‏فَاسْتَجَبْنَا لَهُ وَنَجَّيْنَاهُ مِنَ الْغَمِّ🩵..

فهامه لي رايح بيها نعقب تاريخ 🙂😹

امشي احسنلك 🔪🤨

لا مكان والو غير راني مدابز مع الفلسفه 🙂😭

نصيحة ليكم في الادب

كي شفت المراجعة النهائية تاع حيقون في اليوتيوب وكيفية حل المواضيع، لاحظت بلي أغلب الاجوبة لازم تدير فيها التمثيل حتى وتكون إجابتك صحيحة بصح مدرتش التمثيل رح تدي ربع العلامة ولا متديش كامل بالإضافة للأسلوب اللغوي لي مستحيل تكتسبو إلا اذا كنت تحل في المواضيع
لي مشافش المراجعة النهائية تاع حيقون راه يراطي ملخر

خبر عااااجل ⚠️
جماعة نحذركم بلي اعلنت وزارة البريد الالكتروني بلي راهو كاين خلل في الكهرباء والانترنت وانقطعت في بعض الدول مثل اسبانيا وقالت بلي ممكن تنقطع عندنا في الايام القادمة .💢
لذا خدو احتياطاتكم اقراو ولاكان حابين حملو الفيديوات لي تساعدكم خاصة راكم في فترة فروض راني حذرتكم الحاضر يعلم الغايب .
الخبر مؤكد 🚫

صباح النور 🌞

جيت نفكركم انه اليوم 29 افريل
15ماي يتبقا للباك شهر خمم فيها مليح
21جويليا على مل اضن
يكرم المرا او يهان

صباح النور

اصبحت القنات عباره تحفيزات نصائح وملخصات🤍📐

🔴🔴🔴 عاجل:
وزارة التربية الوطنية قدمت تاريخ إستخراج إستدعاء البكالوريا الى 11 ماي.

ماشاء الله كامل لي فوطاو راكم اعداد مركبه
باذن الله كامل تدو علامات مرضيه وبنسبه لليمافوطاوش ادا شفتو ميساجي
اينما كنتم حابسين لا تقنطو من رحمه الله اسعاو لاخر نفس لم يتقى الكتير 🤍

نصيحه من عندي
من الان لي مازيرش يبدا يزير الانه سايي دكا وتيره تضاعف تقلي فناهر العائله ميخلونيش نقرا نديرونجا قلبها في الليل الله بسهل منيش نقلك قتل روحك لكن اعمل حب كاين بزاف حلول
وربي راه يشوف في تعبك وسهرك ودعائك
تق في الله ومتشوفش من ورائ راح تعرفني واش ني نقول وين يبقا للباك 15day تقول كو غير مارقدتش وبقيت نقرا لتم تولي تحوس الوقت تشريه 😔
وفقكم الله احبتي 🤍🫶🏻

خاوتي 🙂
ماي …جوان 👀سايي باك بحح😀

مازرع الله بقلبك أمراً إلاّ وهو كافلٌ لحظة تحقيقه لك

تقريبا هاذي الحالة تنتاب اي واحد و هي حاجة طبيعية بسك راك قريت 12 سنة و مديتها من عمرك باش توصل لعام الباك و دك راك فالشوط التالي لي يحسم الماتش كامل
U care and u should care
حاجة طبيعية أنك تخاف من نتيجتك ، و لا أنك تحس روحك بديت تضيع و خص واحد يوجهك و يوريلك الأخطاء ليقاعد تدير فيهم بلا ماتجيبلهم بال، تحس روحك كرهت ، عييت ، وش لازم ندير دك ، لوكان الباك يجي صعيب ، لوكان يركزو على الدروس الأخيرة ،لوكان نغلط نفس الغلطات ليقاعد نديرهم دك ، و شحال من لوكان أخرى .
الخوف هذا الطبيعي يا أخي ،
مي علابالك وش هي الحاجة ليتصنع الفرق دكا ؟؟ و وش هي الحاجة ليتميز تلميذ على آخر و تخلي علامتو تتغير ؟
الحاجة هادي هي كيفاه تكونطرولي الخوف و الستراس دكا و تقدر تافونسي وش بقا بدل ماتبقا تعيي روحك بالتخمام بلا فايدة .
بقا شهر للباك ، اسك هذا التخمام تع نوصل و لا منوصلش حيجيب فايدة ، وش قاعد ندير انا أصلا كينقول بلاك نوصل و لالا ؟ اسك كاين فايدة و لا كاش عفسة حتصرالي
الإجابة ليعلابالي و علابالك بيها هي لالا .
طريقة التفكير هو منبع المشاكل و منبع الحلول في آن واحد .
اذا قعدت تخمم على رسوبك من نجاحك و وش كنت قادر تدير ، و بلاك ضيعت وقت مقبل ، حتتقلق ، يفرز ادرنالين ، ينقص تركيز ، مخك يولي حاب يهرب مالحالة لي فيها غير بالرقاد
نتيجة ذلك تولي القراية ليتقراها تحس بلي ماراك تستوعب والو ، نعاس حاكمك طول النهار فالوقت لي لازم تصحصح فيه و تمد أقصى ماعندك دك .
بديت تفيق الحل وش هو و لا؟🤌🏻
نديرو لحظة تفكير و نخمو منطقيا ، السعي سعيت ، التعب تعبت ، قريت 12 عام باش تدي مفتاح يخليك تدخل التخصص ليحابو برك
صبرت سنين من عمرك، هان عليك شهر تزيد تمد فيه وش تقدر و تدي المفتاح هذا ؟
حاس روحك عييت ، لازم تعيا
جمال النجاح أنو يجي بعد تعب مش بالساهل .
بقالك أسابيع و خلاص علاه تخلي روحك بالطاقة السلبية و تبريزي عمرك و لي معاك ،

آخر مرة ديت فيها 20 في مادة الرياضيات كانت فالبيام و من ثم ماعودتش شفتها مرة أخرى حتى الباك ، علابالك وش معنتها ثلاث سنين و انا نقرا كل فرض و كل اختبار باش نديها و منبعد لالا ، ثقتي في روحي من ناحية الرياضيات بالذات بدات تتزعزع و شيئا فشيئا بدا يدخلني تخمام تع واقيل مافيهاش صح مع الرياضيات تع الليسي .
في هذي اللحظة بالذات و كي فقت بلي ثقتي بدات تتزعزع قلت خلاص لازملها حل
علاه مانوصلش انا و كل عام الناس توصل
على أي اساس مخوفتني قراية تع الليسي و الناس راي تعدد ف الدكتوراه
الهاته الدرجة نفسك هانت عليك ؟
في هذه الدوامة، النقطة الفاصلة كانت كيدخلت في راسي انو الحل الوحيد لانقاذ ماتبقى اني نكمل نخدم مش نخمم ، كل نهار حتريفيزي فيه و لو حرف عندو دور و حيزيد من نتيجتك ، كل نهار تقعد فيه فهادي الدوامة حتسوء حالتك النفسية ، حتخسر ثقتك بروحك و تكمل نحو الأسوء .
مالا صاي حبس علينا الخوف هذا ، احكم ورقة بيضاء اكتب كامل وش حاس ، مخاوفك ، وش راو يقلق فيك ، اكتب كلش حرفيا كامل الهدرة ليحاب تقولها و ليكنت حاب واحد يسمعك علاجالك ، اكتب كلش .
و كي تكمل عبالك وش تدير ، قطعها
قطعها ، احرقها و لا ارميها و قال خلاص خصنا حل مش غير هدرة.
احكم ورقة بيضاء اخرى و اكتب وش هو المشكل ليراك تشوف فيه مش حيخليك توصل لهدفك و خصو يتحل ، درس ماراكش فاهمو مليح ، مصطلحات ماحفظتهمش ، قواعد نسيتهم ، و لا مواضيع ماحليتهمش
كل مشكل ديرلو سهم و اكتب الحل و لا الحلول تاعو .
و توكل على ربي و بدا تطبق و كل مرة تكمل حاجة قال اقتربنا من الهدف ، طلعنا نقطة تع فيزيك ، ضمنا المواد الفرنسية و هي رايحة.
هذي هي الطريقة ليخلاتني نتحمس نروح نجوز الباك و نستنى غير وقتاه ختبر روحي و نشوف بلي حليت المشاكل ليكانو فالطريق .
صدقوني كي اقتنعت بهاذي صح ، وليت كل مرة نروح نتبسم و نضحك لدارنا و نقلهم علابالكم الباك مابقالوش و هوما مدهوشين فيا .
هاذي ليتخليك متحمس تروح للباك لييخوفو بيه ، خليك متحمس باش تدي المفتاح ليتوصل بيه التخصص ليتحوس عليه و المجال ليتشوف فيه روحك ، و دايما اتفكر بلي راك عاد فالبدية تع المشوار الجامعة و الماستر و الدكتوراه و أكثر من ذلك مش حيكون أسهل من الباك ، مي قدرتك على المواجهة و كيفاه تتحكم فالستراس هي ليحتخليك توصل بعيد .
نهايةً، جامي يخيب ظنك بربي ، تيقن بلي سيسير لك طريقك و يسهلها لك ، توكل عليه في كل خطوة تخطوها ، حصن نفسك بالأذكار ، و أقرا ورد من القرآن كل ماتحس روحك متضايق ،
و ادعي إن الدعاء يغير الأقدار . ❤️‍🩹

دعواتكم لي بشفاء جزاكم الله