#الانتحار

#بارت37

وتين ...سمعتو يكول راح تموت طلعت وكوه امشي اريد اوصل غرفتها سابين ماتت وتركتني مثل ايلين معقوله

عثمان ..رنيم الله يخليج تعالي اني اعوضج كل خسائرج بس تعالي

كالتلي موافقه باجر اجي بس لحيت عليها تجي اليوم الوضع ميتحمل تاخير اي ساعة

سديت التلفون وانتظر بالمستشفى بيأس رجعت
خابرتني رنيم كالت

رنيم ...راح اوصلك باجر اذا ماتاخرت الطيارة

عثمان ...رنيم فدوة ليش باجر

رنيم ...ماكو طيارة للعراق مباشرةً راح اطلع لتركيا ومناك لبغداد وين الاكيك بس اوصل اكو فد نقطه معينه نلتقي بيها

عثمان ...لا اني اجي اخذج من توصلين اني بالليل اطلع لبغداد زين لتتاخرين باي

اخذت اذن من الممرضه كتلها بس خمس ثواني اشمها واطلع الله يخليج وافقت

وكالت بسرعه اذا احد شافك اني راح اتعاقب والزم خفر

فتت شميتها بكل قوتي خفت لا تتركني خفت مرت ٤سنوات وهيه تحت عيني

اتعلقت بيها جثيير وصارت قضيتها قضيتي واتحديت الكل ع مساندتها وانقاذها من الي هيه بي

وكل يوم حبها يكبر بداخلي عن يوم القبلو بس للاسف تفاعلها قليل حيل وياي

مو بس وياي ويه اي رجل تفاعلها قليل ويا حقها المرت بي مو قليل

اعذرها واكول لنفسي اصبر كلشي راح يتغير وسابين الي تخاف منك وتتجنبك

راح تعشقك بست ايدها وخدها وهمست باذنها اعشقج وراح اعلمج شلون تعيشين وشلون ترجعين تحبين الحياة وعد مني الج وطلعت

صارت تحدي بيني وبين نفسي لازم انقذها لازم

خابرت على اهل تمارة وكتلهم الصار ردتهم يبقون يمها هيج اامن اتركها يمهم وطلعت بالليل لبغداد

اول ما وصلت رحت انتظرها يم المطار صارت سنه هالكم ساعة

جان انتظار حارك للاعصاب واكز على سنوني ومتحلف الكا هالحقير فرقد الي دمر حياة هل وردة

خابرت جماعتي وكتلهم دورولي علي اريد تخلقولي ايا جدامي بمده اقصاها اسبوع فهمتوا جيبوا هالحقير

ماراح اقدمو لا لقضاء ولا محكمة راح اسلخ جلدو عن لحمو بيدي واكسرلو عظامو عظم عظم

جت رنيم جنت شارد وافكر اشرتلي ما انتبهتلها معرف شلون صحيت من شردتي ودحكت عليها

جانت كبالي وتاشر رحت ركض اخذت جنطتها وصعدنه بالسيارة حجيتلها مقتطفات ماتعمقت

لان ردت اكعد كعدة وياها واخليها تشوف سابين بعينها

ووديتها لبيت اهلي ..اهلي عدهم بيت ابغداد ارتاحت ساعه

واخذتها بوجهي لاربيل وبالطريق حجيتلها كلشي باختصار

جانو مطلعين سابين من المستشفى تعصبت وكمت ارزل بيهم

جان تجي وتين وتكول نصي صوتك سابين دا تموت اخر لحظات حياتها هاي

واصرت انها ماتريد تموت بالمستشفى ورجعناها للبيت

كمت الطم يربي شدا يحجون هذول انوب هاي اختها هم جنت ع الاخر وفقدت عقلها

رنيم ...وصلنه لاربيل
انتبهت على هالبنت ((وتين)) جانت ضعيفه نعومه قزومه وحلوه مراسيمها

وجانت تحجي عادي انو اختها سابين راح تموت

الله اعلم شنو الظروف الي مروا بيها حتى خلت ذكر الموت على لسانها يكون بهالسهوله بدون ماتتاثر

كتلو عثمان كولي وينها اريد اشوفها

وتين ...ومنو انتي بلا زحمه ؟

رنيم ...اني الدكتوره رنيم الي راح اشرف على حالة اختج وتتحسن ان شاء الله

وتين بيأس ...هه خلي تعيش بالاول بعدين اشرفي عليها

الحيوانه ماتقبل تعيش لخاطري طبعا منو اني بالنسبه الها قابل توأمها اكيد لا

فتت لغرفتي وشفت رسالتها جان نصها كالتالي

((خلقنا من الفوضى لم نتعلم اساليب العيش الحضاريه كنا كمن فقدوا ذويهم واصبحوا مشردين واجبروا على الخضوع لتدريبات سريه تجعل منهم قتله محترفين نزعت الرحمه من قلوبنا لم نعش كبشر كما لم نعش كالحيوانات مررنا بالاسوء والاسوء من الاسوء لانزال احياء ماذا يريد مني الهم ماذا يريدون مني هل اذيتهم عندما ولدت لم نستحق ان نعيش هكذا انا راحله كتبت بالفصحه لان حسيت انو اريد اكون بشر باخر لحظات حياتي احبج جثييييييير وتين عيشي الحياة الحياة الي نسلبت منا عيشي واستمتعي واحنا اذا شفناج مستمتعه راح نستمتع احبج سامحيني باي ))

وهاي الي بالاسفل 👇👇صورة الرسالة الحقيقية من شافتها وتين وكتها شككتها من قهرها وعصبيتها بس رجعت رتبتها وضمتها ودزتها هسه الي

وتين ...جان اهتمام عثمان مو مبين بسابين بس بعد هالحادثه بين اهتمامو بيها اكثر واكثر

جان يطلعها جثير ورنيم تعرفت عليها حبيتها جثيير جانت انسانه مثقفه حيل وتتفاهم ويه المقابيلها بسرعه

حتى اني كمت احجيلها وافضفضلها بقت شهر يمنه بنفس البيت وتعالج بسابين تحسنت شوييييه اختي وياها

رنيم ...جنت ادري راح اتعب بعلاج سابين لكن ما ايست اتحديت نفسي واصريت ع علاجها

لان شفتها بنية مسكينة عانت جثييير بحياتها وهيه بعدها بعمر الورد

جان وضعها سيء كلش من شفتها بس وضع عثمان جان اسوء

وفاقد للامل جنت اريد افتهم الوضع على البطيء واستوعب الصاير وياهم

حتى وصلوا لهاي المرحله لهذا انتظرتها تتحسن شويه وكبل بديت وياها

بس جانت مرحلة صعبه جدا وهيه هم جانت فاقده الامل انو تعيش

جانت محطمه نف

سيا فوتتهم كلهم للمعالجه سابين ووتين وعثمان

بس مو سوا كل واحد وحد وكتلهم اريد تحجولي الصار وياكم بالتفصيل

ما واجهت صعوبه مع وتين وعثمان بس سابين جانت كلش صعبه جانت شبه ميته بس النفس يصعد وينزل

وتين حجتلي من جانت صغيره لحد ما وصلت الها الصار وياها

(( انتبااه كل الي راح ينذكر هسه من سجلات الدكتورة رنيم وتسجيلات الصوت للجلسات النفسية ))

ونجي لاقاويل عثمان

رنيم ...اي عثمان اريد تحجيلي بالتفصيل الممل وماتنسى اي تفصيل

كلو راح يكون مهم افهم منو الصار ويه سابين واساعدها شكد تساعدني انت ووتين اساعد سابين بالمقابل

عثمان ...اوك رنيم المهم تتحسن سابين ابدي وياج من شفتها اول مره على الجسر

((وسولفتلها كل الي صار بهذاك اليوم ))

وبعدين اعتقلت فرقد وسابين وفرهاد ..

فرهاد وديتو للمشفى وفرقد حجزتو بالمقر (( وسولفتلها الي صار بذاك اليوم بالتفصيل ))

بعدين انهزمت سابين ووتين وفرهاد لحكناهم وماكدرنا نفوت لاربيل بحكم انو احنا دنلاحق كردي بس كدرت اندل بيتهم بحكم شغلي ((وهنا هم سولفتلها كوول الي صار ))

رجعت مفول على الاكراد وهذول شلون ما معتبرينا وماضلت هيبه النا

ينهزمون من عدنا وهمه اصلا متصوبين الفشله الحصلتها والرزاله من ابويه سودت وجهي

رجعت للبيت متخبل فتت سبحت وبدلت داطلع

ام عثمان ...تعال يمه اكل لكمه تاخرت بشغلك اليوم وين جنت

عثمان ...ماريد يمه عندي شغل والله مالحك

ابو عثمان ...عثمان خابرني ابو احمد وكال انك محتجز ابنو

عثمان ...اي ابويه صحيح موجود يمنه

عثمان ...ابني هذول ناس نعرفهم من زمان واني علاقتي بابوهم قبل لاتكون بيهم

ماريد اسود وجهي وياهم ترا فضلهم كبير علينه ابني لفلف السالفه وطلعو ابو احمد خوش رجال ماريدو ينضر

عثمان ..استغربت ابويه هيج يحجي شبي هذا يالكعبه

كتلو ياب شبيك شدتحجي انت ابنو متهم بجريمة قتل مستحيل الفلف السالفه وعلا عنادهم راح الزمها اني وصديقي

وسبع البيهم اليكدر يطلعو من بين اديه

‏ابو عثمان ...عثمان لاتكسر كلمتي

عثمان ...مادرت بال وطلعت وطبكت الباب قوي وكلت اليوم اكضي التوبه بهالكلب والله الا اخلي يحجي كلشي

مصطفى وينك

مصطفى ...نعم سيدي

عثمان ...جيب هذا الكلب فرقد لمكتبي

مصطفى ...حاضر سيدي
رحت جبت فرقد واستأذنت سيدي

عثمان ...فوت مصطفى

مصطفى ...هذا فرقد سيدي

عثمان ...اي يا فرقد تفضل احجيلنا مشكلتك ويه هالبنات النهزمو والرجال والوياهم

فرقد ...سيدي اني مظلوم والله هاي زوجتي وخطفوها مني والرجال ما اعرفو ساعد بخطفها

عثمان ..والبنت الثانيه

فرقد ..البنت الثانيه اختها جانت تريد تخرب زواجنا بشتى الطرق

ومن ماكدرت التجأت للخطف ويجوز فكرت تهددني انو لو اطلقها لو تقتلها

عثمان ...شنوووووو مصلحتها تقتل اختها البنت وضعها جان مزري هل جان هالشي بسبب اختطافها من قبل فرهاد ووتين

فرقد ...اي سيدي همه خطفوها ولمن رادو يهربوها شفتهم ولحكتهم وصار الي صار

سيدي وجان دفاع عن نفسي وعرضي لان هالرجال جان شايل مسدس

عثمان ...بس زوجتك يا استاذ جانت خايفه على اختها ماجان باين انها مخطوفه من قبلها ..

وجان بهل لحظة كمت وانفض وجهو براشدي فريت راسو فر

صرخت بوجهو وكتلو ولك تجذب علينه عليمن تضحك بكلامك قصتك الطفل مايصدكها

احجي لا اكفر بييييك يلااااا لصبري حدود ترا احجييييي

ونزلت بي دك كتل شوهت ملامح وجهو الا فكو مني مصطفى وطلعو برا المكتب

رنيم ...زين كمل شصار بعدين هل اعترفلك فرقد بالسووا بسابين

عثمان ...لا طبعا ما اعترف

رنيم ...اي وشلون خليتو يعترف عجل

عثمان ...سهله يارنيم فكري بيها جبت ابو وهنتو كبالو وماتحمل فرقودي هالشي

كام يصيح ويهين ويغلط وكل مايغلط اغلط بحق ابو اكثر صار يرافس بمكانو

وابو رجال جبير ماتحمل الضرب والاهانه فقد وفرقد اعترف بكلشي سوا

رنيم ...اي احجيلي بالتفصيل شنو سوا بيها

عثمان ...شي يوكف عقلج يارنيم صدكي محد يستوعب كم الوحشية الي بداخل هذا المخلوق سوايتو حتى اليهود ماسووها

هذا الكلب اخذها وتزوجها غصب
او بالاحرا مو غصب بس اتهمها بشرفها وعذبها 3 سنوات هيه تحت التعذيب والاهانه

بعدين وتصوري صديقو الروح بالروح وايصير ابن عمو اسمو يزن قتلو مات من اثر التعذيب

رنيم بصدمة ...شنووووو القضيه بيها قتل ياربي دخيلك شلون قتلو زين همه ليش تهموها بشرفها

عثمان ...قلة عقل ودين يارنيم جنت احقق ويا جان مختل عقليا

باحد الايام حجالي وجان يضحك ويكول لو يرجع الزمن اعيدو واسوي اكثر سالتو شلون قتلت يزن جان يسولف ويكول

فرقد ...هههههههاي ماتحمل بيدي دفرتين جوعتو الا ان نزل وزنو وصفا بس الجلد والعظم وصرت اشوف كلشي بداخلو

اجيت بيوم وضليت اضرب بي واضرب بي الا ان دميتو وكلب وجهو الوان

صار يتشاهد كبالي جان منظرو الاتحفه ..بس سيدي اني مسويت ش

ي اني بس علمتو انو مايتجاوز على شرفي

لو انت بمكاني شتسوي اصلا جان قليل بحقو الي سويتو بي

ضربتو على راسو بالرشاش مالتي مثل مايضربون كره البيسبول

وطفرت الدم من راسو ووكع ولفظ انفاسو الاخيره

وسابين سويت بيها العمايل اذا اعددلك ماتخلص

عثمان ..هنا من جان يحجي كوه لازم اعصابي عنو بس ردتو يحجي ويكول الي عندو والا جان دفنتو بالكاع الواكف عليها

رنيم ...اووووف كمل عثمان اسمعك

عثمان ...جان يحجي ويتمتع بالحجي ويتفاخر

فرقد ...ويجوز انسى كم شغله حرك وحركناها بزيت مغلي ضرب وضربتها ودميتها وشغل وشغلتها مثل الخدامه كسرت ظهرها بالشغل

هم مره فوتتها على جماعتي ونزعتها كل ملابسها وضلت صافنه البنت انصدمت من المستوى الي وصلتلو

تسالني بعد ايييي اييييي اغتصبتها بس ما وسخت نفسي ما قربت منها بعودة الماسحة من اسفلها فوتتها بيها وضليت افوت بيها الا ان مزقتها وفقدت

جانت ايام حلوه قضيتها وياها ها نسيت مره ضربتها بحزامي زوركت وجها وجسمها

بالاضافه للضرب الجانت امي تضربها وتهينها هاااا جانت اخليها تغسل هدوم بنص الشتا

وايدها تجمد من البرد واول ما تكمل اخلي ايدها على الصوبه واستمتع وهيه تتوسل اتركها

رنيم ...جانت دكه ما استوعبتها هل اكو هالوحشيه بالعراق وصلنا لهالمرحله معقوله زين اهلها وينهم عنها عثمان فهمني

عثمان ...اعتقد تبروا منها لان من تواصلنا وياهم من جانت بالمستشفى رد علينا ابوهم وكالو ماعدنا هيج بنات لان بناتنه ماتن

رنيم ...لاحول ولاقوة الا بالله طبعا بحكم عاداتنا المتخلفه ما استغربت

عثمان ...رنيم اريدج تحاجيها لسابين لان كل الدكاتره الوديناها الهم ماحجت كلمة وياهم

ضلت ساكته وهاي صارلها 4 سنوات عايشة بصدمة وصمتها دمرني حاولي وياها انتي عندج طرقج الخاصة الله يخليج

رنيم ...اطمن عثمان عوف الشغله عليه اطلع انت وخلي سابين تجي

فاتت سابين كمت لزمتها من ايدها وجبتها كعدتها كبالي

وبديت اسالها اسمج شنو ماردت شكد عمرج ماردت

ضليت اسالها عن طموحها ماردت حاولت ابدي بشغلات ايجابيه واشوف تفاعلها

ماجانت اكو نتيجة وهيه بس تهز بجسمها وفاتحه عيونها ع وسعهن كمت احجيليها عن نفسي حاولت اتقرب منها

حتى تامن بيه حجيتلها عن عائلتي حجيتلها عن بيتي بلندن حجيتلها عن جثيير امور

شوفتها صور خلابه اني ماخذتها بعدستي وجانت مهتمه

وتعمدت اثناء ماجنت اشوفها صور اشوفها صورة لملاك سماوي ابيض

حتى احرك ذكرياتها ومشاعرها واخليها تذكر توأمها لان جانت بدون ملامح وبدون مشاعر

شافت الصوره وضلت تدحك عليها هنا نطقت وسالتني هاي وين بلندن؟

جذبت وكتها وكتلها اي بلندن بس اني جايبتها من النت

كتلها عجبتج هالصوره سابين ؟

سابين ...لا

رنيم ...ليش ؟

سابين ...كلها نفاق

رنيم ...شلون يعني علوا تفهميني !سابين !ساااابين بعدج ويايه

سابين رفعت راسها ودحكت ع رنيم وكالت ...اي اي بعدني

رنيم ...ليش ماحبيتيها

سابين وهيه نظرها باتجاه واحد مثل الي فاصل من الدنيا جاوبتها ...مااعرف

رنيم ...زين هل ذكرتج بشي هل اشارتلج بشي

سابين ...لا

رنيم ...زين احجيلي انتي شويه عن نفسج اريد اتعرف عليج اذا ممكن

سابين ...ليش تريدين تتعرفين

رنيم ...حابه نكون صديقات ونوثق ابعض نطلع سوا نفوت سوا نسوي اجتماعات نوم تعرفين شنو يعني اجتماع نوم

سابين ...لا ما اعرف

رنيم تاخذ ايد سابين وتمسد عليها بلطف وكالت ...يعني اجتمع مع صديقاتي نتعشى ونكعد نحجي الصار ويانا خلال الاسبوع الفات

و نسهر ونشوف افلام سوا ونام كلنا بغرفة وحده نفرش بالكاع شرط وكل اسبوع تصير ابيت وحدة من عدنه شنو رايج

سابين ...اممم شنو تستفادون من هالشي

رنيم ...امممم خوش سؤال نضل قريبين من بعض ونخفف من ضغوطات الحياة والشغل

وننسى همومنا هم وكلشي سيء صار ويانا نحجي نضحك نبجي نسند بعض بهيج شي

مانحتاج للعائله نحتاج لصديق فقط يسالنا شبيك شبيج ونجاوبو بدون اي حواجز

يشعر بوجعنا وياخذ نص الوجع عنا !شنو رايج تحجيلي وانصير اصدقاء

سابين سحبت ايدها من رنيم ونفرت وكالت ....لا ماكو شي اسمو اصدقاء

الكل يتخلون بلحظه ..علاقات الدم ما دامت يمنا ف شلون راح تدوم الصداقة

رنيم ...كانت اول جلسه كلش ايجابيه متوقعت تتفاعل ويايه وتنطق هالشي كلش زين

اذا استمرينا بهالشي كل يوم راح تتحسن بظرف شهرين بالجثير

طلعت جان يستلمني عثمان ها بشري هزيت براسي وطمنتو راح تتحسن اريد وكت بس

مر اسبوع كلت ابعد فترة المعالجه الثانيه حتى لايصير عليها ضغط نفسي وتتازم حالتها

بالجلسه الثانيه جانت ترسم ما انتبهت لكلامي الي جنت احجي وياها من كملت رسمتها طلبت منها انو اشوفها

ممكن سؤال سابين

سابين اي سالي

رنيم ...شنو معنى هالرسمه

سابين ...اممممم ليش مامفهومه بالنسبه الج

رنيم ...احب اسمع تفسيرها منج كل شخص يفسر شكل واريد اعرف تفسيرج الها

سابين ...اممم هاي ايد دا تغرك و وصلت للقاع

رنيم ...زين سابين ليش رسمتيها بشنو حسيتي من جنتي ترسميها

سابين ...كلشي تخيلتها هيج ورسمتها

رنيم تحاول تسحب منها الكلام ...تريدين تحجيلي عنج ؟

سابين ...شتريدين تعرفين

رنيم ...اي شي احجيلي اي شي

سابين ...ما اريد احجيلج ما اعرفج

رنيم ...امممم زين تريدين تعرفيني

سابين بيأس ...لا

رنيم ...بالجلسه الثانيه جانت عدائيه باجوبتها وهالشي جان سلبي حاولت وياها بس ماتغير شي

وراها بيومين وبعدها ب ٣ايام وبعدها بأسبوع كررت الجلسات وجانت كلها سلبي

بس بيوم خابرتني من موبايل اختها اريد احجي وياج كبل بدلت ع السريع واجيت لبيت عثمان وحجتلي

سابين ...جان التوقيت مسائي المغرب تقريبا تقرب مني ولد ما اعرفو وحاول يتحرش بيه دفعتو دفعتو مافاد

جنت اريد انهزم بس جان لازمني بقوه وغارز اضافرو بيه

رنيم ...اي اسمعج كملي

سابين ...كلشي انقلب معرف شلون صرت اني متهمه بالزنا مو منطقي و ويه منو ويه صديقو لروح بالروح واخو

مع انو الولد مجان نفس الي تعدى عليه ومعرف هذا شلون دخل بالقصة وكتها

رنيم ...منو صديقو

سابين ...يزن ابن عمتنه

رنيم ...الي مات

سابين ...اي

رنيم ...كملي حبي بس لاتضغطين على نفسج

((هسه راح نرجع بالاحداث لذيج الايام المشؤومة حتى ترويلكم سابين شنو الي صار وياها بذاك اليوم والي جانت الاحداث غامضه وسر مدفون محد عرفو اله بهل يوم من رنيم سوتلها جلسة وروتلها كل الي صار وفضحتهم ))

فرقد ..((من اغمى ع سابين سحلتها للشقة مالتي فوتتها للغرفة وقفلت الباب عليها كعدت شويه بالهول افكر اني ليش بليت ((بلاء يعني ))

يزن اصلا ماشفت وجهو بس هوه يحبها لسابين وهالشي واضح من ملامحو

اول ماجت والتسجيل هم جان بصوتو ونفس الملابس

وماجان بالبيت من شفت سابين ويا بس هوه ليش رجع للبيت بعد ما ركضت ورا ليش شنو الي ابالو بشنو جان يفكر

يربي يمكن غلطت من سويت هالصوره لالا ماغلطت خليهم يستاهلون جانو يتباوسون بالبستان

الله اعلم وين واصله علاقتهم قليل بحقهم السويتو افتر واحجي ويه نفسي

اووووف ربي يمكن بردت الغرفه فتتها جانت ثلج اااااااخ ربي

بس لو جاره عدل ويايه جان عيشتها ملكه خليها تستاهل الحقيره

قفلت الشقه ورجعت لبيتنا وجان اشوف الحقير جدامي ردت اطلع بروحو الكلب

يزن ...فضوها وخلصوني طالما هيج الكل متفق خلي يجي يطلع روحي وتفض

هذا حال اليتيم تعال تعال فرقد جيت بوكتك يلا تعال شتنتظر

تعال اضرب كسر سب ونعل اني الي شفتني بالبستان مو

غرييييب شلون ماشفتك اني طلعت بيومها حتى اجيب اراده لان اتصلت بيه

جانت واكعه متاذيه ويوم الافوت للبيت احصلي بوكس معدل على شنو ما اعرف

واكتشف نفسي زاني ويه خطيبتك خوووووش سيناريو متوقعتك مؤلف محترف

فرقد صرخ بوجهو ...انجب ولتطول لسانك ياكلب

يزن ...وووووينو هاااااا وينو لساني الطويل هاااااااا متسبع علينه

طول عمرك اعتبرتك اخويه هيج تتبلى عليه ولك حقييييير تلبسني تهمه ما الي ذنب بيها

فرقد ...وهذااااا شنوووووو هذا مو صوتك مسجل هااااااا

مو انت التكول فرقد مايستاهلها لو يمي اعيشها ملكه كوووووول

شنو هذا مو انته هم هنا اني متبلي عليك احجييييي

يزن ...هنا جمدت بمكاني ونصدمت معقوله هذا شجابو اله ومنو سجلو

اصلا جنت اشاقه وكتها جنت ضايج من تصرفاتو ويه سابين لهذا حجيت

بعدين صفنت وتذكرت اني حجيت هيج بس لاراده

مستحيل هاي اختي معقوله ما استوعبت شي دحكت الها جان تنزل راسها

عرفت انو هيه مسويه مشكله لا شنو مشكله ملوصه ومسوية كارثة كلت خلي ارجع للبيت واطيح حظها

شو امي وانمار طلعو واراده جت همست باذني اني اعتذر منك جثير بس اتمنى تسامحني راح احل كلشي
.....

سابين ...من مشت السيارة وعافوني اهلي يم هل مجرمين حسيت روحي انقبضت عليه

اختنكت وبلاعيمي صارت توجعني وين رحتو وتركتوني ويه هالوحوش

بعدها السيارة ما غابت عن عيني جان انسحل من شعري وفوتني فرقد جوى البيت

وكام يدفر بيه برجلو واني معرف اضم وجهي لو بطني لو ظهري لو صدري

عبالك يهودي يضرب بلا وجع گلب وليش احد كلو كافي شدا تسوي بيها

بس نواره عمة بابا خطيه كامت تصيح علي وتدفع بي وتضرب بي

وتكولو عوفها الله لايوفقك لا بيبي ولاهاجر ولاحتى احمد حجو شي

فقدت الوعي بسبب الضرب وراها من صحيت شفت نفسي بالشقة بغرفه ظلمه

نايمه على الكاع وجمدانه من البرد شفت ضوه من جوا الباب

رحت دكيت طلعووووني الله يخليكم بيبي الله يخليج تعالي طلعيني

جان اسمع واحد دا يمشي وصل للباب وفتح القفل رجعت لورى وهذا فرقد

استغربت يربي بكلبي ماليه حيل انضرب بعد يربي هوه يتقدم واني ارجع لورى شحط الكرسي وكعد

فرقد ...اييييييه يا ست سابين عبالج الشغله راح تنتهي مو هههههه

والله يا روحي بعدها باولها كل هذا بعد ماشفتي شي بعد الجاي اعظم وادهى

سابين ...اني مجنت منتبهه على الغرفة شنو بيها

اول ماكعدت رحت ليم الباب جان ياشر على زاوية الغرفة

وكال هذا هم بعدو مشاف شي دحكت

ولني هذا يزن

تخبلت لا يالله هاي شصاير بي الولد عزززة العزاني

وجهو كلو دم وعيونو مضروبه وارمه زركه يربي وراسو ينزف

كمت اصيح على فرقد انت شسويت بي هذا راح يموت وتبتلي كوم طلعو للمستشفى

فرقد بضحكة استهتار ...لا حبيبي انتي ..وتقربت منها ولزمت شعرها وجريتو لورا قوي

وكتلها لتخافين اهلو تبرو منو مثل ماتبرو اهلج منج

ثنينكم صرتوا يمي وراح العب فلقه بيكم صبروا وشوفوا راح انفذ المثل اليكول اجرح وداوي

يزن ...من صارت المشكلة بيني وبين فرقد ردت اطلع ويه اهلي جان انضرب بوكس على وجهي

كمت تعاركنا اني وفرقد واحد يضرب الخ بس جا احمد هم ثنينهم صاروا عليه

ولمن جنت اريد افك نفسي نضرب راسي بالمغسله وفقدت الوعي وماحسيت على شي

الا لمن صاحت سابين سمعتها وكعدت شفت نفسي بغرفة مكلبج ومربوط على الحايط

هاي شنو بيا زمن احنا ماكو نظام ماكو قانون رفعت راسي فرقد وسابين كبالي

سابين ...فكو فرقد والله العظيم مجان نفسو الولد بالبستان

حرام عليك ما مسوي شي يزن والله الولد ظلمتو فكو الله يخليك هذا اخوك مو صديقك عوفو

يزن ...لتتوسلين بي سابين عوفي الشيطان ركبو ما ضلت اخوه ولاصداقه بيناتنه

صارت مافيا وعصابات وتعذيب عوفي عوفي خلي نشوف وين راح يوصل

بس قسما بالله يا فرقد اذا طلعت منا راح تشوف جهنم بعينك والله

وانعل ابو اخوتك لابو العشره الضيعتها وياك يا مفتري يا متخاف الله

اذا انته رجال فكني مو تلتم انت واخوك عليه يا سافل

فكني ولك حقير ماتستحي مستكدر عليه بعون اخوك ولك تفووووو عليك وعلى اصلك السز

فرقد يضحك بخبث ورعونية ويكول ...اهدء ابو الشباب حبيبي لاتتسبع جدام حبيبتك

واما اذا مفكر تستفزني غلطااااان حبيبي اني محد يكدر يستفزني

على الاقل مو شكولك هاي اما بالنسبه لجهنم التحجي عنها صدكني اني الراح اشوفك واضوكك اياها

وجهنم ارحم الك من الراح تشوفو وانتي هم مشموله ست الحسن

اني تلعبون عليه من ورى ظهري ومستغفليني وتروحون تتحاضنون بنص البستان وكاضيها بوس وحبجيات تخسون والله ماعاش ولايكون الي يستغفل فرقد

سابين ...كمت ادفع بي واصيح علي انت واحد مريض

حرام اذا انت صاحي انت شيطان بهيئة بشر

واذا جنت شيطان يعني شراح تسوي لزم فكي قوي ومردو بيدو جان يكول

فرقد بغيض ...حببببيتج ياحقيره تعرفين شنو يعني حبيييييتج

من جنتي صغيره ياحيوانه من صغرج وانتي كاعده ومتربعه بنص كلبي

وحتى زواجي هذا الي جذبت بي عليج كتلج بس على الورق

بس الحقيقه اني بداخلي اريدو يستمر ويصير حقيقي وبالاخير شلون جازيتيني هاااااااا

شلووووووون احجي لو لامه ملابسج ومخليه الحلقه وطالعه

جان اهون عليه بجثييييير بجثيييييير لعبتي بيه وبمشاعري وبشرفي وخليتيني مثل الاثول يمج

ليييييش ومنو اختاريتي هاااااااا كلب حقير مامعروفه صلعة ابو منين منو الحقير الي اختاريتي هااااااااا

سابين ...كمت اضحك بهستيريه على الوضع السخيف الاني بي

اهلي تبرو مني وهذول الفكرت اني اعرفهم طلعت ما اعرفهم بيوم لا بساعه وحده كلها كلبت عليه

ضليت اضحك جنت مختنكه والضحك هو الشي الوحيد الصار رد فعلي لهذاك اليوم

واما فرقد ويزن ملامحهم الجانت كلها استغراب من ضحكي ضلو يدحكون عليه

اعتذر منكم بس مكدرت اتحمل وانفجرت بالضحك اسفه بس انت واحد مريض فرقد

لازم تتعالج صدكني انت لو مخبل لو ممسوس ماكو خيار اخر واليكول عنك عاقل هذا هم مخبل مثلك

لزمني من شعري وكام يصيح وعيونو تطافر نار وشرار اني ابتسمت كدرت اعصبك هااااا

اشو عصبت لازم معجبك الحجي اي اي صحت ايييييي انت مخبل مو صاحي وهذا هو السبب الماخلاني احبك

منو المخبله التحب همجي ومتوحش مثلك جنت اعرف نفسي راح انضرب بسبب بدون سبب راح انضرب

على الاقل خلي اهينو شويه حتى يكون اكو سبب للضرب الراح اكلو

بلكت هم يقوي ايدو من يضرب وتطلع روحي واخلص

شنو من عيشه عشناها احنا هم نعتبر عشنا حالنا حال البشر

كام يصيح اني مخبل ولجججج احجي عييييدي الكلتي

ايييي ايييي انت مخبل مو صاحي انقهر عليك اصلا انت ماعندك عقل

او انت جنت غايب وماحصلت عقل براسك هذا اذا يفتحو يلكون بي نعالات مو مخ ودماغ نعااااالااااات واضحك بكل قوتي

جان يضربني بوكس على بطني خلاني استفرغ ورجع رفعني من شعري وضل يضربني راشديات

الى ان انشكت شفتي وكامت تطفر دم واني بهذيج اللحظة عبالج احس بشي

لالا ماجنت احس باي شي ولاجنت اصيح جانت الضربات تجيني

واني الله وكيلج ما صحت بس دموعي تنزل من الوجع

دكتورة رنيم ...اهدي حبيبتي اذا تريدين نتوقف شوية حتى ترتاحين

سابين ...هههه لاااااا دكتورة لااااا عليش نتوقف خليني احجيلج كولشي شفتو بحياتي

رنيم ...ماشي حبيبتي هاج شربي مي وكملي


وللحكاية بقية .....

‏عندما ترى كوابيسًا في نومك تستيقظ، وعندما تراها في يقظتك تنام.

يتبع ...

#الانتحار

#بارت38

...................

رنيم ...ماشي حبيبتي هاج شربي مي وكملي

سابين ...شربت مي وكتلها الشي الوحيد الماكدرت اتحكم بي واضمو بذاك اليوم

هيه دموعي بس ورى فتره هاي هم تاقلمت والدموع ما بعد تنزل

انهان وانضرب واشتغل مثل الحماره الخدامه احسن مني وما ابجي ولا اتنهت صرت بين قوسين جثه تنتظر تتوقف عن الشغل وبس ..

وضل يدفر بيه وداس حتى على راسي ويفرك بي قوي بالكاع

جان بالاخير قبل لايطلع دفرني على وجهي احس خشمي انمرد وفعلا هو انكسر

كمت اتلوى من الوجع بس بنفس الوكت ما ابجي بس اتمرغل بالكاع

واسمع يزن يصيح علي عوووووفها ابن الكلب

الله لايوفقك عووووفها يا مراه انت هم حاسب نفسك رجال

ياحقير تعال اعلمك الرجوله يا جحش والله ازوعك العافية

اتنهد فرقد واتقدم يم يزن وتفل بوجهو وضحك وراح ع سابين وكال ها اني مخبل مو هو حقج محد يعتب على الخبل

وشما اسوي بيج اني خبل محد يدخل بيه تونسي هسه وبعد ساعه ارجعلج ماتأخر

سابين ...طلع فرقد ويزن الجان مربوط مايكدر يتحرك ضل يصيح ويصرخ بعلو صوتو

يزن ...ساااااااابين احجيييييي شي سمعيني صوتج لتسكتين

شنو من بشر انتي تعرفي متخبل ليش استفزيتي ولج ليييييش سابين تعالي فكيني

خلي اطلع انعل سلفه سلفا سااااابين داحجي وياج تعالي فكي رباطي

سابين ...جنت متمدده على ظهري ولازمه خشمي واحس بي مو طبيعي صار

جان حااااار حيييييل وينزف ماتوقف النزيف خليت ايدي على عيوني والثانيه على خشمي

وكتلو يزن انت شلون فتت هنا شلون وصلك هالافتراء

يزن ...بس كوليلي شلونج تعالي خلي اشوفج وجهج كله دم دتعالي ولج

سابين ...هههههههههههه ضحكت بحرگة گلب كتلو لتخاف ميصير بيه شي ..مامتت يم سناء وماراح اموت يم فرقد

يزن ...شدا تحجين انتي معقوله كل هالضرب وبعدج تضحكين

سابين ...كمت اضحك وابجي بنفس الوكت مره اضحك مره اشهك بالبجي

صيحت على يزن شنووووووو ذنبي اني هااااااااااا ليييييييش لييييييييش حظي ذبني لهالعيله لييييييييييييش

بس جان كلشي مخربط بيه رجعت سكتت وحجيت بهدوء

تعرف مره متت من جنت صغيره بس الدكتور الغبي بالكوه رجعني للحياة

لو يعرف الشي الي انعاني منو مجان رجعني جان رحم بحالي وعافني اموت

وهنا طكيت ضحك وكتلو الوضع مهزله اعذرني دا اضحك الوضع مهزله مهزله

ضليت بالكاع اصفن ليزن واضحك واكلو انته شلون فتت هنا

مو جنت صديقو اللح مو جنت اخو شصار خوتكم طلعت فشل بفشل

هو هم من حرگت گلبو كام يضحك بعلو صوتو

يزن ...ههههههههههههههههه اعررررررف اعرررررف

يزن يحجي وينهت كال ..القبيله هاي ماسامعه بيها الولد اذا زنا ينرجم

او يفوت يتعذب يم ابو او اخو البنت الزنا وياها

واني معرف شوكت زنيت وياج وجاي اتعذب بسببج

سابين ...كمت اتهسترت من الضحك تمرغلت بالكاع وخشمي كل ما اضحك يوجعني اكثر بس جنت متونسه بالوجع جثييير تونست بي

فرقد ...طلعت ادخن وادخن وكلبي محترك واريد اذبحهم

بس ماراح يشفى غليلي بسيطه صبروا عليه والله لطلعها من عيونكم

ونوب كمت اسمع صوت ضحكهم اني كل السويتو حتى اطلع روحهم

نوب هذول ميهمهم اني كانو جمعتهم سوا كمت اتشيطنت

واخذت حبل وفتت ربطت سابين الجانت كاعده بالكاع يم يزن وتحجي ويا وتضحك

وهالكلب الجان يضحك نرفزني وهاي ربطتها وجريتها من شعرها لاخر الغرفه وبديت بيزن

دك بوكسيات ودفرات طلعت روحو وجان اكو بوري بالغرفه فوك الرف

شلتو وضليت اضرب بي على ظهرو وخاصرتو الا ان اغمى علي

تحسستو لساتو يتنفس كلت خلي اعوفو كم يوم يتعافى بعدين ارجع اربي هالكلب الحقير

عفتو وخلي الثانيه شسوي بيها يعني والله ماريدها تموت بسرعه

عفتها وطلعت رحت لبيتنا تلكتني امي

هناء ...وينها ست الحسن ليكون رف كلبك عليها وراح تسويها مرتك

فرقد ...يووووم اللله يخليج ابوس ايدج

لتزوديها عليه وهالكلبه ماريد احد يكول عنها مرتي

هاي خدامه يمنا تجي تنظف تنهان تنضرب محد يفزع الها فاهمين اني طالع اندفس فوك

هناء ...والله الا اطلع روحها اصبري عليه يا سابين ما اكون بنت ابويه اذا ما خليتج تتمنين الموت وماتلكي

سابين ...ضليت بالغرفه ارجف من البرد واتلفت يمين يسار اريد الكى شي التف بي ماكو

مااعرف شكد مر وقت وغفيت كعدت الصبح على صوت دفرات مرت عمي

هناء ...كوووومي ست الحسن كوووومي نايمه ضحاوي كومي لج

سابين ...جانت تدفر بيه بكل قوتها كمت دحكت عليها جان تصيح نزلي راسج

ولزمتني من شعري وجان تدفن راسي يم رجلها

هناء ...هناااا مكانج فهمتي كومي هسه ساعدينه بالشغل يلااااااا

سابين ...كمت وتحسبت ربي بكلبي عليها كلت اذا على الشغل سهله

طلعت من الغرفه وجان يصير بوجهي غراب البين فرقد

دحكلي بعيون مليانه حقد وماحجا شي رحت غسلت

اول ماشفت وجهي نخرعت شنو هذا يالكعبه وجهي كلو ازرك

انوب خشمي وارم صايره زومبي بالكوه غسلت وجهي

جنت بس ارش المي علي مكدر حتى المسو مسحتو شلون ماكان وطلعت

اني عبالي راح اشتغل شغل عادي اثاري طلعت الخدامه احسن مني
اول مافتت بيبي نبت ابوجهي

بيبي ..هالعار شتسوي ابيتي هاااا طلعوها بنت الحرام ماريد اشوف جهرتها هنا الي طمست راسنا بالطين مالها مكان ابيتي

سابين ...حزت بكلبي كلمتها متغيره عليه شلون هيج كلبت عليه وهيه جانت تموت عليه

صاحت بوجهي هناء شدا تننظريييين وجان تضربني راشدي

خلت روحي تطلع لربها اني اصلا وجهي ورمان وهاي ضربتني على مكان الورم

شكد حقدت عليها وكتها جان توكف يم راسي

هناء ...لتتلوين مثل الحيه كومي عندج شغل جثير لازم تخلصي

خاف عبالج هالحركات تخلصج منا لا عيوني

لسه مااااشفتي شي كوووومي استلمي الحمامات اريدها تلمع مال البيت كلو

شكو حمام اريدج تجلفي بسيم المواعين وياويلج اذا سختي بشغلج

سابين وهيه كاتمه وجعها والمها اخذت سيم المواعين وجلفتلها كل الحمامات مابيدها حيله

كملتها جان انزل وشفتها كاعده ولافه رجل على رجل وكالت

هناء ...هاااا كملتي خانم

سابين بتعب ...اي صاحت بوجهي

هناء ...كووولي نعم لا اكسر راسج تعلمي على الاصول يابنت الشارع

سابين ...كلت بكلبي حسبي الله ونعم الوكيل ..حاضر عمه جان تكول

هناء ...يلا نظفي شطفي البيت كلو اريدو يلمع .

سابين ...بس عمه الدنيا شتا والبيت كلو مفروش

هناء ...اي وشصار شيلي الزوالي وشطفي ومسحي ورجعي الزوالي وكنسيها صعبه؟

سابين ...يربي شهل عذاب لشوكت نتحمل هل مأسات

شلون راح اكدر اشيل هل زوالي وهمه كل زوليه عدهم 3نسوان يلا يشيلوها من الثكل

تريدني اشيلها وحدي اخذت عدة المسح والشطف وطلعت على الطوابق الفوك

طولت بيها يوم كامل يلا خلصتها شطف وتلميع وحسيت ظهري انقسم 5 اقسام

من شيل للاشياء الثقيله جنت اريد بس ارجع وانام نوب ميته من الجوع

كمت ادوخ صارلي كذا يوم مماكله دا انزل جان تكول

هناء ...اكو هدوم بالحمام غسليهم برا على ايدج

سابين ...الحقيره عدها غساله وخلتني دووووم اغسل على ايدي برا

وبالصابون حتى مو بتايت وبمي بارد والدنيا ثلج شبه متجمده والصابونه ماتسوي رغوة

الدم جمد بيدي بعد ما احس بيها معرف شلون بهل لحظة فقدت الوعي

وكعدت وشفت روحي نايمة بالمشتشفى ما اعرف شصاير

بس جانت غرفه داااافيه وجان اكو بسكت يمي فتحتو واكلت بدون ما اسال المن هذا

جنت جوعاااانه مووووووت جنت اكل بس اكو شي بخشمي غريب فاتت الممرضه

الممرضة ...هاي صحيتي

سابين ..جنت اكل كتلها شنو صاير بخشمي اكو ضماد جثير

الممرضة ...خشمج مكسور وسوينا الج

سابين ...زين اني منو جابني هنا

الممرضة ...زوجج وجان كلش خايف عليج خطية

سابين ...بكلبي اكول تهيييييي بهيييييي خايف عليه لا والله خايف تموت جيس الملاكمه مالتو

بعد بمنو يفرغ شحناتو العصبيه طلعت الممرضه جان يجي الافندي جرني من ايدي

فرقد ...يلاا كافي عرامه كومي كلشي مابيج

سابين ...دا يجر بيه ويطلعني فات الدكتور كلو

الدكتور ...هاي شدا تسوي ترا شويه شويه عليها البنت ماتتحمل هيج تعاملها على كيفك وجيبها بعد 3ايام نفحصها نشوف شلون صار خشمها

فرقد ...صار دكتور امشي يلا فضيني طلعي امشي

سابين ...كوه كمت احس عظامي مكسرة ونفسي دا تلعب اول ماركبت بالسيارة جان يكول

فرقد ...حسابج بالبيت

سابين ...وصلت للبيت كال يلا كملي الشغل بسرعه وامي ما اريدها تطخ شي

انتي منا ورايح خدامة هذا البيت افتهمتي وجان يضربني على خشمي الحقير

يعرفني راح اتوجع لاجت روحي ساعتها وصاحت علي نواره عمة بابا وجت اخذتني للحمام غسلتلي

واني بس الدموع تنزل مني وتهدي بيه وتكلي صبري ماحجيت شي طلعت وكتلها شنو اسويلج

هناء ...كملي غسل ملابس

سابين ...غسلتها نشفتها وكالت سوينا عشا سويتلهم سم وجلفت المواعين

وماقبلت اكل وياهم البقى بصحونهم كالت لتذبي اكلي انتي اني ميته جوع مو مال اكول هاي فضالتهم او غيرو

تحسبت ربي واكلت اخذت شويه خبز ليزن هم صارلو

فترة مماكل

كتلهم كملت جت ضربتني وكالت

هناء ...منو كلج تجين للاستقبال هاااااا انتي مكانج بالمطبخ تخدمين متجين تسالين

سابين ...كملت شتريدون بعد

هناء ...من اريد تروحين اني اكلعج فهمتي نظفتي يله ولي من وجهي

سابين ...محد حجا وياهم لا عمي ولاحتى احمد كام نزل راسو وطلع فوك للغرفه ميريد يشوف الي ديصير بيه

وعمة بابا طلعت اخذتني وكعدت يمي بالمطبخ ضلينا نحجي الى ان صارت ساعه 1بلليل

اني متت على نومه وهيه مرت عمي متقبل انام الا تجي تكول يلا روحي

جان اغفي على الميز هسه توني غفيت جان يندفر الميز فرقد جدامي

فرقد ...طابتلج النومه كومي خانم

سابين ...طلعت ويا وفتت للغرفه جنت ميته برد كتلو اريد اي شي اتغطى بي

راح اموت من البرد مارد عليه وقفل الباب علينه كبل طلعت الخبز واهز بيزن اريدو يكعد ماكو

جسمو قالب ثلج دكيت الباب على فرقد افتح الباب يزن راح يمووووت افتح بس مارد عليه

اصلا ضليت كاعده يمو معرف شنو اسويلو شويه فتح عيونو طبطب عليه

اكعد كل هذا الكدرت اشوفو واجيبو اكل قبل لا يجي احد

كام يبتسم وكال الله على الظالم اكل ع السريع ويرجف من البرد جان يفتح الافندي الباب

جايب جرجف خفييييف بتموز مايدفي بس نقشمر على نفسنه

شكيتو قطعتين ونطيت ليزن لفيتو بقطعه واني تلفلفت وارجف مدري شون نمت

كعدت على دفره هالمغضوب وسمعت صياحات يزن جان يضرب بي ويدفر بوكسيات ويضرب بي

صرخاتو جانت تاخذ قطعه من روحي جنت ارجف اول مره اخاف منو جان وحش مو بشر

يضرب بكل قوتو ولاعبالك صديقو قريبو هذا ما اكدر اكوم اوكفو

اخاف لا احصلي ضربه واني مو ناقصه كمل ضربو ليزن وسحلني من شعري وطلعني من الغرفه سحل

اخذني لغرفتو وكام يضربني بالحزام بدون رحمه يضرب ويصيح تغطي خايفه علي مو
هسه اشوفج الرحمه شلونها

يتعب ياخذ ريست ويرجع يكمل

اني جسمي مابعد احس بي من الضرب سكتت بس دموعي تنزل جان يسحلني للحمام

فتح الدوش مي ثلج وكام يشكك بملابسي اريد ادفعو بس اعرف ماراح اكدر ادفع بالحاله الاني بيها

جنت اتوسل بي انو يكفي الله يخليك كافي تعبت كاااافي الله يخليك كافي

شكك كل ملابسي ويكول وينها ها شامتج المعتز بيها ويبوسها وينها

اني بس اصفن علي هذا شبي واريد يبتعد عني اتقززت من لمساتو ومن جسمي هم

حسيت نفسي توسخت ارجف جوا الدوش جان يطلع سجين ويكص الشامه على فخذي

فرقد يلهث من التعب ...هاي شامتج الباسج منها مو

سابين ...وجان يكصها ونوب الشامه الي على ركبتي هم كصها

فرقد ...هاي هم مو جنتي تذوبين من بوساتو ولمساتو يلا ذوبي من وجعي هسه

سابين ...وكصها خلاها تطفر دم عافني جوى الدوش وطلع

جاب منشفه لفني بيها وخلاني يم الصوبه نشفلي جسمي

وجاب مرهم خلى على الاماكن الزركه ولبسني ملابس ولفلي ركبتي وفخذي بالشاش

عبالك مو نفسو الوحش الاذاني قبل شوية جان مهتم جابلي ملابس نظيفه مبين مشتريها

لان بيها ريحة التخزين وماغاسلها لبست جنت ما ادحك بعيونو جثير كرهتو

صح مرتو بس ميحق الو هيج يسوي بيه جان ينيمني على التخت

فرقد ...ارتاحي ساعتين ومن اكعدج تروحين تعاونين امي بلشغل

سابين ..تمددت مكدرت انام كمت دافتح الباب وانهزم بس مقفول

دورت بالغرفه على شي حاد اكدر ااذي بي نفسي ماكو

دورت على سيم كرت تلفون ماكو والشباك مغلق ضليت متمدده

شبعت دفو جان يفوت

فرقد ...يلا كومي اوديج لبيت اهلي تنظفيلهم البيت

سابين ...كمت طلعت ويا بدون ما احجي وصلت ونفس الروتين

اكو انسان يجلف ارضيه الحمام بسيم مواعين بهذاك اليوم ماصارت مشاكل

بس جان ينكسر ظهري من الشغل بس نواره عمة بابا جانت تحن عليه

وتجيبلي لفات بالبوكه اكلها بدون ذكر الاهانات والراشديات الاحصلها اذا اتاخر بالتنظيف
مكان معين

ويوميا خلتني اشيل الزوالي واشطف بنص الشتا يوميا وهيه جانت يفوت الشتا ويطلع ماتشطف البيت الا كم مره

بس شلون تريحني صارت عدها خدامه خليها تشتغل شنو عدها

ومرت سنتين على هالعذاب النفسي والجسدي والعقلي وكل يوم مشكله شكل

هاجر مو جثير شدت ويايه واحمد هم بس بيبي وهناء مرت عمي وفرقد ماقصروا طلعوا روحي من مكانها

راح اختصر واحجيلج اعظم الاشياء واسوئها الي اتبعوها بحقي

رنيم ...ماشي ع كيفج حبيبتي

سابين ...مره دا اسويلهم غدا واني كلشي ما اعرف بس هناء تشرحلي واني اسوي التكوله

دا اقلي الدجاج على النار جانت المسكه مال الطاوه طالعه لبرا خارج الطباخ يعني

جان تتعصب هناء وكامت ترزل وتصيح

هناء ...دمااااغ سزز ماعندج عقل كم مره اكلج المسكه ماتخليها طالعه لبره واحد يتعدى ويجرها وتوكع وتسوي مشاكل وتحرك جهالي لا سامح الله

سابين ...دا اريد اعتذر منها جان تكول هيج توكع شوفي وجان تضرب مسكه الطاوه وتكلبها عليه

شحجيلج ششرحلج زيت ويغلي ونطش عليه كمت اصررررررخ لحكووووووونييييي متت من الوجع

رنيم تسمع وداخلها يتكطع ع كم الاجرام والعنف الي اتعرضتلو هل بنت ياربي شنو هل ظلم بقيت استمع الها بتركيز

سابين ...كمت ابجي واصيح ركضت للحم

ام اريد بس شي بارد اخلي

غلى جسمي وكفت جوا الدوش اصيح اااااااخ يااااربي يا الله يا ربي ساعدني يا الله واصيح عممممممممه ساعديني الله يخليج

وفوك كل هذا هيه تجر بشعري وتضرب بيه الحقيره تكلي نصي صوتج واني شلون انصي صوتي واني محتركه

بس ابجي واصيح ونوب لوصت اني وزدتها سوء من فتحت المي البارد عليه اكبر غلط الشي السويتو

محد موجود بالبيت الكل برى وماخابرت فرقد او احمد يجون يشوفوني او يودوني للمستشفى

حبستني بالمخزن وخلتني اون من الوجع وافتر مثل الخبله مكدر اسوي كلشي

لا اكدر اكعد ولا امشي وملابسي احسها لزكت عليه احسها لزكت بجسمي

تيبست ادك بلباب واكول بلكت احد يطلعلي نواره جانت يم بيت جيرانهم

ومن وصلت للبيت
اسمعها تتعارك هيه وهناء تكوللها فتحيلها الباب يا متخافين الله

اني ماحسيت على نفسي فقدت كعدت اون واهذي بايلين ايييلييين اييليين

جان ينفتح القفل ويندفر الباب قوي وفات فرقد يركض الي على الدكتور

من شالني حسيت نفسي دا اموت وهو ايدو على الحرك ادفع بي

واكلو نزلني اريد امشي دا احترك دا تاذيني جان ينزلني مشيت لوحدي للسيارة

ما اكدر اكعد وصلنا للاسعاف جا المسعف كالي بدلي لبست الثوب وكشف عن بطني من الاسفل كلو محترك و وارم

والجلد سايح ونوب من جدام متشوهه اصلا صايره لوووص الثوب مالتي جان لازك عليه

كوه شلعتو انوب كام ينزف كام جاب قطعة شاش وصار يجلف بمكان الحرك يريد يشيل الجلد المايع

يجلف بي ويدهن اني لعبت نفسي واستفرغت واغمى عليه من الوجع والمضمد من شافني اول مره

كال هاي وين جنتي وليش متاخرين يلا جابوج كمل ولفلف الحرك ونطاني ادويه

كوه امشي احس نفسي بجهنم امشي وادعي بكلبي وابجي كلت للمضمد فدوه بس نطيني مهدء منوم اريد انام

ما اريد احس بالوجع كلي وصفتلج هسه تستلمي من الصيدلي

طلع جذب بس يريد يهديني رجعني فرقد للشقه ونمت بغرفتو

بس شفت الويل يلا نمت معرف وين انام ومعرف شلون اندار جنت بس اتلوى

وهو يفووووت ويطلع مثل ام العروس ونوب يكول تستاهلين
الله جازاج متت على ما غفيت

ونوب كعدت الفجر الحرك يحكني ياكل بيه اكل ومكدر اطخو

والمصيبه انو المضمد كلو لازم كل يوم كل يوم بمي دافي وصابون ركي وقطعه شاش تجلفلها الحرك وتشيل طبقه الجراحه عنها

وتدهنها بالمرهم وتلفها جان الجحيم بعينو صارت سبعه الصبح جان يفوت فرقد

فرقد ...يلا للحمام

سابين ترجف من الخوف ...ليش

فرقد ...اسويلج الجرح

سابين ...اني بيا حال جنت واكلو اريد عمة بابا تسوي جان يصيح بوجهي

فرقد بصرخه ...كوووومي ترا اكفر بيج مو ناقصج ما معطل نفسي لخاطرج خانم كوووومي

سابين ..عندت ما كمت كتلو البارحه سوا بعد خلي لباجر نبدلو اني ماعبالي المضمد هيج كلو كل يوم يتبدل

سحلني من ايدي وفتت وكام يجلف واني انعل واسب وافشر وادفع بي

واكوم وازحلك واوكع وهذا مستمتع اجت ليمه يعذبني وبحجة دا يعالجني ويفرك بكل قوتو الحقير السافل

الا يطلع الدم مني يخليني انزف يلا يعوفني ضليت على هالحاله اسبوعين

اني هيج متمرمره بسبب امو الحقيره الي ما اعتقد حجا وياها

ورا ما شويه نشف الجرح جت الخانم امو

هناء ...يلاااااا كافي دلال نطاج ابني عين زايده
يلاااا البيت جاف كومي نظفي

سابين ...وبكلبي اكول حسبي الله يعني ماراح اخلص منج ياحقيره

كمت بدلت وفرقد جان برى وفات شاف امو كللها هلا يوم شعندج هنا

هناء ...جيت اشوف هالحيه

فرقد وهو يضحك ...كلشي مابيها هسه اغيرلها على الجرح وتروح تخدمج

سابين ...بكلبي وارجع لحياتي الي كلها عذاب ورزايل وراشديات

وفعلا رجعت انام بالغرفه الحبس ويه يزن بدون فراش بدون غطى عالكاع

شلون الله رحم بحالنا وما متنا من البرد ما اعرف وبيوم

فات فرقد محمل علينا لزمني دك كتل كتل كتل خلى وجهي هريسه

وصار عندي نزف وهو مو موعد الدوره ولزم يزن ضل يضرب بي الا ان جتو ضربه على راسو

اعتقد هيه هاي كانت سبب وفاتو وهم ضربو على خصرو وكفت كلاتو

كمل ضرب وطلع ما التفت ورا اني ضليت بمكاني لليل واشوف يزن غركان بالدم ومايتحرك

سحلت بنفسي ليمه ماعندو نفس كمت الطم واصيح واضرب بالباب اجا فرقد شافو ماكو نفس سحلو وطلعو برا وماشفت يزن بعدها

رنيم ...ليش وين راح تركو يعني

سابين ...لاااا دكتور لااااا اني هم عبالي طلعوا بس هو مااااااااااات بسبب الضرب ماااااااات

وقلة الاكل والشرب اني ما اكدر اجيبلو اكل ومي مايشرب وجروحو التهبت جثيير

وضربو ضرب قوي هذاك اليوم مات على اساسو وما عرفت هالشي اني الا وكت متاخر

رنيم ...يعني ماسوولو فاتحه ليش ما عرفتي انو مات

سابين ...ما سوولو فاتحه بس دفنو حتى ما ودوا للدكتور وعاينو بالقصر مالتهم

ودفنو محد شاف محد درى اني وكتها دخلت حالة كآبه من عرفتو مات

ومره جابو رمل جانو يريدون يصبون الطرمه لان تكسرت تفطرت

وشدت عليه مرت عمي

هناء ...تعالي لزمي هالمنخل وكعدي نخلي الرمل اريد الناعم وحد والخشن وحد

سابين ...دمبر كامل مال رمل خلتني بعز البرد اكعد انخللها الرم

ل

وكاعده يمي تكرز حب وتتفل القشر عليه بسرعه بسرعه استعجلي وبيبي كاعده ولا كانو تشوف او تسمع مرت ابنها شداتسوي

وكسرت ظهري بي يومين انخل رمل من الصبح لليل ماتهدني تخيلو تكعدون هالكعده هاي بس تنخلون شيصير بيكم

مره جان جايب اصدقائو للبيت وسمحلهم يفوتون عليه

وجان يششكك الملابس عني ويكوللهم تفرجوا دحكوا شنو سويت بيها

ويضحكون ويتلمسون بكيفهم واني اصيح وماكو فايده تمنيت اموت وكتها تمنيت اذبحهم توسخت جثييييير ماكو شي يرجع لطبيعتو

رنيم بصدمة لطمت ع وجها ...اغتصبووووج ؟

سابين وهيه تصرخ بهتسيريا وتملخ بروحها ...هو شضل على الاغتصاب دكتوره كوليلي شضل

اني توسخت ومي الله كلو ما ينظفني تحاولين عبث عبث كل محاولاتج ماراح ارجع سابين القديمه اني خلاص انتهيت انتهيت ميفيدني علاجج ولامحاولاتج اني انسانه ملعونه تعيسه ولازم اموووووت لازم اموووووووت واصرخ بكل جوارحي وابجي

رنيم انتفضت وحضنتها وهيه تحاول تهديها ...اهدي سابين حبيبتي اهدييي لازم تقاومين وتعيشين وهالدعوه مستمره راح ينمسك وتاخذين بثارج

سابين ...واذا اخذت بثاري شنو الراح يتغير الحرك البيه يختفي

الكدمات تختفي سني يرجع ينبت مثلا هااااا شرفي يرجع

عقلي راح ينسى الصار اني انام واحلم بكل هاي الامور واتوجع

وعبالك دا اعيشو من جديد وكل يوم نفس الشي كل جزء بجسمي وارم ومتاذي

بحاله وحده ارجع اذا فقدت الذاكره اكو عمليه سمعت عنها استأصال الذاكره الصوريه

وتبقى بس الذاكره المعلوماتيه بهيج حاله كل الصور راح تختفي للابد

وماراح ارجع للموت واني اكمل الحياة طبيعي بس مرات اتسال هل جسمي راح ينسى ؟؟؟

رنيم ...اذا تحبين نوكف ونكمل باجر انتي هم اخذي ريست وارتاحي ...

وللحكاية بقية ......

- هناك فوضى عارمه تشتاحني
اشعر كما لو أن هناك الف شخصا يبكي داخلي اشعر كما لو أن ألم جروح البشر كلها تسكنني اشعر كما لو انني عاجز عن التنفس اشعر كما لو أن روحي تنتزع بكل وجع وألم وصراخ 💔
...............


يتبع ....

#الانتحار

#بارت39

رنيم ...شلونج هسه سابين ان شاءالله اليوم احسن

سابين دخلت رأسا بالموضوع بدون سابق انذار ...كلشي مخربط طول هالمده مكدرت استجمع شي ولا اربط اي شي

شلون وصلت لهالمرحله جان جحيم بمعنى الكلمه

اهلي تخلو عني تتصورين الاهل الام تتخلها عن طفلتها ههههههه لا لحظة ماجنت طفلتها

كلشي بيه وجعني ظلموووووني جثييييير ومحد انصفني مرت الايام عليه مثل الجحيم

لا اسوء تمنيت الموت وملكيتو جنت اتخبط من سيء لاسوء

هنا سكتت سابين والتزمت الصمت وبانت ع معالم وجها الألم وغوركت عيونها وكامت تتنفس بصعوبة

رنيم ...لزمتها وكتلها اهدي حبيبي ع كيفج كملي شنو الصار بهذا اليوم

سابين رجعت اتكمل ...راحو كلهم وتركوني وراهم توسلت يرجعون مارجعو ولاالتفتو الي ابد

رنيم ...منو الي راحوا ؟

سابين ...معرف شنو لازم اسميهم بابا ماما اهلي اختي معرف مجانت تنطبق عليهم هاي المسميات ابد

بس وتين خطية تأذت وهيه تحاول شفتها نعصر كلبي من ضربوها وهمه يريدون يبعدوها عني

تمنيت اشوفها لاخر مره واحضنها جنت مشتاقتلها جثييييير

واكوللها ليش تركتيني مو مترابطين بكلشي جان المفروض نموت سوا

رنيم عكدت حاحبها بتسائل ...دتحجين عن ايلين ؟؟

سابين رفعت راسها ودحكت ع رنيم وكالت ...اي جنا مترابطين بكلشي تتخيلين مانزعل من بعض

قلوبنا قريبه جثير ماكرهنا بعض بغض النظر عن العنصريه الجنا نمر بيها

رنيم ...حلووووو اكيد عشتي ايام حلوه وياها

سابين ...لا مو جثير حلوه جانت ايامنا توجع تضربني امها ويضربها ابوية

وهكذا معرف شلون انجرفت يم فرقد لوهله حسيتو صادق وراح يساعدني ويطلعني من المأزق الانا ووتين بي

رنيم بنبرة مراوغه ...شلون يعني يطلعكم مفتهمت

سابين ...هههههه مو زواجنا جان حبر على ورق بس حتى اعيش وياهم واطلع من بيت سناء وطارق

واسحب وتين تجي تعيش ابيت جدي وافقت وجان يوم اسود الوافقت بي

رنيم ...يعني ماجان عن حب ؟

سابين صدت بعينها بغيض ....لااااا لااااااا ماجان عن حب احنا بعاد جثييييير عن الحب

احنه محرم علينه شي اسمو حب كولي ملعونين اي

جان هوس منو اتجاهي بس كولي مرت الايام ابيت جدي ايام فرحي جانت محدوده مطولت جثير

بس اكول الحمدلله عشت كم يوم بدون تعذيب من سناء

ارتاح جسمي شويه من الضرب والتعذيب ورجع لونو طبيعي

رنيم ...ماحبيتي بعد الخطوبه ولا مال كلبج الو

سابين ...لا ما انكر ملت شويه بس هوه جان صعب وعصبي ولتلبسين هيج ولتطلعين ولتفوتين

جان يدخل بكل صغيره وكبيره واني جنت اضوج منو بس ما جنت اكرهو للعلم

(هنا كامت تبجي سابين وحست روحها انعصرت اتذكرت التعذيب والعنف الي مرت بي من فرقد)

رنيم ....كملي واذا تريدين ناجلها للجلسه البعدها اهم شي ماتضغطين على نفسج

سابين اتنهدت بحسرة وقهر وكالت ...يكون احسن

رنيم ...تاجلت الجلسه لبعد يومين ورجعت التقيت بيها

سابين ...تمنيتو يبقى ويايه بالغرفة جانت الغرفه موحشه وظلمه وبارده بالشتا

ونار بالصيف بس مات ومن عرفت مات شلت ظلمو على اكتافي

وتانيب الضمير موتني خنكني بسببي مات ضليت الوم بنفسي

رنيم ...بس انتي ما الج علاقه انتي ماعذبتي

الي لازم يشعر بتانيب الضمير هو فرقد مو انتي

سابين ...ما اعرف اذا كلامج لازم يواسيني او يزيد من كئآبتي

المهم جان عندي نبله مال قلم رصاص ..جنت كل يوم انضرب بي لحد مايغمى عليه من افيق اخط خط على الحايط

حتى احسب كم مره تعذبت و وصلت بيها لمرحلة الاغماء تعرفين كم يوم جانو خلال هال ٣ سنوات

رنيم ...كم يوم ؟؟

سابين ...١٨٠ يوم هاي بس الايام الاغمي بيها عليه من الضرب من التعب من التعذيب الجسدي

باقي الايام ماجانت عسل جانت جحيم بس تحملتها

بيوم من الايام جان دا يدخن جكاير جا سحلني من شعري

وكعدني يم رجلو يدخن الجكاره ويطفيها على ايدي دحكي هاي الاثار كلها اثار الجكاير مالتو

رنيم ...ماجنتي تكوليلو كافي

سابين ...لا لان حتى لو كلتلو ماراح يبطل راح يزيد

رنيم ...جنتي تبجين من الوجع

سابين ...هم لا اذا ابجي يتونس ويزيد بالشي الي يسوي

جنت اسكت واجمد جسمي واضغط على نفسي حتى لاتنزل دموعي

بهيج حاله راح يشوف اسلوبو مابي فايده ويبطلو بس بنفس الوكت راح يبتكر اسلوب اخر جديد

رنيم ...اعذريني لحظه هسه اجي رحت للحمام ضليت ابجي ربع ساعه متحملت الشي الي عانتو

اني بطبيعتي قويه بس هالبنت انهاريت كبالها ونوب من شفت ايدها متحملت

اريد مكان مابي اثر جكاير مابي اثر حرك ماكو مشوه جسمها كلو الحقير النذل

غسلت وجهي ورتبت نفسي ورجعت الها اعتذر حبي اتأخرت عليج كملي

سابين جانت ملتهيه ترسم صورة عين
رنيم ...دا ترسمين ؟؟

سابين ...اي

رنيم ...حلوه رسمتج وسريعه هم ما طولتي بيها

سابين ...جريت حسرة قوية ع اثرها انتفض جسمي من الحركة البداخلي

رنيم ...جانت الامور صعبه عليج اكيد ..

جان بيدها ورقة نطتنياها بدون كلام دحكت عليها جانت رسمه

راسمتها الها ولاختها وجه بنصين يعني توأم

سابين ...اريد انام يكفي

رنيم ...طلعت بدون حرف قفلت على نفسها الباب وماطلعت لليل جانت منهاره

لميت غراضي وشلت جنطتي ورجعت لشقتي حتى اخذ ريست شوية وارتاح طبيت حضرت الحمام حتى اسبح خابرني عثمان

عثمان ...الحكي رنيم سابين انهارت بس تبجي وتصيح ...تعالي ع السريع الله يخليج

‏رنيم ..ركضت غيرت ملابسي وشلت جنطتي وغراضي وطلعت ركبت تكسي ورحت

جانت منهارا عصبيه وتصيح وتكسر ومتريد احد يلمسها تقربت منها

‏سابين حبيبي اني رنيم اهدي سابين لاتخافين اني جيت تعالي يمي احجيلي شنو صار راح ترتاحين احجي الشي الي ابالج
‏
‏وتين ...جنت دا ادرس امتحاني وفجأة سمعت صوت تكسير بغرفة سابين

ركضت عليها جانت مكسره كلشي فتت صحتها سابين ؟ سابين اختي حبيبتي سوسة حبيبي شصاير ساااابين
‏
‏سابين تتكلم بعدائيه ...مكانج لتتقربين مني لحد يلمسنيييييي اكتل روحي والله لتتقربوووووون

عثمان ....ركضت وحضنتها اششششش اهدي حبيبي اهدي اني يمج ما اتركج اهدي محد يتقربلج

ضلت تدفع بيه وترافس وتبجي لتلمسني واني حاضنها قوي جان تعضني وتفلت مني

ماتريد احد يلمسها بس جت رنيم تقربت منها ماصدتها حضنتها وهدأت

سابين ...حسيت بارتياح كبير الها اول مافاتت ردت استوعب شي بس بعدين حضنتها

جنت محتاجه امان وجنت خايفه حلمت حلم انو فرقد مرجعني وخفت وارتعبت ما اتحمل اعيش يمو بعد

رنيم ...حضنتها وهدأت شويه رادوا ياخذوها للمشفى وكتلهم ماكو داعي نامت

وبقيت يمها للصبح عثمان ضل لازم ايدها

((اخر جلسة ))

سابين ...ردت اخلص اخفف من العذاب العندي اريد احد يشيل عني شويه من هالهم

حجيت لرنيم عن اغتصاب فرقد الي بالتفصيل جانت رنيم تبجي

وعثمان جان ويايه بالجلسه وتين هم وتين انهارت وطلعت وعثمان ضل لازم ايدي

بديت اتحسس الحنيه الي بكلبو الي ..جنت مرتاحه كلش وهو يمي

جثير حبيتو مو حب العشق حبيتو لانه حنين عليه

وتين ...جان عندي امل كبير انو ترجع سابين كامت تطلب الشي التريدو مني

بعد ماجانت فاقدة وماتحجي ابد وبهاي الفتره اني دخلت كلية هندسة وداومت

وسابين مابين تتحسن وتسوء وبيوم جنت بالكليه

اني طبعا بعد ما نهزمت سابين ورفعنا دعوى بالمحكمة وبعد ماتعرفت على اركان

ابن عمتي انمار يدرس اساسيه بالموصل وانا ادرس هندسة مدني هناك

جاني فد يوم ويتوسل ارجع وميصير اسود وجهم وبابا راح ينجلط ومن هالحجي

انمار ...اني ابن عمتج الي حق عليج تعالي عيشي يمي ومحد يتقربلج

وتين ...كل هالحجي بنص القاعه والطلاب والطالبات واكفين

يستمعون ومصدومين من هالغول ويريد امر المحكمة الغي

لان اشتكيت علي هوه هم لان شارك ويه فرقد مع العلم انو اخو يزن مات على ايد فرقد

بس يكول يستاهل هو طلع عار وخزانه واحنه اتبرينه منو وفرقد غسل عارو وهم بسبب سابين هيه اغوتو ...عقل ماكو براسو ضل يحجي

واني لازمه اعصابي على حبة تمن وتفلت بالاخير حجيت بكل هدوء

كتلو الباب الجيت منو تعرفو لو ادليك علي ..رجعه ما ارجع والدعوى ما اسقطها

انته وولد عموميتك كلكم راح اذبكم بالسجن وراح ...قبل ما اكمل هل كلمة ما احس الا وشعري بيدو

وضرب راسي على الستول ومخلي ايدو فوك راسي مثبتو على الستول ويحجي بعصبيه

والشباب كامو علي يحجون ويا هذا طلع سجين وهددهم

انمار ...قسما بالله الي يدخل اقتلو ..بنت عمي واني حر بيها وهاي مرتي

وتين ...بعد محد يكدر يدخل بس كالوله حتى لو حلوها بالتفاهم حمزة وزيد وعماد بنيتهم ضخمه

هذول زملاء ماتحملو كامو علي خله السجين يم ركبتي ويهدد بيهم اليجي يكون سبب بموتها تخبل حمزة

ومايكدر يطلع يجيب الامن وعلى الستول القريب مني اكو اقلام حبر مال صديقتي

جريت قلم وبكل ما ربي نطاني من قوى غرزتو بايدو الي شايل بيها السجين هوه هدني

وكام يلعن ويسب بنت الكلب يا حيوانه والله لطلع بروحج

ارجع اشيل قلم ثاني بسرعه وهو دايصيح وردت افوتو بعينو بس خله ايدو ونبت بيدو بهاي الاثناء خابرت اركان اجاني ركض

هو اكبر مني طبعا حدر من الطابق الثالث وجاني يركض

لزمو الا كسرو تكسير وجا الامن شحطو وعثمان اوووه من عثمان

نعمه تستر ع السالفه جانت سنه مليانه حبجيات لعثمان جان ياخذ سابين للمطاعم ننتقل الو هو يحجيلكم الاحداث الي جرت ويا

عثمان ...بهاي السنه عشت اجمل لحظات حياتي اول مره احب بحياتي اعترف

جنت اقضيها حجي ويه البنات بس ما اخذت وحده بيهم بصوره جديه

من جت رنيم طمنتني وكالت اطمن راح اخليها ترجع

شويه شويه بدينه نلاحظ تحسن بحالتها مره رجعت من وكت

وكلت اريد اخذها ونطلع سوا وحدنا جبتلها ملابس كلش انيقه

فستان عدل مو طويل رجلها شويه تطلع منو

وجبتلها حجول اموت على الرجل البيها حجول جانت عدها جلسة معالجه ويه رنيم

غمزت لرنيم وجت ليمي كتلها اريد اخذها شلون ورنيم وماتح

ب تفصلني تفصيل

رنيم ...اييييي عيني ايييي موعد غرامي وبس انت وهيه لو وياكم طرف ثالث بله استاذ عثمان

عثمان ...لا ولج بس هيه اريد اخذها افتر وياها انروح لمطعم هالسوالف تعرفين

يعني ياحلوة انهي جلستج الفاشله وهااااا شوفي جبتلها هاي الشغلات عفيه لبسيها اياها

ومكيجيها مثل مكياجج هذا خفيف لاتطوخين اريدها طبيعية مو لعابه عرض ازياء

رنيم ...اي بله اامر بعد حضرة الامر انت تريد تطلع وياها اني شكو

عثمان بترجي ...دا اطلب منج تساعديني لتصيرين نحسه

رنيم ...اي دا اساعدك اني ترا واعالجلك اياها

عثمان ...لا قصدي بهاي الشغله هسه اهوووووو لتستلميني رنيم عوذا يلا حبابه فديت هل جهرة الحلوة هههههه

رنيم ...هههههه شكد حياااال مزين وكاشخ الافندي لخاطر هالكشخه ماراح اخليها تروح ابلاش

ادلل بس البنت عدها خبر لو على عمى عينها جيت تاخذها

عثمان ...انتي كوليليها بطريقج حبابة

رنيم ...شكوللها بله عثمان يريد يقضي يومو وياج

واني شكو امشي فوت كوللها واني اكمل الباقي يجوز ماتقبل

يلا فوت انت كدها يا بطل طلعت وعفتو ادحك علي من الشباك جان متلبك

وعبالك يوم دخلتو حتى بهذا اليوم ميرتبك الانسان هيج ضحكت علي

عثمان ...سابين اريد اطلب منج شغله

سابين ..كول عثمان شنو

عثمان ...احم من الاخير تعالي نطلع نفتر برا

سابين ...شنوووو مفتهمت !

عثمان ...يعني تعالي نطلع برا

سابين ..وين برا يعني

عثمان ...برا البيت للمول نفتر او اذا تريدين لمدينة الالعاب

سابين ...شنسوي هناك وليش نطلع اكو مناسبة شي

عثمان ...لا لا ماكو مناسبة تغيير جو شكلتي

سابين ...امممممم منو يجي ويانه رنيم ووتين متجي

عثمان ...بكلبي كلت من خررب حظي سحبت نفس عميق وكتلها ليش وينها وتين دا نشوفها هيه واركان مختفين ويه تقديم الكليات

سابين ...زين شوكت نطلع

عثمان ...هسه حتى نلحك نفتر

سابين ...هااا والجلسه شلون بعد ماكملناها

عثمان ...رنيم اجلتها لغير يوم كالت اكملها

سابين ...اي عجل اكوم ابدل واجي

رنيم هنا دخلت وكالت ...اني عندي شي مناسب الج تعالي اني البسج

عثمان ...ولج جنتي تتسمعين

رنيم ضحكت بخبث ...هههههه لاااااا

سابين ...بس اني وانتي تختلف مقاساتنه

رنيم ...حبيبي لاتخافين كلشي محسوب بالملم عثمان جابلج هاي الشغلات تعالي فوك ارتبج تعالي

عثمان ...بصوت ناصي ولج لتفرين عقل البنت وحطيت اصبعي ع ركبتي كتلها اذبحج

رنيم غمزتلو ...اتطمن اتطمن

عثمان ...والله مو شكلي راح اطمن

رنيم تضحك بصمت ...حركتلو اعصابو طلعت لبست سابين الفستان

جان عدل لون شكري يخبل مفصل على جسسمها

بكلبي اكول خرب عرضك عثمان جايبو فيت على قياسها

مركز عليها الاخ وماندري بسييييطه والله الا اشعل اهل اهلك اصبر عليه

خليتلها مكياج سموكي جوزي هاي على اساس كلي لاتطوخين الها بس جكاره بي الا اخلي مايكدر يطلعها

لبستها حذاء كعب بس كالتلي معرف امشي بي لهذا تريد تلبس فلات اني عندت

كلت حتى يلزم ايدها من تمشي بالكعب وهم حتى شويه يصير عدها طول عبالك بنتو مو حبيبتو

كل هاي الخباثه سويتها مالبستها حجاب سشورت شعرها طويل يخبل طلعت الا فد شي

ماجانت رايده تطلع بلا حجاب بس جبرتها هيه شنو شافت من الدنيا بس القهر

يمعووووده طلعي بس هاليوم وتونسي الدين ممربوط بشالج سوسو

وجان انزلها وخرب بحظي هذا عثمان مو عبالك طالع ويه حبيبتو لابس زيو العسكري

خرب حظي دحك وشافنه ننزل ونصدم ضل فاتح حلكو خطيه متت ضحك علي مو شايف بحياتو

عثمان ...اول منزلوا رفعت عيني ودحكت عليها انصدمت تخبل سابين

وجان ازفها لرنيم عود كتلها لاتطوخيها ماريدها لعابه نوب جابتها تخبل خرب يومها

تريد تلغي روحتي فتت للحمام نعلى على ابليسج رنيم ع هل دكه

رنيم خربت ضحك ع حال عثمان الي اتلعثم ...وين عثمان احجي شي وين رايح الباب مناك ههههههههههه

عثمان ...رنيم سدي حلكج راح اغسل واجي

رنيم طكت ضحك ...هههههههه غسل غسل شكلك ماراح تطلع

هاااا عود بدل ملابسك رايح للعسكريه لابس زيك بدلو

عثمان ...انعل حظك هسه وكتك انت غسلت وطلعت

حاولت اتجنب ادحك عليها بس يربي تخبل طالعه شلون مشكله هاي

نزلت يم خدها بستو وكتلها طالعه كيكه تجرأت كلت بلكت تلين الي وركبنا بالسيارة

سابين ...عزاااا شكد خجلت من كلام رنيم شدا تلوص

وشلون عدها هالجرأه هاي تحجي ويا هيج وهو بس صديقها

ونوب الافندي نطاني طلقه قاتله من باسني جسمي كلو كام يرجف شلون جرأه هاي

ورنيم ماركبت ويانه تحججت ونهزمت اني ردت اسحب نفسي جان تكول

رنيم ...لا لخاطر تعبي التعبتو بيج لتضيعي روحو واني من اخلص الحكم

سابين ...عرفت ماراح تجي ودا تجذب عليه وهم ماكدرت اسحب نفسي يعني خلوني امام امر الواقع

وجبر اتقبلو خططو سوا الملاعين طلعنا افترينا بالمول

ونوب اول مره بحياتي البس كعب قلم شكد توسلتها البس فلات ماقبلت

والمصيبه امشي تاتي تواتي ما اكدر اسرع واخاف لا اوكع

والله اصير قشمر وهالمره اموت بخجلي وربي ..انتبه عليه دا امشي بطيء

عث

مان ...شكو سوسه ليش بطيئه متوجعه شي

سابين ...معرف ليش ما كلتلو اي متوجعه ولغيت الروحه نثولت وكتها ..

هااااا لالا مابيه شي بس هذا كعب عالي اول مره البسو ولحت رنيم الا هوه

عثمان ...ههههههه مو مشكله تعالي من فلو نشتريلج شي مريح

سابين ...لالا ماكو داعي ادبر نفسي بي ها شوف مشيت سريع

عثمان ...دتعالي اتروحين تبطنشين هسه ويصير بيج شي شسوي وكتها بالحذاء تعالي

اهم شي تكونين مرتاحه لزمت ايدها لبين مانوصل فلو جانت قصيره حيل عليه

وجان اكو شباب ادبسززيه بالمول يدحكون الها ومايكسرون عيونهم

جنت رايد اكسرها الهم بس ربي ويايه سابين اخاف عليها ليصيرلها شي

اختارت حذاء تكرمون فلات وياربي صارت اصغر بعد شسوي

اشيلها وامشي عبالك نونه طفله افترينا وسولفنا واثناء مشينا لزمت ايدها

اخذتها اشتريتلها فستان من ديفاكتو LCجانت كلش فرحانه

خليتها تجرب كلشي تريدو تبدل وتطلع واشوفها كل فستان احلى عليها من القبله

انوب طلعت لابسه جينز وبلوزه ابوووويه اشتعل تجنن ماخليتها تشتريهم وين تلبسهم بله غير احترك

جنت ادحك عليها وهذا گلبي احسو يريد يطلع من صدري جنت فرحان جثييير اول مرة بحياتي احس بهذا الاحساس

شفتها فرحانه وانفتحت للحياة من جديد وحسيتها استجابت الي وضحكتها مافراكت وجها الف الحمدلله والشكر اخيرا رجعت سابين القديمة

اخذتها وكلتها ايس كريم وعبالك نونه وسخت شفتها

الا اشرتلها تمسحها ردت امسحها الها بس خفت تجفل مني خليني شويه شويه اتقرب منها

وراها رحنا لمطعم (تودي) واكلنا واليوم جان كلش حلو هيه هم تفاعلت تسولف وتضحك هذا الشي يكفيني

سابين ...جان حنون كلش وانيق بتعاملو ماحسيت بضيق ويا فرحت جثير

جان احلى يوم مر عليه وخفت ليكون اخر يوم ماجنت اريد افرح جثير اخاف ليصير شي سيء لان اعرف نفسي الفرح مايوالمني

رجعت للبيت هلكااااانه تعب طلعت لغرفتي كبل شمرت نفسي على التخت جنت تعباااانه كلش هذا اكثر يوم مشيت بي

عثمان ...اشتاقيت الها ...وتين واركان رجعوا وكلمن طلع لغرفتو

اني بقيت كاعد لل ١٢ بالليل احوص مكدرت اكعد اكثر نفضت نفسي ورحت لغرفة سابين كلت خلي اكللها تصبحين على خير

وهم اشوفها اشتاقيت الها يربي ما اشبع من هالبنت

دكيت الباب خفيف محد طلع فتحتو على كيفي شفتها نايمه ولا مبدله ملابسها

رجلها جانت طالعه تخبل بيض ومبرومين خرب حظي شون نايمه باهمال وشعرها المنثور على مخدتها ووجها

جانت تخبل ضليت صافن عليها ساعة ماحسيت الا فاتت وتين ونصدمت من وجودي بغرفة اختها

دحكت عليه بنظره تسائل شدا تسوي هنا كمت وكتلها بصوت ناصي

جان الباب مفتوح خفت لتكون سوت شي بنفسها جنت اطمن عليها

يعني لغمطت السالفه وطلعت خرب حظك ياعثمان اخرتك تنكشف بهيج وضع مزري

ومرت الايام وكامت تتحسن سابين بشكل ممتاز

وبيوم من الايام جنت راجع متاخر ب ٣بالليل اخذت دوش وجنت اريد ارتاح بغرفتي

كلت اطمن على سابين فتت عليها جانت تون عبالي حلمانه

تقربت منها حتى اشوفها جانت عركانه حيل ومحمومه

رحت جبتلها خافض حرارة معرف ليش فكرتها على انها طفله

فزت من شافتني يمها كتلها لتخافين سابين انتي محمومه

اكعدي شربي هذا واني راح اسويلج كمادات مي بارد

قبل هالشي لازم تغيرين ملابسج كلها عرك اخاف تستبردين كومي اوديج للحمام وكوليلي وين ملابسج النظيفه شنو اجيبلج

سابين ...لا لا اني اجيب لنفسي محاجه وهم ما اريد كمادات هسه اكعد الصبح مابيه شي بس اريد ارتاح شويه

عثمان ...لاااا انتي فوتي للحمام واني اجيبلج ملابسج

يلا مسحي جسمج بمي دافي مو بارد للتمرضين

فتحت كنتورها طلعتلها ثوب فضفاف مال نوم نص ردن وقصير

حتى ترتاح بي دكيت الباب فتحتو لعب الشيطان براسي وكلي فوت انت لبسها

خرب حظي بيا حال هيه واني بشنو افكر يا عثمان المنحرف طلعت قبل لا اجفص جفصه والوص الاول والتالي

جبتلها مي وكماده جانت متغطيه وترجف دفيتها بالبطانيه

وكعدت اسويلها كمادات لراسها ورجلها وايدها جنت فرحان رغم التعب البيه

سابين ...عفيه عثمان اطلع ماريد كمادات ((جنت مو مرتاحه دا يسوي كمادات لرجلي))

اني تلفلفت بالبطانيه حتى لايشوفني لابسه الثوب القصير فشله وهذا اصر الا يسوي كمادات

يابا سوي لراسي محاجه ايدي ورجلي بس لاااااا منو يقنعو بغير شي

الا يسوي الي براسو جنت احس بفشله كبيره وكتها وينج ياوتين من احتاجج

ضليت متوتره مكدرت استرخي بس بنفس الوكت جنت تعبااااانه وغطيت بنومه عميقه

عثمان ...جنت اسويلها كمادات ومتونس جثير مع العلم ابو ابويه شايفه من التعب

رغم هالشي جنت فرحان ضليت يمها الا ان غفت وحرارتها مانزلت جثير بللت المنشفه وخليتها ع رجلها

واني تمددت يمها وحضنتها من ورا جنت رايد بس ساعتين انام يمها
ونصبت منبه كلت اكعد قبلها واطلع من الغرفة وجان طفيت بالنومه فزيت الصبح على فزتها

سابين ...كعدت الصبح فزيت اصخام هاي شنو اكو ايد محاوطتني من ورا يوم الارفعها
انصدمت يبوووو لايالله هاي ايد عثمان يربي شيسوي هنا

يتبع

لاعيوني عادي هالشي 🙃عليمن الضوجة
واهواي تلكين الكصار يردون يصيرون طوال

وانتي شايفة أكثر عارضات الازياء كلش طول وفوكاها يلبسن كعب😅 فعادي
خليج واثقه وراضية عل نفسج ❤️

#ملوكه

حبي ماكو كريم محدد يزيل الاثار

فاانتي سوي عنايات وتقشير بالاسبوع مرة واستعملي ديرمابن وي سيرومات من فيتامين سي وهايدرولينك اسد هم زين للاثار..لمن اشويه اشويه يروح☺️🌸

#ملوكه