عيوني عندج اغنية مابعرف ؛ من اليوم ؛انته طيري وع بالي حبيبي..هذيني حلوات كرقصة سلوة😻

واغنية حكاية ناي هم حلوة..بس كون الخطيب يهديلجياه😅..او تكدرين بهالاغنية تصممين فيديو خطوبتكم..لان كلماتها تخبل

#ملوكه

اللي يردون ينوعن من البيض
عل الريوك🌚
فديوم سوون بيض بمكونات البيتزا.😇هم كلش طيب

#اعادة_توجيـهہ_لصديقتج
#ملوكه
@stylegrils

طريقة سهلة لعمل🌚🌺الكيكة الاسفنجية

#اعادة_توجيـهہ_لصديقتج
#ملوكه
@stylegrils

خطوات🙃لرسم الحاجب بالبودرة

اللي مايعرفن يرسمن الحاجب بشكل طبيعي..فاتبعن هالخطوات😻👆🏻

#اعادة_توجيـهہ_لصديقتج
#ملوكه
@stylegrils

📮💭🌿

‏" مهما بلغ منك اليأس، تذكر دائماً "
ومن يتوكل على الله فهو حسبه ، يكفيه ويغنيه وينجيه ويسعده ويفرّج ما أهمه وأغمه" .

📮💭🌿

#مساء_الخير

#جمعة_مباركة_الابراج_اليومية الجمعة 4 كانون الاول (ديسمبر) 2020

#الحمل
مهنياً: يزودك هذا اليوم حماسة شديدة واندفاعاً وينهي حالة من الانقباض والتعب والتكاسل.
عاطفياً: لو استمعت إلى أقوال الشريك لما آلت الأوضاع بينكما إلى ما هي عليه اليوم.
صحياً: يتعزّز وضعك الصحي بسبب النشاط الترفيهي الذي تقوم به مع المحيطين بك.
#الثور
مهنياً: يطرح هذا اليوم بعض الاشكالات على صعيد المحادثات والنقاشات، فتخوض مرحلة من التحديات تنتصر فيها حينًا وتفشل احياناً.
عاطفياً: التفاهم مع الشريك يشكّل ضمانا للحاضر والمستقبل ولبناء الثقة بينكما.
صحياً: أنت ميّال إلى المشاريع الترفيهية التي تبعد عنك الهموم، فاختر أحدها وتشارك به مع المقربين.
#الجوزاء
مهنياً: تحاول الحصول على كلمة حاسمة أو توقيع معاهدة معيّنة أو بدء مشروع ما.
عاطفياً: إحذر التسرع في إطلاق الاحكام على الشريك، يجب أن تأخذ بعين الاعتبار أن جوّك الخاص ليس صافياً.
صحياً: نقاط ضعفك صحياً الرأس والأسنان والحساسية التي غالباً ما يكون مصدرها التوترات العصبية.
#السرطان
مهنياً: تنكّب هذا اليوم على تنفيذ أعمالك واثقاً بالحظ والدعم الكبير الذي تحظى به، وتجد حلولاً لبعض المشاكل.
عاطفياً: يبتسم الحبّ وتشرق الشمس في قلبك، وتعيش أجمل أيّام حياتك برفقة شريك يفهم عليك بمجرد النظر إليه.
صحياً: تتخّذ قرارات تتعلق بنظامك الغذائي أو بصحتك، بعدما أدركت أن الأمور بدأت تتفاقم.
#الاسد
مهنياً: يشكل هذا اليوم نقطة تحول في مجال أعمالك ومشاريعك نحو الأفضل أكثر مما كنت تتوقع، فهنيئاً لك.
عاطفياً: لا تقف عند المحطة الأولى من الخيبة، لأنّ الأفق يبدو أكثر نجاحاً وفائدة ولا سيما في مجال المشاريع المستقبلية مع الشريك.
صحياً: حاول أن تقوم بكل ما يعود على صحتك بالفائدة، الظروف ملائمة لذلك.
#العذراء
مهنياً: لا تخاطر كثيراً هذا اليوم وخصوصاً في ما يتعلق بالأمور المادية، لأن النتائج قد لا تكون مضمونة.
عاطفياً: عد إلى الواقع وفكر بعقلانية، لا ترفض نصائح الشريك لأنه يريد مصلحتك، وهو وحده الصادق معك.
صحياً: التلاعب بأعصابك لا يفيدك، حاول وضع حد لذلك قبل فوات الأوان.
#الميزان
مهنياً: يتحدث هذا اليوم عن علاقات عذبة واجتماعات مميزة والاحتفال بمناسبة سعيدة مع مع الاهل والاحبة.
عاطفياً: علاقتك بالحبيب مستقرة بسبب اعتمادكما الصراحة والحوار الهادئ، وتمضيان معاً أجمل الأوقات الرومانسية.
صحياً: عوارض التوتر التي تنتابك بين حين وآخر غير مفيدة صحياً، راجع طبيبك.
#العقرب
مهنياً: يسهل عليك هذا اليوم الاتصالات ويزيل الحواجز الواحد تلو الآخر.
عاطفياً: تجد نفسك مجبراً على اتخاذ قرارات مهمة، لكنّ العقبة تكمن في رفض الشريك هذه القرارات.
صحياً: أمام المأكولات الشهية الكل معرّض للإغراء، لكن القليل من الإرادة يحول دون ذلك.
#القوس
مهنياً: تعثر هذا اليوم على ما كنت تبحث عنه بعد جهد جاهد، وتحافظ عليه وتبتعد عن التسرّع والعلاقات غير المجدية.
عاطفياً: تنتبه إلى تصرّفاتك لأن شيئاً قد يثير غيرة الحبيب ويوقعك في مشاكل معه، وتنجح في ذلك.
صحياً: كما عليك مسؤوليات في العمل، كذلك عليك مسؤوليات تجاه صحتك، فاختر المناسب لذلك.
#الجدي
مهنياً: تعيد النظر هذا اليوم في استثماراتك وطريقة إسرافك للمال خشية الوقوع في خسائر كبيرة ربما تعجز عن تعويضها.
عاطفياً: لا تجعل قلقك وعصبيتك يؤثران في علاقتك بالحبيب، فهو بالغ الحساسية ويتفهم ضعك جيداً.
صحياً: تتخلّص من كلّ ما يسبّب لك الإزعاج، وتنسى هموم العمل في العمل، وتمارس الرياضة بانتظام.
#الدلو
مهنياً: يطرأ اليوم ما يعاكس مشاريعك الجديدة قليلاً ويعرقل ترقية ما، لكن لا تيأس فالأيام المقبلة تحمل إليك الكثير من المفاجآت.
عاطفياً: تنتظرك السعادة مع الحبيب بعد طول صبر وأناة وبعد خلافات مستحكمة، وتعود الأفراح لتسيطر على الأجواء.
صحياً: إياك والتقاعس والمماطلة بشأن الأمور المفيدة لأعصابك وراحتك، ولا سيما ممارسة المشي يومياً.
#الحوت
مهنياً: تبحث هذا اليوم عن الفرصة المناسبة التي تساعدك على تحقيق مشاريعك الكبيرة لتبرهن أنك على قدر المسؤولية.
عاطفياً: تسيطر عليك الرومنسية الزائدة وتبذل جهدك لإرضاء الحبيب وإسعاده، فتنجح في ذلك.
صحياً: اذا رغبت في تحسين صحتك، عليك البحث عما يساعدك كثيراً لتحقيق ذلك.

عندما انظر إلى عينيك اشاهد😍


@stylegrils ♥️✨

ترتيب الأبراج الاكثر حبا للمشاغبة وافتعال المشاكل الخفيفة( بالعامي المناقر😂) بالحب الى الاقل ♥️✨

- #الجوزاء
- #الحمل
- #القوس
- #السرطان
- #الحوت
- #الاسد
- #الميزان
- #العقرب
- #العذراء
- #الدلو
- #الثور
- #الجدي

@stylegrils 💜✨

• "سأظل اعاملك جيدا ..♥️👇

ليس بالضرورة لانك تستحق
ولكن لأني لا اتغير و اتبدل بدون سبب
سأظل اعاملك جيدا حتي يصدر منك مايجعلني اتغير معك عن قناعة"
يقولها..؛ 🌴⛈🍟.'

- #الميزان، #الحوت، #العذراء،
- #الثور، #الدلو، #العقرب،#السرطان


@stylegrils

#الانتحار
#بارت 5

طارق ...اني هنا انصدمت صدمة عمري وعرفت المصيبة الي طاحت ع راسي شنو تكون

من سمعتهم هيج يحجون فتت عادي ولا كانو اكو شي فتحت الباب وطبكته

وصحت سناء بصوت عادي مابي غضب او ضوجه سويت هيج حتى يسكتون وميحسون عليه انو سمعت كلامهم

وجت استقبلتني بكل زيف وحب كاذب ونفاق لعبت نفسي منها بوقتها بس تحملت

((والله حيرني #البشرر
مابيه أمان
يوفي ساعه
وره ساعه تشوفه #خاان
هيج نااس شلون بيها؟؟؟
الله مايرضه عليها
شلون يعني ياهو يمشي ويااي
اسويله #امتحاان
والله حيرني البشر مابيه
#اامان )

سناء ..كمزت من سمعت صوت الباب اتخربط وضعي بس لاسمع شجنه نحجي لا يالله رحت علي وكتله هلا طارق احم ماما يمنا

طارق ...كشت نفسي منها من تزوجتها لليوم ابد بحيتها مكالتلي بيوم كلمة حبيبي

فتت سلمت على الحيه عمتي وكعدت وسولفت وحجيت عن شغلي وبشرت سناء بالمشروع الي نجح بيدي فرحت وامها شكلها انغاضت ..

واني سويت نفسي فرحان دا ابشرهم بس من سمعت هيج كلامهم

كبل فكرت اطلع شكو سند باسمي خارج البيت الشغله مو امان اثاري طلعت مسكن ذيب عندي بالبيت ومادري ع ساعة تغدر بيه

الافندية طلعت متزوجتني علمود الفلوس واني الانتظر يجي يوم تتعلقين بيه وتكوليلي حبيبي هه

هسه عرفت ليش جامده اتجاهي والله لعلمج النبي عربي صبري عليه ..اذا ماخليت حياتج جحيم ماتسمى طارق هين ياخانم راح اشوفج وجه طارق الثاني

ومن ثاني يوم طلعت كل الاوراق المهمه خارج البيت وخليتها يم صديقي لان فقدت الثقه بيها وماكو امان بعد

بعدين رجعت كانو الموضوع طبيعي سالتني سناء وين جنت وشسويت كتلها بلشغل

وضلت سناء تدور في المستمسكات وانا اعرف داتدور بيها وتحاول تلكى المستندات او عقد البيت بس ما لكيتهم

وضلت تسالني عن البيت وتحاول تحصل توقيعي او بصمة ايدي بس ماكدرت

وتلمحلي بالحجي انو لازم اسجل شي باسمها وتدلع علا اساس مو كاشفها اني

وتكولي ذا متت انته بعيد عنك منو يكون سندي وشلون ادبرها منو يكون عندي و من هالحجي كلتلها الله كريم

‏ سناء ..بعد ما ضليت ادور على مستمسكات وما لكيتها ظليت افكر بطريقه انه احصل شي باسمي من طارق

بس ما كان اكو فائده فكرت انه اذا صرت حامل وجبت اطفال ممكن اني اكدر اضغط عليه

واخلي يسجل بيت ملك الي ولجهالي باجر بعد باجر اذا متت واهلك يجون ياخذون من عندي الاملاك كلها انا وين اروح ..

بس رجعت صحيت على فكره انه لا انا مستحيل اكدر اتحمل مسؤوليه اطفال من رجال اني ما احبه ..

بعدين مرت الايام طبيعيه هو بشغله اني بشغلي بس ما كدرت احصل اي شيء من عنده

بعدين ضليت عايشه وياه بس حياتي جانت جحيم ما احبه ولا اجرعه

وماحسيت غير انو الحياة مشت من بين ايديه وانا ما ادري و استمرت الحياة و يا طارق حياة روتينيه بين شغل بين بيت فوته وطلعه ..

الا ان صارت سنه 87 وبيوم اكتشفت اني حامل اتخبلت طبعا اني كنت اخذ حبوب مانع حمل بس شلون هيج صار هسه احجيلكم

سويت فحص دم يم الدكتوره وطلعت حامل طبعا اتخبلت اني ما اريد اي طفل يربطني بي اكثر ..

حتى اذا ما كدرت اكمل الخطه مالتي اكدر على الاقل اطلك و ماكو شي يربطني بي مباشرة

من بشرتني الدكتوره وكالتلي انتي حامل كلتلها اريد انزله نصحتني كثير حرام وما يصير هذا طفلج راح تحبي و راح يملي حياتج سعاده ..

بس اني قراري جان واضح رجعت للبيت بدون ما احجي لطارق الشي اللي صار

جنت مخنوكه وقررت اروح على غير دكتوره اخليها تنزله بس كلهم ماقبلوا يتحملون هاي المسؤوليه

كالوا حرام ومن هالحجي بس وحده من الدكتورات كالت اني انزله الج بس بلبيت مو بالمشفى واي شي يصير انتي المسؤولة

وافقت بدون تفكير بس اريد اخلص من البلوه بعد ما اسوي عملية الاجهاض اطلب الطلاق وبعد ماريد شي رجعت للبيت ضايجه

طارق ...بعد الشي الي سمعته حسيت واحد طعني بظهري واني الجنت جايبلها سند بيت باسمها

اشتغل من الصبح لليل وبعت قطعه ارض حتى اشتريلها بيت احلامها ..

تالي تطلع تلعب عليه عفت سند البيت على حاله وماكتلها اشتريت الج بيت

بس رجعت اكتشفت في يوم من الايام انه اكو حبوب تستخدمه وعلى طول شنو هذا الحب ..

اخذته الشريط ورحت سالت عنه يم دكتور وكالي حب مال مرض معين

اني بحثت عنه بي كثير استخدامات من ضمنها يعمل نزف ويسقط الجنين اذا المرأة حامل ..

واني كثير انقهرت عليها كلت مريضه واني ما اعرف ليش ما كالتلي وشياطيني طافرت مني

كل هاي السنين ضامه مرضها عني بس هيه شنو مرضها الحبوب تستخدم لعدت حالات ..

كلت بس ترجع اسالها انفتح الباب واني كاعد انتظرها فاتت وكالت هلوو

جان وجها باجيه ووجها اصفر شاحب طفرت عليها ها شبيج نسيت كلامها وخططها هيه وامها كولي شصاير ..

سناء بتعب وكوه تحجي ...مابيه مريضه شويه

طارق ..تاكدت شكوكي وكلت لهذا تاخذ الحب سالتها شنو بيج ..

سناء ..تعبانه طارق اريد انام بعدين نحجي ..عفته ورحت نمت

خلونه نرجع بالاحدا

ث قبل لا اطب سناء للبيت

سناء ...كعدت الصبح ميته خوف رحت لعيادة الدكتوره وكالتلي شويه ونطلع كملت شغلها عاد طلعنا

كالت ماما على مسؤوليتج كتلها بس نزلي رحنا لبيت قديم بي مره كبيره بالعمر ..

كالتلي فوتي بهاي الغرفه فتت كالت تمددي تمددت شوي وفاتت الدكتوره ..

الدكتورة ..شوفي ماما تخديرج راح يكون موضعي وبنسبه قليله ماكدر اجازف يعني راح تحسين بالوجع ماشي

سناء ..جنت ارجف من الخوف عبالك رايحه للموت برجلي كتلها اي واني كلبي بين رجليه

تمددت وبدت ضربتني اول شي ابره وانتظرت 5 دقايق وبدت شغلها

‏شوصفلكم الوجع الجنت احسه عبالك سجاجين اتكصكص بلحمي وجع فضيع ماينحمل

جنت احس روحي دا تطلع كلت خلاص اني مستحيل اتحمل راح اموت

ونوب هاي كالت كلشي يصير على مسؤوليتج نوب اذا متت محد يحاسبها

جنت اصيح وهيه مخليه منشفه بحلكي واعض عليها بكل قوتي واصيح ..

بالاخير كلتلها يكفييييي ما اتحمل بعد يكفييييييي راح امووووووووت

وماحسيت على شي غير انو برد جسمي ولعبت نفسي ..

وراسي احسه يدور اغمى عليه من الوجع كعدت شفت رجلي كلها دم وملبستني بس احس نفسي دا انزف كتلها شصار ..

الدكتورة ..خلص نزلته وضطريت اجرحج واخيطج لان عضم حوضج صغير حيل ..

سناء ..بس دا احس دم يجري اكو شي دا ينزل ..

الدكتورة ..عادي ماما يستمر اسبوع وينكطع وهذا حب لازم تجيبي وتشربي 3 مرات باليوم هذا مضاد حيوي وهذا هم حب لازم تشربي حتى لايلتهب جرحج وبلعافيه ..

سناء ..كمت اريد امشي بالكوه اتحرك اتجه ع الحايط وماسكه بطني من الوجع احس داخلي كله متمزق

سويت هل كارثة وحدي وتحملت المسؤولية وحدي حتى ماكلت لامي ولا لاي بشر اذا تعرف امي غير تصخمني

حسيت نفسي وحدي بهل حياة رجعت تعبانه حيل بس ضليت انزف وشلون يربي هسه شكله لطارق

طبيت للشقة وكتله تعبانه اريد انام عفته ورحت اتمددت ونمت كلت ايحلها الحلال ..

وهناك وبعد ماحسيت ع نفسي مثل الي روحي طلعت ورحت بغيبوبة

بس حسيت على ضربات على خدي فتحت عيوني بتثاقل وجنت اشوف غواش كدامي

طارق يضرب بيه ويصيح سناء كومي شصايرلج كووومي رحمة لربج شبيج
ولج احجي شصايرلج

طارق ... من راحت نامت اني طلعت للشغل ومن كملت شغلي رجعت من وقت حتى ابقى يمها واشوف شنو مرضها واساندها

فتحت الباب صيحت ماكو رد كلت اكيد نايمه خطيه فتت للغرفه فتحت الباب

واشوفها متغطيه كعدت يمها على حافه السرير امسح براسها واقرالها ايات والله احبها بس ليش هيج يصير بيه

واحجي ويه نفسي معقوله لان غضبت ابويه الله جازاني وانقلبت حياتي ...اني ايدي على راسها والثانيه ع التخت

وحسيتها تبللت جان المندر بي نده حار رفعت ايدي جانت متغطية بدم لا يالله هاي شنو

كبل كشفتها رفعت الغطا عنها السرير كله عباره عن مسبح مال دم جواها هاي شصاير اني تجمدت بمكاني لايالله

ارتبكت ما اعرف احجي اصيح معرف شسوي هاي شبيها ميته كبل خليت خدي يم خشمها

حسيت انفاسها ضعيفه تخبلت ضربتها راشديات خفيف اريدها تصحى تنطق ماكو مثل الجثة بلا روح

شلتها ع السريع حتى مالفيتها بشي وركض ركض واكف بلشارع مثل المخبل اصيح عليهم رااااح تموووووووت الحكوووني ..

ولكم سناء راااح تموووووت وكفوا يمي اوادم كثير واني اصيح واحد كال تعال بسرعه جبت سيارتي ع السريع اصعد

ركبت وهيه بحضني وابجي وادعي يربي لاتاخذها لا يربي بيه ولا بيها

والسايق يباوع بالمرايه ويكول استهدي بالرحمن هاي راح نوصل اخويه

وصلني خطيه للمستشفى بلمح البصر اني معرف شسوي ضل ويايه الرجال كال شتحتاج اني موجود ..

رحت كبل خابرت عمي على الارضي وكتله الصار هو انهار اسمع مرته تعيط شبيك شبيك وردت ع التليفون(( زوجته اقوى منه طبعا بيبي قاسيه كلبها من حجر ))..

وكلتلها ع الي صار كالت انته قتلت بنتي وانته مجرم والله الي افوتك بداهيه ماتطلع منها سديت التليفون مالي خلك مناكرتها ..

شويه وجت الهانم تتعارك وتصيح وتهدد والاب لا حول ولاقوه كاعد ويبجي بنتي وحيدتي عانيتي وضحيتي بسببنا

اني اصفن على كلامه شيقصد شوي وطلعت الدكتوره طفرت الها ها دكتوره شبيها زوجتي ترا هاي مو موعدها((الدوره)) ليش هيج نازفه طمنيني

جاوبتني بابا انت شتحجي يا موعد ياصخام هاي منزله طفل انته ماحسيت عليها مرتك حامل ومسوية اجهاض لطفلها بصوره غريبه

وصاير عدها نزيف داخلي زين لحكتها زين ماراحت من ايدنا ومامنظفيها زين من الداخل

نظفناها وخيطناها وتحتاج راحه بس تحتاج دم روح للمصرف اذا ماكو زمرة دمها جيب احد يتبرع

‏هيه تحجي واني فاصل مثل الي انضرب ع راسه واختل دماغه شنو ياطفل يانزيف شداتخربط هاي شوكت سناء جانت حامل !!

امها كامت ادك وتلطم يما بنيتي الاب تخربط واخذو للغرفه يشوفون شبي

واني بمكاني ماتحركت شبر الصدمة هدت الدنيا ع راسي شديصير شنو طفل شنو اجهاض

الصدمة خلتني افقد عقلي اتصنمت من كلام الدكتوره رحت امشي بلا وعي جبت دم من المصرف ونطيته للسستر ‏شكلته الها وراحت ..

اني ضليت كاعد يمها لازم ايدها واحجي وياها ليش

سناء ليش

مو حبيتج ليش هيج تسوين بيه شسويت حتى اتعاقب هيج لهل درجه تكرهيني ومو جارعتني ..

تقتلين طفلنا جنت منتظرج تبشريني بيوم انج حامل وشايلتة ابطنج تكومين تقتلي ..

لازم تصحين سناء اريد اجوبه ولج كومي بربج اصحي كافي والله تعبت اريد اعيش وياج سعيد

ليش نغصتي علينه حياتنه بقساوتج ليش هاي جزاتي لان حبيتج بصدق هيج اتجازيني صرخت ولج ليشششششششششششششش

بهل لحظة فاتت السستر ضربتها ابره مهدئه للاوجاع وراحت

واني ضليت وياها للصبح افرك بيدها واحاول اكعدها بس همه نطوها مخدر بالمغذي ..

امها ضلت تهدد وتتوعد واني مبحالها اريد اواجها بالشي السمعته بس موو بحاله تسمحلي سكتت وعفتها تحجي ويه نفسها وابوها ما حجى بس يبجي

اني ضليت فوك راسها ولا ارتاحيت جت السستر وكلتلها خيتي هاي ليش مكعدت لهسه شبيها

السستر ... لتخاف هسه ساعه ويروح تاثير المخدر وتصحي من تصحى صيحوني ..

طارق ...انتظر وانتظر وانتظر تصحى والله وكامت تون واحس كلبي يتكطع عليها

كبل ركضت صحت السستر جت شافتها وسألت سناء كم سؤال

كالت ماعدها الا العافيه انتظروها يوم بعد او تكدرون تطلعوها هسه يرادلها عنايه درج ماكو اسبوع تضل بلا سبح وتجي اشيللها الخيط

اخذتها للشقه امها جانت معارضه جيبها يمي اني اداريها كتلها لا هاي مرتي واني مراح اقصر بشي وياها تريدين تعالي انتي يمها ..

ماقبلت الا يمها واني يبست راسي خفت اوديها يمها وتكعد تحشي براسها افكار سوده

وشلتها ماقبلت حتى اخليها على الكرسي جنت خايف كثير عليها ومشتاقلها معرف ليش

مع العلم هيه تضل يمي بس اشتاقيتلها عبالك سنه مشايفها ..

شلتها وطلعت بلسياره وخليتها بحضني هيه قصيره وصلت للشقه نزلت ونزلتها

وشقتي درج شلتها وطلعت بيها امها وابوها لحكوني وصلت فتحت الباب

وفوتتها مددتها على القنفه لان السرير كله دم خليتها متمدده وامها وابوها يمها ..

وطلعت ع السريع محل قريب علينا يبيع دواشك مال تخت جبت واحد جديد

ورجعت شلت القديم وحركته بلسطح عيب اذبه وكله دم وخليت الجديد ورتبته

وجيت كتلها حبيبي تنامين شويه سويتلج الغرفه ورتبتها هزت براسها وجها اصفر جوى عيونها اسود جانت تعبانه كوه يطلع صوتها ..

شلتها وفوتتها لغرفة النوم غطيتها وكلت لعمتي خلي نطلع ترتاح شويه باوعت عليه بنظره غضب بكلبي والله يا الله هم بنتها نزلت الطفل هم اللوم عليه ..

ام سناء ..لا اني ابقى يم بنتي خاف تحتاج شي ..

سناء ...يمه طارق موجود روحي ارتاحي انتي ..اني اصلا راح انام ..

طارق ..طلعت الخاتون عمتي وجها ينقط سم فات عمي بوس راسها وطلع اخذ مرته وراحوا

اني كتلها راح اطلع شويه واجي عندي شغله هزت راسها بمعنى اي وتمددت ونامت

اني ع السريع طلعت وقفلت باب الشقه لان متكدر تكوم تقفله ورايه

رحت جبتلها اكل كباب على كبد على دجاج و شربت عنب و عنب اسود مجفف

حتى يفول دمها وجوز وحليب كلها لملمتها ورجعت فتت للغرفه شفتها نايمه طلعت وخليتها ..

فتت سبحت تمددت شويه حتى ارتاح اوووووه تذكرت اني مبدلتلها ملابسها هسه تكعد وابدللها

سمعت صوت بلغرفه طفرت شفتها تريد تمشي كتلها ها وين كالت للحمام ..

شلتها و وديتها للحمام وطلعت جبتلها ملابس نظيفه ورجعت نزعتها ملابسها كلها ديتول ودم يابس

وبقطعه خاولي بللتها مي مسحت كل جسمها عدا العمليه مالتها ولبستها ملابس نظيفه ورجعت شلتها و وديتها للغرفه كعدتها وغطيتها ..

رحت جبت من الاكل بصحن شكلته وكعدت اطعم بيها وهيه تتعزز ماريد مو جوعانه

صيحت بوجها اكلي اريد تتعافين واحاسبج على عملتج السوده ماالج مهرب لاتخليني ابدي بعقابي من هسه ...

اكلي يلااااااا كامت تاكل وساكته محجت شي كملت الصحن بالكوه شربتها شربت عنب طازج

واخذت علاجها ونامت اني هم طلعت اكلت شويه مالي نفس ونمت ..

كعدت الضحى طفرت لغرفتها شفتها بعدها نايمه كبل رفعت الغطا حتى اشوفها خفت لتطلع نازفه هم

بس الحمدلله مابيها شي رجعت غطيتها داريد اطلع صاحتني

سناء ..وعيت على نفسي بالمستشفى وطارق ماسك ايدي وبابا وماما يلطمون

جنت تعبانه ونعسانه رجعت نمت حسيت على احد شايلني بس جنت كوه افتح عيوني شفته طارق حاضني قريبه على صدره عبالك شايل ريشه

ركبني بلسياره وضل حاضني وصلنا لشقتنا شالني وخلاني ع القنفه ..

واهلي وصلوا وضلوا يمي واني ما اعرف شنو صار كل الاتذكره انو رحت سقطت الجنين بعدها شصار معرف ..

ورا شويه رجع طارق جايب فراش للتخت فات للغرفه وطلع الفراش القديم

انصدمت من شفته كله دم اخذه وطلع ورا شويه رجع كال كملتلج الغرفه كومي ارتاحي بيها ..

شالني وخلاني بلسرير وغطاني طلب من ماما تطلع وراحوا اهلي هو كلي شويه وارجعلج

اني خليت راسي ونمت كعدت اريد افوت للحمام وهو اجا شافني شالني وداني

وطلع رجع بعد شويه جايبلي ملابس ومنشفه بللها ومسح الدم والديتول عن جسمي ولبسني ملابس نظيفه ...

طارق ... ها تحتاجين شي ؟

سناء ..لا بس اريد اسالك شصار البارحه

طارق ...اني كلبي انعصر يعني على اساس متعرف وبنفس

الوكت متعصب منها حيل

اريد انهيها من الكتل بنفس الوكت اريد افهم هيه ليش هيج سوت ...

رحت كعدت يمها وكوه لازم اعصابي مابيها كتله اخاف اضربها وتموت وابتلي

كتلها انتي من شوكت جنتي حامل شكد صارلج وليش ذبيتي للطفل ...

لهل درجه متريدين اطفال يملون حياتنه وطلعت الشريط مال الحبوب وكتلها هذا شنو الداتاخذي شنو مريضه و شنو مرضج بلضبط ..

اني احجي وهيه متباوعلي عصبتني صحت بيها ولج دحجي شبيج انخرستي احجييييييييي لا ابتلي بيج وربي كولي لييييش سوووويتي هيج

سناء ...مو بقصدي والله اني بس مو مستعده لهيج مسؤوليه

طارق ...اي مسؤوليه ولج انتي تصرفتي من راسج بلا ماتسأليني

ولج تعالي احجي كووولي خلي نتفاهم طرطوووور اني بالبيت فهميني رجل كرسي ماتحجييييين هوه بس طفلج هاااا مو طفلنا ثنينا ..

ولج جنت منتظر بفارغ الصبر تجين بيوم وتبشريني صار عدنا طفل

واني جنت ساكت كل هل اسنين لان مدتحبلين ماكدر افاتحج بالموضوع اخاف تضوجين واخاف على مشاعرج

بالتالي تطلعين ماتريدين طفل جنت منتظر يجينا طفل يغير حياتنه ويكون حلقه وصل بيني وبينج جنت رايد من عندج سند عسى ولعلى تحبيني ..

بسيطه يسناء اني اعرف شون اجيبج اني احجي وهيه تبجي كتلها انتي ياست يا افنديه منزله ابنج مو ..

ما جاوبت صيحت كتلها احجيييييي ..

سناء ..فززني من صريخه بوجهي من خوفي كمزت كتلو اي

طارق ..ويم منو احجيييي

سناء بنبرة خوف جاوبته ..مممامكدر اكولك لان نزلته على مسؤوليتي ..

طارق ..صيحت عصبتني بلزايد ولججججج شنو على مسؤؤؤؤليتي انتي هم تعتبرين نفسج مسؤوله انتي قتلتي طفلي حرمتيني ان اكون اب ..الله ينتقم منج

لزمت شعرها وجريتها اذا اذبحج هسه واشرب من دمج منو يمنعني وهذا الحبوب مال ايش انوب ..

فهميني شجنتي تسوين من وره ظهري جااااااااااوبي لا ابتلي بيج وربج

سناء ..جان يجر شعري بايدو واني دموعي تنزل واتوجع كتلو هاي اذا اكو احتمال حمل هذا قوي ينزله ..

طارق ... اتخبلت بلزايد لا يالله كمت اضرب بيها وهيه تصيح

سناء ..عووووووفني عوف شعري ياهمجي الله يكسر يدك ااااااخ ..

طارق ..اني همجي موووو نطيتج مجال كثير وبالتالي اطلع همجي والله لطلع حوبة قهري بيج ياحقيييره

منتظره على نار وبالاخير تنزلي منو نطاج الحق ياسافله واني اضربها راشديات واجرجر بشعرها

وهيه بس تصيح كتلها هسه تكولين منو نزل الطفل الج ياحيوانه نزلته والله احسب الله ما خلقها ..

بعد الرشديات والصياح والتهديد اعترفت وكالتلي اسمها الدكتورة فلانة وبفلان مكان تمارس هل امور الغير قانونية ..

اني كلت اذا ابقى يمها اموتها اطلع احسنلي ادور على هالمجرمه رحت سألت عليها ولكيتها كبل

ماكدرت اتهجم عليها رحت نطيت اسمها للصحه وقدمت شكوى ضدها وطلعت اخذت عمتي وديتها للشقه حتى تبقى يم بنتها ..

واني رحت يم حسين وحجيتله واني
ابجي وكلبي محروك عبالي من الله مايصير عدنا اطفال طلعت الخانم تشرب حب حتى لاتحبل

ومن صار عدها راحت نزلته وكيت وكيت السالفه حجيتها هوه يباوع عليه مصدوووم ويكولي عوضك على الله

واني كلبي محروك بنار اريدها تتعافى اريد هالاسبوع يمر حتى اعلمها الله حق ..

كتله خويي عادي اضل يمك اليوم تعبان ومالي خلك ارجع للشقه احس نفسي اختنك من افوتها ..

حسين ..عادي خويي البيت بيتك من شوكت تستاذن انت تفتح الباب وتفوت ..

طارق ..عاد تشكرته وفتت ام حسين خطيه كامت بالواجب وماقصرت ثاني يوم الصبح كعدت تريكت وياهم وطلعت للشقه رجعت عمتي لبيتها واني رجعت تمددت بلصاله ..

جان تطلع الخانم راح سوت اكل وجت صاحتني تاكل كتلها حسج نفسج ما اسمعه زيييين ولي من وجهي

سناء ...من عرف بيه منزله الطفل والحبوب جنت اخذهن حتى لا احبل انجن تخبل كام يضرب راشديات

وجهي احسه شتعل نار وهوه يضرب مستمر واني مكدر اتحرك منا مخيطه ومنا هوه قوي متت جوى ايده اريد يترك شعري كطعه نوب كتله همجي تخبل بلزايد ..

وتعالي كوليلي اسم الدكتوره عاد نجبرت اكله لان اموت جوى ايده وهو طلع ورها العصر جا جايبلي امي ورجع طلع شافت وجهي كامت تدعي علي ..

اصابع ايده طابعه وتاركه اثر على وجهي وضلت تدعي علي واتدردم ..

ام سناء ..لازم اطلگج منه انتي خلص مترجعيله بعد ..غبيه انتي شلون تحبلين منه وليش مكلتيلي من نزلتي

اني اكدر ادبرها الج ومتنكشفين ارتاحيتي هسه لصتي الامه وابوج مو راضي ع الشي السويتي دكليها هسه ..

سناء ..اني من قهري دمرت حياتي كتلها يكفييييي سكتييييييي ماريد اسمع شي بعد ليش المن دا اسوي كل هالشي ها احجي ..

المن دا اخرب حياتي هاااااا ردي تعاركت وياها وكلتلها روحي لبيتج اني ما احتاجج

جنت منهاره وماريد احد بعد بهذيج اللحظه تخليت عن الكل ماريد اهل ولا طفل ولازوج اريد اتحرر واعيش بوحدي ..

ثاني يوم الصبح رجع طارق كال لماما تتحضر ديوصلها وداها ورجع

اني جنت جوعانه مامتغدايه ولامتعشيه كمت اسوي غدا النا كملته وكلتله تاكل ويايه كام يصيح

عفته واخذت الصينيه وفتت للغرفه اكلت كملت خليت الصينيه ع

الطبله كلت منو يطلع اشيلها هسه اذا احجي كلمه يكوم يبتلي بيه

طارق ... بالكوه لازم اعصابي اريد هالاسبوع يمر ضليت ورا هالدكتوره رفعت بيها محضر

لان المكان الي سوت بي الاجهاض وسخ كاتلة الجيفه وعمليتها مو نظيفه وتاركه سناء تنزف جان ماتت ..

ولا اني مو بحال سناء عساها بالموت ان شاءالله اني قهري على طفلي ضليت وراها الا ان اخذوها تحقيق

ورا اسبوع اخذت الخانم سناء للدكتوره شالتلها الخيط اني ولا احجي وياها

تحاول تحجيني بس اصيح بيها وتسكت الان ان الدكتوره انسحبت رخصتها ونسجنت لان مو اول عمليه تسويها ..

واكو هوايه ناس ماتو بسببها وحالي اني وسناء من سيء لاسوء

رجعت بيوم وكشفت كل الاوراق كدامها
صحتها سناااااااااااااااء تعالي هنا ع السريع

#وللحكاية_بقية

وڪْـأنـيْ آرْتْـڪْـبْتْ جْـرْيْـمْةْة بْـحْـق
آلْـحْيْـآةْ لْـتْبْعْـدْ عْـنْـيْ آلْـسْـعْـآدْةْ 💔

يتبع ......

#الانتحار

#بارت6



طارق ...سناااااااااااء تعالي هنا ع السريع

سناء برعب ...هاها اي اي جيت

طارق ...عندي حجي وياج تعالي
شوفي يبنت الناس اني حبيتج وعزيتج وماذليتج بيوم

وجنت اسوي كلشي الاكدر علي حتى اوفرلج احسن عيشه وكعدتج ابغداد لخاطر تكونين قريبه على اهلج

ولخاطر لا اهلي شي يوم يسمعوج حجايه بس كل هذا انتهى هسه تسمعين شجاي احجي ..

الدلال خلص بح رااااح ماكو بعد واخاف عبالج غافي عن خططج انتي وامج تسلبيني املاكي وتطلبين الطلاق وتروحين

لا عيني اعرف الطبخه الطابختها انتي والحيه امج

سناء نبت من يمها وقاطعته وكالت ..لاتغلط امي مو حيه انته ال ....قبل مانطق الحجاية وجان يجيني راشدي فر راسي فر ركعني بالكاع وهوه كاعد على القنفه سحب شعري ورفعني وكعدني يمه وكال

طارق ...كانو جنتي راح ترفعين صوتج علي هاااا ..اسمعيني زين ولج بعيلتنا صوت المره ماينرفع على رجلها

بس نطيتج مجال وهل مجال سحبته هسه بعد ماكملت كلامي من تقاطعيني ابلش بيج زين صيري حبابه ...

كعده ابغداد بعد ماكو راح ارجعج لحديثه فهمتي لو لا والشقه هاي بعتها هالكم يوم نصفيها ونطلع

واهلج نطيتهم خبر ولو جان جريتي عدل جان شتريتلج بيت وسجلته باسمج بس الله اله بيها حكمه الحمدلله كشفج ع حقيقتج

وبالسنه مره اجيبج تشوفين امج وراح نسكن ابيت اهلي يعني مو بيت الج وحدج

هذا السفور يتغير وتتحجبين ولبسج يتغير بيتنا مليان زلم ..

وهالحبوب يتبطلن والنفس التتنفسي لازم يكون عندي علم بي واذا هالكد كارهه العيشه ويايه وتريدين تسلبيني وتتحررين مني

تجيبلي اطفال واول ما يولدون تنجبين تولين لبيت اهلج وتصلج ورقه طلاقج ...وعساج بالجهنم ماريد اشوف ركعت وجهج

اني وانتي مانرهم نعيش تحت سقف واحد جنت اتمنى مثل البشر انعيش سوى ونشيب سوى بس الضاهر غلطت بالاختيار

لو مطاوع ابويه بذاك الوكت جان اني هسه بخير بس يله مصار شي الما يتعدل يتبدل كومي هسه ولي من يمي

لمي غراضج الملابس الي ماتنلبس هناك ماكو داعي تشيليها مو افتح الجنطه واشوف شنو خليتي ترى يلا حسج ماسمعه كووومي ...ودفرتها وكعت بالكاع

سناء ...للاسف طارق اتغير صار شخص ثاني بعد ماجان الطيب الحنون الي يتمنى رضاي صار وحش وقاسي

بس مالومه هذا كله بسببي اني الي خليته يوصل لهل مرحلة استاهل كمت للغرفه الم بالملابس وابجي

واكول ماريد اروح شلون ياربي ماريد شيعيشني هناك يمهم نوب طلباته صعب انفذها

واني ممتعوده احد يتحكم بيه هسه شستفاديت من سوايتي بس فتحت ابواب الجحيم عليه ..

الملم بالملابس يربي شاخذ كله على كولته ماينلبسن هناك اخذت بس كم قطعه

لان كلها ذبيتها كملت ولميت ملابسه هم والشغلات الضروريه كلها صارت جنطه وحده واني دموعي ابد مانشفت ..

الم وابجي على حالي وين جنت و وين صرت كملت جا فات ..

طارق ..شو فتحي خلي اشوف شخذتي ..

سناء ..مو رتبتهم وشوف افتح كنتوري وشوف نصها ما اخذتها يلا اقتنع ..

طارق ..باجر نطلع العصر كومي اوديج لاهلج ودعيهم ..

سناء ..كمت بدلت ولبست وطلعنا وصلنا لبيت بابا فتت اركض حضنته واني ابجي

كتله فدوه قنعه ماريد اروح هناك ما اعرف احد بيهم شلون عيشتهم ..

بابا ..لازم تروحين بنتي زوجج وتتبعي وين مايروح منكدر نسويلج شي ..

سناء ..اني كمت ابجي بلزايد كتله مو انته تعرف سبب زواجي منه ..يازوج هذا بعد ليش هسه اتبريتوا مني

بابا ..انتي اخترتي احنا ماجبرناج انتي خططتي واحنل ماعارضنا

جان لازم تحسبيها صح هسه البجي ميفيد كومي مسحي دموعج وتوكلي على الله

وتين ..((جدو ابو ماما جان نوعا ما حباب اكثر من ماما وبيبي))

سناء ..كمت دا اروح اغسل جان تفوت ماما شافتني جت تركض عليه وحضنتني وصارت تبجي ..

ماما ..ماخليج تروحين على كبري ماخليج تعيشين ويا هالهمج ..والله اسوي بي سواية الله اشحده ياخذج

سناء ..امي جانت تحجي وتتوعد عاد صاح بيها بابا ..

بابا ..هاي من سوايتج وطمعج دمرتي هالبيت انتي الي لحيتي افووت بالمناقصه وخسرتها

وكتلج يامره فلوس ماعندي واصريتي ارهن البيت وراح البيت والمناقصه وضلينا نتوسل بالرايح والجاي علمود يشغلنا ونوب ضحيتي ابنتج وهسه الج عين وتهددين بيت زوجها ..

خليها تولي تروح علي لاتدخلونا بمشاكل يكفينا الصار .. يكفي دمرتيني ودمرتي بيتي انوب تريدين ادمرين بنتج وتهجمين بيتها خليها تروح الله لايبارك بيج

سناء ..طبك باب البيت وطلع واني ضليت الطم وابجي الا ان فجأة حسيت انو شكد ما بجيت ماراح يتغير شي كمت غسلج وجهي وكعدت بلا حجي ..

امي تحجي وتنصح ...لاتخليهم يشغلوج كثير ديري بالج تصيرين خدامه الهم ..

سناء ..واني ولا اسمع الها اصلا حياتي ادمرت بسببهم صح حرروني

بس مانصحوني ماكالوا هذا غلط هذا صح رضيت بالواقع وجا طارق ورجعت ويا للشقه واني ما احجي اصلا مابيه حيل اتناقش ويا

طارق ..رحت بعد ما وديت سناء لبيت اهلها على حسين كعدنه كعده حلوه سوالف وضحك وذكريات حلوه

كتله اخوي