ﺑﺎﺳﻨﻲ ﻣﻦ ﺧﺪﻱ .... ﻳﻠﻠﻪ ﻛﺎﻓﻲ ﻟﺘﺸﻠﻌﻴﻦ ﻛﻠﺒﻲ
ﺯﻣﺰﻡ ﻟﺘﻜﺒﺮﻳﻦ ﺍﻟﻤﻮﺿﻮﻉ
ﺍﻧﻲ ﻧﻌﺴﺎﻧﻪ ﺍﺭﻳﺪ ﺍﻧﺰﻝ ﺍﻧﺎﻡ
ﻫﻨﺎ ﺗﻨﺎﻣﻴﻦ .. ﻳﻤﻲ .. ﺑﺤﻀﻨﻲ
ﻋﻠﻲ ﻋﻮﻓﻨﻲ ﻫﺴﻪ ﺍﻟﻠﻪ ﻳﺨﻠﻴﻚ ...
ﺍﻭﻭﻑ ﻣﻦ ﻋﻨﺎﺩﺝ .. ﻓﻜﺮﻱ ﺯﻳﻦ ﻭﺷﻮﻓﻲ ﺷﻠﻮﻥ ﺍﺣﺒﺞ .. ﻣﻮ ﺑﺲ ﺗﻔﻜﺮﻳﻦ ﺑﺴﻠﺒﻴﺎﺗﻲ .
ﺭﺩﺕ ﺍﻧﺰﻝ ﻟﺰﻡ ﺍﻳﺪﻱ ... ﺑﻮﺳﻴﻨﻲ ﻗﺒﻞ ﻟﺘﻨﺰﻟﻴﻦ
ﻋﻠﻲ
ﻣﺎﺍﺧﻠﻴﺞ ﺗﻨﺰﻟﻴﻦ ﺍﺫﺍ ﻣﺘﺒﻮﺳﻴﻨﻲ ﻭﺍﻟﻠﻪ
ﺑﺴﺘﻪ ﻣﻦ ﺧﺪﻩ ﺑﺲ ﺭﺃﺳﺂ ﺧﻠﻪ ﺷﻔﺘﻪ ..
ﻳﻠﻠﻪ ﺗﺼﺒﺢ ﻋﻠﻰ ﺧﻴﺮ
ﺍﺟﻤﻴﻌﻴﻦ ﻳﺎﺭﻭﻳﺤﺘﻲ .. ﻭﻏﻤﺰﻟﻲ ... ﻓﻜﺮﻱ ﺯﻳﻦ
ﺑﻄﻠﻌﺘﻲ ﻣﻦ ﺍﻟﻐﺮﻓﻪ ﺟﺎﻧﺖ ﺍﻧﻬﺎﺭ ﺩﺗﺼﻌﺪ ﺍﻟﺪﺭﺝ ﺷﺎﻳﻠﻪ ﻛﻼﺹ ﻣﻲ ... ﻧﺰﻟﺖ ﻣﻦ ﻳﻤﻬﻪ ﻭﺍﻧﻲ ﺳﺎﻛﺘﻪ ﻭﻫﻴﻪ ﻣﺒﺎﻭﻋﺘﻠﻲ ﺣﺘﻰ ......
ﺍﻧﻬﺎﺭ ... ﻭﺭﺟﻌﺖ ﺻﻌﺪﺕ . ﺍﻟﺪﺭﺟﻪ ﺍﻟﻨﺰﻟﺘﻬﻪ
ﺑﺎﺟﺮ ﺭﺍﺡ ﺍﻃﻠﻊ ﻣﻦ ﺣﻴﺎﺗﻜﻢ ﺍﺭﺗﺎﺣﻲ .....
ﺿﺤﻜﺖ ﺿﺤﻜﺔ ﺍﺳﺘﻬﺰﺍﺀ .
ﻣﺎﺍﻋﺮﻑ ﺑﺲ ﺣﺎﻭﻟﻲ ﺗﺘﻘﺒﻠﻴﻦ ﻣﻨﻲ ﺍﻟﻜﻼﻡ .. ﻋﻠﻤﻮﺩﺝ ﻭﻋﻠﻤﻮﺩ ﺍﺑﻨﺞ
ﺍﻟﺤﺪ ﻗﺒﻞ ﻻ ﺍﺗﺰﻭﺝ ﺍﻧﻲ ﻣﺠﺮﺩ ﺍﻧﺴﺎﻧﻪ ﺣﺎﻟﻤﻪ ﺗﺎﻓﻬﻪ ﻣﺘﻔﻜﺮ ﺑﺎﺣﺪ ﻏﻴﺮ ﻧﻔﺴﻬﻪ ﻛﻞ ﻫﻤﻲ ﺍﻟﻠﺒﺲ ﺑﺪﻟﻪ ﻭﺍﻋﻴﺶ ﺣﺎﻟﻲ ﺣﺎﻝ ﺍﻟﺒﻨﺎﺕ ... ﺫﺑﻴﺖ ﺭﻭﺣﻲ ﺑﺎﻟﺠﺤﻴﻢ ﻓﻲ ﺳﺒﻴﻞ ﺍﻟﻠﺒﺲ ﺑﺪﻟﻪ .. ﺍﻣﻲ ﺣﺠﺖ .. ﺭﺍﺩﺕ ... ﺗﻮﺳﻠﺖ .. ﻣﺴﻤﻌﺖ ﻣﻨﻬﻪ ﺍﺑﺪ .. ﺳﻮﻳﺖ ﺍﻟﻲ ﻳﻜﻠﻲ ﺑﻲ ﻋﻘﻠﻲ ﻭﻛﻠﺒﻲ ﺑﺲ
ﺍﻣﻲ ﺟﺎﻧﺖ ﺗﻜﻠﻲ ﺷﺮﺍﺡ ﻳﺼﻴﺮ ﻭﻳﺎﻱ ﻭﺍﻧﻲ ﻣﺎﺍﺳﻤﻌﻠﻬﻪ ﺍﺑﺪ .. ﻭﺑﺎﻟﻔﻌﻞ ﻛﻞ ﺍﻟﻲ ﺣﺠﺘﻪ ﺻﺎﺭ ﺍﻟﻲ
ﺍﻧﻬﺎﺭ / ﻭﺍﻧﻲ ﺷﻌﻠﻴﻪ .. ﻳﻌﻨﻲ ﺍﻟﺪﻧﻴﺎ ﻟﻴﻞ ﻭﻧﻌﺴﺎﻧﻪ ﺣﺘﻰ ﻃﻴﺮﺗﻲ ﺍﻟﻨﻮﻣﻪ ﻣﻦ ﻋﻴﻨﻲ ﻫﺴﻪ
ﻗﺼﺪﻱ ﺍﻛﺴﺒﻲ ﺍﺑﻨﺞ ﻭﺷﻮﻓﻲ ﺷﻨﻮ ﻣﺸﻜﻠﺘﻪ ﻭﻟﻴﺶ ﺩﻳﺴﻮﻱ ﻫﻴﺞ ﻭﻧﺼﺤﻲ ﻭﻋﻠﻤﻲ ﻋﻞ ﻏﻠﻂ ﻭﺍﻟﺼﺢ .. ﺣﺘﻰ ﻣﻦ ﻳﻌﺜﺮ ﻳﺘﺬﻛﺮ ﺍﻧﻮ ﺍﻣﻪ ﻧﺼﺤﺘﻪ .. ﻭﺍﻧﻮ ﺍﻣﻪ ﺗﺨﺎﻑ ﻋﻠﻲ ﻭﺗﺤﺒﻪ
ﺍﻧﻲ ﺍﺣﺐ ﺍﺑﻨﻲ .. ﻭﺍﺧﺎﻑ ﻋﻠﻲ ...
ﺑﺲ ﻫﻮ ﻣﺤﺎﺱ ﺑﺤﺒﺞ ﺍﻟﻪ
ﺍﻛﻠﺞ ﺯﻣﺰﻡ .. ﺷﻮ ﺩﻃﻴﺮﻱ ﻣﻨﺎ ... ﻭﺍﻟﻠﻪ ﻳﺎﺭﺑﻲ ﻣﺴﻮﻳﺘﻠﻲ ﺭﻭﺣﻬﻪ ﻓﻬﻴﻤﻪ ﻋﻮﺩ ﻣﻦ ﻳﺼﻴﺮ ﻋﻨﺪﺝ ﺍﻃﻔﺎﻝ ... ﺳﻮﻳﻠﻬﻢ ﻫﻴﺞ .... ﺟﺎﻳﻪ ﻭﻣﺴﻮﻳﺘﻠﻲ ﺭﻭﺣﺞ ﺑﺲ ﺍﻧﺘﻲ ﻭﺑﺲ .. ﺣﻘﺞ ﻣﺘﻌﺮﻓﻴﻦ ﺍﻻﻣﻮﻣﻪ ﻭﻻ ﺭﺍﺡ ﺗﻌﺮﻓﻴﻬﻪ .... ﻋﺎﻓﺘﻨﻲ ﻭﺭﺍﺣﺖ ﺍﻟﻐﺮﻓﺘﻬﻪ
ﺍﻧﻘﻬﺮﺕ ﻋﻠﻰ ﻣﻴﺜﻢ ﺣﻴﻞ ﻛﻞ ﺍﻟﻲ ﺑﻲ ﺑﺴﺒﺐ ﺍﻣﻪ ... ﻣﻠﺘﻬﻴﻪ ﺑﺲ ﺑﺎﻟﻤﺸﺎﻛﻞ ﻭﻋﺎﻳﻔﺘﻪ ...... ﺍﻧﻘﻬﺮﺕ ﻋﻠﻲ ﻻﻥ ﺭﺍﺡ ﻳﻀﻴﻊ ..
ﺭﺣﺖ ﻧﻤﺖ ﻳﻢ ﺣﻴﺪﺭ ﻭﺣﻮﺭﺍﺀ ﺟﺎﻳﺒﻪ ﻓﺮﺍﺵ ﻟﻜﻴﺘﻬﻢ ﻧﺎﻳﻤﻴﻦ ﻛﻠﻬﻢ ﺿﻠﻴﺖ ﻛﺎﻋﺪﻩ ﺣﺎﻭﻟﺖ ﻣﺘﻐﻤﻆ ﻋﻴﻨﻲ ﺍﺭﻳﺪ ﻳﻐﻔﻮﻥ ﺍﻛﺜﺮ ﻭﻋﻠﻲ ﺧﺎﺻﻪ ﻣﺮﺕ ﺳﺎﻋﻪ ﺣﺎﻭﻟﺖ ﻣﺎﺍﻏﻔﻰ ﺑﻴﻬﻪ
ﺗﺴﺤﺒﺖ ﻣﻦ ﻓﺮﺍﺷﻲ ﻛﻠﺖ ﻻﺯﻡ ﺍﻃﻠﻊ ﻗﺒﻞ ﺍﻟﺼﻼﺓ ﺣﺘﻰ ﺍﺫﺍ ﺑﻌﺪﻫﻲ ﻇﻠﻤﻪ ﻻﻥ ﺍﺫﺍ ﻛﻌﺪﺕ ﺑﻴﺒﻲ ﻣﺸﻜﻠﻪ .. ﺻﻌﺪﺕ ﻓﻮﻙ ﺩﺧﻠﺖ ﻟﻠﻐﺮﻓﻪ ﻓﺘﺤﺖ ﺍﻟﺒﺎﺏ ﻋﻠﻰ ﻛﻴﻒ ﺷﻔﺖ ﻋﻠﻲ ﻧﺎﻳﻢ ..... ﻓﺘﺤﺖ ﺍﻟﻜﻨﺘﻮﺭ ﻋﻠﻰ ﻛﻴﻒ .. ﺑﺲ ﺍﻧﻲ ﻛﻠﺒﻲ ﻳﻮﺟﻌﻨﻲ ﻣﻦ ﺍﻟﺨﻮﻑ ﻭﺍﻳﺪﻱ ﺗﺮﺟﻒ .... ﺟﻨﺖ ﺧﺎﻟﻪ ﺑﻌﻠﺒﺔ ﺍﻟﺬﻫﺐ ﻓﻠﻮﺳﻲ ﺍﺧﺬﺕ ﺗﺮﺍﺟﻲ ﻭﺍﻟﻔﻠﻮﺱ ﻣﺎﻝ ﻭﺍﺟﺐ ﻣﺎﻝ ﺍﻣﻲ .... ﻭﺍﺧﺬﺕ ﺟﺒﺘﻲ ﻭﻃﻠﻌﺖ ...
ﻣﺼﺪﻛﺖ ﺍﺧﺬﺕ ﻧﻔﺲ .... ﺍﻭﻭﻑ ﺍﻟﺤﻤﺪﻟﻠﻪ .... ﺍﻧﻮﺏ ﺗﺬﻛﺮﺕ ﺟﻨﺴﻴﺘﻲ ... ﻳﺒﻮﻭﻭ ﺷﻴﻄﻠﻌﻬﻪ ﻫﺴﻪ ﺧﺎﻑ ﻳﻔﺰ ... ﻓﻜﺮﺕ ﺍﻃﻠﻊ ﺑﺪﻭﻧﻬﻪ ﺷﺴﻮﻱ ﺑﻴﻬﻪ ﻗﺎﺑﻞ
ﻓﺘﺤﺖ ﺓﻟﺒﺎﺏ ﺷﻮﻳﻪ ﺑﺎﻭﻋﺖ ﻋﻠﻲ .. ﻛﻠﺒﻲ ﻭﺟﻌﻨﻲ ... ﺳﺎﻋﺎﺕ ﺑﺤﺒﻦ ﻳﻮﺩﻳﻨﻲ ﺍﻟﻌﺎﻟﻢ ﺛﺎﻧﻲ ... ﻭﻓﺠﺄﻩ ﻳﺸﻤﺮﻧﻲ ﻟﻠﻜﺎﻉ ....
ﻫﻤﺴﺖ ﺍﻝ ﺣﻴﺪﺭ .. ﻛﻮﻡ ﺣﺒﻴﺒﻲ .. ﻟﺘﻄﻠﻊ ﺻﻮﺕ ﺭﺍﺡ ﺍﻭﺩﻳﻚ ﺍﻝ ﻣﺎﻣﺎ ..... ﺣﻴﺪﺭ ﻛﻮﻡ ... ﺣﺒﻴﺒﻲ ... ﻓﺘﺢ ﻋﻴﻨﻪ ﺣﻴﺪﺭﻭﻣﻦ ﺩﺭﻩ ﻧﺮﻭﺡ ﺍﻟﻤﺎﻣﺎ ﺃﺷﺮ ﺑﺎﺻﺒﻌﻪ ﻭﺳﻮﺍﻟﻲ .. ﺍﺵ ﻋﻮﺩ ﻣﻨﺤﺠﻲ
ﻛﺎﻡ ﺑﺴﺮﻋﻪ .... ﺭﺃﺳﺂ ﻓﺘﺤﺖ ﺍﻟﺒﺎﺏ ﻭﻃﻠﻌﺖ . . ﺍﺣﺲ ﺭﻭﺣﻲ ﺷﻤﻴﺖ ﻫﻮﻯ ... ﺣﺴﻴﺖ ﻧﻔﺴﻲ ﻣﺜﻞ ﺍﻟﻄﻴﺮ ﺍﻟﺠﺎﻥ ﻣﺤﺒﻮﺱ ... ﻭﺍﺧﻴﺮﺁ ﺯﻣﺰﻡ .. ﻭﺍﺧﻴﺮﺁ ﺻﺮﺗﻲ ﻗﻮﻳﻪ ﻭﻃﻠﻌﺘﻲ
ﺍﻟﺸﺎﺭﻉ ﺍﻇﻠﻢ ﺣﻴﻞ ﻭﺍﻟﺨﻮﻑ ﺗﻤﻠﻜﻨﻲ ... ﺑﺲ ﻣﺎﻋﻨﺪﻱ ﻏﻴﺮ ﻫﺬﺍ ﺍﻟﺤﻞ .... ﻟﺰﻣﺖ ﺍﻳﺪ ﺣﻴﺪﺭ .....
ﺯﻣﺰﻡ ﺍﻧﻲ ﺍﺧﺎﻑ
ﻟﺘﺨﺎﻑ ﺣﺒﻴﺒﻲ ... ﻟﺘﺨﺎﻑ ﺍﺑﺪ .. ﻫﺴﻪ ﻧﺮﻭﺡ ﺍﻝ ﺑﺎﺑﺎ ﻭﻣﺎﻣﺎ
ﺫﺍﻛﻪ ﺟﻠﺐ
ﺑﺎﻭﻋﺖ ﺻﺪﻭﻙ ﺟﻠﺐ .. ﺧﺮﺏ ﺣﻀﻲ .... ﺣﻴﺪﺭ ﻣﺎﻟﻨﻪ ﺩﺧﻞ ﺑﻲ ... ﺍﻣﺸﻲ ﻣﻴﺠﻲ ﻋﻠﻴﻨﻪ
ﻃﻠﻌﺖ ﻻﻥ ﺍﻋﺮﻑ ﻋﻠﻲ ﻣﺮﺍﻙ ﻳﻌﺘﻘﻨﻲ ... ﻋﻠﻲ ﻣﻴﺤﺒﻨﻲ ﻳﺤﺐ ﺿﻌﻔﻲ .. ﻳﺤﺐ ﺍﻟﺸﻔﻘﻪ ﻋﻠﻴﻪ .... ﻋﻠﻲ ﻣﻮ ﺍﻣﺎﻧﻲ ﻭﻻ ﺳﻨﺪﻱ ... ﻭﺣﺪﻱ ﻭﺫﺍﻟﻨﻲ ﺷﺤﺎﻝ ﻟﻮ ﺧﻮﺍﺗﻲ ﻭﻳﺎﻱ . ..
ﻣﺎﺍﻋﺮﻑ ﺍﻟﺨﻄﻮﻩ ﻣﻤﺪﺭﻭﺳﻪ ﻭﻣﺎﺍﻋﺮﻑ ﺭﺍﻳﺤﻪ ﻟﻠﻤﺠﻬﻮﻝ ﻭﺷﺮﺍﺡ ﺍﺳﻮﻱ ﻣﻤﻘﺮﺭﻩ ... ﻛﻞ ﺍﻟﻲ ﺍﻋﺮﻓﻪ ﺭﺩﺕ ﺍﻃﻠﻊ ﻣﻦ ﺫﻟﺔ ﻋﻠﻲ ﻭﺫﻟﺔ ﻫﺬﺍ ﺍﻟﺒﻴﺖ
ﻭﺍﻧﻲ ﺍﻣﺸﻲ ﺗﺬﻛﺮﺕ ﻛﻼﻡ ﺍﻣﻲ ﺍﻟﻲ ﻣﺎﺍﻧﺴﺎ ﺍﺑﺪ
ﻭﻟﺞ ﻳﻤﻪ ﺍﻟﺒﺪﻟﻪ ﺍﻟﺒﻴﻀﻪ ﺗﺼﻴﺮ ﺳﻮﺩﻩ ﻋﻠﻴﺞ ﻳﺎ ﻳﻤﻪ
ﻣﺮﻳﺖ ﻣﻦ ﻳﻢ ﺍﻟﺠﻠﺐ ﻭﺑﺎﻟﻔﻌﻞ ﻣﺴﻮﺍﻟﻨﻪ ﺷﻲ ﺑﺲ ﻣﻴﺘﻪ ﺧﻮﻑ ﻭﺍﺣﺎﻭﻝ ﺍﺑﻴﻦ ﻣﺨﺎﻳﻔﻪ ﻋﻠﻤﻮﺩ ﺣﻴﺪﺭ .... ﻃﻠﻌﺖ ﻋﻞ ﺷﺎﺭﻉ .. ﺟﺎﻧﺖ ﺍﻟﺪﻧﻴﺎ ﻇﻠﻤﻪ ﺗﺨﻮﻑ ﺑﺲ ﺑﺎﻟﻨﺴﺒﻪ ﺍﻟﻲ ﻇﻼﻣﻬﻪ ﻣﻮ ﻣﺜﻞ ﺍﻟﻈﻼﻡ ﺍﻟﻲ ﺟﻨﺖ ﺑﻲ
ﺑﻌﺪﺕ ﻋﻦ ﺍﻟﺒﻴﺖ ﺷﻮﻳﻪ ﺷﻔﺖ ﺣﺪﻳﻘﻪ ﻛﻌﺪﺕ ﺑﻴﻬﻪ .... ﻛﻠﺖ ﺍﻧﺘﻈﺮ ﺷﻮﻳﻪ ﺍﻟﺼﺒﺢ ﻳﻄﻠﻊ .. ﺣﺒﺴﺖ ﺭﻭﺣﻲ ﺑﺰﺍﻭﻳﻪ ﺣﺘﻰ ﻣﺤﺪ ﻳﺸﻮﻓﻨﻲ ﺍﻟﺸﺎﺭﻉ ﻳﺨﻮﻑ
ﻇﻠﻴﺖ ﺍﻓﻜﺮ ﺷﺴﻮﻱ ﻫﺴﻪ ﺍﻧﻲ .... ﻭﻳﻦ ﺍﺭﻭﺡ .. ﺍﺭﻭﺡ ﺍﻟﺒﻴﺖ ﺧﺎﻟﻮ ﺛﺎﺋﺮ ﻟﻮ ﺑﻴﺖ ﻋﻤﻮ ... ﻇﻠﻴﺖ ﺻﺎﻓﻨﻪ ﻭﺍﻓﻜﺮ ﻭﺣﻴﺪﺭ ﺧﺎﻝ ﺭﺍﺳﻪ ﻋﻠﻰ ﺭﺟﻠﻲ ﻃﻠﻌﺖ ﺍﻟﻔﻠﻮﺱ ﺣﺴﺒﺘﻬﻦ ٧٥ ﺍﻟﻒ ﺑﺎﻭﻋﺖ ﻋﻞ ﺗﺮﺍﺟﻲ ﺍﺑﻴﻌﻬﻦ ﺑﻠﻠﻪ ﻭﺍﺟﺮ ﺑﻴﻬﻦ ﺑﻴﺖ .. ﺍﺭﻭﺡ ﺍﻟﺒﻴﺘﻨﻪ ﺍﻟﻘﺪﻳﻢ ﺑﻠﻜﻲ ﻣﻤﺄﺟﺮ ﺑﻌﺪﻩ ﻭﻫﻢ ﻧﻌﺮﻑ ﺟﻴﺮﺍﻧﻪ ﻟﻮ ﺧﺎﻑ ﻋﻠﻲ ﻳﺄﺫﻳﻨﻲ ﻭﻣﻴﻌﻮﻓﻨﻲ
ﺣﻴﺪﺭ / ﺷﻮﻛﺖ ﻧﺮﻭﺡ ﺍﻝ ﻣﺎﻣﺎ
ﺷﻮﻳﻪ ﻻﺥ ﺣﺒﻴﺒﻲ .. ﻭﻣﺴﺤﺖ ﻋﻠﻰ ﺭﺍﺳﻪ ﻭﺍﺑﺘﺴﻤﺘﻠﻪ
ﻭﺭﺟﻌﺖ ﺍﻻﻓﻜﺎﺭﻱ ﻭﻋﻘﻠﻲ .... ﺍﺧﺮ ﺷﻲ ﻗﺮﺭﺕ ﺍﺗﺼﻞ ﺑﺎﻡ ﺷﻤﺲ ... ﻋﻨﺪﻱ ﺭﻗﻤﻬﻪ .... ﺑﺲ ﺧﺎﻑ ﺗﻔﺰ ﺍﻟﻤﺮﻩ ﺑﻬﺎﻟﻠﻴﻞ
ﺧﻞ ﺍﺗﺼﻞ ﻗﺒﻞ ﻟﻴﺤﺲ ﻋﻠﻲ ﺍﺣﺴﻦ ﺷﻲ ... ﻭﺍﺷﺮﺣﻠﻬﻪ ﻭﺿﻌﻲ ﻣﺘﺄﻛﺪﻩ ﺍﻟﺸﺨﺺ ﺍﻟﻮﺣﻴﺪ ﺍﻟﻲ ﻳﺴﺎﻋﺪﻧﻲ ...
ﺩﻛﻴﺖ .. ﻇﻞ ﻳﺪﻙ .. ﻣﺎﻛﻮ .. ﻣﺠﺎﻭﺑﺖ .. ﺭﺍﺩ ﻳﻨﺴﺪ ﺍﻟﺨﻂ .. ﺟﺎﻭﺑﺖ ﻭﻣﺒﻴﻦ ﺻﻮﺗﻬﻪ ﻧﺎﻳﻤﻪ
ﺍﻟﻮﻭﻭ ..
ﻫﻠﻮ ﺧﺎﻟﻪ ﺍﻧﻲ ﺯﻣﺰﻡ
ﺯﻣﺰﻡ .. ﺷﻤﺲ ﺑﻴﻬﻪ ﺫﻱ .. ﻣﺒﻴﻦ ﺍﺧﺘﺮﻋﺖ ﻭﻣﺒﻴﻦ ﻣﺠﺎﻭﺑﻪ ﺑﺪﻭﻥ ﻣﺘﺸﻮﻑ ﻣﻨﻮ
ﻻ ﺧﺎﻟﻪ ﻣﺎﺑﻴﻬﻪ ﺷﻲ ﻋﺬﺭﻳﻨﻲ ﺧﺎﺑﺮﺗﺞ ﺑﻬﻴﺞ ﻭﻗﺖ ﺑﺲ ﻣﺤﺘﺎﺟﺘﺢ
ﺍﺣﺠﻲ ﺣﺒﻴﺒﺘﻲ ﺧﻴﺮﺝ
ﺧﺎﻟﻪ ﺍﻧﻲ ﺍﻧﻬﺰﻣﺖ ﻣﻦ ﺑﻴﺖ ﻋﻠﻲ ﺍﻟﻠﻪ ﻳﺨﻠﻴﺞ ﺳﺎﻋﺪﻳﻨﻲ
ﺍ

ﻧﺘﻲ ﻭﻳﻦ ﻫﺴﻪ
.. ﻭﺻﻔﺘﻠﻬﻪ ﻣﻜﺎﻧﻲ .... ﻭﺗﻠﺚ ﺍﺭﺑﺎﻉ ﺍﻟﺴﺎﻋﻪ ﻭﺍﺟﺘﻲ ﻫﻲ ﻭﺯﻭﺟﻬﻪ ... ﻣﻦ ﺷﻔﺘﻬﻪ ﻃﺒﻜﺖ ﺭﺩﺕ ﺭﻭﺣﻲ ... ﻭﻋﺮﻓﺖ ﺍﻟﻌﺮﺍﻕ ﺑﻌﺪﻩ ﺑﺨﻴﺮ ﻻﻥ ﺍﻛﻮ ﺑﺸﺮ ﺑﻲ ﻣﺜﻞ ﺍﻡ ﺷﻤﺲ ﺑﻬﺎﻟﻮﻗﺖ ﻣﻦ ﺧﺎﺑﺮﺗﻬﻪ ﻣﺘﻌﺎﺟﺰﺕ ﻭﺭﺃﺳﺂ ﺍﺟﺘﻨﻲ
ﺻﻌﺪﺕ ﺑﺎﻟﺴﻴﺎﺭﻩ ﺑﺲ ﺳﺄﻟﺘﻨﻲ ﺷﻨﻮ ﺍﻟﻘﺼﻪ .. ﻛﺒﻞ ﺑﺠﻴﺖ ... ﺍﺭﻳﺪ ﺩﻣﻮﻋﻲ ﻳﺮﻭﺣﻦ ﻣﺎﻛﻮ
ﺍﻡ ﺷﻤﺲ / ﻟﺘﺒﺠﻴﻦ ﺣﺒﻴﺒﺘﻲ ... ﺯﻣﺰﻡ .. ﻛﻮﻟﻲ ﻳﺎ ﺍﻟﻠﻪ ... ﻭﻟﺘﺨﺎﻓﻴﻦ ﻣﺎﺩﺍﻡ ﺍﻧﺘﻲ ﻳﻤﻲ
ﺷﻜﺮﺁ ﺧﺎﻟﻪ ﺗﻌﺒﺘﺞ ﻭﻳﺎﻳﻪ .. ﻭﺍﻟﻠﻪ ﻣﺎﺍﻋﺮﻑ ﺷﻠﻮﻥ ﺍﺭﺩ ﺟﻤﺎﻳﻠﺞ ﻋﻠﻴﻪ
ﻭﺻﻠﻨﻪ ﻟﻠﺒﻴﺖ .. ﻣﺎﺷﺎﺀ ﺍﻟﻠﻪ ﺑﻴﺘﻬﻢ ﻳﺨﺒﻞ ﺻﻐﻴﺮ ﻋﻠﻰ ﻛﺪﻫﻢ ﺑﺲ ﻣﺮﺗﺐ ﻭﻧﻈﻴﻒ ﺣﻴﻞ ... ﻭﻣﻦ ﺩﺧﻠﺘﻠﻪ ﺍﺑﺪ ﻣﺤﺴﻴﺖ ﺑﺨﻨﻜﻪ
ﺍﻡ ﺷﻤﺲ / ﺷﻨﻮ ﺭﺃﻳﺞ ﺑﺒﻴﺘﻨﻪ ﺧﻮﻣﺎ ﻣﺒﻬﺬﻝ ﻭﺍﺑﺘﺴﻤﺖ
ﻻ ﺑﻠﻌﻜﺲ ﺗﻮﻧﻲ ﺑﻜﻠﺒﻲ ﺍﻛﻮﻝ ﻳﺨﺒﻞ
ﻫﺎﻱ ﺍﻧﻲ ﻭﺍﺑﻮ ﺷﻤﺲ ﻋﺮﻙ ﻳﻜﺐ ﺍﻟﻀﺨﺎﻣﻪ ﻭﺍﻧﻲ ﺍﺣﺐ ﺍﻻﺷﻴﺎﺀ ﺍﻟﻨﺎﺯﻛﻪ ﺧﻠﻴﺘﻪ ﻣﺮﻩ ﻳﺴﺎﻓﺮ ﺟﺎﻥ ﻋﻨﺪﻩ ﻣﺆﺗﻤﺮ ﻭﻏﻴﺮﺕ ﻛﻠﺸﻲ ﻣﻌﺎﺟﺒﻨﻲ ﻫﻬﻬﻬﻬﻪ
ﻛﻮﻟﺶ ﺣﻠﻮ ﻭﺍﻟﻠﻪ
ﻟﻴﺶ ﺳﺄﻟﺘﺞ ﻳﻜﻠﻲ ﻣﺎﻋﻨﺪﺝ ﺫﻭﻕ
ﺍﺑﺘﺴﻤﺘﻠﻬﻪ .. ﺍﺻﻼ ﺍﻧﺘﻲ ﻛﻠﺞ ﺫﻭﻕ
ﺷﻨﻮ ﺭﺃﻳﺞ ﻧﺴﻮﻳﻠﻨﻪ ﺭﻳﻮﻙ .. ﻭﻧﻜﻌﺪ ﻧﺴﻮﻟﻒ
ﺩﺧﻠﻨﻪ ﻟﻠﻤﻄﺒﺦ ﺑﻌﺪ ﺍﺣﻠﻰ ﻣﻦ ﺑﻴﺘﻬﻢ ﻛﻠﻪ ﺍﻣﺸﻲ ﻭﺍﻛﻮﻝ ﺑﻜﻠﺒﻲ ﻣﺎﺷﺎﺀ ﺍﻟﻠﻪ
ﺳﻮﺕ ﺭﻳﻮﻙ ﻭﺍﻧﻲ ﺳﺎﻋﺪﺗﻬﻪ ﻭﺧﻠﺘﻪ ﻋﻞ ﻣﻴﺰ .. ﻭﺣﻴﺪﺭ ﻛﺎﻋﺪ ﻋﺎﻗﻞ ﻣﻮ ﻋﺎﺩﺗﻪ ﻓﻜﺮﺕ ﺧﺎﻑ ﺍﻟﻮﻛﻌﻪ ﻣﺴﻮﻳﻪ ﺑﻲ ﺷﻲ
ﻭﺭﺍﻫﻪ ﺳﻮﻟﻔﺖ ﻻﻡ ﺷﻤﺲ ﻋﻦ ﻛﻠﺸﻲ .. ﺣﺘﻰ ﻛﺎﻣﺖ ﺗﺒﺠﻲ ﺍﺑﺪ ﻣﺎﺍﻧﺴﻪ .. ﺷﻜﺪ ﻃﻴﺒﻪ
ﻭﻋﺪﺗﻨﻲ ﺗﺴﺎﻋﺪﻧﻲ ﻭﺩﺧﻠﺖ ﻟﻠﻐﺮﻓﻪ ﻛﺎﻟﺖ ﺍﻏﻴﺮ ﻣﻼﺑﺴﻲ
ﻭﺭﺍﻫﻪ ﺳﻤﻌﺖ ﺻﻮﺕ ﺻﻴﺎﺡ
ﺍﺑﻮ ﺷﻤﺲ / ﺍﻧﺘﻲ ﻣﻦ ﻛﻞ ﻋﻘﻠﺞ .. ﺑﺸﻨﻮ ﺗﺮﻳﺪﻳﻦ ﺗﻮﺭﻃﻴﻨﺎ ... ﻣﺎﺍﻗﺒﻞ ﺗﺪﺧﻠﻴﻦ ﺭﻭﺣﺞ
ﺍﻡ ﺷﻤﺲ / ﺻﻮﺗﻚ ﺍﻟﺒﻨﻴﻪ ﻟﺘﺴﻤﻊ
ﺍﺑﻮ ﺷﻤﺲ / ﺧﻞ ﺗﺴﻤﻊ ..... ﻭﺧﻞ ﺗﺮﻭﺡ .. ﺍﺑﺪ ﻣﺎﺍﻗﺒﻞ ﺗﺴﻮﻳﻦ ﻫﻴﺞ ﻭﺗﺪﺧﻠﻴﻦ ﺭﻭﺣﺞ
ﺍﻡ ﺷﻤﺲ / ﻛﺘﻠﻚ ﻧﺼﻲ ﺻﻮﺗﻚ .. ﺍﻟﺒﻤﻴﻪ ﺧﻄﻴﻪ ﻣﺎﻋﺪﻫﻪ ﺍﺣﺪ ﺗﺮﻭﺣﻠﻪ
ﻭﺍﻧﻲ ﺷﻜﺎﻟﻮﻟﺞ ﻋﻠﻴﻪ ... ﻣﻠﺠﺄ ﻣﺎﻝ ﺍﻳﺘﺎﻡ .. ﺍﻭﻛﻲ ﺗﻌﺎﻃﻔﺖ ﻭﻳﺎﻫﻪ ﺑﺲ ﺍﺣﻨﻪ ﺑﺼﻔﺘﻨﻪ ﻣﻤﻮ ﻧﺘﺪﺧﻞ ... ﻛﺎﻓﻲ ... ﻋﻮﻓﻲ ﺳﻮﺍﻟﻔﺞ ﺍﻟﻌﺎﻃﻔﻴﻪ ﻓﻜﺮﻱ ﺑﻌﻘﻞ
ﻣﻦ ﺳﻤﻌﺖ ﺻﻮﺗﻬﻢ ﻋﻠﻪ ﻋﺮﻓﺖ ﺑﺴﺒﺒﻲ .. ﻭﻛﻔﺖ ﻳﻢ ﺍﻟﺒﺎﺏ ﺍﺳﻤﻌﻬﻢ ﻭﺭﺍﻫﻪ ﻭﺧﺮﺕ ﺧﻔﺖ ﻟﺘﻄﻠﻊ
ﻃﻠﻌﺖ ﺍﻡ ﺷﻤﺲ ﻭﻣﺒﻴﻦ ﻋﻠﻴﻬﻪ ﻣﻘﻬﻮﺭﻩ ﻭﺣﺎﻳﺮﻩ
ﺯﻣﺰﻡ / ﺧﺎﻟﻪ ﺍﻧﺘﻲ ﻓﻬﻤﺘﻲ ﻏﻠﻂ ﺍﻧﻲ ﻣﺎﺍﺭﻳﺪ ﺍﻛﻌﺪ ﻳﻤﻜﻢ ﺍﻧﻲ ﺑﺲ ﺍﺭﻳﺪﺝ ﺗﺴﺎﻋﺪﻳﻨﻲ ﺍﺟﻴﺐ ﺧﻮﺍﺗﻲ ﻭﺍﺟﺮ ﺑﻴﺖ ﺍﻧﻲ ﺭﺍﺡ ﺍﺷﺘﻐﻞ ﻭﺍﻋﺘﻤﺪ ﻋﻠﻰ ﺭﻭﺣﻲ
ﺯﻣﺰﻡ ﻭﺍﻟﻠﻪ ﻣﺎﺍﺩﺭﻱ ﺷﻜﻠﺞ ... ﻣﺎﺍﻛﺪﺭ ﺍﻋﻮﻓﺞ ﺍﺑﺪ .. ﺻﺪﻛﻴﻨﻲ ﺍﺣﺒﺞ ﻛﻴﻞ ﻭﺍﺧﺎﻑ ﻋﻠﻴﺞ ... ﺯﻳﻦ ﺍﻧﻲ ﺍﻭﻋﺪﺝ ﻧﺠﻴﺐ ﺧﻮﺍﺗﺞ ﺑﺲ ﻣﺆﻗﺘﺂ ﺍﺭﻳﺪﺝ ﺗﻌﺘﻤﺪﻳﻦ ﻋﻠﻰ ﺭﻭﺣﺞ ... ﺗﺪﺩﺭﻳﻦ ﺗﺸﺘﻐﻠﻴﻦ ﻣﺴﺎﻋﺪﻩ ﻋﻨﺪﻱ ﺧﺎﻟﺘﻲ ﻣﺮﻩ ﺟﺒﻴﺮﻩ ﺑﺎﻟﺒﻴﺖ ﻫﻴﻪ ﻣﺘﺮﻳﺪ ﻧﺎﺱ ﺗﺴﺎﻋﺪﻫﻪ ﺑﺎﻟﺒﻴﺖ ﺑﺲ ﺍﻧﻲ ﺭﺍﺡ ﺍﻗﻨﻌﻬﻪ .. ﻭﺣﺪﻫﻪ ﺑﺎﻟﺒﻴﺖ ﺯﻭﺟﻬﻪ ﻣﺘﻮﻓﻲ ﻫﻴﻪ ﻭﺑﺘﻬﻪ ﻛﺎﻋﺪﻩ ﺑﺘﻬﻪ ﻫﻢ ﺟﺒﻴﺮﻩ ﺑﻜﺪﻱ ﻭﻣﻬﻨﺪﺳﻪ
ﻓﺮﺣﺖ ﺣﻴﻞ ﻣﻦ ﻛﺎﻟﺘﻠﻲ ﻫﺬﺍ ﺍﻟﺸﻲ ... ﻃﺒﻌﺂ ﺍﺭﻳﺪ .. ﺍﺻﻼ ﺍﻟﻴﻮﻡ ﻃﻠﻌﺖ ﻭﺭﺃﺳﺂ ﺍﻟﻜﻪ ﺷﻐﻞ ﺷﺮﻳﺪ ﻣﻦ ﺍﻟﺪﻧﻴﺎ ﺑﻌﺪ ... ﻭﺍﻟﻠﻪ ﺍﺑﻴﺾ ﻭﺟﻬﺞ ﻟﺘﺨﺎﻓﻴﻦ
ﺍﻡ ﺷﻤﺲ / ﺍﺩﺭﻱ ﺑﻴﺞ ﻭﺍﻟﻠﻪ ﻭﻫﻢ ﺍﺣﺴﻦ ﺍﻟﺞ ﺣﺘﻰ ﻋﻠﻲ ﻣﻴﻠﻜﺎﺝ ﺑﺴﻬﻮﻟﻪ ... ﻳﻠﻠﻪ ﺧﻠﻴﻨﻲ ﺍﺧﺬﺝ ﻭﻧﺮﻭﺡ ﻫﺴﻪ
ﺯﻣﺰﻡ / ﺍﻛﻮ ﺧﻮﻑ ﺑﺪﺍﺧﻠﻲ ﻣﺘﻤﻠﻜﻨﻲ ﻣﺎﺍﻛﺪﺭ ﺍﻧﻜﺮﻩ ﺷﺮﺍﺡ ﻳﺼﻴﺮ ﺑﻴﻪ .. ﻣﻌﻘﻮﻟﻪ ﻃﻠﻌﺖ ﻭﺭﺃﺳﺂ ﺻﺎﺭﺕ ﺣﻴﺎﺗﻲ ﺳﻬﻠﻪ ﻭﺑﺴﻬﻮﻟﻪ ﻟﻮ ﺷﻨﻮ
ﻳﺎﺭﺑﻲ ﺷﻨﻮ ﺍﻟﻤﻀﻤﻮﻡ ﺍﻟﻲ ... ﺧﻴﺮ ﻟﻮ ﺷﺮ ... ﺷﻨﻮ ﺍﻟﺰﻳﻦ ﺍﻟﻲ ﻭﺍﻻﺧﻮﺍﺗﻲ ... ﻣﻌﻘﻮﻟﻪ ﺍﻟﺤﻴﺎﺓ ﺳﻬﻠﻪ ﻫﻴﺞ .. ﻟﻮ ﻫﺎﻱ ﺑﺲ ﻻﻥ ﺑﺪﺍﻳﻪ
ﻭﺻﻠﻨﻪ ﻟﻠﺒﻴﺖ ﻣﻮ ﻧﻔﺲ ﺑﻴﺖ ﺍﻡ ﺷﻤﺲ ﺍﻛﺒﺮ ﺑﺲ ﻣﻮ ﻣﺮﺗﺐ ﺣﻴﻞ ﻣﺪﺭﻱ ﻻﻥ ﺷﻔﺖ ﺑﻴﺖ ﺍﻡ ﺷﻤﺲ ... ﺟﺎﻧﻮ ﻧﺎﻳﻤﻴﻦ ﻇﻠﺖ ﺗﺪﻙ ﺑﺎﻟﺒﺎﺏ ﺍﻡ ﺷﻤﺲ .. ﺍﻟﻰ ﺍﻥ ﻃﻠﻌﺖ ﻣﺮﻩ ﺑﻜﺪ ﺍﻡ ﺷﻤﺲ ﺻﺢ ﺑﺲ ﺗﺨﺒﻞ ﺭﺣﺒﺖ ﺑﻴﻨﻪ ﻭﺑﺎﺳﺖ ﺣﻴﺪﺭ
ﺍﻡ ﺷﻤﺲ / ﻫﻠﻮ ﻓﺮﻭﺣﻪ ﺧﺎﻟﺘﻲ ﻧﺎﻳﻤﻪ ﺷﻌﺠﺐ
ﻓﺮﺡ / ﻭﻟﺞ ﻳﺎ ﺷﻌﺠﺐ ﻓﻴﺮ ﺍﻧﺘﻲ ﻣﻐﺒﺸﻪ
ﺍﻡ ﺷﻤﺲ / ﻫﻬﻬﻬﻪ ﻭﺍﻟﻠﻪ ﺣﻘﺞ
ﻓﺮﺡ / ﻣﻨﻮ ﺫﻭﻟﻲ ﺍﻻﻣﺎﻣﻴﺮ ﺍﻟﺤﻠﻮﻳﻦ ﻭﺍﺑﺘﺴﻤﺖ ﺑﻮﺟﻬﻲ
ﺍﻡ ﺷﻤﺲ / ﻫﺎﻱ ﺯﻣﺰﻡ .. ﺗﻜﺪﺭﻳﻦ ﺗﻌﺘﺒﺮﻳﻬﻪ ﻣﺜﻞ ﺷﻤﻮﺳﻪ
ﻓﺮﺡ / ﻫﻠﻮ ﺣﺒﻴﺒﺘﻲ ﺯﻣﺰﻡ . ﺗﻔﻀﻠﻲ ... ﻧﻮﺭﺗﻮﻧﺎ ﺍﻧﺘﻲ ﻭﻛﺮﺻﺖ ﺣﻴﺪﺭ .. ﻭﻫﺬﺍ ﺍﻻﻣﻮﺭ
ﺩﺧﻠﺖ ﻟﻠﺒﻴﺖ ﺍﻭﻝ ﻣﺎﻧﺪﺧﻞ ﺷﺒﺎﻙ ﺟﺒﻴﺮ ﺑﺎﻟﺠﻬﻪ ﺍﻟﻴﺴﺮﻩ ﺑﺎﺏ ﻭﺑﺎﻟﺠﻬﻪ ﺍﻟﻴﻤﻨﻪ ﺑﺎﺏ ﺛﺎﻧﻲ ﻣﻘﺎﺑﻴﻠﻪ ﻣﺪﺭﻱ ﺷﻠﻮﻥ ﺗﺼﻤﻴﻤﻪ .... ﺩﺧﻠﺘﻨﻪ ﺑﺎﻻﺳﺘﻘﺒﺎﻝ .. ﺟﺒﻴﺮ ﻭﻫﻢ ﺣﻠﻮ ... ﺍﺑﺎﻭﻉ ﺍﻇﺎﻫﺮ ﺑﻴﺖ ﺍﻫﻞ ﺍﻡ ﺷﻤﺲ ﻛﻠﻬﻢ ﻃﺎﻛﻴﺰ ﻣﺎﺷﺎﺀ ﺍﻟﻠﻪ ... ﺑﻜﻠﺒﻲ ﻳﺴﺘﺎﻫﻠﻮﻥ ﺑﺸﻬﺎﺩﺍﺗﻬﻢ ﻭﺍﻟﻠﻪ .. ﺍﻣﺪﺍﺝ ﻳﺎ ﺯﻣﺰﻡ ... ﻣﺎﻟﺖ ﻋﻠﻴﺞ .. ﺟﻠﺒﺘﻲ .. ﺍﺭﻳﺪ ﺑﺪﻟﻪ ﻭﺍﺭﻳﺪ ﺑﺪﻟﻪ ﺍﻡ ﺣﻠﺪ .. ﺩﻭﻟﻲ ﺍﺭﻳﺪ ﺍﺩﺭﺱ ﺍﺭﻳﺪ ﺍﺻﺨﻢ
ﻗﺎﻃﻌﺘﻨﻲ ﺍﻡ ﺷﻤﺲ ﻳﻌﺪ ﻣﺎ ﺩﺧﻠﺖ ﻓﺮﺡ
ﻟﺘﺨﺎﻓﻴﻦ ﺣﺒﻴﺒﺘﻲ ﻓﺮﺡ ﺣﻴﻞ ﺣﺒﺎﺑﻪ ﻭﺧﺎﻟﺘﻲ ﺑﻌﺪ ﺍﻛﺜﺮ ﻣﻨﻬﻪ ﻭﺑﺲ ﻭﺣﺪﻫﻢ ﺑﺎﻟﺒﻴﺖ
ﻣﺨﺎﻳﻔﻪ ﺧﺎﻟﻪ .. ﺷﻜﺮﺁ ﺍﻟﺞ .. ﻭﺍﻟﻠﻪ ﻟﻮ ﻣﺎﺍﻧﺘﻲ ﻣﺎﺍﺩﺭﻱ ﺷﻴﺼﻴﺮ ﺑﻴﻪ
ﻟﺘﺤﺠﻴﻦ ﻫﻴﺞ ﺣﺒﻴﺒﺘﻲ ... ﻣﻜﻠﺘﻴﻠﻲ ﻋﻠﻲ ﺍﺧﺬﺟﺪﻛﺘﻮﺭ
ﺍﻱ ﺍﺧﺬﻧﻲ .... ﻭﻛﺎﻝ ﻣﺘﺼﻴﺮﻟﻲ ﺟﺎﺭﻩ
ﻳﺎ ﺩﻛﺘﻮﺭ ﻫﺬﺍ .. ﺷﺴﻤﻪ ﺗﻌﺮﻓﻲ
ﺍﻧﻄﻴﺘﻬﻪ ﺍﺳﻢ ﺍﻟﺪﻛﺘﻮﺭ ...... ﻳﻌﻨﻲ ﻫﺬﺍ ﺍﺷﻬﺮ ﺩﻛﺘﻮﺭ ﻭﻣﻌﺮﻭﻑ ﻛﺎﻝ ﻋﻠﻲ
ﺍﻱ ﺻﺢ ﺍﻓﻀﻞ ﺍﻟﺪﻛﺎﺗﺮﻩ ﺑﺲ ﻣﻊ ﺫﻟﻚ ﻫﻢ ﺍﺧﻠﻲ ﺻﺪﻳﻘﺘﻲ ﺗﺸﻮﻓﺞ
ﺧﺎﻟﻪ .. ﺍﻧﺘﻲ ﻟﻴﺶ ﻫﻴﺞ ﻃﻴﺒﻪ
ﺣﺒﻴﺒﺘﻲ ﻫﻮﺍﻱ ﻋﺎﻟﻢ ﻃﻴﺒﻪ ﺑﺲ ﻣﻦ ﺩﺧﻠﺘﻲ ﺍﻟﺬﺍﻙ ﺍﻟﺒﻴﺖ ﻛﻤﺘﻲ ﻣﺘﻔﺮﺯﻧﻴﻦ .. ﺍﺧﺨﺦ ﻣﻦ ﺍﺗﺬﻛﺮﻫﺎﻟﺴﻴﺮﻩ ﺍﻣﻮﺕ ﻗﻬﺮ ﻋﻠﻰ ﺍﺧﺘﻴﺎﺭ ﺷﻤﺲ
ﺟﻨﺖ ﻛﺎﻋﺪﻩ ﺍﺳﻮﻟﻒ ﺍﺗﺼﻞ ﻋﻠﻲ ... ﺍﺣﺲ ﺍﻟﺪﻧﻴﺎ ﺳﻮﺩﺕ ﺑﻌﻴﻮﻧﻲ .... ﻋﺰﺯﻩ ﺍﻛﻴﺪ ﺩﺭﻩ
ﺍﻡ ﺷﻤﺲ / ﻏﻠﻘﻲ ﻣﻮﺑﺎﻳﻠﺞ ﻟﺘﺨﺎﻓﻴﻦ ﺍﻧﺘﻲ ﺑﺄﻣﺎﻥ ﻫﻨﺎ ﻭﻫﻤﺰﻳﻦ ﻣﻮﺑﺎﻳﻠﺞ ﻗﺪﻳﻢ ﻻ ﺑﻲ ﻣﺎﻝ ﻣﻮﻗﻊ ﻭﻻ ﻫﺎﻟﺴﻮﺍﻟﻒ
ﺩﺧﻠﺖ ﻓﺮﺡ ﻭﻛﺎﻳﺪﻩ ﺍﻣﻬﻪ ﺑﻴﺪﻫﻪ .... ﻣﺮﻩ ﺟﺒﻴﺮﻩ ﺑﺲ ﺩﺑﺪﻭﺑﻪ ﻋﻜﺲ ﺑﻴﺒﻲ .. ﻛﻤﺖ ﺑﻮﺳﺘﻬﻪ ..
ﺍﻟﺤﺠﻴﻪ / ﻳﻤﻪ ﺷﻬﺎﻟﺠﻤﺎﻝ ﺧﺎﻳﺒﻪ .. ﺗﺨﺒﻠﻴﻦ
ﻋﻴﻮﻧﺞ ﺍﻟﺤﻠﻮﻩ ﺧﺎﻟﻪ
ﻛﺎﻟﺘﻠﻲ ﻓﺮﻭﺣﻪ ﺍﺟﺘﻨﻪ ﻇﻴﻔﻪ ﺣﻠﻮﻩ ... ﻭﺍﻧﻲ ﺍﺣﺐ ﺍﻟﺤﻠﻮﺍﺕ .... ﺣﻴﻞ ﻫﻬﻬﻬﻬﻬﻪ
ﺿﺤﻜﻨﻪ ﻛﻠﻨﻪ ﺑﻮﺳﺖ ﺧﺎﻟﻪ ﺍﻡ ﺷﻤﺲ ﻭﻛﻌﺪﺕ ﺳﻮﻟﻔﺘﻠﻬﻢ ﻋﻨﻲ ﻛﻮﻟﺸﻲ ... ﻳﺘﺒﻊ

#حكاية_البئر

#بارت٢٢
&&&&& ﺣﻜﺎﻳﺔ البئر &&&&&&
.......... ................
ﺿﺤﻜﻨﻪ ﻛﻠﻨﻪ ﺑﻮﺳﺖ ﺧﺎﻟﺘﻬﻪ ﻻﻡ ﺷﻤﺲ ﻭﻛﻌﺪﺕ ﺳﻮﻟﻔﺘﻠﻬﻢ ﻋﻨﻲ ﻛﻮﻟﺸﻲ ... ﻭﺷﺮﺣﺘﻠﻬﻢ ﺍﻡ ﺷﻤﺲ ﺍﻧﻮ ﺍﻧﻲ ﻻﺯﻡ ﺍﺑﻘﻪ ﻫﻨﺎ
ﺍﻡ ﺷﻤﺲ / ﻳﻠﻠﻪ ﺍﻧﻲ ﺍﺭﻭﺡ ﺗﺄﺧﺮﺕ ﻋﻞ ﺩﻭﺍﻡ
ﻓﺮﺡ / ﻭﺍﻧﻲ ﻫﻢ ﺍﻛﻮﻡ ﺍﻏﻴﺮ ﻣﻼﺑﺴﻲ ﻳﺎﺩﻭﺏ ﺍﻭﺻﻞ ﻋﻠﻰ ﺍﺯﺩﺣﺎﻣﺎﺕ ﺑﻐﺪﺍﺩ
ﺑﻬﺎﻟﻠﺤﻈﻪ ﺍﻧﺪﻙ ﺍﻟﺠﺮﺱ ﻣﺎﻝ ﺑﺎﺏ .... ﺍﺣﺲ ﻛﻠﺒﻲ ﻭﻛﻒ .. ﻭﻛﻔﺖ ﺑﺨﻮﻑ ﺑﺴﺮﻋﻪ
ﻓﺮﺡ / ﻟﺘﺨﺎﻓﻴﻦ ﻫﺎﻱ ﺍﻡ ﻣﺎﺯﻥ ﻣﺮﻩ ﺟﺒﻴﺮﻩ ﺗﺒﻘﻪ ﻳﻢ ﺍﻣﻲ ﺑﻴﻦ ﻣﺎﺍﺭﺟﻊ
ﻛﺎﻣﺖ ﺍﻡ ﺷﻤﺲ ﺑﻮﺳﺘﻨﻪ ﻭﻃﻠﻌﺖ ﻭﻓﺘﺤﺖ ﺍﻟﺒﺎﺏ ﺑﻨﻔﺲ ﺍﻟﻮﻗﺖ ﻻﻡ ﻣﺎﺯﻥ ... ﻭﻓﺮﺡ ﺩﺧﻠﺖ ﺗﺒﺪﻝ
ﺍﻡ ﻣﺎﺯﻥ / ﺍﻟﻴﻮﻡ ﺍﻛﻮ ﺧﻄﺎﺭ ... ﻣﻨﻮ ﻫﺎﻱ ﺍﻟﺤﻠﻮﻩ .... ﻫﺎﻱ ﺷﻤﻮﺳﻪ ﻣﻮ ﺑﺖ ﺍﻡ ﺷﻤﺲ
ﺍﻟﺤﺠﻴﻪ / ﻻ .. ﻻ ﺑﺲ ﻫﻴﻪ ﻫﻢ ﻣﻦ ﻃﺮﻑ ﺍﻡ ﺷﻤﺲ
ﻫﻠﻮ ﺣﺒﻴﺒﺘﻲ ﻧﻮﺭﺗﻴﻨﺎ ﺷﺴﻤﺞ
ﺍﺳﻤﻲ ﺯﻣﺰﻡ
ﺍﻟﻠﻪ ﺷﻨﻮ ﻫﺬﺍ ﺍﻻﺳﻢ ﺍﻟﺤﻠﻮ
ﺍﻟﺤﺠﻴﻪ / ﺍﺳﻤﻬﻪ ﻣﺜﻠﻬﻪ ﻳﻨﻄﺒﻖ ﻋﻠﻴﻬﻪ
ﻭﻫﺬﺍ ﺍﻟﺤﻠﻮ ﺍﺧﻮﺝ
ﺍﻱ .. ﺣﻴﺪﺭ
ﻓﺠﺄﻩ ﺍﻡ ﻣﺎﺯﻥ ﺑﺠﺖ ... ﻣﻦ ﺑﺎﻭﻋﺖ ﻋﻠﻰ ﺣﻴﺪﺭ
ﺯﻣﺰﻡ / ﺷﺒﻴﺞ ﺧﺎﻟﻪ
ﺍﻡ ﻣﺎﺯﻥ / ﻋﺬﺭﻳﻨﻲ ﻳﻴﻤﻪ ﻣﻦ ﺷﻔﺘﻪ ﻣﺘﺤﻤﻠﺖ ﺗﺬﻛﺮﺕ ﺣﻔﻴﺪﻱ ﻭﺍﺑﻮ ... ﻛﺴﺮﻭ ﻇﻬﺮﻱ ﻭﺍﻟﻠﻪ
ﻟﻴﺶ ﻭﻳﻦ ﻫﻤﻪ
ﻣﺎﺗﻮ ... ﺟﺎﻧﻮ ﺻﺎﻋﺪﻳﻦ ﻋﺒﺮﻳﻪ ﻭﺗﻔﺠﺮﺕ ﺍﻟﺴﻴﺎﺭﻩ ﺑﻴﻬﻢ ...
ﻳﺎﺍﺍﺍﺍﺍ ﺧﻄﻴﻪ ﺍﻟﻠﻪ ﻳﺴﺎﻋﺪﺝ ﻭﺍﻟﻠﻪ
ﺍﻡ ﻣﺎﺯﻥ / ﻫﺎﻱ ﺣﻜﻢ ﺭﺏ ﺍﻟﻌﺎﻟﻤﻴﻦ ... ﻭﺍﻧﺘﻲ ﻟﻴﺶ ﻻﺑﺴﻪ ﺍﺳﻮﺩ
ﺍﻣﻲ .... ﺍﻧﻄﺘﺞ ﻋﻤﺮﻫﻪ
ﻳﺎ ﻳﻤﻪ .... ﺍﻟﻠﻪ ﻳﻌﻴﻨﺞ .. ﻛﻠﺸﻲ ﻳﻬﻮﻥ ﺑﺲ ﺍﻻﻡ ﻣﺘﻬﻮﻥ ... ﺍﻻﻡ ﻭﻃﻦ ﻭﺧﻴﻤﻪ ﺗﻠﻤﻨﻪ .... ﺍﺧﺨﺦ ﻓﺘﺤﺘﻲ ﻋﻠﻴﻪ ﺍﻭﺟﺎﻋﻲ ﺍﻟﻴﻮﻡ ... ﺍﺗﺬﻛﺮ ﺍﻣﻲ ﻣﻦ ﻣﺎﺗﺖ ﺍﺑﻮﻳﻪ ﻗﺒﻞ ﻟﺘﻄﻠﻊ ﺍﻟﺴﻨﻪ ﺣﺘﻰ ﺗﺰﻭﺝ .. ﻭﺟﺎﺑﻠﻨﻪ ﻣﺮﺓ ﺍﺏ ... ﻟﻌﺒﺖ ﺑﻴﻨﻪ ﻟﻌﺐ .
ﻟﻮ ﺍﻻﺏ ﻳﻤﻮﺕ ﻭﻻ ﺍﻻﻡ ..... ﺍﻻﻡ ﺗﻠﻢ ﺑﺲ ﺍﻻﺏ ﻳﻄﻔﺮ
ﺍﻟﺤﺠﻴﻪ / ﻳﻤﻪ ﺍﻻﺏ ﻭﺍﻻﻡ ﻭﺍﺣﺪ ﻳﻜﻤﻞ ﺍﻟﺜﺎﻧﻲ .... ﺑﺪﻭﻥ ﺍﻻﺛﻨﻴﻦ ﺗﻀﻴﻌﻮﻥ ..
ﻓﺮﺡ / ﺣﻴﺪﻭﺭﻱ ﺗﺮﻳﺪ ﺍﺟﻴﺒﻠﻚ ﺷﻲ ﻭﻳﺎﻱ
ﺧﺠﻞ ﺣﻴﺪﺭ .. ﻭﺿﻢ ﺭﺍﺳﻪ ﻭﺭﻩ ﻇﻬﺮﻱ
ﺯﻣﺰﻡ / ﺍﺑﺎﻭﻉ ﻋﻠﻴﻬﻪ ﺷﻯﻮﻥ ﺣﻠﻮﻩ .. ﻫﻴﻪ ﺟﺎﻧﺖ ﺣﻠﻮﻩ ﺑﺲ ﺑﺎﻯﻤﻜﻴﺎﺝ ﻭﺍﻟﻠﺒﺲ ﻭﻓﺘﺤﺖ ﺍﻟﺸﻌﺮ .. ﻃﻠﻌﺖ ﺍﻳﻪ ﻣﺎﻝ ﺟﻤﺎﻝ ... ﻛﺒﻞ ﺩﻛﻴﺖ ﺧﺸﺐ .. ﺧﻔﺖ ﺧﺎﻑ ﺍﺣﺴﺪﻫﻪ ﻟﻠﻤﺮﻩ
ﺑﺎﻭﻋﺖ ﻋﻠﻴﻪ ﻣﻦ ﺩﻛﻴﺖ ﻭﺍﻟﻜﻞ ﺗﻮﺟﻪ ﻧﻈﺮﻩ ﻋﻠﻴﻪ
ﺯﻣﺰﻡ / ﺧﺠﻠﺖ ﻣﻦ ﺗﺼﺮﻓﻲ ﻫﺴﻪ ﺷﻜﻮﻝ ... ﺍﺑﺘﺴﻤﺖ ... ﻣﺒﻴﻦ ﺍﺻﻠﻲ ﻫﺬﺍ ﺍﻟﺨﺸﺐ ﻣﻤﻮﺟﻮﺩ ﻣﻨﻪ ﻭﻏﺮﻳﺐ .... ﺍﻧﻮﺏ ﺟﻨﻲ ﻟﺼﺘﻬﻪ ﺧﺠﻠﺖ ﺑﻌﺪ ﺍﻛﺜﺮ
ﻓﺮﺡ / ﺍﻱ ﻭﺍﻟﻠﻪ ﻣﻤﻮﺟﻮﺩ ﻣﺪﺭﻱ ﻣﻦ ﻳﺎ ﻗﺮﻥ ... ﻫﺎﻱ ﺗﺤﻔﻪ ﻣﺪﺭﻱ ﻣﻦ ﺷﻮﻛﺖ ﺟﺎﻳﺒﺘﻬﻦ ﺍﻣﻲ ﻭﻣﺘﻘﺒﻞ
. ﺗﺒﺪﻟﻬﻦ ﻫﻨﻪ ﻭﺍﻟﺒﻴﺖ
ﺯﻣﺰﻡ / ﻻ ﺣﻠﻮﺍﺕ ﺑﻠﻌﻜﺲ
ﺍﻟﺤﺠﻴﻪ / ﻭﺍﺧﻴﺮﺁ ﺍﺣﺪ ﺩﺍﻝ ﺍﻟﺤﻖ ... ﺳﻤﻌﺘﻲ ﻱ ﻓﺮﺯﺡ ﺧﺎﻧﻢ ....
ﻳﻠﻠﻪ ﺍﻧﻲ ﺭﺍﻳﺤﻪ
ﻫﺴﺘﻮﻫﻪ ﺩﺗﻄﻠﻊ ﻣﻦ ﺍﻟﺒﺎﺏ ﻭﺍﺭﻳﺪ ﺍﺳﺪﻩ ﻭﺭﺍﻫﻪ ... ﺍﺟﺎﻫﻪ ﺍﺗﺼﺎﻝ ﺭﺃﺳﺂ ﻭﻛﻔﺖ ﻭﺑﺎﻭﻋﺖ ﻋﻠﻴﻪ
ﻓﺮﺡ / ﻭﻳﻦ ﺍﻭﺩﻳﻬﻪ ﻫﺴﻪ .. ﻭﺍﻛﻴﺪ ﺭﺍﺡ ﻳﺠﻮﻥ ﻋﻠﻴﻨﻪ .. ﺩﺗﻌﺎﻟﻲ ﺭﺟﻌﻲ ﺍﻧﺘﻲ ﻭﺣﻠﻲ ﺍﻟﺴﺎﻟﻔﻪ
ﻣﺎﺷﻲ ﺭﺍﺡ ﺍﺧﺬ ﺍﻣﻲ ﻫﻢ
ﺍﻭﻝ ﻣﺴﺪﺕ ﺍﻻﺗﺼﺎﻝ .. ﻭﺍﺻﻼ ﺍﻧﻲ ﻣﺘﺖ ﺧﻮﻑ ﻣﺎﺍﻋﻮﻟﻬﻪ ﺗﻜﻤﻞ ﺍﻟﻤﻜﺎﻟﻤﻪ
ﺑﺎﻭﻋﺖ ﻋﻠﻴﻬﻪ ﺑﺨﻮﻑ
ﺯﻣﺰﻡ ﺍﺫﺍ ﺭﺟﻠﺞ ﻫﻴﺞ ﻭﺍﺻﻞ ﻣﻔﺮﻭﺽ ﻫﺎﻱ ﺍﻟﺨﻄﻮﻩ ﻣﺘﺨﻄﻴﻬﻪ ﺍﻧﺘﻲ .. ﺍﻧﻲ ﺭﺩﺕ ﺍﺣﺠﻲ ﻋﻠﻴﺞ ﺑﺲ ﻛﻠﺖ ﻣﺎﺍﺭﻳﺪ ﺍﺧﻮﻓﺞ
ﻟﻴﺶ ﺷﻜﻮ .. ﺧﺎﻟﻪ
ﺷﻤﺲ ﻣﺨﺎﺑﺮﻩ ﻋﻠﻰ ﺍﻣﻬﻪ ﻭﻛﺎﻳﻠﺘﻠﻬﻪ ﺯﻭﺟﺞ ﻣﺨﺎﺑﺮ ﻋﻠﻰ ﺍﻫﻠﺞ ... ﻭﺍﻫﻠﺞ ﻛﺎﻳﻠﻴﻦ ﺍﻟﻪ ﻳﻐﺴﻠﻮﻥ ﻋﺎﺭﻫﻢ
ﻳﻌﻨﻲ ﺷﻠﻮﻥ ... ﺣﺠﻴﺘﻬﻪ ﻭﺣﺘﻰ ﺷﻔﺘﻲ ﻣﻮ ﺑﺲ ﻛﻠﺒﻲ ﻳﺮﺟﻒ
ﻳﻌﻨﻲ ﻳﻜﺘﻠﻮﺝ .. ﻭﺍﻡ ﺷﻤﺲ ﻣﺨﺎﺑﺮﻩ ﻭﺍﺣﺪ ﻣﺴﺘﻔﺴﺮﻩ ﻣﻨﻪ ﺣﺘﻰ ﻣﻦ ﻫﺬﺍ ﻣﻮﺑﺎﻳﻠﺞ ﻳﻜﺪﺭ ﺯﻭﺟﺞ ﻳﺤﺪﺩ ﻣﻜﺎﻧﺞ
ﺻﺪﻙ .. ﻭﺍﻟﻠﻪ .. ﻭﺍﻧﺘﻮ ﺷﻠﻮﻥ ﺑﻴﻜﻢ
ﺍﻧﻲ ﺍﺳﻔﻪ ﺑﻮﺩﻱ ﺍﺳﺎﻋﺪﺝ ﻭﺍﻟﻠﻪ ﺑﺲ ﺷﺴﻮﻱ ... ﺍﺫﺍ ﺑﻘﻴﺘﺞ ﻫﻨﺎ ﺑﺎﻟﺤﺎﻟﺘﻴﻦ ﺭﺍﺡ ﻳﻜﺘﺸﻔﻮﻥ ﻭﺟﻮﺩﺝ ﻭﺍﺻﻼ ﺭﺟﻠﺞ ﻣﺎﺍﺗﻮﻗﻊ ﻳﺴﻜﺘﻠﻨﻪ ﺗﻌﺮﻓﻴﻦ ﺍﻧﻲ ﻭﺍﻣﻲ ﻭﺣﺪﻧﻪ
ﻣﺎﺷﻲ ﻓﻬﻤﺖ .. ﺍﺳﻔﻪ ﺧﺎﻟﻪ ﺍﺫﺍ ﺭﺍﺡ ﺗﻮﻛﻌﻮﻥ ﺑﻤﺸﻜﻠﻪ ﺑﺴﺒﺒﻲ
ﺍﻧﺘﻈﺮﻱ ﺷﻴﺮﻳﻦ ﺗﺠﻲ ﻛﺎﻟﺖ ﻫﺴﻪ ﺭﺍﺟﻌﻪ ... ﺭﺟﻌﺖ ﺩﺧﻠﺖ ﻓﺮﺡ .. ﻭﻛﺎﻟﺖ ﻻﻡ ﻣﺎﺯﻥ ﺗﺤﻈﺮ ﺟﻨﻄﻪ ﺍﻻﻣﻬﻪ ﺭﺍﺡ ﻳﻌﻮﻓﻮﻥ ﺍﻟﺒﻴﺖ ﻣﺆﻗﺘﺂ ... ﺑﺲ ﻣﺒﻴﻨﻪ ﺿﺎﺟﺖ ﺣﻴﻞ
ﺍﻟﺤﻴﺮﻩ ﻭﺍﻟﺨﻮﻑ ﺍﻛﻞ ﻛﻠﺒﻲ ﺍﺣﺲ ﺑﻄﻨﻲ ﻛﺎﻣﺖ ﺗﻮﺟﻌﻨﻲ ..... ﺑﺲ ﺍﻧﺪﻛﺖ ﺍﻟﺒﺎﺏ .... ﻭﺟﻬﻲ ﺻﺎﺭ ﺍﺻﻔﺮ ... ﻭﺍﻟﻜﻞ ﺧﺎﻑ ..... ﺍﻣﺪﺍﺝ ﺯﻣﺰﻡ ﻟﻮ ﻃﺎﻟﻌﻪ ﺭﺃﺳﺂ
ﺭﺃﺳﺂ ﺍﻡ ﺷﻤﺲ ﺍﺗﺼﻠﺖ ﻋﻠﻰ ﻓﺮﺡ
ﻓﺘﺤﻮﻟﻲ ﺍﻟﺒﺎﺏ ﻫﺎﻱ ﺍﻧﻲ ﺷﺒﻴﻜﻢ
ﻓﺮﺡ / ﺷﻴﺮﻳﻦ ﺑﺮﺑﺞ ﻭﺭﻃﺘﻴﻨﻲ ﻭﻳﻪ ﻧﺎﺱ ﻣﺒﻴﻨﻴﻦ ﻫﻤﺞ
ﻣﺎﺍﻋﺮﻑ ﻣﺤﺴﺒﺖ ﺣﺴﺎﺏ ﺍﻟﻤﻮﺑﺎﻳﻞ ﺍﺳﻔﻪ ﻭﺍﻟﻠﻪ .. ﺍﻣﺸﻮ ﻃﻠﻌﻮ ﻭﺍﻧﻲ ﺭﺍﺡ ﺍﺫﺏ ﺍﻟﻤﻮﺑﺎﻳﻞ ﻣﺎﻝ ﺯﻣﺰﻡ ﻗﺮﻳﺐ ﻋﻠﻰ ﺑﺎﺑﻜﻢ ﻭﺍﻫﻢ ﺷﻲ ﺗﻘﻔﻠﻲ ﻣﻦ ﺑﺮﻩ
ﺍﻡ ﺷﻤﺲ / ﺯﻣﺰﻡ ﺣﺒﻴﺒﺘﻲ ﻟﺘﺨﺎﻓﻴﻦ .. ﺍﻧﻲ ﻭﻳﺎﺝ
ﺻﻮﺗﻲ ﻣﺨﺘﻔﻲ ﻛﻞ ﺍﻟﻲ ﺑﻌﻘﻠﻲ ﺍﺫﺍ ﻣﻮﺗﻮﻧﻲ ﺷﻨﻮ ﻣﺼﻴﺮ ﺍﺧﻮﺍﺗﻲ ﻭﺣﻴﺪﺭ ﻭﻳﻦ ﻳﺼﻔﻪ ﺑﻴﻬﻢ ﺍﻟﺰﻣﻦ ..
ﻣﺴﺤﺖ ﺩﻣﻌﺘﻲ ﺍﻟﻲ ﻣﺪﺭﻱ ﻣﻨﻴﻦ ﻃﻠﻌﺖ .... ﺍﻡ ﺷﻤﺲ ... ﺍﺫﺍ ﺻﺎﺭ ﺑﻴﻪ ﺷﻲ ﻛﻮﻟﻲ ﺍﻟﺨﻮﺍﺗﻲ ﻳﺼﻴﺮﻥ ﻗﻮﻳﺎﺕ ﻭﻣﻴﻐﻠﻄﻦ ﺍﻏﻼﻃﻲ ﻋﻠﻴﺞ ﺍﻟﻠﻪ
ﺍﻡ ﺷﻤﺲ / ﻟﻴﺶ ﺗﺤﺠﻴﻦ ﻫﻴﺞ ﺯﻣﺰﻡ .... ﻣﻴﺴﻮﻭﻟﺞ ﺷﻲ .. ﻫﺴﻪ ﻧﺮﻭﺡ ﻛﺒﻞ ﻧﺒﻠﻎ ﻋﻠﻴﻬﻢ
ﺗﺒﻠﻐﻴﻦ ﻣﻨﻮ ﻋﻠﻰ ﻣﻨﻮ ... ﻋﻠﻲ ﻛﻠﺸﻲ ﻳﻜﺪﺭ ﻳﺴﻮﻱ ﻟﺘﻮﺭﻃﻴﻦ ﺭﻭﺣﺞ ﻭﻳﺎﻳﻪ .. ﻣﺎﺍﺭﻳﺪ ﺍﺫﻳﺞ ﺍﻫﻠﻲ ﻭﺍﻋﺮﻓﻬﻢ ﺣﺘﻰ ﻳﺴﻮﻭﻟﻜﻢ ﻓﺼﻞ ﺍﺫﺍ ﻋﺮﻓﻮ ﺍﻧﺘﻮ ﺿﺎﻣﻴﻨﻲ ﻣﺎﺩﺍﻡ ﻛﺎﻟﻮ ﻏﺴﻞ ﻋﺎﺭ ﻳﻌﻨﻲ ﻳﺴﻮﻭﻫﻪ ﻣﺴﺄﻟﺔ ﺷﺮﻑ
ﺑﺲ ﺗﺪﺭﻳﻦ ﻣﻤﺘﻨﺪﻣﻪ ﻋﻠﻰ ﻫﺎﻱ ﺍﻟﺨﻄﻮﻩ .... ﻋﻞ ﺍﻗﻞ ﺣﺴﻴﺖ ﺑﻨﻔﺴﻲ ﻗﻮﻳﻪ ﺍﻟﻤﺮﻩ ﻭﺣﺪﻩ
ﻳﻠﻠﻪ ﺣﻴﺪﺭ
ﺍﻡ ﺷﻤﺲ / ﻭﻳﻦ ﺭﺍﻳﺤﻪ ﻳﻤﻌﻮﺩﻩ
ﺧﺎﻟﻪ ﺍﻧﺘﻲ ﻛﻔﻴﺘﻲ ﻭﻭﻓﻴﺘﻲ ... ﻣﺎﺍﺭﻳﺪ ﺍﺳﻮﻳﻠﺞ ﻣﺸﺎﻛﻞ ﻫﻮ ﺑﺎﻟﺤﺎﻟﺘﻴﻦ ﺭﺍﺡ ﻳﻠﻜﻮﻧﻲ ﻣﺎﺍﺭﻳﺪ ﺗﺘﺄﺫﻳﻦ ﺑﺴﺒﺒﻲ ﺍﺻﻶ ﺳﻮﺍﻟﻒ ﻭﻳﺎﻱ ﺍﻟﺤﻠﻮﻩ ﻣﻴﻨﻌﺪﻥ ﻣﺎﺍﺭﻳﺪ ﺍﺟﺎﺯﻳﺞ ﺑﺸﻲ ﻣﻮ ﺯﻳﻦ ﻭﻳﺄﺫﻳﺞ ... ﺑﻮﺳﺘﻬﻪ ﻭﺑﻮﺳﺖ ﺍﻟﻜﻞ ﻭﻃﻠﻌﺖ ﺧﻠﻴﺖ ﺍﻳﺪﻱ ﺑﺄﻳﺪ ﺣﻴﺪﺭ
ﺣﻴﺪﺭ / ﺭﺍﺡ ﻧﺮﻭﺡ ﺍﻝ ﻣﺎﻣﺎ ﻣﻮ
ﺑﺎﻭﻋﺖ ﻋﻠﻲ ﻭﺩﻣﻌﺘﻲ ﺑﺨﺪﻱ .. ﺍﻱ ﺣﺒﻴﺒﻲ
ﺯﻣﺰﻡ ﺍﻧﺘﻲ ﻟﻴﺶ ﺗﺒﺠﻴﻦ ﻫﻮﺍﻱ
ﺍﺑﺠﻲ ﻻﻥ ﺍﺣﺒﻜﻢ
ﺍﻧﻲ ﻫﻢ ﺍحبكم ﺑﺲ ﻣﺎﺍﺑﺠﻲ ﻫﻮ

ﺍﻱ ... ﻟﻴﺶ ﺍﻧﺘﻲ ﻭﻣﺎﻣﺎ ﻫﻮﺍﻱ ﺗﺒﺠﻮﻥ
ﻟﻴﺶ ﺍﻣﻲ ﺟﺎﻧﺖ ﺗﺒﺠﻲ ﻫﻮﺍﻱ
ﺍﻱ ﻣﻦ ﻧﻨﺎﻡ ﻫﻴﻪ ﻋﺒﺎﻟﻬﻪ ﻣﺎﺍﺳﻤﻌﻬﻪ ﺑﺲ ﺍﻧﻲ ﺍﺳﻤﻌﻬﻪ ﺗﺒﺠﻲ .... ﻭﻣﻦ ﺍﻛﻠﻠﻬﻪ ﻟﻴﺶ ﺗﺒﺠﻴﻦ ﻫﻢ ﺗﺠﺎﻭﺑﻨﻲ ﻻﻥ ﺍﺣﺒﻜﻢ ﻫﻮﺍﻱ
ﺯﺍﺩﺕ ﺑﺠﻴﺘﻲ ﻭﺍﻧﻌﺼﺮ ﻛﻠﺒﻲ ﻋﺼﺮ .... ﻣﺎﺍﻋﺮﻑ ﺍﻭﺻﻒ
ﺩﺍﺧﻠﻲ ﺑﺬﺍﻙ ﺍﻟﻮﻗﺖ ﺧﻮﻑ ﻭﻭﺟﻊ ﻣﺎﺍﻋﺮﻑ ﺷﺴﻮﻳﺖ ﺑﺤﻴﺎﺗﻲ ﻋﻠﻰ ﺷﻨﻮ ﺩﺍﺍﺗﻌﺎﻗﺐ ﻟﻴﺶ ﺍﻟﺪﻧﻴﺎ ﻣﺘﻀﺤﻜﻠﻲ
ﺍﺫﺍ ﺍﺑﻘﻪ ﺿﻌﻴﻔﻪ ﻳﻨﻮﺟﻊ ﻛﻠﺒﻲ ﻭﻻﺯﻡ ﺍﺗﺤﻤﻞ ﺍﻟﺬﻝ ﻭﺍﺫﺍ ﺍﺭﻳﺪ ﺍﺻﻴﺮ ﻗﻮﻳﻪ ﺍﺗﺤﺎﺭﺏ .... ﻣﺎﺍﻋﺮﻑ ﺍﻱ ﻋﺪﺍﻟﻪ ﻫﺎﻱ
ﻇﻠﻴﺖ ﺍﻓﺘﺮ ﺑﺸﻮﺍﺭﻉ ﺑﻐﺪﺍﺩ .... ﻣﺜﻞ ﻛﻠﺒﻲ ﻣﻔﻠﺸﻪ ﻣﺎﻛﻮ ﻣﻜﺎﻥ ﻣﻤﺘﻌﺮﺽ ﻟﻼﻧﻔﺠﺎﺭ .. ﺍﺻﻼ ﻣﺸﺎﻳﻔﺘﻪ ﺣﺘﻰ ﻗﺒﻞ ﺍﻻﻧﻔﺠﺎﺭ ﺑﻴﻬﻪ ﺷﻮﺍﺭﻉ ﺣﻠﻮﻩ ﻫﻮﺍﻱ ﻭﺑﻴﻬﻪ ﺍﻟﻲ ﻣﺘﻌﺮﺿﻪ ﻟﻠﺨﺮﺍﺏ
ﺣﻴﺪﺭ / ﺍﻧﻲ ﺗﻌﺒﺖ .. ﺭﺟﻠﻲ ﻛﺎﻣﺖ ﺗﻮﺟﻌﻨﻲ ﺷﻮﻛﺖ ﻧﻮﺻﻞ ﺍﻝ ﺍﻣﻲ
ﺣﺮﺕ ﺷﻜﻠﻪ ﺍﺻﻼ ﻣﺎﺍﻧﺪﻝ ﺑﻴﺎ ﺳﻴﺎﺭﻩ ﺍﺻﻌﺪ
ﺍﺷﻴﻠﻚ
ﺣﻤﺎﻝ ﺑﺎﺟﻲ
ﺿﺤﻚ ... ﻳﻠﻠﻪ
ﺷﻠﺘﻪ ﻭﻣﺸﻴﺖ ﺑﺲ ﺍﺣﺲ ﺗﻌﺒﺎﻧﻪ ﻣﺎﺑﻴﻪ ﺣﻴﻞ ﻻﻥ ﻫﻮﺍﻱ ﻣﺸﻴﻨﻪ ... ﺍﺑﺎﻭﻉ ﻋﻞ ﻧﺎﺱ ﺗﺒﺎﻭﻉ ﻋﻠﻴﻪ .... ﺑﻬﺎﻟﻠﺤﻈﻪ ﺍﻓﻜﺮ ﺑﺄﻡ ﺷﻤﺲ ﻭﺑﻴﺖ ﺧﺎﻟﺘﻬﻪ ﺧﻄﻴﻪ ﺧﺎﻑ ﺗﻌﺮﺿﻮ ﺍﻟﻤﺸﻜﻠﻪ ﺑﺴﺒﺒﻲ
ﻫﻤﻪ ﺑﺲ ﺭﺍﺩﻭ ﻳﺴﺎﻋﺪﻭﻧﻲ ﺧﻄﻴﻪ ..... ﻣﺸﻴﺖ ﻓﺤﻄﺖ ﺣﻴﻞ ... ﻧﺰﻟﺖ ﺣﻴﺪﺭ ﺍﺣﺲ ﻋﺮﻛﺖ ﺣﻴﻞ .... ﺗﻌﺎﻝ ﺧﻞ ﻧﺮﺗﺎﺡ ﺷﻮﻳﻪ
ﻛﻌﺪﺕ ﻋﻠﻰ ﺩﺟﻪ ﻣﺎﻝ ﺷﺎﺭﻉ ... ﻭﻛﻌﺪ ﺑﺼﻔﻲ ﺣﻴﺪﺭ .... ﺯﻣﺰﻡ ﺍﺭﻳﺪ ﻭﺃﺷﺮ ﻋﻞ ﻣﻼﻋﻴﺐ
ﺑﺎﻭﻋﺖ ﻋﻠﻴﻬﻦ ﺻﻔﻨﺖ ...... ﻭﻻ ﻣﺮﻩ ﺑﺤﻴﺎﺗﻲ ﻛﻠﻬﻪ ﺩﺍﺧﻠﺘﻠﻬﻦ .... ﺗﺬﻛﺮﺕ ﺭﺍﺡ ﺍﻣﻮﺕ ..... ﻭﺍﻧﻲ ﻣﺸﺎﻳﻔﺘﻬﻦ .... ﻭﺍﺣﺘﻤﺎﻝ ﺣﻴﺪﺭ ﻫﻢ ﻣﻴﺸﻮﻓﻬﻦ ﺑﻄﻔﻮﻟﺘﻪ ﺍﻟﻪ ﻣﻦ ﻳﻜﺒﺮ .... ﺑﺲ ﺍﻟﻤﺸﻜﻠﻪ ﺑﺎﻟﺴﻴﺎﺭﺍﺕ ﺳﺎﻳﺪﻳﻦ ﻻﺯﻡ ﻧﻌﺒﺮ ﻭﺍﻟﺴﻴﺎﺭﺍﺕ ﺳﺮﻳﻌﻪ
ﻛﻤﺖ ﻋﻠﻰ ﺣﻴﻠﻲ ﻧﻜﺘﺖ ﺟﺒﺘﻲ ﺍﻟﻲ ﺗﺮﺑﺖ .... ﻟﺰﻣﺖ ﺣﻴﺪﺭ ..
ﺣﻴﺪﻭﺭﻱ ﺭﺍﺡ ﺍﻋﺪ ﻣﻦ ﻭﺍﺣﺪ ﻟﻞ٣ ﻭﻧﻌﺒﺮ
ﺣﻴﺪﺭ .. ﺑﺎﺑﺘﺴﺎﻣﻪ ..... ﻳﻠﻠﻪ
١ ......... ٢ ......... ٣
ﺭﺍﺩ ﻳﻤﺸﻲ ﻭﻛﻔﺘﻪ .... ﺍﻭﻛﻒ ﻫﺎﻱ ﺳﻴﺎﺭﺍﺕ ﻫﻮﺍﻱ
ﻫﻬﻬﻬﻬﻪ ﺟﺒﺎﻧﻪ
ﻭﻟﻚ ﺍﻧﻲ ﻣﻮ ﺟﺒﺎﻧﻪ ﺍﺧﺎﻑ ﻋﻠﻴﻚ
ﻻ ﺍﻧﺘﻲ ﺟﺒﺎﻧﻪ
ﺍﻟﺴﻴﺎﺭﺍﺕ ﺟﺎﻧﻦ ﺳﺮﻳﻌﺎﺕ ﺣﻴﻞ .... ﻣﺎﺍﺭﻳﺪ ﺍﻣﻮﺕ ﻗﺒﻞ ﻻ ﺍﺩﺧﻞ ﻟﻠﻤﻼﻋﻴﺐ ... ﺗﺬﻛﺮﺕ ﻣﻦ ﺟﻨﺖ ﻃﻔﻠﻪ ﻭﻛﻤﺖ ﺍﺑﺠﻲ ﻭﺍﻣﻲ ﻣﺎﻋﺪﻫﻪ ﻓﻠﻮﺱ .... ﻣﺠﻨﺖ ﺍﻋﺮﻑ ﺍﻧﻮ ﻫﻴﻪ ﺑﻔﻠﻮﺱ .. ﺑﻮﻗﺘﻬﻪ ﺿﺠﺖ ﻣﻦ ﺍﻣﻲ ﺣﻴﻞ
ﺟﻨﻪ ﺑﺲ ﺑﺎﻟﻌﻴﺪ ﻧﺼﻌﺪ ﻟﻌﺒﻪ ﻭﺣﺪﻩ ﻟﻮ ﻣﺮﺟﻮﺣﻪ ﻟﻮ ﺩﻭﻻﺏ ﺍﻟﻬﻮﺍ ﺑﺲ ﻣﻮ ﻫﻴﺞ ﻣﻼﻋﻴﺐ
٣ ﻣﺮﺍﺕ ﺭﺩﺕ ﺍﻋﺒﺮ ﻭﺍﺗﺮﺍﺟﻊ ﺍﺧﺮ ﺷﻲ ﻭﻛﻔﺖ ﺗﻜﺴﻲ
ﺍﺑﻮ ﺍﻟﺘﻜﺴﻲ / ﻭﻳﻦ ﺗﻮﺻﻠﻴﻦ
ﺯﻣﺰﻡ / ﺍﻟﻬﺎﻱ ﺍﻟﻤﺪﻳﻨﻪ ﻣﺎﻝ ﺍﻟﻠﻌﺎﺏ
ﺭﺃﺳﺂ ﺩﺍﺭ ﻭﺟﻬﻪ .... ﺍﻟﻬﺎﻱ
ﺍﻱ / ﻣﻨﻜﺪﺭ ﻧﻌﺒﺮ ﺍﻟﺴﻴﺎﺅﺍﺕ ﻣﺪﺗﻮﻛﻒ
ﺿﺤﻚ ... ﺍﻟﻮﻟﺪ ﻭﻧﺰﻝ ﻣﻦ ﺍﻟﺴﻴﺎﺭﻩ .... ﺍﻣﺸﻲ ﺍﺧﺘﻲ ﺍﻧﻲ ﺍﻋﺒﺮﺝ ﻣﺘﺴﻮﻩ ﺗﺄﺟﺮﻳﻦ ﺗﻜﺴﻲ .... ﻭﺑﺎﻟﻔﻌﻞ ﻋﺒﺮﻧﻪ ﺍﻟﻮﻟﺪ
ﺗﺸﻜﺮﺕ ﻣﻨﻪ ﻫﻮﺍﻱ
ﺩﺧﻠﻨﻪ ﻟﻠﻤﺪﻳﻨﺔ ﺍﻟﻌﺎﺏ ...
ﺍﻟﺤﺎﺭﺱ / ﻭﻳﻦ ﺍﻟﺘﺬﻛﺮﻩ
ﺷﻨﻮ ﻳﻌﻨﻲ .. ﺷﻠﻮﻥ ﺻﺎﻳﺮﻩ ﻭﻣﻨﻴﻦ
ﻣﻨﺎﻙ ... ﺃﺷﺮﻟﻲ ... ﻭﺭﺣﺖ ﺳﻮﻳﺖ ﺗﺬﺍﻛﺮ ﺍﻟﺪﺧﻮﻝ .. ﻭﺍﻧﻲ ﻓﺮﺣﺎﻧﻪ
ﺣﺴﻴﺖ ﺑﺮﻭﺣﻲ ﻃﻔﻠﻪ ﺣﺎﻟﻲ ﺣﺎﻝ ﺣﻴﺪﺭ ... ﻭﺍﺑﺎﻭﻉ ﻋﻠﻰ ﺣﻴﺪﺭ ﻣﺘﺤﻤﺲ ﻧﺪﺧﻞ
ﻛﺎﻳﺪﺗﻪ ﻫﻮ ﻳﺒﺎﻭﻋﻠﻲ ﻭﻳﻀﺤﻚ ﻭﺍﻧﻲ ﺍﺑﺎﻭﻋﻠﻪ ﻭﺍﺿﺤﻚ ﻧﺴﻴﺖ ﻛﻠﺸﻲ ﺑﻬﺎﻱ ﺍﻟﻠﺤﻈﻪ
ﻟﻌﺒﻨﻪ ﻛﻞ ﺍﻻﻟﻌﺎﺏ ﻭﺍﺷﺘﺮﻳﻨﻪ ﻃﻮﺑﻪ ﻭﺍﺭﻛﺾ ﻭﺍﻟﻠﻌﺐ ﻭﺍﻧﻲ ﺑﺠﺒﺘﻲ ﻭﺑﻌﺪﻳﻦ ﺍﻛﻠﻨﻪ ﻟﻔﺎﺕ ﻭﻣﻮﻛﻪ ﻭﺷﻌﺮ ﺑﻨﺎﺕ ﻛﻮﻟﺸﻲ ... ﻭﺍﻟﻮﻟﺪ ﻋﻴﻮﻧﻬﻢ ﻣﺎﻝ ﻛﺺ ﺑﺲ ﻳﺘﺤﺎﺭﺷﻮﻥ ﻣﻜﺪﺭﺕ ﺍﺧﻠﺺ ﻣﻨﻬﻢ ﺷﻜﺪ ﺗﻮﻧﺴﺖ ﺑﺲ ﻫﻮﺍﻱ ﺗﻘﻴﺪﺕ ﻣﻦ ﻭﺭﺍﻫﻢ
ﻳﻠﻠﻪ ﻛﺎﻓﻲ ﺣﻴﺪﻭﺭﻱ .. ﺧﻠﺼﺖ ﺍﻟﻔﻠﻮﺱ ﻋﻞ ﺍﻗﻞ ﻧﺒﻘﻲ ﻓﻠﻮﺱ ﺗﻜﺴﻲ ﻧﺮﻭﺡ ﺍﻝ ﻣﺎﻣﺎ ﺑﻴﻬﻦ
ﺗﺠﻴﺒﻴﻨﻲ ﺑﻌﺪ ﻣﺮﻩ ﺛﺎﻧﻴﻪ
ﺗﺬﻛﺮﺕ ﺍﻧﻮ ﺍﻧﻲ ﺑﻌﺪ ﻣﺎﺍﻛﺪﺭ ﺍﺟﻴﺒﻪ ... ﺑﻬﺎﻟﻜﻠﻤﻪ ﺭﺟﻌﻨﻲ ﻟﻠﻮﺍﻗﻊ ﺍﻟﻲ ﺭﺍﺡ ﻳﺼﻴﺮ .. ﺩﻧﻜﺖ ﺍﻟﻤﺴﺘﻮﺍ
ﺣﻴﺪﺭ .... ﺍﺫﺍ ﻋﻴﻮﻧﻲ ﺗﺸﻮﻑ ﺍﻟﻀﻮﻩ ﺍﺟﻴﺒﻚ ﻫﻮﺍﻱ
ﺷﻠﻮﻥ ﻳﻌﻨﻲ
ﺑﻌﺪﻳﻦ ﺗﻌﺮﻑ .... ﺣﻴﺪﻭﺭﻱ ﻣﻦ ﺗﻜﺒﺮ ﺍﺭﻳﺪﻙ ﺗﺪﺭﺱ ﻭﺗﺼﻴﺮ ﺭﺟﺎﻝ ﻭﺗﺤﻤﻲ ﺧﻮﺍﺗﻚ .. ﻻﻥ ﺭﺍﺡ ﻳﺤﺘﺎﺟﻨﻚ ﺑﻜﻞ ﻭﻗﺖ ... ﺍﻧﺖ ﺃﻣﻠﻬﻦ
ﺍﻧﻲ ﻣﻦ ﺍﻛﺒﺮ ... ﺍﺻﻴﺮ ﻣﺜﻞ ﻋﻠﻲ ﻋﻨﺪﻱ ﻣﺴﺪﺱ ﺍﺿﺮﺏ ﺍﻟﻲ ﻳﺒﺠﻮﺝ ﺍﻧﺘﻲ ﻭﻣﺎﻣﺎ ... ﺍﺩﺭﻱ ﺑﻴﺞ ﺗﺒﺠﻴﻦ ﻣﻦ ﻭﺭﻩ ﻋﻠﻲ ... ﺍﻧﻲ ﻣﻦ ﺍﻛﺒﺮ ﻭﺍﺻﻴﺮ ﺍﻟﻮﺣﻪ ﺍﺿﺮﺑﻪ ﻫﺴﻪ ﺍﻧﻲ ﻣﺎﺍﻟﻮﺣﻪ ﻫﻮ ﻃﻮﻳﻞ ﻫﻮﺍﻱ
ﺍﺑﺘﺴﻤﺘﻠﻪ .... ﻻ ﻣﺎﺍﺭﻳﺪﻙ ﺗﺸﻴﻞ ﻣﺴﺪﺱ ﺍﺭﻳﺪﻙ ﺗﺼﻴﺮ ﺩﻛﺘﻮﺭ ﺍﺫﺍ ﺗﺤﺒﻨﻲ ﺻﻴﺮ ﺩﻛﺘﻮﺭ ... ﻭﺍﻱ ﺑﻨﻴﻪ ﻣﺜﻠﻲ ﻣﺎﻋﺪﻫﻪ ﺷﻌﺮ ﻭﻣﺎﻋﺪﻫﻪ ﻓﻠﻮﺱ ﻋﺎﻟﺠﻬﻪ
ﺍﺑﺘﺴﻢ ﻭﻓﺘﺢ ﻋﻴﻨﻪ ... ﺍﻱ ... ﻭﺍﺳﻮﻳﻠﺞ ﺷﻌﺮ ﺍﻟﺞ ﻫﻢ
ﺍﻱ .. ﻭﺷﺒﻜﺘﻪ
ﻳﻠﻠﻪ ﻧﺮﻭﺡ
ﻃﻠﻌﻨﻪ ﻭﺑﺎﻭﻋﺖ ﻣﺒﺎﻗﻲ ﻫﻮﺍﻱ ﻓﻠﻮﺱ ﻻﺯﻡ ﺍﺑﻴﻊ ﺍﻟﺘﺮﺍﺟﻲ
ﺑﺲ ﺷﻠﻮﻥ ﺍﺑﻴﻌﻪ ﻣﺎﺍﻋﺮﻑ ﻭﻳﻦ ﺍﻟﻜﻪ ﻭﺍﺣﺪ ﺍﺑﻮ ﺫﻫﺐ
ﺃﺟﺮﺕ ﺗﻜﺴﻲ ﻭﻛﺘﻠﻪ ﺍﺭﻳﺪ ﺍﺭﻭﺡ ﻟﻠﺴﻮﻙ
ﺍﻟﺴﺎﻳﻖ / ﺍﻱ ﺳﻮﻙ ﺍﺧﺘﻲ
ﺍﻱ ﺳﻮﻙ ﻗﺮﻳﺐ ﻣﻨﺎ
ﺍﻧﺘﻲ ﻭﻳﻦ ﺭﺍﻳﺤﻪ ﻟﻴﺶ
ﻟﻠﺴﻮﻙ ﺍﺭﻳﺪ ﺍﺗﺴﻮﻙ ... ﺧﻔﺖ ﺍﻛﻠﻪ ﺍﺑﻴﻊ ﺫﻫﺐ ﺧﺎﻑ ﻋﺒﺎﻟﻪ ﺫﻫﺐ .. ﺫﻫﺐ ﻣﻴﺪﺭﻱ ﻫﻨﻪ ﺗﺮﺍﺟﻲ ... ﻧﺰﻟﻨﻲ ﺑﺎﻟﺴﻮﻙ ... ﻣﺸﺎﻳﻔﺘﻪ ﺍﺑﺪ
ﺩﻭﺭﺕ ﻋﻠﻰ ﻣﺤﻞ ﺫﻫﺐ ﻟﻜﻴﺖ ... ﺑﺲ ﺣﻴﺪﺭ ﻣﻮﻉ ﺍﺫﺍﻧﻲ ﻛﻞ ﻣﻴﺸﻮﻑ ﻟﻌﺒﻪ ﺍﻭ ﺷﻲ ﻳﺮﻳﺪﻫﻦ ... ﻣﺎﻋﻮﻟﺖ ﺍﺑﻴﻊ ﺍﻟﺘﺮﺍﺟﻲ .. ﻭﺍﺷﺘﺮﻳﺘﻠﻪ ﻟﻌﺒﻪ ﻭﺗﺮﺍﻛﺴﻮﺩﺍﺕ ﺍﺛﻨﻴﻦ
ﻭﺍﺷﺘﺮﻳﺖ ﺍﻟﻄﻴﺒﻪ ﻭﺭﻗﻴﻪ ﻛﻞ ﻭﺣﺪﻩ ﻛﻼﺩﻩ ﻣﻦ ﺫﻧﻲ ﺍﻟﻲ ﺑﺎﻟﺘﻨﺰﻳﻼﺕ ﻭﺗﺮﺍﻛﺴﻮﺩ
ﻃﻠﻌﺖ ﻣﻦ ﺍﻟﺴﻮﻙ ﺃﺟﺮﺕ ﺗﻜﺴﻲ ﺑﺲ ﺷﺎﻳﺐ ﺍﻧﺘﻈﺮﺕ ﺍﻟﻰ ﺍﻥ ﻭﻛﻔﻠﻲ ﺭﺟﺎﻝ ﺟﺒﻴﺮ ﺍﺧﺎﻑ ﺍﺻﻌﺪ ﻭﻳﻪ ﺍﻟﺸﺒﺎﺏ
ﻋﻤﻮ ﺍﺭﻳﺪ ﺍﺭﻭﺡ ﻟﻠﻨﺠﻒ ﻭﻣﺎﺍﻧﺪﻝ
ﺻﻌﺪﻱ ﻋﻤﻮ ﺍﻧﻲ ﺍﻭﺩﻳﺞ
ﻭﻳﻦ ﻳﻌﻨﻲ ﻟﻠﻨﺠﻒ ... ﻛﺒﻞ
ﺍﻱ ... ﺑﺲ ﺍﺭﻳﺪ ﻛﺮﻭﻩ ﻫﻮﺍﻱ
ﺗﺪﻟﻞ ﻋﻤﻮ ... ﺻﻌﺪﺕ ﻓﺮﺣﺎﻧﻪ ﺣﻴﻞ ﻣﺨﻔﺖ ﺍﺑﺪ ﻭﺟﻬﻪ ﺟﺎﻥ ﻣﺒﻴﻦ ﻋﻠﻲ ﺣﺒﺎﺏ ﺣﻴﻞ
ﺻﻌﺪﻧﻪ ﺍﻧﻲ ﻭﺣﻴﺪﺭ .... ﻛﺒﻞ ﺗﺠﻴﺖ ﺭﺍﺳﻲ ﻋﻞ ﺟﺎﻣﻪ ﻭﻏﻤﻀﺖ ﻋﻴﻨﻲ ﻭﺣﻴﺪﺭ ﺧﻠﻪ ﺭﺍﺳﻪ ﻋﻠﻰ ﺭﺟﻠﻲ ﻭﻏﻤﺾ ﻋﻴﻮﻧﻪ
ﻏﻔﻴﺖ ﻣﺤﺴﻴﺖ ﻏﻴﺮ ﻋﻠﻰ ﺻﻴﺤﺔ ﺣﻴﺪﺭ ... ﺍﺑﺎﻭﻉ ﺍﻟﺴﺠﻴﻨﻪ ﺑﺮﻛﺒﺘﻪ ..... ﺑﺎﻭﻋﺖ ﺩﺍﻳﺮ ﻣﺪﺍﻳﺮﻱ ﻣﺜﻞ ﺍﻟﻤﻜﺎﻥ ﺍﻟﻤﻬﺠﻮﺭ ... ﻋﻘﻠﻲ ﻭﻛﻒ .... ﺍﻧﻲ ﺑﺤﻠﻢ ﻟﻮ ﺣﻘﻴﻘﻪ ﻟﻮ ﺷﻨﻮ .. ﻳﻠﻠﻪ ﺍﺻﺤﻲ ﺯﻣﺰﻡ ... ﺍﺻﺤﻲ
ﺣﻴﺪﺭ ﻳﺼﺮﺥ ﻭﺍﻟﺮﺟﺎﻝ ﺍﻟﺠﺒﻴﺮ
ﻳﻠﻠﻪ ﻧﺰﻟﻲ ﻣﻦ ﺍﻟﺴﻴﺎﺭﻩ ﺑﻬﺪﻭﺀ ﺑﺴﺮﻋﻪ .. ﻓﺘﺤﺖ ﺍﻟﺒﺎﺏ ﻭﺍﻧﻲ ﻭﻻ ﻛﻠﻤﻪ ﺣﺴﻲ ﺍﺧﺘﻔﻪ ﺑﻌﺪﻧﻲ ﻣﻤﺴﺘﻮﻋﺒﻪ ﺍﻟﻲ ﺩﻳ

ﺼﻴﺮ .. ﺷﻴﺮﻳﺪ ﻫﺬﺍ .. ﻋﻨﺪﻱ ﻓﻠﻮﺱ ﻫﺎﻙ ﺍﺧﺬﻫﻦ ﻭﻋﻮﻑ ﺍﺧﻮﻳﻪ
ﺍﻟﺼﻤﻲ ﻟﺘﺤﺠﻴﻦ ﺩﺧﻠﻲ ﺑﻬﺬﺍ ﺍﻟﻬﻴﻜﻞ ﻻ ﺍﺫﺑﺢ ﺍﺧﻮﺝ
.. ﺩﺧﻠﺖ ﻛﺪﺍﻣﻪ ﻭﺍﻧﻲ ﺍﺑﺠﻲ ... ﺷﺴﻮﻳﺖ ﺍﻧﻲ .. ﻛﻞ ﻣﺎﺍﻓﻜﺮ ﺍﺣﻤﻲ ﺍﺧﻮﻳﻪ ﺍﻟﻜﻪ ﺭﻭﺣﻲ ﺍﺫﺑﻪ ﻟﻠﺨﻄﺮ
ﺟﺎﻥ ﻻﺯﻡ ﺣﺒﻞ ﺑﺪﻩ ﻳﺮﺑﻂ ﺣﻴﺪﺭ ﺑﻲ .. ﻭﺍﻧﻲ ﺍﺑﺎﻭﻉ ﻭﺍﺑﺠﻲ ﻭﻣﺎﺑﻴﺪﻱ ﺷﻲ ﺍﻟﺴﺠﻴﻨﻪ ﻭﻗﺮﻳﺒﻪ ﻋﻠﻰ ﺍﺧﻮﻳﻪ
ﺍﻟﻠﻪ ﻳﺨﻠﻴﻚ ﻋﻮﻓﻨﻪ .... ﻣﻮﺗﻨﻲ ﺍﻟﻲ ﺑﺲ ﻋﻮﻑ ﺍﺧﻮﻳﻪ
ﻣﺠﺎﻥ ﻳﺴﻤﻊ ﻣﻨﻲ .... ﺷﺴﻮﻳﺖ ﺑﺮﻭﺣﻲ ... ﻟﻮ ﺑﺎﻗﻴﻪ ﺑﺬﻟﺔ ﻋﻠﻲ ﻭﺍﻧﻬﺎﺭ ﻭﻻ ﺍﻟﻲ ﺩﻳﺼﻴﺮ ﻫﺴﻪ ﺍﺧﺨﺨﺦ ﻟﺸﻮﻛﺖ ﻳﺎ ﺯﻣﺰﻡ ﻣﺘﻌﺮﻓﻴﻦ ﺗﺘﺼﺮﻓﻴﻦ .... ﺷﺴﻮﻱ ﻳﺎﺭﺑﻲ .... ﺷﺴﻮﻱ .. ﺑﺎﻭﻉ ﺍﻟﺤﺎﻟﻨﻪ ﻳﺎﺭﺏ
ﺷﻤﺮ ﺣﻴﺪﺭ ﺑﺎﻟﻜﺎﻉ ﻭﺳﺪ ﺣﺘﻰ ﺣﻠﻜﻪ ﺑﻮﺻﻠﻪ ... ﺷﻨﻮ ﻫﺬﺍ ﺟﺎﻥ ﻣﺤﻀﺮ ﻛﻠﺸﻲ ﻟﻮ ﺷﻨﻮ .. ﻣﻦ ﺫﺑﻪ ﺑﺎﻟﻜﺎﻉ ﺭﻭﺣﻲ ﺭﺍﺣﺖ ﺍﺑﺎﻭﻉ ﺻﻮﺕ ﻭﻧﺔ ﺑﺠﻴﺘﻪ ﻭﺩﻣﻮﻋﻪ ﺗﻨﺰﻝ ....
ﺍﺳﻔﻪ ﺣﺒﻴﺒﻲ ﻛﻠﺸﻲ ﻳﺼﻴﺮ ﺑﻴﻚ ﺑﺴﺒﺒﻲ
ﺗﻘﺮﺏ ﻋﻠﻴﻪ ﺍﻟﺸﺎﻳﺐ ... ﺣﺎﻭﻟﺖ ﺍﺩﻓﻌﻪ ﻣﻜﺪﺭﺕ ﻗﺰﻱ ﻭﻻ ﻋﺒﺎﻟﻚ ﺷﺎﻳﺐ ﺩﻓﻌﻨﻲ ﻋﻞ ﺣﺎﻳﻂ ﻭﺭﺍﻫﻪ ﺣﺼﺮﻱ ﺑﻲ .. ﻭﺑﺪﻩ ﻳﺤﺎﻭﻝ ﻳﺮﻓﻊ ﺟﺒﺘﻲ
ﻛﻤﺖ ﺍﺻﺮﺥ ... ﺑﻌﻠﻮ ﺻﻮﺗﻲ .... ﺑﻠﻜﺖ ﺍﻛﻮ ﺍﺣﺪ ﻳﺴﺎﻋﺪﻧﻲ
ﺣﺎﻭﻟﺖ ﺍﻗﺎﻭﻣﻪ ﻣﺴﺘﺴﻠﻤﺖ .... ﺍﺑﺎﻭﻉ ﺣﻴﺪﺭ ﻳﺒﺠﻲ .... ﺣﺎﻭﻟﺖ ﺍﻗﺎﻭﻣﻪ ﻣﺪﻧﻲ ﺑﺎﻟﻜﺎﻉ ﺟﺎﻧﺖ ﺟﺒﺘﻲ ﺩﻛﻢ ﻛﻄﻊ ﺍﻟﻲ ﺑﺎﻟﻤﻘﺪﻣﻪ ﻣﻦ ﻳﻢ ﺍﻟﺼﺪﺭ .... ﻫﺬﺍ ﺩﻟﻪ ﻭﺣﻴﺪﺭ ﻛﺒﺎﻟﻲ .... ﺷﻜﺪ ﺗﻤﻨﻴﺖ ﺑﻬﺎﻟﻠﺤﻈﻪ ﺍﻟﻠﻪ ﻳﺎﺧﺬ ﺭﻭﺣﻲ
ﻛﻤﺖ ﺍﺻﺮﺥ ﻳﺎﻟﻠﻠﻪ ﺳﺎﻋﺪﻧﻲ .... ﻳﺎﺭﺏ ﺳﺎﻋﺪﻧﻲ .... ﻳﻤﻪ ﻟﺤﻜﻴﻠﻲ ..... ﻳﺎﺑﻪ ﺍﻟﺤﻜﻠﻲ ... ﺍﺣﺎﻭﻝ ﺍﻗﺎﻭﻣﻪ ﻣﻤﺴﺘﺴﻠﻤﻪ ﺑﺲ ﻫﻮ ﻗﻮﻱ ﺣﻴﻞ ﺑﺪﻩ ﻳﺤﺎﻭﻝ ﻳﻨﺰﻋﻨﻲ ﻣﻼﺑﺴﻲ
ﻛﻤﺖ ﺍﺻﺮﺥ ﺑﻌﻠﻮ ﺻﻮﺗﻲ ﻳﺎﺭﺭﺭﺭﺭﺭﺭﺭﺏ ﺳﺎﻋﺪﻧﻲ .... ﻣﺤﺴﻴﺖ ﺍﻟﻪ ﻭﺍﺣﺪ ﺟﺮﻩ ﻣﻦ ﻓﻮﻛﺎﻳﻪ ﻭﻛﺎﻡ ﻳﻀﺮﺏ ﺑﻲ
ﻟﻤﻴﺖ ﺟﺒﺘﻲ ﺑﺴﺮﻋﻪ ﻭﻛﻤﺖ ﻭﺩﻣﻮﻋﻲ ﺑﺨﺪﻱ ﻭﺟﺴﻤﻲ ﻳﺮﺟﻒ ﻭﺭﻛﻀﺖ ﻋﻠﻰ ﺣﻴﺪﺭﺫﺑﻴﺖ ﺭﻭﺣﻲ ﻋﻠﻲ ﻭﺍﺑﻮﺱ ﺑﻲ ﻭﺍﺑﺠﻲ ﺑﻌﻠﻮ ﺻﻮﺗﻲ ... ﻟﺘﺨﺎﻑ ﺣﺒﻴﺒﻲ ... ﺍﺳﻔﻪ ﻭﺍﻟﻠﻪ .. ﺍﺳﻔﻪ ﻳﺎﺭﻭﺣﻲ ﺍﻧﺖ
ﻛﻤﺖ ﺍﻓﺘﺢ ﺑﺎﻟﺤﺒﻞ ..... ﻭﺍﺑﺠﻲ ﻭﻫﻮ ﻳﺒﺠﻲ ﻭﺧﺮﺕ ﺍﻟﻮﺻﻠﻪ ﺍﻟﻲ ﺑﺤﻠﻜﻪ ﻭﺷﺒﻜﺘﻪ ﻭﺷﺒﻜﻨﻲ ﻭﻳﺒﺠﻲ
ﺯﻣﺰﻡ ﺍﺭﻳﺪ ﺍﻣﻲ ... ﻭﺩﻳﻨﻲ ﺍﻝ ﺍﻣﻲ ﺑﺴﺮﻋﻪ .. ﻳﺒﺠﻲ ﻭﻳﺮﺟﻒ
ﺍﻧﻲ ﺍﺧﺎﻑ .. ﻭﺩﻳﻨﻲ ﺍﻝ ﺍﻣﻲ ... ﺍﻣﻲ ﻣﻦ ﻳﻤﻲ ﻣﺎﺍﺧﺎﻑ
ﻳﺒﺠﻲ ﻭﻳﻨﺎﺷﻎ
ﺍﺧﺨﺦ ﻳﺎﺭﻭﺣﻲ ﺷﺴﻮﻳﺖ ﺑﻴﻚ ﺍﻧﻲ .... ﺳﻤﻌﺖ ﺻﻮﺕ ﺷﺮﻃﻪ ﺍﺟﻮﻱ .... ﺷﺒﺴﺮﻋﻪ ... ﺍﻟﺨﻮﻑ ﺯﺍﺩ .. ﻳﻌﻨﻲ ﻋﻠﻲ ﺍﻛﻴﺪ ﺭﺍﺡ ﻳﻌﺮﻑ ﻫﺴﻪ .... ﻓﻜﺮﺕ ﺍﻟﻬﺰﻡ ﺑﺲ ﺷﻠﻮﻥ ... ﻭﺍﻟﻠﺤﻈﻪ ﻛﻠﺖ ﻛﺎﻓﻲ ﺧﻞ ﻳﻠﺰﻣﻮﻧﻲ ﻭﻳﺬﺑﺤﻮﻧﻲ ﻫﺎﻱ ﻫﺮﻭﺑﻲ ﺑﺲ ﺩﻣﺮ ﺣﻴﺪﺭ ﻫﺎﻟﻤﺮﻩ ﺍﻟﻠﻪ ﺳﺘﺮ .. ﺍﻟﻤﺮﻩ ﺍﻟﺜﺎﻧﻴﻪ ﻣﺎﺍﻋﺮﻑ ﺷﻴﺼﻴﺮ
ﺷﻠﺖ ﺣﻴﺪﺭ ﺍﻟﻲ ﻳﺮﺟﻒ ﻭﻳﺒﺠﻲ ﻭﻃﻠﻌﺖ ﻣﻦ ﺍﻟﻬﻴﻜﻞ ... ﺍﻟﻮﻟﺪ ﺍﻟﻲ ﺳﺎﻋﺪﻧﻲ ﻻﺯﻡ ﺍﻟﺮﺟﺎﻝ ﺍﻟﻲ ﺣﺎﻭﻝ ﻳﻌﺘﺪﻱ ﻋﻠﻴﻪ ﻭﺳﻠﻤﻪ ﻟﻠﺸﺮﻃﻪ ﻭﺩﻭﺭﻳﻪ ﺛﺎﻧﻴﻪ ﻣﺎﻝ ﺟﻴﺶ ﺍﻋﺮﻑ ﺍﻟﺰﻱ ﻻﻥ ﺍﻛﺜﺮ ﻣﻦ ﻣﺮﻩ ﻳﺠﻲ ﺟﻨﺪﻱ ﺍﻝ ﻋﻠﻲ
ﺑﺎﻭﻋﺖ ﻫﺬﺍ ﺍﻟﺠﻨﺪﻱ ﻳﻜﻠﻪ ﺣﺎﺿﺮ ﺳﻴﺪﻱ ﻟﻠﻮﻟﺪ ﺍﻟﻲ ﻧﻘﺬﻧﻲ .. ﺑﺲ ﻫﻮ ﻻﺑﺲ ﺗﺮﺍﻛﺴﻮﺩ ....
ﺍﺟﻪ ﻋﻠﻴﻪ ﺍﻟﻮﻟﺪ
ﻫﺎ ﺍﺧﺘﻲ ﺷﻠﻮﻥ ﺻﺮﺗﻲ ﺧﻮﻣﺎ ﺑﻴﺞ ﺷﻲ
ﻻﺯﻡ ﺗﺮﻭﺣﻴﻦ ﻭﻳﺎﻫﻢ ﻫﺴﻪ ﻻﺯﻡ ﻳﺎﺧﺬﻭﻥ ﺍﻗﻮﺍﻟﺞ ﻭﺍﻧﻲ ﺭﺍﺡ ﺍﻏﻴﺮ ﻣﻼﺑﺴﻲ ﻭﺍﻟﺤﻜﻢ ﻫﻨﺎﻙ .. ﻭﺻﻴﺖ ﺟﻤﺎﻋﺘﻲ
ﺍﻧﻲ ﺍﺳﻤﻌﻠﻪ ﻭﺳﺎﻛﺘﻪ ﺑﺲ ﺩﻣﻮﻋﻲ ﻳﺼﺒﻦ ....
ﺷﺒﻴﺞ .. ﺍﺫﺍ ﺗﺨﺎﻓﻴﻦ ﺍﻛﺪﺭ ﺍﻛﻠﻠﻬﻢ ﺍﻧﻲ ﺍﺟﻴﺒﺞ ﺍﺭﻭﺡ ﺍﻟﻠﺒﺲ ﺑﺪﻟﺘﻲ ﻭﺍﺟﻴﺞ .. ﺍﻧﻲ ﻋﻠﻤﻮﺩﺝ
ﺳﻜﺘﺖ ﻣﺤﺠﻴﺖ
ﻭﺍﺣﺪ ﺟﺎﻥ ﻭﺍﻛﻒ ﻭﺭﺍ ... ﻛﻠﻪ .. ﻫﺴﻪ ﺷﻨﻮ ﺳﻴﺪﻱ
ﺭﻭﺣﻮ ﺍﻧﺖ ﺟﻴﺒﻠﻲ ﺑﺪﻟﺘﻲ ﻣﻦ ﺍﻟﺒﻴﺖ ﺑﺴﺮﻋﻪ ﻭﺍﻟﺤﻜﻨﻲ ﻫﻨﺎﻙ
ﺻﻌﺪﻧﻲ ﺑﺴﻴﺎﺭﺗﻪ ﻣﻘﺒﻞ ﻳﺨﻠﻮﻧﻲ ﺑﺴﻴﺎﺭﺓ ﺍﻟﺸﺮﻃﻪ .... ﺑﺲ ﺍﻧﻲ ﻣﻮ ﻳﻤﻲ ﻛﻞ ﺍﻟﻲ ﺍﻋﺮﻓﻪ ﺍﻗﺘﺮﺑﺖ ﺳﺎﻋﺘﻲ ..... ﺑﺴﺖ ﺣﻴﺪﺭ ﻣﻦ ﺟﺘﻔﻪ ﻭﺷﻤﻴﺘﻪ ﻭﺍﺑﺠﻲ
ﺍﻟﺸﺎﺏ / ﺗﻌﺎﻟﻲ ﺻﻌﺪﻱ ﻫﻨﺎ ﻓﺘﺤﻠﻲ ﺑﺎﺏ ﺍﻟﺴﻴﺎﺭﻩ ... ﺍﻟﺨﻠﻔﻲ ... ﺟﺎﻧﺖ ﺳﻴﺎﺭﺗﻪ ﻋﺎﻟﻴﻪ
ﺍﻧﺘﻲ ﻭﻳﻦ ﺑﻴﺘﻜﻢ ﻭﺷﺠﺎﺑﺞ ﻫﻨﺎ ﻭﻫﺬﺍ ﺗﻌﺮﻓﻲ ﺍﻟﻲ ﺻﺎﻋﺪﻩ ﻭﻳﺎ
ﻫﺰﻳﺖ ﺭﺍﺳﻲ .. ﻻ .. ﻭﺑﺼﻮﺕ ﻛﻮﻩ ﻳﻄﻠﻊ ﻣﺎﺍﻋﺮﻓﻪ
ﺷﺼﻌﺪﺝ ﻭﻳﺎ
ﺃﺟﺮﺗﻪ ﺗﻜﺴﻲ
ﻭﻳﻦ ﺍﻫﻠﺞ
ﻣﺎﻋﻨﺪﻱ ﺍﻫﻞ ﺍﻣﻲ ﻭﺍﺑﻮﻳﻪ ﻣﻴﺘﻴﻦ ﻭﺧﻮﺍﺗﻲ ﻛﻞ ﻭﺣﺪﻩ ﺑﻴﺖ .. ﻭﺍﻟﻬﺰﻣﺖ ﻣﻦ ﺑﻴﺖ ﺯﻭﺟﻲ ﻭﻫﺴﻪ ﻳﺮﻳﺪﻭﻥ ﻳﺬﺑﺤﻮﻧﻲ ... ﺣﺠﻴﺘﻠﻪ ﺑﺎﺧﺘﺼﺎﺭ
ﺷﻨﻮﻭﻭ ﻭﺍﻟﻠﻪ ﻣﻔﻬﻤﺖ .. ﺯﻳﻦ ﻟﻴﺶ ﺍﻧﻬﺰﻣﺘﻲ ﻣﻦ ﺑﻴﺖ ﺭﺟﻠﺞ
ﺳﻜﺘﺖ ... ﺷﺤﺠﻴﻠﻪ ﻫﺬﺍ ﻫﺴﻪ ﻣﻨﻴﻦ ﺍﺑﺪﻱ ﻭﻣﻨﻴﻦ ﺍﻧﺘﻬﻲ
ﺍﺣﺠﻴﻠﻲ ﺍﻟﺴﺒﺐ ﻳﺠﻮﺯ ﺍﻛﺪﺭ ﺍﺳﺎﻋﺪﺝ .... ﺯﻳﻦ ﻣﻦ ﺍﻧﻬﺰﻣﺘﻲ ﻭﻳﻦ ﺟﻨﺘﻲ ﺗﺮﻳﺪﻳﻦ ﺗﺮﻭﺣﻴﻦ ﻭﻭﻳﻦ ﻣﺄﺟﺮﺗﻪ ﻟﻬﺬﺍ ﺍﻟﺴﺎﻓﻞ
ﻟﻠﻨﺠﻒ ﺍﻝ ﺍﻣﻲ ﻭﺍﺑﻮﻳﻪ .... ﺍﺣﺠﻲ ﻭﺍﺑﺠﻲ
ﺯﻳﻦ ﻟﻴﺶ ﺍﻧﻬﺰﻣﺘﻲ ﻣﻦ ﺑﻴﺖ ﺭﺟﻠﺞ .. ﺳﻮﻳﻮﻱ ﺷﻲ ﻣﻮﺯﻳﻦ .. ﻭﺧﻔﺘﻲ ﻣﻨﻪ ﻭﻫﺬﺍ ﺍﻟﻮﻳﺎﺝ ﻣﻨﻮ
ﺍﺧﻮﻳﻪ .. ﺣﻴﺪﺭ .. ﻻ ﻭﺍﻟﻠﻪ ﻣﺴﻮﻳﺖ ﺷﻲ .. ﺑﺲ ﺍﻫﻞ ﺯﻭﺟﻲ ﻣﻴﺮﻳﺪﻭﻧﻲ ﻻﻥ ﻛﺮﻋﻪ ﻭﺯﻭﺟﻲ ﻫﻢ ﻛﻞ ﺳﺎﻋﻪ ﻭﺍﻟﺜﺎﻧﻴﻪ ﻳﻜﻠﻲ ﻣﻮ ﺯﻳﻦ ﻣﺘﻘﺒﻠﺞ .. ﻭﻣﻴﻘﺒﻞ ﻳﻌﻮﻓﻨﻲ ... ﻭﻃﻠﻌﺖ ﻋﺒﺎﻟﻲ ﺍﻟﻢ ﺧﻮﺍﺗﻲ .. ﺑﺲ ﻋﻤﺎﻣﻲ ﻭﺧﻮﺍﻟﻲ ﻭﺯﻭﺟﻲ ﺍﻋﺘﺒﺮﻭﻫﻪ ﻣﺴﺄﻟﺔ ﺷﺮﻑ
ﺍﻟﻮﻟﺪ / ﻃﺒﻌﺂ ﻳﻌﺘﺒﺮﻭﻫﻪ ﻣﺴﺄﻟﺔ ﺷﺮﻑ ... ﻫﺬﺍ ﻭﺍﻗﻌﻨﻪ ﺍﺧﺘﻲ .. ﺍﻟﺒﻨﻴﻪ ﺍﻟﻲ ﺗﻨﻬﺰﻡ ﻛﻠﺸﻲ ﻳﻠﻔﻘﻮﻥ ﻋﻠﻴﻬﻪ ... ﻭﺍﻟﻠﻪ ﻣﺎﺍﺩﺭﻱ ﺷﻜﻠﺞ ﻫﺴﻪ .. ﺷﺴﻤﻪ ﺯﻭﺟﺞ
ﻋﻠﻲ ﻣﺮﺍﺩ .. ﻇﺎﺑﻂ
ﺣﻠﻮ .. ﺣﻠﻮ .. ﻭﺍﻧﻮﺏ ﻇﺎﺑﻂ .. ﺷﺴﻮﻳﺘﻲ ﺑﺮﻭﺣﺞ ﺧﻴﺘﻲ ... ﺯﻳﻦ ﻭﻟﻮ ﺭﺍﺡ ﺍﺣﺮﺟﺞ ﺍﺫﺍ ﺍﻧﺘﻲ ﻛﺮﻋﻪ ﻭﻫﻮ ﻣﻴﺮﻳﺪﺝ ﻭﻣﺴﻮﻱ ﻣﻨﻴﻪ ﻋﻠﻴﺞ ﻟﻴﺶ ﺗﺰﻭﺟﺞ
ﺳﻜﺘﺖ
ﻇﻞ ﻳﺒﺎﻭﻋﻠﻲ ﺑﺎﻟﻤﺮﺍﻳﻪ ﻳﻨﺘﻈﺮ ﺍﻟﺠﻮﺍﺏ ﻣﻨﻲ ... ﺳﻜﺘﺖ
ﺣﺠﻴﺘﻠﻪ ﻛﻠﺸﻲ ﻋﻦ ﺣﻴﺎﺗﻲ ﻻﻥ ﻫﻮ ﻛﺎﻡ ﻳﺴﺄﻟﻨﻲ ﻛﻞ ﺷﻮﻳﻪ .... ﺗﻌﺎﻃﻒ ﻭﻳﻪ ﻗﺼﺘﻲ ﻭﺍﻧﻘﻬﺮ ﻭﻭﻛﻒ ﺍﻟﺴﻴﺎﺭﻩ ﻭﺍﻧﻲ ﺍﺗﺮﻗﺐ ﺣﺮﻛﺎﺗﻪ ﻭﺭﺩﺍﺕ ﻓﻌﻠﻪ
ﺗﺪﺭﻳﻦ ﺍﺧﺘﻲ .... ﻟﻮ ﻣﺠﺎﻱ ﺑﺬﻳﺞ ﺍﻟﻠﺤﻈﻪ ﺟﺎﻥ ﺫﺍﻙ ﺍﻟﻨﺎﻗﺺ ﻣﻌﺘﺪﻱ ﻋﻠﻴﺞ ﻫﺴﻪ ﻭﻳﺠﻮﺯ ﺫﺍﺑﺤﻜﻢ ﻟﻠﻌﻠﻢ ﺟﻨﺖ ﻣﺘﻌﺎﺟﺰ ﺍﻛﻮﻡ ﺑﺲ ﺍﺧﻮﻳﻪ ﺧﺎﺑﺮﻧﻲ ﻻﻥ ﻋﻨﺪﻩ ﺑﻴﺖ ﺑﻬﺎﻱ ﺍﻟﻤﻨﻄﻘﻪ ﺩﻳﺒﻨﻲ ﻭﻟﺢ ﺍﻟﻪ ﻫﺴﻪ ﺍﻛﻮﻡ ..
ﻃﺒﻌﺂ ﺍﺩﻣﻮﻋﻲ ﻣﺴﻜﺘﺖ ﺍﺑﺪ ﻣﻦ ﺍﻧﻲ ﺍﺣﺠﻴﻠﻪ ﻭﻣﻦ ﺍﺫﻛﺮ ﻓﻀﻞ ﺍﻟﻠﻪ ﻋﻠﻴﻪ ﻛﻞ ﺷﻮﻳﻪ ﻣﻄﻠﻌﻨﻲ ﻣﻦ ﻣﺼﻴﺒﻪ ﻭﻣﺴﺨﺮﻟﻲ ﻭﻟﺪ ﺍﻟﺤﻼﻝ ﺑﻮﺟﻬﻲ ...
ﺍﻟﺸﺎﺏ ﻳﻤﻜﻦ ﻫﻮ ﻣﻮ ﺻﻐﻴﺮ ﻣﻼﻣﺤﻪ ﻣﺎﻝ ﺷﺒﺎﺏ ﺑﺲ ﺷﻌﺮﻩ ﺑﻲ ﺷﻴﺐ ﻫﻮﺍﻱ ...... ﺩﻙ ﻣﻮﺑﺎﻳﻠﻪ ﻭﺟﺎﻭﺏ ﻭﻫﻨﺎ ﺗﺄﺩﺩﺕ ﻫﻮ ﻫﻢ ﺑﺎﻟﺠﻴﺶ
ﻻ

ﻭﻳﺎﻙ ﻋﻘﻴﺪ ﺳﻴﻒ
ﺍﻟﻌﻘﻴﺪ ﻭﻻ ﺍﻟﻈﺎﺑﻂ ﺍﻋﻠﻰ ﺭﺗﺒﻪ ﻫﻴﺞ ﺳﺄﻝ ﻋﻘﻠﻲ ... ﺷﻌﻠﻴﻪ ﺍﻧﻲ ﻭﺍﻟﻠﻪ ﻳﺎ ﺯﻣﺰﻡ ﻋﻠﻴﺞ ﺳﻮﺍﻟﻒ ﺍﻧﺘﻲ ﺑﻴﺎ ﺣﺎﻝ ... ﺍﻟﻰ ﺍﻥ ﻧﻬﻪ ﺍﺗﺼﺎﻟﻪ ﺍﻟﻲ ﺟﺎﻥ ﻳﺴﺘﻔﺴﺮ ﺑﻲ ﻋﻠﻰ ﻋﻠﻲ
ﺯﻳﻦ ﻫﻮ ﺯﻭﺟﺞ ﻣﻦ ﺍﻱ ﻧﻮﻉ ... ﻳﻌﻨﻲ ﻣﺘﻌﺼﺐ .. ﻳﺘﻔﻬﻢ ﻟﻮ ﻣﻴﺘﻔﻬﻢ
ﺯﻭﺟﻲ .. ﻋﻠﻲ ﺗﻘﺼﺪ
ﻟﻌﺪ ﻋﻨﺪﺝ ﺯﻭﺝ ﺛﺎﻧﻲ .. ﻭﺿﺤﻚ
ﻋﻠﻲ ﺍﻧﺴﺎﻥ ﻃﻴﺐ ﺑﺲ .. ﻣﺎﺍﻋﺮﻓﻪ ... ﺍﻧﺖ ﻟﻴﺸﺪﺍﻳﺦ ﺑﻴﻪ ﺳﻠﻤﻨﻲ ﺍﻟﻬﻢ ﻭﺷﻴﺮﻳﺪﻭﻥ ﻳﺴﻮﻭﻥ ﻳﺴﻮﻭﻥ ﺍﺻﻼ ﻭﺟﻮﺩﻱ ﺯﺍﻳﺪ ﺑﺎﻟﻤﺠﺘﻤﻊ
ﻟﻴﺶ ﻻﻥ ﻛﺮﻋﻪ .... ﻫﻴﺞ ﺗﺤﺠﻴﻦ ..... ﺗﻌﺮﻓﻴﻦ ﺍﻟﻲ ﺻﺎﺭ ﺑﻴﺞ ﻛﻠﻪ ﻣﻦ ﻭﺭﻩ ﺍﺳﺘﻬﺎﻧﺘﺞ ﺑﻨﻔﺴﺞ ... ﻳﻌﻨﻲ ﺍﺫﺍ ﻛﺮﻋﻪ ﻻﺯﻡ ﻣﺘﻌﻴﺸﻴﻦ ... ﺗﺪﺭﻳﻦ ﻫﺬﺍ ﻛﻔﺮ ﻭﺍﻋﺘﺮﺍﺽ ﻋﻠﻰ ﺣﻜﻢ ﺭﺏ ﺍﻟﻌﺎﻟﻤﻴﻦ ﻟﻮ ﻣﺘﺪﺭﻳﻦ
ﻭﺍﻟﻠﻪ ﺗﻌﺠﺒﻮﻧﻲ ... ﺍﺧﻮﻳﻪ ﻧﻔﺴﺞ ﺑﺎﻟﻀﺒﻂ ... ﻣﻦ ﺍﻛﺘﺸﻒ ﺭﻭﺣﻪ ﻣﻴﺼﻴﺮ ﻋﻦ
ﺍﻃﻔﺎﻝ ﺗﺪﺭﻳﻦ ﺷﺴﻮﻩ
ﺷﺴﻮﻩ
ﺍﺧﺬﻣﺴﺪﺳﻲ ﻭﺿﺮﺏ ﺭﻭﺣﻪ ﻃﻠﻘﻪ
ﺩﻧﻜﺖ ﺭﺍﺳﻲ .. ﻻﻥ ﺍﻧﻲ ﻣﻜﺘﻠﻪ ﺍﻧﺘﺤﺮﺕ ...
ﻫﺬﺍ ﻛﻔﺮ .. ﻳﻌﻨﻲ ﺍﻟﻠﻪ ﺳﺒﺤﺎﻥ ﻭﺗﻌﺎﻟﻰ ﻟﻴﺶ ﻣﺘﻔﻜﺮﻭﻥ ﻳﺴﻮﻱ ﺍﻟﺼﺎﻟﺢ ﺍﻟﺒﺸﺮ .. ﻳﻤﻜﻦ ﺍﺧﻮﻳﻪ ﺍﺫﺍ ﺻﺎﺭ ﻋﻨﺪﻩ ﻃﻔﻞ ﺍﻭ ﺻﺎﺭ ﺷﺎﺏ ﺭﺍﺡ ﻳﻤﻮﺕ ﻭﻳﺤﺘﺮﻙ ﻛﻠﺒﻪ ﻋﻠﻲ ﻭﻋﻔﺎ ﻣﻦ ﻫﺎﻻﻣﺘﺤﺎﻥ ﺍﻟﺼﻌﺐ ﻣﻦ ﺍﻟﺒﺪﺍﻳﻪ ... ﻭﻳﻤﻜﻦ ﻳﺼﻴﺮ ﻭﻟﺪ ﻋﺎﻕ ﻭﻳﺸﻮﻫﻠﻪ ﺍﺳﻤﻪ
ﻛﻠﺸﻲ ﺭﺏ ﺍﻟﻌﺎﻟﻤﻴﻦ ﻳﺴﻮﻱ ﻟﻠﺒﺸﺮ ﺍﻟﺼﺎﻟﺤﻪ ... ﺑﺲ ﻫﻮ ﻣﻴﺪﺭﻱ .. ﺭﺏ ﺍﻟﻌﺎﻟﻤﻴﻦ ﺍﺭﺣﻢ ﺍﻟﺮﺍﺣﻤﻴﻦ ... ﻳﻔﻜﺮ ﺑﻴﻨﻪ ﺑﻜﻞ ﻭﻗﺖ ﻫﻴﺞ ﺍﺭﻳﺪ ﺍﺷﺮﺣﻠﻜﻢ ﺍﻓﻬﻤﻮ ﻳﺎ ﺑﺸﺮ ... ﻫﺎﻱ ﺍﺧﻮﻳﻪ ﺍﻋﺘﺮﺽ ﺗﺪﺭﻳﻦ ﺷﺼﺎﺭ ﺑﻲ
ﺷﺼﺎﺭ ﺑﻲ
ﻣﻦ ﺿﺮﺏ ﺭﻭﺣﻪ ﻃﻠﻘﻪ ﺑﻜﻠﺒﻪ ﻣﻤﺎﺕ ﺗﺨﻴﻠﻲ ... ﻭﻛﻊ ﻭﺑﺎﻟﻮﻛﻌﻪ ﺍﻧﺸﻞ ﺟﺴﻤﻪ ﻛﻠﻪ ... ﻫﺴﻪ ﻣﻴﺘﺤﺮﻙ ﺍﺑﺪ
ﻫﺬﺍ ﺍﻟﻴﻌﺘﺮﺽ ﻋﻠﻰ ﺣﻜﻢ ﺭﺏ ﺍﻟﻌﺎﻟﻤﻴﻦ ﻫﻴﺞ ﻳﺼﻴﺮ ﺑﻲ
ﺍﻧﻲ ﺳﻜﺘﺖ ﻭﺑﺲ ﺍﺳﻤﻌﻠﻪ ﺍﺑﺎﻭﻋﻠﻪ ﻣﻨﻔﻌﻞ ﻣﻦ ﻳﺤﺠﻲ
ﻭﺍﻟﻠﻪ ﻣﺎﺍﻋﺮﻑ .. ﻫﻴﺞ ﺣﺠﻴﺖ
ﺷﻨﻮ ﺍﻟﻤﺘﻌﺮﻓﻲ .. ﻟﺘﻌﺘﺮﺿﻴﻦ ﻋﻠﻰ ﺧﻠﻘﺔ ﺍﻟﻠﻪ ﺃﻗﻠﻤﻲ ﺭﻭﺣﺞ ﻣﺎﺷﺎﺀ ﺍﻟﻠﻪ ﻋﻠﻴﺞ ﺑﻨﻴﻪ ﺻﻐﻴﺮﻭﻧﻪ ﻭﺣﻠﻮﻩ ﻭﺍﻟﻄﺮﻳﻖ ﻛﺪﺍﻣﺞ ﻟﺘﻮﻛﻔﻴﻦ ﻭﺗﻀﻌﻔﻴﻦ ﻭﺗﻜﻮﻟﻴﻦ ﺍﻧﻲ ﺯﺍﻳﺪﻩ ﻋﻞ ﻣﺠﺘﻤﻊ .. ﻟﻮ ﺯﺍﻳﺪﻩ ﺟﺎﻥ ﺍﻟﻠﻪ ﻣﺨﻠﻘﺞ
ﻭﺭﺍﻫﻪ ﺍﺗﺼﻠﻮ ﺑﻲ ﻻﺯﻡ ﻳﺠﻴﺒﻨﻲ ﻻﻥ ﺍﻟﺸﺎﻳﺐ ﻣﻌﺘﺮﻑ ﺍﻧﻲ ﺟﺎﻳﻪ ﻭﻳﺎ ﺑﺄﺭﺍﺩﺗﻲ ........ ﻳﺘﺒﻊ

#حكاية_البئر

#بارت٢٣
&&&&& ﺣﻜﺎﻳﺔ البئر &&&&&&
........... ............
ﻭﺭﺍﻫﻪ ﺍﺗﺼﻠﻮ ﺑﻲ ﻻﺯﻡ ﻳﺠﻴﺒﻨﻲ ﻻﻥ ﺍﻟﺸﺎﻳﺐ ﻣﻌﺘﺮﻑ ﺍﻧﻲ ﺟﺎﻳﻪ ﻭﻳﺎ ﺑﺄﺭﺍﺩﺗﻲ
ﺯﻣﺰﻡ / ﻫﻮ ﻛﺎﻝ ﻫﻴﺞ ... ﻋﺰﺯﻩ ﺑﻌﻴﻨﻲ ﻭﺭﻭﺡ ﺍﻣﻲ ﻭﺍﺑﻮﻳﻪ ﺟﺬﺍﺏ .... ﻧﺰﻟﻨﻲ ... ﻧﺰﻟﻨﻲ ﻫﻨﺎ .... ﺍﺫﺍ ﺍﺣﺪ ﻣﻦ ﺍﻫﻠﻲ ﺩﺭﻭ .... ﺗﺼﻴﺮ ﻣﺴﺄﻟﺔ ﻋﺎﺭ ﻣﻮ ﺑﺲ ﻋﻠﻴﻪ ﻋﻠﻰ ﺧﻮﺍﺗﻲ ... ﻭﻛﻒ ﺍﻟﺴﻴﺎﺭﻩ ﺍﻟﻠﻪ ﻳﺨﻠﻴﻚ
ﻧﺎﺭ ﺷﺒﺖ ﺑﻜﻠﺒﻲ ... ﺷﺴﻮﻳﺖ ﺑﺮﻭﺣﻲ ﺍﻧﻲ ... ﺍﻟﻠﻪ ﻳﺎﺧﺬﺝ ﺯﻣﺰﻡ ... ﺍﻟﻠﻪ ﻳﺎﺧﺬﺝ
ﻫﻮ ﺳﺎﻛﺖ ﻣﻴﺤﺠﻲ ﻭﻻ ﻳﻮﻛﻒ ﺍﻟﺴﻴﺎﺭﻩ ... ﻧﺰﻟﻨﻲ .. ﺷﻨﻮ ﻣﺘﺴﻤﻌﻨﻲ .. ﺍﻧﺖ ﻣﻮ ﺳﺎﻋﺪﺗﻨﻲ ﻛﻤﻞ ﻣﺴﺎﻋﺪﺗﻚ ﺍﻟﻲ ﻭﻧﺰﻟﻨﻲ .. ﺍﻟﻠﻪ ﻳﺨﻠﻴﻚ ... ﻭﺍﻟﻠﻪ ﺧﻮﺍﺗﻲ ﻳﺮﻭﺣﻦ ﺑﻴﻬﻪ
ﻓﺠﺄﻩ ﻋﺎﻁ .... ﻛﺎﻓﻲ ﻳﻤﻌﻮﺩﻩ ﺑﺲ ﺧﻠﻴﻨﻲ ﺍﻛﺪﺭ ﺍﻓﻜﺮ ﺷﺴﻮﻱ .. ﻟﻮﻙ .. ﻟﻮﻙ .. ﻣﻦ ﺻﻌﺪﺗﻲ ﺍﻟﻬﺴﻪ ... ﻣﺪﺭﻱ ﺷﻠﻮﻥ ﺟﺎﻧﻮ ﻣﺘﺤﻤﻠﻴﺞ .. ﻣﺘﻜﻄﻌﻴﻦ ﺍﺑﺪ .. ﺧﺮﺏ
ﺳﻜﺘﺖ ﺍﻧﻲ
ﺭﺟﻊ ﺣﺠﻪ .... ﺑﺲ ﺍﺭﻳﺪ ﺍﻓﺘﻬﻢ ﻭﻳﻦ ﻋﻘﻠﺞ ﻣﻦ ﺍﻧﻬﺰﻣﺘﻲ .. ﺑﺲ ﺗﺪﺭﻳﻦ ﻣﻮ ﺻﻮﺟﺞ ﺻﻮﺝ ﻫﺎﻱ ﺍﻟﺪﻛﺘﻮﺭﻩ ﺍﻟﺪﺍﺭﺳﻪ ... ﺍﻟﻲ ﻓﻬﻤﺘﻪ ﻣﻦ ﻗﺼﺘﺞ ﻫﻴﻪ ﺍﻭﻝ ﺷﺨﺺ ﻣﺸﺠﻌﺞ
ﻫﻴﻪ ﺑﺲ ﺭﺍﺩﺕ ﺗﺴﺎﻋﺪﻧﻲ .
ﺟﺎﻥ ﻣﻔﺮﻭﺽ ﻛﺒﻞ ﺗﺎﺧﺬﺝ ﺍﻟﻌﻤﺎﻣﺞ ﻭﺗﺤﺠﻲ ﻭﻳﺎﻫﻢ ... ﺷﻨﻮ ﺍﺣﻨﻪ ﻋﺎﻳﺸﻴﻦ ﻭﻳﻦ ... ﻧﺴﺖ ﺍﺣﻨﻪ ﺑﺎﻟﻌﺮﺍﻕ ﻭﺑﻌﺪﻳﻦ ﻫﻴﻪ ﻣﻮ ﺳﺒﺎﻋﻴﻪ .. ﺷﻠﻮﻥ ﻣﻦ ﺗﺪﺭﻱ ﻣﻌﺘﺒﺮﻳﻬﻪ ﻣﺴﺄﻟﺔ ﺷﺮﻑ ﻭﻏﺴﻞ ﻋﺎﺭ ﺗﻌﻮﻓﺞ ﺑﺎﻟﺸﺎﺭﻉ
ﺗﺠﻴﺖ ﺭﺍﺳﻲ ﻋﻞ ﺟﺎﻣﻪ ﻣﺎﻝ ﺳﻴﺎﺭﻩ ﻭﻇﻠﻴﺖ ﺍﺑﺎﻭﻉ ﻋﻞ ﺷﻮﺍﺭﻉ ﻭﻋﻞ ﺳﻴﺎﺭﺍﺕ ﻭﺑﺪﺍﺧﻠﻲ ﻭﺟﻊ ..... ﻭﻋﻘﻠﻲ ﺭﺟﻊ ﺗﺨﺎﻳﻞ ﻋﻠﻲ ﻣﻦ ﻳﻌﻴﺮﻧﻲ ﻭﺍﻧﻬﺎﺭ ﻭﻧﺼﻴﺤﺔ ﺍﻣﻲ ﻭﺍﻡ ﺷﻤﺲ ﻭﻓﺮﺡ ﻭﻣﻦ ﺭﺩﺕ ﺍﻃﻠﻊ ﺣﺘﻰ ﺍﻡ ﺷﻤﺲ ﺗﺨﻠﺖ ﻋﻨﻲ ﺧﺎﻓﺖ ﺭﺩﺕ ﺍﻛﻮﻝ ﻻﻡ ﻣﺎﺯﻥ ﺍﺭﻭﺡ ﻭﻳﺎﻫﻪ ﺑﺲ ﻣﻜﺪﺭﺕ
ﺩﻣﻌﺘﻲ ﺭﺟﻌﺖ ﻧﺰﻟﺖ ﻋﻠﻰ ﺧﺪﻱ ﻣﺴﺤﺘﻬﻪ ﺑﻴﺪﻱ ....... ﺗﺠﻤﻌﺖ ﻫﻮﺍﻱ ﻭﺩﺍﺧﻠﻲ ﺗﺠﻤﻊ ﻗﻬﺮ ﻣﺤﺴﻴﺖ ﻏﻴﺮ ﺑﺠﻴﺘﻲ ﺗﻄﻠﻊ ﺑﺼﻮﺕ ﻋﺎﻟﻲ ﺧﻠﻴﺖ ﺍﻳﺪﻱ ﻋﻠﻰ ﻋﻴﻮﻧﻲ ﻭﺍﺑﺠﻲ ﺣﻴﻞ ... ﺭﺃﺳﺂ ﺩﺍﺭ ﻋﻠﻴﻪ
ﺳﻴﻒ / ﺍﻧﻲ ﻣﻮ ﻗﺼﺪﻱ ﻭﺍﻟﻠﻪ ... ﺑﺲ ﺣﺒﻴﺖ ﺍﺳﺎﻋﺪﺝ
ﻇﻠﻴﺖ ﺍﺑﺠﻲ ﻭﻋﻴﻮﻧﻲ ﻣﻐﻄﻴﺘﻬﻦ ﺑﺄﻳﺪﻱ ﺑﺲ ﺍﺑﺠﻲ ﺑﺤﺮﻛﺔ ﻛﻠﺐ
ﺳﻴﻒ / ﺑﺲ ﺑﺎﻭﻋﻴﻠﻲ ﻭﺧﺮﻱ ﺍﻳﺪﺝ ﻭﺳﻮﻟﻔﻲ ﻭﻳﺎﻱ .... ﻟﺘﻴﺒﺴﻴﻦ ﺭﻳﺠﻲ ﻭﺍﻧﻲ ﻋﻄﺸﺎﻥ ..
ﻓﺰ ﺣﻴﺪﺭ ﻣﻦ ﻧﻮﻣﺘﻪ ﻭﻋﻠﻰ ﺑﺠﻴﺘﻲ ﻭﺟﺮ ﺍﻳﺪﻱ ﻣﻦ ﻋﻴﻨﻲ ....
ﺣﻴﺪﺭ / ﺍﻧﺖ ﺑﺠﻴﺖ ﺍﺧﺘﻲ ... ﻟﻴﺶ ﻛﻠﻜﻢ ﺗﺒﺠﻮﻫﻪ .. ﻭﺍﻟﻠﻪ ﻣﻦ ﺍﻛﺒﺮ ﻭﻳﺼﻴﺮ ﻋﻨﺪﻱ ﻣﺴﺪﺱ ﺍﻟﻪ ﺍﺑﺠﻴﻚ
ﺳﻴﻒ / ﺑﺸﺮﻓﺞ ﻋﻨﺪﺝ ﻫﻴﺞ ﺍﺥ ﻭﺗﺒﺠﻴﻦ ... ﻋﻤﻲ ﻭﺍﻟﻠﻪ ﻣﻤﺒﺠﻴﻬﻪ ﺑﺲ ﺍﺧﺘﻚ ﺍﻡ ﺩﻣﻴﻌﻪ ﻳﻤﻜﻦ ﻛﻞ ﺷﻮﻳﻪ ﻭﺑﺎﺟﻴﻪ
ﺭﺟﻊ ﺟﺮ ﺍﻳﺪﻱ ﺣﻴﺪﺭ ﻭﺧﺮﺗﻬﻪ ﻭﺷﺒﻜﺘﻪ
ﺣﻴﺪﺭ / ﺯﻣﺰﻣﻠﻴﺶ ﺗﺒﺠﻴﻦ ..... ﺍﻧﻲ ﺍﺑﺠﻲ ﻣﻦ ﺗﺒﺠﻴﻦ
ﺑﺎﻭﻋﺖ ﻋﻠﻰ ﺣﻴﺪﺭ ﺍﻟﻲ ﻋﻴﻮﻧﻪ ﻣﺘﺮﻭﺳﻪ ﺧﻮﻑ ﺑﺴﺒﺒﻲ ﺍﺍﺍﺥ ﺳﻮﺩﻩ ﻋﻠﻴﻪ ﺩﻣﺮﺗﻪ ﻭﻳﺎﻱ ﻭﻋﻘﺪﺗﻪ ﻣﻦ ﺍﻟﺤﻴﺎﺓ ﻟﻮ ﻣﺨﻠﻴﻪ ﺧﺎﻟﻮ ﻣﺎﺧﺬﻩ ﺍﺣﺴﻦ ﺍﻟﻪ
ﺣﻴﺪﺭ / ﻣﻼﺑﺴﻲ ﻭﻟﻌﺒﺘﻲ ﺑﺎﻛﻬﻦ ﺫﺍﻙ ...
ﻣﻴﺨﺎﻟﻒ ﺣﺒﻴﺒﻲ ﺧﻞ ﻳﻮﻟﻲ ﺍﺟﻴﺒﻠﻚ ﺍﺣﺴﻦ ﻣﻨﻬﻪ ﺑﻜﻮﻣﻪ .... ﺑﺎﻭﻋﺖ ﺳﻴﻒ ﺩﺍﻳﺮ ﻭﺟﻬﻪ ﻭﻳﺒﺎﻭﻉ ﻋﻠﻴﻨﻪ
ﺳﻴﻒ / ﺍﺳﻤﺞ ﺯﻣﺰﻡ
ﺳﻜﺘﺖ ﻣﺠﺎﻭﺑﺘﻪ ....
ﺣﻠﻮ ﺍﺳﻤﺞ ..... ﻭﺩﺍﺭ ﻭﺟﻬﻪ ... ﻭﺷﻐﻞ ﺍﻟﺴﻴﺎﺭﻩ ... ﺍﺑﺎﻭﻉ ﺍﻟﻄﺮﻳﻖ ﻃﻮﻝ ﺷﻨﻮ ﺍﻟﻘﺼﻪ ﻣﺎﺍﺩﺭﻱ ﺭﺟﻌﺖ ﺧﻠﻴﺖ ﺭﺍﺳﻲ ﻋﻞ ﺟﺎﻣﻪ ﺣﺴﻴﺖ ﺭﻭﺣﻲ ﺩﺧﺖ ﺷﻮﻳﻪ ﻫﻢ ﺑﺠﻲ ﻫﻢ ﻛﻠﺒﻲ ﻣﺤﺘﺮﻙ ﻭﻫﻢ ﺍﻟﻄﺮﻳﻖ ﻣﺪﻳﺨﻠﺺ ﻣﻌﻘﻮﻟﻪ ﻭﻳﻦ ﺟﺎﻥ ﻣﺎﺧﺬﻧﻲ ﻫﺬﺍ ﻟﻌﺪ ﻫﻴﺞ ﻣﺸﻪ ﻫﻮﺍﻱ ﺑﻴﻨﻪ ﺍﻟﺸﺎﻳﺐ ﻭﺍﻧﻲ ﻣﺤﺎﺳﻪ
ﺩﻙ ﻣﻮﺑﺎﻳﻠﻪ .... ﺳﻤﻌﺘﻪ ﻳﻜﻮﻝ ﺍﻱ ﺍﻧﻲ ﺍﻟﻈﺎﺑﻂ ﺳﻴﻒ ... ﻓﺘﺤﺖ ﻋﻴﻨﻲ ﻛﻞ ﻗﻮﺗﻲ ... ﺑﻜﻠﺒﻲ ﻇﺎﺑﻂ ﻗﺒﻞ ﺷﻮﻳﻪ ﻛﺎﻝ ﻋﻘﻴﺪ
ﺍﻟﻒ ﻓﻜﺮ ﺍﺟﺎﻧﻲ ﺑﻬﺎﻟﻠﺤﻈﻪ ﻭﺭﺃﺳﺂ ﺻﺎﺭ ﻛﺒﺎﻟﻲ ﺍﻟﺸﺎﻳﺐ ... ﻳﻤﻜﻦ ﺭﺍﺡ ﻳﺴﻮﻱ ﻣﺜﻠﻪ ... ﺧﺎﻑ ﻫﺬﺍ ﻣﺠﺮﻡ ﻳﺎﺭﺑﻲ .. ﺧﺮﺏ ﺣﻀﺞ ﺯﻣﺰﻡ ... ﻳﺎﺭﺑﻲ . ﺷﺪﻳﺼﻴﺮ ﺑﻴﻪ ﺑﺎﻭﻋﺖ ﻋﻠﻰ ﻣﺴﺪﺳﻪ ﻫﻮ ﺟﺎﻥ ﻣﻨﺪﻣﺞ ﻳﺤﺠﻲ ﻣﺒﻴﻦ ﺍﺣﺪ ﺍﻋﻠﻪ ﻣﻨﻪ ﻳﺤﺠﻲ ﻭﻳﺎ ﺑﺄﺣﺘﺮﺍﻡ ﻫﻮﺍﻱ ﻭﻛﻠﻪ ﺳﻴﺪﻱ ﻭﻣﻦ ﻫﺎﻟﺴﻮﺍﻟﻒ
ﺑﺎﻭﻋﺖ ﺣﻴﺪﺭ ﻳﻤﻪ ﻛﺎﻋﺪ ﺍﻟﻲ ﻛﺪﺍﻡ ﻣﺤﻮﻝ ﻳﻤﻜﻦ ﻣﻦ ﺟﻨﺖ ﺻﺎﻓﻨﻪ ﺑﻬﻤﻲ ﻣﻤﻨﺘﺒﻬﺘﻠﻪ
ﺑﺎﻭﻋﺖ ﻋﻞ ﻣﺴﺪﺱ ﻗﺮﻳﺐ ﻋﻠﻴﻪ ﺍﻛﺪﺭ ﺍﺧﺬﻩ ﻭﺍﻧﻲ ﺍﺳﻮﻱ ﺭﻭﺣﻲ ﺍﺣﺠﻲ ﻭﻳﻪ ﺣﻴﺪﺭ
ﻟﺰﻣﺖ ﺳﻼﺣﻪ ﺑﺪﻭﻥ ﻣﻴﺪﺭﻱ ﻣﻦ ﺟﺎﻥ ﻳﺤﺠﻲ ﺑﺎﻟﻤﻮﺑﺎﻳﻞ ﺧﻠﻴﺘﻪ ﻋﻠﻰ ﺟﺘﻔﻪ
ﻭﻛﻒ ﺍﻟﺴﻴﺎﺭﻩ ... ﻭﻛﻔﻬﻪ ﺑﺴﺮﻋﻪ ..... ﻛﻠﻜﻢ ﻧﻔﺲ ﺍﻟﺸﻲ
ﺳﺪ ﻣﻮﺑﺎﻳﻠﻪ ﻭﺩﺍﺭ ﻋﻠﻴﻪ
ﺳﻴﻒ / ﺷﺒﻴﺞ ﻳﻤﻌﻮﺩﻩ ..... ﺗﺨﺒﻠﺘﻲ
ﺍﻧﺖ ﻭﺍﺣﺪ ﺟﺬﺍﺏ . ﻗﺒﻞ ﺷﻮﻳﻪ ﻛﻠﺖ ﺍﻟﻮﺍﺣﺪ ﺍﻧﺖ ﻋﻘﻴﺪ ﻭﻫﺴﻪ ﻛﻠﺖ ﺿﺎﺑﻂ
ﻫﻮ ﺍﻟﻀﺎﺑﻂ ﻭﺍﻟﻌﻘﻴﺪ ﺷﻨﻮ
ﺯﻣﺰﻡ / ﺷﻨﻮ
ﻭﺍﺣﺪ .. ﺑﺎﺑﺎ ﻫﻮ ﺍﻟﻜﻞ ﺿﺎﺑﻂ ﺑﺲ ﺍﻟﺮﺗﺐ ﺗﺨﺘﻠﻒ .... ﻭﻟﺰﻡ ﺍﻟﻤﺴﺪﺱ
ﻭﺍﻟﻠﻪ ﺍﺻﻐﻂ ﻋﻞ ﺩﻛﻤﻪ
ﺳﻴﻒ / ﻳﺎ ﺩﻛﻤﻪ ﻣﺎﻝ ﻗﻤﻴﺺ
ﻧﺰﻟﻨﻲ ﻭﺑﻌﺪﻳﻦ ﺍﻟﻄﺮﻳﻖ ﻣﺨﻠﺺ ﺻﺎﺭ ﺳﺎﻋﻪ ﺗﻔﺘﺮ ﺑﻴﻨﻪ ﺍﻧﺖ ﺗﺮﻳﺪ ﺗﺨﻄﻔﻨﻲ ﻣﻮ .. ﺗﺮﻩ ﻛﻤﺖ ﺍﻋﺮﻑ ﻫﺎﻱ ﺍﻟﺴﻮﺍﻟﻒ
ﻟﺰﻡ ﺍﻟﻤﺴﺪﺱ ﻭﺟﺮﻩ ﻣﻨﻲ ... ﻛﺎﻟﺘﻠﻲ ﻭﺍﻟﻠﻪ ﺍﻣﻲ ﻟﺘﺴﻮﻱ ﺯﻳﻦ . ﻭﻳﻪ ﺍﻟﺒﺸﺮ ﺿﺎﻳﻊ .. ﺑﺲ ﻣﺴﻤﻌﺖ ﻣﻨﻬﻪ
ﺍﻧﺘﻲ ﺗﺮﻳﺪﻳﻦ ﺗﻤﻮﺗﻴﻦ ﻟﻮ ﺗﻌﻴﺸﻴﻦ
ﺍﺭﻳﺪ ﺍﻋﻴﺶ
ﺍﺫﺍ ﺗﺮﻳﺪﻳﻦ ﺗﻌﻴﺸﻴﻦ ﺗﺴﻜﺘﻴﻦ ... ﻭﺗﻤﺸﻴﻦ ﻭﺭﺍﻳﻪ .. ﻣﺎﻟﺞ ﺩﺧﻞ ﺑﻜﻠﺸﻲ ... ﺍﺣﻨﻪ ﺑﺒﻐﺪﺍﺩ ﻟﺘﺨﺎﻓﻴﻦ ﺍﺻﻼ ﺍﻧﺘﻲ ﻣﻄﺎﻟﻌﻪ ﺧﺎﺭﺝ ﺑﻐﺪﺍﺩ ﺍﻟﻴﻮﻡ ﻭﺻﺎﺭ ﺳﺎﻋﻪ ﺍﻓﺘﺮ ﻻﻥ ﻣﺎﺍﻋﺮﻑ ﺷﻴﻮﻱ ﺣﺘﻰ ﻣﺘﺘﺄﺛﺮﻳﻦ ﺑﺎﻟﺸﻐﻠﻪ ﻭﺗﻄﻠﻌﻴﻦ ﻣﻨﻬﻪ ﻻﻥ ﻫﺴﻪ ﺍﺫﺍ ﺍﺧﺬﺗﺞ ﻟﻠﺸﺮﻃﻪ ﺯﻭﺟﺞ ﺭﺍﺡ ﻳﻮﺻﻠﺞ ﺭﺃﺳﺂ ﻭﻫﺬﺍ ﺍﻟﺤﻴﻮﺍﻥ ﺫﺏ ﺍﻟﺼﻮﺝ ﻋﻠﻴﺞ .. ﻳﻌﻨﻲ ﺗﺼﻴﺮ ﻣﺴﺄﻟﺔ ﺷﺮﻑ .. ﺗﺼﻴﺮ ﻟﻮ ﺷﻴﺼﻴﺮ .. ﻭﺍﺫﺍ ﺍﻧﻜﺘﻠﺘﻲ ... ﻳﻌﺘﺒﺮ ﺩﻓﺎﻉ ﻋﻦ ﺍﻟﺸﺮﻑ
. ﻟﺬﻟﻚ ﻫﺴﻪ ﺭﺍﺡ ﺍﺧﺬﺝ ﺍﻟﺒﻴﺘﻨﻪ
ﺷﻨﻮﻭﻭﻭﻭﻩ ... ﻧﺰﻟﻨﻲ .. ﻧﺰﻟﻨﻲ ﻋﻔﻴﻪ ... ﺍﻃﺒﻚ ﺍﻟﺴﻴﺎﺭﻩ .. ﺗﺮﻩ ﺍﻧﻲ ﻣﻮ ﻣﻦ ﺫﻧﻲ ﺍﻟﺒﻨﺎﺕ .. ﺍﻟﻠﻪ ﻳﻨﺘﻘﻢ ﻣﻨﻜﻢ ﻳﺎ ﺑﺸﺮ .. ﺍﻧﺘﻮ ﻭﺣﻮﺵ ﻭﻳﻦ ﻣﺎﺍﺭﻭﺡ ﻭﺣﻮﺵ ﻭﺍﻟﻠﻪ
ﺭﺃﺳﺂ ﻃﺒﻚ ﺍﻟﺴﻴﺎﺭﻩ .... ﺷﻮ ﻧﺰﻟﻲ .. ﻧﺰﻟﻲ .. ﻫﺴﻪ ﺍﻧﻲ ﺟﺎﻳﺐ ﺍﻟﺮﻭﺣﻲ ﺩﻭﺧﺔ ﺭﺍﺱ ﺷﻜﻮ .
ﺍﻱ ﺧﻄﻴﻪ .. ﻳﻌﻨﻲ ﻟﻮ ﻭﻟﺪ ﻫﻢ ﺗﺴﺎﻋﺪﻩ
ﻃﺒﻌﺂ ﺍﺳﺎﻋﺪﻩ ... ﺍﻧﻲ ﺷﻨﻮ ﺷﻐﻠﻲ ﻟﻌﺪ .. ﺍﻟﻤﻦ ﺻﺎﻳﺮ ﻇﺎﺑﻂ ﻏﻴﺮ ﺍﺳﺎﻋﺪ ﺍﻟﺒﺸﺮ .. ﺑﺲ ﻋﻤﻲ ﺍﻧﺘﻲ ﻣﻮ ﻣﺎﻟﻮﺍﺣﺪ ﻳﺴﺎﻋﺪﺝ .. ﺭﻭﺣﻲ .. ﺭﻭﺣﻲ .. ﻫﺴﻪ ﺑﺴﺮﻋﻪ ﻳﻠﺰﻣﺞ ﺭﺟﻠﺞ .. ﻭﻳﺴﻮﻫﻪ ﻣﺴﺄ

ﻟﺔ ﺷﺮﻑ
ﻃﺒﻌﺂ ﺍﻧﺰﻝ .. ﻭﻻ ﺍﺟﻲ ﻭﻳﺎﻙ ﺍﻟﺒﻴﺘﻚ .. ﻭﺍﻟﻠﻪ ﻳﺎﺭﺑﻲ ... ﻧﺰﻟﺖ ﻭﻃﺒﻜﺖ ﺍﻟﺒﺎﺏ ﺣﻴﻞ
ﻭﻓﺘﺤﺖ ﺍﻟﺒﺎﺏ ﺍﻟﻜﺪﺍﻡ ﻭﻧﺰﻟﺖ ﺣﻴﺪﺭ ... ﻭﺭﺟﻌﺖ ﻃﺒﻜﺖ ﺍﻟﺒﺎﺏ ﺣﻴﻞ
ﺟﺒﺘﻲ ﻛﺎﻣﺖ ﺗﻄﻴﺮﻭﺣﺘﻰ ﺷﺎﻟﻲ ﺗﺨﺮﺑﻂ ... ﻣﺸﻴﺖ ﻭﻋﻔﺘﻪ .. ﻇﻠﻴﺖ ﺍﻣﺸﻲ ... ﺑﻌﺪﻳﻦ ﺩﺭﺕ ﻭﺟﻬﻲ ﺍﻛﻴﺪ ﺭﺍﻳﺢ .... ﺩﺭﺕ ﻭﻟﻜﻴﺘﻪ ﻭﺍﻛﻒ ﻭﻳﺒﺎﻭﻉ ﻋﻠﻴﻪ
ﺭﺟﻌﺖ ﺩﺭﺕ ﻭﺟﻬﻲ ﻭﻛﻤﺖ ﺍﻣﺸﻲ ... ﻻ ﻋﻨﺪﻱ ﻓﻠﻮﺱ ﻭﻻ ﺍﻱ ﺷﻲ ... ﻭﺗﻜﺴﻲ ﻟﻮ ﺍﻣﻮﺕ ﻣﺎﺍﺻﻌﺪ ﺑﻌﺪ ... ﺍﺍﺥ ﻟﻮ ﻣﻜﺴﻮﺭﻩ ﺭﺟﻠﻲ ﻭﻣﻄﺎﻟﻌﻪ ﺍﺑﺪ ﻣﻦ ﻋﻠﻲ ... ﻋﻞ ﺷﻔﺘﻪ ﺣﺴﻴﺖ ﻧﻔﺴﻲ ﺻﺪﻭﻙ ﻋﺎﻳﺸﻪ ﻣﻠﻜﻪ ﻳﻤﻪ .. ﻛﺎﻓﻲ ﻳﺎ ﺯﻣﺰﻡ ﺍﻭﻛﻔﻲ ﺣﺎﻭﻟﺘﻲ ﺗﺼﻴﺮﻳﻦ ﻗﻮﻳﻪ ﻭﻓﺸﻠﺘﻲ ... ﺍﻧﺘﻲ ﺷﺘﺴﻮﻳﻦ ﻏﻠﻂ ... ﺍﻋﺘﺮﻓﻲ ﺍﻧﺘﻲ ﻏﻠﻂ ﺑﻜﻠﺸﻲ .. ﻟﺘﻌﺎﻧﺪﻳﻦ ﺧﺎﻑ ﺍﺧﻮﺝ ﻳﺼﻴﺮ ﺑﻲ ﺷﻲ ﻭﻛﻔﺖ ﺣﺎﻳﺮﻩ ﺍﺭﺟﻊ ﻟﻮ ﺍﻛﻤﻞ ﻟﻮ ﺷﺴﻮﻱ .. ﻛﻞ ﺍﺧﺘﻴﺎﺭ ﻏﻠﻂ .. ﻛﻞ ﺍﺧﺘﻴﺎﺭ ﺍﺧﺘﺎﺭﻩ ﻭﺭﺍ ﻛﻮﻣﻪ ﻣﺼﺎﻳﺐ
ﺭﺟﻌﺖ ﺩﺭﺕ ﻭﺟﻬﻲ ﻟﻜﻴﺘﻪ ﻭﺍﻛﻒ ﺑﻌﺪﻩ
ﺭﺟﻌﺖ ﻋﻠﻲ ... ﻫﻮ ﺍﺑﺘﺴﻢ ﻭﻫﺰ ﺭﺍﺳﻪ ﻭﻓﺘﺢ ﺍﻟﺠﺎﻣﻪ
ﻫﺎ ﺷﻮ ﺭﺟﻌﺘﻲ
ﺍﻧﺖ ﺳﺎﻋﺪﺗﻨﻲ .. ﺳﺎﻋﺪﺗﻨﻲ ﻛﻤﻞ ﺟﻤﻴﻠﻚ ﻭﺍﻧﻄﻴﻨﻲ ﺍﺧﺎﺑﺮ ﻣﻨﻚ ﺯﻭﺟﻲ
ﺯﻭﺟﺞ .. ﻭﺑﻠﻠﻪ ﺫﺑﺤﺞ
ﻋﺎﺩﻱ ﺧﻞ ﻳﺬﺑﺤﻨﻲ ﻋﻞ ﺍﻗﻞ ﻣﻦ ﻳﺬﺑﺤﻨﻲ ﺍﻧﻲ ﺑﺮﻳﺌﻪ ﻣﻮ ﺍﺟﻲ ﻭﻳﺎﻙ ﻭﺍﺻﻴﺮ ﻣﺬﻧﺒﻪ ﻭﺗﺤﻞ ﺫﺑﺤﺘﻲ .. ﻋﻞ ﺍﻗﻞ ﺍﻣﻮﺕ ﺑﺸﺮﻑ
ﻟﺞ ﺑﺎﺑﺎ ﺍﻧﺘﻲ ﻓﻬﻤﺘﻲ ﻏﻠﻂ ... ﺭﺩﺕ ﺍﻣﻲ ﺗﺮﻭﺡ ﺍﻟﻬﺎﻱ ﺍﻟﺪﻛﺘﻮﺭﻩ ... ﻋﻠﻰ ﺍﺳﺎﺱ ﻫﻴﻪ ﻣﺮﺍﺟﻌﻪ ﻭﻧﺘﻮﺍﺻﻞ ﻭﻳﺎﻫﻪ ﻭﻧﻌﺮﻑ ﺷﺼﺎﻳﺮ ﻫﻨﺎﻙ
ﺍﻟﻠﻪ ﻳﺨﻠﻴﻚ ﺍﺫﺍ ﻧﻴﺘﻚ ﺗﺴﺎﻋﺪﻧﻲ ﺍﻧﻄﻴﻨﻲ ﺍﺧﺎﺑﺮ ﻋﻠﻰ ﺯﻭﺟﻲ ... ﻣﺎﺍﻛﺪﺭ ﺍﺟﻲ ﻭﻳﺎﻙ ﺍﻻﻱ ﻣﻜﺎﻥ .. ﺑﺲ ﺍﻧﻄﻴﻨﻲ ﺍﺧﺎﺑﺮﻩ ﻭﻫﻮﻩ ﻳﺠﻴﻨﻲ ﻭﺧﻠﻲ ﺷﻴﺴﻮﻱ ﻳﺴﻮﻱ ... ﻭﺍﻧﺖ ﺭﺣﻢ ﺍﻟﻠﻪ ﻭﺍﻟﺪﻳﻚ
ﻇﻞ ﺻﺎﻓﻦ ﻋﻠﻴﻪ ﻭﻣﻴﺤﺠﻲ ﺑﺲ ﻏﻠﻂ ﺗﺼﺮﻓﺞ
ﻣﻦ ﻭﻋﻴﺖ ﻟﻠﺪﻧﻴﺎ ﻟﻠﻴﻮﻡ ﺷﺨﺘﺎﺭ ﻏﻠﻂ ﺣﺘﻰ ﺍﻟﺼﺢ ﻳﺼﻴﺮ ﻏﻠﻂ ﺃﻟﻲ ﻓﻌﺎﺩﻱ ﺍﻱ ﺷﻲ ﻳﺼﻴﺮ ﻣﺎﺍﺳﺘﻐﺮﺏ ﺑﻌﺪ
ﺍﺳﻤﻌﻲ ﻣﻨﻲ ﻭﺻﻌﺪﻱ ... ﺍﺣﺴﺞ ﺻﺮﺗﻲ ﻣﺴﺆﻟﻴﺘﻲ .. ﻣﺎﺍﻛﺪﺭ ﺍﺫﺍ ﺧﻠﻴﺘﺞ ﺗﺮﻭﺣﻴﻦ ﻟﻠﻤﻮﺕ ﺑﻴﺪﻱ ﻣﺎﺍﻛﺪﺭ ﺍﻛﻤﻞ ﺣﻴﺎﺗﻲ ﺑﺘﺄﻧﻴﺐ ﺍﻟﻀﻤﻴﺮ ...
ﻭﻟﻮ ﻣﺎﺍﺣﺴﺞ ﺑﻨﺖ ﺍﺻﻮﻝ ﻭﻣﺘﺴﺘﺎﻫﻠﻴﻦ ﻣﺴﺎﻋﺪﻩ ﻭﻭﺣﺪﻩ ﻣﻠﻌﺒﻪ ﻣﺎﺍﺳﺎﻋﺪﺝ ﻭﺍﻟﻠﻪ ﻫﻴﺞ
ﺳﻜﺘﺖ ﻭﺍﻟﺨﻮﻑ ﻣﺎﻟﻴﻨﻲ ﺑﻴﻮﻣﻬﻪ ﻣﺎﺍﻋﺮﻑ ﺷﻨﻮ ﺍﻟﺼﺢ ﻛﻞ ﺧﻄﻮﻩ ﺍﻟﻲ ﺟﺤﻴﻢ
... ﻭﺍﺫﺍ ﺗﺨﺎﻓﻴﻦ ﺍﺳﻮﻳﻠﺞ ﺷﻲ .. ﻫﺎﺝ ﺍﻟﻤﺴﺪﺱ ﺧﻠﻲ ﻳﻤﺞ ... ﻭﻣﻦ ﻫﺎﻟﺸﺎﺭﺏ ﺍﺧﺬﻳﻬﻪ ﻣﺎﺍﺧﻠﻲ ﺍﻱ ﻭﺍﺣﺪ ﻳﺬﺑﺤﺞ
ﻟﺘﺮﻭﺣﻴﻦ ﺯﻣﺰﻡ .... ﻻ ﺭﻭﺣﻲ .... ﻟﺘﺮﻭﺣﻴﻦ ... ﻻ ﺭﻭﺣﻲ .. ﻇﻠﻴﺖ ﺍﺭﺩﺩ ﻫﺎﻟﻜﻠﻤﺘﻴﻦ ﺑﻌﻘﻠﻲ
ﺍﻧﻄﻴﻨﻲ ﻣﻮﺑﺎﻳﻠﻚ ﺍﺧﺎﺑﺮ ﻋﻠﻲ ... ﻟﺘﺤﺲ ﺍﺑﺪ ﺑﺘﺄﻧﻴﺐ ﺍﻟﻀﻤﻴﺮ ﺑﻴﻮﻡ ﻣﻦ ﺍﻻﻳﺎﻡ ... ﻭﺷﻜﺮﺁ ﺍﻟﻚ ﻛﻔﻴﺖ ﻭﻭﻓﻴﺖ ﻭﺯﺍﻳﺪ .. ﺍﻟﻠﻪ ﻳﻨﻄﻴﻚ ﻋﻠﻰ ﻛﺪ ﻧﻴﺘﻚ
ﻗﺮﺭﺕ ﻭﻣﺎﺍﺗﺮﺍﺟﻊ ﺍﻋﺮﻑ ﺻﻌﻮﺩﻱ ﻭﻳﺎ ﺭﺍﺡ ﻳﺠﻴﺐ ﺍﻟﻌﺎﺭ ﺍﻝ ﻋﻠﻲ ﻭﺍﻝ ﺧﻮﺍﺗﻲ ...... ﻃﻠﻌﺘﻲ ﻣﻔﻜﺮﺕ ﺑﻴﻬﻪ ﺑﺸﻜﻞ ﺻﺤﻴﺢ ﺑﺲ ﻫﺴﻪ ﻣﺘﺄﻛﺪﻩ ﺍﻟﺼﺤﻴﺢ ﺍﺧﺎﺑﺮ ﻋﻠﻲ ﻻﻥ ﺍﺫﺍ ﺭﺣﺖ ﺍﻟﺒﻴﺘﻚ ﺍﻋﺮﻑ ﻋﻠﻲ ﺭﺍﺡ ﺗﺼﻴﺮ ﺷﻐﻼﺕ ﺑﻌﻘﻠﻪ ﻫﻮﺍﻱ
ﺳﻜﺖ ﻫﻮ ﻭﺍﻧﻲ ﺍﺑﺎﻭﻉ ﻋﻠﻲ ﺍﻧﺘﻈﺮﻩ ﻳﻨﻄﻴﻨﻲ ﺍﻟﻤﻮﺑﺎﻳﻞ
ﻳﻌﻨﻲ ﻣﺘﺘﺮﺍﺟﻌﻴﻦ
ﻻ .. ﻣﺎﺍﺗﺮﺍﺟﻊ .. ﻫﻮ ﺗﺎﻟﻴﻬﻪ ﻳﻠﻜﺎﻧﻲ ﻋﻠﻲ ﻋﻠﻴﻤﻦ ﺍﻇﻞ ﻣﻬﺰﻭﻣﻪ
ﺍﻧﻄﺎﻧﻲ ﺍﻟﻤﻮﺑﺎﻳﻞ .... ﺍﺣﺲ ﻛﻠﺒﻲ ﺩﻛﺎﺗﻪ ﺻﺎﺭﺕ ﻣﺴﻤﻮﻋﻪ ﻣﻦ ﺍﻟﺨﻮﻑ ...... ﺩﻙ ﺍﻭﻝ ﺩﻛﻪ ﺟﺎﻭﺏ ﻋﻠﻲ
ﺧﻔﺖ ﺍﺣﺠﻲ .. ﻭﺍﻛﻮﻝ ﺍﻟﻮ ....
ﻋﻠﻲ / ﺍﻟﻮﻭﻭﻭ .. ﻣﻨﻮﻭﻭﻭ .. ﺍﺣﺠﻲ .. ﺍﻟﻮﻭﻭ
ﺯﻣﺰﻡ / ﻭﻛﺎﻧﻤﺎ ﺍﻟﻠﺴﺎﻧﻲ ﺍﻧﺒﻠﻊ .. ﺍﺭﻳﺪ ﺗﻄﻠﻊ ﻣﻨﻲ ﻛﻠﻤﻪ ﻣﺎﻛﻮ ... ﺳﺪﻳﺘﻪ ﻛﺒﻞ ﺧﻔﺖ
ﺳﻴﻒ / ﻫﺎﺍﺍ
ﺭﺟﻊ ﺩﻙ ﻋﻠﻲ .. ﺟﺎﻭﺑﺖ .....
ﻋﻠﻲ / ﺍﻟﻮﻭ ﻣﻨﻮ
ﺍﻧﻲ
ﻋﻠﻲ / ﺯﻣﺰﻡ .... ﻭﻳﻦ ﺍﻧﺘﻲ ﺯﻣﺰﻡ
ﻛﺒﻞ ﺑﺠﻴﺖ ... ﻭﻧﻔﺴﻲ ﺍﺧﺘﻨﻚ
ﻋﻠﻲ / ﻭﻳﻦ ﺍﻧﺘﻲ ﺯﻣﺰﻡ ... ﺍﺣﺠﻲ ﻟﺘﺨﺎﻓﻴﻦ ﻣﺎﺍﺳﻮﻳﻠﺞ ﺷﻲ ... ﺑﺲ ﻛﻠﻴﻠﻲ ﻭﻳﻦ ﺍﻧﺘﻲ .... ﺍﻟﻮﻭﻭﻭ ﺯﻣﺰﻡ ﺍﺣﺠﻲ ﻟﺘﺨﺒﻠﻴﻨﻲ ... ﻭﺍﻟﻠﻪ ﻭﻋﺪ ﻣﺎﺍﺳﻮﻳﻠﺞ ﺷﻲ ﺑﺲ ﻛﻮﻟﻲ ﻭﻳﻦ ﺍﻧﺘﻲ
ﺩﻭﻣﻚ ﺗﻮﻋﺪﻧﻲ ﻭﺍﺻﺪﻛﻚ ... ﻭﻣﺘﻮﻓﻲ ﺑﻮﻋﻮﺩﻙ .. ﺑﺲ ﻣﺎﻛﻮ ﺩﺍﻋﻲ ﺗﺠﺬﺏ ﻭﺗﻮﻋﺪ .. ﻻﻥ ﺍﺻﻼ ﺍﻧﻲ ﺧﺎﺑﺮﺗﻚ ﺣﺘﻰ ﺗﺠﻴﻨﻲ .. ﺍﻋﺮﻑ ﺭﺍﻙ ﺗﻤﻮﺗﻨﻲ ... ﺑﺲ ﻣﺎﻋﻨﺪﻱ ﻏﻴﺮ ﻫﺬﺍ ﺍﻟﺤﻞ ...
ﻭﺍﻧﻄﻴﺘﻪ ﺍﻟﻤﻮﺑﺎﻳﻞ ﺍﻝ ﺳﻴﻒ ﻳﺪﻟﻲ ﻋﻞ ﻣﻜﺎﻥ ﻭﺍﻧﻲ ﺍﺑﺠﻲ ... ﻛﻌﺪﺕ ﻋﻞ ﺭﺻﻴﻒ .. ﺑﺎﻭﻋﺖ ﺳﻴﻒ ﻧﺰﻝ ﻣﻦ ﺍﻟﺴﻴﺎﺭﻩ ﻭﻳﺪﻟﻲ ﺏ ﻋﻠﻲ ﺍﻟﻌﻨﻮﺍﻥ .
ﺍﻧﺘﺠﻪ ﻋﻠﻰ ﺳﻴﺎﺭﺗﻪ ﺑﻌﺪ ﻣﻜﻤﻞ ﻣﺨﺎﺑﺮﻩ ﻭﺍﻧﻲ ﻛﺎﻋﺪﻩ ﻋﻞ ﺭﺻﻴﻒ ﻭﺣﻴﺪﺭ ﺑﺼﻔﻲ ﻛﺎﻋﺪ ﺑﺎﻭﻋﺖ ﻳﺒﺎﻭﻉ ﻋﻠﻴﻪ .. ﺧﺠﻠﺖ ﻣﻦ ﻧﻈﺮﺍﺗﻪ ﻣﺎﺍﻋﺮﻑ ﺍﻓﺴﺮﻫﻦ ﺩﻧﻜﺖ
ﺷﻜﺪ ﻋﻤﺮﺝ ...
ﺑﻌﺪ ﻳﻮﻣﻴﻦ ﺭﺍﺡ ﺍﻛﻤﻞ ﺍﻝ٢٢ ﻭﺍﺑﺪﻱ ﺑﺎﻝ٢٣
ﺳﻜﺖ
ﺷﻨﻮ ﺍﻣﻨﻴﺘﺞ ﺑﺎﻟﺤﻴﺎﺓ
ﺟﺎﻧﺖ ﻗﺒﻞ ﻳﺼﻴﺮ ﻋﻨﺪﻱ ﺷﻌﺮ
ﻭﻫﺴﻪ
ﺍﻋﻴﺶ .. ﻋﻠﻤﻮﺩ ﺍﺧﻮﻳﻪ ﻭﺧﻮﺍﺗﻲ
ﺍﺑﺘﺴﻢ ..
ﻟﻴﺶ ﺿﺤﻜﺖ .. ﺍﻣﻨﻴﺎﺗﻲ ﻳﻀﺤﻜﻦ .. ﻣﻮ
ﻻ ﺑﻠﻌﻜﺲ ﺣﻠﻮﺍﺕ
ﻭﺷﺎﻝ ﺍﻟﻤﻮﺑﺎﻳﻞ ﻭﻣﺎﺍﺩﺭﻱ ﺷﺪﺍﺱ ... ﻭﺧﻼ ﺑﺠﻴﺒﻪ .
ﻭﺩﺧﻞ ﻟﻠﺴﻴﺎﺭﻩ ﻭﺍﻧﻄﺎﻧﻲ ﻭﺭﻗﻪ ﺻﻐﻴﺮﻩ
ﺷﻨﻮ ﻫﺎﻱ
ﻫﺬﺍ ﺭﻗﻤﻲ ﻭﺭﻗﻢ ﺍﻣﻲ ... ﺧﺎﻑ ﺗﺤﺘﺎﺟﻴﻨﻲ ﺑﻴﻮﻡ ﻣﻦ ﺍﻻﻳﺎﻡ
ﻣﺎﻛﻮ ﺩﺍﻋﻲ ﺍﺧﺬﺕ ﺣﺴﺮﻩ ﻫﻮ ﻧﻬﺎﻳﺘﻲ ﺍﻟﻴﻮﻡ ... ﺭﺃﺳﺂ ﺩﻙ ﻣﻮﺑﺎﻳﻠﻪ .. ﻋﻠﻲ ... ﻣﺒﻴﻦ ﻭﺻﻞ ﻻﻥ ﻛﻠﻪ ﺳﻴﺎﺭﻩ ﺑﻴﻀﻪ ﻭﺃﺷﺮ ﺑﻴﺪﻩ .... ﺑﺎﻭﻋﺖ ﺳﻴﺎﺭﺗﻪ ﻃﺒﻜﺖ ﻭﺭﻩ ﺳﻴﺎﺭﺓ ﺳﻴﻒ
ﺍﻟﺨﻮﻑ ﺍﻟﻲ ﺑﻜﻠﺒﻲ ﻣﻴﻨﻮﺻﻒ ﺍﺑﺪ ........ ﻧﺰﻝ ﻋﻠﻲ ﺑﺴﺮﻋﻪ ﻣﻦ ﺍﻟﺴﻴﺎﺭﻩ ... ﻭﺍﺟﻪ ﻋﻠﻴﻪ ﺑﺲ ﺳﻴﻒ ﺳﺒﻘﻪ ﻭﻭﻛﻒ ﻛﺒﺎﻟﻲ
ﻋﻠﻰ ﻛﻴﻔﻚ ﺍﺧﻲ ...
ﻋﻠﻲ / ﺭﺣﻤﻪ ﺍﻟﻠﻪ ﻭﺍﻟﺪﻳﻚ ﻣﻦ ﺧﺎﺑﺮﺕ .. ﺧﻠﺺ ﺩﻭﺭﻙ ﻫﻨﺎ ﺑﺘﺪ ﻣﺎﻟﻚ ﺩﺧﻞ ﺑﺎﻟﺒﺎﻗﻲ
ﺳﻴﻒ / ﻣﺎﺍﺳﻠﻤﻚ ﺍﻟﺒﻨﻴﻪ ﺍﻟﻪ ﺍﻃﻤﺌﻦ ﻣﺘﺴﻮﻳﻠﻬﻪ ﺷﻲ
ﻛﺘﻠﻚ ﺷﻜﺮﺁ ﻟﺘﺨﻠﻴﻨﻲ ﺍﺣﺠﻲ ﻛﻼﻡ ﻣﻴﻌﺠﺒﻚ
ﺳﻴﻒ / ﺍﺷﻮ ﺍﺭﻳﺪﻙ ﺗﺤﺠﻲ ﺑﻠﻠﻪ
ﻋﻠﻲ / ﺍﻛﻠﻚ ﻟﺘﺨﻠﻴﻨﻲ ﻫﺴﻪ ﺍﺧﺎﺑﺮ ﻳﺠﻮﻥ ﻳﺴﺤﻠﻮﻙ ﺳﺤﻞ
ﺑﺎﺑﺎ ﺍﻧﺖ ﻣﺘﻌﺮﻑ ﻭﻳﻪ ﻣﻨﻮ ﺗﺤﺠﻲ
ﻇﺎﺑﻂ ﻏﻴﺮ .. ﻓﻬﻤﻨﻪ ﺍﻧﺖ ﺿﺎﺑﻂ ﻣﻦ ﺍﻻﺧﺖ ﺑﺲ ﺑﺄﻱ ﺭﺗﺒﻪ ﺧﻞ ﻧﻌﺮﻑ
ﺍﻧﻲ ﺭﺍﺋﺪ ﻋﻠﻲ ﻣﺮﺍﺩ
ﻭﺍﻧﻲ ﻋﻘﻴﺪ ﺳﻴﻒ
ﻭﺷﻨﻮ ﻳﻌﻨﻲ ﻋﻘﻴﺪ ﻋﻠﻰ ﻧﻔﺴﻚ
ﺍﻛﻠﻚ ﺍﻧﻲ ﻣﺎﺍﺭﻳﺪ ﺍﺗﻌﺎﺭﻙ ﻭﻳﺎﻙ ﻫﻠﻠﻪ ﻫﻠﻠﻪ ﺑﺎﻟﺒﻨﻴﻪ ﻳﺘﻴﻤﻪ ﻭﺍﻟﻠﻪ ﻳﺤﺎﺳﺒﻚ ﻋﻠﻴﻬﻪ ... ﻣﺮﺗﻚ ﺑﺖ ﺍﺻﻮﻝ ﺳﺎﻋﻪ ﺍﺭﻳﺪ ﺍﺳﺎﻋﺪﻫﻪ ﻣﻘﺒﻠﺖ ﺗﺼﻌﺪ ﻭﻳﺎﻱ ﺑﺎﻟﺴﻴﺎﺭﻩ ...
ﻋﻠﻲ / ﺍﻋﺮﻑ ﺯﻭﺟﺘﻲ ﺯﻳﻦ ﻣﺎﻛﻮ ﺩﺍﻋﻲ ﺗﺤﺠﻴﻠﻲ ﻋﻨﻬﻪ ﻭﻣﺸﻜﻮ ﻛﻨﺎﻟﻚ ... ﻳﻠﻠﻪ ﻭﺃﺷﺮﻟﻲ ﺑﻌﻴﻮﻧﻪ ﺍﺻﻌﺪ
ﺭﺃﺳﺂ

ﺳﻴﻒ ﺧﻠﻪ ﺣﻠﻜﻪ ﺑﺄﺫﻥ ﻋﻠﻲ ﻭﻣﺎﺍﺩﺭﻱ ﺷﻜﻠﻪ .. ﺍﺑﺘﺴﻢ ﻋﻠﻲ ﺍﺑﺘﺴﺎﻣﺔ ﺍﺳﺘﻬﺰﺍﺀ ....
ﻋﻠﻲ / ﺗﻮﻛﻞ ﻋﻠﻰ ﺍﻟﻠﻪ
ﺳﻴﻒ / ﺑﻜﻴﻔﻚ ﺑﻌﺪ ﺍﻧﺖ
ﻣﺎﺍﻋﺮﻑ ﺷﺤﺠﻪ ﻭﻳﻪ ﻋﻠﻲ ﻭﺷﻨﻮ ﺍﻟﺤﺪﻳﺚ ﺍﻟﻲ ﺻﺎﺭ .... ﺑﺎﻭﻋﺖ ﻋﻠﻰ ﺳﻴﻒ .. ﻻ ﺍﺭﺍﺩﻳﺂ ﺣﺴﻴﺘﻪ ﻫﻮ ﺍﻻﻣﺎﻥ ﺍﻟﻲ ... ﻣﺎﺍﻋﺮﻑ ﻟﻴﺶ ﺣﺴﻴﺖ ﺭﻭﺣﻲ ﻣﻮ ﺍﻟﻴﻮﻡ ﺍﻟﺘﻘﻲ ﺑﻲ ﻭﻛﺎﻧﻲ ﺍﻋﺮﻓﻪ ﻣﻦ ﺯﻣﺎﻥ ﺣﺘﻰ ﺍﻛﺜﺮ ﻣﻦ ﻋﻠﻲ .. ﺑﺎﺱ ﺣﻴﺪﺭ ﻭﻟﻤﺤﺘﻪ ﺧﻠﻪ ﺍﻟﻮﺭﻗﻪ ﺑﺠﻴﺒﻪ .. ﺭﺃﺳﺂ ﺍﺭﺗﺒﻜﺖ ﻭﺧﻔﺖ ﺑﻌﺪ ﺍﻛﺜﺮ ﻣﻦ ﺍﻟﺨﻮﻑ ﺍﻟﻲ ﺑﺪﺍﺧﻠﻲ
ﺻﻌﺪﺕ ﻭﻳﻪ ﻋﻠﻲ ﺑﺎﻟﺴﻴﺎﺭﻩ ﺑﺎﻭﻋﺖ ﺳﻴﻒ ﺑﻘﻪ ﻭﺍﻛﻒ ﻳﺒﺎﻭﻉ ﻋﻠﻴﻨﻪ .... ﺍﻳﺪﻱ ﻛﻠﻬﻪ ﺗﺮﺟﻒ ﻣﻦ ﺍﻟﺨﻮﻑ .. ﺑﺪﻩ ﺍﻟﺨﻮﻑ ﻳﺰﻳﺪ ﻓﺰﺯﻧﻲ ﺻﻮﺕ ﻋﻠﻲ
ﺷﻠﻮﻭﻭﻥ ﺗﺴﻮﻳﻦ ﻫﻴﺞ ﻟﺞ ﺷﻠﻮﻭﻭﻥ
ﺑﺴﺒﺒﻚ ﺍﻧﺖ ﻣﻨﻄﻴﺘﻨﻲ ﺍﻱ ﺍﺧﺘﻴﺎﺭ ﺍﺳﻮﻱ
ﻋﻠﻲ / ﺍﺷﺸﺸﺸﺸﺶ ﻟﺞ ﺍﻟﺼﻤﻲ ... ﻣﺎﺍﺳﻤﻊ ﺣﺴﺞ ﻣﻨﻄﻴﺘﺞ ﺍﺧﺘﻴﺎﺭ .....
ﻟﺞ ﻣﺘﻮﻗﻌﺘﺞ ﺗﻄﻠﻌﻴﻦ ﻭﺗﺨﻠﻴﻨﻲ ﺑﻬﺎ ﺍﻟﻤﻮﻗﻒ .. ﻟﺞ .. ﻟﺞ ﺷﺴﻮﻳﺘﻠﺞ ﺍﻧﻲ ﺷﻮ ﺣﺘﻰ ﺍﻋﺘﺬﺍﺭ ﺍﻋﺘﺬﺭﺕ ﻣﻨﺞ .... ﻭﺑﻌﺪﻳﻦ ﻃﻠﻌﺘﻲ ﻭﻳﻦ ﻭﻟﻴﺘﻲ
ﻟﺞ ﺗﻮﻗﻌﺘﺞ ﺗﻮﻟﻴﻦ ﺍﻟﺒﻴﺖ ﻋﻤﺞ .... ﻟﺞ ﺍﻧﺘﻲ ﺷﻨﻮ ... ﺷﻨﻮ ﻓﻬﻤﻴﻨﻲ ... ﻟﺞ ﺍﻧﺘﻲ ﺩﻣﺮﺗﻴﻨﻲ ﻛﺮﻫﺖ ﺍﻟﻴﻮﻡ ﺍﻟﺸﻔﺘﺞ ﻭﺍﻟﺤﺒﻴﺘﺞ ﺑﻲ ﻭﺍﻟﻠﻪ ... ﻭﺍﻟﻠﻪ ....
ﻭﻫﺬﺍ ﻭﺟﻪ ﺍﻟﻄﺎﻭﻩ ﺍﻧﻲ ﺍﻋﻠﻤﻪ ... ﻻﺯﻡ ﻋﺠﺒﺘﻲ .. ﺑﺴﻴﻄﻪ ﻳﺎ ﺯﻣﺰﻡ ﺑﺴﻴﻄﻪ ﻭﺩﻓﻊ ﺭﺍﺳﻲ ﻋﻞ ﺟﺎﻣﻪ
ﻛﺎﻡ ﺣﻴﺪﺭ ﻳﺒﺠﻲ ﻭﻳﺼﺮﺥ ﻭﻳﺮﻓﺲ ﺑﺮﺟﻠﻪ ﻭﺭﻩ ... ﻛﻤﺖ ﺍﺑﺠﻲ .. ﺍﺑﺎﻭﻉ ﻋﻠﻲ ﺗﺨﺒﻞ ﻳﻤﻜﻦ ﺻﺎﺭﺕ ﺑﻲ ﺣﺎﻟﻪ ﻧﻔﺴﻴﻪ ..... ﺳﻜﺖ ﻋﻠﻲ ﻛﺎﻡ ﻣﻴﺼﻴﺢ ....
ﺍﻭﻝ ﻣﻮﺻﻠﺖ ﻟﻠﺒﻴﺖ .... ﺍﺑﺎﻭﻉ ﺑﺎﻟﺒﺎﺏ ﻋﻤﻲ ﻭﺍﺑﺘﺪﻥ ﻋﻤﻲ ﻭﺧﻮﺍﻟﻲ ﻭﻭﻟﺪ ﺧﺎﻟﻲ ﻭﺍﻛﻔﻴﻦ ﺑﺎﻟﺒﺎﺏ ... ﺑﺎﻭﻋﺖ ﺍﻝ ﻋﻠﻲ .... ﻳﻌﻨﻲ ﺻﺪﻭﻙ .... ﺍﻻﺧﺮ ﻟﺤﻈﻪ ﺟﻨﺖ ﺍﻛﻮﻝ ﺑﻠﻜﺖ ﺟﺬﺏ
ﺧﻠﻴﺖ ﺍﻳﺪﻱ ﺑﺤﻠﻜﻲ ﻭﻛﻤﺖ ﺍﺑﺠﻲ .... ﻣﺎﺍﺭﻳﺪ ﺍﻣﻮﺕ .. ﻭﺍﻟﻠﻪ ﻣﺎﺍﺭﻳﺪ ﺍﻣﻮﺕ .. ﺩﺭﺕ ﻋﻠﻰ ﺣﻴﺪﺭ ﻳﻤﺴﺢ ﺑﺪﻣﻮﻋﻪ ... ﻃﺒﻚ ﺍﻟﺴﻴﺎﺭﻩ ﻭﺍﺟﻪ ﻋﻠﻴﻬﻪ ﺧﺎﻟﻲ ﻛﺒﻞ ﻓﺘﺢ ﺍﻟﺒﺎﺏ .. ﻭﺟﺮﻧﻲ ..... ﻭﺩﺧﻠﻨﻲ ﻟﻠﺒﻴﺖ
ﻻ ﺍﻟﻠﻪ ﻳﺨﻠﻴﻜﻢ ﻟﺘﻤﻮﺗﻮﻧﻲ ... ﻭﺍﻟﻠﻪ ﻣﺴﻮﻳﺖ ﺷﻲ .. ﺍﻟﻠﻪ ﻳﺨﻠﻴﻜﻢ
ﺟﺮﻧﻲ ﻣﻦ ﺍﻳﺪﻱ ﻭﺩﻓﻌﻨﻲ ﺑﺎﻟﻜﺎﻉ ﻭﺗﻮﻟﻮﻧﻲ ﺿﺮﺏ ﻛﻠﻬﻢ ... ﻛﻤﺖ ﺍﺻﺮﺥ .... ﻋﻠﻲ ﻭﺍﻛﻒ ﻳﺒﺎﻭﻉ ﻋﻠﻴﻪ ﺑﺎﻭﻋﺖ ﺭﺍﺩ ﻳﺘﻘﺮﺏ ﻣﻨﻲ ... ﻟﺰﻣﻪ ﻓﻴﺼﻞ
ﻭﻣﺎﺍﺩﺭﻱ ﺷﺤﺠﻪ ﻻﻥ ﺍﺫﺍﻧﻲ ﻣﻦ ﺍﻟﻀﺮﺏ ﻣﺎﺍﺳﻤﻊ ﺑﻴﻬﻪ ﻭﺍﺿﺢ ﻭﻣﻦ ﺟﻬﻪ ﺧﺎﻟﻲ ﻳﺘﻮﻋﺪ ﺑﺬﺑﺤﻲ ﻫﺴﻪ ﺣﺘﻰ ﺷﺎﻟﻲ ﻧﺰﻋﻮ ﺿﺮﺑﻮﻧﻲ ﺿﺮﺏ ﺍﻟﺤﻴﻮﺍﻥ ﻣﻤﻀﺮﻭﺑﻪ ﺑﺤﻴﺚ ﺍﻟﺪﻡ ﻣﻦ ﺣﻠﻜﻲ ﻭﺧﺸﻤﻲ ﻭﻛﻞ ﻣﻜﺎﻥ ﺑﺠﺴﻤﻲ ﻳﻮﺟﻌﻨﻲ .....
ﺍﺑﺎﻭﻉ ﺣﻴﺪﺭ ﺗﺨﺒﻞ ﻭﻛﺎﻡ ﻳﺮﻓﺲ ﺑﻴﻬﻢ ﻭﺍﺑﻦ ﻋﻤﻲ ﻻﺯﻣﻪ ﻭﻳﺴﺪ ﺑﺤﻠﻜﻪ . ﺍﺧﺮ ﺷﻲ ﺟﻨﺖ ﻧﺎﻳﻤﻪ ﻭﻳﻀﺮﺑﻮﻧﻲ ﻛﻌﺪﻭﻧﻲ ﻋﻠﻰ ﺣﻴﻠﻲ ﻣﺤﺴﻴﺖ ﻏﻴﺮ ﺍﻟﺴﺠﻴﻨﻪ ﺑﺮﻛﺒﺘﻲ ....
ﺍﺳﻤﻊ ﺑﻴﺒﻲ ﻭﺍﻟﻨﺴﻮﺍﻥ ﺍﻟﺠﻮﻩ ﻳﺘﺼﺎﺭﺧﻦ ﻭﻫﻤﺎﻡ ﻭﺍﻛﻒ ﻳﻢ ﺍﻟﺒﺎﺏ ﻣﻴﺨﻠﻴﻬﻦ ﻳﻄﻠﻌﻦ
ﺍﻟﻠﻪ ﻳﺨﻠﻴﻚ ﺧﺎﻟﻮ ﻟﺘﺬﺑﺤﻮﻧﻲ ﻛﺪﺍﻡ ﺣﻴﺪﺭ ... ﺍﻟﻠﻪ ﻳﺨﻠﻴﻜﻢ
ﺑﺎﻭﻋﺖ ﺍﻝ ﺣﻴﺪﺭ ﺩﻣﻮﻋﻪ ﻳﻨﺰﻝ .. ﻭﻫﻮ ﻃﻔﻞ ﻳﺮﻳﺪ ﻳﺤﻤﻴﻨﻲ ﻣﻴﻜﺪﺭ ..... ﻧﻈﺮﺍﺕ ﺍﻟﺨﻮﻑ ﺑﻌﻴﻮﻧﻪ ﻃﻠﻌﻪ ﺍﺑﻦ ﻋﻤﻲ
ﺍﺣﺲ ﻛﻠﺸﻲ ﺍﻧﺘﻬﻰ ﻫﺬﺍ ﻫﻮ ﻧﻬﺎﻳﺘﻲ ﺍﺟﺘﻲ .... ﺍﻟﺴﺠﻴﻨﻪ ﺑﺮﻛﺒﺘﻲ ..... ﺧﻠﺺ ﺍﺟﺘﻲ ﻣﻨﻴﺘﻲ ﻭﻗﺪﺭﻱ ﺧﻠﺺ ﺑﻬﺎﻱ ﺍﻟﺪﻧﻴﺎ ﺃﻟﻲ ﻣﺸﻔﺖ ﺑﻴﻬﻪ ﺷﻲ ....
ﺍﻻﻭﻝ ﻣﺮﻩ ﺍﺣﺲ ﺍﺭﻳﺪ ﺍﻋﻴﺶ .... ﻣﺎﺍﺭﻳﺪ ﺍﻣﻮﺕ ... ﺑﺎﻭﻋﺖ ﻋﻠﻰ ﻋﻠﻲ ﺍﻟﻲ ﻭﺍﻛﻒ ﻳﺒﺎﻭﻉ ﻋﻠﻴﻪ ﻣﻦ ﻳﺬﺑﺤﻮﻧﻲ ﻭﻻﺯﻣﻪ ﻓﻴﺼﻞ ... ﻭﻋﻴﻮﻧﻲ ﺗﺘﺮﺟﺎ .. ﻭﺗﺘﻮﺳﻠﻪ ﻳﻨﻘﺬﻧﻲ ﺣﺴﻴﺖ ﺑﺤﺮﺍﺭﺓ ﺍﻟﺴﺠﻴﻨﻪ ... ﻣﻦ ﺗﺪﺧﻞ ﺭﻛﺒﺘﻲ ... ﻳﺎﺭﻳﺖ ﻟﻮ ﺟﺎﻥ ﺣﻠﻢ .... ﻧﻬﺎﻳﺘﻲ ﺍﻧﺘﻬﺖ ... ﻣﺎﺑﻴﻬﻪ ﺍﻱ ﺑﺪﺍﻳﻪ ﺑﻌﺪ
ﺗﻘﺎﻃﻌﺖ ﺃﻓﻜﺎﺭﻱ ﻭﻫﺮﺑﺖ ﻣﻨﻲ ﺣﺮﻭﻓﻲ ﻣﺎ ﺃﻋﺮﻓﻪ ﺃﻥ ﺃﻳﺎﻣﻲ ﺗﺮﻏﻤﻨﻲ ﻋﻠﻰ ﺗﺠﺮﻉ ﺍﻟﺤﺰﻥ ﻛﻠﻤﺎ ﺗﺬﻛﺮﺕ ﺗﻠﻚ ﺍﻟﻠﺤﻈﺎﺕ ﻓﺘﺄﺳﺮﻧﻲ ﻭﺗﻘﺬﻑ ﺑﻲ ﻓﻲ ﺑﺤﺮ ﻋﻤﻴﻖ ﻻ ﺳﺎﺣﻞ ﻟﻪ ﻫﺎ ﻫﻲ ﺃﻳﺎﻡ ﻋﻤﺮﻱ ﺗﺮﺣﻞ ﻣﻨﻲ ﻭﺍﻟﺸﻬﻮﺭ ﺗﺘﺴﺎﺑﻖ ﻟﺘﻐﺎﺩﺭﻧﻲ ﻭﺍﻟﺴﻨﻴﻦ ﺗﺘﺮﺍﻛﻢ ﺑﻌﻀﻬﺎ ﻓﻮﻕ ﺑﻌﺾ ﻟﺘﺘﺮﻛﻨﻲ ﺑﻘﺎﻳﺎ ﺇﻧﺴﺎﻥ ﺗﻘﺬﻓﻨﻲ ﺍﻷﻗﺪﺍﺭ ﻭﻳﻘﺴﻮ ﻋﻠﻰ ﺍﻟﺰﻣﺎﻥ ﺭﻏﻢ ﺃﻧﻲ ﺍﺭﻓﺾ ﺍﻹﻧﻜﺴﺎﺭ ﺻﺮﺧﺔ ﺻﺎﻣﺘﺔ ﻣﺰﻗﺖ ﻗﻠﺒﻲ ﻣﻌﻬﺎ ﻭﺗﻨﺰﻑ ﺩﻣﻮﻋﻲ ﺍﻟﺪﻡ، ﺍﻟﺪﻡ ﺍﻟﺬﻱ ﻫﺪﻡ ﻣﻌﻪ ﺃﺣﻼﻡ ﺍﻟﻌﻤﺮ ﺍﻟﺒﺮﻳﺌﺔ ﺃﻧﺎ ﺣﺎﺋﺮﻩ ﻻ ﺑﻞ ﺣﺎﻗﺪﻩ ﺃﻧﺎ ﺃﺣﻘﺪ ﻋﻠﻰ ﻛﻞ ﺍﻟﻈﺮﻭﻑ ﻭﻋﻠﻰ ﻛﻞ ﺍﻷﻭﻗﺎﺕ ﻭﻋﻠﻰ ﻧﻔﺴﻲ ﺍﻟﻀﻌﻴﻔﻪ ﻓﻘﺪ ﺃﻧﻜﺮﺗﻨﻲ ﺍﻟﺪﻧﻴﺎ ﻗﺒﻞ ﻻ ﺃﻋﻴﺸﻬﺎ ! ﻭﺃﺻﺒﺢ ﻛﻞ ﻣﺎ ﺣﻮﻟﻲ ﻓﻀﺎﺀ ﻣﻦ ﺍﻷﻟﻢ ﻟﻴﺖ ﺍﻷﻳﺎﻡ ﺗﻌﻮﺩ ﺇﻟﻰ ﺍﻟﻮﺭﺍﺀ ﺣﺘﻰ ﺃﻻ ﺃﻛﻮﻥ ﻫﻨﺎ
ﻫﻜﺬﺍ ﻫﻮ ﻣﺠﺘﻤﻌﻲ
ﻧﺎﻛﺮﺁ ﻟﻠﻤﺮﺃﻩ ... ﻣﺤﺎﺭﺑﺂ ﻟﻬﺎ .... ﺩﺍﺋﻤﺂ ﻫﻴﻪ ﻣﺬﻧﺒﻪ .... ﺍﻻﻑ ﺍﻟﻨﺴﺎﺀ ﻗﺘﻠﻦ ﺑﻐﻴﺮ ﺫﻧﺐ ... ﻛﺎﻥ ﺫﻧﺒﻬﻦ ﺍﻧﻬﻦ ﻭﻟﺪﻥ ﻓﻲ ﻣﺠﺘﻤﻊ ... ﻭﺿﻊ ﻗﻮﺍﻧﻴﻦ ﻣﻦ ﺫﺍﺗﻪ .... ﻗﻮﺍﻧﻴﻦ ... ﺍﻟﺮﺟﻞ ﺭﺟﻞ .. ﻭﺍﻟﻤﺮﺃﻩ ﻻ ﺷﻲﺀ
ﺣﻜﻢ ﻋﻠﻴﻪ ﺑﺎﻟﺬﺑﺢ ﺑﺄﺳﻢ ﺍﻟﺘﻘﺎﻟﻴﺪ ... ﺑﻐﺴﻞ ﺍﻟﻌﺎﺭ .. ﺍﻱ ﻋﺎﺭﺁ ﺍﺭﺗﻜﺒﺘﻪ ﻟﻜﻲ ﻳﺤﻜﻢ ﻋﻠﻴﻪ ﺑﺎﻟﺬﺑﺢ ... ﻫﻞ ﻻﻧﻲ ﺣﺎﻭﻟﺖ ﺍﻥ ﺍﺣﻤﻲ ﺍﺧﻮﺍﺗﻲ ﻭﺍﺧﻲ ..... ﻫﻞ ﻻﻧﻲ ﺍﺭﺩﺕ ﺍﻥ ﺍﺣﺎﺭﺏ ﻣﺠﺘﻤﻌﻲ ... ﻫﻞ ﻻﻧﻲ ﺍﺭﺩﺕ ﺍﻥ ﺍﻛﻮﻥ ﻗﻮﻳﻪ
ﻓﺘﺤﺖ ﻋﻴﻨﻲ .. ﻟﻜﻴﺖ ﺭﻭﺣﻲ ﺑﻐﺮﻓﺔ ﺍﻟﻨﻮﻡ .. ﻏﺮﻓﺘﻲ ﺍﻧﻲ ﻭﻋﻠﻲ ... ﻛﻤﺖ ﻣﺨﺮﻭﻋﻪ ﺑﺎﻭﻋﺖ ﻋﻠﻰ ﻧﻔﺴﻲ ﺑﺘﺮﺍﻛﺴﻮﺩﻱ ﻧﻔﺴﻪ ﺍﻟﻲ ﻣﺸﻜﻚ ﻣﻦ ﺍﻟﻀﺮﺏ ... ﺩﻧﻜﺖ ﺑﺎﻭﻋﺖ ﻋﻠﻰ ﺟﺴﻤﻲ ﻣﺪﻳﺖ ﺍﻳﺪﻱ ﻣﺰﻭﺭﻛﻪ ﻭﻣﺠﺮﺣﻪ .. ﺗﺬﻛﺮﺕ ﺍﺧﺮ ﺷﻲ ﺍﻟﺴﺠﻴﻨﻪ ﺑﺮﻛﺒﺘﻲ ﺣﺴﻴﺖ ﺑﺤﺮﺍﺭﺗﻬﻪ ﻣﻦ ﺩﺧﻠﺖ ﺟﻠﺪﻱ .. ﺗﻠﻤﺴﺖ ﻣﻠﻔﻮﻓﻪ .. ﺭﺣﺖ ﻛﺒﺎﻝ ﺍﻟﻤﺮﺍﻳﻪ ﻋﻴﻮﻧﻲ ﻣﻨﺘﻔﺨﻪ ﻭﺩﻡ ﺗﺎﺭﺱ ﻭﺟﻬﻲ ﻭﺭﻛﺒﺘﻲ
ﺍﻧﻲ ﻣﻴﺘﻪ ﻭﺭﻭﺣﻲ ﺩﺗﻤﺸﻲ ﻳﻤﻜﻦ ..... ﺣﺎﻭﻟﺖ ﺍﻓﺘﺢ ﺍﻟﺒﺎﺏ ﻣﻘﻔﻮﻝ ... ﻛﻤﺖ ﺍﺻﺮﺥ .. ﺍﻧﻲ ﻣﻴﺘﻪ ﻟﻮ ﻋﺎﻳﺸﻪ ... ﺟﺎﻭﺑﻮﻧﻲ ...
ﺍﻧﻔﺘﺢ ﺍﻟﺒﺎﺏ ... ﺷﻤﺲ .... ﺷﺒﻜﺘﻨﻲ ﻭﺗﺒﺠﻲ ﻭﺗﺤﺠﻲ ... ﻻ ﻣﻤﻴﺘﻪ ﺣﺒﻴﺒﺘﻲ .. ﺍﻟﺤﻤﺪﻟﻠﻪ ﻋﺪﺕ
ﺷﻠﻮﻥ ﻋﺪﺕ ... ﺍﻧﻲ ﺣﺴﻴﺖ ﺑﺎﻟﺴﺠﻴﻨﻪ ﺑﺮﻛﺒﺘﻲ
ﻫﺰﺕ ﺭﺍﺳﻬﻪ .. ﻻ ﻻ ﺍﻟﺤﻤﺪﻟﻠﻪ ﻋﻠﻲ ﻣﺨﻼﻫﻢ .. ﺿﺮﺏ ﺧﺎﻟﺞ ﻃﻠﻘﻪ .. ﻭﻋﺎﻓﺞ
ﻳﻌﻨﻲ ﺍﻧﻲ ﻋﺎﻳﺸﻪ .....
ﻳﺘﺒﻊ..

#حكاية_البئر

#بارت٢٤
ﻓﺘﺤﺖ ﻋﻴﻨﻲ .. ﻟﻜﻴﺖ ﺭﻭﺣﻲ ﺑﻐﺮﻓﺔ ﺍﻟﻨﻮﻡ .. ﻏﺮﻓﺘﻲ ﺍﻧﻲ ﻭﻋﻠﻲ ... ﻛﻤﺖ ﻣﺨﺮﻭﻋﻪ ﺑﺎﻭﻋﺖ ﻋﻠﻰ ﻧﻔﺴﻲ ﺑﺘﺮﺍﻛﺴﻮﺩﻱ ﻧﻔﺴﻪ ﺍﻟﻲ ﻣﺸﻜﻚ ﻣﻦ ﺍﻟﻀﺮﺏ ... ﺩﻧﻜﺖ ﺑﺎﻭﻋﺖ ﻋﻠﻰ ﺟﺴﻤﻲ ﻣﺪﻳﺖ ﺍﻳﺪﻱ ﻣﺰﻭﺭﻛﻪ ﻭﻣﺠﺮﺣﻪ .. ﺗﺬﻛﺮﺕ ﺍﺧﺮ ﺷﻲ ﺍﻟﺴﺠﻴﻨﻪ ﺑﺮﻛﺒﺘﻲ ﺣﺴﻴﺖ ﺑﺤﺮﺍﺭﺗﻬﻪ ﻣﻦ ﺩﺧﻠﺖ ﺟﻠﺪﻱ .. ﺗﻠﻤﺴﺖ ﻣﻠﻔﻮﻓﻪ .. ﺭﺣﺖ ﻛﺒﺎﻝ ﺍﻟﻤﺮﺍﻳﻪ ﻋﻴﻮﻧﻲ ﻣﻨﺘﻔﺨﻪ ﻭﺩﻡ ﺗﺎﺭﺱ ﻭﺟﻬﻲ ﻭﺭﻛﺒﺘﻲ
ﺍﻧﻲ ﻣﻴﺘﻪ ﻭﺭﻭﺣﻲ ﺩﺗﻤﺸﻲ ﻳﻤﻜﻦ ..... ﺣﺎﻭﻟﺖ ﺍﻓﺘﺢ ﺍﻟﺒﺎﺏ ﻣﻘﻔﻮﻝ ... ﻛﻤﺖ ﺍﺻﺮﺥ .. ﺍﻧﻲ ﻣﻴﺘﻪ ﻟﻮ ﻋﺎﻳﺸﻪ ... ﺟﺎﻭﺑﻮﻧﻲ ...
ﺍﻧﻔﺘﺢ ﺍﻟﺒﺎﺏ ... ﺷﻤﺲ .... ﺷﺒﻜﺘﻨﻲ ﻭﺗﺒﺠﻲ ﻭﺗﺤﺠﻲ ... ﻻ ﻣﻤﻴﺘﻪ ﺣﺒﻴﺒﺘﻲ .. ﺍﻟﺤﻤﺪﻟﻠﻪ ﻋﺪﺕ
ﺷﻠﻮﻥ ﻋﺪﺕ ... ﺍﻧﻲ ﺣﺴﻴﺖ ﺑﺎﻟﺴﺠﻴﻨﻪ ﺑﺮﻛﺒﺘﻲ
ﻫﺰﺕ ﺭﺍﺳﻬﻪ .. ﻻ ﻻ ﺍﻟﺤﻤﺪﻟﻠﻪ ﻋﻠﻲ ﻣﺨﻼﻫﻢ .. ﺿﺮﺏ ﺧﺎﻟﺞ ﻃﻠﻘﻪ .. ﻭﻋﺎﻓﺞ
ﻳﻌﻨﻲ ﺍﻧﻲ ﻋﺎﻳﺸﻪ . ﻳﻌﻨﻲ ﻣﺬﺑﺤﻮﻧﻲ ﻭﻛﻤﺖ ﺍﺑﺠﻲ ﺷﻤﺲ ﻛﺮﺻﻴﻨﻲ ﺿﺮﺑﻴﻨﻲ ﺧﺎﻑ ﺇﻧﻲ ﻣﻴﺘﻪ ﻣﻮ ﻳﻜﻮﻟﻮﻥ ﺇﻟﻲ ﻳﻤﻮﺕ ﺭﻭﺣﻪ ﺗﻤﺸﻲ ﻭﺍﻟﻠﻪ ﺣﺴﻴﺖ ﺑﺤﺮﺍﺭﺓﺍﻟﺴﺠﻴﻨﻪ ﺑﺮﻛﺒﺘﻲ .
ﻟﺰﻣﺖ ﺭﻛﺒﺘﻲ ﺭﺟﻌﺖ ﺗﺤﺴﺴﺘﻬﻪ ﻣﻠﻔﻮﻓﻪ ﺷﺒﻜﺘﻲ ﺷﻤﺲ ﻭﻛﻤﺖ ﺍﺑﺠﻲ ﺑﺤﻀﻨﻬﻪ
ﺑﻌﺪ ﻣﺎﺍﺳﺘﻮﻋﺒﺖ ﺍﻧﻮ ﺇﻧﻲ ﻋﺎﻳﺸﻪ
ﺷﻤﺲ ﺣﻴﺪﺭ ﻭﻳﻦ
ﺍﺧﺬﻭ ﺍﻫﻠﺞ
ﺣﺴﺒﻲ ﺍﻟﻠﻪ ﻋﻠﻴﻬﻢ ﺍﻟﻠﻪ ﻳﻨﺘﻘﻢ ﻣﻨﻬﻢ ﻭﻟﺞ ﺷﻤﺲ ﺟﺎﻧﺖ ﻋﻴﻮﻧﻪ ﻋﻠﻴﻪ ﺳﻮﺩﻩ ﻋﻠﻴﻪ
ﺳﻮﻳﺖ ﺑﻲ ﺇﻧﻲ . ﻭﺍﻟﻠﻪ ﻣﻮ ﻗﺼﺪﻱ
ﻭﺍﻟﻠﻪ ﻣﺤﺮﻭﻙ ﻛﻠﺒﻲ ﻋﻠﻴﻬﻢ . ﻭﺍﻟﻠﻪ ﻣﻮ ﻗﺼﺪﻱ ﺍﺃﺫﻱ
ﻛﺎﻓﻲ ﺣﺒﻴﺒﺘﻲ ﺗﺤﻤﻠﻴﻦ ﺭﻭﺣﺞ ﻣﺴﺆﻭﻟﻴﻪ ﺑﻠﻌﻜﺲ ﺍﻧﺘﻲ ﺟﺎﺯﻓﺘﻲ ﺑﺮﻭﺣﺞ ﻋﻠﻤﻮﺩ ﺍﺧﻮﺗﺞ
ﻳﻌﻨﻲ ﺣﻴﺪﺭ ﻣﺮﺍﺡ ﻳﻜﺮﻫﻨﻲ
ﻣﻴﻜﺮﻫﺞ ... ﻭﺍﻟﻠﻪ .... ﺯﻣﺰﻡ ﺍﻧﻲ ﺭﺍﺡ ﺍﺭﻭﺡ ﻭﻋﻘﻠﻲ ﺭﺍﺡ ﻳﺒﻘﻪ ﻳﻤﺞ .... ﺑﺲ ﻣﺎﺍﻛﺪﺭ ﺍﺑﻘﻪ ... ﺍﻟﻴﻮﻡ ﺟﺎﻥ ﻣﻔﺮﻭﺽ ﻣﻦ ﺍﻟﺼﺒﺢ ﺍﺭﻭﺡ ﺑﺲ ﻋﻠﻲ ﻣﻨﻌﻨﻲ ﻛﺎﻝ ﻣﺎﻛﻮ ﻃﻠﻌﻪ ﺍﺫﺍ ﻣﺎﺍﻣﺞ ﺗﺮﺟﻊ ﺯﻣﺰﻡ
ﻭﺳﺎﻣﺤﻲ ﺍﻣﻲ .. ﻣﻤﺘﻘﺼﺪﻩ ﺗﻌﻮﻓﺞ
ﺍﺩﺭﻱ ﺑﻴﻬﻪ ﻭﺍﻟﻠﻪ .. ﺍﺩﺭﻱ ﻫﻴﻪ ﺭﺍﺩﺕ ﺗﺴﺎﻋﺪﻧﻲ
ﺯﻣﺰﻡ ﺍﻛﺴﺒﻲ ﻋﻠﻲ .. ﻭﺍﻟﻠﻪ ﻳﺤﺒﺞ .. ﻟﻮ ﺷﺎﻳﻔﻪ ﺍﻟﻴﻮﻡ ﺍﻟﺼﺒﺢ ﺷﺴﻮﻩ .... ﻣﻦ ﺩﺭﻩ ﺍﻧﺘﻲ ﺍﻧﻬﺰﻣﺘﻲ .. ﺗﻌﺎﺭﻙ ﻭﻳﺎﻫﻢ ﻛﻠﻬﻢ ﻭﺍﻧﺒﻬﻢ
ﺍﻧﻲ ﻣﻄﻠﻌﺖ ﺑﺴﺒﺒﻬﻢ ... ﻃﻠﻌﺖ ﺑﺴﺒﺒﻪ ... ﺃﺫﺍﻧﻲ ﺑﻜﻼﻣﻪ ﺣﻴﻞ .... ﻭﺍﺫﺍﻧﻲ ﺑﻮﻋﻮﺩﻩ ﺍﻟﻲ ﻳﺨﻠﻒ ﺑﻴﻬﻦ ... ﺟﻨﺖ ﻣﺴﺘﻌﺪﻩ ﺍﻋﻴﺶ ﺧﺪﺍﻣﻪ ﺟﻮﻩ ﺭﺟﻠﻴﻪ ﺑﺲ ﻳﺠﻤﻌﻨﻲ ﺑﺨﻮﺍﺗﻲ .... ﻭﺍﻟﻠﻪ ﻣﺎﺍﺭﻳﺪ ﺍﻱ ﺷﻲ .. ﺑﺲ ﺧﻮﺍﺗﻲ .. ﻭﺍﺧﻮﻳﻪ ...
ﺯﻣﺰﻡ ﺍﻧﺘﻲ ﺷﻤﺪﺭﻳﺞ ﻣﻤﺮﺗﺎﺣﻴﻦ ﻫﻨﺎﻙ .. ﻋﻮﻓﻲ ﻫﺎﻱ ﺍﻟﺴﻮﺍﻟﻒ
ﻛﻠﺒﻲ ﻳﻜﻠﻲ ﻣﻤﺮﺗﺎﺣﻴﻦ ... ﻭﺍﻟﻠﻪ ﻣﻤﺮﺗﺎﺣﻴﻦ ﺷﻤﺲ
ﻫﺎ ﺯﻣﺰﻡ ... ﻫﻢ ﺭﺟﻌﺘﻲ .. ﻭﻟﺞ ﺍﻧﺘﻲ ﺑﻤﻌﺠﺰﻩ ﺍﻟﻴﻮﻡ ﻋﺸﺘﻲ . . ﻛﺎﻓﻲ ﻋﻮﻓﻲ ﺧﻮﺍﺗﺞ ﻋﺎﻳﺸﺎﺕ ﻣﺎﺑﻴﻬﻦ ﺷﻲ ... ﻋﻴﺸﻲ ﺍﻧﺘﻲ
ﻫﺬﺍ ﻫﻮﻩ ﺳﻜﺘﺖ .. ﻭﻛﻌﺪﺕ .. ﺗﻮﺑﻪ ﺍﺫﺍ ﺍﻃﻠﻊ ﻭﺍﻟﻠﻪ ... ﺑﺲ ﺭﺍﺡ ﺍﺩﻋﻲ ﺍﻟﻠﻪ ﻳﺠﻤﻌﻨﻲ ﺑﺨﻮﺍﺗﻲ ﻭﻳﺤﻨﻦ ﻛﻠﺐ ﻋﻠﻲ ﻋﻠﻴﻬﻢ
ﻋﻮﻓﻲ ﺍﻟﻤﻮﺿﻮﻉ ﺯﻣﺰﻡ ﻭﺍﻟﻠﻪ ﻋﻠﻲ ﻳﺤﺒﺞ
ﺍﻱ ﺣﺐ ﻫﺬﺍ ﻳﻤﻌﻮﺩﻩ .. ﻋﻠﻲ ﻟﻮ ﻳﺤﺒﻨﻲ ﻣﺠﺎﻥ ﺧﺎﺑﺮ ﺧﻮﺍﻟﻲ ﻭﻋﻤﻲ
ﻟﺞ ﻣﺨﺎﺑﺮﻫﻢ ﻭﺍﻟﻠﻪ .. ﻭﻛﻒ ﻋﻠﻰ ﺭﺍﺳﻲ ﻭﻛﻠﻲ ﻛﻮﻟﻲ ﺍﻻﻣﺞ ﻫﻴﺞ ﻣﻦ ﺍﻭﻝ ﻣﺪﺭﻩ ﺑﻴﺞ ﻣﺎﻛﻮ ... ﺟﺎﻥ ﻗﺼﺪﻩ ﻳﺨﻮﻓﺞ ﻭﻳﺨﻮﻑ ﺍﻣﻲ ﺣﺘﻰ ﺗﺮﺟﻌﻴﻦ ... ﺑﺲ ﻫﺬﺍ ﻓﻴﺼﻞ ﺍﻟﺤﻘﻴﺮ ﺧﺎﺑﺮ ﻋﻠﻴﻬﻢ ... ﺣﺘﻰ ﻋﻠﻲ ﺗﻀﺎﺭﺏ ﻭﻳﺎ ....
ﺣﻨﻪ ﻧﺤﺠﻲ ﺩﻙ ﻣﻮﺑﺎﻳﻞ ﺷﻤﺲ ... ﻫﺎﻱ ﺍﻣﻲ ﻳﻠﻠﻪ ﺭﺍﺡ ﺍﺭﻭﺡ ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ
ﻭﻫﻤﺎﻡ ... ﺭﺍﺡ ﺗﻌﻮﻓﻲ .... ﺷﻠﻮﻥ ﺧﻼﺝ
ﻫﻤﺎﻡ ﺑﺎﻟﻨﺴﺒﻪ ﺍﻟﻲ ﺻﻔﺤﻪ ﻭﺭﺍﺡ ﺍﻃﻮﻳﻬﻪ ﻣﻦ ﺣﻴﺎﺗﻲ .. ﺗﻨﺪﻣﺖ ﻻﻥ ﻣﺴﻤﻌﺖ ﻛﻼﻡ ﺍﻣﻲ ... ﺍﺑﺪ ﻣﺎﺍﻧﺴﻬﻪ ﻛﻼﻣﻬﻪ ﻫﻴﻪ ﻭﺑﺎﺑﺎ .. ﻭﻫﻤﺎﻡ ﻣﻴﺪﺭﻱ ﺭﺍﺡ ﺍﻋﻮﻓﻪ ﺑﺲ ﻣﻦ ﺍﻭﺻﻞ ﻳﻢ ﺍﻣﻲ ﻭﺍﺑﻮﻳﻪ ﻣﺮﺍﺡ ﻳﻜﺪﺭ ﻳﺘﻘﺮﺑﻠﻲ
ﻟﻴﺶ ﻫﻮ ﻭﻳﻦ
ﻏﻴﺮ ﻋﻠﻲ ﺍﺧﺬﻭ ﺍﻟﺸﺮﻃﻪ ﻻﻥ ﺿﺮﺏ ﺧﺎﻟﺞ ﻃﻠﻘﻪ ﻭﻛﻠﻬﻢ ﻫﻨﺎﻙ
ﻋﺰﺯﻩ ﺑﻌﻴﻨﻲ ... ﻳﻌﻨﻲ ﻋﻠﻲ ﺭﺍﺡ ﻳﻨﺴﺠﻦ ... ﺷﻤﺲ ﺍﻧﻲ ﺷﺴﻮﻳﺖ .... ﺟﺎﻧﺖ ﺣﺘﻰ ﻣﺎﺑﻴﻪ ﺣﻴﻞ ﺍﺑﺠﻲ .. ﻣﺪﺭﻱ ﺩﻣﻮﻋﻲ ﺧﻠﺼﻦ ... ﺧﻠﺼﻦ ﻋﻠﻰ ﻋﻤﺮﻱ ﺍﻟﻲ ﻣﺘﻬﻨﻴﺖ ﺑﻲ ﺍﺑﺪ .... ﺭﺍﺣﺖ ﺷﻤﺲ ... ﺗﻤﺪﺩﺕ ﺑﺎﻟﻜﺎﻉ ﻳﻢ ﺍﻟﺒﺎﺏ ..
ﻭﺍﻓﻜﺮ ﻣﻨﻮ ﺍﻟﻐﻠﻂ ... ﺍﻧﻲ .. ﻟﻮ ﺍﻟﺪﺍﻳﺮ ﻣﺪﺍﻳﺮﻱ ... ﺍﻧﻲ ﻭﺍﺣﺪ ﻭﻫﻤﻪ ﻫﻮﺍﻱ .... ﻣﻌﻨﺎﻫﻪ ﺍﻧﻲ ﺍﻟﻐﻠﻂ .. ﺍﻧﻲ ﺷﻨﻮ ... ﺍﻧﻲ ﻣﻨﻮ .... ﻟﻴﺶ ﻫﻴﺞ ﺳﻮﻳﺖ ﻭﺷﻮﻛﺖ .... ﻟﻴﺶ ﻣﻮ ﻫﺬﺍ ﺣﻠﻢ ﻛﻠﻪ ﻭﺍﺻﺤﻪ ﻣﻨﻪ
ﻟﻴﺶ ﻣﻮ ﻛﺎﺑﻮﺱ ﺍﺳﻮﺩ .... ﻭﻫﺴﻪ ﺍﻣﻲ ﺗﻜﻮﻣﻨﻲ ﻣﻨﻪ .. ﻏﻤﻀﺖ ﻋﻴﻮﻧﻲ .. ﺍﻟﻲ ﺣﺘﻰ ﻣﻦ ﺍﻏﻤﻀﻬﻦ ﺍﺣﺲ ﺑﻮﺟﻊ ﺑﻴﻬﻦ ﻣﻦ ﺍﻟﻀﺮﺏ ... ﺍﺧﺎﻑ ﺍﺑﺎﻭﻉ ﻋﻠﻰ ﻭﺟﻬﻲ
ﻧﻮﺭﻳﻪ / ﺯﻣﺰﻡ .. ﻭﻟﺞ ﺯﻣﺰﻡ ﻛﻮﻣﻲ ﻟﺘﺸﻠﻌﻴﻦ ﻛﻠﺒﻲ
ﻛﻮﻣﻲ ﺧﻞ ﻧﺘﻌﺸﻪ ﻫﻮﺍﻱ ﺗﻨﺎﻣﻴﻦ ... ﺍﺑﺘﺴﻤﺖ ... ﻭﺭﺍﻫﻪ ﺑﺠﻴﺖ ﺑﺼﻮﺕ ﺑﺪﻭﻥ ﺩﻣﻮﻉ ... ﺣﺘﻰ ﺍﻟﺪﻣﻮﻉ ﺍﻟﻲ ﺟﺎﻧﺖ ﺗﺨﻔﻒ ﻣﻦ ﻭﺟﻌﻲ ﺭﺍﺣﺖ ﺍﺧﺘﻔﺖ ﺗﺠﺮﺩﺕ ﻣﻨﻲ ... ﺑﻘﻴﺖ ﻣﻐﻤﻀﻪ ﻭﺍﺑﺠﻲ ﺑﺼﻮﺕ .. ﺗﻌﺒﺖ ﻣﺎﻋﻨﺪﻱ ﺍﻱ ﻗﺎﺑﻠﻴﻪ ﻇﻠﻴﺖ ﻓﺘﺮﻩ ﻋﻠﻰ ﻧﻔﺲ ﻧﻮﻣﺘﻲ ﻭﺍﺗﺨﺎﻳﻞ ﺍﻣﻲ
ﻓﺠﺄﻩ ﺍﻧﻔﺘﺤﺖ ﺍﻟﺒﺎﺏ ...... ﻭﺍﻧﻲ ﻣﻐﻤﻀﻪ ﺳﻤﻌﺖ ﺍﻡ ﻋﻠﻲ ... ﻭﻳﻨﺞ ... ﻧﺎﻳﻤﻪ ... ﻣﺘﻬﻨﺎﻳﻪ .. ﻭﺍﺑﻨﻲ ﺑﺎﻟﺴﺠﻮﻥ ﻣﻦ ﻭﺭﺍﺝ .... ﺟﺮﺗﻨﻲ ﻣﻦ ﺍﻳﺪﻱ ﻛﻮﻣﺘﻨﻲ .... ﻛﻮﻣﻲ ﺍﺭﺗﺎﺣﻴﺘﻲ .. ﻓﺎﻫﺖ ﺩﻭﺩﺗﺞ ... ﻫﺎﻱ ﺍﺑﻨﻲ ﺍﻧﺴﺠﻦ ﻣﻦ ﻭﺭﺍﺝ ..
ﻭﺗﺠﺮﺟﺮ ﺑﻴﻪ ﻭﺗﻀﺮﺑﻨﻲ ﻋﻠﻰ ﺟﺘﻔﻲ
ﺣﺎﻭﻟﻦ ﺍﻧﻬﺎﺭ ﻭﺣﻮﺭﺍﺀ ﻭﺭﺳﻞ ﻳﻮﺧﺮﻧﻬﻪ
ﺍﻡ ﻋﻠﻲ / ﻋﻮﻓﻨﻲ .... ﻭﻟﺠﻦ ﻫﺎﻱ ﺿﻴﻌﺖ ﺍﺑﻨﻲ ﻣﻨﻲ ... ﺍﺭﺗﺎﺣﻲ ﻳﺰﻣﺰﻭﻭﻭﻡ ﺍﺭﺗﺎﺣﻲ ... ﻫﺎﻱ ﺍﺑﻨﻲ ﺭﺍﺡ ﻣﻨﻲ
ﺭﺳﻞ / ﻛﺎﻓﻲ ﺍﻟﻠﻪ ﻳﺨﺎﻳﺞ ﻃﻠﻌﻲ ﻣﻦ ﺣﻴﺎﺗﻨﺎ ... ﺗﻌﺒﻨﻪ ﻭﺍﻟﻠﻪ ﺗﻌﺒﻨﻪ
ﺍﻡ ﻋﻠﻲ / ﺗﺘﺮﺟﻴﻬﻪ ﺍﻟﻤﻦ ... ﺷﻮ ﻋﻮﻓﻨﻲ .. ﻭﺩﻓﻌﺘﻬﻦ ﻭﺟﺮﺗﻨﻲ ﻣﻦ ﺍﻳﺪﻱ .. ﺍﻣﺸﻲ ... ﺍﻣﺸﻲ ﻃﻠﻌﻲ ... ﻣﺎﺍﻗﺒﻞ ﻳﻮﻡ ﻭﺍﺣﺪ ﺗﺒﻘﻴﻦ ﺑﻴﺘﻲ ﺑﻌﺪ ... ﻫﺠﻤﺘﻴﻠﻲ ﺑﻴﺘﻲ ﺍﻟﻠﻪ ﻳﻬﺠﻤﺞ .
ﺣﺎﻭﻟﺖ ﺍﺩﻓﻊ ﺍﻳﺪﻫﻪ .... ﻻﻥ ﺗﺴﺤﺒﻨﻲ ﻣﻦ ﺍﻟﻐﺮﻓﻪ
ﻭﺧﺮﻱ ﻋﻤﻪ .. ﻣﺎﺍﻃﻠﻊ ﻭﺍﻟﻠﻪ
ﺗﻄﻠﻌﻴﻦ .... ﻭﺍﻟﻠﻪ ﺍﻟﻴﻮﻡ ﺗﻄﻠﻌﻴﻦ ﻣﻦ ﺑﻴﺘﻲ ...
ﻭﻳﻦ ﺍﺭﻭﺡ ﻣﺎﻋﻨﺪﻱ ﺍﺣﺪ
ﻭﻳﻦ ﻣﺘﺮﻭﺣﻴﻦ ﺭﻭﺣﻲ .. ﻋﺴﺎ ﻣﺎ ﺍﻟﺠﻬﻨﻢ .... ﺑﻴﺘﻲ ﻳﺘﻌﺬﺭﺝ ...
ﻣﺎﺍﻃﻠﻊ ﻣﻨﺎ ﻭﺍﻟﻠﻪ ... ﻣﺎﻋﻨﺪﻱ ﺍﺣﺪ ﻭﺍﻟﻠﻪ . ﺍﻟﻠﻪ ﻳﺨﻠﻴﺞ ﻭﺍﻟﻠﻪ ﻳﺬﺑﺤﻮﻧﻲ
ﺗﻨﺰﻟﻨﻲ ﻣﻦ ﺍﻟﺪﺭﺝ ﻭﺍﻧﻲ ﺍﺗﻮﺳﻞ ﺑﻴﻬﻪ ﻭﺍﺣﺎﻭﻝ ﺍﻭﺧﺮﻫﻪ ﺑﺲ ﺍﺍﻛﺪﺭ ﻻﻥ ﺟﺴﻤﻲ ﻛﻠﻪ ﻳﻮﺟﻌﻨﻲ

ﻭﻫﻴﻪ ﺑﺲ ﺗﺼﻴﺢ ... ﺍﺑﻨﻲ ﺍﻧﺴﺠﻦ ﻣﻦ ﻭﺭﺍﺝ .. ﺍﻟﻠﻪ ﻳﻄﻠﻊ ﺣﻮﺑﺘﻲ ﺑﻴﺞ .. ﺭﺍﺡ ﺗﺤﺮﻣﻴﻨﻲ ﻣﻦ ﺍﺑﻨﻲ ﻳﺎ ﻛﺢ .... ﻳﺎ ﺳﺎ .... ﻳﺎ ﺑﺘﺎﻟﺸﻮﺍﺭﻉ ﻣﺒﻘﺖ ﻛﻠﻤﻪ ﻣﺤﺠﺘﻬﻪ ...
ﻭﺑﻴﺒﻲ ﺟﺎﻧﺖ ﻭﺍﻛﻔﻪ ﻳﻢ ﺍﻟﺪﺭﺝ ... ﺑﺲ ﺑﻴﺒﻲ ﻻ ﺣﻮﻝ ﻭﻻ ﻗﻮﻩ ﺍﻟﻬﻬﻪ ﺟﺎﻧﺖ ﺍﻡ ﻋﻠﻲ ﺣﻴﻞ ﻗﻮﻳﻪ ﺷﻤﺮﺗﻨﻲ ﺑﺮﻩ ﺍﻟﺒﻴﺖ ﺣﺎﻓﻴﻪ ... ﺑﺪﻭﻥ ﺍﻱ ﺷﻲ ﻳﺴﺘﺮﻧﻲ .... ﺣﺘﻰ ﻛﺮﻋﻴﺘﻲ ﻣﻜﺸﻮﻓﻪ .. ﺑﺪﻭﻥ ﺍﻱ ﺭﺣﻤﻪ
ﻭﺍﻟﺠﺮﺡ ﺍﻟﻲ ﺑﺮﻛﺒﺘﻲ ﻳﻨﻐﺰ ﺑﻴﻪ .... ﻭﻛﻔﺖ ﻳﻢ ﺍﻟﺒﺎﺏ .. ﻋﻤﻪ ﺍﻟﻠﻪ ﻳﺨﻠﻴﺞ ﻓﺘﺤﻴﻠﻲ ﺍﻟﺒﺎﺏ ﻭﺍﻟﻠﻪ ﻣﺎﻋﻨﺪﻱ ﺍﺣﺪ ... ﻭﺍﻟﻠﻪ ﻣﺎﺍﻧﺪﻝ ﺍﻱ ﻣﻜﺎﻥ
ﻋﺴﺎﺝ ﻣﻨﺪﻟﻴﺘﻲ .... ﺭﻭﺣﻲ .. ﻛﺎﻓﻲ .. ﺗﺤﻤﻠﺖ ﻫﻮﺍﻱ .... ﺍﺑﻨﻲ .. ﻋﺴﺎﺝ ﺿﻌﺘﻲ ﻣﺜﻞ ﻣﻀﻴﻌﺘﻲ ﺍﺑﻨﻲ
ﺑﻴﺒﻲ ﺳﺎﻋﺪﻳﻨﻲ ..
ﻭﺍﻟﻠﻪ ﻣﺎﻋﻨﺪﻱ ﻏﻴﺮﻛﻢ ...
..... ﺳﻜﺘﺖ ﻭﻛﻌﺪﺕ ﻋﻞ ﺩﺟﻪ ﻣﺎﻝ ﺑﺎﺏ ﻭﺧﻠﻴﺖ ﺭﺍﺳﻲ ﺑﻴﻦ ﺭﺟﻠﻴﻪ ﺟﺎﻧﺖ ﺍﻟﺪﻧﻴﺎ ﻇﻠﻤﻪ ﺣﺘﻰ ﻣﺎﺍﻋﺮﻑ ﺑﻴﺶ ﺍﻟﺴﺎﻋﻪ
ﻓﺠﺄﻩ ﺣﺴﻴﺖ ﺻﻮﺕ ﺑﻴﺒﻴﻲ ﻛﺎﻣﺖ ﺗﺘﺼﺎﻳﺢ ﻭﻳﻪ ﺍﻡ ﻋﻠﻲ
ﻣﺪﺍﺳﺘﻮﻋﺐ ﺍﻟﻲ ﺻﺎﺭ ﻛﻠﻪ ﺣﻠﻢ ﻟﻮ ﺣﻘﻴﻘﻪ .... ﺍﺭﻳﺪ ﻳﻜﻮﻥ ﺣﻠﻢ ﻭﺍﻣﻲ ﺗﺼﺤﻴﻨﻲ ﻣﻨﻪ ..... ﺗﻌﺎﻟﻲ ﺻﺤﻴﻨﻲ ﻳﺎ ﻳﻤﻪ ...
ﻳﻤﻪ ﺗﻌﺎﻟﻲ ﺻﺤﻴﻨﻲ .... ﻳﻤﻪ ﺗﻌﺎﻟﻲ ﺻﺤﻴﻨﻲ ..... ﻳﻤﻪ ﺗﻌﺎﻟﻲ ﻭﻛﻤﺖ ﺍﻫﺰ ﺑﺠﺴﻤﻲ .. ﻳﻤﻪ ﺗﻌﺎﻟﻲ ﺻﺤﻴﻨﻲ ... ﻳﻤﻪ ﺗﻌﺎﻟﻲ ﺻﺤﻴﻨﻲ
ﺣﺴﻴﺖ ﺑﻨﻔﺴﻲ ﺑﻬﺎﻟﻠﺤﻈﻪ ﻣﺠﻨﻮﻧﻪ .... ﻛﻤﺖ ﺍﺣﺠﻴﻬﻪ .....
ﺗﺨﻴﻠﻮ ﻭﻳﺎﻳﻪ ﺑﻨﻴﻪ ﻛﺮﻋﻪ ﻭﺣﺎﻓﻴﻪ ﻭﻣﻼﺑﺴﻬﻪ ﻣﻌﺒﺎﻳﻪ ﺩﻡ ﺻﺢ ﻣﻐﻄﻲ ﺍﻟﺪﻡ ﺍﻟﺴﻮﺍﺩ ﺑﺲ ﺟﺎﻥ ﻭﺟﻬﻲ ﻭﺍﻳﺪﻱ ﺑﻴﻬﻪ ﺑﻘﺎﻳﺎ ﺩﻡ ﻳﺎﺑﺲ ﻭﺗﺮﺩﺩ ﻛﻠﻤﺎﺕ ﻋﻠﻰ ﺷﻜﻞ ﺍﻏﻨﻴﻪ .......
ﻭﻳﻦ ﺍﺭﻭﺡ .... ﻭﻳﻦ ... ﻣﺎﻋﻨﺪﻱ ﺍﺣﺪ .... ﺷﺴﻮﻱ .. ﻋﻘﻠﻲ ﻭﻛﺎﻧﻤﺎ ﺩﻭﺩﻩ ﺗﻜﺮﺹ ﺑﻲ .. ﻛﺎﻡ ﻳﻮﺟﻌﻨﻲ
ﻣﺎﺍﻧﺪﻝ ﺑﻴﺖ ﺍﻡ ﺷﻤﺲ ﻭﻻ ﻋﻨﺪﻱ ﺍﻱ ﻭﺳﻴﻠﻪ ﺍﺗﺼﻞ ﺑﻴﻬﻪ .. ﺍﺫﺍ ﺗﺤﺮﻛﺖ ﻣﻦ ﻫﺬﺍ ﺍﻟﺒﺎﺏ ﻣﺎﺍﻧﺪﻝ ﺍﺭﺟﻊ ﺑﻌﺪ ﻭﻻ ﺍﻧﺪﻝ ﺍﺭﻭﺡ ﺍﻝ ﻋﻤﻲ ﻭﻻ ﺧﻮﺍﻟﻲ ﺍﻟﻲ ﺍﺻﻼ ﺍﺫﺍ ﺷﺎﻓﻮﻧﻲ ﻳﺬﺑﺤﻮﻧﻲ ....
ﻭﺷﻠﻮﻥ ﻣﻦ ﻳﻄﻠﻊ ﻋﻠﻴﻪ ﺍﻟﺼﺒﺢ ... ﻭﺍﻧﻲ ﻣﺎﻛﻮ ﺷﻲ ﻳﺴﺘﺮﻧﻲ .... ﻭﻛﺮﻋﺘﻲ ﻃﺎﻟﻌﻪ .....
ﺗﻤﻨﻴﺖ ﺑﻬﺎﻟﻠﺤﻈﻪ .. ﺍﻟﺴﺠﻴﻨﻪ ﻓﺎﺻﻠﻪ ﺭﺍﺳﻲ ﻋﻦ ﺟﺴﻤﻲ .... ﻟﻤﺖ ﺭﻭﺣﻲ ﺍﻟﻲ ﺍﺷﺘﻬﺖ ﺗﻌﻴﺶ .... ﻋﻠﻰ ﺷﻨﻮ ﺍﺷﺘﻬﻴﺖ ﺍﻋﻴﺶ ﻭﺍﻧﻲ ﻣﺎﻟﻲ ﻭﻃﻦ ﻳﺴﻨﺪﻧﻲ
ﻋﺎﻳﺸﻪ ﺑﻮﻃﻨﻲ ﺑﺪﻭﻥ ﻣﻮﻃﻦ .. ﺩﺭﺕ ﻭﺟﺨﻲ ﻋﻞ ﺑﻴﺖ ﻭﺩﻣﻌﺘﻲ ﻋﻠﻰ ﺧﺪﻱ ... ﺑﺎﻭﻋﺖ ﻋﻞ ﺳﻤﻪ ... ﻳﺎﺭﺏ ﺳﺎﻋﺪﻧﻲ ﻫﺎﻟﻤﺮﻩ ... ﺑﺲ ﻫﺎﻟﻤﺮﻩ ... ﻭﺍﻟﻠﻪ ﻣﺎﺍﺳﻮﻱ ﺷﻲ ﺑﻌﺪ ... ﻭﺍﻟﻘﺮﺍﻥ .... ﻭﺍﻟﻠﻪ ﻣﺎﺍﺗﻌﺎﻓﻰ ...
ﺟﺎﻧﺖ ﺑﻤﻘﺎﺑﻞ ﺑﻴﺖ ﻋﻠﻲ ﻗﻄﻌﻪ ﻓﺎﺭﻏﻪ ﻣﺎﺑﻴﻬﻪ ﺷﻲ ... ﺣﺴﻴﺖ ﻟﻤﺤﺖ ﺷﻲ ﺑﻴﻬﻪ ﻭﻛﺎﻧﻤﺎ ﺷﺨﺺ ... ﺍﺣﺲ ﺭﻭﺣﻲ ﺍﺻﻄﻜﻴﺖ ﻣﻦ ﺍﻟﺨﻮﻑ .. ﻓﺘﺤﺖ ﻋﻴﻨﻲ ... ﺣﻴﻞ .... ﻳﺎﺭﺑﻲ ﺩﺧﻴﻠﻚ .. ﻋﺰﻩ ﺑﻌﻴﻨﺞ ﺯﻣﺰﻡ .....
ﻛﻤﺖ ﺍﻓﺮﻙ ﺑﻌﻴﻮﻧﻲ ﺑﺲ ﻋﻠﻰ ﺩﻳﻒ ﻻﻥ ﺗﻮﺟﻌﻨﻲ ﻣﻦ ﺍﻟﻀﺮﺏ .... ﺍﺧﺘﻔﻪ ﺍﻟﺨﻴﺎﻝ ... ﺭﺟﻊ ﺷﻔﺘﻪ ... ﺑﻬﺎﻟﻠﺤﻈﻪ ﺍﻟﺨﻮﻑ ﺍﻟﻲ ﺗﻤﻠﻜﻨﻲ ﻣﻴﻨﻮﺻﻒ ﺍﺑﺪ .... ﻛﻤﺖ ﺍﺗﺨﺎﻳﻞ ﺷﻲ ﺑﺼﻔﻲ .. ﻏﻤﻀﺖ ﻋﻴﻨﻲ ... ﻭﺍﻟﻠﻪ ﺍﻛﻮ ﺷﻲ .. ﻛﺒﻞ ﺧﻄﺮ ﺑﺒﺎﻟﻲ ﺍﻟﺠﻦ ..... ﺷﺴﻮﻱ ﺍﺭﻛﺾ ﻟﻮ ﺷﺴﻮﻱ
ﻭﺍﺫﺍ ﺭﻛﻀﺖ ﻭﻳﻦ ﺍﻧﻄﻲ ﻭﺟﻬﻲ ....... ﺗﺬﻛﺮﺕ ﻣﻦ ﻋﻠﻲ ﻭﻫﻤﺎﻡ ﻣﺮﻩ ﺣﺠﻮ ﺑﺎﻟﺠﻦ .....
ﺍﻧﻮﺏ ﻛﻞ ﺍﻳﺔ ﺑﺎﻟﻘﺮﺍﻥ ﺟﻨﺖ ﺣﺎﻓﻈﺘﻬﻪ ﺗﺒﺨﺮﺕ ﻣﻦ ﻋﻘﻠﻲ .... ﻫﺴﻪ ﺍﻧﻲ ﺍﻓﻜﺮ ﺑﻮﺿﻌﻲ ﻟﻮ ﺑﺎﻟﺠﻦ .... ﻭﺍﻟﻠﻪ ﺗﻌﺒﺖ ﻳﺎﺭﺑﻲ ...
ﺑﺤﺮﺩﺓ ﻛﻠﺒﻜﻠﺖ ... ﻳﺎﺭﺏ ﻃﻠﻊ ﺣﻮﺑﺘﻲ ﺑﻴﻬﻢ .... ﻳﺎﺭﺏ ﻭﺍﻟﻠﻪ ﻇﻠﻤﻮﻧﻲ ﻭﺍﻧﺖ ﺗﻌﺮﻑ ... ﻟﺘﺪﻯﻲ ﺟﺬﺑﺘﻲ ... ﻣﻮ ﻋﺎﻗﺒﺘﻨﻲ ﺍﻧﺖ .. ﺍﻟﺪﻧﻴﺎ ﻛﻠﻬﻪ ﺗﺠﺬﺏ ... ﺷﻮ ﻛﻠﺸﻲ ﻣﺎﺑﻴﻬﻢ .... ﻫﻴﺞ ﻛﻤﺖ ﺍﺣﺠﻲ ......
ﺷﻜﺪ ﺣﻘﺪﺕ ﻋﻠﻰ ﺍﻡ ﻋﻠﻲ .... ﺍﻟﻲ ﺳﻮﺗﻪ ﻣﺴﺘﺤﻴﻞ ﺑﺸﺮ ﻳﺴﻮﻱ .... ﺷﻜﺪ ﺑﻼ ﺿﻤﻴﺮ .... ﻟﻮ ﻣﻬﻤﺎ ﻳﻜﻮﻥ ﺍﻟﻜﺮﻩ ﺑﺲ ﻫﻴﻪ ﺗﻌﺮﻑ ﺍﻧﻲ ﻣﺎﻟﻲ ﺍﺣﺪ .. ﺷﻠﻮﻥ ﺭﺍﺡ ﻳﻜﺪﺭﻭﻥ ﺍﻟﻲ ﺑﺎﻟﺒﻴﺖ ﻳﻐﻤﻀﻮﻥ ﻋﻴﻮﻧﻬﻢ
ﺭﺟﻌﺖ ﺩﺧﻠﺖ ﺭﺍﺳﻲ ﺑﻴﻦ ﺭﺟﻠﻴﻪ .. ﻭﻏﻤﻀﺖ ﻋﻴﻨﻲ ﻻﻥ ﻣﺎﺍﺗﺤﻤﻞ ﺍﺷﻮﻑ ﺍﻟﺠﻦ .. ﻫﻮ ﺑﺲ ﻧﺎﻗﺼﻨﻲ ﺟﻦ ﺑﻌﺪ
ﺣﺴﻴﺖ ﺳﻴﺎﺅﻩ ﻃﺒﻜﺖ ﺑﺬﻳﺞ ﺍﻟﺼﻔﺤﻪ ..... ﺍﻧﻲ ﻛﻴﻔﺖ ﻛﻠﺖ ﺑﻠﻜﺖ ﻋﻤﻮ ﻫﻤﺎﻡ ﻓﻴﺼﻞ ﺍﺟﻮﻱ .. ﺍﻛﻴﺪ ﻣﻦ ﻳﺸﻮﻓﻮﻧﻲ ﺑﺎﻟﺸﺎﺭﻉ ﻣﻴﻘﺒﻠﻮﻥ ﻋﻠﻰ ﺍﻡ ﻋﻠﻲ ..
ﺑﺎﻭﻋﺖ ﺍﻟﺨﻴﺎﻝ ﻣﻮ ﺧﻴﺎﻝ .. ﺍﻟﺨﻴﺎﻝ ﻭﻟﺪ ﺷﺎﺏ .. ﻭﺍﻟﻲ ﻧﺰﻝ ﻣﻦ ﺍﻟﺴﻴﺎﺭﻩ ﺳﻴﻒ ... ﺑﺎﻭﻋﺖ ﺍﻱ ﺳﻴﻒ ..... ﺭﺍﺡ ﺍﻟﻮﻟﺪ ﺑﺎﺗﺠﺎﻩ ﺍﻟﺸﺎﺭﻉ ﻭﺳﻴﻒ ﺗﻘﺮﺑﻠﻲ
ﻫﺎ ﺯﻣﺰﻡ ..... ﻧﻢ ﺑﻌﺪﺝ ﻣﺼﺮﻩ ﻣﺎﺍﺳﺎﻋﺪﺝ
ﻣﻨﻮ ﺫﺍﻙ ﺍﻟﻲ ﺻﺎﺭ ﺳﺎﻋﻪ ﻋﺒﺎﻟﻲ ﺟﻦ
ﻫﺬﺍ ﻭﻟﺪ ﻳﺸﺘﻐﻞ ﻭﻳﺎﻳﻪ .... ﺷﺴﻮﻱ ﻋﻠﻤﻮﺩ ﺷﻮﺍﺭﺑﻲ ﻣﺎﺍﺯﻳﻨﻬﻦ ﻣﺨﻠﻴﺘﻬﻢ ﻳﺬﺑﺤﻮﺝ .... ﺍﻣﺸﻲ ﻭﻳﺎﻱ ﺯﻣﺰﻡ
ﺩﻃﻴﺮ ﺑﺎﺑﺎ ﻃﻴﺮ ... ﻭﺧﺮ ﻣﻦ ﻳﻤﻲ .... ﺗﺮﻩ ﻣﻨﺎﻗﺼﻪ ﺍﻧﻲ
ﻭﻟﺞ ﻭﻳﻦ ﻛﺎﻋﺪﻩ ﺍﻧﺘﻲ ... ﻭﻟﻮ ﻧﺴﻴﺖ ﺑﺎﻟﺸﺎﺭﻉ ..... ﻻ ﺯﻣﺰﻡ ﺍﺣﺠﻲ ﺻﺪﻙ ﻭﺍﻟﻠﻪ .. ﺍﻣﺸﻲ ﻭﻳﺎﻱ ﺧﻠﻴﻨﻲ ﺍﺳﺎﻋﺪﺝ
ﺍﻧﻲ ﻣﻮ ﻣﻦ ﺫﻧﻲ ﺍﻟﺒﻨﺎﺕ ﺍﻓﻬﻢ ... ﺷﺸﻔﺖ ﻋﻠﻴﻪ .... ﻭﺧﺮ ﺍﻟﻠﻪ ﻳﺨﻠﻴﻚ ... ﻭﻋﻔﺘﻪ ﻭﺭﺣﺖ ﻳﻢ ﺍﻟﺒﺎﺏ
ﺍﻧﺘﻲ ﻣﻮﻃﺮﺩﻭﺝ .... ﺷﻌﻨﺪﺝ ﻭﺍﺩﻓﻪ ﻫﻨﺎ
ﻫﺴﻪ ﻳﺠﻲ ﻋﻤﻮ ﻟﻮ ﺑﻠﻜﺖ ﻋﻠﻲ ﻳﻄﻠﻊ ﻣﻦ ﺍﻟﺴﺠﻦ ﻟﻮ ﻭﺍﺣﺪ ﻣﻦ ﺍﻟﻮﻟﺪ ﻭﻳﺪﺧﻠﻨﻲ ﻟﻠﺒﻴﺖ
ﻋﻠﻲ ﺃﻳﺴﻲ ﻣﻨﻪ ﻣﺎﻝ ﻳﻄﻠﻊ ﺍﻟﻴﻮﻡ
ﺍﻧﺘﻪ ﺷﻤﺪﺭﻳﻚ
ﻏﻴﺮ ﺷﻐﻠﻲ ﻫﺬﺍ ﻭﺍﻋﺮﻑ ... ﺍﻣﺸﻲ ﻟﺘﻠﺤﻴﻦ ﻫﻮﺍﻱ ... ﺑﺎﻭﻋﻲ ﻭﺿﻌﺞ ... ﺍﻟﺴﺎﻋﻪ ﺏ٣ ﺍﻟﺼﺒﺢ .... ﻭﺍﻧﺘﻲ ﺑﺎﻟﺸﺎﺭﻉ
ﺯﻣﺰﻣﺒﺎﻋﻲ ﻋﻞ ﺳﻤﻪ
ﺭﻓﻌﺖ ﺭﺍﺳﻲ ...... ﺑﺎﻋﻲ ﻭﺣﻖ ﻫﺬﺍ ﺍﻟﻠﻪ ... ﺍﻟﻲ ﻳﻜﺪﺭ ﻛﻠﺸﻲ ﻳﺴﻮﻱ ﺑﻬﺎﻱ ﺍﻟﻠﺤﻈﻪ ... ﻭﺍﻟﻠﻪ ﻧﻴﺘﻲ ﺍﺳﺎﻋﺪﺝ .... ﻭﺍﻟﻘﺮﺍﻥ ﺍﻟﻜﺮﻳﻢ ... ﻧﻴﺘﻲ ﺍﺳﺎﻋﺪﺝ .... ﻣﻮ ﺍﻛﺜﺮ
ﻫﺎﺝ ﻫﺬﺍ ﺍﻟﻤﺴﺪﺱ .... ﺍﺫﺍ ﺗﻘﺮﺑﺘﻠﺞ ... ﻟﻮ ﻃﺨﻴﺘﺞ ﻃﺨﻪ ﻭﺣﺪﻩ ﺿﺮﺑﻴﻨﻲ ﻛﺒﻞ
ﺍﻧﺖ ﻟﻴﺶ ﺗﺴﺎﻋﺪﻧﻲ ﻭﺍﻧﺖ ﻣﺘﻌﺮﻓﻨﻲ .. ﺑﺲ ﻓﻬﻤﻨﻲ
ﻭﺍﻟﻠﻪ ﻻﻥ ﻣﺤﺘﺎﺟﻪ ﻣﺴﺎﻋﺪﻩ ﻭﻣﺎﻋﻨﺪﺝ ﺍﺣﺪ ... ﺿﻤﻴﺮﻱ ﻣﻴﻨﻄﻴﻨﻲ ﺍﻋﻮﻓﺞ ﺑﺎﻟﺸﻮﺍﺭﻉ
ﺟﺬﺍﺏ . ﺍﻧﻲ ﻣﻮ ﺑﺎﻟﺸﺎﺭﻉ ﻭﺍﻧﺖ ﻣﺨﻠﻲ ﻭﺍﺣﺪ ﻳﺮﺍﻗﺒﻨﻲ
ﺧﻠﻴﺘﻪ ﻣﺆﻗﺘﻨﺂ ﺭﺩﺕ ﺍﻃﻤﺌﻦ ﻋﻞ ﻭﺿﻌﺞ ... ﻛﻠﺖ ﺧﺎﻑ ﻳﺮﺟﻌﻮﻥ ﻳﺄﺫﻭﺝ .. ﺍﻗﺼﺪ ﺍﻫﻠﺞ
ﺯﻣﺰﻡ ﺍﻣﺸﻲ ﻟﺘﻠﺤﻴﻦ .. ﺭﺍﺡ ﺍﻭﺩﻳﺞ ﺍﻟﺒﻴﺖ ﺍﺧﺘﻲ .... ﺍﺭﻣﻠﻪ ﻭﻣﺎﻋﺪﻫﻪ ﺍﺣﺪ ﺑﺲ ﺑﻨﺎﺗﻬﻪ ﻭﻭﻟﺪﻫﻪ ﻭﺍﺣﻨﻪ ﺑﻴﺘﻨﻪ ﻓﺮﻕ ﺑﻴﺘﻴﻦ ﻋﻨﻬﻪ ﻭﺍﺫﺍ ﺗﺮﻳﺪﻳﻦ ﻳﻤﻨﻪ ﺍﻣﻲ ﻣﻮﺟﻮﺩﻩ
ﻻ ﻭﺍﻟﻠﻪ ﺷﻜﺮﺁﻟﻮ

ﺗﻤﻮﺕ ﻣﺎﺍﺟﻲ ﻭﻳﺎﻙ .. ﻋﺴﻪ ﻳﺠﻲ ﻋﻤﻮ ﻭﻳﺴﻮﻳﻠﻲ ﺣﻞ
ﺍﻧﺘﻲ ﻟﻴﺶ ﺗﻌﺎﻧﺪﻳﻦ .... ﺷﻮ ﻃﺒﻚ ﻃﺐ ... ﻭﺍﻟﻠﻪ ﺣﺮﻛﺘﻲ ﺩﻣﻲ .. ﺑﺎﺑﺎ ﻣﻨﺎ ﻟﻠﺼﺒﺢ ﻳﺎﻟﻠﻪ ﻳﺠﻮﻥ ... ﺣﺎﻳﺮﻳﻦ ﺑﻴﻦ ﺧﺎﻟﺞ ﻭﺑﻴﻦ ﺍﺑﻮ ﻃﻮﻳﻠﻪ
ﻣﻨﻮﻩ ﺍﺑﻮ ﻃﻮﻳﻠﻪ ....
ﺍﻟﺮﺍﺋﺪ ﻏﻴﺮ
ﻳﺎ ﺭﺍﺋﺪ ﻫﺬﺍ
ﺭﺟﻠﺞ ﻏﻴﺮ
ﺳﻜﺘﺖ .. ﻭﺭﺟﻌﺖ ﻛﻌﺪﺕ ﻫﻞ ﺩﺟﻪ
ﻭﻟﺞ ﺍﻧﺘﻲ ﺷﻨﻮ ﺭﺍﺡ ﺗﺨﺒﻠﻴﻨﻲ ﻭﺍﻟﻘﺮﺍﻥ
ﻣﺎﺍﺟﻲ ﻭﻳﺎﻙ .. ﺍﻓﻬﻢ ﻫﺬﺍ ﺍﻟﺸﻲ .... ﺍﻧﻲ ﻣﺮﻩ ﻣﺘﺰﻭﺟﻪ .. ﻋﻮﻓﻨﻲ ﺍﻟﻠﻪ ﻳﺨﻠﻴﻚ
ﺍﻟﻲ ﻳﺴﻤﻌﺞ ﻳﻜﻮﻝ ﻃﻠﺒﺖ ﻇﻨﻂ ﺍﺳﻮﻱ ﻋﻼﻗﻪ ﻭﻳﺎﺝ .....
ﺍﻱ ... ﻃﻠﺒﺖ .. ﻻﻥ ﻣﻴﺪﺧﻞ ﺑﻌﻘﻠﻲ ﻭﻣﻴﺴﺘﻮﻋﺐ ﻋﻘﻠﻲ ... ﺍﻧﻮ ﺍﻧﺖ ﺑﺲ ﻏﺎﻳﺘﻚ ﺗﺴﺎﻋﺪﻧﻲ ... ﺭﻭﺡ ﺍﻟﻠﻪ ﻳﺨﻠﻴﻚ ﻣﻨﺎ .. ﻫﺴﻪ ﻭﺍﺣﺪ ﻣﻦ ﺍﻟﻤﻨﻄﻘﻪ ﻳﻔﺰ ﺑﺎﻟﻠﻴﻞ ﻭﻳﺸﻮﻓﻚ ﻭﺍﻛﻒ ﻳﻤﻲ ﻳﻄﻠﻌﻮﻥ ﻋﻠﻴﻪ ﺍﻟﻒ ﺍﺷﺎﻋﻪ
ﺑﻜﻴﻔﺞ .. ﻋﻮﺩ ﻋﺒﺎﻟﻲ ﺍﺟﻤﻌﺞ ﺑﺨﻮﺍﺗﺞ ﻭﺍﺧﻮﺝ .... ﺭﺍﺡ ﺗﺘﻨﺪﻣﻴﻦ ﺯﻣﺰﻡ ﻭﺍﻟﻠﻪ
ﻣﻴﺨﺎﻟﻒ ﺧﻠﻴﻨﻲ ﺍﺗﻨﺪﻡ ... ﻋﺎﺩﻱ ﺍﺻﻼ ﺍﻧﻲ ﺍﻧﺴﺎﻧﻪ ﻛﻀﺖ ﻋﻤﺮﻫﻪ ﺗﺘﻨﺪﻡ ... ﺗﻮﻛﻞ ﻋﻠﻰ ﺍﻟﻠﻪ
ﻣﺤﺴﻴﺖ ﻏﻴﺮ ﺧﻠﻪ ﺍﻟﻤﺴﺪﺱ ﺑﺮﺍﺳﻲ
ﺯﻣﺰﻡ ﺍﻣﺸﻲ ﺻﻌﺪﻱ ﺑﺎﻟﺴﻴﺎﺭﻩ
ﺷﻮﻑ .. ﻭﺍﻟﻠﻪ ﺍﻋﺮﻑ ﻏﺎﻳﺘﻚ
ﻣﻴﺨﺎﻟﻒ ﺍﻣﺸﻲ ﺻﻌﺪﻱ
ﻭﺍﻟﻠﻪ ﻣﺎﺍﺻﻌﺪ ... ﺍﺻﻼ ﺍﻧﻲ ﺗﻨﺪﻣﺖ ﻻﻥ ﺗﺸﺘﻬﻴﺖ ﺍﻋﻴﺶ ﺑﻬﺎﻱ ﺍﻟﺪﻧﻴﺎ ... ﺗﺴﻮﻱ ﻓﻀﻞ ﻫﺴﻪ ﺍﺫﺍ ﺗﻀﺮﺑﻨﻲ ﻭﺗﺨﻠﺼﻨﻲ ... ﻣﺎﻋﻨﺪﻱ ﺍﻱ ﺷﻲ ﺑﺎﻟﺪﻧﻴﺎ ﻳﺴﻮﻩ ﺍﻋﻴﺶ .. ﻏﻴﺮ ﺑﺲ ﺷﺮﻓﻲ ... ﻭﻣﺎﺍﻧﻄﻲ ﺍﺑﺪ
ﻟﺢ ﺑﺎﺑﺎ .. ﻛﺘﻠﺞ ... ﻣﻮ ﺍﻟﻲ ﺑﻌﻘﻠﺞ ﻭﺍﻟﻠﻪ ...
ﻋﻔﻴﻪ ﺍﻟﻠﻪ ﻳﺨﻠﻴﻜﺮﻭﺡ .. ﻫﻴﻪ ﻛﻮﻩ ﺍﻧﻲ ﻣﺎﺍﺭﻳﺪ ﻣﺴﺎﻋﺪﺗﻚ ... ﺭﻭﺡ ﺍﻟﻠﻪ ﻳﺨﻠﻴﻚ ﻫﺴﻪ ﻳﺠﻮﻥ ﻭﺭﺍﺡ ﺗﻄﻠﻊ ﻋﻠﻴﻪ ﺳﻤﻌﻪ ... ﺍﻟﻠﻪ ﻳﺨﻠﻴﻚ ﺭﻭﺡ .. ﺍﻧﻲ ﻣﺎﺍﺗﺤﺮﻙ ﻣﻦ ﻫﺬﺍ ﺍﻟﺒﺎﺏ ﺍﺑﺪ .... ﺍﺫﺍ ﻃﻠﻌﺖ ﻣﻨﻪ ﺭﺍﺡ ﺍﺧﺴﺮ ﺍﻭﻝ ﺷﻲ ﺷﺮﻓﻲ ... ﻭﺍﺧﺴﺮ ﺍﺧﻮﺍﻧﻲ
ﻣﺎﺍﻋﺮﻑ ﻣﻨﻴﻦ ﻃﻠﻌﻠﻲ ﺳﻴﻒ .... ﻭﻣﺎﺍﻋﺮﻑ ﻏﺎﻳﺘﻪ ... ﻭﺣﺘﻰ ﺍﺫﺍ ﺟﺎﻧﺖ ﻏﺎﻳﺘﻪ ﻣﺴﺎﻋﺪﺗﻲ .. ﺑﺲ ﻫﻢ ﻣﺎﺍﺭﻭﺡ ﻭﻳﺎ .... ﻟﻠﺪﺍﻥ ﺍﻋﺮﻑ ﺑﻤﺠﺮﺩ ﺍﺧﻠﻲ ﺭﺣﻠﻲ ﺑﺴﻴﺎﺭﺗﻪ ﺍﺧﺴﺮ ﺷﺮﻓﻲ .... ﻭﺳﻤﻌﺖ ﺍﻫﻠﻲ .... ﻭﺍﺧﺴﺮ ﺧﻮﺍﺗﻲ ﻭﺍﺧﻮﻳﻪ .. ﻭﺍﺑﻘﻪ ﺍﻟﻬﻢ ﺑﺼﻤﺔ ﻋﺎﺭ
ﻳﻌﻨﻲ ﻣﺎﺑﻴﺞ ﻣﺠﺎﻝ ... ﺭﺍﺡ ﻟﻠﺴﻴﺎﺭﻩ ... ﻫﺎﺝ ﺭﻗﻤﻲ ﻫﺎﻟﻤﺮﻩ ﺿﻤﻲ . . ﺑﺮﻭﺡ ﺍﻣﺞ ﻭﺑﺪﺍﻋﺔ ﺧﻮﺍﺗﺞ ﺍﺫﺍ ﺿﺎﻛﺖ ﺑﻴﺞ ﺍﻟﺪﻧﻴﺎ ﻭﻣﻠﻜﻴﺘﻲ ﺍﺣﺪ .. ﺧﺎﺑﺮﻳﻨﻲ .... ﺑﺎﻋﻲ ﻟﻠﺴﻤﻪ ... ﻭﺣﻖ ﻫﺬﺍ ﺍﻟﻠﻪ ﻏﺎﻳﺘﻲ ﺍﺳﺎﻋﺪﺟﻼ ﺍﻛﺜﺮ ﻭﻻ ﺍﻗﻞ ﻋﺪﺗﻬﻪ ﺧﺎﻑ ﻣﺘﺼﺪﻛﻴﻨﻲ ...
ﺍﺧﺬﺕ ﺍﻟﺮﻗﻢ ﻣﻨﻪ ....
ﺭﺍﺡ ﺍﻭﻛﻔﻠﺞ ﻫﻨﺎﻙ .. ﺑﺎﻟﺴﻴﺎﺭﻩ ﻭﻟﺘﺨﺎﻓﻴﻦ ﻣﺎﺍﺧﻠﻲ ﺍﺣﺪ ﻳﺸﻮﻓﻨﻲ ... ﺍﻟﻰ ﺍﻥ ﺗﻈﺨﻠﻴﻦ ﺍﻟﺒﻴﺖ ﻳﺎﻟﻠﻪ ﺍﻛﺪﺭ ﺍﺭﻭﺡ
ﺑﻌﺪ ﺍﻟﺴﻴﺎﺭﻩ ﻭﻛﻌﺪ ﺑﻴﻬﻪ ... ﺭﺟﻌﺖ ﻛﻌﺪﺕ ﺑﻤﻜﺎﻧﻲ ... ﻭﺍﻧﻲ ﺍﺳﺄﻝ ﺭﻭﺣﻲ ﻣﻌﻘﻮﻟﻪ ﺍﻛﻮ ﻫﻴﺞ ﺑﺸﺮ .... ﻭﺍﻟﻠﻪ ﻣﺎﺍﺻﺪﻙ ... ﻣﺎﺍﺻﺪﻙ
ﻫﻮ ﺍﻟﺸﺎﻳﺐ ﺃﺫﺍﻧﻲ ﺷﺘﻮﻗﻊ ﻣﻦ ﺍﻟﺸﺎﺏ
ﺿﻠﻴﺖ ﻛﺎﻋﺪﻩ .. ﺣﺘﻰ ﺩﻣﻮﻋﻲ ﻧﺸﻔﻦ .. ﺍﻧﻜﺴﺮ ﻇﻬﺮﻳﻮﺍﺑﺎﻭﻉ ﻋﻞ ﺑﻴﺖ ﻃﺎﻓﻴﻪ ﻛﻠﻮﺑﺎﺗﻪ ... ﺷﻨﻮ ﻣﻦ ﻭﺣﺸﻴﻪ ﻋﺪﻫﻢ ﻛﻠﻬﻢ ... ﻛﻞ ﻧﻔﺮ ﻣﻮﺟﻮﺩ ﺑﺎﻟﺒﻴﺖ ... ﺑﺎﻟﻨﺴﺒﻪ ﺍﻟﻲ ﻭﺣﺶ
ﺷﻔﺖ ﺳﻴﺎﺭﻩ ﺩﺧﻠﺖ ﺍﻟﻔﺮﻉ ﺗﺄﻣﻠﺖ ﻫﻤﻪ .. ﻭﺑﺎﻟﻔﻌﻞ ﻫﻤﻪ ..... ﻣﻦ ﺻﺎﺭﻭ ﻗﺮﻳﺐ ... ﺑﺎﻭﻋﺖ ﻋﻠﻰ ﺳﻴﻒ ﺍﺧﺘﻔﻪ ﻣﺎﻛﻮ ﺑﺎﻟﺴﻴﺎﺭﻩ .. ﺑﺲ ﻫﻢ ﺑﻘﻴﺖ ﺑﻘﻠﻖ ﻭﺧﻮﻑ ﺧﺎﻑ ﻳﺸﻮﻓﻮ
ﺍﺑﻮ ﻋﻠﻲ / ﺯﻣﺰﻡ ﻫﺎﻱ ﺷﺘﺴﻮﻳﻦ ﻫﻨﺎ
ﻋﻤﻪ ﻣﺘﻘﺒﻞ ﺍﺩﺧﻞ ﻟﻠﺒﻴﺖ .. ﻣﻦ ﺍﻟﺒﺎﺭﺣﻪ ﻃﺮﺩﺗﻨﻲ ... ﻋﻤﻮ ﻭﺍﻟﻠﻪ ﻣﺎﻋﻨﺪﻳﻤﻜﺎﻥ ﺍﺭﻭﺡ ﺍﻟﻪ .. ﺍﻟﻠﻪ ﻳﺨﻠﻴﻚ ﻟﺘﺨﻠﻴﻨﻲ ﺑﺎﻟﺸﺎﺭﻉ
ﻃﺒﻌﺂ ﻣﺎﺍﺧﻠﻴﺞ ﺑﺎﻟﺸﺎﺭﻉ .... ﺑﺎﻭﻋﺖ ﻫﻤﺎﻡ ﺩﻙ ﺍﻟﺠﺮﺱ ﺣﻴﻞ .. ﻭﻓﻴﺼﻞ ﺻﺎﺭ ﺍﻋﺼﺎﺏ .....
ﺍﻡ ﻋﻠﻲ / ﻣﻨﻮﻭﻭﻭﻭ ... ﻣﻨﻮﻭﻭﻭﻭ ﻋﻠﻰ ﻛﻴﻔﻜﻢ
ﺭﺃﺳﺂ ﻋﻤﻮ ﺩﻓﻌﻬﻪ .. ﻳﻢ ﺍﻟﺒﺎﺏ .... ﻭﻛﻮﻣﻬﻪ ﺟﺮﻫﻪ ﻣﻦ ﺍﻳﺪﻫﻪ ﻭﺩﺧﻠﻬﻪ ﺩﻓﻊ
ﺍﻧﺘﻲ ﺗﺠﺎﻭﺯﺗﻲ ﻣﻞ ﺍﻟﺤﺪﻭﺩ ... ﻟﺢ ﺯﻣﺰﻡ ﻋﺮﺿﻨﻪ .... ﺷﻴﻜﻮﻟﻮﻥ ﻋﻠﻴﻨﻪ ﺍﻟﻨﺎﺱ ﻟﻮ ﺷﺎﻳﻔﻴﻬﻪ ﺍﻟﺼﺒﺢ
ﻧﺎﺍﺭﻳﺪﻫﻪ ﺑﻴﺘﻲ ... ﻫﺠﻤﺖ ﺑﻴﺘﻲ ....
ﻣﻮ ﺑﻜﻴﻔﺞ ... ﻟﻂ ﻫﺎﻱ ﻣﻨﻪ ﻭﺑﻴﻨﻪ ... ﻣﺮﺕ ﺍﺑﻨﺞ ... ﻭﻟﻨﻔﺘﺮﺽ ﻣﺘﻌﻨﻴﻠﻨﻪ ﺷﻲ ... ﺷﻠﻮﻥ ﺗﺸﻤﺮﻳﻬﻪ ﺑﺎﻟﺸﺎﺭﻉ
ﻫﻤﺎﻡ ﻭﻓﻴﺼﻞ ﻫﻢ ﻫﺠﻤﻮ ﻋﻠﻴﻬﻪ .... ﻭﺑﻴﺒﻲ ﻃﻠﻌﺖ ﻣﻦ ﻏﺮﻓﺘﻬﻪ ... ﻣﺒﻴﻨﻪ ﺟﺎﻧﺖ ﺗﺒﺠﻲ
ﺍﻟﺤﺠﻴﻪ / ﻳﻤﻪ ﺍﻟﻤﺘﺨﺎﻑ ﺍﻟﻠﻪ ﻗﻔﻠﺖ ﻛﻞ ﺍﻟﺒﻮﺏ ﻭﻣﺎﺧﻠﺘﻨﻲ ﺍﻃﻠﻊ
ﻣﺮﺍﺩ / ﺭﻭﺣﻲ ﺑﺎﺑﺎ ﺻﻌﺪﻱ ﺍﻟﻐﺮﻓﺘﺞ
ﺑﺎﻭﻋﺖ ﻋﻠﻰ ﺑﻴﺒﻲ ﻋﻴﻮﻧﻬﻪ ﻣﻮﺭﻣﻪ ﻣﻦ ﺍﻟﺒﺠﻲ .... ﻭﻫﻲ ﺑﻜﻞ ﺻﻼﻓﻪ ﺻﺎﻣﺪﻩ ﻭﻣﻤﺘﻨﺪﻣﻪ ﻛﺪ ﺷﻌﺮﺍﻳﻪ ﻋﻠﻰ ﺍﻟﻲ ﺳﻮﺗﻪ .... ﺻﻌﺪﺕ ﺑﻐﺮﻓﺘﻲ ﻭﻃﺒﻜﺖ ﺍﻟﺒﺎﺏ .... ﻭﻛﻤﺖ ﺍﺷﻜﺮ ﺭﺏ ﺍﻟﻌﺎﻟﻤﻴﻦ
ﺍﻟﺤﻤﺪﻟﻠﻪ ﻣﻀﻌﻔﺖ ﻭﺻﻌﺪﺕ ﻭﻳﻪ ﺳﻴﻒ ... ﺍﻟﺤﻤﺪﻟﻠﻪ ... ﺍﻻﻭﻝ ﻣﺮﻩ ﺍﺳﻮﻱ ﺷﻲ ﺻﺢ ﺑﺤﻴﺎﺗﻲ ...... ﺣﺘﻰ ﻣﺎﺍﻋﺮﻑ ﻭﺿﻊ ﻋﻠﻲ ﺷﻨﻮ
ﺍﻧﺪﻛﺖ ﺍﻟﺒﺎﺏ ... ﻃﻠﻌﺖ ﻫﻤﺎﻡ
ﺯﻣﺰﻡ ﺷﻤﺲ ﻭﻳﻦ .. ﻳﻤﺞ ﺻﻴﺤﻴﻬﻪ
ﺷﻤﺲ ﺭﺍﺣﺖ ﺑﻴﺖ ﺍﻫﻠﻬﻪ
ﻭﺍﻟﻠﻪ ... ﺷﻮﻛﺖ
ﻣﺎﺍﻋﺮﻑ ﺑﻴﺶ ﺍﻟﺴﺔﻋﻪ ... ﻫﻤﺎﻡ ﻓﺪﻭﻩ ﻋﻠﻲ ﺷﻨﻮ ﻭﺿﻌﻪ
ﻣﺎﻛﻮ ﺷﻲ ﻳﺠﻮﺯ ﺑﺎﺟﺮ ﻳﻄﻠﻊ ... ﻗﻨﻌﻨﻪ ﺧﺎﻟﺞ ﻣﻴﺸﺘﻜﻲ ﻋﻠﻲ
ﻭﺭﺍﺡ ﻭﻋﺎﻓﻨﻲ ﻋﺼﺒﻲ ﻭﻃﻔﺮﺕ ﺭﻭﺣﻪ ﺑﻴﻦ ﻋﻠﻲ
ﺫﺑﻴﺖ ﺭﻭﺣﻲ ﻋﻠﻰ ﺟﺮﺑﺎﻳﺘﻲ ﻗﻠﻲ ﻳﺠﻴﺒﻨﻲ ﻭﻳﻮﺩﻳﻨﻲ ﺍﻟﺤﺪ ﻣﻐﻔﻴﺖ ﺣﺴﻴﺖ ﺛﺎﻧﻲ ﻳﻮﻡ ﻋﻠﻰ ﺑﺎﺏ ﺍﻟﻐﺮﻓﻪ ﻳﻨﻔﺘﺢ ﺣﺘﻰ ﻧﺎﻳﻤﻪ ﺑﺎﻟﻌﺮﺽ ﻋﻞ ﺟﺮﺑﺎﻳﻪ ﻭﺭﺟﻠﻲ ﻭﺍﻛﻌﻪ ﻣﻦ ﺍﻟﺠﺮﺑﺎﻳﻪ ...
ﺑﺎﻭﻋﺖ ﻋﻠﻲ ... ﻭﺑﺎﻭﻋﺖ ﻋﻞ ﺳﺎﻋﻪ ﺑﺎﻝ٢ ﺍﻟﻈﻬﺮ ... ﺷﻜﺪ ﻧﻤﺖ ﻭﻣﺤﺴﻴﺖ ﺍﺑﺪ
ﺑﺎﻭﻉ ﻋﻠﻴﻪ ﻭﻣﺤﺠﻪ ﺍﻱ ﻛﻠﻤﻪ ... ﻭﻛﻔﺖ ﻋﻠﻰ ﺣﻴﻠﻲ
ﺍﻟﺤﻤﺪﻟﻠﻪ ﻋﻠﻰ ﺳﻼﻣﺘﻚ ﻋﻠﻲ
ﺳﻜﺖ ﺑﺲ ﺍﻛﺘﻔﻪ ﻳﺒﺎﻭﻉ ﻋﻠﻴﻪ ...... ﻭﻛﻌﺪ ﻋﻞ ﻗﻨﻔﻪ
ﺭﺣﺖ ﻭﻛﻔﺖ ﻛﺒﺎﻟﻪ ..... ﻭﺍﻟﻠﻪ ﻋﻠﻲ ﻣﺘﻨﺪﻣﻪ .. ﻭﺍﻟﻘﺮﺍﻥ ﻣﺘﻨﺪﻣﻪ
ﺯﻣﺰﻡ ﻭﺧﺮﻱ ﻣﻦ ﻛﺪﺍﻣﻲ .... ﺍﺑﺪ ﻟﺘﺤﺠﻴﻦ ﻭﻳﺎﻱ ... ﺣﺴﺞ ﻣﺎﺍﺭﻳﺪ ﺍﺳﻤﻌﻪ
ﻭﺍﻟﻠﻪ ﻧﺪﻣﺎﻧﻪ .... ﻭﺍﻟﻠﻪ
ﺍﺷﺸﺸﺶ .. ﻣﺎﺍﻧﺴﺎﻫﻪ ﺍﻟﺞ ﺍﺑﺪ .. ﻭﺍﻟﻠﻪ ... ﺧﻠﻴﺘﻴﻨﻲ ﻫﻠﻜﺪﻭﺗﻨﻲ . ﻛﺪﺍﻡ ﺍﻫﻠﻲ ..... ﺷﺴﻮﻳﺘﻠﺞ ﺍﻧﻲ .. ﺣﺘﻰ ﻫﻴﺞ ﺗﺴﻮﻳﻦ ﺑﻴﻪ ﻓﻬﻤﻴﻨﻲ
ﻭﺍﻟﻠﻪ ﺣﺒﻴﺘﺞ ....
ﺩﺍﺋﻤﺂ ﺗﻌﻴﺮﻧﻲ ﺑﻮﺿﻌﻲ
ﻫﺬﺍ ﻣﻮ ﺳﺒﺐ ﺍﺑﺪ ... ﺍﺑﺪ .... ﻛﺘﻠﺞ ﺗﺤﻤﻠﻴﻨﻲ ﻭﻛﺘﻠﺞ ﻏﻠﻄﺎﻥ ﻭﻛﺘﻠﺞ ﺍﻣﻀﺮﻁ ﺣﺘﻰ ....
ﻟﺞ ﺍﻧﻲ ﺍﻛﻌﺪ ﺍﺩﻭﺭ ﻋﻠﻴﺞ ﺗﺎﻟﻲ ﻳﻜﻮﻟﻮﻟﻲ ﻣﺎﻛﻮ .... ﺣﺘﻰ ﺑﺎﻟﻜﻨﺘﻮﺭ ﺩﻭﺭﺕ ﻋﻠﻴﺞ ... ﻛﻠﺖ ﻫﺎﻱ ﺧﺎﺗﻠﻪ ﺩﺗﻀﻮﺟﻨﻲ ... ﺩﺗﺄﺩﺑﻨﻲ ... ﺍﺑﺪ ﻣﺎﺍﺟﻪ ﺑﻌﻘﻠﻲ ﻫﻴﺞ ﺗﺴ

ﻮﻳﻦ .... ﻟﺞ ﺷﻠﻮﻥ ﻛﺪﺭﺗﻲ ﺗﺴﻮﻳﻬﻪ ﻓﻬﻤﻴﻨﻲ .... ﻋﻘﻠﻲ ﺍﻟﺤﺪ ﺍﻻﻥ ﻣﻴﺴﺘﻮﻋﺐ
ﺳﻜﺘﺖ ﻭﻫﻮ ﺳﻜﺖ
ﺑﻘﻪ ﻳﺒﺎﻭﻋﻠﻲ .... ﻭﺣﻮﺍﺟﺒﻪ ﻋﺎﻗﺠﻬﻦ
ﺍﺣﺠﻴﻠﻲ ﺷﺼﺎﺭ ﻭﻳﺎﺝ .... ﺑﺮﻭﺡ ﺍﻣﺞ ... ﺍﺣﺠﻴﻠﻲ ﻛﻠﺸﻲ ﺻﺎﺭ ﻭﻳﺎﺝ .... ﻣﻦ ﻃﻠﻌﺘﻲ ... ﻻﻥ ﻋﻘﻠﻲ ﻳﻮﺟﻌﻨﻲ .... ﺍﺣﺠﻴﻠﻲ ﺍﻟﺼﺪﻛ ﻮﻟﺘﺠﺬﺑﻴﻦ ﻋﻠﻴﻪ ﺑﺤﺮﻑ ﻭﺍﺣﺪ ....... ﻳﺘﺒﻊ

ووف🥺💔

الله يساعدج والحمد لله عل كل شي🌸

#ملوكه

عيوني عادي هالشي..بين كل اثنين اكيد تصير مناكر وعركات..ويرجعون يتصالحون فمو شي غريب🌚💔

ومدام هو سادس فكون تعذري..يعني هم دراسه وهم ضغط
فهي أزمة وتعدي وانتي هم اصبري عليه🙃

#ملوكه

يي الف الحمد لله..وهذيني النقوصات شي عادي بالزيوت والفيتامينات والأغذية..واحد يعدلهن☺️💞

#ملوكه

عيوني نشرت عنه قبل..خلطة😇🌸
وكون تستمرين عليه يوميا لمدة شهر حته تشوفين نتيجة فهسه اوجه

وهاي الكريم او البخاخ مثل منظف بكتريا للمنطقة الحساسة

#ملوكه