مليح هايل كي تقولولي افونصينا في اناتو تفرحوني لانها هي طويلة والمهمة بالنسبة للايستو ثاني راكي ماشية فيزيو سيي اذا جاوك ليكور تاعك طوال وصامطين لاني على ما اظن بدلوهم اقراي بتاعنا تاع عام ليفات هايلين قصار وملاح وزيد شارحة بيهم مريم هزي منهم لاباز مبعد اضربي طلة على ليكور تاعك برك وحلي كيسيام باه متضيعيش هكا وقت بزاف

افضل حاجة ديريها في هذا الوقت انك تزربي تكملي واش بقالك في هذي السمانة ومبعد تحكميها غير روكوش وكيسيام حتى يلحق كونطرول

عادي هذيك تبالك برك ضرك ابداي في الروكوش هذي السمانة باه تعرفي ليكور الي هزيتيهم والي عندك نقص فيهم باه تداركيهم السمانة الجاية وحلي كيسيام باه تعرفي علواه يركزو ليبروف
بالنسبة للطريقة افضل كريقة والي انا نستخدمها اني نحكم كور تاعي ونشرح لروحي الكور بالتفصيل هكا نشفا وساعات ندير مخططات مش باه نراجع بيهم مي باه نحفظ بيهم ولا نرسم نخربش مهم حاجة كي نتفكرها نتفكر بيها المعلومة هذيك

ترجع لكل شخص والطريقة نتاعو انا مثلا نحب اني نعاود لكور تاعي كامل باه نضمن اني مفتت والو لكن تبقا مجرد طريقة وكل انسان كفاه تساعدو يهز المعلومات المهم انكم تهزو اكبر عدد ممكن من ليديتاي ☺️

جينيتيك نعم وبشدة لانها ساااااااهلة طول
اما الايمينو تتعبي فيها شوي اما قرايتها حلوة هي مكانش حاجة مستحيلة ولا بعيدة الي يقرا يدي فاذا شفتي انك قريتي وتعبتي الجهد تاع 18 و19 صدقيني ربي ميخيبكش وتدي واش باغية واكثر

ايه تقدري تعوضي بيهم مش كيعاد معاملهم 2 تهملوهم ولا تقولو ميساعدوش لا راهم يعاونو انا نعرف جماعة كانو حيدخلو راطرباج وليموديل الي منعوهم وطلعو لذلك متخافوش مزال عندكم البديل باه تعوضو

بما انها بقاتلك سمانة برك افضل حاجة ديريها هزي الموديل الي حيجيبولكم عليه بزاف اقرايه والباقي ديري فيهم ملخصات بdeepseek افهميهم بيا وحلي كيسيام وباذن الله تطلعيها + نظن الفيزيو اسهل حاجة لانها فهامة ومفيهاش حفاظة تساعدك

جامعة ندير استراحة محارب ومبعد نكمل نجاوبكم باذن الله 🙂👍🏻

بالنسبة للاسئلة اجماعة مقدرتش نريبوندي عليكم كامل لانو راهم بزااااف لكن معظم الاسئلة كيما هذا خيرت واحد باه نعطيكم اجابة ونتوما قيسو على رواحكم باه ميكونش تكرار برك
شوفو اهم حاجة ديروها في هذي سمانة انكم تحاولو تلحقو بليكور قدر الامكان قد متزيدو تقراو ديكور جدد في الفايدة تاعكم مبعد من نهار الجمعة احكموها غير روكوش وكيسيام بالكريقة الي تساعدكم انا مثلا نحب نخدم بالموديل نروكوشي اناتو كامل وبعد نفوت للايستو وهكا وكاين الي يحب يخلط عادي المهم انكم تروكوشيو بزاف باه تهزو الكور وحلو ليكسيام ونهار الجمعة قبل كونكرول هزو ليكور الي ناقصين فيهم زيدو روكوشيوهم وركزو على واش يجي في كيسيام وفي ليل اضربو طلة على كونطرول عام ليفات وباذن الله تكونو واجدين ربي يوفثكم ان شاء الله🤍✨

بالنسبة للسطاج كل بلاصة وكيفاه مثلا انا وين سطاجيت معندناش بروغرام نروح وقت منحب ونخرج كيما نحب يعني مش مربوطين بوقت ثاني حاجة انو سطاج مفيهش نقطة المهم انك تفاليديه ويكاشيولك الورقة هذيك الي مباعد تدفعيها للادارة باه تقدري تسجلي في طروازيام

مريقلة كي نعود راح نسطاجي نقلكم تروحو معايا 🙂👍🏻

ايه من بريكة زدت فيها ونسكن ثما 🙂

تقريبا راني ديما في لابيب ابعثلي برك نقلك وين راني ونتلاقاو منخليهاش في خاطرك 😂

عيد ميلادي فات 😔 انا زايد في 18 مارس العام الجاي ان شاء الله ☺️
وشكرا كي قلت كانك درت بارك الله فيك ربي يحفظك

ميهمش الوقت قدش المهم انو شاف سارفيس يشوفك مي كي نتا جامي رحت ومبعد تدي ورقة وتقلو كاشيلي كاين الي يكاشيو عادي وكاين الي يقلك انا جامي شفتك هنا مثلا روحو من 8 حتا لل11 ولا 12 3 مرات في سمانة تكفي والي يحب كثر عادي

الحمدلله هذا شيئ بسيط جدا حاولت نفيدكم بيه نتمنى انكم تستفادو من هذه الصفحة. نحاول نحطلكم حوايج متعلقة بالقراية وساعات نقصر معاكم شوي باه متكرهوش من جو القراية هذاك ☺️
ربي يوفقكم ان شاء الله ❤✨

معارف والله ميساجات راهم بزاف فمتولهتش المهم حاولي روكوشي ليكور الي قريتهم بالنسبة للفيزيو ليكور الي يركزو عليهم بزاف
EEG et cycle veille sommeil
cerveau et Cervelet ليكور تاع
Somesthesie
Réflexe
هذو الي مهمين شفتو في نورو اي حاجة تقريبا عندها علاقة ب SNC راها مهمة روكزو عليها

انا نحل لكل كور كيسيام تاعو وحدو هكا باه نعرف وش الحوايج الي هزيتهم ونقاط الضعف تاعي في هذاك الكور قبل منفوت لكور آخر

#منقول
انا ختي هذوين خرجت من السبيطار وبالذراع لادبرتلها الاكسجين و ضرك لازمتلي لباراي لي تقيس الاكسجين بصح حنا الله غالب معندناش و غالية لي يقدر يعاوني ولا عندو وحدة فدار ميستخدمهاش يسلفهانا ونردوهالو كينكملو محتاجتها  ايرجون  هاو النميرو تاعي نحتاجها غدوة
0699470270

خاوتي الي عندو ولا يقدر يوفرلها ميبخلش ربي يحفظكم

بالعكس حاجة هايلة ابداي وانا اول المشجعين ليك الميدسين طويلة والقراية متخلاصش لذلك حاولو استغلو كل فرصة تجيكم كيما نتي باغية ديري مشروع تعاوني روحك حاجة هايلة ممكن تتضغطي احيانا مش دايما مي تفوت
وبالطبع نشارك معاهم وندعمو بعض ربي يوفقك ان شاء الله ويباركلك في مشروعك ووقتك 🤍

🔴🔴عاجل 🔴🔴:

📂جبنالكم مجلد طبي

اخترنا قنوات بعناية كبيرة به محتوى طبي قوي:
ملخصات، دورات، وفيديوهات جراحية من داخل غرف العمليات ..
معلومات صادمة وقيّمة ترفع مستواك المعرفي في الطب ..
موجّه للي حاب يكون طبيب متميز في وسطه، ماشي طبيب عادي

---

📂 Medical Folder

Carefully selected channels
High-level medical content: summaries, courses, and real surgical footage from operating rooms
Powerful and rare information to upgrade your medical knowledge
For those aiming to become outstanding doctors, not average ones.

🔥Join us :

https://t.me/addlist/aGYY_1U0Eu0yOGY0