#الانتحار

#بارت44

...........

اركان ...اي واني اريد المتوحشه

وتين ...واني ما اريدك

_ اي راح اخليج تريديني وماتتخلين عني ياروحي انتي

وتين ...كملنا الطريق محد يحجي ويه الخ يمكن انصدم من رفضتو

احسن الو شكو جاي عليه اني ..خلي يلكالو بنت عالم وناس اصل وفصل جاي عليه لا ام ولا اب

اول ما وصلت رحت لسابين اشتاقيتلها

هلوووو يحلووووو شلونج اليوم حبيبي احلى اخت بالعالم

سابين ...هلو توتة تعالي احجيلي شسويتي

وتين ...سويت الردتي هاج ست سووسة

سابين ...شكرا حبيبي تعالي احجيلي شلونو

_ منو قصدج ابوج ؟

_اي صح السووا مو قليل بس على الاقل اريد اعرف شلونو سمعت انو مريض

_ ولجهنم خلي يروح مكدر اتعاطف ويا مثلج هو جان اب الج بس مو الي

اني تعبت وتلفت اعصابي من شوفتهم بس بالاول كوليلي انتي شلونج دا تمشين ويه رنيم بالعلاج

_ اي اي لتخافين اليوم اخر فحص واخر يوم ان شاء الله وتخلصين من دوخة المستشفى
بس بالاول جيبي السندات اريد اشوفها لعم تمارة اخاف مزوره

_ اوك هاج

_ تدرين وتين عاجبني اسوي قصتنه كتاب وانشرو حتى كل العالم تشهد ع مظلوميتنه وحتى يعرفون اكو بشر بهل دنيا عانوا ابشع طرق العيش بهل دنيا

_ سابين حبيبي بلاه هل حجي اني ماريد شي من الدنيا بس انتي تتشافين واخذج ونروح نعيش وحدنا ومنريد اي بشر يشاركنا حياتنه اني وانتي وبسسس

_ بس جان يعجبني اروي للعالم مظلوميتنه اتمنى الكل تشهد ع هل شي

_ يامحلى قصتنا يمعوده تريدين العالم تتنكد وثم شنو نهاية هل قصة الملعونه بله

_ ههههه خليها عليه النهاية اني اسويها الج

_ هههههه سابين شبيج صايره اديبه روائيه ومندري

_ ههههه شسوي من ضيمي مادري شحجي

_ حبيبي ربي يحفظج الي ماريد شي من الدنيا بس اشوف هل ضحكة الحلوة هاي يله راح اطلع اسبح ابدل واجيج

_ اوك كلبي

_ رحت لبيت تمارة سبحت وبدلت ماجان عندي ملابس الي عربيه

فلبست من ملابس تمارة كرديه وارتاحيت شويه ورجعت لسابين بالمستشفى

سابين ...خابرت المحامي المسؤول عن قضيتنا وكتلو اريد اشوفك ضروري

جان يجي كتلو اريد اتاكد هذا التحويل حقيقي لو مزيف

جان يراجعها وكال لا لا ست سابين كلو تمام هذا تحويل نظيف مابي شي

_ يعني هسه كل هاي مسجله باسم وتين

_ اي نعم كلها باسمها

_ خوش اعتذر منك تعبتك وجبتك لهنا وانت جنت مشغول

_ لا ولو تدللي

_ جانت رنيم تريدني اتعامل وياها بس لكونها ما وكفت ويايه وما انصفتني

جان عثمان يجي وياها بكل جلسات العلاج واني جنت مكدر اتعامل ويه هالشي

ماجان يدحكلي بس جان يكعد ويلزم الموبايل يمكن جان يخاف لا احجي شي لا اطلب انو يتعاقب حتى يتلاحك الوضع

جانت ساعات عبالك موت بالنسبه الي جانت رنيم تحجي وماتسكت

تريد تقنعني انو ماصار شي وانو كلشي راح يخلص اذا وافقت بالزواج منو

زين اني شنو بنظرهم ماعندي مشاعر واذا تزوجتو شراح يصير راح انسى اغتصابو الي

راح احبو مستحييييل اموت وما اصير الو جانت رنيم خايفه حيل على عثمان

شكيت انها تحبو او انو عثمان هددها تضم السالفه بعد كل السوى بيه

ما اجا اعتذر مثل البشر ولا جبر نفسو يصلح غلطو وكانو ماسوى شي

جان يتصرف هيج وهذا الشي خلاني افكر واقتنع اكثر بالشي الراح اسوي

رنيم الجانت خايفه لان مااشتكت على عثمان اول ماصارت المشكله

باعتبارها تسترت على مجرم اشرتلها يطلع عثمان من الغرفه جان تطلب منو يطلع

ومن طلع كتلها ...رنيم جنت اعتبرج اخت الي جنت اثق بيج اكثر من روحي

بس طلعتي مو كد الثقه تسترتي علي ومادافعتي عني

بالعكس جنتي تحطين اللوم كلو عليه لمتيني مع العلم اني المظلومه هنا

راح اشتكي واكول للمحامي كلشي انتي وعثمان راح تروحون بخبر كانا افتهمتي

عثمان راح احرص انو يموت اعدام وانتي راح تنحبسين اذا ما انعدمتي ويا

وحقي هالمره راح اخذو ماراح اسكت مثل ماسكتت على فرقد بحاله وحده تنقذين عثمان اذا ردتي طبعا

رنيم ...جانت واثقه من كلامها واني احب عثمان اسوي كلشي بس لايتأذه

اصلا دست على كلبي حتى اعالجلو حبيبتو عندي اهم شي اشوفو مرتاح

مو مهم اني المهم عندي هوه جنت مهووسه بي من اغتصب سابين زاد الهوس مالتي بي

لان حسيتو ابتعد عنها واخذ اليريدو منها وماعاد يريدها

حسيت هيج صار لان ما بقى يهتم بيها ولا كانو غلط بحقها

صار عندي امل انو اخذو ويايه للخارج حجيت ويا قبل اخر جلسه

انو من نخلص من معالجه سابين اخذو ويايه

نرجع بالاحداث شوية

عثمان ...بعد الشي الصار تعبت اعصابي حيل رنيم ماتوقعت تتستر عليه

جنت تعبان وشارب وصاير مخ ورجلي اخذتني لشقة رنيم دكيت الباب فتحتو

رنيم ...شنو هالريحه شو هالمنظر الطايح حظو

هذا الكدرت علي تعال غسل لشرب شي صحصحلي احد يشرب هالكد هااااا بس كلي فقدت

عثمان ...صحصحت شويه رنيم

شسوي احجيلي والله مجان قصدي

مجاي اشوفها حتى لاتنتكس حالتها كوليلي شسوي ابوس ايدج

رنيم ...عثمان تعال احجيلي اريد اسمعها منك بالتفصيل

حتى اعرف شلون ابدي بعلاجها واطلعك منها

تعرف السويتو جريمه وماحاجه اشرحلك عواقبها فتعال صحصحلي كامل واحجيلي

_ انييييي احبها هااايم بيها ذايب عليها فهمتي هذا كل شي

اريدها يربي اريدها بس خبلتني كامت تصيحلي باسم هالحيوان فرقد

_ طبيعي لانك تحولت لحيوان وكتها

_ لا ولج قبل لا اتقرب منها صارت هيج اتخبلت عليه وكامت تندهلي بأسم فرقد

_ صوجك تعرف البنت حالتها وحضرتك هسه هالحجي ميفيد سولفلي

_ السالفه وحده ثنتين ثلاثه حجيتلها الصار اني احبها واغتصبتها

ردتها تستسلم وتصير حلالي ردت ميكون الها مهرب غير تزوجني ونتستر على الشي الصار

اريد ارجع احجي وياها الله يخليج رنيم ساعديها ترجع وتحبني ونتزوج

رنيم حست كلبها احترك من الغيرة كالت ...هلكد تحبها

_ واكثر من روحي هم

_ واني روحي جانت تحترك بكلامو عنها اوك يا عثمان لازم ماتشوفها

وبالجلسات راح تجي ويايه راح تكعد كبالها حتى تواجه هالشي بنفسها وتستسلم

وتقتنع بكلامي بس راح نضغط عليها شويه يجوز تنتكس حالتها

بس لازم هالموضوع مايطلع تعرف العواقب اذا انفضح

عثمان ...ضغطت ع نفسي جثييير جنت كوه لازم نفسي كبالها

كلبي جان يوجعني وشلون خايفه مني ليش هيج اذيتها بنت كلبي هاي

معرف شنو مغزى رنيم من كعدتي كبال البنت الي اغتصبتها

بس جنت واصل مرحله يأس فضيعه اسوي اي شي بس ترضى عني

وضغطت على جنودي بعد اكثر حتى الكا فرقد واجيبو ليمها

بلكت تسامحني وتغفرلي للغلط الغلطتو وياها تلفت اعصابي بهالشهر المر عليه

رنيم ...عثمان ليش ماتجي ويايه هناك تغير جو وسابين ما اعرف شنو العاجبك بيها ياعثمان لازم تطلع والله ترى اذا عرفوا

اهل تماره ضباط ومحامين وقضاة تروح بخبر كان تعال نخلصلها الجلسات ونطلع تغير جو انت وترتاح شويه

عثمان ...الله كريم رنيم خلصينه من هالمشكله مثل ماسكتت على فرقد

اريدها تسكت عليه واني بس تتحسن شويه اتزوجها وتفض الشغله

وكتها ماتكدر تسوي شي وانتي هم قنعيها بهاي الفكره

رنيم ...حسيت سجاجين فاتت بكلبي عثمان ليش بعدك تريدها متكولي

البنت لاعب بيها فرقد فلقه ترى مستحيل تعيش بصورة طبيعية اكو الف وحده غيرها ياعيني

عثمان يحجي ويه نفسو ...اعرف رنيم تحبني من ايام الكلية بس شسوي لازم اخليها توكف ويايه

لانها انسانه مو شاعريه تتبع المنطق وماتمشي ورى مشاعرها

لازم اخليها توكف ويايه وتخلصني من هالغلطه الكبيره

شوفي رنيم زواجي منها بس علمود اسكتها ورا كم شهر اطلقها واطلع وياج

بس ساعديني بهالشي وكلشي بعدها يجي شويه شويه

رنيم ...اقتنعت بكلامو معرف شلون مع العلم جنت اعرف انو يجذب عليه

بس حبيت اجذب احساسي واثق بي جنت احبو لدرجة

وزاد حبي الو بهالفتره البقيت يمهم جنت اغرم بي يوم عن يوم اكثر واكثر

وكل يوم اشوفو بي شلون يهتم بسابين جنت اموت الف موته

واتمنى لو يهتم بيه اقل من نصف اهتمامو بيها بس بنفس الوكت جنت احبو من يضحك ومن يتعصب

في الوقت الحاظر

سابين ...وين شردتي مو داحجي وياج راح تسمعين الاكولو

رنيم ..ها اسفه اي كملي شتريدين كولي

سابين ...اريد تجيبين سجين عثمان للغرفة مالتي باجر

اريدج تجيبيها وتطلعين ولاتبينين بالكاميره خليها بالحمام وطلعي برا

رنيم ...شلون مفهمت شسوين بيها

سابين ...وتين تحب اركان واركان يحبها ماراح تلكه شخص مثلو يفهمها

بالاخص انو نفس التفكير ونفس الاهتمامات ونفس الاختصاص راح تفوتين لبيتو وتجيبيها الي

رنيم استغربت من كلامها وكتلها ...شنو دخل وتين واركان بالسجين سابين شراح تسوين ترا خوفتيني

رنيم ..انتي مو بموقف يسمحلج انو تحققين ويايه

سوي الاريدو والا هسه اتصل بالمحامي واخلي يجي يسمع العندي كلو

وهسه اطلع اسوي تحليل واخذ اثبات اغتصاب عثمان الي افتهمتي

انتي جيبي السجين واخذي عثمانج وطلعو من حياة وتين واني راح اسد الموضوع عند هذا الحد

رنيم ...اجذب اذا اكول فهمت شي منها جانت غامضه كلش و واثقه من نفسها حيل

راح تاذين عثمان سابين احجيلي اني ما اريدو يتأذه اترجاج

سابين ...هه لاتخافين احنا بالعراق ماعدنا امكانيات الخارج محد راح يعرف شي بالاخص اني مضطربه نفسيا

رنيم ...راح تنتحرين افهم هالشي من كلامج

سابين ...لا الانتحار هالمره جثير بعيد عني ليش انتحر واترك وتين وحدها

لا راح اعيش هالمره وبقوة .. رنيم اريد سجين عثمان

رنيم ...اوك اذا توعديني ماتاذين عثمان وتنتهي المشكلة هنا اجيبها الج بس ما اعرف مكانها

_ بكنتورو بالغرفة فوك اخر رف تلكيها بالغمد مالتها

_ اوعديني ماتاذين عثمان ولاتاذين نفسج

_ اوعدج

_ احلفي برب الكون ماتسوين اي شي غلط

_ والله ما اسوي اي شي غلط

_ حلفت بربها واعرف المسلمين مايحلفون بربهم جذب بس كوليلي شراح تسوين بيها

_ احتفظ بيها اي شخص يحاول يتقرب مني راح يموت بيها يعني سلاح ادافع بي عن نف

سي وكت الخطر مثل متعرفين احنه عايشين بغابة وماكو امان ولازم احمي نفسي بعد

_ اهااا ماشي اذا بس هيج اجيبها الج باجر

_ لا اليوم لازم تروحين تاخذيها والصبح باجر خليها بالغرفة

وتين ...هلو سوسة قلبي شداتسولفون

سابين ...سوالف بنات ولايهمج

وتين ...واني ولج مو بنية يعني حتى ماتشاركوني بهالسوالف

سابين ...لا بس بعدج صغيرونه

وتين ...وااااات اني صغيرونه

رنيم ...جنا نحجي عنج وعن اركان الولد حباب ويحبج وفتح موضوعج ويه اهلو ورايدج وماتلكين مثلو شتكولين

وتين انغثت وكالت ...سدوا الموضوع تعرفون رايي بهذا الشي لاتفتحوا بعد

وانتي ست سابين ماطكت روحج من الغرفه تعالي افرفرج شمي هوى نظيف

شنو هاي الغرفه ريحتها كلها تعقيم مالعبت نفسج منها

سابين ...هو اخر يوم الي بيها باجر اودعها

وتين ...ساعدتها تكوم من السرير وكعدتها ع الكرسي وطلعنه بالحديقه مال المستشفى

كتلها اييي الحمدلله راح نخلص من اجواء المستشفيات وتجين تنامين يمي سويت الغرفة مال مخابيل واشتريت شغلات تخبل

بس دا ادور على شقة نشتري لو نأجر اكول لو نشتري مو احسن

حتى نخلص من هم الايجار وفلوس وعدنا ونعيش سوى

بس انتظرج تطلعين ونفتر ندور سوا هم نشتري بمجمع لو بشارع عام ما اعرف اريد رايج

سابين ...باجر عود راح تقررين انتي ادرى

وتين ..وليش اقرر ليش مو نقرر ليش تحجين بصيغة المفرد ؟!!

سابين ...هااا اممم اقصد انتي ادرى بهاي الامور اقوى مني يعني

وشخصية قويه راح تلكين شي حلو والي توافقين علي اوافق علي ..اكول وتين ؟

وتين ..ها حبيبي شكو ؟

سابين ...ايلين هسه مرتاحه برايج

_ اممم شذكرج بيها

_ مانسيتها حتى اذكرها برايج تحس بالوحده هناك بالصحراء وحدها دفناها ماكو احد يمها

_ اممم اذا تفكرين بالموضوع من وجهة نظري خلصت من عذاب سناء وطارق

وماشافت الي شافتو طفولتنا جانت جثير ارحم من هالكم سنه العشناها

لو بقينا صغار ننضرب نوصل الموت ونتعالج جان احسن

_ ليش برايج ماذبتنا سناء بجيس اسود مال زبل وذبتنا يم حاويه يشوفنا ميتم

او يشوفنا رجال محروم من الجهال وياخذنا ليش عيشتنا يمها هيج

_ تعرفين اني هم افكر جثير بهاي الامور لو ذابتنا جان اسهل النا يمكن

_ اني احبج وتين تعرفين اني وايلين هم حبيناج جثير

جنتي مثل لعبتنا من جنتي صغيره عبالك بنتي جنتي

من طلعت سنونج ومن مشيتي جنت افرح جثيييير عبالك مسويه انجاز

_ ههههه ما اذكر هالامور كل الاذكرو من طفولتي راشديات سناء وعيونها الساكنها الشيطان و بس

_ ايلين مع العلم تركتنا بس بعدها يمنا احسها ويايه روح بروح

_ يجوز لان توأمج تحسين هيج اني نوعا ما بديت انسى ملامحها

بس اتذكرها من اشوفج واكول لو كبرت تطلع نفسج

_ راح نحبج على طول تعرفين هالشي

_ اي اعرف واني هم احبج وابقى احبج

_ وتين شتسوين اذا اختفيت فجأة ومابعد تلكيني

سابين انكمش كلبها من نبرة كلام اختها وكالت ...فدوة لاتحجين هيج تعرفين ماعندي غيرج بهل دنيا

من جنت صغيره انتي وايلين جنتوا كلشي الي فلاتحجين بهاي الامور اضوج

_ لازم تتعلمين تعيشين وحدج بدوني

_ وليش بله خاف ضجتي مني ياست وتريدين تتركيني وتعيشين بشقه وحدج

_ لا بس اخر شي لازم تزوجين خو ماتضلين هيج شي اكيد تصير الج حياتج الخاصة وراح نفترق عن بعض بذاك الوقت

_ ماريد تفتحين هالموضوع الله يخليج مو متحمله ترى شوفي زواج امج وابوج شلون جان ماكو داعي نجرب

الزواج عبارة عن حياة ملعونه تتكون بين اثنين يكرهون بعض وينتقمون من بعض والضحية اطفالهم

_ وتين عندي جثيير امور مرت بحياتي اريد احجيلج عنها

_ اي احجي شعدنه هاي دنفتر بالحديقة والهوه النظيف حوالينه

سابين كامت تسولف لوتين شغلات مرت بحياتها بس اله شغلة الاغتصاب سكتت هنا وماكدرت اتكمل وكالت

وتين حاسه نفسي تعبااااانه حيييييل اريد انام فترة طويله حيل افوت بسبات ومحد يكعدني

_ هاي تاثير الادويه الدا تاخذيها بس كلشي راح يتصلح ويرجع احسن

بس اريد اسالج شغله سابين شصار بهذاك اليوم اني ماسالتج

كلت انتي تحجيلي بس ترتاحين شويه شصار حتى هيج صرتي ماجان بيج شي

سابين حاولت تخفي الموضوع ...امممم كلشي تذكرت شغلات ضوجتني ماكدرت انساها وبس ..يلا نفوت تعبت اريد انام

وتين ...جذبت عليه سابين من تجذب ماتدحك بعيوني

عرفتها جذبت شكو بكلبج يا اختي شكو اتمنى لو اكون قريبه كلش وتحجيلي

ورنيم ماحجتلها منو اليعرف البيها الله اعلم راح يجي يوم تحجيلي

رنيم ...الو عثمان وينك

_ برا البيت خير استجد شي

_ لا بس اكو شغله ابيتك اريدها شلون

_ شنو هيه

_ ها شسمه ملفات وهالامور

_ اي اركان موجود خابري وخلي يفتحلج الباب

_ اهاا اي خوش رحت دكيت الباب جان يفتحو اركان

اركان ...هلو دكتوره رنيم

_ هلا اركان اكلك عندي ملفات نسيتها بغرفة سابين اخذها واطلع

_ البيت بيتج ست رنيم شوكت ماتحبين فوتي وطلعي دا اشرب كبتشينو تحبين نشرب سوا واريد هم احجي وياج بموضوع

_ اي يصير ليش لا

_ ديلا عجل على ما اغلي

المي

_ اوك ..طلعت فتشت مثل ماكالت سابين ولكيت السجين الحجت عنها جان خنجر حاد اخذتو وخليتو بالجنطة ونزلت

شفت اركان محضرلنه كوبين كبتشينو حار نطاني واحد كعدت اخذت رشفه من الكوب وحطيتو ع الطاولة

اي يا اركان كول شكو وجهك كاشفك ترى

_ ليش يخفى عنج شي محقق كونان انتي مو دكتوره

_ هههه احجيلي همك شنو

_ اريد اتزوج يارنيم

رنيم بمزاح وضحكة عالية ..اني موافقه تعال اخطبني هههههه

_ بربج لاتصنفين عليه

_ ليش ياب شبيه

_ مااااابيج شي تعرفيني ولهان بيها والمصيبه ماتريد قافله قفله عليه

_ اي ينرادلها وكت يا اركان ترى العاشتو والشافتو من المتزوجين مو شي هين
هيه تعتبر الزواج لعنة يصيب كلمن يحاول يتقربلو

_ اعرف والله اعرف ومقدر هالشي بس الوحده شويه تنطي امل هاي فد مره يارنيم ماكو ميبستها عليه حيييل

_ ديربالك تغلط يااركان

_ بشنو اغلط شنو قصدج

_ ( يبوووو يربي شلوصت اني) قصدي لاتلح جثير وتضغط عليها بعدين تنفر منك

_ لا لا والله مادا الح عليها بس معرف اتصرف تصرفات طفوليه وياها من تكون يمي اتمنى ماتفاركني

_ اني هم حجيت وياها اني وسابين بس ماكو فايده قافله بس انصحك تنطيها شويه وكت

_ هيج برايج راح تقبل بعدين

_ الله اعلم بس لازم ماتضل لازك بيها بعدين تمل منك

ابتعد عنها شويه خلي تحس بفراغك وراح تعرف انك شخص غالي عليها

_ الله يسمع منج تعبتج

_ لا ولو اني استاذن منك راح اطلع كلش تعبانه يادوب اصل الشقه وانام ..

في صباح اليوم التالي بتاريخ
٢١/٩/٢٠١٧ الساعة ال٧ صباحا

رنيم ...رن منبه الفون مالتي كمت ع السريع سبحت وبدلت واخذت السجين وياي وصلت للمستشفى خليت السجين بغرفة سابين

وطلعت وسديت الباب بعد ربع ساعة كملت شغلي بغرفتي

ورحت حتى اسمع اخر جلسه لسابين .فتت عليها

حتى اكمللها اخر جلسه باعتبارها رجعت تاكل وتشرب طبيعي

واني هم جنت اريد بس اخلص تعبت جثيير وياهم

فتت عليها شما تحجي ماترد بس متكوره وتهز جسمها لكدام وليورى وتحجي بصوت ناصي اي لا اي لا اي لا

سابين حبيبتي شنو ال اي وشنو ال لا

سابين ..ماراح تفهمين شتكولين اي لو لا اختاري

رنيم ...شنو هوه غير اعرف حتى اختار

_ اختاري عندج كلمتين سلبية وايجابية شنو تختارين

_ طبعا اختار الايجابية بحكم طبيعة شغلي بس اريد تحجيلي كلمة اي عن شنو تحجي

_ ولا شي تعبانه وارريد انام اطلعي برا رنيم

_ بس بعد ماخلصنا الجلسة سابين

_ مابيه شي دحكي كلو تمام اليوم راح نطلع من المستشفى وكلمن يروح بحال سبيلو

_ راح تجبريني ما اختم الجلسة اليوم

_ لا ختميها خلص تحسنت وشكرا جثير الاريدو انام وبس منمت زين بالليل

_ ليش تأرقتي شي لو جنتي تفكرين

_ شفت فلم ولهذا منمت وتين وين

_ خابرتها جايه بالطريق

_ خوش اريد موبايل اخابر منو وتين لان تلفوني طفه شحنو

_ اخذي موبايلي خابري واني طالعه شويه واجي

_ اوك باي

وتين ...وصلت للمستشفى جان عثمان هو وشعرو المخربط

واركان جا ويايه هم وتمارة وفرهاد علمود نطلع سابين اليوم

ونروح للبارك وللفاملي نفتر ونحتفل ببداية جديده خابرتني رنيم
الووو هلا رنيم

سابين ...وتين اني سابين

وتين ...حبيبي سوسة ليش موبايلج مابي رصيد

سابين جان صوتها بي عبرة مخنوكه كوه تحجي كالت ...وتين ديري بالج على نفسج خيتي احبج جثييير ..باي

وتين ...حسيت احد خمط كلبي مني حسيت روحي انسحبت مني كمت ارجف حسيت صار شي

كبل جت ابالي ايلين وراسها المفتوح والدم والقبر والتراب

حسيت بقشعريرة اتسللت لجسمي وجمدت بمكاني فزيت الوووو الووو سابين وينج حبيبتي ردي فدوة لتخرعيني عليج جاوبي الله يخليج

جنت لابسه كعب عالي مو مال اركض بي بالمستشفى نزعتو وذبيت الجنطه وركضت حافيه لفوك اريد اوصل لغرفتها

الطريق صار شطولو يربي عبالك صار دهر اركض وما اوصل

كمت اركض باقسى سرعة مثل المخبله فتحت الباب وقبل لا الحك افوت وجان اشوف ..

وللحكاية بقية ....

بارد ومحطم ك خاتم خطوبة سحب من أصبع شهيد قبل الدفنِ..💔

يتبع ....

#الانتحار

#بارت45




وتين ...جان اشوف الدم يتطاير كبالي جمدت بمكاني اتصنمت اريد اكمل دخولي بس رجلي انشلت جسمي كلو وكف وكمت ارجف جان الدم طايح بالكاع كبالي منظر مرعب قسييت ع نفسي

وركضت دا اشوف شنو هل دم شفت المنظر الي لهسه مطبوع بدماغي ومايروح من مخيلتي منظر لو احد شافو يختل عقلو

منظر يدمر اكبر واحد شي خلاني افصل عن الدنيا ومابيها

منظر يدمي القلب شفت سابين ركبتها مكصوصه من الوريد للوريد وهيه بالكاع وراسها مرفوع لفوك ومنتجي على الحايط

وركبتها تطفر دم الغرفة كلها حمره منظر مرعب مرررررعب مفزع جدا فاجعة جانت بالنسبة الي

صررررخت بصوت هزيت اركان المستشفى هززز لاااااااااااا ساااااااااااااااابين لااااااااااا بربج لااااااااااا ليشششششش هيج ولج ليشششششش

دكتوووووور ساعدني الله يخليكم تعالو عليه اختي راح تموووووووت تعالوووووو

عثمااااااااان اركااااااااان تعالوا الحكولللللللييييي ولكم سااااابين ساااابين

نزعت صايتي الجنت لابستها وكبل لفيتها على ركبتها جانت تطفر دم بغزارة

بلكت يخف الدم وتعيش راح ينقذوها دكتووووور رنيم وينج رنيييييم بقيت حاضنتها وابجي واصرخ واستنجد بالعالم

عثمان ...من ركضت وتين لفوك كمشني كلبي معرف شلون تربطت رجلي

اركان لحكها ركض وراها واني جنت اريد اركض بس جسمي صار ثكيل حيل مكدر اوصل قبلها

اركان ...جنت متجه للمحاسبه حتى ادفع الفلوس وشفت وتين ركضت فوك مثل الفاقده شي

او راح تفقد شي ركضت وراها فتت وشفت ابشع منظر بحياتي جانت حاضنتها وتصرخ سااااابين لاتتركيني ساااابين

دكتور ساعدني طلعت اركض صحت بالممر دكتووووور الحكوناااااا يا دكااااتره لحكووونا

عثمان ... من فتت وشفتها بهالحاله والدم يطفر منها وكعت من طولي وكمت اضرب ع راسي من الصدمة شسوت هالمخبلة يربي معقوله توصل وياها لهنا

شسوت اريد احضنها اريد اعتذر منها سامحيني سابين سامحيني ليش هيج سويتي بنفسج

ولج مو تمنيتج من هل دنيا ليش حرمتيني منج جنت ابجي مثل المخبل

وعيت على نفسي من صاحت وتين

وتين ...سااااااابين دكتور هاي اختييييي هاي اختييييييييي
اخر شي بقالي ..كل عائلتي هاااااي

ساعدوها الله يخليكم هاي اخر قريب الي هاي اختييي دكتوووور دكتوووور ساعدها

سابين ماراح تتركني ادري بيها راح ترجعلي راح ناجر سوى ونعيش سوى وحدنه

منريد غيرنه بس اني وياج والله ولج اكعدي سااااااابين لااااااااا ولج ليشششش استسلمتي للشيطان

دكتووووووور الله يخليك الحك عليها والله تكدر تخليها تعيش فدوة رجعها الي ابوس ايدك حاولوا وياها

جانت صرخاتي طالعه من جوارح روحي جنت دا اموووووت

واتوجع بلاعيمي اتجرحت كامت توجعني كلبي خايف حيل ويدك سريع

رجلي صارت خيوط ماتشيلني بعد شكد صيحت نبح صوتي اتجرحت حبالي كمت اصيح بس يادوب يصل صوتي

جا الدكتور واركان كوه سحبني عنها اخذوها ع السريع للعمليات واني ادك والطم بكاعي واركان لازمني بكل قوتو

تمارة ...ركضنا اني وفرهاد نشوف شكو فات فرهاد قبلي

وصل للغرفة شاف المنظر طلع يركض وجهو اصفر دار وجهي وحضني

وكام يبجي شكو فرهاد احجيلي شكو جان منهار وبس يبجي ردت افوت جان يسحبني وماقبل

فرهاد ...ماراح تتحملين المنظر تمارة منظر مرعب والله ...اني رجال انصدمت من هول المنظر

تمارة ... وصلوا الدكاتره والممرضات الغرفة صارت هوسه والكاع صارت مسبح من الدم

وكل الي يفوت يطلع يبجي والي يطلع يستفرغ بالخير .. طلعوها ع السريع شحجي كلشي ما اشوف بس الدم

جانت غركانه بدمها دا ادحك جان يغطي عيوني فرهاد وكعت من طولي

واصيح هاي شصايرلها سابين شبيها احد يحجيلي شبيها فرهاد حضني وكال كتلج صعب لتدحكين

عثمان ...صار خلل بدماغي من بشاعة المنظر حضنتها قوي وجانت فاقده

حسيت انها راحت مني ماكو نبض جنت لازم ايدها اقيس بالنبض بس ماجان اكو نبض

او اني مجنت احس بي جانت ايدي ترجف من خوفي صحت على الدكتور مااااتت وينك مااااااتت اذا ماترجعها راح احفر كبرك تفهم لو لاااا

كمت اصرخ واصررررخ انسبوا الي بالمستشفى والكل اتخبل ع الحادث الي صار ..وصار انذار بذاك اليوم والكل وكف ع تك رجل حبيبتي الوحيدة الي تمنيتها راحت من ايدي انهارت حالتي وتدمرت نفسيتي فصلت عن ارض الواقع

وتين ...جنت بحاله هستيريه ردت افوت وياهم للعمليات وماقبلو الدكاتره

بقيت الوب وروحي فرفحت صرت مثل الطير المذبوح

اركان ...يا ممرضه بلا زحمه بس انطيها مهدء راح تموت نفسها

نطتها الممرضه ابره وهدأت شويه بعد ما كعدت رجعت لحالتها الهستيريه ضلت يم باب العمليات تنتظر اختها تطلع

عثمان ...تاخروا تاخروا شصار وياهم يا ربي بقيت ادك ع راسي من شدة الوجع البداخلي

انتهيت مابقه دم بجسمي اريد واحد يطلع يطمنه انو نقذوها

بس ماكو يربي فدواتك انقذها رجعها لبنت كلبي اني الي كلبي حجر كمت ابجي مثل المراة

ماحسيت ع نفسي ابجي واشهك وغديت دم

رنيم ...من شفت الوضع الهيه بي من شفت كميه الدم هاي معرف شصارلي

ت

خبلت كمت اصيح عليها ياغبيه ياحقيره ليش هيج سويتي ليييشششش

ضليت اردد بيني وبين نفسي اني السبب ليش صدمتها ليششش

بس هيه حلفت بربها متسوي شي غبيه واني الغبيه شلون صدكتها

البنت متآمن بربها بعد الصارلها فقدت ايمانها شلون طاوعتها وجبتلها الخنجر

اني شلون نعمى على كلبي ليش هيج سويت اني قتلتها اني القتلتها

عثمان ...من شالوا سابين واخذوها لغرفة العمليات بهل لحظة انتبهت على ايدها كبل سجينتي جانت يمها

كلت لا مستحيل هاي مو الي يجوز تشبها بس لا ماكو مجال للشك

اذا مو الي من وين جابتها هاي بس العسكريين يشيلوها

مباشرةً جت الاسايش تحقيق بالحاله وشلون انتحرت غلفوا الغرفة محد يفوتها

صحيت على نفسي خنجري جوى شلون هسه شكوللهم لازم افكر بطريقة

اصلا هو هذا خنجري لو لا كبل رحت للبيت لكيت الخنجر مو بمكانو عرفتو انو ملكي بس منو ماخذو وشلون وصل لايد سابين راح اتخبل

رجعت للمستشفى والوضع ع ماهوه عليه
وضليت مثل الخبل امشي ما جنت افكر بشي بس بسابين

لازم تعيش شسويت بيها اني على اساس اصيرلها عون تحولت لفرعون

جان ادحك على رنيم الي فاتت وجها اصفر ومخطوف وتبجي بحركه وتصيح صوجي صوجي

كتلها بهمس شدا تحجين انتي

_ ولج وسجينتي شلون جت الها شلون وصلت لايد سابين

_ معرف عثمان معرف

_ تعالي نحجي بغير مكان اخذتها للحديقة

_ احجي يلا شلون وصلت السجين مالتي ليمها

_ عثمان صدكني جانت راح تعترف علينا جانت راح تكول للشرطة انك اغتصبتها

جانت راح تفوتنا بداهيه واني ردت بس ارتب الوضع والله ما اعرف انو راح يصير هيج والله عثمان صدكني

_ انتي شسويتيييي هاااا ولج شسويتي شلوووون هيج تصرفين بدون تفكير

عود انتي الدكتوره الفاهمه انتي اكثر وحده تعرف وضعها النفسي مو مستقر

لييييش لييييش هيج سويتي ليييييش تريدين تحركين كلبي ليييييش

_ صار الصار خلي ندعي تعيش والله دا اكولك والله ما اعرف انو راح تنتحر

_ قسما بالله اذا صار الها شي راح احركج يا رنيم راح احركج دا تفهميييين

بعد ماحجتلي رنيم الصار بدل ما التهي بسابين الراحت من ايدي

جنت افكر شلون اطلع نفسي من هالمصيبه الوكعتني بيها انوب الخنجر اتحفضوا علي واكيد هسه يحققون ويعرفون هل خنجر المن يعود

حجيت وياهم يأجلون التحقيق لبين ما ندفنها

وفعلا خلال هالفتره دبرت طريقه اخلي بيها الخنجر اختفى من البيت بسبب شخص سرقو
وجان تقريبا نفس جسم فرقد تقريبا نفسو واختاريت ابقي كاميره وحده بالبيت سليمه

وجانت مخفيه بالياس ومو جثير توضح الرؤيا حتى اذب الشغله براس فرقد

واطلع منها ولو مو منطقي تثبت الشغله عليهم بس راح تمشي

لان باعتبار اني الدا احقق بقضيتهم ومستحيل ااذيهم وهاي ورقة رابحه عندي

وقدمت بلاغ باختفاء الخنجر بتاريخ قديم وكدرت ارتب السالفة

احدى الممرضات الجانت حاضره اخذت صور للغرفة ولرقبة سابين بعد الخياط وللخنجر

وجانت هيه السبب انو الشرقية عرفت وجت رادت تتبنى الخبر

نشرتها على الانستا مالتها والصورة للرجل الي تمشي على الارضيه الكلها دم جانت رجل العامل الي نظف الغرفة

وهيه اخذتها وكتبت عليها رمزيات انتحار حقيقية ومن عرفت هالشي من الصحفي

كلي رائد اخو تمارة الحجا ويا انو هيج الوضع الحالي رحت واني بيا حال طلبت منها تمسحها

وما ردتني جانت محترمه واعتذرت مني حيل ومسحتها فعلا

بس الصور اخذوها غيرها وتداولوها الناس ببرامج السوشل ميديا ونزلوها على الكوكل

وصار وكتها هاشتاك امسح المأسات انمسح الي انمسح وبقى القليل معرف اذا موجوده حاليا او لا

صار التحقيق الكل انجر بي كل واحد اقوالو شكل اني ما اعرف شي جنت اجاوب بس على اسالتهم

ونوب اتعصب معقوله يفكرون اقتلها واني الي جازفت بحياتي حتى اطلعها

معقوله هيج ورنيم اكثر وحده جانت متهمه باعتبارها هيه المعالجه

وممكن انها عالجتها غلط بطريقة سببت الها اضطرابات نفسية وخلتها تنتحر

وتين ...دكتور الله يخليك كولي مابيها شي مو ماصارلها شي صح هيه عايشة هسه وتريدني ادخللها مو

الدكتور بخيبة امل وبوجه مايتفسر علومو يتقدم وينزع الكمامات من ع انفو ويكول ...البقاء لله الله يرحمها

مكدرنا نسوي شي جانت كاطعه كل شراين ركبتها ماكدرنا نوكف النزف

راح يطلعوها بس يخيطون ركبتها تستلمون جثتها

وتين هنا انصرعت من الخبر انفجرت بوجه الدكتور وكامت تصرخ ...شنووووووو هاااااااا شدا يحجون هذول

((جانت سابين مخططه انو تنتحر خلص هالكم يوم القضيتو وياها جانت وداعها الاخير الي ..ماحسيت المفروض احس هاي اختي جان المفروض احس بيها انو راح تتتركني جان لازم اعرف ماعرفت))

ملخت روحي اتملخ سابين ماتتركني وحدي دفرت الباب وفتت

كووومي لج كووومي حقيره الله لايرحمج اذا جنتي مخططه تتركيني من البارحه انتي وحده انانيه حقيره مافكرتي بيه شيصير بحالي وراج اذا انتحرتي هاااااا كومي جاوبيني احجي

لج لييييشششش شنو سويت حتى استاهل الدا يصير بيه ليييشششش ولج كعدي ساااااابين ساااابين

الله عليج لاتتركيني ساااابين ابوس ايدج كوم

ي والله ما اكدر بدونج

ساابين والله ماعندي احد بهل دنيا غيرج ليشششش عفتيني ليششششش

نتخيل لسان حال سابين هيج تجاوب اختها 👇👇
(اعتذر ياختي اعتذر منك لاتقولي انانية فقد تحملت عذاب ووجع يهد الجبال ..والله قاومت وقاومت لكن تحولت الى بقايا انسان تجردت من المشاعر والاحاسيس مات بداخلي كل شيء ..اعترف انا ضعيفه ولم اقدر ان اتحمل المزيد من العذاب والخذلان والوجع فطاقة تحملي نفذت ...لاتحزني ف انا سأكون بجانبك دائما روحي وروح ايلين ستكون معك عيشي حياتك وافرحي ولاتهتمي بالماضي الذي اخذ منا حياتنا ...وسلب منا روحنا فنحن لم نعيش مثل البشر اتمنى ان تعيشي بدلا عنا ترحمي ع روحي التي ذاقت الجحيم وهي في الدنيا ...فقد ذهبت للذي ارحم من البشر عسى ان يرحمني ويرأف بي ويغفرلي 😔😔 ) بقلمي

الدكتور ...انتي شدا تسوين هنااا شلون تفوتين هيج بدون اذن ماتشوفيها غرفة عمليات معقمه طلعوها برى خلي اكمل خياط

وتين تصرخ بهستيريا ...ويييين هاااا وييييين تطلعوني صدموها بالصدمات خلي تفيق

كاااافي ماريدها تموووووت لاتخليها تمووووت الله عليك ماعندي غيرها ماضل عندي احد

ياربيييييي رجعها دا اكلك رجعها دحك علي هنا رجعها الي ماعندي غيرها

كمت اضرب بيها راشديات اريدها تكعد ماكعدت سابين حبيبي اسفه ضربتج يمكن توجعتييييي

كومي حبيبي مو اليوم نطلع ندور على شقة سابين بداعت ربج كومي ساااااااااابين

حبيبي راح نعيش سوى ولج حقييييرااااااا ماراح اسامحج تفهميييين ماراح اسامحج

كعدي ياحقيرااااا يا حيواااانه لييييييش ليش كلهم تركوني لييييش ليش ماعندي احد ليش محد يبقى ويايه ليييييش

اركان ...فتت شلتها من داخل غرفة العمليات وطلعتها

جانت ترافس ومتريد تطلع وتضرب بيه وتملخ بروحها وانزع شالها ورجعت حطيتو ع راسها يالله فقدت وتصرخ تكول عوفني انت هم راح تتركني جان انزلها

وتين ...تعرف شغله ماراح انتظر تتركني اني راح اتركك قبل لا تتركني

فهمت هاااا فهمت كلكم روحوا روحه بلا رده ما احتاجكم اني

اعيش واكمل بدونكم فتهمتوا هاااا انقلعوووو عن حياااتي كلكم طلعو منهااااا كااااافي كااااااافي

اركان ...جانت متهستره معرف شنو اقدم الها عثمان ورنيم مدري وين اختفوا

ياربي وين ماجنت اكدر اسوي شي بس انو احضنها اريدها تهدء شويه

بعد ما طلعت كل عصبيتها وقهرها هدأت وسكتت

بس بعد ايش بعد ما صوتها راح وانبح ما بعد يطلع

طلعت وبدون متكول اي شي
وتين وين رايحه تعالي

الدكتور ...كملناها تكدرون تستلموها هسه

وتين ...فتت جانت مغطيه بالدم ضليت ادحك عليها

جانت رقبتها مخيطه خياط مو حلو جانت متورمه نوعا ما زركه

وجها جان شاحب لان خسرت جثير من دمها جسمها جان بارد

حضنتها ساعه حتى تدفى جانت ملابسي وملابسها كلها دم

سمعت صوت تمارة تصيح برى وجان تفوت حجت ويايه حجي جثيير

ربع ساعه تحجي بس ما اتذكر اي شي منو جنت شارده

شلون راح ادفنها تذكرت اني شلون غسلت ايلين وجنت صغيره

تخيلو طفلة تغسل جثة اختها زين هسه هم راح اغسل لاختي الثانيه

اني الله كتبلي انو اغسل جثمان خواتي وادفنهم بيدي ضليت صافنه عليها

جان اصيح عثمان شالها واخذناها بالسيارة لبيت تمارة

حجت ام تمارة ويايه جثير جانت متريدني اسبحها ميصير وتتأذى نفسيتي

هيه بقت نفسيه بقت اذيه ماضل شي خلص جان البيت مگلوب

جثيييير عالم ما اعرفهم عبالك بنتهم فاتو يبجون يصيحون يحجون ويايه بالكردي

وما افهم عليهم فتت للحمام وقفلت الباب وكعدت امسح الدم والديتول عنها

جانت بارده مثل قطعة ثلج شلت مي حار وطشيتو على جسمها

اريدها تدفه نزلت دموعي ليش ربي ليش شسوينه حتى هيج نتعاقب

كمت اصيح وصوتي جان مبحوح مايطلع تمارة تدك بالباب

وتين فتحي الباب جان اطول يوم مر عليه واسوء يوم مر بحياتي الدكاتره الممرضين المساعدين كلهم جانو يبجون

حتى المرضى كاموا يبجون من طلعتها من المشفى جنت اسبحها واتذكر الوضع الفتت عليها بي

مافهمت شنو الشي الدفعها انو تنحر نفسها هيج شلون جتها هيج جرأه انو تنتحر

شلون وهالسجين من وين جابتها وعثمان الي كطع نفسو جان يتمرغل بالتراب ويصيح على الدكتور المسؤول

راح اذبحك راح اذبحك اركان وفرهاد واخو تمارة الي التمو علي وسحبوا برا

رنيم ما شفتها ولا كانو مريضتها انتحرت كمت اضرب بالباب واصيح

كمت اضرب بيدي قوي ردتها تنكسر بلكت وجعها ينسيني وجع كلبي على الاقل يكون عندي وجع محسوس نتيجة كسر

كوه اخذوها من ايدي وودوها للمغسل غسلولها ودفناها بمقبره كرديه واخذت كلشي يخصها حتى ادفنو يم ايلين حتى يكونون قريبين من بعض

بنص هاي الفاجعة بنص هذا الوجع وبنص هاي الظروف اجا مراسل من الشرقية يريد يتبنى القصة وينشرها

جان كردي لان شكلو يشبه الاكراد ما اتذكر اسمو لان ماركزت ويا

كل الي سمعتو وكتها جانت سابين كبالي مافاركتني جنت اشوفها واتخيلها كاعده يمي كال

المراسل ...مرحبا ست وتين البقاء لله اني مراسل من قناة الشرقية

اريد اتبنى قصتج واعرضها للعالم اتمنى اذا تقبلين نس

وي مقابله وياج وتحجيلنا شنو المريتي بي

وتين ...بصوت مبحوح انت خبل شي منو كلك احنا نريد نسوي حياتنه فلم هاااااا

شنو هالذوق العندك جاييني بفاتحة اختي تريد مقاله

المراسل ...العفو منج ست وتين مو قصدي هسه يعني بعد الفاتحة

وتين بحالة هستيريا ردت علي ...انجب واطلع برااااااا لا انعل ابليسك اطلع براااااااا

ما ضل ينقصني غير الشرقية عوفني بحالي يا بيييييك طلعوووو برااااااا طلعووووو

تمارة ...يمه دخيل الله شبيها وتين هسه شصارلها

بنت خالة تمارة ...ولج هذا مراسل من الشرقية جاي يحجي وياها ونفعلت وتعصبت

سوده عليكم شلون فات والله ليشهرنا فرهاد ركضي خابري رائد خلي يجي يطلعو سوده بوجهكم ناقصها البنت

رائد ...خير شبيكم يولو شصايرلكم

تمارة ...الحك طلع هالصحفي والله راح ننفضح طلعو برى لتخلي فرهاد يشوفو

رائد ...ماشي ماشي هسه اشوفو ...طلعت شفت المراسل داخل البيت

كتلو بلا زحمه تعال ويايه شويه ..انت دا تشوف الوضع الاحنا بي

شلون تطلب هيج منها وهيه اعصابها بهالحاله

المراسل ...اعتذر منك اخويه بس وصلتني الصور وجثيير تاثرت

وجان المنظر رهيب وردت اعرف القصة واحنا نريد نساعدها

واتمنى تساعدني من تهدء الاوضاع شويه حتى اتبنى قصتها وننشرها

رائد ...انته ماتفهم شدا احجي فرنسي لغتي شي ابني اطلع اطلع من البيت طالما تكدر

ترى فولت اعصابي وبعدين من وين اخذت الصور هااا

المراسل ...عندي مصادري الخاصة وصلتني الصور واريد انشرها وناخذ حقها ونكسب الرأي العام لهاي القضية

رائد ...مشكور منريد مساعدة احد والصور تمسحها والبنت اذا تريد تحجي ماتحجي بكيفها

واعتقد سمعت ردها الصور تمسحها القصة خاصه وراح تاذيها اذا نشرت شي بدون اذن من عدنا

وهاااا خلي بعلمك عمي محامي وعمي الخ قاضي و احنا عائله كلنا اسايش

يعني نمحيك اذا تلعب لعبة بالقصة بدون اذن من عدنا افتهمت وهسه اطلع منا قبل لا تفلت اعصابي

وتين ...مرت ايام بدون اكل وشرب جنت بس اصفن ومرات اطلع للمقبره ابقى يمها

وبدأ التحقيق ع سبب الانتحار
وعثمان جانت مركزه علي الانظار

حتى اني تخبلت من عرفتها انتحرت بخنجرو طول هالفتره هيه ابيتو

ومخلي هيج شي بي بدون مايخاف انو تشوفو وتنتحر بي

بس طلع منها بعد ماشافو شريط التسجيل مال كاميرات وبعد ماشافو حالة بيتو ماكدرو يمسكون الجاني

لان تنفذت الشغله بالليل وضلت الاسئلة تدور عن عثمان وين جنت بهاي الساعة وشسويت

تمارة وفرهاد ورائد ماطلع عندهم اي صله بالحادث

باعتبارهم بعيدين عنا
المتهمين ال3 جانوا رنيم وعثمان واركان الي تركزت عليهم العيون

وما اقتنعوا باقوالهم ابد ..اركان جانت حجة غيابو مو مقنعه وانو يكدر يوصل بأي لحظة وينفذ هالشي

رنيم جانت بالتلاعب العقلي والنفسي وبسبب بصمات اليد ع الخنجر وعثمان جان ادات الجريمة وهيه الخنجر

انسدت القضيه بعد مرور شهرين كونها تجاوزت مدة التحقيق وماجان اكو نتيجة

والجاني جان المرشح الوحيد للقتل هوه فرقد الي جان مختفي وراها كلمن كمل حياتو

#وللحكاية_بقية......

هاي كانت نهاية حياة سابين للاسف استسلمت للشيطان وخسرت حياتها وعسى ربنا يرحمها باخرتها بسبب الي شافتو من ظلم العباد

وحوبتها بركبة امها وابوها وفرقد وارادة وعثمان ورنيم هل 6 اتسببوا بدمارها ووصلوها للانتحار الله يرحمها ويغفر الها خطيئتها

وطبعا جدا اعتذر عن #قساوة_المشهد و وحشية صورة القضية بس ردنه نوصل هل بشاعة والوحشية الي عاشوها البنات لكل العالم انريد يشوفون الظلم الي اتسبب الى انتحار بنت بعمر الورد ماشافت من حياتها بس الألم والوجع والتعذيب والظلم من اقرب الناس الها وبالاخير فقدت ايمانها برب العالمين للاسف واستسلمت للشيطان ونحرت نفسها وانسلبت روحها وخسرت دنيتها واخرتها لو بس شوية صابره جان الدنيا ضحكتلهم واتصلح كلشي بس هيه يأست بعد وماعاد تثق بأحد وشافت الانتحار هو الحل الوحيد بس هذا اكبر غلط لان الخسران الاول والاخير هيه لان خسرت روحها العزيزة وخسرت ايمانها وخسرت دنيتها واخرتها وعافت اختها وحيده تعاني الامرين الله يسامحها ويرحمها ويغفرلها ان شاءالله انتوا هم اترحمولها خطية هل قصة رسالة لكل العالم تحذر العنف الاسري وخلي يشوفون شنو عواقبو ونتيجتو ...ارحموا من في الارض يرحمكم من في السماء

هسه راح تبدي مسيرة حياة وتين وراح تحاول تكشف الحقيقة شلون انتحرت اختها ومنو كان السبب بانتحارها منعرف راح ياخذ المجرمين جزائهم العادل لو يبقون يسرحون ويمرحون بظلمهم ومندري وتين شلون حتكون حياتها ويه اركان هل ياترى راح يساعدها لو يتخلى عنها ويصف ويه اخو ..


يتبع ....

#الانتحار

#بارت46



وتين ....ومرت الايام المشؤومة بقهر ووجع وألم كوه اتحملتها وجنت ادوس ع نفسي حتى لا اغلط نفس غلطة سابين وانتحر مثلها

لان جان ضغط عليه كووولش كبير ومخنوكه خنكة الموت

اركان ...مره جنت راجع من امتحاني وخابرتني تمارة

تمارة ...الوو اركان وتين ماكو خابرتك شي شفتها اليوم شي اخاف يمكم بالبيت لان انخابرها ماكو ضل بالنا يمها

اركان ... فصل عقلي لا يالله وين راحت يعني طلعت ادورها وما اعرف وين ابدي بالبيت ماكو وموبايلها يدك وماكو احد خطر ابالي المقبرة

معرف شلون رحت وكف التكسي وشفتها قبل لا افوت المقبرة جانت متمدده على قبر سابين

وتين ...طلعت الظهر امشي وماعندي مكان اروح الو جنت متعصبه حيل واريد اصيح ومالي خلك اصيح

جنت مخنوكه وكانو العالم كلو اتفق ضدي ما اعرف شلون اوصف حالتي جانت مشاعري كلها مضطربه

معرف شلون رجلي ودتني لقبرها كمت احفر بي واصيح عليها

كعدي امانه خلي تصير معجزه وتطلعين هسه عايشه

كومه امانة الله كومي والله ماعندي احد غيرج والله كلبي يوجعني بلاعيمي راح تطك

وراسي طبل كومي امانه طلعي سابين بربج طلعي والله تعبت ليش هيج تسوون بيه ليش كلكم عفتوني وحدي ليششش

ليش يربي ليش شنو سويتلكم بشنو اذيتكم اعتنيت بيج

هيج تجازيني كعدي ابوس ايدج سابين اختي حبيبتي طلعي والله اريدج بعدني احتاجح اكعدي حبيبي اشتاقيتلج

اركان ...ولج تعالي ركضت حضنتها كافي الله يخليج كافي هيج تسوين بروحج

والله ما اتحمل كومي تعالي يمي جان احضنها وشلتها

وتين حبيبي كافي الله يخليج الي تسوي موزين عليها

لازم تقريلها قران تترحميلها ميصير هيج تسوين بعدين هيه تتعذب بقبرها

وتين ...مارديت ماجنت اكدر ارد جنت تعبانه بكد رحمة الله

اكعد ابجي الا ان تحمر عيوني وينفجر راسي

حاولت انتحر اكثر من مره بس ارجع افكر اذا متت اروح لجهنم شراح استفاد كمت استجمعت نفسي

_ اركان اريد شغله منك

_ كولي عمري الج

_ اريد اعرف ليش ماتت سابين اريد تساعدني انتحارها غامض وراه سر

مستحيل تنتحر اختي وتعوفني لان جانت زينه باخر ايامها شنو الصار فهمني شنو الصااااار

_ اهدي وتين الله يخليج اول شي تعالي اطلعج تغيرين جو وبعدين نحجي بهالامور

_ لا اريد ارجع للبيت تعبانه

_ مو بكيفج راح اخذج اليوم وراح تنسين كلشي اليوم راح نبدي من جديد

خابرت على موتيل وحجزت غرفة النا طلعتها تعشينا افترينا

اخذتها للسينما شوفتها فلم رعب لغايه بنفسي حتى تخاف وتجي بحضني (شرير) ههههههه

اي نعم اني شرير اتصلت تمارة يبووووو نسيتها اصلا الوو تمارة وتين يمي لحد يخاف عليها

تمارة ...لحظة اركان وين جانت شوكت ترجع حتى اسويلها شي تاكلو

اركان ...لا لا ماراح ارجعها وطعمتها راح ابقيها يمي اليوم

_ شلون يعني

_ لاتنسين وتين مرتي بحكم الشرع والقانون

_ اها اي اي ،دير بالك عليها ،خرب حظي شنو هالاسئله الغبيه

عثمان ...جنت منهار ضليت ليلي ونهاري اشرب اريد انساها مكدر

انوب ضلت الكوابيس براسي شلون اريدها تسامحني ماسامحتني يربي

اني شسويت بروحي وين اروح ما اكدر اغمض عيوني بس اغمضها اشوفها كبالي كلها دم

مع العلم شايف جثييير هالمناظر بس هيه جانت غير

المنظر مديروح من بالي اتخيالها تجيني وتريد تخنكني

لان اني السبب بموتها وانوب ماتت بسجينتي لازم ارتب الوضع الندم والبجي ميفيدني

كمت خابرت محمد وخليتو يجيني شرحتلو الوضع التالي

كتلو اريدك تتلثم وتفوت تكسر كل الكاميرات وماتخلي وحده بيهم سليمه

الكومبيوتر الشاشة اريدك تحركهم بس خلي كاميرة وحده الي هيه كاميرة البيت الاماميه لاتكسرها

_ ليش سيدي صاير شي

_ سوي الكتلك علي وبس واني انتظرك يم الترفك

_ حاضر سيدي ...كمت حركت كلشي وكسرتلو كل الكاميرات الله اعلم لشنو ناوي يا عثمان

_ ها سويتها

_ نعم سيدي كلو تمام كلها تكسرت

_ خوش هسه تمام سديت الخط واتصلت ع اخوي
الوو وينك اركان

اركان ...ويه وتين ليش

_ شوكت ترجع للبيت لازم اناقشك بشي

_ معرف ما ارجع اليوم لباجر يمكن ها صدك اريد اسألك رنيم وين اخابرها موبايلها مغلق

وماشفتها بالفاتحه وينها بيها شي اريدها تشوف وتين بلكت تكدر تطلعها شويه من كآبتها

عثمان ...اني هم مكدر اوصل الها وما موجوده بشقتها معقوله طلعت من جنا مخبوصين بسابين

بس شوف اكو شخص هجم على بيتنا لاترجع ابد

اركان ...شنو انت شدا تحجي

عثمان ...لتنفعل دا احقق واشوف منو الا ما الزمو

_ وين وشنو راد من البيت حرامي تعتقد لو غير شي

_ لا بعدين نحجي انت هسه تونس وبلكت تكدر تطلع وتين من جوها بس لاتحجيلها

_ اوك دير بالك على نفسك واوصلي لرنيم ضروري اريد افهم منها ليش انتحرت سابين

_ اوك باي

اركان ...كملت الفلم والفرارات بالمول وشتريت الها شغلات مال نوم معرف شلون كدرت افوت للمحل يربي

فشلت معرف قياسها كتلها دحكي هذيج البنت اريد على قياسها وانتي وذوقج

استغربت خطيه كالت شنو تصيرلك

كتلها زوجتي ابتسمت
وليش متجي هيه تشتري

_ تستحي

_ حقها بعدها صغيرونه ونعومه ادلل هسه اجيبلك على ذوقي بس اكو شي محدد ابالك وكم قطعه

_ قطعه او ثنتين بكلبي ممتأكد اذا راح تضبط الليله

اخذت الخلتو الي وطلعت نعلى على حظي اخرتي اشتري هاي الشغلات اوف منج اوف

صارت ساعه ١١بلليل

وتين ...مانرجع تعبت ترى

_ اي ادللي وليش مستعجله هلكد مشتاقتلي

وتين عكدت حاجبها مارضت ع كلامو كالت ...شنووو على شنو مستعجله وليش اشتاقلك

ساعة ١١العالم شوكت تنام وشنو هالفلم الختاريتو يلعب النفس كلو حرك اعصاب ناقصني اني

_ مو متعرفين المغزا منو حقج

_ شنو مغزا بله

_ هسه تعرفين امشي

_ وين تاخذني دحجي ترا تعبت نفسيتي

_ لاااا لتجرحين مشاعري

_ عندك كول والله

_ والله والله اكلج تاكلين موطه

_ اي اكيد

اركان يصنف عليها يريد يضحكها كلها ...مقبره متردين ميت هههههههه

_ انجب اركان ترا مو ناقصتك

_ هههه يمممه من لسانج ...رحنا بالرواد اكلنا جانت مستمتعه حسيتها نست شويه همومها اريد اعوضها عن كلشي عاشتو بحياتها اخذتها ورحت للموتيل

_ اكلك هذا مو طريق ليودي لبيت تمارة وين رايحين ولتكول لبيتكم ترى مكدر افوتو احسو مليان بيها بكل مكان موجوده بي

_ لا منروح لبيتنا تعالي نزور رنيم تازمت نفسيتها خطيه راح تتخبل وحدها بالغرفة

امشي نزورها وخمس دقايق منطول يمها بس تشوفج راح ترتاح

_ ليش ماناجلها تاخر الوكت واني ابيت الجماعة محافظين عيب ترا

_ كتلج منطول ترا حيل تاذت والمرحومه جانت اقرب وحده لرنيم

_ ديلا بس لاتاخرني واني اصلا عتبانه عليها لا شفتها لاجت لا اتصلت لاعزتني

_ اوك مانتاخر وصلت للموتيل اكلج طلعي للطابق الثالث واني اسألو واجيج

_ اوك لتتاخر

_ ع السريع كملت نطيت هويتي وعقد الزواج وطلب هويتها كتلو يمها

وطلعت بعد هيه فوك تعبانه اختها توفت ابو الموتيل صاحبي ويعرفني متزوج مشاها الي

طلعت جانت تنتظرني اخذتها وفتت للغرفة

_ اشو عندك مفتاح مو غرفة رنيم هاي غير هيه تفتحها

_ سديت الباب وحضنتها اسف لان مجنت قريب جثيير منج وماكدرت اكون على طول وياج باصعب لحظاتج

بس راح يتغير كلشي صدكيني راح اغير كلشي بس اريدج تسمعيني عدل

اسف جثير تركتج هالفتره سمعي ولتحاولين تقاطعيني سمعيني وبس اريدج مرتي

وتين ..اركان لا تبدي تلوص بحجيك تعرف اني اعتبرك ....

اركان .. قاطعتها بحركة سريعه خمطت شفايفها قبل لاتجرح كلبي ماريد اكون بمثابة اخوها ما ريد اكون صديقها اريد حبيبها وبس

وتين ...انصدمت وجمدت معرفت ادفعو او ابقي حتى ماتجاوبت ويا

اول مره احساسي وشعوري جان غريب كلش معرفت شنو لازم اسوي وليش هل احساس صار بداخلي واول مرة اشعر بي

اركان ... طولتها شكد ما اكدر خفت لتكون اول و اخر مره جنت مشتاقلها حييييل

وهيه ممعبرتني جنت اتخبل واتهستر من اشوفها واكفه ويه غيري وتحجي وتضحك ويا تطك فيوزاتي

وتين ...دفعتو ردت اطلع من الغرفة انت تخبلت وماضل عقل براسك وصدكت التمثيليه مالتنه اركان اصحى احنه لازم ننفصل اني ماريد اتزوج افهم هل شي

اركان ...سحبتها بقوة لحضني ..تعالي وين ولج اكولج محتاجج والله

اريد اتزوجج كولي اي لاتتسرعين اعيشج ملكة والله ماضل عندي صبر ابوس ايدج حتى تصدكيني

_ دا اكلك ماريد زواج و وجع راس ليش ماتفهمني

_ اوك خلص خلص لتضغطين على نفسج تعالي على الاقل بس نامي يمي

والله وعد ماسوي شي اجرت الغرفة حرامات وتاخر الوكت اصلا عيب ترجعين هسه واذا سالوا كوليلهم نمت بغرفة سابين

_ اممممم ديلا كلمن على سريرو

_ هو سرير واحد

_ افصلو او غير الغرفة

_ ولج شغير بيها خبله حجزتها ماتتغير
تعالي ترا هسه تكعدين تالي الليل اركان كوم ويايه للحمام خايفه هسه تطلعلي الساحره

_ انيييي هه باحلامك وبعدين هياتو الحمام

_ افيييييش ياريحتج المذوبتني افيييييش

_ اكعد راحه احسلك اركان اريد انام طفي الضوه يلا

_ حضنتها للصبح مكدرت انام ضليت للفجر كاعد العب بشعرها

وتقلباتها العفويه علوا لو اكدر اخليج يمي طول العمر هيج

وتين ... كعدت الصبح جان نايم غسلت وطلعت خابرت على رنيم

الوو رنيم وينج

رنيم ...هلو حبيبتي بالشقة اني

_ اريدج بموضوع عود عادي اشوفج

_ اي حبي تعالي نتريك سوى ونحجي

_ خوش عجل

رنيم ...اجتي وتين وكعدنه نحجي وجان تسألني بس اني فكري شرد ماسمعت شتحجي جنت خايفه لاتسالني عن سابين اني كليا احتاج لدكتور نفسي يعالج نفسيتي

لازم اتماسك نفسي عثمان نبه وكال الشغله ماتطلع برى لازم نضمها

وفات سابين صار حادث ومنكدر نغيرو وماراح نستفاد شي اذا فتنا بهل دوامه

اريد اطلع عاد كافي تلفت اعصابي والله ماجنت اتوقع توصل الامو لهيج منعطف

وتين ...يعني ماراح تحجين مو ؟! اي مو مشكله اعرف بطريقتي كمت وطلعت

خابرت المحامي

اريد اطلب منك شغله واعرف صعبه علوا تدبرها الي فدوه الك

المحامي ..اي اتفضلي كولي ست وتين امري

وتين ...مايامر عليك ظالم ...اريد اشوف تسجيلات الكاميرة الجانت بغرفة ساب

ين

شلون وصلت السجين يمها اريد اعرف من خلاها بغرفتها

المحامي ...هالايام صعب شوي ما اكدر حاليا لانها يم الاسايش ودا يتحققون منها

وتين ...دبرلي اياها فدوه لعينك اريدها ضروري

_ احاول بس مو اكيد ترا

_ اشكرك وممنونه منك جثييير تعبتك ..اخذت تكسي ورحت لبيت عثمان ردت اعرف شصار بليلتها

من رجعت كلت اشوف التاريخ بلكت الكا بعدو وممحذوف

وصلت وجان مختوم البيت خير ياطير صار البيت مسرح جريمة لو شنو

ما اهتميت للختم عندي نسخة مفتاح وطبيت وشفت الكاميرات كلهاااا مكسره ومجمعه بمكان وحد ومحروكه

عبالك واحد مدبرها والبيت مكسر شويه والاغراض بغرفتي وغرفة سابين منثوره

يعني حرامي لو تدبير ما اعرف دحكت بين الكاميرات المحروكه شفت هارد خارجي ذاكرة ينحفظ بيها التسجيلات شوية لايحو حرك بس اكيد مابي شي

شلتو وخليتو بالجنطه جان اندار وشفت عثمان ورايا جفلت بمكاني

عثمان ...ها وتين شجابج هنا شدسوين مشفتي الختم الاحمر

_ شفتو جنت محتاجه كم شغله جيت اخذها بس ماكلتلي شصاير بالبيت

_ هااا ايييه هذا فرقد جان مقتحم البيت

_ شنووووو و وينو هسه لزمتو مو ؟

_ لا الضاهر هو الي هدد سابين وتلف نفسيتها وعدنا دليل اكو رسالة جايتها من رقم غريب ونعتقد رقم فرقد

والبارحه شخص فات وكسر كل كاميرات البيت واكو كم شغله انفقدت ملفات مستنسخه من القضيه لاتخافين راح نلزمو

_ و وينو موبايل سابين شنو محتوى الرسالة

_ بالتحقيق مكدر اكلج شي حاليا خليني اصل لطرف خيط عن مكانو

_ صارت الصورة واضحه اكيد هذا الحقير جان يهددها بالموبايل ويخوفها

لهذا انتكست على فجأة الا مستحيل اكو غير تفسير ضليت ورا الشغله وماتركتها

عثمان ...دبرتلي رقم ودزيت رساله لموبايل سابين بعد وفاتها باسبوع

حتى ارتب الشغله واذبها براس فرقد واخليها تبين انها انتحرت بسبب تهديدات فرقد الها

انكلبت الشغله على الكل الاصعب جان اقناع رنيم انو تسيطر على نفسها

انو ماتكشفنا جانت منهاره وتشوف كوابيس وتكول ماراح تتركني بحالي وشبح سابين ديلاحقها بكل مكان

بس لازم تسيطر وتضبط اعصابها او نروح بستين داهيه

وتين ...نسيت الهارد الاخذتو الي بي دليل ادانة عثمان ورنيم ومعرف شلون نساني الشيطان هل شي المهم اصلا راح من بالي

لان رفعتو ويه كم غرض عندي ونسيت الصحفي الجا عليه وراد القضية وعثمان رتب خطة يطلع نفسو مثل الخيط من العجين

واني نفسيتي من سيء الى اسوء ماعرف شنو اسوي سابين ماتت بقائي بلبيت ماراح يغير شي رحت امتحنت الدور الثاني ونجحت

اركان ساعدني جثير وتقربنا من بعض اكثر صارت بيناتنه رومنسيات وحب خفايف

يعني جنت اريد ابتعد كل الابتعاد عن الماضي حتى سابين بطلت ازورها بكبرها

ماريد اي شي يجمعني بيها بعد السوتو

بس اركان جان يجبرني و يوديني غصب ليمها جنت ارتاح من ابجي يمها

ضلت اكو خوفه بكلبي ضلت اكو اعصاب متشنجه عندي

ما اكدر اكون هادئه طبيعيه نورمال مستحيل جنت مهووسه بشي اسمو فرقد وشلون راح الكا

ومرت الايام التعيسه

بيوم جنت راجعه من الكلية تعبانة حضرت الحمام اريد اسبح وانام وبهل لحظة رن تلفوني

رحت اشوف منو المتصل جان رقم غريب اممممم منو هذا كلت خلي افتح خط

_ الووووو

ارادة ...الووو وتين اريد احجي وياج

_ الصوت مو غريب عليه سامعتو كتلها نعم اتفضلي منو حضرتج

ارادة بحالة منهارة وبنبره تعبانه وكوه تتكلم ...وتين اني بنت عمتج ارادة

وتين هنا انكمش كلبها شتريد هاي منها وشنو السبب الي خلاها تتذكرها بعد كل هل سنين

كلتلها نعم شرايده

ارادة ... وتين اني سويت غلط كبير الله دا يعاقبني علي ما اكدر ارتاح لا ليلي ليل ولانهاري نهار اريد احجي وارتاح اكو شي طابك ع ركبتي ديخنك بيه وداموووت

وتين ...خير ياطير احجي وخلصيني

_ وتين اكو شي اريدج تعرفي لان ديذبحني ومتندمه لان سويتو اريد افرغ الهم الي شايلتو صار سنين

لازم تعرفي وشتريدين تسوين بيه سوي حتى اخلص من العذاب البداخلي

وتين عكدت حاجبها باستغراب كلتلها عن شنو دتحجين كولي شصاير شسويتي بله حرضتي اخوج الشفيه ضدي (اقصد على انمار)

ارادة ...لااااااا حرام والله ما حرضت احد ضدج والله

وتين ...عجل بله اتحفيني انتوا ناس ماشفت منكم خير بس الشر واكيد الراح تكولي شر مثلج

ارادة ... شكد ادعي من الله يسامحني السويتو ماراح احد يسامحني علي

وتين اني الي كنت سبب بدمار اختج وقتل اخوية يزن ..هنا ارادة خنكتها العبرة وانهارت بالبجي

وتين بصدمة هدت الدنيا ع راسها ماستوعب الي دتسمعو كلتلها ...هووب هووب اوكفي مفهمت شلون يعني انتي السبب

ارادة ...وتين اني الي دبرت المكيده باتهام اختج باطل وخليت فرقد يجي يشوفها بالوضع الي شافها بي وهذا كلو جان خطة مني ويه صديقتي واخوها

اني الي طلعتها للوادي وكلت لاخو صديقتي يلبس نفس ملابس اخويه ويتحرش بيها

مجنت اتوقع انو توصل بفرقد يقتل صديق روحو كلت تخرب علاقتهم اقصى شي ممكن يصير

بس توصل تعذيب وقتل وهم نطيت رسايل لفرقد على انو سابين تحب واحد

واني شاي

فه جسم سابين كم شامه عدها تراسلت ويا وجنت احجيلو عنها وعن تفاصيل جسمها هو تخبل عبالو سابين دا تخونو

ولهذا من وصلت الشغله يمو وشاف اكو ولد يتحرش بيها قطع الشك باليقين وخله ببالو انها خاينتو

وتين جمدت بمكانها التزمت الصمت رجعت بيها الذاكرة لوره واتذكرت الاحداث الي صارت بذاك اليوم المشؤوم

وراها رجعت لارض الووقع وربطت الاحداث وفهمت الخطة الجهنمية الي سوتها هل مجرمة وصرخت بيها ...ايا حقيرة ياسافلة لج انتي شنووووو من بشر حسبي الله عليج الله ينتقم منج ولج لو تدرين شسويتي من كوارث ومصايب ((جنت احجي واصرخ وارجف من العصبية))

هسه عوفج من سابين ولج اخوج مات مظلوم بسببج مارفلج جفن

ماكلتي هذا اخوية خطية ديتعذب من وره خطة شيطانية حقيرة منج

ومن قتلو فرقد ماصرختي مالطمتي وجنتي انتي السبب بموتو ياسا***ة ياعديمة الضمير والشرف

شلون جنتي تحطين راسج ع المخدة وتنامين وانتي ظالمة وجنتي السبب بقتل اثنين ابرياء هاااااا الله لايرحمج ولايوشفج يوم راحة بحياتج ..حوبتهم اثنينهم برقبتج ليوم الدين

جنت اصرخ وانهارت اعصابي وراها لزمت الصمت وجانت بس صوت انفاسي الي تنسمع عبالك حريق يطلع من صدري

جانت تحجي واني مامستغربه من كلامها ماجنت اتوقع تطلع هيه راس البله

بس وصلت مرحله انو خلص ما استغرب من شي بعد

كتلها ايييه ضل اكو شي بعد تكولي

ارادة ..بس اريد ارتاح اريدج اتسامحيني لان داموت والله

وتين ...انتي صاحيه مخبله اسامحج على شنو ها روحي اطلبي السماح من سابين الخليتها تنتحر نحر مو مني واني اذا تطلبين اسامحج بالنيابه عنها تحلمين ياطايحة الحظ ولج لو الزمج هسه اكطعت بسنوني واملخج واعذبج تعذيب للكافر حرام

ارادة ...كملتي كلامج بردتي كلبج مالومج صدكي وعاذرتج وشما سويتي بيه ماحجي

لان اني مراضية ع نفسي الي سويتو مايغتفر وحتى ربي مراح يسامحني لان اني مراح اسامح نفسي جنت مراهقة طايشة مدلله

وجنت احب فرقد من صغري ومن اجت سابين واخذت مني فرقد متت بغيضي

ردت انتقم لنفسي ومجنت احسب حساب هل عواقب والله عبالي فرقد تخرب علاقتو بيزن

كلت بلاها صداقتهم طززز شنو يعني خلي يتخاربون وكلت يطلك سابين ويرجعلي

بس والله وروح ابوية ماجنت ادري فرقد مخبل وراح يسوي كل هذا الاجرام بحقهم

جنت اموت باليوم الف مرة بس جنت اخاف احجي لا انكتل واتعذب مثل سابين

بس من مات يزن انهدت الدنيا جدام عيني واعتزلت عن العالم لان كولشي انتهى بالنسبة الي وفقدت اعز انسان

ومرت السنين وكمت اكبر واوعى ع جريمتي الي سويتها جنت كل يوم اصفن اكول شسويت اني يربي كمت اصلي واصوم واستغفر عسى الله يسامحني ع السويتو

وتين ..ولج كل عقلج الله يسامحج ولج انتي شيطان دمرتي الدنيا وهجمتي بيوت وانقتلوا ٢ بسببج لو ماسوايتج ماجان صار كل هذا

ماعرف شحجي بعد لان خلص الكلام وشماكول مايبرد النار المشتعله بكلبي

وهذا صوتج اتسجل يمي ولازم تاخذين جزائج لان الله مايعوف عبد ظالم يلعب بكيفو لابد يجي يوم وهذا اجه يومج الحمدلله من خلاج تعترفين بجريمتج

ارادة ...وتين اترجاج لاتتهورين شتريدين تسوين شنو صوتي اتسجل يمج اني جيت واعترفتلج بغلطي لاتدمريني وتخليني اتندم حجيتلج

وتين ...هذا الصوت راح ادزو لامج الخاتونه الي ماوكفت يم ابنها المظلوم وسلمتو بيد الجلاد بدم بارد حسبي الله عليكم كلكم ..

وسديت الخط بوجها الحمدلله الي عثمان حطلي تسجيل صوت علمود القضية مال فرقد وهسه فادني ..

فعلا بيومها اتصلت ع عمة نوارة طلبت منها رقم عمة انغام ونطتنيا

خابرتها وكتلها لزمي فونج راح ادزلج براءة ابنج ياهانم دزيت التسجيل

ومن شفتها فتحتو خابرتها وسمعت صوتها استلمنتي كالت

انغام ...لابارك الله بيج وباختج من يوم الي دخلتوا حياتنا اتدمرت وانهجم بيتنه

وتين ...ع كيفج عيوني هذا حق ولازم اخذو من عيونكم مربع بس استلمت التسجيل كتلها خوش يا ست خلي ندمج ياكلج هسه

تاكدت انها استلمتو ونطيتها حظر بعد ماعرف شسووا بارادة هسه ارتاحيت خليت راسي ونمت

وثاني يوم جان عندي امتحان نهائي قبل لا افوت للقاعة اجاني اتصال

_ الوو وتين

_ نعم منو انتي

_ زبيدة مرت عمج ماجد

_ اهلين تفضلي

((جنت رسميه وياها لان ما تدخلو من تعذبت اختي يمهم وماجد يكدر ياثر على اخو ولا زبيدة فزعت النه المصيبه ربتنا بقينا يمها فتره وعلى اساس نفس بناتها تعاملنا كلو حجي طلع وكت المصيبه انفذ بجلدك))

_ البقيه بحياتج عمري ابوج مات اثر جلطه اذا تجين حتى ناجل الدفنه وتحضرين المراسيم

_ هه ماتفاجأت بالعكس انفتحت نفسيتي على الامتحان سديت الخط بوجها وخليتو وضع طيران

فتت جان اسعد امتحان افوتو بحياتي اي بدت سخريه القدر

بعد ما ماتو التوأم هسه يلا انجلطت يطارق عقبالج ياسناء

اريد الله يشوفني بيج العجايب اريد اشوف عدالة الله بيكم اريد حقي وحق سابين من عيونكم كلكم يطلع

بدت تصفية الحسابات بحق المجرمين واحد ورا الثاني ...يالله حكمتك

امتحنت وكملت من طلعت فتحتو رسايل دك ركع تحضرين لو لا ومن هال

حجي ((اكيد اخذو رقم فوني من طارق ))

المهم خابرتهم ردت زبيدة مرت ماجد عليه كتلها ما احضر وعسا لاشاف راحه بكبرو

بيبي ...شو جيبي داحجي وياها بنيتي حرام الميت ماتحل علي غير الرحمه وهذا ابوج ليش هيج تحجين

_ عسى ربي لا رحمو لا هوه ولا كل واحد يقربلو شتريدين مني تركوني بحالي كاااافي الي صار بينه بسببكم

_ عيب بنتي هيج رباج ابوج

_ هه ابنج ماجان عندو وكت يربي جان بس يضرب ويعذب

شتريدين اختصري وها يوم التلحكي وتتجوين بنار ربي

ومامسامحه حيوان وحيوانه منكم للموت اطالبكم بيها حقي وحق اخواتي افتهمتو وسديتو بوجها شلون ناس صلفه مجرمين دمروا حياتنه ويردون اسامحهم

ومرت الايام

واجاني خبر بيبي توفت بعد بابا بشهر وعمة بابا ايضا توفت وره بابا بخمس اشهر تقريبا

او سبعه ما اتذكر التاريخ وبعد وفاة بابا رحت زرت البيت العشت بي اسوء ايام حياتي مادري شلون ماخفت بس ردت اواجه خوفي واروح ..بهل لحظة اجاني اتصال

_ الووو نعم اركان خير

اركان ...وينج دا ادورلج ماكو راح يطلع الاشتراك بنتي

وتين ...اني طلعت

اركان ...وين ويه منو

وتين ...طلعت لتيوان

اركان بصدمة مرعبه ....شنوووو بربج صدك تحجيين شعندج بتيوان و ويه منو طالعه ؟؟

وللحكاية بقية ....

عذاب قسوة ألم
البعض يعتبرها كلمات تمثل حالهم
لكن هنالك من يعيشها بأحساسه ونفسيته وجسده
الحياة تمارس عليهم أشد انواع العذاب وتقتل رغبتهم بها
يكادون يقتربون من تلك الفتحة التي تبث النور الخفيف
الا ويأتي احد ويرميهم بحفرتا أعمق ويسود الضلم من جديد ..


يتبع ....

#الانتحار

#بارت47


وتين ...طلعت ويه صديقتي لحديثه مناك اروح لتيوان بعدين نحجي باي

جنت متهوره بهاي اللحظة ماجنت اهتم اذا متت او بقيت عايشه ما اريد بعد حماية شرطة

جان اكو فكرة وحدة تدور براسي كلمن يموت بيومو

جثير اشتاقيت لايلين الي نسيت شكلها تقريبا بالفترة العمريه الي ماتت بيها

رجعت جان اكو صندوق ضامي فوك السطح بالمخزن مال السخان

جانت بي اغراض الي ولايلين ولسابين ردت اجيبو او جانت هاي حجه حتى اشوف البيت

معرف اصلا السبب الحقيقي الخلاني ارجع لهناك وصلت حديثه

اول مافتت لبست بوشيه حتى لحد يعرفني عثمان وكتها جان بحديثه

ماردت احد يشوفني ويروح يكلو وتين هنا بعدين يكعد ينطيني محاضره طويله عريضه

رحت كبل للكراج واخذت تكسي لتيوان جان الطريق طويييييل والرجال الاجرت ويا جان كبير بالعمر

وكعد يحجيلي عن حديثه ويسالني اذا جنت من سكانها

طبعا جاوبتو انو بحياتي كلها مافايته لحديثه ونوب فوك القهر كعد يحجيلي عن سابين

وبيت جدي لانو ناقصني قهر هههه جانت القصة مالتو كلش بسيطه

وطلعت سابين هيه الموخوش بالسرد مالتو وانو بيت جدي همه الاوادم

جنت اسمعو وساكته واصفن بالطريق شوكت اوصل طال الطريق جثيييير

من وصلنا للسيطره الي تفوت لتيوان جان نصير واكف وكتها يحرس الباب

ماقبل افوت الا يعرف منو اني نطيتو الهويه وكال شجابج هنا اكو احد وياج

عرفني بس جان خايف نزلت ونزعت البوشيه جانت عيوني مغوركه تريد تبجي

_ هلو استاذ نصير اجيت وحدي اكو شغله بس ردت اخذها من البيت

_ وليش محد وياج

_ احتاجيت اطلع من الجو شويه وكرهت شغلة الحمايه وين ما اروح لاحكيني

_ بس خطر هيج عليج

_ نصير جان مطلع على القضية كونو دخل بالتحقيق الصار هو والضابط وست فرح الي اخذتنا عدها

كل شخص شهد على تعذيبنه دخل بالتحقيق والكل شهدت بالمحكمة انو اهلي جانوا مجرمين بحقنا

محد قبل انو بابا يدرس بالمدرسة كل الاساتذة رفضو لهذا استقال قبل وكتو

وهم انجلط بسبب رفض الناس الو وصار منبوذ بالمنطقة ومحد جان يقبل يتعامل ويا حتى الخضراوات محد جان يقبل يبيعلو جان يجيبها من غير منطقة

_ كتلو لاتخاف ماضل شي نخاف منو اشكرك لان فوتتني بس اريد اسالك اكو احد بالبيت هسه

نصير ..لا والله وتين ماكو احد امج طلعت سكنت يم ابوها ومرت ابوها

والبيت عاد للشركة مقفول هسه ومفتاحو يم المدير اقصد مدير المحطه

_ زين اكدر اشوفو اكو شغله اريدها من البيت

_ بس البيت فارغ اخذت سناء كل الغراض

_ اي اعرف بس ما اخذت كلشي

_ عادي اوديج اذا تريدين

_ علوا والله قابلت المدير وكتلو وخطيه مارفض بالعكس جان استقبالو حيل حلو

وضل يسأل عني وشلون عايشه وحتى كال من تكملين كلية تعالي اتوضفي

احضرلج عقد وضيفه شي وتعالي سكني هنا انطيج بيت وتكعدين بي

بس اني ماجانت الي نفس اكعد بهالمنطقة لان احسها ارض ملعونة نطاني المفتاح وجا ويايه للبيت

اول مافتحتو هبت ريحة العنف والتعذيب بوجهي صابتني رجفة مخيفه جانت اسوء اللحظات العشتها موجوده بهل بيت

بكل مكان وكعنا انضربنا نزفنا اتكسرنا ومتنا حتى شفت الكاع وتذركتها

شلون جانت كلها دم من سبحنا ايلين غمضت وطلعت على السطح دورت على الصندوك وجان بعدو بمكانو اخذتو ونزلت

جان بي شغلات تخصنه مثل قراصات شعر فيكه ..سابين اشترتلنا كلنا سوا فراشات تخبل وكتها جانت دارجه

وبي دفاتر صغاااار مال ذكرى وبي العاب صغار فخار الي هيه قرد وخنزير وكلب

وجان بي سوارات ايلين وسابين نفس السوارات بس اللون يختلف

وردي واخضر الاخضر لايلين والوردي لسابين سديت الصندوك ودمعت عيني ع ايام طفولتنه الي انكضت بلا رحمة

راد المدير مني ابقى يمو بس رفضت اخذت الامانه وطلعت

زرت ايلين الجان قبرها متروك وكلو حشائش واوساخ طبعا ما اتذكرت مكان قبرها الا نصير جا ويايه

دورنا ولكيتو قريتلها الفاتحة وخليتلها القرد الجانت تحبو جان مصنوع من فخار

مابجيت معرف ليش جنت ضايجه ومخنوكه حييييل وبداخلي جانت اعصابي تحترك

اريد امسك شخص اذب اللوم كلو علي واكعد اسلخ لحمو عن عظمو

وهم لو لكيت هالشخص وسويت بي هيج ماراح يرتاح كلبي لبست البوشيه وطلعت

جان وكتها داعش جانت الفوته على حديثه جثيير صعبه

الا محرم وهالامور نصير جان منطي توبه ومعرف ايش

بس عدموا داعش بالاخير كونو جان شرطي وهالسوالف التعرفوها كلكم

ومشيت جانت اخر زيارة مقرره ازورها خلص انتهى كلشي

الماضي صار ورقة وراح اطويها مالتفتت ورايه كلمن اختار الطريق الي يريد يمشي بي

واني راح اختار الي يناسبني بعد محد الو دخل بيه

كطعت كل علاقاتي بهذا المكان وطلعت للتقاطع اخذت تكسي لاربيل

اركان ...الوو عثمان وينك الحك ياعثمان

عثمان ...شكو شصار شبيك اهدء واحجيلي

وتين طلعت لتيوان ما اكدر اخابرها قفلت موبايلها راح تفوت لحديثه وي صديقتها

مناك امسكها او روح وياها ليصير بيها شي

_ بربك واني شلون اعرف صديقتها مكتوب على كصتها صديقة وتين

زين شنو من سيار

ة شوكت طلعت حتى اعرف شوكت يوصلون من وين راح يفوتون

_ معرف كلشي بس كلتلي اني طلعت لتيوان

_ خايب طاح حظك اي والله وياك وماتكدر تخلي عينك عليها امدا حظي
ضلو معكرين مزاجي انتو ثنينكم ناقصني اني

_ اي لتعصب وشعندك انت هو كاعد بالقسم لاشغل لا عمل فرقد واختفى وانت بس تصفن

_ اي دا ادورلو على سيرتو اهلو شو حيل مرتاحين ولاعبالك صاير شي واكص ايدي اذا مايعرفون مكانو

_ عوف هالحيوان هسه وشوفلي حل لوتين

_ اي اي خبصتني منو اليكدر يحط اصبعو عليها غير احسب امو ما ولدتو ..هسه انشوف السيطرات اذا فاتت ينطوني خبر

في مكان اخر

وتين ...جنت قريبه حيل من حديثه من خابرني اركان

يعني فتت حتى قبل ما احد يشوفني او يدقق بهويتي

قبل لا يصدر عثمان امر التدقيق بالهويات وينطي اسمي للسيطرات

عثمان ...ماجان الها اثر اخابرها مغلق تلفونها

بس المغرب اجاني خبر انها بالسيطره ومتوجها لاربيل

خابرني صاحبي وكلي موجوده يمنا شنسوي كتلو ايعبرها اذا طالعه لاربيل وزال الخطر عليها وخابرت اركان طمنتو

وتين ...وكفت بالسيطره ربع ساعة على ما قبلو يتركوني

ومن فتت اربيل طلعت كبل لشقلاوه اجرت شقة صغيره هناك

جنت محتاجه اكون وحدي نمت جانت ليلة كلها كوابيس من الماضي

جنت اختنك واصرخ بالنوم حالتي النفسية اتدهورت

ردت اقاوم قساوة الحياة كافي تكفخ بيه كاااافي لازم اعيد برمجة حياتي

كعدت على صوت المنبه ساعة خمس الصبح عندي دوام بالكلية

جانت كليتي بموقع بديل لبست وطلعت للشركات التوصيل

داومت وجان اركان ينتظرني بالباب اول مافتت جان يحضني

اركان ...وين جنتي قلقتيني نشف دمي والله شدعي عليج ولج نص حيلي انهد من الخوف عليج

وتين ...عيب شهالتصرفات مال العجونه ماصار شي وكلمن بحال سبيلو

جرحتو بكلامي لان جنت عصبيه بس كلبي وجعني علي تركتو ومشيت فتت لمحاضرتي

ومن جنت اريد ارجع جان اكو باص يطلع ب١٢ الظهر

اول باص يطلع من الكلية البقيه كلها تبقى لل٢يلا تطلع

جنت اضرب اخر محاضرتين واطلع حتى لايجي ويايه اركان

ارجع لشقتي ابقى وحدي ادخن جكاير وجنت اختنك بيها او العب بوكسنك

وجربت اليوكا وجربت اسبح بمي ثلج وجربت اسمع ميوزك صاخب

اشتريت جثير شغلات اطلع لل٢بالليل افتر برا مرات لل٣يلا افوت للشقة

ردت بس شي يخفف عني الضغط كلها فشلت جربت كل الطرق حتى اهدء وترجع اعصابي طبيعية

بس بدون فايده ضلت بس الشرب والسكر جبتو وكلت راح اسكر اليوم بس ذبيتو بالزبل

لامو لهالدرجه اوصل استغفر الله لا خلي اني اطلع نفسي من الوضع الدخلت بي

اتعوذت من الشيطان وكلت اروح اتوضئ واصلي وخلي اتقرب لله لان اعرف يكون بقربو الطمأنينة والسكينة توضيت ونصبت سجادتي وصليت ودعيت ربي يخفف الضغط الكابس ع صدري لحد ماتعبت

لازم اغير كلشي دست على نفسي جثيير بقيت شهرين وحدي محد يعرف مكاني

لا تمارة لا اركان وحتى انتبهت على نفسي ما عندي صديقة امشي وياها بالكليه

جنت وحدي والطلاب دائما عدهم تساؤلات عني ليش وحدها

وجان عدهم تساؤلات اكثر عن الطريقه الهاجمت بيها انمار بالقلم وليش جنت عنيفه ويا

يجوز جانو خايفين مني بس طالب واحد جان يدحكلي على طول ويجيبلي محاضراتي والملخصات مالتو

ينسخها وينطيني اياها معجب يجوز ما اعرف لان ما اعترف بهالشي

ورى الشهرين القضيتهم احاول بيهم استرجع نفسي مارجعت

كلت خلص خلي احتك بهالعالم واكون صداقات ومن هالسوالف

واعتبر نفسي طبيعيه الا ما يجي يوم اصير روتينيه ويه الوضع وانسى كلشي

وفعلا بديت وصار عندي صديقة وطلعت من شقلاوه اجرت باربيل حتى اقرب الي علمود الدوام

وصارت طلعاتي ويه تمارة وتعرفت على صديقة تمارة عن قرب زهراء متزوجه جانت

بنت مرحه بالرغم جراحها تعلمت جثير منها كمت كل وقتي اقضي درس تعلم انكلش اعوض نقص المعلومات العندي

اتعلم دورات عن البرامج طلعات فوتات اترك تمارة وزهراء اطلع ويه اركان

ماجنت اريد ارجع للشقة وابقى بيها وحدي اغلب وقتي جان برى

والشقة من اهلك ارجعلها انام بيها وبس ..بعت الاملاك الي استلمتها من طارق ماجابت شي جثير جان ورث طايح حظو حشاكم

فرحانه راح اوفي المحامي نطيت اجر المحامي ماقبل ياخذو

كال اني استلمت قضيتج مو علمود اخذ اجري منها ان استلمتها لله بس لحيت علي لا شهر ولا شهرين هو لازمها سنوات

ويبوووووو طلعت اجرتو ملايين ماكدرت اوفي كلها هو ماقبل ياخذ اجرتو كامله اخذ الربع بس ربع تعبو ٥مليون

وقليل هم لحقو لان حيييل تعب ويانه طبعا ماذكرت احداث المحكمة بقضية فرقد لان ماجنت احضرها لا اني ولا سابين

جان بسبب انو ميريدون ياذون نفسيتنا والقاضي كال مايدخلون محكمة تنحل وياخذ جزاتهم المجرمين

ويسترجعون حقهم البات غيابي اما الي اجرمو بحقهم راح احرص كل الحرص انو يوصلون حبل المشنقه

اما بخصوص اهل فرقد من الشرطة لكوا جثة يزن بسردابهم بعد ماحققوا وياهم ومن اعترف احمد وكلهم هاي جثة يزن المحامي مال بيت عمي علي افرج عنهم كلهم بكفالة وكاللهم باعتبار انو هم مالهم علاقة وفرقد هو

القتلو ولازم يقتصون منو مو من اهلو وطلعوهم

بس فرقد بقى مختفي ومحد يعرف عنو شي طول هل مدة بس ضل بيتهم متراقب من قبل الشرطة اخاف يفكر يزور اهلو حتى يلقون القبض علي

ومرت الايام

وبيوم رحت للكلية دا اطلع للكافي جانت اكو ممر كلو ورد وشموع ونفاخ

وبالاخير اكو كيكه كلت بكلبي اوووف لو يبطلون سوالف الاتراك هالعراقيين

احنا شكول هالاعترافات وبعد الزواج تصير بالنعالات والبوكسيات وضرب واهانات ولعبان نفس والله يالله ولا يبطلون رومنسياتهم

دخلونه من هل اكاذيب والمضاهر الخداعة لان الكل يعرف الحب شنو والزواج شنو بقيت امشي وادردم بكلبي

وجان ع غفلة يكومون يطككون فوك راسي هاي المعرف شنو هيج يطلع منها اشرطه ولماع

انصدمت هاي شنو شديصير يربي سحبوني صديقاتي وجان يتقدم شخص لابس قناع شغل يدوي سمايل عيونو قلوب الحب

ركع على رجلو وفتح عليه الخاتم جان يشيل القناع وحجى بصوت ناصي

اركان ... قبلي بداعت ربج لاتفشليني اموت وربي ..الاول على كليتي واتفشلني حبيبتي قبلي بربج

حجيت بصوت عالي وتين بنت كلبي تقبلين اكون حبيبج وصديقج وابو زعاطيطي وزعاطيطج

الكل ههههههههههه

_ تقبلين بيه سند وامان لاخر العمر

وتين ....هنا اشتغلت خباثتي وكمت اماطل واحرك باعصابو بس نكسر كلبي علي وافقت ...اي بس بشرط

_ تامر بنت كلبي

وتين همستلو ..اقبل بيك بس ماريد اطفال

اركان ...استغرلت من كلامها ليش حبي

وتين ...لغايه في نفسي

اركان ...عرفتها ماتريد تعيش نفس اهلها او ماتريد تظلم اطفالها يجوز

او هيه متحب الاطفال معرف كلت المهم وافقت بعد الشي العانيتو

يلا حصلت موافقتها بعدين اقنعها بالاطفال جانت الفرحه مو واسعتني

اخيرا كمت لبستها الحلقه ع السريع وفريتها الكل كامت تضحك وتهلهل واصدقائي جنو

وتين ...فرح جثير جنت اتمنى نبقى هيج وتبقى الحياة ماشيه على هالمنوال

ماريد اي شي ثاني بس اعيش طبيعي والكل كامت تطكك فوكاتنا مال الاشرطه وكصينا الكيكه بس اجننوا

ما اتبعت التقاليد مال اطعمو ويطعني جنت كلش بعيده وتمنيت ابقى اطول وقت بهاي اللحظة

وما حجا شي من كتلو ماريد اطفال جنت اخاف اكون مسؤوله عن اطفال ما اعرف اتصرف وياهم

ماعندي بكلبي رغبه انو يكون عندي طفل خفت اعيشو نفس الحياة العشتها

جانت هاي اكبر مخاوفي من انو يكون عندي طفل واكون سبب بدمارو وتعذيبو

مرت الايام بين طلعات غزل وسفرات تعرفت على اهلو

اركان ...وتين امي وابوي يريدون يشوفوج

وتين ...شنووووو يبوووو هاي شلون

اركان ..شبيج نخطف لونج خو ماتبقين هنا وماتشوفيهم بالاخير تجين تعيشين يمي ابيت اهلي

وتين ...اي اعرف بس اني انخطبت وهمه مموجودين

يعني اهلك تقليديين وماراح يتقبلوني متاكده انك جبرتهم

اركان ...لا ولج والله ابوي هو طلب اجيبج حتى يتعرفون عليج

وتين ...اويلي الله شلون هسه ابوك يخوف والله هسه يضربني طلقه ويموتني

اركان طك ضحك ع كلامها وكال ...ليش لج منو كلج احنا ارهابيه

وتين ...معرف شكلكم هيج يبين

اركان ....انجبي عوبه ... صدك اخذيلج كم شغله راح تبقين يمنه كم يوم وهناك نسوي الخطوبه العلنيه

وتين ...اي عيني بس تعال مكتلي امك شلونها حبابه لو شريره

اركان عكد حاجبو وكال بلا حجي زايد ولج حضري نفسج لاموتج

وتين ...ههههه ماشي اخذت كم شغله وجنت متوتره وخايفة من ابو عثمان يربي شلون راح تكون المقابله صار كلبي بقوطية

واركان مره يهديني مره يوترني بهاي السنه اركان تخرج طلعنا بسيارة عثمان

عثمان الطريق كلو مايحجي جانت موتت سابين صعبه علي جثيير واتأثر بشكل مو طبيعي

انعزل ومابعد نشوفو حلق شعرو نمره صفر طلع يخرع

ولحيتو شالها بهالسنه كبر عشر سنوات بسبب اهمالو لصحتو ونفسو

المهم الطريق كلو اني على اعصابي مستحيل يقبلون بوحده مثلي لا اب لا ام لا خال لا عم

المهم وصلنا لبيتهم جان بيت عادي من برا فتت من باب المطبخ محد جان موجود

عرفت من المشاركات اولها انهم ممتحضرين الي اي يعني شنو جنت متوقعه

يطلعون يهلون بيه ويمرحبون ما انكر ضجت وماعجبني تصرفهم ردت احجي ويه اركان

جان تفوت مره كبيره بالعمر نوعا ما كاعده على كرسي متحرك اول ما انفتح الباب كلت بكلبي بعد وكت

ضلو جوا ليش تطلعون لتكلفون نفسكم بس من فاتت وشفتها بهالحاله تراجعت عن كلامي

فرحت جثير من شافتني و اشرتلي اجي ليمها اركان نطاني دفعه ورحت يم كرسيها جان تحضني وتبوسني

ام عثمان ...هلا بيج بنتي نورتينه

وتين ...جانت هادئه وحنونه بكلامها ماتوقعت هيج

يجوز جان تصوري عنها انها تشبه سناء بس الاختلاف جذري

ابتسمت الها وبستها

فتت لجوى اركان يلزم بيدي واني افلتها

اركان ...شبيج ولج خو مو عيب لو حرام خلص صرتي مرتي

وتين ...اركان اعقل عيب مو هنا اهلك كبار عيب بابا فتت شفت الهول

واخذتني للاستقبال جان مرتب من الداخل كلش وانيق بسيط بس فخم بنفس الوكت

اول مافتت جان اكو رجال كاعد وظهرو علينه رجال كبير شعرو شايب توقعت يكون ابو عثمان

اركان ...نغزتها

وتين ...خرب اني شبيه