#ﺣﻜﺎﻳﺔ_بئر

#بارت٣

ﺍﺑﺎﻭﻉ ﺍﻛﻮ ﻭﻟﺪ ﺑﻌﻤﺮ ﺣﻴﺪﺭ ﺍﺧﻮﻳﻪ ﻭﺍﻛﻒ ﻛﺒﺎﻟﻲ ﻫﻮ ﻭﺣﻴﺪﺭ .... ﺍﻧﺘﻲ ﺻﺪﻙ ﻣﺎﻋﻨﺪﺝ ﺷﻌﺮ ﻣﺜﻞ ﺍﺻﻠﻊ ﺍﻟﻜﻠﺐ ﺑﺎﻟﻤﺴﻠﺴﻞ .... ﺧﻞ ﺍﺷﻮﻑ ﺣﺒﺎﺑﻪ ﻋﻠﻴﺞ ﺍﻟﻠﻪ
ﺍﺣﺲ ﺍﻭﺟﻬﻲ ﺻﺎﺭ ﺍﺣﻤﺮ ﺍﻟﺤﻤﺪﻟﻠﻪ ﻣﻠﺘﻬﻴﻦ ﺟﺎﻧﻮ ﻭﺣﺠﺎﻫﻪ ﺑﺼﻮﺕ ﻧﺎﺻﻲ ﺑﺎﻭﻋﺖ ﻋﻠﻰ ﺣﻴﺪﺭ ﺧﺰﺭﺗﻪ ﻭﻧﺰﻟﺖ ﻋﻞ ﻭﻟﺪ ... ﻭﺣﺠﻴﺖ ﻭﻳﺎ ﻋﻠﻰ ﻛﻴﻒ ﻻ ﺣﺒﻴﺒﻲ ﻳﺘﺸﺎﻗﻪ ﻭﻳﺎﻙ ﻫﺎﻱ ﺍﺣﻨﻪ ﻻﻥ ﻫﻴﺞ ﻧﺼﻴﺤﻠﻪ ﻻﻥ ﻣﺮﻩ ﺯﻳﻨﺎ
ﻋﻠﻲ / ﺷﺒﻴﺞ ... ﺷﻴﺮﻳﺪ ﻋﺒﻮﺩﻱ ﻣﻨﺞ
ﻫﻬﻬﻬﻪ .. ﻻ ﻣﻴﺮﻳﺪ ﺍﻧﻲ ﻛﺘﻠﻪ ﺍﻧﺖ ﺣﻠﻮ ﻛﺰﻛﺰﺕ ﻋﻠﻲ ﻣﻦ ﻭﺭﻩ ﺷﻌﺮﻩ ﺣﻠﻮ ....
ﺍﺭﻳﺪ ﺍﺑﺠﻲ ... ﺍﺣﺲ ﺧﻨﻜﺘﻨﻲ ﺍﻟﻌﺒﺮﻩ ﺍﻟﻴﻮﻡ ﺷﻴﺨﻠﺼﻚ ﻣﻨﻲ ﻳﺎ ﺣﻴﺪﺭ ﺑﻠﻠﻪ ﺟﺎﻧﻮ ﻣﻤﻠﺘﻬﻴﻦ ... ﻛﻌﺪﺕ ﺑﺎﻟﻜﺎﻉ ﻭﺟﻨﺖ ﻻﺯﻣﻪ ﺣﻴﺪﺭ ﻛﻌﺪﺗﻪ ﻭﻳﺎﻳﻪ
ﺍﺭﻳﺪ ﺍﺭﻭﺡ ... ﻭﻳﺪﻓﻊ ﺑﻴﺪﻱ ... ﺍﻧﻲ ﻫﻢ ﻋﻔﺘﻪ ﺧﻔﺖ ﻟﻴﺠﻔﺼﻠﻪ ﺗﺠﻔﻮﺻﻪ ﺛﺎﻧﻴﻪ
ﻋﻠﻲ / ﻟﻴﺶ ﻻﺯﻣﺘﻪ ﻟﻠﻄﻔﻞ ﻋﻮﻓﻲ
ﻫﻬﻪ ﻣﻮ ﻳﺴﻮﻱ ﻫﻮﺳﻪ ...
ﺍﻟﻜﻞ ﻛﺎﻋﺪ ﻳﺴﻮﻟﻔﻮﻥ ﺑﺎﻟﻲ ﻣﻮ ﻳﻤﻬﻢ .. ﺑﺎﻟﻲ ﻳﻢ ﺍﻟﻌﻠﻪ ﺣﻴﺪﺭ ٠ﻭﻧﻈﺮﺍﺕ ﻋﻠﻲ ﺍﻟﻲ ﺗﺨﺠﻠﻨﻲ
ﻋﻠﻲ / ﺑﺼﻮﺕ ﻧﺎﺻﻲ / ﻳﺎﺑﻪ ﻋﻠﻜﻴﻔﻚ ﺷﻬﺎﻟﺠﻤﺎﻝ
ﺯﻣﺰﻡ / ﺧﺠﻠﻨﻲ ... ﺑﺎﻟﺰﺍﻳﺪ ﺩﻧﻜﺖ ﺭﺍﺳﻲ ﻭﺍﺑﺘﺴﻤﺖ ﺑﺨﺠﻞ
ﻭﺍﺧﻴﺮﺁ ﺍﺑﻮ ﻋﻠﻲ ﻧﻄﻖ ﻭﻛﺎﻝ ﻣﻦ ﺭﺧﺼﺘﻜﻢ ... ﻓﺮﺣﺖ ﺣﻴﻞ ﺍﺣﺲ ﺭﺟﻌﺘﻠﻲ ﺍﻟﺤﻴﺎﺓ ﻛﺎﻣﻮ ﻛﻮﻟﻬﻢ ﺳﻠﻤﻨﻪ ﻋﻠﻴﻬﻢ
.. ﺑﻮﺳﺘﻨﻲ ﺍﻡ ﻋﻠﻲ ﻣﻦ ﻭﺭﻩ ﺧﺸﻤﻬﻪ .. ﻭﺍﻟﻜﻞ ﺑﻮﺳﻨﻲ ﻭﺍﻧﻲ ﺧﺎﻳﻔﻪ ﻋﻞ ﺑﺎﺭﻭﻛﻪ ....
ﻭﺻﻞ ﺍﻟﺴﺮﻩ ﺍﻝ ﻋﻠﻲ ﻣﺪ ﺍﻳﺪﻩ ﻳﺴﻠﻢ .. ﺍﻧﻄﻴﺘﻪ ﺍﻳﺪﻱ ﻋﺼﺮﻫﻪ ﻭﺑﺎﺳﻨﻲ ﻣﻦ ﺧﺪﻱ ﻭﻭﻳﻪ ﺍﻟﺒﻮﺳﻬﺎﻟﻠﻪ ﺷﻨﻮ ﻫﺎﻟﻌﻄﺮ
ﻳﺎﻟﻠﻪ ﺑﻜﻠﺒﻲ ﺫﺑﺖ ﺷﻬﺎﻟﺮﻭﻣﺎﻧﺴﻴﻪ ﺍﻟﺘﺴﻄﺮ .... ﻃﻠﻌﻮ ﻟﻠﺒﺎﺏ ﻭﺍﻧﻲ ﺍﻟﺤﺪ ﺍﺧﺮ ﻧﻔﺮ ﻣﺒﺘﺴﻤﻪ ﺑﺘﺸﻨﺞ ﺑﺲ ﻃﺒﻜﺖ ﺍﻟﺒﺎﺏ ﺍﻣﻲ ﻭﺍﻧﻲ
ﻭﻳﻨﻪ ﻫﺬﺍ ﺍﻟﺤﻘﻴﺮ
ﻃﻴﺒﻪ / ﻣﻨﻮ
ﺯﻣﺰﻡ / ﺍﻛﻮ ﻏﻴﺮﻩ ﺣﻴﺪﺭ ﺍﻟﻴﻮﻡ ﻣﺤﺪ ﻳﺨﻠﺼﻪ ﻣﻨﻲ .... ﺿﻠﻴﺖ ﺍﺩﻭﺭ ﻣﺎﻛﻮ
ﻧﻮﺭﻳﻪ / ﺷﺴﻮﺍﻟﺞ ﻳﻤﻌﻮﺩﻩ ﺷﺒﻴﺢ ﺟﺘﺞ ﺍﻟﻬﻴﺠﻪ
ﺍﺑﻨﺞ ﻛﺎﻳﻞ ﻟﻠﻄﻔﻞ ﺍﻧﻲ ﻛﺮﻋﻪ
ﺭﻗﻴﻪ / ﻃﻴﺒﻪ / ﻳﻤﻪ ﻋﺰﺯﻩ ﺍﻟﻌﺰﺍ ﻋﻮﺩ ﻭﺻﻴﻨﺎ
ﺯﻣﺰﻡ / ﺧﺎﻑ ﺑﺎﻟﺸﺎﺭﻉ ﻭﻫﻢ ﻫﺴﻪ ﻳﻜﻠﻠﻬﻢ ... ﺩﻃﻠﻌﻲ ﺷﻮﻓﻲ
ﻧﻮﺭﻳﻪ / ﻫﻴﻪ ﺗﺎﻟﻴﺘﺞ ﺗﻨﻜﺸﻔﻴﻦ ﻋﻠﻴﻤﻦ ﻫﺎﻟﺨﺒﺼﻪ ﺧﺎﻱ ﺍﺧﻮﺝ ﺣﺠﺎﻫﻪ ﺑﻌﺪ ﻛﻢ ﻳﻮﻡ ﻫﻮ ﻳﻜﺘﺸﻔﻬﻪ
ﻳﻤﻪ ﺍﻧﺘﻲ ﻻﺯﻡ ﺗﻀﻮﺟﻴﻨﻲ . . ﺑﺲ ﻣﺎﺷﻲ ﻳﺎ ﺣﻴﺪﺭ ﺍﻟﺰﻣﻚ ﺍﻟﻴﻮﻡ ﻳﻌﻨﻲ ﻣﺘﺪﺧﻞ ﻟﻠﺒﻴﺖ
ﺩﺿﺮﺑﻲ ﻭﺷﻮﻓﻲ ﺍﻟﻴﺠﺮﺍﻟﺞ ... ﻫﺴﺘﻮﻫﻪ ﺣﺠﺖ ﺟﺎﻥ ﻳﺪﺧﻞ ﺣﻴﺪﺭ ﻭﺷﺎﻳﻞ ﻣﻮﻃﻪ ﻳﺎﻛﻠﻬﻪ ﺭﺣﺖ ﺭﻛﺾ ﻋﻠﻲ ﺳﻄﺮﺗﻪ ﺑﺮﺍﺷﺪﻱ
ﺣﻘﻴﺮ ﺍﻧﻲ ﺷﻮﺻﻴﺘﻚ ﺷﻠﻮﻥ ﺗﻜﻠﻪ ﻫﻴﺞ ﻭﺧﺰﺭﺗﻪ
ﺍﻟﻤﻮﻃﻪ ﺍﻟﻠﻄﺸﺖ ﺑﺎﻟﻜﺎﻉ ﻭﻫﻮ ﺿﻞ ﺻﺎﻓﻦ ﻋﻠﻴﻪ ﺍﻳﺪﻱ ﺍﻧﻄﺒﻌﺖ ﻋﻠﻰ ﺧﺪﻩ .. ﺍﺟﺘﻲ ﺍﻣﻲ ﺩﻓﻌﺘﻨﻲ
ﻫﻮ ﻫﻴﺞ ﺗﻀﺮﺑﻲ ﻏﻴﺮ ﻃﻔﻞ ﻭﻣﻴﻔﺘﻬﻢ
ﻳﺎ ﻃﻔﻞ ﻋﻤﺮﻩ ٧ ﺳﻨﻴﻦ ﺣﻘﻴﺮ ﺍﻧﻲ ﺷﻮﺻﻴﺘﻚ
ﻧﻮﺭﻳﻪ / ﻣﻴﻔﺘﻬﻢ ﺍﻟﻮﻟﺪ ﺧﻮﻣﺎ ﻣﺘﻘﺼﺪ ﻗﺎﺑﻞ ﺟﺎﻥ ﺗﺠﺮﻩ ﻳﻤﻬﻪ ﻭﻫﻮ ﻣﺼﺪﻙ ﻭﺍﺣﺪ ﻳﺪﺍﻓﻌﻠﻪ ﻛﺎﻡ ﻳﺒﺠﻲ
ﻋﻔﺘﻬﻢ ﻭﺩﺧﻠﺖ ﻟﻠﻐﺮﻓﻪ ﻭﺍﻧﻲ
ﺍﺩﺭﺩﻡ ﻋﻠﻰ ﺣﻴﺪﺭ ... ﺑﺴﻴﻄﻪ ﺣﻴﺪﺭ ﺍﻧﻲ ﺍﻋﻠﻤﻚ ﻏﺒﻲ
ﻭﻛﻔﺖ ﻛﺒﺎﻝ ﺍﻟﻤﺮﺍﻳﻪ ... ﺍﺑﺘﺴﻤﺖ ... ﻳﻌﻨﻲ ﺷﻜﻮ ﺑﻴﻬﻪ ﻟﻮ ﻫﺬﺍ ﺷﻌﺮﻱ ﺍﻟﺤﻘﻴﻘﻲ ... ﻭﻣﺎﻋﻨﺪﻱ ﺍﻱ ﺟﺬﺑﻪ ... ﻣﻮ ﺟﺎﻥ ﻫﺴﻪ ﺍﻧﻲ ﺍﺳﻌﺪ ﺍﻧﺴﺎﻧﻪ
ﺻﺎﺣﺖ ﺍﻣﻲ ﺯﻣﺰﻡ .. ﺯﻣﺰﻡ
ﻧﻮﺭﻳﻪ / ﻭﻟﺞ ﺯﻣﺰﻡ ... ﻭﺻﻤﺦ .. ﻫﻴﻪ ﻫﺎﻱ ﺍﻟﻐﺮﻓﻪ ﻣﺘﺴﻤﻌﻴﻦ
ﻫﺎﻱ ﺛﺎﻟﺚ ﻣﺮﻩ ﺍﺻﻴﺤﺞ
ﺷﻜﻮﻭﻭ ﻳﻮﻡ ﺷﺘﺮﻳﺪﻳﻦ ﻣﻨﻲ .. ﺣﻔﻈﺖ ﺳﻮﺍﻟﻔﺞ ﻭﻣﻠﻴﺘﻬﻦ
ﺗﻌﺎﻟﻲ ﺻﺨﻤﻮﻭ ﺷﺮﺍﻳﺪﻩ ﻣﻨﺞ ﻗﺎﺑﻞ ﺧﻄﻴﺒﺞ ﻳﺪﻙ ﻋﻠﻴﺞ
ﻃﻠﻌﺖ ﺑﻌﺼﺒﻴﻪ ﻭﺯﻣﺨﺖ ﻋﻞ ﺑﻨﺎﺕ .... ﺍﺩﺭﻱ ﻣﺘﺠﻴﺒﻨﻪ ﺍﻧﺘﻦ ﻗﺒﻞ ﻟﻴﻨﻜﻄﻊ
ﺍﺧﺬﺕ ﺍﻟﻤﻮﺑﺎﻳﻞ ﻣﻦ ﺍﻣﻲ ﻭﺭﻣﺸﺖ ﺍﻝ ﻋﻠﻲ ﻭﺭﺍﻫﻪ ﺍﺗﺼﻞ ﺭﺃﺳﺂ
ﻳﺎﺑﻪ ﻫﻠﻪ ﻭﻣﻴﺔ ﻫﻠﻪ ﻟﻤﺮﻳﺘﻲ ﺍﻟﺤﻠﻮﻩ
ﺍﺑﺘﺴﻤﺖ .... ﺣﻠﻮﻩ ﻛﻠﻤﺔ ﻣﺮﻳﺘﻲ ﺑﺤﻠﻜﻚ
ﺍﺷﺘﺎﻗﻴﺘﻠﺞ ﻭﻣﺘﻤﻨﻴﺖ ﻧﻄﻠﻊ ﺑﺴﺮﻋﻪ
ﺳﻜﺘﺖ
ﺷﻨﻮ ﺧﺠﻠﺘﻲ ... ﺍﻣﻮﺕ ﻋﻠﻰ ﺧﺠﻠﺞ ... ﺑﺎﺟﺮ ﺣﻀﺮﻱ ﺭﻭﺣﺞ
ﺷﻨﻮ
ﺍﺟﻲ ﺍﺧﺬﺝ ﻳﻤﻲ ﻭﺍﺧﻠﻴﺞ ﺑﺤﻀﻨﻲ ﻭﺍﺷﻤﺸﻤﺞ
ﻋﺰﺯﺯﻩ ﻋﻠﻲ . ﻫﺎﻱ ﺷﺒﻴﻚ ﺷﺪﺗﺤﺠﻲ ﺷﻨﻮ ﻫﺬﺍ ﺍﻟﻜﻼﻡ
ﺍﺗﺸﺎﻗﻪ ﻭﻳﺎﺝ ﻭﻟﺞ .. ﻻ ﻭﺍﻟﻠﻪ ﺑﺎﺟﺮ ﺭﺍﺡ ﺍﺟﻲ ﺍﺧﺬﺝ ﻧﺸﺘﺮﻱ ﺫﻫﺐ ﺑﺲ ﻣﻨﺎﻙ ﺣﻀﺮﻱ ﺭﻭﺣﺞ ﻧﺮﺟﻊ ﺍﻻﻫﻠﻲ ﺷﻮﻳﻪ ﺗﺘﻌﺮﻓﻴﻦ ﻋﻠﻴﻬﻢ ﻭﻳﺘﻌﺮﻓﻮﻥ ﻋﻠﻴﺞ ... ﻭﺍﻧﻲ ﻫﻢ ﺍﺗﻌﺮﻑ ﻋﻠﻴﺞ
ﻟﻴﺶ ﻣﺘﻌﺮﻓﻨﻲ
ﺍﻗﺼﺪ ﺍﺗﻌﺮﻑ ﻋﻦ ﻗﺮﺏ
ﻋﻠﻲ
ﻋﻴﻮﻥ ﻭﺷﻴﺒﺎﺕ ﻋﻠﻲ
ﻭﻳﻦ ﻋﻨﺪﻙ ﺷﻴﺒﺎﺕ
ﺍﺛﻨﻴﻦ ﺑﺒﺪﺍﻳﺔ ﺷﻌﺮﻱ ﻣﺸﻔﺘﻴﻬﻦ
ﻋﻠﻲ ﻻ ﻭﺍﻟﻠﻪ ﺻﺪﻭﻙ ... ﺃﺟﻠﻬﻪ ﺍﻟﺠﻴﻪ ﺍﻟﺒﻴﺘﻜﻢ
ﻫﺴﻪ ﺍﻟﻠﻪ ﻛﺮﻳﻢ ﻟﻠﺒﺎﺟﺮ ... ﻋﻮﻓﺞ ﻣﻦ ﻫﺎﻟﺤﺠﻲ .. ﺷﻌﺮﺝ ﺻﺎﺑﻐﺘﻪ
ﻻ
ﺣﻠﻮ ..... ﺣﻴﻞ ﻋﺠﺒﻨﻲ ﻟﻮﻧﻪ . ﻣﺎﺍﺭﻳﺪﺝ ﺗﺼﺒﻐﻲ ﺍﺑﺪ ﺣﺒﻴﺖ ﻟﻮﻧﻪ ﻋﺎﻛﺲ ﻋﻠﻰ ﻋﻴﻮﻧﺞ
ﺍﻱ ﺍﻣﻲ ﻫﻢ ﺗﻜﻠﻲ ﻫﻴﺞ ﺩﺍﺋﻤﺂ
ﻭﺣﺘﻰ ﺑﺎﺑﺎ ﺍﻟﻠﻪ ﻳﺮﺣﻤﻪ
ﺍﺣﻴﺎﻧﺂ ﺍﻻﻧﺴﺎﻥ ﻳﺨﺘﺮﻉ ﻛﺬﺑﻪ .... ﻭﻟﻜﻦ ﻳﺠﺪ ﻧﻔﺴﻪ ﺍﻛﺜﺮ ﺷﺨﺺ ﻳﺼﺪﻗﻬﺎ ﻭﻳﻌﻴﺶ ﺍﻟﻜﺬﺑﻪ ﺑﺘﻔﺎﺻﻴﻠﻬﻪ
ﺿﻠﻴﻨﻪ ﻧﺤﺠﻲ ... ﺗﻘﺮﻳﺒﺂ ﺳﺎﻋﻪ ﺍﻟﻰ ﺍﻥ ﻫﻮ ﻧﻬﻪ ﺍﻟﻤﻜﺎﻟﻤﻪ ﻛﺎﻝ ﺟﻤﺎﻋﺘﻪ ﺍﺟﻮ ﺑﺲ ﻋﻴﺸﻨﻲ ﺟﺬﺑﻪ ﺻﺪﻛﺘﻬﻪ ﻭﺗﻔﺎﻋﻠﺖ ﻭﻳﺎﻫﻪ ﻫﻮﺍﻱ ﻣﻦ ﺟﻨﺖ ﺍﺣﺠﻲ ﺑﻠﻮﻥ ﺍﻟﺸﻌﺮ ﻋﺼﺪﻛﺖ ﺍﻧﻲ ﻋﻨﺪﻱ ﺷﻌﺮ ﻭﻫﻴﺞ ﻟﻮﻧﻪ
ﺑﺪﻟﺖ ﻣﻼﺑﺴﻲ ﻭﻋﻴﻮﻧﻲ ﻣﻄﻔﻴﻪ ﻧﻌﺴﺎﻧﻪ ﺣﻴﻞ ﻭﻧﺰﻋﺖ
ﺑﺎﺭﻭﻛﺖ
ﻭﻛﻤﺖ ﺍﺣﻚ ﻛﺮﻋﻴﺘﻲ ﻻﻥ ﻣﻮﺗﺘﻨﻲ ﺑﺲ ﺗﺤﻜﻨﻲ
ﻭﺑﻮﺟﻬﻲ ﻋﻞ ﻣﺨﺪﻩ ﻛﻤﺖ ﺍﺷﻮﻑ ﺍﻟﻮﺍﺣﺪ ١٠ ﻛﺒﻞ ﻏﻔﻴﺖ
ﻭﺍﻟﺒﻴﺖ ﻫﺎﺩﺉ ﺟﺎﻥ ﻻﻥ ﺍﻣﻲ ﻃﻠﻌﺖ ﺗﺘﺴﻮﻙ ﻣﻦ ﺍﺑﻮ ﺍﻟﻤﺨﻀﺮ ﻭﺍﺧﺬﺕ ﺣﻴﺪﺭ ﻭﻃﻴﺒﻪ ﻭﺭﻗﻴﻪ ﻣﺘﺎﺑﻌﺎﺕ ﻣﺴﻠﺴﻞ ﻭﺧﺎﻧﺴﺎﺕ ﻋﻠﻴﻬﻪ
ﻣﻦ ﻛﺜﺮ ﻣﺘﻌﺒﺎﻧﻪ ﻭﻧﻌﺴﺎﻧﻪ ﻏﻔﻴﺖ ﻭﻛﻌﺪﺕ ﺍﻟﻪ ﻋﻠﻰ ﻭﺍﺣﺪ ﻳﺘﻠﻤﺲ ﻛﺮﻋﻴﺘﻲ ﻓﺰﻳﺖ
ﻃﺎﺡ ﺣﻀﺞ ﻃﻴﺒﻪ ﻛﻤﺰﺗﻴﻨﻲ
ﺷﻌﺒﺎﻟﺞ ﻫﻬﻬﻬﻬﻪ .. ﻫﻮ ﺍﻧﻲ ﻣﺘﻘﺼﺪﻩ .. ﻛﻮﻣﻲ ﻳﻠﻠﻪ ﺍﻟﻴﻮﻡ ﺷﻴﻨﻮﻣﺞ
ﺑﺖ ﺍﻻﻭﺍﺩﻡ ﻏﻴﺮ ﻧﺎﻳﻤﻪ ﺍﻧﻲ ﺷﻨﻮ ﺷﻴﻨﻮﻣﺞ .... ﺳﻜﺘﺖ ﻭﺍﻧﻲ ﺭﺟﻌﺖ ﻏﻤﻀﺖ ﻋﻴﻮﻧﻲ
ﻃﻴﺒﻪ / ﺍﻛﻮ ﺑﻨﻴﻪ ﻛﺮﻋﻪ ﺗﻤﺸﻲ ﻋﻠﻰ ﻛﺮﻋﻴﺘﻬﻪ ﻧﻤﻠﻪ . ﻣﻦ ﺣﺴﺖ ﺍﻟﺒﻨﻴﻪ ﻭﺧﺮﺗﻬﻪ .... ﺍﻟﻨﻤﻠﻪ ﺟﺎﻭﺑﺘﻬﻪ ﻻ ﻋﻠﻴﺞ ﺍﻟﻠﻪ ﺑﺲ ﺧﻞ ﺍﺯﺣﻠﻚ ﻣﺮﻩ ﺛﺎﻧﻴﻪ ... ﻫﻬﻬﻬﻬﻪ ﺍﺻﻠﻊ ﺍﻟﻜﻠﺐ ﻣﻌﺠﺒﺘﻚ ﺍﻟﻨﻜﺘﻪ ﺻﺎﺭ ﺳﺎﻋﻪ ﺍﺭﻳﺪ ﺍﺗﺬﻛﺮﻫﻪ
ﺑﻘﻴﺖ ﻣﻐﻤﻀﻪ ﻋﻴﻮﻧﻲ ﺑﺲ ﺩﻣﻮﻋﻲ ﻧﺰﻟﻦ ﻣﻜﺪﺭﺕ ﺍﺗﺤﻜﻢ ﺑﻴﻬﻦ ...
ﻃﻴﺒﻪ / ﺯﻣﺰﻡ ﺗﺒﺠﻴﻦ ﺷﻨﻮ ﻫﺎﻱ ﺩﻣﻮﻉ ﻟﻮ ﺷﻨﻮ
ﺑﻘﻴﺖ ﺳﺎﻛﺘﻪ .. ﻣﺴﺤﺖ ﺩﻣﻮﻋﻲ ﺑﻴﺪﻫﻪ ... ﺯﻣﺰﻡ ﺯﻋﻠﺘﻲ .... ﻭﺍﻟﻠﻪ ﺍﺗﺸﺎﻗﻪ ﻭﻳﺎﺝ .. ﻭﺑﻌﺪﻳﻦ ﺷﻤﻌﻨﻪ

ﻫﺎﻱ ﺍﻟﻤﺮﻩ ﺑﺠﻴﺘﻲ ... ﺍﻭﻭﻑ
ﺧﻠﺖ ﺭﺍﺳﻬﻪ ﻋﻠﻰ ﺭﺍﺳﻲ ... ﻭﺍﻟﻠﻪ ﺍﺳﻔﻪ
ﺩﺭﺕ ﻭﺟﻬﻲ ﻋﻨﻬﻪ ... ﻃﻴﺒﻪ ﻋﻮﻓﻴﻨﻲ ﺍﺭﻳﺪ ﺍﻛﻤﻞ ﻧﻮﻣﺘﻲ
ﻣﺎﺍﻛﻮﻡ ﺍﻟﻪ ﺗﻜﻮﻟﻴﻦ ﻣﺰﻋﻠﺖ ﻣﻨﺞ ... ﻳﻮ ﺯﻣﺰﻡ ﻭﺍﻟﻠﻪ ﺍﺗﺸﺎﻗﻪ ﻭﻣﺘﻌﻮﺩﻩ ﻋﻠﻴﺞ ﻣﺘﺰﻋﻠﻴﻦ
ﻧﻮﺭﻳﻪ / ﺷﺒﻴﻜﻢ
ﻳﻤﻪ ﺯﻣﺰﻡ ﺯﻋﻠﺖ ﺟﻨﺖ ﺍﺣﺠﻴﻠﻬﻪ ﻧﻜﺘﻪ ﻭﺯﻋﻠﺖ
ﺍﻛﻴﺪ ﺍﻟﻨﻜﺘﻪ ﺗﺎﻓﻬﻪ ﻣﺜﻠﺞ ﻛﻮﻣﻲ ﻻ ﺍﻛﺴﺮ ﺿﻠﻮﻋﺞ ﻫﺴﻪ ﻻ ﺍﻧﺘﻲ ﺍﻟﻘﺎﺭﻳﻪ ﻭﻻ ﺍﻟﻤﻘﺮﻳﻪ ﺍﺧﻮﺝ
ﻣﻮ ﺭﻗﻴﻪ ﻣﻮﺟﻮﺩﻩ ﺧﻞ ﺗﻘﺮﻱ ﻫﻴﻪ
ﺭﻗﻴﻪ ﻧﺺ ﻋﻘﻞ ﻭﻳﻪ ﺍﺧﻮﺝ ﻣﻴﺘﻮﺍﻟﻤﻮﻥ ﻣﻌﻨﺎﻫﻪ ﻳﻠﻤﻮﻥ ﺍﻟﻨﺎﺱ ﻋﻠﻴﻨﻪ ﻭﻋﻮﻓﻲ ﺍﺧﺘﺞ ﻧﺎﻳﻤﻪ ﻛﻮﻣﻲ ﻣﻦ ﺭﺍﺳﻬﻪ ﻣﻨﺎﻳﻤﻪ ﻣﻦ ﺍﻟﺒﺎﺭﺣﻪ
ﻃﻴﺒﻪ / ﺍﻭﻭﻭﻑ .. ﺍﻭﻭﻑ
ﺯﻣﺰﻡ / ﺑﻘﻴﺖ ﻣﻐﻤﻀﻪ ﻋﻴﻮﻧﻲ ﻭﺩﻣﻮﻋﻲ ﺗﺼﺐ ﺣﺴﻴﺖ ﻋﻠﻰ ﺭﻳﺤﺔ ﺍﻣﻲ .... ﺟﺎﻧﺖ ﻣﻤﻴﺰﻩ ﺣﻴﻞ ﻭﻃﻴﺒﻪ ﻣﻦ ﺍﺷﻤﻬﻪ ﺍﻛﻮﻝ ﺭﻳﺤﺔ ﺍﻟﺠﻨﻪ
ﺯﻣﺰﻡ ﻧﻮﺭ ﻋﻴﻮﻥ ﺍﻣﻬﻪ ﻭﻓﺮﺣﺘﻬﻪ ...... ﻣﻦ ﺗﺒﺠﻴﻦ ﺍﻧﺘﻲ ﺍﻧﻲ ﺍﺧﺘﻨﻚ ..... ﺍﻧﺘﻲ ﻣﻮ ﺧﺎﻳﻔﻪ ﻳﻨﻜﺸﻒ ﺳﺮﺝ ... ﻫﻮﻩ ﺗﺎﻟﻴﺘﻪ ﻳﻨﻜﺸﻒ .... ﺍﻧﺘﻲ ﻣﻮ ﺗﻜﻮﻟﻴﻦ ﻣﺤﺪ ﻳﺤﺲ ﺑﻴﻪ ﻻﻥ ﻣﺤﺪ ﻣﺜﻠﻲ ﻭﻣﺤﺪ ﻳﻔﻬﻤﻨﻲ .... ﻳﻤﻪ ﺟﺎ ﺍﻧﺘﻲ ﻏﻠﻄﺎﻧﻪ ﺍﻧﻲ ﺍﻧﻮﺟﻊ ﻗﺒﻞ ﻻ ﺍﻧﺘﻲ ﺗﻨﻮﺟﻌﻴﻦ ﻛﻠﺒﻲ ﻳﺤﺘﺮﻙ ﻣﺜﻞ ﻣﺎﻛﻠﺒﺞ ﻳﺤﺘﺮﻙ ﻭﻣﻦ ﺟﺮﺣﺘﺞ ﺫﺍﻙ ﺍﻟﻴﻮﻡ ﺑﻬﺎﻟﻜﻼﻡ ﻻﻥ ﺧﺎﻳﻔﻪ ﻋﻠﻴﺞ ﻳﺎ ﻳﻤﻪ ... ﺍﻧﺘﻲ ﻣﻮ ﺍﻭﻝ ﻭﺣﺪﻩ ﻫﻴﺞ ﻭﻻ ﺍﻻﺧﻴﺮﻩ .... ﺍﺳﻤﻌﻲ ﻣﻨﻲ ﻳﺎ ﺭﻭﺡ ﺍﻣﻬﻪ ﺍﺫﺍ ﻳﺤﺒﺢ ﺍﻟﺞ ﻣﻮ ﺍﻟﻤﻈﻬﺮﺝ ﻣﻴﻌﻮﻓﺞ ﻭﺍﺫﺍ ﻳﺤﺒﺞ ﺍﻟﺸﻜﻠﺞ ﻳﻮﻟﻲ ﺧﻠﻲ ﻭﻟﺘﻀﻴﻌﻴﻦ ﺭﻭﺣﺞ ... ﻛﻮﻟﻴﻠﻪ ﻫﺴﻪ ﻳﺎ ﻳﻤﻪ ﺍﺣﺴﻦ ﻣﺎ ﻫﻮ ﻳﻜﺸﻒ ﻫﺎﻟﺴﺮ
ﺑﻘﻴﺖ ﻣﻐﻤﻀﻪ ﻋﻴﻮﻧﻲ ﻭﺍﺑﺠﻲ ﺑﺼﻤﺖ . ﺑﺲ ﺩﻛﻮﻉ ﻳﻨﺰﻟﻦ .... ﻇﻠﺖ ﺗﺤﺠﻲ ﺍﻣﻲ ﻭﻧﻔﺲ ﺍﻟﺸﺮﻳﻂ ﺗﻌﻴﺪﻩ ﻟﺘﺘﻈﻮﺟﻲ ﻟﻮ ﺗﻌﻮﻓﻲ ﻟﻮ ﺗﻜﻮﻟﻴﻠﻪ ﺳﻄﺮﺗﻨﻲ ﺳﻄﺮ ﺑﻬﺎﻟﻜﻠﻤﺎﺕ
ﻧﻤﺖ ﻭﻛﻌﺪﺕ ﺛﺎﻧﻲ ﻳﻮﻡ ﺍﻟﺼﺒﺢ ... ﺧﺎﺑﺮﻧﻲ ﻋﻠﻲ ﻛﺎﻝ ﺣﻀﺮﻱ ﺭﻭﺣﺞ ﺭﺍﺡ ﺍﺟﻲ ﺍﺧﺬﺝ ﻭﺍﻧﻲ ﺗﻮﺗﺮﺕ ﺧﻮﺍﺗﻲ ﺑﺎﻟﺪﻭﺍﻡ ﻭﺍﻣﻲ ﺗﺨﺒﺰ ﻟﻠﻨﺎﺱ ﺣﺎﻭﻟﺖ ﺍﺭﻛﺐ ﺍﻟﺒﺎﺭﻭﻛﻪ ﺑﺲ ﻣﻜﺪﺭﺕ ﺍﺿﺒﻄﻬﻪ ﻣﺜﻞ ﺍﻡ ﺍﻟﺼﺎﻟﻮﻥ
ﺑﺪﻟﺖ ﻭﻣﻜﻴﺠﺖ ﻭﺭﺟﻌﺖ ﻋﻞ ﺑﺎﺭﻭﻛﻪ ﺣﻔﻈﺖ ﺧﻄﻮﺍﺕ ﺍﻡ ﺍﻟﺼﺎﻟﻮﻥ ﺑﺲ ﻫﻢ ﻣﺄﺟﺘﻲ ﻣﻀﺒﻮﻃﻪ ﺑﺲ ﺍﺭﺣﻢ ﻣﻦ ﺍﻻﻭﻝ ﺑﺲ ﺍﺣﺲ ﻣﺘﺸﻨﺠﻪ ﺍﻋﺼﺎﺑﻲ ﻛﻠﻬﻪ ﺑﺴﺒﺒﻬﻪ ﻟﻔﻴﺖ ﺷﺎﻟﻲ .. ﻟﺒﺴﺖ ﺑﻴﻮﻣﻬﻪ ﺑﻨﻄﺮﻭﻥ ﻭﻗﻤﻴﺺ ﻣﺎﻝ ﺑﻨﺎﺕ ﺍﻡ ﺟﻌﻔﺮ .. ﺷﻜﺪ ﺗﺤﺰ ﺑﻨﻔﺴﻲ ﺑﺲ ﻣﺎﻋﺪﻧﻪ ﻧﺸﺘﺮﻱ ﻣﻼﺑﺲ ﺍﻣﻲ ﻳﺎﺩﻭﺏ ﺗﻄﻠﻌﻠﻨﻪ ﻣﺼﺮﻑ ﺍﻟﻠﻜﻤﻪ
ﺩﻙ ﻫﻮﺭﻥ ﻋﻠﻲ ﻃﻠﻌﺖ ﻭﺟﺎﻥ ﻳﺨﺎﺑﺮ ﻣﻦ ﺻﻌﺪﺕ ﻟﻠﺴﻴﺎﺭﻩ ﺣﺮﻙ ﺍﻟﺴﻴﺎﺭﻩ ﻭﺍﻧﻲ ﺍﺗﺴﻤﻊ ﺍﻟﻤﻜﺎﻟﻤﺘﻪ ﻭﻛﻠﺒﻲ ﺭﺍﺡ ﻣﻦ ﻳﻤﻲ
ﻋﻠﻲ / ﻣﺎﺷﻲ ﺧﻞ ﻳﺎﺧﺬﻫﻦ .. ﺣﻼﻝ ﻋﻠﻲ ﻫﺴﻪ .. ﺑﺲ ﺍﻗﺴﻢ ﺑﺎﻟﻠﻪ ﺍﺫﺍ ﻣﺨﻠﻴﺘﻪ ﻳﻜﺮﻩ ﺍﻟﺴﺎﻋﻪ ﺍﻟﻲ ﺍﺧﺬﻫﻦ ﺑﻴﻬﻪ ﺍﻧﻲ ﻣﺎﺍﻃﻠﻊ ﺍﺑﻦ ﺍﺑﻮﻱ .... ﺍﻧﻲ ﻳﺴﺘﻐﻔﻠﻨﻲ ﻭﻳﺎﺧﺬ ﺍﻻﺟﻬﺰﻩ .. ﺑﺴﻴﻄﻪ ﺍﺫﺍ ﻣﺸﻮﻓﺘﻪ ﻧﺠﻮﻡ ﺍﻟﻈﻬﺮ ﻣﺎﺍﻃﻠﻊ ﻋﻠﻲ
ﻻ ... ﻻ ﺧﻠﻲ
ﺍﻧﻲ ﻣﺴﺆﻝ ﻋﻠﻰ ﺫﻧﻲ ﺍﻻﺟﻬﺰﻩ .. ﻋﻮﻓﻚ ﻣﻦ ﺍﻻﺟﻬﺰﻩ .. ﺑﺲ ﺍﻧﻲ ﻋﻠﻲ ﻳﺼﺤﻚ ﻋﻠﻴﻪ ﻭﺍﺣﺪ ﻣﺜﻠﻪ
ﺳﺪ ﺍﻟﺘﻠﻔﻮﻥ ﻭﺍﻧﻲ ﻣﻦ ﻳﻤﻲ ﻛﻤﺖ ﺍﺭﺟﻒ ﻣﻦ ﻋﺼﺒﻴﺘﻪ
ﻭﺍﻟﺨﻮﻑ ﺗﺮﺱ ﻛﻠﺒﻲ ﻋﺰﺯﻩ ﺑﻌﻴﻨﻲ ﺍﻭﻝ ﻣﺮﻩ ﻫﻴﺞ ﺍﺷﻮﻓﻪ .. ﻟﺰﻡ ﺍﻳﺪﻱ ﻓﺰﻳﺖ
ﺷﺒﻴﺞ
ﻫﺎ ﻻ ... ﻣﺎﺑﻴﻪ
ﺷﻠﻮﻧﺞ ﺣﺒﻴﺒﺘﻲ ﻋﺬﺭﻳﻨﻲ ﻣﻜﺪﺭﺕ ﺍﻛﻄﻊ ﺍﻟﻤﻜﺎﻟﻤﻪ
ﻻ ﻋﺎﺩﻱ ﺣﺒﻴﺒﻲ
ﺗﺮﻩ ﺍﻧﻲ ﻣﻮ ﻫﻴﺞ ...
ﺍﻱ ﺍﻋﺮﻑ .... ﺑﻜﻠﺒﻲ ﺷﻌﺮﻑ ﻳﺎﺭﺑﻲ ﺷﻌﺮﻑ ﺭﺍﺡ ﺍﻭﺭﻁ ﺭﻭﺣﻲ ... ﻟﻮ ﻳﺎ ﺍﻭﺭﻁ .. ﻭﺭﻃﺖ ﺭﻭﺣﻲ ﺍﻧﻮﺏ ﺳﺒﺤﺎﻧﻚ ﻳﺎﺭﺑﻲ ﻳﻤﻜﻦ ﺭﺏ ﺍﻟﻌﺎﻟﻤﻴﻦ ﺩﻳﺸﻮﻓﻨﻲ ﻏﻀﺐ ﻋﻠﻲ ﻣﻦ ﻭﺍﺣﺪ ﻳﺠﺬﺏ ﻋﻠﻲ
ﺭﺣﺖ ﺍﺷﺘﺮﻳﺖ ﺫﻫﺐ ... ﻭﻫﻤﺰﻳﻦ ﺻﺎﺭﺕ ﻋﻨﺪﻩ ﺷﻐﻠﻪ ﻭﺭﺟﻌﻨﻲ ﻟﻠﺒﻴﺖ .
ﻧﻮﺭﻳﻪ / ﻃﺒﻌﺂ ﻋﻴﺎﻟﺞ ﻣﻴﻌﺮﻓﻮﻥ ﺑﺎﻻﺻﻮﻝ ﺍﺑﺪ ...
ﺑﺎﻭﻋﺖ ﻋﻠﻴﻬﻪ ﻣﺴﺘﻐﺮﺑﻪ
ﻣﻔﺮﻭﺽ ﺍﻟﺬﻫﺐ ﺍﻡ ﺍﻟﻌﺮﻳﺲ ﻭﺍﻡ ﺍﻟﻌﺮﻭﺱ ﻳﺮﺣﻮﻥ ﻭﻳﺎﻛﻢ .. ﺑﺲ ﻫﻤﻪ ﻣﺒﻴﻨﻴﻦ ﺧﺮﻱ ﻣﺮﻱ ﻭﻻ ﻳﻢ ﺍﻻﺻﻮﻝ
ﻣﺪﺭﻱ ﻣﺴﺘﻨﻜﻔﻴﻦ ﻣﻨﻪ
ﻻ ﻳﻮﻡ ... ﻋﻠﻲ ﻫﻮ ﺭﺍﺩ ﻫﻴﺞ ﻛﺎﻝ ﺍﻧﻲ ﻭﻳﺎ ﻧﺨﺘﺎﺭ ﺍﻟﺬﻫﺐ
ﻋﺔﺩ ﺣﻠﻮ ﺫﻫﺒﺞ ﻟﻮ ﺧﻔﻴﻒ ﺍﺧﺬﺗﻲ
ﻭﺍﻟﻠﻪ ﻣﺎﺍﺩﺭﻱ ﻫﻮ ﻋﻠﻲ ﺍﺧﺘﺎﺭﻩ ﺑﺲ ﻏﺎﻟﻲ ﺟﺎﻥ
ﺑﺎﻟﻌﺎﻓﻴﻪ ﻳﻤﻪ .. ﻳﺎﺭﺏ ﻛﻮﻥ ﺍﻟﻠﻪ ﻳﻬﺪﻱ ﻋﻠﻴﺞ ﺷﻜﻮﻝ ﻏﻴﺮ ﻫﺬﺍ ﺍﻟﺸﻲ
..............
ﺭﺍﺡ ﻋﻠﻲ ١٥ ﻳﻮﻡ ﻭﺍﺟﻪ ﺍﻝ١٥ ﺍﻟﺜﺎﻧﻴﻪ ﺳﻮﻳﻨﻪ ﻧﻴﺸﺎﻥ ﻭﻛﻀﺎﻫﻪ ﺑﺎﻻﺣﺘﻴﺎﺟﺎﺕ ﺍﻟﺨﺎﺻﻪ ﺑﻌﺮﺳﻨﻪ ﻳﺠﻬﺰ ﺍﻟﻐﺮﻓﻪ ﻭﺭﺟﻊ ﺭﺍﺡ ﻟﻠﺪﻭﺍﻡ ﻫﻢ ١٥ ﻳﻮﻡ ﻭﻳﺮﺟﻊ ﻭﻛﺎﻝ ﻧﺴﻮﻱ ﺍﻟﻌﺮﺱ
ﺷﻔﺘﻪ ﺑﺎﻟﻨﻴﺸﺎﻥ ﺑﻴﻮﻣﻬﻪ ﺍﺟﻪ ﺑﻠﻴﻞ ﺑﻌﺪ ﺍﻟﺤﻔﻠﻪ ﺳﺎﻋﻪ ﻭﺭﺍﺡ ﺑﻴﻮﻣﻬﻪ ..
ﻭﻗﺒﻞ ﻟﻴﺮﻭﺡ ﻫﻢ ﺑﻠﻴﻞ ﺍﺟﻪ ﻭﻟﺒﺴﺖ ﺍﻟﺒﺎﺭﻭﻛﻪ ﺑﻴﻮﻣﻬﻪ ﻭﺛﺒﺘﺘﻬﻪ ﺯﻳﻦ ﻛﻤﺖ ﺍﻋﺮﻑ ﺍﺛﺒﺘﻬﻪ .. ﺑﺲ ﻣﺸﻜﻠﺔ ﺍﻟﺒﺎﺭﻭﻛﻪ ﺍﺫﺍ ﺍﺣﺪ ﺟﺮﻫﻪ ﺗﻮﻛﻊ ﺑﺲ ﺍﻧﻲ ﺛﺒﺘﺖ ﺷﺎﻝ ﺳﻮﻳﺘﻪ ﻫﻢ ﻓﻴﻜﻪ ﻭﻫﻢ ﻳﺜﺒﺘﻬﻪ ﻳﻜﻠﻲ ﻃﻠﻌﺘﻲ ﺟﻨﺞ ﻣﺼﺮﻳﻪ
ﻭﺑﻴﻮﻡ ﺍﻻﺟﻪ ﺍﻣﺸﻲ ﻭﻭﺍﺻﻲ ﺏ ﺣﻴﺪﺭ ...... ﺧﻠﺺ ﻟﻘﺎﺋﻨﻪ ﺑﺴﻼﻣﻪ ﻭﺣﻴﺪﺭ ﺣﻤﻴﺘﻠﻪ ﺍﻟﺴﺠﻴﻨﻪ ﻛﺘﻠﻪ ﺍﺫﺍ ﺗﺤﺠﻲ ﺍﻱ ﺷﻲ ﺑﻬﺎﻱ ﺍﻟﺴﺠﻴﻨﻪ ..... ﻋﺪﺕ ﻋﻠﻰ ﺳﻼﻣﺎﺕ
ﻛﻀﻴﻨﻪ ﺍﻝ ١٥ ﻳﻮﻡ ﻛﻠﻪ ﺍﺗﺼﺎﻻﺕ ﻫﻮ ﺟﺎﺑﻠﻲ ﻣﻮﺑﺎﻳﻞ ﺻﻐﻴﺮ ﻣﺎﺍﻋﺮﻑ ﺍﺳﻤﻪ ﺣﺘﻰ ﺑﺲ ﺑﻲ ﻛﺎﻣﺮﻩ ﺍﺣﺪﺙ ﻣﻦ ﺍﻟﺼﺮﺻﻮﺭ ﻭﺍﻧﻲ ﻭﺧﻮﺍﺗﻲ ﻓﺮﺣﺎﻧﺎﺕ ﺑﺎﻟﻜﺎﻣﺮﻩ ﺍﻟﻲ ﺑﺎﻟﺠﻬﺎﺯ ﻭﺑﻲ ﻟﻌﺒﻪ ﺛﺎﻧﻴﻪ ﻏﻴﺮ ﺍﻟﺤﻴﻪ ﺣﻠﻮﻩ ﺍﻛﻀﻲ ﺍﻟﻮﻗﺖ ﺑﻴﻬﻪ.قصص عراقيه حقيقيه من واقعنا.روعه الطائي..ﻧﻮﺭﻳﻪ / ﻭﺍﻟﻠﻪ ﺧﺠﻼﻧﻪ ﻣﻦ ﻋﻴﺎﻟﺞ ﻫﺴﻪ ﺷﻴﻜﻮﻟﻮﻥ ﻋﻠﻴﻨﻪ ﺧﺎﻑ ﻣﻴﺼﺪﻛﻮﻥ ﺿﺎﻳﻌﻪ .. ﺍﻭﻭﻑ ﻳﺎﺭﺑﻲ ﺍﻭﻑ ﻣﻦ ﻳﻮﻣﻬﻪ ﻭﻳﺎﻛﻞ ﻭﻳﺸﺮﺏ ﻭﻳﺎﻱ ﻣﻮﺿﻮﻉ ﺍﻟﻜﻼﺩﻩ
ﻳﻤﻪ ﺷﺴﻮﻱ ﻟﻌﺪ
ﻻ ﻳﻤﻪ ﻟﺘﺴﻮﻳﻦ ﺷﻲ ﺑﺲ ﺍﺳﺘﻤﺮﻱ ﺑﺎﻟﺠﺬﺏ ﻫﺎﻱ ﺑﺎﺟﺮ ﻧﻬﺎﻳﺘﺞ .... ﻣﺎﺍﻋﺮﻑ ﻋﻘﻠﺞ ﺷﻨﻮ ﻣﻦ ﺣﺠﺎﺭﻩ ﺑﻲ
ﻳﻤﻪ ﻋﻠﻲ ﻳﺤﺒﻨﻲ ﻭﺍﻛﻴﺪ ﺭﺍﺡ ﻳﺘﻔﻬﻤﻨﻲ ﻭﺍﻟﻠﻪ ﻫﻴﺞ ﺣﺎﺳﻪ
ﺧﻠﻲ ﺍﺣﺴﺎﺳﺞ ﻳﻔﻴﺪﺝ ﻳﻢ ﺍﺣﺴﺎﺱ
ﺑﺪﻳﺖ ﺍﺣﺲ ﺍﻟﺨﻮﻑ ﻳﺘﻤﻠﻜﻨﻲ ﺑﺲ ﺣﻠﻤﻲ ﺍﻟﻮﺭﺩﻱ ﻣﺘﻐﻠﺐ ﻋﻠﻰ ﻋﻘﻠﻲ ... ﻋﻠﻲ ﺧﺎﺑﺮﻧﻲ ﻛﻠﻲ ﺭﺍﺡ ﻳﺠﻲ ﺍﺧﻮﻳﻪ ﺧﻞ ﺍﻣﺞ ﺗﻄﻠﻊ ﺟﺎﻳﺐ ﺍﻟﻔﻠﻮﺱ ﻋﻠﻤﻮﺩ ﺍﻟﺒﺪﻻﺕ ﺃﺟﺮﻫﻦ ﻭﺍﻟﺼﺎﻟﻮﻥ ﻭﻣﻦ ﺳﺪﻳﺖ ﺍﻟﺨﻂ ﺍﻣﻲ ﻛﺒﺖ
ﻧﻮﺭﻳﻪ / ﻳﻌﻨﻲ ﺫﻭﻟﻲ ﺍﻟﻨﺎﺱ ﺍﻟﻲ ﻳﺸﻮﻓﻬﻢ ﻳﻜﻮﻝ ﺑﻲ ﻫﻤﻪ ﻭﺑﺲ ﺑﺎﻻﺻﻮﻝ .... ﺍﻟﻨﺎﺱ ﻣﻦ ﺗﺠﻬﺰ ﻳﻄﻠﻌﻮﻥ ﺳﻮﻩ ﺍﻫﻞ ﺍﻟﻌﺮﻳﺲ ﻭﺍﻟﻌﺮﻭﺳﻪ ﻫﻤﻪ ﻻ ﻳﺴﺘﻨﻜﻔﻮﻥ ﺑﻠﻌﺘﻬﻪ ﻭﻛﻠﺖ ﻣﻴﺨﺎﻟﻒ ﻭﻫﺴﻪ ﺍﻟﺒﺪﻻﺕ ﻫﻢ .... ﻳﻌﻨﻲ ﺍﻻﻣﺎﻳﻪ ﺩﺗﻜﻠﺞ ﻣﺎﺍﺭﻳﺪﺝ ﺟﻨﻪ ﺍﻟﺒﻴﺘﻲ
ﻭﻫﺴﻪ ﺑﻌﺪ ﻣﻦ ﻳﻜﺸﻮﻑ ﺣﻘﻴﻘﺘﺞ ﻳﻠﻌﺒﻮﻥ ﻟﻌﺐ ﺑﻴﺞ
ﻳﻤﻪ ﺑﺮﺑﺞ ﻣﺘ

ﻌﺒﺘﻲ ﻣﻦ ﻫﺎﻱ ﺍﻟﺴﻴﺮﻩ ﻟﺘﺸﻴﻠﻴﻦ ﻫﻤﻲ ﻣﺎﻟﺞ ﺩﺧﻞ ﺑﻴﻪ ﻫﺬﺍ ﺍﺧﺘﻴﺎﺭﻱ
ﺍﻭﻭﻑ ﻳﺎ ﺍﺧﺘﻴﺎﺭﺝ ﺍﻟﻲ ﺭﺍﺡ ﻳﻌﻢ ﻋﻠﻴﺞ ﻳﻤﻪ .. ﻭﺍﻟﻠﻪ ﻳﻄﻠﻜﺞ ﻟﻴﺶ ﺗﺨﻠﻴﻨﻪ ﺑﻬﺎﻟﻤﻮﻗﻒ ﺍﻧﺘﻲ ﻓﻜﺮﻱ ﺑﺨﻮﺍﺗﺞ ﺑﻌﺪ ﻋﻨﺪﺝ ﻭﻗﺖ
ﻳﻤﻪ ﺑﺎﺟﺮ ﺣﻨﺘﻲ ﻛﺎﻓﻲ ﻓﺪﻭﻭﻩ ﺍﺭﻭﺣﻠﺞ ﺗﻌﺒﺘﻴﻨﻲ ﻛﺪ ﻣﺘﻠﺤﻴﻦ
ﻃﻠﻌﻨﻪ ﻭﺃﺟﺮﺕ ﺑﺪﻟﻪ ﻟﻠﻌﺮﺱ .. ﻭﺍﻧﻲ ﺍﺧﺬﺕ ﺭﻗﻢ ﺍﻡ ﺍﻟﺼﺎﻟﻮﻥ ﻣﻦ ﺫﻳﺞ ﺍﻟﻤﺮﻩ ﺧﺎﺑﺮﺗﻬﻪ ﺍﺟﺘﻲ ﻭﺳﻮﺗﻠﻲ ﺷﻴﺮﻩ ﺍﻟﻜﻞ ﺟﺴﻤﻲ ﻭﺣﻔﺘﻨﻲ ﺑﻴﻮﻡ ﺍﻟﺤﻨﻪ ﻻﻥ ﺍﻧﻲ ﻣﺴﻮﻳﺖ ﺣﻨﻪ ﻣﻘﺒﻠﺖ ﻛﺘﻠﻪ ﻣﺎﻛﻮ ﺩﺍﻋﻲ ﺑﺪﻟﻨﻪ ﺍﻧﻲ ﻭﺧﻮﺍﺗﻲ ﻭﻛﻤﻨﻪ ﻧﺮﻛﺺ
ﺍﻣﻲ ﻛﻀﺘﻬﻪ ﺑﺲ ﺩﻣﻮﻉ ﻭﺗﺘﻮﺳﻞ ﺑﻴﻪ ﺍﻭﻛﻒ ﻫﺎﻱ ﺍﻟﻤﻬﺰﻟﻪ .. ﻋﻠﻰ ﻛﻮﻟﺘﻬﻪ
ﻛﻌﺪﺕ ﻣﻦ ﺍﻟﻨﻮﻡ ﺍﻟﺨﻮﻑ ﻣﺘﻤﻠﻚ ﻛﻠﺒﻲ ...... ﺑﺪﻩ ﺍﻟﺨﻮﻑ ﻳﺴﻴﻄﺮ ﻋﻠﻴﻪ ... ﺑﺲ ﻣﻴﺨﺎﻟﻒ ﺭﺍﺡ ﻳﺴﺎﻣﺤﻨﻲ ﻣﺘﺄﻛﺪﻩ ﻻﻥ ﻳﺤﺒﻨﻲ .. ﻻﻥ ﻟﻮ ﺍﻧﻲ ﺟﺎﻥ ﺳﺎﻣﺤﺘﻪ ﻻﻥ ﺍﺣﺒﻪ ﻣﻦ ﻛﻠﺒﻲ
ﺟﻬﺰﺗﻨﻲ ﺍﻡ ﺍﻟﺼﺎﻟﻮﻥ ﻭﺧﻮﺍﺗﻲ ﻫﻢ ﺟﻬﺰﻥ ..... ﻣﺒﺎﻭﻋﺖ ﺑﻌﻴﻮﻥ ﺍﻣﻲ ... ﻣﺎﺍﻛﺪﺭ ﻻﻥ ﺍﻟﻘﻬﺮ ﻣﺎﻟﻴﻬﻪ ﺳﻮﺗﻠﻲ ﺗﺴﺮﻳﺤﻪ ... ﺷﻜﺪ ﺷﺎﻃﺮﻩ ﻫﺎﻱ ﺍﻡ ﺍﻟﺼﺎﻟﻮﻥ ﻳﻌﻨﻲ ﻣﺴﺘﺤﻴﻞ ﺷﺨﺺ ﻳﺸﻚ ﻫﺬﺍ ﻣﻮ ﺷﻌﺮ ﻭﺗﺜﺒﻴﺘﻬﻪ ﻟﻠﺒﺎﺭﻭﻛﻪ ﺷﻜﺮﺗﻬﻪ ﻭﺑﺴﺘﻬﻪ ﺳﺎﻋﺪﺗﻨﻲ ﻫﻮﺍﻱ ﻣﻊ ﺍﻟﻌﻠﻢ ﻣﺘﻌﺮﻓﻨﻲ ﻭﻣﻘﺒﻠﺖ ﺗﺮﺟﻊ ﺑﻘﺖ ﻭﻳﺎﻧﻪ
ﺩﺧﻠﺖ ﻟﻠﻐﺮﻓﻪ ﻭﻛﻔﺖ ﻛﺒﺎﻝ ﺍﻟﻤﺮﺍﻳﻪ .. ﺻﺢ ﻣﺨﺘﻠﻔﻪ ﺑﺲ ﻣﻦ ﻭﺍﻧﻲ ﺻﻐﻴﺮﻩ ﺍﻭﻛﻒ ﻛﺒﺎﻝ ﺍﻟﻤﺮﻱ ﺍﺑﺎﻭﻉ ﻋﻠﻰ ﻥ٥ﺳﻲ ﻭﻋﻠﻰ ﺷﻜﻠﻲ ﻭﺍﺑﺠﻲ ﻋﻠﻰ ﺷﻌﺮﻱ
ﻫﺎ ﻳﺎ ﻣﺮﺍﻳﺘﻲ ﺗﺤﺪﻳﺘﺞ ﺑﻴﻮﻡ ﻣﻦ ﺍﻻﻳﺎﻡ ﻭﻛﺘﻠﺞ ﺯﻣﺰﻡ ﺍﻧﺜﻰ ﻭﺭﺍﺡ ﺗﻠﺒﺲ ﺑﺪﻟﺔ ﻋﺮﺱ ﻫﺎﻱ ﺍﻧﻲ ﺍﻟﻴﻮﻡ ﻭﺍﻛﻔﻪ ﻛﺒﺎﻟﺞ ﺑﺎﻟﺒﺪﻟﻪ ﺍﻟﺒﻴﻀﻪ
ﻧﻮﺭﻳﻪ / ﻭﻳﻤﻜﻦ ﺑﻌﺪ ﺳﺎﻋﻪ ﺗﺼﻴﺮ ﺳﻮﺩﻩ ﻭﺭﺍﺡ ﺗﺘﻤﻨﻴﻦ ﺍﻟﻜﻔﻦ ﺑﺪﺍﻝ ﺍﻟﺒﺪﻟﻪ
ﺩﺭﺕ ﻭﺟﻬﻲ ﻋﻠﻴﻬﻪ ﺍﺑﺎﻭﻉ ﻋﻠﻰ ﺩﻣﻮﻋﻬﻪ ﺍﻟﻲ ﻧﺎﺯﻻﺕ ﻋﻠﻰ ﺧﺪﻭﺩﻫﻪ ﺍﻟﻤﺘﺮﻭﺳﻪ ﻋﻼﻣﺎﺕ ﺍﻟﻜﺒﺮ
ﺍﻻﻭﻝ ﻣﺮﻩ ﺍﺗﺮﺍﺟﻊ ﻋﻦ ﺍﺣﻼﻣﻲ ﺍﻟﻮﺭﺩﻳﻪ ﻭﺍﺧﺎﻑ ... ﺑﺲ ﻣﺎﺍﺗﻮﻗﻊ ﺍﻛﺪﺭ ﺑﻌﺪ .. ﻓﺎﺕ ﺍﻻﻭﺍﻥ .. ﺳﻤﻌﺖ ﺍﺻﻮﺍﺕ ﺍﻟﻬﻮﺭﻧﺎﺕ ﺍﻟﺘﺮﺳﺖ ﺍﻟﻔﺮﻉ ﻭﺍﻟﻬﻮﺳﺎﺕ ﺍﻟﻲ ﺑﺎﻟﺸﺎﺭﻉ ﺍﻝ ﻋﻠﻲ ﻭﺍﻟﺮﻣﻲ ..... ﺣﺴﻴﺖ ﺟﺴﻤﻲ ﻛﺎﻡ ﻳﺮﺟﻒ
ﻭﺭﺍﻫﻪ ﺭﺣﺖ ﻛﻌﺪﺕ ﻋﻠﻰ ﻛﺮﺳﻲ ..... ﺍﻧﺘﻈﺮ ﻳﺪﺧﻠﻮﻥ
.. ﺍﻣﻲ ﺟﺎﻧﺖ ﻣﺄﺟﺮﻩ ﻛﺮﺍﺳﻲ .... ﺩﺧﻞ ﻋﻠﻲ ﻭﻭﺭﺍﻩ ﺟﻮﻛﻪ ﻣﻦ ﺍﻟﻨﺴﻮﺍﻥ ﻳﻬﻠﻬﻠﻦ ..... ﺗﻤﻨﻴﺖ ﻟﻮ ﻋﻨﺪﻱ ﻋﻤﺎﻡ ﻭﺧﻮﺍﻝ ﻣﺜﻞ ﺍﻟﺒﺸﺮ ﺑﺲ ﻣﺎﻛﻮ .... ﻣﺎﻛﻮ ﺍﺣﺪ ﻳﺴﻠﻤﻨﻲ ﺍﻟﻌﺮﻳﺴﻲ
ﻭﺑﺎﻻﺻﻞ ﺗﻘﺼﺪﻧﻪ ﻣﻨﺪﺯ ﻋﻠﻰ ﺧﻮﺍﻟﻲ ﺍﻣﺎ ﻋﻤﺎﻣﻲ ﺧﺎﺑﺮﻧﺎﻫﻢ ﻭﺑﺲ ﺑﺎﺭﻛﻮﻟﻲ ﺣﺘﻰ ﺑﺎﻟﺠﺬﺏ ﻣﻜﺎﻟﻮ ﻣﺤﺘﺎﺟﻪ ﺷﻲ
ﺣﺴﻴﺖ ﻧﻬﺎﻳﺘﻲ ﻗﺮﺑﺖ ﻭﻋﻴﺖ ﻋﻠﻰ ﻧﻔﺴﻲ ﻭﻋﻠﻰ ﻛﻼﻡ ﺍﻣﻲ .. ﻳﻤﻜﻦ ﻻﻥ ﻗﺮﺑﺖ ﺳﺎﻋﺔ ﺍﻟﺤﻘﻴﻘﻪ
ﻟﺰﻣﻨﻲ ﻋﻠﻲ ﻣﻦ ﺍﻳﺪﻱ .... ﺟﺎﻥ ﻓﺮﺣﺎﻥ ﺣﻴﻞ .... ﻫﻤﺴﻠﻲ ﺑﺄﺫﻧﻲ
ﻃﺎﻟﻌﻪ ﺗﺨﺒﻠﻴﻦ ﻳﺎ ﻧﺠﻤﺘﻲ
ﺑﺎﻭﻋﺖ ﻋﻴﻨﻲ ﺻﺎﺭﺕ ﺑﻌﻴﻨﻪ ﺑﺲ ﺗﻤﻠﻜﺖ ﻋﻴﻮﻧﻲ ﺣﺰﻥ
ﻃﻠﻌﻨﻪ ﻣﻦ ﺍﻟﺒﻴﺖ ﻭﺻﻌﺪﻧﻪ ﺑﺎﻟﺴﻴﺎﺭﻩ ....... ﻛﻌﺪﻧﻪ ﻭﺭﻩ ﻭﺟﺎﻥ ﺍﻛﻮ ﻭﺍﺣﺪ ﻳﺴﻮﻕ ﻣﻦ ﻭﻟﺪ ﻋﻤﻪ ..... ﻭﺷﻴﺦ ﻣﺪﺭﻱ ﺷﻴﻘﺮﺑﻠﻬﻢ ﻛﺎﻋﺪ ﺍﻟﻲ ﻛﺪﺍﻡ
ﻭﺍﻧﻲ ﻣﻐﻄﻴﻨﻲ ﺑﺎﻟﺒﺮﻧﺺ ﻭﻣﺪﻧﻜﻪ ﺑﺲ ﺍﺣﺲ ﺑﺤﺮﻛﺎﺕ ﻋﻠﻲ ﻳﺮﻛﺺ ﻓﺮﺣﺎﻥ ... ﻣﻜﺪﺭﺕ ﻣﺎﺍﺑﺠﻲ
ﺍﻟﻠﺤﻈﻪ ﺭﺩﺕ ﺍﻛﻠﻪ ﻛﺎﻓﻲ ﺍﻧﻲ ﻛﺮﻋﻪ ... ﺑﺲ ﺧﻔﺖ ﻣﻦ ﺭﺩﺕ ﻓﻌﻠﻪ ﻛﺪﺍﻣﻬﻢ ﻳﻤﻜﻦ ﻳﺮﻣﻴﻨﻲ ﺑﻤﺴﺪﺳﻪ
ﻭﺻﻠﻨﻪ ﺍﻟﺒﻴﺘﻬﻢ ﻭﻛﻌﺪﻭﻧﻲ ﺑﺎﻟﻬﻮﻝ ... ﻭﻛﻤﻠﻮ ﻣﺮﺍﺳﻴﻢ ﺍﻟﻌﺮﺱ ﻭﺍﻣﻲ ﻭﺍﻛﻔﻪ ﻋﻠﻰ ﺭﺍﺳﻲ ﺧﺎﻳﻔﻪ ﻋﻠﻴﻪ ﻭﺍﻧﻲ ﻣﻴﺘﻪ ﺧﻮﻑ
ﻋﺸﻮ ﺍﻟﻤﻌﺎﺯﻳﻢ ﻭﺻﻌﺪﻭﻧﻲ ﺍﻟﻐﺮﻓﺘﻲ ﺍﻭﻝ ﻣﺮﻩ ﺍﺷﻮﻓﻬﻪ ﻋﻠﻲ ﻣﻮﺻﻲ ﺍﻟﻨﺠﺎﺭ ﺑﺲ ﻛﻤﻠﺖ ﻣﻦ ﺟﺎﻥ ﺑﺎﻟﺪﻭﺍﻡ ﻭﺍﻫﻠﻪ ﻫﻤﻪ ﺟﻬﺰﻭﻫﻪ ﺟﺎﻧﺖ ﺟﺒﻴﺮﻩ ﺣﻴﻞ ﻭﺑﻴﻬﻪ ﺣﺘﻰ ﻛﻌﺪﻩ ﻣﺎﻝ ﻗﻨﻔﺎﺕ ﻭﻋﻠﻰ ﺻﻔﺤﻪ ﻣﻴﺰ ﺩﺍﺋﺮﻱ ﺻﻐﻴﺮ ﺑﻲ ﻛﺮﺯﺍﺕ ﻭﻣﻦ ﻫﺎﻟﺴﻮﺍﻟﻒ ﻭﻛﻴﻚ ﻛﻮﻟﺶ ﺣﻠﻮﻩ
ﺻﻌﺪﺕ ﻋﻤﺘﻪ ﻭﻳﺎﻳﻪ ﻭﺍﺧﺘﻪ ﺣﻮﺭﺍﺀ ﺷﺎﺑﻪ ﻭﺍﻣﻲ ﻭﺧﻮﺍﺗﻲ ﻭﺭﺍﻫﻪ ﺳﻤﻌﻨﻪ ﺻﻮﺕ ﺍﻟﺸﺒﺎﺏ ﺗﻬﻮﺱ ﻗﺮﻳﺐ ﻋﻠﻰ ﺍﻟﻐﺮﻓﻪ ﺍﻟﺼﻮﺕ ... ﺍﻧﻔﺘﺢ ﺍﻟﺒﺎﺏ ﻋﻠﻲ ... ﻃﻠﻊ ﺍﻟﻜﻞ ﻣﻦ ﺍﻟﻐﺮﻓﻪ ﻭﺑﻘﻴﻨﻪ ﺍﻧﻲ ﻭﻳﺎ
ﻣﺜﻞ ﺍﻟﻤﺤﻜﻮﻡ ﺑﺎﻻﻋﺪﺍﻡ ﺣﺴﻴﺖ ﻭﺍﺟﻪ ﻣﻮﻋﺪ ﺗﻨﻔﻴﺬ ﺍﻟﺤﻜﻢ
ﻗﺮﺏ ﻋﻠﻲ ﻋﻠﻴﻪ ........ ﻭﻟﺰﻡ ﺍﻳﺪﻱ ..... ﻣﺒﺮﻭﻙ ﻳﺎ ﻣﺮﻳﺘﻲ ....... ﻳﺎ ﻧﺠﻤﺘﻲ .. ﻳﺎ ﺩﻧﻴﺘﻲ ... ﻭﺍﻥ ﺷﺎﺀ ﺍﻟﻠﻪ ﺭﺍﺡ ﺗﺼﻴﺮﻳﻦ ﺍﻡ ﺟﻬﺎﻟﻲ
ﺭﻓﻊ ﺭﺍﺳﻲ ﻻﻥ ﺟﻨﺖ ﻣﺪﻧﻜﺘﻪ ﻭﻋﻴﻮﻧﻲ ﻣﺪﻣﻌﻪ ... ﻟﻴﺶ ﺟﺴﻤﺞ ﻳﺮﺟﻒ ﺣﺒﻴﺒﺘﻲ
ﺑﻜﻠﺒﻲ ﻳﺎﺭﺏ ﺷﺮﺍﺡ ﺍﺳﻮﻱ ﻫﺴﻪ ﻫﻮ ﻣﻮ ﻛﺎﻝ ﻧﺘﺰﻭﺝ ﺑﺎﻟﻔﻨﺪﻕ ﻋﺰﺯﻩ ﺍﻟﻌﺰﺍﻧﻲ ﻣﺎﺍﻋﺮﻑ ﺭﺩﺓ ﻓﻌﻠﻪ ﻣﻦ ﻳﻌﺮﻑ
ﻭﺍﻟﻨﺎﺱ ﺟﻮﻩ
ﻋﻠﻲ
ﻋﻴﻮﻥ ﻋﻠﻲ
ﺍﺣﻨﻪ ﻣﻮ ﻣﺘﻔﻘﻴﻦ ﺑﺎﻟﻔﻨﺪﻕ
ﺭﺩﺕ ﺍﻭﻝ ﻟﻴﻠﻪ ﺍﻟﻨﻪ ﺑﻐﺮﻓﺘﻨﻪ .... ﻟﺘﺨﺎﻓﻴﻦ ﺍﻟﻄﺎﺑﻖ ﻛﻠﻪ ﻣﻔﺮﻏﻲ .. ﻳﻌﻨﻲ ﺑﺮﺍﺣﺘﻨﻪ .. ﻧﺰﻉ ﺳﺘﺮﺗﻪ ﻭﻓﺘﺢ ﺍﻟﺪﻛﻢ ﻣﺎﻝ ﻗﻤﻴﺺ
ﺍﻛﻠﻪ ﻫﺴﻪ ﻟﻮ ﻫﻮ ﻳﺘﻔﺎﺟﺊ .. ﻇﻠﻴﺖ ﺣﺎﻳﺮﻩ ﺷﺴﻮﻱ
ﺧﻠﻪ ﺫﻓﺘﻪ ﻋﻠﻰ ﺭﻛﺒﺘﻲ ﻭﻛﺎﻡ ﻳﺸﻢ ﺑﻴﻬﻪ ﻭﻳﺒﻮﺳﻬﻪ ﺑﻮﺱ ﺧﻔﻴﻒ ﺑﺮﻭﻣﺎﻧﺴﻴﻪ
ﻭﺍﻧﻲ ﻛﻤﺖ ﺍﺑﺠﻲ .... ﺣﺎﻳﺮﻩ ﺷﺴﻮﻱ
ﺟﺎﻥ ﻳﺒﻮﺱ ﺑﻴﻪ ﻫﻮ ﻣﺪﻧﻚ ﻋﻠﻴﻪ ﻻﻥ ﻃﻮﻳﻞ ﺣﻴﻞ ﻭﺍﻧﻲ ﺍﻗﺼﺮ ﻣﻨﻪ ﺑﻬﻮﺍﻱ ..... ﻳﺸﻤﺸﻢ ﺑﻴﻪ ﻭﻳﻜﻮﻝ ﺍﺣﺒﺞ ﻭﺍﻟﻠﻪ
ﻋﻠﻲ
ﻋﻴﻮﻥ ﻋﻠﻲ
ﺍﻧﻲ ﻛﺮﻋﻪ ........ ﺟﻨﺖ ﺍﺣﺠﻴﻬﻪ ﺑﺪﺍﺧﻠﻲ ﺑﺲ ﻣﺎﺍﻋﺮﻑ ﺷﻠﻮﻥ ﻟﻜﻴﺖ ﻧﻔﺴﻲ ﺍﺣﺠﻴﻬﻪ ﺑﺼﻮﺕ ﻋﺎﻟﻲ ....... ﻳﺘﺒﻊ

*10 اشياء احسن من 100 طبيب*

1_أشعة الشمس 🌞🌞
2_كثرة شرب الماء 🚿🚿
3_النوم الكافي ليلا 😩😩😩
4_الهواء الطلق النقي 💨💨
5_المشي نصف ساعة يوميا 🚶🏻🚶🏻
6_الغذاء الصحي الغني بالفيتامينات 🍛
7_تلاوة القرآن الكريم.. وهو غذاء للروح لايمكن الاستغناء عنه
8_العسل 🐝🐝🍯🍯
9_الحبة السودة_ اسمها حبة البركة
10_القناعة😊😊😊


#أعادة_توجيه
#ملوكه
@stylegrils

يي حبيبي كلش زين هالشي
لان الملح يعتبر كمقشر للوجه وكمنظف من الشوائب وحته يقلل من انتفاخ الجفن بالعين🌚🌺

وطبعا الافضل انو بالبداية توفرين الملح بالماي حته الملح كله يذوب..لمدة دقيقتين وتطفي ..ومن يبرد مسحي عل بشرتج

واللي تسوي هالخطوات كون بعده ابد ماتنسون الترطيب

ومرطب جليسويد هو كلش زين بس مرهم ثكيل يعني استعماله للجسم

واذا تريدين للوجه كون تستعملين جليسرين هذا هم مرطب و اشويه اخف منه🤗

#ملوكه

عيوني عادي هالشي انو يصير اثر لو يورمن وخاصة اذا تلبسين كعب فوك ساعتين🤦‍♀

فانتي حاولي تقللين من الكعب يعني مو يوميا ..نوعي فديومين كعب وبقية الايام فلات او رياضي
ومن ترجعين للبيت ..غسلي رجلج بماي دافي وملح ..ونشفيهن ورطبي بفازلين
وارفعي ليفوك لمدة ربع او نص ساعه مثل بهالصورة👇🏻

رح تحسين بتغير للأحسن😇💞

#ملوكه

بنات ضروري باليوم حتلو مرة ترفعين رجلين ليفوك مثل بهالصورة👆🏻..
لأنو يوخر كل تورم مال تعب بالنهار ومايصير اي أرق بلنوم وغيره من فوائد😻
#ملوكه

عمري وي اللون البنفسج فهج درجات شال تناسبه👇🏻🥰

من وردي فاتح او وردي وصخي او بصلي او بيجي او بيجي مايل للوردي

#ملوكه