#العقرب'♏ 🧸
ـــــــــــــــــــــــ
أسلوب العقرب في الحديث شيق وعميق وله معنى حين يكون عن مواضيع عامة. لكن العقرب لن يشارك احداً بأسراره لذلك غالبية الاحاديث معه هي طريق بإتجاه واحد، شخص يأتمنه على أسراره مقابل تكتم تام من قبله. وهذا ما يجعل المحادثات مع العقرب غريبة، لانه يعلم الكثير عنا لكننا لا نعلم شيئاً عنه.💛

 @stylegrils

#الثـور'♉🧸
ــــــــــــــــــــــــ
تحبين الانخراط في المحادثات التي لها قيمة فعلية. لكن وبما انك عنيدة جداً فإن مخالفتك الرأي تعني جدالات عقيمة لا نهاية لها لانك تقتنعي إطلاقاً بوجهة نظر غيرك. يستحيل تبديل قناعاتك أو رأيك حول أمر ما مهما كانت الحجج منطقية، لكن وفي حالات نادرة يقرر الثور تفهم وجهة نظر الاخر وقد يبدل رأيه. أسلوبك في الحديث بشكل عام يتضمن بعض التفاخر والتعالي🖤
 @stylegrils

#الجوزاء'♊🧸
الجوزاء لا يتوقف عادة عن الكلام وهو مستعد للإستمرار لوقت طويل من اجل تسلية الاخرين. أسلوبك في الحديث جذاب وممتع لكن وفور شعورك بالملل، وهذا عادة يحصل بشكل مفاجئ تتوقفين عن الحديث وتصمتين.💜
 
@stylegrils

#الميزان'♎🧸
التواصل هو جزء من شخصية الميزان وعليه فإن الحديث معه ممتع لانه من الابراج المتفهمة جداً. مشكلة الميزان هو انه يرى وجهات نظر الجميع ويتفهمها، ما يعني انه في حال تم اللجوء اليه لحل مشكلة فهو لن يحلها، لانه سيتفهم وجهة نظرنا كما سيتفهم وجهة نظر الاخر . أسلوب حديث الميزان عقلاني ومنطقي ومريح.💛
@stylegrils

#السرطان'♋🧸
ــــــــــــــــــــــــ
في الواقع أنت تستمعين أكثر مما تتكلمين. أي برج من الابراج يقع في مشكلة يلجأ اليك وسيجد أذناً صاغية وصبراً طويلاً. عندما تقررين الحديث فأنت غالباً ما تشاركين الاخرين بمشاعرك. لذلك أسلوبك في المحادثات عاطفي بشكل دائم وحتى حين يكون عن امور لا علاقة لها بالعواطف دائماً تجدين طريقة لحشر العواطف فيها💗
 @stylegrils

#العذراء'♍🧸
ــــــــــــــــــــــــ
عندما تستخدم العذراء جملة « سأشرح ما أعنيه» ما عليكم القيام به هو الهروب بأقرب فرصة ممكنة. أنت لا تتنازلين إطلاقاً عن رأيك وفي الوقت عينه تحبين مشاركة ما تفكرين به مع كل شخص مستعد للإستماع. لكن في حال قرر العذراء انتقاد اي برج من الابراج فنصيحتنا هي الإستماع لان هذا البرج لا ينتقد للإنتقاد فقط فهو يدرك تماماً ما يتحدث عنه ولعله قام بدعم إنتقاداته بأدلة منطقية 💚
 @stylegrils

 #الاسد'♌🧸
التوقيت هو كل شيء حين يتعلق الامر بالأسد. عندما ينخرط الاسد في حديث في التوقيت المناسب فهو بارع جداً وغالباً ما يميل نحو النمط الفلسفي . لكن حين لا يكون التوقيت مناسباً فالحديث سيكون ممتعاً لكن ليس مثيراً للإهتمام كما هي عادة الاسد💙
 @stylegrils

#الانتحار

#بارت1


نحن نعيش في دنيا تملؤها القصص والحكايات .. بعضها فرح والكثير منها محزن ..لكل منا قصة يخبئها بين اضلعه ..يرددها بينه وبين خافقيه ..والقليل منا من يستطيع البوح بها ..قصتنا اليوم ..تدور حول عالم مخفي عن الكثير منا ..عالم يملؤه الخبث والسوء ..عالم تباح فيه المحرمات ....قصتنه هذه المره تتكلم عن قساوة الاهل وظلم الاستبداد والتسلط قصة توأمتان واخت ثالثه تولد منبوذه ... يولدن بين أم قاسية القلب وأب ميت القلب انجمعوا في بيت يسوده العنف الاسري تحدث معهم احداث داميه وامور لايستوعبها العقل البشري

ف خَلف كُل باباً قصَة ..
وَ خلفَ كل قصه قلوبا مُختلفَة ..منها من تنبضُ بِالحُب ..بِـالحنينْ ..بالألمْ بالوجع .. بِـالفقدْ ..
ومنها من تنبض بما لا يُحكَى ..وِبين هِذه وتِلك ..تبقى القصة أيام نِعيشها ..

............................

دكتورة رنيم ...كعدت ساعة ٨ الصبح جنت تعبانه كلش من بعد جلسة البارحة رجعت من العيادة من اخر جلسه لمريض نفسي كمت حضرت الحمام رحت للصالة

شغلت ميوزك وخليت الجاي ع النار طبيت سبحت وطلعت وصبيت الجاي بفنجان ووكفت يم الشباك مال شقتي

جان شباك الشقه يطل على احلى منظر بالندن الجو هادء واوراق الاشجار الخريفيه متساقطه ع ارصفة الشارع تحس انك امام لوحة فنية رسمتها الطبيعة الخلابة ..

استنشقت الهوه وغمضت عيني واني اتسنط ع اصوات هديل الحمام وزقزقة العصافير مثل انغام سنفونية لموسيقار عالمي ...الله شكد حلووو .. ربنه شخالق من جمال الطبيعة

اخذت اول رشفة جاي رن الهاتف غلست كلت انطي صامت شلته شفت آمر الفوج يتصل تعجبت هاي شذكره بينا مرت سنين وهوه ولا يتصل ولايكول اسال ..

مارديت كلت خلي احرك اعصابه بعدين فكرت وكلت اذا مانطيته رفض راح يفكر انو ماسمعته فماراح يحترك

شو خل ارفضه رفضته رجع اتصل ورفضته وضل يتصل واني ارفض الا ان كملت الجاي

كمت جبت روايتي وتمددت ع جربايتي وكعدت اقرا اجاني مسج (( رنيم اترجاج ردي مسألة حياة او موت ابوس ايدج ردي ))

استغربت آمر الفوج يتوسل امممممم الله يستر الضاهر الشغله كبيره والله خابرته

نعم حضرة الآمر شلونك وين هالغيبه عاش من سمع صوتك بس بالازمات تذكرني

عثمان ...صاح بنبره رعب هزت كيان رنيم صرخ بصوت عالي ...رنيم اسكتي رحمة لربج شياطيني تطافر من عندي ولج ما اعرف شسوي والله راح تموت من بين ايدي والله احس نفسي لاول مره بحياتي عاجز

تعالي فدوه والله ماضل دكتور لو دكتوره ما وديتها علي والله عجزت ماريدها تموت اريد شويه تتمسك بالحياة

تعالي الله يخليج تكتج وسفرتج وتكاليفها واقامتج كلها عليه بس تعالي واي ضرر مادي اني اعوضج بس تعالي

رنيم بأستغراب ....هوووب هوووووب دقيقه فهمني غير تكولي شكو شصاير والله رعبتني دحجي ياعيني منو هاي الي راح تموت مو خوفتني اهدء اول شي واحجيلي

عثمان ...ماتنحجي ع التلفون تعالي امانة الله تعالي ماريدها تموت اموت وراها وربي

حاولت اخليها تتعلق بالحياة البنت صايره جثه ماتحجي ماعدها اي نشاط ولج والله راح اتخبل الي صار مينحجه لازم اشوفج

رنيم بقلق ورعب من نبرة كلام عثمان كالت ...اوك عثمان باجر اول طياره اني يمك انتظرني بالمطار

عثمان ... ما اتحمل لباجر هسه احجزي اذا اكو طياره الله يخليج اخاف ماتلحكين وتجين تلكيها ميته

رنيم انتفضت من مكانها وخلت الرواية ع الطاوله وهيه تتمشى للغرفة حتى اتحظر جنطتها كلتله ...عثمان اهدء يجرالك الي تريده هسه اخابر صديقتي شانا واشوف اذا اكو طيارات تطلع وارجع اخابرك تمام

((طبعا شانا صديقتي عراقيه مسيحيه ))

عثمان ...اي يلا بسرعه انتظرج باي

رنيم ...الله وياك
طلعت رقم صديقتي وخابرت هلو شانا شلونج

شانا ....هلا رورو والله زمان مشتاقين يابذاته لاحس لاخبر

رنيم ...شانا الوضع مو مال عتاب حبي اقرب طياره للعراق سجلي اسمي بيها واريد حجز عليها

شانا ....اوووف اوكفي شصاير شهالتغير مو على اساس ماترجعين لو يسجلون العراق باسمج

رنيم ...شانا الله يخليج داكولج الامر مستعجل مو وقت الشرح اكو لو لا

شانا ..لحظة اشوفلج

رنيم ...انتظرج لاتسدين بسرعه

شانا ....حاضر
الوو حضرة الكابتن ...امممم ماشي ..الوو رنيم بعدج ع الخط

رنيم ..اي اي كولي

شانا ...شوفي للعراق من لندن ماكو بس اكو من لندن لتركيا ومن تركيا بعد ساعتين من هبوط لندن اكو طياره للعراق تريدين ابهذلج واحجزلج بهاي الرحلة ؟

رنيم ..اي احجزي فورا

شانا ...درجه اولى ثانيه ماكو بس بالثالثه اكو

رنيم ..حتى لو بالامتعه احجزي

شانا ....بس كولي شصاير حتى هيج داكه ع الروحه ترا صرعتيني

رنيم ...بعدين شانا بعدين ..هسه كوليلي ساعه شكد طيارتي لتركيا

شانا ....بعد ٣ساعات

رنيم ...يادوب الحك الم ملابسي واوصل المطار الازدحمات راح تجلطني عن قريب باي

فتحت الكنتور ع السريع طلعت جنطتي اخذت جنطه صغيره كلت حتى لا اتبهذل بالشيل والحط وا

لتفتيش ومن اوصل اذا اكو نقص اشتري مناك

بدلت واخذت جنطتي قفلت الشقه واخذت مفتاحها لان الشقه باسمي ونزلت ركبت سيارتي وطلعت بوجهي للمطار طبكت السيارة بالكراج مال المطار وركض ركض كملت التفتيش وصلت للتكت

شانا محضره كلشي ودعتها وطلعت بالطياره اول مره احجز بالدرجه الثالثه انا اله درجه اولى او اذا ماكو درجه ثانيه

بس مو وقت هالحجي اريد اعرف عثمان شبي ومنو هالبنت الي جننته شكو

لكيت مقعدي كعدت ربطت الحزام وكل هالافكار تدور براسي عثمان مو من عادته يتوسل وصوته من حجا ويايه يرجف وخايف شبي يربي عفته ذاك السبع القاسي شغيره ..

ومنو الي راح تموت وليش شبيها حتى واصله لهل مرحلة من اليأس وشنو تقربله لعثمان حتى هيج مستقتل عليها ...

زين اعرف العراق بي دكاتره نفسيين زينين ليش الا اني

اكو شي صاير وخطير جدا ولازم اعرفه شنو

بقت هل افكار تتلاطم براسي ...اووووف شوكت اوصل اريد اعرف السالفه شنو والله مكدرت انام طولت الرحله خمس ساعات واني كلبي محترك ومتوتره شنو راح يصير معرف

وصلت لتركيا بعد خمس ساعات طيران وصلت المطار لكيت شخص اسمه بوراك ينتظرني رافع لافته باسمي سلمت علي بالانكلش طبعا مايعرف عربي واني ما اعرف تركي

بوراك ..اهلا دكتورة شانا حجزت تكت الج وتفضلي ويايا ادليج ع طيارتج ..

رنيم ..والله مشيت ورا الى ان وصلت بوابه الي راح تقلع منها طيارتي

بوراك ..بعد ساعتين راح تطير انتبهي ع النداء

رنيم ..تشكرت منه كثير تعبتك ويايا

بوراك ..لا دكتوره ادللي اني بالخدمه

رنيم ..خادم ربك استاذ بوراك شكد فرحت عندي هيج صديقه تسهل اموري اذا وصلت للعراق اخذلها هديه مرتبه البنت تعبت ويايا

والله بعد ساعتين صار موعد الطياره وذاعو على المسافرين الرحله رقم( ....)يتوجهون الى .....وطلعت بالطياره ..

طولت الرحله ساعتين تعبت متت اريد انام بس موضوع عثمان شاغل كل فكري ..

وصلت لمطار بغداد كملت اجراءات التفتيش وكل هاي الامور ..

طلعت ادور على عثمان خابرته كالي اني بالمكان الفلاني خارج المطار اطلعي سياره همر لونها اسود واضحه رقمها كذا ......

طلعت شفت السياره رفعت ايدي اشرتله هوه طلع وجا ركض لابس بدلته العسكريه وجسمه المعضل وطوله الهيبه وشكله تعبان مامعتني بنفسه ...

هاي شكو شصاااير هذا الكيكه شصاير بي شكله كلش تعبان نزل جا اخذ جنطتي وسلم عليه هلوو رنيم شلونج

بخير عثمان شصاير بحالك احجي كول

عثمان ...امشي نصعد بالسيارة حتى احجيلج كوولشي .)))

(هذا كان مشهد راح اتشوفوا بمرور احداث القصة )

هسه خلونه نرجع بالزمن سنة السبعينات والثمانينات تحديدا

وتين ... مرحباً اكتُب هذا الكلام وانا أتألم وقلبي يتألم وروحي تحترق بالكاد استطيع التنفس لا اعلم الى أي مدى يمكنني التحمل لكنني أدرك أني أغرق في تعب لا نجاة منه تعب يرهقني جداً يأست من ارتجاء الشفاء لا استطيع العبور فقط استطيع الحزن وأضاعت الايام لقد نفذت دموع عيني فــ بدأت الاوجاع تتأكلني شيئاً فشيئ اصبحت بائسه ووحيده لا اعلم ماذا افعل

اول شي اعرفكم عن نفسي اني اسمي وتين مواليد ١٩٩٦ من حديثه بس ساكنه بغداد ف تشوفون لهجتي مايله لبغدادية اكثر

اخواتي التوأم اسمائهن سابين وايلين مواليد ٩٤

هسه خلي ارجع بيكم شويه لورا لزمن جدي واحجيلكم ع بابا وماما وبيت جدي اهل بابا وماما حتى يتضح كلشي كدامكم عن حياتنه الماضية
خلي نبدي باهل بابا اول شي اعرفك ع جدي ابو بابا اسمه ناظم وعنده ٣ اخوه عماد وعناد وجهاد

وعنده اخت وحده تأذت بالولاده وصار ضهرها محدوب بسبب الخلع الي تعرضت اله لان ولدت بالمقلوب

يعني جيبوها اول شي طلعت رجلها بعدين راسها واثناء السحب تاذت ودورها كلش شريف المره الله يرحمها تصير عمة بابا اسمها نواره ..

المهم جدي جان كلش ذكي وحذق والله يستر من عقلو قااااااسي بكل ما للكلمه من معنى

اخوانه عماد حنون حنية الدنيا كلها بي اصغر من جدي ب سنتين وعناد دخيلو ما اله بالدنيا شي ياكل مايحجي واذا تاخذون اكله هم يكوللكم بالعافيه

وجهاد دخيل الله خبل علني مجنون اعصاب قاسي موصاحي الله وكيلكم ..

جدو جان غني كلش والسبب بهذا الغنى عقله الاسرائيلي وجدي من عشيره معروفه كلش بس شلون جمع ثروته هسه احجيلكم

جدي جان يشتغل بالنفط والتجاره والادويه والمصانع مال التعليب وعنده املاك واراضي اااووووووه ماتاكلها النيران جان كل مايدخل بمشروع ويسوي يسجله باسم احد من اخوته او اخته او ولد عمه ..

بس تبقى الاملاك مالته وقبل لايسجله باسمهم يخليهم يبصمون ويوقعون على تنازل عن هاي الاملاك

حتى اذا فكروا يلعبون على جدي ويكولوله هذا مالنا يطلعلم تنازلهم مو اكوللكم مصيبه جدي ..
فجانت كلها تعود اله بالاخير

المهم جمع وجمع وصار غني كلش وبيوم جان يمشي وشاف بيبيتي جانت تمشي ويه امها رايحه لبيت عمتها وبيبيتي مواصفاتها

بيضه قصيره مو كلش طويله وعيونها خضر وشعرها اسود ليل وعيونها كلش كبار والرموش ثخان عبالك مسكرتهم والشفه صغيره ومنفوخه

اهل قبل ميخلون مكيا

ج بس شلون خدود ورديه عدها تجنن اغار منها جثير ههههه ..

شافها جدي تخبل عليها وراح دك بابهم ولان جدي من عشيره معروفه بالانبار مردوا ويعرفونه نطوا الموافقه ...

بيبيتي جانت خايفه لان معروفه القسوه الي موجوده بجدي وهذا الشي مو سر كل العالم تعرفه وهيه مجانت موافقه

بس لان حالت اهلها مو كلش ميسوره زوجوها عسا ولعل تتحسن حالتهم لان جدو عرض على ابوها قطع اراضي يكون مسؤول عنها اذا زوجه بنته مثل الصفقه يعني ..

وافقوا اهل بيبيتي
جدي رجع للبيت طبعا هو خطب لنفسه لان جان يتيم ام واب ودز اخته ونسوان اخوانه وراحو حجو ويه اهل بيبي
الكل جان موافق وبيبي شافتها اخت جدو جانت خايفه وترجف صاحتلها وكالتلها تعالي يمي

بيبي عنود جت كعدت يمها اخت جدي نواره كلتلها ليش خايفه اذا مغصوبه كولي احنا مانريد غصب

بيبي خايفه بنفس الوقت تريد تساعد ابوها كالتلها ...لا مو مغصوبه بس سمعت بي عصبي وقاسي

نواره ..العصبي والقاسي برا بس بالبيت يصير طفل يم مرته انتي فاهمه و واعيه وتعرفين تجيبين رجلج يمج وتخلي طفل تلعبين علي ولا كلشي تسمعي تصدكي ترا حقا الرجال برا البيت شكل وجوا البيت شكل وهذا الي الكل تعرفه يعني هسه ابوج يعامل امج برا وجوا البيت نفس الشي !؟

ردت عليها بيبي ..لا طبعا

نواره ..شفتي مو كل اصابعج سوى بهل اثناء وصل جدي

(انطيكم مواصفاته جدو ضخم معروفين عشيرتنه بضخامه رجالها لان ناس تاخذ من ناس وهلشي توارث عدهم واسمر وعيونه سود وطويل وضخم هول يخوف شعره تمري هيبه تخوف محد يسترجي ينعجب بي لان قاسي والي تنعجب بي يبوووو حكمت على نفسها اعدام )

جدي ناظم ....صار المغرب محد رجع منهم صدك جذب وين صاروا والله دنعل ابوكم لابو الدزكم اني كتلكم روحوا فاتحوا نسوانهم ماكلت فلسوهم ع التمن قابل شنو وليش تاخروا مايدرون ميصير يتاخرون هالكد والدنيا غربت ..

شو خل اروح اهججهم برزاله اغسلهم غسل رحت وصلت لبيت الجماعه ابوها واخوانها كاعدين برا شافوني رحبوا بيه ..

وتعال شيخ ناظم واني موشيخ ليش يسموني شيخ ماعرف تفضل اكعد اشرب جاي كعدت شربت جاي كتله حريمنا جو يمكم وتاخروا جيت اشوفهم وارجعهم ..

كال اي تدلل همه جوا هسه اناديلهم صيح طلعت بنته الصغيره كاللها صيحي الجماعه كوليلهم شيخ ناظم جا يرجعكم ..والله الجماعه على كد حالهم لهذا مستحي يعزمني ع العشا واني عاذرهم ..

طلعوا رجعتهم وشفتها البنت قبل لا اطلع جانت اختي ساحبتها تريد تودعها واعرف بيها تريدني اشوفها عبالها غبي مشايفها والله رفعت راسها شافتني شو هاي كبل ختلت ورا امها شنو شافت جني ..

المهم طلعو ودك رزايل بالطريق وماخليت عليهم من المسبه ليش تاخرتم شعدكم تخطبوها لا جاي تزفوها ها ردت مرت عماد اخويه بشقاوه والله ياشيخ البنت خايفه وتكول قاسي وعصبي ماريده انته غير تشوفها الوجه الزين وتاخذها بعدين شوفها وجهك القاسي ..

عكدت حاجبي وكتلها شوفي يامرت اخوي لوما انتي مرت عماد الا ادفنج بكاعج من شوكت تشاقين وياي ها منو كالج اني اقبل وماخذتها ضحكه شطولها بالشارع عييييب صمي حلكج لا اكسر فكج (حجيتها بصياح)

والله سكتتها وسالت اختي نواره ها ينويره صح الكالته مرت اخوج

نواره ...لا ناظم مو لهل درجه (طبعا نواره متكوله شيخ)
البنت سامعه انك قاسي وعصبي واني كتلها الرجال برا البيت شكل وداخل البيت شكل هيه اطمنت وسألتها اذا مجبوره ع الزواج هذا عمر لايوم ولايومين ..

جدي ناظم ...اني فتحت عيوني وقربت وجهي على نواره اي وشكالت مجبوره احجي شبيج

نواره ...اباوع علي هذا شصارله يبوووووو ولهان ومايدري كتله كالت لا مامجبوره وخجلانه البنت

جدي ناظم ...لعد ليش من شافتني جنها شافت جني وختلت ورا امها

نواره ...غير انته ماشفت وجهك يناظم جنت تكول كاتلين اهلك العصبيه تطافر منك لان تاخرنه شويه

طبعا خافت منك اي اني خفت وكلت لنسوان اخوتي كتلنا راح يصير جماعي

جدي ناظم ضحك بقوة وكال .. والله كتلكم جان راح يصير جماعي لو ماجانت موافقه بس بما انو هيه موافقه هاي بيها حلوان

نواره ..رجعنا للبيت وبدينا بالتجهيز اووووووف البيت قصر مو بيت يهلك

وتين ...احجيلكم شوي عن بيت جدي الي بنا بتعبه طابوكه طابوكه

جدي بنا بيت من اربع طوابق يعني فيلا تخوف من كبرها وفصالها ملكي اول طابق جان يستقبل بي العالم والكل تكعد بي وينزل هوه وخوانه ياكلون يجتمعون وقت النوم كلمن يطلع لغرفته موجود باول طابق مطبخ كبييييير

ضخم مأثث من كلشي حديث بوقتهم يعني الاكل بالمطبخ ياكلون واكو ديوان كبييييير اثاثه ملكي يجنن هذا للزلم التجي ...

واكو استقبال للنسوان هم يخبل فد شي واربع غرف نوم اثنين منهم وحده لنواره وحد لجهاد ممزوجين ..

واثنين منهم للخطار اليجون مفروشه جرابي وكنتور وداخل الغرف سويتات حمام وتواليت تكرمون وهول كبير هم بي تخم بسيط بس حلو

والطابق الثاني نفس خريطه الاول عايش بي عماد ومرته بغرفه الي هيه نفس مساحه الديوان الجوا و وابنه الكبير بالغرفه الي نفس الاستقبال الجوا وبنته بغرفه

وخنزر بكلبي لامبين متضرب بنت اني شكلي اول بنت راح تضربها راح فات للحمام غسل وجها وجا انا بعدني واكفه بمكاني تقرب مني اني ارجع لورا زاد سرعته لزم ايدي جرني اله وشالني ع التخت(( رفضت بيبي تحجي التفاصيل لان استحت ههههههه )) وصرت مرته حلاله

وتين ..وهسه نجي نشوف بيبي شنو صار عدها من جدي ناظم

عمار الكبير الي اتزوج زواج تقليدي يعني جدي وجديتي موافقين علي ...زوجته اسمها زبيدة ..وصار عنده حامد وغسق وتوأم عهود و ورود

ماجد الثاني اصغر من عمار بسنتين زواجه تقليدي زوجته اسمها دلال وهم صار عندهم اربع بنات ولدين

وطارق الي هوه بابا طبعا عصا امر جدي وبيبي وتزوج عن حب ولحكه غضب بيبي وجدو ونفوا من العائله واتبروا منه صار عنده ٣ بنات التوائم سابين وايلين وبعد سنتين اجيت اني وتين

بعدين اخر العنقود عمي علي والي تزوج برضا امه وابو وصار عنده احمد الجبير وفرقد وهاجر واسم زوجته هناء

هسه راح اوصف كل شخص ساهم وكان اله دور بالقصه المهمين راح اركز عليهم والسطحيين بس ذكر اسماء يضهر دورهم بالمصيبه الي تصيبنه

عمار الجبير الي مسوي نفسه شيخ ومرته شيخه محد نصبهم طبعا وهاي مرته حيه شعلت المشكله كلها شعل نجيها بعدين
عنده ابنه حامد الي دخل بهاي المشكله

مواصفات حامد سمين وطويل ماعنده اي مضاهر جماليه شعره اسود محلقه مثل الي مسوي مصيبه بالجيش ومعاقبي مواليد ٩٤ نفس عمر التوائم

وغسق البنت المطعوجه بالدلال من مواليد ٩٦ نفس عمري اني ...جانت قصيره سمينه وشعرها ثخين و طويل ولونه تمري غيوره انانيه

عمو ماجد ماشارك بالمشكله الصارت لا هوه ولامرته ولا اولاده سحب نفسه وكال ماعليه

علي ومرته الحيه هم ماقصرت العقل المدبر هيه واولادها الي همه
احمد ..الجبير طويل كلش وضخم شعره اسود هادئ عمره ٣٠ميقبل يزوج الا عن حب وما لكا الحب عنس يعني واخيرا فرفح كلبي وشفت ولد معنس

فرقد ...ااااااخ ومادراك ما فرقد
مواليد ١٩٩٠ ابيض وطويل وضخم كذلك العائله عدها صفه الضخامه برجالها لان ناس تاخذ من ناس وعيونه جوزيه وشعره ثخين كفشه وطويل ورافعه لورا

هاجر مواليد ١٩٩٣ بنت طويله نادرا ماتلكون بنت طويله بعائله علي كلها اقزام بيضه وشعرها اسود طويل موصفات جمالها عاديه عيونها كبار وشفتها صغيره ورشيقه نوعا ما

عمتي انغام الي زوجها توفه بطلقه طايشه جان عدها منو اراده ويزن وانمار

انمار ..الكبير هول غول ما اعرف شوصف بي كلش ضخم عمره ٣٠سنه هم عنس وماتزوج وسمين وكله على بعضه مصارع سومو وبعدين تعرفون ليش هيج وصفته ابيض وطويل وكفه بكد حجمه

يزن ..ضعيف وقصير القزم الوحيد بالعائله ومسالم وهادئ مواليد ٩٦ ابيض ومدلل العائله

اراده ...موليد ٩٤ وبنت نحيييييييفه كلش شكد ماكول نحيفه قليل بحقها اصلا عود مال ماسحه راح تنقسم نصين من الضعف وجها كله بس عيون وخشمها نقطه وشفتها بوتوكس طبيعي ورموشها مكناسه طبعا شلون طالعه من هالعائله ماعرف اشك بيها بنتهم هههههه لا
اشاقه طالعه ع امها هيج هذول لازم تحفظوهم لان الاحداث كلها عنهم وعن مصايبهم الي دمروا حياتنه اني وخواتي

هسه نجي لبابا راح يروي قصته ويه ماما وشلون تعرف عليها وحبها واخذها وتزوجها

طارق ابو وتين ....اني مواصفاتي طويل ومو ضخم ابيض وشعري اسود عمري جان ٢١سنه جنت ثالث كليه بيوم جنت دا امشي وشفت هالشوفه خرب شنو هالجمال يربي كمر يمشي ع الكاع ..

ضليت افتر واراقبها الا ان عرفت انو هيه اقسام داخليه لا واليزيدك قهر كليه محاماة اوووف ربي هالنزاكه يرهملها المحامات هيه انتبهت انو اني دا اراقبها بس مادارت بال ..

سألت وسألت عنها كل الي يعرفوها بس ماحصلت معلومات كثيره محد جان يعرف عنها شي بس اسمها واسم ابوها يعني حتى جدها محد يعرفه اكو شي غريب بالموضوع ليش هالكد غامضه هالبنت ..

ضليت اتحرى بس ليش الجذب ماحصلت شي بس ضيعت محاضراتي واني جنت شاطر بس تراجع مستوايا وكمت انجح بالكوه كلت خلي انجح السنه واكمل بحث عنها والله اذا اضطريت الحكها لبيتها حتى اعرف منو هيه اعرف وعاندت ضليت اراقبها ..

الا ان جت فد يوم جان عندي امتحان وجان اكو ٣ زلم وراها كل واحد بيهم جنه غول من الضخامه ومسلحين وعرفت انو هذول حمايتها اوف اوف لهل درجه خافت مني

لهل درجه اخوف اني ونظرتلي نظره شفت بوجها قساوه نوعا ما اعرف شلون اوصفها تصنع لو حقيقه هالقسوه العدها او لان جانت مامنه بالحمايه الي وراها حتى باوعتلي هيج ...

ما اعرف خليت براسي شغله اذا هيه قاسيه اني الينها الي والله طلعت من الامتحان وركض ع كليتها اريد اشوفها واعترفلها

شو ادور عيوني تدور كلبي يريد يحس بوجودها ماكو جو عليه هذول ال ٣ زلم كالوا انته طارق ناظم شكو داتراقب الانسه ..

رديت عليهم وانتو شنو حراسها مثلا باستهزاء وبهاي اللحظه اسمع صوت الكعب يرن باذني

انداريت شفتها واكفه ومجتفه ايديها وعيونها تجدح ثقه وابتسامه خفيفه على شفتها عرفت انو اني انسحلت بس لا ماعاش الراح يسحلني ..

ابتسمت الها و انداريت عليهم كتلهم لتدخلون هي

ه عدها لسان وتحجي ومحاميه ومحد يندك بيها وما اشوف غير البوكس بنص خدي وكعت بالكاع واحد من حمايتها جان غول كلش هو الضربني ..

اني وكعت رفعت راسي للسما رجعته ليورا شفتها بالمكلوب جانت مبتسمه اني ضحكت بقوة وكمت

نفضت التراب عن ملابسي ومديت ايدي اصافح الضربني اعرف مراح يصافحني

لهذا فولت اعصابه وكتله انته رجال وصافحني هذا ما مد ايده طلع جف لبسه يلا مدها لان على اساس ميستنظف يسلم عليه بايده ..

الرجل ..ترى مو من ثوبك ابن ناظم روح على ابوك خلي يزوجك من عموميتك ..
احنا بناتنا بنات عز مو متعلمين على عيشتك ..

طارق ..وشبيها عيشتي شو اغنى اغنياء العراق ابويه ...منو انته حتى تقيمني ..

بهاي الاثناء ايده وايدي متصافحه واني مو بضخامته ولا بقوته بس عندي اعصابي اقوه منه واعتذرت منه

كتله اسف تجاوزت حدودي اتمنى هالمصافحه تكون اخر شي بيناتنه ما احب اشوف عدوي مرتين

الرجل .. واني ماعتبرتك شي حتى اعتبرك عدو

طارق ..انا اعصابي فورت ورصيت اصابع ايده قوي هو ضل يباوع عليه ويحاول يرص ايدي

بس ولا عبالك راصها اني متعلم ع رص الايد واعصابي حجر من تنطبك ورا شويه كام يرعص حسيت بعظام اصابعه تداخلت ببعضها ..

كام يصيح هديت ايده بعد ماسمعت طكطكت العظم وهو يرعص

كتله ها السلام ماتحملته وتريد تندك بيه هه والي ويا لزمتهم دك كتل وين يوجعك وين ياذيك

نهيتهم ورحت امشي صوبها اباوعلها ولاتاثرت حجر كلبها كبل لا احجي

سناء ..توقعت هالشي الهمج المثلك هذا اسلوبهم

طارق ..خزرتها وكتلها راح تصيرين ابيت هالهمج وتكونين منهم بيهم احجي واني راص على سنوني وهيه تضحك هه ..

سناء بنظرة ثاقبة واستهزاء ..حلم ابليس بلجنه

طارق ... دارت ظهرها ومشت اني طكيت غيض امد ايدي عليها لا شلون عيب بحقي ..

عفتها وضليت اباوعلها من بعيد واستفسر عنها الا ان عرفت انو هيه بنت وزير من وزراء الحكومه في زمن النظام السابق

سناء ...بيوم جنت طالعه من محاضرتي دا ارجع للقسم جان اشوف ولد لاحكني كلت لا يجوز نفس طريقي

وصلت وفتت للقسم ثاني اليوم الصبح دا اطلع هم اشوفه كبال الاقسام ضل يمشي ورايه

الا ان وصلت الكليه صراحه خفت يكون شك بيه بنت وزير محد بالكليه يعرف انو بنت (......) بس الاساتذه ..

والطلاب ميعرفون اسمي الثلاثي بابا حذر الاساتذه انو يكتبوا يعرفوني سناء وبس ...

المهم خفت انو يكون عرف وبابا عنده اعداء كثييييييير ضل يلحكني هالولد يوم يومين ٣ايام بالرابع خابرت بابا كتله دزلي حمايه

ابو سناء ..ليش شكو بنتي

سناء ..اكو ولد دا يراقبني خايفه منه

ابو سناء ..اجي اخذج واسويلج نقل

سناء ..مو اكيد عرف يجوز بس شك دزلي حمايه هسه واذا تطورت الامور ارجع لبغداد

والله من الصبح كعدت بدلت ترتبت واخذت كتبي وطلعت شفت ٣ واكفين بزي مدني يم باب القسم

تقدمو وكلولي احنا السيد (...)دزنا وامرنا نتبعج مثل ضلج

كتلهم خوش ادري اني طلبتكم وصلتوا سريع هسه وصلوني لكليتي وتنتظروني اطلع توصلوني للقسم يلاترحون ترتاحون ..

الكل كالو تامرين ست سناء طلعت اتمشى وكلي ثقه انو راح الاكي

شفته جا التفتت ع اساس احجي ويه صديقتي كتلهم امشو بطيء ولاتبينون نفسكم داتمشون ورايا ورجعت لفت راسي وكملت مشي ..

هو تبعني وضل يمشي ورايه الا ان فتت الكليه والله كملت دوامي وطلعت شو ماكو يجوز الحمايه كتلو واني دا امشي طالعه من الكافي شفته ..

كلت للحمايه روحوا هذاك الولد شوفوا شبي شيريد واذا اضطريتم ربوليا

وراحوا اني بالكافي اشوفهم يحجون ويا كمت دفعت الحساب وطلعت صرت ورا

هوه ناطيني ضهره التفت عبالك حس عليه وبتسم ورجع اندار عليهم حجا شويه وياهم ...

شو هذا حمايتي نطا بوكس بنص وجهه وكع بالكاع ورجع راسه لورى وباوع عليه وكام يضحك بقوى هذا شبي مخبل ..

كام تعدل نفض التراب عن ملابسه ومد ايده يريد يصافح الي ضربه اكيد هو موكد حمايتي

وخاف وراد يطلع منها الضاهر نطيتك فوك حجمك الطبيعي نضرتله نضره انتصار وتعجرف ..

الحمايه مالتي لبس جف وصافحه شو هذا بعد دقيقه كام يرعص ويصيح عوفها كلب عوفها حقير اني مستغربه حمايتي ضخم وهذا وسط شدايصير ..

سمعت صوت ايد الحمايه مالتي تطكطكت عرفت نكسرت عظامه هد ايده وكله اشو سلام ماتحملت تريد تندك بيه وضحك هه ضحكته استهتار

واندار ع الحمايه الباقين دك كتل كسرهم تكسير جا تقرب مني وهنته بالحجي ومشيت ..

اعرف غضته جنت خايفه شويه حمايتي تسكطوا لازم ابين نفسي قويه مبحاله ولاخايفه منه بس والله الصدك جنت ارجف ولازم انتقل لبغداد باسرع وقت ..

رحت امشي بهدوء بس رجليه جانت ترجف خفت تبين رجفتها اباوع بمرايه الكافتريا ماكو ورايه الحمدلله مالحكني

فتت للاقسام بسرعه البرق لميت ملابسي وكتبي وملازمي وركض خبرت الحمايه اجو ركبت وطلعت لبغداد

بابا حجا ويا رئيس الجامعه ونقلني بعد اسبوع لبغداد

طارق ...كملت دوامي واني كلبي يطافر من مكانه من العصبيه اريد الزمها من شعرها واشبعها كتل اني هيج تسوين بي

ولج بسيطه مو اني الي تهددي وتهي

ني وتتركي وتطلعين بسييييييطه يسناء والسماج سناء الا اكسره لراسج ..

طلعت رحت لشقق الطلبه جكاره تعلك وجكاره تنطفي متت من التفكير

هاي بنت وزير اني شعلكني بيها هيج وهذا ابوها الافندي شلون يامن يدزها تدرس هنا

والله اذا عرفو بيها يغتالوها اووووف ربي شلون شسوي ومكدر احجي لاحد عنها ما اامن والله نمت من تعب التفكير ..

كعدت الصبح رجعت على بالي كلت الله يحلها تسترت عليها ورحت ع قسمها

بس من بعيد اشتاقيت اشوفها اتانيها تطلع هسه وشويه الخ ومرت ساعه البنت ماطلعت كلت معقوله طالعه من وقت

واني هم فوتت محاضراتي شو خلي ارجع لكليتي ومن تخلص محاضرتي اروح لكليتها ..

سجلت حضور يم الدكتور وستاذنت وطلعت كتله اهلي جايين عليه واني من غير محافظه

قبل طلعت ركض لكليتها وصلت كوه اجر النفس ادورلها ماكو يربي وين صارت ليش مختفيه ..

اكيد عدها محاضره انتظر وانتظر ماكو شفت صديقتها طالعه متوجهه للكافي ركضت عليها بلا سلام بلا تعريف عن نفسي
اختي بلا زحمه صديقتج سناء وينها شو مامداومه اليوم

كوثر ..العفو ومنو انته حتى تسال عنها

طارق ..مجرد صديق

كوثر ..اعتذر خصوصيات البنت وما اكدر اجاوبك وهيه ماحجتلي عنك واصلا هيه متصادق اولاد ..

طارق ..فورت دمي واني كوه جارعها كتلها عندي شغله ضروريه

كوثر ..اذا داومت عود كوللها يله عن اذنك

طارق ..خلتني ومشت واني تخبلت شنو اذا داومت يعني بطلت وضليت احوص
رجعت لكليتي واني عندي امل اعرف شي عنها

رحت لزميلتي من نفس محافظتي هيه اقسام هم كتلها اريد تسأليلي عن هالبنت ونطيتها اسمها كالت ادلل ..

وشيخلص الليل واني انتظر باجر تجي اول ما طلع الصبح بدلت وركض انتظرها تطلع من القسم

اول ماشفتها ركضت عليها ها كوليلي وينها استغربت من وجودي يم قسمها كالت ليش ملهوف عليها هالكد البنت سوت براءة ذمه ونزلت لبيت اهلها ...

كتلها وترجع كالت ماعرف والله فتت للغرفه الي هيه بيها سالتهم وكالولي هيج سالت شوكت ترجع ميعرفون

اني ضجت يربي شلون اريد اشوفها مرت باقي الايام عادي ادورلها ماكو وكل يوم نفس الروتين

الا ان امتحنت وكملت وجت العطله لازم ارجع لاهلي كلت مره اخيره اروح

سناء ..‏من رجعت لاهلي بابا كمل النقل وكل هاي الامور القانونيه واني باشرت بالكليه اداوم وارجع للبيت

اكل اسبح ابدل واطلع لمكتب عمو مال محاماة اتعلم شويه اصول الشغل

وماجنت مخليه هالولد براسي ابد ولافكرت بي حياتي جانت روتين اعتيادي بس بلحظه انقلبت اشياء كثيره بيها ..

بيوم رجعت من الكليه كالعاده سبحت وطلعت لمكتب عمو وضليت ويا للمغرب رجعني هو للبيت

وجان اسمع الصياحات بين ماما وبابا فتت عليهم يبو البيت مكسري وماما تكله هذا كله من خير اهلي ماتاخذ شي منه اكسره احركه وماتاخذه

فتت اني بطبعي هادئه كلت استفسر ونحل كلشي بهدوء سالتها ها شكو ماما شبيج بابا شصاير يمعودين شبيكم كسرتو البيت

ماما ..ابوج ياسناء ابوج العون لوص وخرب كلشي راهن البيت علمود صفقه وخسرها والبيت راااااااح ولج رااااااح وماعدنا غيره واصلا فلوس ماضل عدنه

سناء ..خيرج اصبري كله يرجع بالقانون خو ما بغابه احنا نرجعه بس اهدي كعدتهم وحجالي بابا عن قطعه ارض كلش كبيره ويريد يستثمرها

بس جان اكو جماعه خالين عينهم عليها ويردوها الجماعه معروفين كثير واغنياء وناجحين ومشاريعهم كلها ناجحه

ف صاحب الارض استثمرها يم الطرف الثاني وبابا جان راهن البيت لصديقه بهذاك الزمن ماتكدر تثق باخوك وبابا ناطي عقد الطابو ومسجل باسم صديقو مقابل مبلغ معين حتى يشتري بيها الارض ..

وحسب تخطيط بابا انو بعد سنتين يكدر يرجع البيت بس من راحت الارض لغير ناس بابا راد يرجع البيت وصاحبه كله ما ارجعه الطابو باسمي ودفعتلك فلوسها

همه ثنيناتهم بالوزاره جن ابويه وراح هدده وصارت ناس تهدد ناس ومنحلت وتحولت للقضاء وعمي استلم القضيه ومنحلت ..

كلت لبابا خلي نحجي ويه الجماعه وندخل شراكه وشويه شويه نشتري بيت اخر وافق كدرنا نوصللهم حجينا ويا جان رجال كبيييير بالعمر بس بوجه اكو ملامح حكمه خباثه شيطنه ما اعرف بس مو فقير شكله ..

رحنا اني وبابا زرناهم منطقتهم بعيده عنا وصلنا وماجنا نندل بيتهم وكفنا يم نقطه معينه احنا اتفقنا عليها

وهمه اجو اخذونا اول ما اجو ماجان يستخدمون السيارات اجو مشي ٤ زلم بيهم الكبير وبيهم الصغير بس كلهم بنيتهم ضخمه طول وعرض ...

وبهل لحظة لمحت شخص اخر واحد جنت اتوقع اشوفه هنا لا يالله معقولة ماصدك عيوني ...صدمه جمدتني بمكاني وشلت حركتي ... خلتني فاتحه عيني ع وسعهن بدون حركة

وللحكاية بقية ..

#الانتحار

#بارت2


سناء ...وبهل لحظة لمحت شخص اخر واحد جنت اتوقع اشوفه هنا لا يالله معقولة ماصدك عيوني ...صدمه جمدتني بمكاني وشلت حركتي ... خلتني فاتحه عيني ع وسعهن بدون حركة

كان نفس الشخص الي تعرضلي بالكلية بقيت اباوع علي وهو يتمشى برزانه وثكل وهيبة

نرجع بالاحداث شوية

طارق ...رحت انتظر عسا ولعل تطلع ماكو الضاهر بطلت او انقلت رجعت للبيت ضايج طاكه روحي ومالي خلك احد ..

ونوب ابويه هم ضايج ويسب ويفشر واني اخذها غصب عنهم و سالت اخوي علي شبي ابويه ع شنو ديحجي

علي ...يريد قطعه ارض ابغداد واكو وزير منافسه عليها والا ياخذها ويدمرنا وباجر الوزير يعدمنا ونروح بيها ..

طارق ...اني عفته يحجي ومشيت فتت لغرفتي طبكت الباب قوي قفلته ونمت

وماكعدت للمغرب الاكل انواع والبيت مخبوص وكل اخواني متجمعين بالطابق الارضي ..

ونسوانهم وجهالهم للعلك الكل كاعدين ابيت ابوي لان كبير بس مايجتمعون بالارضي كل واحد بغرفته

اكو مطبخ بالطابق الثاني والثالث والرابع فتت للمطبخ خير مرت اخويه شكو شصاير

هناء ...والله عمي ربح صفقه الارض وسوا هالجمعه ..

طارق ..اهاا طلعت وفتت علي وجهه يضحك كتله هلا ياب شونك شو هذا نزع الشحاطه تكرمون وضربني بيها تلاحكت نفسي وتجنبتها

كتله اها خير شكو ليش بالشحاطه شسويتلك فوك ما جاي ازورك

ناظم ..ابن الكلب من الصبح جاي وماشوفتنا وجهك وماتكول اسلم على ابوي امي شهالخلفه والله غلط جبناك انته اطلع براااااااا

طارق ..ضحكت علي كتله لاتزعل والله تعبان واني بطبعي احجي لابوي كلشي ..

ابويه ناظم ..ليش تعبان خيرك

امي عنود ..اسم الله عليك اكيد بسبب مدرستك (تقصد الكليه) يلا خلصت هسه وراح ترتاح

طارق ..باوعت عليهم مدري شلون افاتحهم بموضوعي عدلت كعدتي واتشجعت وكتلها احم يوم

عنود ..ها يبعد امك

طارق ..اريد اتزوج

الكل انداروا علي وشهكوا من الصدمه

شنوووووووو اخيرا راح تزوج ونخلص منك

ناظم ..خير ماقررت ابني منو اكو ابالك من بنات عمك بس اشر من باجر اجيبها يمك

طارق رفع عينه ع ابو ونزلها وكال ...احم ولا وحده

ناظم ..لعد ياب منو تريد من هسه بنات المدرسه مالتك ما ازوجك الهم لو تنكلب الدنيا ع راس الخلفك افتهمت

طارق ... ياب لاتغثني اريدك تمشيلي عليها واحتمال ابوها ماينطي بس عسى ولعل يقبل

ناظم ...ها تعرف ابوها ماينطي وتريد تسود وجهي

طارق ...لاياب والله البنت تجنن
اشوف امي بالعصا شمرتها عليه

عنود ..وتباوع ع البنات ومفصلها يا تربايه ما بينت بيك كوم غضب الله عليك دازيك تدرس لو تبصبص

طارق ..ولج يوووم الله يخليج البنت حبابه (بكلبي اكول اجذذذذذب خشمها مرفوع للسما) وحلوه ومواصفاتها زينه واخلاق ومستوره الله يخليكم لتكسرون بخاطري

ناظم ..من وين بله هل بنت

طارق ..من بغداد

ابوي ...بنت من

طارق ...بنت فلان .......ابوي
باوعلي صفح وعكد حاجبه وكال

ناظم ..كوم اسبح وصحصح واخذ دوا صخونه الضاهر مصخن انته ومو بوعيك

طارق ..يابا ..

ناظم قطع كلامه وكال ..انجب كلب وحابلي بنت الوزير ..ولا تعال اخطبها

والله دنعل ابو ترباتك كوم هذول من بغداد ما يتعايشون ويانا احنا وين همه وين لبسنا وين وهمه وين

وهالسالفه تنسد ماريد اسمعها تريد تنجب وتزوج بنات عمك موجودات وغيرهم الصم بوزك ماكو فهمت

بييتي تهدي بجدي

عنود ... ياناظم اعصابك موزين عليك عوفه هيه المدرسه شخطت عقله

وانته يا طروقي كوم اسبح وصحصح وكلام الهبل عوفه هذول لامن ثوبنا ولانعرفهم

ولا نريد نعرفهم شوف اخوتك شون عايشين ويه بنات عمهم تريد تتبهذل ويه غريبه

طارق انتفض من مكانه وكال بنبرة تحدي ...والله لو هيه لو ما اتزوج

ناظم ...وطبك الف عله ان شاءلله ولاتزوج واكفين على زواجك ابن الكلب كوم وترفع صوتك بوجودي كوم اطلع براااا لا احسب الله ماخلقك

طارق ..نفضت نفسي من غيضي وطلعت مغثوث فتت لغرفتي كسرت كلشي بيها وما اطلع منها بس وكت الاكل اكل يحجون ويايا ما ارد

مر اسبوع على هالحاله وبيوم كعدت الصبح على صوت عوجيه ابويا

ناظم ...كوم لاخير بيك لا منفعه كوم جايينا خطار كوم ويه اخوتك استقبلهم يلااااا لا هسه اكسر البيت فوك راسك

طارق ..كمت واعصابي نار اااااااخ والله راح اخنكه على سوايته بيه كمت غسلت بدلت وطلعت

خيييير ياطيييير لاليلي ليل لا نهاري نهار شكوووووو شبيكم اصيح واحجي

ناظم ....ابن الكلب يصيح ويرفع صوته شوف ولك اذا ماجريت عدل طلقه اخليها براسك واكول انتحر ومات

كوووووم ويه اخوتك شوف شوكت يوصلون الجماعه استقبلهم

طارق ...واني شكو الجماعه جماعتك شعليه بيهم

ناظم ..جر عدل ياطويرق احسن ما اتبرى منك ليوم الدين

طارق ..سكتت وبلعتها وكلت خل اطلع مالي خلك مناكرته

رحت بدلت ولبست دشداشه رصاصي تعطرت ورحت لخوتي ..

ماج

د ..عاش من سمع صوتك ياب لاحس لاخبر هذا العشك هيج يسوي بيك شو من جيت ما شفناك

علي ...والله ماتستاهل تعادي اهلك لخاطرها وابوك يعرف مصلحتك ياخوي خلي عقلك براسك ولاتخسر اهلك وعزوتك علمود وحدة مانعرفها حتى

شمدريك تطلع بنت اصول لو بنت حمولة يجوز تأذيك واطلع اشياطين الدنيا ع راسك وبعدين تتندم ع هل زواج وتكول ياريتني سمعت كلام اهلي

طارق ..اكول ليش ماتسكتون ما محتاج نصايحكم اسكتو وخلي نمشي

طلعنا وصلنا للتقاطع وشفناهم ينتظرونه بالسياره نزل من السياره رجال مرتب قاط وجنطه محترمه بيده ..

وراها نزلت بنية من السيارة وهنا جانت الصدمة الي خلت كل شي بيه يسكت ويجمد حسيت الدنيا فارغة والوقت اتوقف مداصدك الي اتشوفه عيني مستحيل ..

شفتها تنزل اي شفتها واني عبالي عيوني خانتني كلت لا لهدرجه يطارق صرت تشوفها بكل بنت تجي من بغداد

امشي واني بين فرحان بين ممصدك اريد اوصلها اريد اشوف بحلم بعلم اني ..

وصرت قريب منهم انداريت على اخوتي كتلهم همه هذول الجماعه رد اخويه عمار اي همه

اني رجعت باوعت الها وكلبي مفرفح من الفرح اريد اركض الها كلبي طار من صدري وكام ينطنط من الفرح ..

بس امشي برزانه وثكل وصلت باوعتلها شكد ماكدرت ردتها تملي عيوني من شوفتها

اووووووف صار زمان ما شفتج سالته انته استاذ جميل كال نعم سلمت علي وعرفته بنفسي وسلمت عليها اكيد انتي ست سناء
كالتلي اي نعم تشرفت بحضرتك ...

يابووووويه اووووووووف ربي والله هيه ممصدك عيوني حسيت جنت ميت واحتييت واخوتي سلموا

اني ولاسمعتهم شكالوا عقلي بغير مكان اباوع على وجها شكد مرتبكه واكو تساؤلات عدها وامبين هيه هم انصدمت بيه بس تجنن الا كوه تجنن والله تجنن ..

وعيت على عمار يكول لجميل البيت قريب تفضلوا مشينا وهمه ويانا الى ان وصلنا

فاتوا سلموا على ابوي ناظم ودخلوا للديوان وضيفناهم وبدت سوالف عاديه وجميل فات بالموضوع

جميل ...يابا شيخ ناظم جاييك وطالبيك بشغله

ناظم ...اي هلا بيكم تفضلوا

جميل ..زاد فضلك شيخ ..حضرتك قبل فتره ربحت صفقه ارض ابغداد واخويه كان منافسك عليها

بس هو باعتبار متقاعد ورهن بيته لصاحبه حتى يربح الارض بس صاحبه غدره ويكوله البيت الي وما ارجعه

وهسه يريد يتشارك وياك حتى يكدر يلم نفسه شوي ويشتري بيت جديد

ناظم ...والله يا استاذ جميل
اني شراكه ما داخل بيها مع غربه بحياتي كله مع اخوتي و اقاربي ف انتو ناس ما اعرفكم وما عرفت والدها الي يريد يشاركني

وتين ...هنا اضطر جميل يكشف الاوراق ويكوله اسمهم الكامل واسم والد سناء
جدي انصدم وباوع على بابا باستغراب عباله هالشي مدبر

كملوا الحجي العدهم وجدي كاللهم نطوني مجال افكر وقدمنالهم الغدا تغدوا وتوكلوا لبغداد الجماعه

طارق .... اني طبعا ضليت صافن عليها وسرحان بيها وهيه متمكنه تحجي وتناقش ابويه هيه وعمها

طبعا محاميه ليش لا ومن رادوا يطلعون حسيت روحي تريد تنسلب مني ضجت وتكئبت وتمنيت ما تروح

بس اول ما طلعو وركبوا سيارتهم ابوي ضربني بعوجيته وصيح علي

ناظم ..ها ولك اكص ايدي اذا مو من تدبيرك هذا

طارق ..يا ابوي يحرم اذا اعرف شلون اعرف واني بغرفتي ما طالع منها

ناظم ...لعد تكولي صدفه جتك محبوبتك ليم رجلك

طارق ....اي صدفه وشنو يعني

سناء ..اول ما وصلنا التقاطع الازم نلاكيهم بي شفت شله دا يمشون اربع زلم ومرتبين دشاديش وعكل وكذا ..باوعت ع عمو جميل كتله ذولي

عمو جميل ..اي همه هذول لان نطونا خبر كالوا اربعه راح يستقبلوكم يله نزلي عمو

سناء ..اوك يلا ..نزل هوه واني شويه رتبت شعري وجاكيتي ونزلت ورا وكفنه واتقربوا الرجال صوبنه

هنا جانت الطامه الكبرى شفت نفس الولد من الجامعه جان يمشي كدام الكل بثقه ورزانه وثكل لا يربي هذا شجابه بس لا هوه منهم بعد نلاصت اذا طلع منهم حتى اذا اكو امل صغير راح ..

وصل وسئل عمو جميل

طارق ..انته استاذ جميل

جميل ..نعم

سناء ..بقت عيني تسترق النظر اله كلت خلص نلاصت بس شيقربلهم لهل جماعه هذا الرجال

هسه نعرف سلم عليه واني بكلبي كومة غيض وكره اله اووووف ياربي اخر شي اطلع اني بحاجته خرب بالحظ ع هل دكة ..

اخوانه وصلوا وسلموا علينه واخذونه لبيتهم او خلي اوصفه قصرهم والله يجنن جان

بكلبي اكول اي يابه ليش ميكون عدهم هل قصر وهمه اخذو اغلا صفقه فتنا ع البيت واخذونا لصاله كبيره

وجان رجال جبير بالعمر بيها رحب بينا وسلمنا علي وحجينا ويا بالموضوع وكال افكر افتهمت منه انو هذول ولده ..

اي يابا سناء ماعلكتي الا ويه هذا ضيفونا الجماعه وطلعنا لبغداد والطريق كله اتأفأف

طارق ....بعدها بشهر ابوية دز خبر للجماعه موافق يشاركهم لان اني لحيت علي واريدها واحبها وكومه عركات صارت بين وافق بين لا بأي لحظه يغير رايه ..

وامي ماوافقت طبعا على المشاركه وتكول ابوها وزير تصيرلنا مشاكل صارت وتفقوا بشروط ابوي (جدو ناظم يعني ) ..

وصارت الشراكه واني فرحت وضليت اتحجج امسك الشغل حتى اشوفها

كملت كليتي تخرجت جانت احلى سنه بحياتي كل ما اش

تاق اتحجج واروحلها وبيوم طلبت ايدها كالت افكر حسيت تغيرت نظرتها الي ..

((وتين ..امي صح وافقت ع ابوية بس الحقيقه جان عدها غير مخطط))

طارق ..ضليت الح على ابويه يزوجني مايقبل وتعاركت ويا عركه جبيره وطردني من البيت

وكال احرمك من الميراث وكذا
اني مهتميت اله اخذها اخذها ..

رحت طلبتها من ابوها واني عندي كم سند باسمي عندي بيت وقطعتين ارض وشقه وحصه بمعمل الطابوق ورحت بمحل ابويه ماجنت اعرف انو راح يتبرى مني ..

طلبتها وابوها وافق متوقعت يوافق الصراحه بس حجيتله انو ابوي مموافق بس راح اسعدها

واذا تريد اكعد ابغداد حتى قريبه عليكم اني عندي شقه ابغداد والبيت اجرته واخذ ايجاره ..

.......

سناء ..طبعا بعد ما رجعت لبغداد وعرفت انو هذا الولد ابنه شغلت مخي شويه وكلت لازم استفيد لازم ارجع الراح مني مايكفي بسببه تركت جامعتي وانقلت وهسه بيتي خسرته ..

مرت الايام هوه تخرج واني هم تخرجت جنا نفس العمر واني اشتغلت بمكتب عمو جميل وهوه يجي كثير بحجه الشغل

عرفته او اصلا اني جنت اعرف انو هوه معجب فستغليت هالاعجاب لصالحي

ومن فاتحني بالخطوبه اني قنعت اهلي مو حبا بي لا بس حتى اكدر اخذ السندات العنده ...

طارق ..وافق ابوها وكال اهم شي الستر والعافيه فرحت كثير لا شنو فرحت طرت اصلا

واجت هيه قدمت النا العصير اووووف اباوع عليها وممصدك والله وراح تصير ام جهالي

بس هيه ابد مرفعت راسها وضليت كاعد شويه ويه ابوها وامها نتفاهم على امور الزواج والتجهيزات شيخ محكمه وكذا ..

ترخصت من الجماعه وكتلهم يلا اودعناكم اني اروح اجهز كلشي اتفقنا علي ..

ابوها كلي في امان الله طلعت من بيتهم واني امشي بطيئ اخاف استعجل معرف ليش وكلساع اندار ليورى بلكت اشوفها بس مالمحتها ..

طلعت اخذت تكسي ورحت للشقه مالتي اووووووف يرادلها شغل كثير من التنظيف

وانته طالع منوو هذا الراح يساعدني واني ابوية وامي وخواتي واخواني متبرين مني ..

كمت رحت على صديقي حسين بلدوره دكيت الباب علي وطلع رحب بيه الرجال

حسين ..هلااااا شلونك هاي وين هالغيبه تعال تعال اتفضل

طارق ..فوتني خطيه كعدت شربت جاي وحجيتله القصه كلها تعجب الرجال

حسين ..على كيفك روميو مسويها ملحمه انته تبرو منك اهلك ماهتميت هالكد

هسه مهموم علمود شقه وترتيبات عرس اني وامي وخواتي نرتبها الك مو تدلل بس تعال طروق انته واعي على نفسك مضحي باهلك علمودها

طارق ...اي اي واعي

حسين ....يحرم اذا انته واعي جنيت ابوك تبرى منك يارجال

طارق .... اعرف عيني يوم يومين يرضى ويرجع ابويا خو مايضل العمر كله زعلان ..

عوفك منهم هسه شوكت نبدي ترى الشقه زبل الله وكيلك ما اجذب عليك اذا اكلك شهر كامل تحتاج تنظيف ..

بهل اثناء فاتت ام حسين توكل بالله ابني احنا شنو شغلنا بيوم اخليلك الغرفه تلمع بس ابني انته اهلك وين وليش مايحضرون عرسك رد عليها حسين

حسين ..يوم هذا يتيم ماعندو احد نكسب اجر بي اذا ساعدنا

طارق ...باوعت علي وكلت بكلبي اني يتيم ايا ابن الكلب

ام حسين ....لاصدك يمه الله يرحمهم ويجعل مثواهم الجنه يله ابني لاتزعل اصيرلك مثل امك

طارق .....تسلمين خاله متقصرين والله ترخصت منهم حتى اطلع سلمت عليها ودعتها وبوست راسها

وهيه ارمله المره خطيه وطلعت وصلني حسين للباب وشبعته رزايل ومسبات اني ولك كلب حقير ابوك ماتحل علي المسبه خوش رجال بس ليش تيتمني

حسين ....شسويلك امي متدينه واذا اكللها اهل الافندي تبروا منه والله تتبرى مني بس لاني صديقك

طارق ....ضحكت بصوت عالي وكتله يلا لاتنسه تعالي باجر نطلع ندور غرفه

حسين ...اي يابا ناس تعرس ناس تبتلي

طارق ...اودعناكم ركبت بتكسي ورحت اجرت بفندق لان الشقه ماينام بيها من التراب واني اتكلب يمين ويسار وافكر والله وصارت الي اوووووف شوكت تصيرين بحضني

غفيت على هاي الافكار وكعدت الصبح شفت الساعه 10خرررررب تاخرت على حسين

وجان اكمز من فراشي ع السريع سبحت ولبست بنطرون وقميص وجان موديل البناطير بهذاك الوقت كلوش من جوا

واطلع من الفندق ركض اجرت تكسي وبوجهي لبيت حسين دكيت الباب وجان يطلع ⁦مرحبا

حسين ضايج منه ويحجي بطارف خشمه ...منو انته

طارق بضحكة ....ولك والله اخذتني النومه

حسين بغضب ...والزواج

طارق ...ههههههه نلحك نلحك شبيك دفكها عاد

حسين ...منو جان يبجي البارحه ويكول الشقه يرادلهة سنه تنظيف

طارق ...موكلنا راحت علينا النومه شبيك نبقى ع الباب يعني

حسين ...لاااااا و تريد تفوت مانلحك يلا امشي كدامي يلااااااا

طارق ....وانته شكو مستعجل قابل زواجك لو زواجي

حسين ...انجب واسكت بله يلاااا امشي كدامي

طارق ...افترينا النجارين ومحلات الاثاث وبزعت حسين يلا اختاريت غرفه

جانت حيل حلوه وفخمه وكلها مرايات فد شي جان موديل بهذاك الوقت

اشتريتها وكتله باجر اجي اخذها لان الشقه بعد مانظفناها واعتمدنا علي لان نعرفه ثقه والرجال ابو صديقنا

رجعنا اني وحسين لبيت حسين وصاح امه واخته جانو مبدلات وكاللهم يلا يمه كم

لتو
سالته شكو رايحين لمكان

حسين ...اي تريد تجي

طارق ...خاف زحمه

حسين ...لارحمه رايحين لبيتك انظف جيفتك

طارق طكها بضحكه وكال ...اي والله وعشتو يوم افرح بعرسك

حسين .... عوزك ماتفرح يلا مشينا

طارق ..وصلنا للشقه فاتت ام حسين وبنتها الله يرضى عنهم ونظفوها جلوها جلي وطلعت تلمع

تشكرتهم وعزمتهم ع العشا لان تاخروا بيها كثير من العصر يشتغلون بيها وتعشوا ورجعتهم لبيتهم ..

واخذتلهم كيلو بقلاوه وجرزات هديه تعبهم وتشكرتني خطيه ام حسين كثير عبالك ناطيها ذهب

واني ودعتهم ورجعت للفندق دنام وثاني يوم الصبح كعدت سبحت وترتبت وطلعت للنجار اجيب الغرفه وشحنها الي وياي عاملين حتى يشدوها

والله وكملوها طلعت تجنن ماجبت حسين ويايه لان تعبته كثير الولد

كملت الغرفه احجي بين نفسي تحتاج فرش هسه لا قبل الفرش احتاج شيخ لازم نعقد عقد محمدي ((او يسمو عقد مله ))

خابرت على عمي الي هو ابو زوجتي المستقبليه جانت كلها بدالات الهواتف

وكتله يناسبكم اليوم نعقد محمدي كال استشيرهم واردلك خبر كتله اخابرك بعد 5دقايق لان اني بفندق حتى اني اخابره من هاتف الفندق ..

والله مرت ال 5 دقايق خابرته كال موافقين ابني تعالي اليوم بالليل نعقد

يممه فرفحت كتله صار عمي رحت اطك اصبعتين كبل بدلت وطلعت للحلاق ترتيب شعر ولحيه ورجعت من الحلاق بدلت

ولازم اجيب الشيخ بس جت ابالي شلون اروح وحدي واهلي مقاطعيني هسه اروح بطرك نفسي والله فشله ركض على حسين ماعندي غيره حجيتله وافق

حسين ....ندك الباب المغرب اني فتحته هذه طارق كتله منو انته و خير ياطير شرايد اني ويا ميانه حيل ..

طارق ..ماعندي احد يجي ويايه ع عقد المله وكلت اجي اخذك تعيش الاجواء بما انو محد راح يكلبك

حسين ..ضحكت علي من كل كلبي هل رجال ولايكدر يطلب مني شي باسلوب حلو نعلا على ابو الحظ العرفني علي

بس فرحان جا عليه وطلب هالشي مني كتله انجب واكف هنا هسه اشرب جاي واجي ولاتطلب افوتك ما افوتك لو تموت ..

عفته وهوه مصدوم ويصيح نذل واطي طول عمرك عباله من صدك دا احجي ويا هيج

فتت ع السريع كلت لامي وخواتي بدلو وبدلت اني طولنا نص ساعه وهالمكرود واكف ينتظر برا صيحت عليهم يلااااا استعجلو

امي ..يمه انته غير تفوته عيب مخلي ينتظر برا خطية

حسين ..يمعوده جلب ماعلي شي مكانه هناك دا اشاقه وياها شو هاي عاطت بيه ودك رزايل

كملنا وطلعنا لكينا بعده واكف كتله يلا كملت الجاي خو ماتريد

طارق ...باوعت علي هذا الخبل شبلاني بي والله كلبي مفور علي بي دكه الا اكسره

كتله سم عليك هالجاي نص ساعه موكفني برى ياعديم الذوق والضيافه

حسين ...موجنا نبدل لعرسك افندينا يلا خل نمشي

ام حسين ...مبروك يمه ابني ساعه مباركه عليك والله فرحتلك عبالك حسين الي رايحه اعقدله

طارق ....شكرا خاله ام حسين ان شاء الله تفرحين بحسين وخوات حسين يارب والاهم تخلصين من هالبلوه

الكل هههههههههه

طارق ..اجرت تكسي واخذتهم ورحت جبت الشيخ و لبيت ابو سناء فتنا رحبت بينا ام سناء وابوها فوتونا للصاله وحجينا كلام عادي ...

جت سناء قدمت العصير وبدى الشيخ يعقد
ماجانت من ورى الباب وهاي الامور جانو عائله فري
سالها الشيخ هل تقبلين ب طارق ناظم حسن زوجا لكي ومن هالحجي ...

باوعت الها ماجان اكو نظرات سعاده بوجها وبنفس الوقت ماكو حزن

البنت جامده جاوبته بنعم كامت تهلهل ام حسين ورجع سالني ما صدكت شوكت يخلص كتله نعم

الشيخ ...على بركه الله الف مبروووك

‏سناء ..دك التلفون بابا رد علي حجا شوي بالتلفون و اسمعه يكول هسه ارد لك خبر بس اسال اهلي ..

شو سد التلفون وكال تعالي بنتي اكعدي يمي والله اني رحت وكعدت يمه كتله خير بابا اشصاير

بابا ..خير خير كل الخير ما صاير شي بس هذا طارق يريد يعقد اليوم عقد مله

سناء ..هاااا شبسرعه

بابا ..بنتي الرجال يريد يجي اليوم شكوله

سناء ..اي بابا اي كوله خلي يجي عادي بهاي الاثناء فاتت ماما

ماما ..هاي شكو شصاير

بابا ..ما صاير شي اليوم راح يجي الشيخ ويعقد على سناء وطارق

امي كامت تلطم يا بوووووو متوقعت بهالسرعه شعنده هذا ماصدك نطينا

بابا ..يكفي لازم تتجهزون مو وكت هالحجي

سناء .. طبعا بابا وماما وافقوا كالوا بسنه وحده ترجعين اموالنا ونطلكج منه مانبقيج ع ذمته ومشينا شغله الخطوبه ..

كملت رتبت شوي شكلي خليت مكياج شوي بسيط ولبست كوستم حلو لونه وردي ورفعت شعري كبابا فوق ونزلت خصلتين زلف من يم اذني ورحت للمطبخ حضرت العصير بس بعد ننتظرهم يوصلون ..

بابا هم غير ملابسه وماما غيرت ملابسها شوي وندك الباب و راح بابا فتحه ..

اني مباشره من ندك الباب رحت للمطبخ ما اريد اشوفه وحسيت بالورطه ..

فكرت بهذيج الساعه انو اتراجع بس بعد انلاصت ماكو مجال انو اتراجع ..

رحت وكفت قريب من الباب واسمعهم يحجون بس اسمع صوت ناس غربه يحجون هذولي منو غير الشيخ وهوه منو جاب ويا مو على اساس متبرين منه اهله ..

ضلوا يحجون احاديث عاديه واني فتت قدمت الشربت وكعد الشيخ ي

عقد

جنت قطعه ثلج من البرود مابينت اله نقطه مشاعر تجاها ولاباوعت بوجها

سألني الشيخ عن قبولي بي وجاوبته بنعم اقبل ورجع ساله وجاوبه بنعم اقبل وتم العقد الي كلها ع بعضها خطه مني
......

طارق ..فرحت من عقدت عليها رسمي بودي اضل كاعد واصفن بهالوجه

بس عيب تاخر الوكت لازم اوصل ام حسين لبيتها ترخصت منهم

يابا احنا راح نمشي مع السلامه وهمه ردو الله وياك هيه ولاباوعت الي ولا حجت ولاشاركت بالاحاديث الصارت ..

عذرتها وكلت يجوز تستحي البنت بعد ما تعودت عليه وطلعنا اجرت تكسي

وصلت حسين واهله تعاركنه يريد هوه يدفع فلوس التكسي واعرف حالتهم مو كلش يعني حالتي احسن منهم وماكدرت اخلي يدفع ..

بالاخير اني الي جايبه وياي ومتعبه وصلت بيتهم ودعتهم ورجعت للفندق

فتت ميت تعب بس فرحان تمددت حتى ماسبحت ما اكدر احرك جسمي

وكعدت افكر بيها سلبته لعقلي بنت الناس خرررررب اريدها يمي هسه ضلت هالافكار تدور الا ان نمت
......

سناء ...كعدت الصبح على اصوات تهز وترج بالبيت نزلت عبالي ماما وبابا دايتعاركون

ولني شفت بنات الخالات والعمات مجتمعات ودا يخططون للحنه والزواج والسبعه واللبس والشعر كلت هاي شكو شعدجن من الصبح هنا جاوبوني

بنت خالتي ..غير عرس ودنحضرلج البيت

سناء ..ورجعوا كل وحده كابلت الخ ويخططون فتت للمطبخ شربت جاي مالي نفس اتريك وماما جت فاتت

امي ..ها صباح الخير بنتي

سناء ..هلا يمه صباح النور اكلج ماما هاي منو كاللهم على عرسي وليش من الصبح جايات

ام سناء .....يمه ياصبح تحجين ساعه 11 الدنيا ظهر وابوج هوه خابر اخوانه واخواته

وكاللهم واصر اخبر خالاتج وخوالج كال ميصير عيب شنو نسويها ع السكيتي واني وزير شطولني شعرضني عرسها ماراح يصير مثله بالبلد وتشوفين

سناء ضحكت ضحكه استهزاء وكتلها ....اممممممم كلتي عرسي ليش على اساس متعرفون سبب زواجي

ام سناء ...حتى لو حتى محد يحجي عليج بنتنا وحيدتنا شلون ما نسويلج زواج محترم حتى لو كان اتفاق هالزواج

سناء ....اي اي لعد شلون كمت طلعت لغرفتي صيحوني كثير مارديت سبحت بدلت حتى اطلع لمكتب عمو

هملت الشغل كثير جان انزل ولزموني خالاتي ها وين امشي ويانا همزين بدلتي تعالي نشتري جهازج ردت احجي وماما كالت

ام سناء ..اي اي بنتي اصلا تاخرتي ع الجماعه مو من شوكت كتلج بدلي ليش هالكد تاخرتي

سناء ..من حجت امي هيج سكتت مكدرت اخجلها كدام خواتها كتلها مو جنت دا اتحضر يلا خلي نطلع ..

اووووف هم راح مني يوم بسبب هالعرس الاكشر .. الشغل راح يتكتل فوك راسي رحنا للسوك همه يختارون بالقطع واني اكوللهم اي حلو مابينت نفسي ضايجه ..

لان خالتي الي اخذتني للسوك داهيه تحس بسرعه اذا اكو شي مو طبيعي تصرفت كدامها كعروس طبيعيه ..

اشترت كثير شغلات من ملابس لمكياجات عطور سيتات نوم كله جهزته

واشترت جنطه ورادت نكمل ونروح لمحلات بدلات الاعراس والحنه بس تعذرتها كتلها اني تعبت غير يوم نطلع ..

رجعت مكسره ع البيت ما اكدر اتحرك اذا خالتي ماخلت محل مافاتته كلها فرته

عفيه شلون الها خلك كملت جهازي بقى الذهب والبدلات طلعت لغرفتي وعفت الجهاز يشوفوا البنات وماما ..

تمددت اريد اريح رجلي تكسرت سمعت بابا يصيحلي بنتي سناء رديت ها بابا

بابا ..خلي بحسابج باجر تطلعين ويا تشترون الذهب

سناء ..هلا هلا يعني شلون ما ارتاح

بابا ..ها بنتي شتفقنه

سناء ..اي بابا صار
خليت راسي حتى بلا عشا وبلا غدا بس الجاي الشربته الضحى هستوني غفيت ماما دكت الباب وفاتت جايبتلي اكل بصينيه تهدد بيه اذا ماتاكلي كله تعرفين شيصير بيج ..

كعدت والله جوعانه بس نعسانه اكلت الاكل كله لان جوعانه كلش ونمت كعدت الصبح ب 9 نفس الهوسه والبيت مكلوب تعزيل وتنظيف وزينه

عفتهم يدكون بسامير بيه وفتت ع المطبخ جوعانه يربي الاكل الاكلته البارحه وين راح ...

طلعت جبن ومربى واكلت وراها شربت جاي فات بابا

بابا ..بنتي العصر يجي طارق تحضري وروحي ويا اشتروا الذهب

سناء ..هزيت راسي ب اي ساعدت ماما والبنات بشغل البيت و بابا جاب اكل من برى لان محد طبخ

تغدينا كمت تمددت شوي فاتوا عليه الفيلق السابع هاي شراح تلبسين ويلا كومي تحضري متلحكين

هاي تسوي بشعري وهاي مكياجي وهاي تدور بفساتيني جهزوني كتلهم ترى هوى نشتري ذهب مو زواجي اليوم

بنت خالتي ..لعد تروحيله مثل العجوز غير يشوفج حلوه

سناء ..بهل اثناء بابا صيحني يلا بنتي تعالي
........

طارق ....كعدت الصبح جان كلبي مفرفح كمت سبحت و بدلت نزلت تريكت وطلعت كملت نقوصات الغرفه

بس اخذت حسين وامه ويايه رحت شتريت دوشك للتخت

وغطايات وبطانيات وفرشات ومناشف ولوازم حمام ومطبخ وتخم جديد للهول وثلاجه ومجمده كملت الشقه كلها وصبغها جديد ما صبغتها ..

وجبت بردات للشبابيك رحت اخذتهم للشقه حتى نرتب الاغراض وكعدت ام حسين ترتب الغرفه

وانا وحسين شغلنا الثلاجه والمجمده وعلكنا البردات وام حسين رتبت المطبخ وصارت الشقه اتخبل وجاهزه ..

عاد خابرت عمي وكتله علمود نشتري الذ