⚕️🩸Medical Channels Folder:

🩸يضم هذا المجلد مجموعة من القنوات الطبية المختارة التي تهتم بنشر المعرفة العلمية، الحالات السريرية، وأحدث المعلومات في مجالات الطب والجراحة والعلوم الصحية.

🩸This folder contains a selection of medical channels sharing scientific knowledge, clinical cases, and updates in medicine, surgery, and health sciences.

https://t.me/addlist/aGYY_1U0Eu0yOGY0

الي عندو سؤال ولا حاب يقولي حاجة يقولي هنا ⬆️⬆️⬆️

ان شاء الله ربي يوفقك ويوفقكم كامل راها ساهلة ومزال الحال ابداو من ضرك صدقوني تلحقو وتماجوريو فيها باذن الله ربي يوفقكم ان شاء الله ويسهللكم 🤍✨

انا معنديش للاسف 😔
الي عندو الرابط يرسلي واجركم على الله ❤✨

هو او ساهل وفي نفس وقت ميجيبوش عليه بزاف هو تقريبا عبارة عن كور جينيراليتي كي شغل شوي من كلش الحوايج انواع تاع ليفيبر وكذا الي يجيبو عليهم وتحفظوهم هوما
Classification des fibres nerveuses
هذي الي يجيبو عليها احفظوهم واحفظو الارقام الي فيها

راح نحكي على تجربتي الشخصية بعيدا عن اراء الناس انا نشوف انو عدد الطلبة معندو حتى علاقة بانكم تهزو من سطاج ولا لالا الي حاب يتعلم عادي تقدرو تكزامينيو ليمالاد عادي كاش متفهموش تسقسيو ليريزيدو ليتيدي وسيميلاسيو ثاني تفهمو كامل وتسييو كامل يعني عدد الطلبة مهوش عائق في السطاج

هو من الافضل انكم تقراو اناتو وايستو قبل فيزيو باه تجيكم ساهلة وخاصة الايستو لكن يعني اذا مقريتوهمش وبديتو بالفيزيو مش راح تواجهو صعوبة يعني نورمال

بالطبع يكفيك الوقت تدي فوق 15 مزال الحال روكوشي بزاف خاصة اناطو فيها ليديتاي وكيسيام تاني باه تعرفو علواه يركزو ليبروف وباذن الله تديو نقطة مليحة

هي طويلة صح وتعيي مي مهمة دونك سييو كي تقراوها دايما حطو قدامكم مجسم 3D باه تسهللكم القراية وفي نفس وقت تساعدكم تشفاو ثاني كان حاجة كنت نديرها ساعدتني بزاااااااف في دراسة تاع اناطو الي هي الرسم كنت نرسم بزاف باه نفهم وساعدتني هكا باه تحفزو الذاكرة البصرية تاعكم وكي تخدمو نتوما حاجة تشفاو عليها افضل من انكم تشوفوها

منقدرش نعطيك حل جذري يعني لانو راجعة لكل واحد وكريقة دراسة تاعو قادر تكونو تتعمقو في الكور بزاف وتحوسو على تفاصيل ياسر علبيها يشدلكم وقت بزاف فكحل سييو كي تبداو تقراو ديرو but لازم توصلولو باه تحبسو قراية مثلا اليوم لازم نقرا 2 كورات متنوضوش حتى تكملوهم هكا مع الوقت راه تعودو تكملو كورات اكثر في وقت اقل

العفو هذا واجبي واقل شيئ نقدر نفيدكم بيه ان شاء الله تكونو تستفادو من هذه الصفحة والمعلومات الي نقدمها ولو بنسبة 0.01٪
مشكور او مشكورة صاحبة الرسالة هذه بارك الله فيك ولك بالمثل ان شاء الله اضعاف مضاعفة 🤍✨

يكفيك الحال عادي حنا العام لي فات عطاونا فيها 5 سمانات برك 4 قراية وسومان بلوكي والسمانة لولة راكم عارفين دايما post controle ايا تقريبا كانو عندنا فيها غير 4 سمانات والحمدلله تقريبا اغلب برومو طلعنا وكاينو كاين نقاط ممتازة عادي جدا يعني مزال مفاتش الحال حتى اذا مزال مبديتوش طوووول مفاتكم والو مزال عندكم الوقت تقدرو تبداو تقراو وتلحقو وطلعو باذن الله

هذا ميساج لقيت منو بزااااااااف شوفو انا كي ديت الباك تاعي كنت حاب تخصص طبي مي مكنتش محدد بين ميدسين ودونتيست ولكن كنت حاب دونتيست اكثر لانو ميقراوش بزاف وكذا مي انا صراحة كنت باغي ميدسين مي كي عادت طريق طويلة كيما يقولو محبيتش نديرها صليت استخارة ودرت ميدسين والحمدلله رغم كل الضغط الي نفوتو عليه مي مندمتش عليها بالنسبة ليا تبقى مهنة نبيلة قبل كل شيئ بالنسبة الي داروها ومش حابينها نحكيلكم حكاية حكاهالي طبيب كنت نسطاجي عندو في الصيف قالي انا كي ديت باك تاعي مكنتش باغي طوووول ميدسين مي دارنا دايما يانسيستيو عليه باه يديرها ويسييو يقنعوه ايا دارها وهو مش باغيها وبقا مش حابها حتى وهو يقرا فيها حتان كطريام كي بدا سيكل كلينيك وبدا يشوف المرضى والامراض تاعهم والي يتحسنو ويبراو حبها وعجباتو وضرك في السبيطار وين كنت نسطاجي مكانش واحد ميهدرش عليه من افضل الاطباء ربي يبارك والمرضى كامل يبغوه ويحترموه يعني ماشاء الله مي جامي شفت مرضى يحبو طبيب كيما هو سعني هذه الاشياء تبان بسيطة مي ممكن تغيرلك وجهة النظر تاعك 180 درجة