ﻱ ﺑﻴﻪ ﻣﻴﺼﻴﺮ ﻫﻴﺞ ﻭﻳﺒﺠﻲ ﻭﻧﻬﺎﺭ ﻃﻠﻌﻨﻲ ﺍﻻﻣﻦ ﻟﻠﺤﺪﻳﻘﻪ ﺍﺑﺠﻲ ﻭﺍﺻﻴﺢ ﻭﺍﺿﺮﺏ ﺑﺎﻟﺸﺠﺮﻩ ﺗﺨﺒﻠﺖ ..
ﺭﺣﺖ ﺍﺳﺘﻠﻤﺘﻬﺎ ﺍﺧﺬﺗﻬﺎ ﺟﻨﺎﺯﺓ ﻓﺼﻠﺖ ﻋﻦ ﺍﻟﺪﻧﻴﺎ ﺣﺎﺿﻨﻬﺎ ﺑﺎﻟﺴﻴﺎﺭﻩ ﻭﺍﺑﺠﻲ ﻭﺩﻣﻮﻋﻲ ﻣﺎ ﻭﻛﻔﺖ ﻓﺘﺖ ﻟﻠﺒﻴﺖ ﺳﻨﺎﺀ ﺗﺼﻠﻲ ﺷﺎﻓﺘﻨﻲ ﺷﺎﻳﻠﻬﺎ
ﺳﻨﺎﺀ ... ﻫﺎ ﺷﺒﺴﺮﻋﻪ ﻃﻠﻌﺘﻮﻫﺎ ﺍﻥ ﺷﺎﺀ ﺍﻟﻠﻪ ﻣﺎﺑﻴﻬﺎ ﺷﻲ
ﻃﺎﺭﻕ ... ﻛﻌﺪﺕ ﺑﺎﻟﻜﺎﻉ ﻟﻤﻴﺘﻬﺎ ﻟﺼﺪﺭﻱ ﻭﺻﺤﺖ ﺍﻭﻭﻭﻭﻭﻭﻭﻭﻭﻑ ﺍﺧﺬﻭ ﺭﻭﺣﻲ ﻣﻨﻲ ﺳﻨﺎﺀ ﻭﻛﻌﺖ ﺑﺎﻟﻜﺎﻉ ﻭﺍﻏﻤﻰ ﻋﻠﻴﻬﺎ ..
ﺍﻟﺠﻴﺮﺍﻥ ﺷﺎﻟﻮﻫﺎ ﺍﻟﻨﺴﻮﺍﻥ ﻭﻓﻮﺗﻮﻫﺎ ﻭﺍﻧﻲ ﺣﺎﺿﻨﻬﺎ ﺳﺎﺑﻴﻦ ﻭﻭﺗﻴﻦ ﺟﻮ ﻳﺒﺠﻮﻥ
ﻭﺳﺎﺑﻴﻦ ﻛﺘﻠﺖ ﻧﻔﺴﻬﺎ ﻭﺍﻧﻲ ﺭﺍﺳﻲ ﺣﺴﻴﺘﻪ ﺭﺍﺡ ﻳﻨﻔﺠﺮ ﻣﻦ ﺍﻟﺒﺠﻲ ﻭﺍﻟﺘﻌﺐ ﺍﻧﻬﺎﺭﻳﺖ
ﺧﻠﻴﺘﻬﺎ ﻋﻠﻰ ﻛﺘﻔﻲ ﻭﻧﻤﺖ ﻋﻠﻰ ﺿﻬﺮﻱ ﻭﻫﻴﻪ ﻓﻮﻛﻲ ﻭﺯﻳﺎﺩ ﻭﺍﻟﺰﻟﻢ ﺍﻟﻮﻳﺎ ﺍﺧﻮﻳﻪ ﻣﻴﺼﻴﺮ ﺍﻛﺮﺍﻡ ﺍﻟﻤﻴﺖ ﺩﻓﻨﻪ
ﺷﻨﻮﻭﻭﻭﻭﻭ ﻣﻨﻮ ﻛﺎﻝ ﻣﻴﺘﻪ ﺷﻮ ﻃﻠﻌﻮ ﺑﺮﺍﺍﺍﺍﺍ ﺑﻴﺘﻲ ﻳﻼﺍﺍﺍﺍﺍ ﺑﺮﺭﺭﺭﺭﺍ ﻃﻠﻌﺘﻬﻢ ﻭﻗﻔﻠﺖ ﺍﻟﺒﺎﺏ
ﻭﻫﻤﻪ ﻳﺪﻛﻮﻥ ﻋﻠﻴﻪ ﻭﺟﺎﺑﻮ ﺷﻴﺦ ﺍﻟﺠﺎﻣﻊ ﻳﺤﺠﻲ ﻭﻳﺎﻳﻪ ﻭﻣﺎﻓﺘﺤﺖ ﺍﻟﺒﺎﺏ ﻭﺿﻠﻴﺖ ﺣﺎﺿﻨﻬﺎ ...
ﺳﺎﺑﻴﻦ .. ﻣﻦ ﺟﺎﺑﻬﺎ ﻋﺮﻓﺖ ﻣﺎﺗﺖ ﻛﻌﺪﺕ ﺑﺲ ﺍﺑﺠﻲ ﻭﺍﺿﺮﺏ ﺍﺑﺎﺑﺎ ﺍﻧﺘﻪ ﻣﺎﺣﺒﻴﺘﻬﺎ ﺍﻧﺘﻪ ﻣﺎﺟﻨﺖ ﺍﺏ ﺍﻟﻬﺎ
ﺟﺎﻧﺖ ﺗﺘﻤﻨﻰ ﺗﻌﺎﻣﻠﻬﺎ ﻣﺜﻠﻲ ﺍﻧﺘﻮﺍ ﻣﻮﺗﻮﻭﻭﻭﻭﻧﺎ ﻟﺸﻮﻛﺖ ﺗﻌﺎﻣﻠﻮﻭﻭﻧﺎ ﻫﻴﻴﻴﻴﻴﺞ ﻣﻮﺗﻮﻭﻭﻭﻭﻧﺎ ﻣﻮﺗﻮﻭﻭﻭﻭﻭﻧﺎ
ﺭﺍﺣﺖ ﺗﻮﺃﻣﻲ ﺭﺍﺣﺖ ﺧﺴﺮﺕ ﺭﻭﺣﻲ ﻭﻧﺼﻲ ﺍﻟﺜﺎﻧﻲ ﺭﺟﻌﻮﻭﻭﻫﺎ ﺍﻟﻲ ﺍﺭﻳﺪﻫﺎ ﻭﺍﻟﻄﻢ ﻭﺍﺑﺠﻲ
ﻭﻫﺎﻱ ﻣﺘﻜﻌﺪ ﺭﺣﺖ ﻟﻐﺮﻓﺘﻨﺎ ﺧﺮﺑﻄﺖ ﻛﻞ ﻣﻼﺑﺴﻬﺎ ﻛﻮﻣﻲ ﺷﻮﻓﻲ ﺷﺴﻮﻳﺖ ﻟﺞ
ﻛﻮﻭﻭﻣﻲ ﺗﺮﻭﺣﻴﻦ ﻭﺗﺘﺮﻛﻴﻨﻲ ﻣﻮ ﻣﺘﻮﺍﻋﺪﻳﻦ ﻧﺼﻴﺮ ﺩﻛﺘﻮﺭﺍﺕ ﺳﻮﺍ ﻭﺍﻟﻠﻪ ﻣﺎﺗﺴﺘﺎﻫﻠﻴﻦ ﺍﻧﺜﺮ ﺑﺎﻟﻤﻼﺑﺲ ﻭﺍﺻﻴﺢ ﻭﻟﺞ ﻛﻮﻭﻭﻭﻭﻭﻣﻲ ﻛﻮﻭﻭﻭﻭﻣﻲ ...
ﺟﺖ ﻭﺗﻴﻦ ﺣﻀﻨﺘﻲ ﺗﻜﻮﻝ ﻳﻌﻨﻲ ﺭﺍﺣﺖ ﻟﻴﺶ ﻣﺎ ﺳﺎﻋﺪﻭﻫﺎ ﻫﻴﺎﺗﻨﻲ ﻭﺻﻠﺖ ﺍﻟﻤﻮﺕ ﺑﺲ ﻣﺎ ﻣﺘﺖ
ﻭﺍﻧﺘﻲ ﻣﺘﻲ ﻣﺮﺗﻴﻦ ﻭﺭﺟﻌﺘﻲ ﻟﻴﺶ ﻫﻴﻪ ﻣﺎﺗﺖ ﻛﺒﻞ ﻟﻴﻴﻴﻴﻴﻴﺶ ﺧﻠﻲ ﺗﺮﺟﻊ ﻭﺍﻟﻠﻪ ﺍﺧﺪﻣﻬﺎ ﺑﻌﻴﻮﻧﻲ ﺧﻠﻲ ﺗﺮﺟﻊ ﺍﺧﺘﻨﺎ
ﻭﺗﻴﻦ ... ﻭﺭﺍ ﺍﺭﺑﻊ ﺳﺎﻋﺎﺕ ﺑﺎﻟﺒﻴﺖ ﺑﺠﻲ ﻛﺎﻡ ﺑﺎﺑﺎ ﻭﻛﺎﻝ ﺳﻨﺎﺀ ﺗﻌﺎﻟﻲ ﻏﺴﻠﻴﻠﻬﺎ
ﻭﻫﻴﻪ ﻣﺜﻞ ﺍﻟﻤﺨﺘﻠﻪ ﻭﺻﺎﺑﻬﺎ ﺧﺒﺎﻝ ﺑﻌﻘﻠﻬﺎ ﺗﺼﺮﺥ ﻭﺗﻜﻮﻝ ﻫﺎﻱ ﻣﻮ ﺍﻳﻠﻴﻦ ﺍﻟﻤﺎﺗﺖ ... ﻣﺎ ﻋﻠﻴﻪ ﺍﻧﻲ ﺑﻨﺘﻲ ﻣﺎ ﻣﺎﺗﺖ ﻭﺗﺼﻴﺢ
ﻓﺎﺕ ﺑﺎﺑﺎ ﻳﻐﺴﻠﻠﻬﺎ ﻭﺍﺣﻨﺎ ﻭﻳﺎ ﺟﺎﻥ ﻣﺎﻛﺪﺭ ﻃﻠﻊ ﻛﺴﺮ ﺍﻟﺒﻴﺖ ﻭﺍﺣﻨﺎ ﻃﻠﻌﻨﺎ ﻧﻜﻠﻪ ﺷﻨﻮ ﻧﺴﻮﻱ ﻭﻧﺒﺠﻲ
ﺟﺎﻥ ﺟﺤﻴﻢ ﻧﻄﻠﻊ ﻣﻦ ﺣﺎﺩﺙ ﻧﻔﻮﺕ ﺑﺤﺎﺩﺙ ﺍﺣﻨﺎ ﺍﺷﺒﻪ ﺑﻌﺎﺋﻠﻪ ﻣﻠﻌﻮﻭﻭﻧﻪ ﻧﺰﻟﺖ ﺍﻟﻬﺎ ﻟﻌﻨﻪ ﻣﻦ ﺍﻟﺴﻤﺎﺀ ﺍﻟﺴﺎﺑﻌﻪ ﻣﺎﺷﻔﻨﻪ ﻳﻮﻡ ﺳﻌﻴﺪ ﺑﺤﻴﺎﺗﻨﻪ ﻭﻳﺎﻫﻢ ﺣﻴﺎﺗﻨﻪ ﻛﺎﻧﺖ ﻋﺒﺎﺭﺓ ﻋﻦ ﻟﻌﻨﺎﺕ ﻣﺘﺘﺎﻟﻴﻪ
ﺍﻧﻲ ﻧﺰﻟﺖ ﻣﻦ ﺍﻟﻜﺮﺳﻲ ﻭﻛﺘﻠﻪ ﺑﺎﺑﺎ ﺷﻨﺴﻮﻱ ﻛﺎﻝ ﺳﺒﺤﻮﻫﺎ ﻭﻛﻠﺖ ﻟﺴﺎﺑﻴﻦ ﺗﻌﺎﻟﻲ ﻧﺴﺒﺤﻬﺎ
ﻫﻴﻪ ﺑﺎﻟﺤﻤﺎﻡ ﻣﺪﺩﻫﺎ ﺣﺎﻭﻟﻨﺎ ﻧﺰﻋﻬﺎ ﻣﻼﺑﺴﻬﺎ ﺑﺲ ﺟﺎﻧﺖ ﺛﻘﻴﻠﻪ ﺟﺜﻪ ﺑﻤﻜﺎﻧﻬﺎ ﻭﺍﺣﻨﺎ ﺻﻐﺎﺭ
ﺭﺣﻨﺎ ﺟﺒﻨﺎ ﻣﻜﺺ ﻭﻛﺼﻴﻨﺎﻫﺎ ﻧﻄﺶ ﻣﻲ ﻭﻳﻨﺰﻝ ﺩﻡ ﻭﻣﺎﻳﻮﻛﻒ ﺷﻜﺪ ﺫﺑﺖ ﺩﻡ ﻧﻄﺶ ﻭﻧﺒﺠﻲ ﻭﻧﻠﻄﻢ ﻭﻣﺎﻳﻮﻛﻒ ﺍﻟﺪﻡ ﻃﻠﻌﺖ ﻛﺘﻠﻮ ﺍﻟﺪﻡ ﻣﺎﻳﻜﻒ ﻛﺎﻝ ﻫﺎﻫﻴﻪ ﻃﻠﻌﻮﻫﺎ ...
ﺳﺎﺑﻴﻦ .. ﺑﺎﺑﺎ ﻣﻨﻜﺪﺭ ﻧﺸﻴﻠﻬﺎ
ﻃﺎﺭﻕ ﺑﺘﻌﺐ .. ﺫﺑﻮ ﻋﻠﻴﻬﺎ ﺍﻟﻤﻨﺸﻔﻪ ﻭﺍﻧﻲ ﺍﺷﻴﻠﻬﺎ ..
ﺳﺎﺑﻴﻦ ... ﻓﺘﻨﺎ ﻏﻄﻴﻨﺎﻫﺎ ﻭﺑﺎﺑﺎ ﺷﺎﻟﻬﺎ ﻭﺟﺎﻥ ﻓﺎﺭﺵ ﻏﻄﺎ ﺍﺑﻴﺾ ﺧﻼﻫﺎ ﻋﻠﻲ ﻭﻟﻔﻬﺎ ﻫﻴﻪ ﻭﺍﻟﻤﻨﺸﻔﻪ
ﻭﺿﻞ ﻳﺒﺠﻲ ﻭﺍﻟﻜﻔﻦ ﺻﺎﺭ ﻛﻠﻪ ﺩﻡ ﺿﻞ ﻳﺒﺠﻲ ﻭﺍﺣﻨﺎ ﺟﻔﺖ ﺩﻣﻮﻋﻨﺎ ..
ﺳﻨﺎﺀ ﻭﺍﻛﻔﻪ ﻳﻢ ﺍﻟﺒﺎﺏ ﻭﺗﺼﻴﺢ ﻣﻮ ﺑﻨﺘﻲ ﻣﻮ ﺑﻨﺘﻲ ﻻﻻ ﺟﻨﺖ ﺭﺳﻤﻲ ﺑﻬﺬﻳﺞ ﺍﻟﻠﺤﻈﻪ ﺍﺧﺎﻑ ﺟﺎﻥ ﺑﺎﻗﻲ ﺷﻮﻳﺔ ﻋﻘﻞ ﻋﻨﺪﻫﺎ ﺑﻬﺬﺍﻙ ﺍﻟﻴﻮﻡ ﻓﻘﺪﺗﻮ ﻭﻣﺎﺿﻞ ﻋﺪﻫﺎ ﻭﻻﺷﻮﻳﺔ ﻋﻘﻞ
ﻃﻠﻌﻮﻫﺎ ﺍﻟﻤﺤﻄﻪ ﻛﻠﻬﺎ ﻻﺑﺴﻪ ﺍﺑﻴﺾ ﺍﻟﻜﺒﺎﺭ ﻭﺍﻟﺼﻐﺎﺭ ﻭﺷﺎﻳﻠﻴﻦ ﺗﻤﻦ ﻭﺣﺎﻓﺮﻳﻦ ﻛﺒﺮﻫﺎ
ﻳﻤﺸﻮﻥ ﻭﻳﺮﺷﻮﻥ ﻋﻠﻴﻬﺎ ﺍﻳﻠﻴﻦ ﺍﻟﻠﻪ ﺍﺧﺬﻫﺎ ﻭﻃﻴﺮ ﺑﺎﻟﺠﻨﺔ ﺻﻨﻔﻬﺎ ﻳﺎﺭﺏ ﻧﺪﻋﻲ ﻳﺨﻠﺼﻬﺎ ﻣﻦ ﻭﺣﺸﺘﻪ ﻭﺿﻠﻤﺘﻪ ‏( ﺍﻟﻘﺒﺮ ‏)
ﻭﻳﻜﺒﺮﻭﻥ ﻭﻳﺼﻠﻮﻥ ﺍﻟﻰ ﺍﻥ ﻭﺻﻠﻨﺎ ﺍﻟﻜﺒﺮ
ﺳﺎﺑﻴﻦ ﻭﻭﺗﻴﻦ ... ﺟﻨﺎ ﺣﺎﺿﺮﻳﻦ ﻣﻮﺗﺖ ﺍﺧﺘﻨﺎ
ﻣﺎﺗﺖ ﺑﺴﺮﻋﻪ ﻣﺎﻗﺎﻭﻣﺖ ﻣﺎﺷﺪﺕ ﻋﻠﻰ ﻧﻔﺴﻬﺎ
ﻧﺤﺘﺎﺟﻬﺎ ﻭﻳﻦ ﺭﺍﺣﺖ ﻧﺒﺠﻲ ﻭﻧﺸﻮﻓﻬﻢ ﻳﻐﻄﻮﻫﺎ ﺑﺎﻟﺘﺮﺍﺏ ﻭﺑﺎﺑﺎ ﻓﺎﺕ ﺑﺎﻟﻜﺒﺮ ﻭﻳﺎﻫﺎ
ﻭﻳﺸﻴﻞ ﺍﻟﺘﺮﺍﺏ ﻭﻳﻄﻠﻌﻮ ﻭﻫﻤﻪ ﻳﻄﻠﻌﻮﻥ ﺑﻲ ﺣﺘﻰ ﻳﻜﻤﻠﻮﻥ ﺍﺣﻨﺎ ﻣﺎﻧﻌﺮﻑ ﺷﻨﻮ ﻛﺒﺮ ﻟﻴﺶ ﻣﺎﺗﺖ ﻭﻳﻦ ﺭﺍﺣﺖ ﻣﺎﺗﺖ ﻭﻻﻧﻜﺪﺭ ﻧﺤﺠﻲ ﻭﻳﺎﻫﺎ
ﺳﺎﺑﻴﻦ ... ﺍﻛﻮﻟﻠﻬﺎ ﺭﺍﺡ ﺗﺨﺘﻨﻚ ﻫﻴﺞ ﻭﻳﺒﺠﻮﻥ ﻻﺗﺬﺑﻮﻥ ﺍﻟﺘﺮﺍﺏ ﻳﺨﻨﻚ ﺭﺍﺡ ﺗﺨﻨﻜﻮﻫﺎ ﻋﻮﻓﻮﻫﺎ ﻭﻛﻌﺖ ﻣﻦ ﻃﻮﻟﻲ ﺑﺎﻟﻜﺎﻉ
ﻭﺗﻴﻦ .. ﺟﻨﺖ ﺻﺎﻓﻨﻪ ﻭﺩﻣﻮﻋﻲ ﺗﺠﺮﻱ ﻭﺍﺑﺠﻲ ﻭﺍﺷﻬﻚ ﺍﺭﻳﺪ ﺍﺧﺘﻲ ﻭﻣﺎﻛﻮ ﺍﺣﺪ ﻳﻌﻮﺿﻨﻲ ﺍﻟﺨﺴﺮﺗﻮ
ﺿﻠﻴﺖ ﺍﺑﺠﻲ ﺑﺎﻟﻜﻮﻩ ﺍﻓﺘﺢ ﻋﻴﻮﻧﻲ ﺍﻻ ﺍﻥ ﺧﻠﺺ ﺑﻌﺪ ﻣﺎﻳﺒﻴﻦ ﻣﻨﻬﺎ ﺷﻲ ﺻﺎﺭﺕ ﺟﻮﻯ ﺍﻟﻜﺎﻉ ..
ﺑﺎﺑﺎ ﺿﻞ ﻳﺒﺠﻲ ﻓﻮﻙ ﺍﻟﻜﺒﺮ ﻗﺮﻭﺍ ﺍﻳﺎﺕ ﻭﺻﻠﻮﺍ ﻋﻠﻴﻬﺎ ﻭﻛﻠﻤﻦ ﺭﺟﻊ ﻭﺿﻠﻮﺍ ﺍﻟﻘﻠﻴﻞ ﻭﺍﺣﻨﺎ ﺑﻘﻴﻨﺎ
ﻃﺎﺭﻕ .. ﻳﻼ ﺍﺭﺟﻌﻮﺍ ﺑﻨﺎﺕ
ﻭﺗﻴﻦ .. ﺍﻧﻲ ﻣﺎ ﺍﻗﺒﻞ ﺑﺎﺑﺎ ﺷﻠﻮﻥ ﻧﺘﺮﻛﻬﺎ ﺷﻮﻑ ﺻﺤﺮﺍﺀ ﺧﺎﻑ ﺑﻌﺪ ﻧﻨﺴﺎ ﻣﻜﺎﻧﻬﺎ ﻣﻨﻜﺪﺭ ﻧﺮﺟﻌﻠﻬﺎ ﺧﻄﻴﻪ ﻫﺴﻪ ﺗﺨﺎﻑ ﻭﺣﺪﻫﺎ ﻫﻨﺎ ﺑﻬﻞ ﺟﻮﻟﻪ ﺍﻧﻮﺏ ﺑﺎﺑﺎ ﻛﺎﻡ ﺯﺍﺩ ﺑﺎﻟﺒﺠﻲ
ﻭﻟﻠﺤﻜﺎﻳﺔ ﺑﻘﻴﺔ ....
ﻳﺎﻃﺎﺭﻕِ ﺍﻟﺒﺎﺏِ ﺭﻓﻘﺎً ﺣﻴﻦ ﺗَﻄﺮﻗﻪُ ،ﻓﺈﻧﻪُ ﻟﻢ ﻳﻌﺪ ﻓﻲ ﺍﻟﺪﺍﺭِ ﺃﺻﺤﺎﺏُ، ﺗَﻔﺮﻗﻮﺁ ﻓﻲ ﺩﺭﻭﺏِ ﺍﻷﺭﺽِ ﻭّﻧﺘﺜﺮﻭﺍ، ﻛﺄﻧﻪُ ﻟﻢ ﻳﻜﻦ ﺃﻧﺲٌ ﻭﺃﺣﺒﺎﺏُ ..
ﻳﺘﺒﻊ .....

#الانتحار

#بارت15




مريض بأحدث مرض نفسي سيكتشفوه على الكوكب لن تلاقي احسن مني ولا اسوأ مني
-

وتين ...ضلينا يمها للفجر سابين نامت شكد لطمت واني اغفي من التعب وعيوني تحركني من البجي وبابا ميقبل يكوم يكول ما اتركها هسه تخاف ما اتركها ..

((زين ليش من جنت تضربها ومالها سبب متكول تخاف هسه من راحت صرت تخاف))

بابا مو ايلين نامت على التراب
بابا يصيح عوفونيييييي راحت قطعه من كلبي

مرت ساعه وهوه يبجي وينوح انوب يحجي وياها ويتوسل ترجع

بس بعدين كام على فجأة شال سابين وطلع واني مشيت الكرسي مالتي ورا

وصلنا للبيت وشفنا الكاع كلها گزاز والشبابيك مكسره والمعرض مال المواعين مكلوب وبالكاع متكسر

والمواعين كلها متكسره التلفزيون مكسور والثلاجه مكلوبه وحال ماما حاله مزريه

طارق ...من شفت البيت هيج اختنكت هاي بنتها الجانت تحبها هاي بنتها الفضلتها على كل خواتها راحت منها

حقها السوتو بلبيت فتت نيمت سابين بفراشها ورحت ادور على سناء

شفتها فايته بالمخزن ولازمه ملابس ايلين وتكول ايلين ماماتت سابين الي ماتت ..

ماماتت ذولي يجذبون عليه اي كلهم جذابين ...ايلين عايشة وسابين هيه الي ماتت ...

جانت حالتها منهاره ع الاخر تحجي مثل المخبله وفاقده عقلها كعدت اهدي بيها ماكو سناء فاقده ومو بوعيها ..

وضليت حاضنها للصبح صارت ساعه ٨ يلا نامت شويه وهيه تهذي بايلين

شلتها للتخت غطيتها ورحت بلحديقه اشرب جكاير والوم بنفسي اني شلون هيج فرقت بيناتهم ليش معاملتها مثل سابين

وضليت ع هل حاله للظهر وراها اجوي اهلي لان بلغتهم بوفاة ايلين كعدوا جبتلهم غدة من بره واتغدينه ولليل راحوا رجعوا لديرتهم ...

سناء ..من جابوها جثه فقدت ماردت اعترف انو هاي بنتي لا مستحيل هاي مو بنتي ماقبلت افوت اغسللها وطارق متحمل طلع كسر البيت ..

فاتت سابين ووتين الي همه صغار حييييل على هيج شي على تغسيل ميت

وانوب اختهم الي غسلولها طلعوها وجفنها طارق والكل نخبص بيهم الكل طلعوا يدفنوها

اني حسيت اخذو روحي وطلعو كمت الطم وابجي وكسرت البيت كله ماخليت بي شي عامر بالخير ..

بقيت الوب وروحي مفرفحه اريد استوعب موت بنتي ماكدرت تالي واني فاصلة عن الدنيا

كمت للكنتور طلعت المستمسكات مال العائلة واخذت جنسية سابين وحركتها

وخليت جنسيه ايلين ردت بس شويه امل انو الماتت سابين مو ايلين ..

ورحت اخذت قطعه من ملابسها وكعدت بالمخزن المكان الجانت تختل بي من يعصب ابوها ويكتلها

وكلت راح انتقم منك ياطارق الا اخذ بنتك منك واسويها ايلين واحرك كلبك مثل ماجنت معيشها برعب

رجع طارق ويه وجه الصبح وضل يحجي بس مكلتلو اني حركت جنسيه سابين ماعرف شلون تعبت و نمت كعدت ساعه ١١ الظهر ..

كمت نظفت ورتبت البيت وسويت اكل ورحت كعدت ايلين وفوتتها للحمام ...فوتي سبحي ماما

ومن فاتت اني حركت كل ملابسها اكو تنور مال بيت جيرانا تنور حطب

حركت بي كل ملابسها ورتبت ملابس ايلين بالكنتور وفات طارق وشافني ارتب بالملابس كال

طارق ..شصاير

سناء ..ها كلشي جاي ارتب ملابس ايلين بالكنتور

طارق وهوه مشدوه ..ها شنووووو

سناء ..اي اي جاي تسبح هسه تطلع شبيك ايلين خطية بالحمام دتسبح

طارق ...صفنت عليها هاي شجاي تحجي ايلين شنو واني اسمع صوت احد يسبح جان تطلع سابين من الحمام من طلعت تلكتها سناء

سناء ..يمه فدوة لعمرج ايلين حبيبتي تعالي امشط شعرج

طارق ..سابين استغربت وهيه اتدحك عليه ومتعرف شتسوي

سحبتها سناء وكعدت تمشطلها ولمت شعرها واني صافن عليها اكيد اتخبلت هالمراة

كملت شعرها وكالتلها يلا تعالي نتغده

سناء ..يله ايلين حبيبتي تعالي نتغدة

سابين ..جنت خايفه من امي واسوي اي شي تريدو مني

رحت وياها وكعدتني بحضنها وتخلي اكل بحلكي وتبوسني وتحضني ..

امي فقدت عقلها بسبب موت ايلين جانت تصرفاتها مو معقوله مال وحدة مخبله

وتين ..موت ايلين اثر علينه كلنه وصار البيت كئيب مابي حس مابي طعم

بيت مثل القبر صار اظلم جنت اشوف امي شلون تريد تقنع نفسها انو ايلين عايشة وسابين هيه الي ماتت

واحنه منكدر نحجي او نسوي شي بابا جان ساكت وخوفا ع امي سايرها ماعارض الي تسوي امي وخلاها ع خبالها

طارق ...احنه لازم نروح يم بيت اهلي مالنه عيشة بعد هنا راح اسوي نقل لمدرسة البنات هناك

واخذ بيت قريب ع بيت اخوي علي واخلي امي تعيش يمنه هم

سناء فاصلة ماجادلت طارق ملتهيه حاضنه سابين

طارق ..اوووف هاي غير طركاعه ووكعت ع راسي اكلت لكمة وكمت اغسل ورحت للغرفه اتمددت

اجتي سناء كتلها طلعيلي مستمسكات البنات حتى اسويلهن نقل ويايه

سناء ..ها شسمه جنسية
سابين احتركت

طارق انتفض بصدمة ..شنوووو شدتحجين انتي شلون احتركت

سناء ..مثل ماكولك جنسية سابين احتركت لان بنتك ماتت شنسوي بيها بعد للجنسية

طارق ..انتي اتخبلتي ولج شتريدين اتسوين كافي متحمل خبالج لحد هل يوم انوب تريدين تاخذين بنتي وتسويها ايلين

سناء ...لا هاي بنتي اني

افتهمت بنتك هيه الي ماتت اي سابين هيه الي ماتت

طارق ..يمعودة الخاطر الله بطلي خبالج الي ماتت ايلين افتهمتي ايليييييييين استوعبي هل شي

سناء بصرخه هزت اركان البيت ...كاااااااافي اتجذبون عليه بنتي عايشه وبنتك هيه الي ماتت ادري اتريد تاخذها مني بس عشم ابليس بالجنة هل شي الك

سابين ..جنه نسمع صياح وصريخ ابوية وامي ويتعاركون وكام ضربها وجنزها بزعنه من هل عيشة وتعبنه ياربي شوكت نخلص شووووكت

وتين ...ضلت ماما تكرر اسم ايلين تعالي وصارت تعامل سابين معامله ايلين الماتت

واهتمت بيها اكثر واكثر وزاد هالشي من معاملتها السيئه الي جنت مثل خدامه الها ولاختي الماجان بيدها اي حل الي ..

بس بابا مجان يكول ايلين لسابين جان يصيحها سابين ع طول وسناء تتخبل وتتعارك ويا وعلى هالحال جرت ايام وايام ..

سابين صارت مدلله من طارق وسناء واني الجنت اكل كتل ورزايل وصخرات جيبي هذا ودي هذا

اما سابين جانت دائما تعاند بعد وفات ايلين وكل ماتصيحلها ماما بأسم ايلين

جانت تصيح وتكوللها اسمي سابين مو ايلين وسناء تتخبل وتشبعها كتل ..

مرت سنه واحنا ع هل حاله سابين ملت من الضرب من سناء واقتنعت انو هيه ايلين او ما اقتنعت

انما مشت الامور جانت تتجنب ضرب امي سناء المابي اي رحمه لهذا سكتت على سلب حياتها واسمها وشخصيتها منها ..

واني جنت كيس ملاكمه بين سناء وطارق اذا يجي بابا معصب يكتلني اكيد ميكتل بنته المدلله سابين

وامي لو تعصبت هم تذب عصبيتها بيه وسابين الوحيده الجانت تهتم بيه
وكملنا الابتدائيه اني وايلين

جانت حياتنه خاليه من حنيه الاهل جنا حيل نختلف عن باقي العوائل العايشه حياتها بصوره مختلفه عنا

سابين جانت تعرف انو معامله ماما الها مزيفه بس حتى سناء تملي فراغ ايلين المتوفيه وحتى ترفض تقبل واقع انو ماتت بنتها

قررت تتخذ سابين بديله لايلين وهذا الشي جان يقهر سابين جثير

جانت تحجيلي كلشي تحس بي بس بالمقابل اني جنت اسمع واسكت شنو احجي وهيه عدها اهتمام الطرفين واني من ولدت جنت منبوذه

((طبعا ملاحظه سابين اكبر مني بسنتين من خلصت الابتدائيه هي جانت بالمتوسطه من خلصت السادس ابتدائي قرر بابا نروح نزور بيت جدو اهل بابا الي ابد مابيوم سالوا علينه او اهتموا بينه جانوا بعيدين ومعزولين عنه وكلمن ملتهي بحياتو الخاصة ))
المهم

جنت كلش متشوقه اشوف احمد الجان يهتم بيه جثير معرف شلون نمنا

اني وايلين وحده حاضنه الخ وكعدنا الصبح قبل بابا وماما لبسنا و وحده رتبت شعر الخ وراحت ايلين كعدت بابا لان اني مكدر اكعده غير انسطر راشدي

ف خليني اروح متونسه احسن من اروح مغثوثه ومسطوره ع وجهي

كعدت سناء سوت ريوك تريكنا وغسلت المواعين واجرنا سياره وطلعنا والطريق كله ماما تكرص بيه وتكول لتسوين هيج ولتكولين شلون عايشين

واذا سالوج منو تحبين بابا لو ماما كولي ثنينهم واذا كالولج شلونهم وياج كولي زينين

ديري بالج تكولين يضربوني اموتج تحجي وتكرص بيه وكل كرصه عبالك سم عكرب انسميت الطريق كله

مره بابا ينصحني شحجي ومره ماما الى ان وصلنا اول ما وكفت السياره نطت سابين من السياره

راحت تركض فاتت للبيت وانا ركضت وراها عوذا شبعت كرص الا ايدي ورمت

فتنا للبيت بيبي جانت كاعده بمكانها ولاتغيره رحنا ركض الها بوسناها هلا بيبي شونج مشتاقيلج

سابين ....بعد ما صار اسم ايلين الي وهويتي نحركت ماضل شي بيه يشبهني حاولت سناء بشتى الطرق انو تحولني لايلين

الاشياء الجانت تسويها ايلين اللبس التصرفات الكلام كلها جان لازم اتصرف مثلها

والبس مثلها ماعندي حل اخر تاقلمت بس علمود اتجنب الضرب

باليوم الي رحنا بي لبيبيتي ركضت الها وكانو جنت محتاجه حضن صادق حضن يحضني على انو اني سابين مو ايلين

اول ما وصلت دفنت راسي بحضن بيبي جانت ريحتها طيبه ضلت تمسح على راسي وتكول هلا سوسو هلا ببنيتي شلونج

واني مخنوكه مكدر ارد بس ساكته واسمعها تحجي وتهلي ببابا وماما

بيبي ....ولكم فصاعين صار زمان ماشفتكم هاي وينكم ليش ماتجون تشوفوني هاااا

تعال ولك طارق تعال حسابك عندي جنك مو ابن بطني شو ماتسال عني لاتكول عندي ام ازورها

طارق ...يمه والله تعب وشغل وجثير امور تدور براسي

بيبي ..يمه لاتزعل هاي قسمتك وقضاء وقدر الله كتبها ان ياخذها لجناته وهسه عندك وردتين يعوضوك الراح يمه

طارق ...والله يايمه موتتها هدت حيلي وكسرت ظهري

بيبي ..كوم ابني استغفر ربك بعد عندك بنيتين يحتاجوك

طارق ..بكلبي اووووف يا يمه ماعاملتها زين ولا جنت اب زين الها

لو الله يرجعها اعاملها مثل سابين وما افرقها عنها واني هسه ظالم وتين ولا اكدر اعاملها زين

سابين ...بعد وفات ايلين تغير بابا مو نفسه الرجال الي عرفنا

مونفسه الاب الجان يحن عليه تغير جثييييير صار يسكت ع تصرفات سناء ومايحجي واحد وانسلبت كل حياته منو

احمد ..فتت للبيت بعد شغل طوييييل وشفت بنتين ظهرهم مكابل وجهي

ماعرفتهم من بعيد لان الهول كبير بس سمعت صوت عمي بالاستقبال عرفت انهم جايين ركضت وصحتلهم

سوسو

توته تعالوا ولكم مشتاقلكم يافصعونات كبرانات اخذتهم سابين كبرانه وصايره تخبل

ووتين بعد وجها طفولي جت تركض الخبله احمد واحمد

شلتها وفريتها وبوست خدودها الحلوه ودحكت على سابين جانت تنظرلي نظرات غريبه

مافهمتها كتلها ها سابين شلونج وكانو حست انو هيه كبرت بعد متكدر تجي تكعد بحضني واتبوسني مع العلم جتني متلهفه

خليت ايدي على راسها ومسحت شعرها ونزلت ليمها وكعدت على ركبتي

وكتلها كولي شبيج ليش اكو حجي بعيونج هزت راسها يمين يسار بمعنى لا

وكالت ماكو شي بستها من راسها واخذتها للاستقبال سلمت على عمي ومرت عمي

عمي جان متغير جثيييييير وماعرفتو لاول لحظه تعبان وجهو وضعفان

والدهر ماكل منو قطعه وكانو شايب كعدت يمو و واسيتو شويه جان يتنهد ويكول الحمدلله

سابين ...كلنا فتنا للاستقبال كعدنا وجت مرت عمو وبنتها بوستنا وسلمت علينا

بس ضلت هناء تدحك عليه ومستغربه نظراتها جانت غريبه ورا ربع ساعه فات فرقد وعمو

سلموا ع بابا و ماما وراها كال تعالو فصاعين اخويه ...شكد اضوج من يكول فصاعين او فصعونه اني كبرت خو مو طفله بعدني ..

بوسنا وهو بي عاده يكرص اذني اكره هالعاده بي لان تاذيني حيل وكعدت يمه وفرقد سلم على بابا وماما وجا كعد يمي صرت بين عمو وبين فرقد

بس اني مادحكت على فرقد هوه دنك راسو وجابه يمي

فرقد ..ها ماكو شلونك فرقد لو شنو

سابين ...شلونك

فرقد ..همزين تذكرتي تسالين

سابين ..هااا نسيت مشفتك

فرقد ..شني هاي كل هالطول ومشفتيني

سابين ..انتبهت علي جان ضخم وطويل هاي شبسرعه طول هل ولد مارديت علي

درت راسي على جهة عمو علي جان يلزم حنجي بيدو ويديرو باتجاهو

فرقد ..شلونج يحلوه

سابين ..اني كلت هذا شبي خبل ضجت من تصرفو كتلو اي زينه

ضحك واني نترت ايدو ودرت راسي اسمعو يبسبس ويه نفسو يكول اي تنتر هم خوش عيونها طالعه

سمعت مرت عمو تحجي ويه عمتي تكوللها شلون مستوى البنات بالدراسه .ردت عليها ماما

سناء ..ايلين الحمدلله بخير مستواها حيل زين ومن المتفوقين هم ..ووتين هم ذكيه متحتاج احد يدرسها

هناء ...ها قصدج سابين اي الله يحفظهم يارب ويبعد عين الحسد عنهن

سناء بنبره حادة ...لا ايلين اقصد لان سابين هيه الماتت

هنا دحكت مرت عمي هناء باستغراب شديد على ماما هاي شدا تحجي ورجعت دحكت الي والتفتت لماما وكالت

هناء ..يمه اسم الله عليج سناء ...مو ايلين ام عيون ملونه الي طالعه عليج بس هاي سابين نعرفها عيونها سود ع طارق

صح صار زمان ماشايفيهم بس من جينه ع الفاتحه وكالو ايلين الماتت وشفناها بعينه

هنا انتفضت سناء ونترت بصوتها بوجه مرت عمي وكالتلها لاااااااااا الي ماتت سابين افتهمتي والي بقت ايلين افتهمو هالشي شيرادله علم فهم لحد يناقشني
بابا قاطعهم وكال ..

طارق ..اي صح كلام سناء الماتت سابين مو ايلين

سابين ..بابا حجه هيج وغمز للكل بس سناء جانت ترجف من العصبيه

اني بهذيج اللحظه عرفت انو ماكو احد راح يكدر يقنعها اني سابين مو ايلين

سكتت كال عمو علي بنتي سابين امج جنت شي هزيت براسي معرف

بيبي ...سدو الموضوع كافي

سابين ...طبعا بيبي تعرف معامله سناء النا وشلونها تعرف انو سناء بس تحب ايلين

واني ووتين مانعتبر بناتها لهذا نترت بالكل وكالتلهم سكتوا وسدوا الموضوع لان تعرف مراح يجيب نتيجه وفرقد يمي كالي

فرقد ..الاسم مو مهم اهم شي انتي لاتنقهرين هاي بعدها بصدمه لبين ماتستوعب الصار

سابين ..اني مادرت بال اله وكمت من يمو بكل برود هوه عرف اني طنشتو شاط من كاعو ورحت للحديقه

حديقة بيتهم كبيييييره حيل تخبل وكلها ثيل اخضر مزروع صف كامل ورد اليوكالبتس

وجوري وازهار جثيره واشجار حمضيات ورمان تخبل رحت كعدت على الكرسي

وادحك على الورد بيبيتي حيل تعتني بحديقتها كلش احبها بعدني هستوني كاعده وجت بيبي كعدت يمي

بيبي ..ها ولج فصعونه تعالي بحضني بنيتي

سابين ..بيبي ليش فصعونه والله كبرت

بيبي ...تعالي تعالي شما تكبرين تبقين فصعونتي هههههه

سابين ..رحت لحضنها كله حنان كالتلي

بيبي ..بنتي الدنيا كلشي تشوفين بيها بس الاهم انو تبقين قويه وتضلين واكفه على رجلج

وكل الباقي يهون محد يبقى على حاله وامج هاي امج بعد شما تكول شماتسوي تبقى امج يابنيتي

تعبت وشالتج ابطنها تحمليها وشيليها بين عيونج الا مايحن كلبها فد يوم

سابين ..احجي بكلبي واكول كل هالسنين ماحن هسه تريدين كلبها يحن وجان يقاطعنه صوت هل مغثه فرقد

فرقد ....بيبي عمي يصيحج جوه

بيبي ..اي وليدي كمت

فرقد ..وانتي خانم شمطلعج بره ها ..خاف عبالج زعطوطه بعدج متشوفين السياج ناصي ناس رايحه ناس جايه ويتفرجون عليج

سابين ...اني دحكت باستهتار علي وبعدين ع السياج كتلو اي اي كبور الماتعرف تاخد العالم جاي تروح وتجي هو نتر وصك على سنونو

فرقد اتعصب وخزرها وكال ...شنووووووو ولج بنت امج وعيدي الكلتي

سابين ...الي سمعتو واني بنت ابويه مو بنت امي اي هوه تخبل اصلا هوه عصبي نوب رديت علي هيج تخبل راد يتقرب مني

اني شطحت للبيت

اذا يلزمني محد يهدني منو مغثه الله خالقو مايعرف الا يحشر خشمو باليخصو والمايخصو
فتت جان يصير احمد بوجهي كال

احمد ..شبيج ولج عبالك شايفه جني

سابين ..جنت انافخ بحلكي كتلو لا الجني ارحم من شوفة المغثه اخوك

احمد ...ههههههههاي ليش شكالج

سابين ...مسوي نفسو شيخ والله يالله

احمد ... تعالي ويايه خلي نشوف الشيخ يسترجي يحجي وياج وانتي وياي

سابين ..كيفت راح اغيضو رجعت طلعت ويه احمد كعدت بصفو جان الافندي يدخن

فرقد ..رفعت راسي شفتها كعدت يم احمد نوب جنيت ومامهتمه ولا كانو حجيت وياها

ونوب خلتني اغلي وفاتت وهسه اعرف طالعه تقاصدني
ولج شنو حجيت وياج هسه مو كتلج تندفسين جوا

احمد ...فرقد شبيك عوف البنيه هسه جت شبيك وياها

فرقد ..احمد لتدخل شوف السياج ناصي عالم تجي وتروح شدكول علينه مخلين عرضنه فرجة جدام العالم الغربه

احمد ...هيه هاي حجتك يمعود هسه ماكو احد عوفها تتنفس خطيه

فرقد ...لا خلي تتنفس جوه يلا فوتي سابين جوه

سابين بعناد ..اي باجر افوت جوه

فرقد ...شنووووو ولج والله اكوم اكسر راسج احترمي الاكبر منج يا ادبسزز

وللحكاية بقية ....

حياة جديدة تنتظر ابطالنه لكن هل ياترى حياة سعيدة للبنات ام حياة بائسة تشبه الماضية .....احداث قوية وغامضة ومفاجئات صادمة بانتظاركم تابعوا القصة للنهاية

يتبع ....

#الانتحار

#بارت16




....................

فرقد ...شنووووو ولج والله اكوم اكسر راسج احترمي الاكبر منج يا ادبسززز

احمد ..اذا عالعالم اها كومي سابين كعدي جدامي حتى محد يشوفج

سابين ..سحب كرسي وخلا جدام الكرسي مالتو وكعدني هذا فرقد جن كام ينافخ وفات للبيت

فرحت همزين ماكدر عليه اصلا اضوج منو يتحكم بيه

فرقد ...فتت والنار تطافر مني ماكدرت اكسر كلمة اخويه الكبير احترمو حيل واعتبرو بمقام ابويه بس حسابها عندي ام راس اليابس بسيطه

وتين ..صاحتني بيبي وتين ياوتين

كتلها ها بيبي

بيبي ..كومي بنتي صيحي سابين وتعالوا ساعدوا مرت عمكم بالمطبخ يلا بناتي يلا تاخر غدانا جثير اليوم

وتين ..صار بيبي ادللي رحت صيحت سابين جانت برا هيه واحمد وفتنا ساعدنه عمه هناء بالمطبخ

اني ثرمت الزلاطه وسابين حضرت المواعين وعمه هناء وامي طبخوا دجاج شوي بتنور الحطب وبرياني

بعد ساعه شغل بالمطبخ جهز الاكل وصبينا وكالت مرت عمو يلا توته صيحيهم يجون يكعدون

رحت صيحت الكل والتمينه علميز اكل وسوالف وضحك اول مره احس بهيج شعور تمنيت ابقى ابيت جدو وما ارجع للبيت

جانت اجواء حلوه ماعايشتها يمكن من اول يوم ولدت بي

فرقد ..جنت بغرفتي جان يندك الباب وتمنيت تكون سابين معرف ليش تمنيت تكون هيه جايه تعتذر او اي شي

كمزت من التخت وركضت للباب وكفت يمو عدلت نفسي وعكدت حاجبي وفتحت الباب

شفت وتين دايره ظهرها الي من فتحت الباب اندارت وكالت تعال اتغده

هالبنيه قصيرونه وضعيفه وملامحها حلوه وطفوليه حيل احبها كتلها بعصبيه وشمسوين غدا

وتين ..اتخوصرت وعكدت حاجبي كتلو وليش تصيح عليه مسوين برياني ودجاج

فرقد ..عافتني ونزلت ضحكت على تصرفها تشبه تصرفات اختها ماينطخون عصبيات ركضت وراها شلتها ونزلت فتت للمطبخ

اكو صاله مال طعام رحت تعمدت اكعد يم سابين الي جانت كاعده يم بيبي رادت تكوم تغير مكانها من الصفحه الثانيه وكعدتها بالكوه وسويتها شغله شقه خليت ايدي على جتفها وكعدتها غصب ....

ياهلا بسوسو شلونج ان شاء الله فرحانه يمنه ياهو احلى هنا لو هناك الاجواء

سابين ...احس بي يغلي طبعا واعرف اكلتها اني كتلو معرف ودرت وجهي لبيبي احجي وياها وطنشتو

فرقد ..بنت اللذين كبرتني هالبنت الصغيره كبرت صارلي يمكن ٥ سنوات مشايفها

ونوب بالفاتحه اني مرحت جان عندي شغل وهسه على فجأة جت علينه من جنا صغار وجانت بيبي لازكتها براسي فرقد لسابين وسابين لفرقد جنت اضوج واكول شسوي بهاي العوبة

بس شو هاي حليانه وكل ماتكبر تحلى ونوب رشيقه نوعا ما مربربه وخدودها تجنن وكله بكوم ولسانها بكوم

كملت غدا واني كاعد على اعصابي يمها كمت طلعت لغرفتي كتلهم طلعولي جاي وتمنيت هيه الي تجيبو

وتين ..صاحتني بيبي كالت تعالي ودي جاي لفرقد كتلها بيبي اني ايدي ترجف من اشيل الستكان واذا وكع وانكسر شسوي

بيبي ..شوف الفاهيه ستكان ماتعرف تشيل صاحت على اخت فرقد هاجر تعالي ودي جاي لاخوج

هاجر ..بيبي ما اكدر دا اجلف المواعين سابين حبابه ودي جاي الو عفيه

سابين ..شنووو عيني ما معليه

هاجر ..يووو ليش يولي والله مشغوله

سابين ..كلت معليه خلي ينزل هو يشرب جاي قابل شيخ ينزل يشرب حاله حال الكل

بيبي ..ولج شبيج ويا متعاركين على طول ها متكولولي مثل الديج وابنه كومي وديله جاي يلااااا

سابين ..بيبي هالولد مخبل ماينجرع ويضل يتعارك ويايه ما اوديلو خلي ينزل هوه يشرب خبله اطلع جاي لواحد خبل

فرقد ... جنت بغرفتي كاعد وانتظر تجي سابين بعدين كلت لا مراح تجي خلي انزل اكعد يم عمي عيب وهم اشوفها

بلكت اغثها بشوفتي واني طالع من غرفتي اسمعها تحجي ويه بيبي وتكول عني خبل تخبلت اني خبل بسيطه

نزلت وصحت ولج منو الخبل هاااااا عليمن هالغلط هذا طبعا الهول اذا تقوم بي القيامه الي كاعد بالاستقبال ميسمع الشي الدا يصير بي

سابين ...عزززه العزاني هذا سمعني اكولو خبل هو بدون ما اغلط علي مخبل نوب غلطت كتلو مو انته اني بس حتى اجفى شرو

فرقد ...نزلت واني متجه تجاها اني عصبيتي فول وبنفس الوقت بداخلي مستمتع لان خافت مني لا تعالي كوليها جدامي منو الخبل

بيبي ..يمه فرقد ماجانت تقصدك جاي نحجي علولد الخبل عايد

فرقد ..بيبي اني سمعتها باذني ليش تجذبيني

بيبي ..لا يمه بسك ماجنا نحجي عنك

سابين ..يبوووووو مو كتلك مو انته قابل ماكو احد بلبيت غيرك

فرقد ..اتجهت ليمها ولزمت ايدها وعصرتها قوي كامت تكمز من الوجع دمعت عيونها بس مابجت وضلت تصيح وتكول

سابين وهيه تحاول تفلت من قبضة ايدو ..هد ايدي متوحش متخلف الله لايوفقك

فرقد ..اني كلبي ممرود عليها وهاي تكولي متوحش اريد اعاملها زين بس ماتنطيني مجال

سابين ....اردها الك بسيطه

فرقد ..ضحكت على تهديدها جان قصير على طولها ماتكدر تسوي شي فتت ل

لاستقبال كعدت ومحد سمع شصار بره

وتين ..جنت بالاستقبال احجي ويه احمد وفات فرقد وصاحني توته كتلو ها فرقد

فرقد ... تعالي يمي

وتين ..شنو تريد

فرقد ..دتعالي اكلج شغله

وتين ..هاها شنو

فرقد ..شاورتها باذنها روحي على سابين كوليلها فرقد يكول شلون صارت ايدج

وتين ..ليش شبيها ايد سابين

فرقد ..اي هسه دروحي كوليلها الكتلج علي

وتين ..اي اي
.رحت شفتها كاعده يم بيبي وتبجي صحتلها سابين سابي شبيج

سابين ..مابيه شي

وتين ..ليش تبجين لعد فرقد يكول شلون صارت ايدج

سابين ..هالغبي وبعدو يسال والله اله اعلمو بسيطه

بيبي ..ولج سكتي شطولو لسانج ماتوبتي بعدج

سابين ..دشوفي ايدي نمردت شسوه بيه

بيبي ..تستاهلين اكبر منج ليش تغلطين علي

وتين ..بيبي شكو شصار شبيها سابين

بيبي ..ماكو شي انتي الثانيه سمعوني عدل ثنينكم ماريد تطلع كلمه مو حلوه منكم تجاه اي احد بهل بيت زين اريدكم معدلات مربايات ماريد تطلع حجايه منكم مو زينه

سابين ..اي تدللين بيبي
بكلبي ماراح تسمعين حجي موزين بس صبري وشوفي شسوي بي

وتين ..بيبي اني شعليه

بيبي ..انطمي لج واسكتي الحجي لثنينكم

طارق ..يمه وينج ليش ماتجين هنا

بيبي ..اي يمه جيتك يلا شو كوموا ويايه

وتين ..اي بيبي جايين

سابين ..اروح اغسل واجي

بيبي ..اي يلا عجل توته تعالي يالقزمه

سابين ..رحت للمطبخ اخذت دولكة عصير وطلعت لغرفة فرقد كبيت العصير على تختو وعلى الميز وعلى التخم مالتو خلي يعرف تهديدي شيسوي ونزلت كعدت وياهم

الكل متجمع هناك واحجي واضحك ويه بيبي وبنت عمي وفرقد يدحك علي بنظرات سريعه ويرجع يدير راسو

فرقد ..تعب عمي لان جاي من سفر وبيبي وامي ومرت عمي راحوا للغرفه ثانيه واني سحبت نفسي وطلعت لغرفتي اتمدد بس من فتت
شفت الغرفه كلها مي الكاع مالتها صحت على هاجر
هاااااااجر ولج هااااجر وينج تعالي شوفي هالمي من وين جاي

كمت اريد اتمدد لبين ماتجي هاجر تمسح الكاع شلت الفرشه لني التخت كلو مدمر شي برتقالي لا يالله
نوب جنيت هسه توني تركتو مابي شي طلعت صيحت بعصبيه محد رد نزلت عليهم فتحت الباب هاااااااجر وينج

هناء ...ياستار متكولي شصاير شبيك عصبي

فرقد ..يوم كومي شوفي غرفتي مدمره كلها

هناء ...شبيها اليوم نظفناها

فرقد ..يمه كلها مي والتخت مدمر دكومي شوفيها هسه

هاجر ...عوفها تعبت اليوم خطيه اني اكوم اشوفها

بيبي ....يمه سابين كومي ساعديهم

سابين ...اي بيبي (طبعا كيفت من تعصب حصلت الاريدو) كمت واني طايره فرح اشوف شصار بي

فرقد ...تعالي شوفي شنو هذا

هاجر ...عزا شنو هاي هاي منو سوى هيج

فرقد ..معرف نزلت ع الغدا كلشي مابيها وطلعتلها كلشي مابيها ونزلت شربت جاي وطلعت هيج صايره

سابين ..هاجر شمت التخت

هاجر ..هذا شربت برتقال علساس نصبه العصر شجابه لغرفتك

سابين تحجي بنبره تثير غضب فرقد ....يااااااا حرامات راح الشربت على هالغرفه الخايسه مثل صاحبها

فرقد ..جنت يم الباب وسابين مو يمي ولا ابالي ..من سوى هيج ناسي اصلا اذا سابين بالغرفه من حجت انتبهت الها جانت عيونها تضحك

انوب حجت هيج تاكدت هيه سوتها محد اله ايد غيرها صحت بيها ولج شنووووووو خايسه الغرفه مثلي مو

اني اعلمج كامت ترجع لورى وتكول

سابين ..مانكر خفت منو ادري بي مخبل وميوكف بوجهو احد كمت ارجع لورى وكتلو لا والله مو مثلك بس اسمع لتتهور فرقد

فرقد ..اني بهل لحظه فقدت من اتعصب انجن

هاجر ..اصخام الولد اتخبل ركضت علي وكتلو اهدء خوية هسه انظفها الك لتعصب عليها

فرقد ..وصارت هاجر بيني وبين سابين وهيه خايفه و واكفه ورا هاجر

سابين ..بلحظه تغير ونجن صار مينعرف معقوله بسبب شربت هيج سوى انوب جا يريد يسحلني اني ما انكر متت خوف

شكله جان مرعب هوه يطبك عليه عشر مرات من ضخامتو اذا يضربني راشدي احتمال افوت انعاش ركضت وكفت ورا هاجر اريد اسحب نفسي

فرقد ..عيدي الكلتي مرا وتعيدين الكلتيه ولج اكص ايدي اذا مو هاي سواتج انتي

سابين ..فرقد مو اني ليش متصدكني شعليه بغرفتك اني

فرقد ...عجل الغرفه خايسه مثلي ومو تكولين عني خبل خاف عبالج ناسيها الج

هاجر ..عيب فرقد اليوم جو وهيه بعدها صغيره عوفها وانتي يلا نزلي جوى بسرعه خلي نكف الشر

سابين ...ردت بس اطلع شويه شويه هاجر لزمت فرقد تحجي ويا واني ركضت ع الباب هو جان معصب ويريدني اكول اني السويتها

انوب واني اركض من عمايلي السوده تزحلكت ووكعت ع ظهري وراسي ندك بالكاع

حسيت بدوخه قويه ولعبت نفسي وجسمي كله كام يرجف وراسي انضرب قوي بالكاع ويوجعني كمت ابجي من وجعو ..

ماحسيت الا فرقد شالني وخلاني ع القنفه وهاجر ركضت جابت مي غسلت وجهي وفتحت البراد

وجابت ثلج خلتو ع راسي واني ابجي دموع على ظهري الاحسه انقسم وراسي اتكسر

فرقد ...بصياح ياغبيه ليش ركضتي هااااا من لاحكج متكوليلي هسه اكلتيها عدل ارتاحيتي ثول اي والله مابيج ذره عقل

هاجر ...بس نصي صوتك وكعت البنت بسببك شفت نفسك من تهجمت تريد تموتها عوفها هسه خلي تهدء شوي

سابين .

.اني بس ابجي واله عين يرزلني فوك مو بسببو وكعت مارديت علي سكتت نفسي كوه وكتلهم اريد اطلع اريد اروح لبيبي

فرقد ...انجبي وكعدي بمكانج تكمل هاجر تنظيف وانتي اهدي شويه ونزلوا كومي هسه غسلي وجهج يكفي بجي يلا

من ركضت وشطحت رجلها معرف شلون شهكت ركضت اريد الزمها عبالك بنتي وماريدها تتاذى

بس مالحكتها ونوب دموعها مردت كلبي اشوفها شلون تناشغ نسيت حتى اني جنت عصبي اريدها بس تسكت ضليت كاعد يمها ولازم الثلج على راسها

هاجر ..ها سابي احسن هسه صرتي

سابين ..ااااخ اي اي احسن

هاجر ...عجل راح جيب سطل المسح واجي اوك

سابين ..اي ماشي ..ضليت ويا بالغرفه وهوه لازم الثلج ع راسي ويدحك علي كلي مو انتي الطشيتي الشربت بله

اني عصبت منو كتلو اي اني طشيتو شتريد تسوي يعني هاي لان رصيت ايدي تستاهل جاوبني وهو بارد الاعصاب

فرقد ..شفتي شلون وكعتي بشين اعمالج

سابين ..لااااااا ماشفت وين الشين بله

فرقد ...هالبنت شكد عنيده اجيها يمين تروح يسار ميفيد راسها يابس كمت رصيت الثلج ع راسها كامت تصيح همجي متوحش

سابين ..اذاني واني راسي يوجعني ردت اطلع اكره اشوفو اصلا كمت وجان يخلي ايدو على جتافي وكعدني

فرقد ...ارتاحي شوي اني طالع لتنزلين هيج تزعل بيبي وامج ينشغل بالها ست سابين

(فرقد هنا كاللها سابين باسمها الحقيقي لان الكل تكول ايلين ف هو هنا كاللها ست سابين لان الكل ببيت جدي يصيحوها ايلين ))

فرقد ..طلعت واني مقهور ليش اذيتها هوه سفنج يتغير والكاع تنمسح ليش عصبت عليها ورحت لغرفة احمد

احمد ..خير ان شاء الله مشرفني اليوم

فرقد ..اشششش اريد انام اصلا كلها منك طلعت عيونها

احمد ...ياستار عيون منو بله

فرقد ... يصير تسكت
تعبان واريد اغفي خمس دقايق

احمد ..اي تعال نام ع التخت اني ماراح انام

فرقد .. كوم عجل

وتين ..بيبي راح اروح لغرفه احمد

بيبي ..ليش شعندج هسه احمد نام

وتين ..بيبي كلي عندي دفاتر رسم واقلام اصباغ راح ينطيني اياها

بيبي ..امداج مو على اساس كبرتي

وتين ..بيبي حبابه عفيه

بيبي ..اوويلي عليج دروحي روحي فكي عني ياخه اريد انام دوشتي راسي

وتين ..ركضت ع السريع طلعت فوك شفت سابين تبجي ركضت شبيج سابي شصاير هاجر شبيها سابين

هاجر ..تزحلكت ووكعت وتاذت

وتين بخوفه وقلق ع اختها ..حبيبتي لساتج تتوجعين

سابين .. لا لا طبت انتي ليش طلعتي

وتين بابتسامة بريئة ...اروح لاحمد راح ينطيني شغلات

سابين اعترضت ...شينطيج واني ليش ماينطيني عود

وتين داهرتها ... انتي عجوزه على هالامور ههههههههههه

سابين ...انجبي شو دعبلي من يمي ولي منا دي يله

وتين ..دكيت الباب وانتظرت انفتح بعصبيه وحصلت رزاله

فرقد كمز من الفراش بعصبية ...والتالي اليوم ما انام

وتين ...شبيك خرعتني عبالي احمد هنا اروح اني عجل وانته لتصيح عليه نام

فرقد ..تعالي ولج طيرتي نومتي شتريدين من احمد

وتين ..وانته شعليك لتدخل

فرقد ..نفسيات هالعائله ولايتحاجون
تعالي يلا احمد نايم جوى ⁦

وتين ..وينو

فرقد ..كوليلي شفتي سابين لساتها بغرفتي

وتين ..تعب نفسك وروح شوفها ..هسه كولي وين احمد

فرقد ..معرف

وتين ..اووووف

سابين ...شدا تسوين هنا ولج

وتين ..وانتي ليش جيتي

سابين ..وانته (فرقد)ليش هنا

فرقد ..وانتي شعليج غرفة اخويه انتي شكو هنا

سابين ..وانته شعليك

فرقد ..كصري لسانج احسنلج

سابين كامت اتدردم وتعيب

وتين ..كام فرقد يريد يمسك سابين بس فلتت منو ونزلت تركض
اني هم سحبت نفسي ونزلت

سناء ..هاي وينكم من الظهر ماكو

سابين ..ماما بلبيت نفتر

سناء ..لاتفترون جثير عيب العالم تعبت ونامت يلا تعالي ايلين تعالي نامي يمي حبيبتي

وتين ..نمت بعيد عنهم وسابين نامت بحضن امها كعدت وصاحت سناء كومي انتي جيبيلي مي

كتلها اي حار لو بارد

سناء ..بارد

وتين ..رحت جبتلها مي وكتلها تفضلي

سناء ..خلي بالكاع

وتين ..خليتو ورحت وهيه ولاشربت منو قطره كعدت على صوت سابين

سابين ..يلااااااا توته كومي راح نعوفج ونطلع

وتين ..ها وين تروحون

سابين ... يلا راح نروح للشط كومي

وتين كمزت بفرح ...الله شط والله منو يودينا

سابين ..هسه كومي احمد يودينا

وتين ..اي اي دقايق اروح اغسل وابدل

بيبي ..شوفو الفاينه ساعه واني احسس بيها ولا تقبل تكوم عبالك جثه بس سمعت بيها شط كامت مثل الحصان

احمد ..راح اروح واخليج توته

وتين ..لا الله يخليك كملت

فرقد ..هاي وين ع خير

سابين ..احمد اذا نروح شوكت نرجع

فرقد ..وين تروحون يمه

احمد ..ساعه ونرجع

سابين ... لا عفيه منلحك نشبع خليها اربع ساعات

فرقد ...موجاي اسال وين ذالف بيهم

احمد ...وشكو معصب شبيك يول ..للشط موديهم

فرقد يحجي والشر يتطاير من عيونو ..ماكو روحه انطمرو فوتوا جوا يلاااااا

سابين ... احمد احجي ويا والله مو بكيفك اروح ويا يعني اروح ويا

وتين ...شنوووو والله معليه اريد اروح للشط

احمد ...عوفهم لتضوجهم اني اوديهم ساعه واخلص يمعود يلحون عليه من جو لهسه ودينا ودينا

فرقد ..

.اني اوديهم انته روح شوف شغلك

احمد ...كل عقلك تحجي والله وتين تخبصني

فرقد ..روح واني احلها

وتين ...يلا يلا يلا احمد ااااحمممممد يلاااااا وينك

فرقد ... وجع نصي صوتج اني اوديكم

سابين ...لا شكرا احمد يودينا

وتين ...احمممممممد وينك صدك جذب

فرقد ..احمد مو هنا طلع وكال انته وديهم

وتين اتعصبت ...شنوووووو وليش راح مو كال اني اوديهم

سابين ...بطلنا عجل منروح من يجي احمد يودينا

فرقد ...احمد ميجي لليل

سابين بصوت بي نبره تحدي ...اييي احسن منروح لباجر اذا مو باجر البعده ماله داعي اليوم نطلع تعالي توته نبدل

فرقد بنفاذ صبر ...صوتج نصي ماريد اسمعو لا اطيح حظج ماكو طلعه يلااااا منااااا

وتين ....حراااامات خلي نطلع ويه فرقد ..سوسو مو بدلنا عفيه

سابين ..لاااااا يلا امشي نكعد يم بيبي

فرقد ...صوتها العالي الادبسزز شوكت تتعلم تحترم والله دنعل ابو ترباتها

بيبي ....ها ايلين شو مارحتي مو على اساس تطلعون

وتين ..بيبي تعاركت ويه فرقد لان هوه الي راد يطلعنا واحمد نهزم وصيح عليها فرقد وبطلت

سابين ...وانتي اذاعه ماتنسين شي كله تحجي مره وحده

بيبي ...وتين بيبي عيب تكولين على احمد نهزم وانتي ايلين شجالج انتي وفرقد متناكرين ها ماتكوليلي شجالج تخبلتي يمي

لاتتناكرين ويا هذا عصبي ماينطخ ومو بكدج بعدين شحجيت وياج الظهريات مو كتلج لاتغلطين على الاكبر منج

سابين ...ليش منو الغلط علي هوه مجنون مايتحاجا محد غلط علي بس هوه معارك الهوى اليمه

فرقد ...بيبي منو المعارك الهوى اليمه

بيبي ...هااا هذا جيرانه جاي نحجي علي وانته ليش ماطلعت تعاون ابوك شبيك صغير شوف اخوك احمد شون مايتركو لحظه ويا ويا ليش ماتصير مثلو

سابين ....بهمس هه هذا يصير مثل احمد خلي يتعلم يصير بشر بعدين يساعد ابو

فرقد ...شنوو شدا تبسبسين ويه نفسج ولج

سابين ...انت كلت ويه نفسي شدخلك

فرقد ...شفتي بيبي لسانها اطول منها

بيبي ...يلا عاد يكفي دوختوني واحد منكم يكبر عقلو ترا مو وضعيه هاي

سابين ...الحمدلله اوزن بلد بحاله

فرقد ...ها يعني اني الاكبر عقلي قصدج

سابين ..بكيفك اذا على كدك البسها

فرقد ....تعالي اكسرلج راسج وكتها اعلمج شلون تحجين شتكولين

وتين ...بهمس بيبي هذول شبيهم تخبلوا

بيبي ..تعالي نشوف الزرع ورا البيت عوفيهم اذا ابقى ساعه يمهم انجلط والله

فرقد ...لزمتها من عكسها قوي
شوفي ولج من تحجين اوزني كلامج اني ما اسمح لابويه يقلل ادب ويايه زين ولج لساتج بكد الزعطوطه مطلعه عيونج عليه مو اطيح حظج والكعبة

سابين ...ترا اذا مديت ايدك عليه واذيتني هذا ميعني انو راح تغير تفكيري بيك

اني عانيت اكثر من قوة ايدك الازمتني هسه ..نفرت ايدي منو وطلعت بس جنت اريد ابجي بكل قوتي

رحت كعدت يم بيبي الدمعه بعيني
بيبي عرفت بيه مخنوكه والحلو بيها متزيد عليه حتى ابجي محجت شي بس خلت ايدها على راسي ومسحت علي

صار المغرب واحنا ما محجبات دا نفوت للبيت وجان رجال كبير ما اعرفو وبابا واكف يمو

كال هذول بناتك اللهم صلي على النبي الله يحفضهم فرقد جان واكف وياهم جان يخزرني مادرتلو بال ومشيت

طارق ..تعالي ايلين سلمي على ابن خالي

سابين ..سلمت علي وباس كصتي شو هذا فرقد عيونو طلعت من مكانها حسيتو يريد يهجم عليه يكطعو

وتين ...هلو عمو شلونك احمد جا شالني كال اخاف متوصلين تسلمين علي
الكل كامت تضحك
الا فرقد جان ضايج حييييل وبين هالشي علي والكل انتبه

فرقد ...طلعت لغرفتي وجنت عصبي نار وصيحت هاجر تعالي هاااااجر

هاجر ..اي اي جيت

فرقد ...روحي صيحي هاي العجيه ايلين خلي تجيني

هاجر ...خير شبيها ليش شسوتلك

فرقد ...صيحيها وبس ولتكوليلها فرقد يريدج مراح تجي طلعيها للطابق الثاني وبس

هاجر .... فرقد فدوة عدنا خطار الله يخليك لتسوي مصيبه

فرقد .....بعصبيه وصاك على سنوني هاااااجر ولي وسوي الكتلج علي لاوالله تعرفين شسوي

هاجر ...نزلت وصحت ايلين تعالي بس تساعديني بترتيب غرفة الضيوف الفوك راح ينام يمنا يمكن

سابين ...اي بس الغرفه الجوى شبيها ليش ما نحضر الجوى

هاجر ...ها لا بيبي كالت نظفو الفوك هيه نظيفه بس نرتبها نغير الفرش مالتها

سابين ...اي ادللي امشي طلعنا

هاجر ...شوفي راح اجيب سطل مي نمسح الخشب واجي

سابين ..اي يلا

فرقد ..جنت فاتح الباب حتى اسمعها من تجي وهيه جاي تمر من يم بابي فتحت الباب وكلت اهلين ست ايلين

وللحكاية بقيه ..

#الانتحار
#بارت17

فرقد ..جنت فاتح الباب حتى اسمعها من تجي وهيه جاي تمر من يم بابي ...فتحت الباب وكلت اهلين ست ايلين

سابين ...خير ياطير وهسه شكو

فرقد ..صاك ع سنوني وكوه لازم نفسي انتي متعرفين شمسويه لحد هسه مو

سابين ...لا ما اعرف شسويتلك حتى محجيت وياك من العصر

فرقد ...وطلعتج وفرراتج بدون حجاب انوب سلمتي ع الرجال بدون حيا وملابسه شي على راسج

سابين ...باستغراب من تدخلو ..اي اني ما البس حجاب وبابا ممعارض الشغله

فرقد ..واني شعليه بابوج ..هنا بيت عمج مو ابوج تمشين على الي كل ماشي علي زين طلعه بدون ماتغطين شعرج ماكو وانتي مو صغيره زين

سابين ...وانته ليش تحب تتحكم بينا

فرقد بصياح ...لاتعصبيني ايلين ترا قسما بالله اطيح حظج

سابين ...ممكن تلزم لسانك من الغلط وثم انت ليش تتعصب بسرعه

فرقد ...كلامي ما اعيدو ترا

سابين ...وعلى اساس اذا عدتو راح اسمعو ..اني عندي اب وام يقررون مو انت زين

فرقد ..معرفت شلون انعميت من العصبيه ضربتها راشدي من قوته وكعت بالكاع ونشكت شفتها ادحك عليها ضلت بالكاع وراصه ايدها

والايد الثانيه خلتها على مكان الضربه اني ضليت واكف بس متت قهر على الشي السويتو

اني شلون هيج ضربتها ونوب هاي سالفتها الكالتها انو عانت الاكثر من قوة لزمتي الها شغلتني شنو تقصد بهل كلام

كامت تفر براسي شتقصد والضربه قويه ليش ما صيحت ليش ما بجت

كامت بكل هدوء وراحت لغرفة الضيوف غسلت وجها وخلت كلينكس على شفتها

وكعدت على التخت اني انتظر منها تصيح تسب تنعل تسوي اي شي تغلط ماكو

ضلت ساكته كتلها ها اثر بيج الراشدي لو ادري تجين بهالاسلوب جان من اول ما فتي ادبتج

ماردت وضلت تدحك ع المرايه وتمسح بالدم من شفتها وتدحك على اثر الراشدي

ضليت واكف اريد احجيها ماكو صنم شبيها ياربي جنها وحدة فاصلة غريب برودها عمري ماشفت هيج بنية غريبة الاطوار

سابين ....من ضربتو ماتاثرت صح قويه وتوجع ما اكول انو ما حسيت بيها

بس اني الظروف المريت بيها ماتخليني ابجي على هيج شي سخيف لان الي شفتوا بحياتي ويه سناء وطارق مايستعوبو العقل البشري وهسه هل راشدي اعتبروا شي عادي

هوه صح اذاني بس مو مال ابجي جدامو كمت غسلت وانتظر الاثر يروح بس الضربه قويه وايدو طبعت على وجهي

كرهتو بذيج الساعه كره بس الله يعلم بي مثل كرهي لسناء الي تعاملني على اني بنتها الميته ضل يحجي ويريدني ارد علي بس مرديت

جت هاجر فاتت شافت وجهي والكلينكس البي دم على ميز المرايه وتخبلت

هاجر ..اصخام هاي شصايرلج شكو احجو شسويت بيها فرقد

فرقد ...ادبتها وهيه عرمه ماصارلها شي حتى ماصيحت ولا اتأذت شوفيهة جدامج عينها گوية

هاجر ....صدك جذب شدعي عليك ها ماتخاف الله انت ابد والله فلا راح يوفقك على عمايلك السوده

تعالي تعالي ارتاحي هنا خلي انزل اجيبلج ثلج واجيب باودر شي نخفي بي هالاثر الله يكسر ايدك ع هالعمله

سابين ...جابتلي ثلج وباودر بس بقى الاثر كتلها راح ابقى هنا انام ما اكدر انزل اذا شافتني ماما تسوي مشكله

هاجر ... براحتج راح اكوللهم تعبت ونامت بغرفتي

سابين ...اي اي

هاجر ....راح فرقد واني هم طلعت وسديت الباب وادعي على نفسي شلون جبتها لهالخبل فرقد الله لايوفقني شمدريني راح يسوي بيها هيج ..

بحياتو ما مد ايدو على بنت ليش تخبل عليها الله لايوفقك شكوللهم هسه

نزلت صبينا عشى وجا دور النسوان ياكلون وسناء كلساع روحي صيحي ايلين من فوك شعدها عصت فوك

واني اكوللها خطيه ماريدها تتعب بالشغل هيه ممتعوده على شغلنا وتهدء وتسكت وترجع ساعه وترد تكول صيحي ايلين تاكل ماتعشت

عمه والله نايمه قبل شويه شفتها خطيه عوفيها من تكعد ناكل اني وياها سوى اني هم مامشتهيه

سناء ...شبيها خاف مريضه اشو اطلع اشوفها

هاجر ....ها لالا عمه والله شفتها اني مابيها شي بس ضلت تدحك التلفزيون الا ان نامت من تكعد تنزل خطيه نفززها من نومتها

احمد ..فرقد فررررقد تعال وينك

فرقد ..ها ها شتريد

احمد ..ول تعال مو عيب من الناس جوى وانته ماكو

فرقد ..اي وشسويلهم خومو جايين مخصوص الي

احمد ...عيني عيب انزل اكعدلك نص ساعه واطلع

فرقد ..ما انزل امشي اطلع من غرفتي

احمد باستغراب ..وانته ليش عصبي اليوم شبيك

فرقد ...مابيه شي اطلع شياطيني حاظرين اليوم يمي

احمد ..طلعت بس ترى ابوك الدزني

فرقد ...اووووووف شلون مديت ايدي عليها اروح اشوفها واذا مدت لسانها يعني مبيها شي

فتت للغرف نايمه ع التخت ومتغطيه صحت هييييي يا عرمه هييييي اعرف بيج كاعده وسويتي نفسج نايمه حتى لايجيج راشدي اللاخ

تقربت منها رفعت الغطى عنها وفزت عيونها نعسانه وخدها احمر عرفت جانت نايمه

ادحك لشفايفها ورمانه يربي الله يكسر ايدي ليش مديتها شجاني اني بحياتي مماذي بنت

ها شبيج فزيتي لازم خفتي لا يجيج الثاني لزمت حنجها بايدي والله خليني اسويلج واحد الخ هنا حتى يصيرون ثنينهم وردي ليش واحد وردي واحد لا

بع

دت ايدي بكل هدوء فاتت غسلت وطلعت خلت باودر وخففت الاثر

وشفتها شالت الدم الناشف عليها بكلينسه رطبه ورادت تنزل ولا عبالك اني موجود

اني اتخبلت هاي شبيها متجاهلتني سديت الباب وكتلها وين تريدين تنزلين تشكيني لبيبي ترى متكدر تسويلي شي

سابين ...لا اريد انزل اكل جعت

فرقد ...استغربت حجت ولا عبالك اني مسويلها شي راح تخبلني

سابين ...شويه فرقد اريد اطلع

فرقد ..واذا منطيتج مجال تطلعين شسوين

سابين ... كلشي ارجع انام

فرقد ....يبين تأدبتي صرتي تحجين باحترام

سابين ....كتلك الاذيه يمي متحل شي تكدر تضل تستعرض عضلاتك وقوتك

بس نظرتي مراح تتغير وكلامك هسه كلو ما يدل على شي غير انو ثبت موقفي تجاهك

فرقد ....وشنو موقفج تجاهي بله

سابين...محاجه تعرف افتح الباب خلي انزل

فرقد ..فتحت الباب ونزلت

سابين ...نزلت اكلت اني وهاجر وكعدت يم سناء

سناء ...ايلين وين جنتي يمه شو مانزلتي ع العشا خير شبيج حبيبتي مريضه شي

سابين .. لا ماما مابيه شي بس نعست ونمت

وتين ...بهمس ولج ليش وجهج احمر

سابين بصدمه ...عزززة صدك امبين احمر حيل

وتين ...لا بس لان اني يمج قريبه شفتو

سابين ...اهاااا خوش مابيه شي لتهتمين

وتين ...ولج كولي شكو احد ضربج

سابين ...لا تحسس من الباودر جربتها وتحسس سدي الموضوع

وتين ..راح اطلع برى للحديقه تجين

سابين ....لا توته مالي خلق
بكلبي هسه يتخبل هالخبل ويسويها سالفه يكفي اليوم انو انضربت منو ماريد اطلع ويسويها مشكله

فرقد ... نزلت كعدت ويه عمي وخال ابويه واسوالف وجاي بس بالي يمها

ليش مشغول معرف غلطت بحقها بس شلون اعتذر منها اخاف اعتذر وتستكوي اكثر ...ضلت الافكار تدور براسي

علي ....فرقد ابني وين وصلت ببناء البيت ... فرقد فرقد الووووو

فرقد سارح البال وعايش بغير عالم

احمد ...نكزت فرقد فرقد يولي ابويه يحجي وياك وين شارد

فز فرقد ورجع لارض الواقع وكال ...هاااا شردت شويه ها خير يابا شكلت

علي ....نحجي وياك وانته مو يمنه خير وين شارد

احمد ...الشاغله بالك تتهنى بي

فرقد ...ماتسكت منو الشاغله بالي يعني

احمد ...شمدريني غير انت تكولي

فرقد يصك ع سنونه وهوه يهمس لاحمد ...اسكت احسنلك ..احم يابا جنت احسب شكد باقي واخلص البيت وشردت اعتذر منك كول يابا شنو ردت

علي ...جنت اسالك وين وصلت بالبيت

فرقد ....مضل شي خلصتو وهو اصلا مو بيت مشتمل

علي ...كتلك ابني بيت بس انت عندت وركبت راسك الارض كبيره بنيت بيها مشتمل

فرقد ...ياب ما احب البيت الكبير اريدو صغير

احمد ... بهمس اي اي صغير لان الشاغله بالو قزومه

فرقد ...والتالي وياك ماكو احد شاغل بالي ابني استرخي واكعد ترا صرعتني

احمد يداهرو ...اي جثير صدكتك جثيييير

فرقد ....هفففف اللهم طولج ياروحي اطلع انطمر بغرفتي واخلص من لوصك

احمد ..... اشرد اشرد

طارق ..ياجماعه ليش ما نطلع نزور خالي صار فتره طويله مازايرو

علي ...اي يصير امشي نشوفو

احمد ...يابا عمي اني مااكدر اجي عندي شغل اكعد اكملو

فرقد ...واني تعبان اطلع انام بغرفتي

علي ...انت عيشتك تعبان يا طول النخله

الكل ...هههههههههههه

فرقد ...الله يسامحك ليش تحجي هيج من الصبح اني اشتغل

احمد ....وين اشتغلت ضليت بلبيت تتناكر ويه ايلين

فرقد ...وانته ليش تجذب قابل ايلين بكدي حتى اتناكر وياها شعليه بيها

طارق ....ابني ترى ايلين مدللتي دير بالك عليها وشفتك شلون خزرتها من سلمت على ابن خالي مروان ترى هاي مدللتنا اني وسناء

فرقد ...لا عمي والله ماقصدي شي بس لان كبرت وهيه مالابسه شال وممغطيه شعرها لهذا كتلها لبسي لان عيب

علي ....ابني ابوها هوه الي ينصحها مو احنا

طارق ...اي صح كبرت بس اريدها تلبسو بقناعتها ماريد اجبرها على شي اني

فرقد ...صار عمي الي تريدو يصير طلعت واني مفور هذا شبي عمي مايشوفها شلون كبرت

شلون يخليها تطلع هيج مايخاف عليها يربي هالعيله راح تجلطني

سابين ....رحت للمطبخ اجيب صحن فواكه فجنت شايلتو ودا ارتب بي وامشي دا اطلع من المطبخ جان انضرب بفرقد

الي فات عيونه ماتتفسر من العصبيه واني اصلا جنت مقرره ما احتك بي ولا احجي ويا ولا ارد علي بسبب الي سوى دا اكمل مشي جان يمسك ايدي ويرصها

فرقد ....انتي شبيج ماتحجين ومبوزه بوجهي

سابين ...ضليت ادحك بعينو الي تطفر شرار وماحجيت حرف

فرقد ...مقرره تضلين هيج

سابين ...مارديت نزلت راسي ودا اعدل بالفواكه بالصحن جان ينفض ايدي قوي وضرب الباب وصاح بيه انتي ليش هيج تتصرفيين هاااااا

وتين ...رحت اجيب مي من المطبخ وسمعت فرقد يصيح فتت شفتو يصيح على سابين

كتلو انت ليش تصيح عليها وكمت اصيح علي وسحبت سابين وطلعت

فرقد ...طلعت فوك لغرفتي ضايج تمددت بتختي اريد اغفي شوي ماكدرت كمت طلعت دروح لغرفة احمد

احمد ...من طلعو بابا وعمي اني رحت اشوف امي وبيبي ...هلو ست الحبايب

بيبي ...اني ست شنو بله الدلال كلو لامك وهو اني الربيتك يا ازرك

احمد وهو يشاقة وياها ويضحك ..له له له اني ازرك الله يسامحج

بيبي غير طالع عليج

بيبي ...انجب ولك ماغزر بيك الملح

هناء ...والله ياعمه انتي ست الكل بس تعرفين هوه يجاكرج جثييير

احمد ....قصدج عجوز الكل

بيبي ... يا غراب البين انته ولاتطلع من حلكك حجايه زينه كوم الله لايبارك بيك

احمد طك ضحك ...مو انتي الربيتيني شلون تطلع حجايه زينه مني تربايتج هاي بيبي لتنسين هههههههه

هناء ...عيب ابني بيبيتك ربتك ميصير هيج

سناء ...عوفي هوه وعمه ينجازون تعالي نرتب الغرف حتى نام

بيبي .....هالقليل التربايه ولايجوز من سوالفو كوم ولي من جدامي يلا كوم

احمد ...تدلل ست الكل الاموره الدلوعه ههههههه

بيبي ....ضربتو بالعوجيه بس ملاحتو

هناء ....اي يلا كافي احمد ..هاجر تعالي ساعدينا بالفرش

سابين اني ووتين نطلع انام بالغرفه الفوك رتبناها بس محد راح ينام بيها

سناء ... لا تعالي نامي يمي و وتين فوك

بيبي ....عجل وتين مو بنتج ماتنيميها يمج

احمد ....هم صدك نامو بالغرفه الفوك توسعكم كلكم

((سناء بحياتها كلها مانامت ووتين يمها دائمها سابين تنام بين سناء وطارق و وتين فراشها بعيد عنهم ومرات بغير غرفه تنام وحدها طفله حرموها من حضنهم وحنانهم وهيه بامس الحاجة بهل عمر للحنان والحضن الدافي للاهل ))

سناء ...لا مو وتين متعوده تنام يم ابوها والا دبها وياها وايلين تخاف وحدها فاحضنها وانيمها يمي

هناء ....يا هاي شكبرها وتخاف علميها ام ايلين لازم ماتخاف وسويلها غرفه هيه واختها وحدهم ينامون

بيها كنتور على تخت على ميز ومكتبه ورتبيها ماشاء الله ذوقج حلو انتي وبيتكم بي غرفه فارغه وخليهم ينامون بيها هيج تتعلم

سناء ...ان شاء الله بقلبي غير لو اسوي هيج اذا اريد اسوي لايلين بس هالعله تولي مالي شغل بيها ( تقصد وتين)

احمد ...راح اطلع اشوف فلم منو يجي يشوف ويايه وادحك على وتين

وتين ...اني اني عفيه بس مو رعب قتال شي

سناء ..وين تشوفين فلم انطمري نامي شعندج كاعده لهسه

احمد ...خليها مرت عمي خطيه تتسلى شويه واعوضها لان ماطلعتها

وتين بزعل ...ترى الفلم مايعوض الطلعه ابقى اطلبك طلعه

احمد ...اي مو تدلل قزومة كلبي صااار

سابين ....غرت لان ماعندو حدود ويه وتين ..وويايه كلش حذر بتعاملو

هيه اصغر مني بس سنتين ليش تختلف معاملتو النا

كتلها ماما عفيه خلي نروح نشوف فلم والله ماطلعنا اليوم متت من الضوجه

سناء ...انتي بالذات بنتي لازم تنامين تتعبين بعدين

سابين ....ماما صارلي ساعتين نايمه فوك اريد اشوف فلم حبابه وهو عندو اقراص وهاي الافلام متنعرض على التليفزيون

فدوه خلي نروح نشوف ووعد مانطول بالسهر من يخلص انام بسرعه

سناء .....اي اي اي دوختوني روحو بس اليوم اسمح بهالشي

سابين ووتين .....هييييي يلا يلا شنو راح نشوف احمد

احمد ...تعالو فوك للصاله حتى مانزعج الجوى

وتين ...قتال قتال قتال عفيه

سابين ...لا رعب رعب رعب عفيه

احمد ....انخرسو ثنينكم عفيه

فرقد ..دكيت الباب على احمد مالكيتو فتحت الباب ماكو طلعت شفتو طالع هوه والبنات

احمد احمد شداتسوي وادحك على سابين الي كاعده على التخم ورجلها ماتصل الكاع وتهز بيها

واني مفور عليها واريد احجي لاحمد الوحيد الي احجيلو من اكون معصب
احمد اريد احجي وياك

احمد .....كول اكو شي

فرقد ...تعال للغرفه

احمد ...واعد البنات اشوفهم فلم تعويض الطلعه التكنسلت مال اليوم

فرقد .... اني هم عجل اشوف وياكم الفلم ضايج وماعندي شي اسوي ومكدر انام

احمد ...تعال قابل منو طاردك

سابين ....بصوت ناصي هفففففف بكلشي حاشر نفسو

وتين ....بهمس ليش انتي ويا هيج ديج ودجاجه

سابين ...اش ليسمعج مالي خلك مشاكل اريد اتونس بالفلم

احمد ...ايلين بغرفتي اكو جبوسه وحلويات وببسي وهالسوالف فتحي الثلاجه وجيبي كلشي تشوفي جدامج

سابين ...ايييييي حاااااضر مو تدلل كمزت وركضت رحت لغرفتو

فرقد ..اني اروح اجيب مكسرات وبوشار

وتين ....اني شنو اسوي

احمد .... انتي تكعدين هنانه لتروحين تضيعين ومنلكاج وتخرب الليله ومنشوف فلم ههههههههههه

وتين برطمت ....يعني تقصد اني قصيره

احمد ...فديت التفتهم ههههههههه

وتين ضاجت وانقهرت وكالت ...عفيه لتعيب عليه شنو هاي ترى بعدني صغيره وبعدين اطول

احمد طك ضحك ع عقلها .... اي اي بعدين تطولين هههههههه

وتين ...عابتلك

سابين ...جبت كلشي فرغت ثلاجتك ههههه

احمد ...تدلل ايلين عافيات تعالي هنانه كعدتها بصفي ووتين من جهتي الثانيه

فرقد ...اجيت يلا يا فلم راح نشوف شفت سابين كاعده يم احمد ضجت من شفتها كاعده بصفو

ايلين شويه لهناك تعمدت ابعدها عن احمد حتى تصير قريبه مني وتكعد بصفي

سابين ...مارديت علي وبعدت عنهم كلهم كعدت بعيد شويه عنهم

(بدا الفلم جان قتال القصه تحجي عن النبي نوح بس فلم اجنبي جنت ادحك ومقهوره

حسيت بشعور الانسان من يكون وحيد او مهجور حسيت باحساس اختي وتين

الي لا بابا ولا ماما سانديها وحيده على طول ودائما تنضرب وتترزل وتنام بعيد عنا

حسيت هيج معرف ليش وجنت ابجي ويه الفلم مو لان الفلم

مؤثر لا ..

بس لان جنت مخنوكه لان فرقد ضربني ونوب كلي كومي كعدي هناك وادحك على احمد يدللها((لوتين))

يفتحلها النساتل والجبس ويطعمها حسيت اني انانيه لان انقهرت خطيه خلي احد يساندها يسعدها يهتم بيها شويه

لان انهملت من جانت صغيره بس جنت اني هم اريد يهتم بيه شوية

فرقد ...طول الفلم ادحك عليها وشلون دموعها تنزل تشعل بكلبي شعل شكد حساسه تبجي ع الفلم وهو مايبجي

وتين ...نمت من التعب خلصت نص الفلم بس عيوني قفلت

احمد ...توته اكلي هاي طيبه اكلت منها شويه ذوقيها ((وتين بسابع نومه ))
دحكت عليها شفتها نايمه كمت جبت جرجف وغطيتها

فرقد ...حاولت اندمج بالفلم بس كل خمس دقايق ادحك عليها وتالي كولشي مافهمت منو

سابين ....كمت ما حبيت اكمل الفلم

احمد ...ها وين ام الرعب

سابين ....نعست بس راح اروح انام

احمد ...عجل راح اجيب وتين وانيمها يمج

سابين ...اي يلا عجل راح افتح الباب

فرقد ....خليها عنك احمد اني اوديها للغرفه

احمد ...بكيفك اروح عجل انام اني عندي كعده من الصبح مو مثلك تنام ضحاوي

سابين ....فتحت الباب لفرقد

فرقد ...وين انيمها ..ايلين احجي وياج ردي

سابين ...اشرتلو بيدي هنا نيمها وغطيتها

فرقد ...راح تضلين متحجين ويايه الووو يمعوده دا احجي وياج ردي ..

يابا اني اسف زعلتج مو قصدي ضربتج بالغلط واني ما ماد ايدي على بنت بحياتي اسف اتمنى تسامحيني ما اكدر اظلم احد وما اعتذر منو

سابين ...ضليت ساكته وما رديت علي ولادحكت بوجهو بس من كال اسف فتحت عيوني ودحكت علي

بكلبي هذا فرقد العصبي يعتذر مني شنو هالتطور بس هم مارديت علي اشرتلو للباب بمعنى اطلع واني طلعت للسرير حتى انام

فرقد ...اشو مارديتي ما اطلع اذا ماتحجين وتكولين سامحتك

سابين ..مارديت علي وغطيت راسي

فرقد اتقرب منها وهوه ضربات گلبو تتسارع اهمالها الو نرفزو وصل يم جربايتها وجر الغطى وجان ...

وللحكاية بقية

بدأ الحب يشتعل في قلب فرقد لكن اي حبا سيكون لا احد يعلم ؟!!

يتيع .....

#الانتحار

#بارت18

أصبحتُ متيم بكِ ، مُنفرد بطابع وحدانيتكِ مُنتشي عبيرُ عطِركِ ونفسِكِ المنقِذ؛
لم يعد بإمكَاني العيشُ سوى بداخل روحكِ وعينيكِ الخلاّبتينِ❤


............................

فرقد اتقرب منها وهوه ضربات گلبو تتسارع اهمالها الو نرفزو وصل يم جربايتها وجر الغطى وجان يدنك عليها وباس خدها ..

اسف اتمنى تسامحيني موقصدي اضرب هالخد الحلو اعتذر وتنكسر ايدي ان شاء الله بعد اذا امدها عليج ..

والحجاب اذا متردين تلبسين لتلبسين واذا تريدين باجر اوديج انتي وتوته للشط شتكولين

سابين عارضت تصرف وماقبلت ع اسلوبو وياها دفعتو وضربتو على صدرو

انت شنو مفكر نفسك ها كلي .. كلو بكيفك تمشي ماتحسب حساب العواقب الي راح توكع ع راسك

مافكرت الي سويتو راح يأذيني مرة تضرب ومرة تبوس انت انسان مريض مو صاحي مررررررريض

وضليت احجي واضرب بي انت انسان متوحش تضرب بكيفك تبوس بكيفك ..

اصلا اني اكرهك وما اجرعك واني اضرب بي جان يلزم اديه ثنينهم وجتفني

وخر عوفني كوم اطلع من الغرفه اريد انام طفي الضوه واطلع

تعصبت حيل من تصرفو حسيت اخذ شي غصب عني بدون ما انطي اي رد فعل على غفله باسني بدون مقدمات

فرقد ....ايلين ايلين اهدي اهدي ولج مو قصدي ماعيدها بس اهدي الدنيا ليل لتلمين العالم اعتذر لو اعرف هيج رد فعلج ما اتقرب منج والله بس اهدي

جان الزم ايدها وهيه دموعها تصب على خدودها احترك كلبي بالزايد اريد اصلح الوضع ولوصتو بالزايد

يربي شبيه اني شلون ابوسها حقها تتخبل هيج عليه نهارت ضلت تشهك بس رد فعلها حسيتو مو متعلق بس بالبوسه

حسيت اكو شي بداخلها مكبوت وهم كبير بكلبها خلاها تنفجر والي صار حجة حتى يطلع منها ...غريب امر هل بنت والله مدالكالها تفسير لتصرفاتها

شلتها واخذتها لغرفتي منه بعيده عن العالم النايمه ومنه تهدء وماتكعد وتين ونصير علكه بحلك هذا وذاك شلتها وجان تعض زندي حيل ودموعها تنزل بحركه

فتت دفرت باب الغرف برجلي خليتها ع التخت وهيه بعدها عاضه زندي مكدر اسحبو منها لان حاسس سنونها نبتت بي ومكدر ابتعد عنها

ايلين اتركي زندي ايلين عاضتني قوي وحتى طلع الدم شوفي ..احجي وياها وهيه تشهك وراصه سنونها بقوه ع زندي

ايلين اسف ماعيدها اهدي اي اريد تهدين اسحبي نفس واذا ترتاحين من تعضيني مو مشكله تقربت عليها وحضنتها بيدي اليمين وسنونها شويه شويه رختها ..

وجان تترك زندي ادحك سنونها كلها دم وشفتها هم بيها دم يمي كلينكس كمت مسحت شفتها وهيه منزله راسها جوى وتبجي بحركه

كافي عيوني كافي اضربيني سبيني سوي اي شي كافي تبجين تعالي غسلي وجهج بمي بارد ترتاحين شويه

اخذتها للحمام فاتت تغسل واني رجعت اشوف ايدي شصار بيها نظفت عنها الدم وعقمتها ولفيتها بلشاش واني انتظرها تطلع بس تاخرت

سابين ....احترك كلبي وضليت ابجي لاني عايشه بشخصية اختي الميته وعدموا وجودي بالحياة

ولان حتى فرقد ضربني بعد ماجانت سناء تضربني ولان همه عايشين كعائله تختلف عنا يعني يحبون بعض واحنا لا جنه عائله متفككه وغريبة الاطوار

ولان احمد يهتم باختي اكثر مني بعد ماجان يهتم بينا اني و وتين وتغير هسه

ولان هل خبل باسني بدون ارادتي كل هاي الامور خلت كلبي ينفجر قهر فتت للحمام وقفلت الباب وكعدت ابجي بحركه

فرقد ...تاخرت ايلين بالحمام رحت دكيت الباب ايلين شلون صرتي مو احسن ايلين ردي

سابين ...بعد اريد ابقى وحدي شويه روح عني

فرقد ...ايلين لتخوفيني اطلعي هسه لا افتح الباب ايلين ايلين ردي

سابين ...كتلك بس شويه بعد اريد ابقى وحدي

فرقد ....دقيقه وحده وافوت ترى (بعد مرور عشرة دقايق)
ايلين راح افتح الباب ايلين ردي ايلين ايلين

ماكو رد منها اتخبلت
‏اييييييلييين ردي لا يالله بس لاسوت بروحها شي مديت ايدي افتح الباب بس الباب مقفول ادك بي مترد تخبلت بالزايد تروح تسوي بنفسها شي

سديت الشبابيك حتى لايطلع صوت من اكسر الباب شغلت التلفزيون وعليتو

وضربت الباب دفره دفرتين نكسر القفل بس منفتح جبت سجينتي وفوتتها بالقفل وفتحتها

شفتها واكفه بالزاويه ومصدومه ومنهارة وتبجي بهستيريه ومخليه ايدها على شفتها ووتشهك ركضت عليها داحضنها

جان تفلت من جوى ايدي وطلعت من الحمام تركض راحت تريد تفتح الباب واني قافله ركضت عليها شلتها وخليتها ع التخت

‏وهيه مستمره تبجي والله السويتو ميستوجب هالبجي كلش با

لغت بردت فعلها كعدتها ..

ايلين سمعي التريدي يصير بس لاتبجين يكفي لخاطر السموات مو اعتذرت منج هسه شدعوى هالمناحه كلها كافي سكتي

بس ماسكتت خبلتني تعصبت ولزمتها بثنين اديه من جتفها وهزيتها حتى تصحه ع نفسها

اسمعي اذا ماتسكتين هسه ارجع ابوسج فاهمه وين توصل خلي توصل

‏سابين جمدت بمكانها وفتحت عيونها ع وسعهن ...ويه نفسها كالت خفت من كال هيج سكتت كبل بس الشهكات تطلع بدون ارادتي

‏فرقد ...عفيه ناس متجي الا بالتهديد زين هسه اذا اهددج واكلج اذا متلبسين حجاب ابوسج راح تلبسين لو لا

‏سابين ...غوركت عيوني وردت ابجي

‏فرقد ...برطمت شفايفها مثل الطفله ورادت تبجي لالا اشاقه يمعوده بس سكتي هددتج بس حتى تسكتين كافي بجي اني اعتذر منج وماتطلعين منا اذا ماترضين وتنسين كلشي

‏سابين ....اي سامحتك اريد اروح

‏فرقد ...شبسرعه مقتنعت

‏سابين ...اريد انام امانه والله تعبت

‏فرقد ...صوتها مخنوك وتحجي ..ايلين احجيلي انتي ليش مخنوكه كولي شنو المضوجج اذا اني والله باجر اطلع من البيت ومتشوفين خلقتي ابد لحد متروحين

‏سابين .....لا ..يعني اي انت ..يعني انت ومو انت ..جثير شغلات تذكرتها وكمت ابجي

‏فرقد ...يعني مو بس اني السبب اكو غير اشياء

‏سابين ...هزيت راسي بمعنى اي

‏فرقد ...منو ضوجج احجيلي اني حسيت انو هالانفعال مو لان ضربتج اكو شغلات متراكمه بداخلج ونفجرت

هسه بس ردتي حجه حتى تطلعيها صارحيني شنو الي بداخلج فضفضي ياعيني اسمعج واعتبري تحجين لنفسج لتخافين ماحجي لاحد

‏سابين ....فرقد هاي خصوصياتي ماريد احجي بيها اريد اطلع انام ...كمت حتى اروح ليم الباب

‏فرقد ...لحظه ايلين

‏سابين ....وكفت وانداريت علي كتلو نعم كال اسمعي ((سابين)) انصدمت صار زمان ماسامعه احد يصيحني باسمي كلو ايلين ايلين هسه كلي سابين اني سابين اي مو ايلين

‏فرقد ...امج تعاملج على انو انتي ايلين وهذا الشي ماثر عليج هل هذا السبب

‏سابين ...دست على نفسي لا انت شتعرف عني ها؟؟ كلشي متعرف كلشي متعرفون عنا احنا احنا ...سكتت ماكملت
‏وهسه افتح الباب ويكفي حجي

‏فرقد ...كملي احنا شنو احجي ليش سكتي

‏سابين ...تفتح ‏لو اصيح والم البيت

‏فرقد ...اي اي افتهمت راح افتحو بس اعصابج سابين لو ايلين تحبين اصيحج

‏سابين ....ايلين صيحني مثل ما الكل تكول ايلين انته هم ماتختلف عنهم

‏فرقد ....اي صح ما اختلف تفضلي لغرفتج ست ايلين

‏سابين ...نمت ماكعدت للصبح

‏((اليوم الثاني ))
‏الساعه ٧صباحا

هاجر .....يوووم يووووم تعالي شوفي هالكد اصب يكفي

هناء ...اي اي صبي بعد جوعانين خطيه ميبقى شي هسه كله ينأكل

هاجر ...والبيض اكشرو لو اعوفو بكشره

هناء ...عوفي بكشره الي يريد يكشر لنفسو

سابين ...صباحو عمه صباحو هجو

هاجر وهناء ...صباح الفل والجوري

طارق .....ابو احمد
ابو احمد كوم كوم يلا كافي نوم صار الريوك

علي ..كاعد والله بس متمدد

هناء ...سوسه روحي كعدي بيبي وامج واختج

سابين ...ادللي عمه

هاجر ...سوسه فدوه بطريقج احمد وفرقد هم شحطيهم وياج

سابين ..اي اني الانشحط مو همه صار
يووووووم كومي عمه هناء تصيحج

سناء ....ياصباح الملائكه تعالي لحضني ابوسج يبعد امج .. والعله اختج وين

‏سابين بحزن فتت كلبها ...يوم والله خطيه لتكولين هيج عليها هم بنتج هاي

‏سناء ...اهووو ايلين لتبدين

‏سابين ....نايمه فوك هسه اطلع اكعدها

‏سناء ....طمره نومة اهل الكهف اكوم اغسل اني وانتي طلعي كعديها

‏سابين ....اي ماما دكيت الباب على بيبي بيبي كعدي بيبي عمه تصيحج تعالي تريكي فتحت الباب وفتت هزيتها عاد كعدت بيبي يلا تعالي تريكي

بيبي وهيه تفتح عيونها بنعاس ...ياهلا بلفصعونه والله شلون اخذتني النومه نمت مثل الميته ولاحسيت على اذان الفجر اوووف

سابين ...اي صح النوم بيبي يلا تعالي ننتظرج اني اطلع اكعد وتين واحمد وفرقد

بيبي ...اي بنيتي كعدت يلا روحي

سابين ..طلعت رحت لغرفتنه شفت وتين غاطه بالنوم ...توته توووووته هزيتها وكعدت فوكاها

وتين ...اووووي هاي شبيج مخبله كومي نفعصت راح اموت

سابين ..ديلا كومي كافي نوم تعالي نتريك

وتين وهيه تتثائب وتفرك بعينها ..متكوليلي كاعده قبل الشاحوذه وبنتها انتي

سابين كفختها ع راسها ..انجبي اي انتي مطموره مثل اهل الكهف شنو نمتي قبلي وكعدت قبلج يلا كومي

وتين رجعت نامت وغطت راسها ...بنتي بس خمس دقايق عوفيني حبابه

سابين ...ولج كومي بعد لازم اكعد احمد والمايتسمى .

وتين ..و منو المايتسمى

سابين ...فرقد اكو غيرو

وتين ...اي هسه روحي كعديهم واني اخر وحده رجعي عليه وكعديني .

سابين ..امداج دبه حميسه مال نوم وبس

وتين ...دروحي هسه يلا نكلعي عني تعبانه

سابين ...ترى اذا ارجع عليج واشوفج مو كاعده اكعدج بدولكة المي هذا كلو اطشو فوكاج .

وتين ...اي اي بس انذلفي عني .

سابين ...انذلفت طلعت من الغرفه ورحت لغرفة احمد ...دك دك دك احمد احمد دك دك دك احمد كوم عمه تصيحك .نفتح الباب .

احمد ..صباح الفل

قزومه شلون كدرتي تطلعين الدرج .

سابين ...شقصدك ليش ما اطلع الدرج يعني

احمد ...لا مو لان قصيره استغربت شلون وصلت رجلج الدرج .

سابين خزرتو وكالت ..لاتستلمني من الصبح .

احمد ..اذا ما استلمج استلم منو عجل هههههههههههههههه

سابين ...ديلا انزل طنطويل البيت .عفتو ورحت لغرفة فرقد ودكيت الباب ..فرقد فرقد .

فرقد ...فزيت على صوت دكة الباب معقول هاي صوت سابين ركضت للباب فتحتو جنت اريد ابوسها احضنها هذا كلبي راح يفضحني خررب

سابين ...فتح الباب وجان شكلو كلش يضحك الكفشه مالتو مخربطه وعيونو نعسانه ونوب بالفانيله الداخليه سوده وكتفه العريض ومعضل وبجامتو رجل مرفوعه ورجل نازله ضحكت علي

فرقد ...هاي ليش تضحكين ولج كلت نكته شي

سابين وهيه خربانه ضحك كالت ...بس شوف نفسك تموت ضحك

فرقد ...احترمي نفسج ركضت ادحك على نفسي بالمرايه جان شكلي يشبه كلشي عدا البشر

سابين ...ها مو كتلك شكلك يضحك تشبه الاسد بهالشكل

فرقد ...انجبي هسه وانذلفي منا لان حيل مالي خلك الج يلا دي

سابين ...اي تعال تريك عمه تصيحك

فرقد ...لحظه لحظه انتي جايه تصيحيني على الاكل

سابين ...اي عجل لويش جايه

فرقد ....شوفي هاي وكعت منج البارحه

سابين ... شنو هيه

فرقد ...معرف تعالي شوفيها

سابين ...ركضت اريد اعرف شنو وكع مني وجان فجأة يطبك الباب ورايه

فرقد ...طبكت الباب وقفلتو واني قلق عليها مسكتها من ايدها وكعدتها ع التخت

ونزلت على ركبتي وصرت قريب منها ايلين انتي مو زعلانه مني اعتذرت البارحه اتمنى ماتشيلين بكلبج عليه

سابين وهيه متوتره من الموقف ...فرقد مو زعلانه جنت اول امره اشوف نظراتو بهالحاله كلها قلق وخوف عليه

هالشي اربكني هذا مو فرقد الاعرفو ردت اسد الموضوع واطلع بسرعه من الغرفه خفت نوعا ما منو اني ما استلطفو ابد

فرقد يداهرها ويضحك ...اذا تريدين اراضيج بعد اكثر عادي ابوس خدج مره ثانيه

سابين بصدمه شهكت .....عزززة شنوووووو خفت نصدمت هذا شكد جريء

كمت ع السريع ودفعتو هوه وكع لورى ركضت فتحت الباب ومن امنت انو اكدر افلت

كتلو رجال ابن ابوك وسويها غير اكسر سنونك وشلعت ركض ع الدرج حتى ماكعدت وتين عفتها ونزلت

فرقد ...ضحكت عليها شلون ركضت ومتت ضحك على تهديدها القزمه تكسر سنوني

سابين ..ركض نزلت لكيت الكل ملتم ع الميز كعدت يم بيبي

بيبي ...شعندج طايره شنو شفتيلج جني

سابين ...لا بيبي بس نزلت ركض من فوك

سناء ...ايلين ماما تعالي يمي حبيبي

طارق ..ايلين وين وتين

سابين ...بابا منزلت بعدها نايمه

طارق ..ليش مكعدتيها

سابين ...بابا مقبلت تكعد

طارق ..صعدي بنتي كوليلها ابوج يريدج خلي الكل تاكل مره وحده لا كل ساع وحده نازله يلا

سابين ...بكلبي يبوووووو شون مشكله هسه هم التقي بفرقد واني غلطت علي

طارق ...ايلين بسرعه طلعي صيحي اختج

سابين ...اي صار بابا
طلعت دحكت ع الدرج فرقد ماكو ركض طلعت كلت اصيحها وانزل قبل لاينزل فرقد

غرفتنا الي نمنا بيها يم غرفة فرقد يعني لازم اعبر غرفتو يلا اصل لغرفه الي بيها وتين ركض دا اعبر الهول جان انضرب بي اوويلي يالله

فرقد ...غسلت وجهي رتبت شعري بدلت ملابسي وتعطرت ودا اطلع جان تفوت سابين وتنضرب بصدري
هوب هوب شبسرعه مستعجله شكو

سابين ...معليك انته بعد عن طريقي شو

فرقد ...ترى باصبع واحد ارفعج وافوتج للغرفه وتعرفين شسوي بيج

سابين ...لا بطه ما اعرف وخر اريد اصيح وتين

فرقد ...اي ست سسااابين يلوكلج تتعصبين وتهددين وتكسرين هم

سابين ...جمدت هذا راح يضربني راشدي ثاني يفرني بي فر

فرقد ...نزلت ليمها شو سكتي ماطلع صوتج ها

سابين ...لا ماسكتت بس مايعجبني ارد عليك واخسر طاقه

فرقد ...هاااا الرد عليه صار خساره بالطاقه امممممم

سابين ...اي والله هذا الموجود

فرقد ...صار يا سابين بعدين نتحاسب

سابين ...طفرت بس سوالي شويه مجال وكعدت وتين ونزلت ركض

شفتو كاعد يم الكرسي الي لازم اكعد بي اني يعني راح اصير بالنص من اليسار فرقد ومن اليمين بيبي

فرقد ...اشرت الها بمعنا تعالي كعدي هنا وجنت فرحان بالخباثه الي دا اسويها

سابين ....هفففففف حتى هنا لاحكني اني اريد اكعد يم بيبي حرام اتهنى يعني رحت كعدت ودرتلو ظهري

ادحك لبيبي واحجي وياها بيبي اكو هواي ناس ماينجرعون هنا الله يعينج شلون عايشه وياهم

بيبي ...المن هالبسمار ولج فصعونه

فرقد ...تقصدني اني والله بيبي

سابين ...البي شوكه تنغزو

بيبي ...ثنينكم كافي عاد من الصبح قابليتكم مفتوحه على العركات شنو هالواهس العدكم

سابين ...اني معليه بيبي ماقصدتو هوه

فرقد ...بله وليش منو اكو هنا يضوجج غيري

سابين ...يعني تعرف نفسك مكروه

بيبي ...بسكم ثنينكم خلي ذوله هالكمتين مري

وتين ...بيبي عوفج منهم مايفيد راح يضلون هيج

بيبي ...انتي العاقله بينهم والله خوما ذولي بطول النخله وعكل صخله

فرقد ....بيبي ما اسمحلج ترى شوفي شطولني

بيبي ...وشطولك بله بس طول انته ليش عقل براسك اكو

احمد ...بيبي تريكي وع

وفيهم ذولي يشيبون الكلب لو ركزتي عليهم

فرقد ...انته عينك بصحنك وذوله احسن مو

احمد ...حاضر اعصابك فرقودي

وتين ((كملنا اكل وسابين وفرقد بس يتناكرون واحمد بس يخلي اكل جدامي حسيت باهتمام محد اهتم بيه هيج من قبل جثير حبيت هالشي ردت ابقى يمهم ماريد ارجع ويه سناء وطارق ماريد

وب١١ الضحى جا ولدين ماشايفتهم من قبل اصلا احنا منروح لبيت جدو كل ٥ او ٦سنوات مرة

عمو ...هلا هلا بيكم تعالو ولد اختي شربو جاي

يزن ...هلو خالو طارق شلونك

انمار .....هلو خالي شونك

فرقد ...ياهلا ومرحبا لزمت ايد سابين ورصيتها بس مو قوي ردت اكوم ودنكت كتلها كومي لبسي حجاب

يزن ...عيوني وكعت على بنت تخبل معرف شنو صار بيه تخربط حالي وتلبكت اول مره اشوفها اوويلي منو هاي سبلت عيوني وصفنت عليها

وبعدين صحيت ورحت سلمت على خالي ومرت خالي وردو السلام سالت فرقد الي تقرب مني وسلم عليه وضرب جتفو بجتفي هذا سلام بيني وبينو وهمستلو منو هالحلوه

فرقد ...منو تقصد

يزن يضحك بخبث ويغمزلو ...هاي اليم بيبي الجنت كاعد يمها وهمستلها قبل لتكوم

فرقد ...وان شاءالله سمعت شهمست

يزن ...لا والله ماسمعت بس شفت

فرقد ...اي نزل عيونك عنها لا افكسها الك هاي بنت عمي طارق

يزن ...شدعوا بنت عمك يول اعتقد هيه بنت خالي هم شصار قابل خليني ادحك اول مره اشوف وحده من عشيرتنه حلوه والله الجمال البغدادي ماعلي حجي

فرقد وهوه يصك سنونو بغضب ...تريد تنطب انت صار زمان ماطبيتك رصيت ايدو نزل عيونك

يزن ...دحكت الو جانت عيونو بكصتو وتجدح نار وشرار كبل تلاحكت نفسي

لا اروح اوكع جوى ايدو والله محد يفكني منو ..فرقد ترى اشاقه والله موقصدي شي اعتذر منك

فرقد ...هاي الامور مابيها شقه وانت تماديت

يزن ...اي اعتذر منك لفها وتعال برى

فرقد ...طلعو مرت عمي وبيبي وامي للاستقبال يشربون جاي وضلت سابين ووتين وهاجر بالمطبخ كلت ليزن اسبقني انت اني هسه اجي ،،هاجر طلعي جيبي حجاب لايلين

سابين ..بس اني ما البس حجاب

فرقد ...صحت بيها مو بكيفج دام انتي هنا تلبسين حجاب ومن تولين عساج لا لبستي ...حررررف ما اسمع منج زين كلامي تمشي افتهمتي

هاجر ..فرقد اهدء اي راح تلبسو هسه اقنعها

سابين ...والله ما البسو شنو منو هوه حتى يتحكم بيه امي لو ابويه

هاجر ...ايلين فدوة بلا عناد الله يخليج فرقد وتعرفي اعصاب محد يحملو

سابين ...اي اي خلي يتعصب شسويله والله يالله

هاجر ..عود لو سطرج بكفخه ع راسج وكتها خلي كلامج يفيدج

سابين ...ما البس يعني ما البس كلامه ميمشي عليه

هاجر ...والله انتو واحد اعند من الثاني شعليه اني سوي البراسج

وتين ...هاجر ايلين تعالو جت مره وبنيه ما اعرفهم وبيبي تكول تعالوا سلموا

هاجر ..اكيد عمه انغام وبنتها اراده الحيه هفففف شكد غثيثه هل بنت

سابين ...منو هاي ما اعرفها

هاجر ...اي لان انتو متجون متعرفون احد

سابين ..يلا عجل نروح نشوفهم

هاجر ..وين يمعوده لبسي هالحجاب شلون ماجان بس تكفي شر فرقد

سابين ...كتلج لو يموت مايحكمني يلا امشي

هاجر ...اللهم طولج ياروح انتي ويا واحد اعند من الخ شعليه حارگه اعصابي ..عود تفاهمي ويا لو تخبل عليج

وتين ..شكو !!؟؟

سابين ...كلشي امشي جدامي
فتت شفت مره قصيره شويه سمينه ولابسه اسود ومناظر

و وياها بنت ضعيفه مو كلش حلوه وشويه طويله

تلكتني ماما وبيبي تعالي ايلين تعالي سلمي على عمتج انغام وبنتها

مشيت وهيه تصلي على النبي صلاوات على النبي ماشاء الله شهل جمال الله يحميج من العين وعيني عليج بارده بوستها ورجعت كعدت يم ماما

جان تكول بيبي سلمي على البنيه كمت بوستها شلونج ردت بخير من ورى خشمها ما حبيتها من فتت هي تدحك علي بنظرات غريبه

هاجر فاتت ورايه وسلمت عليهم كعدو سوالف وعمه تكول ليش متجون وليش منشوفكم هالكطعه نكطعتو عنا

سناء ...والله مشاغل الحياة تاخذ من الانسان قطعه وتعرفين دوام

انغام ...اي والله واكيد موت ايلين اثر عليكم ((هنا ماما ردت ببرود اعصاب))

سناء ..لا ام انمار انتي مشتبهه لان الي ماتت سابين وهاي ايلين كبالج

((طبعا عمه انغام ماشايفتنه بس مره وحده من انولدنا فتعرف انو ام عيون ملونه ايلين

فعمه سالت ماما بس مو اتذكر ايلين جانت عيونها ملونه لو مخربطه اني

سناء ..لا حبيبتي مخربطه العيونها ملونه سابين مو ايلين ((هنا عكست سناء الموضوع والماتت سابين وهاي ايلين))

غمزتلها بيبي انو تسد الموضوع ومرت عمي علي كالتاها يلا انغام تعالي بس اشوفج شغله سحبتها لان اذا تبقى تصير مشكله

صاحتني ماما وكالت تعالي يمي اشمج ماما جنت احسها مريضه مو بوعيها ولاتصرفاتها صحيحه جنت اشك بيها مرض نفسي ..

بس وكتها ماجنت اعرف شنو معنى المريض النفسي بس جنت احس انها مو طبيعيه

اول ماطلعت عمه انغام وهناء مرت عمي ..وبيبي كامت راحت للخطار ويه بابا وعمو علي ..

كعدت ضلينا بس اني وماما ووتين ماما كبل سدت الباب وبدون سابق انذار ضربت وتين راشدي سطرتها بالكاع بدون اي سبب بس لان عمه انغام