اللهم وفق حاتم وهب له النجاح، اللهم افتح عليه فتوح العارفين، وذكّره ما نسي، واشرح صدره، ويسّر أمره، واحلل عقدة من لسانه ليفقه قوله. اللهم يا معلّم موسى علّمه، ويا مفهّم سليمان فهّمه، اللهم اجعل امتحانه برداً وسلاماً على قلبه وعقله، واكتب له التوفيق والسداد في كل إجابة، وافتح عليه من واسع فضلك وكرمك يا أكرم الأكرمين

ولكل واحد دعالي من قلبو وتفكرني في دعوة من دعواتو ربي يرزقو اضعاف مضاعفة يا رب يويفقو ويجعلو من الاوائل في دينه ودنياه 🤍✨

و حنين

كملتو مبروك عنكم 😒
منيش حاسدكم طوول 🙂

شني كنطرول خدمتو شوي؟؟

ان نحونا فهي الرحمة وان هلكنا فهو عدل العدل 🙂

جماعة مبروك عليكم كملتو ثاني عام في مسيرتكم الدراسية نتمنى انكم تكونو مطلعين كامل والي مطلعش وداخل راطرباج نقلو متفشلش الرطرباج عمرو ما يعني الفشل هو مجرد فرصة ثانية وراكم باذن الله تطلعو كامل وتتهناو غير مسألة وقت صدقوني
حبيت نشكركم كامل شكرا لدعمكم وتشجيعكم يعني بديت بقناة فيها 1 واليوم والحمدلله رانا في 3.6k نتمنى انو هذه القناة البسيطة كانت مصدر فائدة ليكم ولو بالقليل حاولت نعاونكم بالشيئ لي قدرت وكل حاجة شاركتها معاكم شاركتها بنيتي وان شاء الله راني مكمل معاكم للاخير
واني نحكيلكم على السطاج واش ديرو فيه وواش لازم تتعلمو وجماعة راطرباج راني هنا اي حاجة بغيتو تسقسوها مكانش مشكل
موفقين ان شاء الله 🤍✨

نحكيو شوي على سطاج تاعكم؟

هذا سطاج الي حديرو راه مخصص les sions infermier دونك واش لازم تتعلمو فيه:

🔴 Préparation de traitement
يعني كفاه توجدو الدوا تاعكم قبل منمدوه للمريض
🔴 Prélèvement
هي كفاه تجبدو الدم وديروه في les tubes الملونين باه نديوه لابو ولازم تعرفو الفرق بين les tubes هذوك
🔴 les injection (IV /IM....)
🔴poser un cathéter veineux périphérique
تلي نقولولها بالعامية نبيكيو المريض تركبولو canula هذيك وتعرفو تفرقو بين الالوان وكل لون لواش نستعملوه
🔴 ecg
الي هي تاع تخطيط تاع القلب تعرفو كفاه تركبوها للمريض برك مكمش مطالبين تعرفو تقراوها حنا كملنا طروازيام(قريب نكملو 🥲) ومزال منعرفوش نقراو ecg
🔴 Bandelette d'urinaire
كفاه تقراوها برك هي اعزكم الله تحليل تاع البول
🔴la suture
تتعلمو مفاه تخيطو الخياكة سامبل برك
🔴Plâtre
بلاط تاع الي نديروه للمكسورين
🔴 Musure de glycémie et de la tension
نورمالمو هذو هوما الحوايج لي لازم تهزوهم في سطاج تاعكم بالنسبة لافضل بلاصة هي ليزيرجونس باسكو ديما ليمالاد يتبدلو ليه ليه ماشي كيما في ليسارفيس يطولو بزاف دونك حيكون عندكم لاشونس تحربو اكثر وزيد بلاطر وسيتير مكانش في ليسارفيس لخرين بالنسبة للبسة كازاك ماشي اوبليجي الا اذا سطاجيتو في لاريا والا سارفيس شيريحيكال بخلافهم تقدرو تلبسو طابلية برك ستيتوسكوب متحتاجوهش تلقاو في سبيكار باه تقيسو بيه لاطونسيو
هذي هي واش لازم تهزو من سطاج تاعكم كاين بوت مليح تلقاو فيه واش تحتاجو ينعتلكم ماتريال كلش ضرك نبعثولكم
موفقين ان شاء الله

دليلك السريع في الاستعجالات الطبية الجراحية 🩺💉 https://t.me/Urgence_isp_bot

هذا البوت الي قتلكم عليه هايل

جماعة بالنسبة للورقة لي عطاوهالكم تاع سطاج كي تبغيو تبداو في سطاج روحو l'hopital الي راح تسطاجيو فيه يكون تاع دولة ماشي بريفي روحو للادارة ادفعو هذيك ورقة وهوما يقولوكم اذا تبداو من نهار هذاك الي حطيتوها فيه والا يعطيوكم لادات الي تبداو فيها
كيما انا عام ليفات مع حطيت ورقة تاعي يت سطاج ديراكت وتحسبلكم الادارة 21 يوم كي يكملو يعطيوكم ورقة تاعكم
بالنسبة وشحال تسطاجيو وقدش من مرة في سمانة راهم ميحوسوش عليكم مشي كامل مي الاغلبية يعني كسما تساعدكم روحو
الوقت الي يسطاجيو في ليزيرجونس راه ميهمش لانو دايما كاينة الخدمة اما لي يسطاجيو في سارفيس مثلا medecin interne ولا ننصحكم روحو شوي بكري حاولو 7 وخمسين ولا 8 تكونو في سارفيس لانهم هذاك الوقت لي يديرو فيه les act باه تتعلمو مليح
موفقين ان شاء الله واستمتعو بالتجربة ومتحشموش حرفيا الي يحشم ميتعلم والو اي حاجة متعرفوهاش سقسيو عليها عادي

ونصيحة اخرى كي تكونو في بداية سطاج خاصة وتكونو متعرفوش مليح تفاداو تروحو للمريض وحدكم لانو قادر تغلطو ولا يشوفكم متعرفوش يديرلكم مشكل حاولو دايما روحو مع infermier باه تتفاداو المشاكل
حاجة اخرى مهمة وناكد عليها ردو بالكم تقيسو ولا تخدمو بلا متلبسو ليڤو ردو بالكم راه كاين بزاف امراض ينتقلو قادر تبيكيو مريض وتخبشو رواحكم بليڤوي ولا صاي راه المرض لي عندو يجيكم دايما البو ليڤو تاعكم لاني والله نعرف بزاااف غير بالتهاون هكا راهم ضرك HCV وحكمهم VIH وبزاف امراض لذلك ردو بالكم

وكلمة منعرفش راها ماشي عيب اجماعة كاين ناس يحشمو وخاصة بنات تلقاها تسطاجي في ليزيرجونس وخي شفتو ثما ناس كامل مزروبين ومقلقين تلقاها يشوفها مريض لابسة تبانلو راها خدامة يقلها ارواحي ديريلي سيروم ولا هي من حشمة متقلوش راني منعرفش ولا ني نسطاجي يا اما تروحلو وتدير كارثة ويدور عليها والا تبقا تقلو ضرك نجي حتان يداق معاها راني نحكيلكم في امور من الواقع
فكي يجيكم مريض ونتوما متعرفوهاش عادي قلو انا نسطاجي هاي ليك فرملية ولا وقلها مهيش عيب

وجماعة تاع بريكة اني اذا سطاجيت نعطيكم نصائح في الواقع 😂😂

هذا فوطو صورتو اول نهار ليا في السطاج حرفيا مهما كان عندك مشاكل كي تشوفو المرضى والمعاناة تاعهم تحمدو ربي على الحالة لي راكم فيها
مثلا الي راه في الفوطو عمي وحيد هذا كان هو شاف سارفيس تاع hémodyalise وشاءت الاقدار انو مرض وتحول من موظف الى مريض في نفس القسم لي كان حاكمو فدايما احمدو ربي على واش راكم فيه

🚨⚠️ الصيف ماشي للراحة فقط… هو فرصة باش تعاود تبني نفسك ⚠️🚨

جمعنالكم أقوى القنوات المختارة بعناية باش تستغل وقتك هذا الصيف بطريقة ذكية
سواء كنت: طالب تحضر لـ rattrapage
🧠 أو حاب تطور نفسك وتبني ثقافة أقوى في جميع المجالات
💡 أو حتى حاب تبدل طريقة تفكيرك او تتمنى نظام حياة اكثر وعي
هذا المحتوى راح يعاونك تبدأ من جديد بطريقة منظمة
فيه تلقى:

🩸 ملخصات تساعدك تفهم بسرعة
🎓 محتوى تعليمي منظم وسهل
🔬 معلومات توسّع ثقافتك وتفكيرك
🏥 محتوى طبي وتعليمي مهم لطلاب المجال الصحي

🧠 هذا الصيف ممكن يكون ضايع… وممكن يكون نقطة تحول في وعيك

🔥 Join us:
https://t.me/addlist/aGYY_1U0Eu0yOGY0

📌 كتيب محمول صغير رح يفيدكم بزاف خاصة أصحاب السنة الأولى لي رايحين لأول سطاج ليكم 😁
نرجو منكم غير مشاركة بسيطة… باش ننالو الأجر كاملين 🤍
🔴ملاحظة: النسخة المفصلة للكتيب تجدونها في البوت

هذا ثاني يعاونكم هايل فيه الماتريال كامل واسامي الادوية الي نستخدموها في الاستعجالات