نحكيو شوية 🙄؟

النصيحة الي نقدر نقدمهالك انك حاولي تبداي تروكوشي القديم وفي نفس الوقت حاولي تافونسي في ليموديل مثلا كل يوم صباح اقري ليكور 2 ولا 3 ولا قد مقدرتي جدد والعشية ولا في ليل روكوشي شوي من القديم وحلي كيسيام وباذن الله تطلعي 🤍
ربي يوفقك ان شاء الله ☺️✨

اناتو منيش نشوف فيها 😐
معليش مزال الحال تقدري تلحقي باذن الله دونك ضرك حاولي تبظاي في الاناتو وروكوشي شوي من ليكور تاع ايستو وفيزيو مثلا كل يوم 2 كورات اناتو وروكوش 2 كور يكفي الوقت وتلحقي باذن الله مفاتك والو
ديري الشيئ الي عليك وخلي النتيجة بيد الله ميخيبكش صدقيني ما عليك الا التوكل وهو يسرلك

اصعب ❌
اسمط ✅
البروميار اسمط عام وكان يدو بنصيحة نتاعي ينحوه من بروغرام كامل تاع ميدسين 🙂

We have the same problem🙂
انا اصلا منحبش نقرا في ليل اصلا مي كي نتحتم نقرا في ليل ننعس حتى واذا شربت قهوة وتاي لكن لا شيئ ينفع 🥲

التفكير في انك مش حتلحقي هو الي يخليك متبدايش لذلك نصيحة متخميش بزاف في النتائج وازدمي مهما كانت صعيبة مضطرة انك تواجهيها وراه مزال وقت بزاااف دونك تقدري تعوضي وطلعي عام تاعك بلا راطرباج فمتضيعيهاش ديري بروغرام يساعد وقتك ابداي في ليموديل تاعك وروكوشي وحلي كيسيام وباذان الله تلحقي مكان لاه تخافي 🤍

هي تكفي انك تطلعي فوق 10 عادي اما حكاية النقطة حسب قفازتك انا نعرف جماعة قراو في سمانة وسمانة ونص وداو 14 و15 لذلك هذا راجع ليك فاذا درتي في قلبك وقريتي صح وزيرتي روحك مش غير تدي 12 تفوتيها وتظي اكثر باذن الله

باذن الله ايه عادي نصيحتي ليك اهتمي شوية بالاناتو حاولي تافونصي فيها وفيزيو وايستو اقراي شزي من وشوي من باه تقيسيهم لزوج وتقدري تلمي اكبر عدد ممكن من النقاط وكثري كيسيام خاصة تاع ليكور الي مقريتيهمش وان شتء الله فيها خير

مليح هايل كي تقولولي افونصينا في اناتو تفرحوني لانها هي طويلة والمهمة بالنسبة للايستو ثاني راكي ماشية فيزيو سيي اذا جاوك ليكور تاعك طوال وصامطين لاني على ما اظن بدلوهم اقراي بتاعنا تاع عام ليفات هايلين قصار وملاح وزيد شارحة بيهم مريم هزي منهم لاباز مبعد اضربي طلة على ليكور تاعك برك وحلي كيسيام باه متضيعيش هكا وقت بزاف

افضل حاجة ديريها في هذا الوقت انك تزربي تكملي واش بقالك في هذي السمانة ومبعد تحكميها غير روكوش وكيسيام حتى يلحق كونطرول

عادي هذيك تبالك برك ضرك ابداي في الروكوش هذي السمانة باه تعرفي ليكور الي هزيتيهم والي عندك نقص فيهم باه تداركيهم السمانة الجاية وحلي كيسيام باه تعرفي علواه يركزو ليبروف
بالنسبة للطريقة افضل كريقة والي انا نستخدمها اني نحكم كور تاعي ونشرح لروحي الكور بالتفصيل هكا نشفا وساعات ندير مخططات مش باه نراجع بيهم مي باه نحفظ بيهم ولا نرسم نخربش مهم حاجة كي نتفكرها نتفكر بيها المعلومة هذيك

ترجع لكل شخص والطريقة نتاعو انا مثلا نحب اني نعاود لكور تاعي كامل باه نضمن اني مفتت والو لكن تبقا مجرد طريقة وكل انسان كفاه تساعدو يهز المعلومات المهم انكم تهزو اكبر عدد ممكن من ليديتاي ☺️

جينيتيك نعم وبشدة لانها ساااااااهلة طول
اما الايمينو تتعبي فيها شوي اما قرايتها حلوة هي مكانش حاجة مستحيلة ولا بعيدة الي يقرا يدي فاذا شفتي انك قريتي وتعبتي الجهد تاع 18 و19 صدقيني ربي ميخيبكش وتدي واش باغية واكثر

ايه تقدري تعوضي بيهم مش كيعاد معاملهم 2 تهملوهم ولا تقولو ميساعدوش لا راهم يعاونو انا نعرف جماعة كانو حيدخلو راطرباج وليموديل الي منعوهم وطلعو لذلك متخافوش مزال عندكم البديل باه تعوضو

بما انها بقاتلك سمانة برك افضل حاجة ديريها هزي الموديل الي حيجيبولكم عليه بزاف اقرايه والباقي ديري فيهم ملخصات بdeepseek افهميهم بيا وحلي كيسيام وباذن الله تطلعيها + نظن الفيزيو اسهل حاجة لانها فهامة ومفيهاش حفاظة تساعدك

جامعة ندير استراحة محارب ومبعد نكمل نجاوبكم باذن الله 🙂👍🏻

بالنسبة للاسئلة اجماعة مقدرتش نريبوندي عليكم كامل لانو راهم بزااااف لكن معظم الاسئلة كيما هذا خيرت واحد باه نعطيكم اجابة ونتوما قيسو على رواحكم باه ميكونش تكرار برك
شوفو اهم حاجة ديروها في هذي سمانة انكم تحاولو تلحقو بليكور قدر الامكان قد متزيدو تقراو ديكور جدد في الفايدة تاعكم مبعد من نهار الجمعة احكموها غير روكوش وكيسيام بالكريقة الي تساعدكم انا مثلا نحب نخدم بالموديل نروكوشي اناتو كامل وبعد نفوت للايستو وهكا وكاين الي يحب يخلط عادي المهم انكم تروكوشيو بزاف باه تهزو الكور وحلو ليكسيام ونهار الجمعة قبل كونكرول هزو ليكور الي ناقصين فيهم زيدو روكوشيوهم وركزو على واش يجي في كيسيام وفي ليل اضربو طلة على كونطرول عام ليفات وباذن الله تكونو واجدين ربي يوفثكم ان شاء الله🤍✨

بالنسبة للسطاج كل بلاصة وكيفاه مثلا انا وين سطاجيت معندناش بروغرام نروح وقت منحب ونخرج كيما نحب يعني مش مربوطين بوقت ثاني حاجة انو سطاج مفيهش نقطة المهم انك تفاليديه ويكاشيولك الورقة هذيك الي مباعد تدفعيها للادارة باه تقدري تسجلي في طروازيام

مريقلة كي نعود راح نسطاجي نقلكم تروحو معايا 🙂👍🏻

ايه من بريكة زدت فيها ونسكن ثما 🙂