وفيهم ذولي يشيبون الكلب لو ركزتي عليهم

فرقد ...انته عينك بصحنك وذوله احسن مو

احمد ...حاضر اعصابك فرقودي

وتين ((كملنا اكل وسابين وفرقد بس يتناكرون واحمد بس يخلي اكل جدامي حسيت باهتمام محد اهتم بيه هيج من قبل جثير حبيت هالشي ردت ابقى يمهم ماريد ارجع ويه سناء وطارق ماريد

وب١١ الضحى جا ولدين ماشايفتهم من قبل اصلا احنا منروح لبيت جدو كل ٥ او ٦سنوات مرة

عمو ...هلا هلا بيكم تعالو ولد اختي شربو جاي

يزن ...هلو خالو طارق شلونك

انمار .....هلو خالي شونك

فرقد ...ياهلا ومرحبا لزمت ايد سابين ورصيتها بس مو قوي ردت اكوم ودنكت كتلها كومي لبسي حجاب

يزن ...عيوني وكعت على بنت تخبل معرف شنو صار بيه تخربط حالي وتلبكت اول مره اشوفها اوويلي منو هاي سبلت عيوني وصفنت عليها

وبعدين صحيت ورحت سلمت على خالي ومرت خالي وردو السلام سالت فرقد الي تقرب مني وسلم عليه وضرب جتفو بجتفي هذا سلام بيني وبينو وهمستلو منو هالحلوه

فرقد ...منو تقصد

يزن يضحك بخبث ويغمزلو ...هاي اليم بيبي الجنت كاعد يمها وهمستلها قبل لتكوم

فرقد ...وان شاءالله سمعت شهمست

يزن ...لا والله ماسمعت بس شفت

فرقد ...اي نزل عيونك عنها لا افكسها الك هاي بنت عمي طارق

يزن ...شدعوا بنت عمك يول اعتقد هيه بنت خالي هم شصار قابل خليني ادحك اول مره اشوف وحده من عشيرتنه حلوه والله الجمال البغدادي ماعلي حجي

فرقد وهوه يصك سنونو بغضب ...تريد تنطب انت صار زمان ماطبيتك رصيت ايدو نزل عيونك

يزن ...دحكت الو جانت عيونو بكصتو وتجدح نار وشرار كبل تلاحكت نفسي

لا اروح اوكع جوى ايدو والله محد يفكني منو ..فرقد ترى اشاقه والله موقصدي شي اعتذر منك

فرقد ...هاي الامور مابيها شقه وانت تماديت

يزن ...اي اعتذر منك لفها وتعال برى

فرقد ...طلعو مرت عمي وبيبي وامي للاستقبال يشربون جاي وضلت سابين ووتين وهاجر بالمطبخ كلت ليزن اسبقني انت اني هسه اجي ،،هاجر طلعي جيبي حجاب لايلين

سابين ..بس اني ما البس حجاب

فرقد ...صحت بيها مو بكيفج دام انتي هنا تلبسين حجاب ومن تولين عساج لا لبستي ...حررررف ما اسمع منج زين كلامي تمشي افتهمتي

هاجر ..فرقد اهدء اي راح تلبسو هسه اقنعها

سابين ...والله ما البسو شنو منو هوه حتى يتحكم بيه امي لو ابويه

هاجر ...ايلين فدوة بلا عناد الله يخليج فرقد وتعرفي اعصاب محد يحملو

سابين ...اي اي خلي يتعصب شسويله والله يالله

هاجر ..عود لو سطرج بكفخه ع راسج وكتها خلي كلامج يفيدج

سابين ...ما البس يعني ما البس كلامه ميمشي عليه

هاجر ...والله انتو واحد اعند من الثاني شعليه اني سوي البراسج

وتين ...هاجر ايلين تعالو جت مره وبنيه ما اعرفهم وبيبي تكول تعالوا سلموا

هاجر ..اكيد عمه انغام وبنتها اراده الحيه هفففف شكد غثيثه هل بنت

سابين ...منو هاي ما اعرفها

هاجر ...اي لان انتو متجون متعرفون احد

سابين ..يلا عجل نروح نشوفهم

هاجر ..وين يمعوده لبسي هالحجاب شلون ماجان بس تكفي شر فرقد

سابين ...كتلج لو يموت مايحكمني يلا امشي

هاجر ...اللهم طولج ياروح انتي ويا واحد اعند من الخ شعليه حارگه اعصابي ..عود تفاهمي ويا لو تخبل عليج

وتين ..شكو !!؟؟

سابين ...كلشي امشي جدامي
فتت شفت مره قصيره شويه سمينه ولابسه اسود ومناظر

و وياها بنت ضعيفه مو كلش حلوه وشويه طويله

تلكتني ماما وبيبي تعالي ايلين تعالي سلمي على عمتج انغام وبنتها

مشيت وهيه تصلي على النبي صلاوات على النبي ماشاء الله شهل جمال الله يحميج من العين وعيني عليج بارده بوستها ورجعت كعدت يم ماما

جان تكول بيبي سلمي على البنيه كمت بوستها شلونج ردت بخير من ورى خشمها ما حبيتها من فتت هي تدحك علي بنظرات غريبه

هاجر فاتت ورايه وسلمت عليهم كعدو سوالف وعمه تكول ليش متجون وليش منشوفكم هالكطعه نكطعتو عنا

سناء ...والله مشاغل الحياة تاخذ من الانسان قطعه وتعرفين دوام

انغام ...اي والله واكيد موت ايلين اثر عليكم ((هنا ماما ردت ببرود اعصاب))

سناء ..لا ام انمار انتي مشتبهه لان الي ماتت سابين وهاي ايلين كبالج

((طبعا عمه انغام ماشايفتنه بس مره وحده من انولدنا فتعرف انو ام عيون ملونه ايلين

فعمه سالت ماما بس مو اتذكر ايلين جانت عيونها ملونه لو مخربطه اني

سناء ..لا حبيبتي مخربطه العيونها ملونه سابين مو ايلين ((هنا عكست سناء الموضوع والماتت سابين وهاي ايلين))

غمزتلها بيبي انو تسد الموضوع ومرت عمي علي كالتاها يلا انغام تعالي بس اشوفج شغله سحبتها لان اذا تبقى تصير مشكله

صاحتني ماما وكالت تعالي يمي اشمج ماما جنت احسها مريضه مو بوعيها ولاتصرفاتها صحيحه جنت اشك بيها مرض نفسي ..

بس وكتها ماجنت اعرف شنو معنى المريض النفسي بس جنت احس انها مو طبيعيه

اول ماطلعت عمه انغام وهناء مرت عمي ..وبيبي كامت راحت للخطار ويه بابا وعمو علي ..

كعدت ضلينا بس اني وماما ووتين ماما كبل سدت الباب وبدون سابق انذار ضربت وتين راشدي سطرتها بالكاع بدون اي سبب بس لان عمه انغام

ذكرتها بأيلين

الراشدي طبع على وجه وتين بس وتين بهذيج اللحظه مبجت ولاصاحت مع العلم الضربه قويه وكانو تعلمت او بعد متحس بضربات سناء

كامت وكفت ولزمتها ماما من شعرها وضلت تجر بي وترزل بيها وهيه صاكه على سنونها ومعصبه

وتكوللها كم مره كتلج لاتتفرفرين جثير بالبيت البارحه صوتج لجوى يلعلع بالبيت وهيه البارحه ولا طلعلها صوت اصلا

بس لانها جانت معصبه رادت بس حجه حتى اتطلع قهرها بوتين ..

اني وكفت اريدها تهد شعرها واتوسل بيها بس لاحياة لمن تنادي من تقفل ماما خلص محد يكدر يحلها ..

المهم كمت ابجي واكوللها خطيه عوفيها وتين ماطلعلها صوت بس لازمه ايد ماما الي داتسحب بشعرها وتهزه براسها بكل الاتجاهات لازمه ايد ماما حتى تخفف الوجع الي تحس بي

بس منزلت الها دمعه مكدرت افكها وابعدها عن وتين الا هيه برد كلبها وخلصت عصبيتها يلا تركتها

عدلت نفسها وسحبتني من ايدي وضلت وتين بلغرفه ..

اني بالي عليها ومن طلعت امبين عليه باجيه تحججت كتلها راح اروح اغسل واجي

سناء ...اوقتلج خمس دقايق اذا ماجيتي ياويلها اكمل عليها والله (تقصد وتين)

سابين ...خفت ادري ترجع وتضربها لاختي اتجفيت الشر وكتلها لالا والله بس اغسل وجهي عسريع واجي

رحت ع السريع غسلت واني طالعه شفت فرقد راح للمطبخ اني ركضت علي شافني وعكد حاجبو عليه

كبل كتلو فدوة فرقد وتين موزينه بالغرفه مالتنا بس روح شوفها بس لتكول لاحد بس طلعها برا او فوك للغرفه النمنا بيها البارحه وهسه اجي اني عفتو ورجعت كعدت يم ماما

فرقد ...من شفت سابين مالابسه شال وجايه عليه عصبت لان كسرت كلمتي وكلت هسه الزك راسها بالحايط

بس قبل لا احجي كالت وتين موزينه انصدمت شبيها يربي ركضت فتحت الباب شفت شعرها مكفوش و وجها احمر بي اثر ضرب وعيونها مغوركه وهيه بالكاع وترتب بشعرها

من فتت كبل كامت وابتسمت وعيونها مغوركه كلبي انمرد عليها شلتها كبل وهيه گصيرونه وركضت بيها على غرفتي ..

كعدتها ع التخت وجبتلها نساتل وجبوسه ومشط مالتي كعدت ارتب بشعرها سالتها شبيج شصاير امج ضربتج فتحت نستله تاكل ودموعها تنزل

اسكت بيها ما تسكت بس تنزل دموعها وتاكل وشفتها مبرطمه من الزعل اووووف شكد نقهرت عليها

((للعلم محد يعرف بالتفرقه التصير بين سابين ووتين بالبيت ولا احد يعرف معامله طارق وسناء لوتين ))

بس اريد اعرف شصاير نوب خدها احمر دم تذكرت من ضربت سابين وكمت ادعي بيني وبين نفسي انو تنكسر ايدي بساعه الي تنمد ع سابين

كمت جبت ثلج من البراد وخليتو بالشماغ مالتي وخليتو ع خدها فزت لان بارد .

صبري توته حتى يخف الحمار على خدج

وتين ...ماكو داعي فرقد ميوجع

فرقد ...شلون يعني ميوجع شوفي شلون ايدها طابعه على وجهج

وتين ...اي عادي ميوجع لان جسمي مدمغ ع هل شي لينشغل بالك عادي عادي هههههه

فرقد ...عرفت وكتها انو هيه دتعاني من امها وانو متعلمه بس محد يتعلم ع الضرب ويصير عادي عندو اله الي عايش بعنف طفولي وديتوجع عرفت انها مو اول مره تنضرب

زين توته ليش ضربتج شنو صار حتى امج اتخبلت هيج

وتين ..لان عمه انغام كالت ايلين ماتت ليش مسميه سابين ايلين

فرقد ...بله هذا سبب صدك جذب

وتين ...اي سبب انضرب علموده

فرقد ..اي بس انتي شعليج انغام هيه الكالت انتي شكو

وتين بحزن ...اي معرف هيه هيج معاملتها الي متحبني

في مكان اخر ..

سابين ...طلعت من الاستقبال وركضت فوك اشوف وتين فتحت الباب ماكو احد ركضت فتحت باب غرفة فرقد شفتهم اثنينهم كاعدين ع الجرباية ...

وللحكاية بقية .....

- اريد الصُراخ بكل ما أوتيتُ من ألم
فـ هناك مواجع بـ قلبي بحجم السماء
وبحار من البكاء وكواكب من الحُزن
وكون من الضياع والتبعثر والانين
اللهي انقذ شخصاً قد ذاق الموت
مراراً وتكراراً حد الحطام 💔

#يتبع ...


بالنسبة للي يسألون عن اعمار الابطال بهاي الاحداث الحالية جانت سنة ٢٠٠٨ فرقد مواليد ٩٠ يعني عمرو ١٩ سنة وسابين مواليد ٩٤ يعني دخلت ال١٥ سنة ووتين ٩٦ يعني ١٣ سنة واحمد مواليد ٨٢ يعني تقريبا ٢٧ سنة جان عمرو وهاجر ٩٣ يعني ١٦ سنة .... ان شاءالله صار معلوم

وهاي نشرت 5 😍بارتات تعويض

اتحملوني هالأسبوع عل الاختفاءات 😂💔..منا لمن اخذ صورة تخرج ونخلص من هالهم🤧

#ملوكه

اللي ديسألون عل اسم الكاتبة قصة
مااعرف حبايب..لان الكاتبة ناشرته وماذاكرة اسمها☹️

#ملوكه

حبي اني اللي ادري ومجربته منتجات جونسون تناسب الاطفال والكبار..فماركة كريس مااعرف عنه

واذا بشرتج عاديه فاخذي غسول كلين كلير او سيرافي..والتونر ماتحتاجيله اذا معتنية ببشرتج

والعنايات الروتينة بالبشرة من تقشير مرة بالأسبوع وغسول يومي ..وماسك بياض البيض فد مرتين بالأسبوع..وماسك التمن فد 3 مرات بالاسبوع..والترطيب اليومي وماي اشربي اهواي

فتطلع بشرة تخبل اذا باستمرار عل هج عناية🥰✨

#ملوكه

عيوني سيروم فيتامين سي..من فوائده يغذي البشرة ويطي نظارة ويقلل من تصبغات خفيفة..
تكدرين تستعملين وي ديرمابن او بدونه

وزيت الخروع اذا للرموش فيثخنه..
وماانصحكم باستعماله للعين لانو اغلب العيون حساسة...ف وي الاستمرار يسوي اكياس دهنية🤦‍♀💔

فاذا تريدين لتطويل الرموش استعملي فازلين

#ملوكه

حبي هاللون يرهم وياه شال بيجي الفاتح والأسود

والبطرون جينز والشوز ابيض لو بيج بلون الشال🥰✨

#ملوكه

حبيبتي الرووس السود ماكو شي يزيلهن بشكل نهائي

لان من دهون الوجه تتجمع و تطلع
فانتي كل اسبوع سوي عنايات من تقشير وغسول وماسك بياض البيض🙃🦋

#ملوكه

3⃣طرق لازالة الرووس السود

واسهل طريقة ومتوفرة بكل بيت..هي الطريقه الاولى 😻💜ماسك بياض البيض

#اعـاده_توجيـــہ_لصديقتج
#ملوكه
@stylegrils

أكثر الاسىلة اللي اهواي متكررة ويعانون منها البنات

حبايب اذا الدورة اتقدمت أو اتأخرت كم يوم أو أسبوع..أو اجت قليل او لنكول بالشهر اجت مرتين...
هذيني كلهن عادي لأن خربطات هرمونية

بس اذا أتاخرت شهرين واكثر وتكررت الحالة فكون تراجعين دكتورة☺️🌸

#ملوكه

ههههه..عاد النسوان ماشاء الله عليهن مايقصرن يستلمن الشخص اكس مربع😂🤦‍♀

طبعا ذكرتيني عل سالفة الكعب ..اهواي صارت مواقف بالعرايس علمود الكعب..لو الكعب انكسر لو بنص الركص😂 انلوت رجلها وانكسر لو ناسيته بالصالون..فأي وحده تعرس أخذن كعبين احتياط🙃..

#ملوكه

اشويه وانزل بقيه استفسارات بالسرة دارد عليهن🥰✨

#ملوكه

حبي المعاهد اللي بالنجف..معهد اداري؛ تكنولوجي؛ فنون؛ زراعة؛ طبي ؛
وكل قسم بي فروع..فكون تشوفين كل معهد وتستفسرين🌚🌺

#ملوكه

تجربة هالبنوتة لاستعمالها هالمرطب

تسلمين عمري🙃💞

#ملوكه

عيوني هاللون يمكن اسمه اشقر ذهبي..وينرادله تخلطين جم عصارة يله تطلعين هاللون🙂🦋
فكون تشوفين فد وحده صالون وتسفتسرين منها

#ملوكه

وفف🥺💔..يي كومه احداث شيقة بي
وهي طويله

#ملوكه