جماعة بالنسبة للورقة لي عطاوهالكم تاع سطاج كي تبغيو تبداو في سطاج روحو l'hopital الي راح تسطاجيو فيه يكون تاع دولة ماشي بريفي روحو للادارة ادفعو هذيك ورقة وهوما يقولوكم اذا تبداو من نهار هذاك الي حطيتوها فيه والا يعطيوكم لادات الي تبداو فيها
كيما انا عام ليفات مع حطيت ورقة تاعي يت سطاج ديراكت وتحسبلكم الادارة 21 يوم كي يكملو يعطيوكم ورقة تاعكم
بالنسبة وشحال تسطاجيو وقدش من مرة في سمانة راهم ميحوسوش عليكم مشي كامل مي الاغلبية يعني كسما تساعدكم روحو
الوقت الي يسطاجيو في ليزيرجونس راه ميهمش لانو دايما كاينة الخدمة اما لي يسطاجيو في سارفيس مثلا medecin interne ولا ننصحكم روحو شوي بكري حاولو 7 وخمسين ولا 8 تكونو في سارفيس لانهم هذاك الوقت لي يديرو فيه les act باه تتعلمو مليح
موفقين ان شاء الله واستمتعو بالتجربة ومتحشموش حرفيا الي يحشم ميتعلم والو اي حاجة متعرفوهاش سقسيو عليها عادي

ونصيحة اخرى كي تكونو في بداية سطاج خاصة وتكونو متعرفوش مليح تفاداو تروحو للمريض وحدكم لانو قادر تغلطو ولا يشوفكم متعرفوش يديرلكم مشكل حاولو دايما روحو مع infermier باه تتفاداو المشاكل
حاجة اخرى مهمة وناكد عليها ردو بالكم تقيسو ولا تخدمو بلا متلبسو ليڤو ردو بالكم راه كاين بزاف امراض ينتقلو قادر تبيكيو مريض وتخبشو رواحكم بليڤوي ولا صاي راه المرض لي عندو يجيكم دايما البو ليڤو تاعكم لاني والله نعرف بزاااف غير بالتهاون هكا راهم ضرك HCV وحكمهم VIH وبزاف امراض لذلك ردو بالكم

وكلمة منعرفش راها ماشي عيب اجماعة كاين ناس يحشمو وخاصة بنات تلقاها تسطاجي في ليزيرجونس وخي شفتو ثما ناس كامل مزروبين ومقلقين تلقاها يشوفها مريض لابسة تبانلو راها خدامة يقلها ارواحي ديريلي سيروم ولا هي من حشمة متقلوش راني منعرفش ولا ني نسطاجي يا اما تروحلو وتدير كارثة ويدور عليها والا تبقا تقلو ضرك نجي حتان يداق معاها راني نحكيلكم في امور من الواقع
فكي يجيكم مريض ونتوما متعرفوهاش عادي قلو انا نسطاجي هاي ليك فرملية ولا وقلها مهيش عيب

وجماعة تاع بريكة اني اذا سطاجيت نعطيكم نصائح في الواقع 😂😂

هذا فوطو صورتو اول نهار ليا في السطاج حرفيا مهما كان عندك مشاكل كي تشوفو المرضى والمعاناة تاعهم تحمدو ربي على الحالة لي راكم فيها
مثلا الي راه في الفوطو عمي وحيد هذا كان هو شاف سارفيس تاع hémodyalise وشاءت الاقدار انو مرض وتحول من موظف الى مريض في نفس القسم لي كان حاكمو فدايما احمدو ربي على واش راكم فيه

🚨⚠️ الصيف ماشي للراحة فقط… هو فرصة باش تعاود تبني نفسك ⚠️🚨

جمعنالكم أقوى القنوات المختارة بعناية باش تستغل وقتك هذا الصيف بطريقة ذكية
سواء كنت: طالب تحضر لـ rattrapage
🧠 أو حاب تطور نفسك وتبني ثقافة أقوى في جميع المجالات
💡 أو حتى حاب تبدل طريقة تفكيرك او تتمنى نظام حياة اكثر وعي
هذا المحتوى راح يعاونك تبدأ من جديد بطريقة منظمة
فيه تلقى:

🩸 ملخصات تساعدك تفهم بسرعة
🎓 محتوى تعليمي منظم وسهل
🔬 معلومات توسّع ثقافتك وتفكيرك
🏥 محتوى طبي وتعليمي مهم لطلاب المجال الصحي

🧠 هذا الصيف ممكن يكون ضايع… وممكن يكون نقطة تحول في وعيك

🔥 Join us:
https://t.me/addlist/aGYY_1U0Eu0yOGY0

📌 كتيب محمول صغير رح يفيدكم بزاف خاصة أصحاب السنة الأولى لي رايحين لأول سطاج ليكم 😁
نرجو منكم غير مشاركة بسيطة… باش ننالو الأجر كاملين 🤍
🔴ملاحظة: النسخة المفصلة للكتيب تجدونها في البوت

هذا ثاني يعاونكم هايل فيه الماتريال كامل واسامي الادوية الي نستخدموها في الاستعجالات

جماعة جاني سؤال تافه في راسي قلت نسقسيهم ونروح نرقد 😂😂كي تشوفوني هنا بزاف اعرفو راه عندي قراية فوق راسي وهارب منها 🥲
ليسونسيال اسكو كاين لي يعرفني هنا ولا لالا 🙂
هذا هو السؤال 😂 ايا تصبحو بخير

حطولكم PV؟؟

يا درا معدلات طلعتو بشروني 🙂

جماعة تاع راطرباج راني منيش ناسيكم مباعد عشية نحكيو مليح على كلش متخافوش باذن الله راكم كامل مطلعين

سلام الله عليكم اول حاجة نبارك لكل واحد طلع عامو نقلو الف مبروك والعاقبة للسنوات لي مزالو ونبارك ثاني لجماعة الراطرباج ونقلكم باذن الله راكم تطلعو كامل الا لي مبغاش راطرباج عمرو مكان معيار فشل ولا انكم اطباء فاشلين حتى واذا دخلتو بروميار وزدتو ضرك بالعكس هو فرصة ثانية باه تعوضو فيها لذلك استغلوها احسن استغلال ففي النهاية نحن بشر ومش دايما نقدرو نسيرو حياتنا واحيانا تكونو الظروف اقوى منا فلا تقنطو والله راكم حرفيا تطلعو كامل الا لي مبغاش شكون هذا لي مبغاش لي ميقرا والو اما باقي راهم يعاونوكم وكاين لي يزيدولكم
فشوفو ليزينيتي خاصة طلعو بيهم افضل من ليموديل لانو معاملهم اكبر مثلا خاصك4 نقاط وتكون مدي مثلا في ديجيستيف 8 كان تدي فيها 9 صاي راك طلعت عامك ننصحكم تقراو الي بعاد بزاف على 10 لانهم اسهل باه تطلعوهم كفاه مثلا وحدة مدي فيها 6.20 ووحدة 9.80 ويكونو خاصينك 8 نقاط انك تدي 8.20 اسهل من انك تدي 11.80 فهمتوني والي خصهم بزاف متريسكيوش وتدخلو غير في وحدة باه تلمو نقاط منهم كامل مام لي مقريتوهم فوتو فيهم متدريو ساعات بالزهر برك تديو فيهم اكثر من نقطة لي ديتوها من قبل ولو ب0.5 راها في الفايدة
بالنسبة للمصادر راهم كامل مثبتين فوق اناتو تلقتو لاشان تاعي تاع يوتيوب شارح فيها ليكور تاع ديجيستيف وايرينار والكرديو شوفو الفوق تلقاوهم
https://youtube.com/@study-with-hatem?si=yjP0-6t8JguUQMTF

الفيزيو تلقاو لاشان تاع مريم اي شارحتها تقريبا كامل وشارحة بيوشيمي في الاوندو
https://youtube.com/@dr_meriemghodbane?si=N85UFQXTRRmjuEBx
هذي هي وربي يوفقكم ان شاء الله المصادر بالتفصيل تلقاوهم في الميساجات مثبتة الفوق منظمين لكل وحدة ربي يوفقكم ان شاء الله اقراو برك متخافوش راها ساهلة وباذن الله طلعو
🔴🔴🔴 بالنسبة لاناتو لجماعة لي حابين يدخلو في نورو راني داير فيها دورة شارح تقريبا اغلب ليكور الي حاب يقرا يبعث لهذا الكونت @Trauzard هو يدخلكم

🔴الدورة راها باطل متسلكو والو ادعيولي معاكم دعوة تاع خير برك 🔴
ربي يوفقكم احبتي ان شاء الله تكونو من الناجحين

Unité01=cardio 🫀reapiratoire
✅️cour01:mécanique ventilatoire
https://t.me/c/2412058861/7
✅️cour02=éléctrophysiologie cardiaque
https://t.me/c/2412058861/8
✅️cour03=cycle cardiaque
https://t.me/c/2412058861/15
✅️cour04=régulation de la pression artérielle
📌Part01:
https://t.me/c/2412058861/21
📌part02:
https://t.me/c/2412058861/21
✅️cour 05 =débit cardiaque
https://t.me/c/2412058861/22
✅️cour 06=circualtion coronaire
📌part01:
https://t.me/c/2412058861/48
📌partp2:
https://t.me/c/2412058861/48

هاذي تاع فيزيو كارديو لي قتلكم عليها تاع مريم

لا تنسو صيام يوم عاشوراء غدا فعن أبي قتادة رضي الله عنه أن النبي ﷺ سُئل عن صيام يوم عاشوراء، فقال: «صِيَامُ يَوْمِ عَاشُورَاءَ، إِنِّي أَحْتَسِبُ عَلَى اللَّهِ أَنْ يُكَفِّرَ السَّنَةَ الَّتِي قَبْلَهُ» (رواه مسلم وأبو داود والترمذي)

السلام عليكم نتمنى تكونو بخير
عندي طلب صغير برك منكم علبالي كثرت مي هذي اخر مرة 😁 ادعيولي في هذا اليوم مبارك نطلع نهار السبت لاني حرفيا رايح بدعاوي تاعكم 🥲 متبخلوش عليا وان شاء الله ربي يرزقكم من فضله اضعاف مضاعفة 🤍

واخيرا 😮‍💨