻟﻀﺒﻂ ﺍﺑﻮ ﻭﺷﻌﺮﻩ ﺍﺷﻘﺮﻭﺧﻔﻴﻒ ﺍﻛﻴﺪ ﻟﻮ ﻋﻨﺪﻱ ﺷﻌﺮ ﺟﺎﻥ ﻫﻴﺞً ﻟﻮﻥ ﺷﻌﺮﻱ ﻭﻭﺟﻬﻪ ﺍﺣﻤﺮﺍﻧﻲ ﺿﻠﻴﺖ ﺍﺷﻢ ﺑﻲ ﻭﻫﻮ ﺑﻴﺪ ﺧﺎﻟﻪ ﻟﺰﻣﺘﻪ ﻣﺘﺤﻤﻠﺖ
ﻭﻣﻬﻴﻤﻦ ﻃﻠﻊ ﻳﺠﻴﺐ ﺃﺑﺮﻩ ﻻﻥ ﻧﻘﺺ ﺑﺎﻟﻌﻼﺝ ﻣﺎﻟﺘﻲ
ﺿﻠﻴﺖ ﻛﻞ ﺷﻮﻳﻪ ﺍﺑﺎﻭﻉ ﻋﻠﻲ ﻣﻤﺼﺪﻛﻪ
ﻃﻠﻌﻨﻪ ﺑﻴﻮﻣﻬﻪ ﻣﻦ ﺍﻟﻤﺴﺘﺸﻔﻰ ﻋﻠﻰ ﻣﺴﺆﻟﻴﺘﺘﻨﻪ ﻻﻥ ﻣﺤﺒﻴﺖ ﺍﺑﻘﻪ ﻭﻋﻤﻪ ﺑﻼﺳﻢ ﻣﻌﺎﻓﺘﻨﻲ ﺍﺟﺘﻲ ﻭﻳﺎﻱ ﻟﺒﻴﺘﻲ ﺗﺪﺍﺭﻳﻨﻲ ﺑﻘﺖ ﻳﻤﻲ ﺃﺳﺒﻮﻉ ﺍﻟﻰ ﺍﻥ ﻭﻛﻔﺖ ﻋﻠﻰ ﺣﻴﻠﻲ
ﺭﺟﻌﺖ ﻭﻛﻔﺖ ﻛﺒﺎﻝ ﺍﻟﻤﺮﺍﻳﻪ ﺍﺳﺘﻌﻴﺪ ﺷﺮﻳﻂ ﺣﻴﺎﺗﻲ ﻛﻠﻪ
ﻣﻦ ﺍﻭﻝ ﻳﻮﻡ ﺣﺒﻴﺖ ﻋﻠﻲ ﺍﻟﻰ ﻭﻳﻦ

ﻣﺎ ﻭﺻﻠﺖ
ﻭﺍﻟﻲ ﺳﻮﺍ ﺑﻴﻪ ﻣﻬﻴﻤﻦ ﻣﻦ ﺩﺭﻩ ﺑﻴﻪ ﺣﺎﻣﻞ
ﺭﺟﻌﺘﻠﻪ ﺑﻨﻔﺲ ﺍﻟﻴﻮﻡ ﺍﻟﻲ ﺣﺠﻪ ﻭﻳﺎﻱ ﺑﺎﻟﻜﻠﻴﻪ ﻻﻥ ﻣﻌﺎﻓﻨﻲ ﻇﻞ ﻳﻠﺢ
ﻭﻣﻦ ﻳﻮﻣﻬﻪ ﻭﺭﺟﻌﺖ ﺣﻴﺎﺗﻨﺎ ﻃﺒﻴﻌﻴﻪ ﺑﺲ ﺍﻛﻮ ﺑﺪﺍﺧﻠﻲ ﺟﺮﺡ ﺑﺲ ﻣﻬﻤﺎ ﻳﻜﻮﻥ ﻓﻤﻬﻴﻤﻦ ﺍﻧﺴﺎﻥ ﻣﺤﺘﺮﻡ ﻭﻣﻮﺍﺟﻬﺖ ﻭَﻳَﺎ ﻣﺸﻜﻠﻪ ﺟﺒﻴﺮﻩ ﻏﻴﺮ ﺑﺲ ﻣﺸﻜﻠﺔ ﺍﻟﻄﻔﻞ
ﻭﺭﺍﻫﻪ ﺍﺳﺘﺴﻠﻢ ﻭﺍﻗﺘﻨﻊ ﻭﺻﺎﺭ ﺣﺘﻰ ﻳﺤﺠﻲ ﻭَﻳَﺎ ﻭﻣﻨﺘﻈﺮﻩ ﺣﺎﻟﻪ ﻣﻦ ﺣﺎﻟﻲ
ﻭﺍﺟﻬﺖ ﺻﻌﻮﺑﻪ ﺑﻬﺎﻟﻔﺘﺮﻩ ﻭﻳﻪ ﺯﻫﺮﺍﺀ ﺍﻟﻰ ﺍﻥ ﺻﺪﻓﻪ ﺟﺎﻧﺖ ﺧﺎﻟﺘﻬﻪ ﺟﺎﻳﻪ ﻭﺳﻤﻌﺘﻬﻪ ﻧﻮﺭ ﺑﻴﻬﻪ ﻫﻨﺎ ﺍﻧﻲ ﺍﻧﺮﻋﺼﺖ ﻭﻟﻤﻴﺖ ﻋﻠﻴﻬﻪ ﺍﻟﺒﻴﺖ ﻛﻠﻪ ﻭﻛﻠﺘﻠﻬﻪ ﺗﺒﻌﺪ ﻋﻦ ﺯﻫﺮﺍﺀ ﻻﻥ ﺩﺗﺄﺫﻳﻬﻪ ﻭﺗﻌﺎﺭﻛﺖ ﻭﻳﺎﻫﻪ ﺑﻴﻮﻣﻬﻪ ﻋﺮﻛﻪ ﺟﺒﻴﺮﻩ
ﻭﺗﻌﺎﺭﻛﺖ ﻭﻳﻪ ﻣﻬﻴﻤﻦ ﻭﻛﺘﻠﻪ ﻟﻮ ﺗﺒﻌﺪ ﺯﻫﺮﺍﺀ ﻋﻦ ﺧﻮﺍﻟﻬﻪ ﻟﻮ ﺍﻋﻮﻑ ﺍﻟﺒﻴﺖ ﻻﻥ ﺗﻌﺒﺖ ﻣﻦ ﺍﻟﻤﺸﺎﻛﻞ ﻭﺗﺪﺧﻠﻮ ﺃﻫﻞ ﻣﻬﻴﻤﻦ ﻭﺻﺎﺭﻭ ﺿﺪ ﻣﻬﻴﻤﻦ
ﻣﺎﺍﻋﺮﻑ ﺍﻟﺴﺒﺐ ﺍﻟﻲ ﻳﺨﻠﻲ ﺧﺎﻟﺘﻬﻪ ﻫﻴﺞ ﺗﺴﻮﻱ ﻟﻮ ﻣﻤﺨﻄﻮﺑﻪ ﺟﺎﻥ ﻛﻠﺖ ﻋﻴﻨﻬﻪ ﻋﻠﻰ ﻣﻬﻴﻤﻦ ﺑﺲ ﻳﺠﻮﺯ ﻻﻥ ﺗﺨﺎﻑ ﻋﻠﻴﻬﻢ ﻓﻌﻼ ﺃﻭ ﻻﻥ ﺗﺤﺲ ﺍﺧﺬﺕ ﻣﻜﺎﻥ ﺍﺧﺘﻬﻪ
ﺑﻌﺪ ﻣﺎ ﺑﻌﺪﻧﻪ ﺯﻫﺮﺍﺀ ﻋﻦ ﺧﺎﻟﺘﻬﻪ ﺻﺎﺭ ﻓﺮﻕ ﻫﻮﺍﻱ ﺑﺪﺕ ﺗﺘﻐﻴﺮ ﻭﺗﺘﺄﻗﻠﻢ ﻭﻳﺎﻳﻪ ﺻﺢ ﻣﻮ ﻫﻮﺍﻱ ﺑﺲ ﺃﻓﻀﻞ ﻣﻦ ﻗﺒﻞ
ﻣﻦ ﺳﻤﻌﺖ ﺑﻴﻪ ﺣﺎﻣﻞ ﺗﺄﺫﺕ ﺣﻴﻞ ﻭﺣﺎﻭﻟﺖ ﺍﻗﺮﺑﻬﻪ ﻭﻣﺮﻩ ﻣﻦ ﺍﻟﻤﺮﺍﺕ ﺟﺎﻧﺖ ﺑﺎﻟﻤﺪﺭﺳﺔ ﻓﻜﺮﺕ ﺍﻋﻠﻚ ﺻﻮﺭ ﺍﻣﻬﻪ ﻋﻠﻜﺘﻬﻦ ﺑﻐﺮﻓﺘﻬﻢ ﺳﻮﻳﺖ ﺿﻠﻊ ﻛﺎﻣﻞ ﺑﻴﻬﻪ ﺻﻮﺭﻫﻢ ﺣﺘﻰ ﺻﻮﺭ ﺍﻣﻬﻪ ﻭﻳﻪ ﻣﻬﻴﻤﻦ ﺍﺟﺬﺏ ﺍﺫﺍ ﺍﻛﻮﻝ ﻣﻨﻘﻬﺮﺕ ﻭﻳﺠﻮﺯ ﻣﻬﻴﻤﻦ ﻳﺤﻦ ﺑﺴﺒﺐ ﺻﻮﺭﻫﻢ ﺍﻟﻲ ﺳﻮﻩ ﺑﺲ ﻓﻜﺮﺕ ﺏ ﺯﻫﺮﺍﺀ ﺑﻠﻜﺖ ﺍﻛﺪﺭ ﺍﻛﺴﺒﻬﻪ
بيج قصص عراقيه حقيقيه من واقعنا.روعه الطائي
ﻭﺑﺎﻟﻔﻌﻞ ﻓﺮﺣﺖ ﺑﻴﻮﻣﻬﻪ ﻭﺑﺎﺳﺘﻨﻲ
ﺑﺲ ﻫﻢ ﻋﺪﻫﻪ ﻃﻨﻜﻮﺭﺍﺕ
ﺍﻣﺎ ﻋﻠﻲ ﺳﻤﻌﺖ ﻣﻦ ﻣﻴﺜﻢ ﺇﻧّﻮ ﻫﻮ ﺗﺰﻭﺝ ﻋﻠﻰ ﺍﻧﻬﺎﺭ ﻣﻦ ﺫﺍﻙ ﺍﻟﻴﻮﻡ ﺍﻟﻲ ﺑﻴﻮﻡ ﺍﻟﺤﻨﻪ ﻟﻤﺤﺘﻪ ﺍﻟﻬﺬﺍ ﺍﻟﻴﻮﻡ ﻣﺸﺎﻳﻔﺘﻪ
ﺑﺲ ﺣﺴﺐ ﻛﻼﻡ ﻣﻴﺜﻢ ﻣﻤﺮﺗﺎﺡ
ﻭﺭﺳﻞ ﻫﻢ ﻣﺮﻩ ﺻﺪﻓﻪ ﺷﻔﺘﻬﻪ ﺑﺎﻟﺴﻮﻙ ﻭﺟﺎﺑﺘﻠﻲ ﺳﻴﺮﺓ ﻋﻠﻲ ﻭﻛﺎﻟﺖ ﺗﻌﺒﺎﻥ ﻭﻣﺮﻳﺾ ﻭﻣﻤﺮﺗﺎﺡ ﺑﺤﻴﺎﺗﻪ ﻭﻣﺘﺄﺫﻱ ﻋﻠﻰ ﺑﻨﺘﻪ ﺍﻟﻲ ﻣﺘﺼﻴﺮﻟﻬﻪ ﺟﺎﺭﻩ
ﻭﺍﻟﺪﺓ ﻋﻠﻲ ﺍﻟﺤﺪ ﺍﻻﻥ ﻣﻘﻌﺪﻩ ﻭﻣﺎﻛﻮ ﺣﻞ ﺍﻟﻬﻪ
ﺍﻣﺎ ﺭﺳﻞ ﻓﺎﻧﺨﻄﺒﺖ ﺍﻟﺮﺟﺎﻝ ﻣﻨﻔﺼﻞ ﻋﻦ ﺯﻭﺟﺘﻪ ﻭﻫﻢ ﻋﻨﺪﻩ ﺍﻃﻔﺎﻝ
ﻭﻣﻬﻴﻤﻦ ﺻﺎﻳﺮ ﻋﻨﺪﻩ ﺍﺛﻨﻴﻦ ﺍﻃﻔﺎﻝ ﻣﻦ ﺯﻭﺟﺘﻪ ﺍﻟﺜﺎﻧﻴﻪ
ﻭﺷﻤﺲ ﻋﻼﻗﺘﻲ ﺑﻴﻬﻪ ﻣﻮ ﻣﺜﻞ ﻗﺒﻞ ﺑﺲ ﺑﻴﻦ ﻓﺘﺮﻩ ﻭﺍﻟﺜﺎﻧﻴﻪ ﻧﺘﺨﺎﺑﺮ ﺗﺰﻭﺟﺖ ﺍﺑﻦ ﺧﺎﻟﺘﻬﻪ ﻭﺻﺎﺭ ﻋﺪﻫﻪ ﻭﻟﺪ ﻣﻨﻪ ﺍﻣﺎ ﺍﻃﻔﺎﻟﻬﻪ ﻣﻦ ﻣﻬﻴﻤﻦ ﺿﺎﻟﻴﻦ ﻫﻨﺎ ﻭﻫﻨﺎ ﺍﻟﻮﺣﻴﺪﻳﻦ ﺍﻟﻲ ﻣﺘﺒﻬﺬﻟﻴﻦ
ﺍﻣﺎ ﺍﺣﻤﺪ ﻭﻃﻴﺒﻪ ﺑﺎﻋﻮ ﺑﻴﺘﻬﻢ ﻭﺍﺷﺘﺮﻭ ﺷﻘﻪ ﺑﺘﺮﻛﻴﺎ ﻭﻫﻨﺎﻙ ﻓﺘﺤﻠﻪ ﻣﺸﺮﻭﻉ
ﻭﻣﺴﺘﻘﺮﻳﻦ ﻭﻣﺮﺗﺎﺣﻴﻦ ﻫﻨﺎﻙ
ﻋﺪﻧﺎﻥ ﻭﺭﻗﻴﻪ ﻳﻮﻣﻴﻪ ﻣﺸﻜﻠﻪ ﻭﻋﻤﻪ ﺣﺎﻳﺮﻩ ﺑﻴﻬﻢ
ﺍﻣﺎ ﻋﻤﻪ ﺑﻼﺳﻢ ﻓﺎﺑﺪ ﻣﻘﺼﺮﺕ ﻭﻳﺎﻱ ﻫﻴﻪ ﺍﻡ ﺑﺎﻟﻨﺴﺒﻪ ﺍﻟﻲ ﻣﻮ ﻋﻤﻪ ﻛﻞ ﻳﻮﻡ ﺍﺣﺠﻲ ﻭﻳﺎﻫﻪ ﺍﻋﺮﻑ ﺷﺘﺴﻮﻱ ﻭﻫﻴﻪ ﺗﻌﺮﻑ ﺷﺴﻮﻱ
ﺍﻣﺎ ﺍﺣﻤﺪ ﺍﺧﻮﻳﻪ ﻣﺎﺯﺍﻝ ﻣﻔﻘﻮﺩ ﻣﺎﺍﻋﺮﻑ ﻋﻨﻪ ﺷﻲ ﻣﺎﺍﻛﺪﺭ ﺍﻛﻮﻝ ﻣﺎﺕ ﺍﻟﻪ ﻣﻦ ﺍﺷﻮﻑ ﺟﺜﺘﻪ ﺍﻟﺤﺪ ﺍﻻﻥ ﻋﻨﺪﻱ ﺃﻣﻞ
ﺍﻣﺎ ﺍﻣﻲ ﻭﺣﻴﺪﺭ ﺃﺑﺪ ﻣﺎﻧﺴﺎﻫﻢ ﻭﺩﻭﻡ ﺍﺳﻮﻳﻠﻬﻢ ﺛﻮﺍﺏ ﻭﺇﺫﺍ ﺑﻴﻮﻡ ﻣﻦ ﺍﻷﻳﺎﻡ ﺍﻟﻠﻪ ﻳﺮﺯﻗﻨﻲ ﺑﻄﻔﻞ ﻓﺄﻛﻴﺪ ﺭﺍﺡ ﺍﺳﻤﻲ ﺣﻴﺪﺭ
.............................
ﻭﻫﺎﻱ ﻫﻴﻪ ﺣﻴﺎﺗﻲ ﺍﻧﻲ ﺯﻣﺰﻡ ﺍﻛﻴﺪ ﻋﺮﻓﺘﻮ ﻣﻌﻨﻰ ﺍﺳﻤﻲ
ﻭﺷﻔﺘﻮ ﺣﻴﺎﺗﻲ
ﺍﺗﻌﻠﻤﻮ ﻣﻦ ﺃﻏﻼﻃﻲ ﻟﺘﻜﺮﺭﻭﻫﻦ ﺍﻋﺘﺒﺮﻭ ﺍﻏﻼﻃﻲ ﻭﻗﺼﺘﻲ ﻧﺼﻴﺤﻪ ﺍﻟﻜﻢ ﻣﻦ ﺍﺧﺘﻜﻢ ﺃﻭ ﺃﻣﻜﻢ
ﺍﻣﺎ ﺍﻟﻲ ﻣﺜﻠﻲ .... ﺑﻴﻬﻦ ﻧﻘﺺ .... ﻟﺘﺼﻴﺮﻭﻥ ﻣﺜﻠﻲ ﺿﻌﻔﺎﺀ ﻭﺗﺤﺪﻭ ﺍﻟﻤﺠﺘﻤﻊ
ﺧﻠﻮﻧﻪ ﻧﺠﺒﺮ ﺍﻟﻤﺠﺘﻤﻊ ﻳﺘﻘﺒﻠﻨﻪ .... ﺧﻠﻮﻧﻪ ﻧﺘﻘﺒﻞ ﻧﻔﺴﻨﺎ ﺍﺣﻨﻪ ﻛﺎﻣﻠﻴﻦ ﻭﺍﻟﻲ ﻣﻴﺘﻘﺒﻠﻮﻧﻪ ﻫﻤﻪ ﻣﺘﺨﻠﻔﻴﻦ ﻭﺑﻴﻬﻢ ﻧﻘﺺ
ﻭﺍﻧﺼﺢ ﻛﻞ ﺑﻨﻴﻪ ﺳﻮﺍﺀ ﻛﺎﻣﻠﻪ ﺃﻭ ﺑﻴﻬﻪ ﻧﻘﺺ ﺇﻧّﻮ ﺗﺪﺭﺱ ﻭﺗﺎﺧﺬ ﺷﻬﺎﺩﺗﻬﻪ ﺻﺪﻛﻴﻨﻲ ﻫﻴﻪ ﺳﻼﺣﺞ ﺍﻟﻮﺣﻴﺪ ﺑﻤﺠﺘﻤﻌﻨﺎ ﺣﺘﻰ ﺍﺫﺍ ﻣﺎﻛﻮ ﻭﻇﻴﻔﻪ ﻳﺠﻲ ﻳﻮﻡ ﻭﺗﺤﺘﺎﺟﻴﻦ ﻫﺬﺍ ﺍﻟﺴﻼﺡ
ﺍﻣﺎ ﺍﻟﺤﺐ ﻓﺒﻌﺪ ﺍﻟﻲ ﻋﺸﺘﻪ ﻋﺮﻓﺖ ﻭﺍﻗﺘﻨﻌﺖ ﺇﻧّﻮ ﺍﻟﺤﺐ ﻣﻮ ﻛﻠﺸﻲ ﺍﻟﺤﺐ ﺍﺧﺮ ﺷﻲ ﺑﺎﻟﺤﻴﺎﺓ ﺍﻟﺰﻭﺟﻴﺔ ﻳﺴﺒﻘﻪ ﺍﻻﺣﺘﺮﺍﻡ ﻭﺍﻟﺜﻘﻪ
ﻭﺍﻟﻬﻨﺎ .
.............
ﺍﻟﻬﻨﺎ ﻭﺍﻧﺘﻬﺖ ﺭﺣﻠﺔ ﺯﻣﺰﻡ ﻭﻳﺎﻧﻪ ﺑﺄﺳﻤﻲ ﺃﺷﻜﺮﻛﻢ ﻋﻠﻰ ﺗﻔﺎﻋﻠﻜﻢ ﻭﺻﺒﺮﻛﻢ ﺍﻟﻰ ﺍﻥ ﺍﻛﺘﻤﻠﺖ ﺍﻟﻘﺼﻪ
ﻭﺷﻜﺮﻱ ﻟﺒﻄﻠﺔ ﺣﻜﺎﻳﺘﻨﺎ ﺯﻣﺰﻡ ﻣﻊ ﺗﻤﻨﻴﺎﺗﻲ ﻟﻬﺎ ﺑﺎﻟﺘﻮﻓﻴﻖ
ﺃﺗﻤﻨﻰ ﺇﻧّﻮ ﺗﺄﺧﺬﻭﻥ ﺍﻟﻌﺒﺮ ﻣﻦ ﻫﺎﻱ ﺍﻟﻘﺼﻪ ...


@stylegrils

حبي يجوز استعمالج غلط☹️

اول شي اذا بشرتج دهنية..يوميا الصبح غسلي بغسول شجرة الشاي
عود هج عصرية..خلي الكريم بس عل مكان الحبوب فقط..فد نص ساعه وغسلي
وبعد مكملتي رطبي بشرتج..بأي مرطب يناسب بشرتج

يوميا استمري عل هالخطوات..منا لاسبوع رح تيبس الحبوب😇🌸 وتروح

#ملوكه

حبي تابعي يوتيوب كلشي تلكين..
بالبدايه اخذيلج كتاب المسائل المنتخبة ..وسويلج مثل جدول كل يوم فد صفحتين او 3..حسب فراغ تقرين منه

وبنفس الوكت ابحثي باليوتيوب..تكتبين اسم الموضوع لسيد صباح الشبر..ويطلعلج شرح الموضوع بطريقة سهلة وحلوة🥰✨

#ملوكه

يعمري تسلمين😻 وانتي بألف خير وان شاء الله تكون هالسنة سنة خير علينا🥺💜 ..ولو مندري شيصير بس نتأمل بالأحسن

ودوام الكليات حسب كل قسم
اكو اقسام يوم بالاسبوع واكو يومين

#ملوكه

عيوني حاليا نازل من العام جهاز ديكا
يكولون هذا احسن شي لليزر

واذا تحبين تستفسرين..فأسالي ام المركز هسه ادزلج صفحتها..
هي تستعمل ديكا..ويكولون كلش زين👇🏻🙃

#ملوكه