ميقبل ضحكت وكالت لتنامين راح ارجعلج

طارق ...فاتو اسعفوها ضربوها ابره ينشطون قلبها بيها وغيرو جهاز النبض لان يخافون عطل ..

بس بالفعل جان قلبها متوقف ورجع الدكتور سوالها انعاش بايده ومافاد

وسولها صعقه بالكهرباء ومافاد ماعرف شلون الدكتوره كالت مختنكه اوردتها متضخمه

جابت سرنجه كبيره وفوتتها بكل قوتها بصدرها وضلت تسويلها انعاش بيدها الا ان رجع الجهاز اشتغل ..

اني كعدت بالكاع رجلي صارت خيوط من الهبطات منو يتحمل الي اتحملته اني كوارث وفاجعه وره فاجعه دكت براسي

رافد يبجي ويكول اخذها يمي اربيها والله الا اشتكي عليكم

الدكتور ...بعد تعب كال الطفلة انهارت واصلا رئتها متضرره وضغطت على نفسها ونملت دم

لهذا متنفست نحتاج وقت بس لبين ميستقر وضعها ونسوي تحاليل كامله هسه لازمها اشعه اريد اشوف رئتها

الدكاتره الويا وجهم اصفر وخايفين عليها حيل اخذوها سوولها اشعه ورجعوها للعنايه المشدده

وخلولها جهاز انذار لأي صوت توقف لاي جهاز يطلق انذار للدكتوره وكل ٥ دقايق يفوت دكتور او دكتوره يتفحص حالتها

ونوب رافد خبلني انتو متخافون من الله والله الا اشتكي عليكم والله الا اتختخكم بالحبوس عفته مارديت علي لان تعبان حيل ومالي خلك

وتين ....من طلعت الخاله اني كبل طلعت اريد اروح يم سابين لايضربوها

بس ضيعت الغرفه ضليت امشي وشافتني دكتوره كالت وين ياحلوه كتلها يم سابين
الكل جان يعرف سابين وحالتها كل المشفى
لان متعرضه لضرب عنيف

الدكتورة ... انتي اختها

وتين ...اي

الدكتورة ...تعالي اني اوديج

وتين ..اخذتني وياها للغرفه البيها سابين وخلتني اشوفها من فوك الباب

_شفتيها ؟؟

_بعيده مشفتها وليش نايمه

_لان تعبانه نايمه

_هاااا يعني انتو مضربتوها ونامت

_لا حبيبي احنا منضربها ابد احنه هنا نسعف المريض ونهتم بي

_زين خلي نفوت انتي ليش متفوتيني يمها

_حبيبي لان تعبانه وتحتاج راحه

_اي شوكت تكعد

_من تكعد وعد اجيبج الها شتكولين

_اي

_انتي هسه وين غرفتج

_ماعرف

_يبوووو مضيعتها هسه الكاها الج

_جاي تمشي الدكتورة بالممر وشايلتني شفت الخاله كتلها خااااله
التفتت هاي وينج ساعه ادورلج
ليش طلعتي

_ مو جنت اشوف سابين

_مو اتفقنا ماتطلعين الا ان اجيبلج نستله تعالي اوديج

وتين ... اخذتني من الدكتوره وسلمت عليها و ودتني للغرفه جايبتلي كثير نساتل كعدت افتح واكل جوعانه

طارق ...مرت ساعات سودة ومره عليه والدكاتره مخبوصين والمشفى على تك رجل بسبب حالة سابين

واني مابيدي شي نوب لازم ارجع للضابط كلت لرافد اني راجع اغير ملابسي

وهم اشوف الضابط لان طلبني وارجعلك اتعبك اذا تبقى يمهم

رافد ..لا استاذ شتحجي انته بس مر لبيتنا خلي امي تدزلي ملابس

طارق ..اي ادلل
رجعت اول ما فتت للضابط كالي ها شلون صاروا بناتك كتله وحده ماتت مرتين والله حياها والثانيه عايشه ..بس مالكيتو ايلين

الضابط ..لاوالله استاذ ملكيناها شكد دورنا ماكو فص ملح وذاب

طارق ..اني ارجع ابدل واطلع ادور وياكم

الضابط ..براحتك استاذ بس مرتك بالمستشفى طالبه تشوفك

طارق ..هااااا اي يا مشفى

الضابط ..مشفى العام

طارق ..اوك ابدل واجي
رحت للبيت وكلي تعب اريد هاليوم يمر فتت لغرفه البنات اخذ ملابس للبنات

وشفت ايلين نايمه انصدمت ركضت اريد اشوف حلم علم هاي لو يمكن اتخبلت كام يتراولي اشياء مموجودة !!!

وللحكاية بقية ..

‏الشيء الوحيد الذي حينما اصطدم به، تصيبني نوبة من الضحك والرغبة في الإنتحار، هو أن الحياة ترفضني لكن شيء ما يصر على بقائي حياً، وأنجو دائما..

يتبع ...

#الانتحار

#بارت12




ألمْ ووجّع يملأَن روحكَ بْالكئابة
تبكيْ وكأنكَ تتقيئُ قلبكْ وصوتُ
أنينكَ يكادُ أن ينتزعَ صدركَ
أتعلمون عنْ ما أتحدّث
عن أرواحِنا التي آصبحت
محلاً للأسئ عن حياتنا صعبة
التي تجبرُنآ على نومِ لسآعات
دونَ أن نستيقض ..

طارق ...اتقربت منها لا هاي حقيقه مو حلم ياربي وين جانت لمستها فزت ورجعت لورا

ايلين ترجف بخوف من ابوها لايضربها انتقاما لسابين ...والله بابا معليه والله معليه

ماما ضربتها واني كتلها عوفيها والله معليه امانه بابا لاتضربني امانه وكمت ابجي

جنت خايفه منه لان كل ما ماما تضرب سابين بابا يضربها ويضربني كدامها رجفت من شفته وتوسلته ميضربني جان شكله تعبان ومنايم ..

طارق بتعب كعد وينافخ بهم وحزن حط ايده ع راسه وعينه غوركت شنو هذا الي ديصير منو السبب بهذا كله ..

هل ياترى اني لو سناء ليش منعرف نعيش مثل البشر ليش منعرف نحتوي عائلتنه

ليش منكدر نتعايش مثل الناس بحب وحنان ليش عائلتنه متفككه ومنهارة

منعرف نحتوي اطفالنه ونحوطهم بالحب والحنان مثل باقي الاهالي احنه مثل الهمج ولا كانو دارسين ومثقفين افكار براسي تتلاطم مادالكللها جواب

جنت اعاند نفسي وانتقم من روحي ومن بناتي لان امهم ماحبتني مثل ماحبيتها

اتعس حياة عشتها هذا بسبب عصيت أمر ابوية هيج الله غضب عليه بهل زواج الاكشر

رفعت راسي ومسحت وجهي وكتلها كومي بنتي جيبي ملابس لسابين ووتين وانتي بدلي تعالي ويايه ما اكدر اخليج وحدج هنا يلا

ايلين تشهك من البجي وتمسح دموعها وتحجي ..بابا وتين ماتت مو

طارق ..لا بابا ما ماتت

ايلين ..لعد وينها

طارق نتر بوجها ...يلاااااا بلا حجي زايد خلصيني

ايلين ..فزيت اخذت تراكات وبدلت وطلعنا رحنا للضابط

الضابط .....بتفاجأ هااااي وين جانت كلبنا الامه عليها

طارق ....لكيتها بلبيت صدك وين جنتي نسيت حتى اسالج

ايلين ...بالتانكي مال المي

الضابط ....شنوووووو شوداج هناك

ايلين ..عمو جنت خايفه

ضابط ...ماخفتي تغركين

ايلين ..لا عمو مو جان فارغ
((طبعا من صارت المصيبة انهزمت وركضت من ايد امي وصعدت للسطح اكو تانكي مال مي فارغ طبيت بي وبقيت وماطلعت جنت حييل خايفه بقيت وراها صارت الدنيا ليل وطلعت نزلت ماشفت احد بالبيت جان فارغ كورت نفسي مثل وضع الجنين ونمت ع القنفه لحد مافززني بابا ))

الضابط ..خرب بليسج واحنا كلبنا الامه عليج

طارق ..حضره الضابط اني راح اروح للمشفى العام وايلين ولكيناها ماضل شي اعتقد

الضابط ....نعم بس القضيه بعدها مفتوحه روح هسه بعدين تجيك التفاصيل لان الاهالي مشتكين عليكم بتهمه تعنيف اسري وراح تجي لجنه على اساسها نتصرف

طارق ...وليش اشتكوا علينا عائلتنا وجاي نبتيلها نظام

الضابط بأيده يضرب ع الميز المقابليه بغضب وبقوة وصرخ ...هذا يانظام مرتك بالمستشفى وبنتك ماتت مرتين وحتييت

والثانيه مهزومة منكم من الخوف وخاتله بتانكي مال مي ...وبيتك مليان دم هذا يا نظام تحجي عنه والله اذا نرفعت قضيه ضدكم غير فلا اخليك توصل للمحكمه اموتك على ايدي

طارق كظم غيضه وبلعها وسكت لو مو ضابط جان ابتليت بي وربي بس وضعي ميسمح خل اشوف هالحيوانه سناء ليش سوت هيج

رحت للمشفى العام سالت عليها و دلوني رحت لغرفتها شفت اكو حراس ع الباب

ردت افوت سالوا منو انته كتلهم زوجها كالو راح نفوت وياك تحسبا لاي امر

فتت وفات ويايه حارس شفتها كاعده ولا كانو مسويه شي كعدت صفنت بيها فتره ..

كتلها ها ليش هيج سويتي ..

سناء وهيه تهز براسها مثل الوحدة مختله عقليا وتبتسم وخازره عينها منظرها مرعب جان رفعت راسها وحجت ومثل الفاصلة كلتله ....متحملتها جانت اطركع بالماعين واني اريد انام

طارق ..بربج علمود دتغسل مواعين تكومين تضربيها هيج ماتت مرتين ولج

سناء ..بالموت عساها مايهمني

طارق ..ع فكره ايلين ضايعه محد لكاها من يوم الحادث

سناء انفزعت انته شتحجي ايلين وين تهسترت كمت اصيح واعيط علي احجي شسويت ببنتي الله ياخذك انت وبناتك ياحقير ...

طارق وهوه يلعب بعصابها ويتقصد يغيضها ..كتلها
ما اعرف وينها احتمال ماشية طالعه للصحراء وماكلتها الذيابه ..

سناء بهستريه ...جذااااااااااب انته كتلتها ودفنتها حتى تنتقم مني قسما بالله لو صار ع بنتي شي لا احركك انت وبناتك يامجرم ...

الشرطي يباوعلنا مستغرب
حقو شنو هالعائله المجرمه الكدامه يحجون بالاجرام علني عائلة تعيسه ملعونه

كتلها الحمدلله ما وصخت ايدي هيه قررت تهج منج من عمايلج السوده باختها

سناء بتهجم ..انجب حقيييير هجت منك شكد ماتضربها ولك لو يسلموك بيدي اله اكطعك بسنوني من ماهلكد كره وحقد وغل بكلبي الك

طارق ...ههههه مو اجرم منج على الاقل اني ما فوتتها انعاش وما وصلتها الموت
انتي هم تنحسبين على الزوجات او على الامهات
جنت احجي ابرود اعصاب وهيه مشتعله بنار وتكمز

سناء تصرخ بنفاذ صبر ..ياشرطي تسمعو قتل بنتي سجل يمك هذا قاتل الزموا خلي يجيب بنتي وينها

طارق ..اهدي ترا الشرطي بس حارس كدام بابج لان انتي متهمه بجريمه قتل

ايلين ماكو مختفيه ووتين ماتت وانتي راح تنسجنين واني اله لعب بغيابج بالعافيه عليج السجن..

يلا بما انو مابيج شي وجنج سعلوة بسبع ارواح اني اروح
عفتها تصيح وتهدد والشرطي طلع وكف يم الباب ..

الشرطي باستغراب ..لعد هاي الطفلة منو ؟

طارق بضحكة ..ايلين

الشرطي ..لعد مو كتلها مختفيه

طارق ..هههههه اي حتى اجلطها واخلص منها

الشرطي ..استغربت لهالعائله مو صاحيه وربي شنو من ام وشنو من اب عوذه عمري ماشفت مثلهم مو بشر والله شياطين

طارق ..طلعت ورحت لسابين
اول ما وصلت شفت رافد كاعد جوا بالكافي نطيته علاكه الملابس الاخذتها من امه

رافد ...شفت ايلين ارتاحيت انو هيه بخير
حضنتها وكلت همزين يفصعونه وين جنتي

ايلين ..بالتانكي ختلت

رافد ..ضحكت على تصرفها

طارق ...ها مصار شي جديد

رافد ..لا مصار على حطت ايدك

طارق ..رحت فوك سابين بالانعاش ووتين يم الممرضات يلعبون وياها خليت ايلين يمهم ومشيت

ضلينا اسبوع بالمشفى وسابين على حالها تسوء ماتتحسن الا ان الدكتوره كالت ندخلها عمليه

البنت جاي تموت يوم عن يوم لازم نلحكها وقع على مسؤوليتك وقعت وفوتوها ورا اربع ساعات عمليه يلا طلعت

الدكتوره ..فوتتها للعمليه الجروح مالتها من الداخل ملتهبات وعدها فطر بلقفص الصدري محد انتبه اله كمت اصيح عليهم شلون مو تحاليل كامله وفحوصات شلون محد انتبهلها

الدكتور ..يلا دكتوره ترا سوء حالتها مو سببه الفطر التخثر الهنا لازم نعالجه

ضلينا اربع ساعات نشتغل على وكفه وحده نشيل تخثر نكص الاورام نخيط الشرايين الا ان انتهينا كملناها وطلعناها

طفله بهيج عمر تعاني الي عانته وتفوت عمليه بهالصعوبه الله لايوفق الجان سبب

طلعناها للعنايه المشدده وكلنا على اعصابنا ننتظرها تكعد لازم بعد هالتعب تفيق

ورا ساعه ونص فاقت تحرك عيونها وتون من الوجع وكل ماتفيق اكثر تعلى صرخاتها اكثر

رافد ..ادحك على ايلين راحت على اختها

ايلين ..رحت للمشفى شفت وتين حضنتها وكمت ابجي والدكتورات حضنوني ويسكتون بيه واني اشهك

فقدت بالكوه سكتت وضلينا كاعدين بالممر اني وبابا ورافد ووتين تعبت راحت نامت الا ان طلعو سابين اخذها لغير غرفه الكل يركض

طارق ..ها دكتور بشر شصار بيها شي

الدكتور ..لا عالجناها وسويني الي نكدر علي ننتظرها هسه تفيق ونتابع حالتها

طارق ..يعني راح تعيش بس كلي برد كلبي

الدكتور ..والله ما اعرف جان سالت نفسك وين جنت عنها من صار بيها هيج هاااااااا

ولكم حرام الله ينطيكم جهال اكبر حراااام انتوا مجرمين

ناس تتحسر ع اضفر طفل وانتوا عدكم ورود مال الله هيج تتعاملون وياهم الله ينتقم منكم مجرمين عفته ومشيت وكلبي محترك منه

طارق ...مرت ايام وسابين فاقت وصح جانت اول ايامها تتوجع وتصيح وتبجي

بس شويه شويه تحسنت اخذتها للبيت ورجعت وداريتها وسناء طلعت من المشفى ومسجونه

ونوب جت الرعايه الاجتماعيه ما مر واسبوع على البنات يمي بلبيت وندك الباب

مراه كبيره بلعمر ورجال وياها كالوا راح نسحب البنات منك فتره

لبين مايتبين صحة عقلك وعقل زوجتك وانته لازم تخضع لفحص طبي

والشرطه وياها اجو تخبلت انتي شتحجين متاخذيهم بس ولا عبالك احجي الشرطه كلبجوني واخذوني بالسياره ..

رافد ..طلعت على صياحه صارت بيه خوفه ليكون جاي يضرب بالبنات

شفت مراة جبيييره سألتها شجاي يصير كالت احنا الرعايه الاجتماعيه

ارتاحيت والعالم التمت من رادوا ياخذون البنات صاحتها ست افراح

((افراح معلمه البنات بالابتدائيه متزوجه وماعدها جهال وميصير عدها عقيمه من رادوا ياخذون البنات اعترضت))

افراح ..اريد اني اعتني بيهم لبين ما تنحل القضيه

موظفة الرعاية ..وانتي منو ؟

افراح ..اني معلمتهم

الموظفه ..نعتذر منج بس اقربائهم بالدرجه الاولى يحق الهم يعتنون بيهم ..

افراح ..الله يخليج اني وحيده ومايجيني جهال والله اعاملهم احسن معامله

واني متعلقه بيهم فدوه واذا تريدين انتي هم تعالي عيشي ويايه وشوفيني شلون اداريهم ..

الموظفه ..اعتذر عزيزتي كلامي واضح اقربائها بلدرجه الاولى او ما يحق

البنات يهزون بثوب الموظفه ...عمه حبابة نريد نبقى يم ست افراح الله يخليج

الموظفة ..دحكت الهم وشفت الامان الي مأمني وهمه يحجون عنها ما امنتها بس خليتهم يمها وكلت اكبسها كبسات حتى لشوفها اذا تسيء الهم

وتين ...عشنا يم ست افراح شهر كانت احلى ايام حياتنه شفنا شلون تكون السعادة وحسينه بدفئ العائله

حسينه بفرق كلش كبيييير بين تعاملها هيه وزوجها عمو هيثم وبين تعامل ماما وبابا

وخلال الشهر خضعت امنه لفحص قواها العقلية اثبت انو ماما مو سليمه عقليا وخضعت لعلاج نفسي وبابا ضل تحت الاختبار ..

افترقنا عنهم ٦ اشهر ونص واحنا منشوف لاسناء ولاطارق واستلمتني ست افراح

اعتنت بينا اكثر من اهلنا واشترتلنا ملابس وكلشي جنا نحتاجه ما فرقت بيناتنه ابد

درستنا وعوضت الدروس الفاتتنا اني نجحت للثاني وسابين وايلين للثا

لث

بيناتنا سنتين فرق العمر بس لان راحت منهم سنه بسبب ظروف البيت صار فرق الدراسه بيناتنا سنه وحده ..

ومرت ايام سعيده كلش جنا نتمنى ماتخلص حسينه بمعنى كلمة العائلة الي شفنا بس يم بيت ست افراح

جانت تغمرنه بحبها وعطفها وحنانها الي جنه مفتقدي من اهلنه والي منعرفه شنو هل احساس اصلا لان اتربينه ببيئة تعبانه وملعونة وتعيسه وكلها كره وحقد وعنف ..ضلينه يمهم

بس بعد ما نجحنا وعطلنا بعد شهر
رجعت الموظفه صاحبة الرعايه وكالت

الموظفة ....راح ترجعون لماما وبابا واني اجي عليكم كل فتره واي شي يصير تحجولي اذا يضربوكم تحجولي تمام

ايلين ..اي

سابين ..خفت ارجع واني اتذكر كل الصار بس مابينت الهم
جت عليه وحجت ويايه ..

الموظفة ..انتي بلذات لاتجذبين عليه اعرفكم راح تضمون عليه ومتنقلولي الحقيقه

بس انتي غير عنهم انتي ربيتي بلا ام وعيتي اسرع لازم من ازوركم ماتجذبين عليه بحرف

لان هالشي راح يحمي اختج من المعانات الي عانيتيها انتي حتى لايتكرر هالشي ..

سابين ..هزيت راسي بمعنى اي ورحنا بيتنا مو بعيد رحناله مشي من فتنا وشفت امي ختلت ورا الموظفه

بس هيه جت وفتحت ايدها وكالت تعالي حسيت انها تغيرت وشفت ست افراح بيها

تمنيت تكون صارت مثلها بس اتجرأت اروحلها شفت بابا وجان متغير حيل رحت ركض علي حضنته وبوسته

وايلين حضنت ماما ووتين واكفه يم الموظفة كالتلها وانتي يم منو راح تروحين

وتين والدمعه بعينها باوعتلها راحت ركضت للغرفه جابت لعابتها واجت وكالتلها لهاي

الموظفة اتنهدت بقهر ع حال هل طفلة المنبوذه الي اثر عنف الاهل ع حالتها النفسية كلتلها ...حبيبتي منا ورايح تتركين هالعابه وتركضين لحضن امج وابوج

وتين دنكت راسها وبرطمت شفايفها وغوركت عيونها ...بس همه ميريدوني
بابا يحب سابين وماما تحب ايلين واني محد يحبني

الموظفة ..لالا حبيبتي غلطانه يحبوج روحي هسه وجربي شوفي شلون راح يحضنوج ..

وتين ..نداريت شفت نضراتهم جانت تختلف عن كل مره بابا فتح ايد رحت امشي ليمه جان يحضني وكعد يبجي من كل كلبه اني كتله
ليش تبجي بابا منو ضربك

طارق ابتسم ع برائة وتين مسح عيونه وكال ..محد حبيبتي بس اشتاقيتلج

وتين ...ماما جت وحضنتني وبوستني
بدايه حياة صحيحه لو تمثيل محد يدري

عشنا بهذا الجو الاسري مدة سنه فقط لاغير فقط خلال فتره الاختبار والمراقبه لطارق وسناء من قبل الرعايه

واني خلالها نجحت من الثاني للثالث وسابين وايلين بالرابع وراها رجعت الامور لنفس السوء

نسرع الاحداث ونجي نحجيلكم شصار بوتين وشلون تكسرت رجليها واصابع ايدها

ومرت الايام وصارت وتين بعمر ال ٩ سنوات والتوأم ١١ سنة

وتين ...بيوم رجعت من بيت صديقتي جنت ادرس مواد السنه الجديده بالعطله حتى اتقوى ندرسها انا وسجى وامها معلمه تعلمنا وتفرح تكول احسن ماتخلصون العطله لعب ..

رجعت الدنيا مغرب وضع البيت مو مطمن متوتر سابين وايلين بالغرفه فتت كلت
هلاووو ..

سابين ايلين بصوت خافت ..اششششش وجع مانريد ننكتل ويينج من العصر

وتين ..هاااا يم سجى جنت اقرأ ليش شكو شصاير

سابين ..هسه وكت قرايه بابا كتل ماما والوضع اتكهرب

وتين ..يا ليش شسوت

سابين ..منعرف

وتين تتشفه وكالت ...اي حييييل بيها تستاهل

ايلين ..اششششش يمعوده لاتسمعج تموتج والله تكضي بيج التوبه

وتين ..اي اي سكتت اريد اكل جوعانه هسه شلون

سابين ...عوذا جوعيه ماتشبعين نكوللها البيت انذار تكول جوعانه

ايلين ..ولج خافي على نفسج لاتموتين تحت ايدها

وتين ..متكدر تسوي شي الموظفه كالت من تكتلكم كولولي

سابين وايلين سوى ..و وينها الموظفة صارلها شهرين ماجت وهيه جانت كل اسبوع تجينا

وتين ..اممممم معرف يجوز مريضه
اني طلعت بدون مبالاة مامنه انو ماتضربني لان فتره الاختبار جانت تلزم نفسها وماتمد ايدها

المهم فتت للمطبخ فتحت الثلاجه طلعت مربى وخاثر وكعدت اكل بدون مبالاة

وكملت وكمت دارجع الباقي بالثلاجة بهل لحظة السودة وكعت علبة المربى على الكاع ونكسرت

وهنا صارت المصيبة الي وكعت ع راسي والي لحد هسه عالقه بذاكرتي وللموت مانساها جت سناء فاتت وعيونها كلها شرار وبعصبيه

سناء ...هاي شسووويتي ولج خمسين مره انظف اني باليوم من وراكم انعل ابوج لابو الخلفج الله يشيلكم ان شاءالله داخلص منكم

وتين ..اسفه هسه المها وامسحها بالغلط وكعت مو متقصده

سناء ..بالغلط مو ؟! والله لعلمج الغلط على اصوله تعالي انعل اهلج اليوم

وتين ..سحلتني من شعري وجرتني حسيته راح ينشلع من جذره متت اصيح عليها ماتعوفني

سابين وايلين اجوها يريدون يخلصوني منها عبث هيه وحش واطلقنا عنانو دفعت سابين وكعت وايلين ضربتها راشدي فرتها فر ..

سابين جمدت بمكانها من شافتها صعدتني ع السطح تذكرت الصار بيها وخافت كالت راح تعيد الصار بوتين ..

جمدت بمكانها اني متت جوى ايدها طلعتني الدرج من شعري متت واصيح بلكت رافد يجي ماكو احد

وبابا برا يلعب سله وصلتني للسطح وبدت الراشديات معرف من وين يجني

ونوب تلزم راسي وت

دكه بالكاع حارت شسوي بيه اني بس لامه راسي بيدي واحمي وجهي لان اشتعل بنار

وكل ما اكوم انهزم تجرني من شعري وترجع عليه بالضرب بعنف ..

جفن عيني نضرب بحافة الحايط ورمت عيوني كبل انفخت كمت ما اشوف بيها مثل الي دتشوفوها بل صورة جانت عيني هيج واضرب بعد

نوب راسي يطلع دم واني شفته دخت ما احس الى وهيه تسحل بيه واكفه على حافه السطح

كالت وكعتي المربى بالغلط مو خلي اوكعج بالغلط ونشوف شيصير بيج وجان تدفعني ..

ايلين ...ادحك على سابين تكورت مثل الطفل وكامت تصيح لاااا عوفيني لاااا الله يخليج عوفيها لاااااا

بابا تعال بابااااا ماتعرف مره تكول عوفيني مره عوفيها واني اهدي بيها

ونوب وتين صرخاتها تعلى فجأه اختفى صوتها كلت موتتها ركضت اطلع للدرج

صعدته ع السريع شفتها واكفه ع الحافه مال السطح صحت لاااااااااا ماما لاااااااااا شدسوين لاااااااا

عوفيها وصرخت بعلو صوتي بحيث حسيت اوتار صوتي اتمزقت وجان بهل لحظة تدفعها

سابين ..جنت بالكاع ابجي واصيح بهستيريه جان توكع وتين كدامي بالكاع هنا جمد الدم بعروكي بصدمة خلتني افقد وماحس بالدنيا بعد منظر بشع

الوقت اتوقف والهدوء عم المكان بس صوت انفاسنه المحترقة نسمعها

سمعت مره ثانيه شلون تكسرت عظامها وكعت على رجلها وسندت نفسها بايدها

وانضرب راسها بالكاع اني سكتت بس ادحك عليها بالكاع راسها ينزف بشكل مو طبيعي

وجها مقابل لوجهي عيونها اليسار ماكو كلها زركه وتباوع عليه وماتحجي وشويه شويه غمضت عيونها ..وفقدت الوعي

وللحكاية بقية ..

ادري البارت قصير بس اعصابي تعبت اعتذر منكم مكدرت اكمل الكتابة
طبعا هل بارتين دمروني اكتب وابجي وجسمي يرجف اعصابي تلفت مابقه دم بجسمي حتى اتمرضت ...الله يساعد وتين وخواتها شلون اتحملن هل عذاب والعنف ...شنو من بشر هل ام الخاطر الله ...قبل ما اقرا القصة جنت الوم وتين لان تشتم امها وتحجي عليها اكول ليش هيج مهما يكون هاي امها جابتها وربتها ليش هيج تحجي عليها ...وهسه اتضحلي هل ام شنو لا والله حشاها من كلمة ام هاي وحش كاسر ...شيطان بهيئة بشر مجرمة متسلطه ع هل اطفال البريئين وادري كاعد تقراين كلامي ست سناء ودتابعين القصة بصمت ...لان وتين كالتلي امي اتصلت بيه ورزلتني لان نشرت قصتنه وفضحتها

...فهميني شلون راح تقابلين ربج وهاي اعمالج باطفالج الي هنه أمانة ربج باعناقج ماكول غير حسبي الله ونعم الوكيل والله يجازيج ع كل ضربة ضربتيها الهن لان وجعتينه كلنه بهل فعل الشنيع وعاهدت نفسي اله افضحكم وافضح عمايلكم الشنيعه بهل البنات البريئات الي ذنبهن جانن نطفة بصلب طارق الظالم وانتقلن برحمج المعفن حتى تجيبوهن وتمثلون بيهن قساوتكم وعنفكم وجرمكم ..نصيحة مني روحي اتعالجي بمصحة نفسية لان وضعج حرج

يتبع .....

#الانتحار

#بارت13


وتين ..اخر شي سمعته قبل لا تدفعني سناء صوت ايلين لااااااااااا عوفيها لااااااااا

وفجأه دفعتني بقوة وكعت وكلبي انخمط مني وحيلي نهد وكعت على رجلي وبايدي بكف ايدي صار ثقل جسمي

بس ماسندني وانضرب راسي بالكاع فجأة صارت رجلي حااااره نار وايدي بردت وجان الجو حار ولعبت نفسي ..

حسيت بوجع ياكلني اكل ردت اموت دحكت بتك عين اشوف سابين مصدومة وصافنه عليه لان وكعت واتكومت كبالها نعست وغمضت وما حسيت على شي بعد

((اعتدنا على شعور العظام تتكسر
و على شعور اللحم وهو يتمزق
هل ماتت اعصابنا احاسيسنا
لا لم تمت انه يؤلم في كل مره
سحقا لحياة لم تنصفنا
ارجوك يا الهي الا ترانا نحن هنا انظر الينا ارجوك سنموت))

سابين ...ضليت جامده بمكاني ماتحركت اعصابي انشلت واني اشوف اختي وكعت من فوك السطح واتكومت جدامي بالكاع وغابت عن الوعي

ياربي شديصير بينه شنو هل عذاب الي دنتعذبه احنه وبعدنه اطفال بقيت فاصلة عن الدنيا مثل الي عقله اختل

ايلين ....نزلت على ركبي واصيح بعلو صوتي لحد ما زردومي اتجرح

موتيييييها مااااتت لااااا ليييييش دفعتيها ليششش شسوتلج وهيج قتلتيهااااااااا

هيه مثل الحست عبالك جانت مخدره وكعدت ..فزت من صريخي التفتت ودحكت عليه

كالت ها موقصدي والله مو قصدي جانت تمشي مثل الي مسحوبة ومسيرة جايه باتجاهي اني خفت انهزمت ركض نزلت من الدرج .....

سابين ..سمعت صوت ايلين تصيح وفجاة وكعت من الدرج
التفتت الها جانت ترجف كامت ع السريع فتحت الباب وطلعت تصيح

ايلين ..نزلت ووكعت من ثالث درجه رغم رجلي تاذت بس ماحسيت بيها

جسمي كله جان ينتفض ركضت فتحت الباب وعلك القفل مايفتح بعد ضليت ويا احاول الا ان فتح ..

طلعت اركض اصيح تعالوا ذبتها من السطح لحكووووني ادك الباب على عمو صبري محد طلع

التمت العالم وجا ابن جيرانا نصير ركض فتح الباب وشافها مدده بالكاع

نصير ...جنت دا اصلي المغرب متاخر لان طلعت من مناوبتي بوقت متاخر ((نصير شرطي بمنطقتنه ))وسمعت بنت تصيح وجان اسلم من صلاتي وركضت طلعت برا

شفت ايلين تصيح ذبتها من السطح ماتت اختي لحكوووني

ركضت دفرت الباب شفت سابين كاعده ومتتحرك جنها ضاربتها صاعقة

ووتين كبالها متكومة بالكاع غركانه بدمها ع السريع شلتها وبسيارة المركز ع السريع طلعت للمستشفى

ومدني اطلع باب الخروج من المنطقه اكو شرطه حراس علي على طول

بلغتهم يقتحمون البيت ويلزمون الام والاب لان سوابقهم جثيييره

والبنات اذا بيهم شي لحكوني بيهم ماجذبوا خبر كبل راحو بلغوا الضابط وطلعوا

الضابط .....صليت وكعدت اشرب جاي جان يفوتون عليه عمر وقاسم وجهم مخطوف ها ولكم شايفيلكم جني شصاير احجوا

سيدي هسه نصير مقتحم بيت الاستاذ طارق وماخذ وتين للمشفى وكال وقفوا الاب والام

الضابط ..خير ياستار شمسوين بالبنات هالمره والله لنعل ابوهم لابو ماتخلص مشاكلهم اذا هالمره صدك ماذينهم الا ادفنهم تحت قندرتي

رحت فتت سابين ماتتحرك وايلين بس تبجي والام ماكو سالت ايلين وين امج كالت فوك واشرت ع السطح ..

فعلا طلعنا ولكيناها كاعده وتضرب براسها بالحايط مثل المخبلة وتضحك بهستيريا

نزلناها كامت تتلاوه ويانه وتصرخ جتفناها واخذها عمر للسياره ورحت على سابين شفتها فاصل نهائيا مو يمنه كتلها بنتي بيج شي اذتج شي

البنت ماتحجي بس دموعها تنزل وتدحك ع الدم اني درت وجها عليه

لاتدحكين هناك شوفيني شصار احجيلي يوجعج شي احجي ياعيني هزت راسها بمعنى لا

رحت على ايلين الوحيده المو فاصله كتلها شصار تشهك وتبجي تكول ذبتها من السطح عرفت انو هالمخبلة ذابه وتين من السطح ..

خليت ايدي على وجهي وكلت لاحول ولا قوة الا بالله وتالي وياها مو على اساس تعالجت وجان تصرخ سابين

وضلت تصرخ فزيت على صوتها ركضت الها شبيج تصيح طلعوووو من اذني طلعوووووو

ولج بنتي شطلع اكو شي دخل بأذانج احجيلي كامت تصرخ وتصرخ ..

سابين ..وهيه حاطه ايدها ع اذانها ومغمضه عينها وتصرخ بانهيار واعصاب متدمره ...

صوووووووت ايدها طلعووووو صوت عظامها تتكسر طلعووووو من اذني طلعوووووووو ماتحمل راسي راح ينفجر اااااااااااخ

الضابط ..عرفتها مرعوبه ومصدومه حضنتها مدري شلون عايفيهن وحدهن اخذتها لبيت ست افراح هيه وايلين وامنتهم يمها لبين مانشوف شنسوي ويه هل عائلة المختله عقلياً

وتين ..سابين باعتبار عايشه وجع الكسر من سمعت عظامي تكسرت انعادت مأساتها

وكامت تبجي وتصيح طلعو صوت عظامها الي يتكسر من اذني ماجانت تريد تسمع هالصوت

اخذني نصير للمستشفى جنت بين صاحيه بين نايمه واسمع صياح وناس تحركني

اريد احجي واكللهم لاتحركوني راح اموت من الوجع بس لساني جان مربوط مخدر ماتحرك

نصير ....سقت باقصى سرعه عندي وصلت للمستشفى شلتها وركضت للطوارئ

مانتظرت يجيبون الها سديه ماجنت اعرف اني ارتكبت اكبر غلط من اخذتها للمستشفى لو اعرف اتركها بمكانها اوووووف شلت خطيتها

اول ما فحصوها ا

لدكاتره كالوا شصايرلها كتلهم وكعت من السطح صاحوا بوجهي ..

الدكتور ..انته شلون تحركها من مكانها هاااا ليش ماخابرت الاسعاف شوكت تثقفون

نص حالات الشلل بسبب هالجهل الي انتوا بي الخاطر الله اشوية اتعلموا

نصير ...شصاير دكتور الله يخليك شرحلي اني شمدريني شفتها بهالحاله وجبتها ركض جنت بوضع لا احسد علي مو مال افكر

الدكتور احسان ..ديله تفضل اطلع براااا خلي نعرف نشتغل ...اول ماجت المريضه جانت متعرضه لكسور ومن سالنا عن طبيعة الحادث كالوا واكعه من السطح

بس وجها بي علامات ضرب وكدمات وجروح ناتجه عن هالشي مو شكلها جروح وحده وكعت من السطح

اول شي طلبت اشعه وتحليل دم ردت اوفرلها دم ان اكيد افوتها عمليه

رجليها مكسورات ثنينهم والحوض مفطور فطر جبييير واصابع ايدها كلها مكسره ..

بس الابهامين طالعين سلامات وكتفها مخلوع بسبب الضغط الصار علي

يمكن حاولت تسند نفسها وهذا السبب لو ممحاوله جان حالتها احسن ونوب ضربة راسها صار عدها فطر بالجمجمه ..

اريد اعرف بيت لو عماره الواكعه منها ونوب من شالها هالولد جايبها يركض نص عظامها طالعه من مكانها

والي فايت ابعضه والي شاك الجلد نوب راسها جان لازم ميحركه الي اعتقد قبل لا اعالجها البنت مشلوله لان نص واعيه ..

بس ماتحجي ولسانها اعوج
كبل طلعت كامل التحاليل وهيه نفسها البنت الجتني قبلها بسنه او اكثر

جان راسها مشكوك واختها شبه ميته وعاشت فوتتها عمليات بس مكدرت اخدرها كامل

عدها نزيف بلدماغ وكثير فطور خدرتها تخدير بحيث تكعد بعد العمليه مباشره ..

وبدينا بيها كل الدكاتره الاختصاص شتغلوا سوا واحد خيط راسها

واثنين جبروا ايدها وثنين على رجلها واحد على حوضها ثبتنا بس رجلها اليمين تعبتنا وتاخرت بيها

وساعدوني بيها الي كملوا شغلهم وفاقت وتين واني اجبر بيها

وتين ..فقت شفت الاضويه جثييره ع راسي مثبت وايدي هم جسمي كلو مثبت ما اكدر اتحرك واكو دكاتره جثييير فوك راسي والوجع برجلي يموتني ..

واريد اصيح ما اكدر اكول بكلبي عوفها فدوه جاي توجعني عوفني شجاي تسوي

والدكاتره يحجون حتى يلهوني شسمج شكد عمرج واني ما يمهم ولايم اسالتهم

ماعرف اريد اصيح مكدر بس اون بكل قوتي بس صوتي مايطلع جثيير عالي ..

جنت اتعذب واني واعيه شلون يفر بلعظم يريد يرجعه لمكانه احس بايدين تفتح اللحم مالته وشخص ثالث يضرب بالعظم ويسوي شغلات بي

روحي شاغت للسما ردتها تطلع
ماعرف شلون اكله توقف يكفي

اون بصوت عالي بس يمو مو عالي
امانه يكفي متت ياربي متت

جان اسوء ايام حياتي
جان كابوس عشته بذيج الايام
عشنه حياة مأساوية دمار نفسي

دمار حقيقي ماظن احد عاش الي عشنا لو ضاك الي احنه ضكنا عذبونه بابشع الطرق

المسافة بيني وبين الكاع قليله والبيت طابق واحد بس

بس لان جنت منتهيه من ضربها الي ماجان عندي طاقه الم نفسي من سحلتني للحافه وذبتني

لو مستجمعه شويه من قوتي مجان صار الي صار جان الضربه صارت اخف بشويه

((اختلف عنكم انا لم اعش طفولتي بطفوليه ولا املك حنان اعطيه لتوامي الان رحمتك ربي ضاقت بي ارضك وسمائك))

وراها كمل الدكتور رجلي وجا دحك عليه وكال اسف بنتي اذيتج بس البنج راح مفعوله ورجلج جثيير متاذيه هسه عالجتها وراح تصير تمام

اني من وجعي كمت استفرغ
الدكاتره بس داروا وجهي لليمين لان مثبتين راسي وعمودي الفقري

ودكتور اخر شفتو دا يفوت الخيط بالابره بدا يخيط برجلي واني احس بالابره تفوت وتطلع

والخيط من يسحبه حتى يسوي النفذه الثانيه جان الاحساس معرف راح اوصفه بكلمه وحده والي عايشتو راح تفهمني
فضييييع فضيييييييع فضييييييع
جنت اون واناشغ

واسمع رجال برا يصيح خدروها هذا مو عمل تشتغلون بيها بلا مخدر نعل لبوكم لابو دكاتره مو خوش خايفين ع البنج

نصير ..من طلع الدكتور هجمت عليه بالاساله ها بشرني ..

الدكتور ..لاتخاف فاقت من البنج وجاي يخيطوها

نصير فتح عينه بصدمة ..شلون فايقه ويخيطوها

الدكتور اي مو مكدرنا نكثرلها البنج حالتها حرجه بعدين تفوت بغيبوبه

نصير ..يعني هيه هسه جاي تحس بالوجع

الدكتور ..اي نعم للاسف الي كدرنا علي والجزء الاعظم خلصنا قبل لاتفيق بس رجلها اليمين متاذيه جثيير طولت بيها وفاقت واني جاي ارجعلها عظامها ..

نصير انصدم ع كلام الدكتور ...عطت بي صيحت علي لزمتو من ياختو بربك صدك تحجي انته تعرف شكد عمرها ماتتحمل هالوجع خدرووووها ولد الكلب ليش ممخدريها

نتر الدكتور ياخته مني وكالي مو انته تعلمني شغلي اني الدكتور مو انته اذا ميعجبك تفضل الكا غيرنا

اني حسيت على انفعالي وكتلو اعتذر بس ماتتحمل بعدها صغيره طنشني ومشى

كعدت اسمع صوتها يون ورا شوي شفت ابوها جا كمت بكل عصبيه لزمته وصرخت بوجها

انته مو قبل سنه جنت تتعالج مو شتكينا عليك هسه اذا اسجنك يمي والعب طوبه بخلقتك منو يمنعني هاااااا احجي

طارق ..ترا الصار حادث غير متعمد انته شدا تحجي محد راد يقتلها

نصير ..وانته ليش كلت محد راد يقتلها لو البي شوكه تنغزو ..

طارق ..عي

ني ليش مكبر الموضوع طلعت تلعب بلسطح و وكعت

نصير ..عافني وراح للدكتور
والله اكص ايدي اذا سالفتك صح عجل ليش ايلين طلعت تكول ذبتها من السطح اني الكم يا ظلام

طلعت رحت للضابط كتلو هذا طارق توقفه اليوم سيدي ولازم تخليني اني اشبعو كتل راح اربي من جديد

الضابط ....اهدء لازم نعرف شصار سناء مراح تعترف

نصير ..سيدي ولاتعترف كل الادله ضدها

الضابط ..ابني احنا مانشتغل هيج وانته مو جديد علينا وتعرفنا شلون نتصرف وشوكت

نصير ..تعصبت كلامو صح بس من قهري عليها ماتحملت
اعتذر سيدي جنت معصب اني اترخص منك اروح لبيتي تعبت

الضابط ...اي ابني تفضل

نصير ...رحت للبيت بدلت على اساس ارتاح بس مكدرت رجعت للمستشفى كبل

طارق ....من رجعت من المحل مالتي فتحتو شراكه ويه صديقي شفت البوب مسيبه مفتحه عرفت صايره مصيبه كبل فتت ايلين جانت تبجي تحجي ولج شصاير

حجت الصار كله اني دين بعقلي ما ضل صرت يهودي كلت هالمره اموتها اموتها اليوم

طلعت ع السريع عفت البنات بالبيت حتى ماعرف شلون نسيتهم وطلعت رحت للمستشفى

تلكاني نصير يهدد والله اسجنك اني مدرتلو بال لازم انظم الشغله والا ينسحبون من عدنا البنات وسابين تضيع مني تربى بالميتم وشحال تربيه

رحت للدكتور وعفت نصير يدردم ورايه فتت كال ياهلا استاذ مو بس نسيت اسمك

اسمي طارق دكتور

الدكتور ..اي هاي شصاير لبنتك هاي ثاني مره تجينا ترى كثرت وكعاتها موزين هيج

طارق ..عرفت جاي يضربني بوري على اساس كتلو حادث دكتور حادث

الدكتور ..اي وشلون حادث هذا وجها كله طبعات ايد مكلوبه خلقتها

طارق ..هسه دكتور صحتها شلونها

الدكتور ..طلعوها اعتقد تكدر تشوفها بس وضعها بعد لازم كم يوم تبقى نراقبها حتى نعرف اذا نشلت او لا كل عظامها مكسره
يعني مانكدر نطلعها
انته جاي تسمع الاكوله لو لا

طارق ..اي دكتور اسمعك

الدكتور ...دامك تسمعني شلون تريد تطلعها اكلك عظامها كلها مكسره ومهدده بلشلل انته صاحي تريد تطلعها

طارق ..اعتذر دكتور بس متشتت

الدكتور ..اي صحصح شويه وركز ويايه

طارق ..اي دكتور بكلبي اذا ما طلعتها راح تجي الرعايه واذا شافتها والله يسحبوها ويسحبون خواتها هم

اوووف شلون ورطه طلعت ورحت عليها جثيير اجهزه مشكليلها

انوب مثل براغي ستيل مركبين على رجلها وايدها وراسها مثبتي هيه فايقه بس تون ..

وتين ..كملوا خياط رجلي واني احس دا يسحبون روحي شويه شويه كملوني وطلعوني لغرفه

واني اون اريد يوكف الوجع فاتت دكتوره خلتلي سيروم مغذي واني احجي وياها بعيوني

علوى تفهمني اريدها تفهم اني متوجعه لا جاي اموت من الوجع راسي طبل وخلايا الاعصاب كلها بحاله استعداد وتنقل بايعازات الوجع من كل جسمي لعقلي اضعاف مضاعفه ..

يربي بس فهمي موجووووووعه تعالي سويلي شي

هيه دحكت علي مثل افتهمت كالت ماكدر والله مكدر انطيج شي يهدء وجعج لان وضعج صعب بس حاولي تنامين تنسين كل هالوجع

شلووووون شلووووون انام اني لو اكدر انام جان نمت بس هالعذاب هذا ميخليني

بس دموعي تجري على خدي مكدرت اسكت لحظه وضليت اون سااااعات من الوجع

احس راسي يزيد وجعه مع كل ونه وكل دمعه تنزل وعيوني صاروا يحركوني

وبهل لحظه فات نصير شفتو عرفت هوه الجابني للمستشفى دحكت علي وبالكوه ابتسمت ورجعت اون ..

هو فهم انو تشكرتو كعد خلى ايدو على راسي مسح دموعي وجاب كلينس نظيف بلله مي ومسح وجهي بي

وقطر بلقبغ مالت البطل شويه بحلكي ابويه الي فات شافني وطلع ماسوى السوا نصير الي جان احن من بابا عليه ..

ردت بابا يسويلي هيج بس مسواها ضل يمي يحجي ويايه ويقرا ايات ويدعي الله يخفف عني

وضل يمسح براسي وايدي
الا ان تعبت ونمت و الوجع ولا خف ولا شويه

نصير ...فتت عليها ولا جنها وتين الاشوفها كل يوم تطلع من بيتها وتروح لصديقتها الي جان بيتها قريب ع المركز

ولا جنها هيه وجها وارم خدها ازرك من الضرب شفتها وارمه عيونها ما احجيلكم شصار بيه بس تماسكت لخاطرها ..

ابوها ما شكلو حن عليها هالكلب ضليت الا ان نامت ونمت جان اكو كرويته نمت عليها ..

كعدت الفجر الدكتوره جانت جت اتشوفها كتلها خير بيها شي

الدكتورة ...لا جاي اتفحص وضعها زين نامت خطيه ماكدرنا نخدرها الصبح ان شاء الله يفحصها المختص ونشوف حالتها

نصير ...تسلمين وطلعت
مجاني نوم كعدت يمها للصبح وهيه تون وما اكدر اساعدها بشي

طارق ..رجعت للبيت بعد ماشفت وتين سالت البنات امكم وين كالو اخذوها الشرطه رحت لسابين ماتحجي كاعده بالزاويه

بنتي شبيج كتلتج شي سناء احجي وياها ماترد بس متكوره ولامه نفسها وتهز راسها مثل الي ضاربتها صاعقه حضنتها وكتلها لتخافين اني موجود محد يمسج ..

ايلين ...بابا وتين وين ليش ماجبتها ماما ذبتها من السطح ..

طارق ..لزمتها من شعرها وكتلها اسمعي ولج اليسالج شصار تكولين جنا نلعب ووتين بلغلط وكعت فهمتي

وهاي سالفه ماما ذبتها من فوك تنسيها لان اذا تحجين بيها بعد لتشوفين امج ولا ابوج ولا اختج

يجون ياخذون كل وحده وينطوها لغير ناس بع

د متشوفون بعض كلامي واااااضح

ايلين بلعت الغصه واتقبلت الامر الواقع وسكتت وكالت ..اي بابا

طارق ..شنو هو الاي ؟؟

ايلين تحجي بألم مثل سجين تكطع بكلبها كالت ...وتين وكعت من جنا نلعب

طارق ...اي عفيه وهسه كلمن على فراشه تعبان اريد انام وماما باجر نطلعها

وتين ....كعدت الصبح نفس الوجع ما خف ولا شويه بس كعدت اكدر اصيح مو بس اون

اصيح من كل كلبي من شدة الوجع اجا الدكتور واني اصيح يحجي ويايه بس ما اكد ارد علي

بس اصيح جان يفحصني وطلع نصير ضل يحاول يهديني واني مكدر احرك لساني اريد اساله وين بابا ما اكدر

سابين ...كعدتني ايلين الصبح كومي راح نروح نشوف وتين كعدت وعبالك فاقده

اعرف وجع الكسر واعرف هسه هيه بشنو جاي تحس كمت ابجي وابدل وادعي على سناء بصوت ناصي

ان شاء الله تموتين ونخلص منج سمعتني ايلين كالت امين كتلها وانتي ليش توافقين دعائي مو تحبيها ..

ايلين ..لا السوته ما اكدر اسامحها علي خلت بنفسي كره الها مستحيل احبها بعد

سابين ..بدلنا وكملنا وطلعنا قبل لا نطلع بابا نزل يم الضابط

طارق ..فتت للضابط سلمت علي وسالت عن سناء كال بعدها محتجزيها يمنه كتله
ترى حادث مو مقصود

الضابط ....بعد مانعرف لازم تكعد وتين ونسالها

طارق ..بس هيه طفله شيفهمها

الضابط دحك ع طارق ورفع تك حاجبه وهوه يربت باصابع ايده ع المكتب ويحجي بثقه ... تفهم تفهم هيج اذيه ماينسكت عنها

طارق ..ياحضره الضابط بناتي وحدهم بلبيت والمراه بالسجن طلعها تبقى بالبيت واذا استجد شي تعالي اسجنوها حتى عيب بحقي

الضابط ينتفض بعصبيه ...اي يا استاذ طارق بس بنتك بالمستشفى وايلين سمعها نصير تكوله ذبتها من السطح ممكن تفسرلي هل شي شنو معناتو

طارق ..حضره الضابط ايلين فاهمه الموضوع غلط ومن شافت اختها وكعت

كامت تخربط سناء جانت فوك ووتين داتجيب شغله وكفت بالحافه ركضت عليها سناء حتى تلزمها

بس مالحكتها وايلين عبالها امها دفعتها شلون ندفع بنتنا من السطح خو ما يهود احنا

الضابط ..اعرف استاذ طارق ومحشوم انته بس هذا القانون

طارق بترجي ..اي يا عيني بس سناء راح تبقى بلبيت ماتطلع خارج المحطة

واي شي يصير هيه موجوده والمحطه اصلا مسيجه بسيم داير مدايرها والابواب مالتها محروسه

بالاضافه للبرج موجود واي شخص يمشي خارج المحطه اكيد الي يراقب يشوفو

الضابط ...امممممم اي صح

طارق ..يلا حضره الضابط ترا اني رجال وتبهذلت ويه بناتي خليها ترجع وشوكت تحتاجها بالاستجواب براسي اجيبها الك

الضابط اتنهد بحسره ع هل اطفال وكال ....يسلم راسك ماشي عجل اني اكول لعمر يطلعها

طارق ..بارك الله بيك فضلك على راسي

الضابط ..لا فضل الله هذا ادلل استاذ طارق

طارق ...صاح لعمر وامرو يطلعها اخذتها للبيت هيه والبنات وفهمتها السالفه

كتلها انتي جنتي تريدين تلزميها و وكعت وبس تخلص القضيه حسابج عسير

رحت للمستشفى حتى اشوف وتين جانت عيونها متبين من الورم والنزيف الداخلي البيها

وهم وضعها على حالو ماتحسنت ونصير يتوعد ويتهدد

وتين ...مرت اسوء ايام بحياتي ماجنت اكدر اتحرك ولا احجي وكل جسمي يوجعني تمنيت اموووووت واخلص من هالوجع ..

وبابا جا كال اذا جو يطلبون اقوالج كولي جنت فوك العب و وكعت

وماما رادت تلزمني بس ملحكت بيه لان اذا تكولين ماما دفعتني او ماما كتلتني

راح ياخذوج وينطوج لغير عائله وايلين وسابين هم ياخذوهم وبعد متشوفيهم ..

اني شمدريني صدكت وكمت ابجي فوك ما ضربتني وعذبتني وذبتني من السطح وتكسرت كل عظامي

ونوب اتنازل عن اقوالي وما اشتكي عليها سكتت لان خفت اخسر اخواتي ...

ورا اسبوع جا الضابط راد يسمع اقوالي جنت بالكوه احجي لان الضربه جانت على راسي وظهري

العمود الفقري الا عمليه زراعه فقره وهالشي صعب وغالي ومموجود بالعراق يعني صرت مقعده ..

سألني شلون وكعت ولاتخافين محد يلمسج ولا احد ياذيج

اني مكدرت بس ابجي واكله محد وكعني اني وكعت وضليت مصره على هالشي

وهو صدك بوكتها وسجل الكلتو وطلع فات بابا كال ها شكلتيلو وحجيتيلو ..

كتلو نفس الي وصيتني علي

طارق ...عفيه بنتي

وتين ...لان جانت راح تنضر مصلحتو كال بنتي اول مرة ينطقها

اووووووووف شوكت اصير بنت احد بنت ناس تحبني اني ليش هيج مصيري

ومرت اربع اشهر لاتهنيت بالعطله ولاجنت اكدر اتحرك ولا اشوف اخواتي

كله بس الدكتورات والدكاتره وبابا يجي شويه ويروح واني بين العلاج والابر

ونوب عظم ايدي طلع بدايه الجبر مالته غلط ورجعو كسرو الي تخبلت وهو يكسر بي

جنت اموت بس على البطيء ولا اكدر ادفعو لان اديه ورجلي مجبره وبس اصيح لميت المستشفى على صياحي بس شنو الفايده

مرت ايام عليه اسود من سواد الليل

وبيوم فات الدكتور وكال عندي بشارتين وحده زينه وحده لا

طارق ...كول تعلمنا ع الصدمات عادي احجي

الدكتور ...الخبر الزين راح تكدرون تطلعون وتين اليوم بس لازم تجي كل اسبوع على العلاج الفيزيائي ولازم حتى نشوف عظامها جبرت لو لا ونتابع حالتها

طارق ...زين والخبر الشين شنو

الدكت

ور ....

وللحكاية بقية ....

لأ تعاتبَ شخصاً قلبهُ مُحطم لا تسأله
لماذا تغيرت واصبح بهذا السوء ،
وهذا السواد هو لا يعلمَ كل ما يعرفه
أن بداخله كسور لا تُجبر
ممتليئ بالخيبات ومبعثَر منَ الداخل 💔

#يتبع .....

🌧💙✨

ابتسم واطمئن دائما فإن أتاك شيء فهو حتمًا لك وإن لم يأتك فتأكد أنه لا يُناسبك..ثق بالله دائماً.

🌧💙✨

#مساء_الورد

يسعد أوقاتكم بكل الخير
#الابراج_اليومية الاربعاء 9 كانون الاول (ديسمبر) 2020

#الحمل
مهنياً: تنتابك مشاعر متناقضة وانفعالات كثيرة وقد تسود أجواء الغيرة والتملكية في حياتك المهنية، فانتبه.
عاطفياً: بانتظارك الفرج والفرحة والسعادة الكبرى عاطفياً، وتقدر سعة طاقة الشريك على العطاء.
صحياً: أضبط انفعالاتك وأعصابك، ولا تتهم الآخرين بمساوئ هم بعيدون عنها.
#الثور
مهنياً: تبدو سعيداً بالأجواء التي تحيط بك، وتفرح لبعض المكاسب غير المتوقعّة، كذلك تستعد باستقرار الأجواء الواعدة.
عاطفياً: تبدو تحرّكاتك وحماستك في أوجها، وتبدي استعداداً للقيام بأمور مستحيلة لإرضاء الشريك فقط.
صحياً: لا تأخذ على عاتقك التزام أمور كثيرة قد ترهق وضعك الصحي وتسبب لك مشاكل.
#الجوزاء
مهنياً: يسلط هذا اليوم المميز الضوء على قضايا مالية أو على مشاريع ضخمة تطرحها على ارباب العمل وتنال الموافقة عليها.
عاطفياً: لا تفرض على الشريك رأياً ولا تجرح كبرياءه، فهو يمر بيوم عصيب بسبب إحدى المشاكل.
صحياً: إذا أرهقت نفسك أكثر من اللازم قد تكون العواقب وخيمة عليك، فانتبه.
#السرطان
مهنيا: تصاب ببعض الارتباك وتساورك أفكار سود وتتصرف بطريقة غريبة نوعاً ما..
عاطفياً: يولد هذا اليوم طاقة جيدة وتواطؤاً مع الحبيب، وتتغلب على كل المصاعب التي تواجه علاقتك به.
صحياً: انتبه لصحتك، وخذ الأمور بروية وهدوء وحكمة لئلا تتعرض لأي وعكة صحية.
#الاسد
مهنياً: يتحدث الحظ عن فترة زاهرة وغنية بالوعود التي تحدد مستقبلك وتجعلك تسير باتجاه جديد.
عاطفياً: يغلب عليك الهدوء وتشعر باندفاع على الرغم من القلق الذي يسود حياتك العاطفية.
صحياً: تخرج من وعكة قوياً وسليماً ومعافى، وتخطط للقيام بأنشطة تعود على الصحة بالفائدة.
#العذراء
مهنياً: يوم مناسب وايجابي يجعلك أكثر هدوءاً واستقراراً، وتسيطر على أوضاعك وتضبط أمورك ابتداء من اليوم.
عاطفياً: تتمتع بأسلوب إقناع يساعدك على إيصال الرسالة التي تريد إلى الشريك، من دون أي تعقيدات وتبريرات.
صحياً: بادر إلى القيام بما يخفف من حدة الضغط عليك، لتبقى في صحة جيدة.
#الميزان
مهنياً: لديك طاقة كبيرة للعمل والابداع، ما يجعلك تسير بسرعة أكبر وتستوعب الأمور وتتخذ قرارات استثنائية.
عاطفياً: تبدو في أحسن حال وتعيش انسجاماً مع الشريك، وتعرفان أياماً من السعادة والفرح.
صحياً: لا ينفع الندم بعد أن تكون قد تماديت في إهمال صحتك، وتصبح عندئذ أسير المرض والأدوية.
#العقرب
مهنياً: يوم غيرمناسب يفرض عليك التروي والليونة وتجنب الاحتكاكات وعدم تضييع الفرص أو بعثرة حيويتك من دون فائدة.
عاطفياً: تمارس جاذبية نادرة وتتاح لك فرص كثيرة للتعبير عن نفسك من دون قيود، وتعالج المسائل بحنكة وذكاء وتفاؤل.
صحياً: خفف من كسلك وتقاعسك عن القيام بكل ما يعود على صحتك بالفائدة، لا تدع القطار يفوتك.
#القوس
مهنياً: تجد المساعدة التي كنت تبحث عنها عند بعض الزملاء المخلصين، لذا يستحسن أن تستفيد قدر المستطاع.
عاطفياً: تعيش جواً من الفوضى يختلط فيه الحابل بالنابل، ويولد تشكيكاً في المجال العاطفي، حاول أن تبتعد عن العاصفة اليوم.
صحياً: بين المحافظة على صحة سليمة وخسارتها قرار تملكه أنت وحدك، فاختر بسرعة
#الجدي
مهنياً: إحذر الخلافات المهنية، فقد تشعر بالغربة وتضطر إلى مسايرة الأوضاع، انسحب من الساحة والأضواء.
عاطفياً: مصارحة الحبيب لك تعيد الطمأنينة وراحة البال إلى المنزل وتعزز العلاقة بينكما وتتوضح الأمور أكثر فأكثر.
صحياً: إنتبه لكل ما يقدم لك من أطعمة، وتجنب تلك التي تحتوي على مواد دسمة.
#الدلو
مهنياً: يوم جيد يهبك حيوية مضاعفة ومميزة بالحركة والنشاط، وتفكّر في القيام بمشروع مهني كبير.
عاطفياً: ما رغبت به منذ مدّة يتحقق، فالشريك يبدي رغبة في مساعدتك لتكون حاسماً في قرارت مصيرية.
صحياً: سرعة دقات القلب لها عيارات محدّدة، فإذا شعرت بأي خلل في هذا الشأن سارع إلى طبيبك.
#الحوت
مهنياً: قد تصبح المسائل المادّية من الأسس والمعطيات الرئيسة هذا اليوم، ويكون النجاح حليفك القوي.
عاطفياً: تغيير ما يحصل في حياتك العاطفية وتتخلص من بعض الضغوط التي ألقت بثقلها على علاقتك بالشريك.
صحياً: لا تتأفف من كثرة التمارين الرياضية التي عليك القيام بها، فهي تفيدك كثيراً.

#هـل_تــ۶ـلـم_هذةة_المعـلومـات_۶ـن #بـرجـڪ 🦋💗

برج #الحمل 🌀💙
هل تعلم :انه شجاع وقوي التحمل وجريء وطيب القلب ومحب للعمل ويكره الباطل هو يحب الخير ويتعلم من الغير وعالي الهمه وهو مقدام وهو حيوي ونشيط .

برج #الثور 🖤✨
هل تعلم:انه هادىء ومسالم الى ابعد الحدود وبطىء الحركه ويسعى لتحقيق اهدافه لايمل ولديه صبر وقوة تحمل وهو يحب الجمال يحب بعقله وإذا اقتنع يمرالحب لقلبه.

برج #الجوزاء 🐹🔆
هل تعلم:أنه حسن الخلق و وخفيف الروح ومرتب ومنظم وماهر في الحركه ولبق بالحديث وعزيز النفس ويتمتع بالشرف والامانة وذكي وعبقري ومستقل بالشخصيه.

برج #السرطان 💜✨
هل تعلم:انه ذوأحساس مرهف ومثابر وصادق وحب الخيال و حسن الخلق والمثالية والتضحية من اجل الاخرين ويحفظ الاسرار وعفيف النفس والعمل دون توقف.

برج #الاسد 🐝🍉
هل تعلم:انه فخور بنفسه وذو مشاعرمليئه بالفخر والعزة وكلامهم سريع وكأنه أوامر.وهو فطين واعي مدرك للامور يتابع الامور بنفسه وهو كريم ولا حلول وسطى.لن يحنوا رأسهم لأحد.

برج #العذراء ♣️🍃
هل تعلم:انه يواجه مصاعب الحياة بكل قوة واجتماعي وعزيز النفس وكريم وعفيف وشريف ومرهف الحس وصاحب ضمير حي ويحسن الضيافه ونظامي وطيب القلب...

برج #الميزان 🔥💛
هل تعلم:انه خفيف الروح ومتجاوب مع الاخرين واجتماعي ولطيف وفطن وطيب القلب ونقي وشاعر وفنان وذو همة عالية وهو مثالي وذكي وهو كريم...

برج #العقرب 〽️😽
هل تعلم:انه قوي الذاكرة والحاسةالسادسة و واثق من نفسه وقوي الشخصيه ومصر على النجاح وصبور ووحازم ومسيطر على انفعاله ورزين في تصرفاته وشجاع..

برج #القوس💕🍃
هل تعلم:انه يشوش يحب المزاح سريع الخاطره يفهم كل ما يدور حوله متفائل بالحياة والمستقبل المشرق ويحب التفاهم مع الأخرين كريم كرم غير عادى...

برج #الجدي 🌝🗯
هل تعلم:انه مثابر للوصول لهدفه وسيد نفسه وعواطفه ولا يعتمد على الغير وهادىء ويقدس الاعراف والتقاليد ولا يعترف ابدا بضعفه وهو سيد نفسه وعواطفه ...

برج #الدلو ➰🌚
هل تعلم:انه محب للاستطلاع ويسعى للاستكشاف فالحياة عنده سر كبير وهو محب للتغييروالواقعية ويتمتع بالحكمة والانفتاح على العالم ويحب إثبات الشخصية المتفردة...

برج #الحوت 🌸✨
هل تعلم:انه شخص حساس وخياله خصب ومندفع وصريح وقوي التحليل وحكيم ومرح ويمتلك قوة تحليل وكريم ويحب المساعدة وهادىء الى أبعد الحدود...

#الانتحار

#ﺑﺎﺭﺕ14

ﻃﺎﺭﻕ ... ﻭﺍﻟﺨﺒﺮ ﺍﻟﺸﻴﻦ ﺷﻨﻮ
ﺍﻟﺪﻛﺘﻮﺭ .. ﺍﻣﻤﻤﻢ ﺍﻧﻮ ﻭﺗﻴﻦ ﺑﻌﺪ ﻣﺘﻜﺪﺭ ﺗﻤﺸﻲ ﺍﻻ ﻧﺰﺭﻋﻠﻬﺎ ﻓﻘﺮﻩ ﻭﻧﻌﺪﻝ ﻋﻤﻮﺩﻫﺎ ﺍﻟﻔﻘﺮﻱ ﻻﻥ ﺣﻴﻞ ﻣﺘﻀﺮﺭ ﻭﺍﺫﺍ ﻣﺸﺖ ﻓﻬﻲ ﺧﻄﻮﻩ ﺧﻄﻮﺗﻴﻦ ﻣﺘﻜﺪﺭ ﺍﻛﺜﺮ ﻻﻥ ﺭﺍﺡ ﻳﺎﺫﻳﻬﺎ ﻇﻬﺮﻫﺎ
ﻭﺗﻴﻦ .... ﺍﻧﺼﺪﻣﺖ ﺣﺴﻴﺖ ﺍﺣﻼﻣﻲ ﻛﻠﻬﺎ ﺍﻧﻬﺪﻣﺖ ﺟﺪﺍﻣﻲ ﻋﻤﺮﻱ ﺧﺴﺮﺗﻪ ﺗﺎﻟﻴﺘﻲ ﺍﺻﻴﺮ ﺷﻠﻞ ﻣﻌﻘﻮﻟﻪ ﻫﺬﺍ ﻣﺼﻴﺮﻱ ﺍﻛﻮﻥ ﻣﻘﻌﺪﺓ ﻉ ﻛﺮﺳﻲ ﻣﺘﺤﺮﻙ
ﻫﻪ ﻳﺎﺳﺨﺎﻓﺔ ﺍﻟﺤﻴﺎﺓ ﺷﻨﻮ ﺷﻔﻨﻪ ﻣﻨﻬﺎ .. ﺩﻣﻮﻋﻲ ﻛﺎﻣﻦ ﻳﻨﺰﻟﻦ ﺑﺪﻭﻥ ﻭﻋﻲ ﺍﻧﻬﺎﺭﻳﺖ ﺩﺣﻜﺖ ﻉ ﺍﻟﺪﻛﺘﻮﺭ ﻭﻛﺘﻠﻮ ﺩﻛﺘﻮﺭ ﻋﻨﺪﻱ ﻣﺪﺭﺳﻪ ﺷﻠﻮﻥ ﻣﺎ ﺍﻣﺸﻲ
ﺩﻛﺘﻮﺭ .... ﺍﻧﺎ ﺍﻋﺘﺬﺭ ﻣﻨﺞ ﺑﻨﺘﻲ ﺍﻟﻌﻤﻠﻴﻪ ﻣﻤﺘﻮﻓﺮﻩ ﺑﺎﻟﻌﺮﺍﻕ ﻭﻻﺯﻡ ﺍﺧﺼﺎﺋﻴﻴﻦ ﻣﺤﺘﺮﻓﻴﻦ ﻫﺬﺍ ﻋﻤﻮﺩ ﻓﻘﺮﻱ ﻣﻮ ﻟﻌﺒﻪ
ﺑﺲ ﺍﻛﻮ ﺷﺨﺺ ﺭﻓﺾ ﻳﻌﻠﻦ ﺍﺳﻤﻮ ﺗﺒﺮﻉ ﺍﻟﺞ ﺑﻜﺮﺳﻲ ﺗﺮﻭﺣﻴﻦ ﻭﺗﺠﻴﻦ ﺑﻲ ﻟﻠﻤﺪﺭﺳﻪ ﻫﺬﺍ ﺭﺍﺡ ﻳﺴﻬﻞ ﺷﻮﻳﻪ ﺍﻣﻮﺭﺝ ﺑﺲ ﻓﻮﺗﻪ ﻟﻠﺤﻤﺎﻡ ﻣﺎﺗﻜﺪﺭﻳﻦ ﻻﺯﻡ ﺗﺴﺎﻋﺪﻭﻫﺎ
ﻭﺗﻴﻦ .. ﻃﻠﻌﺖ ﻣﻦ ﺍﻟﻤﺴﺘﺸﻔﻰ ﻛﻠﺒﻲ ﻛﻠﻮ ﻛﺮﻩ ﻛﻠﻮ ﻏﻀﺐ ﺍﺭﻳﺪ ﺍﺻﺮﺭﺭﺭﺥ ﺍﺭﻳﺪ ﺍﻗﺘﻠﻬﺎ ﺑﺲ ﺍﺷﻮﻓﻬﺎ ﻟﻴﺶ ﺷﺴﻮﻳﺖ ﺣﺘﻰ ﻫﻴﺞ ﺍﺗﻌﺎﻗﺒﻨﻲ
ﻛﻠﻬﺎ ﺷﻴﺸﺔ ﻣﺮﺑﻰ ﻭﻛﻌﺖ ﺷﻨﻮ ﻭﻛﻌﺖ ﺍﻟﺴﻤﺎ ﻣﺜﻼ ﺧﺴﺮﺕ ﺻﺤﺘﻲ ﺑﺴﺒﺐ ﺷﻴﺸﺔ ﻣﺮﺑﻰ ﺷﻲ ﻳﻀﺤﻚ ﻣﻮ ..!!
ﺭﺟﻌﺖ ﻟﻠﺒﻴﺖ ﻭﺍﻳﻠﻴﻦ ﻭﺳﺎﺑﻴﻦ ﺣﻀﻨﻮﻧﻲ ﻭﻳﺒﺠﻮﻥ ﻭﻳﺒﻮﺳﻮﻥ ﺑﻴﻪ ﻋﺒﺎﻟﻚ ﺭﺍﺟﻌﻪ ﻣﻦ ﺍﻟﻤﻮﺕ
ﻭﺳﻨﺎﺀ ﺟﺖ ﺑﻮﺳﺘﻨﻲ ﺍﻧﻲ ﺻﻴﺤﺖ ﻋﻠﻴﻬﺎ ﻭﺧﺮﺭﺭﺭﻱ ﺗﺮﻛﻴﻴﻴﻴﻴﻨﻲ ﺍﻧﺘﻲ ﺍﻟﺞ ﻋﻴﻦ ﺗﺒﻮﺳﻴﻨﻲ ﺷﻮﻓﻲ ﺷﺴﻮﻳﺘﻲ ﺑﻴﻪ
ﻣﺎﻋﺮﻑ ﻣﻦ ﻭﻳﻦ ﺟﺘﻨﻲ ﺍﻟﺠﺮﺃﺓ ﺍﺻﻴﺢ ﻋﻠﻴﻬﺎ ﻫﻴﻪ ﺍﺑﺘﻌﺪﺕ ﺑﺲ ﻧﻈﺮﺍﺗﻬﺎ ﺟﺎﻧﺖ ﻭﻋﻴﺪ ﺍﻟﻲ ..
ﻣﺮﺕ ﺍﻻﻳﺎﻡ ﺳﻮﺩﻩ ﻋﻠﻴﻪ ﺑﺎﻟﻤﺪﺭﺳﻪ ﻳﻌﻴﺒﻮﻥ ﻋﻠﻴﻪ ﻟﻴﺶ ﻣﺎ ﺍﻣﺸﻲ ﻣﻘﻌﺪﻩ ﻭﺍﻟﻤﻌﻠﻤﺎﺕ ﻳﻀﺮﺑﻮﻫﻢ ﺑﺲ ﻣﻴﻔﻴﺪ ﺷﻴﻀﺮﺑﻮﻥ ﻭﺣﺪﻩ ﺛﻨﻴﻦ ﻭﺍﻧﻲ ﻃﺎﺭ ﺷﻬﺮﻳﻦ ﻣﻨﻲ ..
ﺑﺲ ﺍﻟﺤﻤﺪﻟﻠﻪ ﻧﺼﻬﺎ ﺟﻨﺖ ﺩﺍﺭﺳﺘﻪ ﻭﻳﻪ ﺳﺠﻰ ﻑ ﻗﻠﻴﻞ ﺍﻟﻲ ﻓﺎﺗﻨﻲ ﺭﺟﻌﺖ ﻋﻮﺿﺖ ﺍﻟﻔﺎﺗﻨﻲ
ﺟﻨﺖ ﺍﺭﻭﺡ ﺍﻛﻤﻞ ﺩﺭﻭﺳﻲ ﻭﺍﺑﻘﻰ ﻟﻞ ٣ ﺍﻟﻤﻌﻠﻤﺎﺕ ﻳﺘﺴﺎﻋﺪﻭﻥ ﻭﻳﻌﻮﺿﻮﻧﻲ
ﻟﺤﻜﺖ ﺑﻴﻬﻢ ﻭﺍﻟﺤﻤﺪﻟﻠﻪ ﺍﻧﻲ ﺍﺳﺘﻮﻋﺐ ﻭﺍﺣﻔﻆ ﺳﺮﻳﻊ ﻭﻧﺠﺤﺖ ﺭﺍﺑﻌﻪ ﺑﺲ ﻣﺎﺟﻨﺖ ﺍﻛﺪﺭ ﺍﻛﺘﺐ ﻭﻻ ﺣﺮﻑ ..بيج قصص عراقيه حقيقيه من واقعنا.روعه الطائي
ﺟﺎﻧﻮ ﻳﻤﺘﺤﻨﻮﻧﻲ ﻭﻳﺮﺩﻭﻟﻲ ﺍﻣﻼﺀ ﻭﺍﻧﻲ ﺍﺗﻬﺠﺎ ﺍﻻﺣﺮﻑ ﺑﺪﻭﻥ ﻛﺘﺎﺑﻪ ﻭﺍﻟﺮﻳﺎﺿﻴﺎﺕ ﻫﻢ ﺷﻔﻬﻲ ﻛﻤﻠﺖ
ﻭﺣﺘﺎﺟﻴﺖ ﻓﻮﻙ ﺍﻟﺴﻨﻪ ﺍﻟﺮﺍﺣﺖ 5 ﺍﺷﻬﺮ ﻳﻼ ﺗﺤﺮﻛﺖ ﺍﻳﺪﻱ ﻭﺭﺟﻠﻲ ﺷﻮﻳﻪ
ﻻﻥ ﻋﻤﻮﺩﻱ ﻣﺘﺎﺫﻱ ﺣﻴﻞ ﻭﺧﻼﻝ ﻫﺎﻱ ﺍﻟﺴﻨﻪ ﻭ 5 ﺍﺷﻬﺮ ﺟﺎﻧﺖ ﺍﻳﻠﻴﻦ ﻭﺳﺎﺑﻴﻦ ﻳﺘﻌﺎﻭﻧﻮﻥ ﻳﺴﺒﺤﻮﻧﻲ ﻭﻳﻔﻮﺗﻮﻧﻲ ﻟﻠﺤﻤﺎﻡ
ﻭﺳﻨﺎﺀ ﻭﻻ ﺳﺎﻋﺪﺗﻨﻲ ﺑﻬﺎﻟﻜﺪ ﺍﻟﻠﻪ ﻳﻨﺘﻘﻢ ﻣﻨﻬﺎ ﺍﻟﺤﻘﻴﺮﻩ .. ﺩﻣﺮﺕ ﺣﻴﺎﺗﻲ ﻭﻣﺴﺘﻘﺒﻠﻲ ﺯﺭﻋﺖ ﺑﺪﺍﺧﻠﻲ ﺍﻟﻜﺮﻩ ﻭﺍﻟﻐﻞ ﻭﺍﻟﺤﻘﺪ ﻭﺍﻟﻐﻀﺐ
ﻣﻦ ﺗﺤﺮﻛﺖ ﺍﻳﺪﻱ ﺻﺮﺕ ﺍﺣﺴﻦ ﺟﻨﺖ ﻣﺎﻛﺪﺭ ﺍﻣﺸﻲ ﺍﻟﻜﺮﺳﻲ ﺑﺲ ﻫﺴﻪ ﻛﺪﺭﺕ ﺍﻣﺸﻲ ﻭﺍﻃﻠﻊ ﻭﺍﺭﻭﺡ ﺑﺮﺍﺣﺘﻲ ﺑﺪﻭﻥ ﻣﺎ ﺍﺻﻴﺢ ﺍﺣﺪ ﻳﺴﺎﻋﺪﻧﻲ
ﻭﺑﺎﻟﺴﻨﻪ ﺍﻟﻲ ﺩﺭﺳﺖ ﺑﻴﻬﺎ ﺭﺍﺑﻊ ﺟﺎﻧﺖ ﺍﺳﻬﻞ ﻋﻠﻴﻪ ﺍﻋﺘﻤﺪﺕ ﻋﻠﻰ ﻧﻔﺴﻲ ﺍﺳﺒﺢ ﻧﻔﺴﻲ ﻭﺍﺑﺪﻝ ﺟﻨﺖ ﺍﻋﺘﻤﺪ ﻋﻠﻰ ﺍﻳﺪﻱ ﺑﺲ ﻫﻢ ﺍﺗﺬﺍ
ﻭﻧﺠﺤﺖ ﺑﻴﻬﺎ ﺍﻭﻟﻰ ﻭﺟﺖ ﺳﺖ ﺍﻓﺮﺍﺡ ﺍﻟﻤﺎﻳﺠﻴﻬﺎ ﺟﻬﺎﻝ ﺗﺬﻛﺮﺗﻮﻫﺎ ﺍﻻﺧﺬﺗﻨﺎ ﻋﺪﻫﺎ ﻣﻦ ﺟﺖ ﺍﻟﺮﻋﺎﻳﻪ ﺍﻻﺟﺘﻤﺎﻋﻴﻪ
ﻛﺎﻟﺖ ﺣﺠﻴﺖ ﻭﻳﻪ ﺍﻃﺒﺎﺀ ﺍﺧﺘﺼﺎﺹ ﺑﺎﻟﻬﻨﺪ ﻭﺗﻌﺎﻟﻲ ﺍﻃﻠﻌﺞ ﻭﻧﻌﺎﻟﺠﺞ ﻫﻨﺎﻙ ..
ﻃﺎﺭﻕ ... ﻣﺎﻛﻮ ﺩﺍﻋﻲ
ﺳﺖ ﻓﺮﺡ ... ﺑﻠﻪ ﺍﻧﻲ ﺭﺍﻳﺪﺗﻬﺎ ﺗﺘﻌﺎﻓﻲ ﻟﻮ ﻋﺎﺟﺒﻚ ﻭﺿﻌﻬﺎ
ﻃﺎﺭﻕ ... ﺻﻴﺤﺖ ﺑﻮﺟﻬﺎ ﻭﻛﺘﻠﻬﺎ ﻫﺎﻱ ﻋﺎﺋﻠﺘﻲ ﻣﻮ ﺍﻧﺘﻲ ﺍﻟﻲ ﺗﻘﺮﺭﻳﻦ ﻋﻨﻲ ﻭﻃﺮﺩﺗﻬﺎ
ﻭﺗﻴﻦ ... ﺍﻧﻲ ﺟﻨﺖ ﺍﺳﻤﻌﻬﻢ ﻻﻥ ﺍﻻﺳﺘﻘﺒﺎﻝ ﻳﻄﻞ ﻉ ﺍﻟﺤﺪﻳﻘﻪ ﻭﺍﻧﻲ ﺟﻨﺖ ﺑﺎﻟﺤﺪﻳﻘﻪ ﻧﻘﻬﺮﺕ ﺟﻨﺖ ﺍﺭﻳﺪ ﺍﺭﺟﻊ ﺍﻣﺸﻲ ﻭﺟﺘﻨﻲ ﻓﺮﺻﻪ ﻭﺭﻓﻀﻬﺎ ..
ﺭﺍﺣﺖ ﻫﺪﺩﺗﻪ ﺍﻧﻮ ﺗﺸﺘﻜﻲ ﻋﻠﻲ ﻭﺭﺍﻫﺎ ﺑﺴﺒﻮﻉ ﺭﺍﺡ ﺍﻋﺘﺬﺭ ﻣﻨﻬﺎ ﻫﻮﻩ ﻭﺳﻨﺎﺀ ﻭﻛﺎﻟﻮﺍ ﻣﻮﺍﻓﻘﻴﻦ
ﺑﺲ ﺍﺣﻨﺎ ﻣﻨﺪﻓﻊ ﻓﻠﺲ ﻻﻥ ﻣﺎﻋﺪﻧﺎ
ﺟﺬﺍﺑﻴﻦ ﻋﺪﻫﻢ ﺑﺲ ﻻﻥ ﻣﻮ ﺑﻨﺖ ﻭﺍﺣﺪ ﻣﻨﻬﻢ ﻣﺮﺍﺩﻭﺍ ﻳﺪﻓﻌﻮﻥ ..
ﻣﺮﺍﺩﻭﺍ ﻳﺨﺴﺮﻭﻥ ﻋﻠﻴﻪ ﻻﻥ ﻣﺎﻫﻢ ﺍﺣﺪ ﺑﻴﻬﻢ ﻭﻳﺘﻤﻨﻮﻥ ﺍﻣﻮﺕ ﺣﺘﻰ ﻳﺨﻠﺼﻮﻥ ﻣﻨﻲ
ﺍﺧﺬﺗﻨﻲ ﻭﺟﺎ ﻭﻳﺎﻫﺎ ﺑﺎﺑﺎ ﻭﺯﻭﺟﻬﺎ ﻭﺭﺣﻨﺎ ﻟﻠﻬﻨﺪ ﺯﺭﻋﻮﻟﻲ ﺍﺭﺑﻊ ﻓﻘﺮﺍﺕ ﻭﻋﺪﻟﻮﻟﻲ ﺍﻟﻐﻀﺎﺭﻳﻒ ﺟﺎﻧﺖ ﻣﻮ ﺑﻤﻜﺎﻧﻬﺎ ﻭﺳﻮﻭﻟﻲ ﺗﻘﻮﻳﻢ ﻟﻠﻌﻤﻮﺩ ﺍﻟﻔﻘﺮﻱ ..
ﺟﺎﻧﺖ ﻋﻤﻠﻴﻪ ﻭﺍﺛﺎﺭﻫﺎ ﻟﺤﺪ ﻫﺴﻪ ﺑﻌﺪﻫﺎ ﺑﻈﻬﺮﻱ ﻛﺼﻮ ﺿﻬﺮﻱ ﻭﺧﻴﻄﻮ ٢٥ ﻏﺮﺯﺓ
ﺿﻠﻴﺖ 3 ﺍﺷﻬﺮ ﺑﺎﻟﻬﻨﺪ ﺑﺎﻟﻤﺴﺘﺸﻔﻰ ﻣﺎ ﺟﻨﺖ ﺍﺣﺲ ﺑﺎﻟﻮﺟﻊ ﻻﻥ ﻛﻞ ﻣﺎ ﻳﺮﻭﺡ ﺍﻟﻤﺨﺪﺭ
ﻳﻨﻄﻮﻧﻲ ﻣﺴﻜﻨﺎﺕ ﺑﺲ ﻣﻦ ﺭﺍﺡ ﺍﻟﺒﻨﺞ ﺍﻟﻌﺎﻡ ﺟﻨﺖ ﺍﺻﺮﺥ ﺑﻜﻞ ﻗﻮﺗﻲ ﺧﺪﺭﻭﻧﻲ ﺧﺪﺭﻭﻧﻲ ...
ﺳﺖ ﺍﻓﺮﺍﺡ ﺗﺒﺠﻲ ﻣﻦ ﻛﻞ ﻛﻠﺒﻬﺎ ﻭﺗﺘﻮﺳﻞ ﺑﺎﻟﺪﻛﺎﺗﺮﻩ ﻭﺷﻜﺪ ﻣﺎﺗﻮﺳﻠﺖ ﺑﻴﻬﻢ ﻧﻄﻮﻧﻲ ﻣﺴﻜﻨﺎﺕ ﻗﻮﻳﻪ
ﺧﺪﺭﺕ ﻣﻜﺪﺭﺕ ﺍﺑﺠﻲ ﻭﻻ ﺍﺣﺲ ﺑﺸﻲ ﻧﻤﺖ ﻭﺍﻟﻤﻮﺕ ﺍﻻﻛﺒﺮ ﻣﻦ ﺭﺍﺩﻭﻧﻲ ﺍﻣﺸﻲ
ﺷﺤﺠﻲ ﺷﻜﻮﻝ ﻟﻮ ﺍﻟﻠﻪ ﻣﺎﺧﺬﻧﻲ ﺟﺜﻴﻴﻴﻴﺮ ﺍﺣﺴﻦ ﻟﻲ ﻣﻦ ﻫﺎﻟﻌﺬﺍﺏ ﺍﻧﻲ ﺷﺠﺎﻧﻲ ﻭﺟﻴﺖ ﻋﻠﻰ ﻫﺎﻟﺪﻧﻴﺎ ...
)) ﺍﻟﻬﻲ ﺍﺗﺴﻤﻌﻨﻲ ﻟﻘﺪ ﺗﺄﻟﻤﺖ ﻛﺜﻴﺮﺍ
ﻭﻣﺖ ﻗﺒﻞ ﻣﻮﺗﻲ ﺃﻻﻑ ﺍﻟﻤﺮﺍﺕ
ﺍﺻﺒﺤﺖ ﻛـ ﺍﻟﻤﻘﺎﺑﺮ ﻻ ﻳﻮﺟﺪ ﻓﻴﻨﻲ
ﻏﻴﺮ ﺍﻟﺤﺰﻥ ﻭﺍﻟﺒﻜﺎﺀ ﻭﺍﻟﺤﻄﺎﻡ (🐨
ﺟﻨﺖ ﺍﺗﻮﺳﻞ ﺑﻴﻬﻢ ﻣﺎﺭﻳﺪ ﺍﻣﺸﻲ ﻭﺍﻟﺪﻛﺘﻮﺭ ﻳﻜﻮﻝ ﻻﺯﻡ ﺗﻤﺸﻴﻦ ﺣﺘﻰ ﻧﺸﻮﻑ ﺍﺛﺎﺭ ﺍﻟﻌﻤﻠﻴﻪ ﻧﺠﺤﺖ ﻓﺸﻠﺖ ﺟﻨﺖ ﺍﺻﺮﺥ ﻣﻦ ﻭﺟﻌﻲ ﻭﺍﺑﺠﻲ ﻭﺍﻓﺮﺍﺡ ﺗﺸﺠﻌﻨﻲ
ﺍﻟﺪﻛﺘﻮﺭ ﻛﺎﻝ ﻋﻤﻠﻴﺘﻬﺎ ﻧﺎﺟﺤﻪ ﺍﻥ ﺷﺎﺀ ﺍﻟﻠﻪ ﻃﺒﻌﺎ ﻫﻮ ﻳﺤﺠﻲ ﻭﺳﺖ ﺍﻓﺮﺍﺡ ﺍﺗﺮﺟﻢ ..
ﺍﻟﺪﻛﺘﻮﺭ .. ﻭﻋﻠﻮﺍ ﺗﺒﻘﻮﻫﺎ ﺣﺘﻰ ﻧﺸﺮﻑ ﻋﻠﻴﻬﺎ ..
ﺍﻓﺮﺍﺡ .. ﺍﺫﺍ ﻧﺮﺟﻊ ﺧﻄﺮ ﻋﻠﻴﻬﺎ ﻣﻤﻜﻦ ﺗﻨﺘﻜﺲ ؟؟
ﺍﻟﺪﻛﺘﻮﺭ .. ﻻ ﺑﺲ ﻫﻨﺎ ﺣﺘﻰ ﻧﺘﺎﺑﻌﻬﺎ ﻭﺍﺣﻨﺎ ﻧﻌﺮﻑ ﻭﺿﻌﻬﺎ ﺍﺣﺴﻦ ﻻﻥ ﺍﺣﻨﺎ ﺳﻮﻳﻨﺎﻟﻬﺎ ﺍﻟﻌﻤﻠﻴﻪ
ﻃﺎﺭﻕ ... ﺑﺲ ﺩﻛﺘﻮﺭ ﻭﺭﺍﻫﺎ ﺩﺭﺍﺳﻪ ﻭﺍﺣﻨﺎ ﺗﺎﺧﺮﻧﺎ ﻫﻨﺎ ﻭﺑﻨﺎﺗﻲ ﻭﺯﻭﺟﺘﻲ ﻭﺣﺪﻫﻢ ﺿﻠﻮﺍ
ﺍﺫﺍ ﻣﺎﻛﻮ ﺧﻄﺮ ﻋﻠﻴﻬﺎ ﺍﻟﻌﻼﺝ ﺍﻟﻔﻴﺰﻳﺎﺋﻲ ﻧﻜﻤﻠﻠﻬﻴﺎ ﻫﻨﺎﻙ ﻭﺍﻓﻖ ﻭﻧﻄﺎﻧﺎ ﺭﻗﻤﻪ ﻧﺘﻮﺍﺻﻞ

ﻭﻳﺎ ..
ﺍﻟﺪﻛﺘﻮﺭ .. ﺍﻟﻴﺸﺮﻑ ﻋﻠﻴﻬﺎ ﻻﺯﻡ ﻳﺨﺎﺑﺮﻧﻲ ﺍﻭﺿﺤﻠﻪ ﻛﻢ ﻧﻘﻄﻪ ..
ﻭﺗﻴﻦ .. ﻭ ﻭﺻﻔﻠﻲ ﻃﻦ ﺍﺩﻭﻳﻪ ﻣﻦ ﺻﺪﻙ ﻃﻦ ﺟﺎﻧﺖ ﺟﺜﻴﺮﻩ ﻭﺍﺧﺬﻧﺎﻫﺎ ﻣﻦ ﻫﻨﺎﻙ ﻣﻮ ﻣﺎﻝ ﺷﻬﺮ ﺷﻬﺮﻳﻦ ﻣﺎﻝ 3 ﺳﻨﻮﺍﺕ
ﻭﺍﻧﺘﻮ ﺍﺣﺴﺒﻮ ﺷﻜﺪ ﻛﺎﺭﺗﻮﻧﺘﻴﻦ ﻋﻼﺝ ﺑﺲ ﻣﻮ ﻛﺒﻴﺮﺍﺕ ﺍﻟﻜﺎﺭﺗﻮﻧﺎﺕ ﻙ ﻛﺎﺭﺗﻮﻧﻪ ﺗﻜﻔﻲ ﺳﻨﻪ ﻭﻧﺺ ﺑﺲ ﺟﺜﻴﻴﺮ ﺍﻟﻌﻼﺝ
ﻭﺭﺟﻌﻨﺎ ﻟﻠﻀﻴﻢ
ﺍﻧﻲ ﺟﺎﻥ ﻋﻤﺮﻱ ﺑﻬﺎﻱ ﺍﻟﺴﻨﻪ ١١ ﻭﺍﻟﺘﻮﺃﻡ ١٣
ﻭﺭﺍﺡ ﻧﺠﻲ ﻻﺣﺪﺍﺙ ﺍﻟﻘﻮﻳﺔ ﻭﺍﻧﺘﺤﺎﻝ ﺷﺨﺼﻴﻪ ﺍﻟﺘﻮﺃﻡ ﺷﻠﻮﻥ ﺻﺎﺭﺕ
ﺟﻨﺎ ﺍﺣﻨﻪ ﺍﻝ 3 ﻧﺮﻭﺡ ﻟﻠﻤﺪﺭﺳﻪ ﺍﻟﺘﻮﺃﻡ ﺳﺎﺩﺱ ﺍﺑﺘﺪﺍﺋﻲ ﻭﺍﻧﻲ ﺧﺎﻣﺲ ﺍﺑﺘﺪﺍﺋﻲ
ﺑﺪﻳﻨﺎ ﻭﺍﻧﻲ ﺿﻠﻴﺖ ﻉ ﺍﻟﻜﺮﺳﻲ ﻭﺍﻛﻮﻡ ﺍﻣﺸﻲ ﺷﻮﻳﻪ ﻻﻥ ﺑﻌﺪ ﻣﺎ ﻛﻤﻠﺖ ﺍﻟﻌﻼﺝ ﺍﻟﻔﻴﺰﻳﺎﺋﻲ ﻣﻼﺯﻡ ﺍﺿﻐﻂ ﺣﻴﻞ ﺍﺧﺎﻑ ﻉ ﺍﻟﻐﻀﺎﺭﻳﻒ ﺗﻮﺭﻡ
ﺧﻠﺼﻨﺎ ﻧﺺ ﺍﻟﺴﻨﻪ ﺩﺭﺍﺳﻪ ﻭﺧﻠﺼﺖ ﺍﻟﻌﻄﻠﻪ ﻭﺍﺣﻨﺎ ﺑﺎﻟﻠﻴﻞ ﺣﻀﺮﻧﺎ ﻣﻼﺑﺴﻨﺎ ﺣﺘﻰ ﺑﺎﺟﺮ ﺍﻭﻝ ﻳﻮﻡ ﺩﻭﺍﻡ ﺑﻌﺪ ﺍﻟﻌﻄﻠﻪ
ﻛﻌﺪﻧﺎ ﺍﻟﺼﺒﺢ ﺗﺮﻳﻜﻨﺎ ﻭﻃﻠﻌﻨﺎ ﻛﺒﻞ ﺑﺎﺑﺎ ﺑﺎﺑﺎ ﻫﻢ ﺩﻭﺍﻣﻪ ﺻﺒﺎﺣﻲ ﻃﻠﻌﻨﺎ ﻛﺎﻥ ﺩﻭﺍﻡ ﻋﺎﺩﻱ ﻛﻤﻠﻨﺎ ﺳﺎﻋﻪ ١٢ ﺍﻟﻈﻬﺮ ﻭﺩﺍ ﻧﻄﻠﻊ ﻭﻧﺮﺟﻊ ﻟﻠﺒﻴﺖ ﻭﺑﺎﺑﺎ ﻟﻞ ١٢ . ٣٠ ﻳﻼ ﻳﻄﻠﻊ ﻣﻦ ﺩﻭﺍﻣﻪ
ﻭﺍﺣﻨﺎ ﻧﺮﺟﻊ ..
ﺍﻳﻠﻴﻦ ﻭﺳﺎﺑﻴﻦ ﻳﺤﺒﻮﻥ ﻳﺘﺴﺎﺑﻘﻮﻥ ﺑﺎﻟﺸﺎﺭﻉ ﻳﺮﻛﻀﻮﻥ ﺳﺎﺑﻴﻦ ﺟﺎﻧﺖ ﺗﺪﻓﻌﻨﻲ ﺑﺎﻟﻜﺮﺳﻲ ﻭﺗﺮﻛﺾ ﻭﺍﻳﻠﻴﻦ ﺗﺮﻛﺾ ..
ﺍﺣﻨﺎ ﻭﺻﻠﻨﺎ ﻟﺸﺎﺭﻉ ﻳﺮﻭﺡ ﻳﻤﻴﻦ ﻭﻳﺴﺎﺭ ﻭﻋﺪﻝ ﻭﺩﺍ ﻧﻜﻤﻞ ﻋﺪﻝ ﻧﺮﻛﺾ ﻑ ﺳﺎﺑﻴﻦ ﺟﺎﻧﺖ ﺗﺪﻓﻌﻨﻲ ﻭﻋﻠﻰ ﻓﺠﺄﺓ ﺳﻴﺎﺭﻩ ﻃﻠﻌﺖ ﺳﺮﻳﻊ ﺍﻳﻠﻴﻦ ﻭﺭﺍﻧﻪ ﺍﺣﻨﺎ ﻋﺒﺮﻧﺎﻫﺎ ﺑﺲ ﻭﻛﻊ ﻛﻠﺒﻨﺎ ﻣﺎﻣﻨﺘﺒﻬﻴﻦ ..
ﻭﻫﺬﺍ ﺍﻟﺸﺎﺭﻉ ﻣﺎ ﺗﻤﺸﻲ ﺑﻲ ﺳﻴﺎﺭﺍﺕ ﺑﻬﺎﻟﺴﺮﻋﻪ ﻭﻣﻦ ﻋﺒﺮﻧﺎ ﻣﺎﻟﺤﻜﻨﺎ ﻧﻠﺘﻔﺖ ﺳﻤﻌﻨﺎ ﺻﻮﺕ ﺷﻲ ﺍﻧﻀﺮﺏ ﻭﺍﻳﻠﻴﻦ ﻭﺭﺍﻧﺎ ﺩﺍ ﺗﻠﺤﻜﻨﺎ
ﻛﺒﻞ ﻧﺪﺍﺭﻳﻨﺎ ﺍﻟﺴﻴﺎﺭﻩ ﺟﺎﻧﺖ ﻃﺎﻟﻌﻪ ﻉ ﺍﻟﺮﺻﻴﻒ ﻭﺍﻳﻠﻴﻦ ﺑﺎﻟﻜﺎﻉ ﺑﺲ ﻋﻠﻰ ﺑﻌﺪ ﻣﺴﺎﻓﻪ ﻋﻨﻨﺎ ..
ﺳﺎﺑﻴﻦ ﺭﻛﻀﺖ ﺗﺼﺮﺭﺭﺭﺥ ﺑﺼﻮﺕ ﻣﻔﺠﻮﻉ ﻭﺍﻧﻲ ﻣﺸﻴﺖ ﺍﻟﻜﺮﺳﻲ ﻭﺍﺻﻴﺢ ﻭﺟﺎﻥ ﻭﻛﺖ ﺍﻻﺑﺘﺪﺍﺋﻴﻪ ﻳﺤﻠﻮﻥ
ﻭﺍﻟﻤﺘﻮﺳﻄﻪ ﻭﺍﻻﻋﺪﺍﺩﻳﻪ ﻫﻢ ﻳﺤﻠﻮﻥ ﺍﻟﺸﺎﺭﻉ ﻛﻠﻪ ﻃﻼﺏ ﻭﺍﻧﻲ ﺍﻳﺪﻱ ﺗﺮﺟﻒ ﻣﻮ ﺍﻳﻠﻴﻦ ﻫﺎﻱ ﻣﻮ ﺍﻳﻠﻴﻦ
ﺳﺎﺑﻴﻦ .... ﺟﻨﺎ ﻧﺮﻛﺾ ﻭﻋﻠﻰ ﻓﺠﺎﺓ ﺻﺎﺭ ﻫﺎﻟﺸﻲ ﻳﻌﻨﻲ ﺭﺍﺟﻌﻴﻦ ﻣﻦ ﺍﻟﻤﺪﺭﺳﻪ ﻭﻛﻞ ﻳﻮﻡ ﻧﺘﺴﺎﺑﻖ ﺑﺲ ﻫﺎﻟﻴﻮﻡ ﺟﺎﻥ ﻏﻴﺮ
ﻋﻠﻰ ﻓﺠﺎﺓ ﻣﺎﻋﺮﻑ ﺷﻠﻮﻥ
ﺍﺣﻨﺎ ﻋﺒﺮﻧﺎ ﻭﺳﻴﺎﺭﻩ ﻣﺴﺮﻋﻪ ﻋﺒﺮﺗﻨﺎ ﺍﻧﻲ ﻣﻠﺤﻜﺖ ﺍﻭﻛﻒ ﺍﻟﻜﺮﺳﻲ ﺳﻤﻌﺖ ﺻﻮﺕ ﻭﺍﺣﺪ ﺍﻧﻀﺮﺏ ﻭﺷﺨﻄﺔ ﺍﻟﺴﻴﺎﺭﻩ ﻛﺒﻞ ﺍﻧﺪﺍﺭﻳﺖ ﺷﻔﺖ ﺍﻟﺴﻴﺎﺭﻩ ﻋﻠﻰ ﺍﻟﺮﺻﻴﻒ ﻭﺍﻳﻠﻴﻦ ﻣﺎﻛﻮ ﻭﺭﺍﻧﺎ ..ﺩﺣﻜﺖ ﻳﻤﻴﻦ ﻣﺎﻛﻮ ﻳﺴﺎﺭ ﺟﺎﻧﺖ ﺻﺪﺭﻳﻪ ﺗﻮﺃﻣﻲ ﺍﻱ ﺗﺸﺒﻪ ﺻﺪﺭﻳﻪ ﺗﻮﺃﻣﻲ ﺑﺲ ﻻ ﻣﻮﻫﻴﻪ ﻣﺴﺘﺤﻴﻞ ﺍﻳﻠﻴﻦ ﻫﻨﺎﻙ ﺑﺰﺣﻤﻪ ﺍﻟﻄﻼﺏ ﺍﻛﻴﺪ ﺩﺗﺘﻤﺸﻪ ﺑﻌﺪﻫﺎ ﺟﻨﺖ ﻣﺼﺪﻭﻣﻪ ﻭﺧﺎﻳﻔﻪ ..
ﺟﻨﺖ ﺍﺗﻤﻨﻰ ﺍﻟﻲ ﺷﻔﺘﻪ ﻛﺬﺏ ﻭﺣﻠﻢ ﻭﺟﻨﺖ ﺍﻛﺬﺏ ﻧﻔﺴﻲ ﻭﺍﻛﻮﻝ ﻻﻻﻻ ﻫﺎﻱ ﻏﻴﺮ ﺑﻨﻴﺔ ﻣﻮ ﺍﻳﻠﻴﻦ ﻣﻮ ﺍﻳﻴﻴﻴﻴﻠﻴﻴﻴﻴﻦ ﺍﺻﺮﺥ ﺑﺼﻮﺕ ﻣﻔﺠﻮﻉ
ﺭﺣﺖ ﺍﺭﻛﺾ ﺍﺑﺠﻲ ﻭﻫﺎﻟﻜﻼﻡ ﺍﺣﺠﻲ ﺑﺪﺍﺧﻠﻲ ﻻ ﻣﻮﻫﻴﻪ ﻻ ﻻ ﻣﻮﻫﻴﻪ ﺑﻘﻴﺖ ﺍﻛﺬﺏ ﻧﻔﺴﻲ ﺣﺘﻰ ﻻ ﺍﺳﺘﻮﻋﺐ ﺍﻟﻲ ﺍﺷﻔﺘﻪ ﻭﻳﺨﺘﻞ ﻋﻘﻠﻲ
ﻭﺻﻠﺖ ﻟﻴﻤﻬﺎ ﻭﺍﻟﺴﺎﻳﻖ ﻳﺮﻛﺾ ﻳﻜﻮﻝ ﻣﺎﺷﻔﺘﻬﺎ ﻣﺎﺷﻔﺘﻬﺎ ﻭﺟﻬﺎ ﺟﺎﻥ ﺑﺎﻟﻜﺎﻉ ﺭﻓﻌﺘﻪ ﻭﺷﻔﺘﻬﺎ ﺟﺎﻥ ﻭﺟﻪ ﺍﻳﻠﻴﻦ
ﺻﺮﺧﺖ ﺻﺮﺧﺔ ﻭﺻﻠﺖ ﻟﻌﻨﺎﻥ ﺍﻟﺴﻤﺎﺀ ﻻﺍﺍﺍﺍﺍﺍﺍﺍﺍﺍﺍﺍ ﺭﺑﻲ ﻻﺍﺍﺍﺍﺍﺍﺍﺍﺍﺍﺍ ﻫﺎﻱ ﺍﺧﺘﻲ ﻭﻫﺎﻱ ﺻﺪﺭﻳﺘﻬﺎ ﻭﻫﺬﺍ ﺣﺬﺍﺀﻫﺎ ﺗﻚ ﺣﺬﺍﺋﻬﺎ ﻣﺎﻛﻮ ﻛﺘﻠﻬﻢ ﺣﺬﺍﺋﻬﺎ ﻣﺎﻛﻮ ﺻﺮﺕ ﻣﺜﻞ ﺍﻟﻤﺨﺒﻠﺔ ..
ﺍﻓﺮ ﺑﺮﺍﺳﻲ ﻭﺍﺩﺣﻚ ﻉ ﺍﻟﻌﺎﻟﻢ ﻣﺎﻋﺮﻑ ﺷﺴﻮﻱ ﺍﺭﻳﺪ ﺍﺻﺮﺥ ﺍﻟﻄﻢ ﺍﺑﺠﻲ ﺟﻤﺪﺕ ﺑﻤﻜﺎﻧﻲ ﻣﻦ ﺍﻟﺼﺪﻣﺔ
ﺍﻟﻜﻞ ﺍﻟﺘﻤﻮﺍ ﻋﻠﻴﻨﻪ ﺳﻮﻭﺍ ﺩﺍﺋﺮﻩ ﻭﺍﺻﻮﺍﺗﻬﻢ ﻳﺎﺍﺍﺍ ﻣﺎﺗﺖ ﻻ ﺑﻌﺪﻫﺎ ﺻﻐﻴﺮﻩ ﺷﻠﻮﻥ ﻣﺎﺷﺎﻓﺖ ﺍﻟﺴﻴﺎﺭﻩ ﺍﻧﻲ ﺳﻤﻌﺘﻬﻢ ﻳﻜﻮﻟﻮﻥ ﻣﺎﺗﺖ
ﺻﺮﺧﺖ ﻻﺍﺍﺍﺍﺍﺍﺍ ﻫﺎﻱ ﺍﺧﺘﻲ ﻫﺎﻱ ﺍﺧﺘﻲ ﻣﺎﺗﻤﻮﻭﻭﻭﻭﻭﻭﻭﺕ ﻫﺎﻱ ﺗﻮﺃﻣﻲ ﻻﺍﺍﺍﺍﺍﺍ ﺍﺳﻜﺘﻮﻭﻭﻭﻭﻭ ﺍﻳﻠﻴﻴﻴﻴﻴﻴﻴﻴﻴﻦ ﺍﻳﻠﻴﻴﻴﻴﻴﻴﻴﻦ ﺍﻛﻌﺪﻱ ﺍﻣﺎﻧﻪ ﺑﺮﺑﺞ ﺍﻛﻌﺪﻱ ﺗﺤﺒﻴﻨﻲ ﻛﻮﻣﻲ ﻧﺮﻭﺡ ﻟﻠﺒﻴﺖ
ﻭﺍﻟﻠﻪ ﺍﺧﻠﻴﺞ ﻫﺎﻟﻤﺮﻩ ﺗﺴﺒﻘﻴﻨﻲ ﻭﻟﺞ ﻛﻮﻭﻭﻭﻣﻲ ﺍﻳﻴﻴﻴﻴﻠﻴﻴﻴﻦ ﻓﺪﻭﻭﻭﻭﻭﻭﺓ ﻟﻜﻠﺒﺞ ﺍﺻﺤﻲ ﺩﺣﻜﻲ ﻋﻠﻲ ﺍﺭﻳﺪ ﺍﺷﻮﻑ ﻋﻴﻮﻧﺞ ﻣﺎﺗﺤﻤﻞ ﺍﺷﻮﻓﺞ ﻫﻴﺞ ﺍﻣﺪﺩﻩ ﻧﺎﻳﻤﺔ
ﺧﻴﺘﻲ ﻛﻮﻭﻭﻭﻭﻭﻣﻲ ﻟﺞ ﻛﻮﻭﻭﻭﻭﻣﻲ ﻫﺎﺍﺍﺍﻱ ﺍﺧﺘﻲ ﺳﺎﻋﺪﻭﻭﻭﻭﻭﻫﺎ ﺑﺮﺑﻜﻢ ﺳﺎﻋﺪﻭﻭﻭﻫﺎ ﻻﻳﻴﻴﻴﻴﻴﻠﻴﻴﻴﻴﻴﻦ ﺟﻨﺖ ﺣﺎﺿﻨﺘﻬﺎ ﻭﺍﺻﺮﺥ ﻭﺍﺑﺠﻲ ﻓﺮﻓﺤﺖ ﺭﻭﺣﻲ ﻣﺜﻞ ﺍﻟﻄﻴﺮ ﺍﻟﻤﺬﺑﻮﺡ
ﻭﻋﻠﻰ ﻫﺎﻟﺼﻴﺎﺡ ﻭﺻﻞ ﺑﺎﺑﺎ ﺟﺎ ﻳﺸﻮﻑ ﺍﻟﺤﺎﺩﺙ ﻭﺷﺎﻓﻬﺎ ﺭﻛﺾ ﻭﻛﻊ ﻋﻠﻰ ﺭﺟﻠﻮ ﻧﺰﻝ ﺷﺎﻑ ﻧﺒﻀﻬﺎ ﻣﺎﻛﻮ
ﺳﻤﻊ ﺩﻛﺎﺕ ﻛﻠﺒﻬﺎ ﻣﺎﻛﻮ ﺭﺍﺳﻬﺎ ﺟﺎﻥ ﻣﻦ ﻭﺭﺍ ﻣﻔﺘﻮﺡ ﺟﺮﺡ ﻛﺒﻴﻴﻴﻴﺮ ﻳﺨﻮﻑ ﻭﺍﻳﺪﻫﺎ ﻣﻄﺤﻮﻧﻪ ﻃﺤﻦ
ﺻﺮﺥ ﺑﺼﻮﻭﻭﻭﺕ ﺭﺝ ﺍﻟﺸﺎﺭﻉ ﺭﺝ ﺑﻨﺘﻴﻴﻴﻴﻴﻴﻴﻴﻲ ﻭﻟﻜﻢ ﺑﻨﺘﺘﺘﺘﺘﻲ ﻣﺎﺗﺖ ﺟﻴﺒﻮﺍ ﺩﻛﺘﻮﺭ ﺍﻳﻴﻴﻴﻴﻴﻠﻴﻦ ﻳﺒﻨﺘﻲ ﻛﻮﻭﻭﻭﻣﻲ ﻟﺞ ﻛﻮﻭﻭﻭﻣﻲ ﻣﺎ ﺻﺮﺗﻠﺞ ﺍﺏ ﺳﺎﻣﺤﻴﻨﻲ ﻳﺎﺑﻮﻳﺔ ...
ﺑﻌﺪ ﻭﻛﺖ ﻭﺍﻟﻠﻪ ﺗﻌﻮﻓﻴﻨﻪ ﻣﻦ ﻫﺴﻪ ﻛﻮﻣﻲ ﻳﺎﺑﻮﻳﺔ ﺍﻋﻮﺿﺞ ﺍﻳﻠﻴﻴﻴﻴﻴﻴﻴﻴﻦ ﺑﺎﺑﺎﺗﻲ ﻛﻮﻣﻲ ﺣﺒﺎﺑﻪ ﻭﺍﻟﻠﻪ ﻣﺎﺿﺮﺑﺞ ﺑﻌﺪ
ﻭﺍﻟﻠﻪ ﺍﺣﺒﺒﺒﺞ ﺑﻨﺘﻲ ﻳﺎﺭﻭﺣﻲ ﻛﻮﻣﻲ ﻭﺍﻟﺴﺎﻳﻖ ﻛﺎﻡ ﻳﻠﻄﻢ ﻛﻌﺪ ﺑﺎﻟﻜﺎﻉ ﻭﻳﻠﻄﻢ ﻭﻳﻜﻮﻝ ﻣﺎﺷﻔﺘﻬﺎ ﻭﺍﻟﻜﻌﺒﻪ ﻣﺎﺷﻔﺘﻬﺎ
ﻭﺗﻴﻦ .. ﻭﺻﻠﺖ ﺍﻟﻬﻢ ﻭﺷﻔﺖ ﺍﻳﻠﻴﻦ ﺻﺮﺧﺖ ﺩﻛﺘﻮﻭﻭﻭﻭﺭ ﺟﻴﺒﻮ ﺩﻛﺘﻮﻭﻭﻭﻭﻭﺭ ﺟﺎ ﺭﺟﺎﻝ ﻋﻨﺪﻭ ﻣﺤﻞ
ﻛﺎﻝ ﺳﻴﺎﺭﺗﻲ ﻫﻨﺎ ﺗﻌﺎﻟﻮﺍ ﺑﺴﺮﻋﻪ ﺑﺎﺑﺎ ﺟﺎﻥ ﺣﺎﺿﻨﻬﺎ ﻭﻳﻜﻮﻟﻠﻬﺎ ﺍﺭﺟﻌﻲ ﺍﺑﻮﺝ ﺍﺻﻴﺮ ﻭﺍﻟﻠﻪ
ﺍﺭﺟﻌﻲ ﺑﻨﺖ ﺍﻣﺞ ﻭﺍﺑﻮﺝ ﺍﻧﺘﻲ ﻭﻟﻮﻭﻭﻭﻭ ﻣﺎﺷﻔﺘﻬﺎ ﺑﻌﺪ ﺭﺟﻌﻮﻭﻭﻭﻭﻫﺎ ﺍﻟﻲ ﻭﺳﺎﺑﻴﻦ ﺗﺼﻴﺢ ﺍﻳﻠﻴﻴﻴﻴﻴﻴﻴﻦ ﺭﺟﻌﻲ ﺑﺪﺍﻋﺘﻲ ﺭﺟﻌﻴﻴﻴﻴﻴﻴﻴﻴﻴﻲ ...
ﺍﻧﻲ ﺍﻧﻬﺎﺭﻳﺖ ﻧﺰﻟﺖ ﻣﻦ ﺍﻟﻜﺮﺳﻲ ﻭﻛﻌﺖ ﻳﻤﻬﺎ ﺷﻔﺖ ﺭﺍﺳﻬﺎ ﻟﻌﺒﺖ ﻧﻔﺴﻲ ﻛﻤﺖ ﺍﺳﺘﻔﺮﻍ
ﻭﺭﺣﺖ ﺣﻀﻨﺘﻬﺎ ﻭﻫﻴﻪ ﺑﺤﻀﻦ ﺑﺎﺑﺎ ﻭﺍﻛﻠﻠﻬﺎ ﺍﻳﻠﻴﻦ ﻛﻮﻣﻲ ﻟﻴﺶ ﻧﺎﻳﻤﺔ ﻭﺍﻟﻠﻪ ﺍﻧﻄﻴﺞ ﺍﻟﻤﺴﺎﺣﻪ ﺍﻟﺮﺩﺗﻴﻬﺎ ﺑﺲ ﺍﺭﺟﻌﻲبيج قصص عراقيه حقيقيه من واقعنا.روعه الطائي
ﻭﺍﻟﻠﻪ ﻧﺤﺒﺞ ﺍﺭﺟﻌﻲ ﻣﻨﻮ ﻳﺪﺭﺳﻨﻲ ﺍﻳﻠﻴﻴﻴﻴﻴﻴﻦ ﺣﺒﻴﺒﺘﻲ ﻛﻤﺖ ﺍﺿﺮﺏ ﺑﻴﻬﺎ ﺭﺍﺷﺪﻳﺎﺕ
ﻭﻃﻠﻌﺖ ﻣﻄﺎﺭﻩ ﻣﺎﻝ ﻣﻲ ﻭﻃﺸﻴﺘﻬﺎ ﻋﻠﻰ ﻭﺟﻬﺎ ﺣﺘﻰ ﺗﻜﻌﺪ ﻣﺎﻛﻌﺪﺕ ﺑﺲ ﺍﻟﺪﻡ ﺻﺎﺭ ﺑﺮﻛﻪ ﻣﺜﻞ ﺍﻟﻤﺴﺒﺢ ﺟﻮﺍﻧﻪ
ﻭﺍﻧﻲ ﺍﻣﺴﺢ ﺑﺪﻣﻮﻋﻲ ﻭﺍﺿﺮﺑﻬﺎ ﺭﺍﺷﺪﻳﺎﺕ ﻭﺳﺎﺑﻴﻦ ﺗﺼﻴﺢ ﻋﻠﻴﻪ ﻭﺗﺒﻌﺪﻧﻲ ﻣﻨﻬﺎ
ﺳﺎﺑﻴﻦ .... ﻟﻴﻴﻴﻴﻴﺶ ﻟﻴﻴﻴﻴﺶ ﺗﻀﺮﺑﻴﻬﺎ ﺧﻄﻴﻪ ﺗﺘﺎﺫﻯ ﻋﻮﻓﻴﻬﺎ
ﻫﺴﻪ ﻳﻌﺎﻟﺠﻮﻫﺎ ﻣﺜﻠﻨﺎ ﻣﺜﻠﺞ ﻭﻣﺜﻠﻲ ﻫﺴﻪ ﺗﻌﻴﺶ ﻣﺎﺗﻤﻮﺕ ﺍﺧﺘﻲ ﻣﺎﺗﻤﻮﻭﻭﻭﻭﻭﺕ ﺑﺲ ﻧﻮﺩﻳﻬﺎ ﻟﻠﺪﻛﺘﻮﺭ