#الانتحار

#بارت29

يزن بصدمة ....شنووووووو فتحت عيوني على وسعهن انت شدا تحجي حجي

فرقد ...لا يزن اكيد تشابه اسماء ...حجي اقصد ولد بعمرنا اكبر منا بشويه يعني شباب

الحجي ...والله يا ابني ما اعرف احد انت لو جايب اسمو الثلاثي بس هنا بهالمنطقة هاي بس اني بهالاسم

فرقد ...زين حجي اتعبك اذا تنتظرنا هنا شويه نتاكد من الاسم الثلاثي

الحجي ...ادلل ابني

فرقد ...خابرت على صديقي وطلبت يجيبلنا الاسم الثلاثي ورا ربع ساعة رجع خابرني وكلي قصي سالم مزعل مشكور خويي
حجي انته شنو اسمك الثلاثي

الحجي ..قصي سالم مزعل

فرقد حس خنجر بنص گلبو بس ثولها وكال ...اهاااا اعتذر منك حجي عجل مو انت .....صاحب الامانة اسم جدو قاسم تعبناك ويانه ونعتذر

الحجي ...لا ابني عادي ادلل بس اذا تريد اسأل بلشارع الرابع لان هال 3 شوارع اعرفهم ماكو هيج شخص بيها

فرقد ...مشكو حجي الله وياك

يزن ...اي وهسه شلون نلكه هذا قصي

_ ماحاجه نلكا هو نفسو الشيخ الدزلي الرسايل

_ شون يعني مو كتلو مو انت

_ شغلي عقلك شويه شتريد اكلو تعال انت داز رسالة لخطيبتي

يزن ...بربك يعني هوه ؟!!! هاي شلون رهمت بله

فرقد ...ماعرف بس حاس اكو لعبة بالموضوع مستحيل شيخ مثلو وبعمرو يسوي هيج شي.. يجوز ابنو مانعرف خلي نسأل

سالنا عن الرجال ماعندو ولد خلفتو بس بنات وكلهن متزوجات وباقية بنية صغيرة بالبيت هنا عقلي بده يطير من راسي

زين منو الدز الرسايل منو جاي يلعب هاللعبة معقوله سابين مظلومة معقوله ماعدها شي واني ظلمتها

زين القميص المن والرجال حتى مو قياسو يربي شلون دوامه اني بيها كطعت سلسلة افكاري الرساله الجتني

كبل خابرت على الرقم بس طلع مغلق فتحتها تسجيل صوتي فتحتو وحطيتو ع اذاني وركزت ع الصوت

هنا جانت الطامة الكبرى الي بالتسجيل صوت يزن لا يالله مستحيل شهل مصايب الي دتوكع ع راسي

معقوله الي داسمعو ياربي هاي شصاير بالدنيا ابن عمي ودمي ولحمي وانوب ديطعن بيه

يزن ...ها هسه شنسوي الرجال طلع شايب وانت ماخليت قصور بالبنت هسه شلون راح تحلها

فرقد بين المصدوم وبين الفاقد عقلو وتايه بالي ديدور براسو

ايريد حل لكل هاي الالغاز الغامضه الي طاحت ع راسو ايريد يلزم راس الخيط حتى يبدي يصفي الحسابات

فزيت ع صوت يزن يحجي دحكت علي وسكتت معرف ليش كلت خلي اتاكد بعدين ابدي اشتغل بيكم

صح الرقم طلع بأسم شايب بس التسجيل جاني بصوت يزن هنا عقلي كام يجيب ويودي

معرف اصدك هالشي لو لا القميص مو على قياس يزن شنو الصاير وشلون يجوز واحد من اصدقاء يزن

يربي شنو الي ديصير من وره ظهري اكو ملعوب جبير ديصير ومادري شنو هوه بس لازم اوكع ع الحقيقة لاااااازم

بقت هل افكار تتلاطم براسي وحسبة تجيبني وحسبة توديني اريد اركز واخلي النقط ع الحروف لان القضية غامضة وبيها لغز ولازم الكالو حل وجان يزن يقطع حبل افكاري

يزن ...هيييي وينك ابو الشباب وين صفنت شبيك يمعود الووووو

فرقد ..ها كلشي مابيه يزن خلي نرجع

يزن ...ترجع لبيتكم لو بيتنه وسابين شراح تسوي وياها ظلمتها انت

فرقد ...بعد مابين شي يزن خليها شغلة وكت وكلشي يتوضح

يزن ...والله انت عايل من السما للكاع حرام الله نطاك هيج بنت

فرقد انتبه ع حسرة گلبو ليزن وكال لنفسو ..امممممم حاط عينك عليها يافندي

وهل تسجيل صحيح يعني بس اكو طرف ثالث بالموضوع ما اعرفو لازم اكشفو ..

بعدين احاسبك معتبرك اخويه وتجي تطعني بظهري صبركم عليه يزن وسابين

يزن ...يمعود شبيك ساكت مو جاي احجي وياك

فرقد ...هااا تعبان مابيه شي راح ارجع لبيتنا باي

يزن ...هذا من صدك اتخبل شبي ولا يمي اصلا ..شوف فرقد لاتصرف تصرفات تندم عليها بعدين دير بالك ماريدك تتهور بعد اخوك

فرقد ...هزيت راسي بمعنى لتخاف

(من الغباء مني ان احاول الوصول لشيء غير موجود اصلا)

سابين ...جنت نازله اساعدهم بصب الاكل وصار فرقد بوجهي ماوكفت وكملت طريقي

وهو هم ماحجا شي وكمل شافتو عمه صاحت علي

هناء ...تعاال تعال يامغضوب والك عين ترجع للبيت انكلع اطلع برى يلاااااا

فرقد ...اي اصلا طالع جيت اخذ ملابسي واطلع

هاجر ...يوم ابويه على جيه لتسويها مشكله الله يخليج

هناء ...والله غضبانه علي ليوم الدين على سوايتو هاي

هاجر ...اغضبي بس مو هسه من ينام ابويه

فرقد ...اخذت كم قطعه ملابس وجاي انزل صاحتني امي تعال يلا يا افندي احجيلي

ليش انجلبت هيج ع البنيه مو خطية من سوء حظها ما عدها غيرك بسلامة اهلها هاي بدل ماتصيرلها عون صرتلها فرعون

فرقد ...يمه بعدين اشرحلج وانتي هم راح توافقيني وتوكفين بصفي لان الي صار ماينسكت علي

هناء ...والله ما اظن اوكف بصفك شماتكون مسويه البنيه مايبررلك تضربها بهالوحشيه

فرقد ..مع السلامه يوم

هاجر ...وين رايح

فرقد ...لجهنم عوفوني

سابين ...جنت كاعده بس
اسمعهم مارديت

هناء ...لاتزعلين يمه راح يندم والله خيولي مايستاهل وردايه مثلج

سابين ...حزت بكلبي جملتها نقهرت حيل بس م

ارديت عليها شرد عليها وهو ماكو شي راح يتصلح

وفرقد مستحيل اصير مرتو كلت تهدء الاوضاع واخابر بابا يجي ياخذني ونرجع لبيتنه جحيم سناء ولا جحيم فرقد

فرقد ...هستوني فتت للشقه جان تجيني رسالة تكول مشتاق لشاماتها تريد اعددها الك اخاف ماشايفهم تحياتي ضلعك

لعبت نفسي من هل وضع كمت احرك بروحي والله لنعل والديكم اذا من صدك مسويها بيه

جان تجي رسالة ثانية صوره لشامة سابين بركبتها تخبلت

اني كمت اشيييل واحط بروحي ماكمت اشوف دربي

وقررت بدون ما اعرف شي راح اسود عيشتكم كمت طلبت من ابويه انو نعقد بالمحكمة واني بحكم شغلي مصور محترف وفنان بشغلة الفوتوشوب

فبركت صورة يزن وسابين بالغرفه مالتي وخابرت يزن وجا عليه تحججت

وكتلو راح تجي الاخشاب هاي نسخة المفاتيح خليها يمك اخاف ما اكون موجود انت ابقى يمنه هالكم يوم و مدرستك قريبه علينا ابقى احتاجك بكم شغله

والنسخة الثانية مال المفاتيح هيه يم سابين اصلا حتى تثبت عليهم الجريمة مضبوط

رحت وثاني يوم دكيت الباب على سابين وكتلها راح نروح للمحكمة نعقد

سابين ...بس اني مقرره افسخ الخطبة ماريد اتزوج منك

((هنا سابين فهمت شنو يعني زواج وارتباط يعني مو غشيمه وماتعرف )

فرقد ...ماتكدرين تفسخيها عيب من العالم نروح نعقد

لان الكل كامت تحجي علينه وابويه خابر ابوج وكلو وابوج موافق

طالما انتي كاعده هنا لازم تكونين بحكم زوجتي حتى العالم لاتحجي

ومن تخلص السنه اطلقج وارجعج لبيت ابوج لان هسه بعد نصف السنه مكدر انقلج لتيوان فخلي نمثل حتى لحد ينظر

سابين ...وشنو اليضمنلي انو راح نطلق بعد ما اكمل هالسنه

فرقد ...لتخافين ماكاتل نفسي على وحده عديمة شرف مثلج

سابين ...عصبت منو انت شدا تحجي منو عديمة الشرف هااااا اذا عديمة شرف ليش كاتل نفسك عليها

فرقد ...من حجي العالم وبس يلا تحضري شوية لاخ نطلع ( جانت خطة هل عقد بس حتى اضمنها تحت عصمتي ومحد يكدر يتدخل بالي راح اعملو بيها باعتبار هيه زوجتي والي الحق بعقابها )

نزلت وحجيت لابويه وخابر ابوها وكالو راح نروح للمحكمة ووافق

علي ...انت ليش مستعجل ترى بعد وكت

فرقد ...لا ابويه حتى لحد يحجي حجي زايد نلزم عقد محكمة ونفضها والزواج الله كريم بعدين نفكر بي

علي ...والله زين فكرت هيج عفيه عليك ابني بارك الله بيك

فرقد ...هسه شكلت ابويه نروح العصر
نتوكل

علي ..ابني ليش لا بس العصر تعزل يمكن ورا الغدا نطلع

كلهم خلي يستعجلون وانت جيب مستمسكاتك وصور الك ولسابين ونطلع
هناااااء استعجلي بالغدا يامراة

هناء ...اي اي ابو احمد خير صاير شي

علي ...اي خير ان شاء الله راح نروح للمحكمه نعقد لفرقد وسابين

هناء ...كللووووووششش على خير ان شاء الله بس شو محد حجا محد كال

علي ...هسه قرر البيك يريد يسويها رسميه

هناء ...زين شلون غير اكو شهود لسابين من اهلها

علي ...اي خابرنا ماجد يكون شاهد الها هوه ومرتو

هناء ...ويصير هيج ابو احمد

علي ...اي اي كلشي يصير يلا صبيلنا لكمه خلي نتوكل نلحك ع القاضي

هناء ...صار صار ،تعال ولك حطيت عقلك براسك اخيرا

اطلع اعتذر من البنت وطيب خاطرها بكم كلمة خطيه من هذاك اليوم ماحجت كلمة بس تسكت

فرقد ...صار يوم بس بيبي وين اسلم عليها واطلع

هاجر ...همزين تذكرت عندك بيبيه والله بيبيتك مريضه السهال وماوكف شي ابطنها

فرقد ...شنوووو وليش محد كلي

هاجر ...اي مو انت فاضيلنا احمد مشغول بيها يودي ويجيب

فرقد ...فتت عليها وجها اصفر مسلوله عافيتها ها بيبي حبيبي شبيج

بيبي بتعب ...لا هلا ولامرحبا اطلع برى يلااااا ماعندي اني هيج ابن عاق مثلك

فرقد ...الله يسامحج يابيبي واني الجاي اسال عنج اشوف شتحتاجين

بيبي ...الله لايعوزني الك

فرقد ...هم الله يسامحج جيتج بخبر يفرحج

بيبي ...ماضنيت والله انت اخبارك كلها مغثه وسوالفك اتسد النفس

فرقد ...لااااا لتحجين هيج حبوبه راح نروح نعقد بالمحكمة اني وسابين

بيبي ...جذاب جاي تقشمرني شوف مالي واهسك واطلع خلي اناملي ساعة

فرقد ...والله حبوبه شبيج

بيبي ...وسابين هالمكروده راضيتها

فرقد ....اي اي راضيتها وهيه جاي تبدل هسه فرحت جثييير راح نروح ورى الغدا

بيبي ...الف مبروك وليدي الله يجعل ايامكم فرف بفرح بس تعال احجيلك كم كلمة واسمعني عدل

وخليها ترجيه باذانك شوف هسه بخير وسلامة سابين باعتبار صارت مرتك

والمراة من تزوج ينكشف سترها عليمن ع زوجها ... ياوليدي دير بالك عليها سمعها الكلمة الحلوه

دللها لا تزعلها ترا شفت انت بعينك هالبنت حسبتها حسبت يتيمه ماعدها اهل

ابني طارق المغلوب على امرو من مرتو هيه السايكتو مثل الخروف وراها
وامها عبالك ضرتها مو امها

وشفت شلون عاملتها اريدك تصير الها اب وام واخ واخت وتعوضها يا ابني افهم كلامي عدل هذني البنات خطية ماعدهن احد

فرقد ...تدللين بيبي وبكلبي اكول لو تعرفيها شنو من شي ماجان حجيتي هيج

فرحانين ها وعبالكم البنت بريئه وشريفه والله لطلع بروحها الادبسزز بس خلي اكمل ترتيباتي واني الها

سابين ..

.طلعت هاجر فرحانه تنط وتنط وحضنتني ...خير يولي شبيج

هاجر ...عوذا ولا عبالك اليوم راح تصير عروستنا

ولج فردي هالوجه شويه عاااا ولج شوكت تصالحتو شو من جوى جوى غير تحجين تكولين

سابين بحزن كعدت ع القنفه وخلت ايدها ع راسها وكالت بصوت متعوب ...عوفيني بحالي هاجر مالي خلكج

هاجر ...وجع كومي ولج يلا بدلي راح تطلعون ورى الغدا

سابين ...ها يعني العصر مالتكم صار ورى الغدا

هاجر ...هاااا شتحجين انتي يا عصر

سابين ...مو كال فرقد العصر نطلع

هاجر ....لا حبيبي راح تطلعون ب ١٢ يلا دي بدلي وتعالي كوليلي شنو يلبسون بهيج مناسبة

اوووووه ممحضرين كلشي احنا يلا انتي غسلي واني احضرلج ملابسج راح اطلعج عروسه وما اخلي فرقد ينزل عيونو عنج اليوم

سابين ...هه بكلبي هاي جاي تحلم كل عقلها اصلا خطبتنا كلها زيف بزيف

هو هذا مصير اليمشي بدرب اعوج فتت غسلت وجهي وطلعت شفتها خبصت الغرفه خبص

اوووووووف هاجر هسه منو يعزلها ليش هيج نثرتيها

هاجر ...ولج مو وكت تفكرين بالتعزيل فكري شراح انلبسج

سابين ...هاجر الله يخليج الملابس معلكه بالكنتور شكو داعي نثرتيها هيج

هاجر ...حتى اتعبج بالتعزيل صارلج ٤ ايام ماتنزلين ولاتنظفين ولاتساعدين لهذا زعبلتها حتى تعزليها انتي

سابين ..والله لوتموتين ما احط ايدي بيها انتي الترجعيها لمكانها

هاجر ...موكتها هسه ارجعها لاتبجين تعالي لبسي هالفستان

سابين ...ترى رايحين لمحكمه مو لعرس وهذا اوفر فد مره

هاجر ....اي وشنو يعني عجل خو مو تلبسين هذا

سابين ...بنتي دحكي عدل احد يلبس احمر ويروح للمحكمة خو فد مره البس فستان الخطوبه

هاجر ...اممممم والله فكره حلوه وتجنن لبسي يطلع يخبل

سابين ...لا فد مره انتي فاصله ومو يمي ابدا ابدا

لبست فستان بسيط حيل وشال اسود لان رايحه لجنازه مو محكمة

وماخليت قطرة مكياج ميستاهل التافه الحقير

هاجر ...ولج هاي شنو رايحه لعززة ولج عوووع تريدين تطفرين اخويه مو

ولج شنو هذا خرب حظي دحكي هالبدله هاي عفتي كل الفساتين ولبستي هذا

الله يشيلج يولي راح تجلطيني نوب شال اسود خرب حظي انتي متقصده تجلطيني مو

سابين ...هاجر ترى احلف ابطل هسه والله وابطل من المدرسة وانعل ابو الشهادة لابو

هاجر ...اشششش وجع اعصابج ليش المدرسه شعليها

سابين ...عوفيني هاجر هذا الموجود زين ..عفتها ونزلت

طلعنا من البيت اني وعمو علي واحمد وفرقد وبالمحكمة لاكينه عمو ماجد ومرتو

الي صارو اولياء امري وشهود عليه كملنا كل الاجراءات وفتنا على القاضي

والفحص احنا مسوي من قبل سلمنا الملف و وقعت و وقع فرقد

هنا ابتدا جحيمي ويا وشلون الكل انقلبت ضدي حتى بديت استغرب شلون جانوا يتظاهرون بحبي

تم عقد المحكمة ورجعنا للبيت والكل استلمتنا هلاهل وجكليت

وبيبي جانت تبجي من الفرح وجت مراه بكد بيبي او اكبر منها ما اعرف

جان ظهرها محدوب سلمت عليه استغربت منها منو هاي كلت بكلبي اكيد من هالجوارين ماهتميت الها

جت هاجر بوستني وعمه مرت عمو ماجد كامت تبجي تحسبني بحسبة بنتها

كون اني ربتني فتره مو قليله لمن ماجانت تجيب جهال

وضلت تبجي واني اسكت بيها انوب وتين كامت تبجي هم زين هاي ليش دا تبجي معرف

ردت اطلع ابدل جان يفوت عمو عمار ومرتو وبنتو وابنو جانت ملامحهم مو واضح عليها الخير

وحسيت اكو مشكله راح تصير سلمت عليه مرت عمي وكالت مبروك من وره خشمها

وهاجر تكرص بيه تكولي هاي شبيها

غسق ما سلمت ابد ولا تقربت عليه اما عمي الجان يدك بسامير طول الكعده ويعاتب

_ليش ما اخذتوني للمحكمة وليش محد استشارني وكلي راح تصير رسمية

حتى من خطبتولو لفرقد محد كلي راح اخطبلو شبيها غسق بنتي ياهو احسن تاخذون من ديرتكم لو من ديره بعيده عنكم

دلال ...عوفهم عيني ابو حامد المايشوفنا بعينتين مانشوفو بتك عين

علي ...على كيفك اخويه ترى احنا خاطبيلهم عقد محمدي شو ماجان عندك اعتراض بساعتها لمن جان ابوها حاضر شصار هسه

حامد بتهجم ع عمو ...والله انتوا بدون اصل

علي اتخبل من تهجم ابن اخو صرخ بوجهو ....انجججججججب لك كلب عجي ناقصني اني عجي يعلمني بالاصول

ابو حامد ...احترم نفسك ولتكول عن ابني عجي(الميعرف العجي شنو معناها ولد جاهل او زعطوط بلهجة اهل الغربية)

علي ...بمجالسنا تكعدون عوج وتحجون عدل افتهمت والمايصرفلو الحجي بابنا لساتو مفتوح

دلال ...يعني تطردنا يا ابو احمد

علي ...اني ما اطرد احد من بيتي بس ما اسمح لاحد يقلل احترامو ويه الاكبر منو

حامد ...على كيفك عمو قابل شكلنا

سابين ...بعدو دايحجي جان يسحلو فرقد واحمد طلعوا برا ودك كتل ودفرات وامو وابو يفاككون بي

شو اني واكفه ما احس الا نجريت من شالي وشعري وانسحلت بالكاع

ومرت عمي ماجد كامت تصيح وتضرب بغسق الي بردت كلبها بيه وتكول كلو منج كلو منج وتسحل بيه

لزمتها هاجر وهناء ((لدلال))سحلوها وذبوها برا وطردهم عمي علي

واما عمو ماجد جان الحاجز بيناتهم انو مايتذابحون بيناتهم

بيبيتي جانت تلطم وتكول لعمو عمار سوولك سحوره واخذوك مني

تقصد على مرتو والله انت مو ابني

طلعو بيت عمي وهمه يتوعدون وفاتو بيت عمه انغام سلمت عليه وباركتلي

وبنتها الي وجها جان ينقط شرار بوستني وكالت كلو راح ينتهي لتفرحين جثير

استغربت هاي شتقصد وطنشتها ما درت بال لكلامها من سلمت عمتي على هاي المراة الكبيره كالتلها هلو عمه

عرفتها اخت جدو ناظم التفتت على هاجر وكتلها هاي منو كلتلي عمت ابائنا

هلا هلا وناقصني اني عمات بس والله شكلها مسكينه خطيه

ونوب محدوبه انقهرت عليها ونسيت السحله الي انسحلتها

استأذنت منهم كلهم واخذت وتين وطلعت فوك نمت وهيه ضلت يمي جنت محتاجه نفسها يمي جنت محتاجه سند

وتين ...خفت من هاي الخبله غسق سحلت سابين وصيحت وضربتها وردتها تترك اختي

بعدين فكوها عمه هناء وهاجر من بين اديها اخذتني سابين وطلعنا فوك

كلتلي قفلي الباب وقفلتو عبالي صاير شي جان تطلب تنام على رجلي جانت منهاره كلش

ماجنت اعرف شنو جانت تحس بس هسه من اتذكر الاحداث عرفت انها جانت منهاره

كدرت افهم سابين متاخر حيل من كبرت وتاخرت عليها يلا فهمت هالشي

جانت تقاوم حيل بس وصلت مرحلة تعبت بيها لبنت بعمرها

جان المفروض تتونس تتسلى عدها اهل سند مو واكعه بيها

منا فرقد منا سناء نامت ماحست على نفسها اني سحبت نفسي منها وعدلت نومتها وغطيتها وطلعت

جان اشوف رجال كبير بالعمر لابس بدلة عسكريه ورتب ع اكتافو واكف بالباب وجان اشيب الراس وعندو حمايه جثييير

((هل رجل هوه ابو عثمان آمر الفوج بس ماجان عثمان وياهم بس ابو جاي لبيت جدي جان من معارف بيت جدي ))

وعمو عمار اشتكى على اخو عمو علي انو ضاربهم وماذيهم

وابنو نايم بالمستشفى انعاش استغربنا هيه كلها كم دفره

قابل نستله حتى تفوت انعاش زين طلع عمو علي عليه واحمد وعمو ماجد تفضل ابو عثمان اهلا شرفتنا

ابو عثمان ...زاد فضلك اخويه بس اني جاييك بغير شغله ولان اعرفك جيت استفسر منك وعيب الشغله تصير بالسجون وانتو عشيرة معروفة

ماجد ...خير ان شاء الله تفضل فوت ونسمع منك شصاير

ابو عثمان ...اي ياخوان اخوكم عمار مقدم شكوى ولح ملحه الا اني استلمها

انتو ضاربين ابنو وترى الولد انعاش فايت واذا غيري يلزم هالقضيه تروحون بيها

وجاني النار بعيونو ومو باين علي يريد يحلها سلميه

فكلت افهم منكم بيناتنه عشرة عمر اني وابوكم ماريد توصل بينا لهالمواصيل

واني ترى طباب خير واريد تنحل بيناتكم بدون محد يعرف وتصير علكه بحلوك العالم

احمد ...هالكلب الحقير ..شوف عمو ابو عثمان والله كلها تمثيليه ترى

لا متاذي ولا شي كلها كم بوكس وكم دفره متوصل بي للانعاش

هاي امو الحيه رتبت هالسيناريو تريد مني هسه اروح اكعدلك ايا بكم بوكس ويجر عدل ويحجي العندو كلو

ابو عثمان ...ابني اني ليش ما اكدر ادخل واكعدو ما اعرف هل شي صحيح متاذي او تمثيليه مثل مكلت

اذا طلعو يمثلون علينه اني ادفنهم والله بس من معزة ابوك والمرحوم جدك مكدر اتصرف لحالي هذا شمايصير اخوكم

واني غريب عنكم جيتكم حتى تصيرون بالصوره

ماجد ...احمد انت متاكد مادست ابطنو اخاف وكفتو وحدو من كلاتو الكيكه ابن اخونه هههههههه

احمد بضحكه عالية ...والله عمو معرف محسيت على نفسي من دفرتو بس اسالك فرقد واشوف ههههههه

علي ...هسه وكتها يا ابو طيبة الرجال يكلك فايت انعاش وانت تحشش براسي

ماجد ...يمعووووود متعرف الحيه مرتو اكيد تمثيليه حالها حال السابقات

ابو عثمان ...هاي من صدك تحجون ترا اذا يلحون ويرفعون دعوه ضدكم تروحون بيها سجن

احمد ...عادي عمو مو يكولك السجن للرجال ههههه

ماجد طك ضحك وكال ...عاش لسانك عمو

علي بغضب صاح ع احمد ...احمد كوم جيبنا جاي كوم لا اطيح حظك انت واخوك كوم الله لايوفقكم على تالي عمري تفوتوني سجن

احمد ...لا يا ياب محشوم احنا نفوت فداك

ماجد ...صح لسانك

علي ...ماجد انت هم اطلع جيبنا ضيافه الضاهر تريدون تجلطوني مو

احمد جرها بضحكة طويله

ابو عثمان ...اي يا ابو احمد الضاهر بس انت ماخذ الموضوع جديات كولي شراح تسوي

ماجد ...ابو عثمان بلا مكاطع لكلامك بس اسالك سؤال هوه منو الطبيب المشرف على حامد

ابو عثمان ...والله ياخويه دكتور سمين وطويل وبدون لحيه وشارب خفيف

علي ...عيونو ملونه

ابو عثمان ...اي خضر عيونو

ماجد ...ماتعرف اسمو

ابو عثمان ...يمكن عصام اسمو والله

علي ...وصلت هذا زوج بنتهم والولد طلع من يمنا يمشي و ولدي ما ضربو قوي الا جان موتو عشت ابو عثمان احنا نحلها هنا

ابو عثمان ...يعني ما اتدخل اني

ماجد ...لالا لاتدخل المشكله عرضيه ونحلها بكم كلمه باجر نروح نزور مريضهم ونشوفلنا غير دكتور يفحصو وراح يطلع سليم وكلشي مابي

ابو عثمان ...خير ان شاء الله عجل وها اتذكرت الف مبروك خطبة فرقد عقبال الجبير احمد لويش خطبت للزغير قبل الجبير

وللحكاية بقية ....

‏اردتُ دائماً ان اصرخ بكل مالدي من قوه ان ابكـي لاخرج كل ذلك الالم المكتُوم داخلي 💔

يتبع ....

حبي استعملي☹️🌸 عل هالمنطقة فيوسيدين ابو الخط الاحمر لمدة 3 ايام
ويوميا قبل لاتنامين خلي عليه بوطرة اطفال

#ملوكه

عيوني هذيني كوزمتات شوفيهم اذا عدهم🌚🌺
@life_style_nashwan
@alloshbeauty
وكوزمتك علي ايفرشين او كوزمتك حامد الاخوين

#ملوكه

حبي اذا مسوية تحليل الرقمي 🙃🦋وجان رقم سيروم البيتا اكبر من 5 فهاي حامل

واذا جان اقل من 5 فماكو حمل
وهم احتياط كون تسال ابو تحليل

#ملوكه

عيوني يجوز موالمج او اتحسست بشرتج منه 🤦‍♀
ودايما قبل ماتخلين عل كل البشرة جربي عل منطقة صغيره من الوجه

فاكو هج امهات يمشون عل نمط القديم..انو البنت ماتحف اله ببيت رجلها😑

فانتي حاليا عوفي بشرتج ترتاح..واذا تشوفين هالمشقر مو مناسب وموالمج فعادي شوفي غيره..وهذيني نصائح عل التشقير👇🏻🌚


#ملوكه

وبهالفيديو ..طريقة التشقير🙂👆🏻

#ملوكه

والله حبايبي مدافرغ🤧 لان داحضر للتخرج مابقة بس هال3 ايام
اذا اني اكعد من النوم متأخره 😂ومنا اشتغل شغل بيت ومنا ملتهية بالخياطة ومشاكلها وتحضيرات..فبليل يله افرغ

هو بس هالكم يوم وارجعلكم طبيعي🥺💜

#ملوكه