هاي الشقه الك اني كلت لسناء بعتها انته هالشقه شقتك اجرها واستفيد منها واني راجع لاهلي ..

حسين ..بيعها واخذ فلوسها منو كال ابوك يرضى يسامحك وترجع تعيش وياهم او اذا تريد ااجرها الك وادزلك فلوسها اني ما اكدر اخذها ..

طارق ...لحيت علي ماقبل راسه يابس كتله اجرها وخلي فلوسها يمك كل ماتمر سنه دزها ..

حسين ..هاي هيه اتفقتا ..

طارق ..سلمت على امه مره حبابه وكفتلي كثير بوست راسها وطلعت اخذت سناء ورجعت للشقه

هيه ماتحجي وعيونها حمر من البجي بكلبي شكد جنت احبها هسه كرهتها مو جارعها علشي السوته ..

طلعت جبت عشا تعشينا واحد ميباوع على الثاني كلمن نام بمكان

ثاني يوم الصبح طلعت من وكت حتى اكمل شغلي واصفي كلشي رجعت الظهر

كتلها ب 3 تجي السياره ونطلع حضري كلشي ماريد اضل اصيح وبنص الطريق تكولين نسيت شغله

سناء ...اي ماشي ..كلت بكلبي يبوووو شيقضي الحياة هيج ويا وهو كالب وجها

اجت السياره وطلعنا لحديثه الطريق جان طويييل وممل طولنا 3 ساعات

طارق ...من وصلت فتحت جامه السياره وتنفست جنت مخنوووك حيل وبالي مشغول

هل راح يسامحني ابوي غلطت من عارضته ياربي حلها اول ما وصلت السياره كتله نازل

لازم نطلع مشي لان ماكو طريق لبيتنا وعر والسياره ماتفوت بي كبل نزلت الجنطه

وكتلها امشي امشي وهيه ورايه تتعثر مادرتلها بال مشتاق لامي وابويه واخواني وخواتي مشتاق للكل ..

اريد اشوفهم وصلت ذبيت الجنطه بالكاع والباب الخارجي مال بيتنا يضل مفتوح

فتت مباشرة شفت امي كاعده بلصاله كالعاده مكانها المعتاد كبل كتلها عنود ولج عنود يمه شلون حليانه شافتني انصدمت انتفضت من مكانها وكالت ..

عنود بصدمه شهكت وكالت ....هلا هلا يبعد امك حلم علم هذا صدك جذب

ولك يطويرق يروحي تعال وولك تعال تعال هلا بيك تعال احبك ((يعني ابوسك))هلا بوليدي يمممممه وماصدكت ترجعلنا شحالي صرت من طلعت ..

ولكم يا جهال تعاااااالوووو ((تكول عن خوانه الباقين جهال يعني عمامي لان بابا اكثر واحد بيهم ناجح بشغله وكمل دراسته وعنودي مع انو عمو ماجد مهندس بس هم تكوله جهال وتضيفه من ضمنهم ))

تعالو ولكم شوفو منو جا يمه وليدي رجع ناااااااااااظم يا نااااااااااااظم تعال ابنك رجع الصايع رجع رجع المغضوب ررررجع ..

طارق ..ضربتها على رجلها خفيف يمه لاتذكري يمعوده اخاف ناسي خلي بلكت يسامحني ..

عنود ..ولك شبيك محد غضب عليك ولا احد زعل عليك حتى يسامحوك

طارق ...دنحجي وجان هنا يطب ابوي انصدم بيه لا يالله استر لايسويلي مصيبة
فات كبل كال ..

ناظم ..ها يا كلب تعال ولك تعال بوس نعالي حتى اسامحك ..

طارق ..فرحت كتله اي ابوسه والله ابوسة بس ارضا يابوي ماشفت الخير من غضبت علي لهسه درضا لخاطر الله اريد اعيش

ناظم ...كلب ولك جاي تطلب رضاي بس حتى تكمل حياتك تعال ولك وليدي والله الك وحشه

طارق ..ماصدكت ركضت رحت بوست ايدي وراسه واحضن بي ممصدك

لو ما اخاف ينكسر بي عظم اشيله وافره بس رجال جبيير واذا اسويها اخاف يغضب ليوم الدين ويمسح اسمي من العائله ههههههه ..

جا كعد الحجي والحجيه واني يمهم بالكاع كاعد تمسح امي على راسي
وكالتلي

عنود ...اكول طويرق يمه مرتك وين شو ماكو وياك

طارق ... يبووووو خرب حظي نسيت نفسي هاي وينها طلعت ادورلها شفتها بالكراج واكفه خزرتها شبيج ماتفوتين خليتي بالي عبالي ضعتي

سناء .. شلون عيب محد طلع شلون افوت بدون اذن

طبعا وصلنا لبيتهم طارق كام يركض وهو شايل الجنطه يلا يلا يوصل واني امشي واتعثر

هاي وين اجيت اني طريق مثل البشر ماكو امشي وادردم هو شفته فات للبيت اني اعرفه اصلا جايته من قبل ..

وصلت فتت للكراج ضليت انتظر هسه يطلعون هسه يجون يا شو محد طلع
ولا احد عبرني شبيهم ذولي

واني استحيت افوت لبيت ما اعرف احد بي ضليت واكفه بمكاني الا ان تفطن الافندي انو عنده مره واكفه برا ..

طلع يركض وخنزر وصيح عليه ليش واكفه برا كام فوتني وعرفني على امه وابو

اني ابو شايفته بس امه اول مره اشوفها قصيره مدنفشه وبيضه تراسيم وجها حلوه

فتت سلمت عليهم بست راس الحجيه وايد الحجي هاي وصايا بابا طبعا امي اذا امشي على كلامها ينهجم بيتي ..كعدت كالت الحجيه

عنود ...تعالي يمه تعالي يمي خل اشوف هالحسن الرباني من وين جا تعالي

سناء ...ضحكت على كلامها اصلا هيه احلى مني ..بس رحت كعدت يمها

وكتلها عمه اني متاكده انتي احلى مني بشبابج صلاوات هسه انتي بهالعمر وتخبلين ..

عنود ..شنوووو تضحكين عليه بهالحجي بنيتي جيل هالوكت ملعب عاجنتو وخابزتو مايفيدج كلامج المعسول اني شيبت وتكول وجهي ماضل جمال ولا شي ..

سناء ...ضحكت وكتلها لا والله تخبلين جمالج مبين وطارق ضل كاعد يم ابو ويسولفون ع الشغل شو على فجأة صاحت الحجيه ..

عنود ..ولكمممممم تنابل نوم كومو مو كافييييييي تعالو طروقي جا ..

سناء ..صوتها جان صافره انذار استغربت من وين طلع ورا شويه جو واحد ورا الخ اخوان طارق ونسوانهم وجهالم ..

الصاله جانت فارغه على فجاة امتلت ولازم اسلم على الك

ل بوستهم وسلمت عليهم

واني معرفهم عاد الحجيه نطتني وصف عن كل وحده منهم وكالت لوحده منهم هناء روحي سوي جاي

هناء مرت علي اخو طارق الزغير شكد جانت حبايه ونازووووكيه كلش ونعومه وجهالها كلهم رصعات بالخد يخبلون فدووة ..

جت خطيه قدمت الجاي ووحده ثانية مرت ماجد اسمها زبيدة قدمت كليجه

وكعدوا يحجون ويسالوني واجاوبهم فرحت كثير جنت محتاجه هيج اجواء حسيت بالعائله الجنت مفتقدتها تمنيت لو جايه الهم من قبل ...

بس اكو وحده ضلت مخوزره بيه ولا حبيتها الي هيه مرت عمار الابن الاكبر سألت هناء لان منت عليها كتلها هاي شبيها هيج ضايجه ..

هناء ...هههههه خيه عوفيها هاي حاسبه نفسها شيخه ولازم نبوس ايدها حتى ترضا وانتي مابستي ايدها من مدتها الج
لهذا ضاجت وجت مرت ماجد ..

زبيدة ..ها بشنو كاعدات تتببسبسون شاركوني ههههههه ..

سناء .. اخاف تسويلي مشاكل

هناء ..هيه احنا ماخلصانين منها اكيد انتي هم مراح تخلصين طنشيها ..

سناء ..كمنا نضحك واباوع على طارق شلون فرحان ويحجي ويشاقه ولاكان هيج كان كئيب بس من جا على اهله تغير بلكت هم تتغير معاملته الي ..

عنود ..يمه مانطيتنا خبر جان جهزنالك غرفه غرفتك صغيره عليك انت ومرتك ..دبرو نفسكم بيها اليوم وباجر نفتحلكم غرفه كبيييره
‏
سناء ..خاله مو مشكله عادي لتعبون نفسكم ..

عنود ..لا يمه شلون كل خوانه اخذوا غرف كبار بالبيت وباجر تحبلين تجيبين تحتاجين مكان لطفلج

سناء ..احم براحتج عمه

طارق ...احتفلوا اهلي برجعتي متوقعت هالشي كلت هسه ولايستقبلوني والله ويطردوني بس هذول ولاعبالك ..

وابوي مفتح موضوع زواجي وتعامله جان حلو ويه سناء ...

واني هم مفتحت موضوع الطفل وياهم جو خواتي كلهم مزوجات

من سمعو بيه جو باركوا الزواجي وهم رادوا يشوفون سناء باركولها

كعدنا حجي وضحك وابوي جاب ذبيحه ذبحها لان رجعت خطيه احتفل كثير برجعتي للبيت ..

ونسوان اخواني سووا عشا مرتب مدوا السفره والكل اجتمعت اكل وسوالف ومداهره

جانت لمه حلوه حيل معرف اني شلون تحملت ابقى بعيد عنهم جان غباء مني

واباوع على سناء اندمجت وياهم الحمدلله خفت لا تضل مستعبره

صارت ساعه ١٢ ومحد حس ع الوكت واني بدت عيوني تغلق وشفت سناء كوه فاتحه عيونها وبس تتثاوب ..

كلت خطيه خلي اكوم انام حتى هيه هم ترتاح وتنام ومنا احنا جنا على سفر تعبت كثير كتلهم يلا اني اروح انام وانتوا ضلو الغو للصبح

الكل كام يضحك ..

ماجد ..لايابا ليش نضل نلغي احنا هم نكوم نام

كل واحد فات لغرفته واني كتلها تعالي سناء كامت ولحكتني فدخلت

وكتلها صح صغيره اتحملي لباجر يغيروها نسوان اخوتي وساعديهم انتي هم

وها صدك وقتي منبه الساعه لازم تكعدين الصبح تسوين وياهم الريوك لان امي تضوج من جنه تنام ضحاوي

سناء ...بيش الساعه اوقته

طارق ..ب سته الصبح

سناء ... بكلبي عزززة شدعوا دجاج خو مو دجاج كتله اي صار

اباوع على السرير نفر واحد واكو كرسي بس ماكو قنفه هاي شلون راح يكفينا ..

طارق ...تعالي يلا شكو واكفه

سناء ..مو ميكفي

طارق ..تعالي بلا لغوا زايده

سناء ..رحتله جان انطي ضهري حضني وما كعدنا الا على صوت المنبه سديته ع السريع

وكمت بدلت لبست تنوره وقميص بس التنوره شويه تطلع رجلي منها مو كثير ولبست شال بس متردده اطلع هيج خاف يصيح هوه نايم هزيته كعد ..

طارق بنعاس ..هممممم شكو شتريدين

سناء ..شوف لبسي بي شي فتح تك عين ..

طارق ..لا يلا طلعي وسدي الباب وراج

سناء ..ماشي ..اوووف همزين ..

طلعت رحت للمطبخ شفتهم متجمعين هناء مرت علي وزبيدة مرت ماجد يسوون ريوك و مرت عمار دلال تتأمر جيبي هالشي سوو هالشي فعلا حاسبه نفسها شيخه ..

اني فتت صباح الخير ..

هناء وزبيدة صباح النور حبيبة ..

سناء ... دلال ماردت تجاهلتها كتلهم اساعدكم بشي

هناء وزبيدة لا كملنا ..

دلال بنبرة أمر ...اي روحي طلعي خبز من المجمده

سناء ..اي بس وين المجمده ..

دلال ..كلفي نفسج ودوريلها

سناء ..بكلبي كلت هاي شبيها الصخله عوذا شكد مكروهه ..

هناء مرت علي ..تعالي ادليج

سناء ...رحت وياها كتلها هاي من صباحيات الله شبيها كامت تضحك ..

هناء ..ههههه بعدين تعرفين شبيها لتخلين بالج يمها عوفيها ..

سناء ..اني هم مالحيت شوفتني غرفه بيها ثلاجات مجمدات كتلها هاي شدعوى عدكم محل شي ..

هناء ..لا بس عمي يحب البيت يكون مليان ولان البيت ميفرغ ناس رايحه ناس جايه لازم تكون مليانه

والمجمدات هاي للبيت لان لازم تضل مليانه وعمي هيج يحب ميحب يزنك نفسه لو سوى عزيمه وعزايمنا احنا كثيره ..

سناء ..بكلبي كلت ايييي شبعي كراب هسه بنت العز والدلال حتصير كاروبة

كملنا الريوك رتبنا الميز مطبخهم جان كبييير كلش والميز طوييل ف دلال كالت كعدي طارق يلا شتنتظرين

كالتها بنتر اللهم صبرج ياروح شلون راح ابتلي بيها رحت كعدته يلا كوم تريك كعد ..

طارق ..اي اي جاي انتي حضريلي ملابسي و سبقيني ..

سناء ..طلعت شفت علي عمار ماجد عمو ناظم وعمه عنود الكل ملتمين بس الجهال نايم

ين

ضليت واكفه كالت عمه تعالي بسدي بنيتي رحت كعدت يمها شو دلال وجها كلب الوان جانت برى وجت شافتني لو تخبلت ..

دلال بنتره ..هاي شكعدج بمكاني منو سمحلج تكعدين ها ...

سناء ..صوتها جان عالي ..

ناظم ..نصي صوتج يامره عمتج كالتها مصار شي جيبي كرسي وكعدي يم عمار يلا

دلال ..بس عمو هذا مكاني من زمان

عنود ..اي مصار شي بنيتي سمي بسم الله وكعدي يم زوجج ..

سناء ..حسيت نفسي ارتكبت جريمه هناء وزبيدة يباوعون عليه ويضحكون اي اني شمدريني مكان هالسعلوه

جا طارق وكعد يمي تريكنا وكلمن طلع على شغله وطارق طلع ويه ابو ..

وبقينا النسوان تنظيف وترتيب جنت دا اساعدهم بالماعين عمه صاحتني ..

عنود ..تعالي يمه انتي بعدج خطار تعالي يمي اسولف وياج ..

سناء .. بس عمه منو يشيل المواعين كالت همه يعرفون شغلهم

دلال ... بس يمه مانلحك خليها تساعدنه شنو السالفه ..

عنود ..لعد شلون كل مره تلحكون خفي ايدج انتي ولاتتامرين ماشي

شتغلي ويه هناء وتلحكون اعتبروها ماجت البنت اليوم بعدين تضل سناء اسبوع ماتشتغل

هاي خطارنا من شوكت نشغلهم وانتي مو جيتي عروس شهر متلزمين شغله بيدج ..

سناء ..ارتاحيت من عمتي رزلتها والله عاشت ايدج راحت تافاف وتدردم بكلبي

يبوووو يسناء بعدج اول يوم وسويتيلج عدو شيخلصها ويه هالسعلوه ..

عنود ..بنيتي شكد صارلكم متزوجين ماصار عندج طفل ليش ..

سناء ..خاله امر الله مو بيدي هسه اذا تعرف صار ونزلته والله تكلب ضدي بس كون طارق مايحجيلها

عنود ...خير ان شاء الله بس انتي هم شدي حيلج بنتي اريد اشوف ابن هالعاق والله كل ولدي بجفه وهو بجفه

سناء ...ان شاء الله عمه

عنود ...بنيتي اهلج شلونهم امج ابوج

سناء ..بخير الحمدلله عمه
ضلو يشتغلون وكملو سووا البيت مرايه من النظافه

ودلال كل ماتشوفني تذب حجايه اني طنشتها وعمه ضلت تحجيلي عنها وعن زواج ولدها وبناتها الا ان جو الزلم من الشغل ورادوا اكل ..

كتلها اني اروح اساعدهم
كالت اي بنيتي رحت للمطبخ كلت لزبيدة اساعدها كالت لا ماعدنا شي همستلها مو راح تموتني دلال كامت تضحك ..

زبيدة ..هههههه هاج صبي مركه دا اصب جان انضرب من ورا بدلال سوت نفسها ماشافتني تكبت المركه على ملابسي بس محتركت ماحجيت وياها ...

هناء وزبيدة ..اسم الله شكو دلال شبيج ماتباوعين على دربج جان حركتي البنيه ..

سناء ..هيه غلست وطلعت
اني كلتلهم مصار شي هسه اروح ابدل
دا اطلع من المطبخ جان اشوف طارق هوه شافني شهك

طارق ..هاي شصاير خو ما احتركتي

سناء ..لا ..عفته وطلعت فتت ابدل لحكني فات

طارق ..تعالي خلي اشوف جسمج خاف احترك

سناء ..لا ما احترك اصر وجان يشوفه

طارق ..الحمدلله انتبهي منا وجاي يلا بدلي وطلعي ها ولاتكعدين بمكان دلال ماريد حزازيات بيناتكم صادقيهم زين ..

سناء ..هزيتله راسي شصادق هيه كبت المركه عليه
بعد مابدلت طلعت شفت الحيه كاعده يم عمتي قبل الكل

عبالك جهال وراح نتعارك على المكان جان استحت الغمة اني كعدت يم طارق وجان تكول عمه

عنود ..يمه سناء غرفتج جهزت بس حولي ملابسج وملابس رجلج عليها ..

سناء ...حاضر عمة

طارق ..قدمت على تعيين بالتربيه وطلع اسمي لازم اروح على منطقه اسمها تيوان ولازم اداوم هناك وهم ينطوني بيت بلاش لان موظف اني ..

سناء ..فرحت اخيرا بيت وحدي مع انو ما كعدت يمهم بس يومين

عنود ..يمه وين ماصدكنا نشوفك نوب ترجع تهج صدك جذب شبيك ..

طارق ..يمه قريبه والله وكل فتره اجيج ازورج ..

ناظم ..عوفي خلي الولد يبني حياته

اخوانه الف مبروك تستاهل

طارق ..تسلمولي ربي يبارك بيكم ..ان شاءالله بس هالشهر نبقى هنا اول مايبدي الدوام نروح

سناء ..مرت الايام عادي شغل وتنظيف وسوالف مع عمتي ومشاكل دلال الي ماتخلص واني وطارق علاقتنه ع الصامت مابيها كلام بس اقوم بكل واجباته ..

طارق ..طلع قبولي بتعيينات التربيه فرحت اخيرا شغل مستقر وتعب مابي

وبي عطله مو مستمر التدريس وراتب ثابت صح قليل اني اصلا مراح اعتمد علي

بس اسمه عقد بلدوله والا ما يجي يوم ويتغير هالشي كان هالامل كبير عندي ..

والله اجا اليوم الازم ننتقل اصلا ماعدنا غراض كثير بسيار وحده شلنا كلشي ابوي عنده 3 ثلاجات نطاني وحده و4 مجمدات هم نطاني وحده

واني جنت ماخذ غرفه نوم صغيره لميت كلشي وسلمت ع الكل وطلعنا ...

ايييي دنشوف شضامتلنا تيوان وشنو الايام الي راح نعيشها هناك

اول ما وصلت منطقه صغيره مسيجه كلها اشجار بيوتها بناء بريطاني كل شارع بيوته فصال شكل مقسومه نصين نص لكل الموظفين ونص للمهندسين فقط ..

كهربائها 24 ساعه وهادئه كثييير وناسها مرتبه ومثقفه اول ما وصلت رحت لمدير المحطه

كتله اني طارق ناظم حسين الموظف الجديد الي انبعثلك الكتاب مالته وعلى اساس اليوم انتقل للبيت ..

كال هلا بيك استاذ طارق متوقعته هيج يستقبلني ملابسه جانت راهيه وشكله خشن بس طلع متواضع ..

المدير ..تفضل .. هلا اختي تفضلي شتشربون ..

طارق ..تسلم بس تعبانين من الطريق انريد نرتاح بلكت ات

شوفلنه البيت ..

المدير ..اي ادلل عندي 3 شوارع شاغر بيها بيت وكل بيت فصال شكل انته اختار واني اثبتك ..

طارق ..علوى نشوفهم كال تفضلو والله رحنا شفناهم واتفقنا اني وسناء على بيت

جان كبير ومفتوح وجديد محد ساكنه نظيف حيل كتله احنا نختار هذا ..

المدير ..ادلل انته انقل غراضك واعتبر نفسك تثبتت ..

طارق ..تشكرت الرجال وطلع جان البيت عباره عن 3 غرف نوم واستقبال مطبخ وحمامات وحديقه خلف

البيت كبيره حيل وحديقه اماميه الحدايق تعبانه لان ممسكون وكلت لسناء احنا نرتبها

تسرييييع الاحداث

وتين ..داوم بابا بالمدرسه وضلت حياتهم روتينيه بس جان يحسب لماما موعد دورتها شوكت تفوتها

حتى لا ترجع تنزل الجنين اذا حبلت ومنع الحبوب عنها وجان يفتش وراها على طول وراجع بيها الدكاترة

ومرت الايام والسنين

وبداية ال ١٩٩٤ صارت سناء حامل الي هيه سنه الخير تسميها بيبي مو بس سناء زبيدة هم صارت حامل وعمه انغام

وبهاي السنه بلذات نقلبت حياة سناء وامها هسه احجيلكم ليش بابا فرح وجن جان متلهف صح طولت بسبب الاسقاط الاول بس بالاخير صارت حامل

بداية سنة ١٩٩٤ اجا الامن لبيت بيبي ابغداد دك الباب وطلعت بيبي نعم تفضلو خير صاير شي ..

الامن ..انتي فلانه مرت فلان

بيبي باستغراب ..اي نعم خير شصاير

الامن ..تفضلي ويانه تعرفي ع جثة زوجج تم العثور ع سيارته ولكينا محروق بيها وتم التعرف علي من خلال المستمسكات الي لكيناها بالكاع جنب السيارة

وتين ...وضل التحقيق مفتوح حول الجاني بس متوصلوا اله وبقت قضية وفاة جدي غامضه ونسدت القضيه انو جدي مات حرق ..

خابرت بيبي بساعتها على بداله تيوان الرجال الي يوكف ع البداله ويا ابنه يجاوبون ع الاتصالات لان هذا الهاتف عمومي للكل ..

رد عليها تفضلي اختي كالتله اريد بيت طارق

الرجل ..انتظري لبين ما ندز الهم خبر

راح ابن الرجال للمدرسه قريبه ع البداله صاح بابا اجا الو الو طارق عرفها تفضلي عمه هيه كامت تبجي ..

بيبي ..كول لسناء ابوها مات وهسه شفته بالمستشفى محروك ممبين منه شي ..

وسدت التلفون بابا انقهر حيل بس نوعا ما بي قسوه مابجا رجع الطريق مشي للبيت

هيه منطقه صغيره والمدرسه بالنص صايره ف قريبه ع البيت وهو يفكر شلون يكوللها وهيه حامل خاف يصير شي للطفل ..

كال احسن شي ما اكوللها اروح اخذها لبيت اهلها هناك تعرف رحت وصلت للبيت

جانت بالحمام تستفرغ وحامها صعب حيل وفتره الحمل تحسنت علاقتي بيها

كمت اداريها وشتريد اجيبلها بس الوحام اخذ قطعه منها انتظرتها تكمل كتلها

حبيبي تعالي باجر انروح لبيت اهلج هيه مثل الي كلبها حس ..

سناء ..خير شصاير شكو احجي اهلي صايرلهم شي ..

طارق ..لالا ابوج شويه تعبان شكوللها محروك وملامحه منتهيه كامت تلطم وتبجي وتصيح ..

سناء ادك وتلطم ..لا كووووووول ميييييت بس متريد تكولي شبي احجي الصدك لتضم عليه طارق فدوة شصاير باهلي ولك احجي لتفرفح كلبي فدوة ..

طارق ..يربي هسه شكوللها اذا اكوللها ميت تموت ويموت الطفل وياها

لا يمه شبيج مابي شي رجال كبير هاي امراض الكبر طلعت هسه كومي غسلي

حضنتها الا ان هدأت وديتها غسلتلها وكتلها حضري جنطه ولوازمج اوديج واني ارجع لان المدرسه ما اكدر اغيب كثير ماعندي بديل يدرسهم ..

وتين ..ثاني يوم راحوا ماما وبابا لبيت بيبي كل فكرها انو ابوها مجرد مريض ماتعرف انو ميت ومن وصلوا فاتت بالفرع وشافت الجادر هنا الصدمة هدت الكون كدامها ...

وللحكاية بقية ...

((سقطت دمعتي ..حين سمعت بخبر وفاة ابي ..وتساقطت بعدها دموعا غزيرة ...واختنقت تلك النبضات بقلبي ..حتى شعرت انه سيتوقف عن الخفقان .. ومازالت الى الان تشهق روحي تلك الانفاس المؤلمة ))

يتبع ......

عيوني من تدورين كتبي بالبحث من نغمات هادئة او حماسية او مال عتاب..الخ

رح يطلعلج اشكال عود..اختاري اللي يعجبج ودزي لهبوت بالتلي vkm bot
فينزل بهالبوت ل فيديو اوصوت🌚🌺

#ملوكه

يفدووة..الف الحمد لله عل سلامة ويتربى بعزكم😻💞

#ملوكه

مشاهدة "تجميع مقاطع إزالة الشعر بالواكس 😨 ستشعر بالراحة وانت تشاهد الفيديو ✔" على YouTube
https://youtu.be/-AC-UjDPZG4