#كسرة_خاطر
بارت 6

بذيج الليله همام ماتصل واني من بعد ما خلصت اتصال ويه ضمياء قريت شويه ومن التعب نمت ع الكتاب..
وصارثاني يوم الصبح ونفس الروتين رحت للكليه ودوام ومحاضرات وامتحنت ورجعت بدلت واتغديت واتصل بيه همام وكال هو وعمه جايين نطلع للسوك واني رحت بدلت وكعدت انتظرهم ب 4 اندكت الباب طلعت فتحتهه سلمت ماقبلوا يطبون كالي همام مستعجلين ماعدنه وقت لان شتا والعصريه قصيرة بسرعه تظلم الدنيا جبت جنطتي وقفلت الباب وصعدت وياهم ..بالطريق ..التفتلي همام..
هاحنين اليوم شلونج بالامتحان؟
صفنت ..زين تذكر عندي امتحان اليوم ..ابتسمت وكتله لاالحمدلله جاوبت.
اي زين.
ورحنه لارقى المولات بالمنصور واشترولي جهاز عروس وماقصرو وبصراحه حسيته بذخ اشترولي هواااي اشياء مو ضروريه وحته الضروري مايشترون الا من العالي والغالي واني بصراحه خليت كولشي بكيفهم وكل شويه عيوني تدمع جنت مقهوره وشويه ضايجه..
عمتي جانت دتختار حجابات الهه واني وكفت ع صفحه اتفرج لان خارج نطاق تغطيتي الحجابات ..تقرب مني همام وهمسلي..
ليش ضايجه؟
مابيه شي..
لح عليه بالسؤال..
احجي شبيج ..بنفسج شي وما اخذناه الج؟
لامو هيج.
لعد احجيلي شكو
محتاجه وجود ماما وياي...
خنكتني العبرة كلت جملتي هاي ودرت وجهي ع الحايط لان بعد ماكدر اكتم دموعي اكثر بعد..
همام.. كلامهه كطع كلبي يتيمه وحسسني بالذنب ..اشرت لامي انو تخلص وتجينه ننتظرهه بالسيارة لان تقريبا جنه مخلصين والسيارة قريبه لزمت ايد حنين واخذتهه للسياره واطيتهه مي تغسل وجهه وكلينس وبطلت بجي وحسيتهه ارتاحت شويه..
كافي بجي مردتي عيونج..
قهرتني حييل..
همستله ..اي بطلت..سالني..
شلون صرتي ؟
احسن.
اقريلهه قران وصلي احسن من البجي..اني سامع البجي ياذي الميت..
اي صحيح.
لعد لتبجين بعد الله يرحمهه اكيد بهيج يوم وانتي عروس هي راح تقرح بيج وحيدتهه راح تتزوج..
تمنيتهه يمي ووياي تشاركني بفرحتي..
اني اعوضج ان شاء الله واصيرلج ام واب واهل .
باوعت بعيونه..تسلم ما الكه احسن منك.. عيونه جانت متروسه حنيه..ماردت يخلص هذا التواصل البصري بيناتنه لان من تلتقي عيونه بعيوني هواي شغلات تحجيلي بس هو لا اكثر المرات احسه بارد جامد صح حنين عليه ويراعي مشاعري بس ماشوف لهفه اليه وجوابه كد سؤالي..
ماعرف تغيرت نظرتي عنه احس غصبن ماعليه بديت احبه وخايفه من هذا الحب يكسرني..
وصيته ياخذلي عشه لفات 2كص دجاج لان مابيه حيل بعد اسوي عشه واخذلي حلويات ونمنمات وببسي وكرزات وهواي شغلات وعمتي اجتي ورجعني للبيت ووعدني يتصل اليوم ..وهم ماتصل..احسه يتهرب مني بسالفه الاتصال وبنفس الوقت ليش يوعد وميوفي بوعده واصلا اني مضاغطه عليه علمود اتصال وهو من وحده صارله يومين يكولي راح اتصل عليج بالليل وميتصل بس بلكي مثلادينام من التعب ميحس ع روحه لذلك مديتصل ..اوووي وشنو يعني لو ما اتصل ع شنو شاغله بالي وتفكيري باتصاله..
قريت شويه ونمت..

يتبع..

قۣۗـۙصۣۗـۙصٍ 📖ۆبۣۗـۙسۣۗ 💯

#كسرة_خاطر
البارت 7
هاليومين همام لابين ولا اتصل ادري بي بالدوام بس عمتي ع اتصال بيه وع مرتين العصريه نطلع اني وياهه نكمل نواقص جهازي مال عرس اخذنه نفنوف ابيض مستور طويل وردانلت طوال وحته بي ركبه بس اكتافه عاريه وفتحه ظهر مكشوفه لحد نهايه الظهر وهو بي ذيل طويل وسمكي من جوة ومقسم ع الجسم واني جسمي حلو وشويه مربرب فكعد وزن عليه الفستان واخذت وياه حذاء كعب عالي ابيض شمعي وكوت هم نفس لون الحذاء لان صح اني سافرة بس الفستان ميلبس وحده واشتريت فرشه بيضه وبطانيات وبقت الغرفه والذهب كالت عمتي ذني مندخل بيهن من يجي همام من دوامه نشتريهن لان يريدهن ع ذوقه.. وبعد فساتين هواي اشتريت مال محجبات لان حسيتهن حلوات وذوق وهم مستورات وهمام يحب اللبس المستور واخذت كم قطعه بنطرون وبرموده وهوت بانس كلت البسهن للبيت لان همام ميحب البس بنطرون فها هي منعت نفسي البس بناطير للطلعه وماشتريت بدلات لان منسوي عرس بعد دورة السنه مال ماما الله يرحمهه وعمتي كالت علويش اشتري من هسه جائز تنزل موديلات احلا واظل اتحسر لان تسرعت واشتريت ويمكن اسمن فاجلت السالفه.
المهم ثاني يوم بالليل ساعه 10:30تقريبا اتصل عليه همام تفاجات بي ..
الو؟
هلو حنين شلونج
هلو همام ..بخير اني انت شلونك
تمام تمام الحمدلله.
دومك ياربي.
حنون باجر لاتداومين امر عليج ع الساعه 8الصبح.
اني صفنت اول مرة يدلعني ويكولي حنون وماربطت وياه بالكلام ليش ماداوم..
اوكف ليش شكو ماداوم باجر؟
هاي شبيج شبساع نسيتي مو اتفقنه نعقد محكمه باجر
هاا اي اعذرني والله نعسانه ومطفيه.
خوش هسه صار عندج علم انتظرج ع الساعه 8.
انت بالدوام؟
اي باجر الفجر انزل.
ان شاء الله توصل بالسلامه ..بس ليش تحجي بسرعه؟
تسلمين ..مو اني بالواجب هسه ومااكدر اطول وياج..
اوك ع راحتك.
حنوش مو تاخذج نومه باجر ترة كومه ورانه شغل
اني هم صفنت شو كل شويه يدلعني اسم شكل ساعه حنون وساعه حنوش..
حنوش الو.. ويايه؟
اي اي وياك
وين رحتي لعد
مارحت هنايه.
دا اكولج مو تاخذج نومه باجر.
ماشي
يله اني اروح محتاجه شي؟
لا سلامتك.
يله لعد تصبحين ع خير.
وانت من اهله الله وياك.
سد التلفون واني ظليت افكر بهمام باجر اصير ع ذمته الشغله صارت صدوك وماكو مفر.. احس بخوف ع توتر بس مو فرح ابد مادري ليش ..ابو حنوش شنو فلمك..

يتبع...

#كسرة_خاطر
البارت 8

ثاني يوم الصبح ساعه 8ضبط اجه عليه همام ورحنه للمحكمه بعدين رحنه للمستشفى وسوينه تحاليل وفحوصات ودننتظر النتيجه وازدحام بكل مكان الشارع والمحكمه والمستشفى واني نزل سكري لان طلعت ممتريكه وسحبو مني دم ابتله بيه همام وداني وريكني ريوط دسم شويه وماخلصت شغله التحاليل بالمستشفى لذلك رجعني همام للبيت وباجر نكمل فرة بين المحكمه والمستشفى وخلص اليوم بدون شي جديد هم اكل وشرب ونوم ودراسه واتصالات ويه ضمياء وهمام هم ماخابر وصار ثاني يوم وكملنه عقد المحكمه من وقت وعمتي عزمتني ع الغده ببيت عمي ورحت وبنفس اليوم العصر طلعت اني وهمام رحنه اشترينه الذهب وكان كولشي باختيارة وع ذوقه وما اخفي عليكم هو كان ذوق وجان حاط عينه ع غرفه اخشاب وداني اشوفهه وعجبتني كولش صاج تركي وضخمه وكالي اصلا غرفه النوم مالتنه جبيرة وراح تكعدهه وزن هاي الغرفه واتفق ويه الجماعه بنزلته الجايه يشدوهه لان هو باجر يلتحق للدوام شغله ثانيه اني لسه مشايفه بيتي الي راح اسكن بي ردت ارتبه كالي همام ماكو داعي كولشي كامل ومرتب بقه بس ينصبون الغرفه. ويجهز كولشي وبعدين عزمني ع عشه ورجعني للبيت .. اول مارجعت هلكانه من التعب بس بدلت نمت راسا ..
مرت يومين وهمام بالدوام واني مشغوله احضر للاربعين مال ماما الله يرحمهه وعمتي ويايه تساعدني وعمي همين ويانه بكولشي نحتاجه خلص اليومين ورجع همام من دوامه صح ماشفته بس جنه نتخابر لان هواي احتاجيته بالمسواك لان قررت اسوي ثواب لماما لفات كباب ويه الحلاوة والخفيفي المعروفه عدنه وكولشي جبناه جاهز لان وحدي ماكدر اسوي وردت اكبر عدد من الناس يترحمولهه وخليت همام يطبعلي زياره اللمام الحسين والعباس عليهم السلام ويهدون ثواب سورة الفاتحه لروح امي وكتبت اسمهه وصار الي ردته واجه يوم الاربعين سويت مجلس عزاء وثواب وعشه مال زلم وهمام جاب طباخين وثاني يوم من الفجر رحنه للمقبره حييل تاذيت بذاك اليوم.. مابطلت بجي مشتاقه للامي وفاكدتهه ومحتاجتهه حيل وهمام ابد معافني شفت بي حنيه اب ومافكرت ابد بشي ثاني وهاي جان نزوله الاخير لان اخذ احازة زواج ،21يوم يعني 3اسابيع بالتمام واني هم جنت ماخذه اجازه من الكليه اسبوع لان ميطون اكثر من اسبوع واحد يعني متفقين نعقد عقد سيد مباشرة ورة الاربعين ويدخل بيه همام ..طبعا هذا الشي الخوفه مالته بحث اخر حاولت ابعد تفكيري عن هذه الليله واخليهه ورة رب العالمين هو يسهلهه..

يتبع

بهالقصة بارتاتها كصار.. فنشرت 8 بارتات
😻💜والباقي عل باجر

#ملوكه

عمري هذيني بيجات🙃👇🏻كيك بكربلا

#ملوكه

هسه اوجهن حبي

وعناية للجسم اهم شي لاتنسين بالاسبوع مرتين قشري بليمون وملح ويوميا رطبي بلوشن🌚🌺

وبالمراكز اكو لتصفية الجسم وتفتيح للعرايس

#ملوكه

منا وجوة العناية بالمنطقة الحساسة🙃🌸

#ملوكه

خلطات لتسمين الوجه👆🏻☺️

#ملوكه

رسالتي إلى كل إمرأة:🔮🧚‍♀

♡_ حبي نفسك قبل أن يحبك أي أحد

♡_ إبني شخصية قوية لا أحد يستطيع كسرها

♡_ إجعلي كرامتك فوق كل شئ فمن تهينينا كرامتك لأجله لن يرى هذا فضلا منك مطلقا

♡_ أفرضي احترامك على الجميع و هذا بإحترامك لنفسك

♡_ تعلمي تثقفي مارسي هواياتك المفضلة لكي لا تكون لديك مساحة لسفهاء المجتمع

♡_ ثقي بنفسك ، نعم أنت جميلة ، انت راقية ، انت قوية....

♡_ كوني راقية في أسلوبك في تعاملك في شخصيتك في لباسك ، كوني الأفضل

إجعلي من نفسك سيدة عظيمة😍💓


#اعـاده_توجيـــہ_لتنسون
#ملوكه
@stylegrils

اللي يدخلون عليج خاص ومتدرين هذا ولد لو بنيه

فهاي خوش فكرة جربوها🙂💔

#ملوكه

عمري مدام بشرتج دهنية ومنا تستعملين كريم او دهن..فطبعا تصير حبوب واثار

فكون باليوم 🌚مرتين تغسلين بشرتج بالغسول..صبح وبليل قبل نوم

واكو انواع من الغسول مثل نتروجينا او غسول شجرة الشاي او سيرافي..الخ

ولاتنسين بالاسبوع مرتين قشريها🥰

وكون تحللين حبي ..فمدام نزلتي هالنزول بالوزن فيجوز عندج نقص فيتامين
فحللي وعوضي النقص بالأكل وحبوب فيتامينات✨

#ملوكه