ها ويداهرها ...عمه تكولج بوسي فرقد

سابين ...وجع براسك اي والله الله ياخذك ويخلصني منك مو عفتك فوك شنزلك جوى

فرقد ...شسوي جاي اخذ عدة الدوا عضتني جلبه لازم اداويها قبل لا انصاب بعدوه داء الكلب

سابين ...ان شاء الله سرطان واخلص وبكلبي ايا جلب محد جلب غيرك

هاجر ...فرقد لاتعث هسه عزلت والله واصله حدها ترا هسه اتخبل ياااا هاي شبيها ايدك

فرقد ...مابيها شي بس هجمت عايه جلبة مسعورة قبل شوية وعضتني

هاجر ..اصخام دروح للمضمد يضربك ابره

فرقد يدحك ع سابين ويغمزلها ويضحك كلها ...ميحتاج هسه اداويها ومابيها اله العافيه

سابين ...دروووووح عساك. لاشفت عافيه

هاجر خزرتهم ...شصاير ولكم مو على اساس تاكلون كيك وتشربون جاي

سابين ...عله بكلبج انتي الثانية ليش تدحكيلي هيج اني شعليه سالي اخوج ويه منو متعارك

هاجر ...اممممم يعني ما كعدتي ويا وحجيتو

سابين ...لاااااع اني اكعد ويه هالجهرات عوذه

هاجر ...اخ من لسانج الي راح يجيب اخرتج والله

سابين ...ديلا عاد خلي نكمل بسرعه اريد انخمد

هاجر ...تمبل غير وتفتنين عليه الصبح اني لج ها صدك

راح تجي الحيه اراده اليوم تبقا اسبوع يمنه ولازم نبتلي بيها نوصلها لمدرستها

سابين ...الف هلا بيها خلي فرقد يتكفل بيها وبمدرستها ودراستها احنه شكو

هاجر ...ولج هذا خطيبج غير تغارين علي شو مسيبتو انتي

هاي حيه والله مو راحه وابد ممرتاحه لجياتها الجثيره عدنا

سابين ...تاركتلها الجمل بما حمل هاي كملت الميز وغسلت المواعين وانتي بس تحجين

هاجر ...اي لان جنت اركص الصبح اني هم جنت اكل وحل

هناء ...ها بناتي وين صرتو ابوكم بالطريق

سابين ...خلصنا عمة كلشي ماكو

هناء ...عفيه ابجنتي الورده

هاجر ...اني انظف وغيري ينمدح على البارد المستريح خوش والله

بيبي ...بصياح عما بعينج اي والله هاي اني هيج تحجين عليه

سابين ...هاي شكو شصاير

هناء ...اكيد تعاركت بيبيتج ويه عمتج كالعاده

سابين ...دخلي نفاككهم وليش تعاركو

هاجر ...كالعاده تعاركو لو على شعري الاسود وشعرج اشيب لو اني تزوجت وانتي عنستي

سابين ...يبووووو على هاي يتعاركون وهمه كبار بالعمر شنو السالفه

هاجر ...اي ولج وتوصل بالعوجيات وحده تضرب الخ

هناء ...انتو كملوا شغل هنا واني اروح افاككهم اووووف

شوكت يجي علي والله اموت ولا يخلوني وياهم ابيت واحد

سابين ...كعدنا على الغدا وفرقد افندي كعد يمي

لو يطخطخ برجلي لو يلزم ايدي واني فاير دمي علي

الادبسزز والمصيبه ليروح احد يحس علينا فشله اصير

والله ماكملت اكل ولاشبعت من ورا واني جنت مشتهيه الدجاج شوي بالتنور الحطب

وهذا سممني مخلاني اتهنى كمت امري لله

وكلت بس يطلع ارزلو رزاله زينه اخلي يحس على نفسو وتصرفاتو طلعت وجت ابالي فكره

فرقد ...طلعت الغبيه في سبيل ما اكعد يمها واتحارش بيها هم ما اكلت شي

يلا هيه الخسرانه هسه تجوع وتنزل تاكل يوم عاشت ايدج الجاي يتاخر

هاجر ...يلا بسم الله بعد ماكمت من الغدا تسال على الجاي شنو عدنه 10 ايدينات خلي نتزوهر احنه هم مو بس انت كملت وشبعت

فرقد ...وسم وزقنبوت شبيج اكلتيني حاصل فاصل شكلت اني

هناء ...يبووو يمعود انت اطلع فوك وجايك يجيك

فرقد ...عاشت ايدج يالغالية بست راسها وطلعت وشمرت نفسي على التخت

جان اكمز من حيلي ايا ولد الكلب هاي شنو الفراش كله مي يومااااااااااا يووووووم

هاجر ...يوم فرقد يصيحج

سابين ...هسه ارتاح كلبي اقفل الباب وانام

هناء ...هاااااا وعلااااااا على هالصوت شبيك انلدغت

فرقد ...يووووم تعالي شوفي فراشي شبي تعاااااي

هناء ...عيلة مغثه والله شلون هناء ترتاح لا لازم يطلعولها شغل

صعدت فوك لغرفتو طبيت هاااااا خيرك شكو متكولون امنا تعبانه من الصبح خلي ترتاح

فرقد ...واني شعليه كم مره كلت محد يفوت غرفتي شوفي الفراش مبلل

هناء ...يااا شبللو ؟

فرقد ...واني شمدريني اني النظفت اليوم يعني

هناء ...هسه نغيرو كافي تلطم مصار شي يجوز بالغلط اختك كبت المي علي

فرقد ...واني شسوي بالغلط مالتكم هاي ثاني مره يوم مره شربت مره مي

وجان تطخ يمي يجوز سابين سوتها لان ضوجتها ديلا عجل غيرو السفنج

ورحت اني على هالغثيثه دفتح الباب بس قافلتو تاكدت انها هيه السوتها بسييييطه

متكعدين من تطلعين من غرفتج قابل تضلين حابسه نفسج بيها هين اني الج

سابين ...كعدت العصر ميته جوع ساعه 4 اريد انزل اكل شي وناسيه اني مسويه مكسوره

ما احس الا ايد وسحبتني ادحك هذا فرقد عزززة العزاني

رحتي بيها يا سابين طاح حظج شلون تنسين يبوووو شراح يخلصج اليوم

هاي شبيك دعوفني تكدر مره وحده تتصرف بادب شبييييك عوفني

فرقد ...تعالي ولج مو انتي الطاشه مي على سفنجي

سابين ...لا شهالتبلي

فرقد ...اني اتبلي عليج ؟!!!

سابين ...اي والله وليش تتهمني اني بالذات اشمعنه

فرقد ...وليش جنتي قافله الباب الظهر من طلعتي

سابين ...قفلتو حتى انطمر ليش ممنوع يعني

فرقد ...لا مو ممنوع بس اكص ايدي اذا مو انتي المسويتها عندج سوابق بهالشي

سابين

...كافي تتحجج قفلتو لان جنت اريد انام وماريد احد يزعجني شو شويه

دطلع جنت بس اريد اطلع من يمو بعدتو عني ودا امشي دطلع جان

فرقد ...سحبتها واخذت شفايفها وعضيتها

سابين ...اني هنا اتخبلت وكرهتو كره العمه كمت ابجي من سوى هيج

اول شي اذاني ثاني شي ياخذ اليريدو بالقوه وهالشي خلاني اكرهو اكثر واكثر

فرقد ...همستلها حتى بعد تجرين عدل وماتخبثين ويايه وكل ماتضوجيني اتذكري شراح
اسوي بيج زين

سابين ...استجمعت نفسي وتكبرت بنظراتي اردها لك فرقد صبرك اذا ماحركتك وانت نايم انت وهالغرفه بسسسيطة

فرقد ...اني نازل جوا جيبيلي جاي بسرعه واذا تاخرتي يصير غير حجي

سابين ...بكلبي دطييييير بس ادلل احلى جاي لعيونك

كمت صبيتلو حميت الجاي لا بالاصح حركتو وخليتلو طن ملح

ودرتو ورجعت خليتلو ملح حتى هو يديرو وحطيتلو بسكت مالح ويا تفضل

فرقد ...هااااا لازم عرفتي مصلحتج مو همزين صحيتي

سابين بكلبها تضحك ...اي وبكلبي راح تشوف شلون صحيت ومشيت

فرقد ...درت الجاي وفرحان جايبتلي بسكت ويه الجاي

اي ياربي بدت تتلحلح هالبنت
شربت اول رشفة من الجاي

اتزوهرت غصيت من الملوحة البي طلع من خشمي لايالله

ايا بنت الكلب والله دنعل ابو ترباتج ولج سااااااااابين ياغبيه مخليه ملح بدل الشكر

سابين ...اني خليت بالصحن اكل وطلعت كتلو لا حبيبي خليتلك ملح حتى يغزر بيك عدل

فرقد بصدمه من ردها ...والله يالله عود فرحان استعدلت والله فلاتستعدل هالحقيره والله دنعل ابو حظي المصخم

احمد ...شبيك ها متكولي شبيك تسب وتنعل مابيوم سمعتك تحجي حجي حلوو

فرقد ..بنت اللذين كتلها اريد جاي جايبتلي جاي بالملح سم ماينشرب

احمد طك من الضحك ...لازم سويتلك مكسوره وياها حتى انتقمت منك هيج

فرقد ...والله حرام كلشي مسويتلها

احمد ..اي قشمر نفسك لازم دست ابطنها تستاهل حيل بيك كوم نطلع

هاجر صعدت دكيت الباب ع سابين ... اكلج سابين فتحي انا هاجر عليج الامان فتحي الباب

سابين ...فوتي ع السريع

هاجر ...ليش شبيج من منو خاتلة

سابين ...محد بس جنت اكل كولي شتريدين

هاجر ...راح نطلع اني واحمد للسوك تجين

سابين ...لا هسه الافندي يلبسني بشت ويطلعني

هاجر ...منو قصدج فرقد لا يولي يحبج دمشي ويايه

سابين ...ماريد واكلج شو وتين مختفيه وينها

هاجر ...جوى يم بيبي هسه حبابه كومي بدلي وهم ناكل موطه

وناخذ وتين خطيه راح يصير بيها توحد بس بالبيت وهم باجر دوام اريدلي حذاء وانتي هم ينرادلج

سابين ..اي والله ينراد اشتري لوتين خطية ماعدها

هاجر ...يلا عجل كومي بدلي

سابين ...اوك امري لله ..كمت بدلت ونزلت وتين مبدله معرف من شوكت ومتحضره وكاعده بسد احمد اني كملت عجل هاجر وين

وتين ...هاجر برى تنتظرنا

احمد ..ديلا عجل خلي نمشي حتى ارجعكم قبل المغرب

فرقد وكف من شافهم طالعين وعكد حاجبو وكال ...خير وين ياطير

احمد ...انجب لاتدخل وفوت جوى

فرقد ...تعال شو بكيفك تصرف وين ماخذ خطيبتي

احمد ...سر شعليك

سابين ...هسه تذكر عندو خطيبه من يضرب ماتجي ابالو هالكلمة

هاجر ...فضيها انتي الخ خلي نطلع لاتخرب والله العظيم اطنكر عليكم هالمره

سابين ...ايييي دمشي طلعي امشي تموتين ع الطلعات

هاجر ...الله الله وانتي متموتين عليها يعني

احمد ...يلا امشو فضوني عاد

فرقد ...دحكي لج عيونج بالكاع اريدها لاتدحكين يمين يسار افكسها الج ترى افتهمتي

سابين ...رفعت راسي للسما ومشيت خليتو يتخبل

فرقد ...انعل جدو لهالراس اليابس كلشي احجي تعكسو احمد دير بالك عليها

احمد ...شخبصتني محد غيرك خطب هسه اذبها بالشط واكلك اكلها الذئب ونحن عنها غافلون

فرقد ...طلعت ويه الشباب لان طلعت البارحه تكنسلت

ومصطفى باك لي لسان يزن سالو اذا عندو حبيبه

جان يكلو يزن اي عندي ومحد يتوقعها منو

اني كبل عرفت يقصد سابين الحقير

يزن ...عندي التسوى الكون وتخبل ايه من الجمال ورقيقه حيل وان شاء الله بس شويه نكبر بالعمر اطلبها

فرقد ...ياحقير وليش اني ما اعرف بهالشي

يزن ..لانك خبل وملتهي بس تتمشكل

فرقد ..ومنو سعيدة الحظ بله

يزن ...خليها مفاجأة صادمه للكل

فرقد ...ابكلبي اي يابا تريد تصدمني لو تموت ما انطيك هالفرصه

وسابين راح اضل احاول وياها الى ان اخليها تحبني الي وتصير ماتكدر بدوني وانت تطلع خارج القصة والخسران الوحيد

مصطفى ...زين شكد عمرها منو هيه بنت منو وين ساكنه

يزن ..هيه ..

وللحكاية بقية ....

‏سؤال بخاطري هل فعلاً ستهدينا الحياة أضواءً في اخر النفق ؟!

يتبع ...

#الانتحار

#بارت32


يزن ...هيه ساكنه بحديثه هذا بس الاكدر اوضحو اخاف ماتصير قسمة ماريد يلحكها حجي مو زين

مصطفى ...شايف الخير ان شاء الله

فرقد ...تستاهل يزوني وان شاء الله انشوفك عريس

يزن ...اشكركم بعد اخوكم اني احبها من جت على الدنيا ومخلي عيني عليها

وبعدني صغير حيل على الزواج فاريد تكبر هيه شويه واني هم اكون نفسي

بعدها الشغله طويله حيييييييل ويجوز متصير كلشي وارد

تسريع الاحداث .....

وتين ...مرت الايام وفرقد ضل بمحاولاتو انو يحبب نفسو

بس طريقتو الي جانت غلط بدل ما يقرب سابين جان يبعدها بتصرفاتو

وبيوم من الايام جت اراده ويزن لبيت جدو وماجانت جيه خير ابد

من يومها قلبت حياتنه جحيم اسود ما الو مخرج ولا وسيله نطلع منها

جنت كاعده جوى اسوي واجباتي وفاتت اراده ويزن سلمو علينا وكعدوا
وراها اختفت اراده

اراده ...رحت لسابين وكتلها تعالي شوفينا شقة فرقد ماشايفيها

ناخذ نظره عليها ونطلع بعدها للبستان كالو حيل مرتبها

سابين ...لا عفيه اخاف مايقبل ويضوج وتعرفين فرقد نحس مايحب احد يخترق خصوصياتو

اراده ...لا مانسوي شي بيها بس نشوفها ونطلع ديلا حبابه انتي مو غريبه خطيبتو بعد ومنطول ومنخلي يشوفنا

وهم اريد احجي وياج على انفراد فدوه اريد استشيرج بشغله

سابين ...كلبي لعب منها مارتاحيت بهذيج العصريه كتلها اوك بس خليني اسبح واجيج

اراده ..اوك اني جوى (جنت متفقه ويه اخو صديقتي نفس جسم اخويه تقريبا

ويجوز شويه اضخم بس من بعيد يبين نفس يزن اتفقت ويا ان يجي للبستان ويحجي ويه سابين

وشوفتو صورتها ..صديقتي جانت تعرف كلشي عني وشلون احب فرقد بجنون ورادت اتساعدني بشتى الطرق

واخوها اعرفو نذل قبل يسوي هالشي شافها حلوه وكال يجوز احصل منها شي اكيد هيج فكر

فاتت سابين تسبح واني متفقه ويا ينتظرنا بالبستان

وقبلها بيوم شتريتلو نفس تيشيرت يزن الجان دارج وكتها

وجبرت يزن يلبس مالتو من رحنا لبيت جدو وهيج تمت نص الخطه بنجاح

الباقي انو اخابر يزن يبتعد عن فرقد وبعدين ادز رسالة لفرقد

سابين ...سبحت خلصت طلعت وينها هالخبيثه والله مامرتاحتلها

بس يتيمه ماريد اكسر بخاطرها اخذت نسخة مفاتيح فرقد وطلعت

شفتها تضحك جوى وصوتها معبي البيت اشرتلها تطلع وطلعنا فررتها بالشقة وبعدها رحنا للبستان

اراده ...سابين اني راح اطلع فوك اجيبلنا برتقال وانتي انتظريني هنا اوك

سابين ...مو هاي اشجار برتقال يمنه شمعنا الا من فوك

اراده ...اكو شجرة فوك حلوه حيل طيبه معليج انتي انتظري هنا هسه اجي

سابين ...لتتاخرين عفيه وتعالي احجيلي شبيج

اراده ...اوك حبي طلعت فوك مثل التل وخابرت يزن كتلو يزن يجي للبستان الورا البيت

بيت جدي عدهم 3 بساتين وكتلو تعال وحدك لان انشكت تنورتي وسديتو

ورجعت خابرت الولد وكتلو هيه تنتظرك ولاتنسى لا تطلع وجهك للمدخل مال البستان

ومن شفتو جا وصار ظهرو عليه خابرت فرقد كتلو فرقد اني اراده تعال ع السريع سابين معرف شبيها احنا بالبستان الجوى شقتك

فرقد انتفض مفزوع ..شبيها سابين احجي

اراده ...معرف جاي تحجي ويه ولد اشو اخذتني برا البيت كالت احجي وياج

وبعدين كلتلي اريد برتقال من فوك بس طلعت اجيبلها انداريت

شفتها تحجي ويه ولد ماشفت بس راسو خاتله ورا الشجرة خايفه عليها حيل الحك لايسوي بيها شي

فرقد ...طك جبل بركان براسي من سمعتها وطلعت اركض مثل المخبل

والله لنعل والديج شلون تطلعين وحدج ونوب طالعه تشوفين الكو**** مالتج ماريد اصدك

يربي شهرين واني احاول وياها نوب مايغزر والله لاطلع بروحج ركضت للبستان

سابين ...جنت منتظره اراده وبهل لحظة ماحس اله واحد هجم عليه وحضني وكام يتحرش بيه اني اتخبلت ردت اصرخ لصم حلكي كمت ادفع بي جتفني ودفعني ع الشجره حسيت روحي طلعت فرفحت بين ايدو

فرقد ...شفت الولد لازم ايدها وحاصرها على الشجرة وراسو يم ركبتها يشم بيها

صحت علي لك يا جلب ياسا*** اوكف اليوم اطيح حظك وركضت جان يكوم يركض هوه هم ماشفت وجهو بس ظهرو

ضليت الحكو الا ان عبر الجسر واختفى الولد رجعت مفول واعصابي نار على سابين

الجانت بعدها ابمكانها

سابين جانت منهارة تبجي الولد جان يتحرش بيها شافت فرقد فرحت عبالها اجاها فزاع متدري اجاها قاتل

سابين ..الله جابك فرقد همزين اجيت هذا معرف منو و ما احس الا اني انشحطت بالكاع

فرقد بدون تفاهم شالها وركعها بالكاع ولزم ركبتها وكام يخنك بيها

وسابين اتفرفح جوه ايدو صرخ بوجها ...يا حقيره يانذله ياسا***ة يابنت الحرام

ولج انتي شما اسويلج مايغز بيج ليش ولج ليش شمنقص عليج

ليش اذا ماتحبيني ليش باقيه ويايه

احجييييييي يا سا***ة

والله لطلعها لروحج سناء ماعرفت تربيج مو

اني الراح اربيج وكمت رفعتها ودك كفخات واضرب بيها ودكيت راسها بالحايط و سحلتها بالكاع

الا ان وصلتها للبيت جنازة الكل التمو عليه يريدون يفكوها مني

هناء ...فرقد عززة العزاك ولك عوف البنت عوفها ولك فرقد راح تموتها شبيك اتخبلت

فرقد ...واني اضرب بيها بوكسيات ودفرات دست على ايدها قوي

وفركت رجلي واسمعها تصيح ومانكسر كلبي عليها ومابردت بعد لو ما احمد الوكفني ودفعني عنها

سابين تبجي وتتوسل ...والله ماسويت شي ما اعرفو ضربتو ودفعتو بس جان اقوى مني والله العظيم ما اعرفو

اراده تتشفه من سابين بخبث ...اخيرا انتصرت اخيرا الطبخه استوت هسه منو يفكج يا ست سابين

يزن ...دورتلها ومالكيتها اخابرها مترد شبيها هاي مو كلتلي تعال للبستان راجع للبيت كلت ادور بلبستان الجدام البيت

وجان اسمع الصياح مال بيت جدي ركضت اشوف شكو

جان يدحك علي فرقد بنظرات حقد وكره جا ليمي وكلي

فرقد ...ها اخويه شلون استمتعت مو وبكل وقاحه جاي للبيت عود ليش انهزمت اذا جنت راح ترجع

يزن صفنت ع كلام فرقد واني اصلا مدافتهم شي منو وعن اي شي ديحجي ...

وبهل لحظة وما احس الا بوكس على خشمي كسرو الي والدم تطشر

احمد ...ضربت فرقد على رجلو وخليتو يركع ولزمت ايدو واصيح علي

فررررررقد شبييييك الخاطر الكعبة تخبلت شبيك احجي خلي نفهم
شصاير ليش هيج دتسوي بيهم

فرقد ...تريدون تفهمون الست المحترمه والاستاذ المحترم على علاقة حب

وجاي ياكلون وحل بنص الوادي مثل الخنازير لاعيب ولا مستحه وتسالوني شكوووووو

هاااااا كولولي انتو الاثنين شكوووو بيناتكم وانت الثاني اتركني لا ارتكب بيها جريمه

جاي تخوني و ويه منو ويه اخويه وضلعي وشريكي وانت تفووووو عليك ياحقيرررررررر يكلب يالنذل

يزن بصدمة وهو لازم خشمو الي ينكط دم ومفاهم شي ....لاااا انته تخبلت اييييي تخبلت انت شلون تفكر هيج هااااا

شلون تفكر اني ممكن اخونك شلوووون عقلك ضرب يعني كمت حتى اضربو واصحي

سابين اتدك وتلطم تريد احد يصدكها ...ماكو شي فرقد والله العظيم ماكو شي من البالك والقرآن ماعرف هل شخص

فرقد فلتت اعصابي ..ضربتها دفره على حلكها نكسر سنها وكام يطفر دم

احمد ...انت واعي شدا تلوص سابين ويزن مستحيل بابا اوعى ع نفسك مخبل منو يعقلها شبيك

سابين ...عمه هناء كامت تلطم على راسها وتكول شجاكم يولو مستحيل سابين متربيه ومتسويها

مستحيل وهاجر بس واكفه وتصفن وتكول احجي شي سابين جت عليه تهز بيه احجي شي

بيبي تصيح عليهم الكل جان واكف محد دافع عني الكل جان منتظر جواب مني شجاوبهم

وهذا يزن ليش دخل بالقصة شنو الي كاعد يصير حتى بيبي وكفت تريد جواب مني

طبعا احنا بمجتمع يلوم البنت على كل شي ينتظرون اجاوبهم همه حتى ما ثبتوا موقفهم وكانو ميعرفوني

الوحيده الي جت حضنتني وطلعت الجفيه مالتها وخلتها على سني المكسور وكلتلي رصي علي هسه ينكطع النزيف جانت نواره عمت بابا ..

لا عمه هناء ولا بيبي ولا هاجر جانت عمة بابا وتين جانت واكفه وتبجي

جت حضنتني وكالت تعالي نصعد فوك جاي تكومني جان يسحبها فرقد من شعرها ودفعها

فرقد يصرخ بوجها ...وين ماخذتها ولج حيوانه عوفيها خلي اكسرها

احمد ...وانت شلون عرفت غير اكو دليل على كلامك هذا احجي شنو دليلك

فرقد ...تريد دليل شفتو السافل جاي يبوسها بالوادي هاي ملابسو نفسها شنو تريد اكثر هاااا

ومره جانو بشقتي هم وملابسهم جانت هم بشقتي بسبب هل مصيبة

نصبت كاميرات بشقتي حتى اتأكد وشفتهم فايتين وعندي صور الهم هم دليل

احمد مكام يستوعب الي ديحجي فرقد لان شي ميعقلو البشر صرخ بدون وعي وكال ...شنوووو وليش سكتت هاااا ومن شوكت هالحجي هذا

ليش جنت ساكت ليش ماحجيت احجي لاتخبلني

فرقد ...جنت انتظر تحس بغلطها ردت استر عليها وبس وكلت اتزوجها وانسى الصار هذا اخويه وهاي خطيبتي

وتين ..((طبعا كلام الكاميرا والصور كلو جذب هذا ارتجال من فرقد فبرك صور

حتى يلف الموضوع مايريد يكون اكو شك ضد اتهامو جان يغلي من العصبيه

وراد يوصللهم انو الجان موجود بالبستان هو يزن ولان الشافو جان لابس نفس ملابس يزن

احمد ...ماصدكت كلامو ابد اصلا مافات براسي كمت شلت سابين وطلعتها لغرفتها

وصيحت على هاجر وامي يجون يداروها ووتين انقهرت عليها ونزلت دك رزايل بفرقد وردت اضربو لو ما بيبي وكفت بوجهي

اراده ...الله يكسر ايدك ان شاء الله هيج تسوي بصديقك

واخويه مستحيل هيج يسوي كوم يزن كوم خلي نروح ما النا فوته لهذا البيت بعد

ماراح تتهنى بحياتك واصلا
حتى بعد ماريدك المهم ما اخليك تتهنى

وتشرب من نفس كاس الذل الذليتني بي اني اعترف بحبي الك وتفضل هالغبيه عليه

وتين ...اراده ماجانت تعرف الي حيصير باخوها عبالها الشغله تفض بضربه وكسره خشم

ماجانت تعرف وين ممكن ينحرف فرقد وشنو القادم للطرفين الي اتبلت عليهم

عمه هناء طلعت وبعيونها كومة تساؤلات وتسأل بسابين

منو الولد الجان وياج احجي بنتي لتسكتين احجي حتى

اساعدج كولي

وسابين الغبيه حجت الصار وياها بالتفصيل انو اراده تركتها

والولد اجا من ورا وتهجم عليها وراد يبوسها بالغصب

هنا صار التغيير الفضيع بمعاملة عمه هناء النا وتغيرت هاجر باعتبار مجتمعنا شرقي

وسابين اعتبرت غلطانه لا مجرمه وسخه زانيه

وبهالاثناء فرقد اغتنم الفرصه وراح لشقتو رتب الوضع حتى يدينهم وينتقم من شريكو وحبيبتو

والصوره الي حرفها سابقا رجع سواها باتقان اكثر

لصق صوره صديقو وخطيبتو بالغرفه بوضع مخل للاخلاق بدون ملابس

جان شغل متقن بحيث اليشوفو مايكدر يكول صوره مفبركه

جانت من هواياتو التصوير والفوتوشوب وطبعا يتقن كلشي عن هالهوايه

وخابر ابو يجي مانطى فرصه لاحد انو يتحقق سرع الاتهام شكد مايكدر

حتى تثبت التهمه جان بداخلو يريد هالشي انتقام من سابين المانطتو وجه ابد

اما عمه هناء فبعد السمعتو اكيد ماتريد هيج بنت لابنها حبيب كلبها

ماتريد بنت بيها شوائب تريدها صافيه ونقيه واصلا هيه جانت تريد بنت اختها لابنها

بس من صارت الخطبه ماعارضت باعتبار جنتها المستقبليه حلوه فرضت وبعد هالمشكله انقلبت ١٨٠ درجه

هناء ...احممممد احممممد تعال خابر ابوك خلي يجي يحل هالمصيبه بسرعه خابرووووو

احمد ...يوم شبيج على كيفج خلي نفهم هسه فرقد يجي ويشرح كلشي اني ممصدك هالشي

هناء ...ميهمني تصدك لا اني هالبنت متصير مراة لابني لو تنطبك السما ع الارض

احمد ...يوم شبيج صلي على النبي اكو غلط بالموضوع اكو حلقة مفقودة بالسالفه ولازم نعثر عليها

بيبي ...تخبلتي انتي حطي عقلج براسج وكافي تتهمين البنت

ترى هذا شرف وعرض وانتي الجاي تسوي حرام عليج يامراه اتقي الله عندج بنيه هم خافي عليها

وهذا الكلب فرقد وينو هاااا خابرو خلي يجي يلا بسرعه

وهم خابر عمتج تجي وتجيب جهالها خلي نفهم الصاير

هناء ...ماكو داعي تفهمين شي بعظمة لسانها كالت الولد تهجم عليه وباسني

البنت توسخت مو شريفه واني ماريدها لابني حتى لو ما الها ذنب بالشي الصار

فرقد ..رجعت للبيت وبيدي الصور المفبركه حتى اروايهم دليل ادانتها وادمرها مثل ما دمرتني

ها تريدون تشوفون جنتكم المستقبليه ها بيبي تريدين تشوفيها لبنت الغالي مالج

هاج متعي عيونج بهاي السا***ة شوفيها شعدها حركات ناطيها مفتاح شقتي وكالبتها شقة دعاره

هاك شوف احمد مو تريد دليل هاك شوفو وبعدين سمعوني عدل

هاي مرتي والي يفكر يدخل احسب الله ماخلقو والله

وهالخسيس الجلب وينو يزن وييييينو اني اعلمو شون يخلي عينو على املاكي

وانوب سواها بنص شقتي بسيطه اووويلي الله اله اشرب من دمو

احمد صدمة ضربتو براسو صورة بيها سابين ويزن بوضع مخل بالشرف مفبركة بشكل دقيق ومتقن بس محد حس ع الصورة مزيفه

جان يدحك ع الصورة وجسمو كلو يرجف وكال ...معقوله الجاي اشوفو درت عيوني واستغفرت ربي

شجاها هاي ولعب الشيطان بعقلها استغفرك يارب فرقد لحظه انت شفت الجان وياها بالبستان

فرقد ...شجاي الغي صار ساعه هاااا تريدون تخبلوني اكولك شفتو شفت يزن

وركضت ورا ونهزم بعدين بكل عين وقحه رجع للبيت ماشفتو جان ينهت من التعب

احمد ...ماكو مجال للشك يجوز اكو شي مو صح خلي يجي هسه خابرتهم خلي يجي ونسمع منو شصاير يجوز مو مثل ماشفت

هناء ...بنت السا***ة هي هاي بنت الغالي هاي بنت سناء

طبعا شتوقع من سناء الي اصلا لاصلاة لاصوم

هذا المتوقع منها هيج ربت الحقيره فوك ما اويناها ابيتنا

هذا الملح الماغزر بيها ولك لو رجال انت ماتسلم عظمه بيها

هالحقيره النذله السافله خابرو ابوها يجي يشوف سفالة بنتو خابروووو

لا اروح اطلع بروحها والكعبه خابرووووو اني ما ااوي زباله وحثاله ابيتي

بيبي ...بسسسسسج عاد هياتني عايشه وتكولين بيتي من اموت عود كولي بيتي

هالبنت ماتطلع منا الا وهيه شريفه ما اسمح لاي واحد بيكم يهينها بعد جدامي

تجي وتحجيلي الصاير وكتها اني الاقرر من شوكت تعصون كلمتي هاااااا قليلين حيا

وين صارت عمتك المغضوبه هااااا خابرها خلي تجي الله لايوفقها لا هيه ولا رجلها

ريتو ما تنزل رحمه على روحو مات وما خلصنا منو الله لايوفقو لا هوه ولاخلفتو

احمد ...بالطريق يابيبي بالطريق صبري بس هسه يصلون

عمه انغام ...ويييينكم طلعوا يا ادبسززيه طلعوا وينكم مستكدرين على هالضعيف ياسفله ياهمج

من يوم يومكم همج وينو هذا الحقير ولك فرقد الكلب

فرقد بغضب والشرار يتطافر من عيونو ...نصي صوتج من تحجين عمه خليني محترمج

انمار بصياح ...انجججججججب لك حقير انت التنصي صوتك لا اطلع جنازتك اليوم متحمليك صار عمر انت وسوالفك ومشاكلك

ونكول ابن خالنا نسند ظهر بي بس ترفع ايدك وتكسر خشم اخوي

وانوب ترفع صوتك على امي لا هنا خليني اعلمك حدودك الماعلمك اياها ابوك

احمد ...انمار لاتتجاوز اخوك هو الغلطان

انغام ...ها يوم احجيلج كلمة لو الست الهانم سحرتلج بسحورتها متكدرين تحجين شي وهيه موجوده

هناء ...محد ام سحوره غيرج انتي وابنج الزاني ابن هالشوارع روحي عرفي ربي

مو كاضيتها نوم وقراية قرآن هذا دينج ماف

ادج ...ترباية ولد الليل طلعت احسن من تربايتج

بيبي ..بسكم كاااااافي عاد وينو ابنج انتي الخ ها وينو هالمغضب الله يلعنو

انغام ...ها هسه صار مغضب اي اي طبيعي احنا مغضبين

زوجتوني لرجال شوفني نجوم السما الزركه وما اعترفتو بذنبكم

ترملت ومحد فتح بيتو الي وهسه اعتبر اني وجهالي مغضبين

هالمغضب التسالين عنو بالمستشفى جاي يصلحولو خشمو الكسرتو ياهمج

هاجر ...اسمع صواتهم واني فوك الطم ولج سابين شسويتي ولج شصخمتي شجاج

هسه الدنيا تحترك منو يخلصج من هل مصيبة يربي دخيلك استر علينه لاتصير قاتل ومقتول

وتين تصرخ بوجه هاجر ...سااااااابين متسوي هيج شي هاجر حتى انتي صدكتي مع الاسف والله

هاجر ...مو احترك البيت ماتسمعين والله اذا ما جا ابويه هسه راح يصل الدم للركب

سابين بتوسل تمسح دموعها الي جانت تنزل مثل الجمر ع خدها كالت ...هاجر انتي بالذات صدكيني والله ماسويت شي غلط وروح اختي موذنبي

كتلج الولد ما اعرفو ومو يزن والله مو يزن شبيكم انتو ليش ماتصدكون الاكولو

هاجر ...معرف اصدكها لو لا يجوز نكرت انو يزن حتى تحمي

والله انلاصت عليه انزل لو لا اخاف انزل واكل كتله اووووف شلون مشكله

بهل لحظة علي اجه غادي بركان بسبب اصواتهم العالية واصله للشارع صرخ بيهم وكال ...والله دنعل ابوكم لااااابو ولكم صوتكم معبي الديره شجاكم هااااا

من شوكت تطلع صواتكم وانتو شبيكم ثبرتوني تعال وتعال ها شصاير احجوا احترك البيت

انغام ...ياخويه ابنك هذا دزلي ابني مكسر خشمو ويتهمو بالزنا

فرقد ...ما تهمتو ولا شي ابنج زاني وماراح ارتاح الا اطلع روحو بيدي

هناء ...هاي صور تفضحهم فماكو داعي نطول بالحجي

علي ...سكتووووووو كاااافي انتو شجاي تلوصون هااااا شنو هالحجي ولكم ماضلت عدكم قطرة حيا

فرقد يلهث من العصبيه ...والله لطلع بروحو هالخسيس

علي ...انججججججب ولك كلب حقير كل يوم جايبلي مصيبة شكل الله لايوفقك ولايوفقني يوم الجيت على هالدنيا ماشفت خير

تعالي الكل تنجب وما اسمع صوتها واحجو شصاير

وتين ...كعدوا بالاستقبال وحجو الصار لعمو علي وياريت ماشفت وجهو

جان يكلب الوان ومايتفسر يمكن وجه فرقد ارحم من وجهو وانوب شاف الصوره طار عقلو وتخبل

وكام كسر الطبلات ودفر التلفزيون ولزم عمه انغام

وشبعها كتل يضرب بيها ومحد كلو لا او كافي وبس معليها صوج ابنها لا الكل وكفت تتفرج وبس احمد يفكك بي

والمصيبه مو هنا المصيبه فرقد الطلع فاير دمو ومتخبل

دفر الباب وفات ها خاتون عبالج خلصتي لاااااا بعدج بالبدايه

بعد ماشفتي شي عبالج ماتنلزمين ولج هاي ولزمتج

منو يفكج بس رحمه الله اذا راد ياخذ روحج وكتها ترتاحين وتخلصين مني

وتين ...جنت شايله مزهريه وكفت جدام سابين بس تتقرب الها اموتك والله

كااااااافي تضربون بينا كاااااافي كاااااافي

وتين كامت تصرخ وتعيط انهارت وسابين الثانية حالها مو احسن من وتين لان حالتها اصلا مدمره من زمان

وهل حادثة كملت عليها واتهسترت كامت اتملخ بروحها ودك وتلطم وتكول ...والله العظيم ما اعرفو

والنبي ما اعرفه صدكني ابوس ايدك فرقد صدكني والله تعبت والله

فرقد ...ادللي هسه اصدكج صبري راح اخليج تزوعين العندج كلو

هاجر اخذي وتين واطلعي برا وانتي هم عمه طلعي الموضوع بيني وبين مرتي ولحد يدخل

نواره ...مو بكيفك والله اذا مديت ايدك عليها ماتلوم غير نفسك فاهم

فرقد صك ع سنونه وصرخ بهاجر ...هاااااااااااجر طلعي برا كلت

سابين ...صوتو الكلو وحشيه هز الغرفه هز عبالك كاتله ابو

واكفه جدامو هاجر من خوفتها طلعت تركض لزم عمه نواره

وجرها وطردها برا الغرفه وقفل الباب ورجع عليه

وتين الي جانت ايدها ترجف وهي شايله المزهريه

يربي هاي شتكدر تسويلي ماتكدر تساعدني والله هسه بدفره وحده تطلع روحها

كمت على حيلي وحضنتها مثل الام التحضن بنتها وكورت نفسي عليها

وكتلو وتين ماعليها طلعها برا ما الها دخل الله يخليك فرقد

جيب القران احلفلك هذا ما اعرفو ولا جنت اكدر اصدو

والله صدكني فرقد ابوس ايدك ابوس رجلك لاتضرب الله يخليك

فرقد ...اي مكدرتي تصدي بنت الكلللللب بس اني تصديني

وصايرة شريفة براسي ياك........ة

والله لطلع روحج نزلت عليها ضرب بوكسيات ودفرات على ظهرها خاصرتها وجريتها

وفصلتها عن وتين دفرتها كامت تتلوى بكاعها تخبلت سابين

وكامت تريد تفك نفسها وتدفر وتحاول تضربني لزكتها راشدي وكعتها بالكاع

وكعدت فوكاها وضليت اضربها راشديات بشنو قصرت وياااج

هاااا احجي بنت الشوارع احجي كولي ليش هيج سويتي بيه ليششششششششش

سابين ...ماجانت عندي فرصه احجي واستمر يضرب بيه

انوب تعب كام خلى ركبة رجلو ابطني وداس عليها حيل

خلى روحي تطلع من مكانها لزم اصابع ايدي وعضها اصبع اصبع

وسنونه انغرزت بيها وضل يكزز على سنونه ويضرب

عبالك جيس ملاكمه جدامو مو بشر مخلوق من لحم ودم

اتمنيت اموت بهذيج اللحظه ومن كام من عني اني وكعت عيني على المزهريه

كلت ما اتحمل ضربه ثانيه اكوم افوتها بكلبي واخلص

زحفت جنت اريد اوصل ا

لها بطني ما احس بيها اصابع ايدي ثنينها تنزف

ورجلي داس عليها ومن الدفرات متورمه ظهري احسو مكسور

وتين جانت ترجف ومغمضه عيونها وتصيح اييييييلين ايييييييلين تعالي ايييييييلين ساعدينه

وانوب تصيح احمممممممد تعال ساعدها راح تمووووووت مكدرت اوصل للمزهريه

داس على راسي برجلو بكل قوتو ويفرك رجلو براسي قوي

وتين ...جان وحش مو انسان ماجانت اكو بوجهو ملامح بشر

الشي السوا جان مرعب شلون هيج بيد وحده دفرني واستمر يضرب بيها

جمدت بمكاني هالوحش مكدر ابعدو عن اختي اختي راح تموت راح ابقى وحيده

صراخها صوتها وجعها جان مرعب جان صوتها يفوت لخلايا دماغي ويدمرها

اريد اساعدها رجلي متساعدني اريد اكوم ما اكدر ارتعبت وجمدت بمكاني

صرخاتها ووجعها لحد هذا اليوم براسي مداكدر انسى الي صار

من ذاك اليوم لحد هذا اليوم شريط حياتنه يمر من جدامي واتوجع اتحطمت نفسيتي ولحد هل يوم احاول اقاوم واريد انسى بس ماكدر انسى الي صار بينه

ردت انشر قصتنه كلت عسى ولو مواساتكم تعزيني وتطيب جروحي وتخليني استعيد حياتي الضاعت

بس كولولي احنه شسوينه حتى هيج يصير بينه الكل ضدنا محد وكف ويانه

حياتنه عبارة عن عذاب وجع ألم قهر دمار نفسي والقادم افضع واسوء الله يعينه بس ...

وللمأسات بقية......

- ‏أودّ الصراخ بكُل ما أوتيت من وجع حتى يزول هذا الشعور حتى يتلاشى هذا الالم أو يتوقف قلبي فـ لقد بلغت من العذاب ما يكفي سكان الأرض لـ ألف عام 💔

يتبع .....

#الانتحار

#بارت33

...........................................

وتين ...كل الجنت اسوي اصيح اريد معجزه يارب معجزه دحك احنا هنا ساعدنا

ربي وينك ساعدنا جنت اريد تنزل دعوه من دعواتي وتتحول غضب تنكسر ايدو

يتحول لخنزير لأي شي ينمسخ المهم يخلصنه من هل الكارثة

دعيت من كل كلبي وصيحت حتى بح صوتي ومحد انجدني

علي ...ااااااحمد وينها عمتك

احمد ...ابويه رجعت لبيتها

علي ...خابرها او روح جيبهم كلهم هنا ع السريع

احمد ...صار ابويه طلعت خابرتم كتلهم اني بالطريق جايكم

وابويه يريد يحجي وياكم كامو يسبون وينعلون سديتو

وكلت اسوي العليه وصلت بيتهم جان يطلع انمار يهدد ومتعصب ويريد يضرب

كتلو الوالد يريدكم حتى تنحل سلميه او راح نلجأ للقضاء

واخوك ينسجن او ينرجم تعرف هالشي اكثر مني

بما انك دارس علوم الدين فخلينه نحلها وكلمن بطريقو

ويا دار مدخلج شر فات صاحهم بدلو انتظرتهم برا اني

وطلعوا محد سلم محد حجا البي خير يسب وينعل

بس لو ما وصية ابويه جان دفنتهم دمروا حياتنا الادبسززيه

وصلتهم للبيت كعدوا وحجا وياهم ابويه وبيبيتي

علي ...فررررررررقد وينك تعال لتموتها انزل تعال

فرقد ...صحيت ع نفسي من صوت ابوية كمت عفتهم ونزلت واني كلبي متشعوط وبعدو مو متشفي منهم

طلعت وابويه يصيح عليه وين رايح بهالليل تعال ولك لتسويلنا مصيبه مارديت وطلعت للمستشفى سحلت يزن من السديه وجبتو للبيت

احمد ...ابووويه الحك فرقد راح يبتلي بي

علي ...انغام شوفي خيتي ابنج سوا السوا وهاي الصورة تثبت هالشي وادمرت حياة فرقد بسبب سابين ويزن

انو نزوجهم فكرت بهالشي بس يزن مقبل ابنج يا يموت رجم هو وسابين يا يتصرف وياهم فرقد

وفرقد ناوي يذبحو ترا ويغسل العار مالتو

فقرري تريدي يموت لو يندك كم دكه وفركة اذن ويطلع

انغام ...هاي الصوره مو حقيقيه ابني اني مربيتو ماعندو هيج سوالف انتو ليش تتبلون علي

بيبي ...بسج عاد شنو مو حقيقيه الحك ينأخذ منهم ثنينهم ..ثنينهم يتعاقبون محد احسن من احد

انغام ...يجوز البنت اغرتوووو اكوللكم يزن ميسوي هيج شي

اراده ...خفت ارتعبت مجنت اتوقع توصل الامور لهنا

ونوب هالصوره من وين طلعت يربي يزن راح يموت لازم اسوي شي

كلت بس تخرب علاقتو بفرقد وفرقد يطلك سابين هذا جان الشي الاريدو

صارت رجم وموت وكتل وين فوتت نفسي خرب بحظي احجي لو اسكت هسه

اذا احجي اخاف تنكلب الامور عليه خلي انتظر اشوف شيقررون وعلى اساس هالشي اشوف اذا احجي لو اسكت

انمار ...فهمونه انتو هسه شتريدون بالضبط خلي نعرف راسنه من رجلنا

احمد ...فرقد يريد دم اخوك واحنا منريد هالشي لهذا بالكوه قنعنا انو ينكتل طبطبه خفيفه ويرجع الكم

انمار ...وهالطبطبه الخفيفه وين راح تودي اخويه ياترى للمشفى لو للگبور

بهل لحظة دخل فرقد وشمر يزن بنص الهول وكال استلموا الكلب هياتو جدامكم قرروا

يزن ...خالي انتو من جاي تحجون عني ترى اني مو ابن شوارع

ربيان يمكم ياجماعة وفرقد اخويه شون تفكرون انو اسوي هيج بي

علي ...اسكت هذا اخوك وهيج سويت لو غريب جان شسويت

واحنه منريد دم والسويتو حرام اصلا وعار جبتو النا

مانعرف صوجك صوج البنت ثنينكم غلطتو ولازم ثنينكم تتعاقبون نفس العقاب

وهالشي فرقد راد يقررو احنا مالنا علاقة المراة مرتو وهو بكيفو شيصير بسابين يصي

ر بيك يكون بعلمك

انغام ...سوده بوجهي فرضا ماتت البنت من الكتل هم يموت ابني

بيبي ...وانتي شخبصتينا ابني ابني هذا عار تبري منو وفكي نفسج خلي يولي

يزن ...هااا هسه صرت عار يا بيبي واولي

انغام ...حسبي الله عليكم حسبي الله

هنا فرقد لزم يزن ودك بوكسيات ودفرات

انغام ...ولكم ابني سوده عليه راح يموتو للولد يبووووو الحكوووني

انمار ...فار دمي علي كمت شلت فرقد وبزختو بالكاع ودست على ايدو

ردت اكسرها جان يلوي ايدي احمد وضرب رجلي من ورى كعدني على ركبتي

فرقد ...اني تشيلني هيج وتدوس عليه والله لربيك

انمار ...كامو اثنينهم التمو عليه وحد يدفر والثاني يضرب بوكسيات

يزن ..هجمت عليهم اضرب وانضرب الا ان سمعت صوت اطلاق نار دحكت خالي ضرب طلقه بالهوى

علي ...الله لايوفقكم سويتونا فرجه ل الله وعبادو كوووومو فوتوا جوى يلااااا ولد الكلب

يزن ...فتنا ولسه يلا بسم الله جان يجيني هذاك الراشدي من خالي

علي ...ولك تفووووو عليك وعلى اصلك جبناكم وربيناكم يمنه واعتبرناكم مثل ولدنا

هيج تسوي بينا اذا عينك عليها ليش ماحجيت اني بيدي ازوجها الك

تكوم تطمس راسنا بالطين وين اودي وجهي من العالم شكوللهم ها احجي شكول

هذا اليخلف ويسيب ومايربي طلعت مثل ابوك منحط وابن ليل وكو***د

انمار ...خااااااالي جثير جاي تتعدون علينا اكلك اخويه ميسوي هل شي كاااااافي حدكم لهنا وبس زودتوها

يزن ...فرقد انت كل عقلك اني ممكن اسوي هيج بيك

ولك انت ماتعرف اخوك ولك اموت وما اخونك ولا اطعنك بظهرك

بس بعد السويتو اعتبر مانعرف بعض اني وانت بس المحاكم تحلنا

كومي يوم كومي نطلع واعتبري اهل وسند ماضل عندج

فرقد ...رفعت الرشاش علي انت رجال واطلع منا

اهلك لو رادوا يطلعون درب يسد مايرد انت تبقى هنا تاخذ جزاتك انت والخاينه وسابين

يزن بصوت عالي وعصبيه ..جزااااات شنوووووو خرفيت انت بابا انت تمرضت وتخبلت وطكت عروك العصبيه عندك

ضرب فيوزك اني لاطخيتها ولا لمستها روح شوفها ويه منو سوتها ويه منو نامت

لاتتبلى على العالم رووووح احفظ شرفك وعرضك ابن السا***ة

فرقد اتخبل وركضت علي ...اني ابن السا***ة يا خسييييييس عوفوني عليييييي

فلتت من ايد احمد الجان لازمني وكمزت علي دك كتل ورجعت العركه انمار ويزن واني واحمد ناس ملخت ناس

سابين ...فاتت عمة نواره عليه تبجي وتدعي كتلها قفلي الباب وسحبي ميز المرايه خلي ورا الباب

هسه راح يرجع عفيه عمه خابريلي بابا خلي يجي فدوه خابري

احجي واشهك من البجي عمه ما احس بظهري شوفيليا شبي

نواره بقهر وبجي ...ولج تعالي انتي هم الله بلاج بلوه

تعالي الله يكسر ايديهم هالظالمين الماعدهم ضمير

كومي وتين جيبيلي خاولي وبللي مي حار كومي

هاي مكسريها تكسير كومي حسبي الله ع الظالم كعدت معرف شداوي بيها حالتها تبجي الحجر

مسحت جسمها كلو ازرك وجها الوان خريطه گلب مانامت الليل كلو تبجي

كتلها كومي توضي وصلي ركعتين بلكت الله ينصرج الصبح

وتطلع الحقيقه وزيف هالاتهام كومي ولج بنتي

سابين ...مجنت اكدر انام ولا حتى اكوم اصلي توضيت وصليت واني كاعده

وضليت ابجي بصلاتي يارب ماصار الوكت الي تنصرنا بي

يارب لو انصرني لو اخذ امانتك لاتخليني هيج اتعذب

يااااااربي كافي ياربييييي والله اختبارك صعب ماتشيلو الجبال ياربي دلني

وتين ...طلع الصبح وياريتو ماطلع عمو خابر بلليل على بابا

وكلو باجر من الصبح الله خلي يجي ابوها ونحجيلو كاااافي نزلوا

فرقد ...والله اليوم محد يفكها من ايدي ابوها شنو ناسين هاي مرتي كل عقلكم ترجع ويه ابوها

سابين ....عمه الله يخليج لتفتحين الباب ابوس ايدج بس لبين مايجي بابا الله يخليج لتتركينا بوحدنا

والله راح يموتني مابعد بيه حيل اتحمل ضرب الله يخليج احجي وياهم

كوليلهم والله عمه اني ما اسوي هيج شي والله

وتين ترجف بخوف وتكول ...هسه يكسر الباب ويفوت سابين راح يفوت ويضربنا

سابين ...اشششششش محد راح يفوت الباب مقفول وماراح نفتحو الى ان يجي بابا

ونشوفو شسوا بينا الوحش راح نرجع لبيتنا راح نرجع ونتركهم لتخافين كافي تبجين

وتين ...اذا رجعنا هناك اكو سناء هم راح تضربنا ما راح تقصر

كافي كولولهم كاااااافي كااااااافي سابين اريد اهل يا سااابين اهل يحمونه يحبونه يحنون علينه

سابين ...ياربي عونك ساعدنا نطلع من هالمصيبه

هناء ...تعال ابني عوف هالعار عوفها دواها يمنا نربيها ونطلع قهر كلبك بيها ماكو شي ابلاش كلشي والو ثمنو

فرقد ...والله يا يوم داسو على كرامتي هالانذال وسخوا شرفي والله ما اعديها الهم

الليله الفاتت بتيوان ساعه ١٠ ليلا

طارق ...سناء جيبي موبايلي من الشحن

سناء ....خدامه مالتك اني ماتحرك نفسك مثل الجايبه كاعد نهارك كلو هاك

طارق ...عووذه من لسانج جيبي ...ياهلا بابو احمد شلونك ياخويه

علي ...هلا هلا بيك اخويه اريدك بموضوع

طارق ...تفضل ياخويه خير اكو شي صوتك متغير الله عليك الوالده بيها شي

علي ...لالا الوالده بخير بس عمتنا متخربطه شويه تعال يجوز ماتلحكها

طا

رق ...خير لا حول ولا قوة الا بالله العلي العظيم شبيها شصاير

علي ...والله معرف كبيره بالعمر يجوز خلصت خبزتها

وعلوى تجي انته والحرمه اخاف يصير شي لاسمح الله حتى تساعدنا لان مابيها امل

طارق ....ان شاء الله نجي

علي ...من الصبح تعال

طارق ...ماشي صار ان شاءالله ...سديت الخط وانداريت ع سناء كتلها

يامراه جهزي جنطه صغيره راح نطلع لحديثه من الصبح عمتي متخربطه ويجوز تموت

سناء ...اي صار يوم الك واخلص منك

طارق ...طلعت من الصبح واني بالي بغير مكان مجنت اعرف بالصاير عبالي قضاء وقدر يوم الي اوصل بي للبيت

علي ...هلا اخويه هلا تعال احجي وياك فوت

طارق ...خير وين عمتي شلون صارت جانت وجوهم ماتتفسر كلت اكيد ماتت

والبيت بحالة فوضى امي صاحتني وكالت تعال اكعد نريدك بسالفه

سناء ...خير عمه شصاير شبيكم منو مات

طارق ...من كالت سناء منو مات خفت تذكرت ايلين دحكت بناتي ماكو صحت بيهم

احجوووو بناتي وين سابين ووتين وين وينهم لزمت علي من جتفو واهز بي كولي صار شي الهم

بيبي ...اهدء ياطارق اهدء ماصايرلهم شي نايمات فوك هسه نصيحهم تشوفهم

طارق ...ماتحجون شبيكم راح تخبلوني شنو الصاير شبيها وجهوكم صفره ماتتفسر

علي ...مكدرت افاتحو بالموضوع ضليت ساكت واشرت لامي هيه تحجي ويا

طارق ...احجي علي شبيك يوم احجي شبيكم لخاطر الله ترا راح اتخبل شصاير شكو

بيبي ...تعال هسه تعرف كلشي

وتين ...فات بابا وحجتلو بيبي كلشي صار وياهم

وفرقد الجان كاعد ويهز برجلو من العصبيه وكولساع ينافخ بخشمو ويمسح بوجهو

وعمو علي الما نطق بكلمة اما خارج كعدت الزلم جانوا النسوان سناء وهناء الي لعبت لعب بشرف سابين ماخلت وماعدت وصفت عليها

هنا سناء تخبلت اجت ليم رجلها صاحت بصوت

ولج ساااااابين اليوم موتج على ايدي يا سافله وصرتي بنت شوارع

يا ادبسزززز تعالي نزلي والله الا العب بخلقتج فلقه

طارق ...سودت الدنيا بعيني من سمعت الصار شكول شرد عليهم

راسي صار بالطين الله لايوفقكم ماجبتو على راسي غير البلا

علي ...والله ياخويه ماجنت اريد توصل الك بس ماكو حل

وهذا فرقد متخبل كلت اكولك قبل لاتموت على ايدو تجي تاخذها

طارق ...خير ماسويت خير ماسويت

فرقد عارض كلام ابو وكال ...عمو اعذرني بس مالك حق تاخذها

هاي مرتي والي داست علي هو شرفي اني مو انت اني السود وجهو ياعمي

اريدك تتبرى منها هاي زوجتي وراح اخذها للشقه نعيش هناك اني حاب استر عليها وماريد اطلقها

طارق ...يا ابني السوتو مو قليل

فرقد ...راح اعاقبها شرعا وبعدين تعيش يمي هذا قراري ومحد يكدر يجبرني اطلكها

علي ...فرقد انت جاي تلوص وماتعرف شتحجي

فرقد ...هذا قراري ياب
وماريد احد يدخل بي هيه مو زوجتي

منو يكدر ياخذها مني محد طلعت وطبكت الباب رحت لغرفة سابين

ساااابين ساااابين طلعي اجا ابوج بس ماريدج تفرحين جثيير

ابوج راح يرجع لتيوان وحلل دمج يابنت ابوج انتي ماراح تطلكين

وراح اشوفج جهنم بعينج سامعه شجاي احجي منا ورايح
راح تتمنين الموت وماتلكي

راح اسوي بيج سواية اليهود ومارحم بيج وبس الله الي يخلصج مني اذا ياخذ روحج ويموتج

سابين ...كمت ابجي بالزايد لا يا الله معقوله كمت ع السريع دفعت ميز المرايا وفتحت الباب

ونزلت اركض اصيح على بابا بابا بابا فتت للاستقبال بابا والله جذب جذابين

الحجي الحجو جذب والله اني بنتك وتربايتك ما اسود وجهك والله

الله يخليك بابا اخذني وياك شوف شسوى بيه بابا شوف كسر سني وكسر ايدي شوفها

ابوس رجلك نزلت ابوس برجلو ياخذني ويا جان يدفرني برجلو اني ماعندي بنت اسمها سابين

بناتي سابين وايلين ماتو وضلت بس وتين وينها خلي تنزل دوام ماكو بعد

ما طلعت عيونكم بس هالمدرسه منا ورايح البيت مكانكم

سابين ...بابا الله يخليك لاتسوي هيج بيه ابوس ايدك بابا اخذني وياك

باااااابا جان يكف ويدوس على ايدي وكال انتي مرتو وشرفو

ولو فرقد مو شريف ومربى مايرضى يبقيج يمو ويستر عليج

دحك ع فرقد وكال ...عيني فرقد الباقي يمك اني هالبنت متبري منها

كدرت تكمل وياها كان بها ماكدرت وكلت عمي اعذرني نذبحها ونغسل عارنا مالومك ذاك الساع

واما بالنسبه ليزن ماراح يطلع منها لازم يتعاقب هم اثنينهم يتعاقبون

سابين ...ابوية جان اخر امل اليه بهل دنيا ومن سمعت الي كالو حسيت الدنيا كلها غدرت بيه واتبرت مني

احساس فضيع من اقرب الناس الك يتخلى عنك وانت بأمس الحاجة الو

شتترجه من الغريب بعد سلمت امري لله هوه القادر ع انقاذي لان ماعندي غيرو بعد

سمعتهم يحجون بينهم وكانو جانوا يحجون عن حيوان نذبحو عادي طلعت هالكلمة منو

وجان مرتاح بالحجي ولاعبالك بنتو وحبيبة كلبو اني ..اني حبيبتك مدللتك وين شصار

ليش هيج انكلبت ضدي الا انت يا بابا جنت دائما تركض علمودي ليش

طارق ...وينها الثانيه جيبوها الضاهر العيني والاغاتي ما نفعت وياكم

هالمره اعرف شغلي بيكم تربايتي الماطلعت بيج راح اغيرها واطلعها بوتين

سابين ...ما اعرف الصار بهذيج اللحظه فقدت الامل انو ينقذني يدافع

عني

بس ضل اكو بكلبي ايمان بالله انو راح تنكشف افعالهم واتهاماتهم وكتها ماراح اسامح بشر منهم

شلت حقد بكلبي ع كل البشر صارت بنفسي كره وغل خلاني اشوف الكل وحوش مسعورة صار داخلي اسود

استسلمت وكعدت بالكاع وفصلت عن الدنيا وكأنو الزمن اتوقف

وتين ...جان باقي من سابين بس الايمان قبل لاتفقد حتى ايمانها بربنا جانت تحاول تعيش وتنتظر الله يساعدها وينصرها بس

هناء ...يبووووووو سوده بوجهي راح يتزوجها ولكم فرقد مو بوعيو راح يلبسنا العار

ولك ابني شجاك هااااا ماتكلي شجاك والله الف وحده تتمناك

ليش هيج تسوي بينا تريد تجلطني هاااااا والله راح اموت من ورى مصايبكم

علي ...كافي يامراة كافي والبنت يتنفذ بيها العقاب حسب الدين والشرع

وترجع طاهره وابنج الله راح يجازي على سوايتو هاي

هناء ...لا اريد مجازاة ولا بطولات هالبنت ماتصير مرت ابني وانتهى

علي بهل لحظة نفضها براشدي فر راسها فر صحاها

فرقد ...لاااا ياب ركضت حضنتها لامي .. يوم اهدي واخذتها للمطبخ وهيه تبجي وتكول

هناء ...من ورى هالسا***ة ابوك يمد ايدو عليه من ورى منو بنت الشارع

فرقد ...يوم شبيج اصحي كل عقلج اخليها مرتي

كلت هيج لان الموت الها اهون بجثير من العيشه يمي

اني ماراح اتزوجها ولا شي راح اخليها خدامه يم رجلج افهميني اذا ماتت ماراح يتشفي غليلي

انتي جاريني بلشي الجاي اسوي و وعد راح ناخذ حقنا منها وزياده وهذا يزن صدكيني موتو على ايدي

هناء ..يعني ماراح تكون مرتك ولا راح تعيش بهالبيت نسكنها برا بالحضيره ويه الحيوانات

فرقد ...اي غرفة المخزن البرا نقفلها ونخليها تعيش بيها

بس صبري خلي يروح عمي ونشتغل ببها

طارق ...يلا اودعناكم اني طالع

بيبي ...وين طالع بدون غدا

طارق ...ليش ضل عندي نفس للاكل عوفيني يوم الله يخليج وينها وتين صيحوها

هاجر ...جاي تلم بملابسها وكتبها

طارق صرخ بغضب ...كوليلها ماحاجه تلم كتبهاااااااا دراسه ماكو اني ماعندي بنات يدرسون بعد ..واضح كلاااامي لو اعيدو صيحيها يلااااااا

هاجر بخوف .. اي صار عمو صار

علي ...اعصابك يا خويه ماكو شي يستاهل والقضيه انحلت داري صحتك ليروح يصير بيك شي

طارق ..والافنديه هاي وينها ولج سنااااااااااء جاي تطكين سوالف يلا جدامي كووووومي الله ياخذج انتي وبناتج بيوم واحد

سناء ...والله عرفت هالعار راح تسود وجهنا الله يرحمج يا ايلين متي طاهره

واختج العار حتى ما كدرت تصير مثلج بعد كلشي سويتو وغيرت اسمها

وردتها تصير مثلج تالي شوهت اسمج وبس الله لايوفقها خليها تستاهل الصار بيها

هسه اكدر اكول بنتي ايلين الي ماتت لان هل نكسة مو بنتي هاي سابين فعلا

وتين ...هنا ماما الخاتونه استوعبت اخيرا انو الماتت ايلين لان بعد مايشرفها سابين تاخذ شخصية بنتها الطاهرة اتقبلت الامر الواقع ورضت بي

نزلت اركض شلت من ملابسي وملابس سابين ركضت دورتلها ماكو

فتت على الاستقبال لزمت ايدها يلاااا يلااا سابين كومي راح نروح

بس هيه ضلت كاعده بالكاع ماتحركت وبس الدموع تنزل من عينها

جانت باهته باردة ميته ماعرف بس ماعدها رد فعل

شبيج سابين حبيبتي كومي راح نرجع للبيت اخذت ملابسي وملابسج

شوفي بابا اجه علينه ياخذنه راح نخلص منهم يلااااا كوووومي عفيه شكد ثكيله

جان انسحب من ايدي قوي حسيت انخلع جتفي سناء تجر بيه

سناء ...يلا امشي انتي هم صيري عار مثلها ما اوصيج

وتين ..سناء تحجي وترص على ايدي وتسحب بيها قوي

واني اصيح سابين بعدها جوى خلي نجيبها ويانه امانه ماما

سابين بعدها جوى ضربتني راشدي وكالت سابين راح تبقى هنا يم زوجها

وانتي راح نعيد تربايتج من جديد فاهمه شداحجي

كمت عضيت ايدها وركضت حضنت سابين بكل قوتي ماردت انفصل عنها حسيت انو راح تروح وماترجع مثل ايلين

حسيت راح يسحبون روحي مني من يفرقونه عن بعض

تمسكت بيها بكل قوتي ماااااا اعوفها هناااااا و صحت بكل صوتي

اريد اختيي ترجع ويايه نرجع سواااااا ماعليه ما اعوفهاااااااا

ضل بابا يسحب بيه ويريد يفكني عنها سابين ما جان عدها اي رد فعل

بس نظراتها جانت تتحسر كانو تتمنى ترجع ويانه خايفه وفاقده الامل بالحياة

بس اتدخل فرقد وبدون مايراعي اذا راح يتأذى احد

بايدو لزم ايد سابين وعصرها قوي كامت تصيح من الوجع

وبالايد الثانيه فصلني عنها وشمرني بالكاع كمت بسرعه

برغم انو انضرب راسي ورجعت اريد الزمها جان يدفرني دفره على بطني

حسيت بوجع فضييييييع شعرت اكو شي دافي دا يمشي بمكان الضربه جان تمزق ببيت الرحم

بس ما جنت اعرف رجعت كمت اريد الزم ايدها بس اريد ابوس خدها الازرك من الضرب

جان يشيلنا احمد على كتفو مثل الشايل جيس طحين

وجان يخليني بالسيارة لزمت ايدو اتوسل بيه الله يخليك احمد

اريد سابين تجي ويانه الله يخليك احمد

احمد جان امبين علي مدا يسمعني صحت علي احمممممممد دحك عليه شبيك

اريد سابين تجي ويايه اريدها جيبولي ساااااااااااااابين الله عليكم ..

الله وكيلكم محد رد جانو واحد يودع الثاني واني اعصابي شايطه متخبله

س

ابين تدحك عليه وكانو بعد ما اشوفها ركب بابا وماما بالسيارة وبدت شويه تتحرك

واني لزكت على الجامه اصيح سااااابين راح اجي اخذج والله صبري شويه

راح ارجع اخذج وشفت فرقد سحبها من شعرها سحلها وفوتها جوى وحسيت انغلقت عليها ابواب الجحيم

بدت التساؤلات تدور براسي يربي شراح يسوي بيها هم راح يضربها ماراح تتحمل راح تموت

كمت اشيل واحط بروحي وباب السياره مقفول وسناء تكرص وتضرب بيه

الا ان طلعنا حديثه يلا فقدت الامل انو ارجع

صار همي انو الكا طريقة ارجع بيها لحديثه اخذ سابين واروح

وين اروح ما اعرف المهم نختفي عن الكل

((هسه راح احجيلكم شون قضيت اول 3 اشهر بعيده عن سابين وشنو صار بيه
لان الفترة هاي الي قضتها سابين ابيت عمي ماعندي علم بيها وكيف عاشت اختي وشسووا بيها لان اخبارها انقطعت عني))

((نستمر بالدخول والخروج والدخول اين تدخلون ؟ندخل لجحيم ونخرج لنعاود الدخول لجحيم اعمق ))

وتين ...اول ما وصلنا للبيت بدت رحمه الله لزمتني من شعري ودكت راسي بالحايط

سناء ...فضحتينا بنت الكلب صغيره انتي ؟ها والله لربي بيج كل سفيهه

من شوكت يطلع صوتج كلو صوجك ياطارق طلعت عيونهم كلو صوجك اتدز البنات يدرسون هناك

شستفاديت بله ها تكدر تكولي شستفاديت هاي وحده خلت راسنا بنص الوحل الثانيه صايره عرمه ماتنلزم

وتين ...لزمت ايدها وعضيتها قوي خليتها تنرعص ضوكي الجنتي تضوكينيا احجي واصيح عليهم

ترى اني بشر يااااناس بشر اذا انضرب اتوجع اني بنتك بنتج اذا ما جنتو بشر ليش جبتونا ع هل دنيا لييييييش

ايلين ماتت بسببكم وهسه سابين هم راح تموت انتوا تريدون تموتونا هاااااا

جاوبوني تريدونا اموات انصير جثث جدامكم يلا ترتاحون احجوا اذا تريدون هالشي اختصروا الطريق علينا لاتعذبونا كاااافي تعذبونا كاااااافي

دمرتوا حياتنه ماشفنه منكم حنية الاهل ولا اهتمام وفوك كل هذا واكعين بينه دك ضرب وتعذيب انتوا شنو مجرمين فهموني شنو من بشر انتوا

عفتهم وركضت للغرفة وسديت الباب وكورت نفسي بالكاع

وبقيت افكر بسابين وبالي راح يجرالها واني بعيدة عنها

جان عندي هدف شلون اوصل لنصير جان شرطي واحجيلو الصار بلكت يساعدني ..
لان وتين القديمة ماتت وانولدت وتين جديدة بكد العنف والتعذيب الي تعرضتلو اني وخواتي صرت قوية مثل الحديد وكبرت قبل اواني

عاهدت نفسي اله اسوي حل لكل الي ديصير لان اذا بقيت ساكته وماتحرك راح نموت وحدة وره الثانية قررت اتحرك واسوي صورة حل ولازم كل شخص اذانه اخلي يدفع الثمن ع جرمو بينه صدكو بس مسألة وقت لا اكثر .

وللحكاية بقية .....

- اشعر كما لو أن الاوجاع والأحزان وخيبات الحياة جميعها مُلتفه حول قلبي وروحي وكلي
ألهي قليلاً من التنفس
فـ لم أعد احتمل كل هذا الاختناق المميت 💔

يتبع ......

#الانتحار

#بارت34

.................

وتين ... عاهدت نفسي اله اسوي حل لكل الي ديصير لان اذا بقيت ساكته وماتحرك راح نموت وحدة وره الثانية

قررت اتحرك واسوي صورة حل ولازم كل شخص اذانه اخلي يدفع الثمن ع جرمو بينه صدكو بس مسألة وقت لا اكثر .

هذا كل تفكير وكتها نمت مثل القتيلة ماحسيت ع نفسي للصبح

كعدت طلعت غسلت وكعدت اتريك وياهم

للعلم ممنوع منعا باتا اتريك وياهم من جنت صغيره

يتريكون كلهم يلا اليبقى اني اكلو وقليل جدا عدد المرات الكعدت وياهم على الريوك

بس على عنادهم كعدت سناء تدحك علي وتاشر كومي

كتلها ها شكو من حقي اكل وياج ماما اني بنتج مو بنت الجيران

طارق ...لاتبدون الخاطر الله ترا بزعتوني بعيشتي

وانتي عوفيها تكعد ويانا كبري عقلج كافي عاد مشاكل كاااااافي

طلع طارق على المدرسه واشتغلت سناوي بيه اشطفي للبيت

نظفي الحديقة شيلي الزوالي شيلي الاعشاب الضاره

غسلي هدومنا جانت كاعده وتتامر كلت اي يربي جت على رجلها

طلعت اشطف البرا والدنيا سم شكد مو بارده ..كلت راح اشوف نصير واحجيلو

بلكت بعدو مو طالع من بيتهم ضليت اشطف عدت الطرمه ٤مرات اريدو يمر ماكو

اكيد طالع من ال٦ على شغلو اوووف هسه لو تطلع مرتو اختو اوووف اووووف

فتت والخانم منتظرتني تصيح وتكولي ساعة يلا تشطفين البرا

وهل احداث صارت بسنة ٢٠١٠
دخلت عمر ١٤ سنة

بس خلال هاي الاشهر ال٣ اني ماسمعت شي عن اختي ولا اعرف عنها شي

بقت الاحداث الي صارتلها غامضه ومجانوا يحجولي شديصير وياها

وخلا هل فترة بابا جان مشترك بخط انترنت

ومن جان ينام يخلي تلفونو على الشاحنة البغرفتي

واستغليت الفرصه وجنت افتح نت من ينام تعلمت منو على الفيس

جان الشي الوحيد الي ينسيني سوء اليوم المر وخلال هالفتره كلها ماشفت نصير

طلع ناقلي لغير مكان يداوم ومكدرت اساعد سابين

بس من تعلمت على الفيس هنا صار التغيير الجذري حجيت ويه جثيير ناس

ردت واحد بس يسمعني يفهمني ويجي يساعدني بس ماكو

الاشخاص الوحيدين الي فهموني جانو عديمين الحيله

بس وحده تعرفت عليها من خلال صديقه الي اسمها تماره

جانت عائلتها من الضباط والمحامين والقضاة ماترددت دقيقه

كالت اني اساعدج لازم توصلين اربيل والباقي كلو يهون

هنا جان التحدي شلون اوصل اربيل مشكلة حديثه بعيده عليه

لازم اروح الها واجيب سابين واصلا ما اعرف عايشه ميته

لان انقطعت اخبارها عني ومادري عنها شصاير بيها مصاير

بس لازم اروح اشوفها تبقى الطريقه شلون اروحلها منطقتنا نائيه

ناس تعرف ناس صغيره بعيده عن اي منطقة اخرى

لازم اطلع للصحراء واوصل التقاطع الي راح اوصل بي يلا اوصله 3 ساعات اذا ركضت والدنيا شتا والبرد يكص العظم

جانت ايام صعبه جدا ومرهقه دوام ماكو بس جنت اقرا بلبيت احسن من الكعده

بس بيوم جت ست تغريد علينا وسالت بابا ليش بنتك مدا تداوم

شافتني مرتين اشطف البره وصابها الفضول ليش مدا اداوم

ف بابا نحرج طبعا خاف لتكول علي متخلف او تسأل اسئله وميكدر يجاوبها

ولانو متعلم ماراد احد يحجي شي طالع نازل علي علمود سمعتو يعني

كللها والله مريضه شويه بس تصحى ان شاء الله هالاسبوع تداوم
رجع الظهر من دوامو وجان يكول

طارق ...هاج هاي صدريتج باجر تداومين وماريد اسمع اي غلطه عنج والكعبة انهيج فاهمه

ويا ويلج اذا تحاولين تسوين شي من ورا ظهري اندمج على عمرج يابنت فاهمه

وتين ..مصدكت من فرحتي ماعرف شرد علي كتلو اي اي فاهمه

فرحت وما فرحت اريد اعرف اخبارها لسابين اسالو يربي خاف يعصب

ديلا قابل هوه شوكت جان هادء تشجعت وسالتو بابا سابين شونها

طارق رفع عينو وعكد حاجبو وكال ...منو سابين ماعدنا هيج اسم بعيلتنا

وانتي هم الاحسن متجيبين طاري هالاسم احسنلج

وتين ...حسيت خنجر مسموم وغرزو بنص كلبي عصرت روحي وسكتت

مو مال اجادلو الرجال قافل بس تعال شلون انهزم ضليت على تواصل ويه تماره

وحاولت شكد ما اكدر انو اخليها تجي تساعدنا حجيتلها كل قصتنا ومأساتنه

بس مكدرت البنت وبيوم جنت فاتحه فيس جان يفوت بابا

ويبوووووو شلون ليلة صارت كشره عليه وهمزين اني كل ما احجي وياها امسح المحادثه

فتحو مالكه شي كام يسب ويفشر ويضرب

طارق ...طالعه عينج بنت الكلب ومسويتلها فيس والله لنعل ابوج لابو الخلفج

وتين ...زوركني بهذيج الليله سناء الحقيره سدت الباب وغطت راسها ونامت

ولا كانو بنتها دا تنضرب كمل ابويه الافندي فرغ شحناتو العصبيه بيه وقفل الباب وطلع

وضليت اسبوع ب

الغرفه وحدي وجبه وحده ونص كلاص مي باليوم يفوتولي ومره وحده اطلع للحمام

اصلا هو اني شداكل او اشرب حتى اروح للحمام

خلص الاسبوع الاكشر عليه وداومت ونكطعت عن تماره لمدة 3 سنوات
.......

ومرت الايام وبعد انقطعت اخبار اختي عني وبعد ماجنت اعرف شديصير وياها

الى ان بيوم من الايام وبتاريخ 1/1/2013اجت رساله على تلفون بابا ساعه 2 بالليل

((اني اسفه عن كوني بنتكم راح اروح لايلين اليوم سامحيني وتين ))

هنا جانت الصدمة الي هدت الدنيا ع راسي الرسالة جانت من سابين لايالله اتخبلت تهسترت لساتها عايشه

من زمان ماسامعه اي شي عنها جانوا يضمون عني شلون عايشة وشنو الاحداث الي صارت وياها يم بيت جدي

امور غامضه محد يعرفها او الاصح اني بس الي ماعرفها قرأت الرسالة انهاريت يربي راح تمووووت

فتحت فيسي ع السريع ضليت ادور على تماره صفحتها ماكو

دورت على صديقتي الجانت حلقه وصل بيناتنا ولكيتها

فتت دورت بالتعليقات على تماره لكيت تعليق الها قبل اسبوعين

دزيت رسالة الها الوو الوو تماره اني وتين الوووو ردي

اذا كاعده امانه ردي عليه اني وتين طارق قبل 3سنوات تراسلنا تمااااره فدوة ردي

بعد ربع ساعه مرت ردت تماره ...

تماره ...هاي وينج ولج اختفيتي فجأه تعالي وين رحتي خفت عليج هيج تسوين وحتى ماعندي رقم اخابرج

وتين تحجي والعبره خانكتها ...تماره فدوة الحكينه سابين راح تموت اتوسل بيج ساعديني اتوسل بيج الله يخليج انقذينه

تماره بصدمه ...عزززة العزاني ولج شداتحجين انتي وينج هسه اني حجيت ويه ابويه و ويه عمي كالوا بس خلي توصل الاقليم رجال بيهم اليطخها تعالي يمنا ومعليج

وتين ...شلون اجي تماره لا فلوس عندي لا سايق اكو

وتعرفين تيوان ناس تعرف ناس اتوسل بيج ساعديني الله يخليج دبريلي خطة اطلع بيها من البيت

تماره ...شوفي حبي زوجي فرهاد قبل يساعدج كال اني اروح واجيبهم

بس خلي ينطوني اسم المنطقة ورقم البيت اروح واجيبهم

وتين الفرحة مسايعتها حست الدنيا ابتسمتلها وراح تنقذ اختها من الموت المحتوم كلتلها ...ماشي تماره راح اطلع اليوم لحديثه يكدر يجي فرهاد اليوم

تماره ...ولج شلون تطلعين دحكي على الساعة شكد خطر عليج

وتين ...ما اكدر الا هسه بالنهار صعبه بس بالليل تدبر

تماره ...امممم زين اصبري خلي اشوف فرهاد ..

شوفي حبي فرهاد يكول باجر من الصبح يطلع لحديثه عندو صديق الو هناك

ف انتي طلعي بالليل وروحي لحديثه وهناك تلتقون وهسه ادزلج صورتو

وتين ...اني راح اطلع اليوم لان هسه ماكو سيارات لحديثه

لباجر الصبح اذا لكيت احد يوصلني راح امشي الليل كلو لمفرق الطرق والصبح اول سياره تطلع لحديثه اطلع بيها

تماره ...ديلا عجل هاي صورة فرهاد احفظي وجهو واخذي وياج موبايل حتى نخابرج

وتين ...راح اخذ موبايل سناء هذا رقمها احفظي يمج واني هسه افتش اذا لكيت فلوس اخذها واطلع

تماره ...ديلا عيني بالتوفيق ننتظرج بحديثه

وتين ...ادعيلي مايلزموني باي ...

لبست ثخين وطلعت صحرائنا بارده ثلج بالليل وفتشت بجيب قميص بابا لكيت ٥٠الف اخذتها

واخذت تلفون سناء وقفلت باب غرفتي وطلعت من الشباك

وعبرت من السياج مال تيوان لان الباب الرئيسي التطلع منو السيارات يضل بي شرطه يراقبوا دائما

لهذا عبرت من السياج وركضت بالصحراء بعيد عن الشارع العام حتى محد يشوفني

وطبعا تلثمت وضليت اركض وشايله سجين بيدي اخاف يطلعلي شي

جان كلبي برجلي وشخطه باقيله يوكف من الخوف اذا انلزم هسه بربي اموت ماعرف شنو مصيري وشنو المنتظرني من مجهول

بقيت امشي وامشي بهل طريق الاظلم وحدي واني عظامي اتطكطك من البرد مدري من الخوف

صفنت ع نفسي منين جبت هل جرائة هاي بس اكيد هذا نتيجة العنف الاسري ولد عندي هيج جرئه وقلب ميت

وصلت للمفرق وانتظرت بعيد عنو شويه بس طلع الضوه شويه

جانت اكو سيارات رايحه لعانه وراوه الي هيه قريبه من حديثه

وكفت اكثر من سيارة بس محد وكفلي بالاخير رجال كبير بالعمر وكفلي

وكتلو عمو اريد توصلني لحديثه بلا امر عليك حجيت بلهجة اهل الباديه واني ملثمه

الرجل ...بنتي انتي وحدج شنو ماعندج اهل

وتين ...امبلا عمو همه بحديثه واني جنت اشتغل هنا خياطه

وهسه اريد اروح اشوفهم ما اقتنع الرجال بس ثولها واخذني

اول ما وصلت الجسر نزلت كتلو هنا انزل وسويت نفسي دا افوت على بيت

جان قريب ومن شفتو مشى كبل طلعت خابرت فرهاد

جان ينتظرني يم الشرطه كتلو تعال انته عليه اكو معارف بيت جدي بالشرطه

اذا يلزمونا هسه نروح بيها وصفتلو المكان وجاني جان طويييييل ضخم حيل

مشيت ويا واني ملثمه محد كدر يعرفني مريت من يم بيت جدي

وجانو همه برا وشافوني ومعرفوني جنت اريد ادلي فرهاد على بيتهم

ما شفت سابين بيناتهم بس جنت خايفه حييييل عليها

طلعنا لفوك ليم شقة فرقد شفتها دا تغسل تنشر ملابس بلسطح

ردت روحي الي ارتاحيت شوية لان بعدها عايشة بس جانت كوه تمشي وجها جان متغير

حييييييل متغيره مو سابين الاعرفها رصيت على ايد فرهاد واشرتلو فوك يعني هيه هاي

دحك بنظ

ره سريعه وكملنا طريقنا لبيت صديقو الي ساعدنا هو هم بس من بعيد

ما اتدخل جثير جان عندو جهال وخاف عليهم اول ما وصلنا بدلنا وغسلنا

وصديقو حجينالو الي نريد نسوي علمود نهرب سابين وكال صار

عندي جماعة تريدون يفوتون ويجيبوها كلو فرهاد لا بيت جدها عدهم عرف قوي بالشرطه والجيش

واخاف يصيرلك شي انت بس انريدك تراقبهم من بعيد وتكوللنا شوكت يطلع هالرجال من بيتو (يقصد فرقد) والباقي علينه

وافق الرجال تغدينه يمو واني مجان عندي نفس اكل جثيير

جنت انتظر الليل يجي يربي بس لاتسوي شي بنفسها وهم جنت خايفه

واكيد عرفوا هسه سناء وطارق اني مو بالبيت وطبعا حذفت الرسالة اني من موبايل بابا

حتى ليشوفها ويفكر انو اني رايحه لحديثه معرف شلون مضى النهار

جان اطول يوم مر بحياتي صارت الدنيا مغرب وكال الرجال تريدون هسه انسب وكت

محد اكو بالبيت وابو البيت راح للجامع على ما يوصل الجامع يرادلو ربع ساعه

وصلاة ورجعه هم نكول ربع ساعة خوش فتره نكدر نطلعها

فرهاد ...لا بالليل احسن حتى الكل نايم ومحد يوعى على شي

هسه اذا رجع وما لكاها كبل يصير استنفار ونلزم قبل ما نلحك نطلع من حديثه

على الاقل بالليل عدنا فتره للصبح نكدر نهزمها ..

سابين ...صارت ساعة عشره بالليل وخابرنا صديق فرهاد وكلو

الرجل ..ترا ابو البيت طلع من بيتو هسه وراح لغير بيت

فرهاد ...ننتظر هم لل ١١خابرتنا تماره وكالت ها شسويتوا كتلها ننتظر لل ١١ونطلعها بلكت من ينام

بس تماره فطنه جانت كلتلو فرضا الرجال ينام ويه مرتو شلون تهربها من فراشو

فرهاد ...هم صدك ..ماشي اذا مموجود هسه ابيتو اطلع واطلعها وافلت

سابين ..طبعا جانت فكرتها منطقيه لا اني ولا فرهاد جنا مفكرين بيها

تلثم فرهاد وشال مسدسو وطلعنا اني اعرف الشقة والمنطقة

ركضت دافتح الباب مقفول لفت من باب المطبخ هم مقفول

بس جان باب المطبخ سهل ينفات منو صيحت على سابين ماكو سابين سابين

ماكو جان الزم حجره واكسر الجام وفرهاد كسر الشيش الحديد الحماية وفتت اركض ادور عليها

سمعت حسها تصيح هنا اني هنا وجان صوتها مخنوك الباب مقفول من برى

كتلها هسه اجي صيحت فرهاد اجا ركض حتى يكسر الباب

كسرو وفات فرهاد داير وجهو ولازم المسدس اخاف يجي فرقد

فتت عليها جانت عاريه مالابسه ملابس جسمها كلو اثار ضرب وتعذيب وحرك ومزورك

وجها كله مورم من الراشديات وطبعات ايدو مبينه معلمه ع خدها

مجان عندي وكت احضنها ع السريع لفيتها بجرجف وطلعنا ركض

واحنا داننزل من يم شقة فرقد وجانت المصيبة انشوف فرقد جدامنا

اتخبل من شافنا
الله يستر بس شنو المصيبة المنتظرتنه

من شاف سابين لو تهستر شال عوده او هاي مالة النخل الكرب نسمي وجا يريد يهجم على فرهاد

فرهاد ماراد يستخدم المسدس منا صوتو عالي والكل تجي تهجم علينا

ومنا الشرطة هم تلزمنا واحنا متجاوزين علي بيت الرجال

فرهاد كلي ركضي انتي وسابين عبروا الجسر وهذا مفتاح السيارة ركض واني هسه الحكم

اخذتها ونركض اريد بس اوصل الجسر صار شبعدو عني

والدنيا ظلام معروفه منطقتنه وعره ماكو طريق عدل نمشي على ضوه القمر نركض ونتعثر

والمصيبه الكاع كلها طين دانركض سمعت صوت رصاصه

كلت لسابين كملي هسه اجي ركضي كل الي جا ابالي انو منكدر نطلع بدون فرهاد

ما اعرف اسوق ولا اعرف الطريق كتلها اعبري الجسر تعرفي

جانت كوه تمشي واني ركضت على فرهاد لازم يجي ويانه ماكو حل اخر لازم يجي

واني دا ارجع شفتو بلكاع ركضت علي جان تجيني طلقه برجلي كلت خلص لهنا وخلصت حياتنه احنا انتهينه ...

واكف فرقد فوكانه ويضرب بفرهاد وفرهاد متصوب ونوب التموا العالم علينه

يبووووووو شسويت بنفسي يالله انوب زدت الطين بله

ماكو وراها يمكن بخمس دقايق التموا الجيش علينا واخذونا كلنا اني وفرهاد
للمستشفى

واكو علينا حراس وفرقد ما اعرف وينو جان كلبي يم سابين

يربي هسه تنتظرنه بالسياره جت الممرضه وسالت انتي وتين

كتلها اي اي اني كالت اكو بنت هسه جت بس تهذي باسمج

طفرت من مكاني واني رجلي ما احس بيها من الوجع

وينها الله يخليج وينها اخذيني يمها ابوس ايدج بس اشوفها

بهاي اللحظه فات رجال طويل ملتحي وبزي عسكري كال انتي اخت سابين

اي اي اني اختها وتين وينها هيه هسه ...الله يخليك امانه وديني عليها

رد عليه خلي يطلعون الطلقات منج وبعدين تشوفيها ردت اكلو اشوفها ويطلعوها

بس برد جسمي ولعبت نفسي ونمت يمكن ضربوني مخدر بالكانونه كعدت من النوم وجان كلشي يدور

اكو احد دا يدغدغني من رجلي اريد اصيح واكلو كافي

بس مكدر احجي ومكدر احرك رجلي ولا افتح عيوني فتره طويله

افتح واغمض واسمع اصواتهم فوك راسي يحجون ويايه

اذا انتي بخير افتحي عيونج اذا تحسين برجلج حركيها

لازم تفيقين صارلج ساعتين طالعه من العمليه بنتي دا تسمعيني

اخر شي سمعتو بس بعدها بساعة فقت كامل رجلي جانت ملفوفه

رفعت راسي شويه جنت احس اكو جبل فوكاه

فاتت الممرضه كتلها عفيه اريد مي اندارت عليه وضحكت

الممرضه ..همزين كعدتي هاي شنو جوعانه

نوم انتي يمعوده

وكفتي الدكاتره على تك رجل صارلج ٣ ساعات طالعه من العمليه

وماضل دكتور ما اجا شافج شلون نستله انتي ماتتحملين البنج

تعالي اكعدج شربي مي بس قليل لا جثير لاتشبعين بعدين تزوعين

خلي مفعول المخدر يروح بعدين تاكلين وتشربين ..

وتين ...شربت بس حك بللت حلكي جان ناشف وكبل سالتها جانت اكو بنت وجان
تقاطعني بالحجي ....

الممرضه ...لتخافين على اختج هياتها يمج

وتين ...جان توخر الممرضه وشفتها نايمه كتلها شلونها ليش نايمه

الممرضه ...تعبت وهيه تنتظرج تكعدين ونامت

وتين ...الله عليج دكتوره مابيها شي

الممرضه ...لا لا لتخافين البيج اسوء من البيها

وتين ...تقصد الجروح البيه اسوء بس الله اعلم النفسيه هيه شلونها

سالتها دكتوره تكدرين تقربين سريرها يمي اطبكيهم واحد يم الخ فدوه

الممرضه ...ياااااا هاي شكد تحبيها بس تدللين نطبكهم ليش لا

وتين ...جان تطبكهم دحكت عليها جثه الله وكيلكم ضاله بس العظام

ضليت ادحك عليها ممصدكه نفسي لحكتها يربي لحكتها ماخسرتها الف الحمدلله والشكر

نرجع بالاحداث لمن عفت سابين وحدها ورجعت على فرهاد

سابين ...جنت اركض معرف ليش حسيت نفسي حره ركضت ركضت مثل الطير وطلعوا من القفص ويرفرف بجناحاتو بالفضاء

بس جنت كوه امشي وادوس على نفسي لان دا اركض وبعدين اكوللكم السبب

جان اوصل الجسر لافه نفسي بجرجف وملابس مالابسه جانت اكو سيارات جيش واكو جيش على الجسر

جنت دا امشي جان يسلطون الضوه عليه وحجو بمايكرفونهم

عثمان ...لاتتقدم اكثر راح نضربك بالرصاص الحي توقف

((وهنا جان اول ضهور لآمر الفوج عثمان ولقائو ويه سابين ))

وللحكاية بقية .....

- ‏متعب يا الله كمَن ركض على
ارض شائكة بقدمين عاريتين 💔

يتبع ....

عيوني بهالباودر طبعا اجت اله اهواي وجبات واختلاف بالارقام..

فانتي جربي يكعد عل بشرتج؛؛
لان اتوقع درجة رابعه للبشرة السمرة كلش🤦‍♀💔

#ملوكه