#الانتحار

#بارت2


سناء ...وبهل لحظة لمحت شخص اخر واحد جنت اتوقع اشوفه هنا لا يالله معقولة ماصدك عيوني ...صدمه جمدتني بمكاني وشلت حركتي ... خلتني فاتحه عيني ع وسعهن بدون حركة

كان نفس الشخص الي تعرضلي بالكلية بقيت اباوع علي وهو يتمشى برزانه وثكل وهيبة

نرجع بالاحداث شوية

طارق ...رحت انتظر عسا ولعل تطلع ماكو الضاهر بطلت او انقلت رجعت للبيت ضايج طاكه روحي ومالي خلك احد ..

ونوب ابويه هم ضايج ويسب ويفشر واني اخذها غصب عنهم و سالت اخوي علي شبي ابويه ع شنو ديحجي

علي ...يريد قطعه ارض ابغداد واكو وزير منافسه عليها والا ياخذها ويدمرنا وباجر الوزير يعدمنا ونروح بيها ..

طارق ...اني عفته يحجي ومشيت فتت لغرفتي طبكت الباب قوي قفلته ونمت

وماكعدت للمغرب الاكل انواع والبيت مخبوص وكل اخواني متجمعين بالطابق الارضي ..

ونسوانهم وجهالهم للعلك الكل كاعدين ابيت ابوي لان كبير بس مايجتمعون بالارضي كل واحد بغرفته

اكو مطبخ بالطابق الثاني والثالث والرابع فتت للمطبخ خير مرت اخويه شكو شصاير

هناء ...والله عمي ربح صفقه الارض وسوا هالجمعه ..

طارق ..اهاا طلعت وفتت علي وجهه يضحك كتله هلا ياب شونك شو هذا نزع الشحاطه تكرمون وضربني بيها تلاحكت نفسي وتجنبتها

كتله اها خير شكو ليش بالشحاطه شسويتلك فوك ما جاي ازورك

ناظم ..ابن الكلب من الصبح جاي وماشوفتنا وجهك وماتكول اسلم على ابوي امي شهالخلفه والله غلط جبناك انته اطلع براااااااا

طارق ..ضحكت علي كتله لاتزعل والله تعبان واني بطبعي احجي لابوي كلشي ..

ابويه ناظم ..ليش تعبان خيرك

امي عنود ..اسم الله عليك اكيد بسبب مدرستك (تقصد الكليه) يلا خلصت هسه وراح ترتاح

طارق ..باوعت عليهم مدري شلون افاتحهم بموضوعي عدلت كعدتي واتشجعت وكتلها احم يوم

عنود ..ها يبعد امك

طارق ..اريد اتزوج

الكل انداروا علي وشهكوا من الصدمه

شنوووووووو اخيرا راح تزوج ونخلص منك

ناظم ..خير ماقررت ابني منو اكو ابالك من بنات عمك بس اشر من باجر اجيبها يمك

طارق رفع عينه ع ابو ونزلها وكال ...احم ولا وحده

ناظم ..لعد ياب منو تريد من هسه بنات المدرسه مالتك ما ازوجك الهم لو تنكلب الدنيا ع راس الخلفك افتهمت

طارق ... ياب لاتغثني اريدك تمشيلي عليها واحتمال ابوها ماينطي بس عسى ولعل يقبل

ناظم ...ها تعرف ابوها ماينطي وتريد تسود وجهي

طارق ...لاياب والله البنت تجنن
اشوف امي بالعصا شمرتها عليه

عنود ..وتباوع ع البنات ومفصلها يا تربايه ما بينت بيك كوم غضب الله عليك دازيك تدرس لو تبصبص

طارق ..ولج يوووم الله يخليج البنت حبابه (بكلبي اكول اجذذذذذب خشمها مرفوع للسما) وحلوه ومواصفاتها زينه واخلاق ومستوره الله يخليكم لتكسرون بخاطري

ناظم ..من وين بله هل بنت

طارق ..من بغداد

ابوي ...بنت من

طارق ...بنت فلان .......ابوي
باوعلي صفح وعكد حاجبه وكال

ناظم ..كوم اسبح وصحصح واخذ دوا صخونه الضاهر مصخن انته ومو بوعيك

طارق ..يابا ..

ناظم قطع كلامه وكال ..انجب كلب وحابلي بنت الوزير ..ولا تعال اخطبها

والله دنعل ابو ترباتك كوم هذول من بغداد ما يتعايشون ويانا احنا وين همه وين لبسنا وين وهمه وين

وهالسالفه تنسد ماريد اسمعها تريد تنجب وتزوج بنات عمك موجودات وغيرهم الصم بوزك ماكو فهمت

بييتي تهدي بجدي

عنود ... ياناظم اعصابك موزين عليك عوفه هيه المدرسه شخطت عقله

وانته يا طروقي كوم اسبح وصحصح وكلام الهبل عوفه هذول لامن ثوبنا ولانعرفهم

ولا نريد نعرفهم شوف اخوتك شون عايشين ويه بنات عمهم تريد تتبهذل ويه غريبه

طارق انتفض من مكانه وكال بنبرة تحدي ...والله لو هيه لو ما اتزوج

ناظم ...وطبك الف عله ان شاءلله ولاتزوج واكفين على زواجك ابن الكلب كوم وترفع صوتك بوجودي كوم اطلع براااا لا احسب الله ماخلقك

طارق ..نفضت نفسي من غيضي وطلعت مغثوث فتت لغرفتي كسرت كلشي بيها وما اطلع منها بس وكت الاكل اكل يحجون ويايا ما ارد

مر اسبوع على هالحاله وبيوم كعدت الصبح على صوت عوجيه ابويا

ناظم ...كوم لاخير بيك لا منفعه كوم جايينا خطار كوم ويه اخوتك استقبلهم يلااااا لا هسه اكسر البيت فوك راسك

طارق ..كمت واعصابي نار اااااااخ والله راح اخنكه على سوايته بيه كمت غسلت بدلت وطلعت

خيييير ياطيييير لاليلي ليل لا نهاري نهار شكوووووو شبيكم اصيح واحجي

ناظم ....ابن الكلب يصيح ويرفع صوته شوف ولك اذا ماجريت عدل طلقه اخليها براسك واكول انتحر ومات

كوووووم ويه اخوتك شوف شوكت يوصلون الجماعه استقبلهم

طارق ...واني شكو الجماعه جماعتك شعليه بيهم

ناظم ..جر عدل ياطويرق احسن ما اتبرى منك ليوم الدين

طارق ..سكتت وبلعتها وكلت خل اطلع مالي خلك مناكرته

رحت بدلت ولبست دشداشه رصاصي تعطرت ورحت لخوتي ..

ماج

د ..عاش من سمع صوتك ياب لاحس لاخبر هذا العشك هيج يسوي بيك شو من جيت ما شفناك

علي ...والله ماتستاهل تعادي اهلك لخاطرها وابوك يعرف مصلحتك ياخوي خلي عقلك براسك ولاتخسر اهلك وعزوتك علمود وحدة مانعرفها حتى

شمدريك تطلع بنت اصول لو بنت حمولة يجوز تأذيك واطلع اشياطين الدنيا ع راسك وبعدين تتندم ع هل زواج وتكول ياريتني سمعت كلام اهلي

طارق ..اكول ليش ماتسكتون ما محتاج نصايحكم اسكتو وخلي نمشي

طلعنا وصلنا للتقاطع وشفناهم ينتظرونه بالسياره نزل من السياره رجال مرتب قاط وجنطه محترمه بيده ..

وراها نزلت بنية من السيارة وهنا جانت الصدمة الي خلت كل شي بيه يسكت ويجمد حسيت الدنيا فارغة والوقت اتوقف مداصدك الي اتشوفه عيني مستحيل ..

شفتها تنزل اي شفتها واني عبالي عيوني خانتني كلت لا لهدرجه يطارق صرت تشوفها بكل بنت تجي من بغداد

امشي واني بين فرحان بين ممصدك اريد اوصلها اريد اشوف بحلم بعلم اني ..

وصرت قريب منهم انداريت على اخوتي كتلهم همه هذول الجماعه رد اخويه عمار اي همه

اني رجعت باوعت الها وكلبي مفرفح من الفرح اريد اركض الها كلبي طار من صدري وكام ينطنط من الفرح ..

بس امشي برزانه وثكل وصلت باوعتلها شكد ماكدرت ردتها تملي عيوني من شوفتها

اووووووف صار زمان ما شفتج سالته انته استاذ جميل كال نعم سلمت علي وعرفته بنفسي وسلمت عليها اكيد انتي ست سناء
كالتلي اي نعم تشرفت بحضرتك ...

يابووووويه اووووووووف ربي والله هيه ممصدك عيوني حسيت جنت ميت واحتييت واخوتي سلموا

اني ولاسمعتهم شكالوا عقلي بغير مكان اباوع على وجها شكد مرتبكه واكو تساؤلات عدها وامبين هيه هم انصدمت بيه بس تجنن الا كوه تجنن والله تجنن ..

وعيت على عمار يكول لجميل البيت قريب تفضلوا مشينا وهمه ويانا الى ان وصلنا

فاتوا سلموا على ابوي ناظم ودخلوا للديوان وضيفناهم وبدت سوالف عاديه وجميل فات بالموضوع

جميل ...يابا شيخ ناظم جاييك وطالبيك بشغله

ناظم ...اي هلا بيكم تفضلوا

جميل ..زاد فضلك شيخ ..حضرتك قبل فتره ربحت صفقه ارض ابغداد واخويه كان منافسك عليها

بس هو باعتبار متقاعد ورهن بيته لصاحبه حتى يربح الارض بس صاحبه غدره ويكوله البيت الي وما ارجعه

وهسه يريد يتشارك وياك حتى يكدر يلم نفسه شوي ويشتري بيت جديد

ناظم ...والله يا استاذ جميل
اني شراكه ما داخل بيها مع غربه بحياتي كله مع اخوتي و اقاربي ف انتو ناس ما اعرفكم وما عرفت والدها الي يريد يشاركني

وتين ...هنا اضطر جميل يكشف الاوراق ويكوله اسمهم الكامل واسم والد سناء
جدي انصدم وباوع على بابا باستغراب عباله هالشي مدبر

كملوا الحجي العدهم وجدي كاللهم نطوني مجال افكر وقدمنالهم الغدا تغدوا وتوكلوا لبغداد الجماعه

طارق .... اني طبعا ضليت صافن عليها وسرحان بيها وهيه متمكنه تحجي وتناقش ابويه هيه وعمها

طبعا محاميه ليش لا ومن رادوا يطلعون حسيت روحي تريد تنسلب مني ضجت وتكئبت وتمنيت ما تروح

بس اول ما طلعو وركبوا سيارتهم ابوي ضربني بعوجيته وصيح علي

ناظم ..ها ولك اكص ايدي اذا مو من تدبيرك هذا

طارق ..يا ابوي يحرم اذا اعرف شلون اعرف واني بغرفتي ما طالع منها

ناظم ...لعد تكولي صدفه جتك محبوبتك ليم رجلك

طارق ....اي صدفه وشنو يعني

سناء ..اول ما وصلنا التقاطع الازم نلاكيهم بي شفت شله دا يمشون اربع زلم ومرتبين دشاديش وعكل وكذا ..باوعت ع عمو جميل كتله ذولي

عمو جميل ..اي همه هذول لان نطونا خبر كالوا اربعه راح يستقبلوكم يله نزلي عمو

سناء ..اوك يلا ..نزل هوه واني شويه رتبت شعري وجاكيتي ونزلت ورا وكفنه واتقربوا الرجال صوبنه

هنا جانت الطامه الكبرى شفت نفس الولد من الجامعه جان يمشي كدام الكل بثقه ورزانه وثكل لا يربي هذا شجابه بس لا هوه منهم بعد نلاصت اذا طلع منهم حتى اذا اكو امل صغير راح ..

وصل وسئل عمو جميل

طارق ..انته استاذ جميل

جميل ..نعم

سناء ..بقت عيني تسترق النظر اله كلت خلص نلاصت بس شيقربلهم لهل جماعه هذا الرجال

هسه نعرف سلم عليه واني بكلبي كومة غيض وكره اله اووووف ياربي اخر شي اطلع اني بحاجته خرب بالحظ ع هل دكة ..

اخوانه وصلوا وسلموا علينه واخذونه لبيتهم او خلي اوصفه قصرهم والله يجنن جان

بكلبي اكول اي يابه ليش ميكون عدهم هل قصر وهمه اخذو اغلا صفقه فتنا ع البيت واخذونا لصاله كبيره

وجان رجال جبير بالعمر بيها رحب بينا وسلمنا علي وحجينا ويا بالموضوع وكال افكر افتهمت منه انو هذول ولده ..

اي يابا سناء ماعلكتي الا ويه هذا ضيفونا الجماعه وطلعنا لبغداد والطريق كله اتأفأف

طارق ....بعدها بشهر ابوية دز خبر للجماعه موافق يشاركهم لان اني لحيت علي واريدها واحبها وكومه عركات صارت بين وافق بين لا بأي لحظه يغير رايه ..

وامي ماوافقت طبعا على المشاركه وتكول ابوها وزير تصيرلنا مشاكل صارت وتفقوا بشروط ابوي (جدو ناظم يعني ) ..

وصارت الشراكه واني فرحت وضليت اتحجج امسك الشغل حتى اشوفها

كملت كليتي تخرجت جانت احلى سنه بحياتي كل ما اش

تاق اتحجج واروحلها وبيوم طلبت ايدها كالت افكر حسيت تغيرت نظرتها الي ..

((وتين ..امي صح وافقت ع ابوية بس الحقيقه جان عدها غير مخطط))

طارق ..ضليت الح على ابويه يزوجني مايقبل وتعاركت ويا عركه جبيره وطردني من البيت

وكال احرمك من الميراث وكذا
اني مهتميت اله اخذها اخذها ..

رحت طلبتها من ابوها واني عندي كم سند باسمي عندي بيت وقطعتين ارض وشقه وحصه بمعمل الطابوق ورحت بمحل ابويه ماجنت اعرف انو راح يتبرى مني ..

طلبتها وابوها وافق متوقعت يوافق الصراحه بس حجيتله انو ابوي مموافق بس راح اسعدها

واذا تريد اكعد ابغداد حتى قريبه عليكم اني عندي شقه ابغداد والبيت اجرته واخذ ايجاره ..

.......

سناء ..طبعا بعد ما رجعت لبغداد وعرفت انو هذا الولد ابنه شغلت مخي شويه وكلت لازم استفيد لازم ارجع الراح مني مايكفي بسببه تركت جامعتي وانقلت وهسه بيتي خسرته ..

مرت الايام هوه تخرج واني هم تخرجت جنا نفس العمر واني اشتغلت بمكتب عمو جميل وهوه يجي كثير بحجه الشغل

عرفته او اصلا اني جنت اعرف انو هوه معجب فستغليت هالاعجاب لصالحي

ومن فاتحني بالخطوبه اني قنعت اهلي مو حبا بي لا بس حتى اكدر اخذ السندات العنده ...

طارق ..وافق ابوها وكال اهم شي الستر والعافيه فرحت كثير لا شنو فرحت طرت اصلا

واجت هيه قدمت النا العصير اووووف اباوع عليها وممصدك والله وراح تصير ام جهالي

بس هيه ابد مرفعت راسها وضليت كاعد شويه ويه ابوها وامها نتفاهم على امور الزواج والتجهيزات شيخ محكمه وكذا ..

ترخصت من الجماعه وكتلهم يلا اودعناكم اني اروح اجهز كلشي اتفقنا علي ..

ابوها كلي في امان الله طلعت من بيتهم واني امشي بطيئ اخاف استعجل معرف ليش وكلساع اندار ليورى بلكت اشوفها بس مالمحتها ..

طلعت اخذت تكسي ورحت للشقه مالتي اووووووف يرادلها شغل كثير من التنظيف

وانته طالع منوو هذا الراح يساعدني واني ابوية وامي وخواتي واخواني متبرين مني ..

كمت رحت على صديقي حسين بلدوره دكيت الباب علي وطلع رحب بيه الرجال

حسين ..هلااااا شلونك هاي وين هالغيبه تعال تعال اتفضل

طارق ..فوتني خطيه كعدت شربت جاي وحجيتله القصه كلها تعجب الرجال

حسين ..على كيفك روميو مسويها ملحمه انته تبرو منك اهلك ماهتميت هالكد

هسه مهموم علمود شقه وترتيبات عرس اني وامي وخواتي نرتبها الك مو تدلل بس تعال طروق انته واعي على نفسك مضحي باهلك علمودها

طارق ...اي اي واعي

حسين ....يحرم اذا انته واعي جنيت ابوك تبرى منك يارجال

طارق .... اعرف عيني يوم يومين يرضى ويرجع ابويا خو مايضل العمر كله زعلان ..

عوفك منهم هسه شوكت نبدي ترى الشقه زبل الله وكيلك ما اجذب عليك اذا اكلك شهر كامل تحتاج تنظيف ..

بهل اثناء فاتت ام حسين توكل بالله ابني احنا شنو شغلنا بيوم اخليلك الغرفه تلمع بس ابني انته اهلك وين وليش مايحضرون عرسك رد عليها حسين

حسين ..يوم هذا يتيم ماعندو احد نكسب اجر بي اذا ساعدنا

طارق ...باوعت علي وكلت بكلبي اني يتيم ايا ابن الكلب

ام حسين ....لاصدك يمه الله يرحمهم ويجعل مثواهم الجنه يله ابني لاتزعل اصيرلك مثل امك

طارق .....تسلمين خاله متقصرين والله ترخصت منهم حتى اطلع سلمت عليها ودعتها وبوست راسها

وهيه ارمله المره خطيه وطلعت وصلني حسين للباب وشبعته رزايل ومسبات اني ولك كلب حقير ابوك ماتحل علي المسبه خوش رجال بس ليش تيتمني

حسين ....شسويلك امي متدينه واذا اكللها اهل الافندي تبروا منه والله تتبرى مني بس لاني صديقك

طارق ....ضحكت بصوت عالي وكتله يلا لاتنسه تعالي باجر نطلع ندور غرفه

حسين ...اي يابا ناس تعرس ناس تبتلي

طارق ...اودعناكم ركبت بتكسي ورحت اجرت بفندق لان الشقه ماينام بيها من التراب واني اتكلب يمين ويسار وافكر والله وصارت الي اوووووف شوكت تصيرين بحضني

غفيت على هاي الافكار وكعدت الصبح شفت الساعه 10خرررررب تاخرت على حسين

وجان اكمز من فراشي ع السريع سبحت ولبست بنطرون وقميص وجان موديل البناطير بهذاك الوقت كلوش من جوا

واطلع من الفندق ركض اجرت تكسي وبوجهي لبيت حسين دكيت الباب وجان يطلع ⁦مرحبا

حسين ضايج منه ويحجي بطارف خشمه ...منو انته

طارق بضحكة ....ولك والله اخذتني النومه

حسين بغضب ...والزواج

طارق ...ههههههه نلحك نلحك شبيك دفكها عاد

حسين ...منو جان يبجي البارحه ويكول الشقه يرادلهة سنه تنظيف

طارق ...موكلنا راحت علينا النومه شبيك نبقى ع الباب يعني

حسين ...لاااااا و تريد تفوت مانلحك يلا امشي كدامي يلااااااا

طارق ....وانته شكو مستعجل قابل زواجك لو زواجي

حسين ...انجب واسكت بله يلاااا امشي كدامي

طارق ...افترينا النجارين ومحلات الاثاث وبزعت حسين يلا اختاريت غرفه

جانت حيل حلوه وفخمه وكلها مرايات فد شي جان موديل بهذاك الوقت

اشتريتها وكتله باجر اجي اخذها لان الشقه بعد مانظفناها واعتمدنا علي لان نعرفه ثقه والرجال ابو صديقنا

رجعنا اني وحسين لبيت حسين وصاح امه واخته جانو مبدلات وكاللهم يلا يمه كم

لتو
سالته شكو رايحين لمكان

حسين ...اي تريد تجي

طارق ...خاف زحمه

حسين ...لارحمه رايحين لبيتك انظف جيفتك

طارق طكها بضحكه وكال ...اي والله وعشتو يوم افرح بعرسك

حسين .... عوزك ماتفرح يلا مشينا

طارق ..وصلنا للشقه فاتت ام حسين وبنتها الله يرضى عنهم ونظفوها جلوها جلي وطلعت تلمع

تشكرتهم وعزمتهم ع العشا لان تاخروا بيها كثير من العصر يشتغلون بيها وتعشوا ورجعتهم لبيتهم ..

واخذتلهم كيلو بقلاوه وجرزات هديه تعبهم وتشكرتني خطيه ام حسين كثير عبالك ناطيها ذهب

واني ودعتهم ورجعت للفندق دنام وثاني يوم الصبح كعدت سبحت وترتبت وطلعت للنجار اجيب الغرفه وشحنها الي وياي عاملين حتى يشدوها

والله وكملوها طلعت تجنن ماجبت حسين ويايه لان تعبته كثير الولد

كملت الغرفه احجي بين نفسي تحتاج فرش هسه لا قبل الفرش احتاج شيخ لازم نعقد عقد محمدي ((او يسمو عقد مله ))

خابرت على عمي الي هو ابو زوجتي المستقبليه جانت كلها بدالات الهواتف

وكتله يناسبكم اليوم نعقد محمدي كال استشيرهم واردلك خبر كتله اخابرك بعد 5دقايق لان اني بفندق حتى اني اخابره من هاتف الفندق ..

والله مرت ال 5 دقايق خابرته كال موافقين ابني تعالي اليوم بالليل نعقد

يممه فرفحت كتله صار عمي رحت اطك اصبعتين كبل بدلت وطلعت للحلاق ترتيب شعر ولحيه ورجعت من الحلاق بدلت

ولازم اجيب الشيخ بس جت ابالي شلون اروح وحدي واهلي مقاطعيني هسه اروح بطرك نفسي والله فشله ركض على حسين ماعندي غيره حجيتله وافق

حسين ....ندك الباب المغرب اني فتحته هذه طارق كتله منو انته و خير ياطير شرايد اني ويا ميانه حيل ..

طارق ..ماعندي احد يجي ويايه ع عقد المله وكلت اجي اخذك تعيش الاجواء بما انو محد راح يكلبك

حسين ..ضحكت علي من كل كلبي هل رجال ولايكدر يطلب مني شي باسلوب حلو نعلا على ابو الحظ العرفني علي

بس فرحان جا عليه وطلب هالشي مني كتله انجب واكف هنا هسه اشرب جاي واجي ولاتطلب افوتك ما افوتك لو تموت ..

عفته وهوه مصدوم ويصيح نذل واطي طول عمرك عباله من صدك دا احجي ويا هيج

فتت ع السريع كلت لامي وخواتي بدلو وبدلت اني طولنا نص ساعه وهالمكرود واكف ينتظر برا صيحت عليهم يلااااا استعجلو

امي ..يمه انته غير تفوته عيب مخلي ينتظر برا خطية

حسين ..يمعوده جلب ماعلي شي مكانه هناك دا اشاقه وياها شو هاي عاطت بيه ودك رزايل

كملنا وطلعنا لكينا بعده واكف كتله يلا كملت الجاي خو ماتريد

طارق ...باوعت علي هذا الخبل شبلاني بي والله كلبي مفور علي بي دكه الا اكسره

كتله سم عليك هالجاي نص ساعه موكفني برى ياعديم الذوق والضيافه

حسين ...موجنا نبدل لعرسك افندينا يلا خل نمشي

ام حسين ...مبروك يمه ابني ساعه مباركه عليك والله فرحتلك عبالك حسين الي رايحه اعقدله

طارق ....شكرا خاله ام حسين ان شاء الله تفرحين بحسين وخوات حسين يارب والاهم تخلصين من هالبلوه

الكل هههههههههه

طارق ..اجرت تكسي واخذتهم ورحت جبت الشيخ و لبيت ابو سناء فتنا رحبت بينا ام سناء وابوها فوتونا للصاله وحجينا كلام عادي ...

جت سناء قدمت العصير وبدى الشيخ يعقد
ماجانت من ورى الباب وهاي الامور جانو عائله فري
سالها الشيخ هل تقبلين ب طارق ناظم حسن زوجا لكي ومن هالحجي ...

باوعت الها ماجان اكو نظرات سعاده بوجها وبنفس الوقت ماكو حزن

البنت جامده جاوبته بنعم كامت تهلهل ام حسين ورجع سالني ما صدكت شوكت يخلص كتله نعم

الشيخ ...على بركه الله الف مبروووك

‏سناء ..دك التلفون بابا رد علي حجا شوي بالتلفون و اسمعه يكول هسه ارد لك خبر بس اسال اهلي ..

شو سد التلفون وكال تعالي بنتي اكعدي يمي والله اني رحت وكعدت يمه كتله خير بابا اشصاير

بابا ..خير خير كل الخير ما صاير شي بس هذا طارق يريد يعقد اليوم عقد مله

سناء ..هاااا شبسرعه

بابا ..بنتي الرجال يريد يجي اليوم شكوله

سناء ..اي بابا اي كوله خلي يجي عادي بهاي الاثناء فاتت ماما

ماما ..هاي شكو شصاير

بابا ..ما صاير شي اليوم راح يجي الشيخ ويعقد على سناء وطارق

امي كامت تلطم يا بوووووو متوقعت بهالسرعه شعنده هذا ماصدك نطينا

بابا ..يكفي لازم تتجهزون مو وكت هالحجي

سناء .. طبعا بابا وماما وافقوا كالوا بسنه وحده ترجعين اموالنا ونطلكج منه مانبقيج ع ذمته ومشينا شغله الخطوبه ..

كملت رتبت شوي شكلي خليت مكياج شوي بسيط ولبست كوستم حلو لونه وردي ورفعت شعري كبابا فوق ونزلت خصلتين زلف من يم اذني ورحت للمطبخ حضرت العصير بس بعد ننتظرهم يوصلون ..

بابا هم غير ملابسه وماما غيرت ملابسها شوي وندك الباب و راح بابا فتحه ..

اني مباشره من ندك الباب رحت للمطبخ ما اريد اشوفه وحسيت بالورطه ..

فكرت بهذيج الساعه انو اتراجع بس بعد انلاصت ماكو مجال انو اتراجع ..

رحت وكفت قريب من الباب واسمعهم يحجون بس اسمع صوت ناس غربه يحجون هذولي منو غير الشيخ وهوه منو جاب ويا مو على اساس متبرين منه اهله ..

ضلوا يحجون احاديث عاديه واني فتت قدمت الشربت وكعد الشيخ ي

عقد

جنت قطعه ثلج من البرود مابينت اله نقطه مشاعر تجاها ولاباوعت بوجها

سألني الشيخ عن قبولي بي وجاوبته بنعم اقبل ورجع ساله وجاوبه بنعم اقبل وتم العقد الي كلها ع بعضها خطه مني
......

طارق ..فرحت من عقدت عليها رسمي بودي اضل كاعد واصفن بهالوجه

بس عيب تاخر الوكت لازم اوصل ام حسين لبيتها ترخصت منهم

يابا احنا راح نمشي مع السلامه وهمه ردو الله وياك هيه ولاباوعت الي ولا حجت ولاشاركت بالاحاديث الصارت ..

عذرتها وكلت يجوز تستحي البنت بعد ما تعودت عليه وطلعنا اجرت تكسي

وصلت حسين واهله تعاركنه يريد هوه يدفع فلوس التكسي واعرف حالتهم مو كلش يعني حالتي احسن منهم وماكدرت اخلي يدفع ..

بالاخير اني الي جايبه وياي ومتعبه وصلت بيتهم ودعتهم ورجعت للفندق

فتت ميت تعب بس فرحان تمددت حتى ماسبحت ما اكدر احرك جسمي

وكعدت افكر بيها سلبته لعقلي بنت الناس خرررررب اريدها يمي هسه ضلت هالافكار تدور الا ان نمت
......

سناء ...كعدت الصبح على اصوات تهز وترج بالبيت نزلت عبالي ماما وبابا دايتعاركون

ولني شفت بنات الخالات والعمات مجتمعات ودا يخططون للحنه والزواج والسبعه واللبس والشعر كلت هاي شكو شعدجن من الصبح هنا جاوبوني

بنت خالتي ..غير عرس ودنحضرلج البيت

سناء ..ورجعوا كل وحده كابلت الخ ويخططون فتت للمطبخ شربت جاي مالي نفس اتريك وماما جت فاتت

امي ..ها صباح الخير بنتي

سناء ..هلا يمه صباح النور اكلج ماما هاي منو كاللهم على عرسي وليش من الصبح جايات

ام سناء .....يمه ياصبح تحجين ساعه 11 الدنيا ظهر وابوج هوه خابر اخوانه واخواته

وكاللهم واصر اخبر خالاتج وخوالج كال ميصير عيب شنو نسويها ع السكيتي واني وزير شطولني شعرضني عرسها ماراح يصير مثله بالبلد وتشوفين

سناء ضحكت ضحكه استهزاء وكتلها ....اممممممم كلتي عرسي ليش على اساس متعرفون سبب زواجي

ام سناء ...حتى لو حتى محد يحجي عليج بنتنا وحيدتنا شلون ما نسويلج زواج محترم حتى لو كان اتفاق هالزواج

سناء ....اي اي لعد شلون كمت طلعت لغرفتي صيحوني كثير مارديت سبحت بدلت حتى اطلع لمكتب عمو

هملت الشغل كثير جان انزل ولزموني خالاتي ها وين امشي ويانا همزين بدلتي تعالي نشتري جهازج ردت احجي وماما كالت

ام سناء ..اي اي بنتي اصلا تاخرتي ع الجماعه مو من شوكت كتلج بدلي ليش هالكد تاخرتي

سناء ..من حجت امي هيج سكتت مكدرت اخجلها كدام خواتها كتلها مو جنت دا اتحضر يلا خلي نطلع ..

اووووف هم راح مني يوم بسبب هالعرس الاكشر .. الشغل راح يتكتل فوك راسي رحنا للسوك همه يختارون بالقطع واني اكوللهم اي حلو مابينت نفسي ضايجه ..

لان خالتي الي اخذتني للسوك داهيه تحس بسرعه اذا اكو شي مو طبيعي تصرفت كدامها كعروس طبيعيه ..

اشترت كثير شغلات من ملابس لمكياجات عطور سيتات نوم كله جهزته

واشترت جنطه ورادت نكمل ونروح لمحلات بدلات الاعراس والحنه بس تعذرتها كتلها اني تعبت غير يوم نطلع ..

رجعت مكسره ع البيت ما اكدر اتحرك اذا خالتي ماخلت محل مافاتته كلها فرته

عفيه شلون الها خلك كملت جهازي بقى الذهب والبدلات طلعت لغرفتي وعفت الجهاز يشوفوا البنات وماما ..

تمددت اريد اريح رجلي تكسرت سمعت بابا يصيحلي بنتي سناء رديت ها بابا

بابا ..خلي بحسابج باجر تطلعين ويا تشترون الذهب

سناء ..هلا هلا يعني شلون ما ارتاح

بابا ..ها بنتي شتفقنه

سناء ..اي بابا صار
خليت راسي حتى بلا عشا وبلا غدا بس الجاي الشربته الضحى هستوني غفيت ماما دكت الباب وفاتت جايبتلي اكل بصينيه تهدد بيه اذا ماتاكلي كله تعرفين شيصير بيج ..

كعدت والله جوعانه بس نعسانه اكلت الاكل كله لان جوعانه كلش ونمت كعدت الصبح ب 9 نفس الهوسه والبيت مكلوب تعزيل وتنظيف وزينه

عفتهم يدكون بسامير بيه وفتت ع المطبخ جوعانه يربي الاكل الاكلته البارحه وين راح ...

طلعت جبن ومربى واكلت وراها شربت جاي فات بابا

بابا ..بنتي العصر يجي طارق تحضري وروحي ويا اشتروا الذهب

سناء ..هزيت راسي ب اي ساعدت ماما والبنات بشغل البيت و بابا جاب اكل من برى لان محد طبخ

تغدينا كمت تمددت شوي فاتوا عليه الفيلق السابع هاي شراح تلبسين ويلا كومي تحضري متلحكين

هاي تسوي بشعري وهاي مكياجي وهاي تدور بفساتيني جهزوني كتلهم ترى هوى نشتري ذهب مو زواجي اليوم

بنت خالتي ..لعد تروحيله مثل العجوز غير يشوفج حلوه

سناء ..بهل اثناء بابا صيحني يلا بنتي تعالي
........

طارق ....كعدت الصبح جان كلبي مفرفح كمت سبحت و بدلت نزلت تريكت وطلعت كملت نقوصات الغرفه

بس اخذت حسين وامه ويايه رحت شتريت دوشك للتخت

وغطايات وبطانيات وفرشات ومناشف ولوازم حمام ومطبخ وتخم جديد للهول وثلاجه ومجمده كملت الشقه كلها وصبغها جديد ما صبغتها ..

وجبت بردات للشبابيك رحت اخذتهم للشقه حتى نرتب الاغراض وكعدت ام حسين ترتب الغرفه

وانا وحسين شغلنا الثلاجه والمجمده وعلكنا البردات وام حسين رتبت المطبخ وصارت الشقه اتخبل وجاهزه ..

عاد خابرت عمي وكتله علمود نشتري الذ

هب ورحت ثاني يوم دكيت الباب طلعلي عمي وكال تفضل

فتت كعدت وانتظرتها جان تنزل اوف ربي تجنن شهل جمال العدها طالعه لعابه هيه وجسمها المليان عيوني احسها ما جاي تشبع منها

سناء ..شلونك طارق

طارق ..سلمت عليه حسيت روحي طارت يمها وتربعت بحضنها كعدت كبالي ضجت ليش ماكعدت يمي هاي شبيها ونوب ماباوعتلي عصبت حيل متكشخ لخاطرها ع القليل تشوفني ..

جت امها سلمت عليها وسئلتها ها عمه ماتجين ويانه ..

ام سناء ..لا تعبانه شويه فما اكدر اجي انتو اخذو راحتكم

طارق ..فرحت بكلبي بس سألتها لان تقاليدنا هيج تحكم وكتلهم يلا احنا نطلع لعد

كمت وسلمت وطلعت وهيه ورايه ماحجت مشينا شويه بالشارع كلت حتى احجي وياها سألتها ها سناء شلونج

سناء ..بخير الحمدلله وانته

طارق ...بخير اذا انتي بخير ها كوليلي شكو ابالج انجيبه زين لاتستحين

سناء ....اي ان شاءالله

طارق ....اي احجيلي شو احسج ضايجه من يوم العقد

سناء ...لا مو ضايجه بالعكس

طارق ...لعد ليش متحجين

سناء ..اممم خجلانه بس
مامتعوده نكون قريبين هالكد

طارق ...اها لاتخجلين حبيبي وعمري انتي بعد صرتي حلالي ومريتي والله اعيشج احلى عيشه كم سناوي عندي اني

سناء ...احم شكرا

طارق ...ولج هاي شنو الشكرا مالتج شوفي ولج رسميات ماريد اسمع بعد تعاملي ويايه على انو صديقج لبين ماتتعودين عليه ماريد تخلين بينه حواجز اريد البينه يصير ميانه فووول

سناء ..هههه اي ماشي تدلل

طارق ..اممم فرحت شويه حسيتها صدك خجلانه فدوه شلون خدود عدها تجنن يربي شوكت احضى بيها وانيمها بحضني

واني جاي امشي لزمت ايدها هيه جفلت البنت ضحكت عليها قربت من يم اذنها وهمست شكوووو

هيه باوعتلي وجها صار قريب مني لان اني جنت منحني الها جانت واثقه بس ارتبكت من قربي منها

كالت اااااكلشي ونفضت ايدها من ايدي عديتها الها وكلت ميخالف بشارعهم وعيب خلي اوصل السوك واني اتصرف

وكفت تكسي وركبنا بي ركبت وياها لورى ولزمت ايدها هيه ضلت تحوص تريد تفلتها ماكدرت وصلنا لسوك الذهب ..
نزلت وهيه نزلت واني لازم ايدها

سناء ..حسيته طابك ع ركبتي مو لازم ايدي اختنكت هففففف كتله فلتني ترى اكدر امشي وحدي مو صغيره

طارق ..ضحكت على ملامح وجها كتلها اعرف حبيبي اعرف اني منو كلج لازمها حتى لاتضيعين اني لازمها لان عاجبني الوضع ومرتاح هيج

سناء ...بس اني مو مرتاحه

طارق ...اني مرتاح سحبتها ومشينا افترينا المحلات كلها محل محل وكل ما افوت اجربلها حلقه ومحبس اتلمس ايدها واصابعها بخباثه او البسها الكلاده والمس ركبتها طفرتها هيه ما محجبه طبعا جننتها خطيه مارتاحت بالطلعه

اشتريت الها كلاده فراشه او يعسوب بالاحرا طلع وكلاده ورده ناعمات كثيير الكلادتين اني احب الشي الناعم وحلقه ساده ومحبسين واحد ورده و واحد قلب تقريبا شكله ...

وتراجي ثنين وست سوارات رفيعه نازكه وكالت اذا كملنا خلي نرجع سالتها عجبوج

سناء ..اي شكرا

طارق ..اني تعصبت شو ليش رسميه ويايا وتشكر بس مابينت نفسي

سناء ..هسه نروح للبيت

طارق ..اي اخذتها لكافي وشربتها شي عصير هم بالكوه يلا نزلت ويايه وبعدها اخذتها للشقه مالتنه كلت اخوفها شوي لان نرفزتني اول ما انتبهت ع الطريق تغير خافت

سناء ..انتبهت غير مسار الطريق اني هنا اعظامي كامت اتطكطك هذا شيريد يسوي لا يالله اتخبلت انداريت عليه وكتله بنبره حادة هذا مو طريق بيتنا وين موديني

طارق ..رصيت على ايدها بمعنى سكتي وصلت ونزلتها ماقبلت تفوت

كتلها ع الاقل فوتي فره سريعه شوفي اذا ناقصها شي حتى اجيبه ماقبلت راسها يابس وماتنصاع بسهوله

اني بعد ما اسيطر على نفسي جريتها بالقوه وهيه متكدر تصيح تنفضح بس تحجي وراصه على سنونها

سناء ..طارق شبيك يكفي عوفني وخر ايدك اااخ دتوجعني صدك جذب شنو السالفه

طارق ..اششششش نصي صوتج ...فوتتها غصب وقفلت الباب وشلت المفتاح جنت مشتاق احضنها بكد رحمة الله اتقربت عليها ......

وللحكاية بقية ...

كُل الذي أعرفهُ الآن أنّك الجميّع في شخص واحد ، وأنّك تحمُل بِداخلك ما يكفيني عنهم جميعاً 💛".!

#يتبع ....

حبايب ان شاء الله كل يوم انزل بارتين
لان هاي القصة احداثها كومة..فاذا انزل اكثر تنلاص😂

فان شاء الله مااقصر وياكم..تابعوها واتشوقو😻❤️

#ملوكه

حبي القرفة (دارسين) تنزل دورة
يعني☺️ تجيبين حليب او ماي دافي وتضيفله فد نص خاشوكه قرفه ..فد جم يوم استمري عليه لمن تنزل

وعل ازالة الشعر لمنطقة الحساسة....احسن طرق الليزر ..و الشيرة او الشمع..صح بالاستمرار يسوي ترهل..
بس عل الاقل يفيد يعني شعرايه يشيلها من جذرها..
فلمن تشوفين سمك شعراية صارت اخف..فبهج حالة بعد تكدرين حته بالمكينه براون تزيلها😇


#ملوكه

عمري اللي سالو عل المرطبات احسن مرطبات للبشرة الدهنية نتروجينا ..
واذا للبشرة الحساسة لاروش بوزيه او مرطب افين

وللمسكارات .اشكال اكو🙃
من اسنيس وميبلين ولوريال؛ وفلومار ؛وفاكتور فالس ؛ nyx,

فالفرق يصير بالفرشة مالتها..كل مسكارة شكل اكو تكثف الرموش واكو تطول الرموش واكو تقوسه
فانتي من تريدين تاخذين مسكارة كون تشوفين فرشته اشون واخذي اللي يعجبج🥰✨

#ملوكه

وهاي عيوني👇🏻🙃 كليشة لتنظيم الوقت

#ملوكه

نجي للموضوع الي طلبتو مني هواي ..😊

✨✨تنظيم الوقت اثناء الدوام✨✨
اكو طريقة حلوة ومجربة لتنظيم الوقت
واكيد اذا تستمرون عليه تاخذون نتيجة حلوة
بس قبل لانبدي لازم تعرفون اي شي اول ماتبدين بي يكون صعب وممل ومزعج احيانا ..بس اذا استمريتي عليه 21 يوم راح يتحول بحياتج على روتين يومي ..
فلازم تستمرين هالفترة لحد ماتتعودين ..

▪اهم خطوة لازم تسويلج دفتر نوت (ملاحظات)
وتسوين بيها جدول يومي
وطبعا هالجدول تجهزيه بالليل لليوم الثاني ..

فتكتبين بليل بالدفتر كل الاشياء المهمه الي تريدين تطبيقها باجر ...
مثلا :

- من ارجع من الدوام اسبح
- اسوي عناية واقره قصة ساعة
- ادرس فد ساعة
- العب رياضة ساعة
-اساعد امي ساعتين
-اقره استغفار او قران ساعة
-وحتى الجهاز من تريدين تصفحين بالبرامج من فيس وانستا .الخ.. هم خليله وقت

بهاي الطريقة اكتبي اي شي مهم ولازم تسوي وكلما تخلصين فد واحد بيهم خلي يمه صح🌚 وبنهاية اليوم قيمي نفسج

وحتى اللي ماعدها دوام...نظمي وقتج بهاي الطريقة ف رح تشوفون فرق اهواي🥰✨


#اعادة_توجيـهہ_لصديقتج
#ملوكه
@stylegrils

من اكثر الشغلات اللي راح تتعلميها كل ما تكبرين ومن تزيد خبرتج بالحياة هي🙂 ...✨
" المبالغة "
لاتبالغين بالزعل ، ولاتبالغين بالتقدير ولاتبالغين بالعطاء ، ولاتبالغين بالحب ، ولاتبالغين بالصداقه ، ولاتبالغين اذا تعلقتي بشي ، ولاتبالغين بطرحج لموضوع معين ..☁️
تجي مرات تزعلين وتعصبين بشكل مبالغ بيه على امر يمكن هو صح يزعل بس مو لدرجة المبالغه ..🕯
من تكولين لاحد تحبيه وماتكدرين تتركيه ووجوده مهم بحياتج ..
لاتبالغين بمشاعرج وتنطيه اكبر من حجمه ..
لان هذا الشي راح يسوي خلل بتحليلاتج بعدين ، ويخليج ضايعه💔 وتايهه

انطي لكل شي حجمه الحقيقي زعل ، كره ، فرح ، حب ، عصبيه ، صداقه ..
بس لاتبالغين🦋 ..

#ملوكه
@stylegrils

🌸🌱☁️

‏" بعض العطور تُخفي داخلها حكاية لا تُنسى ..
فلا تستغرب من تنهُد أحدهم بمجرد رشة عطر ☺️! "

🌸🌱☁️

#مساء_الخير